བོད་ཡིག

e-texts produced with BDRC’s OCR application

rgya gAr skad du/ Ar+ya b+ha dra tsar+ya pra Ni d+ha nA TI ka/ bod skad du/ 'phags pa bzang po spyod pa'i smon lam gyi 'grel pa/ 'phags pa kun tu bzang po la phyag 'tshal lo// 'phags ma sgrol ma la phyag 'tshal lo// kun tu bzang po spyod pa'i smon lam chen po yang dag pa'i bsdus pa'i don bcu ni 'di lta ste/ de bzhi na gshegs pa la phyag 'tshal ba dang / de la mchod pa dang / sdig pa bshags pa dang / bsod nams kyi rjes su yi rang ba dang / chos kyi 'khor lo bskor bar gsol ba gdab pa dang / yongs su mya nga nI laMs mi 'da' bar bzhugs su gsol ba dang / dge bya'i rtsa ba yongs su bsngo ba dang / de'i rab tu dbye ba dang / de'i mthar thug pa dang / de'i phan yon zhes pa'o// de la dang por bye brag tu ma phye bar spyir phyogs thams cad kyi zhing na/ dus gsum du bzhugs pa'i sangs rgyas bcom ldan 'das dge la/ lus dang ngag dang yod dag gis mngon par phyag 'tshal ba'i dbang du byas te gsungs pa/ ji snyed ces pa la sogs pa la/ ji snyed ces pa ni ji snyed pa ste/ grangs ji snyed pa'o// des kyang tshad yongasu bcad par 'gyur bas/ de'i phyir spyi'i sgra dpag tu med pa'i snang rgyas bcom ldan 'das ngag bstan par gsungs pa ni/ su dag ces pa ste/ grangs bgrang du med pa zhes bya ba'i don to// phyogs bcu zhes pa ni phyogs bcu na'o// 'jig rten zhes pa ni 'gro ba'o// dus gsum gshegs pa kun zhes pa ni/ dus gsum dus son pa ste/ 'jig rten gsum dus zhes pa'i bar du'o// mi yi seng ge zhes pa la/ gang gi phyir seng ge zhes bya bas thams cad skrag cing rang ni gang la yang 'jigs pa med pa'o// sangs rgyas bcom ldan 'das kyang lha dang bcas pa'i 'jig rten la de dang 'dra ba yin pas/ de'i phyir seng ge dang 'dra bas na seng gre ste/ mI'i skye ba yang dag par bstan pa'o// mi yang de seng ge yang de yin pas ni mi'i seng ge ste/ sangs rgyas bcom ldan 'das so// de la bdag gi phyag 'tshal ba ni btud pa'o// thams cad ces pa ni smra ba'i bsam pa'i dbang gis phyogs gcig la yang thams cad kyi sgra mthong bas ma lus pa yongasu bzung ba'i don du ma lus zhes gsungs so// lus dang ngag yid dang bas zhes pa ni mchog tu dad pa bskyed pas so// rab tu dang ba'i sems kyis bslang phyir lus dang ngag rab tu dang ba'o// da ni so sor rnam par phye/ nas lus la sogs pa'i phyag 'tshal ba gsungs pa la dang por re zhig lus kyi phyag 'tshal ba ni/ bzang por spyod pa'i smon lam stobs kyis ni/ zhes bya ba la sogs pa la bzang po ni dge ba'o// bzang po yang de spyod pa yang de ste/ byang chub sems dpa'i spyod pa zhes bya ba'i don to// de'i don du smon lam ni smon pa dang don du gnyer ba'o// de'i stobs ni bdud la sogs pas zil gyis mi non cing mi mthun pa'i phyogs las kyang rgyal ba ste/ de'i phyir de'i stobs zhes pa'o// 'di lta bur gyur pa'i rnam pa la gzhan pas ni bya ba 'grub par mi 'gyur ro// sangs rgyas cig la sems kyi dmigs pa'i phyir/ ji ltar sangs rgyas kyi zhing la rdul dang mnyam pa'i lus kho na yod kyis stong pas gzhan phyag tu ji ltar 'gyur zhe na gsungs pa/ rgyal ba thams cad yid kyi mngon sum zhes te/ de bzhin gshegs pa thams cad re re yang sems kyi mngon sum du zhes pa'i don to// zhing gi rdul snyed ces bya ba la sogs pa sangs rgyas kyi zhing gi rdul dang mnyam pa'i lus kyis phyag 'tshal ba'o// snyed ces pa'i sgras ni mtshungs pa'i rnam grangs te/ bye brag med par phyogs bcu dus gsum na bzhugs pa'i sangs rgyas kyi zhing rdul dang mnyam pa'i de'i grangs kyis lus kyis lus phyag 'tshal ba'o// rgyal ba kun la rab tu phyag 'tshal lo zhes pa la/ rgyal ba ni nyon mongs pa'i dgra 'am/ bdud las rgyal ba ste sangs rgyas bcom ldan 'das la de skad du brjod do// ji skad gsungs pa/ sdig pa mi dge'i chos las nga rgyal bas// de bas nyer 'gro ba ni rgyal ba yin// zhes bya ba la sogs pa ste/ rgyal ba de dag thams cad dus gsum du bzhugs pa la phyag bgyi ba'o// de bzhin du yid kyi phyag ni/ rdul gcig ces bya ba la sogs pa la/ rdul gcig gi steng du ni rdul gcig gi rtse mo'o// rdul snyeng sangs rgyas zhes pa ni bye brag tu ma byas pa'i phyir 'dir yang phyogs bcu dus gsum na bzhugs pa ma lus pa'i sangs rgyas kyi zhing gi rdul dang mnyam pa'i bde bar gshegs pa'o// sangs rgyas sras kyi dbus zhes pa ni re re yang dpag tu med pa'i byang chub sems dpa'i tshogs kyi dbus na bzhugs pa ste/ mos zhes pa 'chad do// ji ltar rdul gcig gi rtse mo la ji lta ba de ltar/ rigs pa 'di nyid kyis ma lus pa thams cad kyang lta ba'o// chos kyi dbyings zhes pa la/ chos thams cad dag gi rang bzhin ni chos nyid de/ de nyid kyang dbyings te/ chos kyi dbyings zhes pa'o// de lta bu'i rnam pa kho nas na mkha'i mthar thug pa'i chos kyi dbyings su re re yang dpag tu med pa'i byang chub pa'i byang chub sems dpa'i tshogs kyis yongs su bskor ba'i sangs rgyas bcom ldan 'das rdul gyi steng du gnas pa dag yongs su rdzogs pa rgyun ma chad par khyab par yid kyis mos par bya'o// lus dang ngag gi las ni yid kyis mos par bya'o// lus dang ngag gi las ni yid kyis kun nas bslang ba'i phyir bar du yid kyi las bstan to// da ni ngag gi phyag bstan pa ni/ de dag bsngags pa mi zad ces bya ba la/ de dag ces pa ni de dag gi de bzhin du mos pa ste/ nyams pa dang mthar thug med pa dang / zad pa med pa de ni bsngags pa mi zad rgya mtsho ste/ yon tan rgya mtsho'o// gang de dag gi bsngags pa mi zad rgya mtsho'o// 'dir bsngags pa'i sgra ni yon tan gyi rnam grangs yin la rgya mtsho'i sgra ni mang po'i tshogs su blta bar bya ste/ de dag gi zad pa med pa'i yon tan rgya mtsho'o// dbyangs kyi yan lag rgya mtsho'i sgra kun gyi zhes pa dang yan lag gi sgra ni 'dir yon tan gyi rnam grangs so// gang zhe na/ gang gi phyir yan lag lnga dang ldan pa'i bcom ldan 'das kyi gsungs zhes nyan thos kyi theg pa las gsungs so// theg pa chen po las ni yan lag drug cu dang ldan pa dang / stong phrag brgya dang ldan pa dang / dpag tu med pa'i yon tan dang ldan par brjod do// de la yang yan lag lnga dang ldan pa zhes bya ba la sogs pa go bar bya'o// thams cad ni dbyangs kyi yon tan rgya mtsho dang ldan pa'i sgra ste/ gang dbyangs de'o// rgyal ba kun gyi zhes bya ba la sogs pa la/ rgyal ba kun gyi yon tan ni gang byang chub tu sems bskyed pa nas bzung ste/ dpag tu med pa'i thun mong ma yin pa lus dang ngag dang yid kyis rang bzhin no// de brjod pa ni mngon par rdzogs pa ste/ rab tu bsgrags pa'o// bde bar gshegs pa re re'i mdun du/ gnas nas bdag gis thams cad bstod pa'o// yang na bsngags pa mi zad rgya mtsho zhes pa ni gzhi mthun pA ste/ 'di ni yon tan gyi khyad par ro// bde bar gshegs pa bdag gis bsngags pa mi zad pa'i yon tan rgya mtsho brjod do zhes bya ba'i don to// da ni sangs rgyas bcom ldan 'das de dag nyid kyi bla dang bcad pa dang / bla na med pa'i mchod pa rnam pa gnyis gsungs pa la/ bla dang bcas pa'i tshigs su bcad pa gnyis ni/ me tog dam pa zhes bya ba la sogs pa gang mchog tu gyur pa dag pa ni me tog dam pa dang / phyeng ba dam pa dang / rol mo dam pa'o// byug pa dam pa ni tsan dan dang gur gum la sogs pa'o// gdugs kyi mchog dang / mar me'i mchog dang / spros kyi mchog dang / gos kyi mchog go// bdug pa'i mchog ni dri zhim pa sna tshogs sbyar bar gyur pa'o// phye ma'i phur ma ni sna tshogs pa'i tsan dan dang gur gum dang ga bur dang a ka ru'i rang bzhin ri rab dang mnyam pa'o// bkod pa'i khyad par 'phags pa mchog dag gis zhes pa ni bkod pa'i mchog go/ bkod pa'i sgra ni 'dir yang mang po'i rnam grangs te/ lha dang mi'i rnam pa thams cad kyi mchog dang ldan pa nyid kyis rgyal ba de dag nyid la mchod par bgyi/ zhes pa'o// bla na med pa'i mchod pa gsungs pa/ mchod pa gang rnams bla med rgya che ba zhes bya ba la sogs pa la/ gang dag bla na med pa rgya che ba'i mchod pa byang chub sems dpa'i ting nge 'dzin gyi khyad par gyi mthu las skyes pa sangs rgyas kyi zhing thams cad du spro ba/ chos kyi dbyings kyi mchog tu gyur par bdag gis sems kyis lhag par mos pas rgyal ba de dag nyid la mchod pa bgyi zhes pa'o// bzang po spyod la dang pa'i stobs kyis ni zhes pa la/ bzang po spyod pa la mos pa dang / lhag par mos pa dang / mngon par yid ches pa dang / nges pa'i stobs kyis so// de la bzang po spyod pa ni mdo sde du ma dag las byang chub sems dpas 'di lta bu'i mchod pa byas so zhes thos so// da ni ji skad du bshad pa'i phyag 'tshal ba dang / mchod pa'i nye bar bsdu ba gsungs pa/ rgyal ba kun la phyag 'tshal mchod par bgyi/ zhes pa ni rgyal ba thams cad la phyag dang mchod pa bya ba'o// rgyu mtshon gang gis kyang gang gi sgo nas dang / rang bzhin te/ rnam pa gsum gyis sdig pa bshegs pa gsungs pa/ 'dod chags zhes pa la sogs pa la/ de la rgyu mtshon gang gis she na/ 'dod chags dang zhe sdang dang gti mug gi rgyu mtshan gyis so// gang gi sgo nas she na/ lus dang ngag dang yid kyi sgo nas so// rang bzhin ni gang yang skye ba 'di 'am/ skye ba gzhan du sdig pa bdag gis byas pa'am/ byed du bcug pa dang / rjes su yi rang ba ste/ de thams ca nga rgyal ba rnams sras dang bcas pa'i mdun du gnas nas skrag pa'i sems kyis skad cig skad cig lo bshags par bgyi ste slar yang mi bgyid do zhes po'o// da ni bsod nams kyi rjes su yi rang ba gsungs pa/ phyogs bcu rgyal ba rnams dang zhes bya ba la sogs pa la/ gang sangs rgyas bcom ldan 'das dus gsum na bzhugs pa brdar gyur pa'i byang chub tu sems bskyed pa nas bzung ste/ sa dang pha rol tu phyin pa la sogs pa'i nges par 'byung ba re re'i dus gsum gyi 'jig rten dang 'jig rten las 'das pa'i bsod nams kyi tshogs dpag tu med pa dang // bsam gyis mi khyab pa'i sangs rgyas kyi ye shes kyi spyod yul du gyur pa dang / gang yang dang po byang chub tu sems bskyed pa nas bzung ba'i byang chub sems dpa' thams cad kyi dang / gang yang rang rgyal ba rnam pa gnyis po bste ru ltar gcig po spyod pa dang / tshogs shing spyod pa dag gi yang dus gsum gyis 'jig rten dang 'jig rten las 'das pa'i bsod nams dang / gang yang slob pa'i gang zag bdun po dag dang / gang yang mi slob pa dgra bcom pa dang / gang yang phyogs bcu'i 'gro ba thams cad kyi sbyin pa dang / tshul khrims dang / bsgoms pa'i rang bzhin gyi dus gsum gyi bsod nams te/ de dag thams cad la skad cig tig bdag gis rjes su yi rang bar bgyi'o// 'gro ba'i sgra ni ma lus pa'i tshig yin pa'i phyir slob pa la sogs pa'i bsod nams kyang 'di'i nang du 'dus par 'grub na/ ci'i phyir so sor bstan ce na/ de ni ma yin te/ 'gro zhes bya ba ni 'gro ba ste/ shin tu sred pa dang bcas pas 'khor bar 'gro ba zhes bya ba'i don te/ de la kha cig ni shin tu 'gro ba med pa dang / gcig ni 'gro ba med pa nyid pas 'gro ba'i sgras brjod par mi bya'o zhes pas dbye ba bstan to// da ni chos kyi 'khor lo bskor bar gsol ba gdab pa gsungs pa/ gang yang phyogs bcu zhes bya ba la sogs pa la/ gang yang phyogs bcu'i 'jig rten gyi sgron ma ni 'gro ba'i sgron ma ste/ 'jig rten gyi phyi dang nang gi bdag nyid can gyi mun pa'i tshogs sel ba'i phyir sangs rgyas bcom ldan 'das ni 'jig rten gyi sgron ma'o// byang chub brnyes zhes bya ba ni bla na med pa yang dag par rdzogs pa'i byang chub mngon sum du yang dag par rtogs pa'o// ma chags brnyes zhes pa chags pa med pa'i mngon par byang chub pa'i stobs kyis/ dngos po ma lus pa'i don thams cad kyi rang bzhin yongs su shes pas chags pa thams cad yang dag par bsal nas zab mo'i chos kyang rtogs pa ste/ gzhan don du gnyer ba la sogs pa dang ldan pa dag gis ni dka' ba rtogs par 'gyur ro zhes pa'o// gang yang chos 'chad par mi bzhed par 'jig rten gyi khams gsum na/ byang chub kyi shing mchog gi drung na bzhugs pa de dag thams cad la/ bdag gis 'jig rten gyi mgon po gcig pu 'gro ba mi shes pa'i mun ga gis g.yogs pa la/ bla na med pa'i ye shes kyi snang ba mdzad pa'i ban med pa'i chos kyi 'khor lo bskor bar pus mo sa la btsugs nas thal mo sbyar ba byas te mdun du gnas nas/ so sor 'di lta bur gsol ba gdab par bya'o// zhes pa'o// mya ngan las mi 'da' bar bzhugs par gsol ba gdab pa ni/ mya ngan 'das ston gang bzhed ces bya ba la sogs pa la gang ya zhes par bye brag tu ma byas pa ni/ 'phral du bstan pa yin pa'i phyir/ phyogs bcu'i 'jig rten sgron ma zhes pa nyid dang 'brel to// gang yang phyogs bcu'i 'jig rten gyi sangs rgyas bcom ldan 'das mya ngan las 'da' bas yongs su mya ngan las 'da' bar ston par bzhed pa de dag thams cad la bdag gis thal mo rab tu sbyar bar gyur pas yun ring por bzhugs par gsol ba 'debs so// dus ji tsam du zhe na/ dus gsum po thams cad kyi rdul dang mnyam pa'i bskul par bzhugs par ro// ci'i don du zhe na/ mgon thams cad med par gyur pa'i 'gro ba lnga phan pa dang byede ba'i don du'o// de la phan pa ni shin tu phul du byung ba'i bde ba mya ngan las 'das pa'i lam thob pa'o// bde ba ni mngon par mtho ba thob pa'o// da ni ji skad du bshad pa'i brjod bya phyag 'tshal ba la sogs pas bskyed pa'i bsod nams kyi phung po yongs su bsngo ba ni/ phyag 'tshal ba dang mya chod cing zhes bya ba la sogs pa la/ phyag 'tshal ba dang / mchod pa dang / sdig pa bshags pa dang / bsod nams kyi rjes su yi rang ba dang / de bzhin gshegs pa la bskul ba dang / de bzhin gshegs pa la gsol ba btab pa'i dge ba gang bdag gis bsags shing bskyed pa de thams cad bla na med pa yang dag par rdzogs pa'i byang chub tu bsngo bar bgyi'o zhes pa'o// da ni brgyad pa ste/ de'i rab tu dbye ba yin pa la/ de ni kun tu bzang po'i smon lam gyi cha shas dang bcas pa'i dbye ba ste/ de yang rnam pa bcu drug go// 'di lta ste/ bsam pa dang / byang chub kyi sems mi brjed pa dang / ma gos par rab tu sbyor ba dang / sems can la phan pa dang / go tshwa dang / phan pa 'dod pa'i byang chub sems dpa'i grogs po dang / dge ba'i bshes gnyen mnyes par bya ba dang / de bzhin gshegs pa mngon sum du bsgoms pa dang / dam pa'i chos yongs su bzung ba dang / mi zad pa'i mdzod yang dag par dmigs pa dang / 'jug pa dang / stobs dang / gnyen po dang / las dang / rjes su slob par yongs su bsngo ba dang / bsdus pa zhes pa'o// de la rnam pa dang po ni bsam pa ste/ de yang rnam pa gsum ste/ de bzhin gshegs pa la mchod par bsam pa yongasu skong ba'i bsam pa ni/ 'das pa'i sangs rgyas rnams dang zhes bya ba la sogs pa la/ mchod par 'gyur ba'i bla na med pa'i mchod pa gang 'das pa mya ngan 'das pa'i sangs rgyas bcom ldan 'das dag dang / gang yang da ltar phyogs bcu'i 'jig rten gyi khams sna tshogs pa na/ 'tsho zhing gzhes pas 'gro ba la phan pa'i bde ba mchog gi rgyu ru gnas pa de drug kyang de bzhin du mchod par gyur cig/ glang yang ma 'ongs pa nas 'byung bar 'gyur ba de yang yid la bsams pa'i don yongs su rdzogs pa myur ba myur bar sangs rgyas kyi byang chub thob par gyur cig pa'o// dang po'i phyed kyis ni de bzhin gshegs pa la mchod pa'i bsam pa'o// phyis kyi phyed kyis ni bsam pa yongasu bskang bar bstan to zhes pa'o// sangs rgyas kyi zhing yongs su dag pa'i bsam pa gang gsungs pa ni/ phyogs bcu ga la zhes bya ba la sogs pa la/ ji snyed ces pa ni gang dag ste/ phyogs bcu'i sangs rgyas kyi zhing yod pa de thams cad yongs su drag cing bde ba can dang 'dra bar rgya che ba dang / dpag tu med pa'i 'jog rten gyi khams su rgya che bar so sor gnas par gyur cig pa'o// byang chub shing dbang drung gshegs rgyal ba dang zhes pa ni/ byang chub kyi shing ki dbang po'i drung du bzhugs pa'i sangs rgyas bcom ldan 'das dag byang chub sems dpas kyang yongs su gang bar mnyam rgyun ma chad por khyab par gyur cig pa'o// sems can la bde ba ster ba'i bsam pa yang gang gsungs pa ni// phyogs bcu'i sems can gang rnams ji snyed pa zhes bya ba la sogs pa la/ gang dag ji snyed phyogs bcu'i 'jig rten gyi khams kyi skye gnas bzhis bsdus pa'i 'gro ba drug gi sems can de dag zag pa med pa'i bde ba mchog gi bde bas mngon du byed par gyur cig/ lus dang sems kyis nad kyang med par ro// rtag tu ni rgyun du gyur cig pa'o// de dag kyang chos dang ldan pa'i skyed pa'i yon tan de dang rjes su mthun par rnyed par gyur cig/ chos dang ldan pa'i bsam pa kho nas 'gro ba thams cad rtag tu phun sum tshogs par gyur cig pa'o// / da ni mi mthun pa'i phyogs spang bar nye bar bstan pa'i tshogs su bcad pa bzhis byang chub kyi sems mi brjed pa rnam pa gnyis pa gsungs pa ni/ byang chub spyod pa dag ni zhes bya ba nas brtsams nas lus yongs su byung bar shog ces pa'i byar du'o// byang chub ces pa ni bla na med pa yang dag par rdzogs pa'i byang chub bo// de'i don du spyod pa ni byang chub spyod pa'o// de dag gis spyad pa ni rtogs par gyur nas 'gro ba thams cad du mi brjed par gyur cig pa'o// de ltar tsho rabs kun tu 'chi 'pho skye ba na zhes pa ni/ 'chi ba dang skye ba dag na yang rtag tu bdag rab tu 'byung bar gyur cig/ ces pa'o// skye bo dang 'chi bas dbus kyi gnas brjod par don gyis blta bar bya'o// 'dis ni byang chub kyi sems mi brjod pa'i rgyu dang po'o// rgyal ba kun gyi rjes su slob 'gyur te zhes bya ba la sogs pa la/ rgyal ba dus gsum du bzhugs pa thams cad kyi bslab pa la slob pa ni bzang po spyod po la'o// bzang po spyod pa yongasu rdzogs byed cing zhe sa pa la/ yongs su rdzogs pa ni phun sum tshogs pa'o// ji ltar bya zhe na/ tshul khrims spyod pa dri med yongs dag pa// rtag tu mA nyams skyon med spyod par shog ces pa'o// ji ltar dper na yi bzhin gyi nor bu rin po che glo bur gyi dri mas ma gos pas dri ma med pa'i phyir dri ma med pa ste/ g.ya' dang 'dra ba'i skyon gyis ma gos pa'i phyir rang bzhin gyis yongasu dag pa'o// de nyid kyis na ma nyams skyon med pa ste/ 'dod pa thams cad phun sum tshogs par byed pa/ gdung ba thams cad yongs su zhi bar byed pa/ nad thams cad sel ba dus ma yin par 'chi ba zlog par byed pa gzhan gyi don phun sum tshogs pa kho na la gcig tu 'jug pa'o// de bzhin du 'dir yang byang chub sems dpa'i tshul khrims rin po che dang 'dra ba'i rin po che ste/ glo bur gyi dri ma las dang nyon mongs pa'i dri ma dang bral bar dri ma med pa ste/ nyan thos dang rang sangs rgyas kyi theg pa'i sems bskyed pa g.yal dang 'dra ba'i skyon dang bral ba'i phyir ro// med na myi 'byung ba nyid kyi phyir yang thams cad mkhyen pa sems bskyed pa rin po che'i rang bzhin yin pa'i phyir ro// yongs su ni kun nas so// dag pa ni yongs su dag po ste/ byang chub sems dpa'i bslab pa thams cad la brtson par byed pas na/ ltung bas ma gos pa'i bslab pa ni nyams pa med pas na ma nyams pa'o// 'das pa'i yul nyams su myong ba las ltos pa'i sred pa skyes pa dang yang ma 'ongs pa dang / skye ba 'di la chags pas mngon par dga' ba'i sred pa dang da ltar byung ba la mngon par zhen pa'i sred pa ste/ dus gsum po 'di dag gi sred pa'i khob dag gis cung zad tsam yang ma phug pas na skyon med pa'o// so dang 'dra bar sangs rgyas dang byang chub sems dpa' thams cad kyi yon tan gyi gzhir gyur pa'i phyir 'gro ba thams cad kyi 'dod pa phun sum tshogs par byed pa'o// gdung ba rab tu sel ba dang nad thams cad rab tu zhi ba dang / lha dang mi thams cad kyi tshe dpag tu med par byed pa/ gzhan gyi don phun sum tshogs pa kho na la gcig tu 'jug pa kho na ste/ nges pa'i tshig tu ni lus dang sems kyi gdung ba thams cad sel ba'o// tshul khrims shes pa ni bsil bar byed pas na tshul khrims te/ tshul khyims spyod pa yin pas tshul khrims spyod pa'o// spyod pa ni spyod par byed pa'o// rnam pa de lta bu nyid kyi tshul khrims kyi spyod pa dri ma med pa yongs su dag pa/ ma nyams pa/ skyon med pa rgyun du spyod pa ni byang chub kyi bar zhes pa'o// da ni byang chub kyi sems mi brjed po'i rgyu gnyis la/ lha yi skad dang zhes bya ba la sogs pa la/ lha la yod pa'i skud ni lha'i skad do// klu dang gnod sbyin dang gru lo bum dang mi dag ste/ de'i skad ni de dag gi skad do// mdor bsdu na ji srid du/ 'gro ba thams cad kyi skad de dang des/ de dang de la chos bstan pa ste/ byang chub kyi snying po'i bar du'o zhes pa'o// 'di ni rnam pa gsum pa ste/ des shing zhes bya ba la sogs pa la/ nges pa ni mnyen pa dang zhi ba'o// pha rol tu phyin pa ni sbyin pa la sogs pa bcu ste/ de la mngon par brtson pa ni/ bdag nyid rnam pa thams cad du brtson pa dang ldan pa ma dub pa'i yid kyis so// ma gyur ces pa ni cung zad tsam yang bdag nyid kyi byang chub sems so// brjed par ma gyur pa 'di mi brjed par gyur pa ste/ byang chub kyi snying po'i bar+ya du'o zhes pa'o// tshigs su bcad pa phyed dang bzhis gang byang chub tu sems bskyed pa'i phyogs su gyur pa'i sgrib pa dang / de dag gi gnyen po'i phyogs nye bar brtan par byas nas 'di ni rgyu bzhi pa ste/ da ni tshig rkang gnyis kyis mi mthun pa'i phyogs spang bar bya bar bstan pa gang gsungs pa/ sdig pa gang rnams sgrib par gyur pa zhes bya ba la sogs pa la/ gang sdig po sgrib par gyur pa ni byang chub kyi sems kyi bar du gcod pa ste/ de dag ma lus pa thams cad kyis thams cad kyi thams cad du yongs su zad par spong bar gyur cig/ ces bya'o// da ni ma gos pa'i sbyor ba rnam pa gsum pa ste/ rgyu gsum pa dag/ grang las/ gang du/ gang ltar gsungs pa ni/ las dang nyon mongs pa zhes bya ba la sogs pa la/ gang las shes pa ni las dang nyon mongs pa dang bdud kyi lam yang ngo // las de yang bye brag tu ma byas pa'i phyir dge ba dang / mi dge ba dang / mi g.yo ba'i bye brag gis gsum charwa yang bzung ngo // de la mi dge ba'i las dang nyon mongs pa dang bdud kyi lam dag las rnam par grol ba ni des mo gos par rtag tu spyod pa'o// gang du zhe na/ 'jig rten lha la sogs par ro// ji lta bur zhe na/ ji ltar pad+ma chus mi chags pa bzhin zhes pa ste/ ji ltar pad+ma chu las skyes kyang chus mI gos so// de dang 'dra bar sdig pa'i las dang / nyon mongs pa dang / bdud kyi lam 'jig rten pa'i chos dag gis mi gos par spyod pa spyad do zhes pa'o// de bzhin du dge ba dang mi g.yo ba'i las kyi rnam par smin pa'i 'bras bu la mi chags par 'gro ba thams cad la phan pa dang bde ba 'ba' zhig kho na'i phyir spyad pa ste/ byang chub sems dpa'i spyod pa zhes pa khong nas dbyung ngo // ci dang 'dra bar zhe na/ nyi zla na mkhar thogs pa med ltar spyod ces pa ste/ ji ltar zla ba dang nyi ma dag 'jig rten na yid bzhin gyi nor bu dang 'dri bar gzhan gyi don byed pa gcig pus 'jug pa'i phyir ro// bdag gi don la ni cung zad tsam yang chags pa med par nyin dang mtshon du na mkha' la rgyu ba dang 'dra bar zhes pa'o// de lta bdud ces pa ni gang gi phyir dge ba'i bar du gcod par byed cing / byang chub kyi lam la 'gegs pa/ yang dag pa'i lam las zlog pa ste/ nges pa'i tshig tu nu chos kyi srog gi bar du gcod par byed pa'i rgyu yin pas bdud la bdud tsos brjod do// de yid lam 'grogs pa ni phan po'i dngos po sgyu yi bslu ba ste/ skye ba 'di'am gzhan thams cad la'o// da ni rnam pa bzhis sems can la phan par byed pa gang gsungs pa ni/ ngan song sdug bsngal zhes pa la sogs pa la/ 'gro ba'i sdug bsngal thams cad ni song na song gi sdug bsngal te/ ngan song gsum du skyed pa de'i rab tu zhi ba'o// ci'i phyir ngan song gi sdug bsngal kho nar rab tu zhi ba zhes brjod ce na/ de dag ni shin tu sdug bsngal ba'i bdag nyid yin pa'i phyir dngos su bstan te/ 'khor ba'i sdug bsngal thams cad kyang rab tu zhi bar byed par rtogs par blta'o// 'gro ba thams cad kyang bla na med pa'i bde ba lnga rab tu gzhog par byed pa'o// ji ltar bya zhe na/ 'gro ba thoms cad nyid la phan pa dang bde ba'i bsam pas sbyor ba gzhan mi byed par ji srid bla na med pa'i ye shes ma thob kyi bar du yongs su ma dub pa'i yid kyis spyod pa'o// dus ji tsam du zhe na gsungs pa/ zhing gi khyon dang phyogs rnams ji tsam par zhes te/ ji tsam par zhes pa ni zhing gi khyon ji tsam par zhes pa ste/ ji srid du sangs rgyas kyi zhing gi rgyun bskal blo gcig nas gcig tu brgyud par gyur pa ste/ phyogs shes pa phyogs bcu de snyed du spyod do zhes bya bar 'brel te/ rnam pa lnga pa ste go cha gsungs pa la/ de yang rnam pa gsum ste/ sems can gyi spyod pa'i rjes su 'jug pa dang / sangs rgyas kyi chos yongasu rdzogs pa dang / dam pa'i chos gsal bar bstan pa'o// gang gsungs pa/ sems can dag gi spyod pa dang zhes bya ba la sogs pa la/ sems can dag la skye ba dang skye bar rang bzhin gyis g.yo sgyu med pas bde bar dri ba dang / sems dang spyod pa yongasu shes nas/ rjes su 'jug pa ste/ rjes su mthun par gyur pas so// byang chub spyod pa yongs su rdzogs byed cing ces bya ba la/ byang chub kyi don du spyod pa ni byang chub kyi spyod pa'o// de yongs su rdzogs pa ni sangs rgyas kyi chos yongs su 'phel ba'i bar du'o// bzang po spyod pa'i smon lam stobaso kyis ni zhes pa le/ bzang po spyod pa yang 'dir chos ston pa'i rang bzhin du yongs su bzung ste/ smra bar 'dod pa'i bsam pas gsung rab kyi tshig la bzang po spyod pa zhes nye bar btogs pa ste/ ma 'ongs pa'i bskal pa mthar thug pa'i bar du mi skyo ba'i yid kyis spyod par bya'o zhes pa'o// / lus dang ngag dang yid kyi spyod pa mtshungs pa'i byang chub sems dpa'i grogs po dang 'grogs pas ni rnam pa drug pa ste/ gang gsungs pa/ bdag gi spyod pa dang mtshungs pa zhes bya ba la sogs pa la/ glagrang yang spyod pa mtshungs pa bdag dang 'dra ba'i byang chub sems dpa'o// spyod ces pas ni spyod pa de dang lhan cig tu mtshungs pa byang chub kyi bar du rtag tu 'grogs par gyur cig pa'o// lus dang ngag dang yid kyis kyang ngo nyid dang lhan cig tu byang chub sems dpa' gcig pu'i/ smon lo ma spyod cing nyon mongs pa med par gnas so zhes pa'o// phan pa'i bsam pas gdams ngag ston pa'i dge ba'i bshes gnyen bsten pa ni rnam pa gsum ste/ gang gsungs pa/ bdag la phan par 'dod pa'i zhes bya ba la sogs pa la/ gang yang dge ba'i bshes gnyen phan par 'dod pa/ bzang po'i spyod pa rab tu ston pa/ chos kyi gtam byed pa de dang lhan cig mtshungs par rtag tu 'grogs par gyur cig pa'o// dus dang 'khor dang mchod pa'i bya ba la ngal ba med par de bzhin gshegs pa mngon sum du bsgom pa rnam bya brgyad grang gsungs pa ni/ sangs rgyas sras kyis bskor ba zhes bya ba dag la/ phyogs bcu po kun gyi rgyal ba sangs rgyas bcom ldan 'das dag byang chub sems dpa'i tshogs kyis yongs su bskor ba'i mgon po 'gro ba'i gnyen gcig pu ma bsgribs pa'i mig gis rtag tu blta'o// de dag la yang skad cig skad cig la so sor rnam pa thams cad kyi mchog dang ldan pa/ rgya che ba na mkha'i dbyings dang mtshungs pa/ chos kyi dbyings khyab pa 'am mchod par bya'o// dus ji tsam du zhe na/ ma 'ongs pa'i bsgral pa thams cad kyi mthar thug par dub pa med pa'i sems kyis shes pa'o// 'dzin pa dang ston pa'i las dag gis dam pa'i chos yongs su 'dzin pa rnam pa dgu bya gang gsungs pa ni/ rgyal ba rnams kyi dam pa'i chos 'dzin cing zhes bya ba la sogs pa la/ dus gsum du rgyal ba thams cad kyis gang gsungs pa/ gsung rab yan lag bcu gnyis kyi chos bstan pa dang / de 'dzin pa'i stobs kyis 'dzin pa dang / nan tan du bya'o// byang chub kyi spyod pa yang chos ston pa'i rang bzhin te/ 'gro ba la rab tu gsal bar byed pa zhes bya'o// gsal bar byed pa ni yang drug par gsal bar bstan pa'o// 'dir yang byang chub kyi spyod pa zhes pa ni de dang gsal bar ston pa ni/ tshig la mngon par brjod do// bzang po spyod pa rnam par sbyong ba yang zhes pa la/ bzang po'i spyod pa ni byang chub sems dpa'i spyod pa'o// de rnam par sbyang ba ni dri ma med par bya ba ste/ ma lus par bkrus nas ring du byed pas ma 'ongs pa'i bskal pa kun tu spyod pa ni non tan du bya ba'o// bsod nams dang ye shes la sogs pa'i tshogs bsags pa mi zad pa'i mdzod yang dag par dmigros pa rnam pa bcu pa gsungs pa ni/ srid pa thams cad du ni zhes bya ba la sogs po lnga/ 'dod pa'i khams la sogs pa'i srid pa thams cad du sems can gyi don gyi dbang gis 'khor bya na 'khor bar skye ba dang / zad mi shes pa'i bsod nams kyi tshogs dang yang dag par ldan par 'gyur ba dang / de bzhin du thabs dang shes rab dag dang / ting nge 'dzin na mkha' mdzod dang / dri ma med pa'i phyag rgya la sogs pa dag dang / de bzhin du byang chub sems dpa'i rnam par thar pa snying rje chen pos dmigs pa sgyu mar gyur pa la sogs pa dang / ji srid du byang chub sems dpa'i yon tan thun mong dang thun mong ma yin pa mi zad pa'i mdzod zad mi shes pa'i yon tan gyi gter du/ 'go ba ma lus pa la phan pa dang bde ba'i rgyur gyur cig ces pa'o// rnam pa bcu gcig pa ni 'jug pa ste/ de yang rnam pa brgyad do// 'di lta ste/ sangs rgyas kyi zhing lta ba la 'jug pa rnam pa gnyis dang / sangs rgyas kyi gsung la 'jug pa dang / chos kyi 'khor lo bskor ba la 'jug pa dang / bskal par gnas pa la 'jug pa dang / de bzhin gshegs pa la lta ba'i spyod yul la 'jug pa dang / sangs rgyas kyi zhing du bkod pa dag lta ba la 'jug pa dang / de bzhin gshegs pa'i drung du 'gro ba ste brgyad do// de la sangs rgyas kyi zhing la 'jug pa rnam pa gnyis tshigs su bcad pa rnam pa gnyis sa gang gsungs pa ni/ rdul gcig ces bya ba lnga sogs pa la/ rdul gcig gi rtse mo la phyogs bcu dus gsum gyi sangs rgyas kyi zhing rdul dang mnyam pa'i sangs rgyas kyi zhing ngo // de la yang zhing zhes pa ni zhing zhing ngo // bsam gyi khyab pa zhes pa ni bsam gyis mi khyab cing bsam pa las 'das po'i sangaspu rgyus bcom ldan 'das dag pa dang / sangs rgyas kyi sras zhes pa ni byang chub sems dpa' ste/ de dag gi dbus na bzhugs pa zhes pa ni bzhugs par gyur pa'o// byang chub spyad pa spyod cing zhes pa la/ byang chub kyi spyod pa la spyod pa ste/ rtogs nas spyod pa'o// blta zhes pa ni lta ba la 'jug pa'o// de lta bur gyur pa'i smon lam ni mi srid pas byang chub sems dpa'i smon lam gyi 'bras bu med pa 'di ltar rtogs te/ gang gi phyir sangs rgyas kyi zhing gcig rnam par dbye ba yang rdul gcig gi rtse mo la lta bar mi srid na/ de ji ltar dus gsum na bzhugs pa ma lus pa'i sangs rgyas kyi zhing gi rdul dang mnyam pa'i sangs rgyas kyi zhing na/ grangs dpag tu med pa'i sangs rgyas bcom ldan 'das dag byang chub sems dpa'i 'khor gyi dbus na bzhugs pas yongs su gang ba/ so so'i rnam par dbye ba rdul gcig gi rtse mo lnga lta zhes pa'i smon lam ji lta zhe na/ de ni ma yin te/ gang gi phyir bsam gyis mi khyab pa'i las kyi sprul pa'i 'jig rten gyi khams sna tshogs pas steng dang 'og dang thad kAr tha dad pa ji lta ba de bzhin du/ bsam gyis mi khyab pa'i ye shes kyi sprul pas rdul gcig gi rtse mo la 'di lta bu ci'i phyir srid par mi 'gyur/ bsam gyis mi khyab pa yang gang gisungs pa/ ngo mtshar cung zad yod par ni// 'jig rten khams pas ma mthong ste// dbang pos mngon du gyur pa nyid// de la ngo mtshar ci zhig yod// bsam gtan pa lo klu dag dang // sangs rgyas mthu yi bdag nyid che// 'jig rten mgon po skyob pa yid/ bzhi po bsam mi khyab pa gsungs// zhes so// de ltar yang 'dir sangs rgyas kun gyi gsung la blo zhan pa dag mi srid pa'i don la yang de bzhin kho na yin no zhes shin tu dad par byed do// 'di yang shin tu gsal bar rab tu bsgrubs zin to// lkog don sangs rgyas kyis gsungs pa// gang blo the tshom skye 'gyur ba// des ni 'dir ni yid ches pas// stong pa nyid la rab tu bya// 'jig rten na yang ji srid du snod shin tu chung ba chu dang pas yongs su gang ba la/ nam mkha' la brgyan pa'i gza' dang rgyu skar la sogs pa thams cad mthong ba nyid do// de nyid kyi phyir bcom ldan 'das kyi gsungs pa/ chos rnams brag ca dang mtshungs pa// rab rib rmi lam mtshan nyid dang // sgyu ma smig rgyu 'dra ba dang // dri za'i grong khyer lta bu'o zhes so// 'di dag kyang gang yang dus gsum dag gi zhing bkod pa'i tshogs su bcad pas phyis gsal bar ston par 'gyur ro// de ltar ma lus zhes bya ba la sogs so pa li/ dza ltar rdul gcig gi rtse mo da lta bur ma lus shing lus pa med pa'i phyogs thams cad kyi'o// sgra tsam khyon zhes pa ni sgra'i rtse mo'o// 'di skad bstan par 'gyur te/ skra'i rtse mo'i tsam+ba gyi khyon gyi tshad la/ dus gsum du bzhugs pa'i sangs rgyas bcom ldan 'das rgya mtsho dang / de dag gi zhing rgya mtsho'o// spyad pa zhes bya ba la spyod pa de sngon du bya ba ste/ ma 'ongs pa'i bskal pa rgya mtsho'i bar du 'jug pa'o// sangs rgyas kyi gsung la 'jug pa yang gang gsungs pa/ gsung gcig yan lag ces bya ba la sogs pa la/ sangs rgyas kyi gsung gcig gis chos bstan pa la/ grangs las 'das pa'i skye bo mang po'i bye brag gis don gzhan dang gzhan/ tshig dang yi ge gzhan dang gzhan dpag tu med pa cig car dpag tu med pa'i gsung gi yan lag rgya mtsho dang ldan pa'i sgra thos so// phyogs bcu dus gsum na bzhugs pa'i rgyal ba thams cad kyi yang de bzhin du chos ston pa'i dbyangs kyis yan lcag rnam par dag pa dpag tu med pa nyan pa'i skye bo dag gis 'dod pa ji lta ba bzhin du rnam pa de lta bur sangs rgyas kyi gsung sgrib pa med par thos so// de la de bzhin gshegs pa re re'i dbyangs kyi yan lag rgya mtsho'i sgra la rtag tu 'jug par bya zhing ma lus par yid la bya'o zhes pa'o// de bzhin du yang gsungs pa/ de'i phyir ngo mtshar mi che ste/ 'di ni shin tu ngo mtshar che/ mang po nye bar 'dug pa la// gang de mos pa'i dbang gis ni// tshig gcig gis ni bshad pa yang // du ma nyid du mtshon nas ni// bdag nyid la ni ston to zhes// skye bo mang pos go bar 'gyur// zhes so// de bzhin du sdong po bkod pa'i mdo byams pa'i rnam par thar pa las gsungs te/ gang phyogs bcu'i bde bar gshegs pa'i chos kyi sprin stan gcig la gnas te ma rmongs par 'thung bas bskal pa bya ba khrag khrig par du sems ngoms pa med par blo chen po rgya mtsho dang mtshungs par bdag gnas par bya'o zhes so// dang po'i tshigs su bcad pa phyed kyis ni ston pa po'i che ba'i bdag nyid do// phyis kyi tshogs su bcad pa phyed kyis ni nyan pa'i skye bo'i bdag nyid che ba bstan to// gang zhes pa ni bdun pa ste/ gcig gi tshig tu brjod pa'o// gsung gcig yan lag rgya mtsho'i sgra kun gyis// zhes pa ya/ sgyu kun gyis zhes pa'i tshig gi kha skong du blta bar bya'o// chos kyi 'khor lo bskor ba la 'jug pa yang gang gsungs pa/ dus gsum gshegs pa zhes bya ba la sogs pa la/ de dag kyang dus gsum du bzhugs pa'i rgyal ba thams cad dag chos kyi 'khor lo bskor ba la 'jug pa dang ldan pa gang mi zad pa grangs las 'das pa'i dbyangs kyi blo'i stobs kyis zhes pa ni/ ye shes kyi mthu'i bdag nyid kyis cig car 'jug pa ste/ 'jug par bya'o// thabs gang dang gang gis gang la chos ston par dus gang le dang yul gang la mos pa du ma'i sems can gdul bya la 'gro ba ste/ 'dir yang tshul de ltar blta bar bya'o// dbyangs kyi sgra ni 'dir yang tshig kha bskyang ba'i don to// bskal par gnas pa la 'jug pa yang gsungs pa/ ma 'ongs bskal pa zhes bya ba la sogs pa la/ ye shes kyi skad cig gis phyogs bcur bzhugs pa ma 'ongs bskal bar 'jug pa ste/ mdor bsdu na bskal pa gcig nas gcig tu brgyud par bdag gis 'jug par bgyi ba'o// gang yang bskal pa dus gsum tshad de dag ces pa ni sna tshogs pa dus gsum gyi grangs las 'das pa de thams cad ye shes skad ci ga ma gcig gis mthar te/ gcig ces pa ni ye shes skad cig ma gcig gis phyogs gcig go// 'jug ces pa ni nang du 'dus par bya'o zhes pa'o// de bzhin gshegs pa la lta ba dang / de'i spyod yul la 'jug pa gang gsungs pa/ dus gsum gshegs pa mi yi seng ge gang zhes pa la sogs pa la gang yang phyogs bcu dus gsum du bzhugs pa'i mi'i seng ge sangs rgyas bcom ldan 'das de la bdag gis ye shes skad cig ma gcig gis so// blta zhes pa ni blta bar bya ba'o// de dag gi spyod yul ni yul lo// sgyu mar gyur pa'i rnam thar stobs kyis 'jug ces pa ni/ sgyu mar gyur pa'i zhes bya ba'i byang chub sems dpa'i rnam par thar pa ye shes kyi rang bzhin de'i stobs kyis rgyun 'jug par bya'o// zhes pa'o// sangs rgya thos kyi zhing du bkod pa yang gang gsungs pa/ gang yang po dus gsum zhes bya ba la sogs pa la/ gang yang dus gsum bkod pa ste zhing mang po'o// de dag mngon par babo sgrub pa ni rdzu 'phrul gyi stobs kyis rdul gcig gi rtse mo la'o// de ltar ma lus phyogs rnams thams cad du zhes pa ni de ltar phyogs bcu ma lus pa'i rdul gyi rtse mo la de dang 'dra bar sangs rgyas kyi zhing bkod pa du ma la ye shes kyi skad cig gcig gis 'jug par bgyi zhes pa'o// da ltar ba nyid la yang ji srid du sangs rgyas kyi zhing dag gi rang bzhin dang / tshad dang kha dog dang dbyibs kyi bye brag tu byas pa so sor rdul gcig gi rtse mo'i gnas skabs su mi srid na/ yang ci'i phyir dus gsum du bzhugs pa ma lus pa'i sangs rgyas kyi zhing dag de bzhin du rang bzhin la sogs pa'i dbye bas phye ba/ so sor rdul gcig gi rtse mo la phyogs bcu rgyun ma chad par so sor gnas par 'gyur ba de ji ltar rtogs par 'gyur zhe na/ de la yid ches par gyis shig dang 'dir brjod par bya ste/ gang gi phyir chos thams cad ni yongs su mi grub pa/ ra bzhin med pa sgyu mi dang 'dra ba/ rmi lam dang 'dra ba/ ma skyes pa ma 'gags pa/ skra shang 'dzings pa dang 'dra ba/ gdod ma nas zhi ba/ rang bzhin gyis mya ngan las 'das pa ji ltar mos pa'i rnam par rtog pa tsam gyis bskyed pasna tshogs pa du ma'i ngo bo ste/ rang gri goms pa sna tshogs pa mang po dag gi ting nge 'dzin gyi mos pa'i khyad par gyis bsam gyis mi khyab par spros nas/ mngon par bsgrubs pa'i nyams su myong bar 'gyur pa 'di dag ring bzhin gyis bsgoms pa'i las kyis gsal bar rtogs par 'gyur ro// 'jig rten na yang cung zad yongs su sbyangs pa las byung ba'i mthus/ sgyu ma ngo mtshar can sna tshogs pa mig 'phrul mkhon gyis rab tu bsgrub pa mthong bas/ de lta bas na ji skad du bstan pa de thams cad la yid ches par bya ste/ 'di la cung zad tsam yang the tshom mi bya'o// bde bar gshegs pa'i drung du 'gro ba la 'jug pa brgyad pa gang gsungs pa ni/ gang yang ma byon zhes bya ba la sogs pa la/ gang yang ma byon pa'i mthar thug par bzhugs pa'i 'jig rten gyi sgron ma sangs rgyas bcom ldan 'das phyogs bcu'i 'jig rten gyi khams gzhan dang gzhan na mkha'i khams kyi mthar thug pa'i bar gyi bgrang gis mi lang ba'i sangs rgyas kyi ye shes kyi spyod yul skad cig la dus gcig nyid du bla na med pa yang dag par rdzogs pa'i byang chub mngon du gyur cig/ de bzhin du gzhan yang dus gcig la chos kyi 'khor lo bskor bar 'gyur ba dang / de bzhin du gzhan yongasu mya ngan las 'da' bar ston par 'gyur ba de'i phyir gsungs pa ni de dag byang chub 'tshang rgya ba la sogs pa la/ de dag ces pa ni mngon par byang chub pa de dag de bzhin du chos kyi 'khor lo bskor ba/ mya ngan yas 'da' bar ston pa gang yang 'jig rten gyi mgon po de dag thams cad kyi zhabs kyi drung du cig car du yid mgyogs pa dang kun tu 'gro ba'i rdzu 'phrul gyi stobs kyis lus kyi sprin phyogs bcur spros nus/ mchod pa'i sprin na mkha' khyab pa dag thams cad so sor 'phags pa/ grangs las 'das pas re rI la mchod pa dang / bstod pa byed pa dang / lan brgya stong gi bar du g.yas phyogs su bskor ba byed pa 'khor ba'i mthar thug par ro// mchi'o zhes pa ni nye bar 'gro ba ste/ dus gcig nyid la zhes pa'o// byang chub ces pa ni mngon par byang chub pa dang mya ngan las 'da' ba ston pa'o// / 'di nyid ni zhi mtha' zhes pa ni tshig kha bskang ba'i don du rnam grangs kyis mtshon to zhes pa ste/ gtso bo nyid brjod pa'o// 'on kyang chu'i zla ba'i snang ba dang 'dra bar dga' ldan gyi gnas na bzhugs pa dang / 'pho ba bltams pa dang / mngal na gnas pa dang / skye ba dang / lha yis phyag byas pa dang / sgyu rtsal bstan pa dang / khab nas byung ba dang / rab tu byung ba dang / dka' ba spyod pa dang / byang chub kyi snying por 'gro ba dang / byang chub kyi shing gi rgyal por seng ge'i gdan la bzhugs nas bdud pham par byos pa'i dus te/ de tshe dang 'dra ba nyid du 'gro bar byas pa de dag nyid kyi zhabs kyi drung du zhes pa'i don to// de bzhin du yang gsungs pa/ 'jig rten khams ni tha dad par// gang de sems can gzhal yas par// skad cig gis ni rtogs min zhes// zhum pa'i sems su mi bya'o// zhes pa'o// rnam pa bcu gnyis pa ni stobs te/ de yang rnam pa bcu ste/ tshigs su bcad pa gnyis kyis gdi gsungs pa ni/ kun tu myur ba'i zhes bya ba la sogs bya la/ kun tu zhes pa ni ji ltar byang chub sems dpa' gzhan du mi 'gro ba/ kun tu myur ba'i rdzu 'phrul gyi cig car du phyogs bcur 'gro ba de 'gro ba de dang 'dra ba nyid du shes pa'o// rdzu 'phrul zhes pa la rdzu 'phrul ni phun sum tshogs pa ste/ ji ltar 'dod pa'i rdzu 'phrul phun sum tshogs pa byed do zhes pa'i bar du'o// rdzu 'phrul ji ltar rtogs par bya zhe na/ sems can so so'i yid dga' bar byed pa ni rdzu 'phrul zhes pa'o// de'i stobs ni don yod pa ste/ des na rdzu 'phrul gyi stobs so// kun nas sgo zhes pa la/ ji ltar kun nas sgo zhe na/ de'i gnas skabs cung zad dang / de la dmigs pa yang med pa dang / gang la byang chub sems bskyed pa med pa dang / sems can thams cad la phan pa dang bde bar 'dod pa yang med par mi 'gyur ba ste/ de yang 'phags pa spyod yul yongs su dag pa'i mdo las blta bar bya'o// theg pa'i stobs shes pa ni theg pa chen po'i stobs te/ 'dis 'dong bar byed pas na theg pa chen po ste/ theg pa yang de yin la chen po yang de yin pas na theg pa chen po'o// chen po ni sangs rgyas dang byang chub sems dpa' ngag gi theg pa yin pas na theg pa chen po'o// rang bzhin ci zhe na/ sangs rgyas kyi byang chub thob par byed pa'i lam bsod nams dang ye shes kyi tshogs ston pa'i theg pa chen po ste/ pha rol tu phyin pa'i dbang du byas pa'i sla bcu ni theg pa chen po'o// de'i stobs ni mi mthun pa'i phyogs 'joms po zhes bya ba'i bar du'o// kun tu yon tan zhes pa ni thog ma dang bar ma dang tha mar dge ba'o// spyod pa'i stobs shes po ni bye brag ma bstan pa'i phyir spyod pa gnyi ga'i stobs kyis te/ byang chub sems dpa'i spyod pa'i stobs dang / bzang po spyod pa'i smon lam gyis stobs kyang ngo // kun tu khyab pa zhes pa ni phyogs bcur 'gro ba'o// byams pa'i stobs ni sems can gyi khams thams cad bde ba'i bsam pa spro ba'o// bsod nams stobs shes pa la/ bsod nams ni dag par byed pas na bsod nams sam/ yang dang thob pa la sbyor bar bsod nams so// de'i stobs ni byang chub sems bskyed pa bsgoms par 'gyur ro// ji skad du gsungs pas/ byang chub sems ni bskyed pa yi// bsod nams gal te gzugs 'gyur na// khams kun gang ba dang // de bas kyang ni lhag par 'gyur zhes so// de bzhin theg pa chen po la yang dag par brtson pa zab pa rgya che bo'i dam pa'i chos 'dzin pa dang / klog pa dang 'don pa la mos pa dang / tshig su pa gnyis kyi gzungs kyis yang dag par rdzogs pa'i byang chub tu yongs su bsngo bas kyang 'gyur te/ des na bsod nams kyi stobs ni kun nas dge ba ste zhes te/ sems can thams cad la phan pa dang / bsam pa kho nas skye ba'i phyir ro// chags pa med pa zhes dus gsum la ma bsgrib bas pa'i phyir ro// ye shes stobs shes pa ni shes bya thams cad ji lta ba'i ye shes yin pa'i phyir ro// shes rab stobs na zhes pa ni don thams cad rtogs par 'gyur ba'i phyir ro// thabs kyi stobs zhes pa la thabs ni thabs te bsgrub pa'o// de'i stobs ni don yod pa'o// ting 'dzin stabs zhes pa la/ ting nge 'dzin du byed pas na te/ 'dzin te/ bsam gtan de'i stobs kyis 'gro ba thams cad kyi don byed pa dang / mngon par shes pa la sogs pa'i yon tan dag thogs pa med par mngon du byed pa des na/ ting nge 'dzin gyi stob so// byang chub stobs dang zhes pa la// byang chub ni bla na med pa yang dag par rdzogs pa'i byang chub bo// de'i don du stobs ni nus pa'o// de yongasu rdzogs par byed pa zhes pa ni de'i tshogs gnas par bya ba'o// rnam pa bcu gsum pa'i gnyen po'i stobs te/ de yang las dang nyon mongs pa dang bdud kyi stobs mi mthun pa yid rnam pa gsum ste/ gang gsungs pa/ las kyi stobs rnams yongasu rdzogs byed cing zhes pa la/ bye brag tu ma phyed pa'i phyir dge ba dang mi dge ba dang mi g.yo ba'i bye brag gis/ de yang rnam pa gsum mo// de la mi dge ba'i las ni nges par myong bar 'gyur la ji srid du ngan 'gro gsum gyi 'bras bu 'byin pa'i nus pa dang ldan pa'o// de yongasu dag par byed pa ni spong ba dang sgom par byed pa ste/ gnyen po la sogs pa'i stobs kyis so// ji skad gsungs pa/ las byas pa yid shin tu skrag pa yis// bdag la rnam smad pas ni chung 'gyur te// de dag bshags dang bsdam par byas pa yis// shin tu rtsod nas 'byin par nga smra'o zhes so// gnyen po'i stobs kyis kyang yongasu dag po ni/ ji ltar bu mo byams mas zhing khyad par can ngan pa byas pas bslang ba'i mi dge ba'i las/ mthong ba'i chos nyid la 'bras bu 'byin par byed pa yang cung zad tsam myong bar gyur pa dang / bsam pa khyad par can skyed nas sems can gyi don du smon pa'i sems bskyed pa nyid kyis ma lus thams cad med par gyur to// zheso// sems can gyi don du smon lam gyi sems ji lta bu zhig bskyed ce na/ gsungs pa/ 'gro ba 'di dag thams cad nyid na sems can gang cung zad rnam pa 'di ltar mi'i yul la bdag lta bu'i las byed par 'gyur ba de dag thams cad nyid kyis byas pas bdag nyid kyi spyi bo la 'khor lo 'khor ba'i sdug bsngal kun nas bsdus pa rgyun mi 'chad par nyamasu myong bar gyur cing 'khor ba'i sems can 'ga' zhig kyang 'di lta bu mi myong bar gyur cig ces pa'o// rten pa'i stobs kyang ji lta bar phag mo'i rtogs pa brjod pa las/ lha'i bu zhig 'chi ba'i dus byas nas phog mo'i mngal du skye ba myong bar 'gyur ba'i las kyi 'bras bu mngon du byed pa gsum la skyabasu 'gro ba tsam gyis thams cad rtsa ba nas bton nas/ sum cu rtsa gsum pa'i lha dag gi nang nas shi 'phos te/ dga' ldan gyi lha dag gi nang du skyeso// chos thams cad bdag med par yong dag par rtogs pas kyang shin tu rtsa nas 'byin te/ ji skad las kyi sgrib pa rnam par dag pa'i mdo las kyang gsungs pa/ dge slong zhig la mi tshangs par spyod pa dang / mi bsad pa'i pham pa gnyis byung ba las phyis 'gyod pa'i sems kyis gdungs nas/ snying 'bar bar 'gyur te smyon pa lta bur lha khang nas lha khang dang / krong nas grong dang / yul 'khor la sogs par song nas skye bo mang po'i mdun du sdig pa bsal bar byed de/ ha ha brku so brkuso zhes yang dang yang sdig pa bshags pa'i stobs kyis spong zhing ji srid de'i las dri chung bar byed par gnas te/ de'i don kho nas yid gdungs par gyur pa dang / de las gzhan mngon par shes pa dang ldan pa'i byang chub sems dpas/ de dang de bzhin du zab mo'i chos bstan pas/ gang gis de'i sdig pa rnam pa thams cad bang nas chos la bdag med par yang dag par rtogs te/ mi skye ba'i chos la bzod par gyur to zhes// ltung ba'i 'gyod pa thams cad sel bar byed pa dang / las kyi sgrib pa thams cad dag par byed pa yin pas/ zab mo'i chos 'di la mos pa dang dad par bya'o// ji skad 'phags pa de bzhin gshegs pa'i mdzod las rgyas par gsungs te/ 'od srungs gang phar yang gyur la rang sangs rgyas kyang yin pa de'i srog bcad na 'di ni srog gcod pa'i nang na lci ba'o// ma byin par len pa'i nang na lci ba ni 'di lta ste/ dkon mchog gsum gyi dkor 'phrog pa'o// mi tshangs par spyod pa'i nang na lci ba 'di lta ste/ ma yang yin la dgra bcom ma yang yin pa de la spyod pa'o// brdzun du smra ba'i nang na lci ba ni 'di lta ste/ de bzhin gshegs pa la skur ba'o// phra ma'i nang na lci ba ni 'di lta ste/ dge 'dun gyi dbye no// tshig rtsub po'i nang na lci ba ni 'di lta ste/ 'phags pa la tshig ngan par smra ba'o// ngag khyal pa rnams kyi nang na lci ba ni 'di lta ste/ chos 'dod pa g.yeng bar byed pa'o// brnab sems kyi nang na lci ba ni 'di lta ste/ yang dag par zhugs pa'i rnying pa la brnab semaso// gnod sems kyi nang ni lci ba ni 'di lta ste/ mtshams med pa byed pa'i sems// log par lta ba rnams kyi nang na lci ba ni 'di lta ste/ shin tu mthug pa'i lta ba ste/ 'di ltar mi dge ba'i las kyi lam bcu po thams cad kha na ma tho ba chen po dang bcas pa ste/ 'od srungs de la gal te sems can gcig brgya lam na 'di lta bu'i kha na ma tho ba chen po dang bcas pa dag gi mi dge ba'i las kyi lam bcu po dang ldan par gyur na/ de yang de bzhin gshegs pa'i rgyu rkyen dang yang dag par ldan pa'i chos bstan pa grol bar 'gyur te de la cung zad bdag gam sems can nam/ srog gam/ gang zag gam/ byed pa po 'am/ myong ba po ni 'ge' yang medado zhes yid la byas shing mdon par 'dus nas/ nyon mongs pa med pa sgyu ma lta bu'i chos nyid/ chos thams cad rang bzhin gyis gsal bar grol bar 'gyur ba'o// gdod ma nas rnam par dag pa'i chos thams cad la/ dang po dang ldan pas mos pa'i sems can de/ ngan song du 'gro bar mi 'gyuro zhes pa smra'o// de ci'i phyir zhe na/ nyon mongs pa'i phung po la dngos po med pa ste/ nyon mongs pa thams cad skye ba dang 'jig pa so// rgyu rkyen tshogs pa'i sbyor ba las skyes pa tsam nyid na 'gag pa'o// sems gang skyes pa dang 'gags pa de nyid ni nyon mongs pa yang 'gags pa'o// gang de lta bur mos pa de ltung ba dang ltung ba ma yin pa cung zad kyi gnas ma yin no// gang gnas med pa go skabs meng pa/ sgrib pa med pa'i goganas la ni ltung ba gnas pa yod pa ma yin no zheso// de bzhin du byang chub tu sems bskyed pa 'di sngon du byas pa nyid kyis mi dge bas kun nas bslang ba'i ltung ba thams cad las shin tu 'don par 'gyur ba ste/ ji skad du 'phags pa u pa las zhus pa'i mdo las/ gal te byang chub sems dpa' de la snga dro'i dus su lhung ba byung bar 'gyur na/ gung gi du su byang chub kyi si mas mngon du bya'o// de ltar na byang chub sems dpa' de'i tshul khrims kyi phung po phyin ci ma log par rig par bya'o// de ltar gung gi dus su ltung ba byung bar gyur na ni phyi dro'i dus su byang chub kyi sems mngon du bya'o// de ltar na byang chub sems dpa' de'i tshul khrims kyi phung po phyin ci ma log par rig par bya'o zhes pa la sogs pa'o// ji skad du sdong po bkod pa'i mdo las kyang gsungs te/ rigs kyi bu byang chub kyi sems ni bskal pa chen po'i me lta bu ste/ nyes byas thams cad sreg pa'o zhes bya ba la sogs pa'o// sum brgya pa las gsungs pa/ gang yang rab 'byor rigs kyi bu 'am rigs kyi bu mo rnam pa 'di lta bu'i tshul gyis mdo 'di len par byed pa dang / 'dzin par 'gyur ba dang / klog par 'gyur ba dang / tshul bzhin du yid la byed pa de yongasu 'gyur ba dang / shin tu yongasu yang 'gyuraro// de ci'i phyir zhe na/ gang sems can de dag gi skye ba snga mar mi dge ba'i los byas pas ngan song du skye bar nges pa mthong ba'i chos nyid la myong bar 'gyur ba skye ba sngon ma'i mi dge ba'i las yongasu zad par 'gyur ro// zhes pa la sogs pas/ sdig pa'i las gong nges par myong bar 'gyur ba shin tu yongasu byang bar byed par 'gyur zhes pa'o// kha cig 'di skad du smra ste/ tha mi 'bring gi sdig pa'i lasu gyur pa ni bshugs pa la sogs pa'i stobs kyis kyang rtse ba nas 'gyur na/ lci ba'i las mtshams med pa thams cad kyi thams cad kyi thams cad rtsa nas 'byin pa ji ltar 'gyur zhe na/ de la brjod par bya ste/ ma skyes dgra la sogs pa mtshams med pa byas pa gang chung ngu dang 'bring dang chen po'i bsam pa'i dbye ba la sogs pas mnar med par bskal par cung mchog pa 'am/ phyed du gnas par ji ltar 'gyur te/ de dag shin tu 'gyod pas sems gdungs pa'i shugs dang / bshags pa la sogs pa'i stobs kyis de'i las bsrabs par gyur nas// gang las de pho long 'phangs pa tsam gyi dus su las kyi 'bras bu myong ngo zhes// ci de srid du de'i las de rtsa ba nas phyung bar ma gyur tam/ zhing nyag ma gcig ma brngas pas zhing thams cad ma brngas par gyur pa ma yin no// yang ma nges pa'i las kyis phung po ji ltar zad par 'gyur zhe na/ sbrang bu'i rkang pa'i lhag ma tsam gang gi phyir gnyen po'i phyogs kyi sems bskyed pa las zhugs pas yongasu zad par 'gyur ba kho na'o// gang 'di skad du gsungs pa/ bskal pa bye ba brgya ru yang // las ni chud zos mi 'gyur te// tshogs pa'i dusu 'bras bu ni// lus can la ni smin par 'gyur/ zhes pa la sogs pa de ji ltar ma nges she na/ smad pa la sogs pa kun tu spyad pa'i stobs kyis gsal ba dang chung bar ma byas pa de dag las 'di bstan par blta bar bya'o// de bzhin du yang gsungs pa/ mi mkhas sdig pa chung ngu byas kyang 'og tu 'gro// mkhas pas chen po byas kyang nges ni de ni mang gi nad pa spring / lcags kyi gong bu chung yang chu yi 'og tu 'bying // snod byas na ni chen po yang ni steng du lding zhes// sdig pa'i las myong bar 'gyur bar ma nges pa dus gsum gyi grangs las 'das pa de yang / las kyi dbang gis phyogs kun tu dus gcig kho nas 'khor ba'i rgyun ngan 'gror skyes pa'i sems can dag la phan pa dang bde ba'i tshogs thob pa'i don du de dang grogs mthun par rigs dang kha dog dang dbyibs dang tshad dbye ba dbyer med pa'i rnam par smon pa'i 'bras bu nges par byed pa'o// dge ba'i las kyi srid pa'i 'bras bu 'byin pa'i nus pa dang ldan pas de yang yongasu sbyor ba'o// ji ltar zhes pa ni rnam par smin pa'i bras bu bsal nas byang chub nyi du smin lam gyi stobs kyis yongasu bsngo bar nges par bya'o// gzugs dang gzugs med pa na spyod pa'i mi g.yo ba'i las kyang bsam gtan dang snyoms par 'jug pas bslang ba de'i stobs de nyid kyis de yang spangs nas/ las kyis dbang gis sems can gyi 'dod pa ji ltar 'dod pa bzhin du nges par sbyor ba ste/ 'di ni 'dir sbyang ba'o// nyon mongs stobs rnams rab tu 'joms byed cing zhes pa la/ lus dang sems kyi rgyud nyon mongs par byed pas na nyon mongs pa ste/ 'dod chags la sogs pa'o// de dag gi stobs ni mthu ste/ 'gro ba dag gang gi dbang du gyur pa'i dus nyid na/ bgrod pa dang bgrod pa yang ma yin pa dang phan pa dang mi phan pa dang / yang ba dang lci ba la sogs pa thams cad mi shes pa ste/ de dge la sogs pa bsgom pa 'jig rten pa'i lam gyis 'joms pa ni zil gyis gnon pa'o// mdor bsdu na nyon mongs pa de nyid dbang du byas nas byang chub kyi yan lag tu bsgoms pa'o// zhes pa'o// bdud kyi stobs rnams stobs med rab byed cing zhes pa la/ bdud ces pa ni lha'i bu la sogs pa'o// de dag gi stobs ni byang chub sems dpa'i spyod bar du gcod pa'i nus pa ste/ de yang ye shes kyis stobs kyis stobs med pa'i nus pa med pa dang / mi gnas par bya ba'o// bzang po spyod pa'i stobs ni rdzogs par bgyi zhes pa la/ bzang po spyad pa'i stobs kyis mi mthun par phyogs zil gyis mnan nas mngon par 'du bya ba med par byed pa ste/ de thams cad ma lus par yongasu rdzogs par bya'o zhes pa'o// rdzu 'phrul la sogs pa'i stobs rnam pa bcu gong du bstan pa dang / 'di nyid kyis yang de ma thug tu bstan pa'i gnyen po rnam pa gsum yang bstan nas/ da ni gang byang chub sems dpa' dag ni las rnam pa bcu bzhi rgyas par ston pa las/ las de yang rnam pa brgya do// sangs rgyas kyi zhing yongasu dag pa la sogs pa'i tshig su bcad pa gnyis kyis gang gsungs pa/ zhing rnams rgya mtsho zhes pa la sogs pa la/ sangs rgyas kyi zhing rgya mtsho dag bde ba can dang pad+ma can dang 'dra bar skad cig la yongasu dag par bya ba'o// de bzhin du 'khor ba'i btson ra na nyon mongs pa'i lcags sgrog gi bcing bas bcings pa'i sems can rgya mtsho dag rdzu 'phrul dang kun brjod pa'i cho 'phrul gnyis kyis dad par byas nas/ rdza su bstan pa'i cho 'phrul gyis skad cig la dag par byed pa/ chos rnams rgya mtsho zhes pa ni bstan pa'i chos rgya mtsho dang / rtogs pa'i chos rgya mtsho ste/ shes rab kyi mig gis skad cig la mthong ba'i lta ba'o// shes bya mtha' yas pa'i phyir ye shes kyang mtha' yas pa ste/ de'i phyir gsungs pa/ ye shes rgya mtshon so// de skad cig la ye shes rgya mtsho rtogs pa ni yid kyis rtogs par bya bya'o zhes pa'i bar du'o// spyod pa rgya mtsho zhes bya ba la/ byung nub sems dpa'i spyod pa rgya ma dang / bzang bopo spyod pa'i spyod pa rgya mtsho ste/ bye brag tu ma byas pa'i phyir nu gnyi ga yang nye bar bstan pa'o// de la byang chub kyi spyod pa ni sangs rgyas kyis chos 'phel por byed pa ye shes kyi tshig so// bzang po spyod pa yang 'gro ba thams cad la phan po dang bde ba skyed po bsod nams kyi tshogaso// 'on kyang bzang po spyod pa yang byang chub kyi spyod pa nyid do// gnyi ga yang byang chub thob par byed pa'i phyir ro// 'on kyang dngos dang brgyud pa'i bye brag nyid// de spyod pa rgya mtsho ni mngon par shes pa'i stobs kyis skad cig la dag par byed pa ste/ dri m+b+ha med par byed pa'o// smon lam rgya mtsho ni skad cig gcig la tshul khrims dang / ting nge 'dzin gyi stobs kyis yongasu rdzogs par byed pa'o// sangs rgyas rgya mtsho ni phyogs bcu na bzhugs pa'i sangs rgyas rgya mtsho la mchod pa'i sprin na mkha'i khyab pa dag gis skad cig la mchod par bya ba'o// bskal pa rgya mtsho'i spyad pa ni mi skyo ba'i yid kyis bya ba'o// sangs rgyas dang byung chub sems dpa'i rjesu bslab par yongasu bsngo ba ni rnam pa bco lnga pa ste/ de yang rnam pa gnyis las/ de la de bzhin gshegs pa'i rje su yongasu bsngo bar bslab par gang gsungs pa ni/ gang yang dus gsum gshegs/ pa rgyal ba yid zhes bya ba la/ gang yang dus gsum du bzhugs pa'i rgyal ba dag gi byang chub sems dpa'i spyod pa ni/ smon lam khyad par can de thams cad ma lus par bdag gis yong su rdzogs par bgyi zhes pa ni// yongasu rdzogs par bya ba'o// bzang po spyod pa zhes pa ni/ bzang po spyod pa'o// byang chub sangs rgyas shes pa ni bla na med pa yang dag par rdzogs pa'i byang chub tu'o// lus dang ngag dang yid kyi spyod pa dang / zhing rnam par dag pa'i smon lam rnam par dag pa dag/ 'phags pa byang chub sems dpa' kun tu bzang po'i rjesu bslab pa dang / yongasu bsngo ba'i tshigasu bcad pa gsum gyis gsungs pa ni/ sras kyi thu bo zhes bya ba la sogs pa la/ gang kun tu bzang po'i spyod pa'i byang chub sems dpa' dag/ de bzhin du ji sridadu byang chub sems dpa'i rnam par thar pa dang ji sridu ti nge 'dzin dang / mdor bsdu na ji srid du byang chub sems dpa'i yon tan 'di dag ma lus pa de sri thams cad nyid du las byang chub sems dpa' 'phags pa kun tu bzang po mchog tu gyur pa des na thu bo zhes gsungs// rgyal ba thams cad kyi sras kyi thu bo 'phags pa kun tu bzang po zhes byang chub sems dpa' de la mkhas pa zhes so// de nyid mkhas pa ste/ gang de dang mtshungs par spyad pa'i zhes pa ni mnyam du spyad pa'o// de ltar dge ba'i rtsa ba ji ltar bstan pa de skad cig la/ de yongasu bsngo zhes pa ni yongasu bsngo bar bya'o// lus dang ngag rnams dang ni sems kyi zhes bya ba ni/ lus dang ngag dang yid rnam par dag pa dang / spyod pa rnam par dag pa dang zhing yongs su dag pa'o// gang dang 'dra bar zhe na/ gang gi ming ni zhes pa ste/ mi gang yongasasu bsngo ba/ bzang po la mkhas pa zhes pa ste/ 'phags pa kun tu bzang po ni bzang po la mkhas pa'o// de 'drar zhes pa ni de dang mtshungs pa nyid du bdag gyur cig pa'o// mtshungs shes pa ni 'dra ba ro// des na zhes pa ni 'phags pa kan tu bzang po'o// bzang po spyod pa zhes te/ bzang po'i spyod pa'o// kun nas dge ba zhes pa ni thog ma dang bar ma dang tha ma ro// 'jam dpal gyi smon lam zhes pa ni/ 'phags pa 'jam dpal gyi smon lam gyi spyod pa/ de'i smon lam ji lta bu zhe na/ 'phags pa 'dzum dpal chos kyis rgyal por gyur pa na gsungs pa/ ji srid dang po'i mtha' nas ni// 'khor ba'i mtha' ma spangs pa ru// de srid sems can phan pa nyid// bdag ni spyod pa spyod par shog/ ces pa la sogs pa rgyas par gsungs pa'o// ma 'ongs bskal pa kun tu mi skye bar// zhes pa ni ma 'ongs pa'i bskal pa ma lus pa thams cad du yang ma dub pa'i sems kyis bsam pas bya ba'o// de dag sangs rgyas dang byang chub sems dbu'i bya ba'i las yongasu rdzog par bya ba ni phun sum tshogs par bya ba'o zhes pa'o// tshad med pa dang / sbyor ba dang / yon tan dang / spyod pa dang / gnas skabs kyi khyad par gyis posdus pa rnam pa bcu drug pa gang gsungs pa ni spyod pa dag ni zhes bya ba la sogs pa la bdag gi spyod pa tshad yod par ma gyur pa dang / yon tan tshad gzung du med par gyur pa dang / spyod pa tshad med par gyur pa dang / yon tan tshad med par gyur pa la gnas nas/ sangs rgyas dang byang chub sems dpa' de dag gi rnam par 'phrul pa rdzu 'phrul la sogs pa gang ngo mtshar du gyur pa rnams thams cad kyi thams cad du 'tshal bar bgyi ba zheso// 'di ni de'i rab tu dbye ba rnam pa bcu drug ste don brgyad po'o// da nau de'i mthar thug pa'i don dgu pa ste/ de ni kun tu bzang pa'i smon lam gyi mthar thug pa ste/ nam mkha'i mthar thug pa zhes pa la sogs pa gang gsungs pa/ nam mkha'i mthar thug pa zhes bya ba la sogs pa la/ ji sridadu na mkha'i khams kyi thar thug par gyur pa sems can gyi khams kyi mthar thug pa de srid dang / las dang nyon mongs pa yang 'gro ba ji srid pa'i mthar thug pa de srid kyi bar du/ bdag gis kun tu bzang po'i spyod pa'i smon lam 'di yang gyur cig pa'o// na mkha' mthar thug pa med pa dang yongasu rdzogs pa med pa de bzhin du/ bdag gi smon lam yang mthar thug pa med pa dang / yongasu rdzogs pa med par gyur cig ces pa'o// ngan po cu pa ni smon lam gyi phan yin no// / de yang rnam pa gnyis te/ mthong ba'i chos dang / pha rol gyi'o// de la mthong ba'i chos la bzhi ste/ 'di lta ste/ bsod nams khyad par can yongasu bzung ba dang / de bzhin gshegs pa blta ba dang / byang chub sems dpa'i grogs mthun pa rnyed pa dang / las kyi sgrib pa thams cad yongasu zad pa'o// de la rab tu myang bar gyur pa rgya che ba rnam pa sna tshogs pa'i rjesu bzung ba'i dngos po zhing khyad par du 'phags pa'i gtam byang chub kyi don du gyur pa'i smon lam la/ mos pa'i mchog khyad par du 'phags pa'i bsod nams yongasu bsngo bya gang gsungs pa ni/ gang yid phyogs bcu'o zhing rnams zhes bya ba la sogs pa la/ gang yang rigs kyi bu 'am rigs kyi bu mo gang gis phyogs bcu mtha' yas pa mthar thug pa'i sangs rgyas kyi zhing sna tshogs pa/ rin po che dang / gros dang / bla re dang / gdugs dang / rgyal mtshan dang / bo dan dang / rol mo dang / rin po che'i dril bu dang / phreng ba dang / dri dang / me tog dang / mar me'i phreng ba dag mi dang lha'i ngag las shin tu 'das pa brgyan pa/ lha dang mi dag gi khyad par du 'phags pa'i bza' ba dang btung ba la sogs pa ro lnga brgya dang ldan pa mchog tu bde ba skyed par byed pa/ sangs rgyas kyi zhing rdul dang mnyam pa'i bskal par sangs rgyas bcom ldan 'das dag la dbul bar bya'o// gang yang gzhan 'di lta bu'i bsngo ba'i rgyal po 'di thos na sa/ lan cig tsam yang mos pa ste/ mngon par yid ches pa nyid kyis 'di nyid nges par skyes nas gang byed pa'o// de gang zhe na/ byang chub mchog gi rje su rab mos te/ zhes pa ni theg pa chen po la'o// de yang ston pas bzang ba'i bsod nams khyad par du 'phags pa 'di thob par 'gyur ba'o// 'gyur ro zhes bya bar bstan pa ni de dag gi don drug pa'i rnam par dbye bar yongasu 'gyur ba ste/ de'i bsod nams kyi mchog khyad par du 'phags pa 'di lta bur 'gyur ba'o// sdig pa'i grogs po ngan pa spong ba dang / de bzhin gshegs pa la lta ba gang gsungs pa/ grogs po ngan pa spangs pa yin zhes bya ba la sogs pa la/ grogs po dran pa ni mi dge ba'i bshes go nyen te/ nyan thos la sogs pa'o// 'chi ba'i dus nA nges par bcom ldan 'das snang ba mtha' yas de bzhin gshegs pa myur du mthong ba'o// gang gis mthong zhe no/ gang 'di lta bu'i bzang po spyod pa'i smon lam gyi snying por gyur pa'i gzhung dang don dgu blo la gnas pa'o// skye ba 'di thob pa la bsngags pa'i grogs po byang chub sems dpa' dang / gang phrad pa gsungs pa ni/ rnyed par ba rnyed ces bya ba la sogs pa la/ rnyed pa ni bla na med pa'i smon lam rin po che rnyed pa'o// rab tu rnyed pa ni des bde bar 'tsho ba dang / de dag smon lam rin po che nyid rnyed pa ste/ 'di nyid kyis yang skye ba na mchog tu gyur pa thob par bya ba'i dngos po thob pa'i phyir ro// legs par 'ongs pa ni mi'i skye bar// gang 'phags pa kun tu bzang po'i spyod pa de ci 'dra bar de yang myur ba nyidu de bzhin du de dang 'dra bar gyur cig ces pa'o// las kyi sgrib pa yongasu zad pa'i phan yon bzhi pa gang gsungs pa ni mtshams med lnga po zhes bya ba la sogs pa la/ mtshams med pa lnga ni ma bsad pa la sogs pa ste/ gang mi shes pa'i dbang gis byas pa'o// mi shes pa rtsa bar gyur pa'i phyir na/ gzhan 'dod chags la sogs pa yang yang ma shes pa'i dbang gis zhes brjed// de kun tu bzang po'i spyod pa'i smon lam ji skad du bshad pa 'di 'don pa la dad pa'i chu yis snying gang bar gyur pas/ 'don pa dang / ston pa dang / yid kyis mos pa dang / klog pa dang / 'dzin pa dang / bsgom pa lnga skrag pa'i shugs kyis nyin mtshan du yi dam du byed na mtshams med pa yang myur du ma lus par yongasu zad pa ste/ rtsa nas 'byin pa'o// pha rol gyi ni rnam pa gnyis te/ pha rol gyi rgyu dang 'bras bu'o// de la ye shes dang mtshan dang dpe byed dang / rigs kyi mi mthun pa'i phyogs kyis mi bcings par gyur pa'i mchin nyid gang gsungs pa/ ye shes dang ni gzugs dang zhes bya ba la sogs pa la/ ye shes zhes pa ni ni ye shes kyi spyod pa rgya mtshos 'gro ba'i gzugs zhes pa ni/ gzugs yid du 'ong ba'o// mtshan zhes pa ni skyes bu chen po'i mtshan sum cu rtsa gnyis te/ spyi gtsug ltar ma mngon pa la sogs pa dag dang mtshan gyi 'khor dpe byad dag ste/ gzhan la med pa de dang ldan par gyur pa zhes go bar bya'o// rigs shes pa la rigs shes pa ni bram ze dang / rje'u rigs dang / gzhan pa'i rigs so// dus shes pa rtogs pa khyad par can mngon par shes pa la sogs pa'o// 'gyur zhes pa ni 'gyur ba ste skye bar// ldan zhes pa ni yang dag par ldan par gyur pa'o// bdud dang mu stegs mang pos de mi thub ces pa ni mu stegs kyi tshogs dang bdud kyi tshogs kyis kyang mi thub pa ste/ zil gyis mi non zhing ngo // 'jig rten gsum po thams cad kyis kyang mchod par 'gyur ba'o// gang kun tu bzang po'i spyod pa'i smon lam 'dri 'dzin par byed pa dang / klog par byed pa dang / ston par byed pa'i 'bras bu yang dag par bsdus pa ni/ byang chub kyi snying por song nas seng ge'i gdan la 'dug ste/ bdud pham par byas nas mngon par byang chub ste/ chos kyi 'khor lo bskor ba la sogs pa'i mtshan nyid gang gsungs pa ni/ myur du 'gro zhes bya ba la sogs pa lo/ gang kun tu bzang po'i spyod pa rin po che bla na med pa 'di'i yang dag par sdod pa na/ bsod nams dang ye shes kyi tshogs kyis myur du 'gro zhes pa ste/ byang chub kyi shing gi dbang po ni byang chub kyi shing gi rgyal po'o// song nas kyang skyil mo krung gis 'gro bo thams cad la phan pa dang bde ba'i don du seng ge'i gdan la bzhugs pa'o// bzhugs nas kyang bdud kyi dpung pham par byas nas/ de'i rje su bla na med pa yang dag par rdzogs pa'i byang chub tu mngon par rdzogs par sangs rgyas nas/ bla na med pa'i chos kyi 'khor lo bskor ba ste/ ston par byed pa zhes bya ba'i bar du'o// yang mdor bsdus nas 'jig rten dang 'jig rten las 'das pa'i ma lus pa'i phun sum tshogs pa'i phan yon gang gsungs pa/ gang gis bzang po spyod ces bya ba la sogs pa'o// gang bzang po spyod pa'i smon lam 'di 'dzin pa dang / klog pa dang gang zhig ston pa de'i rnam par smin pa de sangs rgyas bac+doMs rje btsun gyis mkhyen gyi/ gzhan nyan thos dang rang sangs rgyas la sogs pas ni ma yino// smon lam rin po che 'di'i rnam par smin pa ji lta bu zhig mkhyen ce na/ gsungs pa/ byang chub mchog ste bla na med pa ying dag par rdzogs pa'i byang chub kyi 'bras bu 'jig rten las 'das pa ma lus pa'i phun sum tshogs pa rtogs pa dang / de nyid kyi phan yon 'di yang brjod pa go bar bya ste/ de med na mi 'byung ba'i phyir 'di las 'jig rten gyi phun sum tshogs pa 'thob par 'gyur ba'o// de'i phyir smon lam gyi rgyal po 'di la yid gnyis bskyed par mi bya'o// da ni gang glog pa'i yongasu bsngo ba gsungs pa/ 'jam dpal ji ltar mkhyen cing zhes bya ba la sogs pa la/ 'phags pa bajam dpal gyis ji ltar mkhyen pa dang / byang chub sems dpa' chen po kun tu bzang po 'di yang de bzhin zhes pa'o// de dag gi rjesu bdag gis bslab par bya ba ni/ dge ba'i phung po 'di dag byang chub sems dpa' 'di ltar yongasu bsngo ba'o// da ni de bzhin gshegs pa'i yongasu bsngo ba gnyis pa ni/ dus gsum gshegs pa rgyal ba tha~Md kyis// zhes bya ba la sogs pa la/ dus gsum du bzhugs pa'i rgyal ba bac+doMs dag gis gang yongasu bsngo/ ba bsngags shing bstod pa mchog tu gyur pa bla na med pa des// des bdags shes pa ni bdag gis kyang yongasu bsngo bar bya ba ste/ bsod nams kyi phung po bsags pa'adi dag thang spyad pa bla na med pa bzang po'i spyod paso// da ni tshigs bcad pa phyed kyis ni sgrib pa spangs pa dang / gzhan phyed kyis ni pha rol tu phyin pa dang rjesu mthun pa'i bdag nyi du bsgom pa'i yongasu bzung ba gang gsungs pa ni/ dus byed ces bya ba la sogs pa la/ dus byed pa ni 'chi ba'o// de'i dus byed pa ni 'chi ba'i dus na'o// gang cung zad sgrib pa yod pa de dag bzang po'i spyod pas de thams cad ma lus bsal ba'o// mngon sum mthong zhes pa ni bac+doMs snang ba mtha' yos mthong ba'o// der zhes pa ni bde ba can gyi sangs rgyas kyi zhing dere// 'gro'o zhes pa ni de ru 'gro ba zhes pa'o// de ltar bde ba can gyi sangs rgyas kyi zhing der song nas kyang rnam pa 'di lta bu'i ji ltar bstan pa'i smon lam gyi tshogs bdag gi mngon du gyur cig/ sen ma lus pa thad nyid la phan par bya ba'i phyir/ de dag tha bdag gis yongasu rdzogs par bya ba'o// dus ji sri du zhe na/ gsungs pa/ 'jig rten ji srid ces pa ste/ 'jig rten ji srid pa'i 'gro ba zhes pa'i don to// lung bstan pa yang dag par thob pa dang / sems can gyi don phun sum tshogs pa mchog bya ba ni/ rgyal ba'i dkyil 'khor zhes bya ba la sogs pa la/ der zhes pa ni de la'o// rgyal ba'i dkyil 'khor zhes pa ni/ de bzhin gshegs pa'i 'khor gyi dkyil 'khor te/ bzang zhes pa ni mdzes pa yid du 'ong zhing yid dang 'thad pa'o// pad+ma dam pa zhes pa ni pad+ma'i mchog ste/ rin po che sna tshogs pas spros pa'i rang bzhin mdzes pa yi du 'ong ba/ 'od gsal ba sna tshogs pa'i 'od zer mang po 'phro ba'o// skye zhes pa ni 'byung bar 'gyur/ pa'o// lung bstan ces pa ni lung ston par byed pa ste/ 'dis lung ston pa'o// 'di'i dus su 'jig rten gyi khams che ge mo zhig tu/ de bzhin gshegs pa dgra bcom pa yang dag par rdzogs pa'i sangs rgyas/ ming 'di zhes bya bar 'gyuraro zhes rnam pa 'di lta bur lung bstan pa'o// de la bdag gis lung bstan pa thob pa ni/ bcom ldan 'das snang ba mtha' yas de'i mngon sum du dngos su'o// der ni zhes pa ni bcom ldan 'das snang ba mtha' yas las lung bstan pa thob nas/ de nas sprul pa bya ba brgya'i sprul pa'i sprin du mas phyogs bcu thams cad khyab par byas nas/ 'gro ba sems can 'di dag la phan pa mang po grangs las 'das pa skad cig la bya'o// nye bar bsdu ba ni/ phyogs bcu byed pa dang / 'khor ba ma stongs kyi bar du'o// blo yid stobs zhes pa ni ye shes kyi stobs te// ye shes kyi che ba'i bdag nyid do// chags pa med par spyad par bya'o zhes bya ba'i bar du'o// smon lam rgyal po 'di yi 'grel po byas pa yoyis// bsod nams bdag gis thob las 'gro ba'i don grub cing // yang nas yang du dge ba 'di ni byed pa dang // 'di yi rgyu mthun sbyin par yongasu bsngo bar shog/ 'phags pa bzang pa spyod pa'i 'grel pa/ slob dpon dbyig gnyen gyis mdzad pa rdzogs so// / rgya gar gyi mkhan po pat+nI ta a tsAr+ya aM nan+tha dang / lauts+tsha ba dge slong b+hA dra pA las bsgyur ba'o// mang+ga laM/ bsod nams stobs rgyas kyis mtshon mar gyur 'gro ba yis// tshe rabs du mar bsags pa'i sdig sgrib ma lus kun// dge 'dis dug lnga'i me lce chu yis bcil ba bzhin// ring min byang chub snying po'i go 'phang myur thob shog/ ces mi dbang po lha bas sgo gsum tshig dril gyi smon lam btab pa'o// /