| Wylie | e-texts produced with BDRC’s OCR application |
རྒྱ་གར་སྐད་དུ། པ་ར་མཱརྠ་བོ་དྷི་ཙིཏྟ་བྷ་བ་ཀྲ་མ་ན་ཝརྞ་སཾ་ཀྲ་ཧ། བོད་སྐད་དུ། དོན་དམ་པ་བྱང་ཆུབ་ཀྱི་སེམས་བསྒོམ་པའི་རིམ་པ་ཡི་གེར་བྲིས་པ།། སངས་རྒྱས་དང་བྱང་ཆུབ་སེམས་དཔའ་ཐམས་ཅང་ལ་ཕྱག་འཚལ ་ལོ།། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། དོན་དམ་པ་བྱང་ཆུབ་ཀྱི་སེམས་བསྒོམ་པའི་ཡི་གེ་རིན་པོ་ཆེའི་སྒྲོན་མ་ཞེས་བྱ་བ་ཅུང་ཟད་བྲི་བར་བྱའོ།། ཇི་ལྟར་སྣང་ཞིང་གྲགས་པའི་ཆོས།། དེ་ལྟར་སྒྲུབ་ཅིང ་བདེན་པ་མིན།། སྣ་ཚོགས་ཅིར་ཡང་འགྱུར་བའི་ཕྱིར།། དཔེར་ན་མི་འཕྲུལ་རྣམ་པ་བཞིན།། ངོ་བོ་ཉིད་མེད་ན་མཁའ་འདྲ།། རྟེན་འབྲེལ་ཙམ་ལས་བྱུང་བའི་ཕྱིར།། ཤིན་ཏུ་མེད་པ་མ་ཡིན་ཏེ།། དཔེར་ན་རྨི་ལམ་རྒྱུ་འབྲས་བཞིན།། བདེན ་པ་མ་གྲུབ་རྫུན་མི་བཟློག། དེ་ལྟའི་དོན་ཉིང་མ་ཤེས་པས།། འཁྲུལ་རྟོག་རྐྱེན་གྱིས་རབ་བསླུས་ཏེ།། མི་བཟང་སྡུག་བསྔལ་འཁོར་ལོ་བསྐོར།། ཁ་ཅིག་ཡོད་མཐོང་མེད་བལྟས་པས།། སྡིག་པའི་ལས་བྱས་སྡུག་བསྔལ་མྱོང་།། དཔེར་ན་མི་ཤེས ་པ་ཡི་མིས།། རྣམ་པར་ལྡང་བའི་དུག་འཐུངས་ཤིང་།། ཁ་ཅིག་དགེ་བའི་ལས་བྱེད་ཀྱང་།། རྣམ་པར་དབེན་དོན་མ་ཤེས་པས།། རྨི་ལམ་ཡུལ་གྱི་བདེ་བ་བཞིན།། རེ་ཞིག་ཐོབ་ཀྱང་སླར་ཉམས་འགྱུར།། དེ་ལྟར་འཇིག་རྟེན་ཕལ་པ་ཡིས།། ་ཡང་དག་བདག་མེད་དེ་བཞིན་ཉིད།། དོན་དམ་འཇམ་དཔལ་མཐོང་བ་མིན།། དེ་བས་འགྲོ་དྲུག་སྙིང་རྗེའི་ཡུལ།། ཁ་ཅིག་རྡུལ་ཕྲན་དོན་དག་ནི།། རྟེན་འབྲེལ་བློ་ཡིས་མངོན་སུམ་མཐོང་།། ཁ་ཅིག་རྗེས་སུ་རྗེས་དཔག་ཤེས།། གཉིས ་ཀས་ཆོས་ཀྱི་བྱེ་བྲག་རྟོགས།། སྡུག་བསྔལ་དང་ནི་དེ་རྒྱུ་དག། སྤངས་ཏེ་བདག་ཉིད་ནི་བྱའི་ཕྱིར།། སྒྲུབ་པ་བདུན་ལ་གནས་ནས་ནི།། སྒྲུབ་པ་ཅག་གི་ཐར་པར་འདོད།། རྡུལ་མེང་རྡུལ་བྲལ་དྲི་མ་མེད།། ཆོས་དབྱིངས་འཇམ ་དཔལ་མཐོང་བ་མིན།། ཁ་ཅིག་ཤེས་རབ་རྩལ་གྱིས་ནི།། གཟུང་བ་སྟོང་པར་རིབ་ཤེས་ཤིང་།། འཛིན་པ་རྫས་སུ་གྲུབ་པར་ལྟ།། འཁོར་བ་མ་རིག་ཏུ་ལས་བྱུང་།། བཟློག་ཕྱིར་རིག་པའི་ཡེ་ཤེས་བསྒོམ།། གཞན་དོན་ཅུང་ཟད་སྐྱོང་གྱུར ་ཡང་།། ལུས་ཀུན་ལས་ནི་རྣམ་གྲོལ་བའི།། དོན་དམ་འཇམ་དཔལ་མངོན་པ་མིན།། རགས་པའི་ཆོས་ནི་མ་གྲུབ་ནི།། ཕྲ་བའི་ཆོས་ཀྱང་འགྲུབ་པ་མིན།། ཆོས་ནི་རབ་ཏུ་མཐོང་གྱུར་ན།། ཆོས་ཉིད་དེ་ཉིད་མ་མཐོང་བས།། དཔེར་ན ་དམིགས་རྒྱུ་མ་བརྟགས་པར།། ཆུ་བོ་འཇིགས་ནས་སྤོང་བ་བཞིན།། ཁ་ཅིག་རྣམ་པར་འཁྲུལ་པར་སྨྲ།། དཔེར་ན་ན་མཁའ་གཟུགས་མཐོང་བཞིན།། སེམས་ཉིད་སྣང་མེད་མཁའ་འདྲ་བ།། དོན་དམ་ཉིད་དུ་གྲུབ་པར ་འདོད།། ཁ་ཅིག་ཆོས་ཀུན་རང་རིག་ལུས།། སྣ་ཚོགས་བརྟགས་པས་རྣམ་པར་དབྱེན།། དཔེར་ན་རྨི་ལམ་ཉམས་མྱོང་བཞིན།། གཉིས་མེད་ཡེ་ཤེས་གྲུབ་པར་འདོད།། ཆགས་དང་སྡང་བ་སྤངས་པ་དང་།། ཐབས་མཁས ་བློ་ཆེན་དེ་ཡིས་ཀྱང་།། རྣམ་ཤེས་ཆོས་ཉིད་ལས་འདས་པའི།། ཆོས་དབྱིངས་འཇམ་དཔལ་མཐོང་པ་མིན།། སེམས་ཉིད་བདེ་བའི་དེ་ཉིད་ལ།། འདིར་ནི་ཅུང་ཟད་རྣམ་བརྟགས་ན།། བདག་ལས་མ་ཡིན་གཞན་ལས་མིན།། ་གཉིས་ཀ་ལས་མིན་རྒྱུ་མེད་མིན།། ཡོད་པ་ཡོད་ཕྱིར་སྐྱེ་མི་རིགས།། ཡང་ན་སྐྱེ་བ་ཐུག་མེད་འགྱུར།། མེད་པ་མེད་པས་སྐྱེ་མི་རིགས།། ཡང་ན་ཅིག་ཅར་སྐྱེ་བར་འགྱུར།། དེ་ཕྱིར་ཡང་དག་སྐྱེ་མེད་ཕྱིར།། རྫུན་པས་བདེན་པ ་གྲུབ་པ་མིན།། གལ་ཏེ་གྲུབ་པ་མཐའ་ཡས་པའི།། གནོད་པ་འདི་ལ་རབ་ཏུ་འདུ།། དེས་ན་མ་བརྟགས་ཉམས་དགོའ་སྟེ།། སྒྱུ་མ་ཙམ་ལ་བརྟགས་པས་བསླུས།། སེམས་ནི་སྒྱུ་མའི་རྣམ་པ་སྟེ།། བྱང་ཆུབ་ཀྱང་ནི ་སྒྱུ་མ་འདྲ།། དེས་ཀྱང་ཚིག་ཏུ་བརྗོད་སྤངས་ཏེ།། སྤྲོས་བྲལ་འཇམ་དཔལ་མཐོང་བ་མིན།། སྒྱུ་མ་སྒྱུ་མ་ཙམ་མིན་ཏེ།། གལ་ཏེ་ཡིན་ན་དེ་མི་གྲུབ།། གྲུབ་ན་གཞན་གྱི་གཞུང་ལུགས་ཀྱང་།། སྒྱུ་མའི་ཆོས་སུ་ཐལ ་བར་འགྱུར།། དེ་ཕྱིར་སྒྱུ་མའི་རང་བཞིན་ནི།། སྒྱུ་བཞིན་འདི་ཞེས་བརྗོད་དུ་མེད།། འདི་ཡང་ཐུགས་རྗེ་ལྡན་པ་ཡིས།། བདེན་པ་གཉིས་ཀྱི་ཚུལ་གནས་ཏེ།། ཐ་སྙད་དོན་ལ་རབ་བརྟེན་ནས།། བདག་མེད་སེང་གེའི་སྒྲ་ཆེན ་བསྒྲགས།། སྟོང་པ་ཉིད་སོགས་རྣམ་གྲངས་སྒོ།། སྟེ་མ་འདྲ་སོགས་དཔེ་མཐའ་ཡས།། ཐེག་པ་སྣ་ཚོགས་ཐབས་ཚུལ་གྱིས།། མི་གནས་དབུ་མ་ཉེ་བར་མཚོན།། མཚོན་ཀྱང་མཚོན་བྱཱ་མ་ཡིན་ཏེ།། འདི་ལྟ ་བསལ་བྱ་ཅི་ཡང་མེད།། སྟོང་པ་ཉིད་ཀྱང་སྟོང་པས་སྟོང་།། འདི་ལ་སངས་རྒྱས་སེམས་ཅན་མེད།། བདག་གཞན་སྣང་ཞིང་སྲིད་པའི་ཆོས།། རྣམ་གྲོལ་རྣམ་པར་བཅིངས་པ་ཡང་།། མིང་ཙམ་མིང་ཡང་ཡོད་མ་ཡིན།། ་ཐམས་ཅད་ན་མཁའ་དང་འདྲ་སྟེ།། དེ་ལྟར་ཆོས་རྣམས་མཐོང་མེད་ན།། མི་མངོན་མི་སྣང་འཇམ་དཔལ་མཐོང་།། སྐྱེ་དང་འཆི་བའི་སྲིད་པ་ཡི།། འཁོར་བའི་རྒྱ་མཚོ་ཕ་རོལ་འགྲོ།། ་ལྟ་བས་ན་ཡོན་ཏན་གྱི་སྐབྱས་ནས་ཀྱང་།། ལྟ་བ་ངན་པའི་ཆང་ཚིང་མ་ལུས་པར་སེལ་བའོ།། ཞེས་པ་དང་། ཆོས་ཐམས་ཅད་བརྗོད་དུ་མེད་པའི་རང་བཞིན་ཉིད་དོ་ཞེས་པ་དང་། ཆོས་ཀྱི་རྒྱལ་པོར ་འགྱུར་རོ་ཞེས་པས་བསྟན་ཏོ།། བློ་མཆོག་ས་གཞི་ལྟ་བུ་ལ།། དམ་ཆོས་ཉི་ལྟར་ཀུན་ནས་གསལ།། བློ་དམན་ཁང་བུ་ལྟ་བུའི་ཕྱིར།། རིན་ཆེན་སྒྲོན་མ་ཙམ་འདི་བྲིས།། དོན་དམ་པ་བྱང ་ཆུབ་ཀྱི་སེམས་བསྒོམ་པོའི་ཡི་གེ་རིན་པོ་ཆེའི་སྒྲོན་མ་ཞེས་བྱ་བ། སློབ་དཔོན་ཆེན་པོ་རྟ་དབྱངས་ཀྱིས་མཛད་པ་རྫོགས་སོ།། ། རྒྱ་གར་གྱི་མཁན་པོ་པང ་མ་ཀ་ར་བརྨྨ་དང་། ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། ། ་