བོད་ཡིག

e-texts produced with BDRC’s OCR application

@rgya gar skad du/ yug ti ShaSh+Ta kA kA ri kA nA ma/ bod skad du/ rigs pa drug cu pa'i tshig le'ur byas pa zhes bya ba/ 'jam dpal gzhon nur gyur pa la phyag 'tshal lo// gang gis skye dang 'jig pa dag/ tshul 'di yis/ ni spangs gyur pa// rten cing 'byung ba gsungs pa yi// thub dbang de la phyag 'tshal lo// gang dag gi blo yod med las// rnam par 'das shing mi gnas pa// de dag gis ni rkyen gyis don// zab mo dmigs med rnam par rtogs// re shig nyes kun 'byung ba'i gnas// med nyid rnam par bzlog zin gyis// rigs pa gang gis yod nyid dang // bzlog par 'gyur ba mnyan par gyis// ji ltar byis pas rnam brtag bzhin// dngos po gal te bden gyur na// de dngos med pas rnam thar du// gang gis mi 'dod rgyu ci zhig/ yod pas rnam par mi grol te// med pas srid pa 'di las min// dngos dang dngos med yongs shes pas// bdag nyid chen po rnam par grol// de nyid ma mthong 'jig rten dang // mya ngan 'das par rlom sems te// de nyid gzigs rnams 'jig rten dang // mya ngan 'das par rlom sems mod// srid pa dang ni mya ngan 'das// gnyis po 'di ni yod ma yin// srid pa yongs su shes pa nyid// mya ngan 'das zhes bya bar brjod// dngos po byung ba zhig pa la// ji ltar 'gog par brtags pa bzhin// de bzhin dam pa rnams kyis kyang // sgyu ma byas pa'i 'gog pa bzhed// rnam par 'jig pas 'gog 'gyur gyi// 'dus byas yongs su shes pas mo ni// de ni su la mngon sum 'gyur// zhig shes pa der ji ltar 'gyur// gal te phung po ma 'gags na// nyon mongs zad kyang 'das mi 'gyur// gang tshe 'dir ni 'gags gyur pa// de yi tshe na grol bar 'gyur// ma rig rkyen gyis byung ba la// yang dngag ye shes kyis gzigs na// skye ba dang ni 'gags pa'ang rung // 'ga' yang dmigs par mi 'gyur ro// de nyid mthong chos mya ngan las// 'das shing bya ba byas pa'ang yin// gal te chos shes mjug thogs su// 'di la bye brag yod na ni// dngos po shin tu phra ba la'ang // gang gis skye bar rnam brtags pa// rnam par mi mkhas de yis ni// rkyen lngas byung ba'i don ma mthong // nyon mongs zad pa'i dge slong gis// gal te 'khor ba rnam ldog na// ci phyir/ rdzogs sangs rgyas rnams kyis// de yi rtsom pa rnam mi bshad// rtsom pa yod na nges par yang // lta bar 'gyur ba yongs su 'dzin// rten cing 'brel par 'byung ba gang // de la sngon dang tha ma ci// sngon skyes pa ni ji ltar na// phyi nus slar yang ldog par 'gyur// sngon dang phyi ma'i mtha' bral ba// grol ba sgyu ma bzhin du snang // gang tshe sgyu ma 'byung zhe 'am// gang tshe 'jig par 'gyur snyam du// sgyu ma shes pa der mi rmongs// sgyu ma mi shes yongs su sred// srid pa smig rgyu skye 'dra bar// blo yis mthong bar gyur pa ni// sngon gyi mtha' 'am phyi ma'i mtha'// lta bas yongs su slang mi 'gyur// gang dag gis ni 'dus byas la// skye dang 'jig pa rnam pa rtags pa// de dag rten 'byung 'kho lo yis// 'gro ba rnam par mi shes so// de dang de brten gang byung ngo de// rang gi dngos por skyes ma yin// rang gi dngos por gang ma skyes// de ni skye zhes ji ltar bya// rgyu zad nyid las zhi ba ni// zad ces bya bar rtogs pa ste// rang bzhin gyis ni gang ma zad// de la zad ces ji ltar brjod// de ltar ci yang skye ba med// ci yang 'gag par mi 'gyur ro// skye ba dang ni 'jig pa'i los// dgos pa'i don du bstan pa'o// skye ba shes pas 'jig pa shes// 'jig pa shes pas mi rtag shes// mi rtag nyid la 'jug shes pas// dam pa'i chos kyang rtogs par 'gyur// gang dag rten cing 'brel 'byung ba// skye dang 'jig pa rnam spangs par// shes par gyur pa de dag ni// ltar gyur srid pa'i rgya mtsho brgal// so so skye bo dngos bdag can// yod dang med par phyin ci log/ nyes pas nyon mongs dbang gyur rnams// rang gi sems kyis bslus par 'gyur// dngos la mkhas pa rnams kyis ni// dngos po mi rtag bslu ba'i chos// gsog dang stong pa bdag med pa// rnam par dben zhes bya bar mthong // gnas med dmigs pa yod ma yin// rtsa ba med cing gnas pa med// ma rig rgyu las shin tu byung // thog ma dbus mtha' rnam par spangs// chu shing bzhin du snying po med// dri za'i grong khyer 'dra ba ste// rmongs pa'i grong khyer mi zad pa'i// 'gro ba sgyu ma bzhin du snang // tshangs sogs 'jig rten 'di la ni// bden par rab tu gang snang ba// de ni 'phags la rdzun zhes gsungs// 'di las gzhan lta ci zhig las// 'jig @rten ma rig ljongs gyur pa// sred pa rgyan gyis rjes 'brangs dang // mkhas pa sred pa dang bral ba// dge ba rnams lta ga la mnyam// de nyid tshol la thog mar ni// thams cad yod ces brjod par bya// don rnams rtogs shing chags med la// 'ophyis ni rnam par dben pa'o// rnam par dben don mi shes la// thos pa tsam la 'jug byed cing // gang dag bsod nams mi byed pa// skyes bu tha shal de dag brlag/ las rnams 'bras bu bcas nyid dang // 'gro ba dag kyang yang dag bshad// de yi rang bzhin yongs shes dang // skye ba med pa dag kyang bstan// dgos pa'i dbang gis rgyal ba rnams// nga dang ngo'o zhes gsungs pa ltar// phung po khams dang skye mched rnam/ zhin dgos pa'i dbang gis gsungs// 'byung ba che la sogs bshad pa// rnam par shes su yang dag 'du// de shes pas ni 'bral 'gyur na// log pas rnam brtags ma yin nam// mya ngan 'das pa bden ga cig pur// rgyal ba rnams kyis gsungs pa// de tshe lhag ma log min zhes// mkhas pa su zhig rtog par byed// ji srid yid kyi rnam g.yo ba// de srid bdud kyi spyod yul te// de lta yin na 'di la ni// nyes pa med par cis mi 'thad// 'jig rten ma rig rkyen can du// gang phyir sangs rgyas rnams gsungs pa// 'di yi phyir na 'jig rten 'di// rnam rtog yin zhes cis mi 'thad// ma rig 'gagaso bar gyur pa na// gang zhig 'gag par 'gyur ba de// mi shes pa la kun brtags par/ ji lta bu na gsal mi 'gyur// gang zhig rgyu dang bcas 'byung zhing // rkyen med par ni gnas pa med// rkyen med phyir yang 'jog 'gyur ba// de ni yod ces ji ltar rtogs// gal te yod par smra ba rnams// dngos mchog zhen nas gnas pa ni// lam de nyid la gnas pa ste// de la ngo mtshar cung zad med// sangs rgyas lam la brten nas ni// kun la mi rtag smra ba rnams// rtsod pas dngos rnams mchog gzung bas// gnas pa gang yin de slad do// / 'di 'am de'o zhes gang du// rnam par dpyad nas mi dmigs na// rtsod pa 'di 'am de bden zhes// mkhas pa su zhig smra bar 'gyur// de dag gis ni ma brten par// bdag gam 'jig rten mngon zhen pa// de dag skye ba rtag mi rtag la sogs lta bas 'phrogs pa smin// gang dag brten nas dngos po rnams// de nyid du ni grub 'dod pa// de dag la yang rtags sogs skyon// de dag ji ltar 'byung mi 'gyur// gang dag brten nas dngos po rnams// chu yi zla ba lta bur ni// yang dag ma yin log min par// 'dod pa de dag bltas mi 'phrogs// dngos por khas len yod na ni// 'dod chags zhe sdang 'byung ba yin// lta ba mi zad ma rungs 'byung // de las byung ba'i rtsod par 'gyur// de ni lta ba kun gyi rgyu// de med nyon mongs mi skye ste// de phyir de ni yongs shes na// lta dang nyon mongs yongs su 'byung // gang gis de shes 'gyur snyam na// brten nas 'byung ba mthong ba de// brten nas skye bo ma skyes par// de nyid mkhyen pa mchog gis gsungs// log pa'i shes pa zil gnon pa// bden pa min la bden 'dzin pa'i// yongs su 'dzin dang rtsod sogs kyi// rim pa chags las 'byung bar 'gyur// che ba'i bdag nyid can de dag/ rnams la phyogs med rtsod pa med// gang rnams la ni phyogs med pa/ de la gzhan phyogs ga la yod// gang yang rung ba'i gnas rnyed nas// nyon mongs sbrul gdug g.yo can gyis// zin par gyur te gang gi sems// gnas med de dag zin mi 'gyur// gnas bcas sems dang ldan rnams la// nyon mongs dug chen cis mi 'byung // nyon mongs sbrul gyis zin par 'gyur// byis pa bden par 'du shes pas// gzugs brnyan la ni chags pa bzhin// de ltar rmongs pa'i phyir/ yul gyi gzeb la thogs par 'gyur// bdag nyid che rnams dngos po dag/ gzugs brnyan lta bur ye shes kyis// mig gis mthong nas yul zhes ni// bya ba'i 'dam la mi thogs so// byis pa rnams ni gzugs la tshogs// bar ma dag ni chags bral 'gyur// gzugs kyi rang bzhin shes pa yi// blo mchog ldan pa rnam par grol// sdug snyam pa las chags par 'gyur// de las bzlog pas 'dod chags bral// sgyu ma'i skyes bu ltar dben par/ mthong nas mya ngan 'da' bar 'gyur// log pa'i shes pas mngon gdung ba'i// nyon mongs skyon rnams gang yin te// dngos dang dngos med rnam rtog pa// don shes 'gyur la mi 'byung ngo // gzi nas yod na ni 'dod drang // 'dod chags bral bar 'gyur zhig na// gnas med bdag nyid chen po rnams// chags pa med cing chags bral min// gang dag rnam par dben snyam du// g.yo ba'i yid kyang mi g.yo ba// nyon mongs sbrul gyis dkrugs gyur pa// mi zad srid pa'i rgya mtsho brgal// dge ba 'di yis skye bo kun// bsod nams ye shes tshegs bsags te// bsod nams yis las byung ba'i// dam pa gnyis ni thob par shog/ rigs pa drug cu'i tshig le'ur byas pa zhes bya ba slob dpon 'phags pa klu sgrub kyi zhal snga nas mdzad pa rdzogs so// / rgya gar gyi mkhan po mu ti ta shrI'i zhal snga nas dang // bod kyi lo tsA ba pa tsha ba nyi ma grags kyi bcos te gtan la phab pa'o//