བོད་ཡིག

e-texts produced with BDRC’s OCR application

rgya gar skad du/ pa ra mAr+tha bo d+hi tsit+ta b+ha ba kra ma na war+Na saM kra ha/ bod skad du/ don dam pa byang chub kyi sems bsgom pa'i rim pa yi ger bris pa// sangs rgyas dang byang chub sems dpa' thams cang la phyag 'tshal lo// bcom ldan 'das 'jam dpal gzhon nur gyur pa la phyag 'tshal lo// don dam pa byang chub kyi sems bsgom pa'i yi ge rin po che'i sgron ma zhes bya ba cung zad bri bar bya'o// ji ltar snang zhing grags pa'i chos// de ltar sgrub cing bden pa min// sna tshogs cir yang 'gyur ba'i phyir// dper na mi 'phrul rnam pa bzhin// ngo bo nyid med na mkha' 'dra// rten 'brel tsam las byung ba'i phyir// shin tu med pa ma yin te// dper na rmi lam rgyu 'bras bzhin// bden pa ma grub rdzun mi bzlog/ de lta'i don nying ma shes pas// 'khrul rtog rkyen gyis rab bslus te// mi bzang sdug bsngal 'khor lo bskor// kha cig yod mthong med bltas pas// sdig pa'i las byas sdug bsngal myong // dper na mi shes pa yi mis// rnam par ldang ba'i dug 'thungs shing // kha cig dge ba'i las byed kyang // rnam par dben don ma shes pas// rmi lam yul gyi bde ba bzhin// re zhig thob kyang slar nyams 'gyur// de ltar 'jig rten phal pa yis// yang dag bdag med de bzhin nyid// don dam 'jam dpal mthong ba min// de bas 'gro drug snying rje'i yul// kha cig rdul phran don dag ni// rten 'brel blo yis mngon sum mthong // kha cig rjes su rjes dpag shes// gnyis kas chos kyi bye brag rtogs// sdug bsngal dang ni de rgyu dag/ spangs te bdag nyid ni bya'i phyir// sgrub pa bdun la gnas nas ni// sgrub pa cag gi thar par 'dod// rdul meng rdul bral dri ma med// chos dbyings 'jam dpal mthong ba min// kha cig shes rab rtsal gyis ni// gzung ba stong par rib shes shing // 'dzin pa rdzas su grub par lta// 'khor ba ma rig tu las byung // bzlog phyir rig pa'i ye shes bsgom// gzhan don cung zad skyong gyur yang // lus kun las ni rnam grol ba'i// don dam 'jam dpal mngon pa min// rags pa'i chos ni ma grub ni// phra ba'i chos kyang 'grub pa min// chos ni rab tu mthong gyur na// chos nyid de nyid ma mthong bas// dper na dmigs rgyu ma brtags par// chu bo 'jigs nas spong ba bzhin// kha cig rnam par 'khrul par smra// dper na na mkha' gzugs mthong bzhin// sems nyid snang med mkha' 'dra ba// don dam nyid du grub par 'dod// kha cig chos kun rang rig lus// sna tshogs brtags pas rnam par dbyen// dper na rmi lam nyams myong bzhin// gnyis med ye shes grub par 'dod// chags dang sdang ba spangs pa dang // thabs mkhas blo chen de yis kyang // rnam shes chos nyid las 'das pa'i// chos dbyings 'jam dpal mthong pa min// sems nyid bde ba'i de nyid la// 'dir ni cung zad rnam brtags na// bdag las ma yin gzhan las min// gnyis ka las min rgyu med min// yod pa yod phyir skye mi rigs// yang na skye ba thug med 'gyur// med pa med pas skye mi rigs// yang na cig car skye bar 'gyur// de phyir yang dag skye med phyir// rdzun pas bden pa grub pa min// gal te grub pa mtha' yas pa'i// gnod pa 'di la rab tu 'du// des na ma brtags nyams dgo' ste// sgyu ma tsam la brtags pas bslus// sems ni sgyu ma'i rnam pa ste// byang chub kyang ni sgyu ma 'dra// des kyang tshig tu brjod spangs te// spros bral 'jam dpal mthong ba min// sgyu ma sgyu ma tsam min te// gal te yin na de mi grub// grub na gzhan gyi gzhung lugs kyang // sgyu ma'i chos su thal bar 'gyur// de phyir sgyu ma'i rang bzhin ni// sgyu bzhin 'di zhes brjod du med// 'di yang thugs rje ldan pa yis// bden pa gnyis kyi tshul gnas te// tha snyad don la rab brten nas// bdag med seng ge'i sgra chen bsgrags// stong pa nyid sogs rnam grangs sgo// ste ma 'dra sogs dpe mtha' yas// theg pa sna tshogs thabs tshul gyis// mi gnas dbu ma nye bar mtshon// mtshon kyang mtshon byA ma yin te// 'di lta bsal bya ci yang med// stong pa nyid kyang stong pas stong // 'di la sangs rgyas sems can med// bdag gzhan snang zhing srid pa'i chos// rnam grol rnam par bcings pa yang // ming tsam ming yang yod ma yin// thams cad na mkha' dang 'dra ste// de ltar chos rnams mthong med na// mi mngon mi snang 'jam dpal mthong // skye dang 'chi ba'i srid pa yi// 'khor ba'i rgya mtsho pha rol 'gro// lta bas na yon tan gyi skabyas nas kyang // lta ba ngan pa'i chang tshing ma lus par sel ba'o// zhes pa dang / chos thams cad brjod du med pa'i rang bzhin nyid do zhes pa dang / chos kyi rgyal por 'gyur ro zhes pas bstan to// blo mchog sa gzhi lta bu la// dam chos nyi ltar kun nas gsal// blo dman khang bu lta bu'i phyir// rin chen sgron ma tsam 'di bris// don dam pa byang chub kyi sems bsgom po'i yi ge rin po che'i sgron ma zhes bya ba/ slob dpon chen po rta dbyangs kyis mdzad pa rdzogs so// / rgya gar gyi mkhan po pang ma ka ra bar+m+ma dang / zhu chen gyi lo ts+tsha ba dge slong rin chen bzang pos bsgyur cing zhus te gtan la phab pa'o// /