| བོད་ཡིག | e-texts produced with BDRC’s OCR application |
rgya grwar skad du/ ma d+hA ma u pa de sha nA ma/ bod skad du/ dbu mu'i man ngagra ces bya ba 'jig rten mgon po la phyag 'tshal lo// gang gi gsung gi 'od zer gyis// bdag sogs rmongs pa ma lus pa'i// snying gi pad+ma kha 'byed pa'i// dam pa skyes mchog de la 'dud// theg pa chen po dbu ma'i man+da ngag ni 'di yin te/ kun rdzob tu chos thams cad tshu rol mthong ba'i ngor byas nas/ rgyu 'bras la sogs pa rnam par bzhag ba thams cad ji ltar snang ba bzhin du bden pa yin la/ don dam par ramya/ yang dag par na kun rdzob ji ltar snang ba de kho na gtan tshogs chen po rnams kyis gzhigs shing bcol na/ skra'i rtse mo brgyar bshags pa'i tshang tsam kyang bzung du med do zhes nges par khong du chud par bya'o// stan bde ba la skyil mo dkrung bcas te 'dug la/ 'di ltar re zhig dngos po ni gnyis te/ gzugs can dang gzugs can ma yin pa'o// de la gzugs can rnams ni rdul phra rlab 'dus pa yin la/ de yang phyogs tshwa'i dbye bas phye zhing gzhigs na/ shin tu phra ba yang lus med cing shin tu snang ba yang med do// gzugs can ma yin pa ni sems yin la/ de yang 'di ltar 'das pa'i sems ni 'gag shing zhig/ ma 'ongs pa'i sems ni ma skyes shing ma byung / da ltar gyi sems ni 'di ltar yang shin tu brtag dka' ste/ kha dog med cing dbyibs bral ba// nam mkha' dang 'dra bas ma grub pa 'am yang na gcig dang du ma dang bral ba'am/ yang na ma skyes pas sam yang de rang bzhin gyis 'od gsal ba la sogs pa rigs pa'i mtshon gyi sna dpyad cing gzhigs nas ma grub par rtogs so// de ltar gnyis pa ci'i ngo bor yang ma grub cing med tsam na so sor rtog pa'i shes rab de nyid kyang ma grub ste/ dper na shing gnyis phan tshun drung pas me byung ba'i rgyan gyis shing gnyis po nyid tshig cing med pa'i rjes la gang gis sreg par byed pa'i me de nyid kyang / rang zhi bu de bzhin du rang dang spyi'i mtshan nyid kyis chos thams cad med par grub tsam na/ shes rab nyid kyang snang ba med cing 'od gsal ba ci'i ngo bor yang ma grub pas/ bying ba dang / rgod pa la sogs pa'i skyon du gyur pa thams cang gsal te/ bar skabs der shes pa cir yang mi rtog cir yang mi 'dzin/ dran pa dang / yid la byed pa thams cad spangs te/ ji srid du mtshan ma 'am/ rnam par rtog pa'i dgra 'am/ choms rkun ma langs kyi bar du/ de lta bu la shes pa gnas par bya'o// gang gi ldang bar 'dod na ngal bus skyil mo dkrung shig la langs te/ sgyu ma lta bu'i yid kyis lus dang / ngag dang yid kyis dge ba ci nus kyis bya'o// de ltar gus pa dang yun ring ba dang / rgyun ma chad pa sgrub na skal ba dang ldan pa rnams kyis tshe 'di nyid la bden pa mthong bar 'gyur te/ chos thams cad nam mkha'i dkyil lta bur 'bad pa dang / rtsol ba med cing rang gi ngang gis grub par mngon sum du byed do// de'i rjes la thob pas ni chos thams cad sgyu ma la sogs par shes par bya'o// gang gi tshe rdo rje lta bu'i ting nge 'dzin mngon du byas phun chad ni rjes las thob pa yang mi mnga' ste/ dus thams cad du mnyam par bzhag pa'o// de lta ma yin na byang chub sems dba' dang / khyad par ci yod bya ba la sogs pa'i rigs pa dang lung 'dir mi brjod do// gzhan gyi don bskal pa grangs med par tshogs bsags pa dang / smon lam btab pa'i mthus gdul bya rnams ji ltar 'dod pa bzhin du 'gyur ro// lung dang rigs pa shin tu mang mod kyi 'dir ma spros so// dbu ma'i man ngag ces bya ba slob dpon dpal mar me mjing ye shes kyis mdzad pa rdzogas+ho// rgya gar gyi mkhan po de nyid dang / zhu chen gyi lo tsA ba dge slong tshul khrims rgyal bas/ lha sa 'phrul snang du bsgyur cing zhus te gtan la phab pa'o// /