| བོད་ཡིག | e-texts produced with BDRC’s OCR application |
rgya gar skad du/ saM br-i ti bo d+hi tsit+ta b+hA ba no ba de shA war+Na saM kru ha/ dod skad du/ kun rdzob byang chub kyi sems bsgom pa'i man ngag yi ger bris pa/ sangs rgyas dang byang chub sems dpa' thams cad la phyag 'tshal lo/ kun rdzob byub kyi sems bsgom pa'i yi ge pad+ma spungs pa zhes bya ba cung zad bri bar bya'o// shes rab snying rje ldan pa'i mos// 'gro ba mgon med rnams kyi phyir// dag par byed cing sdig sel ba// byang chub sems mchog rab bskyod nas// byang chub spyad pa'i 'gros chen gyis// nges 'byung lam ni mthar phyin na// pha dang ma la rab gus shing // rgan la sri zhu byed pa dang // mi yi chos lugs legs srung ba// 'di ni yi rabs spyod pa yin// mi 'tshe ba dang bden pa dang // byin nas len dang tshangs par spyod // 'dzin pa thams cad btang ba ni// 'di ni bde 'gro'i spyod pa yin// 'khor ba'i sdug bsngal yongs mthong nas// spang phyir bden pa'i lam bsgom zhing // kha na ma tho gnyis spong ba// 'di ni zhi ba'i spyod pa yin// 'di dag kun kyang blang byo ste// nges 'byung lam gyi yan lag yin// chos kun stong pa nyid rtogs pas// 'gro la snying rje'i chu rgyun 'byung // thabs mkhas spyod pa mtha' yas pa/ nges 'byung mchog gi spyod pa yin// de yang thog mar 'di lta ste// don med rnam par bslu ba yin// 'jig rten chos la ma chags par// nags tshal la sogs dben par bsdad// sems nyid gdod nas ma skyed pa// rang byung dgon pa yin mos kyi// las dang po pa'i sems can gyis// phyi rol dgon pa thog mar bstan// dab 'ag sems nyid dgon pa bcum// byang chub stong po'i sa bon la// brten nas don tshon 'di ltar bsgrub// de yang thog mar chad med blo// btang snyoms sa gzhi leg bdal la// byams pa'i chu bos rnam bcus la// rab tu dga' ba'i rnal 'byor pas// snying rje'i sa bon legs par gdab// lta ba'i nam mkha' go phye la// byang sems myu gu thabs kyis bskyed// dngos grub le tog rab btsal la// ma chags blo yis kun la skye// sbyin pa'i g.yab mos legs bos la// snyan par smra bas gtam byas te// don mthun pa yis bag phab cing // don skyong gros chen nges par gdub// dad pa'i chu bum rab thogs la// bdag gzhan sdig pa rnam par bkru/ dran po'i phreng ba mchog thogs te// yang dag gdams ngag gzungs su bzung // shes bzhin mar me lag thogs te// bag yod gom pa legs par bor// nad med sbyin pa'i lus la ni// tshul khrims gtsang ma'i gos bgos shing // bzod pa'i mdangs chen rab phyung ste// brtson 'grus yan lag legs bskyod la// ting nge 'dzin gyi khang pa ru// bsam gtan kha zas legs sbyar zhing // shes rab snang bas sgo phye ste// stong nyid ye shes khang chen la// khams gsum skye bo mgron po'i tshogs// smon lam snying rjes bos nas su// thabs mkhas pa yi go rim bzhin// dam chos stobs kyis dga' ston bya// dad pa'i 'khor lo rin po ches// nyin mtshan dge ba'i lam sna drang // tshul khrims btsun mo rin po ches// rab tu mdzes pa'i rgyun 'phreng gdags// gtong ba'i blon po rin po ches// bsod nams ye shes 'phrul chen dbyung // thos pa dmag dpon rin po ches// log rtog dgra yi g.yul ngo gzhom// ngo tsha shes pa'i rta mchog gis// nyon mongs bdag med sbubs su sba// khrel yod stobs kyi glang po ches// phyin ci log gi las rnams spang // shes rab nor bu rin po ches// bdag dang gzhan gyi re ba bskang // yon tan mtha' yas 'phags pa'i nor// nor gzhan phal pa sdug bsngal rgyu// thog mar dge ba shes bsten pa yis// phyi nang chos kun slob dpon yin// nags sogs dus kyis 'gyur ba yis// 'dus byas mi rtag stong par ston// nag sogs rgyu 'bras so so yis// kun rdzob slu ba med par ston// ro dang rus pa chu shing sogs// phyi nang chos kun bdag med sngon// kun la khyab pa'i nam mkha' yin// don dam spros bral la sogs ston// rang bzhin yongs su shes pa'i blos// chags med mig gis phyogs su lta// de tshe yul na ci snang yang // sgyu ma bzhin du gos pa med// don gyi chos ni rtogs gyur na// tha snyad dag gis ci zhig bya// grogs mchog rnyed na shin tu legs// / de lha min na'ang gcig pur gnas// bung ba rgyags lding glu len cing // ljon shing yal ga gar byed cing // bya rnams snyan pa'i skad kyang 'byin// bsil yab dang 'jam phyogs na g.yo// phu chu lhung rgyan sgra yang sgrogs// mdzes pa'i ri dwags brgyug cing bskor// me tog tshogs ni rgod pa 'dra// tsan ngan spos sogs dri dang ldang // dgon pa'i yon tan 'di lta bus// rang bzhin dag la phan 'dogs shing // lan la cung zad mi re ste// grogs mang rnal 'byor ci phyir skyo// 'jig rten phal pa de lta min// ji ltar nags kyi ri dwags bzhin// rtsa ba sdong bu la sogs bza'// yang na bung bas me tog bzhin// yang dag 'tsho ba gtsang ma blang // yang na thabs mkhas bya bzhin du// sdig med gsog 'jog cung zad bya// ji ltar nags kyi dom bu bzhin// dro ba'i skyabs la brten par bya// yang na dman zhing mi mkho'i gos// yang na bsod nams stobs dang sbyar// ji ltar ri dgas phyogs su bdas// bag phebs nas ni nyal ba bzhin// de ltar bla mas bstan pa yi// yang dag don la rnal 'byor bya// bying rgod dbang du mi gtang bar// zhi gnas lhag mthong cha mnyam mo// nang gi zhi gnas ma rnyed kyang // phyi yi zhi gnas la brten te// ci nus pa yi chos spyod ni// nyen mtshan g.yel ba med par bya// de ltar bsod nams tshogs kyis ni// rang rgyud me long dag par 'gyur// de la dka' ba med par ni// shes rab ye shes 'char bar 'gyur// the tshom med cing dang ldan pas// chos gcig nan tan byas pa yis// yon tan mtha' yas rab snang ba// lo rgyus bzang dang gzhung nyid mthong // de lta bas na yon tan gyi skabs nas kyang // byang chub sems dpa'i spyod pa'i 'byung khungs so zhes pa dang / byung ba dang dor bu'i dngos po'i bye brag phyed pa'i shes rab nyid do zhes pa dang / ming yang dag par brjod pa 'di ni/ sangs rgyas kyi chos yang dag pa'i bar du yang yongs su rdzogs par bya'o zhes pas bstan to// blo yangs rgya mtsho lta bu la// spyod pa mtha' yas pad ma gsal// blo dman rdzing bu lta bu'i phyir// pad ma spungs pa tsam 'di bris// kun rdzobs byang chub kyi sems bsgom pa'i yi ge pad ma spungs pa zhes bye ba slob dpon mkhas pa chen po rta dbyangs kyis zhal snga nas mdzad pa rdzogs so// / rgya gar gyi mkhan po pad+ma ka ri barma dang zhu chen gyi lo tsA dge slong rin chen bzang pos bsgyur cing zhus te gtan la phab pa'o// /