བོད་ཡིག

e-texts produced with BDRC’s OCR application

kye'i rdo rje'i dka' 'grel dran pa'i 'byung gnas zhes bya ba nag po zhabs kyi mdzad pa bzhug so// rgya gar skad du/ he badz+ra nA ma muhA tan+t+ra rA dza du kalpa mA yA s+ya pany+tsi ka smr-i ti ni ba da nA ma/ bod skad du/ rgyud kyi rgyal po chen po dgyes pa'i rdo rje zhes bya ba sgyu ma brtag pa gnyis pa'i dka' 'grel d+han pa'i 'byung gnas zhes bya ba/ bcom ldan 'das dgyes pa'i rdo rje la phyag 'tshal lo// rdo rje slob dpon bla chen dang // he ru ka dpal mgon btung de// dgyes pa'i rdo rje'i tshig gos la byed// cung zad tsam 'dir dran phyir bri// dang por re zhig rtog pa dang ldan pa rnams gzhugs pa'i phyir brjod pa dang / brjod par bya ba dang / 'brel pa dang / dgos pa dang / dgos pa'i yang dgos pa rnams brjod par bya ste/ de la 'di skad bdag gis zhes bya ba la sogs pa'i gzhung gi tshogs ni brjod pa'o// bcom ldan 'das dpal he ru ka dang bdag med ma la sogs pa ni brjod par bya ba'o// de dag brjod pa dang brjod par bya ba'i mtshan nyid du gnas pa ni 'brel pa'o// dkyil 'khor du gzhugs pa la sogs pa sngon du 'gro bas sgrib pa thams cad yang dag par bcom nas bla na med pa'i bde ba chen po'i rang bzhin gyi sku gsum lhun gyis rdzogs pa ni dgos pa'o// 'khor ba na gnas pa'i sems can dpag tu med pa thams cad kyi ji ltar 'dod pa bzhin du mngon par mtho ba dang nges par legs pa'i don phun sum tshogs par mdzad pa ni dgos pa'i yang dgos pa'o// de yang gzhan don phun tshogs sangs rgyas kyi// 'bras bu'i gtso bo dam pa bzhed// gzhan du sangs rgyas la sogs min// de phyir de ni de 'bras brjod ces gsungs so// dang por yang dag par sdud par byed pa gang zhig gang gi tshe/ gang du gang las/ gang dang lhan cig tu zhes bya ba'i don 'di skad ces bya ba la sogs pa smos te/ 'di skad ces bya ba ni 'og nas 'byung ba'i rgyud kyi don thams cad kyi rang bzhin te thos pa zhes bya ba dang 'brel to// bdag gis zhes bya ba ni gzhan dang gzhan las ma yin pa'o// thos pa zhes bya ba ni nyon pa'i rnam par shes pa gzung ba yin gyi mngon sum du byas pa ma yin pa'o// dus gcig na zhes bya ba ni dus gcig gi tshe na 'di thos la gzhan du gzhan dag thos pa ste/ dedes ni yang dag par sdud par byed pa thos pa mang bar bstan to// bcom ldan 'das zhes bya ba ni byang chub sems kyi bdag nyid can no// gang du thos she na de bzhin gshegs pa thams cad kyi sku dang gsung dang thugs rdo rje btsun mo'i b+ha ga rnams la ste/ de bzhin gshegs pa zhes bya ba ni dpag tu med par bstan pa'i de bzhin gshegs pa rnams so// sku dang gsung dang thugs zhes bya ba ni sku rdo rje la sogs pa'i bye brag gis rnam pa gsum du bstan pa byang chub sems dpa' rnams so// rdo rje btsun mo zhes bya ba ni rdo rje rnal 'byor ma rnams te/ de rnams kyi b+ha ga ni ye shes kyi bdag nyid kyi khang bu brtsegs pa'o// gang las thos she na bcom ldan 'das de nyid las te chos tham cad rang bzhin gcig pa rdo rdo rje can las so// gang dang zhe na rnam par snang mdzad la sogs pa'i de bzhin gshegs pa thams cad dang sku rdo rje la sogs pa'i byang chub sems dpa' rnams dang / bdag med ma la sogs pa'i rnal 'byor ma rnams dang lhan cig tu'o// 'di ni 'thad pa ma yin no// ji ltar 'thad pa ma yin/ dang po'i ngag ji snyed pa 'di dag ni rdzogs pa'i sangs rgyas kyis mngon du byas pa ma yin no zhe na/ ma yin te 'chad pa po nga zhes bya ba la sogs pa'i tshig bcom ldan 'das nyid kyis rgyas par bstan pa'i phyir ro// yang bcom ldan 'das ni chos kyi 'khor lo shin tu bskor te mya ngan las 'das so zhe na/ ma yin te myi gnas pa'i mya ngan las 'das pa nyid kyis bcom ldan 'a ni rtag tu 'byung ba ste/ skal pa ji lta ba bzhin gzugs sna tshogs dang skad sna tshogs kyis chos ston pas na thams cad du yongs su mya ngan las 'da' ba ni rung ba ma yin no// de yang sangs rgyas mya ngan mi 'da' zhing // chos kyang nub par mi 'gyur te/ ces gsungs pa yin te/ 'ga' zhig sdud pa por bstan pa yin no// dgongs pa 'di'i dbang gis na bzhugs so zhes gsungs te/ gdul bya'i bsam pa rnam pa sna tshogs pa'i bye brag gis spyod lam bzhi dang ldan par bzhugs pa'o// 'di skad bdag gis zhes bya ba la sogs pa la bzhugs so zhes bya ba ni rnam pa sna tshogs kyi rdzu 'phrul dang / cho 'phrul dang ldan par bzhugs pa'o// de bzhin gshegs pa thams cad ni rnam par snang mdzad la sogs pa ste/ de rnams kyi sku dang gsung dang thugs ni mi phyed pa'i phyir rdo rje'o// de nyid du 'dul ba'i dbang gis btsun mor mdzad pa ste/ de rnams kyi b+ha ga ni bla ma'i yang bla ma'i chos bstan pa dang rjes su mthun pa'i khang bu brtsegs pa'o// bcom ldan 'das zhes bya ba ni snga ma bzhin du sbyar ro// 'di la bcom pa yod pas bcom ldan 'das te/ dpal dang grags dang ye shes dang // dbyang phyug dang ni gzugs bzangs dang // brtson 'grus phun sum tshogs ldan pa// drug po dag ni bcom par thob zhes pa'o// yang na bcom pas na bcom pa ste/ bdud rnam pa bzhi'i dgra bcom pa'i phyir ro// ji skad du/ nyon mongs shes rab kyis spong bas// de phyir shes rab bcom par brjod// ces pa'o// bcom ldan khyad par ji lta bu zhig ce na/ 'di skad bdag gis zhes bya ba tshangs pa'i gnas bzhi las thos pa zhes pa rdzogs pa ste/ grags pa la brten nas ma ning gi rtags su bstun pa yin no// de skad du/ yang sgrib pa gnyis ni nges bcom pas// rnam pa bzhi pa tshangs pa'i gnas// skad cig gcig gi dus su ni// bcom ldan 'das kyis mngon du mdzad zhes gsungs pa ste/ tshad med pa'i rang bzhin 'di rnams kyis rgyud thams cad la lhag par gnas nas rnam pa thams cad mkhyen pa'i ye shes kyi kun tu chub pa mngon sum du mdzad pa'o zhes 'dir gzhan ngag zer ro// yang 'di skad ces bya ba ni mtshan sum cu rtsa gnyis dang ldan pa'i ston pa dpe byung brgyad cu mnga' ba'i gtso bo'o// bdag gis zhes bya ba ni 'dod chags kyi sems kyis so// thos pa ni bstan pa'o// dus gcig nu zhes bya ba ni dus gcig gi tshe na'o// bcom ldan 'das zhes bya ba ni kun rdzob kyi byang chub kyi sems kun da lta bur snang ba'o// de bzhin gshegs pa thams cad kyi sku dang gsung dang thugs ni 'di rnams te/ de rnams nyid rnam par mi rtog pa'i ting nge 'dzin gyi tshul des rdo rje yin la yang de nyid 'dod chags chen pos 'dul ba rnams kyi dbang gis btsun mo'o// de'i b+ha ga ni e'i rnam pa can de khang bu brtsegs pa der gnas pa'o// bzhugs so zhes bya ba ni 'dod chags chen pos 'dul ba rnams la phan par bya ba'i phyir gan par mdzad pa'o// de yang gsungs pa/ ston pa sum cu rtsa gnyis mtshan// dpe byad brgyad cu mnga' ba'i gtso// btsun mo'i b+ha ga bAng chen du// khu ba'i rnam pa yong dag gnas// de ma rtogs par bde yod min// bde sbyangs dngos med par de min zhes gzhan dag zer ro// yang 'di skad ces bya ba ni chos kyi sku'o// bdag gis zhes bya ba ni longs spyod rdzogs pa'i sku'o// thos pa zhes bya ba ni sprul pa'i sku'o// dus gcig na zhes bya ba ni lhan cig skyes pa'i 'byung ba la'o// / bcom ldan 'das zhes bya ba ni sku gsum dbyer med pa'i bde ba chen po'i rang bzhin no// de bzhin gshegs pa thams cad kyi sku dang gsung dang thugs rdo rje'i btsun mo'i b+ha ga la bzhugs so zhes bya ba ni gnas pa dang ldan pa'o// de yang gsungs pa/ rdo rje btsun mo dam pa ya~M// b+ha gA e yi rang bzhin can// sangs rgyas rin chen za ma tog/ bde ba can du nga bzhugs so// 'chang ba po nga chos kyang nga// rang gi tshogs ldan nyan pa ba zhes bya'o// 'chang pa po nga zhes bya ba ni longs spyod rdzogs pa'i skus so// chos kyang nga zhes bya ba ni chos kyi sku'i tshul gyis rtogs par bya ba'i chos kyi rang bzhin no// rang gi tshogs ldan nyan pa nga zhes bya ba ni sprul pa'i skus so// 'dir bsdus pa'i don ni 'di yin te chos kyi 'byung gnas kyi khang bu brtsegs pa'i bdag nyid la bcom ldan 'das sku gsum gyi bdag nyid de bzhin gshegs pa thams cad dang / byang chub sems dpa' dang / rnal 'byor ma rnams kyi sems la kun tu 'khor ba ji srid par de'i bdag nyid kyi gnas pa dang ldan pa ste/ gang rgyur gyur pa'i byang chub sems dpa' ni chos kyi sku'o// dkyil 'khor ba dang bcas pa'i dkyil 'khor gyi bdag po rdo rje 'dzin pa chen po longs spyod rdzogs pa'i sku'o// gang yang tshul sna tshogs kyis phyogs bcur 'gro ba'i don byed pa de rnams sprul pa'i sku'i rang bzhin no// de yang gsungs pa/ rdo rje chos dang sangs rgyas dang // rnal 'byor ma dang ma mo rnams// shes bya ba la 'di'i doni rdo rje chos shes bya ba ni chos kyi sku'o// de bzhin du sangs rgyas shes bya ba ni longs spyong rdzogs pa'i sku'o// ma mo rnams ces bya ba ni sprul pa'i sku'o zhes bya ba ste/ 'di skad ces bya ba la sogs pa'i tshig gcig nas gcig tu brgyud pa'i man ngag gi rim par bshad pa'o// / de la bcom ldan 'das kyis zhes bya ba la sogs pa la/ 'o na ma zhugs par bcom ldan 'das kyis bka' stsal pa/ zhes bya ba'i nye bar dgod pa ci'i phyir mdzad ces zer ba de la gzhan dag na re dgyes pa'i rdo rje brtag pa sum cu rtsa gnyis kyi nang nas brtag pa gnyis pa 'di phyung ba'i phyir te/ der dang po 'khor gyis zhus pa la sogs pa gsungs pas na 'di thams cad legs par gnas pa'o zhes zer na/ de dag ni 'thad pa ma yin te/ 'di skad ces bya ba la sogs pa dang po'i tshig gi bdag nyid kyis bshad pa'i phyir dang / mkha' 'gro ma rdo rje dra ba las kyang / rdo rje snying po mngon par byang chub pa'i brtag pa'i bdag nyid du bstan pa'i phyir ro// yang bcom ldan 'das ni sngags kyi sku rtag tu 'bad pa med par gzhan gyi don la 'jug pa ste/ des 'dul bya'i skye bo'i rgyud la bdag nyid kyi skal ba ji lta ba bzhin du rab tu ston par mdzad pa yin na zhu ba po la sogs pa rnams kyis 'dir ci zhig bya/ yang gsungs pa/ kye kye rdo rje mkha' 'gro ma// yis gsang byas de nyid gang // rdo rje mchod pa'i byin rlabs kyis// 'dod par bshad par bya yis nyon zhes pa'o// de bzhin gshegs pa thams cad ces bya ba la sogs pa la de bzhin gshegs pa thams cad ni nam mkha' dang mnyam par bshad po rnams so// de rnams kyi sku dang phyogs rdo rje yin pa de ni rnam par mi rtog pas na snying po'o// ji lta bu zhig ce na/ rje bcur da gus pa rnams sgrol ba'i phyir ro// gsang ba las mchog tu zhes bya ba la gsang ba ni rdo rje rnam 'byor ma rnams te/ nyan thos la sogs pa rnams la yang shin tu'ang sbas pa'i phyir ro// de las kyang mchog tu gsang bar gyur pa ni chos kyi sku'i rang bzhin gyi dpal he ru ka'i bdag nyid de/ gzhan gyi don gyi thabs nyid kyi phyir snying po zhes bya'o// dgyes pa'i rdo rje zhes bya ba ni mi dmigs pa'i snying rje dang shes rab kyi rang bzhin te de nyon cig pa'o// su zhe na rdo rje sems dpa' zhes bya ba la sogs pa'o// tshig 'di dag zhu ba ston du song bas bshad pa yin te/ mi phyed pa ni zhes bya ba la sogs pa la rdo rje ni sems so// srid gsum gcig 'gyur zhes bya ba ni rnam par mi rtog pa nyid kyis so// shes rab ces bya ba ni phyag rgya'o// rigs pa zhes bya bar sbyar ba ste snyoms par 'jug pa zhe bya ba'i bar du'o// 'di zhes bya ba blo la gnas pas so// yang na 'dis zhes bya ba ni mi dmigs pa'o// shes rab la rigs pa zhes bya ba ni snying rje dang sbyor ba ste/ des ni chos kyi sku bstan par 'gyur ro// ye shes chen po zhes bya ba la sogs pa la ye shes ni thabs dang shes rab kyi bdag nyid do// bsod namos dang ye shes mthar phyin pa dang ldan pa'i rgyud kyi mthar ldog pa rnams kyis mngon par byang chub pa thob pa rnams/ myur du mngon par byang chub par rdzogs par byed pa'i phyir chen po ste/ de'i ro ni bla na med pa'i bde ba chen po yin la des gang ba'o// des ni longs spyod rdzogs pa'i sku bstan to// rtag tu zhes bya ba la sogs pa la/ rtag tu ni dus thams cad du'o// dam tshig ni gdul bya rnam so// / de rnams kyi 'jig rten dang 'jig rten las 'das pa don cig car rdzogs par mdzad pa'i phyir 'jug pa ste sprul pa'i sku mdor bsdus nas bstan pa'o// dgyes pa zhes bya ba la sogs pa la snying rje ni kA ru NA ste/ dwe la ka ni bde ba'o// ru ni 'dzin pa'o// mkha' dang 'gro ba skye gnas kyi rnam pa tha dad pa rnams sam/ yang mdza' shes dang dgra dang / bar mar gyur pa'i sems can thams cad la mi dmigs shing lan du phan 'dogs pa'i re ba med par mnyam par 'jug pas bdag nyid che ba'i phyir 'di ni chen po'o// shes rab ces bya ba ni kun tu phyin ci ma log pa'i bdag nyid can no// de ston par byed pa la yang ming de skad ces bya ste/ ji ltar shes rab kyi pha rol tu phyin pa'i glegs bam la yang shes rab kyi pha rol tu phyin pa zhes 'byung ba lta bu'o// shes rab dang thabs kyi bdag nyid can ni rgyud do// lha stangal shes bya ba~M la sogs pa la lta stangs ni ltung ba la sogs pa'o// dgug pa ni drang ba'o// brda chen po ni rnal 'byor ma rnams kyis lus dang / ngag gi tha snyad du byas pa'o// mthu ni nus pa'o// gzhan ngag ni go sla pa kho na'o// rnal 'byor ma'i zhes bya ba la sogs pa la ji ltar tshul zhes bya ba ni ji lta ba'i cho ga'o// de bzhin gshe pa thams cad bzhugs pa sngon 'gro ba'i sa bon yongs su gyur pa'i sa bon ni skye ba'i rgyu yin la/ de sems can thams cad kyi sdug bsngal bsal bar bya ba'i phyir snying rje spro bar byed pa'i sa bon snying gar gnas pa ni gar+b+ha ba'i rgyu'o// yang mthu zhes bya ba ni rdzu 'phrul lo// ye shes ni de kho na nyid do// rnam par shes pa ni rdo rje gtsug lag la sogs pa'o// lha rnams zhes bya ba ni he ru ka'i gzugs so// ji ltar 'byung zhes bya ba ni sngar bshad pa bzhin du bskyed par bya ba'o// dang por zhes bya ba la sogs pa la gcig zhes bya ba ni rdo rje sems dpa'i gzugs te/ thog mar mngon par byang chub pa lnga'i bdag nyid can no// he ru ka'i bskyed pa'i rgyu zhes bya ba ni nye bar mtshon pa ste/ rnal 'byor ma rnams kyi rgyu'i byed pa yang yin no// dngos po nyid kyis zhes bya ba la sogs pa la tha mal pa'i mi mthun pa'i phyogs su gyur pa bla na med pa'i byang chub kyi rang bzhin gdul bya'i skye bo rnams kyis mngon par dad pa'i sku dpal he ru ka'i gzugs ni dngos po ste// des grol bar 'gyur ba'o// dngos po'i 'ching bas bcings pa'o// zhes bya ba la dngos po ni phung po la sogs pa phyin ci log pa rnams so// de nyid ni 'chang ba ste/ des bcings pa'o zhes bya ba'i don to// de yongs shes na grol bar 'gyur/ zhes bya ba la/ de ste dngos po yongs su shes pa ste gzung ba dang 'dzin pa las yang dag par grol bar yongs su shes pa des grol bar 'gyur te/ phyir dngos po 'ching ba yin zhe na/ gang gi phyir 'khor ba'i dngos po nyid mya ngan las 'das pa'i rgyu yin pa'i phyir ro// de bas ni dngos po bsgom par bya zhes bya ba thabs dang shes rab kyi rang bzhin gyis lha'i rnam pa ni dngos po'o// bsgom par bya zhes bya ba ni rnam par goms par bya ba'o// dngos po med pa'ang yongs shes bya zhes bya ba la bla na med pa'i bde ba chen po'i rang bzhin ni dngos po med pa ste/ gnyis po med pa'i rang bzhin yin pa'i phyir ro// 'di nyid ni rang gis rig pa'i tshul gyis rtogs par bya'o zhes bya ba'i don to// de bzhin he ru ka zhes bya ba la dngos po thams cad kyi rang bzhin dang rang gi lus dang ngag dang sems gnyis su med par bsgom par bya ba'i don to// dngos med pa ni yongs shes so zhes bya ba la dngos po nyid rnam par mi rtog par bsgoms na dngos po med par gsungs so// de yang gsungs pa/ kha dog dngos por lhung 'gyur te// dngos med pas kyang de bzhin no// dngos po shes nas yongs grol te// dngos med pas kyang de bzhin no zhes bya ba'o// lus la gnas pa zhes bya ba la sogs pa la/ lus la gnas pa ni dmigs pa dang bcas pa ste/ de bzhin gshegs pa'i dbugs dbyung bar gyur pa'o// ye shes tsha zhes bya ba ni dmigs pa ste/ rdo rje 'dzin pa chen pos dbugs dbyung ba'i rang bzhin no// rnam rtog thams cad spangs pa ste zhes bya ba ni rnam par mi rtog pa'i ting nge 'dzin gyi tshul gyis so// dngos po thams cad khyab pa'i bdag zhes bya ba ni 'gro ba thams cad kyi don byed pa'i tshul gyis so// lus gnas kyang zhes bya ba ni chos dang longs spyod rdzogs pa dang / sprul pa'i sku la gnas kyang ngo // lus kyis mi bskyed ces bya ba ni de las lhag par gyur pa gzhan med pa'i phyir ro// yang na lus la gnas zhes bya ba ni rgya che ba'i rang bzhin te longs spyod rdzogs pa dang sprul pa'i mtshan nyid do// ye shes che zhes bya ba ni mi dmigs pa'i thabs dang shes rab kyi bdag nyid do// rnam rtog thams cad spangs pa ste/ zhes bya ba ni rnam par rtog pa'i rang bzhin ma lus par nub pas so// dngos po thams cad khyab pa'i bdag ces bya ba ni thogs pa med cing mi mnyam pa dang / mnyam par gyur pa nyid kyi nam mkha' lta bu ste chos thams cad khyab cing mchog tu zab pa'i bdag nyid kyi chos sku'o// lus gnas kyang zhes bya ba ni lus kyis rnam par snang yang ngo // lus kyis mi bskyed ces bya ba ni lus su grub pa med pa ste/ ston pa ni gdul bya ba rnams la skal pa ji lta ba bzhin du de dang de'i gzugs su snang yang de de bzhin du ma yin no// mi phyed ma zhes bya ba la sogs pa la/ rdo rje gsum po dbyer med phyir// mi phyed ma zhes de rab grags// skra rtse la sogs dbye ba yis// de ni phra bar rab tu bshad// bems pos bcings pa nyid kyi phyir// de nyid gzugs mar yang dag bstan// gang phyir lus las byung bas na// de ni bzang mor rab tu bstan// g.yon gyis gang zhig 'khor ba ni// g.yon pa ma zhes brjod pa yin// lha mo gang zhing rtag tu zlum// g.yo ldan mo zhes de brjod// gang zhig ru sbal rnam pa ltar// skyes pa ru sbal skye bar gsungs// dngos la dngos po gang gnas pa// de 'dir dngos po mi brjod do// gang phyir kun tu 'khru bas na// mkhas pas dbang bskur ma zhes bsgregs// nyon mo sun 'byin byin pa'i phyir// nyes pa ma zhes rab tu bstan// gang zhig lus la 'debs byed pa// des de 'debs mar rab tu gsungs// ma dang rjes su mthun pa'i phyir// rtag tu ma mo zhes byar bzhed// gang phyir kun tu 'gro ban// thaMd ma zhe yang dag bstan bsil ba ster bas bsil ster ma// tsha ba ster phyir drod ma yin// cho ga shes med po'i rang bzhin phyir// bud med zhes byar rab tu grags// rang bzhin med pa'i tshul gyis ni// sdig sel ma ni zhes bstan to// ro rnams thams cad ster ba'i phyir// ro bcud ma zhes de bzhin brjod// zla ba lta bur gzugs can gang // mkhas pas tshad ma zhes byar bstan// mun nag thibs po'i tshul gyis ni// mdog sngon ma zhes rab tu bstan// sems ni mnyam par sbyor bas na// thun mong ma zhes rab tu brjod// gang tshe rgyu kun rab ster bas// de la rgyu rab sbyin mar brjod// sdug bsngal rgyu dang bral bas na// de 'dir bral mar rab tu gsungs// chags pas rjes su bcings tshul gyis// byams ma zhes byar rab tu bstan yid 'ong 'dod pa grub pa'i phyir// grub ma zhes byar rab tu grags// mo yi khams kyi rang bzhin phyir// byin za ma zhes rab tu bstan// chu yi khams kyi rang bzhin pas// shin tu yid 'ong ma zhes brjod// rnam pa gsum du gang bskor ba// gsum bskor ba zhes bya bar bstan// 'dod pa kun dang ldan pa'i phyir// rlung gi 'dod ma zhes byar 'dod// khyim gyi bdag par brjod pa yin// khyim pa zhes ni de nas bstan// gtum pa'i las la gnas lha mo// de na gtum mo zhes byar bstan// gzhon zhing g.yon nyid kyi phyir// bdud kyi bu mo nyid du 'dod// 'di rnams nyid brtag pa gnyis pa'i le'u bzhi pa las/ gnyis gnyis rtsa la lha mo ni// rim pa bzhin du re re dgod// zhes bya ba 'dis so sor bstan pa yin no// dngos po gsum ni yongs su 'gyur zhes bya ba ni sku dang gsung dang thugs kyi rang bzhin thob pas so// gzung dang 'dzin pa spangs pa'o zhes bya ba don dam pa'i tshul gyis so// yang na zhes bya/ bab la sogs pa la yang na thams cad ces bya ba ni 'di dag go/ lhag par gnas pa'i sems dang bcas pas dngos po'i mtshan nyid de/ bde ba'i rgyur brtags pa rtogs pa'i blo'i spyod yul du gyur pa'o// sdom pa'i dbye ba bshad par bya ba la lta ba ngan pa thams cad las sdom pas na sdom pa'o// dbye ba ni khyad par du gyur pa ste/ de nyid nyan thos la sogs pa'i lam las 'phags pa'o// A li kA li zhes bya ba ni ma lus pa'i yon tan d+hogs par byed pa ste dbyung dang gsal byed kyi tshogs so// shes rab ces bya ba ni spros pa thams cad ngo bo nyid med pa'i rang bzhin du rtogs pa'o// thabs zhes bya ba ni snying rje chen po'o// chos dang longs spyod dang sprul pa zhes bya ba ni de dag gi 'bras bu'o// / sku dang gsung dang thugs zhes bya ba ni sgrub thabs so// e waM mA yA zhes bya ba ni yi ge bzhi'i 'byung ba rnam par dag pa'i lha mo bzhi po byams pa dang / snying rje dang dga' ba dang / btang snyoms kyi mtshan nyid can no// sprul pa'i 'khor lo zhes bya ba la sogs pa ni 'khor lo'i grangs nye bar dgod pa bstan pa ste/ brtag pa gnyis pa'i le'u gsum pa las rnam pa sna tshogs zhes bya ba la sogs pas so sor bstan pa yin no// 'phags pa'i bden pa bzhi ni zhes bya ba la sogs pa la/ 'phags pa'i bden pa bzhi zhes bya ba de dag gang zhe na/ sdug bsngal dang zhes bya ba la sogs pa ste/ sdug bsngal ni khams gsum po rnams kyi rnam par shes pa dang / ming dang gzugs dang / skye mched drug dang / reg pa dang / tshor ba dang / skye ba dang / rga shi'i rang bzhin rnams te yongs su shes par bya'o// kun nas 'byung bas ni kun 'byung ste/ ma rig pa dang / 'du byed dang / sred pa dang / srid pa'i bdag nyid de sbyang bar bya ba'o// 'gog pa ni zag pa dang bcas po'i phung po dang / skye mched dang khams rnams myi mthun pa'i phyogs dang gnyen po'i bdag nyid kyis sems dang sems las byung ba rnams shin tu yang skye ba med pa ste/ mngon sum du bya'o// khams gsum la 'dod chags dang bral bar 'gyur po sngon du 'gro ba'i sgom pa nyon mongs pa spong po dang rjes su mthun pa'i rang bzhin mi rtag pa dang / sdug bsngal ba dang / stong pa dang bdag med pa zhes bya/ ba gnyen por gyur pa lam ste bsgom par bya'o// de yang de la bye brag smra ba bshad ces gang 'og nas 'chad pa'o// yang na 'du byed rnam par 'gyur ba dang / sdug bsngal gyi sdug bsngal gsum dang ldan pa'i phyir khams gsum pa'i phung po rnams ni sdug bsngal te 'di ni shes par bya ste/ rten dang brten par gyur pa'i nye bar len pa'i phung po lnga lngas dang nyon mongs pa yang dag par ldan pa'i bag chags dang bcas pa ni kun nas 'byung bas na kun 'byung ba ste spang bar bya ba'o// spros pa thams cad dang bral zhing bla na med pa'i thabs dang shes rab kyi bdag nyid lha'i rnam pa ni 'gog pa ste mngon du bya ba'o// tha mal pa'i rnam pa'i gnyen por gyur pa lha'i rnam par dag pa sngon du 'gro ba'i stong pa nyid dang snying rje dbyer mi phyed pa mngon par mtho ba dang / nges par legs pa'i don phun sum tshogs pa'i nus pa can thabs dang shes rab dri ma med pa'i ting nge 'dzin ni lam ste// bsgom par bya ba'o// bdag gi de kho na nyid ces bya ba ni stong pa'o// sngags kyi de kho na nyid ces bya ba la mno zhing bsam pas na ma ste sems yin la/ tra ni skyob pa ste snying rje yin no// sems can rnams la phan pa'i phyir spros pa de ni sngags kyi de kho na nyid do// lha'i de kho na nyid ces bya ba ni me long lta bu'i ye shes la sogs pa lha rnams rnam par dag pa ni lha'i de kho na nyid do// ye shes kyi de kho na nyid ces bya ba ni gnyis su med pa'i ye shes te phyin ci ma log pa'i phyir de kho na nyid do// dga' ba bzhi ni zhes bya ba la sogs pa ni bstan pa ste/ 'di nyid ni le'u brgyad pa las/ cung zad bde ba dga' ba ste zhes bya ba la sogs pas so sor bshad par bya'o// sde pa bzhi zhe bya ba yang bstan pa tsam ste/ de nyid brtag pa gnyis pa'i le'u bzhi pa las/ sprul pa'i 'khor lo gnas brtan pa/ zhes bya ba la sogs pas so sor bshad par bya'o// zla ba nyi ma zhes bya ba nas brtsam ste thun chod ces bya ba'i bar du ni nyin mo dang mtshan mo'i dbye ba bstan pas sngags kyi bdag nyid kyi 'khor lo bzhi'i rnam par dag pa bstan pa ste/ nyi ma dang zla ba dang zhes bya ba ni mtshan mo dang nyin mo'i dbye ba'o// A li kA li zhes bya ba ni thab dang shes rab kyi dbye ba ste/ mtshan mo dang nyin mo la'o// de la snying ga dang mgo bo'i 'khor lo dag ni zla ba dang thabs so// lte ba dang mgrin pa'i 'khor lo ni nyin mo dang shes rab bo// 'pho ba bcu drug ces bya ba la rlung rnams yang dag par 'pho ba ste/ rlung gi shing rta la shes rab kyi rang bzhin gyi ye shes kyi snang ba zhon nas rtsa gnyis su yang dag par 'pho ba'o// dus 'pho ba bcu drug ces bya ba ni nyin mtshan la bya ste/ longs spyod rdzogs pa'i 'khor lo ni 'pho ba bcu drug rnam par dag pas na 'dab ma bcu drug go// sprul pa'i 'khor lo ni dbyug tshod drug cu rtsa bzhi'o// bde ba chen po'i 'khor lo ni chu tshod sum cu rtsa gnyis rnam par dag pa'i 'dab ma sum cu rtsa gnyis so// thun tshod bzhi zhes bya ba ni nyin mo dang mtshan mo dag la ste/ chu tshod bzhi po gnyis rnam par dag pas chos kyi 'khor lo 'dab ma brgyad pa'o// de dag thams cad ni bzhi bzhi'o zhes bya ba/ e baM mA yA zhes bya ba nas brtsam pa thams cad ni bzhi'o// lte bar zhes bya ba la sogs pa la/ lte ba zhes bya ba ni/ sprul pa'i 'khor lo 'dab ma drug cu rtsa bzhi pa'i pad+ma'i lte bar ro// oM gzugs can ma'i shes rab ma ni reg tu mi rung bas ni gtum mo ste/ rtog pa thams cad kyis reg par mi nus shing chos thams cad dbyer med pa'i rang bzhin can no// 'od dang ldan pas ni 'bar ba ste/ dro ba dang du ba dang / 'od zer 'phro ba dang / 'bur ba la sogs pa'i rang bzhin can no// nges chos thams cad kyi 'khor lo 'dab ma brgyad pa'i dbus su song ste/ de bzhin gshegs pa lnga zhes bya ba la/ spyan la sogs pa yang zhes bya ba phung po'i lnga'i rang bzhin dang 'byung ba chen po bzhi'i rnam par rtog pa'i rang bzhin gyi gzugs can pad+ma'i lte ba la gnas hUM du gyur pa bsregs zhes bya ba ro gcig tu yang dag par bsdus pa ste/ ji ltar kha dog sna tshogs kyi ras bsregs par gyur pas thal ba'i rang bzhin du rnam pa sna tshogs pa'i rnam par rtog pa rnams snang ba med cing rnam par mi rtog pa'i ye shes 'byung gnas su gyur pas bsregs pa'o// de'i rjes la longs spyod rdzogs pa'i 'khor lo 'dab ma bcu drug pa'i pad+ma mchog tu dga' ba'i 'byung gnas su gyur cing / longs spyod rdzogs pa'i sku'i tshul gyis yang dag par thim nas de'i rjes la bde ba chen po'i gnas su rtog pa'i bud shing ma lus pa bsreg par bya'o// haM ni zhes bya ba ni mi mthun pa'i phyogs kyi rnam par rtog pa thams cad las grol ba'i mi shig pa'o// ri bong can zhes bya ba ni stong pa nyid dang snying rje'i bdud rtsi'i rang bzhin gyi byang chub kyi sems kyi zla ba ste/ 'khor ba ji srid pa'i bar du gzhan gyi don mdzad pa mchog tu bde ba chen po'i rang bzhin can no// de nyid ni stobs bcu dang / mi 'jigs pa dang / ma 'dres pa bco brgyad la sogs pa'i cha shas rnams yongs su rdzogs shing gdul bdag dang bdag gir 'dzin pa la sogs pa'i mun pa dang bral bas ri bong can+d+ra yin gyi/ gzhan thun mong gi dngos grub rmong pa'i las kyi bdag nyid can ni ma yin no// kha cig na re lus kyi sbyin sreg bstan pa'i phyir/ lte bar zhes bya ba la sogs pa gsungs so zer te/ de la lte ba ni thab khung ngo // rang rig pa'i rang bzhin gyi shes rab kyi byin ze ni gtum mo ste/ yang dag par sbyor ba'i rlung gis gyen du bskyod pa 'bar ba'o// de bzhin gshegs pa lnga zhes bya ba ni phung po lnga'i rnam par rtog pa yin la/ bsregs pa ni bsngal ba'o// spyan la sogs pa yang zhes bya ba ni khams dang skye mched rnams kyang ste/ de ni phung po la sogs pa'i rdzas su gyur pa'i sreg blugs bstan par 'gyur ro// bsregs zhes bya ba ni ma lus pa'i sreg blugs dang bud shing ste/ haM gi sa bon dang ldan pa'i sku rdo rjer bya'o// kha thur du bltas pa'i haM ni gzar bu'i rang bzhin no// 'dzag zhes bya ba ni gang ba'i sbyin sreg gi rang bzhin te/ de las byang chub sems kyi khu ba'i rgyun 'babs pas mnyes par gyur cing 'dod pa'i 'bras bu ster bar 'gyur ro// rdo rje rigs kyi le'u zhes bya ba la rdo rje ni sems so// de nyid ni rigs te chos thams cad kyi rang bzhin du gyur pa'i phyir ro// de'i ting nge 'dzin ni snam bu da drA ba ste/ gdul bya'i skye bo rnams kyi yid sgrib cing skyob par byed pa'i phyir ro// len cing 'dzin par byed pas nu ste gzhung gi tshogs gang yin pa de rdo rje rigs kyi le'u ste dang po'o// // slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u dang po'i bshad pa'o// 'jig rten pa'i rab tu sbyor ba med par 'jig rten las 'das pa'i chos la sems can rnams gzhug par mi nus so// zhes bstan pa'i phyir sngags kyi le'u zhes bya ba la sogs pa gsungs te/ sngags kyi le'u ni sngags kyi tshogs so// bshad par bya zhes bya ba ni de dag cho ga ji lta ba bzhin du'o// zhi ba la sogs pa'i las thams cad la sngags pas dang po gtor ma phul ste 'jug par bya'o zhes bstan par bya ba'i phyir/ sngags kyi le'u de las dang por gtor ma'i sngags ston par mdzad pa yin te/ a kA ro mu khaM zhes bya ba la sogs pa ni gtor ma rnam par dag cing rdzogs par byed pa yin no// de'i 'og tu gang cung zad zhi ba la sogs pa'i las rnams la de'i lhar bsgom zhing de'i sngags bzlas pa sngon du 'gro bya nyid kyis gtso bor bya'o zhes bstan pa'i phyir/ bruM zhes bya ba la sogs pa de bzhin gshegs pa'i sa bon gsungs pa yin no// rgyad 'di las rnam par dag pa thams cad gsungs pa'i phyir gtso bo nyid du gyur pas de'i 'og tu/ oM de ba pi tsu badz+ra zhes bya ba la sogs pa phyag bcu drug pa'i sngags gsungs pa yin te/ phyag gnyis pa la sogs pa lhag ma rnams ni 'dul ba'i dbang gis bstan par mdzad pa yin no// sngags kyi tshig kun la zhes bya ba la sogs pa ni sngags thams cad kyi thun mong gi mtshan nyid bstan pa yin no// a phu zhes bya ba la sogs pa ni char dbab pa'i cho ga gsungs pa yin te/ a phu gnyis kyis mtha' yas kyi gzugs brnyan sngon du sbrul la man ngag ji lta ba bzhin du dkyil 'khor bris te/ de'i dbus su mtha' yas mnan pa'i phyag bcu drug pa bri'o// dkyil 'khor pa rnams kyis kyang rang rang gi phyogs skyong baM bri'o zhes kha cig 'dod do// de'i 'og tu rdo rje slob dpon gyis zhal brgyad pa'i rnal 'byor sngon du 'gro bas g+hu n+yA g+hu D+hA zhes bya ba la sogs pa klu rnams bskyod par byed pa'i sngags bzlas pas dbab par bya'o// rdo rje ma dang zhes bya ba la sogs pa las gnod pa la sogs pa'i las rnam pa bdun la rdo rje ma la sogs pa rnal 'byor ma bdun rang rang gi so bon dang mtshan ma las las dang rjes su mthun pa'i gzugs dang / kha dog dang / nyams dang ldan pa'i rang bzhin gdan la rnam par bsgom par byas pa las de dag bsgrub par bya'o zhes pa'i don to// bsad pa ni 'dir spyir bstan pa ste/ rgyud 'di nyid kyi le'u gzhan dag las cho ga ji lta ba bzhin du so sor bstan pas 'chad par 'gyur ro// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u gnyis pa'i bshad pa'o// // lha'i rnal 'byor ma gtogs par rnam pa thams cad du tha mal pa'i rnam pa bzlog par mi nus so zhes bya ba bstan par bya ba'i phyir de nus lha'i le'u zhes bya ba la sogs pa gsungs te/ dang por byams pa bsgom par bya zhes bya ba la/ mdza' bo dang / bar ma dang dgrar gyur pa rnams la khyad par du phan pa dang bde bas nye bar yang dag par sdud pa'i sems ni byams pa'o// gnyis pa snying rje rnam par bsgom zhes bya ba la/ gang yang sems can thams cad kyis lus dang srog la yang bltos pa med par sdug bsngal gyi rgya mtsho las bsgral bar 'dod pa ni snying rje'o// gsum pa dga' ba bsgom par bya zhes bya ba la brtse ba dang phan pa dang ldan pa'i sems kyis sems can sdug bsngal ma lus pa las grol bar byed pa'i bla na med pa'i thabs su gyur pa'i lha'i rnal 'byor gyis lam rnyed par gyur to snyam pa ni dga' ba'o// kun gyi mthar ni btang snyoms so zhes bya ba la rnam pa thams cad mkhyen pa'i ye shes mngon du gyur pa ma gtogs pas sems can ma lus pa'i sdug bsngal rnams bsal bar mi nus so zhe na/ ji srid de mngon du ma gyur gyi bar du sems can rnams yal bar bzhag ste/ bdag nyid he ru kar mngon du byas la/ de'i 'og tu de rnams go 'phang de nyid la bzhag par bya'o snyam pa ni btang snyoms so// de ltar tshangs pa'i gnas bzhi bsgoms pa'i rjes la na mkhar rje btsun zhes bya ba la sogs pa nas chags chen rjes su chags zhes bya ba'i bar du gsungs pa 'di bsgom par byas nas/ de'i 'og tu dang por byang chub ste zhes bya ba 'di blta bar bya ste/ chos thams cad kyi rang bzhin med pa ni stong pa'o// byang chub ces bya ba ni sems so// de las sems dang sems las byung ba thams cad kyi rang rig pa tsam 'dis nges par rtog pa ste sems la dmigs pa'o// gnyis pa la ni sa bon bsdu zhes bya ba la/ thams cad skyed par byed pa yin pas na sa bon te/ chos thams cad kyi snying por gyur pa ji lta ba'i mdog la sogs pa'i mtshan nyid can no// der bsdus pa ni ma lus pa'i de bzhin gshegs pa rnams bzhugs pa sngon du 'gro bas sngags kyi gzugs la nges par rtog pa ste/ sngags la dmigs pa'o// gsum pa gzugs brnyan rdzogs pa ste/ zhes bya ba la de'i sa bon las de bzhin gshegs pa thams cad kyi sku'i rnam par rdzogs shing bzhengs pa ste lus la dmigs pa'o// bzhi pa dgod pa'i zhes bya ba la nye bar bkod pas dgod pa ste/ mig la sogs pa'i skye mched rnams sbyor ba ji lta ba bzhin du lha rnams kyis dag par bya'o// yi ge'o zhes bya ba la chos thams cad kyi rang bzhin des mi 'gyur zhing mi g.yo bas na yi ge ste/ bla na med pa'i bde ba chen po'i rang bzhin yin/ la/ sems rin po che de'i bdag nyid du bsgom par bya'o zhes bya ba'i don to// de nyid gsungs pa dang por re pheM zhes bya ba la sogs pa'o// dang por ro ni bsgom par bya zhes bya ba ni nye bar mtshon pa ste/ chos kyi 'byung gnas kyi nang du chud pas sa dang chu dang me dang rlung rnams dang / bdag nyid yongs su gyur pa las khang bu brtsegs pa phyogs dang mtshams rnams su lha rnams kyi ro'i gdan dang lhan cig bskyed la/ dbus kyi ro'i gdan gyi snying gar raM las byung ba'i nyi ma'i dkyil 'khor ro// de nyid la ni hUM gi gzugs// shes rab thabs kyi rang bzhin no zhes bya ba ni/ A li kA li yongs su gyur pa las zla ba dang nyi ma'i dkyil 'khor to/ de'i 'og tu de'i dbus su sa bon dang mtshan ma bsgom zhing / de'i 'og tu thams cad gcig tu gyur pa las bdag nyid dpal he ru ka rdo rje sems dpa'i rang bzhin can/ zhe sdang rnam par dag pas mdog nag por gyur pa 'am/ yang na shes rab dang thabs yongs su ngadag pa sngo zhing dmar ba'i mdog can phyag gnyis dang / phyag bzhi pa dang / phyag drug pa'i mchog gi bdag nyid rnams dang sras dang 'dra bar blta'o// de nyid sems dpa' zhes bya ba ni dang por bskyed pa'i he ru ka ni rdo rje sems dpa' zhes bya ba'i don to// mchog tu dga' ba'i rang bzhin no zhes bya ba la mchog tu dga' ba ni byang chub kyi sems te/ de la gzugs nye bar 'byin pa'i rang bzhin can no// rnam spros pa zhes bya ba ni rgyur gyur pa'i rdo 'chang chen po de nyid las sems can rnams kyi don bya ba'i sprul pa'i sku rnam pa sna tshogs par sprul pa'o// rang lus 'od ces bya ba ni rnal 'byor ma rnams kyi rang rang gi lus dang mdog la sogs pa so sor snang ba ste/ 'di rnams kyi rang rang gi lus dang / mdog dang nyams la sogs pa ni brtag pa gnyis pa las shes par bya'o// na mkha'i dkyil 'khor yogs par bya zhes bya ba ni der khyab par byas pa'o// bsdus nas zhes bya ba ni de nyid slar bas pa'o// snying gur zhes bya ba ni rang gi sa bon la'o// gzhug par bya zhes bya ba ni bstim par byas la yang rang gi sa bon dang mtshan ma yongs su gyur pa las ser mo la sogs pa'i lha mo rnams gnas ji lta ba bzhin du rang gi gdan la phyag dang zhal dang mdog dang / dbyibs rnams ji lta ba bzhin du skad cig rdzogs par bya'o// de'i 'og tu dri za'i sems can lta bu'i yi ge gsum po hoHgnyis kyi bar du bcug pa bkug ste/ rang nyid la zhugs nas rdo rje'i lam nas pad+ma'i nang du byang chub kyi sems kyi gzugs kyis spros la/ de'i stobs kyis bdag dang rig mar bcas pa lhan cig tu zhugs par gyur par blta'o// de nas lha mo rnams kyis 'og nas 'byung ba'i tshogs su bcad pa bzhis mngon par bskur ba'i mthar bcom ldan 'das phyag gnyis pa dang / phyag bzhi dang / phyag drug pa bsgom par bya ba ni rnal 'byor bdag nyid 'gyur zhes bya ba la sogs pas ston te/ zhe sdang rnam par dag pa'i rigs yin pas mi bskyod pas de'i dbu brgyan pa'o// gzhan ser mo la sogs pa ni rigs bzhi'i rnam par dag pa'i bdag nyid du shes par bya'o// gzhan dag ni gong 'og nas 'byung ba skyes tshe dge slong dbyangs nyid sngags zhes gsungs pa'i phyir/ lhan cig skyes pa'i gzugs can phyag gnyis par bsams te/ phyag dang zhal dang spyan gyi dbye ba yang med cing rang gi btsun mo dang dkyil 'khor ba yang med do zhes zer ro// slob dpon nag pos mdzad pa'i dgyes pa rdo rje'i dka' 'grel dran pa'i 'byung gnas zhes bya ba las le'u gsum pa'i bshad pa'o// // skyed pa'i ram pa'i phyogs la dbang bskur ba ma rtogs par yan lag bzhi pa rdzogs par mi 'gyur bas/ de bas na rdzogs par bya ba'i phyir dbang bskur ba'i le'u bshad par bya ste/ zhes bya ba la sogs pa gsungs te/ rang gi snying ga'i sa bon las zhes bya ba ni 'bras bur gyur pa'i he ru ka'i gzugs kyi snying ga'i sa bon las so// 'bar ba ni de'i 'od dang 'dra bar 'bar ba ste/ des de bzhin gshegs pa thams cad bkug nas ma mo zhes bya ba ser mo la sogs pa rnams kyis yang dag par mchod de/ de bzhin gshegs pa thams cad kyis bdag la dbang bskur cig ces bya ba 'dis gsol ba btab par bya'o// de'i 'og tu ji ltar gsungs pa'i mdog dang gzugs can de dag gis gser gyi bum pa nas byang chub kyi sems kyi bdud rtsi'i rgyun gyis dbang bskur te/ thugs rdo rje'i dbu rgyan bsgom par bya'o// sor mo la sogs pa bzhi ni mi bskyod pa dang / rtag pa dang / rin po che dang 'od dpag tu med pa'i dbu rgyan can du'o// mtshams su sbos mo la sogs pa bzhi la yang mi bskyong pa dang / rnam par snang mdzad dang / rin chen 'byung ldan dang / snang ba mtha' yas rnams kyi badra rgyan can te de dag ni phung po dang khams dang / skye mched kyi rnam par dag pa'o// ji'i 'og tu rdo rje dang bad+ma byin gyis brla yan lag drug bsgom pa sngon du 'gro bas mchod pa dang / bstod pa dang / bdud rtsi myang ba byas la bsgom pa dang / bzlas pa'i cho ga ji lta ba bzhin du rang nyid kyi yid ji ltar du ba med par dus tshigs gsum du bya'o// slob dpon nag pos mdzad pa'i dgyes pa rdo rje'i dka' 'grel dran pa'i 'byung gnas zhes bya ba las le'u bzhi pa'i bshad pa'o// // de kho na nyid ma rtogs par mngon par zhen pa'i bag chags thams cad spong bar mi 'gyur ro zhes bstan pa'i phyir/ de nas de kho na nyid kyi le'u zhes bya ba gsungs so// dngos tshul gzugs med ces bya ba la/ gzugs su rung bA sma na gzugs te bems po yin la de yang gcig dang du ma'i sbyor bar dmigs na ma grub pa'i phyir dang / bems po ni snang bar mi dmig pa'i yang phyir ro// de bas na rnam par shes pa nyid sngon po dang ser po la sogs pa'i rnam par snang ba yin no// lta ba yang med ces bya ba la lta bar bya ba ngo bo nyid med pas lta ba rnam par shes pa yang 'dzin pa por med pa ste/ de gnyis ni phan tshun bltos pa'i phyir ro// bdag la sogs pa yang med de 'og nas 'byung ba mig gis gzugs la 'dzin par bya zhes bya ba la sogs pa 'dis phyi dang nang gis med skye mched kyi bdag nyid tsam du gsungs pa'i phyir ro// sbyor ba de ltar sgra la sogs pa la yang sbyar bar bya'o// de ltar phyi dang nang gi skye mched rnams rang bzhin med par bstan pa 'dis dngos po thams cad kyang ngo bo nyid med par rtogs shing khong du chud par bya'o// bskyed ma dang ni zhes bya ba lo so/ pas ni ma dang bu la sogs pa'i 'brel pa med par ston par 'gyur te/ 'di ltar ma la sogs pa'i khrag dang khu ba dag ni las kyis mngon par bsgrubs shing bskyed pa ste skye ba dang / gnas pa dang / rga shi dang / bde ba dang sdug bsngal rnams ni las la gnas pa yin na/ bu la sogs pa phan tshun du 'brel pa gang dag gi'am gang gis 'brel par brjod de ma grub pa de kho na'o// des ni sngags dang phyog rgyas bskyed pa'i bdag med ma la sogs pa'i gzugs dbyer med cing tha mal pa'i tshul gyi rnam par rtog pa rnams kyi stong pa nyid ni bskyed ma la sogs pa yin te/ de nyid ji ltar bstan pa'i cho gas mchod nas de bzhin gshegs pa'i ye shes bla na med pa la mngon par gzhol bar 'gyur ro// rig rnams kyang ngo bo nyid med par bstan pa'i phyir gar mkhan zhes bya ba la sogs pa gsungs so// gar mkhan la sogs pa'i skye ba ngo bo nyid med pa ste/ 'di ltar bram ze la sogs pa'i ngo bo nyid med pa ste/ 'di ltar bram ze la sogs pa'i rigs kyi mdog dang / dbyibs dang / sems dang sems las byung ba dang / skye ba dang rga ba dang / gnas pa dang / mi rtag po tha dad par ma mthong ba'i phyir ro// de ltar mchog gi de kho na nyid mthong ba'i rnal 'byor pas khyams gsum ma lus pa 'di dag dbyibs la sogs pa tsam gyis rnam par phye ba lha'i rigs kyis ma yin no// gzugs dang lang tsho dang ldan pa'i bu mo rnams gzung bar bya ste/ zhes bya ba ni 'jug pa'i yan lag tu gyur po'i phyir ro// gzhan du rigs dang / dbyibs dang / kha dog la sogs pa mnan pa ni ma yin no// de'i phyir zag pa med pa'i bde ba chen po rdzogs par bya ba'i phyir rigs dang 'brel pa'i mdog dang dbyibs la sogs pa dang / bdag dang bdag gi ba sna tshogs pa rnams spangs te/ kha cig tu thogs pa dang bcas shing kha cig tu bgrod pa ma yin por gzhan du rnal 'byor ma rnams la dpyad pa med par rang gi lus bzhin du reg par bya zhing spyad la btung ba dang / bza' ba dang bgo ba dang / rgyan dang / tsan dan dang / gur kum la sogs pa'i dri zhim po dang / bzang po rnams kyis mchog tu bkur sti bya zhing mchod par bya'o// shes rab thabs kyi cho ga yis zhes bya ba ni rnal 'byor sngon du 'gro bas rdo rje dang pad+ma byin gyis brlab pa'i chog skye bla na med pa'i snyom par 'jug pas so// de nyid 'dod pa ste chos thams cad dbyer med pa'i de nyid rtogs pas mchod pa ste de bzhin gshegs pa thams cad mchod par bya'o// rab tu 'bad pa ces bya ba ni mi lus pas ma yin pa'o// bye brag ci nas shes mi bya zhes bya ba ni skal ba med pa'i sems can rnams kyi spyod yul du mi bya'o// ma gsang sbrul dang rkun po me zhes bya ba la sogs pa skal ba med pa'i skye bo'i mngon sum du byas ni ni/ 'di dang pha rol rnams su yang sbrul la sogs pa rnams kyis kyang de sdug bsngal bar byed par 'gyur ro// rigs lnga rnams kyi phyag rgya zhes bya ba la sogs pa ni thog ma med pa'i skye ba gcig nas gcig tu goms pa'i phyin ci log gi rtog pa rab tu zhi bar bya ba'i rgyur gsungs so// rdo ts+tsha zhes bya ba ni ye shes rnam pa lnga'i bdag nyid kyi de bzhin gshegs pa ste des 'debs so zhes bya ba'i don to// rigs drug tu ni rtag tu gsungs/ zhes bya ba ni rdo rje sems dpa'i rigs dang bcas nas so// sgom pa med ces bya ba ni sems las tha dad par gyur pa ni sgom pa ste lus med pa'o// bsgom bya med ces bya ba ni de las ma gtogs pa'i bsgom par bya ba'i rang bzhin yang med par shes par bya'o// sngags kyang med cing lnga yang med ces bya ba la sems las ma gtogs pa'i don med pa'i phyir brjod pa dang brjod par bya ba ma yin pa'i sngags zhes bya ba yang med pa yin la/ de bzhin du zhal dang phyag la sogs pa'i rang bzhin can gyi lha yang gud na med pa yin no// gal te de ltar na chos thams cad btsal bar byas pas shin tu stong pa'i bdag nyid du 'gyur ro zhe na/ 'dir gsungs pa spros dang bral ba'i rang bzhin du zhes bya ba ni rnam par mi rtog pa'i sems tsam gyi bdag nyid do// de'i tshul du lha dang sngags dag gnas pa ste/ gzhan 'dul ba'i dbang gis lha dang sngags rnams su kun tu brtags nas bstan par khong du chud par bya'o// des na 'dir chos thams cad dbyer med pa'i chos kyi sku'i bdag nyid du sngags dang lha dag shes par bya'o// spros pa med pa nyid yin yang bsgrub par bya ba dang byed pa'i bye brag gis gsungs pa/ rnam par snang mdzad ces bya ba la sogs pa ste/ gzung ba dang 'dzin pa med pa'i tshul gyis khyad par du snang bar mdzad do// de nyid rang bzhin gyis thams cad mi g.yo zhing mi 'khrugs pas na mi bskyod pa'o sems can rnams la gdon mi za bar 'bras bu stsol bas don yod pa'o// rnyed par dka' ba bsam gyis mi khyab pa'i yon tan dang ldan pas ni rin chen 'byung ldan no// ro la phan tshun du rtsod pa ste de med pas a ro l+lika go/ 'jig rten la de kho na nyid kyis gzigs pas na de nyid sems dpa'i bdag ces bya bar gsungs so// de bzhin du tshangs pa la sogs pa'i sgrar brjod par bya ba bstan pa'i phyir/ tshangs pa ldog par zhes bya ba la stsogs pa gsungs so// de ltar don dang 'brel pa dang / rigs dang phyi rol gyi sngags dang lha rnams ngo bo nyid med pa khong du chud pa'i rnal 'byor pa chen pos gang cung zad lus dang ngag dang yid kyi las su gyur pa de thams cad sngags dang phyag rgya dang / bsam gtan gyi bdag nyid du gsungs pa/ brjod pa rnams ni bzlas par bshad/ ces bya ba la sogs pa ste/ de bsam gtan zhes bya ba ni sems dang sems las byung ba'i mtshan nyid kyi bsam pa gang yin pa de ni de'i bsam gtan no// ci nyan thos la sogs pa dang thun mong ba zhig gam snyam pa la/ ma yin te pha laso zhes bya ba la sogs pa la pha ni rang gi sems tsam gyi bdag nyid do// ji ltar bde ba ni bde ba tsam ste sems can tha~Mng la phan par byed pa'i mtshan nyid do// rnyed pa ni de las thob pa'o// bde de rang gi longs spyod bya zhes bya ba la rang gi rang bzhin gyis stong pa nyid dang / snying rje'i rang bzhin bla na med cing thog ma dang tha ma med pa ste de mngon par rdzogs par byang chub par bya'o// bde ba de ji lta bu zhe na/ gsungs pa 'chi ba zhes bya ba la sogs pa ste/ bde ba gang gis 'chi ba ste srog dang bral ba ltar lus dang ngag dang / yid kyis bya ba 'di thams cad srog ste/ rlung dang bcas par log pa yin no// bde ba de ni bla na med pa'i byang chub kyi rang bzhin no// bsam gton zhes bya ba ni rnam par mi rtog par rtse gcig tu gyur pa'i phyir ro// brjod ces bya ba ni kun rdzob tu rnam par bshad pa yin no// yang na pha zhes bya bya ba ni shes rab ye shes kyi bdag nyid kyi sems so// ji ltar zhes bya ba ni ji lta ba bzhin du phun sum tshogs pa'o// bde ba zhes bya ba ni/ dga' ba dang bcas pa khams gsum bde ba chen por ro gcig pa'i rang bzhin no// bde de rangagi longs spyod bya zhes bya ba ni de bzhin nyid kyi rang bzhin gyi bla na med pa'i bde ba chen po de las kyi phyag rgya la bltos pa med par bsam gtan gyis kyang khong du chud par bya'o// 'chi ba zhes bya ba ni zag pa dang bcas pa'i phung po dang khams dang skye mched shin tu skye ba med par 'gyur ba'o// bde ba gang zhig gis zhes bya ba ni bde ba'i rang bzhin gang zhig shar bar gyur pas so// bde de bsam gtan zhes bya ba la bsam gtan ni rab kyi mtha' las skyes pa'i bde ba chen po rdo rje 'dzin che na po'i rang bzhin no// de dag ni rang gi sems tsam gyis bdag nyid du bla ma rnams kyis bstan cing bshad pa zhes bya ba'i bar du'o// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u lnga pa'i bshad pa'o// // brtul zhugs kyis spyod pa ma gtogs par rnam pa thams cad mkhyen pa'i ye shes bla na med pa rdzogs par mi 'gyur bas de'i phyir spyod pa'i le'u gsungs pa/ de nas gzhan yang zhes bya ba la sogs pa ste/ de kho na nyid thob par bya ba'i thabs su gyur pa'i lus dang ngag dang sems kyi bye ba rnams ni spyod pa ste/ de nyid shin tu bsngags pas mchog go// de'i pha rol tu song ba ni rnam par mi rtog cing gsal ba'i mthar thug pas song ba'o// gang gis zhes bya ba ni gang gis so grub mtha' zhes bya ba ni de kho na nyid du'o// bgrod pa zhes bya ba ni lhag par song bar gyur pa'o// dgyes pa'i rdo rje'i dngos grub rgyu zhes bya ba ni phyag rgya chen po'i dngos grub kyi rgyu mtshan du gyur pa ste/ des na de lta bu'i spyod pa rab tu spyod par bya'o zhes bya bar sbyar ro// bgrod par bya ba de ji lta bu zhig yin zhes bya ba la sogs pa gsungs te/ sgom pa stobs can du gyur pa'i sems so// gzung bya ba ces bya ba ni/ tshul rnam pa sna tshogs kyis rang gi nyes pa bsol ba'i phyir dang / gdul bya skye bo rnams gzhug par bya ba'i phyir gang zhig 'chad pa'o// rna ba dag la 'khyil pa bzang / zhes bya ba la kun nas zlum pas na 'khyil ba'o// legs par bzo byas shing 'bar bas na bzang ba ste/ gang yang rig nas gsungs pa/ 'khor lo'i gzugs kyis mi bskyod pa zhes bya ba ste/ me long lta bu'i ye shes la sogs pa'i dbye bas man ngag ji lta bar gzung bar bya'i gzhan du ni ma yin no// shing gcig ces bya ba la sogs pa la gal te 'dir bya ba'i rgyud la sogs pa bzhin sgom pa'i gnas nges par gzung ngam zhe na/ bden te khyad par bsgoms pa la mngon par 'dod pa'i rnal 'byor pa rnams rjes su bzung bar bya ba'i phyir rnal 'byor ma rnams kyi 'du ba'i gnas su lta bar bya'o// shing gcig ces bya ba ni rnal 'byor ma rnams kyis byin gyis brlabs pa'o// dur khrod ni ro'i gnas so// ma mo ni lha mo rnams kyis gnas kyi khyim mo// mtshan mo'i gnas su skye bo rnams gnyid log par 'gyur ba ni dben pa ste/ skye bos dben pa'o// bas mtha' zhes bya ba ni grong gi mi rnams kyi skad gang du mi thos pa'o// yang na lag pa la sogs pa'i yal ga dang ldan pa'i phyir lus nyid shing gcig pa'o// dbugs dang ldan pa'i rigs pa 'dis/ lus la dur khrod ces byar brjod zhes gsungs pas/ dur khrod kyang de nyid do// ma mo'i khyim yang de nyid yin te khams rnams rnam pa bdud ni skye ba'i gnas pas ma mo yin la/ khyim ltar de 'dzin par byed pas khyim mo// 'dod chags la sogs pa'i gnyid log pas na dben pa ste/ rnam par rtog pa dang bral ba'o// chos 'byung ba'i lte ba ni bas mtha'o// cung zad ces bya ba la sogs pa ni bsam gtan gyis drod la sogs pa'i mtshan ma gang rnyed nas so// gal te spyod pa byed 'dod cing dngos grub thob phyir zhes bya ba la dngos grub ni thun mong dang / mchog gi dngos grub dag ste/ 'dod pa'i bsam pa dang ldan pa gang yin pa des ji skad gsungs pa'i phyag rgya dang lhan cig tu rig pa'i brtul zhugs la spyad par bya'o// rang 'dod lha yi rigs kyis bya/ zhes bya ba ni brtag pa gnyis pa'i le'u bcu pa las gsungs pa'i mdog dang / mtshan nyid dang ldan pa'i lha mo ni/ rang 'dod lha'i rigs te de dang ngo // bya ba ni byang chub sa bon bzhag bya ste zhes bya ba'o// mngon par sbyangs la zhes bya ba ni sngags dang rgyud dang dam tshig dang brda rnams kyis so// sman ni bza' bar bya zhes bya ba la sman ni dri zhes bya bar grags pa'o// chu ni dri chu'i rdzas te de dag gi dbus na gnas pa khrag dang khu ba dang shu rnams kyang gzung bar bya'o// rga dang shi bas gnod mi 'gyur zhes bya ba ni cho ga bzhin du goms par bsten pas so// rtag tu bsrungs pa zhes bya ba ni cho ga 'dis pa rol phyir rgol ba rnams las rtag tu bsrung bar 'gyur ba'o// gzhan ngag ni go sla'o// 'dod pa zhes bya ba ni gzhan la rnyed pa dang bkur sti thob par bya ba'i phyir spyod pa la slob pa'o// gti mug ces bya ba ni phan pa dang gnod pa la sogs pa bdag dang bdag gir 'dzin pa'o// 'jigs pa zhes bya ba ni spyod pa la zhugs pa rnams kyi 'bras bu'i bar chad bya ba'i phyir gzhan dag gis byas pa'i sgrib po'i khyad par ro// khro ba zhes bya ba ni gzhan dag gam bdag la yang rung ste dbyug pa la srog pas bsnun par brtson pas sems khong nas 'khrugs pa'o// ngo tsha zhes bya ba ni gzhan gyi spyod pa la ltos nas bdag nyid spa skong bar byed pa'o// gnyid ces bya ba ni nye bar mtshon pa ste/ rgod pa dang / 'gyod pa dang / rmugs pa dang / som nyi'i bar du spang bar bya'o// the tshom med pas spyod pa bya zhes bya ba ni bdag nyid nges par btang bas so// lus ni sbyin pa btang ba yis/ zhes bya ba ni sems can thams cad bskyang ba'i phyir/ bla ma dang dpa' bo dang rnal 'byor ma rnams la bdag nyid nges par phul zhing btang nas de'i 'og tu spyod pa brtsom par bya'o// cha dang cha min zhes dpyad nas/ zhes bya ba ni rnam par dpyad pa na gcig dang du mi bral zhing sbyin bdag dang / len pa dang / sbyin pa dmigs su med pa'o// de nas sbyin pa btang mi bya/ zhes bya ba ni don de nyid ston par byed pa ste/ sbyin pa la sogs pa'i 'du shes mi bya'o zhes bya ba'i don to// bza' ba zhes bya ba la sogs pa la/ bza' ba ni zan la sogs pa ste/ de dag gi ro myang ba bltos pa med par longs spyod cing zhim pa dang mi zhim par mdzad pa dag sbyang bar bya'o zhes bya ba'i don to// 'dod dang mi 'dod rnam par rtog ces bya ba ni yongs su len po dang / spong ba ni rtog pa'i ngo bo nyid de sdug bsngal gyi phung po chen po 'phel bar byed do// gzhan dag ni khong du chud par zad do// bslab dang zhes bya ba la sogs pa la bslab pa ni dge ba dang / mi dge ba rnams la 'jug pa dang ldog pa'i mtshan nyid do// cho ga zhes bya ba dkyil 'khor du zhugs pa la sogs pa'o// ngo tsha zhes bya ba ni rang dang rjes su mthun pa'i bya ba mi byed pa'o// dngos po kun gyi rang bzhin zhes bya ba ni chos thams cad gnyis su med pa'i bde ba chen po'i tshul gyis so// rnam spyod ces bya ba ni spyod lam rnam pa sna tshogs dag tu'o// rnal 'byor zhes bya ba ni rna cha la sogs pa'i brtul zhugs kyi sbyor ba shes pa'o// brtse ba chen po zhes bya ba ni rdo rje snying po la bod pa'o// sbyin sreg mchod sbyin zhes bya ba la sogs pa 'di'i don gyi sbyin sreg la sogs pa'i spros pa rnams spangs shing phyin ci log gi rnam par rtog pa las grol sa de kho ni nyid kyi brtul zhugs kyi spyod pa dang yang dag par ldan pas bla na med pa'i byang chub bsgrub par bya ba yin no// shin tu sbyor ldan zhes bya ba ni sems brtan por gyur na'o// yang na rnal 'byor pa gang dag sbyin sreg la sogs pa'i las tsam gyis bdag nyid dag par sems po de dag gi dbang du byas nas gsungs pa/ sbyin mchod sbyin zhes bya ba la sogs pa ste/ bla na med pa'i de kho na nyid kyi spyod pa ma rtogs par/ phyi dang nang gi sbyin sreg la sogs pa'i rtog pa rnams kyis dngos grub chen por mi 'gyur ro zhes bya ba yin no// mi bya ci yang yod ma yin zhes 'og nas gsungs pas na dam tshig sdom las rnam par grol lo// brgya byin mtshungs pa zhes bya ba ni brgya byin gyi gzugs dang / stobs dang / brtson 'grus dang / mthu dang ldan pa'i gdon su yang rung ba dag gal te mdun du mthong na de la 'jigs par mi bya ste/ rang gi ting nge 'dzin las nyams par mi bya'o// de la zhes bya ba ni de la 'jigs par mi bya na/ yi dgas gzhan la smos kyang ci dgos// 'o na ji ltar bya zhe na gsungs pa/ seng ge'i tshul gyis zhes bya ba la sogs pa ste/ seng ge ni bcom ldan 'das te nyon mongs pas mi brdzi ba'i phyir ro// de dang 'dra ba ni de'i tshul te gnas skabs thams cad du rang gi ting nge 'dzin rtogs par bya ba'i phyir ro// rtag tu zhes bya ba la sogs pa la/ rtag tu rgyun mi 'chad pa'o// snying rje'i btang ba ni/ gang gi phyir longs spyod dang / sprul pa rdzogs nas sems can rnams kyi nyes pa ma lus pa bsal ba sngon du 'gro bas de bzhin gshegs pa'i ye shes thob pa'i thabs su gyur pa 'dul ba'i dbang gis 'jig rten gyi khams sna tshogs ngag tu gzugs rnam pa sna tshogs dag tu sprul te chos ston pa la 'jug pa yin no// de'i phyir gsungs pa/ sems can kun gyi don gyi phyir zhes bya ba'o// sbyin pa'i btung ba zhes bya ba la sbyor ba ni thabs dang shes rab gnyis su mong pa'i ye shes so// de nyid rnal 'byor pa rnams kyi btung pa ste/ chos rnams dbyer med pa'i mtshan nyid chos kyi skus so// myos pa ni chos thams cad kyi btung ba gzhan gyis myos pa min zhes bya ba ni/ stong pa nyid dang snying rje'i bdud rtsi'i btung ba ma gtogs par gzhan du chos thams cad kyi bdag nyid chos kyi skus myos pa ma yin pa'o// de'ang gsungs pa/ mtshan dang dpe byad dag gis gzugs sku rdzogs par mngon 'dod pa// bsam gtan tsam gyis ma yin brtson 'grus ldan pas 'thob// ma 'dres la sogs sangs rgyas chos sum 'bad med par// chos sku mngon rtogs 'dod pa rdzogs la bstan pa 'gyur zhes bya'o// yang na snying rje'i btung ba zhes bya ba ni/ btung ba la dga' ba'i sems can rnams rjes su bzung bar bya ba'i phyir snying rje dang ldan pas rtag tu spyod pa rnam par dag pa nye bar bstan par bya zhing / sngags kyis spangs pa'i drug dang 'dra ba nyon mongs pa rnams kyis ma gos par yongs su gzung la spyad de/ phung po la sogs pa rnam par dag pa'i de bzhin gshegs pa thams cad bdud rtsi'i ting nge 'dzin gyis tshim par bya'o// sems can rnams kyi don phyir zhes bya ba ni/ rnal 'byor pa rnams kyi lus dang / ngag dang yid kyi yang dag par 'jug pa gang cung zad ci yod pa de dag thams cad la mchog gi theg pa 'di la mngon par dga' bar bya ba'i phyir 'jug pa'o// sbyor ba'i btung dga' zhes bya ba la sbyor ba ni thabs dang / shes rab dbyer med pa'i ting nge 'dzin gyi tshul gyis so// 'di'i btung ba ni rtag tu rgyun mi 'chad par yid la bya'o// rnal 'byor pa ni zhes bya ba ni dam tshig dang ting nge 'dzin gyi cho ga thams cad la mkhas pa'o// btung ba gzhan min zhes bya ba ni bdag nyid dam tshig nyams par 'gyur bas skye bo rnams mngon par mi dad pa bsrung bar bya ba'i phyir btung ba gzhan la brten par mi bya'o// myos pa zhes bya ba ni lus dang ngag gi rnam par dbye ba sngon du 'phro bas rgyal bar 'gyur ba'o// de yang gsungs pa/ nga rgyal bskyed par bya ba'i phyir// nyung ngu 'di la goms par bya// ji ltar myos par mi 'gyur zhing // mchog tu dga' ba'i sems kyis bya// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u drug pa'i bshad pa'o// // skal ba dang ldan pa rnams kyi spyod yul ma yin pa'i brda ma gtogs par rang gi dam tshig can rnams khong du chud par mi 'gyur ro zhes bstan pa'i phyir de nas brda'i le'u zhes bya bar gsungs te/ brda zhes bya ba ni rnal 'byor ma rnams kyi lus dang ngag gi tha snyad do// de la phyi rol 'du bya zhes bya ba la sogs pa la 'du ba'i sa de rnams su mchog tu gyur pa'i thugs rjes sgeg pa la sogs pa'i nyams dang ldan pa'i chos dang / longs spyod rdzogs pa dang / sprul pa'i rang bzhin gyis rnal 'byor ma rnams kyis sgrub pa po rjes su gzung ba'i phyir/ gang zhig smras pa'i bza' ba dang / btung ba dang mal cha la sogs pa rnams mchog tu dga' ba'i sems kyis de dag thams cad phun sum tshogs par bya'o// de nas rang gi dam tshig can de rnams la yang gus pas spyi bos 'dud par byas nas skal ba ji lta ba bzhin du/ des chos bstan pa sngon du 'gro ba'i mig sman dang / rkang byug la sogs pa'i dngos grub rnams kyang rab tu ster zhing / yul thams cad kyi rdul 'byor ma zhing skyes ma dang / sngags skyes ma dang / lhan cig skyes pa'i rang bzhin rnams 'jig rten dang 'jig rten las 'das pa'i dngos grub ster ba la mngon par bsod nams byas pa'i sgrub pos yang dag par mthong bar 'gyur ba'i phyir/ de rnams lo yang dag par bsdus te ston par mdzad pa yin no// gnas dang nye ba'i gnas dang ni/ zhes bya ba la sogs pa la 'di rnams sa rnams bcu gnyis te zhes bya ba ni mos pas spyod pa'i sa dang / rab tu dga' ba dang / dri ma med pa dang / 'od byed pa dang / 'od 'phro ba can dang / shin tu sbyang dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin dang / du 'od rnams so// 'di rnams nyid rigs la sogs pa'i sa ste/ sems can gyi bsam pa'i dubu bas so// gnas ni dzA lan+d+ha ra la sogs pa'i tha snyad ni sangs rgyas dang / rdo rje 'dzin pa rnams kyi ste/ gdul bya'i dbang gis gzhan yang bdag med ma la sogs pa mngon par brjod pa rnams kyi 'du ba'i gnas te/ 'bras bu rdo rje 'dzin pa'i sa thob par mdzad pa yin no// sa bcu'i dbang phyug ces bya ba la sogs pa 'dis ni rab tu dga' bas na chos kyi mthar thug pa 'di rnams nyid rgyar gyur pa'i rdo rje sems dpa'i ston pa yin no// 'di la gzhan du zhes bya ba ni rab tu dbye ba med pa'o// nyi ma zhes bya ba ni nyin zhag go// sems can kun gyi don gyi phyir zhes bya ba ni/ sems can thams cad kyis 'jig rten dang / 'jig rten las 'das pa'i dngos grub thob par bya ba'i phyir ro// rnal 'byor ma rnams zhes bya ba ni/ zhing las skyes pa dang / sngags las skyes pa dang / lhan cig skyes pa'i rang bzhin can rnams so// rab tu 'du ba zhes bya ba ni nges par gzung bar gyur pa'o// rgyal mtshan zhes bya ba ni bsgegs pa'o// mtshon bsdun zhes bya ba ni/ gzhan gyis bsad pa'o// bdun 'khor zhes bya ba ni/ skye ba bdun du mi rnams kyi nang du 'khor ba ste/ 'og nas 'byung ba'i dngos grub thob par bya ba'i phyir ro// 'o na gal te rang nyid dus byas par ma gyur na de'i tshe 'og nas 'byung ba'i kha sbyor dralta ba'i cho ga mi bya ba 'am/ ci zhe na/ snying rje zhes bya ba la sogs pa la/ gang zhig nges par sdug bsngal gyi rgyu la gnas shing gzhan gyis 'dul bar mi nus pa rnam snying rjes sdug bsngal chen por zhi bar bya ba'i phyir bsten pa'o// 'bad pa yis zhes bya ba ni sngags la sogs pa'i cho gas so// mkhas pa zhes bya ba ni sbyor ba shes pas so// de'i phyir gsungs pa/ snying rje dman pas 'grub pa'i phyir/ zhes bya ba ste dngos grub thams cad ni snying rje'i rtsa ba can no// des na de spangs pa rnams dngos grub tu mi 'gyur ro// don de nyid rab tu gsal bar bya ba'i phyir nges na zhes bya ba la sogs pa smos te/ 'jig rten dang 'jig rten las pa 'das pa'i don thams cad phun sum tshogs par bya ba'i phyir/ 'bad de rab tu snying rje bskyed par bya'o// zhes bya ba'i don to// gal te de ltar na 'og nas 'byung ba'i kha sbyor dral ba'i cho ga sus kyang nam yang mi bya'o zhe na/ ma yin te gdug pa thams cad gdul ba'i phyir zhes bya ba la/ gdug pa ni dkon mchog gsum la gnod pa dang / bla ma dam tshig can gyi sems can la gnod pa rnams gzhug po'i phyir ro// de yang bkur sti byas shing sbyin pa la sogs pas mngon par bskul nas 'byung ba'i bsnyen gnas la sogs pa sbyin pa 'dis mngon par dad par byas la theg pa gsum gyi snod ji lta ba bzhin du gzhug par bya ste/ des kyang gzhug par ma nus na de 'og nas 'byung ba 'dis kha sbyor dral ba'i dbye bo'i mtshan nyid cho ga bzhin du bya'o// de yang rnam par snang mdzad mngon par byang chub pa las gsungs pa/ 'di na byang chub sems dpas ji srid du srog bcad pa las ldog par bya ste/ gzhan du sems can dkon mchog gsum la gnod pa byed pa zhes bya ba la sogs pa rgyas par 'byung ba yin no// gal tau de ltar na thabs myur ba'i cho ga 'dis thams cad bya ba'o zhe na ma yin te/ gtso bo rab tu dgag par bya zhes bya ba la/ gdug pa ma yin pa'i rgyud thams cad la dgag par bya'o zhes bya ba'o// de la 'di ltar shes par bya zhes bya ba la sogs pa la/ nyin mo dang mtshan mo ni thabs dang shes rab kyi rnam par dag par gsungs pa yin no// mi bza' cung zad ces bya ba la sogs pa la gang yang srog bcad pa la sogs pa mi bya ba cung zad kyang med pa'o// mi bza' zhes bya ba ni 'jig rten pas smad pa rnams so// 'dir ni mi bsam yod ma yin zhes bya ba ni brnab sems la sogs pa'o// mi smra dge sde ga ces bya ba ni brdzun du smra ba la sogs pa dpal he ru ka'i rnal 'byor pa gzhan gyi don la zhugs pa rnams so// de yang gsungs pa/ snying rjer ldan pa'i mi dge med// bkag pa rnams kyang de la gnang zhes bya ba'o// bdag ji bzhin sems can ji bzhin zhes bya ba ni rang dang gzhan la 'dir bde ba dang sdug bsngal dang khu ba dang khrag la sogs pa'i bye brag gang yang med do// bdag gi bdag ltar gzhan de bzhin/ zhes bya ba ni phyin ci log gis brtags pa'i phung po tsam ste/ bdag dang gzhan zhes bya ba'i dngos po thams cad ni stong par shes par bya'o// de nas chos thams cad ni mnyam pa nyid dang / ma lus pa'i sems can gyi khams bsgral bar 'dod pa'i dpal he ru ka'i tshul can la ji ltar bstan pa thams cad kha na ma tho ba med pa nyid do// 'di ltar kun sems sbyor ba'i bdag ces bya ba ni 'gro ba thams cad kyi bdag nyid thabs dang shes rab dri ma med pa'i ting nge 'dzin gyi rang bzhin du rnam par sems pa'o// bdag nyid bza' btung zhes bya ba la sogs pa gang cung zad za ba de thams cad bdud rtsi bcur byas la btung ba rnams ni byang chub kyi sems su bya'o zhes pa ste/ bza' bar bya ba dang bza' ba dang / za ba po'i rnam par rtog pa spangs pas sngags dang lha dag gnyis su med par byas te mchod par bya ba dang / mchod pa po dang / mchod pa'i rtog pa dang bral bas de bzhin gshegs pa thams cad kyis thugs rjes lhag par sprul pa'i bdag nyid du bsgom nas mchod pa brtsam par bya'o// ji srid ces bya ba la sogs pa la gang cung zad lus kyi rnam pa'i las dang gang yang ngag gi rang bzhin de thams cad sngags dang phyag rgya'o// gang du zhe na he ru ka dpal bzhir gnas na s+t+waM/ he ru ka'i don ni shrI gnyis med ces bya ba la sogs pa bstan to// skye bo gang dang zhes bya ba la sogs pa la/ pi shi taM zhes bya ba ni sha'o// blo dang ldan pas zhes bya ba ni sbyor ba la mkhas pas so// sems can de dag thams cad bsam gyis mo khyab pa'i sngags dang lha'i sbyor bas lha dang mir skyes shing tshe rabs dran pa dang / bde ba dang ldan par rnal 'byor pa'i dbang du 'gyur ro// rdo rje thod pa'i sbyor bas so zhes bya ba la/ rdo rje ni bruM oM dz+riM khaM hUM ste/ de bzhin gshegs pa lnga'i sa bon ye shes lnga'i bdag nyid do// thod pa ni a yongs su gyur pa'i pad+ma'i snod do// sbyor ba zhes bya ba la 'og tu rlung gi steng du me'i dkyil 'khor la pad+ma'i snod du de bzhin gshegs pa rnams kyi sa bon no// de'i steng mtho gang gi spags pa'i bar snang la kha T+wAM ga'i zla ba la gnas pa'i yi ge oM gyis ye shes kyi bdud rtsi drangs nas dam tshig gi bdud rtsi dang gcig tu byas te/ gnyis kyi bar du chud pa'i yi ge gsum gyi sbyor ba gtor ma mngon du 'gro ba'i tshul gyis bza' bar bya'o// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u bdun po'i bshad pa'o// // brda'i le'u'i 'og tu rnal 'byor ma'i 'khor lo bshad par bzhed nas gsungs pa/ de nas zhes bya ba la sogs pa'o// ze'u 'bru zhes pa ni ze'u 'bru yongs su gyur pa ste nang gi rim po zlum pa'o// gru gsum zhes bya ba ni chos kyi 'byung gnas su yongs su gyur pa ste/ phyi'i dkyil 'khor gru bzhi pa'o// 'di dag ni dkyil 'khor spyi'i mtshan nyid de/ de yang rim gcig sgo ni bzhi pa ste zhes ji skad gsungs pa'i pi tsu badz+ra'i ri mo'i dkyil 'khor ma rtogs pa'o// A li kA li zhes bya ba A laM kA l-i dag ngo kho na me long lta bu dang / mnyam pa nyid kyi ye shes rnam par dge pa'i zla ba dang nyi ma'o// sa bon phyag mtshan zhes bya ba la sogs pa ni de dag dbus su'o// rdo rje sems dpa'i zhes bya ba nAM rgyur gyur pa'i'o// gdam nyes bya ba ni bstud pa'i gnas te mngon par byang chub pa rnam lnga'i rim gyis zhes bya ba'i don to// yaM gI lasna d+hung gong bu la zhes bya ba la stong tha na lus te/ 'ad na yaM grA las byung ba yin gyis gang du la li'i yang gzugs las ni rdo rje sems dpo' ma yin no// hUM dang phaT sogs 'dod mi bya zhes bya ba la sogs kyis ni rigs lngas byin gyis brlabs pa yin no// rdo rje pad+mo byin gyis brlabs pa la sogs pa de 'dod par mi bya ste/ gang gi phyir byang chub kyi sems bcing ba'i cho ga yin pa'i phyir ro// sems dpa'i gzugs zhes bya ba la sogs pa ni go sla'o// phyag mtshan zhal sogs sras lta bu zhes bya ba la sogs pa'i sgras ni gzhan zhabs la sogs pa yang gzung bar bya'o// zla ba'i gzugs can nor bu'i 'od ces bya ba ni sku mdog dkar po/ yang na zla ba'i rang bzhin can zhes bya ba ni kun rdzob kyi byang chub kyi sems te/ kun du lta bu yin pa'i phyir ro// nor bu zhes bya ba ni nor bu'i nang du chud pa'o// 'od ces bya ba ni rab tu snang ba ste spros pa thams cad las rnam par grol ba chos thams cad las rnam par grol ba chos thams cad dbyer med pa'i bde ba chen po'i mtshan nyid do// de nyid kyi phyir rang nyid kyi phyag rgya dang zhal dang dbyibs la sogs pa ma grub pas na sras lta bu zhes gsungs te/ 'di'i don ni bcom ldan 'das 'di nyid las chos thams cad dbyer med pa'i rang bzhin gyi rdo rje can longs spyod rdzogs pa'i sku yongs su gzung po'i phyir 'og nas 'byung ba'i lha mo'i dbyangs kyis yang dag par bskul bas sku gsum po rim gyis 'byung ngo zhes bya ba'i don to// ser mo la sogs 'di las 'byung zhes bya ba ni rgyur gyur pa'i rdo rje sems dpa' las so// de dag kyang he ru ka mngon par 'byung ba'i le'u las thams cad gsal bar ston par 'gyur ro// yi ge zhes bya ba tha dad pa zhes bya ba zhes bya ba la yi ge ni sa bon te/ sa bon dang mtshan mas gzhan la ste/ phan tshun du phye bas yin gyi rgyus ni ma yin no// drag chen zhes bya ba ni drag pa'i nyams kyi gar dang ldan pa'o// dang por nag por bsgom par bya zhes bya ba la sogs pa la mig la sogs pa'i rnal 'byor ma drag po rnams kyi rim pa bzhin du sku mdog bstan pa yin no zhes gzhan dag zer ro// gzhan ngag ni 'gro ba drug ni dbye bas 'khor lo bsgom par bya ba yin no zhes zer ro// yan lag drug ces bya ba ni kha dog gi bdag nyid can no// rnam par dga' mtha' yang de bzhin zhes bya ba la mchog tu dga' ba dang rnam par dga' ba dag ga gi dbus ni mtha' ste/ de kho na nyid do// yang zhes bya ba ni khyad par du gyur pa'o// de bzhin zhes bya ba ni yan lag drug dang ldan pa des so// de skad du yang gsungs par gyur pa lha mo'i 'khor thams cad kha dog gcig pa ste/ bde ba chen po'i rang bzhin du ni bsgom par bya zhes pa'o// yang na rnam par dga' mtha' zhes bya ba ni mtha' ste yod pa 'gyur ba'o// ste bya ba ni phyin no// de bzhin zhes bya ba ni ji ltar shes rab kyi ye shes de bzhin du de'i 'og tu bsgom par bya'o zhes 'og nas tshigs sa bcad pas ston par 'gyur ro// rdzogs pa'i rim pa'i sbyor bar bya ba'i phyir gsungs pa/ namakha' dbyings zhes bya ba la sogs pa'o// gal tan baspyad pa'i rim pa'i ba mal pa'i rnam pa bzlog ste/ lha par dag pa ma lus pa'i tshul gyis dngos grub chen por gyur pa ma yin no zhe na/ bden te/ gang yang spros pa thams cad las grol po'i stong pa nyid bla na med pa'i bde ba chen po thabs dang shes rab kyi rang bzhin gyi bsgom par bya bar mi nus pa rnams kyi phyir/ phung po la sogs pa'i rnam pa'i rnam par dag pa'i dbye ba mdor bsdus pa dang / bar ma dang / rgyas pa'i tshul gyis bskyed pa'i rim pa'i dbye ba bstan pa yin no// de yang gsungs pa/ blo bzangs rnams kyis thog mar bskyed pa'i rim pa bsgom par bya ba ste/ rtag tu ni/ sngags dang phyag rgya rnam dag rgyan dang go cha thams cad nges par brjod mi bya// phyi nas gsal bar ldan zhing rgyun tu skad cig gcig kyang de nyid sems gcig gis// rdzogs pa'i rim pa'i bsgom pa bde chen srid pa 'jig byed lhan cig rtag pas mi bya zhes bya ba gsungs te/ de ltar rdzogs pa'i rim pa bsgom pa nyid kyis rnal 'byor pa mchog rnams kyis dngos grub thams cad myur du rdzogs par byed pa yin no zhes par bya'o// kha cig ni bskyed pa'i rim pa dang rdzogs pa'i rim pa de byar med par bya'o zhes 'chad de/ gang yang gsungs pa/ lus med bde ba ga la yod ces bya ba la sogs pa gsungs pas so zhes zer ro// lhan cig skyes pa'i dbye ba rnam pa bzhi bstan pa'i phyir kun dga' ba ste zhes pa la sogs pa gsungs pa ste/ tha mal pa'i rnam par rtog pa bzlog ste/ ye shes rnam pa lnga'i ting 'dzin las yang dag par byung ba'i bcom ldan 'das rdo rje sems dpa' ni kun tu dga' ba'o// mchog tu dga' ba rnal 'byor zhes bya ba'i rnal 'byor zhes bya ba ni rnal 'byor ma'i stor bas mchog tu dga' ba 'byung bar 'gyur bas na de la yang de skad ces brjod do// chags pa'i dga' ba ma lus nyid ces bya ma lus pa'i de bzhin gshegs pa thams cad 'jug po sngon du 'gro bas zhu bar gyur pa'i byang chub kyi sems kyi gzugs kyis 'byung ste dkyil 'khor pa thams cad du gyur pa 'di rnam par dag pa'o// bde de'i thabs kyis thams cad rig ces bya ba ni shes rab kyi ye shes kyi thabs kyis bde ba de thams cad rig pa ste nga nyid 'bras par gyur pa'i bcom ldan 'das rdo rje 'chang chen po yin la/ rtag tu rtogs pa'i rang bzhin yin pa'i phyir/ de nyid lhan cig skyes pa'i dga' yang yin no// mchog tu dga' ba srid pa zhes bya ba la sogs pa la/ mchog tu dba' ba ni 'dod chags kyi rang bzhin gyi phyir mchog tu dga' ba ni 'dod chan kyi rang bzhis kyi phyir mchog tu dga' ba la srid pa ste/ 'di ltar chags pa dang ldan pa'i 'dod pa dang mi 'dod pa'i las rnams rab tu brtsegs nas bde 'gro dang ngan 'gro'i srid par 'gyur ro// mya ngan 'das pa rnam dag pa zhes bya ba la rnam par dga' ba'i mtshan nyid ni 'dod chags dang bral ba dbang po thams cad rgyal ba'i ye shes te/ chags pa'i bdag nyid kyi srid pa dag la chags pa dang bral bar 'gyur ba yin no// 'di ltar 'dod pa dang gzugs dang gzugs med pa'i khams rnams 'dod chags dang bral nas las rnams mngon par yang spyang du med do// de ltar las dang nyon mongs par ma bsams pas phung po la sogs pa log pa tsam ni mya ngan las 'das pa zhes bya'o// dbus ni kun tu dga' tsam nyid ces bya ba ni kun tu dga' ba yang bde ba tsam gyi phyir chags pa nyid do// lhan cig skyes pas 'di dag spangs zhes bya ba la kun tu dga' ba dang / rnam par dga' rnams spangs pa ni bral ba'o// de lho mod kyi lhan cig skyes pa'i rang bzhin bstan pa'i phyir gsungs pa/ gzhan gyis bstan min lhan cig skyes zhes bya ba la sogs pa ste/ bla ma la sogs pas lhan cig skyes pa'i de kho na nyid bstan par rus pa ma yin te/ ngag gi rtog pa thams cad kyi yul ma yin pa'i phyir ro// 'o na ji ltar shes par bya zhe na gsungs pa/ bsod nams las ni bdag zhes bya ba la sogs pa ste/ rang gi bsod nams ni bla ma brgyud pa nye bar bsten pa yin la/ de la sngags kyi las go bzlog pa'i man ngag shes par bya ba ste rang gi nyams su myong bar bya ba'o// yang na bsod nams las ni bdag bya zhes bya ba ni legs par byas pa'i rang gi rgyud las gsungs pa phyag rgya rnyed pa yin no// de la bla ma brgyud pa nye bar bsten pa zhes bya ba ni man ngag las rang nyid kyis goms pas nye bar rnyed pa'i sdig bskyod ces bya ba'i rtsa sor mo dang lces cung zad bskyod nas cho ga ji lta ba bzhin du rang gi rdo rje mngon par phyogs par gyur pa dang / bsod nams chen po dang ldan pa rnams la nges par bde ba chen po skyed par 'gyur ro zhes bya ba'o// gang phyir 'gro kun las byung zhes bya ba ni rgyu gzhan nam/ rgyu med pa 'am gzhan gyis khyab pa 'am rang bzhin gzhan pa 'am/ rang bzhin med pa zhes bya ba rnams ma yin no zhes 'dir rab tu bstan pa de ltar zhes bya ba la sogs pa ni ji ltar bstan pa'i rdzogs pa'i rim pa yongs su shes nas goms par bya ste bsgoms pa dang / rjes su mthun pas sems dang lus bag yangs par bya'o zhes bya ba'i don to// shin tu mnyam gzhag ces bya ba ni dbang po rnon po dang ldan pa'o// grub par 'gyur ba ni ji ltar bstan/ pa der tshe 'di nyid la bde ba'i rang bzhin yongs su rdzogs par 'gyur ro// ji lta bu zhig ces bsod nams chung ba'i mi yI kyang zhes bya ba ste/ bsod nams dang stobs chung bas kyang ngo // ci zhig byas pas zhe na/ gnas skabs thams cad du chos thams cad rang rig pa'i de kho na nyid bsgoms pas so// 'di ltar yang sngon gyi bde ba zhes bya ba la sogs pas gsal bar ston par 'gyur ro// brtan dang zhes bya ba la sogs pa la brtan pa dang g.yo ba'i chos gang yin pa rang gi rgyud las dbyer med pa'i bde ba chen po'i rang bzhin rang rig pa ma yin par 'gyur te/ sems med pa'i gzugs can yin pa'i phyir ro// de'i phyir gsungs pa/ de rnams gcig tu gzhan yod min/ zhes bya ba ste go sla'o// rang rig pa las dngos grub 'gyur zhes bya ba la sogs pa la gal te rang rig pa zhes rdzogs pa'i sgom pa de nyid kyi ji skad du gsungs pa'i dngos grub tu 'gyur na de'i tshe shin tu ring min thung ba min// shin tu gnag cing dkar ba'ang min zhe bya ba la sogs pa'i bdag nyid ci'i phyir bstan snyam na/ bden te/ gang yang dbang po de min zhing 'dod chags la sogs pa'i nyon mongs pa bde bar gyur pa/ rnam pa thams cad kyi mchog dang ldan pa'i phyag rgya chen po bsgom par bya bar mi nus pa rnams la rgyud las gsungs pa'i ngom tshig dang sdom pa mngon par shes pa ji ltar rnyed pa'i las kyi phyag rgya 'di bstan cing gzhan dag la ni phyag rgya chen po zhes bya ba ye shes kyi phyag rgya bstan pa yin no// yang gsungs pa/ ye shes phyag rgya goms pa yis// byang chub can gyi bud med spangs// rdzogs pa'i ye shes de nyid la// phyag rgya chen po 'grub par 'gyur zhes bya'o// las rnams rang bzhin rang rig ste zhes bya ba ni gang cung zad lus dang ngag dang yid kyi las nyon ma mongs pa yang rung ste/ de dag thams cad ni rang rig pa kho na'o// gnod pa'i las las skye bar 'gyur zhes bya ba ni/ gzhan dag gi ni thos pa dang 'dra ba dang / mthong ba dang / thos pa dang / reg pa rnams kyis sems la gnod par 'gyur zhing rang gi ting nge 'dzin las nyams pas las de'i rgyus srid pa gzhan dang gzhan dag tu skye ba zhes bya ba tshe rabs du mor 'gyur ba'o// rang nyid byed pa po zhes bya ba ni/ sangs rgyas thams cad bdag nyid las spros par byed pa'o// rang gis sdus ces pa ni de bzhin gshegs pa thams cad bde ba chen po'i rang bzhin du yang dag par 'dus pa'o// rang rgyal zhes bya ba ni gdul bya rnams la ji lta ba bzhin du chos bstan pa yin pa'i phyir ro// rang nyid gtso bo zhes bya ba ni skal ba dang ldan pa thams cad la dge ba rnam kyis yid sbyor ba'i mthu dang ldan pa'i phyir ro// 'dod chags zhe sdang zhes bya ba ni 'dod chags la sogs pa'i nyon mongs pa rnams te/ de dag gi mi mthun pa'i phyogs su gyur pa rnams kyis so// der zhes bya ba ni mi mthun pa med pa chos kyi sku'i rang bzhin no// gnas zhes bya ba ni ye shes dri ma med pa'i bdag nyid kyi longs spyod rdzogs pa'o// nyams dga' ba zhes bya ba ni sprul pa'i sku'o// bcu drug char yang zhes bya ba ni shin tu phra ba'i cha shas tsam du'ang bskrun du mi rung ba ste/ ji ltar sprin gyi sgrib g.yogs dang bral ba'i nyi ma'i 'ong la srin bu me khyer gyi 'od kyis cha tsam du yang bskrun du mi phod pa bzhin no// chos 'byung las zhes bya ba la sogs pa la chos kyi 'byung gnas las gang zhig skye ba de la de skad ces bya'o// ye shes zhes bya ba ni so sor rang gis rig pa'i ye shes kyi bdag nyid de/ mkha' mnyam zhes bya ba ni dmigs su med pa'i phyir ro// thabs dang bcas pa zhes bya ba ni snying las sgrub pa'i sku yin pa'i phyir ro// 'jig rten gsum po de las skye/ zhes bya ba ni brten pa'i mtshan nyid las yang dag par 'byung ba'o// shes rab thabs kyi rang bzhin te zhes bya ba ni bud med dang skyes pa'i rnam pas so// khu ba'i rnam pa zhes bya ba la sogs pa la/ khu bo nyid rnam pa ste de nyid ni bcom ldan 'ongs so// de yi bde ba bdod/ mar brjod ces bya ba khyad par du sdom pa'i byang chub kyi sems kyi rang bzhin ni 'dod ma ste shes rab bo// bde ba de'i tshe gang zhig rnam par gyur pa ste/ thams cad bcom ldan 'das te thabs yin la bde ba dang dbyer med pa'i khru pa yang yin no// gcig dang du ma bral ba 'di zhes bya ba ni rnam pa 'di dag ni bye brag so sor snang ba'i phyir gcig dang du ma dang bral bas stong pa nyid yin no// skad cig gcig ni mchog tu dga' ba zhes bya ba la/ skad cig gcig ni rnam pa'i mtshan nyid do/ mchog tu dga' ba ni gnyis su med pa'i bde ba chen po'i rang bzhin du gyur pa'o// 'di dag ni rang gi rang bzhin gyis gsal ba ste/ rtag tu da ltar byung ba'i rang bzhin gyi phyir ro// ye shes zhes bya ba ni bems po ma yin pa ste rnam par mi rtog pa'i rang bzhin nyid do// ngag gi lam 'das zhes bya ba ni ming dang mtshan ma dang ngag gi rnam par rtog pa thams cad kyi spyod yul ma yin pa'i phyir ro// bdag byin gyis brlab pa'i rim pa zhes bya ba ni sngags la sogs pa'i rnam par dag pa rnams ni rang gi rang bzhin gyis sems la gnas so zhes bya ba'i don to// kun mkhyen ye shes de rang bzhin zhes bya ba la thams cad mkhyen pa'i ye shes ni dngos po thams cad la chags pa med cing thogs pa med pa ste/ 'di dag kyang de'i rang bzhin no// sa dang zhes bya ba la sogs pa la/ skad cig la zhes bya ba ni mngon par byang chub pa'i skad cig la'o// sa la sogs pas mi gnod ces bya ba ni/ ye shes rang gi rnam pa'i yul dang / gzhan gyi rnam pa'i yul can yang mi skye'o// de ji ltar shes par bya zhe na/ de'i rang bzhin bstan pa'i phyir gsungs pa/ mtho ris mi yul zhes bya ba la sogs pa la skad cig ma'i mchog der 'jig rten gsum po rnams kyang rnam pa gcig tu rdzogs par 'gyur ba'o// rang bzhin tha dad ces bya ba la sogs pa la der bdag dang gzhan du rnam par rtog pa rnams kyis gnod par bya bar mi nus pa kho na'o// rig byed grub mtha' thams cad ces bya ba ni gzhan gyis yongs su brtags pa'i mtha' las kyang ngo // las kyi tshogs zhes bya ba ni gnas la sogs pa'i rab tu sbyor ba'o// de dag gis mi 'grub ces pa ni phyag rgya chen po'i bdag nyid du'o// sdig pa dag par 'gyur zhes bya ba ni de dag gis dag pa bskyed pa tsam legs par 'gyur ro zhes bya ba'i don to// de ma rtogs pa zhes bya ba la sogs pa sngon du bstan pa'i ye shes ma rtogs par skye ba 'di dang gzhan dag tu thabs dang shes rab kyi bdag nyid kyi dngos grub med pa yin no// de'i phyir gsungs pa/ dgyes pa'i rdo rje mi shes pa gang zhes bya ba la sog pa'o// dngos grub kyi yon tan thams cad myur du rdzogs par 'gyur ba'i zab pa dang rgya che ba'i bdag nyid ni dgyes pa'i rdo rje'o// mi shes pa zhes bya ba ni lhag par mos po tsam yang mi shes pa ste/ rgyud gzhan dag gis phyag rgya chen po'i dngos grub kyi phyir 'bad pa de dag gi ngal ba 'bras bu med pa yin no zhes bya ba'o// lte bar gtum mo 'bar ba zhes bya ba 'di yang rdzogs par bya ba'i phyir chu rgyun du 'bab pa dang zhes bya ba la sogs pa gsungs te/ chu bo rgyun du 'bab pa s+ye zhes bya ba na ha gi gzugs can rgya ma shags pa rtag tu 'og tu bltas nas so// mtshams nas bdud rtsi'i rgyun 'dzin pa'o// mar me rgyun du 'bar ba zhes bya ba ni aM gi gzugs can ma bar chad med par 'bar ba rang bzhin gyis 'od gsal ba'i shes rab steng du bltas par bsam pa ste/ 'di dag ni sngags kyi bdag nyid kyi khyad par bstan pa yin no// rtag tu de nyid ces bya ba ni ji ltar bstan pa'i gzugs kyi sku'i sgom pas so// gnas par bya zhes bya ba ni skad cig ma gcig kyang sems gzhan du mi gnas pas so// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las/ le'u brgyad pa'i bshad pa'o// // rnam par dag pa mi gtogs par lha'i 'khor lo bsgoms pa tsam gyis rnam pa thams cad mkhyen pa nyid du mi 'gyur ro zhes bstan pa'i phyir gsungs pa/ de nas gzhan zhes bya ba la sogs pa la/ rnam par dag pa ni gnyis te/ de kho na nyid kyi rnam par dag pa dang / lha'i rnam par dag pa'i dbye bas so// dang por de kho na nyid kyi rnam par dag pa gsungs pa/ dngos po thams cad ces bya ba la sogs pa la phyi dang nang gi rnam par dag pa'i dngos po mtha' dag rnam par dag pa ni de bzhin nyid de/ 'phags pa'i de bzhin nyid ji lta ba de bzhin du 'phags pa ma yin pa rnams kyang rang bzhin gyis dri ma med pa 'ongs rtag tu gnas pa'i namakha' ltar rtag tu 'dus ma byas pa'i rang bzhin no// brjod ces bya ba ni thams cad du ngo tshul gyis goms par bya ba rnams kyis khyad par med pa'i rnam par dag pa ste/ de bzhin nyid du rtogs shing khong du chud par bya'o// phyis ni zhes bya ba la sogs pa la/ re re zhes bya ba ni phung po la sogs pa'i dbye bas lha rnams kyi rnam par dag pa gzugs phung rdo rje ma yin te/ zhes bya ba la sogs pas shes par bya'o// 'o na ci'i phyir dbang po la sogs pa rnams rnam par dag pa brjod ces na/ 'dir gsungs pa/ mi shes pa dang nyon mongs pa'i zhes bya ba la sogs pa la/ mi shes pa ni ma rig pa ste bdag dang bdag gir 'dzin pa'o// 'dod pa dang mi 'dod pa'i las kyi rgyur gyur pa sems kyi khyad par ni nyon mongs pa'o// sgrib g.yogs ni 'di rnams kyis rnam par bkab pa ste de rnam dag par byed pa'o// de nyid gsungs pa/ rang rig dag pa'i bdag nyid la sogs pa'i rang rig pa'i ye shes nyid kyis ma rig pa'i dri ma bsal nas chos thams cad kyi rnam par dag pa'i bdag nyid de/ chos thams cad kyang rang bzhin gyis rnam par dag pa'i phyir ro// 'byung ba'i rgyu la gang zhig snang bar 'gyur ba de rnams rnam par dag pa ste/ 'gro ba'i dngos po rnams byang chub kyi rang bzhin yin pa'i phyir ro// kye bcom ldan 'das zhes bya ba la sogs pa la gang rnams kyi rnam par dag pa brjod ma thag par gyur pa de du zhig mchis snyam pa la/ 'dir gsungs pa/ gzugs la sogs pa'o zhes bya ba'o// ci'i slad du zhe na/ gzung ba dang 'dzin par gyur pa'i phyir zhes bya ba la sogs pa ste/ 'di'i don ni rang bzhin gyis dbyer med cing gnyis su med pa'i bdag nyid la sogs pa'i dbye bas so sor snang ba'i rnam par ma dag pa yin no zhes bya ba'o// de bas na de rnams kyi so sor lha rnams kyis dag par brjod pa'i phyir ro// gzugs phung rdo rje ma yin te/ zhes bya ba la sogs pa smos te/ rdo rje ma la sogs pa 'di rnams kyi rnam par dag pa'i de kho na nyid kyi bdag nyid can gyi rnal 'byor pas ni 'grub par 'gyur zhes bya ba yin no// dbang ldan du ni spos mo zhes bya ba la sogs pas ni rnal 'byor ma'i 'khor lo'i le'u 'di rnams kyis phyogs kyi rnam par dbye ba ma bstan pa de 'dir bstan par mdzad pa yin te/ 'di dag gis ni tha mal pa'i nga rgyal bzlog pa'i phyir lha'i nga rgyal byi zhing rnam par dag pa de las yang gsungs pa/ nyon par bskyed pa'i lha'i rnam pa rnams kyis tha mal pa'i nga rgyal spongs pa sngon du 'gro bas chos thams cad ro gcig par dmigs na bde ba chen po'i rang bzhin gyi chos kyi sku yong su rdzogs par 'gyur zhes bya bar ston pa yin te/ de yang gsungs pa/ sngon gyi nga rgyal spang bya'i phyir// bdag nyid lha'i nga rgyal bya// nga rgyal de yang spang bya'i phyir// dmigs pa med par bsgom bya'i phyir// dmigs pa med pa bsgom par bya// snga ba snga ba spang bya'i phyir// gong nas 'og tu nga rgyal bya// gang tshe sems ni mnyam bzhag nas// de tshe de nyid ces byar bshad ces so// de ltar sngags dang lha'i rnam pas 'dis rnam par byas shing / de yang don dam pa'i sngag kyi de kho na nyid la gzhug par bya ba'i don to// de yang 'og nas gsungs pa smos pa spros pa med par bya zhes bya ba ste/ 'di'i don smos pa zhes bya ba ni lha'i rnam pa'i tshul gyis phung po la sogs pa rnam par dag pa'o// spros pa med pa zhes bya ba ni stong pa nyid de thabs shes rab bla na med pa'i bde ba chen po'i rang bzhin yongs su shes par bya'o zhes bya ba yin no// de nyid kyi phyir 'og nas 'byung ba'i bcom ldan 'das kyi phyag la sogs pa'i rnam par dag pa gsungs pa/ phyag rnams stong pa'i rnam par dag ces bya ba la sogs pa ste/ ji ltar chu'i khams dang gser dang na mkha' rnam par dag pa ltar 'di dag kyang kun tu rtog pas bzhag pa'i rnam pa tsam log cing rang bzhin gyis rnam par dag cing rang rig pa'i bde ba chen po rtog pa'i dri ma thams cad dang bral ba'i bdag nyid do// de nyid kyis ni rnam par dag pa 'dis mngon par zhen pa thams cad las grol bar 'gyur ba yin gyi/ yang btags pa tsam gyis dag pa ni ma yin no// phyag rgya rnams zhes bya ba la sogs pa la/ stong pa zhes bya ba ni nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid ces bya ba ste/ stong pa 'di dag gi rnam par dag pa ni phyag bcu drug rnams so// zhabs ni zhes bya ba ni gnyis pa gcig lhag pa zhabs so// bdud rnams dag pa zhes bya ba ni/ lha'i bu'i bdud dang / nyon mongs pa'i dang / phung po dang / 'tsho bdag gi bdud rnams te/ de la lha'i bu'i bdud ni rmugs pa dang gnyid gnyis dang / 'gyod pa dang the tshom gyi mtshan nyid do// nyon mongs pa'i bdud ni 'dod chags la sogs pa rnams so// phung po'i bdud ni na ba dang rgas pa la sogs pa'o// 'chi bdag gi bdud ni tshe dang dbang po rnams 'gags pa'o// 'di rnam par dag pa yongs su gyur pa ni zhabs rnam pa bzhi rnams so// zhal rnams rnam par thar pa brgyad ces bya ba la/ gzugs can gzugs la lta ba zhes bya ba 'di ni rnam par thar pa dang po'o// nang gzugs med par 'du shes pas phyi rol gyi gzugs la lta ba 'di ni rnam par thar pa gnyis pa'i// sdug pa'i rnam par thar pa lus kyis mngon sum du byas te rdzogs par byas nas gnas pa 'di ni rnam par thar pa gsum pa'o// na mkha' mtha' yas skye mched ni bzhi pa'o// rnam shes mtha' yas skye mched ni lnga pa'o// yang med pa'i skye mched ni drug pa'o// 'du shes med 'du shes med min skye mched ni bdun pa'o// 'gog pa'i snyoms par 'jug pa ni brgyad pa ste/ de ltar rnam par thar pa brgyad rnam par dag pa ni zhal brgyad po rnams so// rdo rje gsum zhes bya ba ni mkha' la spyod pa dang / sa la spyod pa dang / bdag med ma rnams so// 'di dag gis zhes bya ba ni bshad ma thag pa rnams kyis te/ go rims bzhin du phung po la sogs pa rnams te rnam par dag par shes par bya'o// bla na mong ba'i rnam par dag pa gsungs pa/ gong dang gang gis zhes bya ba la sogs pa ste/ gang gis zhes bya ba ni phung po dang khams dang skye mchod kyi bdag nyid kyi las dang nyon mongs pas yang dang yang du skye bo rnams bcings pa yin no// de dang de zhes pa ni phung po la sogs pa lha'i rang bzhin rnam par dag pa ste/ des srid pa'i bcing ba las grol bar 'gyur ba'o// 'di'i don ni ji ltar sgyu ma mkhan gyis sprul pa'i rta dang glang po che dang grong khyer lta bu'i dngos po thams cad kyi sgyu ma'i rang bzhin mi shes pa gang yin pa bcings pa'i gzugs la sogs pa de nyid kyis grol bar 'gyur ro zhes bya ba yin no// rmongs pa nyid ni de kho na nyid mi shes pa ste sdug bsngal thams cad kyi snying 'khrin can des dngos grub can bya ba phyag rgya chen po'i bdag nyid can rnyed par mi 'gyur ro// de nyid kyis na gsungs pa/ de'i phyir zhes bya ba la sogs pa ste/ 'di'i don ni dri la sogs pa'i dngos po so sor snang ba rnams rang gi sems las tha dad pa'i de kho na nyid rtogs par gyur pa rnams/ gang gi tshe sems rnam par dag pa las tha dad pa med pa'i de bzhin nyid kyi bdag nyid kyi 'gro ba mtha' dag rnam par lta ba de'i tshe bla na med pa yang dag par rdzogs pa'i byang chub rnyed par dka' ba ma yin no zhes bya ba 'di yin no// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u dgu pa'i bshad pa'o// // dkyil 'khor ma rtogs par dbang bskur ba'i sbyin par bya ba ma yin la/ dbang bskur ma rtogs par de kho na nyid bstan par bya ba ma yin pas/ dkyil 'khor sngon du 'gro ba'i dbang bskur gsungs pa/ de nas zhes bya ba la sogs pa ste lha'i bdag nyid kyis zhes bya ba ni phyag gnyis pa'i he ru ka'i bdag nyid kyis so// dkyil 'khor bri ba'i sa'i mtshan nyid gsungs pa/ tshul dang zhes bya ba la sogs pa'o// der ni rig pa zhes bya ba la sogs pa la sngar ni spyod pa'i phyir phyag rgya'i dbye ba gsungs lo/ da ni dbang bskur ba rdzogs par bya ba'i phyag rgya'i dbye ba bstan pa yin no// rigs lnga zhes bya ba la sogs pa ni/ 'dir ser mo la sogs pa rnam par dag pa'i tshogs kyi dkyil 'khor gyi nang du pad+ma'i rigs la sogs pa las byung ba'i phyag rgya du ma dang lhan cig tu dbang bskur bar bya ba ston te/ de'i phyir dang po nyid du sems bskyed pa dang pa dman zhing spro ba med pa sngon du 'gro bas mnyes par byed pa'i sems zhi bar bya ba'i phyir/ de dag gi gdong dgab par bya'o zhes bya bar 'dong ngo // / shes rab kyi ye shes gsungs pa/ rang rig las byung zhes bya ba la sogs pa ste/ mchog tu dga' ba'i mtha' yin no// ye shes zhes bya ba ni rang gis rab tu gsal ba'i rang bzhin no// bdag gzhan rig pa spangs zhes bya ba ni bdag dang gzhan du 'dzin pa la sogs pa'i rig pa mi gnas pa'o// thogs pa med pa'i phyir na mkha' mnyam mo// nyes pa rnams dang bral ba'i phyir ra rdul bral lo// kun tu brtags pa'i rnam pa mi dmigs pa'i phyir na stong pa'o// dngos dang dngos med bdag nyid las/ zhes bya ba ni rang rig pa'i bdag nyid kyis na dngos po'o// rtog pa mtha' dag las grol bas na dngos med do// bla na med pa'i phyir na mchog go// stong pa nyid dang snying rje'i rang bzhin gyis na thabs dang shre rar rnam par 'dres so// mchog tu dga' ba'i mtha' yin zhing rnam par dga' ba'i dang po nyid kyis na chags dang chags bral rnam par 'dres so// de nyid ces bya ba ni spros pa thams cad nye bar bcom pa'i shes rab kyi mtshan nyid de'o// de bzhin gshegs pa'i mkhas pas na srog chags rnams kyi srog go// de nyid ces bya ba ni bstan ma thag pa nyid do// mchog tu zhes bya ba ni rnam par mi rtog pa'i phyir ro// de bzhin nyid kyi tshul gyis thams cad du mi g.yo ba'i phyir mi 'gyur ba'o// thams cad mkhyen ces bya ba ni de nyid rang gi sems tsam nyid kyi thams cad du son pa'i phyir/ lus na la ni rnam par gnas zhes bya ba ni yid kyi tshul gyis lus can thams cad la lhag par gnas pa'i phyir ro// dngos po dngos med de las byung // zhes bya ba ni chos thams cad dbyer med pa'i bde ba chen po'i rang bzhin de'i las dngos po dang dngos po med pa'i rtogs pa dag skyes par gyur pa yin no// gzhan gyi zhes bya ba ni gzhan gyi sde rgol ba gzhan rnams kyi gang yin zhes bya ba gang cung zad bdag dang skyes bu dang gang zag la sogs pa'i tha snyad de dang kyang de nyid las byung ba yin no// dngos po kun gyi rang bzhin zhes bya ba ni chos kyi dbyings kyi rang bzhin gyi phyir dngos po kun gyi rang bzhin de nyid yin no// yang gsungs pa/ chos kyi dbyings ni ma gtogs par// gang phyir chos ni yod ma yin/ zhes bya ba'o// sgyu ma gzugs su yang dag gnas zhes bya ba ni/ gang dang gang gi gzugs kyis btags pa de dang de'i gzugs su ldan pa nyid du mtshon pa'i phyir ro// 'di skad ces bya ba ni bshad ma thag pa'i bde ba'i thabs myu/ ra ba'i tshul gyis so// rdo rje snying po sogs zhes bya ba ni rdo rje ni ye shes lnga ste de'i snying po'o// de la sogs pa ni gtso bor gyur pa de dag la de skad ces bya'o// de bzhin gshegs pa zhes bya ba ni sems can thams cad kyi 'gyur ba med cing phyin ci ma log pa de bzhi nyid gong gis rtogs pa de dag la de skad ces bya'o// mchog gi ngo mtshar thob gyur nas zhes bya ba la/ mchog gi bla na med pa'i bde ba chen po'i rang bzhin no// rgyud gzhan dag tu bskal pa du mas yongs su btsal bar gyur pa la skal ba dang ldan pa'i spyod yul du gyur pas 'gyel ba'o// dgyes pa'i rdo rje zhes bya ba ni bla na med pa'i snying rje dang shes rab kyi bdag nyid can no// de nyid ni sangs rgyas thams cad kyi sku gcig ces bya ba ste/ sa rgyas thams cad ni na mkha' dang mnyam par bshad pa rnams so// de rnams kyi sku ni lus te der gcig pu kho na'o// de nyid lhan cig skyes pa'i rang bzhin du gsungs pa/ 'dod chags ma yin zhes bya ba la sogs pa ste/ 'dod chags ni mchog tu dga' ba'o// chags bral ni rnam par dga' ba'o// dbu ma'i bdag nyid 'dod chags dang bral ba dag ni dbus su gyur pa ste kun tu dga' ba tsam mo// gsum po dag ces bya ba ni 'dod chags la sogs pas 'di dag go/ spangs pa ni blang ba dang dor ba dang bral ba ste lhan cig skyes pa'o// rdzogs byang chub ces bya ba ni/ rang nyid kyis byang chub pa'i bdag nyid kyi phyir ro// ba rjod ces bya ba ni kun rdzob tsam du bstan pa'o// / de nyid las dang po pa rnams kyis khong du chud par bya ba'i phyir gsungs pa/ rnam par dag pa'i sngon zhes bya ba la sogs pa'o// rtag tu bsgom pa la mngon par zhen pa'i rnal 'byor pa rnams kyi dngos grub kyi mtshan ma gsungs pa/ dang po sprin dang 'dra ba ste zhes bya ba la sogs pa ste/ ma rig pa'i mun pa'i bag chags bsal bas lus sprin gyis sgrib g.yogs lta bur snang ba 'di ni mtshan ma dang po'o// grub cing zhes bya ba ni de'i 'og tu gang cung zad 'grub cing ste/ sngon du rdzogs pa de'i lus sprul pa lta bur snang zhing mthong ba 'di ni gnyis pa'o// de'i rjes la zhes bya ba la de'i 'og tu ma rig pa'i mun pa mtha' dag bcom nas se gol gtogs pa tsam gyi dus tshod la lan 'ga' zhig na rmi lam lta bur yongs su gsal bar gnas pa 'di ni gsum pa'o// nyal dang sad pa zhes bya ba la rmi lam dang sad pa'i gnas skabs dag dbyer med par ye shes kyi snang ba yongs su gsal brtag tu gsal ba'i lus 'byung ba 'di ni bzhi pa ste/ gang gi tshe 'di ltar chos thams cad kyi rang bzhin dbyer med pa'i mtshan nyid kyi dngos grub skye ba de'i tshe phyag rgya chen po'i mtshan nyid rdzogs par 'gyur ro// thun mong dang mchog gi dngos grub rdzogs par bya ba'i phyir dang / sems can thams cad la phan gdags par bya ba'i phyir yang dkyil 'khor byi bar bya'o zhes bstan pa'i phyir gsungs pa/ ston pas dkyil 'khor bka' stsal pa/ ces bya ba la sogs pa'o// shar du zhes bya ba la sogs pa ni bdag med ma'i dkyil 'khor du gang zhig bstan pa 'di dag nyid kyi 'khor lo zhes bya ba'i don to// de nas zhes bya ba ni dbang bskur ba rdzogs nas so// de nyid ces bya ba ni phyin ci ma log pa'o// yang dag bshad ces bya ba ni yang dag pa'i cho gas bstan par bya'o// de nyid nyon mongs pa'i dri ma dang bral ba'i phyir rnam par dag go/ so sor rtog pa'i bdag nyid kyi rig pas na ye shes rang bzhin nyid do// 'khor ba dang ni mya ngan 'das zhes bya ba gang 'di phyin ci log tu yongs su brtags pa'i sems kyis bsags pa'i phung po dang / khams dang / skye mched kyi rang bzhin bdag dang bdag gi ba dang / bde ba dang sdug bsngal la sogs ba'i rtog pa yang dag par brten pa'i gzung ba dang 'dzin pa'i mtshan nyid 'di ni 'khor ba'o// de nyid spros pa thams cad las yang dag par grol bas rang bzhin gyis 'od gsal ba 'di ni mya ngan las 'das pa'i bdag nyid de/ dbye ba sna tshogs 'di dag sems tsam gyis sprul par gyur pa'i phyir ro// de yang gsungs pa/ srid pa dang ni mya ngan 'das// khyad par cung zad yon min te// srid pa yongs su shes pa ni// mya ngan 'das zhes bya bar brjod zhes bya ba yin no// 'di nyid yang gsungs pa/ mchog dga' zhes bya ba la sogs pa la mchog ni de kho ni nyid de de nyid rab tu dga' ba'o// dngos dang zhes bya ba ni brten pa'i rang bzhin du gyur pa ste de med pa'o// dngos med ces bya ba ni rten du gyur pa ste khang bu brtsegs pa'o// lus zhes bya ba ni phung po lnga rnam par dag pa'i lha rnams so// gzung ba zhes bya ba ni gzugs la sogs pa rnam par dag pa'i ser mo la sogs pa'o/ 'dzin pa zhes bya ba ni mig la sogs pa rnam par dag pa'i bdag med ma la sogs pa rnam pa drug go// sha dang khrag dang gtse ba zhes bya ba la sogs pa ni spos mo la sogs pa'o// mi gtsang ba dang rmongs dang khrus dang / gtsang sbra zhes bya ba ni snying rje la sogs pa rnam par dag pa'i spyan ma la sogs pa'i lha mo'o// chags pa dang / gti mug dang / phrag dog dang / ser sna dang / nga rgyal zhes bya ba ni 'od dpag med la sogs pa'i 'khor los sgyur ba drug go/ mi blta zhes bya ba la sogs pa ni sgeg pa zhes bya ba la sogs pa'i nyams so// sgrom zhes bya ba ni lam mo// sgom pa po zhes bya ba ni sgom par byed pa'o// gzung zhes bya ba ni bshes gnyen gyi rang sangs rgyas kyi yon tan no// dgra zhes bya ba ni sbyang bar bya ba'i rang bzhin nyon mongs pa ste/ de med pa'o// khrem gnyer med pa'i lhan skyes bya ba ni rnam pa sna tshogs min zhes bya ba la khrem gnyer ni yang dag par rtogs pa'i bdag med pa ni stong pa ste lhan cig skyes pa'i dga' ba'o// bi zhes bya ba ni bral ba ste sna tshogs kyi rang bzhin dang bral ba la de skad ces bya'o// 'di'i don ni khrem gnyer med pa'i lhan cig skyes pa zhes bya ste/ rang bzhin sna tshogs snang ba yin la 'di la ni chos gang yang blang bar bya ba yang med la gang la dor bar bya ba yang med pa yin no// yang na mchog dga' zhes bya ba la sogs pa'i tshig 'di dag sgra ji bzhin pa nyid du yang sbyar ro// lhan cig skyes pa de nyid la 'byung ba dang 'byung ba las gyur pa'i rab tu dbye ba zhu ba'i phyir gsungs pa/ rdo rje snying po zhes bya ba la sogs pa ste/ 'byung las gyur pa'i phung po zhes bya bas bstan to// khyim gnyer med pa ni sems kyi mtshan nyid do// de nyid 'byung ba dang 'byung ba las gyur pa'i bdag nyid du gsungs pa/ rdo rje pad+mo'i sbyor ba yis/ zhes bya ba la sogs pas so// nyo bar bsdu ba gsungs pa/ ngor phyir zhes bya ba la sogs pa la bde ba zhes bya ba ni bde ba'i thabs tsam sto ngan de kho na nyid ma yin no// gang dbang po gnyis las skyes pa'i bde ba ni 'byung ba chen po las 'byung ba des na de kho na nyid ma yin no// las dang po pa rnams kyi dbang du byas te lhan cig skyes pa'i bdag nyid gsungs pa/ lhan cig skyes pa gnyis zhes bya ba sogs pa gsungs te/ skyes pa tsam gyi rang bzhin gang zhig rnyed pa ni lhan cig skyes pa'o// mngon sum bcos ma ma yin pa'i thabs dang shes rab dag rdzogs po'i ye shes rnam par mi 'gyur ba ni rang bzhin lhan cig skyes pa zhes bya bar brjod do// yang na lhan cig skyes pa'i de kho na nyid ji ltar shes par bya zhe na/ rang bzhin ni rang gi bde ba tsam ste/ dbang po thams cad las grol zhing blang ba dang / dor ba med pa stong pa nyid dang / rang bzhin gyis rnam par dag pa thog ma dang tha ma dang dbus med pa'o// lhan cig skyes zhes bya ba ni kun nas nyon mongs pa thams cad kyi rgyu dang yang dag par bral ba stong pa nyid dang / mtshan ma med pa dang / smon pa med pa'i mtshan nyid shes rab kyi bdag nyid kyis rig pa'o// rnam pa thams cad gcig sdom pa ces bya ba la/ rnam pa thams cad ni 'khor ba mthar thug pa'i dmigs pa rnam pa sna tshogs pa'o// gcig ni bde ba chen po'i rang bzhin du'o// sdom pa ni khyab pa'o// da ni bla na med pa'i de kho na nyid bstan par bya ba'i phyir thabs gsungs pa/ thugs rje thabs sgyur rnal 'byor pa'i zhes bya ba ste/ mngon par 'dod pa nye bar len pas so// gang phyir snying rje thabs su brjod ces gsungs pa'i phyir ro// phyag rgya rgyu dang bral ba nyid ces bya ba la/ skye ba med pa'i ye shes kyi rang bzhin gyi shes rab ni phyag rgya'o// de las gzhan du gyur pa ni rgyu ste de dang bral ba'o// de dag kyang gsungs pa/ spros pa kun dang bral ba yi// thabs dang sa/ rab gnyis med pa// rang bzhin yid kyis bsgom byas na// bla med 'bras bu thob par 'gyur/ zhes pa'o// don de nyid gsungs pa/ stong nyid snying rje tha dad min zhes bya ba la sogs pa ste/ rtog pa dang mtha' dag bral ba'i rang gi sems ni stong pa'o// ma lus pa'i sems can thams cad kyi sdug bsngal ba rnams las yongs su bsgrub pa'i rnam pa ni snying rje ste sems las byung ba'o// sems dang sems las byung ba ni tha dad pa yin na ji ltar na 'di gnyis tha dad pa med par brjod snyam pa la/ byang chub ces bya ba la sogs pa smos te/ gnyis ka yi yang gnyis po stong pa nyid kyi phyir dbyer med pa ste/ mar me dang 'od bzhin no// de bas na gnyis su med pa'i phyir byang chub bo// rang rig pa tsam gyi phyir na sems so// de nyid bstan pa'i phyir sngags bzla dka' thub sbyin sreg med ces bya ba la sogs pa ste/ chos thams cad dbyer med pa'i bde ba chen po'i rang bzhin gyi phyir ro// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gan zhes bya ba las lo'u bcu pa'i bshad pa'o// // ltung ba'i rtsa ba la sogs pa ma bsgrubs par gdul dka' ba'i sems can bde bral tu gzhug par bya bar mi nus so zhes bstan pa'i phyir gsungs pa/ mnyam par khro bo'i lta ba zhes bya ba la sogs pa'o// lta ba bzhi shin tu bsgrubs pa 'bras bu gsungs pa/ lta ba bzhi po bsgrub pa yi zhes bya ba la sogs pa'i lta ba bzhi po grub pa rnams kyis sems can thams cad theg pa gsum la gzhug par bya'o// 'dir ni bsad par mi bya ste/ zhes bya ba ni/ sangs rgyas kyi bstan pa la gzhug pa tsam dgos pa nyid du 'gyur zhing bsad bar mi bya'o// zhes bya ba'i tha tshig go// mchog tu dam tshig phye bar 'gyur zhes bya ba la dam tshig ni sems can thams cad lo mnyam par 'jug pas snying rje'o// de'i phye ba ni de dang shin tu bral bar gyur pa'o// bye ba ma yin thams cad bya/ zhes bya ba ni snying rje chen po'i bdag nyid can gyi ma lus pa'i sems can thams cad kyi dge ba'i rtsa ba bsags shing bstan pa la gzhug par bya ba'i phyir/ dge ba bcu po rnams kyang nyams par byas na/ gzhan lta smos kyang ci dgos/ sems can slu ba'ang spang bar bya zhes bya ba la/ sems can ni bstan pa la mu dad pa rnams so// slu ba ni gong nas gong du dge ba'i rtsa ba bsags pa'o// spang ba ni bar chad kyi rgyu dor ba'o// sems can gnod pa tsam gyis ni zhes bya ba la sogs pa la sems can rnams la gnod pas ni phyag rgya'i dngos grub mi rnyed la/ sems can rnams la phan btags pas ni dngos grub thams cad du 'gyur ro zhes bya ba'i don to// bdun 'khor las ni dngos grub 'gyur zhes bya ba ni mkha' la spyod pa'o// rnam par dga' ba sun 'byin pa zhes bya ba ni/ mkha' la spyod pa'i dngos grub grub na rtag tu rig pa 'dzin pa'i bu mo rnams dang sbyor bas kun tu dga' ba skyes pas rnam par dga' ba ste 'dod chags dang bral ba'i rang bzhin sun 'byin pa zhes 'joms pa yin no// dbyangs snyan zhes bya ba ni sems can thams cad mngon par 'dod cing yid 'phrog pa'i dbyangs zab mo dang ldan pa'o// mig mdzes zhes bya ba ni sems can thams cad tshim par bya ba'i mig yongs pa dang ldan pa'o// dri'i zhes bya ba ni dpe med pa'i bying chub sems dpa'i tshul khrims kyi dri dang yang dag par ldan pa'o// 'od chen sku zhes bye ba shin tu che ba yang ma yin ring ba yang ma yin la/ shin tu thung zhing ring ba yang ma yin pa'i yid du 'ong ba 'dzam bu nA de'i gser gyi kha dog gi bdag nyid skye bo thams cad kyis bsngags pa'i lus so// gri ba ma bdun zhes bya ba ni mi rnams kyis nang du rgyun mi 'chad par skye ba bdun blangs pa nyid snang ba bdun yod pa yin no// de'i zhes bya ba ni de lta bur gyur pa'i sha la sogs pa cung zad tsam yang ngo // zos pa tsam gyis ni bya ba la sogs par sgrubs pa'i rdzas de bza' ba dang ldan par ro 'dzin gyis myangs pa tsam gyis ji skad du gsungs pa'i dngos grub tu 'gyur ro zhes bya ba'o// mdor bsdus pa zhes bya ba ni sngags tsam gyis bstan pa la 'dir ni so sor bstan pa tsam yin te/ rgyas pa ni rtog pa bcu gnyis pa las gsungs pa yin no// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya papA las le'u bcu gcig pa'i bshad pa'o// // ji lta ba'i tshul bzhin zhes bya ba ni/ bshad pa'i rgyud las gsungs pa'i rab tu gnas pa'i tshogs so// rdo rje snying po bdag ces bya ba la ye shes lnga ni rdo rje'o// de dag nyid snying po ste/ de na mkha' ltar chos thams cad la khyab cing dmigs su med pa'i phyir snying po'o// de'i bdag nyid gang gi yin pa de la de skad ces bya'o// sangs rgyas thams cad gcig bsdus pa zhes bya ba li/ sangs rgyas thams cad ni phung po dang / khams dang / skye mched kyi rang bzhin rdo rje ma la sogs pa yin la/ gang du de rnams gcig tu yang dag par bsdus pa de la de skad ces bya'o// gang cung zad dkyil 'khor bri ba la sogs pa de dag thams cad la bgegs nye bar zhi bar bya ba'i phyir sngon du zhi ba'i sbyin sreg bya'o zhes bstan pa'i phyir gsungs pa/ ji skad du gsungs pa'i sbyin sreg bya zhes bya'o// phyi 'phreng sku gzugs sbyang byas te/ zhes bya ba la ni rmongs ka thun mtshams dang po la mngon par sbyang ba sngon du 'gro ba ste gon la gnas par bya'o// de la mngon par sbyang ba'i cho ga gsungs pa/ na mkhar gnas pa'i zhes bya ba la sogs pa'o// sngags pas ji ltar blta bar bya zhe na/ 'dod lha'i zhes bya ba la sogs pa ste mkhas pa zhes bya ba ni dkyil 'khor la sogs pa'i las kyi cho ga la bya ba'o// sngags kyi pha rol son zhes bya ba ni sngon du lha rnams kyi sngags cho ga ji lta ba bzhin du shin tu bzlas par 'gyur ba'o// lha min gtsug lag gzham dgal dzaM ltar gyur pa bzhin 'dir yang shes par bya'o// slob dpon nag pos mdzad ba'i dgyes pa'i rdo rje'i dka' 'grel dran pa'i 'byung gnas zhes bya ba las/ bdag med ma'i brtag pa'i le'u dang po'i bshad pa'o// bcom ldan 'das chos rnams thams cad ni zhes bya ba la sogs pa la/ ji ltar rgya mtsho chen por ji ltar bcug pa'i ku ba 'di phyogs gcig tu gnas pa yin lo// de bzhin du 'dod chags la sogs pa'i chu srin gyis 'khyug ba'i 'khor ba'i rgya mtshor yang klu ba lta bu'i rang gi 'dod pa'i lha tsam gyis/ sems can rnams kyi dngos grub tu ji ltar 'gyur zhes bya ba chos thams cad rang bzhin gcig pa nyid du ji ltar rdzogs par 'gyur zhes bya ba ste phyogs snga ma'o// bcom ldan 'das kyis bka' stsal pa/ zhes bya ba la sogs pa la/ bdag med ces bya ba ni/ bcom ldan 'das mo'o// de'i rnal 'byor ni chos thams cad rnam par dag pa'i rang bzhin te/ de dang yang dag par ldan pas sam yang na he ru ka dpal zhes bya ba la sogs pa la/ he ru ka dpal zhes bya ba'i don ni sngar bshad zin to// 'di gnyis bskyed pa'i rim pas bye brag tu byas pa yin gyi/ yang don dam par rdzogs pa'i rim pas ni ma yin no// gang yang gsungs pa// zhal dang phyag sogs rnams gzugs can// don dam bde ba thugs can min zhes bya ba'o// 'di'i don ni gdul bya'i dbang gis bskyod pa'i rim pa la phyag dang zhal dang mdog dang dbyibs la sogs pas phye ba yin gyi/ rtag tu 'byung ba'i bde ba chen po'i bdag nyid rdzogs pa'i rim pas phye ba ni ma yin no zhes bya ba'o// mtshan mo'i dus su zhes bya ba ni nyal ba ste dbang po'i tshogs thams cad bzlog pa yin no// rang khyim du zhes bya ba la phung po lnga po rnams ni rang gi rnam par rtog pas gzung bas na khyim dang 'dra ba'i phyir khyim mo// grub pa dag gi sems kyis ni zhes bya ba ni tha mal pa'i nga rgyal las grol ba rang gi lha'i rnam pa dang yang dag par ldan po'i sems te/ lha'i rang bzhin des gnas skabs thams cad du bsgoms na dngos grub nye bar 'gyur ro zhes bya ba'i don to// de'i phyir gsungs pa/ rkang pa khru dang zhes pa la sogs pa'o// ngas bshad pa zhes bya ba ni de nyid kyis ni yang dag pa'i cho ga gsal bar byas so zhes bya ba'o// de ci zhe na bsam gtan zhes bya'o// ji lta bu zhe na sdig pa 'jig byed pa zhes bya ba ste/ ga chags dang bcas pa'i phung po la sogs pa spyod yul 'jig par med pa'o// dngos grub don du zhes bya ba la sogs pa la/ 'di dag nges par 'grub par bya ba'i phyir zla ba byed la sogs pa'i dbye bas de nyid yongs su brtags par byas pa yin no// thabs gzhan med ces bya ba la sogs pa la bstan ma thag pa'i rim pa ma rtogs par bdag dang gzhan gyi don 'grub par 'gyur ba'i thabs gzhan cung zad kyang yod pa ma yin no zhes bya ba'o// lan 'ga' zhes bya ba la sogs pa nyi ma gcig la sogs pa'i dbye ba yang rgyud mi 'chad par rig pa de nyid la goms par bya'o zhes bya ba yin no// 'bras bu gsungs pa/ 'phrul du zhes bya ba ste/ de'i skad cig de la'o// yid ches byed pa yin zhes bya ba ni mngon sum du nyams su myong bar byed pa yin no// 'jigs spro zhes bya ba la sogs pa la de dag ni nye bar mtshon pa tsam ste/ gzhan yang 'du byed kyi sdug bsngal rnams kyis sgrub bo nyon mongs par mi 'gyur ba ste/ de ltar zhes bya ba ni bstan ma thug pa'i lam gyi mtshan nyid do// / par spang na zhes bya ba ni lam ste goms par byas na'o// phan dang gnod pa zhes bya ba la sogs pa la/ de bzhin gshegs pa'i ye shes bla na med pa'i yon tan 'byung ba'i phan pa'i 'bras bu'o// lam de la goms par ma byas pa rnams/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba la sogs pa 'byung ba ni gnod pa'i 'bras bu'o// ci nas zhes bya ba la sogs pa ni go sla'o// / de zhes bya ba ni bka' lung bsgo ba rnyed pa'o// nub pa zhes bya ba ni sngags la sogs pa'i stobs kyis so// bkug ces bya ba ni lha dang mi dang lha ma yin la sogs pa thams cad la sbyar bar bya'o// gzung po zhes bya ba ni blangs nas so// spyod pa zhes bya ba la rig pa brtul zhugs kyi spyod pa spyad par bya ba'o// bdag nyid ces bya ba ni sems so// brtan pa zhes bya ba 'di ni dus dang gnas kyi khyad par gyis gzung ba'o// yid ches phyir zhes bya ba ni mngon du bya ba'i phyi longs spyod phyir ni zhes bya ba la sogs pa la longs spyod kyi phyir bstan par bya ba ma yin pa'o// gang grags zhes bya ba ni/ gang rnal 'byor pa mchog tu grags pa rnams kyis sangs rgyas nyid rdzogs par byed pa yin la/ phyag rgya 'di nyid ni mos pa dman pa zhen pa rnams kyi ni 'jigs pa skye bar 'gyur bas na 'jigs pa'i gzugs so// ru mo spangs pa zhes bya ba la sogs pa 'di dag ni yang dag pa'i ye shes dbang du gyur pa rnams kyi ste/ rnam po thams cad ngo bo nyid med par gom par bya ba'i phyir/ ji ltar bsam pa bzhin du gzugs yongs su rje ba yin te/ ji ltar bstan pa'i phyag rgya dang / bskyed pa'i rim pa bsgom pa'i sngon du 'gro bas chos kyi dbyings thams cad dang 'gro ba'i bdag nyid kyis skad cig gcig gis dus su rtogs pa khong du chud par 'gyur ro zhes bya bar dgongs so// dngos grub kyi rang gi ngo bo gsungs pa/ skye ba dang zhes bya ba la sogs pa la/ shes rab thabs ni stong nyid dang / snying rje'i bdag nyid kyi sems so// 'chi ba med ces bya ba ni skye bas 'phel ba yang ma yin la 'jug pas brlag pa yang ma yin no// gang phyir thabs ni 'byung ba ste zhes bya ba ni mngon par 'dod pa nye bar len pas na thabs te/ sems can thams cad la gnas shing yang dag par byung bas na 'byung ba ste snying rje chen po'o// thim pa zhes bya ba ni gang gi phyir chos kyi dbyings kyi tshul gyis thams cad du mi snang bar gyur pas na thim pa'o// shes rab srid mthar mdzad ces bya ba ni phyin ci log thams cad sel bar mdzad pa'o// de phyir 'jigs pas brlag pa min zhes bya ba ni/ rdzogs pa'i rang bzhin thabs dang shes rab tu grags pa phyin ci log thams cad las grol ba ma dmigs pa'i snying rje las grub pa'i lus ni srid pa 'gag pas 'jigs pa yod pa ma yin no zhes bya ba yin no// de nyid du ni skye ba med ces bya ba la sogs pa de kho na nyid ni mi dmigs pa'i stong pa nyid dang / snying rje'i bdag nyid nam mkha' ltar 'dus ma byas pa'i rang bzhin gyis na rgyu med pa'i phyir skye ba med pa yin no// de'i phyir skye ba dang 'jig pa dag gi thabs dang shes rab ni 'ching ba ma yin no zhes bya ba'o// gang yang 'jig dang zhes bya ba la sogs pa la/ gang yang zhes bya ba ni gang gi yod ngo // 'jig ces bya ba ni rgyu dang rkyen dang bral ba'o// thim pa zhes bya ba ni rgyud yongs su ldog pa'o// thim pa med pa zhes bya ba ni rgyud yongs su ldog pa med pa'o// zag pa med pa zhes bya ba la dngos po med pa ma yin no// bskyed pa'i rim pa'i rnal 'byor gyi zhes bya ba ni sa bon dang gdan dang mtshan ma yongs su gyur pa sngon du 'gro ba'i phung po dang / khams dang skye mched rnams rnam par dag pa'i lha'i tshogs te de nyid spros pa'o// spros pa rmi lam ltar byas te zhes bya ba la phung po la sogs pa rnams don dam pa nyid du rmi lam dang mtshungs par mi bden pa'i phyir/ yang dag par grub pa rnams kyang tha mal pa'i nga rgyal gyi gnyen po tsam gyi bdag nyid bstan kyang bden pa ma yin pa kho na'o// spros ba spros pa med par bya ba ni spros pa bsgoms pas chos thams cad dbyer med pa'i bde ba chen po'i rang bzhin rtog pa thams cad kyi bdag nyid kyi spros pa las grol ba'i stong pa nyid du sngags dang lha la sogs pa'i rang bzhin bsgo par bya'o zhes bya ba'i don to// spros pa med pa zhes bya ba 'di ci zhig ci ste spros pa'i ngo bo nyid med pa nyid spros pa med pa'o zhe na ma yin te/ de nyid spros pa yin pa'i phyir ro snyam pa la/ spros pa'i ngo bo nyid med par gyur pa ni gang gi phyir spros pa med pa nyid grub pa yin na de ji ltar na spros pa brjod par rung ste/ gang gi ngo bo gang yin pa de med par 'gyur ba de la de'i ngo bo nyid du brjod pa ni med do// de'i phyir sangs rgyas bcom ldan 'das rnams kyis spros pa bsgo/ par gyur pa ni don dam pa rnams kyis sngags kyi de kho na nyid spros pa med pa mchog tu sdud par byed par blta'o// de yang gsungs pa/ de nyid sngags bzlas dka' thub dang // de nyid sbyin sreg dkyil 'khor la// mdor na sems 'dus rang bzhin can zhes bya ba'o// sgyu ma ji bzhin zhes bya ba ni byis pa rnams kyis ji ltar brtags pa bzhin du skye ba dang 'gag pa ma yin gyi/ mI bden pa nyid kyi rgyu dang rkyen gyi dpung gis skye ba la sogs pa ltar snang ba yin no// rmi la bzhin zhes bya ba ni rang gi sems tsam las yang dag par sprul pa yin gyi rgyu gzhan la bltos pa ni ma yin no zhes bya ba'o// srid pa bar ma ji bzhin du zhes bya ba la/ sngon gyi srid pa na 'das la skye ba'i srid pa ma blangs pa 'di ni srid pa bar ma ste/ las dang nyon mongs pas dben pa rang gis rig pa'i rang bzhin du shin tu gsal bar gyur pa thogs pa med par gyur pa'i stobs kyi bdag nyid can dang mi dge ba dge ba khong du chud cing sgrib pa med pa'i gnas la mngon par phyogs pa'i rang bzhin te/ de lta bur dkyil 'khor gyi 'khor lo nges par bsgom par bya'o zhes bya ba'i don to// bde ba chen po'i rang bzhin gyis chos thams cad kyi mtshan nyid yang dag par bsdu pa gsungs pa/ nag po'ang bde ba zhes bya ba la sogs pa la bde ba rjes su myong ba la ni nag po la sogs pa tha dad par mau dmigs te/ gzhan du na de nyid nag po la sogs pa'i don gyi mtshan nyid du 'byung ba yin no// de'i phyir bde ba chen po de nyid khams gsum po mtha' dag dbyer med pa'i rang bzhin nyid do// 'o na bde ba chen po de nyid ji lta bu zhig zhe na/ 'khrig pa las skyes zhes bya ba la thabs dang shes rab 'dus pa las skyes pa'i zag pa med pa'i bde ba chen po zhes bya ba'i don to// dngos bde zhes bya ba la rang gi rig pa'i tshul can nyid kyis dngos po bde ba'o// dngos po med pa bde ba zhes bya ba ni gzung ba la sogs pa ma grub pa'i phyir dngos po med pa'i bde ba'o// rdo rje sems dpa'i yang bde ba'i rang bzhin nyid de/ bde ba las tha dad pa'i rdo rje sems dpa'i sku gzhan 'ga' yang yod pa ma yin no zhes bya ba'i don to// rdzogs pa'i rim pa'i rnal 'byor pa zhes bya ba la de ni sgom pa meng pa ste/ ma lus pa'i ye shes tsam gyi bdag nyid kyi phyir ro// de'i phyir gsungs pa/ rdzogs pa sgom pa med pa ste zhes bya ba la/ 'di'i don ni phyin ci log mtha' dag nye bar bral ba'i rang bzhin chos thams cad dbyar med pa'i bde ba chen po'i mtshan nyid kyang rnam par mi rtog pa'i ye shes chos kyi dbyings kyis rdzogs pa yin no zhes bya ba 'di yin la/ yang bskyed pa'i rim pa'ang ci zhig dgos zhes bya ba la bskyed pa'i rim pa ni sa bon la sogs pa yongs su gyur pa stom du 'gro ba'i rang bzhin gyis spros pa ste/ sgom pa po dang bsgom par bya ba dang / sgom pa la sogs pa'i rnam par rtog pa rnams lus ni nges par de kho na nyid yang dag par 'byung ba ma yin no// de'i phyir de yang ci zhig dgos pa med pa nyid do zhes bya ba'i don to// bcom ldan 'das kyis bka' stsal pa/ e ma'o zhes bya ba la sogs pa la e ma'o zhes bya ba ni ngo mtshar ba'o// ci'i phyir zhe na/ ngad pa'i shugs zhes bya ba la sogs pa smos te/ ngang pa'i shugs ni ngadang pa tsam mo// brlag pa ni sngags kyi lam ring du gyur pa ste/ sems can de la thugs brtse bar gyur nas sems dpa' chen po zhes gsungs pa yin no// lus med par ni zhes bya ba la sogs pa la 'byung ba las gyur pa'i lus kyi rnam pa ma rtogs par rnam par shes pa gzung bar mi nus pas dngos po yongs su rdzogs pa'i rang bzhin gyi bde ba gang du gnas par 'gyur/ de bas na bde ba chen po'i rang bzhin du ro gcig pa'i snying rje chen po nyid 'khor ba'i mthas gtugs par rnam par rnam pa sna tshogs kyi gzugs su snang bar nges par khas blang bar bya'o// de yang gsungs pa/ tha mal pa yi gnyen po'i tshul// sangs rgyas sku ni yongs brtags pa// lha'i gzugs ni goms byas pa// des ni rgya chen sna tshogs gzugs// gdul bya rnams kyi spyod yul 'gyur// rdzogs pa'i rim pa'i sbyor ba yi// sems kyis kyang ni sangs rgyas nyid// rtog pa mtha' dag 'gags pa'o// zhes bya ba ste/ ji ltar lci ba'i sbyor ba'i gnas kyis dngul chu yang dag par 'dzin pa bzhin du khyod kyis sems kyi rin po che bla na med pa'i rang bzhin yid lha'i gzugs kyi rnam pa yang dag par bsgoms pas gzung ba yin/ don 'dri nyid kyi phyir dpe bstan pa gsungs po ji ltar me tog brten pa'i dri zhes bya ba la sogs pa ste go sla'o// de bzhin gzugs sogs med gyur na zhes bya ba ni don dang nye bar sbyor ba yin te/ lha'i gzugs su bsgoms pa la brten te bde ba'i rang bzhon dmigs kyi gzhan du bde ba ma yin te phan tshun brtan par gnas pa yin no// dngos zhes bya ba ni phyag dang / zhal la sogs pa'i rnam pa'i rang bzhin gyi phyir ro// dngos po med nyid du zhes bya ba spros pa thams cad dngos po med pa'i rang bzhin du snang ba'i phyir ro// sangs rgyas nga zhes bya ba la dngos po mtha' dag de kho na nyid kyis rtogs pa'i phyir sangs rgyas nga'o// rmongs pa gang gis zhes bya ba la sogs pa la/ slob dpon la bsnyen bkur ma byas pas blun por gyur cing phyin ci log 'dzin pa ni rmongs pa'o// rang gi sems tsam nyams su myong ba'i dngos grub ni nga ste des ni de mi shes pa'o// 'dis dpe gsungs pa/ de bzhin zhes bya ba la sogs pa'o// yid ches zhes bya ba ni mngon du byed pa'i rgyu'o// bu zhes bya ba ni rdo rje snying po nye bar bzung ba'o// mun pa'i sgron ma lta bur zhes bya ba la/ ji ltar mar me 'bar ba gcig gi gzugs kyis kyang mun pa'i rang bzhin mtha' dag bral nas phyogs de na gnas pa'i dngos po'i gzug rnams gsal bar byed pa de bzhin du sngag kyis sbyangs pa la sogs pa'i smon lam sngon du 'gro bas sems kyi rin po che'i bdag nyid gsal bar gyur pa'i tshul gyis rnam par rtog pa'i mun pa thams cad bcom nas dus rtag tu lhun gyis grub par gzhan gyis bya ba rnams la 'jug cing 'gro ba mtha' dag gi don rdzogs par mdzad pas 'khor ba'i mthar thug par bzhugs pa yin no// yang na ji ltar bskal pa mang par sngon nas bsags pa'i mun pa rnams kyang gang du yang song ba med/ gar yang gnas pa med bzhin du rang bzhin gyis zhi bar 'gyur ba yin no// rigs kyi bu de bzhin du thog ma med pa'i dus nas yongs su bsags pa'i ma rig pa'i bag chags kyang ye shes kyi snang ba bskyed pa tsam gyis gang du yang song ba med/ gang du gnas par 'gyur ba'ang med bzhin du 'gags pa yin no// de lta mod kyi dmigs su med pa'i bde ba de thams cad du dmigs pa ma yin gyi lha la sogs pa mngon par 'du bya ba'i khyad par gyi rnal 'byor/ gyi yang dag par skye bar 'gyur ro zhes bstan pa'i phyir/ bltos dang bcas pa yin zhes bya ba la sogs pa gsungs so// nye bar bsdu ba gsungs pa/ de phyir zhes bya ba la sogs pa ste rim pa de nyid kyis na dngos popo med pa ste/ zhal dang phyag dang kha dog dang dbyibs la sogs pa'i mtshan nyid ma yin pa'o// dngos po med pa'i gzugs can min zhes bya ba la/ gdul bya'i dbang gis zhal dang phyag la sogs pa'i rnam par snang ba'i phyir ro// de nyid kyi phyir na gsungs pa/ zhal phyag rnam pa'i gzugs can te// don dam bde ba gzugs can min zhes bya ba'o// nye bar bsdu ba gsungs pa/ de'i phyir zhes bya ba la sog sa pa ste/ khams gsum po rnams 'gyur pa med pa'i bdag nyid kyi de bzhin nyid yin pa'i phyir lhan cig skyes pa'o// rnam dag rnam pa'i sems kyis ni zhes bya ba ni lung dang rigs pas grub pa'i sems kyis so// rang gi dngos nyid mya ngan 'das zhes bya ba la/ rang gi dngos nyid de rang gi ngang tshul gyi mya ngan las 'das pa'i bdag nyid kyi phyir te/ chos thams cad rang bzhin gyi de bzhin nyid de ni rang gi ngang tshul gyis mya ngan las 'das pa yin no// lha'i rnam pa zhes bya ba la sogs po ni go sla'o// ci ste lha'i rnam pa'i rang bzhin nyid mya ngan las 'das pa yin na/ skyed pa tsam gyis 'grub par 'gyur pas bsgom pa la sogs pas ci zhig bya snyam pa la/ de ltar bden mod kyi 'on kyang tha mal bag chags kyis zhes bya ba la sogs pa la/ de kho na nyid du na sems can gyi khams rnams stong pa yin mod kyi dngos por mngon par zhen pa'i bag chags dang yang dag par ldan pas skye bo rnams rmongs par gyur nas/ ji ltar dug mngon par mu sbyangs pa'i khyu zas kyis byis pa rnams bsad pa bzhin sdug bsngal bar gyur te/ dug gi kha zas de nyid sngags la sogs pas mngon par sbyangs na ni bde ba'i rgyur 'gyur ro// de bas na sems can thams cad kyi sgrib pa thams cad gzhom po sngon du 'gro bas mi gnas pa'i mya ngan las 'das pa thob par bya ba'i phyir dang / tha mal pa'i bag chags spang bar bya ba'i phyir sngags kyi ngo kho na nyid kyis sbyang bar bya'o zhes 'dir dpe gsungs pa/ dug gi dum bu gang nyid kyis zhes bya ba la sogs pa ste/ dug myangs pa tsam gyis kyang skye bo 'chi bar nye bar 'gro ba yin la/ de nyid shes pa zhes bya ba dug gi rang bzhi ni shes pa'i dug des ni bde bar nye bar 'gro'o// dug gis dug ni sel bar byed ces bya ba la/ ji ltar rang bzhin shes pa'i dug gis dug thams cad sel bar byed pa bzhin du/ phung po la sogs pa'i bdag nyid dug gi thog ma med pa'i dus can gyi 'khor bar skye bo rnams 'chi ba la sogs pa'i sdug bsngal rjes su myong ba yin la/ sngags kyi de kho na nyid shes pa rnams ni phung po la sogs pa rnam par dag pa'i lha'i bdag nyid kyis dug bsten kyang skye ba gcig nas gcig tu yul rnams goms par byas pa'i bag chags dang ldan po'i phung po'i bdag nyid kyi dug nges par bcom ste/ 'khor ba'i mthar thug par gzhan gyi don mdzad pa'i bde ba chen po nyams su myong ba yin no// ji ltar rlung gis zin pa la zhes bya ba la sogs pa la/ ma rig pa'i rlung gis zin pa la spyod yul rnam par dag pa'i bdud rtsi sran ma sha tsam myangs na thabs dang shes rab kyi rlung chen po des nyon mongs pa'i rlung sel ba yin no// spyod pa zhes bya ba la sogs pa la srid pa zhes bya ba ni mi shes pa sngon du 'gro ba'i khrag dang khu ba la sogs pa yongs su gyur pa'i lus kyi mtshan nyid do// sbyong bar bya ba ni rnam par dag pa ste/ ji ltar de bzhin gshegs pa thams cad bzhugs pa sngon du 'gro ba'i sa bon dang mtshan ma la sogs pa yongs su gyur pa bla na med pa'i lha'i gzugs kyis bsgom pas kyang mchog tu gzhan gyi don mdzad pa yin no// mi gnas pa'i mya ngan las 'das pa'i mtshan nyid ni dag pa'i srid pa'o// rnam rtog zhes bya ba la sogs pa la mi mthun pa'i phyogs kyi rtog pa ni rnam par rtog pa ste yid kyi brjod pa'o// so sor rtog pa zhes bya ba ni gnyen por gyur pa'i rtog pa ste sngags kyi de kho na nyid kyi brjod pa'o// ji ltar rna bar chu zhugs pa zhes bya ba la sogs pa la thos pa nye bar bzhag pa'i dbang gi bdag gi bde ba dang sdul bsngal ba la sogs pa'i rnam par rtog pa'i sems kyi 'jug pa ni chu ste/ tha mal pa'i rnam par rtog pa'i lha'i rnam pa'i yad kyi chu de yongs su gsal ba ni phyung ba yin no// ji bzhin srid pa'i rnam rtog kyang zhes bya ba la tha mal pa'i lag pa dang gdong la sogs pa'i rnam par rtog pa yang lha'i rnam par dag pa'i rnam pa las yongs su sbyangs nas 'khor ba'i mtha thug pa sems can thams cad kyi sdug bsngal rab tu zhi bar mdzad par 'gyur ro// ji ltar me yis tshig pa la zhes bya ba la sogs pa la/ ji ltar me yis tshig pa rnams slar yang me la bsros nas nyes pa de rab tu zhi bar 'gyur ba bzhin du/ skye bo rnams kyang bdag la chags pas yongs su bslangs pa'i 'dod chags kyi mes bsregs pas bdag tu 'dzin pas nye bar lus dang ngag dang yid kyi las kyis dmyal ba la sogs pa'i sdug bsngal gyis 'tshe ba yin no// de nyid kyis zhes bya ba ni stong pa nyid dang snying rje'i thabs kyis yongs su gzung ba'i las de nyid kyis 'gro ba zhes bya ba rnam par 'thar par 'gyur ro// gang la zhe na/ srid pa'i 'tshang ba las zhes te phyin ci log gi bdag nyid kyi sems ni srid pa'o// de nyid ni gzhan du 'gro ba'i 'ching ba ste de las so// 'dod chags kyi ni zhes bya ba la sogs po la/ bdag dang bdag gi bde ba 'dod pas rab tu 'jug pa'i 'dod pa la sogs po'i srid pa la mngon par zhen pa'i chags pas 'jig rten skye bo rnams bcings pa yin no// 'dod chags nyid kyis rnam par grol zhes bya ba ni/ bdag dang bdag gir 'dzin pa'i rnam pa las 'das shing de bzhin gshegs pa thams cad rjes su chags pa'i snyoms par 'jug pas mchod pa dang / sems can thams cad zag pa med pa'i bde ba chen po la dgod par bya'o zhes bya ba'i kha na ma tho ba med pa'i 'dod chags chen po'i tshul gyis ni rnam par grol bar 'gyur ro// phyin ci log ces bya ba la sogs pa la/ chos thams caN+Di rang bzhin mngon par mi shes nas legs par gnas pa'i bsam gtan las phyir log pa skye ba 'gog pa tsam gi rang gi mya ngan las 'das pa la mngon par zhen pas/ snying rje dang / shes rab dag las mngon par nyams pa'i nyan thos dang / rang sangs rgyas kyi theg pa dag gis sangs rgyas bcom ldan 'das rnams kyi mu stegs yin no// des mi shes pa ni chos thams cad dbyer med pa'i rang bzhi ni 'dod chags chen po'i tshul gyis sgom pa bla na med pa yang dag par rdzogs pa'i byang chub kyi rgyur gyur pa de mi shes pa'o// dga' ba chen po gcig nyid ni zhes bya ba la bla na med pa'i bde ba'i bdag nyid kyi phyir dga' ba'o// chen po ni rgyas pa ste nang yongs su tshim pas bar chad med par khyab pa'i phyir ro// gcig ces bya ba ni gnyis su med pa'i rang bzhin gyi phyir ro// phye bas rnam pa lnga ru 'gyur zhes bya ba ni las dang po pa rnams kyi phyir lngar phye ba yin no// de nyid bstan par bya ba'i phyir gsungs pa/ rdo rje pad+ma mnyam sbyor las zhes bya ba la sogs te go sla'o// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las/ le'u gnyis pa'i bshad pa'o// // i'i rnam pa zhes bya ba la sogs pa la/ gang gi rnam pa yi ge ste aM lta bu yin pa de la de skad ces bya ste b+ha ga yin no// bzang po zhes bya ba ni bla na med pa'i rol pa'i dga' ba dang bde ba'i rgyur 'gyur ba'i phyir ro// dbus su yi ge baM gis brgyan ces bya ba la dbus su ste/ bu ga'i nang du bam ste bya'i mgo bor grags pa gang yin pas mdzes par byas pa'o// bde ba thams cad kyi ni gnas zhes bya ba las thams cad ni 'jig rten dang 'jig rten las 'das pa'i bde ba ste/ de rnams kyi skye ba'i gnas su gyur pa'o// sangs rgyas rin chen za ma tog zhes bya ba la/ rnyed dka' zhing yon tan bsam gyis mi khyab pa dang ldan pa'i phyir sangs rgyas rin po che ste/ za ma tog ni de'i rten no// de dag gis kyang shes rab kyi pha rol tu phyin pa'i rang bzhin na mkha' ltar dpag tu med cing tshad med pa'i bdag nyid de ni bskyed pa dang rdzogs pa'i rim pa dag gi rten du gyur pa yin no zhes bya ba'i bar du ston to// slob dpon zhes bya ba ni slob dpon gyi dbang gzung bar bya ste/ dkyil 'khor du 'jug cing chu dang dbu rgyan dang / rdo rje dang bdag po dang ming dong dam tshig gsum dang bcas pa'i rig pa'i brtul zhugs las lung bstan pa rnams kyis lus sbyang ba sngon du 'gro bas de bzhin gshegs pa dang dbyer med pa'i skur bya ba ni rdo rje slob dpon gyis dbang du shes par bya'o// de'i 'og tu gsang ba'i dbang bskur bar bya ste/ slob ma'i kha'i dbus su kun rdzob kyi byang chub kyi sems kyi rgyun dbab pa 'dis ngag rnam par dag pa rdo rje'i rang bzhin du shes par bya'o// de'i 'og tu ni shes rab ye shes kyi dbang bskur ba ste/ sems rnam par sbyang ba sngon du 'gro bas chos thams cad dbyer med pa'i de bzhin nyid kyi nor bu rin po che lta bur shes par bya ste/ de'i rjes la dbang bzhi pa gsungs pa/ de ni de bzhin yang bzhi pa zhes bya ba la/ de zhes bya ba ni lus dang ngag dang / yid rnams slob dpon dang / gsang ba dang shes rab ye shes rnams kyis mngon par sbyangs pa'o// yang zhes bya ba ni khyad par du gyur pa ste/ 'khor ba'i mthar thug par gzhan gyi don 'ba' zhig mdzad pa zab pa dang / rgya che ba'i bdag nyid bde ba chen po'i rang bzhin no// de bzhin zhes bya ba ni ngo bo nyid kyis blang ba dang dor ba tsa med pa tsam gyi rang bzhin te/ 'di'i don ni rdo rje 'dzin chen po'i rang bzhin gnyis su med pa ni bzhi pA zhes bya ba'i don to// de ming gi khyad par gzhan yang rjes su gnang ba'i dbang zhes bya ba bla ma'i zhal las shes par bya'o zhes bya ba yin no// mchog gis mthar ni bde ba thob pa zhes bya ba la/ mchog ni mchog tu dga' ba ste de'i mtha' ni rjes la'o// skad cig nyid la sna tshogs spangs zhes bya ba ni/ rnam pa sna tshogs la sogs pa'i skad cig ma spangs pa de nyid shes rab ye shes kyi bdag nyid do// bde ba chen po zhes bya ba ni kun rdzob sngon du 'gro ba'i don dam pa'i byang chub kyi sems so// gzung bar bya zhes bya ba ni yang dag par gzung bya'o// ji srid zhes bya ba la sogs pa la ji srid byang chub kyi mthar thug pa'i bar du yid bzhin gyi nor bu rin po chatshe ltar sems can thams cad kyi ma lus pa'i don yongs su rdzogs par 'gyur ba'i gzugs su gyis shig pa'i don to// slob ma zhes bya ba la sogs pa la/ shes rab slob ma rnams de ltar yang dag pa'i cho gas dbang bskur bar byas nas so// bya tshogs zhes bya ba ni ji ltar bstan par bya ba'i tshogs kyis slob dpon dbang bskur ba sngon du byas nas zhes bya ba'i don to// 'di skad brjod ces bya ba nu bde ba chen po gzung bar bya zhes pa la sogs pa sngar gsungs pa dang sbyar bar bya'o// 'di nyid ces bya ba la sogs pa la/ sems can thams cad la khyab par gnas pa'i bla na med pa'i bde ba chen po 'di nyid ni ye shes chen po ste 'di las gzhan bla mar gyur pa med do zhes bya ba'i don to// gnyis su med ces bya ba ni 'gyur ba med cing phyin ci ma log pa'i phyir ro// gnyis kyi gzugs zhes bya ba ni gdul bya rnams la thabs dang / shes rab kyi bdag nyid kyis so sor snang ba'i phyir ro// dngos dang dngos med bdag ces bya ba ni zab pa dang rgya che ba'i phyir ro// gtso zhes bya ba ni thams cad kyi rang bzhin gyis so sor snang ba'i phyir ro// brtan dang g.yo ba zhes bya ba ni sems can dang snod kyi 'jig rten gyi tshul gyis gnas pa'i phyir ro// ma'i gzugs dang zhes bya ba la sogs pa la/ skye bo la sogs pa'i rgyud la skal ba ji bzhin du rnam pa sna tshogs par so sor snang ba'i phyir ro// dkyil 'khor 'khor lo zhes bya ba la sogs pa la/ 'di'i don ni zhes bya ba rgyun mi 'chad par dkyil 'khor 'khor lo zhes bya ba bla na med pa'i bde ba chen po'i ye shes kyi rang bzhin thabs kyis nges par thob par 'gyur ro// zhes bya ba yin no// dkyil 'khor de nyid du zhu ba sngon du song bas rnam par bshad par mdzad pa ni dkyil zhes bya ba la dkyil ni snying po'o// de ci zhig zhe na/ byang chub kyi sems so// de kun rdzob kyi byang chub kyi sems sam zhe na/ gsungs pa bde ba che zhes bya ba ste/ bde ba chen po'i rang bzhin rang rig pa'i mtshan mar grub pa rnam par rtog pa mtha' dag gi rnam pa las grol ba ming gi khyad par gzhan don dam pa'i byang chub kyi sems zhes bya ba'o// len pa zhes bya ba la sogs pa la/ len pa ni 'dzin pa ste/ de byed pa'i phyir gzugs kyi phung po la sogs pa rnam par dag pas bsgrubs pa'i he ru kA dang / bdag mod ma la sogs pa chas dbyer med pas na bla na med pa'i brjod par bya ba de ni dkyil 'khor ro// 'di'i don ni bdag med ma la sogs pa dang 'dus pa 'di ni 'khor ba'i mthar thug par rgyun mi 'chang por bde ba chen po gcig gi rang bzhin gyi snying po 'dzin pa'i dkyil 'khor du brjod do zhes bya ba yin no// 'khor lo zhes bya ba la sogs pa la/ 'khor lo tshogs pa ste lha rnams kyi tshogs pa'o// na mkha'i dbyings su bshad ces bya ba ni na mkha'i khams su bshad pa ste bstan pa'o// yul la sogs pa rnams sbyor ba zhes bya ba ni/ gzugs la sogs pa'i dngos po rnams ji ltar bstan pa'i lha'i tshogs dag par byed pa'o// rdo rje pad+mo mnyam sbyor ba zhes bya ba ni ji skad gsungs pa'i cho ga ste thabs des so// de'i ni 'khor lo'i'o// bde ba ni don dam pa'i bde ba tsam mo// mngon du 'gyur ba ni las dang po pa rnams kyis nges par myong ba'o// khyod kyis srog chags zhes bya ba la sogs pa 'di'i so sor bshad pa ni sems gcig ces bya ba la sogs pa yin te/ khams gsum pa'i tsher gyur pas na srog ste/ de gang la yod pa de ni srog chags so// de gcod pa ni med par 'gyur ba'o// zag pa med pa'i bde ba chen po'i ye shes sems gcig ces bya bar brjod de/ de nyid srog chags gsod pa'o// 'jig rten rnams ni bsgral bar bya zhes bya ba ni sems can sangs rgyas yin mod kyi zhes bya ba la sos pa 'dis rang bzhin gyis mya ngan las 'das pa thog ma nas zhi ba na mkha' ltar dri ma med pa'i rang bzhin shes par bya'o bya ba ste de ji ltar na 'di rnams bsgral bar 'gyur te brdzun gyi tshig yin no// btsun mo'i khu ba ma byin pa zhes bya ba la/ snga bstan pa de ni btsun mo ste/ de'i khu ba ni bde ba chen po dang dbyer med pa'i kun rdzob kyi byang chub kyi sems so// de dag 'dzin pa ni ma byin par len pa'o// gzhan gyi bud med zhes bya ba la sogs pa la gzhan zhes bya ba ni phul du byung ba'o// khams gsum thams cad shin tu mnan pa'i sku ni bud med do// ming gi khyad par gzhan bdag med ma la sogs pa yin no// de nyid ni rang 'od mdzes te rang gi sems snang ba yin pa'i phyir ro// de rnams bsten po ni mngon par phyogs par bya'o// zhes bya ba ste gsang ba'i don to// 'du byed mtha' yas zhes bya ba la/ 'du byed kyi phung po ste de'i mtha' ni rnam par shes pa'i phung po'o// de'i rang bzhin zhes bya ba la sogs pa la gcig dang du ma'i rang bzhin dang bral ba'i phyir/ dngos po thams cad don dam par skye ba med pa nyid de/ de'i phyir bden pa ma yin no// brdzun min zhes bya ba ni dngos po mtha' dag rang rig pa tsam gyis tshul gyis so sor snang ba tsam gyi phyir brdzun pa ma yin pa ste/ de ltar na/ dngos po dang dngos po med pa dag las grol ba yin no// chu zla ba lta bur zhes bya ba la sogs pa la/ ji ltar snod kyi chu dang ba la na mkha'i ngos la zla ba'i dkyil 'khor gnas pa'i dbang gis de dang 'dri ba'i zla ba'i dkyil 'khor gnyis par snang yang dngos su grub pa med pas bden pa ma yin la/ de na snang ba'i phyir brdzun pa ma yin no// de bzhin du chos thams cad kyang skye ba med pa'i phyir bden pa ma yin la/ de lta mod kyi so sor snang ba'i phyir brdzun pa yang ma yin te/ 'di ltar rnam par dag pa'i sems nyid sngon gyi phung po la sogs pa'i bag chags kyi dbang gis phyi ma'i phung po la sogs pa'i snang ba 'jug ste/ snga ma de nyid 'phangs pa yang yin la/ skye ba med pa'i phyir bden pa yang ma yin no// de las tha dad pa med pa'i phyir dang so sor snang ba med pa'i phyir gzugs brnyan brdzun pa yang ma yin te/ shin tu med pa ma yin no// 'di lta ste gtsubs shing dang zhes bya ba la sogs pa la/ gtsubs shing la sogs pa'i rtsol ba las skyes pa'i me so sor dpyad na de rnams la ma dmigs shing thog ma nas skye ba med phyir bden pa ma yin no// de ltar yang thams cad mnyam par sbyor bas/ skyes shing sgyu ma ltar so sor snang ba nyams su myong ba zlog dka' ba'i phyir brdzun// pa ma yin no// de ltar chos thams cad ces bya ba ni/ de bzhin du phung po la sogs pa yang rnam par dpyad na gcig dang du ma'i rang bzhin dang bral ba'i phyir/ btags pa cim ste bden pa mo yin no// spros pa thams cad dang bral ba'i stong pa nyid yin no// bde ba chen po'i rang gis rig pa'i tshang mas bcings pas brdzun pa yang ma yin no// bza' ba zhes bya ba ni sha rnam pa lta'o// btung ba zhes bya ba ni byang chub kyi sems so// bgrod pa zhes bya ba ni yul las skyes pa'i bde ba'o// dgrong min zhes bya ni yul las 'das pa'o// khrus zhes bya ba ni yul gyis dri mas 'khru ba'o// gtsang sbra zhes bya ba ni rnam par rtog pa sbyang ba ste/ rang rig pa las ma gtogs pas lus dang sems kyi dag pa dang ma dag pa'i rtog pas bskrun pa'i phyi rol gyi khrus la sogs pa ni yod pa ma yin pas mi bya ba kho na'o// grong gi chos zhes bya ba ni lha'i bdag nyid kyi bde ba ste de dor bar mi bya ba'o// sngags ni phyi dang nang gi bdag nyid kyi rnam par rtog pa'o// bsam gtan ni phyi dang nang gi bdag nyid kyi yang dag pa'i shes pa ste/ de dag dmigs pa mi bya'o// gnyid ni spang bar mi bya zhes bya ba la/ gnyid kyis tshim par ma byas pa'i skyes bu'i lus kyis ni bya ba rnams mi nus pa'i phyir nges tshim par bya'o// dbang po rnams kyang dgag mi bya zhes bya ba la/ de dang de rnam par dag pas bsgrub pa'i dbang po rnams lhar bya ba'i rang bzhin gyis rang dang rjes su mthun pa'i yul rnams la rang nyid kyis longs spyad par bya ste/ tha mal pa'i nga rgyal bzlog par bya ba'i phyir ro// de nyid kyi phyir gsungs pa/ sha rnams zhes bya ba la sogs pa'o// sngar skyed ma la sogs pas khyad par du bstan pa gang yin pa de du ni 'dir mtha' skyes la sogs pa'i tshul gyis yang khyad par med par bstan pa'i phyir gsungs pa/ rigs ngan zhes bya ba la sogs pa la/ rol pa zhes bya ba ni ngag thams cad bdag med ma la sogs pa dang dbyer med pa'i btsun mor byas te/ chos thams cad dbyer med pa'i bde ba chen po rdzogs par bya ba'i phyir dang / de bzhin gshegs pa thams cad bla na med pa'i mchod pas mnyes par bya ba'i phyir/ 'jigs pa dang ngo tsha ba la som pa spangs pa'i yid kyis snyoms par 'jug pas rol par bya'o zhes bya ba'i don to// mdza' bo zhes bya ba la sogs pas ni lus dang sems rjes su mthun pa'i dngos po rnams yongs su gzung bar mi bya'o// gdug la zhes bya ba yid du mi 'ong ba'i dngos po rnams la sdang bar mi bya'o// 'di'i don ni mdza' ba dang mi mdza' ba rnams la phan pa dang gnod pa mi bya zhing chos thams cad mnyam pa nyid dang / de bzhin gshegs pa thams cad dbyer med par rang gi ting nge 'dzin bla na med pa'i gzugs kyis de dag blta bar bya'o zhes bya ba'i dor to// rdo dang shing gi zhes bya ba la sogs pa la/ rdo la sogs pa las brdungs pa dang / bris pa dang lugs su blugs pa la sogs pa la phyag bya ba dang / phyag byed pa dang 'tshal ba la sogs pa'i rtog pa spangs te/ chos thams cad dbyer med par rang gi ting nge 'dzin gyi gzugs su bsgom par byas nas ma lus pa'i bsod nams dang ye shes kyi tshogs bsgrubs shing / 'jig rten dadu 'jig rten las 'das pa'i bya ba'i cho gas kyang yongs su bsags la/ nges bla na med pa'i phyag rgya chen po'i dngos grub yo rogs par 'gyur ro// de dag kyang sbyin sreg mchod sbyin dka' thub spangs zhes bya ba la sogs pas nges par bya ba yin no// g.yung po zhes bya ba la sogs pa ni dma' ba mtho dang par ma'i sems can rnams/ de bzhin gshegs pa thams cad dang dbyer med pa'i phyir rang gi lus bzhin du reg par bya'o// zhes bya ba'i don to// bdud rtsi lnga zhes bya ba la sogs pa ni bcud kyis len te/ kha sbyor gyi rgyud la sogs pa las gsungs pa'i cho ga ltar bsgrub par bya'o// sbyor po rnams kyis byin gyis brlab bo/ zhes bstan pa'i phyir gsungs pa/ rnams zhes bya ba la sogs pa ste/ rnams zhes bya ba ni don yod grub pa'o// lha rnams zhes bya ba ni rnam par snang mdzad do// chu zhes bya ba ni mi bskyod pa'o// khrag ces bya ba ni rin tshan 'byung ldan no// byang chub sems zhes bya ba ni snang ba mtha' yas so// gzhan yang nang rnams nye bar zhi bar bya ba'i phyir gsungs pa/ rang byung me tog ces bya ba la/ de dag thams cad cho ga bzhin du byas na/ tsha bas bad kan sel bar byed// mngar bas mkhris pa sel bar byed// bskabs nang grol sbyong byed de// yang na de bzhin sdom par byed// sbyor bas rlung ni sel bar byed// kha bas rims ni yang ngag 'joms// grang bas bkres dang gzir ba dang // tsha ba dang ni ngo mtshar nyid// de dag bcud len chen po ru// sangs rgyas rnams kyis yang dag bshad ces bya ba'o// phan tshun sbyor ba yis ni nyes pa thams cad kyang 'joms pa yin na brda'i skad ces bya ba la sogs pa la/ ji ste kun la grags pa ma yin pa'i skad brjod na tha mal pa'i tha snyad kyi ci zhig bya snyam pa la/ nyan thos la sogs pa mi shes pa'i zhes bya ba la sogs pa ste/ skal ba ngan pa rnams kyi spyod yul ma yin pa rgyud las gsungs pa'i dam tshig gi skad ni skal ba dang ldan pa rnams mngon par dad cing / rang gi dam tshig can rnams kyi tha snyad du gyur pas ye shes mtha' dag par ldan pa'i rnal 'byor ma rnams mngon par dang por 'gyur ro// pad+ma zhes bya ba ni 'byed cing 'dzum pa 'jam zhing mnyen pa dang / dri zhim zhing gi sar dang yang dag par ldan pa'i phyir ro// slob dpon nag pos mdzad pa'i dgyes pa'i rdo rje'i dge' 'grel dran po'i 'byung gnas zhes bya ba las/ le'u gsum pa'i bshad pa'o// kak+ko la zhes bya ba la kak+ko la ni ri ste 'og la'o// po la zhes bya ba ni rdo rje ste mi shigs pa'o// mum+ma zhes bya ba ni gnas te lte ba'i pad+ma'o// kAk+ko la zhes bya ba ni shes rab ste/ aM gi gzugs can ma'o// dang po dang tha ma'i nye bar gzung ba 'dis de dag gis dbus na gnas pa'i chos dang longs spyod kyi 'khor lo ngag kyang gzung bar bya'o// kri pi ta zhes bya ba ni dza chung ste/ mi shigs pa'i sngags kyi gzugs so// stug po zhes bya ba ni bar chad med par ro// brdung zhes bya ba ni byang chub kyi sems 'bab pa'o// snying rjes byed min yul dri ba zhes bya ba la snying rje ni mi shig pa'o// byed pa ni lhan cig 'jug pa'o// yul dri ba ni 'thab mo ste gtsubs shing gtsub pa'i yul dri sbyor ba de'i yul dri ba'o// ngor ni sha bza' zhes bya ba la sha ni tha mal pa'i sha rtog pa ste/ bza' bi ni snang ba med par bya ba'o// bsgrim pa zhes bya ba ni rgyun tu'o// chang yang btung zhes bya ba ni snying rje'i bdud rtsi'i ro btung ba'o// kye ho zhes bya ba ni rnal 'byor ma rnams la bod pa'o// skal ba can ni bzhi pa'i don der nges par 'jug par bya'o// skal ba med pa spang bar bya zhes bya ba ni chags pa dang bral ba der spang bar byed pa'o// gzhi mnyam zhes bya ba la sogs pa 'di'i don ni rnam par snang mdzad la sogs pa'i de bzhin gshegs pa rnam par dag pa'i ming can rnams chos kyi sku'i tshul gyis thim por bya ba'o// tshed ma dang ni sha li dag ces bya ba ni de bzhin du go ku da ha na zhes bya ba'i ming can rnams snang ba med par bya ba'o// gar gyis 'jug pa zhes bya ba la sogs pa ni steng dang 'og gi gnas su 'gro ba dang 'ong bar byed pa'i thim pa dang longs spyod dang dbang ba ni 'khor dang mya ngan las 'das pa'i bdag nyid shes par bya'o// yan lag cha shos med par brgyan zhes bya ba la/ cha shas med pa ni rus pa'i rgyan no// de yang byang chub kyi sems te kun da lta bu yin pa'i phyir ro// des lus la brgyan pa ni thim pa'o// ro ni de ru gzhug par bya zhes bya ba ni/ de nyid du ni lus thams cad la 'jug pa'o// ma la yar skyes zhes bya ba ni rtsa'i rang bzhin gyi dpa' bo dang rnal 'byor ma rnams 'dus pa'o// 'khrig pas btab ces bya ba ni der thabs dang shes rab rnam par dag pa'i rtsa'i rang bzhin phan tshun du mnyam par sbyor bas 'jug pa'o// des ni rigs ngan spang mo bya zhes bya ba la rigs ngan ni reg tu 'dir de mi spang ba'o// yang na tshig 'di dag ni don ji lta ba bzhin du shes rab ye shes kyi dbang dang sbyar bar bya ste/ kol+la zhes bya ba ni phan pa'o// bo la zhes bya ba ni rdo rje'o// mum+bu zhes bya ba ni lte ba'i 'og go/ kak+ko la ni pad+ma'o// skal ba dang ldan zhes bya ba ni mchog dga'i mtha' yin zhing rnam par dga' ba'i dang po'o// skul ba med pa zhes bya ba ni chags bral gyi dga' ba'o// gzhon dag ni man ngag ji lta ba bzhin du sgra ji bzhin pa nyid du shes par bya'o// yang na tshogs kyi 'khor lo dang sbyar bar bya ste/ kol+la zhes bya ba ni gnas kyi khyad par ro// kho la zhes bya ba ni tha/ so// kak+ko la zhes bya ba ni phyag rgya'o// mum+b+ha zhes bya ba ni g.yon phyogs su gnas pa'o// gzhan dag ni go sla'o// rdo rje chos zhes bya ba ni brjod kyis mi lang ba'i don du sdud par byed pa chos kyi sku'i bdag nyid de glu'o// sangs rgyas zhes bya ba ni zag pa med pa'i khams rnams kyi mtshan dang dpe byad kyis mtshan pa'i gzugs sku lta bu shes par bya ste/ rnal 'byor ma dang ma mo rnams zhes bya ba ni gdul bya'i bsam pa'i bye brag rnam pa sna tshogs pa'i gzugs su mdzad pa ni sprul pa ste de yang gar ro// tshogs kyi cho ga'i 'khor lo bzhin du ting nge 'dzin la mngon par phyogs par byed pa'i rnal 'byor ma rnams kyis dngos grub kyi mtshan ma gsungs pa/ sgrog skye zhes bya ba la sogs pa'o// phyag rgya rtags dang mtshan ma'o// zhes bya ba la rtags zhes bya ba ni spyi bo'i steng du gnas pa'i sku'o// mtshan ma zhes bya ba ni mtshan rtags te rigs mtshon zhes bya ba la/ gang la rdo rje'i rnam par snang ba yod pa de ni rnal 'byor ma bdag med ma'i rogs su mtshon pa ste mkhas pas shes par bya'o// de bzhin du 'khor lo dang / rin po che dang pad+ma dang ral gri'i rnam pa rnams kyis dbye bas rdo rje ma la sogs pa'i rigs su ston pa'o// kun gyi lhag ma zhes bya ba mthu'o ma'o// yang zhes bya ba ni de'i rnam par dag pa ci yang bsgom pa ma yin pa'i phyir ro// gang phyir bcu drug zhes bya ba la sogs la/ gang gi phyir ma rig pa'i mun pa mtha' dag gi gnyen por gyur pa ye shes lnga'i rang bzhin de bzhin gshegs pa'i bdag nyid du gyur pa bden ba bzhi'i dbye ba skad cig ma bco lnga rnam par dag pa cha shas bco lnga'i dbyangs yig yongs su rdzogs pa'i rtswa rnams ni thabs dang shes rab kyi bdag nyid kyi lha'i 'khor lo ste lam gyi rang bzhin no// de las dmi su med pa rdo rje 'dzin chen po'i rang bzhin skad cig ma bcu drug rnam par dag cing yongs su dag pas bsod nams dang ye shes kyi tshogs yongs su rdzogs shing / ma lus pa'i mi mthun pa'i phyogs dang gnyen po'i bdag nyid kyi rnam par rtog pa'i mun pa rnams chos thams cad dbyer med pa'i bde ba chen po'i rnam pa'i sems kyi rin po che'i 'od kyis spang bar byas nas/ 'jig rten gyi khams ma lus par sngon du sngags la sogs pas sbyangs pa'i dbang gi lhun gyis gru par 'jug cing gzugs dang kha dog dang spyod lam rnam pa sna tshogs pa rnams su sgra skad sna tshogs kyis gdul bya ji lta ba bzhin du sems can thams cad la chos ston par mdzad pa ni cha shas med pa'i rang bzhin te/ lam gyi rang bzhon ma yin pa'i phyir ro// de yang ci'i phyir zhe na/ skad cig ma bco lnga'i dus su mi shes pa'i mun pa thams cad gzhom par bya ba byas zin pa'i phyir te/ des na las dang nyon mongs pa dang skye ba dang / ye shes dang shes bya'i sgrub pa spang bar bya ba'i dngos po rnams rang bzhin gyis rnam par dag cing rnam par mi rtog pa'i gzugs chos kyi skur 'khor ba'i mthor thug par bar tshad med pa'i bde ba chen po'i tshul gyis gdul bya rnams ji ltar 'dod pa'i don rdzogs par mdzad pa longs spyod rdzogs pa dang / sprul pa'i sku dang yang dag par ldan pa'i bdag nyid kyis bzhugs shing spang bar bya ba thams cad dang bral ba yin no// nye bar bsdu ba gsungs pa/ byang chub sems ni zhes bya ba la sogs pa ste mi mthun pa'i phyogs kyi gnyen por gyur cing ye shes lha rnam par dag pa'i sa bon bco lnga ni cha shas kyi bdag nyid do// byang chub sems ni zla ba ste lam mo// A li'i gzugs ni zhes bya ba la/ sogs pa la/ A li mtha' dag gi rang bzhin bde ba chen po'i mtshan nyid chos kyi sku ni A li'o// rnal 'byor ma zhes bya ba la de'i dbang gis 'jig rten dang 'jig rten las 'das pa'i don rdzogs par mdzad pa'i longs spyod rdzogs pa dang / sprul pa'i bdag nyid ni rnal 'byor ma ste 'bras bur bstan pa'o// lhan cig skyes dga' zhes bya ba la sogs pa la/ ga pur 'di'i rang bzhin lhan cig skyes pa yin pa de la de skad ces bya'o// zad med ces bya ba ni mi 'jigs pa'o// skal ba zhes bya ba ni mkhregs pa'o// mkha' 'gro zhes bya ba ni pad+ma'i nang du chud pa'o// 'di dag kyang lag pas blang bar mi bya ste zhes bya ba la sogs pa 'og nas 'byung ba dang sbyar bar bya'o// dkyil 'khor 'khor lo la sogs thabs dang zhes bya ba la/ phung po dang khams dang skye mched rnam par dag pa'i lha'i tshogs ni dkyil 'khor 'khor lo ste dang po/ sogs kyi sgras 'og nas byung ba'i phyag rgya rnams kyis byed pa bsdams pa la sogs pa gzung ngo // bdag byin brlab pa'i rim pas kyang zhes bya ba ni rdo rje pad+ma byin gyis brlab pa la sogs pa'o// kyang zhes bya ba ni yid nang du chud par gyur pas so// sang+yas zhes bya ba ni rnam par snang mdzad la sogs pa ste/ rgyas 'debs par byed pa'i rang bzhin no// byang chub sems zhes bya ba ni rgyas gdab par bya ba rnams so// rdo rje 'dzin pa zhes bya ba ni chos thams cad dbyer med pa'i bdag nyid kyi rdo rje 'chang ba'o// rten zhes bya ba ni e waM de bzhin du ni zhes bya ba ni 'di dag nyid de/ rten dang brten pa'i rang bzhin du gyur cing bdag dang bdag gi la sogs pa'i mi mthun pa'i phyogs kyi bsal ba'i phung po de khams dang / skye mched la sogs pa ni 'khor ba'o// bdag dang bdag gis spros pa de nyid bsal ba'i lha'i rang bzhin ni mya ngan las 'das pa yin gyi/ nyan thos la sogs pa ltar mar me'i rgyun zad pa bzhin du rnam pa thams cad du stong pa ma yin te/ gang gi phyir 'khor ba'i rang bzhin nyid phyin ci ma log pa'i phyir ro// de yang gzugs la sogs pa'i mtshan nyid du bstan pa'i phyir gsungs pa/ 'khor ba gzugs dang sgra la sogs zhes bya ba la sogs pa ste/ de la gzugs ni rnam pa mang mong kyi mdor bsdu na rnam pa gsum ste/ yid du 'ong ba dang / yid du mi 'ong ba dang / bar ma'i dbye bas so// de bzhin du sgra la sogs pa la yang sbyar bar bya'o// 'khor ba tshor ba la sogs pa zhes bya ba la/ tshor ba la yang rnam pa mang mod kyi mdor bsdu na rnam pa gsum ste/ bde ba dang sdug bsngal ba dang / btang snyoms kyi mtshan nyid do// 'du shes kyang khams dang 'gro ba dang skye gnas kyi bye brag gis rnam pa mang mod kyi/ mdor bsdu na gzugs la sogs pa'i dngos po'i khyad par 'jig pa'i bdag nyid kyis drug go/ 'du byed ni sems las byung ba'i bye brag gis rnam pa mad mod kyi/ mdor bsngo na gsum ste/ dge ba dang mi dge ba dang lung du ma bstasten pa'o// rnam par shes pa la yang khams dang / 'gro ba dang skye gnas kyi bye brag gis shin tu myang mod kyi mdor bsngo na mig la sogs pa'i bye brag gis rnam pa drug go/ 'khor ba dbang po nyid yin te zhes bya ba ni mig la sogs pa drug go/ 'khor ba zhe sdang la sogs pa zhes bya ba ni zhe sdang dang / gti mug dang 'dod chags la sogs pa'i nyon mongs pa ste/ steng dang 'og na gnas pa'i 'gro ba lnga rnams su bdag nyid dga' ba dang bde ba la mngon par chags pas yang dang yang du las dang nyon mongs pas mngon par chags pa'i sems dang sems las byung ba'i chos rnams nyid 'khor ba ste/ skye ba'i bdag nyid kyi 'khor ba yin gyi bdag ngadang srog dang gso ba la sogs pa'i mtshan nyid 'ga' zhig yod de 'khor ba ma yin no// chos 'di rnams ni mya ngan las 'das zhes bya ba ni 'di dang rang bzhin gyis phyin ci log las grol zhing thabs dang shes rab dbyer med par gyur pa so sor rang gis rig pa nyid yin pas na spros pa med pa'i rang bzhin du mya ngan las 'das pa'o// gti mug gis ni 'khor ba'i tshul zhes bya ba ni de kho na nyid kyi don yang dag pa ji lta ba bzhin du khong du chud pas sems dang sems las byung ba'i chos rnams nyid 'khor ba'o// rmongs pa med na zhes bya ba la sogs pa la/ rmongs pa med pa ni yang dag pa ji lta ba bzhin du shes pa'o// 'khor ba sbyong zhes bya ba ni/ gzug la sogs pa de kho na nyid ji lta ba bzhin du lhag par mos pas 'khor ba na 'khor ba'i bdag nyid kyi phyin ci log gi rang gi ngo bo nyid kyis ldog par 'gyur ba yin no// dbyangs yig dang po'i rang bzhin te zhes bya ba la/ rang bzhin dbyangs yig dang po yin pa de ni dbyangs yig dang po ste shes rab aM gi gzugs can ma'o// blo zhes sangs rgyas kyis rab bstan zhes bya ba ni/ de bzhin gshegs pa thams cad kyi blo sbyor bas blo de kho na nyid shin tu rig pas na sangs rgyas so// de nyid bcom ldan 'das zhes bya ba ni me long lta bu'i ye shes la sogs pa'i rang bzhin gyi phyir ro// bsgom pa'i rab tu son cing 'gro bas na shes rab bo// rdzogs pa'i rim pa'i sbyor ba ste zhes bya ba ni rnal 'byor ma rnams kyi bskyed pa'i rim pa'i 'khor lo bzhin du sbyor ba bstan pa'o// de ni ring min zhes bya ba la sogs pa ni dbyibs la sogs pa thams cad dang bral ba'i phyir ro// myang dang ro dang dri las 'das zhes bya ba ni dbang po thams cad kyi yul ma yin pas so// bla na med pa'i bde ba chen po rdzogs par byed pas na lhan cig skyes dga' byed ma'o// shes rab kyis bsgoms pa 'dis thabs chen po'i rnal 'byor pa yang dag par bskyed pas na rnal 'byor pa ni de yis bskyed ces bya ba'o// de'i bde la longs spyod bya zhes bya ba ni dbyer med pa de'i rang gi rgyud la nyams su myongs par bya'o// de yis lhan cig dngos grub ces bya ba ni bshad ma thag pa'i shes rab nyid mchog tu rtag pa'i phyag rgya'o// 'dir man ngag ni 'di yin te/ lto bar pad+ma dmar po 'dab ma bzhi pa kha phye zhing steng du bltas pa bsams la/ pad+ma'i lte ba la shes rab oM gi gzugs can ma bsgoms nas der 'dab ma gzhan dag la steng dang 'og dang phyogs dang mtshams su dbyangs yig bcu bzhi po rnams bsam par bya ste/ de yang rgyud las ji skad du gsungs pa'i cho gas rab tu 'bar ba dang yang dag par ldan zhing / shin tu phra ba'i skud pa lta bur nyin gcig tsam yang rgyun mi 'chad par rnam par bsams na nges par yid ches pa skye bar 'gyur ba la the tshom med do// gzugs zhes bya ba la sogs pa'i gzugs nas chos kyi khams kyi mthar thug pa'i yul rnams te phyi rol du gyur pa'i bdag nyid do// shes rab nyid kyis ni zhes bya ba ni dbyangs yig dang po'i ring bzhin gyis so// nye bar longs spyod ces bya bo ni rnam par bsam pa'o// 'di'i rab tu dbye ba gsungs pa/ de ni lhan cig skyes pa'i rang bzhin zhes bya ba la sogs pa la/ bde chen zhes bya ba ni dpe med pa'i bde ba chen po'i rang bzhin gyi phyir ro// mngon par mtho ba dang nges par legs pa'i don mdzad pa'i phyir bzang mo'o// sems can thams cad kyi rgyud la sbyor ba'i ngang tshul 'di la yod pas na rnal 'byor ma'o// 'khor lo zhes bya ba ni rten du gyur pa'i dkyil 'khor ro// sgom pa'i las zhes bya ba ni mngon par rtogs pa sngon du 'gro ba'o// lha rnams zhes bya ba ni brten par gyur pa'o// ji ltar 'byung ba zhes bya ba ni cho ga ji lta ba bzhin du bskyed pa'o// rnal 'byor ma lus dbus gnas pa'i/ zhes bya ba lte ba'i 'og na gnas pa'i rtsa gsum mo// der bsgom pa'i yi ge aM ni chos thams cad gcig gi gzugs kyis sdom par byed pa de shes rab aM gi gzugs can ma'o// phyi rol ji ltar zhes bya ba ni ji ltar bskyed pa'i rim pa la chos thams cad rnam par dag pa'i sgo nas lha'i 'khor lo bkod pa'o// nang de bzhin zhes bya ba ni de bzhin du rdzogs pa'i rim po la ni sngags kyi lha rnams kyi 'khor lo'o// sdom pa zhes bya ba ni phyi dang nang gi rnam par rtog pa'i dngos po rnams rnam ra dag pa'i lha'i 'khor los chos thams cad tshul gcig tu bsdus pa bzhin du rdzogs pa'i rim pas kyang sdud pa yin no// de ni rab gsal zhes bya ba'i bye brag tu byas pa'o// bo la zhes bya ba la sogs pa la po ni rdo rje la bde ba ni nor bu'i nang du chud pa'i ye shes so// de nyid ni phyag rgya chen po ste chos thams cad la bdag nyid gcig gis btab pa'i phyir ro// rdo rje skye mched ces bya ba la rdo rje ni mi dmigs pa'i ye shes so// de nyid ni skye mched de lha rnams kyi 'khor lo bskyed pa'i gnas su gyur pa'i phyir ro// thabs kyi bdag ces bya ba ni ye shes kyi mthar thug par 'gro ba'i phyir ro// yang na bo la ni rdo rje'i/ de'i bde ba ni mchog tu dga' ba'i mthar gyur cing rnam par dga' ba'i thog mar gyur pa'o// de'i rang bzhin ni phyag rgya chen po zhes bya ba sa rab aM gi gzugs can ma'o// rdo rje zhes bya ba ni mi shigs pa'o// skye mched ces bya ba la a ya ni rnam par shes pa'o// ta na ni rgyas pa ste thim pa dang longs spyod dang dbang ba'o// thabs kyi bdag ces bya ba ni gnas la sogs pa'i bdag nyid du nye bar 'gro ba'o// gsang bar 'di dag mnyam sbyor zhes bya ba la/ gsang ba ni thabs dang shes rab rnam par dag pa'i la la nA dang ra sa nA'o// 'odi dag ni mnyam par sbyor ba ni gnyis su med par bsgoms pas so// phyi rol snyoms 'jug ma bstan to zhes bya ba la rnal 'byor ma'i 'khor lo la phyi rol gyi lha'i mnyam par sbyor ba'i sgom pa med pa'o// de yang gsungs pa/ A li kA li snyoms 'jug pas// phyi rol snyoms 'jug dgag par bya/ zhes bya ba'o// ci ste nang gi snyoms par 'jug pa tsam 'di yin na/ ji ltar na/ bud med gzugs ni spangs nas su/ gzhan gyi gzugs su bsgyur zhes bya ba la sogs pa ni ci'i phyir gsungs snyam pa la/ bden mod kyi der dgongs pa ni rang gi sems tsam gyi ngo bo nyid kyis bdag med pa'i rnal 'byor dang yang dag par ldan zhing bla ma la sogs pa la rjes su gnang ba rnyed pa'i rig ma'i brtul zhugs kyi sgo nas/ de bzhin gshegs pa thams cad dbyer med pa'i sems la dbang thob pa rnams ji skad gsungs pa des thun mtshams gcig gam/ nyin gcig gam/ zla ba phyed dam/ zla ba 'am lo 'am/ bskal pa stong phrag du yang ye shes dang mngon par ldan pas gnas par 'gyur ro zhes bya ba yin no// sku gsum zhes bya ba la sogs pas ni 'khor lo'i gzugs kyi chos dang longs spyod sprul pa'i sku rnams yongs su shes par ba'o zhes bstan pa yin no// tshegs la zhes bya ba ni sems can thams cad skye ba mngon par phyogs pa ste/ 'dis zhes bya ba ni bshad ma thag pa rnams dang yang dag par ldan pas so// sreg dang ldan pa thams cad ni sems can no// blo bur dri ma dang bral zhing 'od gsal ba thams cad ni sangs rgyas te/ sangs rgyas nyid du zhes bya ba ni rnam par dag pa khong du chud pa rnams dang rang bzhin dbyer med do zhes pa'i don to// the tshom med ces bya ba ni rnam par shes pa la sogs pa'i dngos po rnams rang bzhin gyis stong pa nyid du bla na med pa'i de bzhin nyid rang gis rig pa'i rang bzhin yin la/ ye shes de nyid ni gdul bya mngon par dang ba'i dbang gis gzhan rnams la gzugs kyi skur ston par tshad mas grub pa'i phyir ro// de yang gsungs pa/ sems can thams cad bde bar gshegs pa'i snying po can yin no zhes bya ba ste/ 'dis ni sems can thams cad rang bzhin gyis rnam par dag pa ston te rnam par dag pa de nyid sbyor ba'i rgyu mtshan du gsungs pa/ zla ba bcu ni sa bcu zhes bya ba la sogs pa ste/ sa dang po la sogs pa gong nas gong du sbyangs shing 'phel bas mthar thug par son pa'i phyir/ sems can sa bcu'i dbang phyug go// de'i phyir phyin ci log gi rtog pas bskyed pas las dang nyon mongs pa dang / skye ba rnams kyi rang gi ngo bo nyid ni blo bur ba ste/ rang bzhin gyis dri ma med cing rnam par dag pa'i rang bzhin nyid du sbyar bar bya'o// 'gro ba'i rang bzhin bcom ldan 'das las thos nas ji ltar gyur pa gsungs pa/ de nas zhes bya ba la sogs pa la lha 'gro ba'i rgyud la rgyun mi 'chad par gsal ba'i phyir/ thams cad ces bya ba ni lus la sogs pa rnam par dag pa'i rang bzhin ji snyed pa'o// mchog tu ngo mtshar theb zhes bya ba ni so so'i skye bo'i de bzhin nyid gang yin pa dang / bla na med pa yang dag par rdzogs pa'i byang chub kyi de bzhin nyid gang yin pa ngo bo nyid kyis dbyer med par rtogs nas mchog tu ngo mtshar du gyur pa 'di ni ngo mtshar thob pa'o// brgya la zhes bya ba ni dbyer med cing bde ba chen po'i rang bzhin gyi rnam par mi rtog pa'i ting nge 'dzin la gnas pas sems dang sems las byung ba thams cad brgyal ba ste shin tu mi g.yo bar gyur pa'o// skrag ces bya ba ni 'khor ba'i mthar thug pa nyid rang bzhin gyis mya ngan las 'das shing mchog tu zab pa'i phyag rgya chen por gsungs pa ni dad pa dman pa rnams kyis khong du chud par mi nus shing sems kyis 'jug par dka' ba'i phyir skrag pa'o// sa la 'gyel bar gyur zhes bya ba ni bag chags dang bcas pa'i phung po la sogs pa yongs su gtsang ba'i chos kyi de kho na nyid thob pas 'dzags nas yan lag thams cad sa la 'gyel bar 'gyur ba'o// 'dur bar gyur zhes bya ba ni 'jig rten thams cad las yang dag par 'das shing mchog tu gsang chen dka' la bla na med pa myur ba'i thabs dgyes pa'i rdo rje zhes bya ba'i chos thos pas 'dar ba la sogs pa'i ltas chen po bco brgyad rnyed par 'gyur ro// yang de rnams shin tu rnyed dka' zhing bsam gyis mi khyab pa'i chos mnyan pa'i skal ba dang shin tu ldan par mdzad nas/ rang gi ngo bo nyid ji lta ba bzhin du bshad pas bde ba'i srog thob/ par gyur nas slong bar mdzad pa ni/ sa dang zhes bya ba la sogs pa ste/ sa dang chu dang rlud me'i bdag nyid sring mo ste/ lha mo zhes bya ba ni bod pa'i tshig go/ rang bzhin sras kyang mi shes pa nyid de nyid de/ de'i spros pa nyon cig pa ni gdams pa'o// sngon du gsungs pa'i don de nyid nye bar bsdu ba gsungs pa/ sems can sangs rgyas yin mod kyi zhes bya ba la sogs pa ste rang bzhin gyis mya ngan las 'das shing chos kyi sku dbyer med pa'i rang bzhin nyid do// ci ste rang bzhin gyis sangs rgyas pa nyid du grub pa yin na bzlas brjod dang bsgoms pa la sogs pa'i don med par bral bar 'gyur ro zhe na/ gsungs pa/ blo bur dri mas bsgribs pa ste/ zhes bya ba las dang nyon mongs pa skye ba'i sgrib pa blo bur ba rnams kyis rang gi rang bzhin nyid mi gsal bar byas pa ste/ bsgom pa dang bzlas pa la sogs pa de dag gis bsal ba ni bla na med pa'i thabs dang shes rab kyi rang bzhin nyid kyis sangs rgyas nyid do zhes bstan to// ci ste rang bzhin gyis rnam par dag pas sems dri ma can du ji ltar 'gyur ste na ma yin te/ ji ltar na mkha' rang bzhin gyis dben pa yin yang rdul dang khug rna dang sprin la sogs pas dri ma can du gyur pa bzhin du/ sems kyi rin po che 'di yang rang bzhin gyis rnam par dag tu zin kyang thog ma med pa'i dus nas skye ba gcig nas gcig tu goms pa'i bdag dang bdag gir rtog pas dri ma can du gyur pa yin no// de yang gsungs pa/ sems can gyi tshogs 'di na de bzhin gshegs pa mtha' dag gi ye shes dang ldan pa'i sems can 'ga' yang yod pa ma yin mod kyi 'on kyang tha snyad la mngon par zhen te/ de bzhin gshegs pa'i ye shes mngon par mi shes pa yin no// gang gi tshe tha snyad thams cad las grol ba de'i tshe de bzhin gshegs pa'i rang byung gi ye shes thogs pa med par gsal bar 'gyur ro zhes pa'o// btsan dug zos na zhes bya ba la btsan dug ni dug gi khyad par te zos na myos pa brlams par 'gyur ro// su'i zhe na mi shes 'jig rten gang gis zhes bya ba ste/ mi shes 'jig rten zhes bya ba ni gang gis dug gis gnyen por gyur pa sngags la sogs pa dang bral ba'o// rmongs dang bral zhing de nyid ces bya ba la/ gang gis de'i gnyen por gyur pa'i sngags la sogs pa'i de nyid shes pa ni rmongs pa dang bral zhing de nyid shes pa'o// de ni de las grol bar 'gyur/ zhes bya ba ni gang de kho na nyid shes pa de ni 'khor ba'i dug gi rmongs pa las grol bar 'gyur gyi gzhan du ni ma yin no// de bzhin zhes bya ba ni bstan ma thug pa'i rim pa'o// thabs dang shes rab shes shing lhag par khong du chud pa de'i 'khor ba ldog par 'gyur ro// dgyes pa'i rdo rjer ngal byas pa zhes bya ba ni bla ma gcig nas gcig tu 'ongs pa'i lhag par khong du chud pa mthar phyin pa'o// ma rig la sogs zhes bya ba ni ma rig pa nas rga shi'i mthar thug pa'i sdug bsngal gyi phung pos ma gzung ba'o// gau ti mug la sogs pas kyang 'ching min zhes bya ba ni bdag dang bdag gi pA dang / bde ba dang sdug bsngal la sogs pa gti mul la sogs pa'i zhags pas kyang 'ching ba ma yin no zhes bya ba'i don to// sangs rgyas ma yin zhes bya ba la sogs pa la 'di na sangs rgyas kyi rang bzhin ma yin pa'i sems can 'ga' yang yod pa ma yin te/ ci'i phyir zhe na/ gang gi phyir zhes bya ba la sogs pa gsungs te/ byang chub pa ces bya ba ni rang rig pa tsam nyid kyis na 'di thams cad rang bzhin gyis phyin ci ma log pa'i rnam par mngon par byang chub pa yin pa la sems can khong du chud pa'i rang bzhin no// de ltar na 'gro ba rnams su ji ltar 'gro bar 'gyur zhe na/ de'i phyir gsungs pa/ dmyal ba zhes bya ba la sogs pa ste/ 'di'i don gang mi dge ba'i las kyis sprul nas dmyal ba la sogs pa'i sdug bsngal shin tu mi bzang ba'i me 'bar bas dkris pa yin la/ de rnams kyi rang bzhin nyid ni dus thams cad du ngo bo nyid kyis mya ngan las 'das shing bde ba chen po'i tshul gyis chos kyi sku'i rang bzhin du dbyer med pa yin no zhes bya ba yin no// gang gi phyir bde ba mi shes pa zhes bya ba la/ gang gi lha la sogs rnams kyi tha snyad la ma brten par spros pa'i bde ba'i rang bzhin khong du chud par mi nus te/ de'i phyir de bzhin gshegs pa rnams kyang tha snyad 'dogs par mdzad pa yin no// 'dzag rten khams gzhan gang nas kyang zhes bya ba la sogs pa la bla na med pa'i sems kyi rang bzhin las 'jig rten gyi khams gzhan gang nas kyang sangs rgyas kyi rang bzhin 'ga' yang rnyed pa ma yin no// zhes bya ba'i don to// de'i phyir gsungs pa/ sems nyid ces bya ba la sogs pa ste/ rang bzhin gyis 'od gsal ba'i sems nyid 'dod chags la sogs pa'i dri ma rnams dang bral nas sangs rgyas so// shen pa smyug ma mkhan zhes bya ba la sogs pa la/ 'di'i don ni shen pa la sogs pa rgyun mi 'chad par rtsub mo don du gnyer ba rnams kyis kyang dgyes pa'i rdo rje'i lam du zhugs pa'i dge ba'i bshes gnyen dang phrad par gyur ra na rtog pa'i dra ba thams cad de ring po mi thogs par bla na med pa yang dag par rdzogs pa'i byang chub par 'gyur ro zhes bya ba yin no// byis pa mi shes bsgribs pa rnams zhes bya ba la sogs pa la/ las dang 'bras bu dang bden pa dang dkon mchog gsum rnams mi shes pa sngon du 'gro ba'i bdag dang bdag gir 'dzin pas rmongs shing bla mi mnyes par ma byas pa ni byis pa'i rang bzhin te/ nges bstan ma thag pa'i lamu mi shes pas skyed dang 'og gi 'gro ba rnams su 'khor ba yin no// dgyes pa'i rdo rje'i thabs thob ces bya ba la/ 'di'i ngor ni yang gang zhig myur du byang chub rdzogs par byed pa'i dgyes pa'i rdo rje'i thabs kyis gzugs la sogs pa'i dngos po rnams yongs su sbyangs pa ni 'khor ba na gnas su zin kyang ring por mi thogs par bla na med pa yang dag pa'i byang chub thob par 'gyur ro zhes bya ba yin no// puk+ka sI ni sar gsungs pa/ zhes bya ba la sogs pa ni go sla'o// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las/ le'u bzhi pa'i bshad pa'o// de nas zhes bya ba la sogs pa la/ gdul bya rnams chos kyi rgyal po'i go 'phangs la dgod pas rgyal po'o// rnam par rtog pa'i ri bo 'joms pas na rdo rje 'dzin no// zab pa dang rgya che ba'i bdag nyid kyis na dgyes pa'i rdo rje'o// gdul bya rnams la rjes su mtshams par ston pas na gtso bo'o// rnam pa kun gyi rang bzhin bdag ces bya ba ni phyi dang nang gi dngos po rnams rnam par dag pa'i rang bzhin gyi phyir ro// dkyil 'khor zhes bya ba ni bri ba'i dkyil 'khor ro// bde ba can du zhes bya ba la sogs pa'i 'khrig pa'i sbyor ba dang ldan pa'i phyir ro// rnam pa kun gyi rang ngo bo zhes bya ba ni 'byung ba dang 'byung bya las gyur pa rnam par dag pa'i lha thams cad kyi ngo bo'o// sems kyi rdo rje zhes bya ba ni rgyur gyur pa'i rdo rje 'dzin no// sa bon gyis zhes bya ba ni kun rdzob kyi byang chub kyi sems yongs su gyur pa'i mtshan mo la gnas pa'i hUMgs so// bco lngas yongs su bskor ba yi zhes bya ba la sogs pa la sngon du bsten pa'i rnal 'byor ma'i 'khor lo phyag gnyis pa la sogs pa nyid de/ de nyid 'og nas 'byung ba/ rim gcig sgra ni bzhi pa ste/ zhes bya ba la sogs pas shes par bya'o// dkyil 'khor yang dag pa rab gsal mdzad zhes bya ba ni 'og nas 'byung ba/ de nas ston pa ye shes che/ zhes bya ba la sogs pa'i skabs der blta'o// ma lus pa'i sems can rnams su bsdu ba bstan pa'i phyir gsungs pa/ bdud bzhi yang dag mnan pa ste zhes bya ba la bdud bzhi po rnams zhabs bzhi pos mnan pa ste/ rang bzhin gyis mya ngan las 'das pa dang / mi gnas pa'i mya ngan las 'das pa dang / phung po lhag ma dang bcas pa'i mya ngan las 'das pa dang / lhag ma med pa'i mya ngan las 'das pa ste/ bzhi po de dag ni zhabs bzhir shes par bya'o// des na 'jigs pa dag kyang 'jigs par mdzad ce'o// mgo bo'i phreng ba zhes bya ba la sogs pa la/ yi ge lnga bcu thum pa rnam par dag pa'i mgo bo'i phreng ba ste/ des skul ba dang ldan pa'i skye bo'i yid 'phrog par mdzad pas na do shal lo// nyi ma la gnas zhes bya ba ni mi dmigs pa'i snying rjes chen po la gnas pa'i gzugs so// rnam pa sna tshogs su spro ba mdzad pas na gar dang ldan no// ma rig pa la sogs pa'i yan lag bcu gnyis rnam par dag pa'i rang bzhin gyis ni sna tshogs rdo rje 'dzin pa'o// sku mdog nag po zhes bya ba ni 'og nas ston par 'gyur ro// dbang po dam tshig dad pa med pa rnams skrag par mdzad pas na 'jigs mdzad do// sgra skad sna tshogs kyi sgo nas gdul bya rnams la chos ston par mdzad pas na hUM spro ba'o// gdul bya rnams la mngon por phyogs pas na nyid kyi zhal nas so// don dam pa'i sems kyi bdag nyid kyis na sku la thal bas yang dag byugs so// dga' bas snyoms 'jug mnyam par sbyor ba'i phyir ro// bdag med lhan cig la sbyor ba zhes bya ba ni chos bdag med pa 'gro ba rnams gcig tu sbyor bar mdzad pa'i phyir ro// nye bar bsdu ba gsungs pa/ khrem gnyer med pa zhes bya ba la sogs pa ste/ khrem gnyer med pa de yang dmigs pa dang bcas pa dang / mi dmigs pa'i de kho na nyid kyis dbye bas rnam pa gnyis su shes par bya'o// grong khyer nyams dgar khyod dang nga zhes bya ba ni 'dir rgyu dang 'bras bu dbyer med par mdzad nas brjod pa yin no// gzhan du yang / sems dpa'i gzugs ni yang dag 'byung // dkyil 'khor bdag por bsgom par bya// zhes bya ba la sogs pa dang / ser mo la sogs 'di las 'byung zhes gsungs pa 'gal bar mi 'gyur ram zhe na/ ma yin te de rgyur gyur pa'i rdo rje sems dpa' nyid dkyil 'khor bdag po ste/ de las ser mo la sogs pa 'byung bar blta'o// de ni thog ma zhes bya ba la sogs papa ni thog ma dang tha ma dang dbus kyi cha rnams mi dmigs pa ste/ 'di'i don ni dus dang yul dang phyogs la sogs pa dang bral ba'o// srid dang zhes bya ba la sogs pa la/ srid pa ni skye ba dang / gnas pa dang / 'jig pa'i mtshan nyid de/ de med pa'o// mya ngan 'das pa min zhes bya ba la mya ngan las 'das pa'i dngos po thams cad rgyun chad pa'i rang bzhin te/ de yang ma yin pa'o// 'di ni dam pa'i bde chen te/ zhes bya ba ni mchog tu bde ba chen po ste/ rtag tu da ltar byung ba'i rang rig pas so// gzhan min zhes bya ba la/ gzhan gyi pha rol gyi gzugs la sogs pa'i rang bzhin te de ma yin pa'o// bdag kyang min zhes bya ba la bdag gi rtsom pa dang / lhag par gnas pa dang / mthar phyin pa'i rang bzhin te de yang ma yin pa'o// mchog mtha' zhes bya ba la sogs pa la mchog tu dga' ba 'gag cing rnam par dga' ba skye ba mngon par phyogs te/ de dag gis dbus su'o// 'dod chags dang chags bral gyi ngo bo nyid med pas stong pa'o// rang gis rig cing myang bas na stong min no// sku dang gsung dang thugs kyi mtshan nyid pas na he ru ka'o// sleb dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u lnga pa'i bshad pa'o// / cho ga gang gis zhes bya ba la sogs pa la/ sangs rgyas byang chub sems dpa' dang / gang yang bdag gis ma bshad pa zhes gsungs pas na rgyud ni rnyed par dka' zhing bla na med pa nyid du ston par byed pas na yang 'dir ji ltar bya ba'i rgyud la sogs pa ltar bris sku la sogs pa'i tshi ga brjod par mdzad ce na/ de lta mod kyi 'dir dgag par mi bya ste/ gang gi phyir ji ltar gsungs pa'i cho gas snam bu'i lha la sogs pa bris na/ rnal 'byor pa rnams kyi bsod nams kyi phung po chen por 'gyur ba dang / yang nges bsam gtan pa rnams kyi phyag dang zhabs la sogs po yang gsal por gyur nas myur du byang chub kyi 'bras bu 'grub par 'gyur ro// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u drug pa'i bshad pa'o// de nas de la lha mos zhus zhes bya ba la sogs pa ni/ 'jig rten gyi khams kyi kun nas nyon mongs pa la gzigs te/ 'dod chags chen pos gdungs pa rnams mngon par gdang bar bya ba dang / glegs bam la dga' ba rnams kyi phyir gsungs pa/ nga yis glegs bam bshad bya yis/ zhes bya ba la sogs pa ste/ skal ba zhes bya ba la 'dir de bzhin gshegs pa'i gsung rab rnams ni bstan par bya ba yin mod kyi/ mchog tu gyur pa'i gsang chen ni/ skul ba ngan pa rnams la shin tu yang sngo bar bya ba nyid pas na lam du zhes bya ba la sogs pa gsungs te khyad par du bya ba'o// glegs bam gyi tshad gsungs pa/ gro gar sor ni bcu gnyis zhes bya ba la sogs pa'o// glegs bam dang ni zhes bya ba la sogs pa la/ gal te skal ba med pa rnams la glegs bam dang bris sku rnams bstan na mchog tu zab cing nyan thos dang rang rgyal gyi spyod yul ma yin la/ shin tu rnyed dka' bas de rnams mi shes pa'i dbang gis 'di ni sangs rgyas kyis gsungs pa ma yin gyi/ gzhan du na sems can la co dro bar bya ba'i phyir bdud kyis smras pa yin no zhes rtog par byed cing smra ste/ des de rnams dus dpag tu med par mtshams med pa'i dmyal bar ltung bar 'gyur la/ sngags pa yang de ltar bsrung ba ma byas pas dam tshig las 'das te 'di dang tshe rabs gzhan dag tu yang dngos grub thob par 'gyur ba kho na ma yin no// gang du zhes bya ba ni ji lta ba bzhin pa'i gnas su'o// zos nas zhes bya ba ni tshogs kyi 'khor lo'i bdag nyid de/ bsam gtan la mngon par gzhol ba rnams kyis zos na'o// dngos grub 'gyur zhes bya ba ni de bzhin gshegs pa dang dbyer med pa'i lus su 'gyur ba'o// 'dod don thams cad bsgrub mdzad ces bya ba la/ 'dod pa ni sems can thams cad kyi yid la re zhing gsol ba btab pa'o// don thams cad ni 'jig rten dang 'jig rten las 'das pa'i don rnams te/ de rnams 'bad pa med cing rnam par mi rtog bzhin du mdzad pa'o// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba lngas/ le'u bdun pa'i bshad pa'o// dar ni rnal 'byor mas zhus pa zhes bya ba la sogs pa la/ gdug cing gdul dka'i sems can zhes bya ba la gdug ces bya ba ni 'khor ba la mngon par spro ba'o// gdul dka' zhes bya ba ni sde pa gzhan no// ji ltar bgyis na 'dul bar 'gyur zhes bya ba ni de dag ji ltar de bzhin gshegs pa'i bstan pa la gzung bar bya'o// zhes bya ba'i don to// dang por bsnyen gnas zhes bya ba la sogs pa la/ thog mar sdu bsngal ba dang / mi rtag pa la sogs pa'i gtam gyis 'khor ba la skyo ba bskyed cing bsnyen gnas kyi bsngags pa brjod cing bsnyen gnas kyi sdom pa sbyin pa sngon du 'gro bas skal ba ji lta ba bzhin du/ theg pa gsum la btsud de/ de'i 'og tu bslab pa'i gnas lnga la sogs la yongs su bzung bar bya'o// de la bye brag smra ba bstan zhes bya ba la/ de la zhes bya ba ni bslab pa'i gnas dang ldan pa de la'o// bye brag smra ba de ni bye brag tu smra ba'i lta ba ste/ de yang mdor bsdu na ther zug la sogs pa'i gnyen por gyur pa snod dang sems can gyi dngos por gyur pa rnams 'dus byas shing skad cig mar smra ba yin no zhes bya ba la nyan thos mdo sde pa rnams kyi gzhungs mdor bsdu na bems po rnams kyi ni rang gi ngo bo nyid kyis snang du mi rung bas rnam par shes pa don gyi khu lo sgyur ba'i rnam pa can nyid shes pa dang shes bya'i rab tu dbye bas gnas pa la sngon po dang ser po la sogs pa'i don du snang ba'i dbang gis don nyid du yongs su btag pa yin no// de ltar gzhung gnyis po de la brtan nas las dang nyon mongs pa'i rgyu dang phung po dang khams dang skye mched kyi skye ba'i rang bzhin khams dang 'gro ba dang skye gnas kyi bye brag rnam pa sna tshogs su zag pa dang bcas shing 'gro ba'i gang zag bdag med pa'i mtshan nyid mngon du byed pa yin te/ de yang so sor thar pa'i sdom pas bsdams shing / rdo rje rigs kyi le'u las gsungs pa'i bden pa bzhi'i ting nge 'dzin goms par byas pas nyon mongs pa rnams spangs te/ nyan thos kyi byang chub bam/ rang sangs rgyas kyi byang chub dag gi ro myang bar byed pa yin no// de nas rnal 'byor spyod pa'i zhes bya ba/ rnal 'byor spyod pa'i gzhung gis khams gsum po rnams rang gi sems tsam du 'dod de/ thog ma med pa'i dus nas skye ba gcig nas gcig bsags pa'i bag chags kyi dbang gis sngon po la sogs pa bdag dang bdag gi ba'i rnam pa so sor snang ba yin no// de 'og dbu ma bshad par bya/ zhes bya ba la dbu ma'i gzhung gis rnam par shes pa de nyid rang bzhin gyis 'od gsal zhing don thams cad las dben pas gzung ba dang 'dzin pa las grol zhing / rang bzhin gyis so sor rang gis rig pa'i ngo bo nyid tsam mngon par zhen pa'i gnas thams cad kyis stong pa yin te/ des kyang bdag med gnyis kyis mtshan nyid la goms par byas nas bskal pa dpag tu med par bsod nams dang ye shes kyi tshogs yongs su bsags te/ rab tu dga' ba la sogs pa'i sa rnams la rims kyis zhugs nas stobs dang mi 'jigs pa la sogs pa'i bdag nyid kyi bla na med pa yang dag par rdzogs pa'i byang chub rnyed par 'dod pa yin no// sngags kyi tshul zhes bya ba ni gdul bya'i/ bya ba dang / spyod pa'i rgyud la sogs pa'i bye brag rnams te/ de dag thos shing khong du chud par byas nas/ de 'og dgyes pa'i rdo rje bslab/ zhes bya ba la sogs pa la/ myur zhing tshegs med pa'i de kho na nyid thob pa'i rgyur gyur pa dgyes po'i rdo rje zhes bya ba thos pa dang bsams po tsam gyis kyang yon tan thams cad myur du rdzogs par byed pa ste legs par khong du chud nas sngags pa ltung ba ma nyams shing snying rje chen pos sems can bsgral ba'i bsam pa dang ldan pas goms pa mngon sum du byas na skye ba 'di 'am skye ba gzhan dag la bla na med pa'i bde ba chen po'i rang bzhin gyi khyad par gzhan yang phyag rgya chen po zhes bya ba'i byang chub thob par 'gyur ba 'di la the tshom med de som nyi mi bya'o zhes bya ba'i don to// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las/ le'u brgyad pa'i bshad pa'o// // de nas zhes bya ba la sogs pa la kha sbyor 'byed pa zhes bya ba ni so sor bya ba'o// gang zhig shes tsam gyis bya ba la sogs pa la/ gang zhig shes pa tsam gyis sgrub bo zhes bya ba ni/ snying rje chen po sngon du 'gro bas dngos grub ces bya ba phyag rgya chen po thob par 'gyur ba yin no// de gsungs pa bsgrub bya skyes bya ba la sogs pa la sems can thams cad la snyid rje chen po bskyed nas he ru ka'i rnal 'byor gyis khro zhing rtsub pa'i sems kyis bya ba'o// thob dang zhes bya ba la gzhan gyi don la sems pas na thob pa ste/ bcom ldan 'das rdo rje chen po'o// bstan la gnod pa byed ces bya ba la sogs pa la skye bo zhes bya ba ni sems can te gang gi tshe de lta bu'i las rtsub mo byed pa la sbyor ba la sogs pa sngon du mgu bar byas te gsol ba btab pas bzlog par byas kyang sdug bsngal gyi rgyu las bzlog par ma nus pa de'i tshe/ bcom ldan 'das rnams la gson cig ces bya ba la sogs pa sbyar ba byas na de rnams thugs rjes gtong bar 'gyur te/ de'i 'og tu sngags pas sems brtan pa dang ldan pas man ngag ji lta ba bzhin du de'i lus dang ngag dang yid la gnas pa'i lha'i tshogs spyan drangs nas/ rang gi lus dang ngag yid la bcug pa'i lha rnams gshegs su gsol te/ de'i lus khyim stong pa ltar byas nas kha thur du bltas shing khrag skyug pa 'dar zhing skra grol bar bltas la/ de'i snying gar me'i sa bon 'jog pa'i dus kyi me ltar 'bar ba bzod dka' bas klad pa'i mthar thug pa'i lus rnams bsreg pa'i rang bzhin bsams tau/ bshad pa'i lam du me 'bar ba can gyi khab bcug nas/ oM g+hu swA hA zhes bya ba'i sngags brjod nas lte ba'i rtsa ba dbyung bar bsgoms la/ shi ba'i 'og tu de'i rnam par shes pa sngags la sogs pa'i stobs kyis mi bskyod pa'i zhing khams su skye bar bsams na 'dir gdon mi za bar 'grub par 'gyur ro// gal te snying rje'i bdag nyid can gyis kyang de ltar byas pa yin na mchod sbyin byed pa rnams dang ji ltar na mnyam par mi 'gyur te/ tha dad pa med pa kho na'o zhe na ma yin te/ 'dod chags la sogs pas pha rol gnod pa byed pa'i lus dang ngag dang sems kyi las la zhugs pa rnams ni nges par mi dge bo nyid de/ des ngan song gsum du skye bar 'gyur ba yin la/ 'dir snying rje chen pos zhugs shing bdag dang bdag gir 'dzin pa las grol zhing stong pa nyid du gyur pas/ sdug bsngal gyi zug rngu phyung ba ni bsgrub bya 'jig rten gzhan du bde ba'i rgyur 'gyur ba ste/ de ltar sems can thams cad la phan par bya ba'i phyir zhugs pa'i lus dang ngag gi las rnams ji ltar na mi dge ba'i las su 'gyur te/ dag pa kho na bas/ snying rje can mchod sbyin byed pa rnams bdag nyid mtho ris 'dod pas phyugs la sogs pa gsod par byed pa'i rmongs pa rnams dang ji ltar mtshungs/ de yang gsung pa/ snod dang mi ldan skye bo rnams// snod du bya bar 'dod pa yis// snying rje'i bstan pa bskyong mdzad pa// sdang bas ma yin chags pas min// yang gsungs pa/ gal te sdug bsngal gcig gis ni// mang po'i sdug bsngal bsal 'dod na// snying d+hA can bdag gzhan gyi phyir// sdug bsngal de dag bsal bar bya ces pa'o// srid pa zhes bye ba la sogs pa la steng dang 'og gi 'gro ba rnams bskyed pas na srid pa ste sems so// de'i rnal 'byor pa ni byams pa la so tshad med pa bzhi tshad med de/ bsam gtan dang shes rab dag gis sbyangs pas mi dmigs pa'i bdag nyid dbang du gyur pa'o// nyams dga' zhes bya ba ni smon lam gyi pha rol tu phyin pas sems can thams cad kyi yid 'phrog pa'i don mdzad pas na nyams dga'o// rnam rtog med pa'i dngos grub ster zhes bya ba ni ma lus pa'i sems can rnams kyi mngon par mtho ba'i don rdzogs par mdzad pa sngon du 'gro bas rnam par rtog pa thams cad ring du spong bar mdzad pa'i bla na med pa'i de kho na nyid kyi dngos grub stsol ba'o// ltos shig lha mo zhes bya ba la ltos shig ces bya ba ni shes par gyis shig pa'o// rin chen zhes bya ba ni yid bzhin gyi nor bu rin po che'o// 'bar ba'i phreng ba'i 'khrigs pa'i sku zhes bya ba ni sems can thams cad kyi yid 'phrog par byed pa'i 'od zer gyis rgyan pa'i sku'o// de lta bur gyur pa yin yang mi shes pa'i dbang du gyur pa'i sems can gyis mthong bar mi 'gyur ma phug pa yis zhes bya ba ni ma phug po ste/ yid bzhin gyi nor bu'i nus pa khong du chud par byed pa yin no// mi nus zhes bya ba ni sems can rnams kyi dbul ba la sogs pa'i sdug bsngal bzlog par nus pa med pa'o// phug pa zhes bya ba ni nor bu phug po ste ma lus pa'i don rdzogs par byed nus pas rab tu phug pa dang ldan na 'dod pa ster byed pa zhes bya ba la/ 'dod pa ni sems can thams cad kyi yid la re ba'i don te/ de ster ba'o// de ltar zhes bya ba la kha cig las ni dgra las rab ster ba zhes 'byung ste/ der dgra zhes bya ba ni dbul ba la sogs pa'i sdug bsngal lo// rnam ster zhes bya ba ni shin tu tha dad du byed pa'o// de bzhin 'khor ba rin po che zhes bya ba ni sems kyi rin po che 'dod par bya bas na 'dod pa ste thabs dang shes rab bdag nyid do// yang bsten par bya bas na 'dod pa ste/ gzugs la sogs pa'o// goms par bya ba ni yon tan te me long la sogs pa yang dag par byas pa'i yon tan dang ldan pa'o// gal te de ltar ma sbyangs na ci 'gyur zhe na/ gsungs pa ma dag pa ni zhes bya ba la sogs pa la/ ma dag pa zhes bya ba ni dpal he ru kau la sogs pa'i gzugs kyis mi shes pa'i rab rib sbyangs pa rnams ni/ dug tu 'gyur zhes bya ba yang dang yang du 'khor bar 'ching bar 'gyur ro// dag pa zhes bya ba ni sngags kyi de kho na nyid kyis sbyangs pa ste/ bdud rtsi 'dra bar 'gyur zhes bya ba ni 'khor ba de nyid du sems can thams cad 'jigs pa med pa'i 'bras bu rdzogs par mdzad pa'o// gzugs gang gis ni zhes bya ba la sogs pa la/ snying rje'i spyan zhes bya ba la sbyin gyi rnam par dag pa ni rdo rje gsum zhes sngar bstan pa ste/ der ni spyan gyi grangs tsam gyis rnam par dag pa gsungs la 'dir ni mdog gi rnam par dag pa bstan pa ste/ ma lus pa'i sems can gyi khams rnams thugs rje'i tshon rtsis 'tshang ba'i phyir/ snying rje'i spyan ni dmar po zhes pa'o// ma lus pa'i sems can thams cad la byams pa'i sems kyis dmigs par mdzad pas na yan lag gnag pa byams pa'i thugs so// bsdu ba'i dngos po zhes bya ba la sogs pa la/ sems can thams cad theg pa gsum la 'jug par mdzad pas na bsdu ba'i dngos po ste/ sbyin pa dang snyan par smra ba dang / don mthun pa dang don gcig tu spyod pa rnams so// zhabs bzhi zhes bya ba ni 'dir grangs kyi rnam par dag pa gsungs pa ste/ zhabs tsam gyis rnam par dag pa ste/ zhabs ni bdud rnam par dag pa zhes bya ba bshad zin te zhar la 'ongs pa'o// zhal brgyad rnam par thar pa yin zhes bya ba ni/ zhal brgyad rnam par thar pa brgyad du shes par bya ste/ gdul dka' ba rnams zhi ba'i nyams kyis 'dul bar mi 'gyur bas sgeg pa la sogs pa'i nyams kyis 'dul bar bya'o zhes bstan par bya ba'i phyir gsungs pa/ khro bo gdug pa 'dul ba ste zhes bya ba la/ las dang 'bras bu dang / bden pa dang dkon mchog rnams 'jig par byed pa la khro ba zhe sdang bar mdzad pa'o// de yang gsungs pa/ sdang zhing gdug po'i sems can la// zhi ba yang ni sbyar mi bya zhes pa'o// sha ni zhes bya ba la sogs pa la/ sha ni puklA sI ru bshad/ ces bya ba la sogs pa sngar gsungs pa ni 'byung ba rnam par dag par shes par bya'o// sha ni puk+ka sI ra bya ces bya ba la sogs pa 'dis de dag nyid 'byung ba las gyur pa rnam par dag pa yang ston pa yin no// skal ba ngan pa'i spyod yul las 'das pa'i brdas bshad pa ma gtogs par sngags rnams the tshom med par shes par mi nus pas sngags btu ba gsungs pa rdo rje 'dzin zhes bya ba la sogs pa la mi phyed pas na rdo rje ste/ de dang ldan pas na ye shes lnga'i bdug nyid can ni rdo rje 'dzin no// rnam par mi rtog pas snying po'o// sku ni de'i bdag nyid tsam gyi lus so// che bar gyur pas na chen po ste sems can rnams kyi ma lus pa'i don mdzad pa'i phyir ro// rnam par snang mdzad ces bya ba ni oM mo// dro ba yi ni bzhi pa la zhes bya ba ni ha'o// puk+ka sI yis mdzes par bya ba ni us so// stong pas mnan pa zhes bya ba ni thig le'o// kha dog dkar zhes bya ba ni mdog dkar por bya ba yin no// swAhA ni mitha'o// yaM go'i bdag po zhes bya ba ni oM mau// mkha' spyod ma zhes bya ba ni aM ngo // swA hA ni mtha'o// rig byed rnams kyi dang po o mo// dang po yi ni gnyis pa la/ zhes bya ba ni kha'o// stong pa zhes bya ba ni thig le'o// swA hA ni mtha'o// rnam par snang mdzad ni oM mo// gnyis pa yi ni gsum pa l-i zhes bya ba ni dza ste ra dang ldan pa'o// chu mas brgyan zhes bya ba ni i'o// stong pa ni thig le'o// yi ge dbang phyug ces bya ba ni oM mo// lnga pA yi ni gsum pa zhes bya ba ni ba'o// rdo rje mkha' 'gro ma zhes bya ba ni u'o// stang pa ni thig l-i ste/ mthar ni swA hA'o// yi ge thu bo zhes bya ba ni oM yig dang hUM dang / swA hA ni mtha'o// gti mug rigs zhes bya ba ni oM ste g+hu dang swA hA ni mtha'o// dang po rnam par snang mdzad ces bya ba ni oM mo/ dang po yi ni dang po zhes bya ba ni ka'o// rdo rje mkha' 'gro ma zhes bya ba ni u'o// mthar gnas pa yi gnyis pa la zhes bya ba ni ra'o// rdo rje mkha' 'gro ma zhes bya ba ni u'o// dang po'i sngon ma la zhes bya ba nI ka'o// rdo rje mkha' 'gro ma zhes bya ba ni u'o// mthar gnas pa'i gsum pa la zhes bya ba ni la'o// yang ni de nyid yang dag ldan zhes bya ba yang la'o// steng du rkun mo zhes bya ba ni e'o// yi ge hri ni de rjes sbyar zhes bya ba hI'o// swA hA/ ni mtha'o// oM ni dang po bzhi pa'i gsum pa zhes bya ba ni da'o// rkun mo zhes bya ba ni oM'o// mthar gnas pa'i bzhi pa ni wa'aM// pi tsu badz+ra sbyar bar bya/ drod kyi bzhi pa ni ha'o// spos mo zhes bya ba ni u'o// stong pas mnan zhes bya ba ni thig le'o// sum 'gyur ro zhes bya ba ni hUM lan gsum du brjod par bya'o// lnga pa yi ni gnyis pa dang zhes bya ba ni pa'o// gsum pa yi ni dang po zhes bya ba ni Ta'o// swA hA ni mtha'o// rnam par snang mdzad ni oM mo/ dz+wA la dzA la sbyar byas nas/ lnga pa yi ni bzhi pa la zhes bya ba ni b+ha'o// mthar gnas pa'i dang po zhes bya ba ni ya'o// lto chen ma zhes bya ba ni o'o// dro ba yi ni bzhi pa la ha'o// rdo rje mkha' 'gro ma zhes bya ba ni u'o// stong pas mnan zhes bya ba ni thog le'o// sum 'gyur zhes bya ba ni hUM lan gsum du bklag pa'o// lnga pa'i gnyis pa la zhes bya ba ni pha'o// gsum pa yi ni dang po zhes bya ba ni Ta'o// swA hA ni mtha'o// rnam par snang mdzad ces bya ba ni oM mo// dang po yi ni dang po la zhes bya ba ni ka'o// nang gi dkar mo zhes bya ba ni i'o// gsum pa yi ni dang po la zhes bya ba ni Ta'o// nang gi ser mo zhes bya ba ni i'o// gnyis 'gyur zhes bya ba ni lan gnyis su smra ba'o// lnga pa yi nI gsum pa la zhes bya ba ni ba'o// gnyis pa yi ni gsum pa zhes bya ba ni dza'o// byin za zhes bya ba ni ra'o// hUM gsum zhes bya ba ni hUM gsum brjod pa'o// lnga pa'i gnyis pa zhes bya ba ni pha'o// gsum pa'i dang po'i Da'o// swA hA ni mtha'o// rnam par snang mdzad ces bya ba ni oM mo/ bzhi pa'i dang po zhes bya ba ni ta'o// byin za zhes bya ba ni ra'o// ro langs ma zhes bya ba ni e'o// mthar gnas pa'i gsum pa la zhes bya ba ni la'o// lto 'phye ma zhes bya ba ni o'o// dang po yi ni dang po la/ zhes bya ba ni ka'o/ mthar gnas pa'i dang po zhes bya ba ni ya'o// rdo rje ma zhes bya ba ni a'o// k+Sha la rkun mo zhes bya ba ni e'o// lnga pa'i dang po zhes bya ba ni pa'o// dro ba bzhi pa zhes bya ba ni ha'o// rdo rje mkha' 'gro ma zhes bya ba ni u'o// stong pas man+dan zhes bya ba ni thig le'o// sum 'gyur zhes bya ba ni hUM gsum ste phaT dang swAhA ni mtha'o// bdag med ma zhes bya ba ni a'o// dang po yi ni dang po zhes bya ba ni ka'o// gnyis pa yi ni dang po zhes bya ba ni tsa'o// gsum pa'i dang po niTa'o/ bzhi pa'i dang pi ni ta'o// lnga pa'i dang po ni pa'o// mthar gnas pa'i dang po ni ya'o// drod kyi dang po ni sha'o// dang por rnam par snang mdzad ces bya ba ni oM mau// swA hA ni mtha'o// mthar gnas pa'i gnyis pa zhes bya ba ni ra'o// yi ge kA zhes bya ba ni k+Sha'o// gnyis 'gyur zhes bya ba ni rak+Sha rak+Sha'o// hUM gsum zhes bya ba ni hUM hUM hUM ngo // dang por rnam par snang mdzad ces bya ba ni oM mo// yi ge phaT spel pa'i swA hA ni mtha'o// dang por rnam par snang mdzad ces bya ba ni oM mo// rdo rje mtha'o zhes bya ba ni a ste gshegs su gsol ba dang ldan pa'o// dang por rnam par snang mdzad ces bya ba ni oM mo// de rjes oM ka ro mu khaM dang dro ba yi ni gsum pa zhes bya ba sa'o// mthar gnas pa'i bzhi pa zhes bya ba ni wa'o// stang du byin za zhes bya ba ni ra'o// d+harmA NaM rjes rdo rje sbyin/ A d+ha nut+pan+na trang / oM AHhUM phaT swA hA/ slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u dgu pa'i bshad pa'o// de nas chos kun gcig sdom pa'o zhes bya ba la/ chos kun zhes bya ba ni stobs bcu la sogs pa rnams te/ de rnams gcig tu sdom pa ni cig gi bdag nyid ces pa'i don to// rdo rje sems dpa' zhes byas gsungs zhes bya ba la rdo rje ni bla na med pa'i sems te gdul bya'i skye bo rnams bsten par bya bas na de'i sems dpa'o// bdag med ces bya ba la spros pa med pa'i shes rab kyi rang bzhin gyis sprul pas na bdag med pa'o// 'o mdzad ces bya ba ni rang gi la rnams la mngon par phyogs par mdzad pa'o// rengs par byed pa shel gyi zhes bya ba la sogs pa la/ rengs pa'i bzlas brjod ni shel gyis phreng bas bya'o zhes bya ba la sogs pa rgyas par bya'o// rengs pa zhes bya ba ni rengs pa'i las kyi bzlas pa la bya'o// yang na mtha'i shwa zhes bya ba ni rengs pa la sogs pa'i las la ji ltar rnyed pa'i dam tshig la bzla bar bya'o zhes bya ba'i don to// slob dpon nag pos mdzad pa'i dgyes pa'i rdo rje'i dka' 'grel dran pa'i 'byung gnas zhes bya ba las le'u bcu pa'i bshad pa'o// // gang gis ming med rtsa ba na zhes bya ba la/ gang gi ming med de srin lag gi rtsa ba na rdo rje la sogs pa'i mtshan ma snang ba de mi bskyod pa la sogs pa'i rigs kyi rang bzhin no// mtshan rtags kyis de dang de'i rigs su bstan nas/ da ni mdog gi dbye ba gsungs pa/ rnal 'byor pa gang mdog gnag ste ces bya ba la sogs pa gsungs te/ skyes bu gang gi yan lag mdog gnag po de'i lha ni mi bskyod pa yin par shes par bya'o// gang zhig zhes zer ba ni rnam par snang mdzad kyi bdag nyid do// gang cher sngo bsangs su gnas pa de ni don yod grub pa'i bdag nyid do// gang zhig cher ser skyar gnas pa de ni rin chen dbang po'o// gang dmar du gnas pa de ni nges par 'od dpag tu med pa'o// gang dmar ser du gnas pa de ni rdo rje sems dpa'i bdag nyid do// yang bcom ldan 'das dpal he ru ka nyid mi bskyod pa la sogs par bstan par shes par bya'o// de yang 'di lta ste/ rang gi ting nge 'dzin las mi nyams shing mi g.yo bas na mi bskyod pa ste/ dpal he ru ka'o// gdul bya rnams la bskal ba ji lta ba bzhin du khyad par du snang bar mdzad pas na rnam par snang mdzad do// phyin ci ma log par gsungs byas na sangs rgyas so// khyad par gnas pa tsam gyi rigs so// don yod grub pa zhes bya ba la don yod grub pa zhes bya ba ni 'bras bu dang bcas pa ste/ gang gi phyir don yod grub pa'i 'bras bu de gdul bya rnams la stsol bas na don yod grub pa'o// rin tshon dbang zhes bya ba la gang gi phyir sems can thams cad lo dgyes shing byams pas na rin chen dbang ngo // 'od dpag med ces bya ba la 'od ni gsal ba ste/ mngon par mtho ba dang nges par legs pa'i bdag nyid do// de mtha' yas shing tshad med pas na dpag med do// sems dpa' zhes bya ba la/ sems can gyi don shin tu nus pa dang ldan pas na sems dpa' ste/ rdo rje sems dpa'o// de ltar bcom ldan 'das he ru ka de nyid de dang de'i rigs su dbye ba gnas pa shes par bya ste/ rigs thams cad kyi bdag po yin pa'i phyir ro// yang de rnams bzhin bdag lta zhes bya ba la sogs pa la/ yang sems can thams cad sangs