བོད་ཡིག

e-texts produced with BDRC’s OCR application

pab yis// rdo rje'i steng nas rtsa skyes lhor// slob dpon bdag gis byin gyis rlabs// rtog ge bdag gis byas pa'o// sbyin sreg gi cho ga slob dpon mtsho skye rdo mdzad pa rdzogs so// / rgya gar skad du/ sa ma ya pany+tsa/ bod skad du/ dam tshig lnga pa/ dpal rdo rje sems dpa' la phyag 'tsha lo// dpal ldan rdo rje sems dpa' thugs brtse ba la phyag 'tshal nas// yang dag bde ba ma lus dngos grub rab ster mdzad pa yi// dpal ldan gsang ba'i rgyud sogs las gsungs shin tu sbas pa nyid mdor bsdus mdzes pa'i tshogs kyi 'khor lo'i cho ga bshad par bya// sngags pas nub mo khyad par can dus nyi ma re re yi ni ji snyed par// zla ba re re yi ni ji snyed par// zla ba re re'ang ni 'khor lo las 'das nyams par 'gyur ba yin// nye bar 'tshe ba med pa'i dur khrod dgon pa'i rdzing bu'i 'gram 'am skyed mos tshal// mtsho ngogs chu klung ri sul rang gi khyim sogs 'bras bu ster ba'i 'khor lo bya// yang dag brgyud pa thob 'gyur ba// dpal ldan chog shes snying rje ldan// 'jig rten chos la mi chags shing // sred dang rgyud sogs rnam par spangs// snyan par smra zhing 'dzum pa'i bzhin// bzod can brtan dang brtson 'grus ldan// tshogs kyi 'khor lo'i gtso bo ru// dpal ldan rdo rje sems dpas gsungs// 'khor lo yang dag de nyid kyis// slong ma sreg sogs rnam par spangs// dbang bskur thob cing blo ldan bzod// brtson dang dran pa la sogs ldan// dam tshig spyad bya spyod pa rnams// rgan pa'i rim pa bzhin du 'dod// dbang ma thob pas mi rigs par// sgrub pos 'khor lo de bya'o// me tog bdug pa byug pa mar me ldan// sna tshogs ston mo btung bas rnam brgyan cing // mal stan dang ni yon tan bcas pa yis// 'phags pa'i skye bo mang po 'am ni tshogs pa la'o// de nas tshogs kyi gtso bo'i gdan// ro 'o ma stag lpags ro shun la bya'o/ rgyan ni 'dam pag gis dang bya ba'o// phyi rol med pa'i phyag rgyas 'khyud// rang gi slob ma yongasu bskor// des kyang rang rig ma la 'khyud// mi nus bsam gtan dag gis bya// slob ma chog shes shing dran// brtson 'grus bzod dang ldan pa dang // bu ma la gus blo mthun pa// las kyi rdo rje rab tu bya// dbang bskur yang ni gdug can dang // thob dang rgyun can dag dang ni// dbang ma thob par 'khor lo gang // ring po nas kyang bstan mi bya// bla mas bde chen bsgom byas nas// 'byung po kun la gtor ma sbyin// stobs la sogs pa sbyang byas la// me tog gis ni rang lus mchod// snod ni re re kun la sbyin// bla ma la ni snod gnyis dbul// de bzhin nas mtshan bza' btung la sogs gnyis 'gyur ro// de nas rang zhal thab khung du// rnam rig sA la'i mchod yon bya// lag pa dag ni dgang gzar blugs gzar gyis// yid kyi me la stobs sogs bsreg/ nang gi bdag nyid sbyin sreg gis// rang 'dod lha ni tshim par bya// glu sogs kyis ni mnyes bya zhing // yang dang yang du brda tshig smra// bdud rtsi lnga dang sgron ma lnga// rigs ma rigs bzang brgyad la ni// cho ga bzhin du brten shes bya// ko la la sogs ci shes dang // he ru ka yi gzugs kyi gar// dran pa rjes med rnal 'byor bya// sgom la chags pa'i sems kyis ni// rtag tu sems kyis goms par bya// rdo rje chos dang sangs rgyas kyis// rnal 'byor ma dang ma tshogs kyang // glu dang gar la goms bya zhing // mchog tu glu dang gar bya'o// 'di nyid tshogs kyi srung ba ste// bdog nyid kyang ni de bzhin bsrung // 'di yis 'jog rten dbang du byed// sngags kyi bzlas pa de nyid yin// rgyun tu glu ni len pa dang // gang du rtag tu gar byed pa// tshogs kyi gtso bo mdun byas nas// de nas dri ni mtshon par bya// sgog pa'i dri ni dang po ste// de nas bya rgod dri yang ngo // de nas ga pur tsan dan dri// glu yi dbyangs su mtshon bya ba// sgra ni ngang ba bung ba'i sgra// sgra yis mtha' ru thos pa dang // lce stong dag gi sgra dbyangs ni// phyi rol skyed mos tshal du mtshon// gang yang dag ni mi snyed pa 'am// snod ma yin pas 'jigs pa spangs// bdud rtsi lnga dang sha lnga sogs// @ gtan gyis yongasu brtag/ 'khor lo'i gtso bos byin brlabs pa// snod skyon rjesu gzung bya'i phyir// bdud dang bcas pas snod de ni// ha cang myur min bul ba min// bgegs sogs brnyas pa spang ba'i phyir// pad+ma'i phyag rgyas blang bar bya// hub sgra med cing ma g.yengs pas// cung zad 'thungs nas legs bkang ste// phyag 'tshal ba yi khyad par gyis// gong gi phyag rgyas dbul bar bya// sgrub pa po yis yang dang yang // de dag kun la phyag bya'o// snod ni sa la bzhag pa 'am// gzhan la byin par gyur pa na lag na sa bon chad pas bcad// rang gi thams cad mi btungo // bza' dang btung ba gang gis ni// shin tu rtogs kyang blang mi bya// rtsod pa la sogs gang byed pa// de nas de ni gdon par bya// yang na gdon par mi nus na// de'i tshe sdig pa la btags pas/ rang nyid gzhan du 'gro ba 'am// mi smra ba la brten par bya// las kyi rdo rje btung sogs la// rang gis blangs kyang nyes pa med// spyod lam shugs kyi phyir 'gro na// de ni dgag par mi bya'o// mngon pa'i nga rgyal zhe sdang gis// gzhan smod dam pa ma yin pa'i// tshig gis smad kyang rtsod pa'i gtam// mi dga' ba yang spang bar bya// bkag pa yang ni spyod gyur na// rtsa ba'i ltung dang sbom po ni// myur du gso ba'i cho ga bya// de ni ldang ba'i cho ga grags// rdo rje slob dpon tshim gyur pas// bar gtor ma'i sbyin par bya// glu dang gar la sogs rgyun ni// de yi bka' yis gnang bar bya// tshogs kyis 'dus pa la bya ba// lag pa rkang sogs bag ldan bya// shin tu bag med rgyu yi phyir// btung ba mang po spyad mi bya// mang dag gis ni g.yengs par 'gyur// g.yengs pa rnal 'byor 'khrugs 'gyur zhing // rnal 'byor nyams pas dngos grub med// bdud kyi las ni bzlog par dka'// gang yang sems ni bsrung nus pas// rang ngam gzhan yang mchod par bya// gzugs sogs sna tshogs dag pa yis// de yis 'di ni dngos grub 'gyur// skad cig tsam yang gzhan gzugs kyis// ma rig gdug can gyi ni sems// grub 'dod dngos grub don gnyer ba'i// 'bad pas mkhas pas gnas mi bya// ji snyed lus kyi g.yo 'gul dang / ngag gi brjod pa ji snyed pa// de snyed sngags dang phyag rgya ste// he ru ka dpal go 'phangs gnas// gang gis dug gis dum bu yis// skye bo rnams ni 'chi 'gyur ba// dug gi de nyid shes pa yis// dug gi dug ni 'jom par byed// kha cig brel ba gzhan yod pas// yun ring 'dug par mi nus na// de is phyag 'tshal mkhyen gsol te/ bzod gsol nas ni 'gro bar bya// 'di dang gzhan gyis rgyud gsungs pa'i// bya ba rnams ni brdal la bya// gang phyir myur du byas pa yis// rnal 'byor pa yi dga' nyams byed// de ltar cho gas 'khor lo cher// rang gi slob ma dbang bskur phyir// sgom pa la sogs stobs nyid kyis// tshe 'di nyid la dngos grub 'gyur// sgom pa la sogs de bzhin 'dir// yang ni bka' gsal byed pas kyang // gal te/ ltung ba med 'gyur na// skye ba bcu drug dag la 'grub// bla mas tha ma'i gtor ma sbyin// de bzhin phyi rol lhag gtor ma// sgrub pa po yi phyag 'tshal zhing // smon lam dag ni ji ltar gdab// ma lus rtog pa las 'das srid dang zhi ba mnyam mthong rtag tu mi 'gyur ba// dpe med bde bar ro yis dgyes pa'i rnal 'byor rnal 'byor ma yi mchog la phyag 'tshalo// rdo rje yan lag ma dang sbyar ba'i rtogs pa'i phung po yongasu bcom gyur pa// bdag gis dge ba 'od yis de yi thabs ni myur ba nyid du ston par byed par shog/ dngos po kun gyis phyag byas nas// dpal ljon tshogs kyi 'khor lo bsdus// ci bde bas ni gnas par bya// 'di ni bla mo'i rim thob pa'i// bdag nyid dran par bya ba'i phyir// cho ga cung zad brjod pa la// mkhas pa rnams ni bzod par mdzod// dngos grub kun gyi rten gyur yon tan sngon 'gro tshogs kyi 'khor lo yi// cho ga gsal por bris pa'i bsod nams bdag gis gang thob des// myur du dpal ldan rdo rje 'chang yul skal bzang la phyags shing // srid pa las grol zhi ba'i phyag rgya chen po thob par shog dam tshig lnga pa zhes bya ba slob dpon pad+ma 'byung gnas zhabs kyis mdzad pa rdzogs so// / dpal rigs pa'i gnas bri ka ma la shi la'i gtsug lag khang du/ khams pa lo ts+tsha ba ba ri d+harmA kIr+t+tis bsgyur cing zhus te gtan la phab pa'o// / rgya gar skad du/ shrI he badz+ra b+hA Da nA ga sto tra nA ma/ bod skad du/ rje btsun dpal kye rdo rje'i b+ha Di nA ga'i bstod pa zhes bya ba/ dpal kye rdo rje la phyag 'tshal// thams cad dngos po'i rang bzhin