བོད་ཡིག

e-texts produced with BDRC’s OCR application

rgya gar skad du/ b+hU ma ga tA ma d+hA nA ma/ bod skad du/ dbu ma 'khrul pa 'joms pa zhes bya ba/ slob dpon 'phags pa klu sgrub la phyag 'tshal lo// gang gis de nyid rab brtag min// rnam shes bya min gzhi ma yin// mtshon min brtag min rig bya min// skye 'jig med cing bde ba dang // rnam brtag ma yin snang ba med// mtshan ma med cing gsal byed med// gnyis min gnyis med ma yin dang // zhi dang blo 'jug rnam spangs pa// yi ge med pa yi ge yis// thugs rje nyid kyi ston mdzad pa'i// ston po ma nor nyid gsung ba// de la gus par phyag 'tshalo// gang gis bden gnyis mkhyen gyur cing // rmi lom lta bu'i kun rdzob la// thugs rjes chags pa mi mnga' ba'o// klu sgrub la yang phyag 'tshalo// bcom ldan 'das kyi theg pa chen po las// gang ma mthong ba nyid de kho na nyid mthong ba'o// zhes gsungs pa de'i don bshad par bya ste// 'di lta ste dper na/ rlung dang // mkhris pa dang / bad kan dang 'dus pa la sogs pa'i skyon mi mnyam pa shas chen pos/ rab rib mthug por gyur pa la smra ba dang ltung ma dang sbrang bu la sogs pa yang dag pa ma yin pa dag rgyun tu ts+tsha ngo // de sman pa mkhas pas rab rib sel ba'i mig sman ring bur legs par sbyar ba yang dag par bsten pas// skyon gyi mthu nyams shring / rab rib dang bral te mig rnam par dag cing dri ma med pa la/ sngar mthong ba'i skra shad la sogs pa dag mi snang ba de bzhin du/ rnal 'byor pa mkhas yang sngon thog ma med pa'i dus nas bsags pa'i skyon nyon mongs pa dang / shes bya'i sgrib pas blo gros kyi mig bsgribs pa'i tshe na/ rang gi rnam par rtog pas sgro btag pa gzugs la sogs pa'i dngos po ngo bo nyid dang / mtshan nyid dang mtshan nyid kyi gzhi dang / rgyu dang 'bras bu dang / gcig pa nyid dang / tha dad pa nyid dang / gnyi ga nyid dang / yod pa dang / med pa dang / rtag pa dang / chad pa dang / kun nas nyon mongs pa dang / rnam par byang ba dang / 'khor ba dang mya ngan las 'das pa la sogs pa rtog pa'i rnam pa dpag tu med pa'i bye brag tha dad pas/ tha dad par gyur pa'i dngos po rnams rnam pa du mar snang ngo // des chos thams cad kyi ngo bo nyid dmigs su med pa'i bdag nyid stong pa nyid mthong ba'i mig sman yongasu bsten pas 'dod chags la sogs pa'i skyon shas chen po'i rab rab kyi ling tog zhi bar gyur cing / rnam pa thams cad na pa nyid kyi ye shes rnam par mi rtog pa skad cig gcig chos thams cad mkhyen pa skye kI dus na ci yang mi gzigs te/ sangs rgyas kyi spyan bsgribs pa med cing thog po med pas shes bya thams cad lag mthil du skyu ru ra'i 'bras bu bzhag pa bzhin du skad tsog cig la ga ni ni rkad cig gcig gi mngon par rdzogs par 'tshang rgya ba'i phyiraro// mngon sum du gzigs pa rnam par rtog pa dang / phyin ci log mi mnga' ba brnyes pa'i phyiraro// gzhan yang dper na gnyid log pa'i rmi lam ni med bzhin du yang gnyid kyi dbang / gis bu mchog tu yid du 'ong ba/ zur phung mdzes pas mgo brgyan pa/ gzhon zhing skad snyan pa des pa smra ba dag dang / gzhan yang bud med sgra mdog sngo zhing sdom bag can gyi mgo brgyan pa/ mig ut+pa la'i 'dab ma lta bu yid 'phrog pa dang ldan pa/ so'i 'od zer gsal bas bzhin mdangs dri ma med pa bzang po gsal bar snang ba dang / nu ma zlum la 'bur ba zung gis brang gi 'jing legs par brgyan pa/ lus dang yan lag 'jam zhing mdzes la gzhon sha chags pa dag dang / gzhal med khang pu ku nyams dga' ba yang thog mdzes pa/ gzhal yas khang khyer sdug pa gdung phya ma bsnol mar btang ba/ ka ba'i phreng bas khyams la sogs pa mdzes par byas pa/ gnas dang khang bzangs rgyud mo dang / phyir stug por brel pa yang thog dang grong khyer du ldan pa dag dang / de lta bu la sogs pa skyed mos tshal dang / 'bras bu dang me tog gi shing ljon pa'i chom sbrengs pa dag dang / ri bo dag la ri dgas kyi rigs sna tshogs pa rnam par rgyu ba/ bya'i tshogs mtha' yas pa sgra skad snyan pa 'byin pa/ nags tshog gyi phreng ba mdzes pa stug po sbreng pa/ sgo mthon po dang ldan pa dang rgyal po la so Da pa dpung gi tshogs shing rta mang po dang / glang po che dregs pa dang rta bzang po dang / dmag mi rung ba bkrabs pa rgyal mtshan tsan mang po dkrigs pa dang ldan pa dang / de lta bu la sogs pa'i dngos po dag rmi lam du mthong bar gyur pa na// thams cad la yang dag pa'i 'du shes 'byung bar 'gyuraro// de nas gnyid sang tsam na des ci yang mi mthong ste/ rmi lam na snang ba'i dngos po rnams ni yang dag pa ma yin pa'i phyir// de bzhin du rnal 'byor pa yang sngon mi shes pa'i gnyid kyis blo gros rnam par rmongs pa'i tshe na kun rdzob kyi dngos po kha dog dang / dbyibs dang / kha gdong dang / rkang pa dang / lag pa dang spyod tshul dang / cha lugs dpag tu med pa dang / khams dang / 'gro ba dang / skye @gnas rnam la sna tshogs tha dad pas tha dad par gyur pa/ sems can dang / yul dang / lha dang / mi la sogs pa dag mthong ba dang / thos pa dang / bsnams pa dang / myangs pa dang / reg pa dang / bsam pargyun mi 'chang bar nye bar brten cing shes par byas pa dag gang gi tshe blo gros kyi mig bye bar gyur cing ma rig pa'i bag chags kyi gnyid dang bral bar gyur nas/ sad pa dang 'dra bar bde bar gshegs pa'i ye shes dri ma med pa shar bar gyur pa de'i tshe na ci yang mi gzigs te/ dngos po'i ngo bo nyid mi dmigs pa'i phyiraro// yang dper na 'ga' zhig mtshan mo sprin stug po skar ma'i tshogs kyi snang ba'i cha yang bsgrib pa'i mun khrod na 'jigs pa/ kun nas bslang zhing mi bden pa'i rnam par rtog pa'i blos bsgrub pa'i 'byung po yang dag pa ma yin par ral pa can mig dmar ser bgrang pa lta bu dang ldan pa/ lag sor gyi sen mo ring zhing rtsu ba pa'i lag pa brkyang zhing rdeg par gzo ba 'jig su rung ba dag mthong ba las/ des nyi ma'i dkyil 'khor shar ba na mun pa ma lus par bsal te/ phyogs dang phyogs mtshams gsas bar snang ba'i tshe na 'jigs shing skrag pa dang bral te yang dag pa ma yin pa'i 'byung po ci yang mi mthong ba de bzhin du/ 'dir yang sems can srid pa'i mtshan mo ma rig pa'i mun pas shes pa'i snang ba bsgribs pa'i mun khrod na yang dag pa ma yin pa'i rnam bar rtog pas blo gros dkrugs pa dag gis nang dang / phyi rol gyi dngos po don dam pa ma yin pa yul dang / yul can gyi ngo bo nyid du nges par gnas pa 'jig su rung ba dag mthong // de nyid kyi stong pa nyid dang / mtshan ma med pa dang / smon pa med pa shes pa'i yang dag pa'i ye shes kyi nyi ma shar nas/ mi shes pa'i bag chags dang mtsham sbyor ba'i nyon mongs thams cad bsal ba'i tshe na sems dang sems las byung ba'i spyod yul dang bcas pa rnams dngos po dang ngo bo nyid du mi gzi Da shing mi dmi Da te/ bla na med pa'o// ye shes shar ba// dbugs phyin pa chen po thob pa'i phyiraro// de ltar rigs pa kun rdzob du chos thams cad rmi lam dang / skra shad 'dzings pa dang / mig 'phrul lta bur bstan la/ don dam par de dag dngos po med pa dang / 'od gsal ba dang / snang ba med pa dang / spros pa dang bral bar bstan nas/ dra ni lung gis kyang de lta bu ston te/ slob dpon gyi zhal nas/ rab rib bral bar gyur pa'i mig/ rnam dag dri ma med pa la// sgra dang sbrang bu zla gnyis dang // rma bya'i mdongs dag ngag mi snang ltar// mkhas pa nyon mongs shes bya yi// sgri ba mun rab rib bral gyur cing // yang dag mkhyen spyan dri med la'ang // de bzhin ci yang snang ba med// dper na gnyid log gnyid dbang gis// bu dang bud med gzhal med khang // gnas la sogs pa mthong gyur pa// sang nas dri yis mi mthong ltar// de bzhin kun rdzob shes pa dag/ blo gros mig ni bye gyur cing // mi shes gnyid dang bral gyur nas// sang ba'i tshe na mi gzigs// dper nu mtshan mo mun khrod na// 'byung po yang dag min mthong ba// nyi ma shar cing mig bye'i tshe// snang bar gyur pa ma yin ltar// de bzhin mkhas pas yang dag gi/ shes pa'i nyi mas mi shes pa'i// bag chags ma lus bcom pa'i tshe// sems dang sems byung yul mi gzigs// zhes gsal por gsungs so// de bas na mdo sde du ma nas lung bstan pa'i 'phags pa klu sgrub kyi rjes su 'byung bar bya'o// dngos 'dzin gdon gyis zin gyur cing // ma rig gnyid kyis ldongs pa yi// sems can rnams la 'phags pa lngas// bden pa gnyis po gsal bar bshad// dbu ma 'khrul pa 'joms pa zhes bya ba/ slob dpon chen po Ar+ya de bas mdzad pa rdzog s+ho// rgya gar gyi mkhan po dI paM ka ra shrI dz+nyA na dang / lo tsA ba dge slong tshul khrims rgyal bas bsgyur cing zhus pa/ 'dzam bu'i gling gi rgyal po su kha tsar+ya sa na lan+da'i gtsug lag khang chen por gsol ba btab nas mdzad do// zhes thos so//