Wylie

e-texts produced with BDRC’s OCR application

ཀྱེའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ནག་པོ་ཞབས་ཀྱི་མཛད་པ་བཞུག་སོ།། ་རྒྱ་གར་སྐད་དུ། ཧེ་བཛྲ་ནཱ་མ་མུཧཱ་ཏནྟྲ་རཱ་ཛ་དུ་ཀལྤ་མཱ་ཡཱ་སྱ་པཉྩི་ཀ་སྨྲྀ་ཏི་ནི་བ་ད་ནཱ་མ། བོད་སྐད་དུ། རྒྱུད་ཀྱི་རྒྱལ་པོ་ཆེན་པོ་དགྱེས་པའི་རྡོ་རྗེ་ཞེས་བྱ་བ་སྒྱུ་མ་བརྟག་པ་གཉིས་པའི་དཀའ་འགྲེལ་དྷན་པའི་འབྱུང ་གནས་ཞེས་བྱ་བ། བཅོམ་ལྡན་འདས་དགྱེས་པའི་རྡོ་རྗེ་ལ་ཕྱག་འཚལ་ལོ།། རྡོ་རྗེ་སློབ་དཔོན་བླ་ཆེན་དང་།། ཧེ་རུ་ཀ་དཔལ་མགོན་བཏུང་དེ།། དགྱེས་པའི་རྡོ་རྗེའི་ཚིག་གོས་ལ་བྱེད།། ཅུང་ཟད་ཙམ་འདིར་དྲན་ཕྱིར་བྲི།། དང་པོར་རེ ་ཞིག་རྟོག་པ་དང་ལྡན་པ་རྣམས་གཞུགས་པའི་ཕྱིར་བརྗོད་པ་དང་། བརྗོད་པར་བྱ་བ་དང་། འབྲེལ་པ་དང་། དགོས་པ་དང་། དགོས་པའི་ཡང་དགོས་པ་རྣམས་བརྗོད་པར་བྱ་སྟེ། དེ་ལ་འདི་སྐད་བདག་གིས་ཞེས་བྱ་བ་ལ་སོགས ་པའི་གཞུང་གི་ཚོགས་ནི་བརྗོད་པའོ།། བཅོམ་ལྡན་འདས་དཔལ་ཧེ་རུ་ཀ་དང་བདག་མེད་མ་ལ་སོགས་པ་ནི་བརྗོད་པར་བྱ་བའོ།། དེ་དག་བརྗོད་པ་དང་བརྗོད་པར་བྱ་བའི་མཚན་ཉིད་དུ་གནས་པ་ནི་འབྲེལ་པའོ།། དཀྱིལ་འཁོར ་དུ་གཞུགས་པ་ལ་སོགས་པ་སྔོན་དུ་འགྲོ་བས་སྒྲིབ་པ་ཐམས་ཅད་ཡང་དག་པར་བཅོམ་ནས་བླ་ན་མེད་པའི་བདེ་བ་ཆེན་པོའི་རང་བཞིན་གྱི་སྐུ་གསུམ་ལྷུན་གྱིས་རྫོགས་པ་ནི་དགོས་པའོ།། འཁོར་བ་ན་གནས་པའི་སེམས་ཅན ་དཔག་ཏུ་མེད་པ་ཐམས་ཅད་ཀྱི་ཇི་ལྟར་འདོད་པ་བཞིན་དུ་མངོན་པར་མཐོ་བ་དང་ངེས་པར་ལེགས་པའི་དོན་ཕུན་སུམ་ཚོགས་པར་མཛད་པ་ནི་དགོས་པའི་ཡང་དགོས་པའོ།། དེ་ཡང་གཞན་དོན་ཕུན་ཚོགས་སངས་རྒྱས་ཀྱི།། ་འབྲས་བུའི་གཙོ་བོ་དམ་པ་བཞེད།། གཞན་དུ་སངས་རྒྱས་ལ་སོགས་མིན།། དེ་ཕྱིར་དེ་ནི་དེ་འབྲས་བརྗོད་ཅེས་གསུངས་སོ།། དང་པོར་ཡང་དག་པར་སྡུད་པར་བྱེད་པ་གང་ཞིག་གང་གི་ཚེ། གང་དུ་གང་ལས། ་གང་དང་ལྷན་ཅིག་ཏུ་ཞེས་བྱ་བའི་དོན་འདི་སྐད་ཅེས་བྱ་བ་ལ་སོགས་པ་སྨོས་ཏེ། འདི་སྐད་ཅེས་བྱ་བ་ནི་འོག་ནས་འབྱུང་བའི་རྒྱུད་ཀྱི་དོན་ཐམས་ཅད་ཀྱི་རང་བཞིན་ཏེ་ཐོས་པ་ཞེས་བྱ་བ་དང་འབྲེལ་ཏོ།། བདག་གིས་ཞེས་བྱ་བ་ནི་གཞན་དང ་གཞན་ལས་མ་ཡིན་པའོ།། ཐོས་པ་ཞེས་བྱ་བ་ནི་ཉོན་པའི་རྣམ་པར་ཤེས་པ་གཟུང་བ་ཡིན་གྱི་མངོན་སུམ་དུ་བྱས་པ་མ་ཡིན་པའོ།། དུས་གཅིག་ན་ཞེས་བྱ་བ་ནི་དུས་གཅིག་གི་ཚེ་ན་འདི་ཐོས་ལ་གཞན་དུ་གཞན་དག་ཐོས་པ་སྟེ། ་དེདེས་ནི་ཡང་དག་པར་སྡུད་པར་བྱེད་པ་ཐོས་པ་མང་བར་བསྟན་ཏོ།། བཅོམ་ལྡན་འདས་ཞེས་བྱ་བ་ནི་བྱང་ཆུབ་སེམས་ཀྱི་བདག་ཉིད་ཅན་ནོ།། གང་དུ་ཐོས་ཤེ་ན་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན ་མོའི་བྷ་ག་རྣམས་ལ་སྟེ། དེ་བཞིན་གཤེགས་པ་ཞེས་བྱ་བ་ནི་དཔག་ཏུ་མེད་པར་བསྟན་པའི་དེ་བཞིན་གཤེགས་པ་རྣམས་སོ།། སྐུ་དང་གསུང་དང་ཐུགས་ཞེས་བྱ་བ་ནི་སྐུ་རྡོ་རྗེ་ལ་སོགས་པའི་བྱེ་བྲག་གིས་རྣམ་པ་གསུམ་དུ་བསྟན ་པ་བྱང་ཆུབ་སེམས་དཔའ་རྣམས་སོ།། རྡོ་རྗེ་བཙུན་མོ་ཞེས་བྱ་བ་ནི་རྡོ་རྗེ་རྣལ་འབྱོར་མ་རྣམས་ཏེ། དེ་རྣམས་ཀྱི་བྷ་ག་ནི་ཡེ་ཤེས་ཀྱི་བདག་ཉིད་ཀྱི་ཁང་བུ་བརྩེགས་པའོ།། གང་ལས་ཐོས་ཤེ་ན་བཅོམ་ལྡན་འདས་དེ་ཉིད་ལས་ཏེ་ཆོས་ཐམ ་ཅད་རང་བཞིན་གཅིག་པ་རྡོ་རྡོ་རྗེ་ཅན་ལས་སོ།། གང་དང་ཞེ་ན་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་ཐམས་ཅད་དང་སྐུ་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་། བདག་མེད་མ་ལ་སོགས་པའི་རྣལ ་འབྱོར་མ་རྣམས་དང་ལྷན་ཅིག་ཏུའོ།། འདི་ནི་འཐད་པ་མ་ཡིན་ནོ།། ཇི་ལྟར་འཐད་པ་མ་ཡིན། དང་པོའི་ངག་ཇི་སྙེད་པ་འདི་དག་ནི་རྫོགས་པའི་སངས་རྒྱས་ཀྱིས་མངོན་དུ་བྱས་པ་མ་ཡིན་ནོ་ཞེ་ན། མ་ཡིན་ཏེ་འཆད་པ་པོ་ང་ཞེས་བྱ་བ་ལ་སོགས ་པའི་ཚིག་བཅོམ་ལྡན་འདས་ཉིད་ཀྱིས་རྒྱས་པར་བསྟན་པའི་ཕྱིར་རོ།། ཡང་བཅོམ་ལྡན་འདས་ནི་ཆོས་ཀྱི་འཁོར་ལོ་ཤིན་ཏུ་བསྐོར་ཏེ་མྱ་ངན་ལས་འདས་སོ་ཞེ་ན། མ་ཡིན་ཏེ་མྱི་གནས་པའི་མྱ་ངན་ལས་འདས་པ་ཉིད་ཀྱིས་བཅོམ་ལྡན་འ ་ནི་རྟག་ཏུ་འབྱུང་བ་སྟེ། སྐལ་པ་ཇི་ལྟ་བ་བཞིན་གཟུགས་སྣ་ཚོགས་དང་སྐད་སྣ་ཚོགས་ཀྱིས་ཆོས་སྟོན་པས་ན་ཐམས་ཅད་དུ་ཡོངས་སུ་མྱ་ངན་ལས་འདའ་བ་ནི་རུང་བ་མ་ཡིན་ནོ།། དེ་ཡང་སངས་རྒྱས་མྱ་ངན་མི་འདའ་ཞིང་།། ཆོས་ཀྱང ་ནུབ་པར་མི་འགྱུར་ཏེ། ཅེས་གསུངས་པ་ཡིན་ཏེ། འགའ་ཞིག་སྡུད་པ་པོར་བསྟན་པ་ཡིན་ནོ།། དགོངས་པ་འདིའི་དབང་གིས་ན་བཞུགས་སོ་ཞེས་གསུངས་ཏེ། གདུལ་བྱའི་བསམ་པ་རྣམ་པ་སྣ་ཚོགས་པའི་བྱེ་བྲག་གིས་སྤྱོད་ལམ ་བཞི་དང་ལྡན་པར་བཞུགས་པའོ།། འདི་སྐད་བདག་གིས་ཞེས་བྱ་བ་ལ་སོགས་པ་ལ་བཞུགས་སོ་ཞེས་བྱ་བ་ནི་རྣམ་པ་སྣ་ཚོགས་ཀྱི་རྫུ་འཕྲུལ་དང་། ཆོ་འཕྲུལ་དང་ལྡན་པར་བཞུགས་པའོ།། དེ་བཞིན་གཤེགས་པ་ཐམས་ཅད་ནི་རྣམ ་པར་སྣང་མཛད་ལ་སོགས་པ་སྟེ། དེ་རྣམས་ཀྱི་སྐུ་དང་གསུང་དང་ཐུགས་ནི་མི་ཕྱེད་པའི་ཕྱིར་རྡོ་རྗེའོ།། དེ་ཉིད་དུ་འདུལ་བའི་དབང་གིས་བཙུན་མོར་མཛད་པ་སྟེ། དེ་རྣམས་ཀྱི་བྷ་ག་ནི་བླ་མའི་ཡང་བླ་མའི་ཆོས་བསྟན ་པ་དང་རྗེས་སུ་མཐུན་པའི་ཁང་བུ་བརྩེགས་པའོ།། བཅོམ་ལྡན་འདས་ཞེས་བྱ་བ་ནི་སྔ་མ་བཞིན་དུ་སྦྱར་རོ།། འདི་ལ་བཅོམ་པ་ཡོད་པས་བཅོམ་ལྡན་འདས་ཏེ། དཔལ་དང་གྲགས་དང་ཡེ་ཤེས་དང་།། དབྱང་ཕྱུག་དང་ནི་གཟུགས ་བཟངས་དང་།། བརྩོན་འགྲུས་ཕུན་སུམ་ཚོགས་ལྡན་པ།། དྲུག་པོ་དག་ནི་བཅོམ་པར་ཐོབ་ཞེས་པའོ།། ཡང་ན་བཅོམ་པས་ན་བཅོམ་པ་སྟེ། བདུད་རྣམ་པ་བཞིའི་དགྲ་བཅོམ་པའི་ཕྱིར་རོ།། ཇི་སྐད་དུ། ཉོན་མོངས་ཤེས་རབ་ཀྱིས་སྤོང ་བས།། དེ་ཕྱིར་ཤེས་རབ་བཅོམ་པར་བརྗོད།། ཅེས་པའོ།། བཅོམ་ལྡན་ཁྱད་པར་ཇི་ལྟ་བུ་ཞིག་ཅེ་ན། འདི་སྐད་བདག་གིས་ཞེས་བྱ་བ་ཚངས་པའི་གནས་བཞི་ལས་ཐོས་པ་ཞེས་པ་རྫོགས་པ་སྟེ། གྲགས་པ་ལ་བརྟེན་ནས་མ་ནིང་གི ་རྟགས་སུ་བསྟུན་པ་ཡིན་ནོ།། དེ་སྐད་དུ། ཡང་སྒྲིབ་པ་གཉིས་ནི་ངེས་བཅོམ་པས།། རྣམ་པ་བཞི་པ་ཚངས་པའི་གནས།། སྐད་ཅིག་གཅིག་གི་དུས་སུ་ནི།། བཅོམ་ལྡན་འདས་ཀྱིས་མངོན་དུ་མཛད་ཞེས་གསུངས་པ་སྟེ། ཚད་མེད་པའི ་རང་བཞིན་འདི་རྣམས་ཀྱིས་རྒྱུད་ཐམས་ཅད་ལ་ལྷག་པར་གནས་ནས་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་ཀུན་ཏུ་ཆུབ་པ་མངོན་སུམ་དུ་མཛད་པའོ་ཞེས་འདིར་གཞན་ངག་ཟེར་རོ།། ཡང་འདི་སྐད་ཅེས་བྱ་བ་ནི་མཚན་སུམ་ཅུ་རྩ ་གཉིས་དང་ལྡན་པའི་སྟོན་པ་དཔེ་བྱུང་བརྒྱད་ཅུ་མངའ་བའི་གཙོ་བོའོ།། བདག་གིས་ཞེས་བྱ་བ་ནི་འདོད་ཆགས་ཀྱི་སེམས་ཀྱིས་སོ།། ཐོས་པ་ནི་བསྟན་པའོ།། དུས་གཅིག་ནུ་ཞེས་བྱ་བ་ནི་དུས་གཅིག་གི་ཚེ་ནའོ།། བཅོམ་ལྡན་འདས་ཞེས ་བྱ་བ་ནི་ཀུན་རྫོབ་ཀྱི་བྱང་ཆུབ་ཀྱི་སེམས་ཀུན་ད་ལྟ་བུར་སྣང་བའོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ནི་འདི་རྣམས་ཏེ། དེ་རྣམས་ཉིད་རྣམ་པར་མི་རྟོག་པའི་ཏིང་ངེ་འཛིན་གྱི་ཚུལ་དེས་རྡོ་རྗེ་ཡིན་ལ་ཡང་དེ་ཉིད ་འདོད་ཆགས་ཆེན་པོས་འདུལ་བ་རྣམས་ཀྱི་དབང་གིས་བཙུན་མོའོ།། དེའི་བྷ་ག་ནི་ཨེའི་རྣམ་པ་ཅན་དེ་ཁང་བུ་བརྩེགས་པ་དེར་གནས་པའོ།། བཞུགས་སོ་ཞེས་བྱ་བ་ནི་འདོད་ཆགས་ཆེན་པོས་འདུལ་བ་རྣམས་ལ་ཕན་པར་བྱ་བའི་ཕྱིར་གན ་པར་མཛད་པའོ།། དེ་ཡང་གསུངས་པ། སྟོན་པ་སུམ་ཅུ་རྩ་གཉིས་མཚན།། དཔེ་བྱད་བརྒྱད་ཅུ་མངའ་བའི་གཙོ།། བཙུན་མོའི་བྷ་ག་བཱང་ཆེན་དུ།། ཁུ་བའི་རྣམ་པ་ཡོང་དག་གནས།། དེ་མ་རྟོགས་པར་བདེ་ཡོད་མིན།། བདེ་སྦྱངས་དངོས་མེད ་པར་དེ་མིན་ཞེས་གཞན་དག་ཟེར་རོ།། ཡང་འདི་སྐད་ཅེས་བྱ་བ་ནི་ཆོས་ཀྱི་སྐུའོ།། བདག་གིས་ཞེས་བྱ་བ་ནི་ལོངས་སྤྱོད་རྫོགས་པའི་སྐུའོ།། ཐོས་པ་ཞེས་བྱ་བ་ནི་སྤྲུལ་པའི་སྐུའོ།། དུས་གཅིག་ན་ཞེས་བྱ་བ་ནི་ལྷན་ཅིག་སྐྱེས་པའི་འབྱུང་བ་ལའོ།། ། ་བཅོམ་ལྡན་འདས་ཞེས་བྱ་བ་ནི་སྐུ་གསུམ་དབྱེར་མེད་པའི་བདེ་བ་ཆེན་པོའི་རང་བཞིན་ནོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བཙུན་མོའི་བྷ་ག་ལ་བཞུགས་སོ་ཞེས་བྱ་བ་ནི་གནས་པ་དང་ལྡན་པའོ།། དེ ་ཡང་གསུངས་པ། རྡོ་རྗེ་བཙུན་མོ་དམ་པ་ཡ~ཾ།། བྷ་གཱ་ཨེ་ཡི་རང་བཞིན་ཅན།། སངས་རྒྱས་རིན་ཆེན་ཟ་མ་ཏོག། བདེ་བ་ཅན་དུ་ང་བཞུགས་སོ།། འཆང་བ་པོ་ང་ཆོས་ཀྱང་ང།། རང་གི་ཚོགས་ལྡན་ཉན་པ་བ་ཞེས་བྱའོ།། འཆང ་པ་པོ་ང་ཞེས་བྱ་བ་ནི་ལོངས་སྤྱོད་རྫོགས་པའི་སྐུས་སོ།། ཆོས་ཀྱང་ང་ཞེས་བྱ་བ་ནི་ཆོས་ཀྱི་སྐུའི་ཚུལ་གྱིས་རྟོགས་པར་བྱ་བའི་ཆོས་ཀྱི་རང་བཞིན་ནོ།། རང་གི་ཚོགས་ལྡན་ཉན་པ་ང་ཞེས་བྱ་བ་ནི་སྤྲུལ་པའི་སྐུས་སོ།། འདིར་བསྡུས་པའི་དོན་ནི ་འདི་ཡིན་ཏེ་ཆོས་ཀྱི་འབྱུང་གནས་ཀྱི་ཁང་བུ་བརྩེགས་པའི་བདག་ཉིད་ལ་བཅོམ་ལྡན་འདས་སྐུ་གསུམ་གྱི་བདག་ཉིད་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་དང་། རྣལ་འབྱོར་མ་རྣམས་ཀྱི་སེམས་ལ་ཀུན་ཏུ་འཁོར ་བ་ཇི་སྲིད་པར་དེའི་བདག་ཉིད་ཀྱི་གནས་པ་དང་ལྡན་པ་སྟེ། གང་རྒྱུར་གྱུར་པའི་བྱང་ཆུབ་སེམས་དཔའ་ནི་ཆོས་ཀྱི་སྐུའོ།། དཀྱིལ་འཁོར་བ་དང་བཅས་པའི་དཀྱིལ་འཁོར་གྱི་བདག་པོ་རྡོ་རྗེ་འཛིན་པ་ཆེན་པོ་ལོངས་སྤྱོད་རྫོགས་པའི་སྐུའོ།། གང་ཡང ་ཚུལ་སྣ་ཚོགས་ཀྱིས་ཕྱོགས་བཅུར་འགྲོ་བའི་དོན་བྱེད་པ་དེ་རྣམས་སྤྲུལ་པའི་སྐུའི་རང་བཞིན་ནོ།། དེ་ཡང་གསུངས་པ། རྡོ་རྗེ་ཆོས་དང་སངས་རྒྱས་དང་།། རྣལ་འབྱོར་མ་དང་མ་མོ་རྣམས།། ཤེས་བྱ་བ་ལ་འདིའི་དོནི་རྡོ་རྗེ་ཆོས་ཤེས་བྱ་བ་ནི་ཆོས་ཀྱི ་སྐུའོ།། དེ་བཞིན་དུ་སངས་རྒྱས་ཤེས་བྱ་བ་ནི་ལོངས་སྤྱོང་རྫོགས་པའི་སྐུའོ།། མ་མོ་རྣམས་ཅེས་བྱ་བ་ནི་སྤྲུལ་པའི་སྐུའོ་ཞེས་བྱ་བ་སྟེ། འདི་སྐད་ཅེས་བྱ་བ་ལ་སོགས་པའི་ཚིག་གཅིག་ནས་གཅིག་ཏུ་བརྒྱུད་པའི་མན་ངག་གི་རིམ་པར་བཤད་པའོ།། ། ་དེ་ལ་བཅོམ་ལྡན་འདས་ཀྱིས་ཞེས་བྱ་བ་ལ་སོགས་པ་ལ། འོ་ན་མ་ཞུགས་པར་བཅོམ་ལྡན་འདས་ཀྱིས་བཀའ་སྩལ་པ། ཞེས་བྱ་བའི་ཉེ་བར་དགོད་པ་ཅིའི་ཕྱིར་མཛད་ཅེས་ཟེར་བ་དེ་ལ་གཞན་དག་ན་རེ་དགྱེས་པའི་རྡོ་རྗེ་བརྟག་པ་སུམ་ཅུ་རྩ ་གཉིས་ཀྱི་ནང་ནས་བརྟག་པ་གཉིས་པ་འདི་ཕྱུང་བའི་ཕྱིར་ཏེ། དེར་དང་པོ་འཁོར་གྱིས་ཞུས་པ་ལ་སོགས་པ་གསུངས་པས་ན་འདི་ཐམས་ཅད་ལེགས་པར་གནས་པའོ་ཞེས་ཟེར་ན། དེ་དག་ནི་འཐད་པ་མ་ཡིན་ཏེ། འདི་སྐད་ཅེས་བྱ་བ་ལ་སོགས ་པ་དང་པོའི་ཚིག་གི་བདག་ཉིད་ཀྱིས་བཤད་པའི་ཕྱིར་དང་། མཁའ་འགྲོ་མ་རྡོ་རྗེ་དྲ་བ་ལས་ཀྱང་། རྡོ་རྗེ་སྙིང་པོ་མངོན་པར་བྱང་ཆུབ་པའི་བརྟག་པའི་བདག་ཉིད་དུ་བསྟན་པའི་ཕྱིར་རོ།། ཡང་བཅོམ་ལྡན་འདས་ནི་སྔགས་ཀྱི་སྐུ་རྟག་ཏུ་འབད་པ་མེད ་པར་གཞན་གྱི་དོན་ལ་འཇུག་པ་སྟེ། དེས་འདུལ་བྱའི་སྐྱེ་བོའི་རྒྱུད་ལ་བདག་ཉིད་ཀྱི་སྐལ་བ་ཇི་ལྟ་བ་བཞིན་དུ་རབ་ཏུ་སྟོན་པར་མཛད་པ་ཡིན་ན་ཞུ་བ་པོ་ལ་སོགས་པ་རྣམས་ཀྱིས་འདིར་ཅི་ཞིག་བྱ། ཡང་གསུངས་པ། ཀྱེ་ཀྱེ་རྡོ་རྗེ་མཁའ་འགྲོ་མ།། ་ཡིས་གསང་བྱས་དེ་ཉིད་གང་།། རྡོ་རྗེ་མཆོད་པའི་བྱིན་རླབས་ཀྱིས།། འདོད་པར་བཤད་པར་བྱ་ཡིས་ཉོན་ཞེས་པའོ།། དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པ་ལ་དེ་བཞིན་གཤེགས་པ་ཐམས་ཅད་ནི་ནམ་མཁའ་དང་མཉམ ་པར་བཤད་པོ་རྣམས་སོ།། དེ་རྣམས་ཀྱི་སྐུ་དང་ཕྱོགས་རྡོ་རྗེ་ཡིན་པ་དེ་ནི་རྣམ་པར་མི་རྟོག་པས་ན་སྙིང་པོའོ།། ཇི་ལྟ་བུ་ཞིག་ཅེ་ན། རྗེ་བཅུར་ད་གུས་པ་རྣམས་སྒྲོལ་བའི་ཕྱིར་རོ།། གསང་བ་ལས་མཆོག་ཏུ་ཞེས་བྱ་བ་ལ་གསང་བ་ནི་རྡོ་རྗེ་རྣམ ་འབྱོར་མ་རྣམས་ཏེ། ཉན་ཐོས་ལ་སོགས་པ་རྣམས་ལ་ཡང་ཤིན་ཏུའང་སྦས་པའི་ཕྱིར་རོ།། དེ་ལས་ཀྱང་མཆོག་ཏུ་གསང་བར་གྱུར་པ་ནི་ཆོས་ཀྱི་སྐུའི་རང་བཞིན་གྱི་དཔལ་ཧེ་རུ་ཀའི་བདག་ཉིད་དེ། གཞན་གྱི་དོན་གྱི ་ཐབས་ཉིད་ཀྱི་ཕྱིར་སྙིང་པོ་ཞེས་བྱའོ།། དགྱེས་པའི་རྡོ་རྗེ་ཞེས་བྱ་བ་ནི་མི་དམིགས་པའི་སྙིང་རྗེ་དང་ཤེས་རབ་ཀྱི་རང་བཞིན་ཏེ་དེ་ཉོན་ཅིག་པའོ།། སུ་ཞེ་ན་རྡོ་རྗེ་སེམས་དཔའ་ཞེས་བྱ་བ་ལ་སོགས་པའོ།། ཚིག་འདི་དག་ཞུ་བ་སྟོན་དུ་སོང་བས་བཤད ་པ་ཡིན་ཏེ། མི་ཕྱེད་པ་ནི་ཞེས་བྱ་བ་ལ་སོགས་པ་ལ་རྡོ་རྗེ་ནི་སེམས་སོ།། སྲིད་གསུམ་གཅིག་འགྱུར་ཞེས་བྱ་བ་ནི་རྣམ་པར་མི་རྟོག་པ་ཉིད་ཀྱིས་སོ།། ཤེས་རབ་ཅེས་བྱ་བ་ནི་ཕྱག་རྒྱའོ།། རིགས་པ་ཞེས་བྱ་བར་སྦྱར་བ་སྟེ་སྙོམས་པར་འཇུག་པ་ཞེ ་བྱ་བའི་བར་དུའོ།། འདི་ཞེས་བྱ་བ་བློ་ལ་གནས་པས་སོ།། ཡང་ན་འདིས་ཞེས་བྱ་བ་ནི་མི་དམིགས་པའོ།། ཤེས་རབ་ལ་རིགས་པ་ཞེས་བྱ་བ་ནི་སྙིང་རྗེ་དང་སྦྱོར་བ་སྟེ། དེས་ནི་ཆོས་ཀྱི་སྐུ་བསྟན་པར་འགྱུར་རོ།། ཡེ་ཤེས་ཆེན་པོ་ཞེས་བྱ་བ་ལ ་སོགས་པ་ལ་ཡེ་ཤེས་ནི་ཐབས་དང་ཤེས་རབ་ཀྱི་བདག་ཉིད་དོ།། བསོད་ནམོས་དང་ཡེ་ཤེས་མཐར་ཕྱིན་པ་དང་ལྡན་པའི་རྒྱུད་ཀྱི་མཐར་ལྡོག་པ་རྣམས་ཀྱིས་མངོན་པར་བྱང་ཆུབ་པ་ཐོབ་པ་རྣམས། མྱུར་དུ་མངོན་པར་བྱང་ཆུབ་པར་རྫོགས ་པར་བྱེད་པའི་ཕྱིར་ཆེན་པོ་སྟེ། དེའི་རོ་ནི་བླ་ན་མེད་པའི་བདེ་བ་ཆེན་པོ་ཡིན་ལ་དེས་གང་བའོ།། དེས་ནི་ལོངས་སྤྱོད་རྫོགས་པའི་སྐུ་བསྟན་ཏོ།། རྟག་ཏུ་ཞེས་བྱ་བ་ལ་སོགས་པ་ལ། རྟག་ཏུ་ནི་དུས་ཐམས་ཅད་དུའོ།། དམ་ཚིག་ནི་གདུལ་བྱ་རྣམ་སོ།། ། ་དེ་རྣམས་ཀྱི་འཇིག་རྟེན་དང་འཇིག་རྟེན་ལས་འདས་པ་དོན་ཅིག་ཅར་རྫོགས་པར་མཛད་པའི་ཕྱིར་འཇུག་པ་སྟེ་སྤྲུལ་པའི་སྐུ་མདོར་བསྡུས་ནས་བསྟན་པའོ།། དགྱེས་པ་ཞེས་བྱ་བ་ལ་སོགས་པ་ལ་སྙིང་རྗེ་ནི་ཀཱ་རུ་ཎཱ་སྟེ། དྭེ་ལ་ཀ་ནི་བདེ་བའོ།། ་རུ་ནི་འཛིན་པའོ།། མཁའ་དང་འགྲོ་བ་སྐྱེ་གནས་ཀྱི་རྣམ་པ་ཐ་དད་པ་རྣམས་སམ། ཡང་མཛའ་ཤེས་དང་དགྲ་དང་། བར་མར་གྱུར་པའི་སེམས་ཅན་ཐམས་ཅད་ལ་མི་དམིགས་ཤིང་ལན་དུ་ཕན་འདོགས་པའི་རེ་བ་མེད་པར་མཉམ་པར ་འཇུག་པས་བདག་ཉིད་ཆེ་བའི་ཕྱིར་འདི་ནི་ཆེན་པོའོ།། ཤེས་རབ་ཅེས་བྱ་བ་ནི་ཀུན་ཏུ་ཕྱིན་ཅི་མ་ལོག་པའི་བདག་ཉིད་ཅན་ནོ།། དེ་སྟོན་པར་བྱེད་པ་ལ་ཡང་མིང་དེ་སྐད་ཅེས་བྱ་སྟེ། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་ལ ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་འབྱུང་བ་ལྟ་བུའོ།། ཤེས་རབ་དང་ཐབས་ཀྱི་བདག་ཉིད་ཅན་ནི་རྒྱུད་དོ།། ལྷ་སྟངལ་ཤེས་བྱ་བ~ཾ་ལ་སོགས་པ་ལ་ལྟ་སྟངས་ནི་ལྟུང་བ་ལ་སོགས་པའོ།། དགུག་པ་ནི་དྲང་བའོ།། བརྡ་ཆེན་པོ་ནི ་རྣལ་འབྱོར་མ་རྣམས་ཀྱིས་ལུས་དང་། ངག་གི་ཐ་སྙད་དུ་བྱས་པའོ།། མཐུ་ནི་ནུས་པའོ།། གཞན་ངག་ནི་གོ་སླ་པ་ཁོ་ནའོ།། རྣལ་འབྱོར་མའི་ཞེས་བྱ་བ་ལ་སོགས་པ་ལ་ཇི་ལྟར་ཚུལ་ཞེས་བྱ་བ་ནི་ཇི་ལྟ་བའི་ཆོ་གའོ།། དེ་བཞིན་གཤེ ་པ་ཐམས་ཅད་བཞུགས་པ་སྔོན་འགྲོ་བའི་ས་བོན་ཡོངས་སུ་གྱུར་པའི་ས་བོན་ནི་སྐྱེ་བའི་རྒྱུ་ཡིན་ལ། དེ་སེམས་ཅན་ཐམས་ཅད་ཀྱི་སྡུག་བསྔལ་བསལ་བར་བྱ་བའི་ཕྱིར་སྙིང་རྗེ་སྤྲོ་བར་བྱེད་པའི་ས་བོན་སྙིང་གར་གནས་པ་ནི་གརྦྷ ་བའི་རྒྱུའོ།། ཡང་མཐུ་ཞེས་བྱ་བ་ནི་རྫུ་འཕྲུལ་ལོ།། ཡེ་ཤེས་ནི་དེ་ཁོ་ན་ཉིད་དོ།། རྣམ་པར་ཤེས་པ་ནི་རྡོ་རྗེ་གཙུག་ལག་ལ་སོགས་པའོ།། ལྷ་རྣམས་ཞེས་བྱ་བ་ནི་ཧེ་རུ་ཀའི་གཟུགས་སོ།། ཇི་ལྟར་འབྱུང་ཞེས ་བྱ་བ་ནི་སྔར་བཤད་པ་བཞིན་དུ་བསྐྱེད་པར་བྱ་བའོ།། དང་པོར་ཞེས་བྱ་བ་ལ་སོགས་པ་ལ་གཅིག་ཞེས་བྱ་བ་ནི་རྡོ་རྗེ་སེམས་དཔའི་གཟུགས་ཏེ། ཐོག་མར་མངོན་པར་བྱང་ཆུབ་པ་ལྔའི་བདག་ཉིད་ཅན་ནོ།། ཧེ་རུ་ཀའི་བསྐྱེད་པའི་རྒྱུ་ཞེས་བྱ་བ ་ནི་ཉེ་བར་མཚོན་པ་སྟེ། རྣལ་འབྱོར་མ་རྣམས་ཀྱི་རྒྱུའི་བྱེད་པ་ཡང་ཡིན་ནོ།། དངོས་པོ་ཉིད་ཀྱིས་ཞེས་བྱ་བ་ལ་སོགས་པ་ལ་ཐ་མལ་པའི་མི་མཐུན་པའི་ཕྱོགས་སུ་གྱུར་པ་བླ་ན་མེད་པའི་བྱང་ཆུབ་ཀྱི་རང་བཞིན་གདུལ་བྱའི་སྐྱེ་བོ་རྣམས་ཀྱིས ་མངོན་པར་དད་པའི་སྐུ་དཔལ་ཧེ་རུ་ཀའི་གཟུགས་ནི་དངོས་པོ་སྟེ།། དེས་གྲོལ་བར་འགྱུར་བའོ།། དངོས་པོའི་འཆིང་བས་བཅིངས་པའོ།། ཞེས་བྱ་བ་ལ་དངོས་པོ་ནི་ཕུང་པོ་ལ་སོགས་པ་ཕྱིན་ཅི་ལོག་པ་རྣམས་སོ།། དེ་ཉིད་ནི་འཆང་བ་སྟེ། དེས ་བཅིངས་པའོ་ཞེས་བྱ་བའི་དོན་ཏོ།། དེ་ཡོངས་ཤེས་ན་གྲོལ་བར་འགྱུར། ཞེས་བྱ་བ་ལ། དེ་སྟེ་དངོས་པོ་ཡོངས་སུ་ཤེས་པ་སྟེ་གཟུང་བ་དང་འཛིན་པ་ལས་ཡང་དག་པར་གྲོལ་བར་ཡོངས་སུ་ཤེས་པ་དེས་གྲོལ་བར་འགྱུར་ཏེ། ཕྱིར་དངོས ་པོ་འཆིང་བ་ཡིན་ཞེ་ན། གང་གི་ཕྱིར་འཁོར་བའི་དངོས་པོ་ཉིད་མྱ་ངན་ལས་འདས་པའི་རྒྱུ་ཡིན་པའི་ཕྱིར་རོ།། དེ་བས་ནི་དངོས་པོ་བསྒོམ་པར་བྱ་ཞེས་བྱ་བ་ཐབས་དང་ཤེས་རབ་ཀྱི་རང་བཞིན་གྱིས་ལྷའི་རྣམ་པ་ནི་དངོས་པོའོ།། བསྒོམ་པར ་བྱ་ཞེས་བྱ་བ་ནི་རྣམ་པར་གོམས་པར་བྱ་བའོ།། དངོས་པོ་མེད་པའང་ཡོངས་ཤེས་བྱ་ཞེས་བྱ་བ་ལ་བླ་ན་མེད་པའི་བདེ་བ་ཆེན་པོའི་རང་བཞིན་ནི་དངོས་པོ་མེད་པ་སྟེ། གཉིས་པོ་མེད་པའི་རང་བཞིན་ཡིན་པའི་ཕྱིར་རོ།། འདི་ཉིད་ནི་རང་གིས་རིག ་པའི་ཚུལ་གྱིས་རྟོགས་པར་བྱའོ་ཞེས་བྱ་བའི་དོན་ཏོ།། དེ་བཞིན་ཧེ་རུ་ཀ་ཞེས་བྱ་བ་ལ་དངོས་པོ་ཐམས་ཅད་ཀྱི་རང་བཞིན་དང་རང་གི་ལུས་དང་ངག་དང་སེམས་གཉིས་སུ་མེད་པར་བསྒོམ་པར་བྱ་བའི་དོན་ཏོ།། དངོས་མེད་པ་ནི་ཡོངས་ཤེས་སོ་ཞེས ་བྱ་བ་ལ་དངོས་པོ་ཉིད་རྣམ་པར་མི་རྟོག་པར་བསྒོམས་ན་དངོས་པོ་མེད་པར་གསུངས་སོ།། དེ་ཡང་གསུངས་པ། ཁ་དོག་དངོས་པོར་ལྷུང་འགྱུར་ཏེ།། དངོས་མེད་པས་ཀྱང་དེ་བཞིན་ནོ།། དངོས་པོ་ཤེས་ནས་ཡོངས་གྲོལ་ཏེ།། དངོས་མེད་པས་ཀྱང ་དེ་བཞིན་ནོ་ཞེས་བྱ་བའོ།། ལུས་ལ་གནས་པ་ཞེས་བྱ་བ་ལ་སོགས་པ་ལ། ལུས་ལ་གནས་པ་ནི་དམིགས་པ་དང་བཅས་པ་སྟེ། དེ་བཞིན་གཤེགས་པའི་དབུགས་དབྱུང་བར་གྱུར་པའོ།། ཡེ་ཤེས་ཚ་ཞེས་བྱ་བ་ནི་དམིགས་པ་སྟེ། རྡོ་རྗེ་འཛིན ་པ་ཆེན་པོས་དབུགས་དབྱུང་བའི་རང་བཞིན་ནོ།། རྣམ་རྟོག་ཐམས་ཅད་སྤངས་པ་སྟེ་ཞེས་བྱ་བ་ནི་རྣམ་པར་མི་རྟོག་པའི་ཏིང་ངེ་འཛིན་གྱི་ཚུལ་གྱིས་སོ།། དངོས་པོ་ཐམས་ཅད་ཁྱབ་པའི་བདག་ཞེས་བྱ་བ་ནི་འགྲོ་བ་ཐམས་ཅད་ཀྱི་དོན་བྱེད་པའི་ཚུལ ་གྱིས་སོ།། ལུས་གནས་ཀྱང་ཞེས་བྱ་བ་ནི་ཆོས་དང་ལོངས་སྤྱོད་རྫོགས་པ་དང་། སྤྲུལ་པའི་སྐུ་ལ་གནས་ཀྱང་ངོ་།། ལུས་ཀྱིས་མི་བསྐྱེད་ཅེས་བྱ་བ་ནི་དེ་ལས་ལྷག་པར་གྱུར་པ་གཞན་མེད་པའི་ཕྱིར་རོ།། ཡང་ན་ལུས་ལ་གནས་ཞེས་བྱ་བ ་ནི་རྒྱ་ཆེ་བའི་རང་བཞིན་ཏེ་ལོངས་སྤྱོད་རྫོགས་པ་དང་སྤྲུལ་པའི་མཚན་ཉིད་དོ།། ཡེ་ཤེས་ཆེ་ཞེས་བྱ་བ་ནི་མི་དམིགས་པའི་ཐབས་དང་ཤེས་རབ་ཀྱི་བདག་ཉིད་དོ།། རྣམ་རྟོག་ཐམས་ཅད་སྤངས་པ་སྟེ། ཞེས་བྱ་བ་ནི་རྣམ་པར་རྟོག ་པའི་རང་བཞིན་མ་ལུས་པར་ནུབ་པས་སོ།། དངོས་པོ་ཐམས་ཅད་ཁྱབ་པའི་བདག་ཅེས་བྱ་བ་ནི་ཐོགས་པ་མེད་ཅིང་མི་མཉམ་པ་དང་། མཉམ་པར་གྱུར་པ་ཉིད་ཀྱི་ནམ་མཁའ་ལྟ་བུ་སྟེ་ཆོས་ཐམས་ཅད་ཁྱབ་ཅིང་མཆོག་ཏུ་ཟབ་པའི་བདག་ཉིད་ཀྱི ་ཆོས་སྐུའོ།། ལུས་གནས་ཀྱང་ཞེས་བྱ་བ་ནི་ལུས་ཀྱིས་རྣམ་པར་སྣང་ཡང་ངོ་།། ལུས་ཀྱིས་མི་བསྐྱེད་ཅེས་བྱ་བ་ནི་ལུས་སུ་གྲུབ་པ་མེད་པ་སྟེ། སྟོན་པ་ནི་གདུལ་བྱ་བ་རྣམས་ལ་སྐལ་པ་ཇི་ལྟ་བ་བཞིན་དུ་དེ་དང་དེའི་གཟུགས་སུ་སྣང་ཡང་དེ་དེ ་བཞིན་དུ་མ་ཡིན་ནོ།། མི་ཕྱེད་མ་ཞེས་བྱ་བ་ལ་སོགས་པ་ལ། རྡོ་རྗེ་གསུམ་པོ་དབྱེར་མེད་ཕྱིར།། མི་ཕྱེད་མ་ཞེས་དེ་རབ་གྲགས།། སྐྲ་རྩེ་ལ་སོགས་དབྱེ་བ་ཡིས།། དེ་ནི་ཕྲ་བར་རབ་ཏུ་བཤད།། བེམས་པོས་བཅིངས་པ་ཉིད་ཀྱི་ཕྱིར།། དེ་ཉིད ་གཟུགས་མར་ཡང་དག་བསྟན།། གང་ཕྱིར་ལུས་ལས་བྱུང་བས་ན།། དེ་ནི་བཟང་མོར་རབ་ཏུ་བསྟན།། གཡོན་གྱིས་གང་ཞིག་འཁོར་བ་ནི།། གཡོན་པ་མ་ཞེས་བརྗོད་པ་ཡིན།། ལྷ་མོ་གང་ཞིང་རྟག་ཏུ་ཟླུམ།། གཡོ་ལྡན་མོ་ཞེས་དེ ་བརྗོད།། གང་ཞིག་རུ་སྦལ་རྣམ་པ་ལྟར།། སྐྱེས་པ་རུ་སྦལ་སྐྱེ་བར་གསུངས།། དངོས་ལ་དངོས་པོ་གང་གནས་པ།། དེ་འདིར་དངོས་པོ་མི་བརྗོད་དོ།། གང་ཕྱིར་ཀུན་ཏུ་འཁྲུ་བས་ན།། མཁས་པས་དབང་བསྐུར་མ་ཞེས་བསྒྲེགས།། ཉོན་མོ ་སུན་འབྱིན་བྱིན་པའི་ཕྱིར།། ཉེས་པ་མ་ཞེས་རབ་ཏུ་བསྟན།། གང་ཞིག་ལུས་ལ་འདེབས་བྱེད་པ།། དེས་དེ་འདེབས་མར་རབ་ཏུ་གསུངས།། མ་དང་རྗེས་སུ་མཐུན་པའི་ཕྱིར།། རྟག་ཏུ་མ་མོ་ཞེས་བྱར་བཞེད།། གང་ཕྱིར་ཀུན་ཏུ་འགྲོ་བན།། ཐཾད་མ་ཞེ་ཡང་དག་བསྟན ་བསིལ་བ་སྟེར་བས་བསིལ་སྟེར་མ།། ཚ་བ་སྟེར་ཕྱིར་དྲོད་མ་ཡིན།། ཆོ་ག་ཤེས་མེད་པོའི་རང་བཞིན་ཕྱིར།། བུད་མེད་ཞེས་བྱར་རབ་ཏུ་གྲགས།། རང་བཞིན་མེད་པའི་ཚུལ་གྱིས་ནི།། སྡིག་སེལ་མ་ནི་ཞེས་བསྟན་ཏོ།། རོ་རྣམས་ཐམས་ཅད ་སྟེར་བའི་ཕྱིར།། རོ་བཅུད་མ་ཞེས་དེ་བཞིན་བརྗོད།། ཟླ་བ་ལྟ་བུར་གཟུགས་ཅན་གང་།། མཁས་པས་ཚད་མ་ཞེས་བྱར་བསྟན།། མུན་ནག་ཐིབས་པོའི་ཚུལ་གྱིས་ནི།། མདོག་སྔོན་མ་ཞེས་རབ་ཏུ་བསྟན།། སེམས་ནི་མཉམ་པར་སྦྱོར་བས་ན།། ཐུན ་མོང་མ་ཞེས་རབ་ཏུ་བརྗོད།། གང་ཚེ་རྒྱུ་ཀུན་རབ་སྟེར་བས།། དེ་ལ་རྒྱུ་རབ་སྦྱིན་མར་བརྗོད།། སྡུག་བསྔལ་རྒྱུ་དང་བྲལ་བས་ན།། དེ་འདིར་བྲལ་མར་རབ་ཏུ་གསུངས།། ཆགས་པས་རྗེས་སུ་བཅིངས་ཚུལ་གྱིས།། བྱམས་མ་ཞེས་བྱར་རབ་ཏུ་བསྟན ་ཡིད་འོང་འདོད་པ་གྲུབ་པའི་ཕྱིར།། གྲུབ་མ་ཞེས་བྱར་རབ་ཏུ་གྲགས།། མོ་ཡི་ཁམས་ཀྱི་རང་བཞིན་ཕྱིར།། བྱིན་ཟ་མ་ཞེས་རབ་ཏུ་བསྟན།། ཆུ་ཡི་ཁམས་ཀྱི་རང་བཞིན་པས།། ཤིན་ཏུ་ཡིད་འོང་མ་ཞེས་བརྗོད།། རྣམ་པ་གསུམ་དུ་གང ་བསྐོར་བ།། གསུམ་བསྐོར་བ་ཞེས་བྱ་བར་བསྟན།། འདོད་པ་ཀུན་དང་ལྡན་པའི་ཕྱིར།། རླུང་གི་འདོད་མ་ཞེས་བྱར་འདོད།། ཁྱིམ་གྱི་བདག་པར་བརྗོད་པ་ཡིན།། ཁྱིམ་པ་ཞེས་ནི་དེ་ནས་བསྟན།། གཏུམ་པའི་ལས་ལ་གནས་ལྷ་མོ།། དེ་ན ་གཏུམ་མོ་ཞེས་བྱར་བསྟན།། གཞོན་ཞིང་གཡོན་ཉིད་ཀྱི་ཕྱིར།། བདུད་ཀྱི་བུ་མོ་ཉིད་དུ་འདོད།། འདི་རྣམས་ཉིད་བརྟག་པ་གཉིས་པའི་ལེའུ་བཞི་པ་ལས། གཉིས་གཉིས་རྩ་ལ་ལྷ་མོ་ནི།། རིམ་པ་བཞིན་དུ་རེ་རེ་དགོད།། ཞེས ་བྱ་བ་འདིས་སོ་སོར་བསྟན་པ་ཡིན་ནོ།། དངོས་པོ་གསུམ་ནི་ཡོངས་སུ་འགྱུར་ཞེས་བྱ་བ་ནི་སྐུ་དང་གསུང་དང་ཐུགས་ཀྱི་རང་བཞིན་ཐོབ་པས་སོ།། གཟུང་དང་འཛིན་པ་སྤངས་པའོ་ཞེས་བྱ་བ་དོན་དམ་པའི་ཚུལ་གྱིས་སོ།། ཡང་ན་ཞེས་བྱ། ་བབ་ལ་སོགས་པ་ལ་ཡང་ན་ཐམས་ཅད་ཅེས་བྱ་བ་ནི་འདི་དག་གོ། ལྷག་པར་གནས་པའི་སེམས་དང་བཅས་པས་དངོས་པོའི་མཚན་ཉིད་དེ། བདེ་བའི་རྒྱུར་བརྟགས་པ་རྟོགས་པའི་བློའི་སྤྱོད་ཡུལ་དུ་གྱུར་པའོ།། སྡོམ་པའི་དབྱེ་བ་བཤད ་པར་བྱ་བ་ལ་ལྟ་བ་ངན་པ་ཐམས་ཅད་ལས་སྡོམ་པས་ན་སྡོམ་པའོ།། དབྱེ་བ་ནི་ཁྱད་པར་དུ་གྱུར་པ་སྟེ། དེ་ཉིད་ཉན་ཐོས་ལ་སོགས་པའི་ལམ་ལས་འཕགས་པའོ།། ཨཱ་ལི་ཀཱ་ལི་ཞེས་བྱ་བ་ནི་མ་ལུས་པའི་ཡོན་ཏན་དྷོགས་པར་བྱེད་པ་སྟེ་དབྱུང ་དང་གསལ་བྱེད་ཀྱི་ཚོགས་སོ།། ཤེས་རབ་ཅེས་བྱ་བ་ནི་སྤྲོས་པ་ཐམས་ཅད་ངོ་བོ་ཉིད་མེད་པའི་རང་བཞིན་དུ་རྟོགས་པའོ།། ཐབས་ཞེས་བྱ་བ་ནི་སྙིང་རྗེ་ཆེན་པོའོ།། ཆོས་དང་ལོངས་སྤྱོད་དང་སྤྲུལ་པ་ཞེས་བྱ་བ་ནི་དེ་དག་གི་འབྲས་བུའོ།། ། ་སྐུ་དང་གསུང་དང་ཐུགས་ཞེས་བྱ་བ་ནི་སྒྲུབ་ཐབས་སོ།། ཨེ་ཝཾ་མཱ་ཡཱ་ཞེས་བྱ་བ་ནི་ཡི་གེ་བཞིའི་འབྱུང་བ་རྣམ་པར་དག་པའི་ལྷ་མོ་བཞི་པོ་བྱམས་པ་དང་། སྙིང་རྗེ་དང་དགའ་བ་དང་། བཏང་སྙོམས་ཀྱི་མཚན་ཉིད་ཅན་ནོ།། སྤྲུལ ་པའི་འཁོར་ལོ་ཞེས་བྱ་བ་ལ་སོགས་པ་ནི་འཁོར་ལོའི་གྲངས་ཉེ་བར་དགོད་པ་བསྟན་པ་སྟེ། བརྟག་པ་གཉིས་པའི་ལེའུ་གསུམ་པ་ལས་རྣམ་པ་སྣ་ཚོགས་ཞེས་བྱ་བ་ལ་སོགས་པས་སོ་སོར་བསྟན་པ་ཡིན་ནོ།། འཕགས་པའི་བདེན ་པ་བཞི་ནི་ཞེས་བྱ་བ་ལ་སོགས་པ་ལ། འཕགས་པའི་བདེན་པ་བཞི་ཞེས་བྱ་བ་དེ་དག་གང་ཞེ་ན། སྡུག་བསྔལ་དང་ཞེས་བྱ་བ་ལ་སོགས་པ་སྟེ། སྡུག་བསྔལ་ནི་ཁམས་གསུམ་པོ་རྣམས་ཀྱི་རྣམ་པར་ཤེས་པ་དང་། མིང་དང་གཟུགས ་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྐྱེ་བ་དང་། རྒ་ཤིའི་རང་བཞིན་རྣམས་ཏེ་ཡོངས་སུ་ཤེས་པར་བྱའོ།། ཀུན་ནས་འབྱུང་བས་ནི་ཀུན་འབྱུང་སྟེ། མ་རིག་པ་དང་། འདུ་བྱེད་དང་། སྲེད་པ་དང་། སྲིད་པའི་བདག་ཉིད ་དེ་སྦྱང་བར་བྱ་བའོ།། འགོག་པ་ནི་ཟག་པ་དང་བཅས་པོའི་ཕུང་པོ་དང་། སྐྱེ་མཆེད་དང་ཁམས་རྣམས་མྱི་མཐུན་པའི་ཕྱོགས་དང་གཉེན་པོའི་བདག་ཉིད་ཀྱིས་སེམས་དང་སེམས་ལས་བྱུང་བ་རྣམས་ཤིན་ཏུ་ཡང་སྐྱེ་བ་མེད་པ་སྟེ། ་མངོན་སུམ་དུ་བྱའོ།། ཁམས་གསུམ་ལ་འདོད་ཆགས་དང་བྲལ་བར་འགྱུར་པོ་སྔོན་དུ་འགྲོ་བའི་སྒོམ་པ་ཉོན་མོངས་པ་སྤོང་པོ་དང་རྗེས་སུ་མཐུན་པའི་རང་བཞིན་མི་རྟག་པ་དང་། སྡུག་བསྔལ་བ་དང་། སྟོང་པ་དང་བདག་མེད་པ་ཞེས་བྱ། ་བ་གཉེན་པོར་གྱུར་པ་ལམ་སྟེ་བསྒོམ་པར་བྱའོ།། དེ་ཡང་དེ་ལ་བྱེ་བྲག་སྨྲ་བ་བཤད་ཅེས་གང་འོག་ནས་འཆད་པའོ།། ཡང་ན་འདུ་བྱེད་རྣམ་པར་འགྱུར་བ་དང་། སྡུག་བསྔལ་གྱི་སྡུག་བསྔལ་གསུམ་དང་ལྡན་པའི་ཕྱིར་ཁམས་གསུམ ་པའི་ཕུང་པོ་རྣམས་ནི་སྡུག་བསྔལ་ཏེ་འདི་ནི་ཤེས་པར་བྱ་སྟེ། རྟེན་དང་བརྟེན་པར་གྱུར་པའི་ཉེ་བར་ལེན་པའི་ཕུང་པོ་ལྔ་ལྔས་དང་ཉོན་མོངས་པ་ཡང་དག་པར་ལྡན་པའི་བག་ཆགས་དང་བཅས་པ་ནི་ཀུན་ནས ་འབྱུང་བས་ན་ཀུན་འབྱུང་བ་སྟེ་སྤང་བར་བྱ་བའོ།། སྤྲོས་པ་ཐམས་ཅད་དང་བྲལ་ཞིང་བླ་ན་མེད་པའི་ཐབས་དང་ཤེས་རབ་ཀྱི་བདག་ཉིད་ལྷའི་རྣམ་པ་ནི་འགོག་པ་སྟེ་མངོན་དུ་བྱ་བའོ།། ཐ་མལ་པའི་རྣམ་པའི་གཉེན་པོར་གྱུར་པ ་ལྷའི་རྣམ་པར་དག་པ་སྔོན་དུ་འགྲོ་བའི་སྟོང་པ་ཉིད་དང་སྙིང་རྗེ་དབྱེར་མི་ཕྱེད་པ་མངོན་པར་མཐོ་བ་དང་། ངེས་པར་ལེགས་པའི་དོན་ཕུན་སུམ་ཚོགས་པའི་ནུས་པ་ཅན་ཐབས་དང་ཤེས་རབ་དྲི་མ་མེད་པའི་ཏིང་ངེ་འཛིན་ནི་ལམ་སྟེ།། ་བསྒོམ་པར་བྱ་བའོ།། བདག་གི་དེ་ཁོ་ན་ཉིད་ཅེས་བྱ་བ་ནི་སྟོང་པའོ།། སྔགས་ཀྱི་དེ་ཁོ་ན་ཉིད་ཅེས་བྱ་བ་ལ་མནོ་ཞིང་བསམ་པས་ན་མ་སྟེ་སེམས་ཡིན་ལ། ཏྲ་ནི་སྐྱོབ་པ་སྟེ་སྙིང་རྗེ་ཡིན་ནོ།། སེམས་ཅན་རྣམས་ལ་ཕན་པའི་ཕྱིར་སྤྲོས ་པ་དེ་ནི་སྔགས་ཀྱི་དེ་ཁོ་ན་ཉིད་དོ།། ལྷའི་དེ་ཁོ་ན་ཉིད་ཅེས་བྱ་བ་ནི་མེ་ལོང་ལྟ་བུའི་ཡེ་ཤེས་ལ་སོགས་པ་ལྷ་རྣམས་རྣམ་པར་དག་པ་ནི་ལྷའི་དེ་ཁོ་ན་ཉིད་དོ།། ཡེ་ཤེས་ཀྱི་དེ་ཁོ་ན་ཉིད་ཅེས་བྱ་བ་ནི་གཉིས་སུ་མེད་པའི་ཡེ་ཤེས་ཏེ ་ཕྱིན་ཅི་མ་ལོག་པའི་ཕྱིར་དེ་ཁོ་ན་ཉིད་དོ།། དགའ་བ་བཞི་ནི་ཞེས་བྱ་བ་ལ་སོགས་པ་ནི་བསྟན་པ་སྟེ། འདི་ཉིད་ནི་ལེའུ་བརྒྱད་པ་ལས། ཅུང་ཟད་བདེ་བ་དགའ་བ་སྟེ་ཞེས་བྱ་བ་ལ་སོགས་པས་སོ་སོར་བཤད་པར་བྱའོ།། སྡེ་པ་བཞི་ཞེ ་བྱ་བ་ཡང་བསྟན་པ་ཙམ་སྟེ། དེ་ཉིད་བརྟག་པ་གཉིས་པའི་ལེའུ་བཞི་པ་ལས། སྤྲུལ་པའི་འཁོར་ལོ་གནས་བརྟན་པ། ཞེས་བྱ་བ་ལ་སོགས་པས་སོ་སོར་བཤད་པར་བྱའོ།། ཟླ་བ་ཉི་མ་ཞེས་བྱ་བ་ནས་བརྩམ་སྟེ་ཐུན་ཆོད་ཅེས་བྱ ་བའི་བར་དུ་ནི་ཉིན་མོ་དང་མཚན་མོའི་དབྱེ་བ་བསྟན་པས་སྔགས་ཀྱི་བདག་ཉིད་ཀྱི་འཁོར་ལོ་བཞིའི་རྣམ་པར་དག་པ་བསྟན་པ་སྟེ། ཉི་མ་དང་ཟླ་བ་དང་ཞེས་བྱ་བ་ནི་མཚན་མོ་དང་ཉིན་མོའི་དབྱེ་བའོ།། ཨཱ་ལི་ཀཱ་ལི་ཞེས་བྱ་བ་ནི་ཐབ ་དང་ཤེས་རབ་ཀྱི་དབྱེ་བ་སྟེ། མཚན་མོ་དང་ཉིན་མོ་ལའོ།། དེ་ལ་སྙིང་ག་དང་མགོ་བོའི་འཁོར་ལོ་དག་ནི་ཟླ་བ་དང་ཐབས་སོ།། ལྟེ་བ་དང་མགྲིན་པའི་འཁོར་ལོ་ནི་ཉིན་མོ་དང་ཤེས་རབ་བོ།། འཕོ་བ་བཅུ་དྲུག་ཅེས་བྱ་བ་ལ་རླུང་རྣམས ་ཡང་དག་པར་འཕོ་བ་སྟེ། རླུང་གི་ཤིང་རྟ་ལ་ཤེས་རབ་ཀྱི་རང་བཞིན་གྱི་ཡེ་ཤེས་ཀྱི་སྣང་བ་ཞོན་ནས་རྩ་གཉིས་སུ་ཡང་དག་པར་འཕོ་བའོ།། དུས་འཕོ་བ་བཅུ་དྲུག་ཅེས་བྱ་བ་ནི་ཉིན་མཚན་ལ་བྱ་སྟེ། ལོངས་སྤྱོད་རྫོགས་པའི ་འཁོར་ལོ་ནི་འཕོ་བ་བཅུ་དྲུག་རྣམ་པར་དག་པས་ན་འདབ་མ་བཅུ་དྲུག་གོ།། སྤྲུལ་པའི་འཁོར་ལོ་ནི་དབྱུག་ཚོད་དྲུག་ཅུ་རྩ་བཞིའོ།། བདེ་བ་ཆེན་པོའི་འཁོར་ལོ་ནི་ཆུ་ཚོད་སུམ་ཅུ་རྩ་གཉིས་རྣམ་པར་དག་པའི་འདབ་མ་སུམ་ཅུ་རྩ་གཉིས་སོ།། ་ཐུན་ཚོད་བཞི་ཞེས་བྱ་བ་ནི་ཉིན་མོ་དང་མཚན་མོ་དག་ལ་སྟེ། ཆུ་ཚོད་བཞི་པོ་གཉིས་རྣམ་པར་དག་པས་ཆོས་ཀྱི་འཁོར་ལོ་འདབ་མ་བརྒྱད་པའོ།། དེ་དག་ཐམས་ཅད་ནི་བཞི་བཞིའོ་ཞེས་བྱ་བ། ཨེ་བཾ་མཱ་ཡཱ་ཞེས་བྱ་བ་ནས་བརྩམ ་པ་ཐམས་ཅད་ནི་བཞིའོ།། ལྟེ་བར་ཞེས་བྱ་བ་ལ་སོགས་པ་ལ། ལྟེ་བ་ཞེས་བྱ་བ་ནི། སྤྲུལ་པའི་འཁོར་ལོ་འདབ་མ་དྲུག་ཅུ་རྩ་བཞི་པའི་པདྨའི་ལྟེ་བར་རོ།། ཨོཾ་གཟུགས་ཅན་མའི་ཤེས་རབ་མ་ནི་རེག་ཏུ་མི་རུང་བས་ནི་གཏུམ ་མོ་སྟེ། རྟོག་པ་ཐམས་ཅད་ཀྱིས་རེག་པར་མི་ནུས་ཤིང་ཆོས་ཐམས་ཅད་དབྱེར་མེད་པའི་རང་བཞིན་ཅན་ནོ།། འོད་དང་ལྡན་པས་ནི་འབར་བ་སྟེ། དྲོ་བ་དང་དུ་བ་དང་། འོད་ཟེར་འཕྲོ་བ་དང་། འབུར་བ་ལ་སོགས་པའི་རང་བཞིན་ཅན་ནོ།། ངེས ་ཆོས་ཐམས་ཅད་ཀྱི་འཁོར་ལོ་འདབ་མ་བརྒྱད་པའི་དབུས་སུ་སོང་སྟེ། དེ་བཞིན་གཤེགས་པ་ལྔ་ཞེས་བྱ་བ་ལ། སྤྱན་ལ་སོགས་པ་ཡང་ཞེས་བྱ་བ་ཕུང་པོའི་ལྔའི་རང་བཞིན་དང་འབྱུང་བ་ཆེན་པོ་བཞིའི་རྣམ་པར་རྟོག་པའི་རང་བཞིན་གྱི ་གཟུགས་ཅན་པདྨའི་ལྟེ་བ་ལ་གནས་ཧཱུཾ་དུ་གྱུར་པ་བསྲེགས་ཞེས་བྱ་བ་རོ་གཅིག་ཏུ་ཡང་དག་པར་བསྡུས་པ་སྟེ། ཇི་ལྟར་ཁ་དོག་སྣ་ཚོགས་ཀྱི་རས་བསྲེགས་པར་གྱུར་པས་ཐལ་བའི་རང་བཞིན་དུ་རྣམ་པ་སྣ་ཚོགས་པའི་རྣམ་པར་རྟོག་པ ་རྣམས་སྣང་བ་མེད་ཅིང་རྣམ་པར་མི་རྟོག་པའི་ཡེ་ཤེས་འབྱུང་གནས་སུ་གྱུར་པས་བསྲེགས་པའོ།། དེའི་རྗེས་ལ་ལོངས་སྤྱོད་རྫོགས་པའི་འཁོར་ལོ་འདབ་མ་བཅུ་དྲུག་པའི་པདྨ་མཆོག་ཏུ་དགའ་བའི་འབྱུང་གནས་སུ་གྱུར་ཅིང་། ལོངས ་སྤྱོད་རྫོགས་པའི་སྐུའི་ཚུལ་གྱིས་ཡང་དག་པར་ཐིམ་ནས་དེའི་རྗེས་ལ་བདེ་བ་ཆེན་པོའི་གནས་སུ་རྟོག་པའི་བུད་ཤིང་མ་ལུས་པ་བསྲེག་པར་བྱའོ།། ཧཾ་ནི་ཞེས་བྱ་བ་ནི་མི་མཐུན་པའི་ཕྱོགས་ཀྱི་རྣམ་པར་རྟོག་པ་ཐམས་ཅད་ལས ་གྲོལ་བའི་མི་ཤིག་པའོ།། རི་བོང་ཅན་ཞེས་བྱ་བ་ནི་སྟོང་པ་ཉིད་དང་སྙིང་རྗེའི་བདུད་རྩིའི་རང་བཞིན་གྱི་བྱང་ཆུབ་ཀྱི་སེམས་ཀྱི་ཟླ་བ་སྟེ། འཁོར་བ་ཇི་སྲིད་པའི་བར་དུ་གཞན་གྱི་དོན་མཛད་པ་མཆོག་ཏུ་བདེ་བ་ཆེན་པོའི་རང་བཞིན་ཅན་ནོ།། དེ་ཉིད་ནི་སྟོབས ་བཅུ་དང་། མི་འཇིགས་པ་དང་། མ་འདྲེས་པ་བཅོ་བརྒྱད་ལ་སོགས་པའི་ཆ་ཤས་རྣམས་ཡོངས་སུ་རྫོགས་ཤིང་གདུལ་བདག་དང་བདག་གིར་འཛིན་པ་ལ་སོགས་པའི་མུན་པ་དང་བྲལ་བས་རི་བོང་ཅནྡྲ་ཡིན་གྱི། གཞན་ཐུན་མོང་གི་དངོས་གྲུབ་རྨོང ་པའི་ལས་ཀྱི་བདག་ཉིད་ཅན་ནི་མ་ཡིན་ནོ།། ཁ་ཅིག་ན་རེ་ལུས་ཀྱི་སྦྱིན་སྲེག་བསྟན་པའི་ཕྱིར། ལྟེ་བར་ཞེས་བྱ་བ་ལ་སོགས་པ་གསུངས་སོ་ཟེར་ཏེ། དེ་ལ་ལྟེ་བ་ནི་ཐབ་ཁུང་ངོ་།། རང་རིག་པའི་རང་བཞིན་གྱི་ཤེས་རབ་ཀྱི་བྱིན་ཟེ་ནི་གཏུམ་མོ་སྟེ། ཡང ་དག་པར་སྦྱོར་བའི་རླུང་གིས་གྱེན་དུ་བསྐྱོད་པ་འབར་བའོ།། དེ་བཞིན་གཤེགས་པ་ལྔ་ཞེས་བྱ་བ་ནི་ཕུང་པོ་ལྔའི་རྣམ་པར་རྟོག་པ་ཡིན་ལ། བསྲེགས་པ་ནི་བསྔལ་བའོ།། སྤྱན་ལ་སོགས་པ་ཡང་ཞེས་བྱ་བ་ནི་ཁམས་དང་སྐྱེ་མཆེད་རྣམས་ཀྱང་སྟེ། ་དེ་ནི་ཕུང་པོ་ལ་སོགས་པའི་རྫས་སུ་གྱུར་པའི་སྲེག་བླུགས་བསྟན་པར་འགྱུར་རོ།། བསྲེགས་ཞེས་བྱ་བ་ནི་མ་ལུས་པའི་སྲེག་བླུགས་དང་བུད་ཤིང་སྟེ། ཧཾ་གི་ས་བོན་དང་ལྡན་པའི་སྐུ་རྡོ་རྗེར་བྱའོ།། ཁ་ཐུར་དུ་བལྟས་པའི་ཧཾ་ནི་གཟར་བུའི་རང་བཞིན ་ནོ།། འཛག་ཞེས་བྱ་བ་ནི་གང་བའི་སྦྱིན་སྲེག་གི་རང་བཞིན་ཏེ། དེ་ལས་བྱང་ཆུབ་སེམས་ཀྱི་ཁུ་བའི་རྒྱུན་འབབས་པས་མཉེས་པར་གྱུར་ཅིང་འདོད་པའི་འབྲས་བུ་སྟེར་བར་འགྱུར་རོ།། རྡོ་རྗེ་རིགས་ཀྱི་ལེའུ་ཞེས་བྱ་བ་ལ་རྡོ་རྗེ་ནི་སེམས་སོ།། དེ ་ཉིད་ནི་རིགས་ཏེ་ཆོས་ཐམས་ཅད་ཀྱི་རང་བཞིན་དུ་གྱུར་པའི་ཕྱིར་རོ།། དེའི་ཏིང་ངེ་འཛིན་ནི་སྣམ་བུ་ད་དྲཱ་བ་སྟེ། གདུལ་བྱའི་སྐྱེ་བོ་རྣམས་ཀྱི་ཡིད་སྒྲིབ་ཅིང་སྐྱོབ་པར་བྱེད་པའི་ཕྱིར་རོ།། ལེན་ཅིང་འཛིན་པར་བྱེད་པས་ནུ་སྟེ་གཞུང ་གི་ཚོགས་གང་ཡིན་པ་དེ་རྡོ་རྗེ་རིགས་ཀྱི་ལེའུ་སྟེ་དང་པོའོ།། །། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་དང་པོའི་བཤད་པའོ།། འཇིག་རྟེན་པའི་རབ་ཏུ་སྦྱོར་བ་མེད་པར ་འཇིག་རྟེན་ལས་འདས་པའི་ཆོས་ལ་སེམས་ཅན་རྣམས་གཞུག་པར་མི་ནུས་སོ།། ཞེས་བསྟན་པའི་ཕྱིར་སྔགས་ཀྱི་ལེའུ་ཞེས་བྱ་བ་ལ་སོགས་པ་གསུངས་ཏེ། སྔགས་ཀྱི་ལེའུ་ནི་སྔགས་ཀྱི་ཚོགས་སོ།། བཤད་པར་བྱ་ཞེས་བྱ་བ་ནི་དེ་དག ་ཆོ་ག་ཇི་ལྟ་བ་བཞིན་དུའོ།། ཞི་བ་ལ་སོགས་པའི་ལས་ཐམས་ཅད་ལ་སྔགས་པས་དང་པོ་གཏོར་མ་ཕུལ་སྟེ་འཇུག་པར་བྱའོ་ཞེས་བསྟན་པར་བྱ་བའི་ཕྱིར། སྔགས་ཀྱི་ལེའུ་དེ་ལས་དང་པོར་གཏོར་མའི་སྔགས་སྟོན་པར་མཛད་པ་ཡིན་ཏེ། ཨ་ཀཱ་རོ ་མུ་ཁཾ་ཞེས་བྱ་བ་ལ་སོགས་པ་ནི་གཏོར་མ་རྣམ་པར་དག་ཅིང་རྫོགས་པར་བྱེད་པ་ཡིན་ནོ།། དེའི་འོག་ཏུ་གང་ཅུང་ཟད་ཞི་བ་ལ་སོགས་པའི་ལས་རྣམས་ལ་དེའི་ལྷར་བསྒོམ་ཞིང་དེའི་སྔགས་བཟླས་པ་སྔོན་དུ་འགྲོ་བྱ་ཉིད་ཀྱིས་གཙོ་བོར་བྱའོ་ཞེས ་བསྟན་པའི་ཕྱིར། བྲུཾ་ཞེས་བྱ་བ་ལ་སོགས་པ་དེ་བཞིན་གཤེགས་པའི་ས་བོན་གསུངས་པ་ཡིན་ནོ།། རྒྱད་འདི་ལས་རྣམ་པར་དག་པ་ཐམས་ཅད་གསུངས་པའི་ཕྱིར་གཙོ་བོ་ཉིད་དུ་གྱུར་པས་དེའི་འོག་ཏུ། ཨོཾ་དེ་བ་པི་ཙུ་བཛྲ་ཞེས་བྱ་བ་ལ ་སོགས་པ་ཕྱག་བཅུ་དྲུག་པའི་སྔགས་གསུངས་པ་ཡིན་ཏེ། ཕྱག་གཉིས་པ་ལ་སོགས་པ་ལྷག་མ་རྣམས་ནི་འདུལ་བའི་དབང་གིས་བསྟན་པར་མཛད་པ་ཡིན་ནོ།། སྔགས་ཀྱི་ཚིག་ཀུན་ལ་ཞེས་བྱ་བ་ལ་སོགས་པ་ནི་སྔགས་ཐམས་ཅད་ཀྱི ་ཐུན་མོང་གི་མཚན་ཉིད་བསྟན་པ་ཡིན་ནོ།། ཨ་ཕུ་ཞེས་བྱ་བ་ལ་སོགས་པ་ནི་ཆར་དབབ་པའི་ཆོ་ག་གསུངས་པ་ཡིན་ཏེ། ཨ་ཕུ་གཉིས་ཀྱིས་མཐའ་ཡས་ཀྱི་གཟུགས་བརྙན་སྔོན་དུ་སྦྲུལ་ལ་མན་ངག་ཇི་ལྟ་བ་བཞིན་དུ་དཀྱིལ་འཁོར་བྲིས ་ཏེ། དེའི་དབུས་སུ་མཐའ་ཡས་མནན་པའི་ཕྱག་བཅུ་དྲུག་པ་བྲིའོ།། དཀྱིལ་འཁོར་པ་རྣམས་ཀྱིས་ཀྱང་རང་རང་གི་ཕྱོགས་སྐྱོང་བཾ་བྲིའོ་ཞེས་ཁ་ཅིག་འདོད་དོ།། དེའི་འོག་ཏུ་རྡོ་རྗེ་སློབ་དཔོན་གྱིས་ཞལ་བརྒྱད་པའི་རྣལ་འབྱོར་སྔོན་དུ་འགྲོ་བས ་གྷུ་ནྱཱ་གྷུ་ཌྷཱ་ཞེས་བྱ་བ་ལ་སོགས་པ་ཀླུ་རྣམས་བསྐྱོད་པར་བྱེད་པའི་སྔགས་བཟླས་པས་དབབ་པར་བྱའོ།། རྡོ་རྗེ་མ་དང་ཞེས་བྱ་བ་ལ་སོགས་པ་ལས་གནོད་པ་ལ་སོགས་པའི་ལས་རྣམ་པ་བདུན་ལ་རྡོ་རྗེ་མ་ལ་སོགས་པ་རྣལ་འབྱོར་མ་བདུན་རང ་རང་གི་སོ་བོན་དང་མཚན་མ་ལས་ལས་དང་རྗེས་སུ་མཐུན་པའི་གཟུགས་དང་། ཁ་དོག་དང་། ཉམས་དང་ལྡན་པའི་རང་བཞིན་གདན་ལ་རྣམ་པར་བསྒོམ་པར་བྱས་པ་ལས་དེ་དག་བསྒྲུབ་པར་བྱའོ་ཞེས་པའི་དོན་ཏོ།། བསད་པ་ནི་འདིར་སྤྱིར ་བསྟན་པ་སྟེ། རྒྱུད་འདི་ཉིད་ཀྱི་ལེའུ་གཞན་དག་ལས་ཆོ་ག་ཇི་ལྟ་བ་བཞིན་དུ་སོ་སོར་བསྟན་པས་འཆད་པར་འགྱུར་རོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་གཉིས ་པའི་བཤད་པའོ།། །། ལྷའི་རྣལ་འབྱོར་མ་གཏོགས་པར་རྣམ་པ་ཐམས་ཅད་དུ་ཐ་མལ་པའི་རྣམ་པ་བཟློག་པར་མི་ནུས་སོ་ཞེས་བྱ་བ་བསྟན་པར་བྱ་བའི་ཕྱིར་དེ་ནུས་ལྷའི་ལེའུ་ཞེས་བྱ་བ་ལ་སོགས་པ་གསུངས་ཏེ། དང་པོར ་བྱམས་པ་བསྒོམ་པར་བྱ་ཞེས་བྱ་བ་ལ། མཛའ་བོ་དང་། བར་མ་དང་དགྲར་གྱུར་པ་རྣམས་ལ་ཁྱད་པར་དུ་ཕན་པ་དང་བདེ་བས་ཉེ་བར་ཡང་དག་པར་སྡུད་པའི་སེམས་ནི་བྱམས་པའོ།། གཉིས་པ་སྙིང་རྗེ་རྣམ་པར་བསྒོམ་ཞེས་བྱ་བ་ལ། གང ་ཡང་སེམས་ཅན་ཐམས་ཅད་ཀྱིས་ལུས་དང་སྲོག་ལ་ཡང་བལྟོས་པ་མེད་པར་སྡུག་བསྔལ་གྱི་རྒྱ་མཚོ་ལས་བསྒྲལ་བར་འདོད་པ་ནི་སྙིང་རྗེའོ།། གསུམ་པ་དགའ་བ་བསྒོམ་པར་བྱ་ཞེས་བྱ་བ་ལ་བརྩེ་བ་དང་ཕན་པ་དང་ལྡན་པའི་སེམས་ཀྱིས ་སེམས་ཅན་སྡུག་བསྔལ་མ་ལུས་པ་ལས་གྲོལ་བར་བྱེད་པའི་བླ་ན་མེད་པའི་ཐབས་སུ་གྱུར་པའི་ལྷའི་རྣལ་འབྱོར་གྱིས་ལམ་རྙེད་པར་གྱུར་ཏོ་སྙམ་པ་ནི་དགའ་བའོ།། ཀུན་གྱི་མཐར་ནི་བཏང་སྙོམས་སོ་ཞེས་བྱ་བ་ལ་རྣམ་པ་ཐམས་ཅད་མཁྱེན ་པའི་ཡེ་ཤེས་མངོན་དུ་གྱུར་པ་མ་གཏོགས་པས་སེམས་ཅན་མ་ལུས་པའི་སྡུག་བསྔལ་རྣམས་བསལ་བར་མི་ནུས་སོ་ཞེ་ན། ཇི་སྲིད་དེ་མངོན་དུ་མ་གྱུར་གྱི་བར་དུ་སེམས་ཅན་རྣམས་ཡལ་བར་བཞག་སྟེ། བདག་ཉིད་ཧེ་རུ་ཀར་མངོན་དུ་བྱས ་ལ། དེའི་འོག་ཏུ་དེ་རྣམས་གོ་འཕང་དེ་ཉིད་ལ་བཞག་པར་བྱའོ་སྙམ་པ་ནི་བཏང་སྙོམས་སོ།། དེ་ལྟར་ཚངས་པའི་གནས་བཞི་བསྒོམས་པའི་རྗེས་ལ་ན་མཁར་རྗེ་བཙུན་ཞེས་བྱ་བ་ལ་སོགས་པ་ནས་ཆགས་ཆེན་རྗེས་སུ་ཆགས་ཞེས་བྱ ་བའི་བར་དུ་གསུངས་པ་འདི་བསྒོམ་པར་བྱས་ནས། དེའི་འོག་ཏུ་དང་པོར་བྱང་ཆུབ་སྟེ་ཞེས་བྱ་བ་འདི་བལྟ་བར་བྱ་སྟེ། ཆོས་ཐམས་ཅད་ཀྱི་རང་བཞིན་མེད་པ་ནི་སྟོང་པའོ།། བྱང་ཆུབ་ཅེས་བྱ་བ་ནི་སེམས་སོ།། དེ་ལས་སེམས་དང་སེམས ་ལས་བྱུང་བ་ཐམས་ཅད་ཀྱི་རང་རིག་པ་ཙམ་འདིས་ངེས་པར་རྟོག་པ་སྟེ་སེམས་ལ་དམིགས་པའོ།། གཉིས་པ་ལ་ནི་ས་བོན་བསྡུ་ཞེས་བྱ་བ་ལ། ཐམས་ཅད་སྐྱེད་པར་བྱེད་པ་ཡིན་པས་ན་ས་བོན་ཏེ། ཆོས་ཐམས་ཅད་ཀྱི་སྙིང་པོར་གྱུར་པ་ཇི ་ལྟ་བའི་མདོག་ལ་སོགས་པའི་མཚན་ཉིད་ཅན་ནོ།། དེར་བསྡུས་པ་ནི་མ་ལུས་པའི་དེ་བཞིན་གཤེགས་པ་རྣམས་བཞུགས་པ་སྔོན་དུ་འགྲོ་བས་སྔགས་ཀྱི་གཟུགས་ལ་ངེས་པར་རྟོག་པ་སྟེ། སྔགས་ལ་དམིགས་པའོ།། གསུམ་པ ་གཟུགས་བརྙན་རྫོགས་པ་སྟེ། ཞེས་བྱ་བ་ལ་དེའི་ས་བོན་ལས་དེ་བཞིན་གཤེགས་པ་ཐམས་ཅད་ཀྱི་སྐུའི་རྣམ་པར་རྫོགས་ཤིང་བཞེངས་པ་སྟེ་ལུས་ལ་དམིགས་པའོ།། བཞི་པ་དགོད་པའི་ཞེས་བྱ་བ་ལ་ཉེ་བར་བཀོད་པས་དགོད་པ་སྟེ། ་མིག་ལ་སོགས་པའི་སྐྱེ་མཆེད་རྣམས་སྦྱོར་བ་ཇི་ལྟ་བ་བཞིན་དུ་ལྷ་རྣམས་ཀྱིས་དག་པར་བྱའོ།། ཡི་གེའོ་ཞེས་བྱ་བ་ལ་ཆོས་ཐམས་ཅད་ཀྱི་རང་བཞིན་དེས་མི་འགྱུར་ཞིང་མི་གཡོ་བས་ན་ཡི་གེ་སྟེ། བླ་ན་མེད་པའི་བདེ་བ་ཆེན་པོའི་རང་བཞིན་ཡིན། ་ལ། སེམས་རིན་པོ་ཆེ་དེའི་བདག་ཉིད་དུ་བསྒོམ་པར་བྱའོ་ཞེས་བྱ་བའི་དོན་ཏོ།། དེ་ཉིད་གསུངས་པ་དང་པོར་རེ་ཕེཾ་ཞེས་བྱ་བ་ལ་སོགས་པའོ།། དང་པོར་རོ་ནི་བསྒོམ་པར་བྱ་ཞེས་བྱ་བ་ནི་ཉེ་བར་མཚོན་པ་སྟེ། ཆོས་ཀྱི་འབྱུང་གནས་ཀྱི་ནང་དུ་ཆུད ་པས་ས་དང་ཆུ་དང་མེ་དང་རླུང་རྣམས་དང་། བདག་ཉིད་ཡོངས་སུ་གྱུར་པ་ལས་ཁང་བུ་བརྩེགས་པ་ཕྱོགས་དང་མཚམས་རྣམས་སུ་ལྷ་རྣམས་ཀྱི་རོའི་གདན་དང་ལྷན་ཅིག་བསྐྱེད་ལ། དབུས་ཀྱི་རོའི་གདན་གྱི་སྙིང་གར ་རཾ་ལས་བྱུང་བའི་ཉི་མའི་དཀྱིལ་འཁོར་རོ།། དེ་ཉིད་ལ་ནི་ཧཱུཾ་གི་གཟུགས།། ཤེས་རབ་ཐབས་ཀྱི་རང་བཞིན་ནོ་ཞེས་བྱ་བ་ནི། ཨཱ་ལི་ཀཱ་ལི་ཡོངས་སུ་གྱུར་པ་ལས་ཟླ་བ་དང་ཉི་མའི་དཀྱིལ་འཁོར་ཏོ། དེའི་འོག་ཏུ་དེའི་དབུས་སུ་ས་བོན་དང ་མཚན་མ་བསྒོམ་ཞིང་། དེའི་འོག་ཏུ་ཐམས་ཅད་གཅིག་ཏུ་གྱུར་པ་ལས་བདག་ཉིད་དཔལ་ཧེ་རུ་ཀ་རྡོ་རྗེ་སེམས་དཔའི་རང་བཞིན་ཅན། ཞེ་སྡང་རྣམ་པར་དག་པས་མདོག་ནག་པོར་གྱུར་པ་འམ། ཡང་ན་ཤེས་རབ་དང་ཐབས་ཡོངས་སུ ་ངདག་པ་སྔོ་ཞིང་དམར་བའི་མདོག་ཅན་ཕྱག་གཉིས་དང་། ཕྱག་བཞི་པ་དང་། ཕྱག་དྲུག་པའི་མཆོག་གི་བདག་ཉིད་རྣམས་དང་སྲས་དང་འདྲ་བར་བལྟའོ།། དེ་ཉིད་སེམས་དཔའ་ཞེས་བྱ་བ་ནི་དང་པོར་བསྐྱེད་པའི་ཧེ་རུ་ཀ་ནི་རྡོ་རྗེ་སེམས་དཔའ་ཞེས ་བྱ་བའི་དོན་ཏོ།། མཆོག་ཏུ་དགའ་བའི་རང་བཞིན་ནོ་ཞེས་བྱ་བ་ལ་མཆོག་ཏུ་དགའ་བ་ནི་བྱང་ཆུབ་ཀྱི་སེམས་ཏེ། དེ་ལ་གཟུགས་ཉེ་བར་འབྱིན་པའི་རང་བཞིན་ཅན་ནོ།། རྣམ་སྤྲོས་པ་ཞེས་བྱ་བ་ནི་རྒྱུར་གྱུར་པའི་རྡོ་འཆང་ཆེན་པོ་དེ་ཉིད་ལས་སེམས་ཅན ་རྣམས་ཀྱི་དོན་བྱ་བའི་སྤྲུལ་པའི་སྐུ་རྣམ་པ་སྣ་ཚོགས་པར་སྤྲུལ་པའོ།། རང་ལུས་འོད་ཅེས་བྱ་བ་ནི་རྣལ་འབྱོར་མ་རྣམས་ཀྱི་རང་རང་གི་ལུས་དང་མདོག་ལ་སོགས་པ་སོ་སོར་སྣང་བ་སྟེ། འདི་རྣམས་ཀྱི་རང་རང་གི་ལུས་དང་། མདོག་དང་ཉམས་ལ ་སོགས་པ་ནི་བརྟག་པ་གཉིས་པ་ལས་ཤེས་པར་བྱའོ།། ན་མཁའི་དཀྱིལ་འཁོར་ཡོགས་པར་བྱ་ཞེས་བྱ་བ་ནི་དེར་ཁྱབ་པར་བྱས་པའོ།། བསྡུས་ནས་ཞེས་བྱ་བ་ནི་དེ་ཉིད་སླར་བས་པའོ།། སྙིང་གུར་ཞེས་བྱ་བ་ནི་རང་གི་ས་བོན་ལའོ།། གཞུག་པར་བྱ ་ཞེས་བྱ་བ་ནི་བསྟིམ་པར་བྱས་ལ་ཡང་རང་གི་ས་བོན་དང་མཚན་མ་ཡོངས་སུ་གྱུར་པ་ལས་སེར་མོ་ལ་སོགས་པའི་ལྷ་མོ་རྣམས་གནས་ཇི་ལྟ་བ་བཞིན་དུ་རང་གི་གདན་ལ་ཕྱག་དང་ཞལ་དང་མདོག་དང་། དབྱིབས་རྣམས་ཇི་ལྟ་བ་བཞིན་དུ་སྐད་ཅིག ་རྫོགས་པར་བྱའོ།། དེའི་འོག་ཏུ་དྲི་ཟའི་སེམས་ཅན་ལྟ་བུའི་ཡི་གེ་གསུམ་པོ་ཧོཿགཉིས་ཀྱི་བར་དུ་བཅུག་པ་བཀུག་སྟེ། རང་ཉིད་ལ་ཞུགས་ནས་རྡོ་རྗེའི་ལམ་ནས་པདྨའི་ནང་དུ་བྱང་ཆུབ་ཀྱི་སེམས་ཀྱི་གཟུགས་ཀྱིས་སྤྲོས་ལ། དེའི་སྟོབས་ཀྱིས་བདག ་དང་རིག་མར་བཅས་པ་ལྷན་ཅིག་ཏུ་ཞུགས་པར་གྱུར་པར་བལྟའོ།། དེ་ནས་ལྷ་མོ་རྣམས་ཀྱིས་འོག་ནས་འབྱུང་བའི་ཚོགས་སུ་བཅད་པ་བཞིས་མངོན་པར་བསྐུར་བའི་མཐར་བཅོམ་ལྡན་འདས་ཕྱག་གཉིས་པ་དང་། ཕྱག་བཞི་དང་། ཕྱག་དྲུག་པ ་བསྒོམ་པར་བྱ་བ་ནི་རྣལ་འབྱོར་བདག་ཉིད་འགྱུར་ཞེས་བྱ་བ་ལ་སོགས་པས་སྟོན་ཏེ། ཞེ་སྡང་རྣམ་པར་དག་པའི་རིགས་ཡིན་པས་མི་བསྐྱོད་པས་དེའི་དབུ་བརྒྱན་པའོ།། གཞན་སེར་མོ་ལ་སོགས་པ་ནི་རིགས་བཞིའི་རྣམ་པར་དག་པའི་བདག་ཉིད་དུ་ཤེས ་པར་བྱའོ།། གཞན་དག་ནི་གོང་འོག་ནས་འབྱུང་བ་སྐྱེས་ཚེ་དགེ་སློང་དབྱངས་ཉིད་སྔགས་ཞེས་གསུངས་པའི་ཕྱིར། ལྷན་ཅིག་སྐྱེས་པའི་གཟུགས་ཅན་ཕྱག་གཉིས་པར་བསམས་ཏེ། ཕྱག་དང་ཞལ་དང་སྤྱན་གྱི་དབྱེ་བ་ཡང་མེད་ཅིང་རང་གི་བཙུན ་མོ་དང་དཀྱིལ་འཁོར་བ་ཡང་མེད་དོ་ཞེས་ཟེར་རོ།། སློབ་དཔོན་ནག་པོས་མཛད་པའི་དགྱེས་པ་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་གསུམ་པའི་བཤད་པའོ།། །། སྐྱེད་པའི་རམ ་པའི་ཕྱོགས་ལ་དབང་བསྐུར་བ་མ་རྟོགས་པར་ཡན་ལག་བཞི་པ་རྫོགས་པར་མི་འགྱུར་བས། དེ་བས་ན་རྫོགས་པར་བྱ་བའི་ཕྱིར་དབང་བསྐུར་བའི་ལེའུ་བཤད་པར་བྱ་སྟེ། ཞེས་བྱ་བ་ལ་སོགས་པ་གསུངས་ཏེ། རང་གི་སྙིང་གའི་ས་བོན་ལས་ཞེས ་བྱ་བ་ནི་འབྲས་བུར་གྱུར་པའི་ཧེ་རུ་ཀའི་གཟུགས་ཀྱི་སྙིང་གའི་ས་བོན་ལས་སོ།། འབར་བ་ནི་དེའི་འོད་དང་འདྲ་བར་འབར་བ་སྟེ། དེས་དེ་བཞིན་གཤེགས་པ་ཐམས་ཅད་བཀུག་ནས་མ་མོ་ཞེས་བྱ་བ་སེར་མོ་ལ་སོགས་པ་རྣམས་ཀྱིས་ཡང་དག་པར ་མཆོད་དེ། དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་ཅིག་ཅེས་བྱ་བ་འདིས་གསོལ་བ་བཏབ་པར་བྱའོ།། དེའི་འོག་ཏུ་ཇི་ལྟར་གསུངས་པའི་མདོག་དང་གཟུགས་ཅན་དེ་དག་གིས་གསེར་གྱི་བུམ་པ་ནས་བྱང་ཆུབ་ཀྱི་སེམས ་ཀྱི་བདུད་རྩིའི་རྒྱུན་གྱིས་དབང་བསྐུར་ཏེ། ཐུགས་རྡོ་རྗེའི་དབུ་རྒྱན་བསྒོམ་པར་བྱའོ།། སོར་མོ་ལ་སོགས་པ་བཞི་ནི་མི་བསྐྱོད་པ་དང་། རྟག་པ་དང་། རིན་པོ་ཆེ་དང་འོད་དཔག་ཏུ་མེད་པའི་དབུ་རྒྱན་ཅན་དུའོ།། མཚམས་སུ་སྦོས་མོ་ལ་སོགས་པ་བཞི ་ལ་ཡང་མི་བསྐྱོང་པ་དང་། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། སྣང་བ་མཐའ་ཡས་རྣམས་ཀྱི་བདྲ་རྒྱན་ཅན་ཏེ་དེ་དག་ནི་ཕུང་པོ་དང་ཁམས་དང་། སྐྱེ་མཆེད་ཀྱི་རྣམ་པར་དག་པའོ།། ཇིའི་འོག་ཏུ་རྡོ་རྗེ་དང་བདྨ་བྱིན་གྱིས་བརླ ་ཡན་ལག་དྲུག་བསྒོམ་པ་སྔོན་དུ་འགྲོ་བས་མཆོད་པ་དང་། བསྟོད་པ་དང་། བདུད་རྩི་མྱང་བ་བྱས་ལ་བསྒོམ་པ་དང་། བཟླས་པའི་ཆོ་ག་ཇི་ལྟ་བ་བཞིན་དུ་རང་ཉིད་ཀྱི་ཡིད་ཇི་ལྟར་དུ་བ་མེད་པར་དུས་ཚིགས་གསུམ་དུ་བྱའོ།། སློབ་དཔོན་ནག་པོས་མཛད ་པའི་དགྱེས་པ་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་བཞི་པའི་བཤད་པའོ།། །། དེ་ཁོ་ན་ཉིད་མ་རྟོགས་པར་མངོན་པར་ཞེན་པའི་བག་ཆགས་ཐམས་ཅད་སྤོང་བར་མི་འགྱུར་རོ་ཞེས་བསྟན་པའི་ཕྱིར། དེ་ནས་དེ་ཁོ ་ན་ཉིད་ཀྱི་ལེའུ་ཞེས་བྱ་བ་གསུངས་སོ།། དངོས་ཚུལ་གཟུགས་མེད་ཅེས་བྱ་བ་ལ། གཟུགས་སུ་རུང་བཱ་སྨ་ན་གཟུགས་ཏེ་བེམས་པོ་ཡིན་ལ་དེ་ཡང་གཅིག་དང་དུ་མའི་སྦྱོར་བར་དམིགས་ན་མ་གྲུབ་པའི་ཕྱིར་དང་། བེམས་པོ་ནི་སྣང་བར་མི་དམིག ་པའི་ཡང་ཕྱིར་རོ།། དེ་བས་ན་རྣམ་པར་ཤེས་པ་ཉིད་སྔོན་པོ་དང་སེར་པོ་ལ་སོགས་པའི་རྣམ་པར་སྣང་བ་ཡིན་ནོ།། ལྟ་བ་ཡང་མེད་ཅེས་བྱ་བ་ལ་ལྟ་བར་བྱ་བ་ངོ་བོ་ཉིད་མེད་པས་ལྟ་བ་རྣམ་པར་ཤེས་པ་ཡང་འཛིན་པ་པོར་མེད་པ་སྟེ། དེ་གཉིས ་ནི་ཕན་ཚུན་བལྟོས་པའི་ཕྱིར་རོ།། བདག་ལ་སོགས་པ་ཡང་མེད་དེ་འོག་ནས་འབྱུང་བ་མིག་གིས་གཟུགས་ལ་འཛིན་པར་བྱ་ཞེས་བྱ་བ་ལ་སོགས་པ་འདིས་ཕྱི་དང་ནང་གིས་མེད་སྐྱེ་མཆེད་ཀྱི་བདག་ཉིད་ཙམ་དུ་གསུངས་པའི་ཕྱིར་རོ།། སྦྱོར ་བ་དེ་ལྟར་སྒྲ་ལ་སོགས་པ་ལ་ཡང་སྦྱར་བར་བྱའོ།། དེ་ལྟར་ཕྱི་དང་ནང་གི་སྐྱེ་མཆེད་རྣམས་རང་བཞིན་མེད་པར་བསྟན་པ་འདིས་དངོས་པོ་ཐམས་ཅད་ཀྱང་ངོ་བོ་ཉིད་མེད་པར་རྟོགས་ཤིང་ཁོང་དུ་ཆུད་པར་བྱའོ།། བསྐྱེད་མ་དང་ནི་ཞེས་བྱ་བ་ལོ་སོ། ་པས་ནི་མ་དང་བུ་ལ་སོགས་པའི་འབྲེལ་པ་མེད་པར་སྟོན་པར་འགྱུར་ཏེ། འདི་ལྟར་མ་ལ་སོགས་པའི་ཁྲག་དང་ཁུ་བ་དག་ནི་ལས་ཀྱིས་མངོན་པར་བསྒྲུབས་ཤིང་བསྐྱེད་པ་སྟེ་སྐྱེ་བ་དང་། གནས་པ་དང་། རྒ་ཤི་དང་། བདེ་བ་དང ་སྡུག་བསྔལ་རྣམས་ནི་ལས་ལ་གནས་པ་ཡིན་ན། བུ་ལ་སོགས་པ་ཕན་ཚུན་དུ་འབྲེལ་པ་གང་དག་གིའམ་གང་གིས་འབྲེལ་པར་བརྗོད་དེ་མ་གྲུབ་པ་དེ་ཁོ་ནའོ།། དེས་ནི་སྔགས་དང་ཕྱོག་རྒྱས་བསྐྱེད་པའི་བདག་མེད་མ་ལ་སོགས་པའི་གཟུགས ་དབྱེར་མེད་ཅིང་ཐ་མལ་པའི་ཚུལ་གྱི་རྣམ་པར་རྟོག་པ་རྣམས་ཀྱི་སྟོང་པ་ཉིད་ནི་བསྐྱེད་མ་ལ་སོགས་པ་ཡིན་ཏེ། དེ་ཉིད་ཇི་ལྟར་བསྟན་པའི་ཆོ་གས་མཆོད་ནས་དེ་བཞིན་གཤེགས་པའི་ཡེ་ཤེས་བླ་ན་མེད་པ་ལ་མངོན་པར་གཞོལ་བར་འགྱུར་རོ།། རིག ་རྣམས་ཀྱང་ངོ་བོ་ཉིད་མེད་པར་བསྟན་པའི་ཕྱིར་གར་མཁན་ཞེས་བྱ་བ་ལ་སོགས་པ་གསུངས་སོ།། གར་མཁན་ལ་སོགས་པའི་སྐྱེ་བ་ངོ་བོ་ཉིད་མེད་པ་སྟེ། འདི་ལྟར་བྲམ་ཟེ་ལ་སོགས་པའི་ངོ་བོ་ཉིད་མེད་པ་སྟེ། འདི་ལྟར་བྲམ་ཟེ་ལ་སོགས་པའི ་རིགས་ཀྱི་མདོག་དང་། དབྱིབས་དང་། སེམས་དང་སེམས་ལས་བྱུང་བ་དང་། སྐྱེ་བ་དང་རྒ་བ་དང་། གནས་པ་དང་། མི་རྟག་པོ་ཐ་དད་པར་མ་མཐོང་བའི་ཕྱིར་རོ།། དེ་ལྟར་མཆོག་གི་དེ་ཁོ་ན་ཉིད་མཐོང་བའི་རྣལ་འབྱོར་པས་ཁྱམས་གསུམ་མ ་ལུས་པ་འདི་དག་དབྱིབས་ལ་སོགས་པ་ཙམ་གྱིས་རྣམ་པར་ཕྱེ་བ་ལྷའི་རིགས་ཀྱིས་མ་ཡིན་ནོ།། གཟུགས་དང་ལང་ཚོ་དང་ལྡན་པའི་བུ་མོ་རྣམས་གཟུང་བར་བྱ་སྟེ། ཞེས་བྱ་བ་ནི་འཇུག་པའི་ཡན་ལག་ཏུ་གྱུར་པོའི་ཕྱིར་རོ།། གཞན་དུ་རིགས ་དང་། དབྱིབས་དང་། ཁ་དོག་ལ་སོགས་པ་མནན་པ་ནི་མ་ཡིན་ནོ།། དེའི་ཕྱིར་ཟག་པ་མེད་པའི་བདེ་བ་ཆེན་པོ་རྫོགས་པར་བྱ་བའི་ཕྱིར་རིགས་དང་འབྲེལ་པའི་མདོག་དང་དབྱིབས་ལ་སོགས་པ་དང་། བདག་དང་བདག་གི་བ་སྣ་ཚོགས་པ་རྣམས་སྤངས ་ཏེ། ཁ་ཅིག་ཏུ་ཐོགས་པ་དང་བཅས་ཤིང་ཁ་ཅིག་ཏུ་བགྲོད་པ་མ་ཡིན་པོར་གཞན་དུ་རྣལ་འབྱོར་མ་རྣམས་ལ་དཔྱད་པ་མེད་པར་རང་གི་ལུས་བཞིན་དུ་རེག་པར་བྱ་ཞིང་སྤྱད་ལ་བཏུང་བ་དང་། བཟའ་བ་དང་བགོ་བ་དང་། རྒྱན་དང་། ཙན་དན་དང་། གུར ་ཀུམ་ལ་སོགས་པའི་དྲི་ཞིམ་པོ་དང་། བཟང་པོ་རྣམས་ཀྱིས་མཆོག་ཏུ་བཀུར་སྟི་བྱ་ཞིང་མཆོད་པར་བྱའོ།། ཤེས་རབ་ཐབས་ཀྱི་ཆོ་ག་ཡིས་ཞེས་བྱ་བ་ནི་རྣལ་འབྱོར་སྔོན་དུ་འགྲོ་བས་རྡོ་རྗེ་དང་པདྨ་བྱིན་གྱིས་བརླབ་པའི་ཆོག་སྐྱེ་བླ་ན་མེད་པའི་སྙོམ ་པར་འཇུག་པས་སོ།། དེ་ཉིད་འདོད་པ་སྟེ་ཆོས་ཐམས་ཅད་དབྱེར་མེད་པའི་དེ་ཉིད་རྟོགས་པས་མཆོད་པ་སྟེ་དེ་བཞིན་གཤེགས་པ་ཐམས་ཅད་མཆོད་པར་བྱའོ།། རབ་ཏུ་འབད་པ་ཅེས་བྱ་བ་ནི་མི་ལུས་པས་མ་ཡིན་པའོ།། བྱེ་བྲག་ཅི་ནས་ཤེས ་མི་བྱ་ཞེས་བྱ་བ་ནི་སྐལ་བ་མེད་པའི་སེམས་ཅན་རྣམས་ཀྱི་སྤྱོད་ཡུལ་དུ་མི་བྱའོ།། མ་གསང་སྦྲུལ་དང་རྐུན་པོ་མེ་ཞེས་བྱ་བ་ལ་སོགས་པ་སྐལ་བ་མེད་པའི་སྐྱེ་བོའི་མངོན་སུམ་དུ་བྱས་ནི་ནི། འདི་དང་ཕ་རོལ་རྣམས་སུ་ཡང་སྦྲུལ་ལ་སོགས་པ ་རྣམས་ཀྱིས་ཀྱང་དེ་སྡུག་བསྔལ་བར་བྱེད་པར་འགྱུར་རོ།། རིགས་ལྔ་རྣམས་ཀྱི་ཕྱག་རྒྱ་ཞེས་བྱ་བ་ལ་སོགས་པ་ནི་ཐོག་མ་མེད་པའི་སྐྱེ་བ་གཅིག་ནས་གཅིག་ཏུ་གོམས་པའི་ཕྱིན་ཅི་ལོག་གི་རྟོག་པ་རབ་ཏུ་ཞི་བར་བྱ་བའི་རྒྱུར་གསུངས་སོ།། རྡོ ་ཙྪ་ཞེས་བྱ་བ་ནི་ཡེ་ཤེས་རྣམ་པ་ལྔའི་བདག་ཉིད་ཀྱི་དེ་བཞིན་གཤེགས་པ་སྟེ་དེས་འདེབས་སོ་ཞེས་བྱ་བའི་དོན་ཏོ།། རིགས་དྲུག་ཏུ་ནི་རྟག་ཏུ་གསུངས། ཞེས་བྱ་བ་ནི་རྡོ་རྗེ་སེམས་དཔའི་རིགས་དང་བཅས་ནས་སོ།། སྒོམ ་པ་མེད་ཅེས་བྱ་བ་ནི་སེམས་ལས་ཐ་དད་པར་གྱུར་པ་ནི་སྒོམ་པ་སྟེ་ལུས་མེད་པའོ།། བསྒོམ་བྱ་མེད་ཅེས་བྱ་བ་ནི་དེ་ལས་མ་གཏོགས་པའི་བསྒོམ་པར་བྱ་བའི་རང་བཞིན་ཡང་མེད་པར་ཤེས་པར་བྱའོ།། སྔགས་ཀྱང་མེད་ཅིང་ལྔ་ཡང་མེད་ཅེས ་བྱ་བ་ལ་སེམས་ལས་མ་གཏོགས་པའི་དོན་མེད་པའི་ཕྱིར་བརྗོད་པ་དང་བརྗོད་པར་བྱ་བ་མ་ཡིན་པའི་སྔགས་ཞེས་བྱ་བ་ཡང་མེད་པ་ཡིན་ལ། དེ་བཞིན་དུ་ཞལ་དང་ཕྱག་ལ་སོགས་པའི་རང་བཞིན་ཅན་གྱི་ལྷ་ཡང་གུད་ན་མེད་པ་ཡིན་ནོ།། གལ་ཏེ་དེ ་ལྟར་ན་ཆོས་ཐམས་ཅད་བཙལ་བར་བྱས་པས་ཤིན་ཏུ་སྟོང་པའི་བདག་ཉིད་དུ་འགྱུར་རོ་ཞེ་ན། འདིར་གསུངས་པ་སྤྲོས་དང་བྲལ་བའི་རང་བཞིན་དུ་ཞེས་བྱ་བ་ནི་རྣམ་པར་མི་རྟོག་པའི་སེམས་ཙམ་གྱི་བདག་ཉིད་དོ།། དེའི་ཚུལ་དུ་ལྷ་དང་སྔགས་དག ་གནས་པ་སྟེ། གཞན་འདུལ་བའི་དབང་གིས་ལྷ་དང་སྔགས་རྣམས་སུ་ཀུན་ཏུ་བརྟགས་ནས་བསྟན་པར་ཁོང་དུ་ཆུད་པར་བྱའོ།། དེས་ན་འདིར་ཆོས་ཐམས་ཅད་དབྱེར་མེད་པའི་ཆོས་ཀྱི་སྐུའི་བདག་ཉིད་དུ་སྔགས་དང་ལྷ་དག་ཤེས་པར་བྱའོ།། སྤྲོས ་པ་མེད་པ་ཉིད་ཡིན་ཡང་བསྒྲུབ་པར་བྱ་བ་དང་བྱེད་པའི་བྱེ་བྲག་གིས་གསུངས་པ། རྣམ་པར་སྣང་མཛད་ཅེས་བྱ་བ་ལ་སོགས་པ་སྟེ། གཟུང་བ་དང་འཛིན་པ་མེད་པའི་ཚུལ་གྱིས་ཁྱད་པར་དུ་སྣང་བར་མཛད་དོ།། དེ་ཉིད་རང་བཞིན་གྱིས་ཐམས་ཅད་མི ་གཡོ་ཞིང་མི་འཁྲུགས་པས་ན་མི་བསྐྱོད་པའོ་སེམས་ཅན་རྣམས་ལ་གདོན་མི་ཟ་བར་འབྲས་བུ་སྩོལ་བས་དོན་ཡོད་པའོ།། རྙེད་པར་དཀའ་བ་བསམ་གྱིས་མི་ཁྱབ་པའི་ཡོན་ཏན་དང་ལྡན་པས་ནི་རིན་ཆེན་འབྱུང་ལྡན་ནོ།། རོ་ལ་ཕན་ཚུན་དུ་རྩོད ་པ་སྟེ་དེ་མེད་པས་ཨ་རོ་ལླིཀ་གོ། འཇིག་རྟེན་ལ་དེ་ཁོ་ན་ཉིད་ཀྱིས་གཟིགས་པས་ན་དེ་ཉིད་སེམས་དཔའི་བདག་ཅེས་བྱ་བར་གསུངས་སོ།། དེ་བཞིན་དུ་ཚངས་པ་ལ་སོགས་པའི་སྒྲར་བརྗོད་པར་བྱ་བ་བསྟན་པའི་ཕྱིར། ཚངས་པ་ལྡོག་པར་ཞེས ་བྱ་བ་ལ་སྩོགས་པ་གསུངས་སོ།། དེ་ལྟར་དོན་དང་འབྲེལ་པ་དང་། རིགས་དང་ཕྱི་རོལ་གྱི་སྔགས་དང་ལྷ་རྣམས་ངོ་བོ་ཉིད་མེད་པ་ཁོང་དུ་ཆུད་པའི་རྣལ་འབྱོར་པ་ཆེན་པོས་གང་ཅུང་ཟད་ལུས་དང་ངག་དང་ཡིད་ཀྱི་ལས་སུ་གྱུར་པ་དེ་ཐམས་ཅད ་སྔགས་དང་ཕྱག་རྒྱ་དང་། བསམ་གཏན་གྱི་བདག་ཉིད་དུ་གསུངས་པ། བརྗོད་པ་རྣམས་ནི་བཟླས་པར་བཤད། ཅེས་བྱ་བ་ལ་སོགས་པ་སྟེ། དེ་བསམ་གཏན་ཞེས་བྱ་བ་ནི་སེམས་དང་སེམས་ལས་བྱུང་བའི་མཚན་ཉིད་ཀྱི་བསམ་པ་གང་ཡིན ་པ་དེ་ནི་དེའི་བསམ་གཏན་ནོ།། ཅི་ཉན་ཐོས་ལ་སོགས་པ་དང་ཐུན་མོང་བ་ཞིག་གམ་སྙམ་པ་ལ། མ་ཡིན་ཏེ་ཕ་ལསོ་ཞེས་བྱ་བ་ལ་སོགས་པ་ལ་ཕ་ནི་རང་གི་སེམས་ཙམ་གྱི་བདག་ཉིད་དོ།། ཇི་ལྟར་བདེ་བ་ནི་བདེ་བ་ཙམ་སྟེ་སེམས་ཅན་ཐ~ཾང ་ལ་ཕན་པར་བྱེད་པའི་མཚན་ཉིད་དོ།། རྙེད་པ་ནི་དེ་ལས་ཐོབ་པའོ།། བདེ་དེ་རང་གི་ལོངས་སྤྱོད་བྱ་ཞེས་བྱ་བ་ལ་རང་གི་རང་བཞིན་གྱིས་སྟོང་པ་ཉིད་དང་། སྙིང་རྗེའི་རང་བཞིན་བླ་ན་མེད་ཅིང་ཐོག་མ་དང་ཐ་མ་མེད་པ་སྟེ་དེ་མངོན་པར་རྫོགས་པར ་བྱང་ཆུབ་པར་བྱའོ།། བདེ་བ་དེ་ཇི་ལྟ་བུ་ཞེ་ན། གསུངས་པ་འཆི་བ་ཞེས་བྱ་བ་ལ་སོགས་པ་སྟེ། བདེ་བ་གང་གིས་འཆི་བ་སྟེ་སྲོག་དང་བྲལ་བ་ལྟར་ལུས་དང་ངག་དང་། ཡིད་ཀྱིས་བྱ་བ་འདི་ཐམས་ཅད་སྲོག་སྟེ། རླུང་དང་བཅས ་པར་ལོག་པ་ཡིན་ནོ།། བདེ་བ་དེ་ནི་བླ་ན་མེད་པའི་བྱང་ཆུབ་ཀྱི་རང་བཞིན་ནོ།། བསམ་གཏོན་ཞེས་བྱ་བ་ནི་རྣམ་པར་མི་རྟོག་པར་རྩེ་གཅིག་ཏུ་གྱུར་པའི་ཕྱིར་རོ།། བརྗོད་ཅེས་བྱ་བ་ནི་ཀུན་རྫོབ་ཏུ་རྣམ་པར་བཤད་པ་ཡིན་ནོ།། ཡང་ན་ཕ་ཞེས་བྱ ་བྱ་བ་ནི་ཤེས་རབ་ཡེ་ཤེས་ཀྱི་བདག་ཉིད་ཀྱི་སེམས་སོ།། ཇི་ལྟར་ཞེས་བྱ་བ་ནི་ཇི་ལྟ་བ་བཞིན་དུ་ཕུན་སུམ་ཚོགས་པའོ།། བདེ་བ་ཞེས་བྱ་བ་ནི། དགའ་བ་དང་བཅས་པ་ཁམས་གསུམ་བདེ་བ་ཆེན་པོར་རོ་གཅིག་པའི་རང་བཞིན་ནོ།། བདེ་དེ་རངགི ་ལོངས་སྤྱོད་བྱ་ཞེས་བྱ་བ་ནི་དེ་བཞིན་ཉིད་ཀྱི་རང་བཞིན་གྱི་བླ་ན་མེད་པའི་བདེ་བ་ཆེན་པོ་དེ་ལས་ཀྱི་ཕྱག་རྒྱ་ལ་བལྟོས་པ་མེད་པར་བསམ་གཏན་གྱིས་ཀྱང་ཁོང་དུ་ཆུད་པར་བྱའོ།། འཆི་བ་ཞེས་བྱ་བ་ནི་ཟག་པ་དང་བཅས་པའི་ཕུང་པོ་དང་ཁམས ་དང་སྐྱེ་མཆེད་ཤིན་ཏུ་སྐྱེ་བ་མེད་པར་འགྱུར་བའོ།། བདེ་བ་གང་ཞིག་གིས་ཞེས་བྱ་བ་ནི་བདེ་བའི་རང་བཞིན་གང་ཞིག་ཤར་བར་གྱུར་པས་སོ།། བདེ་དེ་བསམ་གཏན་ཞེས་བྱ་བ་ལ་བསམ་གཏན་ནི་རབ་ཀྱི་མཐའ་ལས་སྐྱེས་པའི་བདེ་བ་ཆེན ་པོ་རྡོ་རྗེ་འཛིན་ཆེ་ན་པོའི་རང་བཞིན་ནོ།། དེ་དག་ནི་རང་གི་སེམས་ཙམ་གྱིས་བདག་ཉིད་དུ་བླ་མ་རྣམས་ཀྱིས་བསྟན་ཅིང་བཤད་པ་ཞེས་བྱ་བའི་བར་དུའོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང ་གནས་ཞེས་བྱ་བ་ལས་ལེའུ་ལྔ་པའི་བཤད་པའོ།། །། བརྟུལ་ཞུགས་ཀྱིས་སྤྱོད་པ་མ་གཏོགས་པར་རྣམ་པ་ཐམས་ཅད་མཁྱེན་པའི་ཡེ་ཤེས་བླ་ན་མེད་པ་རྫོགས་པར་མི་འགྱུར་བས་དེའི་ཕྱིར་སྤྱོད་པའི་ལེའུ་གསུངས་པ། ་དེ་ནས་གཞན་ཡང་ཞེས་བྱ་བ་ལ་སོགས་པ་སྟེ། དེ་ཁོ་ན་ཉིད་ཐོབ་པར་བྱ་བའི་ཐབས་སུ་གྱུར་པའི་ལུས་དང་ངག་དང་སེམས་ཀྱི་བྱེ་བ་རྣམས་ནི་སྤྱོད་པ་སྟེ། དེ་ཉིད་ཤིན་ཏུ་བསྔགས་པས་མཆོག་གོ།། དེའི་ཕ་རོལ་ཏུ་སོང་བ་ནི་རྣམ ་པར་མི་རྟོག་ཅིང་གསལ་བའི་མཐར་ཐུག་པས་སོང་བའོ།། གང་གིས་ཞེས་བྱ་བ་ནི་གང་གིས་སོ་གྲུབ་མཐའ་ཞེས་བྱ་བ་ནི་དེ་ཁོ་ན་ཉིད་དུའོ།། བགྲོད་པ་ཞེས་བྱ་བ་ནི་ལྷག་པར་སོང་བར་གྱུར་པའོ།། དགྱེས་པའི་རྡོ་རྗེའི་དངོས་གྲུབ་རྒྱུ་ཞེས ་བྱ་བ་ནི་ཕྱག་རྒྱ་ཆེན་པོའི་དངོས་གྲུབ་ཀྱི་རྒྱུ་མཚན་དུ་གྱུར་པ་སྟེ། དེས་ན་དེ་ལྟ་བུའི་སྤྱོད་པ་རབ་ཏུ་སྤྱོད་པར་བྱའོ་ཞེས་བྱ་བར་སྦྱར་རོ།། བགྲོད་པར་བྱ་བ་དེ་ཇི་ལྟ་བུ་ཞིག་ཡིན་ཞེས་བྱ་བ་ལ་སོགས་པ་གསུངས་ཏེ། སྒོམ་པ་སྟོབས་ཅན་དུ་གྱུར ་པའི་སེམས་སོ།། གཟུང་བྱ་བ་ཅེས་བྱ་བ་ནི། ཚུལ་རྣམ་པ་སྣ་ཚོགས་ཀྱིས་རང་གི་ཉེས་པ་བསོལ་བའི་ཕྱིར་དང་། གདུལ་བྱ་སྐྱེ་བོ་རྣམས་གཞུག་པར་བྱ་བའི་ཕྱིར་གང་ཞིག་འཆད་པའོ།། རྣ་བ་དག་ལ་འཁྱིལ་པ་བཟང་། ཞེས་བྱ་བ ་ལ་ཀུན་ནས་ཟླུམ་པས་ན་འཁྱིལ་བའོ།། ལེགས་པར་བཟོ་བྱས་ཤིང་འབར་བས་ན་བཟང་བ་སྟེ། གང་ཡང་རིག་ནས་གསུངས་པ། འཁོར་ལོའི་གཟུགས་ཀྱིས་མི་བསྐྱོད་པ་ཞེས་བྱ་བ་སྟེ། མེ་ལོང་ལྟ་བུའི་ཡེ་ཤེས་ལ་སོགས་པའི་དབྱེ་བས ་མན་ངག་ཇི་ལྟ་བར་གཟུང་བར་བྱའི་གཞན་དུ་ནི་མ་ཡིན་ནོ།། ཤིང་གཅིག་ཅེས་བྱ་བ་ལ་སོགས་པ་ལ་གལ་ཏེ་འདིར་བྱ་བའི་རྒྱུད་ལ་སོགས་པ་བཞིན་སྒོམ་པའི་གནས་ངེས་པར་གཟུང་ངམ་ཞེ་ན། བདེན་ཏེ་ཁྱད་པར་བསྒོམས ་པ་ལ་མངོན་པར་འདོད་པའི་རྣལ་འབྱོར་པ་རྣམས་རྗེས་སུ་བཟུང་བར་བྱ་བའི་ཕྱིར་རྣལ་འབྱོར་མ་རྣམས་ཀྱི་འདུ་བའི་གནས་སུ་ལྟ་བར་བྱའོ།། ཤིང་གཅིག་ཅེས་བྱ་བ་ནི་རྣལ་འབྱོར་མ་རྣམས་ཀྱིས་བྱིན་གྱིས་བརླབས་པའོ།། དུར་ཁྲོད་ནི་རོའི་གནས་སོ།། ་མ་མོ་ནི་ལྷ་མོ་རྣམས་ཀྱིས་གནས་ཀྱི་ཁྱིམ་མོ།། མཚན་མོའི་གནས་སུ་སྐྱེ་བོ་རྣམས་གཉིད་ལོག་པར་འགྱུར་བ་ནི་དབེན་པ་སྟེ། སྐྱེ་བོས་དབེན་པའོ།། བས་མཐའ་ཞེས་བྱ་བ་ནི་གྲོང་གི་མི་རྣམས་ཀྱི་སྐད་གང་དུ་མི་ཐོས་པའོ།། ཡང་ན་ལག་པ་ལ་སོགས ་པའི་ཡལ་ག་དང་ལྡན་པའི་ཕྱིར་ལུས་ཉིད་ཤིང་གཅིག་པའོ།། དབུགས་དང་ལྡན་པའི་རིགས་པ་འདིས། ལུས་ལ་དུར་ཁྲོད་ཅེས་བྱར་བརྗོད་ཞེས་གསུངས་པས། དུར་ཁྲོད་ཀྱང་དེ་ཉིད་དོ།། མ་མོའི་ཁྱིམ་ཡང་དེ་ཉིད་ཡིན་ཏེ་ཁམས་རྣམས་རྣམ་པ་བདུད ་ནི་སྐྱེ་བའི་གནས་པས་མ་མོ་ཡིན་ལ། ཁྱིམ་ལྟར་དེ་འཛིན་པར་བྱེད་པས་ཁྱིམ་མོ།། འདོད་ཆགས་ལ་སོགས་པའི་གཉིད་ལོག་པས་ན་དབེན་པ་སྟེ། རྣམ་པར་རྟོག་པ་དང་བྲལ་བའོ།། ཆོས་འབྱུང་བའི་ལྟེ་བ་ནི་བས་མཐའོ།། ཅུང་ཟད་ཅེས་བྱ་བ་ལ ་སོགས་པ་ནི་བསམ་གཏན་གྱིས་དྲོད་ལ་སོགས་པའི་མཚན་མ་གང་རྙེད་ནས་སོ།། གལ་ཏེ་སྤྱོད་པ་བྱེད་འདོད་ཅིང་དངོས་གྲུབ་ཐོབ་ཕྱིར་ཞེས་བྱ་བ་ལ་དངོས་གྲུབ་ནི་ཐུན་མོང་དང་། མཆོག་གི་དངོས་གྲུབ་དག་སྟེ། འདོད་པའི་བསམ་པ་དང་ལྡན་པ་གང ་ཡིན་པ་དེས་ཇི་སྐད་གསུངས་པའི་ཕྱག་རྒྱ་དང་ལྷན་ཅིག་ཏུ་རིག་པའི་བརྟུལ་ཞུགས་ལ་སྤྱད་པར་བྱའོ།། རང་འདོད་ལྷ་ཡི་རིགས་ཀྱིས་བྱ། ཞེས་བྱ་བ་ནི་བརྟག་པ་གཉིས་པའི་ལེའུ་བཅུ་པ་ལས་གསུངས་པའི་མདོག་དང་། མཚན་ཉིད་དང་ལྡན་པའི་ལྷ ་མོ་ནི། རང་འདོད་ལྷའི་རིགས་ཏེ་དེ་དང་ངོ་།། བྱ་བ་ནི་བྱང་ཆུབ་ས་བོན་བཞག་བྱ་སྟེ་ཞེས་བྱ་བའོ།། མངོན་པར་སྦྱངས་ལ་ཞེས་བྱ་བ་ནི་སྔགས་དང་རྒྱུད་དང་དམ་ཚིག་དང་བརྡ་རྣམས་ཀྱིས་སོ།། སྨན་ནི་བཟའ་བར་བྱ་ཞེས་བྱ་བ་ལ་སྨན་ནི་དྲི་ཞེས་བྱ་བར་གྲགས ་པའོ།། ཆུ་ནི་དྲི་ཆུའི་རྫས་ཏེ་དེ་དག་གི་དབུས་ན་གནས་པ་ཁྲག་དང་ཁུ་བ་དང་ཤུ་རྣམས་ཀྱང་གཟུང་བར་བྱའོ།། རྒ་དང་ཤི་བས་གནོད་མི་འགྱུར་ཞེས་བྱ་བ་ནི་ཆོ་ག་བཞིན་དུ་གོམས་པར་བསྟེན་པས་སོ།། རྟག་ཏུ་བསྲུངས་པ་ཞེས་བྱ་བ་ནི་ཆོ་ག་འདིས་པ ་རོལ་ཕྱིར་རྒོལ་བ་རྣམས་ལས་རྟག་ཏུ་བསྲུང་བར་འགྱུར་བའོ།། གཞན་ངག་ནི་གོ་སླའོ།། འདོད་པ་ཞེས་བྱ་བ་ནི་གཞན་ལ་རྙེད་པ་དང་བཀུར་སྟི་ཐོབ་པར་བྱ་བའི་ཕྱིར་སྤྱོད་པ་ལ་སློབ་པའོ།། གཏི་མུག་ཅེས་བྱ་བ་ནི་ཕན་པ་དང་གནོད་པ་ལ་སོགས་པ་བདག ་དང་བདག་གིར་འཛིན་པའོ།། འཇིགས་པ་ཞེས་བྱ་བ་ནི་སྤྱོད་པ་ལ་ཞུགས་པ་རྣམས་ཀྱི་འབྲས་བུའི་བར་ཆད་བྱ་བའི་ཕྱིར་གཞན་དག་གིས་བྱས་པའི་སྒྲིབ་པོའི་ཁྱད་པར་རོ།། ཁྲོ་བ་ཞེས་བྱ་བ་ནི་གཞན་དག་གམ་བདག་ལ་ཡང་རུང་སྟེ་དབྱུག་པ་ལ་སྲོག ་པས་བསྣུན་པར་བརྩོན་པས་སེམས་ཁོང་ནས་འཁྲུགས་པའོ།། ངོ་ཚ་ཞེས་བྱ་བ་ནི་གཞན་གྱི་སྤྱོད་པ་ལ་ལྟོས་ནས་བདག་ཉིད་སྤ་སྐོང་བར་བྱེད་པའོ།། གཉིད་ཅེས་བྱ་བ་ནི་ཉེ་བར་མཚོན་པ་སྟེ། རྒོད་པ་དང་། འགྱོད་པ་དང་། རྨུགས་པ་དང་། སོམ ་ཉིའི་བར་དུ་སྤང་བར་བྱའོ།། ཐེ་ཚོམ་མེད་པས་སྤྱོད་པ་བྱ་ཞེས་བྱ་བ་ནི་བདག་ཉིད་ངེས་པར་བཏང་བས་སོ།། ལུས་ནི་སྦྱིན་པ་བཏང་བ་ཡིས། ཞེས་བྱ་བ་ནི་སེམས་ཅན་ཐམས་ཅད་བསྐྱང་བའི་ཕྱིར། བླ་མ་དང་དཔའ་བོ་དང་རྣལ་འབྱོར་མ་རྣམས ་ལ་བདག་ཉིད་ངེས་པར་ཕུལ་ཞིང་བཏང་ནས་དེའི་འོག་ཏུ་སྤྱོད་པ་བརྩོམ་པར་བྱའོ།། ཆ་དང་ཆ་མིན་ཞེས་དཔྱད་ནས། ཞེས་བྱ་བ་ནི་རྣམ་པར་དཔྱད་པ་ན་གཅིག་དང་དུ་མི་བྲལ་ཞིང་སྦྱིན་བདག་དང་། ལེན་པ་དང་། སྦྱིན་པ་དམིགས་སུ་མེད་པའོ།། དེ་ནས་སྦྱིན་པ ་བཏང་མི་བྱ། ཞེས་བྱ་བ་ནི་དོན་དེ་ཉིད་སྟོན་པར་བྱེད་པ་སྟེ། སྦྱིན་པ་ལ་སོགས་པའི་འདུ་ཤེས་མི་བྱའོ་ཞེས་བྱ་བའི་དོན་ཏོ།། བཟའ་བ་ཞེས་བྱ་བ་ལ་སོགས་པ་ལ། བཟའ་བ་ནི་ཟན་ལ་སོགས་པ་སྟེ། དེ་དག་གི་རོ་མྱང་བ་བལྟོས་པ་མེད་པར་ལོངས་སྤྱོད་ཅིང ་ཞིམ་པ་དང་མི་ཞིམ་པར་མཛད་པ་དག་སྦྱང་བར་བྱའོ་ཞེས་བྱ་བའི་དོན་ཏོ།། འདོད་དང་མི་འདོད་རྣམ་པར་རྟོག་ཅེས་བྱ་བ་ནི་ཡོངས་སུ་ལེན་པོ་དང་། སྤོང་བ་ནི་རྟོག་པའི་ངོ་བོ་ཉིད་དེ་སྡུག་བསྔལ་གྱི་ཕུང་པོ་ཆེན་པོ་འཕེལ་བར་བྱེད་དོ།། གཞན་དག་ནི་ཁོང་དུ་ཆུད ་པར་ཟད་དོ།། བསླབ་དང་ཞེས་བྱ་བ་ལ་སོགས་པ་ལ་བསླབ་པ་ནི་དགེ་བ་དང་། མི་དགེ་བ་རྣམས་ལ་འཇུག་པ་དང་ལྡོག་པའི་མཚན་ཉིད་དོ།། ཆོ་ག་ཞེས་བྱ་བ་དཀྱིལ་འཁོར་དུ་ཞུགས་པ་ལ་སོགས་པའོ།། ངོ་ཚ་ཞེས་བྱ་བ་ནི་རང་དང་རྗེས་སུ་མཐུན་པའི ་བྱ་བ་མི་བྱེད་པའོ།། དངོས་པོ་ཀུན་གྱི་རང་བཞིན་ཞེས་བྱ་བ་ནི་ཆོས་ཐམས་ཅད་གཉིས་སུ་མེད་པའི་བདེ་བ་ཆེན་པོའི་ཚུལ་གྱིས་སོ།། རྣམ་སྤྱོད་ཅེས་བྱ་བ་ནི་སྤྱོད་ལམ་རྣམ་པ་སྣ་ཚོགས་དག་ཏུའོ།། རྣལ་འབྱོར་ཞེས་བྱ་བ་ནི་རྣ་ཆ་ལ་སོགས་པའི་བརྟུལ ་ཞུགས་ཀྱི་སྦྱོར་བ་ཤེས་པའོ།། བརྩེ་བ་ཆེན་པོ་ཞེས་བྱ་བ་ནི་རྡོ་རྗེ་སྙིང་པོ་ལ་བོད་པའོ།། སྦྱིན་སྲེག་མཆོད་སྦྱིན་ཞེས་བྱ་བ་ལ་སོགས་པ་འདིའི་དོན་གྱི་སྦྱིན་སྲེག་ལ་སོགས་པའི་སྤྲོས་པ་རྣམས་སྤངས་ཤིང་ཕྱིན་ཅི་ལོག་གི་རྣམ་པར་རྟོག་པ་ལས་གྲོལ ་ས་དེ་ཁོ་ནི་ཉིད་ཀྱི་བརྟུལ་ཞུགས་ཀྱི་སྤྱོད་པ་དང་ཡང་དག་པར་ལྡན་པས་བླ་ན་མེད་པའི་བྱང་ཆུབ་བསྒྲུབ་པར་བྱ་བ་ཡིན་ནོ།། ཤིན་ཏུ་སྦྱོར་ལྡན་ཞེས་བྱ་བ་ནི་སེམས་བརྟན་པོར་གྱུར་ནའོ།། ཡང་ན་རྣལ་འབྱོར་པ་གང་དག་སྦྱིན་སྲེག་ལ་སོགས་པའི་ལས ་ཙམ་གྱིས་བདག་ཉིད་དག་པར་སེམས་པོ་དེ་དག་གི་དབང་དུ་བྱས་ནས་གསུངས་པ། སྦྱིན་མཆོད་སྦྱིན་ཞེས་བྱ་བ་ལ་སོགས་པ་སྟེ། བླ་ན་མེད་པའི་དེ་ཁོ་ན་ཉིད་ཀྱི་སྤྱོད་པ་མ་རྟོགས་པར། ཕྱི་དང་ནང་གི་སྦྱིན་སྲེག་ལ་སོགས་པའི་རྟོག་པ་རྣམས་ཀྱིས ་དངོས་གྲུབ་ཆེན་པོར་མི་འགྱུར་རོ་ཞེས་བྱ་བ་ཡིན་ནོ།། མི་བྱ་ཅི་ཡང་ཡོད་མ་ཡིན་ཞེས་འོག་ནས་གསུངས་པས་ན་དམ་ཚིག་སྡོམ་ལས་རྣམ་པར་གྲོལ་ལོ།། བརྒྱ་བྱིན་མཚུངས་པ་ཞེས་བྱ་བ་ནི་བརྒྱ་བྱིན་གྱི་གཟུགས་དང་། སྟོབས་དང་། བརྩོན་འགྲུས ་དང་། མཐུ་དང་ལྡན་པའི་གདོན་སུ་ཡང་རུང་བ་དག་གལ་ཏེ་མདུན་དུ་མཐོང་ན་དེ་ལ་འཇིགས་པར་མི་བྱ་སྟེ། རང་གི་ཏིང་ངེ་འཛིན་ལས་ཉམས་པར་མི་བྱའོ།། དེ་ལ་ཞེས་བྱ་བ་ནི་དེ་ལ་འཇིགས་པར་མི་བྱ་ན། ཡི་དགས་གཞན་ལ་སྨོས་ཀྱང་ཅི་དགོས།། ་འོ་ན་ཇི་ལྟར་བྱ་ཞེ་ན་གསུངས་པ། སེང་གེའི་ཚུལ་གྱིས་ཞེས་བྱ་བ་ལ་སོགས་པ་སྟེ། སེང་གེ་ནི་བཅོམ་ལྡན་འདས་ཏེ་ཉོན་མོངས་པས་མི་བརྫི་བའི་ཕྱིར་རོ།། དེ་དང་འདྲ་བ་ནི་དེའི་ཚུལ་ཏེ་གནས་སྐབས་ཐམས་ཅད་དུ་རང་གི་ཏིང་ངེ་འཛིན་རྟོགས་པར ་བྱ་བའི་ཕྱིར་རོ།། རྟག་ཏུ་ཞེས་བྱ་བ་ལ་སོགས་པ་ལ། རྟག་ཏུ་རྒྱུན་མི་འཆད་པའོ།། སྙིང་རྗེའི་བཏང་བ་ནི། གང་གི་ཕྱིར་ལོངས་སྤྱོད་དང་། སྤྲུལ་པ་རྫོགས་ནས་སེམས་ཅན་རྣམས་ཀྱི་ཉེས་པ་མ་ལུས་པ་བསལ་བ་སྔོན་དུ་འགྲོ་བས ་དེ་བཞིན་གཤེགས་པའི་ཡེ་ཤེས་ཐོབ་པའི་ཐབས་སུ་གྱུར་པ་འདུལ་བའི་དབང་གིས་འཇིག་རྟེན་གྱི་ཁམས་སྣ་ཚོགས་ངག་ཏུ་གཟུགས་རྣམ་པ་སྣ་ཚོགས་དག་ཏུ་སྤྲུལ་ཏེ་ཆོས་སྟོན་པ་ལ་འཇུག་པ་ཡིན་ནོ།། དེའི་ཕྱིར་གསུངས་པ། སེམས་ཅན ་ཀུན་གྱི་དོན་གྱི་ཕྱིར་ཞེས་བྱ་བའོ།། སྦྱིན་པའི་བཏུང་བ་ཞེས་བྱ་བ་ལ་སྦྱོར་བ་ནི་ཐབས་དང་ཤེས་རབ་གཉིས་སུ་མོང་པའི་ཡེ་ཤེས་སོ།། དེ་ཉིད་རྣལ་འབྱོར་པ་རྣམས་ཀྱི་བཏུང་པ་སྟེ། ཆོས་རྣམས་དབྱེར་མེད་པའི་མཚན་ཉིད་ཆོས་ཀྱི་སྐུས་སོ།། མྱོས ་པ་ནི་ཆོས་ཐམས་ཅད་ཀྱི་བཏུང་བ་གཞན་གྱིས་མྱོས་པ་མིན་ཞེས་བྱ་བ་ནི། སྟོང་པ་ཉིད་དང་སྙིང་རྗེའི་བདུད་རྩིའི་བཏུང་བ་མ་གཏོགས་པར་གཞན་དུ་ཆོས་ཐམས་ཅད་ཀྱི་བདག་ཉིད་ཆོས་ཀྱི་སྐུས་མྱོས་པ་མ་ཡིན་པའོ།། དེའང་གསུངས་པ། མཚན་དང ་དཔེ་བྱད་དག་གིས་གཟུགས་སྐུ་རྫོགས་པར་མངོན་འདོད་པ།། བསམ་གཏན་ཙམ་གྱིས་མ་ཡིན་བརྩོན་འགྲུས་ལྡན་པས་འཐོབ།། མ་འདྲེས་ལ་སོགས་སངས་རྒྱས་ཆོས་སུམ་འབད་མེད་པར།། ཆོས་སྐུ་མངོན་རྟོགས་འདོད་པ་རྫོགས་ལ་བསྟན་པ ་འགྱུར་ཞེས་བྱའོ།། ཡང་ན་སྙིང་རྗེའི་བཏུང་བ་ཞེས་བྱ་བ་ནི། བཏུང་བ་ལ་དགའ་བའི་སེམས་ཅན་རྣམས་རྗེས་སུ་བཟུང་བར་བྱ་བའི་ཕྱིར་སྙིང་རྗེ་དང་ལྡན་པས་རྟག་ཏུ་སྤྱོད་པ་རྣམ་པར་དག་པ་ཉེ་བར་བསྟན་པར་བྱ་ཞིང་། སྔགས་ཀྱིས་སྤངས ་པའི་དྲུག་དང་འདྲ་བ་ཉོན་མོངས་པ་རྣམས་ཀྱིས་མ་གོས་པར་ཡོངས་སུ་གཟུང་ལ་སྤྱད་དེ། ཕུང་པོ་ལ་སོགས་པ་རྣམ་པར་དག་པའི་དེ་བཞིན་གཤེགས་པ་ཐམས་ཅད་བདུད་རྩིའི་ཏིང་ངེ་འཛིན་གྱིས་ཚིམ་པར་བྱའོ།། སེམས་ཅན་རྣམས་ཀྱི་དོན ་ཕྱིར་ཞེས་བྱ་བ་ནི། རྣལ་འབྱོར་པ་རྣམས་ཀྱི་ལུས་དང་། ངག་དང་ཡིད་ཀྱི་ཡང་དག་པར་འཇུག་པ་གང་ཅུང་ཟད་ཅི་ཡོད་པ་དེ་དག་ཐམས་ཅད་ལ་མཆོག་གི་ཐེག་པ་འདི་ལ་མངོན་པར་དགའ་བར་བྱ་བའི་ཕྱིར་འཇུག་པའོ།། སྦྱོར་བའི་བཏུང ་དགའ་ཞེས་བྱ་བ་ལ་སྦྱོར་བ་ནི་ཐབས་དང་། ཤེས་རབ་དབྱེར་མེད་པའི་ཏིང་ངེ་འཛིན་གྱི་ཚུལ་གྱིས་སོ།། འདིའི་བཏུང་བ་ནི་རྟག་ཏུ་རྒྱུན་མི་འཆད་པར་ཡིད་ལ་བྱའོ།། རྣལ་འབྱོར་པ་ནི་ཞེས་བྱ་བ་ནི་དམ་ཚིག་དང་ཏིང་ངེ་འཛིན་གྱི་ཆོ་ག་ཐམས་ཅད ་ལ་མཁས་པའོ།། བཏུང་བ་གཞན་མིན་ཞེས་བྱ་བ་ནི་བདག་ཉིད་དམ་ཚིག་ཉམས་པར་འགྱུར་བས་སྐྱེ་བོ་རྣམས་མངོན་པར་མི་དད་པ་བསྲུང་བར་བྱ་བའི་ཕྱིར་བཏུང་བ་གཞན་ལ་བརྟེན་པར་མི་བྱའོ།། མྱོས་པ་ཞེས་བྱ་བ་ནི་ལུས་དང་ངག་གི ་རྣམ་པར་དབྱེ་བ་སྔོན་དུ་འཕྲོ་བས་རྒྱལ་བར་འགྱུར་བའོ།། དེ་ཡང་གསུངས་པ། ང་རྒྱལ་བསྐྱེད་པར་བྱ་བའི་ཕྱིར།། ཉུང་ངུ་འདི་ལ་གོམས་པར་བྱ།། ཇི་ལྟར་མྱོས་པར་མི་འགྱུར་ཞིང་།། མཆོག་ཏུ་དགའ་བའི་སེམས་ཀྱིས་བྱ།། སློབ་དཔོན ་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་དྲུག་པའི་བཤད་པའོ།། །། སྐལ་བ་དང་ལྡན་པ་རྣམས་ཀྱི་སྤྱོད་ཡུལ་མ་ཡིན་པའི་བརྡ་མ་གཏོགས་པར་རང་གི་དམ་ཚིག་ཅན ་རྣམས་ཁོང་དུ་ཆུད་པར་མི་འགྱུར་རོ་ཞེས་བསྟན་པའི་ཕྱིར་དེ་ནས་བརྡའི་ལེའུ་ཞེས་བྱ་བར་གསུངས་ཏེ། བརྡ་ཞེས་བྱ་བ་ནི་རྣལ་འབྱོར་མ་རྣམས་ཀྱི་ལུས་དང་ངག་གི་ཐ་སྙད་དོ།། དེ་ལ་ཕྱི་རོལ་འདུ་བྱ་ཞེས་བྱ་བ་ལ་སོགས་པ ་ལ་འདུ་བའི་ས་དེ་རྣམས་སུ་མཆོག་ཏུ་གྱུར་པའི་ཐུགས་རྗེས་སྒེག་པ་ལ་སོགས་པའི་ཉམས་དང་ལྡན་པའི་ཆོས་དང་། ལོངས་སྤྱོད་རྫོགས་པ་དང་། སྤྲུལ་པའི་རང་བཞིན་གྱིས་རྣལ་འབྱོར་མ་རྣམས་ཀྱིས་སྒྲུབ་པ་པོ་རྗེས་སུ་གཟུང་བའི་ཕྱིར། ་གང་ཞིག་སྨྲས་པའི་བཟའ་བ་དང་། བཏུང་བ་དང་མལ་ཆ་ལ་སོགས་པ་རྣམས་མཆོག་ཏུ་དགའ་བའི་སེམས་ཀྱིས་དེ་དག་ཐམས་ཅད་ཕུན་སུམ་ཚོགས་པར་བྱའོ།། དེ་ནས་རང་གི་དམ་ཚིག་ཅན་དེ་རྣམས་ལ་ཡང་གུས་པས་སྤྱི་བོས་འདུད་པར ་བྱས་ནས་སྐལ་བ་ཇི་ལྟ་བ་བཞིན་དུ། དེས་ཆོས་བསྟན་པ་སྔོན་དུ་འགྲོ་བའི་མིག་སྨན་དང་། རྐང་བྱུག་ལ་སོགས་པའི་དངོས་གྲུབ་རྣམས་ཀྱང་རབ་ཏུ་སྟེར་ཞིང་། ཡུལ་ཐམས་ཅད་ཀྱི་རྡུལ་འབྱོར་མ་ཞིང་སྐྱེས་མ་དང་། སྔགས་སྐྱེས་མ་དང་། ལྷན ་ཅིག་སྐྱེས་པའི་རང་བཞིན་རྣམས་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་སྟེར་བ་ལ་མངོན་པར་བསོད་ནམས་བྱས་པའི་སྒྲུབ་པོས་ཡང་དག་པར་མཐོང་བར་འགྱུར་བའི་ཕྱིར། དེ་རྣམས་ལོ་ཡང་དག་པར་བསྡུས་ཏེ་སྟོན་པར་མཛད་པ ་ཡིན་ནོ།། གནས་དང་ཉེ་བའི་གནས་དང་ནི། ཞེས་བྱ་བ་ལ་སོགས་པ་ལ་འདི་རྣམས་ས་རྣམས་བཅུ་གཉིས་ཏེ་ཞེས་བྱ་བ་ནི་མོས་པས་སྤྱོད་པའི་ས་དང་། རབ་ཏུ་དགའ་བ་དང་། དྲི་མ་མེད་པ་དང་། འོད་བྱེད་པ་དང་། འོད་འཕྲོ་བ་ཅན་དང་། ཤིན་ཏུ ་སྦྱང་དཀའ་བ་དང་། མངོན་དུ་གྱུར་པ་དང་། རིང་དུ་སོང་བ་དང་། མི་གཡོ་བ་དང་། ལེགས་པའི་བློ་གྲོས་དང་། ཆོས་ཀྱི་སྤྲིན་དང་། དུ་འོད་རྣམས་སོ།། འདི་རྣམས་ཉིད་རིགས་ལ་སོགས་པའི་ས་སྟེ། སེམས་ཅན་གྱི་བསམ་པའི་དུབུ ་བས་སོ།། གནས་ནི་ཛཱ་ལནྡྷ་ར་ལ་སོགས་པའི་ཐ་སྙད་ནི་སངས་རྒྱས་དང་། རྡོ་རྗེ་འཛིན་པ་རྣམས་ཀྱི་སྟེ། གདུལ་བྱའི་དབང་གིས་གཞན་ཡང་བདག་མེད་མ་ལ་སོགས་པ་མངོན་པར་བརྗོད་པ་རྣམས་ཀྱི་འདུ་བའི་གནས་ཏེ། འབྲས་བུ ་རྡོ་རྗེ་འཛིན་པའི་ས་ཐོབ་པར་མཛད་པ་ཡིན་ནོ།། ས་བཅུའི་དབང་ཕྱུག་ཅེས་བྱ་བ་ལ་སོགས་པ་འདིས་ནི་རབ་ཏུ་དགའ་བས་ན་ཆོས་ཀྱི་མཐར་ཐུག་པ་འདི་རྣམས་ཉིད་རྒྱར་གྱུར་པའི་རྡོ་རྗེ་སེམས་དཔའི་སྟོན་པ་ཡིན་ནོ།། འདི་ལ་གཞན་དུ་ཞེས ་བྱ་བ་ནི་རབ་ཏུ་དབྱེ་བ་མེད་པའོ།། ཉི་མ་ཞེས་བྱ་བ་ནི་ཉིན་ཞག་གོ།། སེམས་ཅན་ཀུན་གྱི་དོན་གྱི་ཕྱིར་ཞེས་བྱ་བ་ནི། སེམས་ཅན་ཐམས་ཅད་ཀྱིས་འཇིག་རྟེན་དང་། འཇིག་རྟེན་ལས་འདས་པའི་དངོས་གྲུབ་ཐོབ་པར་བྱ་བའི་ཕྱིར་རོ།། རྣལ ་འབྱོར་མ་རྣམས་ཞེས་བྱ་བ་ནི། ཞིང་ལས་སྐྱེས་པ་དང་། སྔགས་ལས་སྐྱེས་པ་དང་། ལྷན་ཅིག་སྐྱེས་པའི་རང་བཞིན་ཅན་རྣམས་སོ།། རབ་ཏུ་འདུ་བ་ཞེས་བྱ་བ་ནི་ངེས་པར་གཟུང་བར་གྱུར་པའོ།། རྒྱལ་མཚན་ཞེས་བྱ་བ་ནི་བསྒེགས ་པའོ།། མཚོན་བསྡུན་ཞེས་བྱ་བ་ནི། གཞན་གྱིས་བསད་པའོ།། བདུན་འཁོར་ཞེས་བྱ་བ་ནི། སྐྱེ་བ་བདུན་དུ་མི་རྣམས་ཀྱི་ནང་དུ་འཁོར་བ་སྟེ། འོག་ནས་འབྱུང་བའི་དངོས་གྲུབ་ཐོབ་པར་བྱ་བའི་ཕྱིར་རོ།། འོ་ན་གལ་ཏེ་རང་ཉིད་དུས ་བྱས་པར་མ་གྱུར་ན་དེའི་ཚེ་འོག་ནས་འབྱུང་བའི་ཁ་སྦྱོར་དྲལྟ་བའི་ཆོ་ག་མི་བྱ་བ་འམ། ཅི་ཞེ་ན། སྙིང་རྗེ་ཞེས་བྱ་བ་ལ་སོགས་པ་ལ། གང་ཞིག་ངེས་པར་སྡུག་བསྔལ་གྱི་རྒྱུ་ལ་གནས་ཤིང་གཞན་གྱིས་འདུལ་བར་མི་ནུས་པ་རྣམ ་སྙིང་རྗེས་སྡུག་བསྔལ་ཆེན་པོར་ཞི་བར་བྱ་བའི་ཕྱིར་བསྟེན་པའོ།། འབད་པ་ཡིས་ཞེས་བྱ་བ་ནི་སྔགས་ལ་སོགས་པའི་ཆོ་གས་སོ།། མཁས་པ་ཞེས་བྱ་བ་ནི་སྦྱོར་བ་ཤེས་པས་སོ།། དེའི་ཕྱིར་གསུངས་པ། སྙིང་རྗེ་དམན་པས་འགྲུབ་པའི་ཕྱིར། ཞེས ་བྱ་བ་སྟེ་དངོས་གྲུབ་ཐམས་ཅད་ནི་སྙིང་རྗེའི་རྩ་བ་ཅན་ནོ།། དེས་ན་དེ་སྤངས་པ་རྣམས་དངོས་གྲུབ་ཏུ་མི་འགྱུར་རོ།། དོན་དེ་ཉིད་རབ་ཏུ་གསལ་བར་བྱ་བའི་ཕྱིར་ངེས་ན་ཞེས་བྱ་བ་ལ་སོགས་པ་སྨོས་ཏེ། འཇིག་རྟེན་དང་འཇིག་རྟེན་ལས་པ་འདས་པའི་དོན ་ཐམས་ཅད་ཕུན་སུམ་ཚོགས་པར་བྱ་བའི་ཕྱིར། འབད་དེ་རབ་ཏུ་སྙིང་རྗེ་བསྐྱེད་པར་བྱའོ།། ཞེས་བྱ་བའི་དོན་ཏོ།། གལ་ཏེ་དེ་ལྟར་ན་འོག་ནས་འབྱུང་བའི་ཁ་སྦྱོར་དྲལ་བའི་ཆོ་ག་སུས་ཀྱང་ནམ་ཡང་མི་བྱའོ་ཞེ་ན། མ་ཡིན་ཏེ་གདུག་པ་ཐམས་ཅད ་གདུལ་བའི་ཕྱིར་ཞེས་བྱ་བ་ལ། གདུག་པ་ནི་དཀོན་མཆོག་གསུམ་ལ་གནོད་པ་དང་། བླ་མ་དམ་ཚིག་ཅན་གྱི་སེམས་ཅན་ལ་གནོད་པ་རྣམས་གཞུག་པོའི་ཕྱིར་རོ།། དེ་ཡང་བཀུར་སྟི་བྱས་ཤིང་སྦྱིན་པ་ལ་སོགས་པས་མངོན་པར་བསྐུལ་ནས ་འབྱུང་བའི་བསྙེན་གནས་ལ་སོགས་པ་སྦྱིན་པ་འདིས་མངོན་པར་དད་པར་བྱས་ལ་ཐེག་པ་གསུམ་གྱི་སྣོད་ཇི་ལྟ་བ་བཞིན་དུ་གཞུག་པར་བྱ་སྟེ། དེས་ཀྱང་གཞུག་པར་མ་ནུས་ན་དེ་འོག་ནས་འབྱུང་བ་འདིས་ཁ་སྦྱོར་དྲལ་བའི་དབྱེ་བོའི་མཚན ་ཉིད་ཆོ་ག་བཞིན་དུ་བྱའོ།། དེ་ཡང་རྣམ་པར་སྣང་མཛད་མངོན་པར་བྱང་ཆུབ་པ་ལས་གསུངས་པ། འདི་ན་བྱང་ཆུབ་སེམས་དཔས་ཇི་སྲིད་དུ་སྲོག་བཅད་པ་ལས་ལྡོག་པར་བྱ་སྟེ། གཞན་དུ་སེམས་ཅན་དཀོན་མཆོག་གསུམ་ལ་གནོད་པ་བྱེད ་པ་ཞེས་བྱ་བ་ལ་སོགས་པ་རྒྱས་པར་འབྱུང་བ་ཡིན་ནོ།། གལ་ཏཽ་དེ་ལྟར་ན་ཐབས་མྱུར་བའི་ཆོ་ག་འདིས་ཐམས་ཅད་བྱ་བའོ་ཞེ་ན་མ་ཡིན་ཏེ། གཙོ་བོ་རབ་ཏུ་དགག་པར་བྱ་ཞེས་བྱ་བ་ལ། གདུག་པ་མ་ཡིན་པའི་རྒྱུད་ཐམས་ཅད་ལ་དགག་པར ་བྱའོ་ཞེས་བྱ་བའོ།། དེ་ལ་འདི་ལྟར་ཤེས་པར་བྱ་ཞེས་བྱ་བ་ལ་སོགས་པ་ལ། ཉིན་མོ་དང་མཚན་མོ་ནི་ཐབས་དང་ཤེས་རབ་ཀྱི་རྣམ་པར་དག་པར་གསུངས་པ་ཡིན་ནོ།། མི་བཟའ་ཅུང་ཟད་ཅེས་བྱ་བ་ལ་སོགས་པ་ལ་གང་ཡང་སྲོག་བཅད་པ་ལ ་སོགས་པ་མི་བྱ་བ་ཅུང་ཟད་ཀྱང་མེད་པའོ།། མི་བཟའ་ཞེས་བྱ་བ་ནི་འཇིག་རྟེན་པས་སྨད་པ་རྣམས་སོ།། འདིར་ནི་མི་བསམ་ཡོད་མ་ཡིན་ཞེས་བྱ་བ་ནི་བརྣབ་སེམས་ལ་སོགས་པའོ།། མི་སྨྲ་དགེ་སྡེ་ག་ཅེས་བྱ་བ་ནི་བརྫུན་དུ་སྨྲ་བ་ལ་སོགས་པ ་དཔལ་ཧེ་རུ་ཀའི་རྣལ་འབྱོར་པ་གཞན་གྱི་དོན་ལ་ཞུགས་པ་རྣམས་སོ།། དེ་ཡང་གསུངས་པ། སྙིང་རྗེར་ལྡན་པའི་མི་དགེ་མེད།། བཀག་པ་རྣམས་ཀྱང་དེ་ལ་གནང་ཞེས་བྱ་བའོ།། བདག་ཇི་བཞིན་སེམས་ཅན་ཇི་བཞིན་ཞེས་བྱ་བ་ནི་རང་དང་གཞན ་ལ་འདིར་བདེ་བ་དང་སྡུག་བསྔལ་དང་ཁུ་བ་དང་ཁྲག་ལ་སོགས་པའི་བྱེ་བྲག་གང་ཡང་མེད་དོ།། བདག་གི་བདག་ལྟར་གཞན་དེ་བཞིན། ཞེས་བྱ་བ་ནི་ཕྱིན་ཅི་ལོག་གིས་བརྟགས་པའི་ཕུང་པོ་ཙམ་སྟེ། བདག་དང་གཞན་ཞེས་བྱ་བའི་དངོས་པོ ་ཐམས་ཅད་ནི་སྟོང་པར་ཤེས་པར་བྱའོ།། དེ་ནས་ཆོས་ཐམས་ཅད་ནི་མཉམ་པ་ཉིད་དང་། མ་ལུས་པའི་སེམས་ཅན་གྱི་ཁམས་བསྒྲལ་བར་འདོད་པའི་དཔལ་ཧེ་རུ་ཀའི་ཚུལ་ཅན་ལ་ཇི་ལྟར་བསྟན་པ་ཐམས་ཅད་ཁ་ན་མ་ཐོ་བ་མེད ་པ་ཉིད་དོ།། འདི་ལྟར་ཀུན་སེམས་སྦྱོར་བའི་བདག་ཅེས་བྱ་བ་ནི་འགྲོ་བ་ཐམས་ཅད་ཀྱི་བདག་ཉིད་ཐབས་དང་ཤེས་རབ་དྲི་མ་མེད་པའི་ཏིང་ངེ་འཛིན་གྱི་རང་བཞིན་དུ་རྣམ་པར་སེམས་པའོ།། བདག་ཉིད་བཟའ་བཏུང་ཞེས་བྱ་བ་ལ་སོགས་པ་གང་ཅུང་ཟད་ཟ ་བ་དེ་ཐམས་ཅད་བདུད་རྩི་བཅུར་བྱས་ལ་བཏུང་བ་རྣམས་ནི་བྱང་ཆུབ་ཀྱི་སེམས་སུ་བྱའོ་ཞེས་པ་སྟེ། བཟའ་བར་བྱ་བ་དང་བཟའ་བ་དང་། ཟ་བ་པོའི་རྣམ་པར་རྟོག་པ་སྤངས་པས་སྔགས་དང་ལྷ་དག་གཉིས་སུ་མེད་པར་བྱས་ཏེ་མཆོད་པར་བྱ་བ་དང་། མཆོད ་པ་པོ་དང་། མཆོད་པའི་རྟོག་པ་དང་བྲལ་བས་དེ་བཞིན་གཤེགས་པ་ཐམས་ཅད་ཀྱིས་ཐུགས་རྗེས་ལྷག་པར་སྤྲུལ་པའི་བདག་ཉིད་དུ་བསྒོམ་ནས་མཆོད་པ་བརྩམ་པར་བྱའོ།། ཇི་སྲིད་ཅེས་བྱ་བ་ལ་སོགས་པ་ལ་གང་ཅུང་ཟད་ལུས་ཀྱི་རྣམ་པའི་ལས ་དང་གང་ཡང་ངག་གི་རང་བཞིན་དེ་ཐམས་ཅད་སྔགས་དང་ཕྱག་རྒྱའོ།། གང་དུ་ཞེ་ན་ཧེ་རུ་ཀ་དཔལ་བཞིར་གནས་ན་སྟྭཾ། ཧེ་རུ་ཀའི་དོན་ནི་ཤྲཱི་གཉིས་མེད་ཅེས་བྱ་བ་ལ་སོགས་པ་བསྟན་ཏོ།། སྐྱེ་བོ་གང་དང་ཞེས་བྱ་བ་ལ་སོགས་པ་ལ། པི་ཤི་ཏཾ་ཞེས་བྱ་བ ་ནི་ཤའོ།། བློ་དང་ལྡན་པས་ཞེས་བྱ་བ་ནི་སྦྱོར་བ་ལ་མཁས་པས་སོ།། སེམས་ཅན་དེ་དག་ཐམས་ཅད་བསམ་གྱིས་མོ་ཁྱབ་པའི་སྔགས་དང་ལྷའི་སྦྱོར་བས་ལྷ་དང་མིར་སྐྱེས་ཤིང་ཚེ་རབས་དྲན་པ་དང་། བདེ་བ་དང་ལྡན་པར་རྣལ་འབྱོར་པའི་དབང་དུ་འགྱུར ་རོ།། རྡོ་རྗེ་ཐོད་པའི་སྦྱོར་བས་སོ་ཞེས་བྱ་བ་ལ། རྡོ་རྗེ་ནི་བྲུཾ་ཨོཾ་ཛྲིཾ་ཁཾ་ཧཱུཾ་སྟེ། དེ་བཞིན་གཤེགས་པ་ལྔའི་ས་བོན་ཡེ་ཤེས་ལྔའི་བདག་ཉིད་དོ།། ཐོད་པ་ནི་ཨ་ཡོངས་སུ་གྱུར་པའི་པདྨའི་སྣོད་དོ།། སྦྱོར་བ་ཞེས་བྱ་བ་ལ་འོག་ཏུ་རླུང་གི་སྟེང་དུ་མེའི་དཀྱིལ ་འཁོར་ལ་པདྨའི་སྣོད་དུ་དེ་བཞིན་གཤེགས་པ་རྣམས་ཀྱི་ས་བོན་ནོ།། དེའི་སྟེང་མཐོ་གང་གི་སྤགས་པའི་བར་སྣང་ལ་ཁ་ཊྭཱཾ་གའི་ཟླ་བ་ལ་གནས་པའི་ཡི་གེ་ཨོཾ་གྱིས་ཡེ་ཤེས་ཀྱི་བདུད་རྩི་དྲངས་ནས་དམ་ཚིག་གི་བདུད་རྩི་དང་གཅིག་ཏུ་བྱས་ཏེ། ་གཉིས་ཀྱི་བར་དུ་ཆུད་པའི་ཡི་གེ་གསུམ་གྱི་སྦྱོར་བ་གཏོར་མ་མངོན་དུ་འགྲོ་བའི་ཚུལ་གྱིས་བཟའ་བར་བྱའོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་བདུན་པོའི་བཤད ་པའོ།། །། བརྡའི་ལེའུའི་འོག་ཏུ་རྣལ་འབྱོར་མའི་འཁོར་ལོ་བཤད་པར་བཞེད་ནས་གསུངས་པ། དེ་ནས་ཞེས་བྱ་བ་ལ་སོགས་པའོ།། ཟེའུ་འབྲུ་ཞེས་པ་ནི་ཟེའུ་འབྲུ་ཡོངས་སུ་གྱུར་པ་སྟེ་ནང་གི་རིམ་པོ་ཟླུམ་པའོ།། གྲུ་གསུམ་ཞེས་བྱ ་བ་ནི་ཆོས་ཀྱི་འབྱུང་གནས་སུ་ཡོངས་སུ་གྱུར་པ་སྟེ། ཕྱིའི་དཀྱིལ་འཁོར་གྲུ་བཞི་པའོ།། འདི་དག་ནི་དཀྱིལ་འཁོར་སྤྱིའི་མཚན་ཉིད་དེ། དེ་ཡང་རིམ་གཅིག་སྒོ་ནི་བཞི་པ་སྟེ་ཞེས་ཇི་སྐད་གསུངས་པའི་པི་ཙུ་བཛྲའི་རི་མོའི་དཀྱིལ་འཁོར་མ་རྟོགས ་པའོ།། ཨཱ་ལི་ཀཱ་ལི་ཞེས་བྱ་བ་ཨཱ་ལཾ་ཀཱ་ལྀ་དག་ངོ་ཁོ་ན་མེ་ལོང་ལྟ་བུ་དང་། མཉམ་པ་ཉིད་ཀྱི་ཡེ་ཤེས་རྣམ་པར་དགེ་པའི་ཟླ་བ་དང་ཉི་མའོ།། ས་བོན་ཕྱག་མཚན་ཞེས་བྱ་བ་ལ་སོགས་པ་ནི་དེ་དག་དབུས་སུའོ།། རྡོ་རྗེ་སེམས་དཔའི་ཞེས་བྱ ་བ་ནཱཾ་རྒྱུར་གྱུར་པའིའོ།། གདམ་ཉེས་བྱ་བ་ནི་བསྟུད་པའི་གནས་ཏེ་མངོན་པར་བྱང་ཆུབ་པ་རྣམ་ལྔའི་རིམ་གྱིས་ཞེས་བྱ་བའི་དོན་ཏོ།། ཡཾ་གཱི་ལསྣ་དྷུང་གོང་བུ་ལ་ཞེས་བྱ་བ་ལ་སྟོང་ཐ་ན་ལུས་ཏེ། འད་ན་ཡཾ་གྲཱ་ལས་བྱུང་བ ་ཡིན་གྱིས་གང་དུ་ལ་ལིའི་ཡང་གཟུགས་ལས་ནི་རྡོ་རྗེ་སེམས་དཔོའ་མ་ཡིན་ནོ།། ཧཱུཾ་དང་ཕཊ་སོགས་འདོད་མི་བྱ་ཞེས་བྱ་བ་ལ་སོགས་ཀྱིས་ནི་རིགས་ལྔས་བྱིན་གྱིས་བརླབས་པ་ཡིན་ནོ།། རྡོ་རྗེ་པདྨོ་བྱིན་གྱིས་བརླབས་པ་ལ་སོགས་པ་དེ་འདོད ་པར་མི་བྱ་སྟེ། གང་གི་ཕྱིར་བྱང་ཆུབ་ཀྱི་སེམས་བཅིང་བའི་ཆོ་ག་ཡིན་པའི་ཕྱིར་རོ།། སེམས་དཔའི་གཟུགས་ཞེས་བྱ་བ་ལ་སོགས་པ་ནི་གོ་སླའོ།། ཕྱག་མཚན་ཞལ་སོགས་སྲས་ལྟ་བུ་ཞེས་བྱ་བ་ལ་སོགས་པའི་སྒྲས་ནི་གཞན་ཞབས་ལ ་སོགས་པ་ཡང་གཟུང་བར་བྱའོ།། ཟླ་བའི་གཟུགས་ཅན་ནོར་བུའི་འོད་ཅེས་བྱ་བ་ནི་སྐུ་མདོག་དཀར་པོ། ཡང་ན་ཟླ་བའི་རང་བཞིན་ཅན་ཞེས་བྱ་བ་ནི་ཀུན་རྫོབ་ཀྱི་བྱང་ཆུབ་ཀྱི་སེམས་ཏེ། ཀུན་དུ་ལྟ་བུ་ཡིན་པའི་ཕྱིར་རོ།། ནོར་བུ་ཞེས་བྱ་བ་ནི་ནོར་བུའི ་ནང་དུ་ཆུད་པའོ།། འོད་ཅེས་བྱ་བ་ནི་རབ་ཏུ་སྣང་བ་སྟེ་སྤྲོས་པ་ཐམས་ཅད་ལས་རྣམ་པར་གྲོལ་བ་ཆོས་ཐམས་ཅད་ལས་རྣམ་པར་གྲོལ་བ་ཆོས་ཐམས་ཅད་དབྱེར་མེད་པའི་བདེ་བ་ཆེན་པོའི་མཚན་ཉིད་དོ།། དེ་ཉིད་ཀྱི་ཕྱིར་རང་ཉིད་ཀྱི་ཕྱག་རྒྱ་དང ་ཞལ་དང་དབྱིབས་ལ་སོགས་པ་མ་གྲུབ་པས་ན་སྲས་ལྟ་བུ་ཞེས་གསུངས་ཏེ། འདིའི་དོན་ནི་བཅོམ་ལྡན་འདས་འདི་ཉིད་ལས་ཆོས་ཐམས་ཅད་དབྱེར་མེད་པའི་རང་བཞིན་གྱི་རྡོ་རྗེ་ཅན་ལོངས་སྤྱོད་རྫོགས་པའི་སྐུ་ཡོངས་སུ་གཟུང་པོའི་ཕྱིར་འོག ་ནས་འབྱུང་བའི་ལྷ་མོའི་དབྱངས་ཀྱིས་ཡང་དག་པར་བསྐུལ་བས་སྐུ་གསུམ་པོ་རིམ་གྱིས་འབྱུང་ངོ་ཞེས་བྱ་བའི་དོན་ཏོ།། སེར་མོ་ལ་སོགས་འདི་ལས་འབྱུང་ཞེས་བྱ་བ་ནི་རྒྱུར་གྱུར་པའི་རྡོ་རྗེ་སེམས་དཔའ་ལས་སོ།། དེ་དག་ཀྱང་ཧེ་རུ་ཀ་མངོན་པར ་འབྱུང་བའི་ལེའུ་ལས་ཐམས་ཅད་གསལ་བར་སྟོན་པར་འགྱུར་རོ།། ཡི་གེ་ཞེས་བྱ་བ་ཐ་དད་པ་ཞེས་བྱ་བ་ཞེས་བྱ་བ་ལ་ཡི་གེ་ནི་ས་བོན་ཏེ། ས་བོན་དང་མཚན་མས་གཞན་ལ་སྟེ། ཕན་ཚུན་དུ་ཕྱེ་བས་ཡིན་གྱི་རྒྱུས་ནི་མ་ཡིན་ནོ།། དྲག་ཆེན་ཞེས ་བྱ་བ་ནི་དྲག་པའི་ཉམས་ཀྱི་གར་དང་ལྡན་པའོ།། དང་པོར་ནག་པོར་བསྒོམ་པར་བྱ་ཞེས་བྱ་བ་ལ་སོགས་པ་ལ་མིག་ལ་སོགས་པའི་རྣལ་འབྱོར་མ་དྲག་པོ་རྣམས་ཀྱི་རིམ་པ་བཞིན་དུ་སྐུ་མདོག་བསྟན་པ་ཡིན་ནོ་ཞེས་གཞན་དག་ཟེར་རོ།། གཞན ་ངག་ནི་འགྲོ་བ་དྲུག་ནི་དབྱེ་བས་འཁོར་ལོ་བསྒོམ་པར་བྱ་བ་ཡིན་ནོ་ཞེས་ཟེར་རོ།། ཡན་ལག་དྲུག་ཅེས་བྱ་བ་ནི་ཁ་དོག་གི་བདག་ཉིད་ཅན་ནོ།། རྣམ་པར་དགའ་མཐའ་ཡང་དེ་བཞིན་ཞེས་བྱ་བ་ལ་མཆོག་ཏུ་དགའ་བ་དང་རྣམ་པར་དགའ་བ་དག་ག ་གི་དབུས་ནི་མཐའ་སྟེ། དེ་ཁོ་ན་ཉིད་དོ།། ཡང་ཞེས་བྱ་བ་ནི་ཁྱད་པར་དུ་གྱུར་པའོ།། དེ་བཞིན་ཞེས་བྱ་བ་ནི་ཡན་ལག་དྲུག་དང་ལྡན་པ་དེས་སོ།། དེ་སྐད་དུ་ཡང་གསུངས་པར་གྱུར་པ་ལྷ་མོའི་འཁོར་ཐམས་ཅད་ཁ་དོག་གཅིག་པ་སྟེ། བདེ་བ ་ཆེན་པོའི་རང་བཞིན་དུ་ནི་བསྒོམ་པར་བྱ་ཞེས་པའོ།། ཡང་ན་རྣམ་པར་དགའ་མཐའ་ཞེས་བྱ་བ་ནི་མཐའ་སྟེ་ཡོད་པ་འགྱུར་བའོ།། སྟེ་བྱ་བ་ནི་ཕྱིན་ནོ།། དེ་བཞིན་ཞེས་བྱ་བ་ནི་ཇི་ལྟར་ཤེས་རབ་ཀྱི་ཡེ་ཤེས་དེ་བཞིན་དུ་དེའི་འོག་ཏུ་བསྒོམ་པར་བྱའོ་ཞེས་འོག་ནས་ཚིགས ་ས་བཅད་པས་སྟོན་པར་འགྱུར་རོ།། རྫོགས་པའི་རིམ་པའི་སྦྱོར་བར་བྱ་བའི་ཕྱིར་གསུངས་པ། ནམཁའ་དབྱིངས་ཞེས་བྱ་བ་ལ་སོགས་པའོ།། གལ་ཏན་བསྤྱད་པའི་རིམ་པའི་བ་མལ་པའི་རྣམ་པ་བཟློག་སྟེ། ལྷ ་པར་དག་པ་མ་ལུས་པའི་ཚུལ་གྱིས་དངོས་གྲུབ་ཆེན་པོར་གྱུར་པ་མ་ཡིན་ནོ་ཞེ་ན། བདེན་ཏེ། གང་ཡང་སྤྲོས་པ་ཐམས་ཅད་ལས་གྲོལ་པོའི་སྟོང་པ་ཉིད་བླ་ན་མེད་པའི་བདེ་བ་ཆེན་པོ་ཐབས་དང་ཤེས་རབ་ཀྱི་རང་བཞིན་གྱི་བསྒོམ་པར་བྱ་བར ་མི་ནུས་པ་རྣམས་ཀྱི་ཕྱིར། ཕུང་པོ་ལ་སོགས་པའི་རྣམ་པའི་རྣམ་པར་དག་པའི་དབྱེ་བ་མདོར་བསྡུས་པ་དང་། བར་མ་དང་། རྒྱས་པའི་ཚུལ་གྱིས་བསྐྱེད་པའི་རིམ་པའི་དབྱེ་བ་བསྟན་པ་ཡིན་ནོ།། དེ་ཡང་གསུངས་པ། བློ་བཟངས་རྣམས་ཀྱིས ་ཐོག་མར་བསྐྱེད་པའི་རིམ་པ་བསྒོམ་པར་བྱ་བ་སྟེ། རྟག་ཏུ་ནི། སྔགས་དང་ཕྱག་རྒྱ་རྣམ་དག་རྒྱན་དང་གོ་ཆ་ཐམས་ཅད་ངེས་པར་བརྗོད་མི་བྱ།། ཕྱི་ནས་གསལ་བར་ལྡན་ཞིང་རྒྱུན་ཏུ་སྐད་ཅིག་གཅིག་ཀྱང་དེ་ཉིད་སེམས་གཅིག་གིས།། རྫོགས ་པའི་རིམ་པའི་བསྒོམ་པ་བདེ་ཆེན་སྲིད་པ་འཇིག་བྱེད་ལྷན་ཅིག་རྟག་པས་མི་བྱ་ཞེས་བྱ་བ་གསུངས་ཏེ། དེ་ལྟར་རྫོགས་པའི་རིམ་པ་བསྒོམ་པ་ཉིད་ཀྱིས་རྣལ་འབྱོར་པ་མཆོག་རྣམས་ཀྱིས་དངོས་གྲུབ་ཐམས་ཅད་མྱུར་དུ་རྫོགས་པར་བྱེད་པ་ཡིན ་ནོ་ཞེས་པར་བྱའོ།། ཁ་ཅིག་ནི་བསྐྱེད་པའི་རིམ་པ་དང་རྫོགས་པའི་རིམ་པ་དེ་བྱར་མེད་པར་བྱའོ་ཞེས་འཆད་དེ། གང་ཡང་གསུངས་པ། ལུས་མེད་བདེ་བ་ག་ལ་ཡོད་ཅེས་བྱ་བ་ལ་སོགས་པ་གསུངས་པས་སོ་ཞེས་ཟེར་རོ།། ལྷན་ཅིག་སྐྱེས་པའི ་དབྱེ་བ་རྣམ་པ་བཞི་བསྟན་པའི་ཕྱིར་ཀུན་དགའ་བ་སྟེ་ཞེས་པ་ལ་སོགས་པ་གསུངས་པ་སྟེ། ཐ་མལ་པའི་རྣམ་པར་རྟོག་པ་བཟློག་སྟེ། ཡེ་ཤེས་རྣམ་པ་ལྔའི་ཏིང་འཛིན་ལས་ཡང་དག་པར་བྱུང་བའི་བཅོམ་ལྡན་འདས་རྡོ་རྗེ་སེམས་དཔའ ་ནི་ཀུན་ཏུ་དགའ་བའོ།། མཆོག་ཏུ་དགའ་བ་རྣལ་འབྱོར་ཞེས་བྱ་བའི་རྣལ་འབྱོར་ཞེས་བྱ་བ་ནི་རྣལ་འབྱོར་མའི་སྟོར་བས་མཆོག་ཏུ་དགའ་བ་འབྱུང་བར་འགྱུར་བས་ན་དེ་ལ་ཡང་དེ་སྐད་ཅེས་བརྗོད་དོ།། ཆགས་པའི་དགའ་བ་མ་ལུས་ཉིད་ཅེས་བྱ ་མ་ལུས་པའི་དེ་བཞིན་གཤེགས་པ་ཐམས་ཅད་འཇུག་པོ་སྔོན་དུ་འགྲོ་བས་ཞུ་བར་གྱུར་པའི་བྱང་ཆུབ་ཀྱི་སེམས་ཀྱི་གཟུགས་ཀྱིས་འབྱུང་སྟེ་དཀྱིལ་འཁོར་པ་ཐམས་ཅད་དུ་གྱུར་པ་འདི་རྣམ་པར་དག་པའོ།། བདེ་དེའི་ཐབས་ཀྱིས་ཐམས་ཅད ་རིག་ཅེས་བྱ་བ་ནི་ཤེས་རབ་ཀྱི་ཡེ་ཤེས་ཀྱི་ཐབས་ཀྱིས་བདེ་བ་དེ་ཐམས་ཅད་རིག་པ་སྟེ་ང་ཉིད་འབྲས་པར་གྱུར་པའི་བཅོམ་ལྡན་འདས་རྡོ་རྗེ་འཆང་ཆེན་པོ་ཡིན་ལ། རྟག་ཏུ་རྟོགས་པའི་རང་བཞིན་ཡིན་པའི་ཕྱིར། དེ་ཉིད་ལྷན་ཅིག་སྐྱེས་པའི་དགའ ་ཡང་ཡིན་ནོ།། མཆོག་ཏུ་དགའ་བ་སྲིད་པ་ཞེས་བྱ་བ་ལ་སོགས་པ་ལ། མཆོག་ཏུ་དབའ་བ་ནི་འདོད་ཆགས་ཀྱི་རང་བཞིན་གྱི་ཕྱིར་མཆོག་ཏུ་དགའ་བ་ནི་འདོད་ཆན་ཀྱི་རང་བཞིས་ཀྱི་ཕྱིར་མཆོག་ཏུ་དགའ་བ་ལ་སྲིད་པ་སྟེ། འདི་ལྟར་ཆགས་པ་དང་ལྡན་པའི་འདོད་པ་དང་མི་འདོད་པའི་ལས་རྣམས ་རབ་ཏུ་བརྩེགས་ནས་བདེ་འགྲོ་དང་ངན་འགྲོའི་སྲིད་པར་འགྱུར་རོ།། མྱ་ངན་འདས་པ་རྣམ་དག་པ་ཞེས་བྱ་བ་ལ་རྣམ་པར་དགའ་བའི་མཚན་ཉིད་ནི་འདོད་ཆགས་དང་བྲལ་བ་དབང་པོ་ཐམས་ཅད་རྒྱལ་བའི་ཡེ་ཤེས་ཏེ། ཆགས་པའི་བདག་ཉིད ་ཀྱི་སྲིད་པ་དག་ལ་ཆགས་པ་དང་བྲལ་བར་འགྱུར་བ་ཡིན་ནོ།། འདི་ལྟར་འདོད་པ་དང་གཟུགས་དང་གཟུགས་མེད་པའི་ཁམས་རྣམས་འདོད་ཆགས་དང་བྲལ་ནས་ལས་རྣམས་མངོན་པར་ཡང་སྤྱང་དུ་མེད་དོ།། དེ་ལྟར ་ལས་དང་ཉོན་མོངས་པར་མ་བསམས་པས་ཕུང་པོ་ལ་སོགས་པ་ལོག་པ་ཙམ་ནི་མྱ་ངན་ལས་འདས་པ་ཞེས་བྱའོ།། དབུས་ནི་ཀུན་ཏུ་དགའ་ཙམ་ཉིད་ཅེས་བྱ་བ་ནི་ཀུན་ཏུ་དགའ་བ་ཡང་བདེ་བ་ཙམ་གྱི་ཕྱིར་ཆགས་པ་ཉིད་དོ།། ལྷན་ཅིག་སྐྱེས ་པས་འདི་དག་སྤངས་ཞེས་བྱ་བ་ལ་ཀུན་ཏུ་དགའ་བ་དང་། རྣམ་པར་དགའ་རྣམས་སྤངས་པ་ནི་བྲལ་བའོ།། དེ་ལྷོ་མོད་ཀྱི་ལྷན་ཅིག་སྐྱེས་པའི་རང་བཞིན་བསྟན་པའི་ཕྱིར་གསུངས་པ། གཞན་གྱིས་བསྟན་མིན་ལྷན་ཅིག་སྐྱེས་ཞེས་བྱ་བ་ལ ་སོགས་པ་སྟེ། བླ་མ་ལ་སོགས་པས་ལྷན་ཅིག་སྐྱེས་པའི་དེ་ཁོ་ན་ཉིད་བསྟན་པར་རུས་པ་མ་ཡིན་ཏེ། ངག་གི་རྟོག་པ་ཐམས་ཅད་ཀྱི་ཡུལ་མ་ཡིན་པའི་ཕྱིར་རོ།། འོ་ན་ཇི་ལྟར་ཤེས་པར་བྱ་ཞེ་ན་གསུངས་པ། བསོད་ནམས་ལས་ནི་བདག ་ཞེས་བྱ་བ་ལ་སོགས་པ་སྟེ། རང་གི་བསོད་ནམས་ནི་བླ་མ་བརྒྱུད་པ་ཉེ་བར་བསྟེན་པ་ཡིན་ལ། དེ་ལ་སྔགས་ཀྱི་ལས་གོ་བཟློག་པའི་མན་ངག་ཤེས་པར་བྱ་བ་སྟེ་རང་གི་ཉམས་སུ་མྱོང་བར་བྱ་བའོ།། ཡང་ན་བསོད་ནམས་ལས་ནི་བདག ་བྱ་ཞེས་བྱ་བ་ནི་ལེགས་པར་བྱས་པའི་རང་གི་རྒྱུད་ལས་གསུངས་པ་ཕྱག་རྒྱ་རྙེད་པ་ཡིན་ནོ།། དེ་ལ་བླ་མ་བརྒྱུད་པ་ཉེ་བར་བསྟེན་པ་ཞེས་བྱ་བ་ནི་མན་ངག་ལས་རང་ཉིད་ཀྱིས་གོམས་པས་ཉེ་བར་རྙེད་པའི་སྡིག་བསྐྱོད་ཅེས་བྱ་བའི་རྩ་སོར ་མོ་དང་ལྕེས་ཅུང་ཟད་བསྐྱོད་ནས་ཆོ་ག་ཇི་ལྟ་བ་བཞིན་དུ་རང་གི་རྡོ་རྗེ་མངོན་པར་ཕྱོགས་པར་གྱུར་པ་དང་། བསོད་ནམས་ཆེན་པོ་དང་ལྡན་པ་རྣམས་ལ་ངེས་པར་བདེ་བ་ཆེན་པོ་སྐྱེད་པར་འགྱུར་རོ་ཞེས་བྱ་བའོ།། གང་ཕྱིར་འགྲོ་ཀུན་ལས་བྱུང་ཞེས་བྱ ་བ་ནི་རྒྱུ་གཞན་ནམ། རྒྱུ་མེད་པ་འམ་གཞན་གྱིས་ཁྱབ་པ་འམ་རང་བཞིན་གཞན་པ་འམ། རང་བཞིན་མེད་པ་ཞེས་བྱ་བ་རྣམས་མ་ཡིན་ནོ་ཞེས་འདིར་རབ་ཏུ་བསྟན་པ་དེ་ལྟར་ཞེས་བྱ་བ་ལ་སོགས་པ་ནི་ཇི་ལྟར་བསྟན་པའི་རྫོགས་པའི་རིམ་པ ་ཡོངས་སུ་ཤེས་ནས་གོམས་པར་བྱ་སྟེ་བསྒོམས་པ་དང་། རྗེས་སུ་མཐུན་པས་སེམས་དང་ལུས་བག་ཡངས་པར་བྱའོ་ཞེས་བྱ་བའི་དོན་ཏོ།། ཤིན་ཏུ་མཉམ་གཞག་ཅེས་བྱ་བ་ནི་དབང་པོ་རྣོན་པོ་དང་ལྡན་པའོ།། གྲུབ་པར་འགྱུར་བ་ནི་ཇི་ལྟར་བསྟན། ་པ་དེར་ཚེ་འདི་ཉིད་ལ་བདེ་བའི་རང་བཞིན་ཡོངས་སུ་རྫོགས་པར་འགྱུར་རོ།། ཇི་ལྟ་བུ་ཞིག་ཅེས་བསོད་ནམས་ཆུང་བའི་མི་ཡཱི་ཀྱང་ཞེས་བྱ་བ་སྟེ། བསོད་ནམས་དང་སྟོབས་ཆུང་བས་ཀྱང་ངོ་།། ཅི་ཞིག་བྱས་པས་ཞེ་ན། གནས་སྐབས་ཐམས་ཅད ་དུ་ཆོས་ཐམས་ཅད་རང་རིག་པའི་དེ་ཁོ་ན་ཉིད་བསྒོམས་པས་སོ།། འདི་ལྟར་ཡང་སྔོན་གྱི་བདེ་བ་ཞེས་བྱ་བ་ལ་སོགས་པས་གསལ་བར་སྟོན་པར་འགྱུར་རོ།། བརྟན་དང་ཞེས་བྱ་བ་ལ་སོགས་པ་ལ་བརྟན་པ་དང་གཡོ་བའི་ཆོས་གང་ཡིན་པ་རང་གི ་རྒྱུད་ལས་དབྱེར་མེད་པའི་བདེ་བ་ཆེན་པོའི་རང་བཞིན་རང་རིག་པ་མ་ཡིན་པར་འགྱུར་ཏེ། སེམས་མེད་པའི་གཟུགས་ཅན་ཡིན་པའི་ཕྱིར་རོ།། དེའི་ཕྱིར་གསུངས་པ། དེ་རྣམས་གཅིག་ཏུ་གཞན་ཡོད་མིན། ཞེས་བྱ་བ་སྟེ་གོ་སླའོ།། རང་རིག་པ་ལས ་དངོས་གྲུབ་འགྱུར་ཞེས་བྱ་བ་ལ་སོགས་པ་ལ་གལ་ཏེ་རང་རིག་པ་ཞེས་རྫོགས་པའི་སྒོམ་པ་དེ་ཉིད་ཀྱི་ཇི་སྐད་དུ་གསུངས་པའི་དངོས་གྲུབ་ཏུ་འགྱུར་ན་དེའི་ཚེ་ཤིན་ཏུ་རིང་མིན་ཐུང་བ་མིན།། ཤིན་ཏུ་གནག་ཅིང་དཀར་བའང་མིན་ཞེ ་བྱ་བ་ལ་སོགས་པའི་བདག་ཉིད་ཅིའི་ཕྱིར་བསྟན་སྙམ་ན། བདེན་ཏེ། གང་ཡང་དབང་པོ་དེ་མིན་ཞིང་འདོད་ཆགས་ལ་སོགས་པའི་ཉོན་མོངས་པ་བདེ་བར་གྱུར་པ། རྣམ་པ་ཐམས་ཅད་ཀྱི་མཆོག་དང་ལྡན་པའི་ཕྱག་རྒྱ་ཆེན་པོ་བསྒོམ་པར་བྱ་བར་མི་ནུས ་པ་རྣམས་ལ་རྒྱུད་ལས་གསུངས་པའི་ངོམ་ཚིག་དང་སྡོམ་པ་མངོན་པར་ཤེས་པ་ཇི་ལྟར་རྙེད་པའི་ལས་ཀྱི་ཕྱག་རྒྱ་འདི་བསྟན་ཅིང་གཞན་དག་ལ་ནི་ཕྱག་རྒྱ་ཆེན་པོ་ཞེས་བྱ་བ་ཡེ་ཤེས་ཀྱི་ཕྱག་རྒྱ་བསྟན་པ་ཡིན་ནོ།། ཡང་གསུངས་པ། ཡེ་ཤེས་ཕྱག ་རྒྱ་གོམས་པ་ཡིས།། བྱང་ཆུབ་ཅན་གྱི་བུད་མེད་སྤངས།། རྫོགས་པའི་ཡེ་ཤེས་དེ་ཉིད་ལ།། ཕྱག་རྒྱ་ཆེན་པོ་འགྲུབ་པར་འགྱུར་ཞེས་བྱའོ།། ལས་རྣམས་རང་བཞིན་རང་རིག་སྟེ་ཞེས་བྱ་བ་ནི་གང་ཅུང་ཟད་ལུས་དང་ངག་དང་ཡིད་ཀྱི་ལས་ཉོན་མ་མོངས ་པ་ཡང་རུང་སྟེ། དེ་དག་ཐམས་ཅད་ནི་རང་རིག་པ་ཁོ་ནའོ།། གནོད་པའི་ལས་ལས་སྐྱེ་བར་འགྱུར་ཞེས་བྱ་བ་ནི། གཞན་དག་གི་ནི་ཐོས་པ་དང་འདྲ་བ་དང་། མཐོང་བ་དང་། ཐོས་པ་དང་། རེག་པ་རྣམས་ཀྱིས་སེམས་ལ་གནོད་པར་འགྱུར་ཞིང་རང་གི་ཏིང་ངེ ་འཛིན་ལས་ཉམས་པས་ལས་དེའི་རྒྱུས་སྲིད་པ་གཞན་དང་གཞན་དག་ཏུ་སྐྱེ་བ་ཞེས་བྱ་བ་ཚེ་རབས་དུ་མོར་འགྱུར་བའོ།། རང་ཉིད་བྱེད་པ་པོ་ཞེས་བྱ་བ་ནི། སངས་རྒྱས་ཐམས་ཅད་བདག་ཉིད་ལས་སྤྲོས་པར་བྱེད་པའོ།། རང་གིས་སྡུས་ཅེས་པ་ནི་དེ་བཞིན ་གཤེགས་པ་ཐམས་ཅད་བདེ་བ་ཆེན་པོའི་རང་བཞིན་དུ་ཡང་དག་པར་འདུས་པའོ།། རང་རྒྱལ་ཞེས་བྱ་བ་ནི་གདུལ་བྱ་རྣམས་ལ་ཇི་ལྟ་བ་བཞིན་དུ་ཆོས་བསྟན་པ་ཡིན་པའི་ཕྱིར་རོ།། རང་ཉིད་གཙོ་བོ་ཞེས་བྱ་བ་ནི་སྐལ་བ་དང་ལྡན་པ་ཐམས་ཅད་ལ་དགེ་བ་རྣམ ་ཀྱིས་ཡིད་སྦྱོར་བའི་མཐུ་དང་ལྡན་པའི་ཕྱིར་རོ།། འདོད་ཆགས་ཞེ་སྡང་ཞེས་བྱ་བ་ནི་འདོད་ཆགས་ལ་སོགས་པའི་ཉོན་མོངས་པ་རྣམས་ཏེ། དེ་དག་གི་མི་མཐུན་པའི་ཕྱོགས་སུ་གྱུར་པ་རྣམས་ཀྱིས་སོ།། དེར་ཞེས་བྱ་བ་ནི་མི་མཐུན་པ་མེད་པ་ཆོས་ཀྱི་སྐུའི་རང ་བཞིན་ནོ།། གནས་ཞེས་བྱ་བ་ནི་ཡེ་ཤེས་དྲི་མ་མེད་པའི་བདག་ཉིད་ཀྱི་ལོངས་སྤྱོད་རྫོགས་པའོ།། ཉམས་དགའ་བ་ཞེས་བྱ་བ་ནི་སྤྲུལ་པའི་སྐུའོ།། བཅུ་དྲུག་ཆར་ཡང་ཞེས་བྱ་བ་ནི་ཤིན་ཏུ་ཕྲ་བའི་ཆ་ཤས་ཙམ་དུའང་བསྐྲུན་དུ་མི་རུང་བ་སྟེ། ཇི་ལྟར་སྤྲིན་གྱི་སྒྲིབ ་གཡོགས་དང་བྲལ་བའི་ཉི་མའི་འོང་ལ་སྲིན་བུ་མེ་ཁྱེར་གྱི་འོད་ཀྱིས་ཆ་ཙམ་དུ་ཡང་བསྐྲུན་དུ་མི་ཕོད་པ་བཞིན་ནོ།། ཆོས་འབྱུང་ལས་ཞེས་བྱ་བ་ལ་སོགས་པ་ལ་ཆོས་ཀྱི་འབྱུང་གནས་ལས་གང་ཞིག་སྐྱེ་བ་དེ་ལ་དེ་སྐད་ཅེས་བྱའོ།། ཡེ་ཤེས་ཞེས་བྱ་བ་ནི ་སོ་སོར་རང་གིས་རིག་པའི་ཡེ་ཤེས་ཀྱི་བདག་ཉིད་དེ། མཁའ་མཉམ་ཞེས་བྱ་བ་ནི་དམིགས་སུ་མེད་པའི་ཕྱིར་རོ།། ཐབས་དང་བཅས་པ་ཞེས་བྱ་བ་ནི་སྙིང་ལས་སྒྲུབ་པའི་སྐུ་ཡིན་པའི་ཕྱིར་རོ།། འཇིག་རྟེན་གསུམ་པོ་དེ་ལས་སྐྱེ། ཞེས་བྱ་བ་ནི་བརྟེན་པའི ་མཚན་ཉིད་ལས་ཡང་དག་པར་འབྱུང་བའོ།། ཤེས་རབ་ཐབས་ཀྱི་རང་བཞིན་ཏེ་ཞེས་བྱ་བ་ནི་བུད་མེད་དང་སྐྱེས་པའི་རྣམ་པས་སོ།། ཁུ་བའི་རྣམ་པ་ཞེས་བྱ་བ་ལ་སོགས་པ་ལ། ཁུ་བོ་ཉིད་རྣམ་པ་སྟེ་དེ་ཉིད་ནི་བཅོམ་ལྡན་འོངས་སོ།། དེ་ཡི་བདེ་བ་བདོད། ་མར་བརྗོད་ཅེས་བྱ་བ་ཁྱད་པར་དུ་སྡོམ་པའི་བྱང་ཆུབ་ཀྱི་སེམས་ཀྱི་རང་བཞིན་ནི་འདོད་མ་སྟེ་ཤེས་རབ་བོ།། བདེ་བ་དེའི་ཚེ་གང་ཞིག་རྣམ་པར་གྱུར་པ་སྟེ། ཐམས་ཅད་བཅོམ་ལྡན་འདས་ཏེ་ཐབས་ཡིན་ལ་བདེ་བ་དང་དབྱེར་མེད་པའི་ཁྲུ ་པ་ཡང་ཡིན་ནོ།། གཅིག་དང་དུ་མ་བྲལ་བ་འདི་ཞེས་བྱ་བ་ནི་རྣམ་པ་འདི་དག་ནི་བྱེ་བྲག་སོ་སོར་སྣང་བའི་ཕྱིར་གཅིག་དང་དུ་མ་དང་བྲལ་བས་སྟོང་པ་ཉིད་ཡིན་ནོ།། སྐད་ཅིག་གཅིག་ནི་མཆོག་ཏུ་དགའ་བ་ཞེས་བྱ་བ་ལ། སྐད་ཅིག་གཅིག་ནི་རྣམ་པའི་མཚན་ཉིད ་དོ། མཆོག་ཏུ་དགའ་བ་ནི་གཉིས་སུ་མེད་པའི་བདེ་བ་ཆེན་པོའི་རང་བཞིན་དུ་གྱུར་པའོ།། འདི་དག་ནི་རང་གི་རང་བཞིན་གྱིས་གསལ་བ་སྟེ། རྟག་ཏུ་ད་ལྟར་བྱུང་བའི་རང་བཞིན་གྱི་ཕྱིར་རོ།། ཡེ་ཤེས་ཞེས་བྱ་བ་ནི་བེམས་པོ་མ་ཡིན་པ་སྟེ་རྣམ་པར་མི་རྟོག་པའི་རང་བཞིན ་ཉིད་དོ།། ངག་གི་ལམ་འདས་ཞེས་བྱ་བ་ནི་མིང་དང་མཚན་མ་དང་ངག་གི་རྣམ་པར་རྟོག་པ་ཐམས་ཅད་ཀྱི་སྤྱོད་ཡུལ་མ་ཡིན་པའི་ཕྱིར་རོ།། བདག་བྱིན་གྱིས་བརླབ་པའི་རིམ་པ་ཞེས་བྱ་བ་ནི་སྔགས་ལ་སོགས་པའི་རྣམ་པར་དག་པ་རྣམས་ནི་རང་གི་རང་བཞིན ་གྱིས་སེམས་ལ་གནས་སོ་ཞེས་བྱ་བའི་དོན་ཏོ།། ཀུན་མཁྱེན་ཡེ་ཤེས་དེ་རང་བཞིན་ཞེས་བྱ་བ་ལ་ཐམས་ཅད་མཁྱེན་པའི་ཡེ་ཤེས་ནི་དངོས་པོ་ཐམས་ཅད་ལ་ཆགས་པ་མེད་ཅིང་ཐོགས་པ་མེད་པ་སྟེ། འདི་དག་ཀྱང་དེའི་རང་བཞིན་ནོ།། ས་དང་ཞེས ་བྱ་བ་ལ་སོགས་པ་ལ། སྐད་ཅིག་ལ་ཞེས་བྱ་བ་ནི་མངོན་པར་བྱང་ཆུབ་པའི་སྐད་ཅིག་ལའོ།། ས་ལ་སོགས་པས་མི་གནོད་ཅེས་བྱ་བ་ནི། ཡེ་ཤེས་རང་གི་རྣམ་པའི་ཡུལ་དང་། གཞན་གྱི་རྣམ་པའི་ཡུལ་ཅན་ཡང་མི་སྐྱེའོ།། དེ་ཇི་ལྟར་ཤེས་པར་བྱ ་ཞེ་ན། དེའི་རང་བཞིན་བསྟན་པའི་ཕྱིར་གསུངས་པ། མཐོ་རིས་མི་ཡུལ་ཞེས་བྱ་བ་ལ་སོགས་པ་ལ་སྐད་ཅིག་མའི་མཆོག་དེར་འཇིག་རྟེན་གསུམ་པོ་རྣམས་ཀྱང་རྣམ་པ་གཅིག་ཏུ་རྫོགས་པར་འགྱུར་བའོ།། རང་བཞིན་ཐ་དད་ཅེས་བྱ་བ་ལ ་སོགས་པ་ལ་དེར་བདག་དང་གཞན་དུ་རྣམ་པར་རྟོག་པ་རྣམས་ཀྱིས་གནོད་པར་བྱ་བར་མི་ནུས་པ་ཁོ་ནའོ།། རིག་བྱེད་གྲུབ་མཐའ་ཐམས་ཅད་ཅེས་བྱ་བ་ནི་གཞན་གྱིས་ཡོངས་སུ་བརྟགས་པའི་མཐའ་ལས་ཀྱང་ངོ་།། ལས་ཀྱི་ཚོགས་ཞེས་བྱ་བ ་ནི་གནས་ལ་སོགས་པའི་རབ་ཏུ་སྦྱོར་བའོ།། དེ་དག་གིས་མི་འགྲུབ་ཅེས་པ་ནི་ཕྱག་རྒྱ་ཆེན་པོའི་བདག་ཉིད་དུའོ།། སྡིག་པ་དག་པར་འགྱུར་ཞེས་བྱ་བ་ནི་དེ་དག་གིས་དག་པ་བསྐྱེད་པ་ཙམ་ལེགས་པར་འགྱུར་རོ་ཞེས་བྱ་བའི་དོན་ཏོ།། དེ་མ་རྟོགས ་པ་ཞེས་བྱ་བ་ལ་སོགས་པ་སྔོན་དུ་བསྟན་པའི་ཡེ་ཤེས་མ་རྟོགས་པར་སྐྱེ་བ་འདི་དང་གཞན་དག་ཏུ་ཐབས་དང་ཤེས་རབ་ཀྱི་བདག་ཉིད་ཀྱི་དངོས་གྲུབ་མེད་པ་ཡིན་ནོ།། དེའི་ཕྱིར་གསུངས་པ། དགྱེས་པའི་རྡོ་རྗེ་མི་ཤེས་པ་གང་ཞེས་བྱ་བ་ལ་སོག ་པའོ།། དངོས་གྲུབ་ཀྱི་ཡོན་ཏན་ཐམས་ཅད་མྱུར་དུ་རྫོགས་པར་འགྱུར་བའི་ཟབ་པ་དང་རྒྱ་ཆེ་བའི་བདག་ཉིད་ནི་དགྱེས་པའི་རྡོ་རྗེའོ།། མི་ཤེས་པ་ཞེས་བྱ་བ་ནི་ལྷག་པར་མོས་པོ་ཙམ་ཡང་མི་ཤེས་པ་སྟེ། རྒྱུད་གཞན་དག་གིས་ཕྱག་རྒྱ་ཆེན་པོའི ་དངོས་གྲུབ་ཀྱི་ཕྱིར་འབད་པ་དེ་དག་གི་ངལ་བ་འབྲས་བུ་མེད་པ་ཡིན་ནོ་ཞེས་བྱ་བའོ།། ལྟེ་བར་གཏུམ་མོ་འབར་བ་ཞེས་བྱ་བ་འདི་ཡང་རྫོགས་པར་བྱ་བའི་ཕྱིར་ཆུ་རྒྱུན་དུ་འབབ་པ་དང་ཞེས་བྱ་བ་ལ་སོགས་པ་གསུངས་ཏེ། ཆུ་བོ་རྒྱུན་དུ་འབབ ་པ་སྱེ་ཞེས་བྱ་བ་ན་ཧ་གི་གཟུགས་ཅན་རྒྱ་མ་ཤགས་པ་རྟག་ཏུ་འོག་ཏུ་བལྟས་ནས་སོ།། མཚམས་ནས་བདུད་རྩིའི་རྒྱུན་འཛིན་པའོ།། མར་མེ་རྒྱུན་དུ་འབར་བ་ཞེས་བྱ་བ་ནི་ཨཾ་གི་གཟུགས་ཅན་མ་བར་ཆད་མེད་པར་འབར་བ་རང་བཞིན ་གྱིས་འོད་གསལ་བའི་ཤེས་རབ་སྟེང་དུ་བལྟས་པར་བསམ་པ་སྟེ། འདི་དག་ནི་སྔགས་ཀྱི་བདག་ཉིད་ཀྱི་ཁྱད་པར་བསྟན་པ་ཡིན་ནོ།། རྟག་ཏུ་དེ་ཉིད་ཅེས་བྱ་བ་ནི་ཇི་ལྟར་བསྟན་པའི་གཟུགས་ཀྱི་སྐུའི་སྒོམ་པས་སོ།། གནས་པར་བྱ་ཞེས་བྱ་བ་ནི་སྐད ་ཅིག་མ་གཅིག་ཀྱང་སེམས་གཞན་དུ་མི་གནས་པས་སོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས། ལེའུ་བརྒྱད་པའི་བཤད་པའོ།། །། རྣམ་པར་དག་པ་མི་གཏོགས ་པར་ལྷའི་འཁོར་ལོ་བསྒོམས་པ་ཙམ་གྱིས་རྣམ་པ་ཐམས་ཅད་མཁྱེན་པ་ཉིད་དུ་མི་འགྱུར་རོ་ཞེས་བསྟན་པའི་ཕྱིར་གསུངས་པ། དེ་ནས་གཞན་ཞེས་བྱ་བ་ལ་སོགས་པ་ལ། རྣམ་པར་དག་པ་ནི་གཉིས་ཏེ། དེ་ཁོ་ན་ཉིད་ཀྱི་རྣམ་པར་དག་པ་དང་། ་ལྷའི་རྣམ་པར་དག་པའི་དབྱེ་བས་སོ།། དང་པོར་དེ་ཁོ་ན་ཉིད་ཀྱི་རྣམ་པར་དག་པ་གསུངས་པ། དངོས་པོ་ཐམས་ཅད་ཅེས་བྱ་བ་ལ་སོགས་པ་ལ་ཕྱི་དང་ནང་གི་རྣམ་པར་དག་པའི་དངོས་པོ་མཐའ་དག་རྣམ་པར་དག་པ་ནི་དེ་བཞིན་ཉིད་དེ། ་འཕགས་པའི་དེ་བཞིན་ཉིད་ཇི་ལྟ་བ་དེ་བཞིན་དུ་འཕགས་པ་མ་ཡིན་པ་རྣམས་ཀྱང་རང་བཞིན་གྱིས་དྲི་མ་མེད་པ་འོངས་རྟག་ཏུ་གནས་པའི་ནམཁའ་ལྟར་རྟག་ཏུ་འདུས་མ་བྱས་པའི་རང་བཞིན་ནོ།། བརྗོད་ཅེས་བྱ་བ་ནི་ཐམས་ཅད་དུ་ངོ ་ཚུལ་གྱིས་གོམས་པར་བྱ་བ་རྣམས་ཀྱིས་ཁྱད་པར་མེད་པའི་རྣམ་པར་དག་པ་སྟེ། དེ་བཞིན་ཉིད་དུ་རྟོགས་ཤིང་ཁོང་དུ་ཆུད་པར་བྱའོ།། ཕྱིས་ནི་ཞེས་བྱ་བ་ལ་སོགས་པ་ལ། རེ་རེ་ཞེས་བྱ་བ་ནི་ཕུང་པོ་ལ་སོགས་པའི་དབྱེ་བས་ལྷ་རྣམས་ཀྱི ་རྣམ་པར་དག་པ་གཟུགས་ཕུང་རྡོ་རྗེ་མ་ཡིན་ཏེ། ཞེས་བྱ་བ་ལ་སོགས་པས་ཤེས་པར་བྱའོ།། འོ་ན་ཅིའི་ཕྱིར་དབང་པོ་ལ་སོགས་པ་རྣམས་རྣམ་པར་དག་པ་བརྗོད་ཅེས་ན། འདིར་གསུངས་པ། མི་ཤེས་པ་དང་ཉོན་མོངས་པའི་ཞེས་བྱ་བ ་ལ་སོགས་པ་ལ། མི་ཤེས་པ་ནི་མ་རིག་པ་སྟེ་བདག་དང་བདག་གིར་འཛིན་པའོ།། འདོད་པ་དང་མི་འདོད་པའི་ལས་ཀྱི་རྒྱུར་གྱུར་པ་སེམས་ཀྱི་ཁྱད་པར་ནི་ཉོན་མོངས་པའོ།། སྒྲིབ་གཡོགས་ནི་འདི་རྣམས་ཀྱིས་རྣམ་པར་བཀབ་པ་སྟེ་དེ་རྣམ ་དག་པར་བྱེད་པའོ།། དེ་ཉིད་གསུངས་པ། རང་རིག་དག་པའི་བདག་ཉིད་ལ་སོགས་པའི་རང་རིག་པའི་ཡེ་ཤེས་ཉིད་ཀྱིས་མ་རིག་པའི་དྲི་མ་བསལ་ནས་ཆོས་ཐམས་ཅད་ཀྱི་རྣམ་པར་དག་པའི་བདག་ཉིད་དེ། ཆོས་ཐམས་ཅད་ཀྱང་རང ་བཞིན་གྱིས་རྣམ་པར་དག་པའི་ཕྱིར་རོ།། འབྱུང་བའི་རྒྱུ་ལ་གང་ཞིག་སྣང་བར་འགྱུར་བ་དེ་རྣམས་རྣམ་པར་དག་པ་སྟེ། འགྲོ་བའི་དངོས་པོ་རྣམས་བྱང་ཆུབ་ཀྱི་རང་བཞིན་ཡིན་པའི་ཕྱིར་རོ།། ཀྱེ་བཅོམ་ལྡན་འདས་ཞེས་བྱ་བ་ལ་སོགས ་པ་ལ་གང་རྣམས་ཀྱི་རྣམ་པར་དག་པ་བརྗོད་མ་ཐག་པར་གྱུར་པ་དེ་དུ་ཞིག་མཆིས་སྙམ་པ་ལ། འདིར་གསུངས་པ། གཟུགས་ལ་སོགས་པའོ་ཞེས་བྱ་བའོ།། ཅིའི་སླད་དུ་ཞེ་ན། གཟུང་བ་དང་འཛིན་པར་གྱུར་པའི་ཕྱིར་ཞེས་བྱ་བ ་ལ་སོགས་པ་སྟེ། འདིའི་དོན་ནི་རང་བཞིན་གྱིས་དབྱེར་མེད་ཅིང་གཉིས་སུ་མེད་པའི་བདག་ཉིད་ལ་སོགས་པའི་དབྱེ་བས་སོ་སོར་སྣང་བའི་རྣམ་པར་མ་དག་པ་ཡིན་ནོ་ཞེས་བྱ་བའོ།། དེ་བས་ན་དེ་རྣམས་ཀྱི་སོ་སོར་ལྷ་རྣམས་ཀྱིས ་དག་པར་བརྗོད་པའི་ཕྱིར་རོ།། གཟུགས་ཕུང་རྡོ་རྗེ་མ་ཡིན་ཏེ། ཞེས་བྱ་བ་ལ་སོགས་པ་སྨོས་ཏེ། རྡོ་རྗེ་མ་ལ་སོགས་པ་འདི་རྣམས་ཀྱི་རྣམ་པར་དག་པའི་དེ་ཁོ་ན་ཉིད་ཀྱི་བདག་ཉིད་ཅན་གྱི་རྣལ་འབྱོར་པས་ནི་འགྲུབ་པར་འགྱུར་ཞེས་བྱ་བ་ཡིན་ནོ།། ་དབང་ལྡན་དུ་ནི་སྤོས་མོ་ཞེས་བྱ་བ་ལ་སོགས་པས་ནི་རྣལ་འབྱོར་མའི་འཁོར་ལོའི་ལེའུ་འདི་རྣམས་ཀྱིས་ཕྱོགས་ཀྱི་རྣམ་པར་དབྱེ་བ་མ་བསྟན་པ་དེ་འདིར་བསྟན་པར་མཛད་པ་ཡིན་ཏེ། འདི་དག་གིས་ནི་ཐ་མལ་པའི་ང་རྒྱལ་བཟློག་པའི་ཕྱིར་ལྷའི་ང ་རྒྱལ་བྱི་ཞིང་རྣམ་པར་དག་པ་དེ་ལས་ཡང་གསུངས་པ། ཉོན་པར་བསྐྱེད་པའི་ལྷའི་རྣམ་པ་རྣམས་ཀྱིས་ཐ་མལ་པའི་ང་རྒྱལ་སྤོངས་པ་སྔོན་དུ་འགྲོ་བས་ཆོས་ཐམས་ཅད་རོ་གཅིག་པར་དམིགས་ན་བདེ་བ་ཆེན་པོའི་རང་བཞིན་གྱི་ཆོས་ཀྱི་སྐུ་ཡོང ་སུ་རྫོགས་པར་འགྱུར་ཞེས་བྱ་བར་སྟོན་པ་ཡིན་ཏེ། དེ་ཡང་གསུངས་པ། སྔོན་གྱི་ང་རྒྱལ་སྤང་བྱའི་ཕྱིར།། བདག་ཉིད་ལྷའི་ང་རྒྱལ་བྱ།། ང་རྒྱལ་དེ་ཡང་སྤང་བྱའི་ཕྱིར།། དམིགས་པ་མེད་པར་བསྒོམ་བྱའི་ཕྱིར།། དམིགས་པ་མེད་པ་བསྒོམ ་པར་བྱ།། སྔ་བ་སྔ་བ་སྤང་བྱའི་ཕྱིར།། གོང་ནས་འོག་ཏུ་ང་རྒྱལ་བྱ།། གང་ཚེ་སེམས་ནི་མཉམ་བཞག་ནས།། དེ་ཚེ་དེ་ཉིད་ཅེས་བྱར་བཤད་ཅེས་སོ།། དེ་ལྟར་སྔགས་དང་ལྷའི་རྣམ་པས་འདིས་རྣམ་པར་བྱས་ཤིང་། དེ་ཡང་དོན་དམ་པའི་སྔག ་ཀྱི་དེ་ཁོ་ན་ཉིད་ལ་གཞུག་པར་བྱ་བའི་དོན་ཏོ།། དེ་ཡང་འོག་ནས་གསུངས་པ་སྨོས་པ་སྤྲོས་པ་མེད་པར་བྱ་ཞེས་བྱ་བ་སྟེ། འདིའི་དོན་སྨོས་པ་ཞེས་བྱ་བ་ནི་ལྷའི་རྣམ་པའི་ཚུལ་གྱིས་ཕུང་པོ་ལ་སོགས་པ་རྣམ་པར་དག་པའོ།། སྤྲོས ་པ་མེད་པ་ཞེས་བྱ་བ་ནི་སྟོང་པ་ཉིད་དེ་ཐབས་ཤེས་རབ་བླ་ན་མེད་པའི་བདེ་བ་ཆེན་པོའི་རང་བཞིན་ཡོངས་སུ་ཤེས་པར་བྱའོ་ཞེས་བྱ་བ་ཡིན་ནོ།། དེ་ཉིད་ཀྱི་ཕྱིར་འོག་ནས་འབྱུང་བའི་བཅོམ་ལྡན་འདས་ཀྱི་ཕྱག་ལ་སོགས་པའི་རྣམ་པར་དག་པ་གསུངས ་པ། ཕྱག་རྣམས་སྟོང་པའི་རྣམ་པར་དག་ཅེས་བྱ་བ་ལ་སོགས་པ་སྟེ། ཇི་ལྟར་ཆུའི་ཁམས་དང་གསེར་དང་ན་མཁའ་རྣམ་པར་དག་པ་ལྟར་འདི་དག་ཀྱང་ཀུན་ཏུ་རྟོག་པས་བཞག་པའི་རྣམ་པ་ཙམ་ལོག་ཅིང་རང་བཞིན་གྱིས་རྣམ་པར་དག་ཅིང་རང་རིག ་པའི་བདེ་བ་ཆེན་པོ་རྟོག་པའི་དྲི་མ་ཐམས་ཅད་དང་བྲལ་བའི་བདག་ཉིད་དོ།། དེ་ཉིད་ཀྱིས་ནི་རྣམ་པར་དག་པ་འདིས་མངོན་པར་ཞེན་པ་ཐམས་ཅད་ལས་གྲོལ་བར་འགྱུར་བ་ཡིན་གྱི། ཡང་བཏགས་པ་ཙམ་གྱིས་དག་པ་ནི་མ་ཡིན་ནོ།། ཕྱག་རྒྱ ་རྣམས་ཞེས་བྱ་བ་ལ་སོགས་པ་ལ། སྟོང་པ་ཞེས་བྱ་བ་ནི་ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད ་དང་། འདུས་མ་བྱས་སྟོང་པ་ཉིད་དང་། མཐའ་ལས་འདས་པ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན ་ཉིད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། དངོས་པོ་མེད་པ་སྟོང་པ་ཉིད་ཅེས་བྱ་བ་སྟེ། སྟོང་པ་འདི་དག་གི་རྣམ་པར་དག་པ་ནི་ཕྱག་བཅུ་དྲུག་རྣམས་སོ།། ཞབས་ནི་ཞེས་བྱ་བ་ནི་གཉིས་པ་གཅིག་ལྷག་པ ་ཞབས་སོ།། བདུད་རྣམས་དག་པ་ཞེས་བྱ་བ་ནི། ལྷའི་བུའི་བདུད་དང་། ཉོན་མོངས་པའི་དང་། ཕུང་པོ་དང་། འཚོ་བདག་གི་བདུད་རྣམས་ཏེ། དེ་ལ་ལྷའི་བུའི་བདུད་ནི་རྨུགས་པ་དང་གཉིད་གཉིས་དང་། འགྱོད་པ་དང་ཐེ་ཚོམ་གྱི་མཚན་ཉིད་དོ།། ་ཉོན་མོངས་པའི་བདུད་ནི་འདོད་ཆགས་ལ་སོགས་པ་རྣམས་སོ།། ཕུང་པོའི་བདུད་ནི་ན་བ་དང་རྒས་པ་ལ་སོགས་པའོ།། འཆི་བདག་གི་བདུད་ནི་ཚེ་དང་དབང་པོ་རྣམས་འགགས་པའོ།། འདི་རྣམ་པར་དག་པ་ཡོངས་སུ་གྱུར་པ་ནི་ཞབས་རྣམ་པ་བཞི ་རྣམས་སོ།། ཞལ་རྣམས་རྣམ་པར་ཐར་པ་བརྒྱད་ཅེས་བྱ་བ་ལ། གཟུགས་ཅན་གཟུགས་ལ་ལྟ་བ་ཞེས་བྱ་བ་འདི་ནི་རྣམ་པར་ཐར་པ་དང་པོའོ།། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་ལ་ལྟ་བ་འདི་ནི་རྣམ་པར་ཐར་པ་གཉིས ་པའི།། སྡུག་པའི་རྣམ་པར་ཐར་པ་ལུས་ཀྱིས་མངོན་སུམ་དུ་བྱས་ཏེ་རྫོགས་པར་བྱས་ནས་གནས་པ་འདི་ནི་རྣམ་པར་ཐར་པ་གསུམ་པའོ།། ན་མཁའ་མཐའ་ཡས་སྐྱེ་མཆེད་ནི་བཞི་པའོ།། རྣམ་ཤེས་མཐའ་ཡས་སྐྱེ་མཆེད་ནི་ལྔ་པའོ།། ་ཡང་མེད་པའི་སྐྱེ་མཆེད་ནི་དྲུག་པའོ།། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ནི་བདུན་པའོ།། འགོག་པའི་སྙོམས་པར་འཇུག་པ་ནི་བརྒྱད་པ་སྟེ། དེ་ལྟར་རྣམ་པར་ཐར་པ་བརྒྱད་རྣམ་པར་དག་པ་ནི་ཞལ་བརྒྱད་པོ་རྣམས་སོ།། རྡོ་རྗེ ་གསུམ་ཞེས་བྱ་བ་ནི་མཁའ་ལ་སྤྱོད་པ་དང་། ས་ལ་སྤྱོད་པ་དང་། བདག་མེད་མ་རྣམས་སོ།། འདི་དག་གིས་ཞེས་བྱ་བ་ནི་བཤད་མ་ཐག་པ་རྣམས་ཀྱིས་ཏེ། གོ་རིམས་བཞིན་དུ་ཕུང་པོ་ལ་སོགས་པ་རྣམས་ཏེ་རྣམ་པར་དག་པར་ཤེས་པར ་བྱའོ།། བླ་ན་མོང་བའི་རྣམ་པར་དག་པ་གསུངས་པ། གོང་དང་གང་གིས་ཞེས་བྱ་བ་ལ་སོགས་པ་སྟེ། གང་གིས་ཞེས་བྱ་བ་ནི་ཕུང་པོ་དང་ཁམས་དང་སྐྱེ་མཆོད་ཀྱི་བདག་ཉིད་ཀྱི་ལས་དང་ཉོན་མོངས་པས་ཡང་དང་ཡང་དུ་སྐྱེ་བོ་རྣམས་བཅིངས་པ ་ཡིན་ནོ།། དེ་དང་དེ་ཞེས་པ་ནི་ཕུང་པོ་ལ་སོགས་པ་ལྷའི་རང་བཞིན་རྣམ་པར་དག་པ་སྟེ། དེས་སྲིད་པའི་བཅིང་བ་ལས་གྲོལ་བར་འགྱུར་བའོ།། འདིའི་དོན་ནི་ཇི་ལྟར་སྒྱུ་མ་མཁན་གྱིས་སྤྲུལ་པའི་རྟ་དང་གླང་པོ་ཆེ་དང་གྲོང་ཁྱེར་ལྟ་བུའི་དངོས་པོ ་ཐམས་ཅད་ཀྱི་སྒྱུ་མའི་རང་བཞིན་མི་ཤེས་པ་གང་ཡིན་པ་བཅིངས་པའི་གཟུགས་ལ་སོགས་པ་དེ་ཉིད་ཀྱིས་གྲོལ་བར་འགྱུར་རོ་ཞེས་བྱ་བ་ཡིན་ནོ།། རྨོངས་པ་ཉིད་ནི་དེ་ཁོ་ན་ཉིད་མི་ཤེས་པ་སྟེ་སྡུག་བསྔལ་ཐམས་ཅད་ཀྱི་སྙིང་འཁྲིན་ཅན་དེས ་དངོས་གྲུབ་ཅན་བྱ་བ་ཕྱག་རྒྱ་ཆེན་པོའི་བདག་ཉིད་ཅན་རྙེད་པར་མི་འགྱུར་རོ།། དེ་ཉིད་ཀྱིས་ན་གསུངས་པ། དེའི་ཕྱིར་ཞེས་བྱ་བ་ལ་སོགས་པ་སྟེ། འདིའི་དོན་ནི་དྲི་ལ་སོགས་པའི་དངོས་པོ་སོ་སོར་སྣང་བ་རྣམས་རང་གི་སེམས་ལས་ཐ་དད་པའི ་དེ་ཁོ་ན་ཉིད་རྟོགས་པར་གྱུར་པ་རྣམས། གང་གི་ཚེ་སེམས་རྣམ་པར་དག་པ་ལས་ཐ་དད་པ་མེད་པའི་དེ་བཞིན་ཉིད་ཀྱི་བདག་ཉིད་ཀྱི་འགྲོ་བ་མཐའ་དག་རྣམ་པར་ལྟ་བ་དེའི་ཚེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་པར་དཀའ་བ་མ ་ཡིན་ནོ་ཞེས་བྱ་བ་འདི་ཡིན་ནོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་དགུ་པའི་བཤད་པའོ།། །། དཀྱིལ་འཁོར་མ་རྟོགས་པར་དབང ་བསྐུར་བའི་སྦྱིན་པར་བྱ་བ་མ་ཡིན་ལ། དབང་བསྐུར་མ་རྟོགས་པར་དེ་ཁོ་ན་ཉིད་བསྟན་པར་བྱ་བ་མ་ཡིན་པས། དཀྱིལ་འཁོར་སྔོན་དུ་འགྲོ་བའི་དབང་བསྐུར་གསུངས་པ། དེ་ནས་ཞེས་བྱ་བ་ལ་སོགས་པ་སྟེ་ལྷའི་བདག་ཉིད་ཀྱིས་ཞེས་བྱ་བ་ནི ་ཕྱག་གཉིས་པའི་ཧེ་རུ་ཀའི་བདག་ཉིད་ཀྱིས་སོ།། དཀྱིལ་འཁོར་བྲི་བའི་སའི་མཚན་ཉིད་གསུངས་པ། ཚུལ་དང་ཞེས་བྱ་བ་ལ་སོགས་པའོ།། དེར་ནི་རིག་པ་ཞེས་བྱ་བ་ལ་སོགས་པ་ལ་སྔར་ནི་སྤྱོད་པའི་ཕྱིར་ཕྱག་རྒྱའི་དབྱེ་བ་གསུངས་ལོ། ད་ནི ་དབང་བསྐུར་བ་རྫོགས་པར་བྱ་བའི་ཕྱག་རྒྱའི་དབྱེ་བ་བསྟན་པ་ཡིན་ནོ།། རིགས་ལྔ་ཞེས་བྱ་བ་ལ་སོགས་པ་ནི། འདིར་སེར་མོ་ལ་སོགས་པ་རྣམ་པར་དག་པའི་ཚོགས་ཀྱི་དཀྱིལ་འཁོར་གྱི་ནང་དུ་པདྨའི་རིགས་ལ་སོགས་པ་ལས་བྱུང་བའི་ཕྱག་རྒྱ ་དུ་མ་དང་ལྷན་ཅིག་ཏུ་དབང་བསྐུར་བར་བྱ་བ་སྟོན་ཏེ། དེའི་ཕྱིར་དང་པོ་ཉིད་དུ་སེམས་བསྐྱེད་པ་དང་པ་དམན་ཞིང་སྤྲོ་བ་མེད་པ་སྔོན་དུ་འགྲོ་བས་མཉེས་པར་བྱེད་པའི་སེམས་ཞི་བར་བྱ་བའི་ཕྱིར། དེ་དག་གི་གདོང་དགབ་པར་བྱའོ་ཞེས་བྱ་བར་འདོང་ངོ་།། ། ་ཤེས་རབ་ཀྱི་ཡེ་ཤེས་གསུངས་པ། རང་རིག་ལས་བྱུང་ཞེས་བྱ་བ་ལ་སོགས་པ་སྟེ། མཆོག་ཏུ་དགའ་བའི་མཐའ་ཡིན་ནོ།། ཡེ་ཤེས་ཞེས་བྱ་བ་ནི་རང་གིས་རབ་ཏུ་གསལ་བའི་རང་བཞིན་ནོ།། བདག་གཞན་རིག་པ་སྤངས་ཞེས་བྱ་བ་ནི་བདག ་དང་གཞན་དུ་འཛིན་པ་ལ་སོགས་པའི་རིག་པ་མི་གནས་པའོ།། ཐོགས་པ་མེད་པའི་ཕྱིར་ན་མཁའ་མཉམ་མོ།། ཉེས་པ་རྣམས་དང་བྲལ་བའི་ཕྱིར་ར་རྡུལ་བྲལ་ལོ།། ཀུན་ཏུ་བརྟགས་པའི་རྣམ་པ་མི་དམིགས་པའི་ཕྱིར་ན་སྟོང་པའོ།། དངོས ་དང་དངོས་མེད་བདག་ཉིད་ལས། ཞེས་བྱ་བ་ནི་རང་རིག་པའི་བདག་ཉིད་ཀྱིས་ན་དངོས་པོའོ།། རྟོག་པ་མཐའ་དག་ལས་གྲོལ་བས་ན་དངོས་མེད་དོ།། བླ་ན་མེད་པའི་ཕྱིར་ན་མཆོག་གོ།། སྟོང་པ་ཉིད་དང་སྙིང་རྗེའི་རང་བཞིན་གྱིས་ན་ཐབས་དང་ཤྲེ ་རར་རྣམ་པར་འདྲེས་སོ།། མཆོག་ཏུ་དགའ་བའི་མཐའ་ཡིན་ཞིང་རྣམ་པར་དགའ་བའི་དང་པོ་ཉིད་ཀྱིས་ན་ཆགས་དང་ཆགས་བྲལ་རྣམ་པར་འདྲེས་སོ།། དེ་ཉིད་ཅེས་བྱ་བ་ནི་སྤྲོས་པ་ཐམས་ཅད་ཉེ་བར་བཅོམ་པའི་ཤེས་རབ་ཀྱི་མཚན་ཉིད ་དེའོ།། དེ་བཞིན་གཤེགས་པའི་མཁས་པས་ན་སྲོག་ཆགས་རྣམས་ཀྱི་སྲོག་གོ།། དེ་ཉིད་ཅེས་བྱ་བ་ནི་བསྟན་མ་ཐག་པ་ཉིད་དོ།། མཆོག་ཏུ་ཞེས་བྱ་བ་ནི་རྣམ་པར་མི་རྟོག་པའི་ཕྱིར་རོ།། དེ་བཞིན་ཉིད་ཀྱི་ཚུལ་གྱིས་ཐམས་ཅད་དུ་མི་གཡོ་བའི ་ཕྱིར་མི་འགྱུར་བའོ།། ཐམས་ཅད་མཁྱེན་ཅེས་བྱ་བ་ནི་དེ་ཉིད་རང་གི་སེམས་ཙམ་ཉིད་ཀྱི་ཐམས་ཅད་དུ་སོན་པའི་ཕྱིར། ལུས་ན་ལ་ནི་རྣམ་པར་གནས་ཞེས་བྱ་བ་ནི་ཡིད་ཀྱི་ཚུལ་གྱིས་ལུས་ཅན་ཐམས་ཅད་ལ་ལྷག་པར་གནས་པའི ་ཕྱིར་རོ།། དངོས་པོ་དངོས་མེད་དེ་ལས་བྱུང་།། ཞེས་བྱ་བ་ནི་ཆོས་ཐམས་ཅད་དབྱེར་མེད་པའི་བདེ་བ་ཆེན་པོའི་རང་བཞིན་དེའི་ལས་དངོས་པོ་དང་དངོས་པོ་མེད་པའི་རྟོགས་པ་དག་སྐྱེས་པར་གྱུར་པ་ཡིན་ནོ།། གཞན་གྱི་ཞེས་བྱ་བ་ནི ་གཞན་གྱི་སྡེ་རྒོལ་བ་གཞན་རྣམས་ཀྱི་གང་ཡིན་ཞེས་བྱ་བ་གང་ཅུང་ཟད་བདག་དང་སྐྱེས་བུ་དང་གང་ཟག་ལ་སོགས་པའི་ཐ་སྙད་དེ་དང་ཀྱང་དེ་ཉིད་ལས་བྱུང་བ་ཡིན་ནོ།། དངོས་པོ་ཀུན་གྱི་རང་བཞིན་ཞེས་བྱ་བ་ནི ་ཆོས་ཀྱི་དབྱིངས་ཀྱི་རང་བཞིན་གྱི་ཕྱིར་དངོས་པོ་ཀུན་གྱི་རང་བཞིན་དེ་ཉིད་ཡིན་ནོ།། ཡང་གསུངས་པ། ཆོས་ཀྱི་དབྱིངས་ནི་མ་གཏོགས་པར།། གང་ཕྱིར་ཆོས་ནི་ཡོད་མ་ཡིན། ཞེས་བྱ་བའོ།། སྒྱུ་མ་གཟུགས་སུ་ཡང་དག་གནས ་ཞེས་བྱ་བ་ནི། གང་དང་གང་གི་གཟུགས་ཀྱིས་བཏགས་པ་དེ་དང་དེའི་གཟུགས་སུ་ལྡན་པ་ཉིད་དུ་མཚོན་པའི་ཕྱིར་རོ།། འདི་སྐད་ཅེས་བྱ་བ་ནི་བཤད་མ་ཐག་པའི་བདེ་བའི་ཐབས་མྱུ། ར་བའི་ཚུལ་གྱིས་སོ།། རྡོ་རྗེ་སྙིང་པོ་སོགས ་ཞེས་བྱ་བ་ནི་རྡོ་རྗེ་ནི་ཡེ་ཤེས་ལྔ་སྟེ་དེའི་སྙིང་པོའོ།། དེ་ལ་སོགས་པ་ནི་གཙོ་བོར་གྱུར་པ་དེ་དག་ལ་དེ་སྐད་ཅེས་བྱའོ།། དེ་བཞིན་གཤེགས་པ་ཞེས་བྱ་བ་ནི་སེམས་ཅན་ཐམས་ཅད་ཀྱི་འགྱུར་བ་མེད་ཅིང་ཕྱིན་ཅི་མ་ལོག་པ་དེ་བཞི ་ཉིད་གོང་གིས་རྟོགས་པ་དེ་དག་ལ་དེ་སྐད་ཅེས་བྱའོ།། མཆོག་གི་ངོ་མཚར་ཐོབ་གྱུར་ནས་ཞེས་བྱ་བ་ལ། མཆོག་གི་བླ་ན་མེད་པའི་བདེ་བ་ཆེན་པོའི་རང་བཞིན་ནོ།། རྒྱུད་གཞན་དག་ཏུ་བསྐལ་པ་དུ་མས་ཡོངས་སུ་བཙལ་བར ་གྱུར་པ་ལ་སྐལ་བ་དང་ལྡན་པའི་སྤྱོད་ཡུལ་དུ་གྱུར་པས་འགྱེལ་བའོ།། དགྱེས་པའི་རྡོ་རྗེ་ཞེས་བྱ་བ་ནི་བླ་ན་མེད་པའི་སྙིང་རྗེ་དང་ཤེས་རབ་ཀྱི་བདག་ཉིད་ཅན་ནོ།། དེ་ཉིད་ནི་སངས་རྒྱས་ཐམས་ཅད་ཀྱི་སྐུ་གཅིག་ཅེས་བྱ་བ་སྟེ། ས ་རྒྱས་ཐམས་ཅད་ནི་ན་མཁའ་དང་མཉམ་པར་བཤད་པ་རྣམས་སོ།། དེ་རྣམས་ཀྱི་སྐུ་ནི་ལུས་ཏེ་དེར་གཅིག་པུ་ཁོ་ནའོ།། དེ་ཉིད་ལྷན་ཅིག་སྐྱེས་པའི་རང་བཞིན་དུ་གསུངས་པ། འདོད་ཆགས་མ་ཡིན་ཞེས་བྱ་བ་ལ་སོགས་པ་སྟེ། ་འདོད་ཆགས་ནི་མཆོག་ཏུ་དགའ་བའོ།། ཆགས་བྲལ་ནི་རྣམ་པར་དགའ་བའོ།། དབུ་མའི་བདག་ཉིད་འདོད་ཆགས་དང་བྲལ་བ་དག་ནི་དབུས་སུ་གྱུར་པ་སྟེ་ཀུན་ཏུ་དགའ་བ་ཙམ་མོ།། གསུམ་པོ་དག་ཅེས་བྱ་བ་ནི་འདོད་ཆགས་ལ ་སོགས་པས་འདི་དག་གོ། སྤངས་པ་ནི་བླང་བ་དང་དོར་བ་དང་བྲལ་བ་སྟེ་ལྷན་ཅིག་སྐྱེས་པའོ།། རྫོགས་བྱང་ཆུབ་ཅེས་བྱ་བ་ནི། རང་ཉིད་ཀྱིས་བྱང་ཆུབ་པའི་བདག་ཉིད་ཀྱི་ཕྱིར་རོ།། བ་རྗོད་ཅེས་བྱ་བ་ནི་ཀུན་རྫོབ་ཙམ་དུ་བསྟན་པའོ།། ། ་དེ་ཉིད་ལས་དང་པོ་པ་རྣམས་ཀྱིས་ཁོང་དུ་ཆུད་པར་བྱ་བའི་ཕྱིར་གསུངས་པ། རྣམ་པར་དག་པའི་སྔོན་ཞེས་བྱ་བ་ལ་སོགས་པའོ།། རྟག་ཏུ་བསྒོམ་པ་ལ་མངོན་པར་ཞེན་པའི་རྣལ་འབྱོར་པ་རྣམས་ཀྱི་དངོས་གྲུབ་ཀྱི་མཚན་མ་གསུངས ་པ། དང་པོ་སྤྲིན་དང་འདྲ་བ་སྟེ་ཞེས་བྱ་བ་ལ་སོགས་པ་སྟེ། མ་རིག་པའི་མུན་པའི་བག་ཆགས་བསལ་བས་ལུས་སྤྲིན་གྱིས་སྒྲིབ་གཡོགས་ལྟ་བུར་སྣང་བ་འདི་ནི་མཚན་མ་དང་པོའོ།། གྲུབ་ཅིང་ཞེས་བྱ་བ་ནི་དེའི་འོག་ཏུ་གང་ཅུང་ཟད ་འགྲུབ་ཅིང་སྟེ། སྔོན་དུ་རྫོགས་པ་དེའི་ལུས་སྤྲུལ་པ་ལྟ་བུར་སྣང་ཞིང་མཐོང་བ་འདི་ནི་གཉིས་པའོ།། དེའི་རྗེས་ལ་ཞེས་བྱ་བ་ལ་དེའི་འོག་ཏུ་མ་རིག་པའི་མུན་པ་མཐའ་དག་བཅོམ་ནས་སེ་གོལ་གཏོགས་པ་ཙམ་གྱི་དུས་ཚོད་ལ་ལན ་འགའ་ཞིག་ན་རྨི་ལམ་ལྟ་བུར་ཡོངས་སུ་གསལ་བར་གནས་པ་འདི་ནི་གསུམ་པའོ།། ཉལ་དང་སད་པ་ཞེས་བྱ་བ་ལ་རྨི་ལམ་དང་སད་པའི་གནས་སྐབས་དག་དབྱེར་མེད་པར་ཡེ་ཤེས་ཀྱི་སྣང་བ་ཡོངས་སུ་གསལ ་བརྟག་ཏུ་གསལ་བའི་ལུས་འབྱུང་བ་འདི་ནི་བཞི་པ་སྟེ། གང་གི་ཚེ་འདི་ལྟར་ཆོས་ཐམས་ཅད་ཀྱི་རང་བཞིན་དབྱེར་མེད་པའི་མཚན་ཉིད་ཀྱི་དངོས་གྲུབ་སྐྱེ་བ་དེའི་ཚེ་ཕྱག་རྒྱ་ཆེན་པོའི་མཚན་ཉིད་རྫོགས་པར་འགྱུར་རོ།། ཐུན་མོང་དང ་མཆོག་གི་དངོས་གྲུབ་རྫོགས་པར་བྱ་བའི་ཕྱིར་དང་། སེམས་ཅན་ཐམས་ཅད་ལ་ཕན་གདགས་པར་བྱ་བའི་ཕྱིར་ཡང་དཀྱིལ་འཁོར་བྱི་བར་བྱའོ་ཞེས་བསྟན་པའི་ཕྱིར་གསུངས་པ། སྟོན་པས་དཀྱིལ་འཁོར་བཀའ་སྩལ་པ། ཅེས་བྱ་བ ་ལ་སོགས་པའོ།། ཤར་དུ་ཞེས་བྱ་བ་ལ་སོགས་པ་ནི་བདག་མེད་མའི་དཀྱིལ་འཁོར་དུ་གང་ཞིག་བསྟན་པ་འདི་དག་ཉིད་ཀྱི་འཁོར་ལོ་ཞེས་བྱ་བའི་དོན་ཏོ།། དེ་ནས་ཞེས་བྱ་བ་ནི་དབང་བསྐུར་བ་རྫོགས་ནས་སོ།། དེ་ཉིད་ཅེས་བྱ་བ་ནི་ཕྱིན་ཅི ་མ་ལོག་པའོ།། ཡང་དག་བཤད་ཅེས་བྱ་བ་ནི་ཡང་དག་པའི་ཆོ་གས་བསྟན་པར་བྱའོ།། དེ་ཉིད་ཉོན་མོངས་པའི་དྲི་མ་དང་བྲལ་བའི་ཕྱིར་རྣམ་པར་དག་གོ། སོ་སོར་རྟོག་པའི་བདག་ཉིད་ཀྱི་རིག་པས་ན་ཡེ་ཤེས་རང་བཞིན་ཉིད་དོ།། འཁོར ་བ་དང་ནི་མྱ་ངན་འདས་ཞེས་བྱ་བ་གང་འདི་ཕྱིན་ཅི་ལོག་ཏུ་ཡོངས་སུ་བརྟགས་པའི་སེམས་ཀྱིས་བསགས་པའི་ཕུང་པོ་དང་། ཁམས་དང་། སྐྱེ་མཆེད་ཀྱི་རང་བཞིན་བདག་དང་བདག་གི་བ་དང་། བདེ་བ་དང་སྡུག་བསྔལ་ལ་སོགས ་བའི་རྟོག་པ་ཡང་དག་པར་བརྟེན་པའི་གཟུང་བ་དང་འཛིན་པའི་མཚན་ཉིད་འདི་ནི་འཁོར་བའོ།། དེ་ཉིད་སྤྲོས་པ་ཐམས་ཅད་ལས་ཡང་དག་པར་གྲོལ་བས་རང་བཞིན་གྱིས་འོད་གསལ་བ་འདི་ནི་མྱ་ངན་ལས་འདས་པའི ་བདག་ཉིད་དེ། དབྱེ་བ་སྣ་ཚོགས་འདི་དག་སེམས་ཙམ་གྱིས་སྤྲུལ་པར་གྱུར་པའི་ཕྱིར་རོ།། དེ་ཡང་གསུངས་པ། སྲིད་པ་དང་ནི་མྱ་ངན་འདས།། ཁྱད་པར་ཅུང་ཟད་ཡོན་མིན་ཏེ།། སྲིད་པ་ཡོངས་སུ་ཤེས་པ་ནི།། མྱ་ངན་འདས ་ཞེས་བྱ་བར་བརྗོད་ཞེས་བྱ་བ་ཡིན་ནོ།། འདི་ཉིད་ཡང་གསུངས་པ། མཆོག་དགའ་ཞེས་བྱ་བ་ལ་སོགས་པ་ལ་མཆོག་ནི་དེ་ཁོ་ནི་ཉིད་དེ་དེ་ཉིད་རབ་ཏུ་དགའ་བའོ།། དངོས་དང་ཞེས་བྱ་བ་ནི་བརྟེན་པའི་རང་བཞིན་དུ་གྱུར་པ་སྟེ་དེ་མེད ་པའོ།། དངོས་མེད་ཅེས་བྱ་བ་ནི་རྟེན་དུ་གྱུར་པ་སྟེ་ཁང་བུ་བརྩེགས་པའོ།། ལུས་ཞེས་བྱ་བ་ནི་ཕུང་པོ་ལྔ་རྣམ་པར་དག་པའི་ལྷ་རྣམས་སོ།། གཟུང་བ་ཞེས་བྱ་བ་ནི་གཟུགས་ལ་སོགས་པ་རྣམ་པར་དག་པའི་སེར་མོ་ལ་སོགས་པའོ། ་འཛིན་པ་ཞེས་བྱ་བ་ནི་མིག་ལ་སོགས་པ་རྣམ་པར་དག་པའི་བདག་མེད་མ་ལ་སོགས་པ་རྣམ་པ་དྲུག་གོ།། ཤ་དང་ཁྲག་དང་གཙེ་བ་ཞེས་བྱ་བ་ལ་སོགས་པ་ནི་སྤོས་མོ་ལ་སོགས་པའོ།། མི་གཙང་བ་དང་རྨོངས་དང་ཁྲུས་དང་། ་གཙང་སྦྲ་ཞེས་བྱ་བ་ནི་སྙིང་རྗེ་ལ་སོགས་པ་རྣམ་པར་དག་པའི་སྤྱན་མ་ལ་སོགས་པའི་ལྷ་མོའོ།། ཆགས་པ་དང་། གཏི་མུག་དང་། ཕྲག་དོག་དང་། སེར་སྣ་དང་། ང་རྒྱལ་ཞེས་བྱ་བ་ནི་འོད་དཔག་མེད་ལ་སོགས་པའི་འཁོར་ལོས ་སྒྱུར་བ་དྲུག་གོ། མི་བལྟ་ཞེས་བྱ་བ་ལ་སོགས་པ་ནི་སྒེག་པ་ཞེས་བྱ་བ་ལ་སོགས་པའི་ཉམས་སོ།། སྒྲོམ་ཞེས་བྱ་བ་ནི་ལམ་མོ།། སྒོམ་པ་པོ་ཞེས་བྱ་བ་ནི་སྒོམ་པར་བྱེད་པའོ།། གཟུང་ཞེས་བྱ་བ་ནི་བཤེས་གཉེན ་གྱི་རང་སངས་རྒྱས་ཀྱི་ཡོན་ཏན་ནོ།། དགྲ་ཞེས་བྱ་བ་ནི་སྦྱང་བར་བྱ་བའི་རང་བཞིན་ཉོན་མོངས་པ་སྟེ། དེ་མེད་པའོ།། ཁྲེམ་གཉེར་མེད་པའི་ལྷན་སྐྱེས་བྱ་བ་ནི་རྣམ་པ་སྣ་ཚོགས་མིན་ཞེས་བྱ་བ་ལ་ཁྲེམ་གཉེར་ནི་ཡང་དག་པར་རྟོགས་པའི་བདག ་མེད་པ་ནི་སྟོང་པ་སྟེ་ལྷན་ཅིག་སྐྱེས་པའི་དགའ་བའོ།། བི་ཞེས་བྱ་བ་ནི་བྲལ་བ་སྟེ་སྣ་ཚོགས་ཀྱི་རང་བཞིན་དང་བྲལ་བ་ལ་དེ་སྐད་ཅེས་བྱའོ།། འདིའི་དོན་ནི་ཁྲེམ་གཉེར་མེད་པའི་ལྷན་ཅིག་སྐྱེས་པ་ཞེས་བྱ་སྟེ། རང་བཞིན་སྣ་ཚོགས་སྣང ་བ་ཡིན་ལ་འདི་ལ་ནི་ཆོས་གང་ཡང་བླང་བར་བྱ་བ་ཡང་མེད་ལ་གང་ལ་དོར་བར་བྱ་བ་ཡང་མེད་པ་ཡིན་ནོ།། ཡང་ན་མཆོག་དགའ་ཞེས་བྱ་བ་ལ་སོགས་པའི་ཚིག་འདི་དག་སྒྲ་ཇི་བཞིན་པ་ཉིད་དུ་ཡང་སྦྱར་རོ།། ལྷན་ཅིག་སྐྱེས་པ་དེ་ཉིད་ལ ་འབྱུང་བ་དང་འབྱུང་བ་ལས་གྱུར་པའི་རབ་ཏུ་དབྱེ་བ་ཞུ་བའི་ཕྱིར་གསུངས་པ། རྡོ་རྗེ་སྙིང་པོ་ཞེས་བྱ་བ་ལ་སོགས་པ་སྟེ། འབྱུང་ལས་གྱུར་པའི་ཕུང་པོ་ཞེས་བྱ་བས་བསྟན་ཏོ།། ཁྱིམ་གཉེར་མེད་པ་ནི་སེམས་ཀྱི་མཚན་ཉིད་དོ།། དེ་ཉིད་འབྱུང་བ ་དང་འབྱུང་བ་ལས་གྱུར་པའི་བདག་ཉིད་དུ་གསུངས་པ། རྡོ་རྗེ་པདྨོའི་སྦྱོར་བ་ཡིས། ཞེས་བྱ་བ་ལ་སོགས་པས་སོ།། ཉོ་བར་བསྡུ་བ་གསུངས་པ། ངོར་ཕྱིར་ཞེས་བྱ་བ་ལ་སོགས་པ་ལ་བདེ་བ་ཞེས་བྱ་བ་ནི་བདེ་བའི་ཐབས་ཙམ་སྟོ་ངན ་དེ་ཁོ་ན་ཉིད་མ་ཡིན་ནོ།། གང་དབང་པོ་གཉིས་ལས་སྐྱེས་པའི་བདེ་བ་ནི་འབྱུང་བ་ཆེན་པོ་ལས་འབྱུང་བ་དེས་ན་དེ་ཁོ་ན་ཉིད་མ་ཡིན་ནོ།། ལས་དང་པོ་པ་རྣམས་ཀྱི་དབང་དུ་བྱས་ཏེ་ལྷན་ཅིག་སྐྱེས་པའི་བདག་ཉིད་གསུངས་པ། ལྷན་ཅིག ་སྐྱེས་པ་གཉིས་ཞེས་བྱ་བ་སོགས་པ་གསུངས་ཏེ། སྐྱེས་པ་ཙམ་གྱི་རང་བཞིན་གང་ཞིག་རྙེད་པ་ནི་ལྷན་ཅིག་སྐྱེས་པའོ།། མངོན་སུམ་བཅོས་མ་མ་ཡིན་པའི་ཐབས་དང་ཤེས་རབ་དག་རྫོགས་པོའི་ཡེ་ཤེས་རྣམ་པར་མི་འགྱུར་བ་ནི་རང་བཞིན ་ལྷན་ཅིག་སྐྱེས་པ་ཞེས་བྱ་བར་བརྗོད་དོ།། ཡང་ན་ལྷན་ཅིག་སྐྱེས་པའི་དེ་ཁོ་ན་ཉིད་ཇི་ལྟར་ཤེས་པར་བྱ་ཞེ་ན། རང་བཞིན་ནི་རང་གི་བདེ་བ་ཙམ་སྟེ། དབང་པོ་ཐམས་ཅད་ལས་གྲོལ་ཞིང་བླང་བ་དང་། དོར་བ་མེད་པ་སྟོང་པ་ཉིད་དང་། རང་བཞིན་གྱིས ་རྣམ་པར་དག་པ་ཐོག་མ་དང་ཐ་མ་དང་དབུས་མེད་པའོ།། ལྷན་ཅིག་སྐྱེས་ཞེས་བྱ་བ་ནི་ཀུན་ནས་ཉོན་མོངས་པ་ཐམས་ཅད་ཀྱི་རྒྱུ་དང་ཡང་དག་པར་བྲལ་བ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་མཚན་ཉིད་ཤེས་རབ་ཀྱི་བདག ་ཉིད་ཀྱིས་རིག་པའོ།། རྣམ་པ་ཐམས་ཅད་གཅིག་སྡོམ་པ་ཅེས་བྱ་བ་ལ། རྣམ་པ་ཐམས་ཅད་ནི་འཁོར་བ་མཐར་ཐུག་པའི་དམིགས་པ་རྣམ་པ་སྣ་ཚོགས་པའོ།། གཅིག་ནི་བདེ་བ་ཆེན་པོའི་རང་བཞིན་དུའོ།། སྡོམ་པ་ནི་ཁྱབ་པའོ།། ད་ནི་བླ་ན་མེད ་པའི་དེ་ཁོ་ན་ཉིད་བསྟན་པར་བྱ་བའི་ཕྱིར་ཐབས་གསུངས་པ། ཐུགས་རྗེ་ཐབས་སྒྱུར་རྣལ་འབྱོར་པའི་ཞེས་བྱ་བ་སྟེ། མངོན་པར་འདོད་པ་ཉེ་བར་ལེན་པས་སོ།། གང་ཕྱིར་སྙིང་རྗེ་ཐབས་སུ་བརྗོད་ཅེས་གསུངས་པའི་ཕྱིར་རོ།། ཕྱག་རྒྱ་རྒྱུ ་དང་བྲལ་བ་ཉིད་ཅེས་བྱ་བ་ལ། སྐྱེ་བ་མེད་པའི་ཡེ་ཤེས་ཀྱི་རང་བཞིན་གྱི་ཤེས་རབ་ནི་ཕྱག་རྒྱའོ།། དེ་ལས་གཞན་དུ་གྱུར་པ་ནི་རྒྱུ་སྟེ་དེ་དང་བྲལ་བའོ།། དེ་དག་ཀྱང་གསུངས་པ། སྤྲོས་པ་ཀུན་དང་བྲལ་བ་ཡི།། ཐབས་དང་ས། ་རབ་གཉིས་མེད་པ།། རང་བཞིན་ཡིད་ཀྱིས་བསྒོམ་བྱས་ན།། བླ་མེད་འབྲས་བུ་ཐོབ་པར་འགྱུར། ཞེས་པའོ།། དོན་དེ་ཉིད་གསུངས་པ། སྟོང་ཉིད་སྙིང་རྗེ་ཐ་དད་མིན་ཞེས་བྱ་བ་ལ་སོགས་པ་སྟེ། རྟོག་པ་དང་མཐའ་དག་བྲལ་བའི་རང་གི་སེམས་ནི་སྟོང ་པའོ།། མ་ལུས་པའི་སེམས་ཅན་ཐམས་ཅད་ཀྱི་སྡུག་བསྔལ་བ་རྣམས་ལས་ཡོངས་སུ་བསྒྲུབ་པའི་རྣམ་པ་ནི་སྙིང་རྗེ་སྟེ་སེམས་ལས་བྱུང་བའོ།། སེམས་དང་སེམས་ལས་བྱུང་བ་ནི་ཐ་དད་པ་ཡིན་ན་ཇི་ལྟར་ན་འདི་གཉིས་ཐ་དད་པ་མེད་པར་བརྗོད ་སྙམ་པ་ལ། བྱང་ཆུབ་ཅེས་བྱ་བ་ལ་སོགས་པ་སྨོས་ཏེ། གཉིས་ཀ་ཡི་ཡང་གཉིས་པོ་སྟོང་པ་ཉིད་ཀྱི་ཕྱིར་དབྱེར་མེད་པ་སྟེ། མར་མེ་དང་འོད་བཞིན་ནོ།། དེ་བས་ན་གཉིས་སུ་མེད་པའི་ཕྱིར་བྱང་ཆུབ་བོ།། རང་རིག་པ་ཙམ་གྱི་ཕྱིར་ན་སེམས་སོ།། ་དེ་ཉིད་བསྟན་པའི་ཕྱིར་སྔགས་བཟླ་དཀའ་ཐུབ་སྦྱིན་སྲེག་མེད་ཅེས་བྱ་བ་ལ་སོགས་པ་སྟེ། ཆོས་ཐམས་ཅད་དབྱེར་མེད་པའི་བདེ་བ་ཆེན་པོའི་རང་བཞིན་གྱི་ཕྱིར་རོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གན ་ཞེས་བྱ་བ་ལས་ལོའུ་བཅུ་པའི་བཤད་པའོ།། །། ལྟུང་བའི་རྩ་བ་ལ་སོགས་པ་མ་བསྒྲུབས་པར་གདུལ་དཀའ་བའི་སེམས་ཅན་བདེ་བྲལ་ཏུ་གཞུག་པར་བྱ་བར་མི་ནུས་སོ་ཞེས་བསྟན་པའི་ཕྱིར་གསུངས་པ། མཉམ་པར་ཁྲོ་བོའི་ལྟ་བ་ཞེས ་བྱ་བ་ལ་སོགས་པའོ།། ལྟ་བ་བཞི་ཤིན་ཏུ་བསྒྲུབས་པ་འབྲས་བུ་གསུངས་པ། ལྟ་བ་བཞི་པོ་བསྒྲུབ་པ་ཡི་ཞེས་བྱ་བ་ལ་སོགས་པའི་ལྟ་བ་བཞི་པོ་གྲུབ་པ་རྣམས་ཀྱིས་སེམས་ཅན་ཐམས་ཅད་ཐེག་པ་གསུམ་ལ་གཞུག་པར་བྱའོ།། འདིར ་ནི་བསད་པར་མི་བྱ་སྟེ། ཞེས་བྱ་བ་ནི། སངས་རྒྱས་ཀྱི་བསྟན་པ་ལ་གཞུག་པ་ཙམ་དགོས་པ་ཉིད་དུ་འགྱུར་ཞིང་བསད་བར་མི་བྱའོ།། ཞེས་བྱ་བའི་ཐ་ཚིག་གོ།། མཆོག་ཏུ་དམ་ཚིག་ཕྱེ་བར་འགྱུར་ཞེས་བྱ་བ་ལ་དམ་ཚིག་ནི་སེམས ་ཅན་ཐམས་ཅད་ལོ་མཉམ་པར་འཇུག་པས་སྙིང་རྗེའོ།། དེའི་ཕྱེ་བ་ནི་དེ་དང་ཤིན་ཏུ་བྲལ་བར་གྱུར་པའོ།། བྱེ་བ་མ་ཡིན་ཐམས་ཅད་བྱ། ཞེས་བྱ་བ་ནི་སྙིང་རྗེ་ཆེན་པོའི་བདག་ཉིད་ཅན་གྱི་མ་ལུས་པའི་སེམས་ཅན་ཐམས་ཅད་ཀྱི་དགེ་བའི་རྩ་བ ་བསགས་ཤིང་བསྟན་པ་ལ་གཞུག་པར་བྱ་བའི་ཕྱིར། དགེ་བ་བཅུ་པོ་རྣམས་ཀྱང་ཉམས་པར་བྱས་ན། གཞན་ལྟ་སྨོས་ཀྱང་ཅི་དགོས། སེམས་ཅན་སླུ་བའང་སྤང་བར་བྱ་ཞེས་བྱ་བ་ལ། སེམས་ཅན་ནི་བསྟན་པ་ལ་མུ་དད་པ་རྣམས་སོ།། སླུ་བ ་ནི་གོང་ནས་གོང་དུ་དགེ་བའི་རྩ་བ་བསགས་པའོ།། སྤང་བ་ནི་བར་ཆད་ཀྱི་རྒྱུ་དོར་བའོ།། སེམས་ཅན་གནོད་པ་ཙམ་གྱིས་ནི་ཞེས་བྱ་བ་ལ་སོགས་པ་ལ་སེམས་ཅན་རྣམས་ལ་གནོད་པས་ནི་ཕྱག་རྒྱའི་དངོས་གྲུབ་མི་རྙེད་ལ། སེམས་ཅན་རྣམས ་ལ་ཕན་བཏགས་པས་ནི་དངོས་གྲུབ་ཐམས་ཅད་དུ་འགྱུར་རོ་ཞེས་བྱ་བའི་དོན་ཏོ།། བདུན་འཁོར་ལས་ནི་དངོས་གྲུབ་འགྱུར་ཞེས་བྱ་བ་ནི་མཁའ་ལ་སྤྱོད་པའོ།། རྣམ་པར་དགའ་བ་སུན་འབྱིན་པ་ཞེས་བྱ་བ་ནི། མཁའ་ལ་སྤྱོད་པའི་དངོས ་གྲུབ་གྲུབ་ན་རྟག་ཏུ་རིག་པ་འཛིན་པའི་བུ་མོ་རྣམས་དང་སྦྱོར་བས་ཀུན་ཏུ་དགའ་བ་སྐྱེས་པས་རྣམ་པར་དགའ་བ་སྟེ་འདོད་ཆགས་དང་བྲལ་བའི་རང་བཞིན་སུན་འབྱིན་པ་ཞེས་འཇོམས་པ་ཡིན་ནོ།། དབྱངས་སྙན་ཞེས་བྱ ་བ་ནི་སེམས་ཅན་ཐམས་ཅད་མངོན་པར་འདོད་ཅིང་ཡིད་འཕྲོག་པའི་དབྱངས་ཟབ་མོ་དང་ལྡན་པའོ།། མིག་མཛེས་ཞེས་བྱ་བ་ནི་སེམས་ཅན་ཐམས་ཅད་ཚིམ་པར་བྱ་བའི་མིག་ཡོངས་པ་དང་ལྡན་པའོ།། དྲིའི་ཞེས་བྱ་བ་ནི་དཔེ་མེད་པའི་བྱིང ་ཆུབ་སེམས་དཔའི་ཚུལ་ཁྲིམས་ཀྱི་དྲི་དང་ཡང་དག་པར་ལྡན་པའོ།། འོད་ཆེན་སྐུ་ཞེས་བྱེ་བ་ཤིན་ཏུ་ཆེ་བ་ཡང་མ་ཡིན་རིང་བ་ཡང་མ་ཡིན་ལ། ཤིན་ཏུ་ཐུང་ཞིང་རིང་བ་ཡང་མ་ཡིན་པའི་ཡིད་དུ་འོང་བ་འཛམ་བུ་ནཱ་དེའི་གསེར་གྱི་ཁ་དོག་གི ་བདག་ཉིད་སྐྱེ་བོ་ཐམས་ཅད་ཀྱིས་བསྔགས་པའི་ལུས་སོ།། གྲི་བ་མ་བདུན་ཞེས་བྱ་བ་ནི་མི་རྣམས་ཀྱིས་ནང་དུ་རྒྱུན་མི་འཆད་པར་སྐྱེ་བ་བདུན་བླངས་པ་ཉིད་སྣང་བ་བདུན་ཡོད་པ་ཡིན་ནོ།། དེའི་ཞེས་བྱ་བ་ནི་དེ་ལྟ་བུར་གྱུར་པའི་ཤ་ལ་སོགས ་པ་ཅུང་ཟད་ཙམ་ཡང་ངོ་།། ཟོས་པ་ཙམ་གྱིས་ནི་བྱ་བ་ལ་སོགས་པར་སྒྲུབས་པའི་རྫས་དེ་བཟའ་བ་དང་ལྡན་པར་རོ་འཛིན་གྱིས་མྱངས་པ་ཙམ་གྱིས་ཇི་སྐད་དུ་གསུངས་པའི་དངོས་གྲུབ་ཏུ་འགྱུར་རོ་ཞེས་བྱ་བའོ།། མདོར་བསྡུས་པ་ཞེས ་བྱ་བ་ནི་སྔགས་ཙམ་གྱིས་བསྟན་པ་ལ་འདིར་ནི་སོ་སོར་བསྟན་པ་ཙམ་ཡིན་ཏེ། རྒྱས་པ་ནི་རྟོག་པ་བཅུ་གཉིས་པ་ལས་གསུངས་པ་ཡིན་ནོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ ་པཔཱ་ལས་ལེའུ་བཅུ་གཅིག་པའི་བཤད་པའོ།། །། ཇི་ལྟ་བའི་ཚུལ་བཞིན་ཞེས་བྱ་བ་ནི། བཤད་པའི་རྒྱུད་ལས་གསུངས་པའི་རབ་ཏུ་གནས་པའི་ཚོགས་སོ།། རྡོ་རྗེ་སྙིང་པོ་བདག་ཅེས་བྱ་བ་ལ་ཡེ་ཤེས་ལྔ་ནི་རྡོ་རྗེའོ།། དེ་དག་ཉིད ་སྙིང་པོ་སྟེ། དེ་ན་མཁའ་ལྟར་ཆོས་ཐམས་ཅད་ལ་ཁྱབ་ཅིང་དམིགས་སུ་མེད་པའི་ཕྱིར་སྙིང་པོའོ།། དེའི་བདག་ཉིད་གང་གི་ཡིན་པ་དེ་ལ་དེ་སྐད་ཅེས་བྱའོ།། སངས་རྒྱས་ཐམས་ཅད་གཅིག་བསྡུས་པ་ཞེས་བྱ་བ་ལི། སངས་རྒྱས ་ཐམས་ཅད་ནི་ཕུང་པོ་དང་། ཁམས་དང་། སྐྱེ་མཆེད་ཀྱི་རང་བཞིན་རྡོ་རྗེ་མ་ལ་སོགས་པ་ཡིན་ལ། གང་དུ་དེ་རྣམས་གཅིག་ཏུ་ཡང་དག་པར་བསྡུས་པ་དེ་ལ་དེ་སྐད་ཅེས་བྱའོ།། གང་ཅུང་ཟད་དཀྱིལ་འཁོར་བྲི་བ་ལ་སོགས་པ་དེ་དག་ཐམས ་ཅད་ལ་བགེགས་ཉེ་བར་ཞི་བར་བྱ་བའི་ཕྱིར་སྔོན་དུ་ཞི་བའི་སྦྱིན་སྲེག་བྱའོ་ཞེས་བསྟན་པའི་ཕྱིར་གསུངས་པ། ཇི་སྐད་དུ་གསུངས་པའི་སྦྱིན་སྲེག་བྱ་ཞེས་བྱའོ།། ཕྱི་འཕྲེང་སྐུ་གཟུགས་སྦྱང་བྱས་ཏེ། ཞེས་བྱ་བ་ལ་ནི་རྨོངས་ཀ་ཐུན་མཚམས་དང་པོ་ལ ་མངོན་པར་སྦྱང་བ་སྔོན་དུ་འགྲོ་བ་སྟེ་གོན་ལ་གནས་པར་བྱའོ།། དེ་ལ་མངོན་པར་སྦྱང་བའི་ཆོ་ག་གསུངས་པ། ན་མཁར་གནས་པའི་ཞེས་བྱ་བ་ལ་སོགས་པའོ།། སྔགས་པས་ཇི་ལྟར་བལྟ་བར་བྱ་ཞེ་ན། འདོད་ལྷའི་ཞེས་བྱ་བ་ལ་སོགས་པ་སྟེ ་མཁས་པ་ཞེས་བྱ་བ་ནི་དཀྱིལ་འཁོར་ལ་སོགས་པའི་ལས་ཀྱི་ཆོ་ག་ལ་བྱ་བའོ།། སྔགས་ཀྱི་ཕ་རོལ་སོན་ཞེས་བྱ་བ་ནི་སྔོན་དུ་ལྷ་རྣམས་ཀྱི་སྔགས་ཆོ་ག་ཇི་ལྟ་བ་བཞིན་དུ་ཤིན་ཏུ་བཟླས་པར་འགྱུར་བའོ།། ལྷ་མིན་གཙུག་ལག་གཞམ་དགལ ་ཛཾ་ལྟར་གྱུར་པ་བཞིན་འདིར་ཡང་ཤེས་པར་བྱའོ།། སློབ་དཔོན་ནག་པོས་མཛད་བའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས། བདག་མེད་མའི་བརྟག་པའི་ལེའུ་དང་པོའི་བཤད་པའོ།། ་བཅོམ་ལྡན་འདས་ཆོས་རྣམས་ཐམས་ཅད་ནི་ཞེས་བྱ་བ་ལ་སོགས་པ་ལ། ཇི་ལྟར་རྒྱ་མཚོ་ཆེན་པོར་ཇི་ལྟར་བཅུག་པའི་ཀུ་བ་འདི་ཕྱོགས་གཅིག་ཏུ་གནས་པ་ཡིན་ལོ།། དེ་བཞིན་དུ་འདོད་ཆགས་ལ་སོགས་པའི་ཆུ་སྲིན་གྱིས་འཁྱུག ་བའི་འཁོར་བའི་རྒྱ་མཚོར་ཡང་ཀླུ་བ་ལྟ་བུའི་རང་གི་འདོད་པའི་ལྷ་ཙམ་གྱིས། སེམས་ཅན་རྣམས་ཀྱི་དངོས་གྲུབ་ཏུ་ཇི་ལྟར་འགྱུར་ཞེས་བྱ་བ་ཆོས་ཐམས་ཅད་རང་བཞིན་གཅིག་པ་ཉིད་དུ་ཇི་ལྟར་རྫོགས་པར་འགྱུར་ཞེས་བྱ་བ་སྟེ་ཕྱོགས ་སྔ་མའོ།། བཅོམ་ལྡན་འདས་ཀྱིས་བཀའ་སྩལ་པ། ཞེས་བྱ་བ་ལ་སོགས་པ་ལ། བདག་མེད་ཅེས་བྱ་བ་ནི། བཅོམ་ལྡན་འདས་མོའོ།། དེའི་རྣལ་འབྱོར་ནི་ཆོས་ཐམས་ཅད་རྣམ་པར་དག་པའི་རང་བཞིན་ཏེ། དེ་དང་ཡང་དག་པར་ལྡན ་པས་སམ་ཡང་ན་ཧེ་རུ་ཀ་དཔལ་ཞེས་བྱ་བ་ལ་སོགས་པ་ལ། ཧེ་རུ་ཀ་དཔལ་ཞེས་བྱ་བའི་དོན་ནི་སྔར་བཤད་ཟིན་ཏོ།། འདི་གཉིས་བསྐྱེད་པའི་རིམ་པས་བྱེ་བྲག་ཏུ་བྱས་པ་ཡིན་གྱི། ཡང་དོན་དམ་པར་རྫོགས་པའི་རིམ་པས་ནི་མ་ཡིན ་ནོ།། གང་ཡང་གསུངས་པ།། ཞལ་དང་ཕྱག་སོགས་རྣམས་གཟུགས་ཅན།། དོན་དམ་བདེ་བ་ཐུགས་ཅན་མིན་ཞེས་བྱ་བའོ།། འདིའི་དོན་ནི་གདུལ་བྱའི་དབང་གིས་བསྐྱོད་པའི་རིམ་པ་ལ་ཕྱག་དང་ཞལ་དང་མདོག་དང་དབྱིབས་ལ་སོགས་པས ་ཕྱེ་བ་ཡིན་གྱི། རྟག་ཏུ་འབྱུང་བའི་བདེ་བ་ཆེན་པོའི་བདག་ཉིད་རྫོགས་པའི་རིམ་པས་ཕྱེ་བ་ནི་མ་ཡིན་ནོ་ཞེས་བྱ་བའོ།། མཚན་མོའི་དུས་སུ་ཞེས་བྱ་བ་ནི་ཉལ་བ་སྟེ་དབང་པོའི་ཚོགས་ཐམས་ཅད་བཟློག་པ་ཡིན་ནོ།། རང་ཁྱིམ་དུ་ཞེས ་བྱ་བ་ལ་ཕུང་པོ་ལྔ་པོ་རྣམས་ནི་རང་གི་རྣམ་པར་རྟོག་པས་གཟུང་བས་ན་ཁྱིམ་དང་འདྲ་བའི་ཕྱིར་ཁྱིམ་མོ།། གྲུབ་པ་དག་གི་སེམས་ཀྱིས་ནི་ཞེས་བྱ་བ་ནི་ཐ་མལ་པའི་ང་རྒྱལ་ལས་གྲོལ་བ་རང་གི་ལྷའི་རྣམ་པ་དང་ཡང་དག་པར་ལྡན ་པོའི་སེམས་ཏེ། ལྷའི་རང་བཞིན་དེས་གནས་སྐབས་ཐམས་ཅད་དུ་བསྒོམས་ན་དངོས་གྲུབ་ཉེ་བར་འགྱུར་རོ་ཞེས་བྱ་བའི་དོན་ཏོ།། དེའི་ཕྱིར་གསུངས་པ། རྐང་པ་ཁྲུ་དང་ཞེས་པ་ལ་སོགས་པའོ།། ངས་བཤད་པ་ཞེས་བྱ་བ་ནི་དེ་ཉིད་ཀྱིས ་ནི་ཡང་དག་པའི་ཆོ་ག་གསལ་བར་བྱས་སོ་ཞེས་བྱ་བའོ།། དེ་ཅི་ཞེ་ན་བསམ་གཏན་ཞེས་བྱའོ།། ཇི་ལྟ་བུ་ཞེ་ན་སྡིག་པ་འཇིག་བྱེད་པ་ཞེས་བྱ་བ་སྟེ། ག་ཆགས་དང་བཅས་པའི་ཕུང་པོ་ལ་སོགས་པ་སྤྱོད་ཡུལ་འཇིག་པར་མེད་པའོ།། དངོས ་གྲུབ་དོན་དུ་ཞེས་བྱ་བ་ལ་སོགས་པ་ལ། འདི་དག་ངེས་པར་འགྲུབ་པར་བྱ་བའི་ཕྱིར་ཟླ་བ་བྱེད་ལ་སོགས་པའི་དབྱེ་བས་དེ་ཉིད་ཡོངས་སུ་བརྟགས་པར་བྱས་པ་ཡིན་ནོ།། ཐབས་གཞན་མེད་ཅེས་བྱ་བ་ལ་སོགས་པ་ལ་བསྟན་མ་ཐག་པའི་རིམ ་པ་མ་རྟོགས་པར་བདག་དང་གཞན་གྱི་དོན་འགྲུབ་པར་འགྱུར་བའི་ཐབས་གཞན་ཅུང་ཟད་ཀྱང་ཡོད་པ་མ་ཡིན་ནོ་ཞེས་བྱ་བའོ།། ལན་འགའ་ཞེས་བྱ་བ་ལ་སོགས་པ་ཉི་མ་གཅིག་ལ་སོགས་པའི་དབྱེ་བ་ཡང་རྒྱུད་མི་འཆད་པར་རིག ་པ་དེ་ཉིད་ལ་གོམས་པར་བྱའོ་ཞེས་བྱ་བ་ཡིན་ནོ།། འབྲས་བུ་གསུངས་པ། འཕྲུལ་དུ་ཞེས་བྱ་བ་སྟེ། དེའི་སྐད་ཅིག་དེ་ལའོ།། ཡིད་ཆེས་བྱེད་པ་ཡིན་ཞེས་བྱ་བ་ནི་མངོན་སུམ་དུ་ཉམས་སུ་མྱོང་བར་བྱེད་པ་ཡིན་ནོ།། ་འཇིགས་སྤྲོ་ཞེས་བྱ་བ་ལ་སོགས་པ་ལ་དེ་དག་ནི་ཉེ་བར་མཚོན་པ་ཙམ་སྟེ། གཞན་ཡང་འདུ་བྱེད་ཀྱི་སྡུག་བསྔལ་རྣམས་ཀྱིས་སྒྲུབ་བོ་ཉོན་མོངས་པར་མི་འགྱུར་བ་སྟེ། དེ་ལྟར་ཞེས་བྱ་བ་ནི་བསྟན་མ་ཐུག་པའི་ལམ་གྱི་མཚན་ཉིད་དོ།། ། ་པར་སྤང་ན་ཞེས་བྱ་བ་ནི་ལམ་སྟེ་གོམས་པར་བྱས་ནའོ།། ཕན་དང་གནོད་པ་ཞེས་བྱ་བ་ལ་སོགས་པ་ལ། དེ་བཞིན་གཤེགས་པའི་ཡེ་ཤེས་བླ་ན་མེད་པའི་ཡོན་ཏན་འབྱུང་བའི་ཕན་པའི་འབྲས་བུའོ།། ལམ་དེ་ལ་གོམས་པར་མ ་བྱས་པ་རྣམས། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་ལ་སོགས་པ་འབྱུང་བ་ནི་གནོད་པའི་འབྲས་བུའོ།། ཅི་ནས་ཞེས་བྱ་བ་ལ་སོགས་པ་ནི་གོ་སླའོ།། ། ་དེ་ཞེས་བྱ་བ་ནི་བཀའ་ལུང་བསྒོ་བ་རྙེད་པའོ།། ནུབ་པ་ཞེས་བྱ་བ་ནི་སྔགས་ལ་སོགས་པའི་སྟོབས་ཀྱིས་སོ།། བཀུག་ཅེས་བྱ་བ་ནི་ལྷ་དང་མི་དང་ལྷ་མ་ཡིན་ལ་སོགས་པ་ཐམས་ཅད་ལ་སྦྱར་བར་བྱའོ།། གཟུང་པོ་ཞེས་བྱ་བ་ནི་བླངས་ནས་སོ།། ་སྤྱོད་པ་ཞེས་བྱ་བ་ལ་རིག་པ་བརྟུལ་ཞུགས་ཀྱི་སྤྱོད་པ་སྤྱད་པར་བྱ་བའོ།། བདག་ཉིད་ཅེས་བྱ་བ་ནི་སེམས་སོ།། བརྟན་པ་ཞེས་བྱ་བ་འདི་ནི་དུས་དང་གནས་ཀྱི་ཁྱད་པར་གྱིས་གཟུང་བའོ།། ཡིད་ཆེས་ཕྱིར་ཞེས་བྱ་བ་ནི་མངོན་དུ་བྱ་བའི་ཕྱི ་ལོངས་སྤྱོད་ཕྱིར་ནི་ཞེས་བྱ་བ་ལ་སོགས་པ་ལ་ལོངས་སྤྱོད་ཀྱི་ཕྱིར་བསྟན་པར་བྱ་བ་མ་ཡིན་པའོ།། གང་གྲགས་ཞེས་བྱ་བ་ནི། གང་རྣལ་འབྱོར་པ་མཆོག་ཏུ་གྲགས་པ་རྣམས་ཀྱིས་སངས་རྒྱས་ཉིད་རྫོགས་པར་བྱེད་པ་ཡིན་ལ། ཕྱག་རྒྱ་འདི ་ཉིད་ནི་མོས་པ་དམན་པ་ཞེན་པ་རྣམས་ཀྱི་ནི་འཇིགས་པ་སྐྱེ་བར་འགྱུར་བས་ན་འཇིགས་པའི་གཟུགས་སོ།། རུ་མོ་སྤངས་པ་ཞེས་བྱ་བ་ལ་སོགས་པ་འདི་དག་ནི་ཡང་དག་པའི་ཡེ་ཤེས་དབང་དུ་གྱུར་པ་རྣམས་ཀྱི་སྟེ། རྣམ་པོ་ཐམས ་ཅད་ངོ་བོ་ཉིད་མེད་པར་གོམ་པར་བྱ་བའི་ཕྱིར། ཇི་ལྟར་བསམ་པ་བཞིན་དུ་གཟུགས་ཡོངས་སུ་རྗེ་བ་ཡིན་ཏེ། ཇི་ལྟར་བསྟན་པའི་ཕྱག་རྒྱ་དང་། བསྐྱེད་པའི་རིམ་པ་བསྒོམ་པའི་སྔོན་དུ་འགྲོ་བས་ཆོས་ཀྱི་དབྱིངས་ཐམས་ཅད་དང་འགྲོ་བའི ་བདག་ཉིད་ཀྱིས་སྐད་ཅིག་གཅིག་གིས་དུས་སུ་རྟོགས་པ་ཁོང་དུ་ཆུད་པར་འགྱུར་རོ་ཞེས་བྱ་བར་དགོངས་སོ།། དངོས་གྲུབ་ཀྱི་རང་གི་ངོ་བོ་གསུངས་པ། སྐྱེ་བ་དང་ཞེས་བྱ་བ་ལ་སོགས་པ་ལ། ཤེས་རབ་ཐབས་ནི་སྟོང་ཉིད་དང་། སྙིང་རྗེའི ་བདག་ཉིད་ཀྱི་སེམས་སོ།། འཆི་བ་མེད་ཅེས་བྱ་བ་ནི་སྐྱེ་བས་འཕེལ་བ་ཡང་མ་ཡིན་ལ་འཇུག་པས་བརླག་པ་ཡང་མ་ཡིན་ནོ།། གང་ཕྱིར་ཐབས་ནི་འབྱུང་བ་སྟེ་ཞེས་བྱ་བ་ནི་མངོན་པར་འདོད་པ་ཉེ་བར་ལེན་པས་ན་ཐབས་ཏེ། སེམས་ཅན ་ཐམས་ཅད་ལ་གནས་ཤིང་ཡང་དག་པར་བྱུང་བས་ན་འབྱུང་བ་སྟེ་སྙིང་རྗེ་ཆེན་པོའོ།། ཐིམ་པ་ཞེས་བྱ་བ་ནི་གང་གི་ཕྱིར་ཆོས་ཀྱི་དབྱིངས་ཀྱི་ཚུལ་གྱིས་ཐམས་ཅད་དུ་མི་སྣང་བར་གྱུར་པས་ན་ཐིམ་པའོ།། ཤེས་རབ་སྲིད་མཐར་མཛད ་ཅེས་བྱ་བ་ནི་ཕྱིན་ཅི་ལོག་ཐམས་ཅད་སེལ་བར་མཛད་པའོ།། དེ་ཕྱིར་འཇིགས་པས་བརླག་པ་མིན་ཞེས་བྱ་བ་ནི། རྫོགས་པའི་རང་བཞིན་ཐབས་དང་ཤེས་རབ་ཏུ་གྲགས་པ་ཕྱིན་ཅི་ལོག་ཐམས་ཅད་ལས་གྲོལ་བ་མ ་དམིགས་པའི་སྙིང་རྗེ་ལས་གྲུབ་པའི་ལུས་ནི་སྲིད་པ་འགག་པས་འཇིགས་པ་ཡོད་པ་མ་ཡིན་ནོ་ཞེས་བྱ་བ་ཡིན་ནོ།། དེ་ཉིད་དུ་ནི་སྐྱེ་བ་མེད་ཅེས་བྱ་བ་ལ་སོགས་པ་དེ་ཁོ་ན་ཉིད་ནི་མི་དམིགས་པའི་སྟོང་པ་ཉིད་དང་། སྙིང་རྗེའི་བདག་ཉིད་ནམ ་མཁའ་ལྟར་འདུས་མ་བྱས་པའི་རང་བཞིན་གྱིས་ན་རྒྱུ་མེད་པའི་ཕྱིར་སྐྱེ་བ་མེད་པ་ཡིན་ནོ།། དེའི་ཕྱིར་སྐྱེ་བ་དང་འཇིག་པ་དག་གི་ཐབས་དང་ཤེས་རབ་ནི་འཆིང་བ་མ་ཡིན་ནོ་ཞེས་བྱ་བའོ།། གང་ཡང་འཇིག་དང་ཞེས་བྱ་བ་ལ་སོགས་པ་ལ། གང་ཡང ་ཞེས་བྱ་བ་ནི་གང་གི་ཡོད་ངོ་།། འཇིག་ཅེས་བྱ་བ་ནི་རྒྱུ་དང་རྐྱེན་དང་བྲལ་བའོ།། ཐིམ་པ་ཞེས་བྱ་བ་ནི་རྒྱུད་ཡོངས་སུ་ལྡོག་པའོ།། ཐིམ་པ་མེད་པ་ཞེས་བྱ་བ་ནི་རྒྱུད་ཡོངས་སུ་ལྡོག་པ་མེད་པའོ།། ཟག་པ་མེད་པ་ཞེས་བྱ་བ་ལ་དངོས་པོ་མེད་པ་མ་ཡིན ་ནོ།། བསྐྱེད་པའི་རིམ་པའི་རྣལ་འབྱོར་གྱི་ཞེས་བྱ་བ་ནི་ས་བོན་དང་གདན་དང་མཚན་མ་ཡོངས་སུ་གྱུར་པ་སྔོན་དུ་འགྲོ་བའི་ཕུང་པོ་དང་། ཁམས་དང་སྐྱེ་མཆེད་རྣམས་རྣམ་པར་དག་པའི་ལྷའི་ཚོགས་ཏེ་དེ་ཉིད་སྤྲོས་པའོ།། སྤྲོས་པ་རྨི་ལམ་ལྟར་བྱས་ཏེ ་ཞེས་བྱ་བ་ལ་ཕུང་པོ་ལ་སོགས་པ་རྣམས་དོན་དམ་པ་ཉིད་དུ་རྨི་ལམ་དང་མཚུངས་པར་མི་བདེན་པའི་ཕྱིར། ཡང་དག་པར་གྲུབ་པ་རྣམས་ཀྱང་ཐ་མལ་པའི་ང་རྒྱལ་གྱི་གཉེན་པོ་ཙམ་གྱི་བདག་ཉིད་བསྟན་ཀྱང་བདེན་པ་མ་ཡིན་པ་ཁོ་ནའོ།། སྤྲོས ་བ་སྤྲོས་པ་མེད་པར་བྱ་བ་ནི་སྤྲོས་པ་བསྒོམས་པས་ཆོས་ཐམས་ཅད་དབྱེར་མེད་པའི་བདེ་བ་ཆེན་པོའི་རང་བཞིན་རྟོག་པ་ཐམས་ཅད་ཀྱི་བདག་ཉིད་ཀྱི་སྤྲོས་པ་ལས་གྲོལ་བའི་སྟོང་པ་ཉིད་དུ་སྔགས་དང་ལྷ་ལ་སོགས་པའི་རང་བཞིན་བསྒོ ་པར་བྱའོ་ཞེས་བྱ་བའི་དོན་ཏོ།། སྤྲོས་པ་མེད་པ་ཞེས་བྱ་བ་འདི་ཅི་ཞིག་ཅི་སྟེ་སྤྲོས་པའི་ངོ་བོ་ཉིད་མེད་པ་ཉིད་སྤྲོས་པ་མེད་པའོ་ཞེ་ན་མ་ཡིན་ཏེ། དེ་ཉིད་སྤྲོས་པ་ཡིན་པའི་ཕྱིར་རོ་སྙམ་པ་ལ། སྤྲོས་པའི་ངོ་བོ་ཉིད་མེད་པར་གྱུར་པ་ནི་གང་གི ་ཕྱིར་སྤྲོས་པ་མེད་པ་ཉིད་གྲུབ་པ་ཡིན་ན་དེ་ཇི་ལྟར་ན་སྤྲོས་པ་བརྗོད་པར་རུང་སྟེ། གང་གི་ངོ་བོ་གང་ཡིན་པ་དེ་མེད་པར་འགྱུར་བ་དེ་ལ་དེའི་ངོ་བོ་ཉིད་དུ་བརྗོད་པ་ནི་མེད་དོ།། དེའི་ཕྱིར་སངས་རྒྱས་བཅོམ་ལྡན་འདས་རྣམས་ཀྱིས་སྤྲོས་པ་བསྒོ། ་པར་གྱུར་པ་ནི་དོན་དམ་པ་རྣམས་ཀྱིས་སྔགས་ཀྱི་དེ་ཁོ་ན་ཉིད་སྤྲོས་པ་མེད་པ་མཆོག་ཏུ་སྡུད་པར་བྱེད་པར་བལྟའོ།། དེ་ཡང་གསུངས་པ། དེ་ཉིད་སྔགས་བཟླས་དཀའ་ཐུབ་དང་།། དེ་ཉིད་སྦྱིན་སྲེག་དཀྱིལ་འཁོར་ལ།། མདོར་ན་སེམས ་འདུས་རང་བཞིན་ཅན་ཞེས་བྱ་བའོ།། སྒྱུ་མ་ཇི་བཞིན་ཞེས་བྱ་བ་ནི་བྱིས་པ་རྣམས་ཀྱིས་ཇི་ལྟར་བརྟགས་པ་བཞིན་དུ་སྐྱེ་བ་དང་འགག་པ་མ་ཡིན་གྱི། མཱི་བདེན་པ་ཉིད་ཀྱི་རྒྱུ་དང་རྐྱེན་གྱི་དཔུང་གིས་སྐྱེ་བ་ལ་སོགས་པ་ལྟར་སྣང་བ་ཡིན་ནོ།། རྨི་ལ ་བཞིན་ཞེས་བྱ་བ་ནི་རང་གི་སེམས་ཙམ་ལས་ཡང་དག་པར་སྤྲུལ་པ་ཡིན་གྱི་རྒྱུ་གཞན་ལ་བལྟོས་པ་ནི་མ་ཡིན་ནོ་ཞེས་བྱ་བའོ།། སྲིད་པ་བར་མ་ཇི་བཞིན་དུ་ཞེས་བྱ་བ་ལ། སྔོན་གྱི་སྲིད་པ་ན་འདས་ལ་སྐྱེ་བའི་སྲིད་པ་མ་བླངས་པ་འདི ་ནི་སྲིད་པ་བར་མ་སྟེ། ལས་དང་ཉོན་མོངས་པས་དབེན་པ་རང་གིས་རིག་པའི་རང་བཞིན་དུ་ཤིན་ཏུ་གསལ་བར་གྱུར་པ་ཐོགས་པ་མེད་པར་གྱུར་པའི་སྟོབས་ཀྱི་བདག་ཉིད་ཅན་དང་མི་དགེ་བ་དགེ་བ་ཁོང་དུ་ཆུད་ཅིང་སྒྲིབ ་པ་མེད་པའི་གནས་ལ་མངོན་པར་ཕྱོགས་པའི་རང་བཞིན་ཏེ། དེ་ལྟ་བུར་དཀྱིལ་འཁོར་གྱི་འཁོར་ལོ་ངེས་པར་བསྒོམ་པར་བྱའོ་ཞེས་བྱ་བའི་དོན་ཏོ།། བདེ་བ་ཆེན་པོའི་རང་བཞིན་གྱིས་ཆོས་ཐམས་ཅད་ཀྱི་མཚན་ཉིད་ཡང་དག་པར་བསྡུ ་པ་གསུངས་པ། ནག་པོའང་བདེ་བ་ཞེས་བྱ་བ་ལ་སོགས་པ་ལ་བདེ་བ་རྗེས་སུ་མྱོང་བ་ལ་ནི་ནག་པོ་ལ་སོགས་པ་ཐ་དད་པར་མཽ་དམིགས་ཏེ། གཞན་དུ་ན་དེ་ཉིད་ནག་པོ་ལ་སོགས་པའི་དོན་གྱི་མཚན་ཉིད་དུ་འབྱུང་བ་ཡིན་ནོ།། དེའི ་ཕྱིར་བདེ་བ་ཆེན་པོ་དེ་ཉིད་ཁམས་གསུམ་པོ་མཐའ་དག་དབྱེར་མེད་པའི་རང་བཞིན་ཉིད་དོ།། འོ་ན་བདེ་བ་ཆེན་པོ་དེ་ཉིད་ཇི་ལྟ་བུ་ཞིག་ཞེ་ན། འཁྲིག་པ་ལས་སྐྱེས་ཞེས་བྱ་བ་ལ་ཐབས་དང་ཤེས་རབ་འདུས་པ་ལས་སྐྱེས་པའི་ཟག་པ་མེད་པའི་བདེ ་བ་ཆེན་པོ་ཞེས་བྱ་བའི་དོན་ཏོ།། དངོས་བདེ་ཞེས་བྱ་བ་ལ་རང་གི་རིག་པའི་ཚུལ་ཅན་ཉིད་ཀྱིས་དངོས་པོ་བདེ་བའོ།། དངོས་པོ་མེད་པ་བདེ་བ་ཞེས་བྱ་བ་ནི་གཟུང་བ་ལ་སོགས་པ་མ་གྲུབ་པའི་ཕྱིར་དངོས་པོ་མེད་པའི་བདེ་བའོ།། རྡོ་རྗེ་སེམས་དཔའི ་ཡང་བདེ་བའི་རང་བཞིན་ཉིད་དེ། བདེ་བ་ལས་ཐ་དད་པའི་རྡོ་རྗེ་སེམས་དཔའི་སྐུ་གཞན་འགའ་ཡང་ཡོད་པ་མ་ཡིན་ནོ་ཞེས་བྱ་བའི་དོན་ཏོ།། རྫོགས་པའི་རིམ་པའི་རྣལ་འབྱོར་པ་ཞེས་བྱ་བ་ལ་དེ་ནི་སྒོམ་པ་མེང་པ་སྟེ། མ་ལུས་པའི ་ཡེ་ཤེས་ཙམ་གྱི་བདག་ཉིད་ཀྱི་ཕྱིར་རོ།། དེའི་ཕྱིར་གསུངས་པ། རྫོགས་པ་སྒོམ་པ་མེད་པ་སྟེ་ཞེས་བྱ་བ་ལ། འདིའི་དོན་ནི་ཕྱིན་ཅི་ལོག་མཐའ་དག་ཉེ་བར་བྲལ་བའི་རང་བཞིན་ཆོས་ཐམས་ཅད་དབྱར་མེད་པའི་བདེ་བ་ཆེན་པོའི་མཚན ་ཉིད་ཀྱང་རྣམ་པར་མི་རྟོག་པའི་ཡེ་ཤེས་ཆོས་ཀྱི་དབྱིངས་ཀྱིས་རྫོགས་པ་ཡིན་ནོ་ཞེས་བྱ་བ་འདི་ཡིན་ལ། ཡང་བསྐྱེད་པའི་རིམ་པའང་ཅི་ཞིག་དགོས་ཞེས་བྱ་བ་ལ་བསྐྱེད་པའི་རིམ་པ་ནི་ས་བོན་ལ་སོགས་པ་ཡོངས་སུ་གྱུར་པ་སྟོམ ་དུ་འགྲོ་བའི་རང་བཞིན་གྱིས་སྤྲོས་པ་སྟེ། སྒོམ་པ་པོ་དང་བསྒོམ་པར་བྱ་བ་དང་། སྒོམ་པ་ལ་སོགས་པའི་རྣམ་པར་རྟོག་པ་རྣམས་ལུས་ནི་ངེས་པར་དེ་ཁོ་ན་ཉིད་ཡང་དག་པར་འབྱུང་བ་མ་ཡིན་ནོ།། དེའི་ཕྱིར་དེ་ཡང་ཅི་ཞིག་དགོས་པ་མེད་པ ་ཉིད་དོ་ཞེས་བྱ་བའི་དོན་ཏོ།། བཅོམ་ལྡན་འདས་ཀྱིས་བཀའ་སྩལ་པ། ཨེ་མའོ་ཞེས་བྱ་བ་ལ་སོགས་པ་ལ་ཨེ་མའོ་ཞེས་བྱ་བ་ནི་ངོ་མཚར་བའོ།། ཅིའི་ཕྱིར་ཞེ་ན། ངད་པའི་ཤུགས་ཞེས་བྱ་བ་ལ་སོགས་པ་སྨོས་ཏེ། ངང་པའི་ཤུགས་ནི ་ངདང་པ་ཙམ་མོ།། བརླག་པ་ནི་སྔགས་ཀྱི་ལམ་རིང་དུ་གྱུར་པ་སྟེ། སེམས་ཅན་དེ་ལ་ཐུགས་བརྩེ་བར་གྱུར་ནས་སེམས་དཔའ་ཆེན་པོ་ཞེས་གསུངས་པ་ཡིན་ནོ།། ལུས་མེད་པར་ནི་ཞེས་བྱ་བ་ལ་སོགས་པ་ལ་འབྱུང་བ་ལས་གྱུར་པའི ་ལུས་ཀྱི་རྣམ་པ་མ་རྟོགས་པར་རྣམ་པར་ཤེས་པ་གཟུང་བར་མི་ནུས་པས་དངོས་པོ་ཡོངས་སུ་རྫོགས་པའི་རང་བཞིན་གྱི་བདེ་བ་གང་དུ་གནས་པར་འགྱུར། དེ་བས་ན་བདེ་བ་ཆེན་པོའི་རང་བཞིན་དུ་རོ་གཅིག་པའི་སྙིང་རྗེ་ཆེན་པོ་ཉིད ་འཁོར་བའི་མཐས་གཏུགས་པར་རྣམ་པར་རྣམ་པ་སྣ་ཚོགས་ཀྱི་གཟུགས་སུ་སྣང་བར་ངེས་པར་ཁས་བླང་བར་བྱའོ།། དེ་ཡང་གསུངས་པ། ཐ་མལ་པ་ཡི་གཉེན་པོའི་ཚུལ།། སངས་རྒྱས་སྐུ་ནི་ཡོངས་བརྟགས་པ།། ་ལྷའི་གཟུགས་ནི་གོམས་བྱས་པ།། དེས་ནི་རྒྱ་ཆེན་སྣ་ཚོགས་གཟུགས།། གདུལ་བྱ་རྣམས་ཀྱི་སྤྱོད་ཡུལ་འགྱུར།། རྫོགས་པའི་རིམ་པའི་སྦྱོར་བ་ཡི།། སེམས་ཀྱིས་ཀྱང་ནི་སངས་རྒྱས་ཉིད།། རྟོག་པ་མཐའ་དག་འགགས་པའོ།། ཞེས་བྱ་བ ་སྟེ། ཇི་ལྟར་ལྕི་བའི་སྦྱོར་བའི་གནས་ཀྱིས་དངུལ་ཆུ་ཡང་དག་པར་འཛིན་པ་བཞིན་དུ་ཁྱོད་ཀྱིས་སེམས་ཀྱི་རིན་པོ་ཆེ་བླ་ན་མེད་པའི་རང་བཞིན་ཡིད་ལྷའི་གཟུགས་ཀྱི་རྣམ་པ་ཡང་དག་པར་བསྒོམས་པས་གཟུང་བ་ཡིན། དོན་འདྲི་ཉིད་ཀྱི་ཕྱིར་དཔེ ་བསྟན་པ་གསུངས་པོ་ཇི་ལྟར་མེ་ཏོག་བརྟེན་པའི་དྲི་ཞེས་བྱ་བ་ལ་སོགས་པ་སྟེ་གོ་སླའོ།། དེ་བཞིན་གཟུགས་སོགས་མེད་གྱུར་ན་ཞེས་བྱ་བ་ནི་དོན་དང་ཉེ་བར་སྦྱོར་བ་ཡིན་ཏེ། ལྷའི་གཟུགས་སུ་བསྒོམས་པ་ལ་བརྟེན་ཏེ་བདེ་བའི་རང་བཞོན ་དམིགས་ཀྱི་གཞན་དུ་བདེ་བ་མ་ཡིན་ཏེ་ཕན་ཚུན་བརྟན་པར་གནས་པ་ཡིན་ནོ།། དངོས་ཞེས་བྱ་བ་ནི་ཕྱག་དང་། ཞལ་ལ་སོགས་པའི་རྣམ་པའི་རང་བཞིན་གྱི་ཕྱིར་རོ།། དངོས་པོ་མེད་ཉིད་དུ་ཞེས་བྱ་བ་སྤྲོས་པ་ཐམས་ཅད་དངོས་པོ་མེད་པའི ་རང་བཞིན་དུ་སྣང་བའི་ཕྱིར་རོ།། སངས་རྒྱས་ང་ཞེས་བྱ་བ་ལ་དངོས་པོ་མཐའ་དག་དེ་ཁོ་ན་ཉིད་ཀྱིས་རྟོགས་པའི་ཕྱིར་སངས་རྒྱས་ངའོ།། རྨོངས་པ་གང་གིས་ཞེས་བྱ་བ་ལ་སོགས་པ་ལ། སློབ་དཔོན་ལ་བསྙེན་བཀུར་མ་བྱས་པས་བླུན་པོར ་གྱུར་ཅིང་ཕྱིན་ཅི་ལོག་འཛིན་པ་ནི་རྨོངས་པའོ།། རང་གི་སེམས་ཙམ་ཉམས་སུ་མྱོང་བའི་དངོས་གྲུབ་ནི་ང་སྟེ་དེས་ནི་དེ་མི་ཤེས་པའོ།། འདིས་དཔེ་གསུངས་པ། དེ་བཞིན་ཞེས་བྱ་བ་ལ་སོགས་པའོ།། ཡིད་ཆེས་ཞེས་བྱ་བ་ནི་མངོན་དུ་བྱེད ་པའི་རྒྱུའོ།། བུ་ཞེས་བྱ་བ་ནི་རྡོ་རྗེ་སྙིང་པོ་ཉེ་བར་བཟུང་བའོ།། མུན་པའི་སྒྲོན་མ་ལྟ་བུར་ཞེས་བྱ་བ་ལ། ཇི་ལྟར་མར་མེ་འབར་བ་གཅིག་གི་གཟུགས་ཀྱིས་ཀྱང་མུན་པའི་རང་བཞིན་མཐའ་དག་བྲལ་ནས་ཕྱོགས་དེ་ན་གནས་པའི་དངོས་པོའི་གཟུག ་རྣམས་གསལ་བར་བྱེད་པ་དེ་བཞིན་དུ་སྔག་ཀྱིས་སྦྱངས་པ་ལ་སོགས་པའི་སྨོན་ལམ་སྔོན་དུ་འགྲོ་བས་སེམས་ཀྱི་རིན་པོ་ཆེའི་བདག་ཉིད་གསལ་བར་གྱུར་པའི་ཚུལ་གྱིས་རྣམ་པར་རྟོག་པའི་མུན་པ་ཐམས་ཅད་བཅོམ་ནས་དུས་རྟག་ཏུ་ལྷུན ་གྱིས་གྲུབ་པར་གཞན་གྱིས་བྱ་བ་རྣམས་ལ་འཇུག་ཅིང་འགྲོ་བ་མཐའ་དག་གི་དོན་རྫོགས་པར་མཛད་པས་འཁོར་བའི་མཐར་ཐུག་པར་བཞུགས་པ་ཡིན་ནོ།། ཡང་ན་ཇི་ལྟར་བསྐལ་པ་མང་པར་སྔོན་ནས་བསགས་པའི་མུན་པ་རྣམས་ཀྱང་གང ་དུ་ཡང་སོང་བ་མེད། གར་ཡང་གནས་པ་མེད་བཞིན་དུ་རང་བཞིན་གྱིས་ཞི་བར་འགྱུར་བ་ཡིན་ནོ།། རིགས་ཀྱི་བུ་དེ་བཞིན་དུ་ཐོག་མ་མེད་པའི་དུས་ནས་ཡོངས་སུ་བསགས་པའི་མ་རིག་པའི་བག་ཆགས་ཀྱང་ཡེ་ཤེས་ཀྱི་སྣང་བ་བསྐྱེད་པ་ཙམ་གྱིས ་གང་དུ་ཡང་སོང་བ་མེད། གང་དུ་གནས་པར་འགྱུར་བའང་མེད་བཞིན་དུ་འགགས་པ་ཡིན་ནོ།། དེ་ལྟ་མོད་ཀྱི་དམིགས་སུ་མེད་པའི་བདེ་བ་དེ་ཐམས་ཅད་དུ་དམིགས་པ་མ་ཡིན་གྱི་ལྷ་ལ་སོགས་པ་མངོན་པར་འདུ་བྱ་བའི་ཁྱད་པར་གྱི་རྣལ་འབྱོར། ་གྱི་ཡང་དག་པར་སྐྱེ་བར་འགྱུར་རོ་ཞེས་བསྟན་པའི་ཕྱིར། བལྟོས་དང་བཅས་པ་ཡིན་ཞེས་བྱ་བ་ལ་སོགས་པ་གསུངས་སོ།། ཉེ་བར་བསྡུ་བ་གསུངས་པ། དེ་ཕྱིར་ཞེས་བྱ་བ་ལ་སོགས་པ་སྟེ་རིམ་པ་དེ་ཉིད་ཀྱིས་ན་དངོས ་པོཔོ་མེད་པ་སྟེ། ཞལ་དང་ཕྱག་དང་ཁ་དོག་དང་དབྱིབས་ལ་སོགས་པའི་མཚན་ཉིད་མ་ཡིན་པའོ།། དངོས་པོ་མེད་པའི་གཟུགས་ཅན་མིན་ཞེས་བྱ་བ་ལ། གདུལ་བྱའི་དབང་གིས་ཞལ་དང་ཕྱག་ལ་སོགས་པའི་རྣམ་པར་སྣང་བའི་ཕྱིར་རོ།། དེ ་ཉིད་ཀྱི་ཕྱིར་ན་གསུངས་པ། ཞལ་ཕྱག་རྣམ་པའི་གཟུགས་ཅན་ཏེ།། དོན་དམ་བདེ་བ་གཟུགས་ཅན་མིན་ཞེས་བྱ་བའོ།། ཉེ་བར་བསྡུ་བ་གསུངས་པ། དེའི་ཕྱིར་ཞེས་བྱ་བ་ལ་སོག་ས་པ་སྟེ། ཁམས་གསུམ་པོ་རྣམས་འགྱུར་པ་མེད་པའི་བདག ་ཉིད་ཀྱི་དེ་བཞིན་ཉིད་ཡིན་པའི་ཕྱིར་ལྷན་ཅིག་སྐྱེས་པའོ།། རྣམ་དག་རྣམ་པའི་སེམས་ཀྱིས་ནི་ཞེས་བྱ་བ་ནི་ལུང་དང་རིགས་པས་གྲུབ་པའི་སེམས་ཀྱིས་སོ།། རང་གི་དངོས་ཉིད་མྱ་ངན་འདས་ཞེས་བྱ་བ་ལ། རང་གི་དངོས་ཉིད་དེ་རང་གི་ངང་ཚུལ ་གྱི་མྱ་ངན་ལས་འདས་པའི་བདག་ཉིད་ཀྱི་ཕྱིར་ཏེ། ཆོས་ཐམས་ཅད་རང་བཞིན་གྱི་དེ་བཞིན་ཉིད་དེ་ནི་རང་གི་ངང་ཚུལ་གྱིས་མྱ་ངན་ལས་འདས་པ་ཡིན་ནོ།། ལྷའི་རྣམ་པ་ཞེས་བྱ་བ་ལ་སོགས་པོ་ནི་གོ་སླའོ།། ཅི་སྟེ་ལྷའི་རྣམ་པའི་རང་བཞིན ་ཉིད་མྱ་ངན་ལས་འདས་པ་ཡིན་ན། སྐྱེད་པ་ཙམ་གྱིས་འགྲུབ་པར་འགྱུར་པས་བསྒོམ་པ་ལ་སོགས་པས་ཅི་ཞིག་བྱ་སྙམ་པ་ལ། དེ་ལྟར་བདེན་མོད་ཀྱི་འོན་ཀྱང་ཐ་མལ་བག་ཆགས་ཀྱིས་ཞེས་བྱ་བ་ལ་སོགས་པ་ལ། དེ་ཁོ ་ན་ཉིད་དུ་ན་སེམས་ཅན་གྱི་ཁམས་རྣམས་སྟོང་པ་ཡིན་མོད་ཀྱི་དངོས་པོར་མངོན་པར་ཞེན་པའི་བག་ཆགས་དང་ཡང་དག་པར་ལྡན་པས་སྐྱེ་བོ་རྣམས་རྨོངས་པར་གྱུར་ནས། ཇི་ལྟར་དུག་མངོན་པར་མུ་སྦྱངས་པའི་ཁྱུ་ཟས་ཀྱིས་བྱིས་པ་རྣམས ་བསད་པ་བཞིན་སྡུག་བསྔལ་བར་གྱུར་ཏེ། དུག་གི་ཁ་ཟས་དེ་ཉིད་སྔགས་ལ་སོགས་པས་མངོན་པར་སྦྱངས་ན་ནི་བདེ་བའི་རྒྱུར་འགྱུར་རོ།། དེ་བས་ན་སེམས་ཅན་ཐམས་ཅད་ཀྱི་སྒྲིབ་པ་ཐམས་ཅད་གཞོམ་པོ་སྔོན་དུ་འགྲོ་བས་མི་གནས་པའི་མྱ་ངན ་ལས་འདས་པ་ཐོབ་པར་བྱ་བའི་ཕྱིར་དང་། ཐ་མལ་པའི་བག་ཆགས་སྤང་བར་བྱ་བའི་ཕྱིར་སྔགས་ཀྱི་ངོ་ཁོ་ན་ཉིད་ཀྱིས་སྦྱང་བར་བྱའོ་ཞེས་འདིར་དཔེ་གསུངས་པ། དུག་གི་དུམ་བུ་གང་ཉིད་ཀྱིས་ཞེས་བྱ་བ་ལ་སོགས་པ་སྟེ། དུག་མྱངས་པ་ཙམ་གྱིས ་ཀྱང་སྐྱེ་བོ་འཆི་བར་ཉེ་བར་འགྲོ་བ་ཡིན་ལ། དེ་ཉིད་ཤེས་པ་ཞེས་བྱ་བ་དུག་གི་རང་བཞི་ནི་ཤེས་པའི་དུག་དེས་ནི་བདེ་བར་ཉེ་བར་འགྲོའོ།། དུག་གིས་དུག་ནི་སེལ་བར་བྱེད་ཅེས་བྱ་བ་ལ། ཇི་ལྟར་རང་བཞིན་ཤེས་པའི་དུག་གིས་དུག་ཐམས་ཅད་སེལ་བར ་བྱེད་པ་བཞིན་དུ། ཕུང་པོ་ལ་སོགས་པའི་བདག་ཉིད་དུག་གི་ཐོག་མ་མེད་པའི་དུས་ཅན་གྱི་འཁོར་བར་སྐྱེ་བོ་རྣམས་འཆི་བ་ལ་སོགས་པའི་སྡུག་བསྔལ་རྗེས་སུ་མྱོང་བ་ཡིན་ལ། སྔགས་ཀྱི་དེ་ཁོ་ན་ཉིད་ཤེས་པ་རྣམས་ནི་ཕུང་པོ་ལ་སོགས་པ་རྣམ ་པར་དག་པའི་ལྷའི་བདག་ཉིད་ཀྱིས་དུག་བསྟེན་ཀྱང་སྐྱེ་བ་གཅིག་ནས་གཅིག་ཏུ་ཡུལ་རྣམས་གོམས་པར་བྱས་པའི་བག་ཆགས་དང་ལྡན་པོའི་ཕུང་པོའི་བདག་ཉིད་ཀྱི་དུག་ངེས་པར་བཅོམ་སྟེ། འཁོར་བའི་མཐར་ཐུག་པར་གཞན་གྱི་དོན་མཛད ་པའི་བདེ་བ་ཆེན་པོ་ཉམས་སུ་མྱོང་བ་ཡིན་ནོ།། ཇི་ལྟར་རླུང་གིས་ཟིན་པ་ལ་ཞེས་བྱ་བ་ལ་སོགས་པ་ལ། མ་རིག་པའི་རླུང་གིས་ཟིན་པ་ལ་སྤྱོད་ཡུལ་རྣམ་པར་དག་པའི་བདུད་རྩི་སྲན་མ་ཤ་ཙམ་མྱངས་ན་ཐབས་དང་ཤེས་རབ་ཀྱི ་རླུང་ཆེན་པོ་དེས་ཉོན་མོངས་པའི་རླུང་སེལ་བ་ཡིན་ནོ།། སྤྱོད་པ་ཞེས་བྱ་བ་ལ་སོགས་པ་ལ་སྲིད་པ་ཞེས་བྱ་བ་ནི་མི་ཤེས་པ་སྔོན་དུ་འགྲོ་བའི་ཁྲག་དང་ཁུ་བ་ལ་སོགས་པ་ཡོངས་སུ་གྱུར་པའི་ལུས་ཀྱི་མཚན་ཉིད་དོ།། སྦྱོང་བར་བྱ་བ་ནི་རྣམ་པར་དག་པ་སྟེ། ་ཇི་ལྟར་དེ་བཞིན་གཤེགས་པ་ཐམས་ཅད་བཞུགས་པ་སྔོན་དུ་འགྲོ་བའི་ས་བོན་དང་མཚན་མ་ལ་སོགས་པ་ཡོངས་སུ་གྱུར་པ་བླ་ན་མེད་པའི་ལྷའི་གཟུགས་ཀྱིས་བསྒོམ་པས་ཀྱང་མཆོག་ཏུ་གཞན་གྱི་དོན་མཛད་པ་ཡིན་ནོ།། མི་གནས་པའི་མྱ་ངན་ལས ་འདས་པའི་མཚན་ཉིད་ནི་དག་པའི་སྲིད་པའོ།། རྣམ་རྟོག་ཞེས་བྱ་བ་ལ་སོགས་པ་ལ་མི་མཐུན་པའི་ཕྱོགས་ཀྱི་རྟོག་པ་ནི་རྣམ་པར་རྟོག་པ་སྟེ་ཡིད་ཀྱི་བརྗོད་པའོ།། སོ་སོར་རྟོག་པ་ཞེས་བྱ་བ་ནི་གཉེན་པོར་གྱུར་པའི་རྟོག་པ་སྟེ་སྔགས་ཀྱི་དེ་ཁོ་ན་ཉིད་ཀྱི་བརྗོད ་པའོ།། ཇི་ལྟར་རྣ་བར་ཆུ་ཞུགས་པ་ཞེས་བྱ་བ་ལ་སོགས་པ་ལ་ཐོས་པ་ཉེ་བར་བཞག་པའི་དབང་གི་བདག་གི་བདེ་བ་དང་སྡུལ་བསྔལ་བ་ལ་སོགས་པའི་རྣམ་པར་རྟོག་པའི་སེམས་ཀྱི་འཇུག་པ་ནི་ཆུ་སྟེ། ཐ་མལ་པའི་རྣམ་པར་རྟོག་པའི་ལྷའི་རྣམ་པའི་ཡད ་ཀྱི་ཆུ་དེ་ཡོངས་སུ་གསལ་བ་ནི་ཕྱུང་བ་ཡིན་ནོ།། ཇི་བཞིན་སྲིད་པའི་རྣམ་རྟོག་ཀྱང་ཞེས་བྱ་བ་ལ་ཐ་མལ་པའི་ལག་པ་དང་གདོང་ལ་སོགས་པའི་རྣམ་པར་རྟོག་པ་ཡང་ལྷའི་རྣམ་པར་དག་པའི་རྣམ་པ་ལས་ཡོངས་སུ་སྦྱངས་ནས་འཁོར་བའི་མཐ ་ཐུག་པ་སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་ཞི་བར་མཛད་པར་འགྱུར་རོ།། ཇི་ལྟར་མེ་ཡིས་ཚིག་པ་ལ་ཞེས་བྱ་བ་ལ་སོགས་པ་ལ། ཇི་ལྟར་མེ་ཡིས་ཚིག་པ་རྣམས་སླར་ཡང་མེ་ལ་བསྲོས་ནས་ཉེས་པ་དེ་རབ་ཏུ་ཞི་བར་འགྱུར ་བ་བཞིན་དུ། སྐྱེ་བོ་རྣམས་ཀྱང་བདག་ལ་ཆགས་པས་ཡོངས་སུ་བསླངས་པའི་འདོད་ཆགས་ཀྱི་མེས་བསྲེགས་པས་བདག་ཏུ་འཛིན་པས་ཉེ་བར་ལུས་དང་ངག་དང་ཡིད་ཀྱི་ལས་ཀྱིས་དམྱལ་བ་ལ་སོགས་པའི་སྡུག་བསྔལ་གྱིས་འཚེ་བ ་ཡིན་ནོ།། དེ་ཉིད་ཀྱིས་ཞེས་བྱ་བ་ནི་སྟོང་པ་ཉིད་དང་སྙིང་རྗེའི་ཐབས་ཀྱིས་ཡོངས་སུ་གཟུང་བའི་ལས་དེ་ཉིད་ཀྱིས་འགྲོ་བ་ཞེས་བྱ་བ་རྣམ་པར་འཐར་པར་འགྱུར་རོ།། གང་ལ་ཞེ་ན། སྲིད་པའི་འཚང་བ་ལས་ཞེས་ཏེ་ཕྱིན་ཅི་ལོག་གི་བདག ་ཉིད་ཀྱི་སེམས་ནི་སྲིད་པའོ།། དེ་ཉིད་ནི་གཞན་དུ་འགྲོ་བའི་འཆིང་བ་སྟེ་དེ་ལས་སོ།། འདོད་ཆགས་ཀྱི་ནི་ཞེས་བྱ་བ་ལ་སོགས་པོ་ལ། བདག་དང་བདག་གི་བདེ་བ་འདོད་པས་རབ་ཏུ་འཇུག་པའི་འདོད་པ་ལ་སོགས་པོའི་སྲིད་པ་ལ་མངོན ་པར་ཞེན་པའི་ཆགས་པས་འཇིག་རྟེན་སྐྱེ་བོ་རྣམས་བཅིངས་པ་ཡིན་ནོ།། འདོད་ཆགས་ཉིད་ཀྱིས་རྣམ་པར་གྲོལ་ཞེས་བྱ་བ་ནི། བདག་དང་བདག་གིར་འཛིན་པའི་རྣམ་པ་ལས་འདས་ཤིང་དེ་བཞིན་གཤེགས་པ་ཐམས་ཅད ་རྗེས་སུ་ཆགས་པའི་སྙོམས་པར་འཇུག་པས་མཆོད་པ་དང་། སེམས་ཅན་ཐམས་ཅད་ཟག་པ་མེད་པའི་བདེ་བ་ཆེན་པོ་ལ་དགོད་པར་བྱའོ་ཞེས་བྱ་བའི་ཁ་ན་མ་ཐོ་བ་མེད་པའི་འདོད་ཆགས་ཆེན་པོའི་ཚུལ་གྱིས་ནི་རྣམ་པར ་གྲོལ་བར་འགྱུར་རོ།། ཕྱིན་ཅི་ལོག་ཅེས་བྱ་བ་ལ་སོགས་པ་ལ། ཆོས་ཐམས་ཅཎྜི་རང་བཞིན་མངོན་པར་མི་ཤེས་ནས་ལེགས་པར་གནས་པའི་བསམ་གཏན་ལས་ཕྱིར་ལོག་པ་སྐྱེ་བ་འགོག་པ་ཙམ་གི་རང་གི་མྱ ་ངན་ལས་འདས་པ་ལ་མངོན་པར་ཞེན་པས། སྙིང་རྗེ་དང་། ཤེས་རབ་དག་ལས་མངོན་པར་ཉམས་པའི་ཉན་ཐོས་དང་། རང་སངས་རྒྱས་ཀྱི་ཐེག་པ་དག་གིས་སངས་རྒྱས་བཅོམ་ལྡན་འདས་རྣམས་ཀྱི་མུ་སྟེགས་ཡིན་ནོ།། དེས་མི་ཤེས ་པ་ནི་ཆོས་ཐམས་ཅད་དབྱེར་མེད་པའི་རང་བཞི་ནི་འདོད་ཆགས་ཆེན་པོའི་ཚུལ་གྱིས་སྒོམ་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུར་གྱུར་པ་དེ་མི་ཤེས་པའོ།། དགའ་བ་ཆེན་པོ་གཅིག་ཉིད་ནི་ཞེས་བྱ་བ་ལ་བླ་ན་མེད་པའི ་བདེ་བའི་བདག་ཉིད་ཀྱི་ཕྱིར་དགའ་བའོ།། ཆེན་པོ་ནི་རྒྱས་པ་སྟེ་ནང་ཡོངས་སུ་ཚིམ་པས་བར་ཆད་མེད་པར་ཁྱབ་པའི་ཕྱིར་རོ།། གཅིག་ཅེས་བྱ་བ་ནི་གཉིས་སུ་མེད་པའི་རང་བཞིན་གྱི་ཕྱིར་རོ།། ཕྱེ་བས་རྣམ་པ་ལྔ་རུ་འགྱུར་ཞེས་བྱ་བ་ནི ་ལས་དང་པོ་པ་རྣམས་ཀྱི་ཕྱིར་ལྔར་ཕྱེ་བ་ཡིན་ནོ།། དེ་ཉིད་བསྟན་པར་བྱ་བའི་ཕྱིར་གསུངས་པ། རྡོ་རྗེ་པདྨ་མཉམ་སྦྱོར་ལས་ཞེས་བྱ་བ་ལ་སོགས་ཏེ་གོ་སླའོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི ་འབྱུང་གནས་ཞེས་བྱ་བ་ལས། ལེའུ་གཉིས་པའི་བཤད་པའོ།། །། ཨིའི་རྣམ་པ་ཞེས་བྱ་བ་ལ་སོགས་པ་ལ། གང་གི་རྣམ་པ་ཡི་གེ་སྟེ་ཨཾ་ལྟ་བུ་ཡིན་པ་དེ་ལ་དེ་སྐད་ཅེས་བྱ་སྟེ་བྷ་ག་ཡིན་ནོ།། བཟང་པོ་ཞེས་བྱ་བ་ནི ་བླ་ན་མེད་པའི་རོལ་པའི་དགའ་བ་དང་བདེ་བའི་རྒྱུར་འགྱུར་བའི་ཕྱིར་རོ།། དབུས་སུ་ཡི་གེ་བཾ་གིས་བརྒྱན་ཅེས་བྱ་བ་ལ་དབུས་སུ་སྟེ། བུ་གའི་ནང་དུ་བམ་སྟེ་བྱའི་མགོ་བོར་གྲགས་པ་གང་ཡིན་པས་མཛེས་པར་བྱས་པའོ།། བདེ་བ ་ཐམས་ཅད་ཀྱི་ནི་གནས་ཞེས་བྱ་བ་ལས་ཐམས་ཅད་ནི་འཇིག་རྟེན་དང་འཇིག་རྟེན་ལས་འདས་པའི་བདེ་བ་སྟེ། དེ་རྣམས་ཀྱི་སྐྱེ་བའི་གནས་སུ་གྱུར་པའོ།། སངས་རྒྱས་རིན་ཆེན་ཟ་མ་ཏོག་ཞེས་བྱ་བ་ལ། རྙེད་དཀའ་ཞིང་ཡོན་ཏན ་བསམ་གྱིས་མི་ཁྱབ་པ་དང་ལྡན་པའི་ཕྱིར་སངས་རྒྱས་རིན་པོ་ཆེ་སྟེ། ཟ་མ་ཏོག་ནི་དེའི་རྟེན་ནོ།། དེ་དག་གིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་ན་མཁའ་ལྟར་དཔག་ཏུ་མེད་ཅིང་ཚད་མེད་པའི་བདག་ཉིད་དེ་ནི་བསྐྱེད ་པ་དང་རྫོགས་པའི་རིམ་པ་དག་གི་རྟེན་དུ་གྱུར་པ་ཡིན་ནོ་ཞེས་བྱ་བའི་བར་དུ་སྟོན་ཏོ།། སློབ་དཔོན་ཞེས་བྱ་བ་ནི་སློབ་དཔོན་གྱི་དབང་གཟུང་བར་བྱ་སྟེ། དཀྱིལ་འཁོར་དུ་འཇུག་ཅིང་ཆུ་དང་དབུ་རྒྱན་དང་། རྡོ་རྗེ་དང་བདག་པོ་དང་མིང་དོང ་དམ་ཚིག་གསུམ་དང་བཅས་པའི་རིག་པའི་བརྟུལ་ཞུགས་ལས་ལུང་བསྟན་པ་རྣམས་ཀྱིས་ལུས་སྦྱང་བ་སྔོན་དུ་འགྲོ་བས་དེ་བཞིན་གཤེགས་པ་དང་དབྱེར་མེད་པའི་སྐུར་བྱ་བ་ནི་རྡོ་རྗེ་སློབ་དཔོན་གྱིས་དབང་དུ་ཤེས་པར་བྱའོ།། དེའི་འོག་ཏུ ་གསང་བའི་དབང་བསྐུར་བར་བྱ་སྟེ། སློབ་མའི་ཁའི་དབུས་སུ་ཀུན་རྫོབ་ཀྱི་བྱང་ཆུབ་ཀྱི་སེམས་ཀྱི་རྒྱུན་དབབ་པ་འདིས་ངག་རྣམ་པར་དག་པ་རྡོ་རྗེའི་རང་བཞིན་དུ་ཤེས་པར་བྱའོ།། དེའི་འོག་ཏུ་ནི་ཤེས་རབ་ཡེ་ཤེས་ཀྱི་དབང ་བསྐུར་བ་སྟེ། སེམས་རྣམ་པར་སྦྱང་བ་སྔོན་དུ་འགྲོ་བས་ཆོས་ཐམས་ཅད་དབྱེར་མེད་པའི་དེ་བཞིན་ཉིད་ཀྱི་ནོར་བུ་རིན་པོ་ཆེ་ལྟ་བུར་ཤེས་པར་བྱ་སྟེ། དེའི་རྗེས་ལ་དབང་བཞི་པ་གསུངས་པ། དེ་ནི་དེ་བཞིན་ཡང ་བཞི་པ་ཞེས་བྱ་བ་ལ། དེ་ཞེས་བྱ་བ་ནི་ལུས་དང་ངག་དང་། ཡིད་རྣམས་སློབ་དཔོན་དང་། གསང་བ་དང་ཤེས་རབ་ཡེ་ཤེས་རྣམས་ཀྱིས་མངོན་པར་སྦྱངས་པའོ།། ཡང་ཞེས་བྱ་བ་ནི་ཁྱད་པར་དུ་གྱུར་པ་སྟེ། འཁོར་བའི་མཐར་ཐུག་པར ་གཞན་གྱི་དོན་འབའ་ཞིག་མཛད་པ་ཟབ་པ་དང་། རྒྱ་ཆེ་བའི་བདག་ཉིད་བདེ་བ་ཆེན་པོའི་རང་བཞིན་ནོ།། དེ་བཞིན་ཞེས་བྱ་བ་ནི་ངོ་བོ་ཉིད་ཀྱིས་བླང་བ་དང་དོར་བ་ཙ་མེད་པ་ཙམ་གྱི་རང་བཞིན་ཏེ། འདིའི་དོན་ནི་རྡོ་རྗེ་འཛིན་ཆེན་པོའི་རང་བཞིན ་གཉིས་སུ་མེད་པ་ནི་བཞི་པཱ་ཞེས་བྱ་བའི་དོན་ཏོ།། དེ་མིང་གི་ཁྱད་པར་གཞན་ཡང་རྗེས་སུ་གནང་བའི་དབང་ཞེས་བྱ་བ་བླ་མའི་ཞལ་ལས་ཤེས་པར་བྱའོ་ཞེས་བྱ་བ་ཡིན་ནོ།། མཆོག་གིས་མཐར་ནི་བདེ་བ་ཐོབ་པ་ཞེས་བྱ་བ་ལ། མཆོག ་ནི་མཆོག་ཏུ་དགའ་བ་སྟེ་དེའི་མཐའ་ནི་རྗེས་ལའོ།། སྐད་ཅིག་ཉིད་ལ་སྣ་ཚོགས་སྤངས་ཞེས་བྱ་བ་ནི། རྣམ་པ་སྣ་ཚོགས་ལ་སོགས་པའི་སྐད་ཅིག་མ་སྤངས་པ་དེ་ཉིད་ཤེས་རབ་ཡེ་ཤེས་ཀྱི་བདག་ཉིད་དོ།། བདེ་བ་ཆེན་པོ་ཞེས་བྱ་བ ་ནི་ཀུན་རྫོབ་སྔོན་དུ་འགྲོ་བའི་དོན་དམ་པའི་བྱང་ཆུབ་ཀྱི་སེམས་སོ།། གཟུང་བར་བྱ་ཞེས་བྱ་བ་ནི་ཡང་དག་པར་གཟུང་བྱའོ།། ཇི་སྲིད་ཞེས་བྱ་བ་ལ་སོགས་པ་ལ་ཇི་སྲིད་བྱང་ཆུབ་ཀྱི་མཐར་ཐུག་པའི་བར་དུ་ཡིད་བཞིན་གྱི་ནོར་བུ་རིན་པོ ་ཆཚེ་ལྟར་སེམས་ཅན་ཐམས་ཅད་ཀྱི་མ་ལུས་པའི་དོན་ཡོངས་སུ་རྫོགས་པར་འགྱུར་བའི་གཟུགས་སུ་གྱིས་ཤིག་པའི་དོན་ཏོ།། སློབ་མ་ཞེས་བྱ་བ་ལ་སོགས་པ་ལ། ཤེས་རབ་སློབ་མ་རྣམས་དེ་ལྟར་ཡང་དག་པའི་ཆོ་གས་དབང ་བསྐུར་བར་བྱས་ནས་སོ།། བྱ་ཚོགས་ཞེས་བྱ་བ་ནི་ཇི་ལྟར་བསྟན་པར་བྱ་བའི་ཚོགས་ཀྱིས་སློབ་དཔོན་དབང་བསྐུར་བ་སྔོན་དུ་བྱས་ནས་ཞེས་བྱ་བའི་དོན་ཏོ།། འདི་སྐད་བརྗོད་ཅེས་བྱ་བ་ནུ་བདེ་བ་ཆེན་པོ་གཟུང་བར་བྱ་ཞེས་པ་ལ་སོགས་པ ་སྔར་གསུངས་པ་དང་སྦྱར་བར་བྱའོ།། འདི་ཉིད་ཅེས་བྱ་བ་ལ་སོགས་པ་ལ། སེམས་ཅན་ཐམས་ཅད་ལ་ཁྱབ་པར་གནས་པའི་བླ་ན་མེད་པའི་བདེ་བ་ཆེན་པོ་འདི་ཉིད་ནི་ཡེ་ཤེས་ཆེན་པོ་སྟེ་འདི་ལས་གཞན་བླ་མར་གྱུར་པ་མེད་དོ་ཞེས་བྱ ་བའི་དོན་ཏོ།། གཉིས་སུ་མེད་ཅེས་བྱ་བ་ནི་འགྱུར་བ་མེད་ཅིང་ཕྱིན་ཅི་མ་ལོག་པའི་ཕྱིར་རོ།། གཉིས་ཀྱི་གཟུགས་ཞེས་བྱ་བ་ནི་གདུལ་བྱ་རྣམས་ལ་ཐབས་དང་། ཤེས་རབ་ཀྱི་བདག་ཉིད་ཀྱིས་སོ་སོར་སྣང་བའི་ཕྱིར་རོ།། དངོས་དང་དངོས ་མེད་བདག་ཅེས་བྱ་བ་ནི་ཟབ་པ་དང་རྒྱ་ཆེ་བའི་ཕྱིར་རོ།། གཙོ་ཞེས་བྱ་བ་ནི་ཐམས་ཅད་ཀྱི་རང་བཞིན་གྱིས་སོ་སོར་སྣང་བའི་ཕྱིར་རོ།། བརྟན་དང་གཡོ་བ་ཞེས་བྱ་བ་ནི་སེམས་ཅན་དང་སྣོད་ཀྱི་འཇིག་རྟེན་གྱི་ཚུལ་གྱིས་གནས་པའི་ཕྱིར་རོ།། ་མའི་གཟུགས་དང་ཞེས་བྱ་བ་ལ་སོགས་པ་ལ། སྐྱེ་བོ་ལ་སོགས་པའི་རྒྱུད་ལ་སྐལ་བ་ཇི་བཞིན་དུ་རྣམ་པ་སྣ་ཚོགས་པར་སོ་སོར་སྣང་བའི་ཕྱིར་རོ།། དཀྱིལ་འཁོར་འཁོར་ལོ་ཞེས་བྱ་བ་ལ་སོགས་པ་ལ། འདིའི་དོན་ནི་ཞེས་བྱ་བ་རྒྱུན ་མི་འཆད་པར་དཀྱིལ་འཁོར་འཁོར་ལོ་ཞེས་བྱ་བ་བླ་ན་མེད་པའི་བདེ་བ་ཆེན་པོའི་ཡེ་ཤེས་ཀྱི་རང་བཞིན་ཐབས་ཀྱིས་ངེས་པར་ཐོབ་པར་འགྱུར་རོ།། ཞེས་བྱ་བ་ཡིན་ནོ།། དཀྱིལ་འཁོར་དེ་ཉིད་དུ་ཞུ་བ་སྔོན་དུ་སོང་བས ་རྣམ་པར་བཤད་པར་མཛད་པ་ནི་དཀྱིལ་ཞེས་བྱ་བ་ལ་དཀྱིལ་ནི་སྙིང་པོའོ།། དེ་ཅི་ཞིག་ཞེ་ན། བྱང་ཆུབ་ཀྱི་སེམས་སོ།། དེ་ཀུན་རྫོབ་ཀྱི་བྱང་ཆུབ་ཀྱི་སེམས་སམ་ཞེ་ན། གསུངས་པ་བདེ་བ་ཆེ་ཞེས་བྱ་བ་སྟེ། བདེ་བ་ཆེན་པོའི་རང་བཞིན་རང ་རིག་པའི་མཚན་མར་གྲུབ་པ་རྣམ་པར་རྟོག་པ་མཐའ་དག་གི་རྣམ་པ་ལས་གྲོལ་བ་མིང་གི་ཁྱད་པར་གཞན་དོན་དམ་པའི་བྱང་ཆུབ་ཀྱི་སེམས་ཞེས་བྱ་བའོ།། ལེན་པ་ཞེས་བྱ་བ་ལ་སོགས་པ་ལ། ལེན་པ་ནི་འཛིན་པ་སྟེ། དེ་བྱེད་པའི་ཕྱིར ་གཟུགས་ཀྱི་ཕུང་པོ་ལ་སོགས་པ་རྣམ་པར་དག་པས་བསྒྲུབས་པའི་ཧེ་རུ་ཀཱ་དང་། བདག་མོད་མ་ལ་སོགས་པ་ཆས་དབྱེར་མེད་པས་ན་བླ་ན་མེད་པའི་བརྗོད་པར་བྱ་བ་དེ་ནི་དཀྱིལ་འཁོར་རོ།། འདིའི་དོན་ནི་བདག་མེད་མ་ལ་སོགས་པ་དང ་འདུས་པ་འདི་ནི་འཁོར་བའི་མཐར་ཐུག་པར་རྒྱུན་མི་འཆང་པོར་བདེ་བ་ཆེན་པོ་གཅིག་གི་རང་བཞིན་གྱི་སྙིང་པོ་འཛིན་པའི་དཀྱིལ་འཁོར་དུ་བརྗོད་དོ་ཞེས་བྱ་བ་ཡིན་ནོ།། འཁོར་ལོ་ཞེས་བྱ་བ་ལ་སོགས་པ་ལ། འཁོར་ལོ་ཚོགས་པ་སྟེ་ལྷ ་རྣམས་ཀྱི་ཚོགས་པའོ།། ན་མཁའི་དབྱིངས་སུ་བཤད་ཅེས་བྱ་བ་ནི་ན་མཁའི་ཁམས་སུ་བཤད་པ་སྟེ་བསྟན་པའོ།། ཡུལ་ལ་སོགས་པ་རྣམས་སྦྱོར་བ་ཞེས་བྱ་བ་ནི། གཟུགས་ལ་སོགས་པའི་དངོས་པོ་རྣམས་ཇི་ལྟར་བསྟན ་པའི་ལྷའི་ཚོགས་དག་པར་བྱེད་པའོ།། རྡོ་རྗེ་པདྨོ་མཉམ་སྦྱོར་བ་ཞེས་བྱ་བ་ནི་ཇི་སྐད་གསུངས་པའི་ཆོ་ག་སྟེ་ཐབས་དེས་སོ།། དེའི་ནི་འཁོར་ལོའིའོ།། བདེ་བ་ནི་དོན་དམ་པའི་བདེ་བ་ཙམ་མོ།། མངོན་དུ་འགྱུར་བ་ནི་ལས་དང་པོ་པ་རྣམས་ཀྱིས་ངེས ་པར་མྱོང་བའོ།། ཁྱོད་ཀྱིས་སྲོག་ཆགས་ཞེས་བྱ་བ་ལ་སོགས་པ་འདིའི་སོ་སོར་བཤད་པ་ནི་སེམས་གཅིག་ཅེས་བྱ་བ་ལ་སོགས་པ་ཡིན་ཏེ། ཁམས་གསུམ་པའི་ཚེར་གྱུར་པས་ན་སྲོག་སྟེ། དེ་གང་ལ་ཡོད་པ་དེ་ནི་སྲོག་ཆགས་སོ།། དེ་གཅོད ་པ་ནི་མེད་པར་འགྱུར་བའོ།། ཟག་པ་མེད་པའི་བདེ་བ་ཆེན་པོའི་ཡེ་ཤེས་སེམས་གཅིག་ཅེས་བྱ་བར་བརྗོད་དེ། དེ་ཉིད་སྲོག་ཆགས་གསོད་པའོ།། འཇིག་རྟེན་རྣམས་ནི་བསྒྲལ་བར་བྱ་ཞེས་བྱ་བ་ནི་སེམས་ཅན་སངས་རྒྱས་ཡིན་མོད་ཀྱི་ཞེས་བྱ་བ་ལ་སོས ་པ་འདིས་རང་བཞིན་གྱིས་མྱ་ངན་ལས་འདས་པ་ཐོག་མ་ནས་ཞི་བ་ན་མཁའ་ལྟར་དྲི་མ་མེད་པའི་རང་བཞིན་ཤེས་པར་བྱའོ་བྱ་བ་སྟེ་དེ་ཇི་ལྟར་ན་འདི་རྣམས་བསྒྲལ་བར་འགྱུར་ཏེ་བརྫུན་གྱི་ཚིག་ཡིན་ནོ།། བཙུན་མོའི་ཁུ་བ་མ་བྱིན་པ་ཞེས་བྱ་བ་ལ། སྔ ་བསྟན་པ་དེ་ནི་བཙུན་མོ་སྟེ། དེའི་ཁུ་བ་ནི་བདེ་བ་ཆེན་པོ་དང་དབྱེར་མེད་པའི་ཀུན་རྫོབ་ཀྱི་བྱང་ཆུབ་ཀྱི་སེམས་སོ།། དེ་དག་འཛིན་པ་ནི་མ་བྱིན་པར་ལེན་པའོ།། གཞན་གྱི་བུད་མེད་ཞེས་བྱ་བ་ལ་སོགས་པ་ལ་གཞན་ཞེས་བྱ་བ་ནི་ཕུལ་དུ་བྱུང་བའོ།། ཁམས ་གསུམ་ཐམས་ཅད་ཤིན་ཏུ་མནན་པའི་སྐུ་ནི་བུད་མེད་དོ།། མིང་གི་ཁྱད་པར་གཞན་བདག་མེད་མ་ལ་སོགས་པ་ཡིན་ནོ།། དེ་ཉིད་ནི་རང་འོད་མཛེས་ཏེ་རང་གི་སེམས་སྣང་བ་ཡིན་པའི་ཕྱིར་རོ།། དེ་རྣམས་བསྟེན་པོ་ནི་མངོན་པར་ཕྱོགས་པར་བྱའོ།། ་ཞེས་བྱ་བ་སྟེ་གསང་བའི་དོན་ཏོ།། འདུ་བྱེད་མཐའ་ཡས་ཞེས་བྱ་བ་ལ། འདུ་བྱེད་ཀྱི་ཕུང་པོ་སྟེ་དེའི་མཐའ་ནི་རྣམ་པར་ཤེས་པའི་ཕུང་པོའོ།། དེའི་རང་བཞིན་ཞེས་བྱ་བ་ལ་སོགས་པ་ལ་གཅིག་དང་དུ་མའི་རང་བཞིན་དང ་བྲལ་བའི་ཕྱིར། དངོས་པོ་ཐམས་ཅད་དོན་དམ་པར་སྐྱེ་བ་མེད་པ་ཉིད་དེ། དེའི་ཕྱིར་བདེན་པ་མ་ཡིན་ནོ།། བརྫུན་མིན་ཞེས་བྱ་བ་ནི་དངོས་པོ་མཐའ་དག་རང་རིག་པ་ཙམ་གྱིས་ཚུལ་གྱིས་སོ་སོར་སྣང་བ་ཙམ་གྱི་ཕྱིར་བརྫུན་པ་མ་ཡིན་པ་སྟེ། དེ་ལྟར་ན། ་དངོས་པོ་དང་དངོས་པོ་མེད་པ་དག་ལས་གྲོལ་བ་ཡིན་ནོ།། ཆུ་ཟླ་བ་ལྟ་བུར་ཞེས་བྱ་བ་ལ་སོགས་པ་ལ། ཇི་ལྟར་སྣོད་ཀྱི་ཆུ་དང་བ་ལ་ན་མཁའི་ངོས་ལ་ཟླ་བའི་དཀྱིལ་འཁོར་གནས་པའི་དབང་གིས་དེ་དང་འདྲི་བའི་ཟླ་བའི་དཀྱིལ་འཁོར་གཉིས ་པར་སྣང་ཡང་དངོས་སུ་གྲུབ་པ་མེད་པས་བདེན་པ་མ་ཡིན་ལ། དེ་ན་སྣང་བའི་ཕྱིར་བརྫུན་པ་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་སྐྱེ་བ་མེད་པའི་ཕྱིར་བདེན་པ་མ་ཡིན་ལ། དེ་ལྟ་མོད་ཀྱི་སོ་སོར་སྣང་བའི་ཕྱིར་བརྫུན་པ་ཡང་མ་ཡིན་ཏེ། འདི ་ལྟར་རྣམ་པར་དག་པའི་སེམས་ཉིད་སྔོན་གྱི་ཕུང་པོ་ལ་སོགས་པའི་བག་ཆགས་ཀྱི་དབང་གིས་ཕྱི་མའི་ཕུང་པོ་ལ་སོགས་པའི་སྣང་བ་འཇུག་སྟེ། སྔ་མ་དེ་ཉིད་འཕངས་པ་ཡང་ཡིན་ལ། སྐྱེ་བ་མེད་པའི་ཕྱིར་བདེན་པ་ཡང་མ་ཡིན་ནོ།། དེ་ལས ་ཐ་དད་པ་མེད་པའི་ཕྱིར་དང་སོ་སོར་སྣང་བ་མེད་པའི་ཕྱིར་གཟུགས་བརྙན་བརྫུན་པ་ཡང་མ་ཡིན་ཏེ། ཤིན་ཏུ་མེད་པ་མ་ཡིན་ནོ།། འདི་ལྟ་སྟེ་གཙུབས་ཤིང་དང་ཞེས་བྱ་བ་ལ་སོགས་པ་ལ། གཙུབས་ཤིང་ལ་སོགས་པའི་རྩོལ་བ་ལས་སྐྱེས་པའི ་མེ་སོ་སོར་དཔྱད་ན་དེ་རྣམས་ལ་མ་དམིགས་ཤིང་ཐོག་མ་ནས་སྐྱེ་བ་མེད་ཕྱིར་བདེན་པ་མ་ཡིན་ནོ།། དེ་ལྟར་ཡང་ཐམས་ཅད་མཉམ་པར་སྦྱོར་བས། སྐྱེས་ཤིང་སྒྱུ་མ་ལྟར་སོ་སོར་སྣང་བ་ཉམས་སུ་མྱོང་བ་ཟློག་དཀའ་བའི་ཕྱིར་བརྫུན།། ་པ་མ་ཡིན་ནོ།། དེ་ལྟར་ཆོས་ཐམས་ཅད་ཅེས་བྱ་བ་ནི། དེ་བཞིན་དུ་ཕུང་པོ་ལ་སོགས་པ་ཡང་རྣམ་པར་དཔྱད་ན་གཅིག་དང་དུ་མའི་རང་བཞིན་དང་བྲལ་བའི་ཕྱིར། བཏགས་པ་ཅིམ་སྟེ་བདེན་པ་མོ་ཡིན་ནོ།། སྤྲོས་པ་ཐམས་ཅད ་དང་བྲལ་བའི་སྟོང་པ་ཉིད་ཡིན་ནོ།། བདེ་བ་ཆེན་པོའི་རང་གིས་རིག་པའི་ཚང་མས་བཅིངས་པས་བརྫུན་པ་ཡང་མ་ཡིན་ནོ།། བཟའ་བ་ཞེས་བྱ་བ་ནི་ཤ་རྣམ་པ་ལྟའོ།། བཏུང་བ་ཞེས་བྱ་བ་ནི་བྱང་ཆུབ་ཀྱི་སེམས་སོ།། བགྲོད་པ་ཞེས་བྱ ་བ་ནི་ཡུལ་ལས་སྐྱེས་པའི་བདེ་བའོ།། དགྲོང་མིན་ཞེས་བྱ་ནི་ཡུལ་ལས་འདས་པའོ།། ཁྲུས་ཞེས་བྱ་བ་ནི་ཡུལ་གྱིས་དྲི་མས་འཁྲུ་བའོ།། གཙང་སྦྲ་ཞེས་བྱ་བ་ནི་རྣམ་པར་རྟོག་པ་སྦྱང་བ་སྟེ། རང་རིག་པ་ལས་མ་གཏོགས་པས་ལུས ་དང་སེམས་ཀྱི་དག་པ་དང་མ་དག་པའི་རྟོག་པས་བསྐྲུན་པའི་ཕྱི་རོལ་གྱི་ཁྲུས་ལ་སོགས་པ་ནི་ཡོད་པ་མ་ཡིན་པས་མི་བྱ་བ་ཁོ་ནའོ།། གྲོང་གི་ཆོས་ཞེས་བྱ་བ་ནི་ལྷའི་བདག་ཉིད་ཀྱི་བདེ་བ་སྟེ་དེ་དོར་བར་མི་བྱ་བའོ།། སྔགས་ནི་ཕྱི་དང ་ནང་གི་བདག་ཉིད་ཀྱི་རྣམ་པར་རྟོག་པའོ།། བསམ་གཏན་ནི་ཕྱི་དང་ནང་གི་བདག་ཉིད་ཀྱི་ཡང་དག་པའི་ཤེས་པ་སྟེ། དེ་དག་དམིགས་པ་མི་བྱའོ།། གཉིད་ནི་སྤང་བར་མི་བྱ་ཞེས་བྱ་བ་ལ། གཉིད་ཀྱིས་ཚིམ་པར་མ་བྱས་པའི་སྐྱེས ་བུའི་ལུས་ཀྱིས་ནི་བྱ་བ་རྣམས་མི་ནུས་པའི་ཕྱིར་ངེས་ཚིམ་པར་བྱའོ།། དབང་པོ་རྣམས་ཀྱང་དགག་མི་བྱ་ཞེས་བྱ་བ་ལ། དེ་དང་དེ་རྣམ་པར་དག་པས་བསྒྲུབ་པའི་དབང་པོ་རྣམས་ལྷར་བྱ་བའི་རང་བཞིན་གྱིས་རང་དང་རྗེས ་སུ་མཐུན་པའི་ཡུལ་རྣམས་ལ་རང་ཉིད་ཀྱིས་ལོངས་སྤྱད་པར་བྱ་སྟེ། ཐ་མལ་པའི་ང་རྒྱལ་བཟློག་པར་བྱ་བའི་ཕྱིར་རོ།། དེ་ཉིད་ཀྱི་ཕྱིར་གསུངས་པ། ཤ་རྣམས་ཞེས་བྱ་བ་ལ་སོགས་པའོ།། སྔར་སྐྱེད་མ་ལ་སོགས་པས་ཁྱད་པར་དུ ་བསྟན་པ་གང་ཡིན་པ་དེ་དུ་ནི་འདིར་མཐའ་སྐྱེས་ལ་སོགས་པའི་ཚུལ་གྱིས་ཡང་ཁྱད་པར་མེད་པར་བསྟན་པའི་ཕྱིར་གསུངས་པ། རིགས་ངན་ཞེས་བྱ་བ་ལ་སོགས་པ་ལ། རོལ་པ་ཞེས་བྱ་བ་ནི་ངག་ཐམས་ཅད་བདག་མེད་མ་ལ་སོགས་པ ་དང་དབྱེར་མེད་པའི་བཙུན་མོར་བྱས་ཏེ། ཆོས་ཐམས་ཅད་དབྱེར་མེད་པའི་བདེ་བ་ཆེན་པོ་རྫོགས་པར་བྱ་བའི་ཕྱིར་དང་། དེ་བཞིན་གཤེགས་པ་ཐམས་ཅད་བླ་ན་མེད་པའི་མཆོད་པས་མཉེས་པར་བྱ་བའི་ཕྱིར། འཇིགས་པ་དང་ངོ་ཚ་བ་ལ་སོམ ་པ་སྤངས་པའི་ཡིད་ཀྱིས་སྙོམས་པར་འཇུག་པས་རོལ་པར་བྱའོ་ཞེས་བྱ་བའི་དོན་ཏོ།། མཛའ་བོ་ཞེས་བྱ་བ་ལ་སོགས་པས་ནི་ལུས་དང་སེམས་རྗེས་སུ་མཐུན་པའི་དངོས་པོ་རྣམས་ཡོངས་སུ་གཟུང་བར་མི་བྱའོ།། གདུག་ལ་ཞེས་བྱ་བ ་ཡིད་དུ་མི་འོང་བའི་དངོས་པོ་རྣམས་ལ་སྡང་བར་མི་བྱའོ།། འདིའི་དོན་ནི་མཛའ་བ་དང་མི་མཛའ་བ་རྣམས་ལ་ཕན་པ་དང་གནོད་པ་མི་བྱ་ཞིང་ཆོས་ཐམས་ཅད་མཉམ་པ་ཉིད་དང་། དེ་བཞིན་གཤེགས་པ་ཐམས་ཅད་དབྱེར་མེད་པར་རང ་གི་ཏིང་ངེ་འཛིན་བླ་ན་མེད་པའི་གཟུགས་ཀྱིས་དེ་དག་བལྟ་བར་བྱའོ་ཞེས་བྱ་བའི་དོར་ཏོ།། རྡོ་དང་ཤིང་གི་ཞེས་བྱ་བ་ལ་སོགས་པ་ལ། རྡོ་ལ་སོགས་པ་ལས་བརྡུངས་པ་དང་། བྲིས་པ་དང་ལུགས་སུ་བླུགས་པ་ལ་སོགས་པ་ལ་ཕྱག ་བྱ་བ་དང་། ཕྱག་བྱེད་པ་དང་འཚལ་བ་ལ་སོགས་པའི་རྟོག་པ་སྤངས་ཏེ། ཆོས་ཐམས་ཅད་དབྱེར་མེད་པར་རང་གི་ཏིང་ངེ་འཛིན་གྱི་གཟུགས་སུ་བསྒོམ་པར་བྱས་ནས་མ་ལུས་པའི་བསོད་ནམས་དང་ཡེ་ཤེས་ཀྱི་ཚོགས་བསྒྲུབས ་ཤིང་། འཇིག་རྟེན་དདུ་འཇིག་རྟེན་ལས་འདས་པའི་བྱ་བའི་ཆོ་གས་ཀྱང་ཡོངས་སུ་བསགས་ལ། ངེས་བླ་ན་མེད་པའི་ཕྱག་རྒྱ་ཆེན་པོའི་དངོས་གྲུབ་ཡོ་རོགས་པར་འགྱུར་རོ།། དེ་དག་ཀྱང་སྦྱིན་སྲེག་མཆོད་སྦྱིན་དཀའ་ཐུབ ་སྤངས་ཞེས་བྱ་བ་ལ་སོགས་པས་ངེས་པར་བྱ་བ་ཡིན་ནོ།། གཡུང་པོ་ཞེས་བྱ་བ་ལ་སོགས་པ་ནི་དམའ་བ་མཐོ་དང་པར་མའི་སེམས་ཅན་རྣམས། དེ་བཞིན་གཤེགས་པ་ཐམས་ཅད་དང་དབྱེར་མེད་པའི་ཕྱིར་རང་གི་ལུས ་བཞིན་དུ་རེག་པར་བྱའོ།། ཞེས་བྱ་བའི་དོན་ཏོ།། བདུད་རྩི་ལྔ་ཞེས་བྱ་བ་ལ་སོགས་པ་ནི་བཅུད་ཀྱིས་ལེན་ཏེ། ཁ་སྦྱོར་གྱི་རྒྱུད་ལ་སོགས་པ་ལས་གསུངས་པའི་ཆོ་ག་ལྟར་བསྒྲུབ་པར་བྱའོ།། སྦྱོར་པོ་རྣམས་ཀྱིས་བྱིན་གྱིས་བརླབ་བོ། ་ཞེས་བསྟན་པའི་ཕྱིར་གསུངས་པ། རྣམས་ཞེས་བྱ་བ་ལ་སོགས་པ་སྟེ། རྣམས་ཞེས་བྱ་བ་ནི་དོན་ཡོད་གྲུབ་པའོ།། ལྷ་རྣམས་ཞེས་བྱ་བ་ནི་རྣམ་པར་སྣང་མཛད་དོ།། ཆུ་ཞེས་བྱ་བ་ནི་མི་བསྐྱོད་པའོ།། ཁྲག་ཅེས་བྱ་བ་ནི་རིན ་ཚན་འབྱུང་ལྡན་ནོ།། བྱང་ཆུབ་སེམས་ཞེས་བྱ་བ་ནི་སྣང་བ་མཐའ་ཡས་སོ།། གཞན་ཡང་ནང་རྣམས་ཉེ་བར་ཞི་བར་བྱ་བའི་ཕྱིར་གསུངས་པ། རང་བྱུང་མེ་ཏོག་ཅེས་བྱ་བ་ལ། དེ་དག་ཐམས་ཅད་ཆོ་ག་བཞིན་དུ་བྱས་ན། ་ཚ་བས་བད་ཀན་སེལ་བར་བྱེད།། མངར་བས་མཁྲིས་པ་སེལ་བར་བྱེད།། བསྐབས་ནང་གྲོལ་སྦྱོང་བྱེད་དེ།། ཡང་ན་དེ་བཞིན་སྡོམ་པར་བྱེད།། སྦྱོར་བས་རླུང་ནི་སེལ་བར་བྱེད།། ཁ་བས་རིམས་ནི་ཡང་ངག་འཇོམས།། གྲང་བས་བཀྲེས་དང ་གཟིར་བ་དང་།། ཚ་བ་དང་ནི་ངོ་མཚར་ཉིད།། དེ་དག་བཅུད་ལེན་ཆེན་པོ་རུ།། སངས་རྒྱས་རྣམས་ཀྱིས་ཡང་དག་བཤད་ཅེས་བྱ་བའོ།། ཕན་ཚུན་སྦྱོར་བ་ཡིས་ནི་ཉེས་པ་ཐམས་ཅད་ཀྱང་འཇོམས་པ་ཡིན་ན་བརྡའི་སྐད་ཅེས་བྱ་བ་ལ་སོགས ་པ་ལ། ཇི་སྟེ་ཀུན་ལ་གྲགས་པ་མ་ཡིན་པའི་སྐད་བརྗོད་ན་ཐ་མལ་པའི་ཐ་སྙད་ཀྱི་ཅི་ཞིག་བྱ་སྙམ་པ་ལ། ཉན་ཐོས་ལ་སོགས་པ་མི་ཤེས་པའི་ཞེས་བྱ་བ་ལ་སོགས་པ་སྟེ། སྐལ་བ་ངན་པ་རྣམས་ཀྱི་སྤྱོད་ཡུལ་མ་ཡིན་པ་རྒྱུད་ལས་གསུངས ་པའི་དམ་ཚིག་གི་སྐད་ནི་སྐལ་བ་དང་ལྡན་པ་རྣམས་མངོན་པར་དད་ཅིང་། རང་གི་དམ་ཚིག་ཅན་རྣམས་ཀྱི་ཐ་སྙད་དུ་གྱུར་པས་ཡེ་ཤེས་མཐའ་དག་པར་ལྡན་པའི་རྣལ་འབྱོར་མ་རྣམས་མངོན་པར་དང་པོར་འགྱུར་རོ།། པདྨ་ཞེས་བྱ་བ་ནི་འབྱེད ་ཅིང་འཛུམ་པ་འཇམ་ཞིང་མཉེན་པ་དང་། དྲི་ཞིམ་ཞིང་གི་སར་དང་ཡང་དག་པར་ལྡན་པའི་ཕྱིར་རོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དགེའ་འགྲེལ་དྲན་པོའི་འབྱུང་གནས་ཞེས་བྱ་བ་ལས། ལེའུ་གསུམ་པའི་བཤད་པའོ།། ་ཀཀྐོ་ལ་ཞེས་བྱ་བ་ལ་ཀཀྐོ་ལ་ནི་རི་སྟེ་འོག་ལའོ།། པོ་ལ་ཞེས་བྱ་བ་ནི་རྡོ་རྗེ་སྟེ་མི་ཤིགས་པའོ།། མུམྨ་ཞེས་བྱ་བ་ནི་གནས་ཏེ་ལྟེ་བའི་པདྨའོ།། ཀཱཀྐོ་ལ་ཞེས་བྱ་བ་ནི་ཤེས་རབ་སྟེ། ཨཾ་གི་གཟུགས་ཅན་མའོ།། དང་པོ་དང་ཐ་མའི ་ཉེ་བར་གཟུང་བ་འདིས་དེ་དག་གིས་དབུས་ན་གནས་པའི་ཆོས་དང་ལོངས་སྤྱོད་ཀྱི་འཁོར་ལོ་ངག་ཀྱང་གཟུང་བར་བྱའོ།། ཀྲི་པི་ཏ་ཞེས་བྱ་བ་ནི་ཛ་ཆུང་སྟེ། མི་ཤིགས་པའི་སྔགས་ཀྱི་གཟུགས་སོ།། སྟུག་པོ་ཞེས་བྱ་བ་ནི་བར་ཆད་མེད་པར ་རོ།། བརྡུང་ཞེས་བྱ་བ་ནི་བྱང་ཆུབ་ཀྱི་སེམས་འབབ་པའོ།། སྙིང་རྗེས་བྱེད་མིན་ཡུལ་དྲི་བ་ཞེས་བྱ་བ་ལ་སྙིང་རྗེ་ནི་མི་ཤིག་པའོ།། བྱེད་པ་ནི་ལྷན་ཅིག་འཇུག་པའོ།། ཡུལ་དྲི་བ་ནི་འཐབ་མོ་སྟེ་གཙུབས་ཤིང་གཙུབ་པའི་ཡུལ་དྲི་སྦྱོར་བ་དེའི ་ཡུལ་དྲི་བའོ།། ངོར་ནི་ཤ་བཟའ་ཞེས་བྱ་བ་ལ་ཤ་ནི་ཐ་མལ་པའི་ཤ་རྟོག་པ་སྟེ། བཟའ་བི་ནི་སྣང་བ་མེད་པར་བྱ་བའོ།། བསྒྲིམ་པ་ཞེས་བྱ་བ་ནི་རྒྱུན་ཏུའོ།། ཆང་ཡང་བཏུང་ཞེས་བྱ་བ་ནི་སྙིང་རྗེའི་བདུད་རྩིའི་རོ་བཏུང་བའོ།། ཀྱེ་ཧོ་ཞེས་བྱ་བ་ནི ་རྣལ་འབྱོར་མ་རྣམས་ལ་བོད་པའོ།། སྐལ་བ་ཅན་ནི་བཞི་པའི་དོན་དེར་ངེས་པར་འཇུག་པར་བྱའོ།། སྐལ་བ་མེད་པ་སྤང་བར་བྱ་ཞེས་བྱ་བ་ནི་ཆགས་པ་དང་བྲལ་བ་དེར་སྤང་བར་བྱེད་པའོ།། གཞི་མཉམ་ཞེས་བྱ་བ་ལ་སོགས་པ་འདིའི་དོན་ནི་རྣམ ་པར་སྣང་མཛད་ལ་སོགས་པའི་དེ་བཞིན་གཤེགས་པ་རྣམ་པར་དག་པའི་མིང་ཅན་རྣམས་ཆོས་ཀྱི་སྐུའི་ཚུལ་གྱིས་ཐིམ་པོར་བྱ་བའོ།། ཚེད་མ་དང་ནི་ཤ་ལི་དག་ཅེས་བྱ་བ་ནི་དེ་བཞིན་དུ་གོ་ཀུ་ད་ཧ་ན་ཞེས་བྱ་བའི་མིང་ཅན་རྣམས་སྣང་བ་མེད ་པར་བྱ་བའོ།། གར་གྱིས་འཇུག་པ་ཞེས་བྱ་བ་ལ་སོགས་པ་ནི་སྟེང་དང་འོག་གི་གནས་སུ་འགྲོ་བ་དང་འོང་བར་བྱེད་པའི་ཐིམ་པ་དང་ལོངས་སྤྱོད་དང་དབང་བ་ནི་འཁོར་དང་མྱ་ངན་ལས་འདས་པའི་བདག་ཉིད་ཤེས་པར ་བྱའོ།། ཡན་ལག་ཆ་ཤོས་མེད་པར་བརྒྱན་ཞེས་བྱ་བ་ལ། ཆ་ཤས་མེད་པ་ནི་རུས་པའི་རྒྱན་ནོ།། དེ་ཡང་བྱང་ཆུབ་ཀྱི་སེམས་ཏེ་ཀུན་ད་ལྟ་བུ་ཡིན་པའི་ཕྱིར་རོ།། དེས་ལུས་ལ་བརྒྱན་པ་ནི་ཐིམ་པའོ།། རོ་ནི་དེ་རུ་གཞུག་པར་བྱ་ཞེས་བྱ་བ ་ནི། དེ་ཉིད་དུ་ནི་ལུས་ཐམས་ཅད་ལ་འཇུག་པའོ།། མ་ལ་ཡར་སྐྱེས་ཞེས་བྱ་བ་ནི་རྩའི་རང་བཞིན་གྱི་དཔའ་བོ་དང་རྣལ་འབྱོར་མ་རྣམས་འདུས་པའོ།། འཁྲིག་པས་བཏབ་ཅེས་བྱ་བ་ནི་དེར་ཐབས་དང་ཤེས་རབ་རྣམ་པར་དག་པའི་རྩའི་རང་བཞིན ་ཕན་ཚུན་དུ་མཉམ་པར་སྦྱོར་བས་འཇུག་པའོ།། དེས་ནི་རིགས་ངན་སྤང་མོ་བྱ་ཞེས་བྱ་བ་ལ་རིགས་ངན་ནི་རེག་ཏུ་འདིར་དེ་མི་སྤང་བའོ།། ཡང་ན་ཚིག་འདི་དག་ནི་དོན་ཇི་ལྟ་བ་བཞིན་དུ་ཤེས་རབ་ཡེ་ཤེས་ཀྱི་དབང་དང་སྦྱར་བར་བྱ་སྟེ། ཀོལླ ་ཞེས་བྱ་བ་ནི་ཕན་པའོ།། བོ་ལ་ཞེས་བྱ་བ་ནི་རྡོ་རྗེའོ།། མུམྦུ་ཞེས་བྱ་བ་ནི་ལྟེ་བའི་འོག་གོ། ཀཀྐོ་ལ་ནི་པདྨའོ།། སྐལ་བ་དང་ལྡན་ཞེས་བྱ་བ་ནི་མཆོག་དགའི་མཐའ་ཡིན་ཞིང་རྣམ་པར་དགའ་བའི་དང་པོའོ།། སྐུལ་བ་མེད་པ་ཞེས་བྱ་བ ་ནི་ཆགས་བྲལ་གྱི་དགའ་བའོ།། གཞོན་དག་ནི་མན་ངག་ཇི་ལྟ་བ་བཞིན་དུ་སྒྲ་ཇི་བཞིན་པ་ཉིད་དུ་ཤེས་པར་བྱའོ།། ཡང་ན་ཚོགས་ཀྱི་འཁོར་ལོ་དང་སྦྱར་བར་བྱ་སྟེ། ཀོལླ་ཞེས་བྱ་བ་ནི་གནས་ཀྱི་ཁྱད་པར་རོ།། ཁོ་ལ་ཞེས་བྱ་བ་ནི་ཐ། ་སོ།། ཀཀྐོ་ལ་ཞེས་བྱ་བ་ནི་ཕྱག་རྒྱའོ།། མུམྦྷ་ཞེས་བྱ་བ་ནི་གཡོན་ཕྱོགས་སུ་གནས་པའོ།། གཞན་དག་ནི་གོ་སླའོ།། རྡོ་རྗེ་ཆོས་ཞེས་བྱ་བ་ནི་བརྗོད་ཀྱིས་མི་ལང་བའི་དོན་དུ་སྡུད་པར་བྱེད་པ་ཆོས་ཀྱི་སྐུའི་བདག་ཉིད་དེ་གླུའོ།། སངས་རྒྱས་ཞེས ་བྱ་བ་ནི་ཟག་པ་མེད་པའི་ཁམས་རྣམས་ཀྱི་མཚན་དང་དཔེ་བྱད་ཀྱིས་མཚན་པའི་གཟུགས་སྐུ་ལྟ་བུ་ཤེས་པར་བྱ་སྟེ། རྣལ་འབྱོར་མ་དང་མ་མོ་རྣམས་ཞེས་བྱ་བ་ནི་གདུལ་བྱའི་བསམ་པའི་བྱེ་བྲག་རྣམ་པ་སྣ་ཚོགས་པའི་གཟུགས་སུ་མཛད་པ ་ནི་སྤྲུལ་པ་སྟེ་དེ་ཡང་གར་རོ།། ཚོགས་ཀྱི་ཆོ་གའི་འཁོར་ལོ་བཞིན་དུ་ཏིང་ངེ་འཛིན་ལ་མངོན་པར་ཕྱོགས་པར་བྱེད་པའི་རྣལ་འབྱོར་མ་རྣམས་ཀྱིས་དངོས་གྲུབ་ཀྱི་མཚན་མ་གསུངས་པ། སྒྲོག་སྐྱེ་ཞེས་བྱ་བ་ལ་སོགས་པའོ།། ཕྱག་རྒྱ་རྟགས་དང ་མཚན་མའོ།། ཞེས་བྱ་བ་ལ་རྟགས་ཞེས་བྱ་བ་ནི་སྤྱི་བོའི་སྟེང་དུ་གནས་པའི་སྐུའོ།། མཚན་མ་ཞེས་བྱ་བ་ནི་མཚན་རྟགས་ཏེ་རིགས་མཚོན་ཞེས་བྱ་བ་ལ། གང་ལ་རྡོ་རྗེའི་རྣམ་པར་སྣང་བ་ཡོད་པ་དེ་ནི་རྣལ་འབྱོར་མ་བདག་མེད་མའི་རོགས་སུ་མཚོན ་པ་སྟེ་མཁས་པས་ཤེས་པར་བྱའོ།། དེ་བཞིན་དུ་འཁོར་ལོ་དང་། རིན་པོ་ཆེ་དང་པདྨ་དང་རལ་གྲིའི་རྣམ་པ་རྣམས་ཀྱིས་དབྱེ་བས་རྡོ་རྗེ་མ་ལ་སོགས་པའི་རིགས་སུ་སྟོན་པའོ།། ཀུན་གྱི་ལྷག་མ་ཞེས་བྱ་བ་མཐུའོ་མའོ།། ཡང་ཞེས་བྱ་བ་ནི་དེའི་རྣམ་པར ་དག་པ་ཅི་ཡང་བསྒོམ་པ་མ་ཡིན་པའི་ཕྱིར་རོ།། གང་ཕྱིར་བཅུ་དྲུག་ཞེས་བྱ་བ་ལ་སོགས་ལ། གང་གི་ཕྱིར་མ་རིག་པའི་མུན་པ་མཐའ་དག་གི་གཉེན་པོར་གྱུར་པ་ཡེ་ཤེས་ལྔའི་རང་བཞིན་དེ་བཞིན་གཤེགས་པའི་བདག་ཉིད་དུ་གྱུར་པ་བདེན ་བ་བཞིའི་དབྱེ་བ་སྐད་ཅིག་མ་བཅོ་ལྔ་རྣམ་པར་དག་པ་ཆ་ཤས་བཅོ་ལྔའི་དབྱངས་ཡིག་ཡོངས་སུ་རྫོགས་པའི་རྩཝ་རྣམས་ནི་ཐབས་དང་ཤེས་རབ་ཀྱི་བདག་ཉིད་ཀྱི་ལྷའི་འཁོར་ལོ་སྟེ་ལམ་གྱི་རང་བཞིན་ནོ།། དེ་ལས་དམི ་སུ་མེད་པ་རྡོ་རྗེ་འཛིན་ཆེན་པོའི་རང་བཞིན་སྐད་ཅིག་མ་བཅུ་དྲུག་རྣམ་པར་དག་ཅིང་ཡོངས་སུ་དག་པས་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་ཤིང་། མ་ལུས་པའི་མི་མཐུན་པའི་ཕྱོགས་དང་གཉེན་པོའི་བདག་ཉིད་ཀྱི་རྣམ ་པར་རྟོག་པའི་མུན་པ་རྣམས་ཆོས་ཐམས་ཅད་དབྱེར་མེད་པའི་བདེ་བ་ཆེན་པོའི་རྣམ་པའི་སེམས་ཀྱི་རིན་པོ་ཆེའི་འོད་ཀྱིས་སྤང་བར་བྱས་ནས། འཇིག་རྟེན་གྱི་ཁམས་མ་ལུས་པར་སྔོན་དུ་སྔགས་ལ་སོགས་པས་སྦྱངས་པའི་དབང་གི་ལྷུན་གྱིས ་གྲུ་པར་འཇུག་ཅིང་གཟུགས་དང་ཁ་དོག་དང་སྤྱོད་ལམ་རྣམ་པ་སྣ་ཚོགས་པ་རྣམས་སུ་སྒྲ་སྐད་སྣ་ཚོགས་ཀྱིས་གདུལ་བྱ་ཇི་ལྟ་བ་བཞིན་དུ་སེམས་ཅན་ཐམས་ཅད་ལ་ཆོས་སྟོན་པར་མཛད་པ་ནི་ཆ་ཤས་མེད་པའི་རང་བཞིན་ཏེ། ལམ་གྱི་རང ་བཞོན་མ་ཡིན་པའི་ཕྱིར་རོ།། དེ་ཡང་ཅིའི་ཕྱིར་ཞེ་ན། སྐད་ཅིག་མ་བཅོ་ལྔའི་དུས་སུ་མི་ཤེས་པའི་མུན་པ་ཐམས་ཅད་གཞོམ་པར་བྱ་བ་བྱས་ཟིན་པའི་ཕྱིར་ཏེ། དེས་ན་ལས་དང་ཉོན་མོངས་པ་དང་སྐྱེ་བ་དང་། ཡེ་ཤེས་དང་ཤེས་བྱའི་སྒྲུབ་པ ་སྤང་བར་བྱ་བའི་དངོས་པོ་རྣམས་རང་བཞིན་གྱིས་རྣམ་པར་དག་ཅིང་རྣམ་པར་མི་རྟོག་པའི་གཟུགས་ཆོས་ཀྱི་སྐུར་འཁོར་བའི་མཐོར་ཐུག་པར་བར་ཚད་མེད་པའི་བདེ་བ་ཆེན་པོའི་ཚུལ་གྱིས་གདུལ་བྱ་རྣམས་ཇི་ལྟར་འདོད་པའི་དོན་རྫོགས ་པར་མཛད་པ་ལོངས་སྤྱོད་རྫོགས་པ་དང་། སྤྲུལ་པའི་སྐུ་དང་ཡང་དག་པར་ལྡན་པའི་བདག་ཉིད་ཀྱིས་བཞུགས་ཤིང་སྤང་བར་བྱ་བ་ཐམས་ཅད་དང་བྲལ་བ་ཡིན་ནོ།། ཉེ་བར་བསྡུ་བ་གསུངས་པ། བྱང་ཆུབ་སེམས་ནི་ཞེས་བྱ་བ་ལ ་སོགས་པ་སྟེ་མི་མཐུན་པའི་ཕྱོགས་ཀྱི་གཉེན་པོར་གྱུར་ཅིང་ཡེ་ཤེས་ལྷ་རྣམ་པར་དག་པའི་ས་བོན་བཅོ་ལྔ་ནི་ཆ་ཤས་ཀྱི་བདག་ཉིད་དོ།། བྱང་ཆུབ་སེམས་ནི་ཟླ་བ་སྟེ་ལམ་མོ།། ཨཱ་ལིའི་གཟུགས་ནི་ཞེས་བྱ་བ་ལ། སོགས་པ་ལ། ཨཱ་ལི ་མཐའ་དག་གི་རང་བཞིན་བདེ་བ་ཆེན་པོའི་མཚན་ཉིད་ཆོས་ཀྱི་སྐུ་ནི་ཨཱ་ལིའོ།། རྣལ་འབྱོར་མ་ཞེས་བྱ་བ་ལ་དེའི་དབང་གིས་འཇིག་རྟེན་དང་འཇིག་རྟེན་ལས་འདས་པའི་དོན་རྫོགས་པར་མཛད་པའི་ལོངས་སྤྱོད་རྫོགས་པ་དང་། སྤྲུལ་པའི ་བདག་ཉིད་ནི་རྣལ་འབྱོར་མ་སྟེ་འབྲས་བུར་བསྟན་པའོ།། ལྷན་ཅིག་སྐྱེས་དགའ་ཞེས་བྱ་བ་ལ་སོགས་པ་ལ། ག་པུར་འདིའི་རང་བཞིན་ལྷན་ཅིག་སྐྱེས་པ་ཡིན་པ་དེ་ལ་དེ་སྐད་ཅེས་བྱའོ།། ཟད་མེད་ཅེས་བྱ་བ་ནི་མི་འཇིགས་པའོ།། སྐལ ་བ་ཞེས་བྱ་བ་ནི་མཁྲེགས་པའོ།། མཁའ་འགྲོ་ཞེས་བྱ་བ་ནི་པདྨའི་ནང་དུ་ཆུད་པའོ།། འདི་དག་ཀྱང་ལག་པས་བླང་བར་མི་བྱ་སྟེ་ཞེས་བྱ་བ་ལ་སོགས་པ་འོག་ནས་འབྱུང་བ་དང་སྦྱར་བར་བྱའོ།། དཀྱིལ་འཁོར་འཁོར་ལོ་ལ་སོགས་ཐབས ་དང་ཞེས་བྱ་བ་ལ། ཕུང་པོ་དང་ཁམས་དང་སྐྱེ་མཆེད་རྣམ་པར་དག་པའི་ལྷའི་ཚོགས་ནི་དཀྱིལ་འཁོར་འཁོར་ལོ་སྟེ་དང་པོ། སོགས་ཀྱི་སྒྲས་འོག་ནས་བྱུང་བའི་ཕྱག་རྒྱ་རྣམས་ཀྱིས་བྱེད་པ་བསྡམས་པ་ལ་སོགས་པ་གཟུང་ངོ་།། ་བདག་བྱིན་བརླབ་པའི་རིམ་པས་ཀྱང་ཞེས་བྱ་བ་ནི་རྡོ་རྗེ་པདྨ་བྱིན་གྱིས་བརླབ་པ་ལ་སོགས་པའོ།། ཀྱང་ཞེས་བྱ་བ་ནི་ཡིད་ནང་དུ་ཆུད་པར་གྱུར་པས་སོ།། སངྱས་ཞེས་བྱ་བ་ནི་རྣམ་པར་སྣང་མཛད་ལ་སོགས་པ་སྟེ། ་རྒྱས་འདེབས་པར་བྱེད་པའི་རང་བཞིན་ནོ།། བྱང་ཆུབ་སེམས་ཞེས་བྱ་བ་ནི་རྒྱས་གདབ་པར་བྱ་བ་རྣམས་སོ།། རྡོ་རྗེ་འཛིན་པ་ཞེས་བྱ་བ་ནི་ཆོས་ཐམས་ཅད་དབྱེར་མེད་པའི་བདག་ཉིད་ཀྱི་རྡོ་རྗེ་འཆང་བའོ།། རྟེན་ཞེས་བྱ་བ་ནི་ཨེ་ཝཾ ་དེ་བཞིན་དུ་ནི་ཞེས་བྱ་བ་ནི་འདི་དག་ཉིད་དེ། རྟེན་དང་བརྟེན་པའི་རང་བཞིན་དུ་གྱུར་ཅིང་བདག་དང་བདག་གི་ལ་སོགས་པའི་མི་མཐུན་པའི་ཕྱོགས་ཀྱི་བསལ་བའི་ཕུང་པོ་དེ་ཁམས་དང་། སྐྱེ་མཆེད་ལ་སོགས་པ་ནི་འཁོར་བའོ།། བདག ་དང་བདག་གིས་སྤྲོས་པ་དེ་ཉིད་བསལ་བའི་ལྷའི་རང་བཞིན་ནི་མྱ་ངན་ལས་འདས་པ་ཡིན་གྱི། ཉན་ཐོས་ལ་སོགས་པ་ལྟར་མར་མེའི་རྒྱུན་ཟད་པ་བཞིན་དུ་རྣམ་པ་ཐམས་ཅད་དུ་སྟོང་པ་མ་ཡིན་ཏེ། གང་གི་ཕྱིར་འཁོར་བའི་རང ་བཞིན་ཉིད་ཕྱིན་ཅི་མ་ལོག་པའི་ཕྱིར་རོ།། དེ་ཡང་གཟུགས་ལ་སོགས་པའི་མཚན་ཉིད་དུ་བསྟན་པའི་ཕྱིར་གསུངས་པ། འཁོར་བ་གཟུགས་དང་སྒྲ་ལ་སོགས་ཞེས་བྱ་བ་ལ་སོགས་པ་སྟེ། དེ་ལ་གཟུགས་ནི་རྣམ་པ་མང་མོང ་ཀྱི་མདོར་བསྡུ་ན་རྣམ་པ་གསུམ་སྟེ། ཡིད་དུ་འོང་བ་དང་། ཡིད་དུ་མི་འོང་བ་དང་། བར་མའི་དབྱེ་བས་སོ།། དེ་བཞིན་དུ་སྒྲ་ལ་སོགས་པ་ལ་ཡང་སྦྱར་བར་བྱའོ།། འཁོར་བ་ཚོར་བ་ལ་སོགས་པ་ཞེས་བྱ་བ་ལ། ཚོར་བ ་ལ་ཡང་རྣམ་པ་མང་མོད་ཀྱི་མདོར་བསྡུ་ན་རྣམ་པ་གསུམ་སྟེ། བདེ་བ་དང་སྡུག་བསྔལ་བ་དང་། བཏང་སྙོམས་ཀྱི་མཚན་ཉིད་དོ།། འདུ་ཤེས་ཀྱང་ཁམས་དང་འགྲོ་བ་དང་སྐྱེ་གནས་ཀྱི་བྱེ་བྲག་གིས་རྣམ་པ་མང་མོད་ཀྱི། མདོར ་བསྡུ་ན་གཟུགས་ལ་སོགས་པའི་དངོས་པོའི་ཁྱད་པར་འཇིག་པའི་བདག་ཉིད་ཀྱིས་དྲུག་གོ། འདུ་བྱེད་ནི་སེམས་ལས་བྱུང་བའི་བྱེ་བྲག་གིས་རྣམ་པ་མད་མོད་ཀྱི། མདོར་བསྔོ་ན་གསུམ་སྟེ། དགེ་བ་དང་མི་དགེ་བ་དང་ལུང་དུ་མ ་བསྟསྟེན་པའོ།། རྣམ་པར་ཤེས་པ་ལ་ཡང་ཁམས་དང་། འགྲོ་བ་དང་སྐྱེ་གནས་ཀྱི་བྱེ་བྲག་གིས་ཤིན་ཏུ་མྱང་མོད་ཀྱི་མདོར་བསྔོ་ན་མིག་ལ་སོགས་པའི་བྱེ་བྲག་གིས་རྣམ་པ་དྲུག་གོ། འཁོར་བ་དབང་པོ་ཉིད་ཡིན་ཏེ་ཞེས་བྱ་བ་ནི ་མིག་ལ་སོགས་པ་དྲུག་གོ། འཁོར་བ་ཞེ་སྡང་ལ་སོགས་པ་ཞེས་བྱ་བ་ནི་ཞེ་སྡང་དང་། གཏི་མུག་དང་འདོད་ཆགས་ལ་སོགས་པའི་ཉོན་མོངས་པ་སྟེ། སྟེང་དང་འོག་ན་གནས་པའི་འགྲོ་བ་ལྔ་རྣམས་སུ་བདག་ཉིད་དགའ་བ ་དང་བདེ་བ་ལ་མངོན་པར་ཆགས་པས་ཡང་དང་ཡང་དུ་ལས་དང་ཉོན་མོངས་པས་མངོན་པར་ཆགས་པའི་སེམས་དང་སེམས་ལས་བྱུང་བའི་ཆོས་རྣམས་ཉིད་འཁོར་བ་སྟེ། སྐྱེ་བའི་བདག་ཉིད་ཀྱི་འཁོར་བ་ཡིན་གྱི་བདག ་ངདང་སྲོག་དང་གསོ་བ་ལ་སོགས་པའི་མཚན་ཉིད་འགའ་ཞིག་ཡོད་དེ་འཁོར་བ་མ་ཡིན་ནོ།། ཆོས་འདི་རྣམས་ནི་མྱ་ངན་ལས་འདས་ཞེས་བྱ་བ་ནི་འདི་དང་རང་བཞིན་གྱིས་ཕྱིན་ཅི་ལོག་ལས་གྲོལ་ཞིང་ཐབས་དང་ཤེས ་རབ་དབྱེར་མེད་པར་གྱུར་པ་སོ་སོར་རང་གིས་རིག་པ་ཉིད་ཡིན་པས་ན་སྤྲོས་པ་མེད་པའི་རང་བཞིན་དུ་མྱ་ངན་ལས་འདས་པའོ།། གཏི་མུག་གིས་ནི་འཁོར་བའི་ཚུལ་ཞེས་བྱ་བ་ནི་དེ་ཁོ་ན་ཉིད་ཀྱི་དོན་ཡང་དག་པ་ཇི་ལྟ་བ་བཞིན ་དུ་ཁོང་དུ་ཆུད་པས་སེམས་དང་སེམས་ལས་བྱུང་བའི་ཆོས་རྣམས་ཉིད་འཁོར་བའོ།། རྨོངས་པ་མེད་ན་ཞེས་བྱ་བ་ལ་སོགས་པ་ལ། རྨོངས་པ་མེད་པ་ནི་ཡང་དག་པ་ཇི་ལྟ་བ་བཞིན་དུ་ཤེས་པའོ།། འཁོར་བ་སྦྱོང་ཞེས་བྱ་བ་ནི། གཟུག ་ལ་སོགས་པ་དེ་ཁོ་ན་ཉིད་ཇི་ལྟ་བ་བཞིན་དུ་ལྷག་པར་མོས་པས་འཁོར་བ་ན་འཁོར་བའི་བདག་ཉིད་ཀྱི་ཕྱིན་ཅི་ལོག་གི་རང་གི་ངོ་བོ་ཉིད་ཀྱིས་ལྡོག་པར་འགྱུར་བ་ཡིན་ནོ།། དབྱངས་ཡིག་དང་པོའི་རང་བཞིན་ཏེ་ཞེས་བྱ་བ་ལ། རང་བཞིན ་དབྱངས་ཡིག་དང་པོ་ཡིན་པ་དེ་ནི་དབྱངས་ཡིག་དང་པོ་སྟེ་ཤེས་རབ་ཨཾ་གི་གཟུགས་ཅན་མའོ།། བློ་ཞེས་སངས་རྒྱས་ཀྱིས་རབ་བསྟན་ཞེས་བྱ་བ་ནི། དེ་བཞིན་གཤེགས་པ་ཐམས་ཅད་ཀྱི་བློ་སྦྱོར་བས་བློ་དེ་ཁོ་ན་ཉིད་ཤིན་ཏུ་རིག ་པས་ན་སངས་རྒྱས་སོ།། དེ་ཉིད་བཅོམ་ལྡན་འདས་ཞེས་བྱ་བ་ནི་མེ་ལོང་ལྟ་བུའི་ཡེ་ཤེས་ལ་སོགས་པའི་རང་བཞིན་གྱི་ཕྱིར་རོ།། བསྒོམ་པའི་རབ་ཏུ་སོན་ཅིང་འགྲོ་བས་ན་ཤེས་རབ་བོ།། རྫོགས་པའི་རིམ་པའི་སྦྱོར་བ་སྟེ་ཞེས་བྱ་བ་ནི ་རྣལ་འབྱོར་མ་རྣམས་ཀྱི་བསྐྱེད་པའི་རིམ་པའི་འཁོར་ལོ་བཞིན་དུ་སྦྱོར་བ་བསྟན་པའོ།། དེ་ནི་རིང་མིན་ཞེས་བྱ་བ་ལ་སོགས་པ་ནི་དབྱིབས་ལ་སོགས་པ་ཐམས་ཅད་དང་བྲལ་བའི་ཕྱིར་རོ།། མྱང་དང་རོ་དང་དྲི་ལས་འདས་ཞེས་བྱ་བ་ནི་དབང ་པོ་ཐམས་ཅད་ཀྱི་ཡུལ་མ་ཡིན་པས་སོ།། བླ་ན་མེད་པའི་བདེ་བ་ཆེན་པོ་རྫོགས་པར་བྱེད་པས་ན་ལྷན་ཅིག་སྐྱེས་དགའ་བྱེད་མའོ།། ཤེས་རབ་ཀྱིས་བསྒོམས་པ་འདིས་ཐབས་ཆེན་པོའི་རྣལ་འབྱོར་པ་ཡང་དག་པར་བསྐྱེད་པས་ན ་རྣལ་འབྱོར་པ་ནི་དེ་ཡིས་བསྐྱེད་ཅེས་བྱ་བའོ།། དེའི་བདེ་ལ་ལོངས་སྤྱོད་བྱ་ཞེས་བྱ་བ་ནི་དབྱེར་མེད་པ་དེའི་རང་གི་རྒྱུད་ལ་ཉམས་སུ་མྱོངས་པར་བྱའོ།། དེ་ཡིས་ལྷན་ཅིག་དངོས་གྲུབ་ཅེས་བྱ་བ་ནི་བཤད་མ་ཐག་པའི་ཤེས་རབ་ཉིད ་མཆོག་ཏུ་རྟག་པའི་ཕྱག་རྒྱའོ།། འདིར་མན་ངག་ནི་འདི་ཡིན་ཏེ། ལྟོ་བར་པདྨ་དམར་པོ་འདབ་མ་བཞི་པ་ཁ་ཕྱེ་ཞིང་སྟེང་དུ་བལྟས་པ་བསམས་ལ། པདྨའི་ལྟེ་བ་ལ་ཤེས་རབ་ཨོཾ་གི་གཟུགས་ཅན་མ་བསྒོམས་ནས་དེར་འདབ་མ་གཞན ་དག་ལ་སྟེང་དང་འོག་དང་ཕྱོགས་དང་མཚམས་སུ་དབྱངས་ཡིག་བཅུ་བཞི་པོ་རྣམས་བསམ་པར་བྱ་སྟེ། དེ་ཡང་རྒྱུད་ལས་ཇི་སྐད་དུ་གསུངས་པའི་ཆོ་གས་རབ་ཏུ་འབར་བ་དང་ཡང་དག་པར་ལྡན་ཞིང་། ཤིན་ཏུ་ཕྲ་བའི་སྐུད་པ་ལྟ་བུར ་ཉིན་གཅིག་ཙམ་ཡང་རྒྱུན་མི་འཆད་པར་རྣམ་པར་བསམས་ན་ངེས་པར་ཡིད་ཆེས་པ་སྐྱེ་བར་འགྱུར་བ་ལ་ཐེ་ཚོམ་མེད་དོ།། གཟུགས་ཞེས་བྱ་བ་ལ་སོགས་པའི་གཟུགས་ནས་ཆོས་ཀྱི་ཁམས་ཀྱི་མཐར་ཐུག་པའི་ཡུལ་རྣམས་ཏེ་ཕྱི་རོལ ་དུ་གྱུར་པའི་བདག་ཉིད་དོ།། ཤེས་རབ་ཉིད་ཀྱིས་ནི་ཞེས་བྱ་བ་ནི་དབྱངས་ཡིག་དང་པོའི་རིང་བཞིན་གྱིས་སོ།། ཉེ་བར་ལོངས་སྤྱོད་ཅེས་བྱ་བོ་ནི་རྣམ་པར་བསམ་པའོ།། འདིའི་རབ་ཏུ་དབྱེ་བ་གསུངས་པ། དེ་ནི་ལྷན་ཅིག་སྐྱེས་པའི་རང ་བཞིན་ཞེས་བྱ་བ་ལ་སོགས་པ་ལ། བདེ་ཆེན་ཞེས་བྱ་བ་ནི་དཔེ་མེད་པའི་བདེ་བ་ཆེན་པོའི་རང་བཞིན་གྱི་ཕྱིར་རོ།། མངོན་པར་མཐོ་བ་དང་ངེས་པར་ལེགས་པའི་དོན་མཛད་པའི་ཕྱིར་བཟང་མོའོ།། སེམས་ཅན་ཐམས ་ཅད་ཀྱི་རྒྱུད་ལ་སྦྱོར་བའི་ངང་ཚུལ་འདི་ལ་ཡོད་པས་ན་རྣལ་འབྱོར་མའོ།། འཁོར་ལོ་ཞེས་བྱ་བ་ནི་རྟེན་དུ་གྱུར་པའི་དཀྱིལ་འཁོར་རོ།། སྒོམ་པའི་ལས་ཞེས་བྱ་བ་ནི་མངོན་པར་རྟོགས་པ་སྔོན་དུ་འགྲོ་བའོ།། ལྷ་རྣམས་ཞེས་བྱ་བ་ནི་བརྟེན ་པར་གྱུར་པའོ།། ཇི་ལྟར་འབྱུང་བ་ཞེས་བྱ་བ་ནི་ཆོ་ག་ཇི་ལྟ་བ་བཞིན་དུ་བསྐྱེད་པའོ།། རྣལ་འབྱོར་མ་ལུས་དབུས་གནས་པའི། ཞེས་བྱ་བ་ལྟེ་བའི་འོག་ན་གནས་པའི་རྩ་གསུམ་མོ།། དེར་བསྒོམ་པའི་ཡི་གེ་ཨཾ་ནི་ཆོས་ཐམས་ཅད ་གཅིག་གི་གཟུགས་ཀྱིས་སྡོམ་པར་བྱེད་པ་དེ་ཤེས་རབ་ཨཾ་གི་གཟུགས་ཅན་མའོ།། ཕྱི་རོལ་ཇི་ལྟར་ཞེས་བྱ་བ་ནི་ཇི་ལྟར་བསྐྱེད་པའི་རིམ་པ་ལ་ཆོས་ཐམས་ཅད་རྣམ་པར་དག་པའི་སྒོ་ནས་ལྷའི་འཁོར་ལོ་བཀོད་པའོ།། ནང་དེ་བཞིན་ཞེས ་བྱ་བ་ནི་དེ་བཞིན་དུ་རྫོགས་པའི་རིམ་པོ་ལ་ནི་སྔགས་ཀྱི་ལྷ་རྣམས་ཀྱི་འཁོར་ལོའོ།། སྡོམ་པ་ཞེས་བྱ་བ་ནི་ཕྱི་དང་ནང་གི་རྣམ་པར་རྟོག་པའི་དངོས་པོ་རྣམས་རྣམ་ར་དག་པའི་ལྷའི་འཁོར་ལོས་ཆོས་ཐམས་ཅད་ཚུལ་གཅིག་ཏུ་བསྡུས ་པ་བཞིན་དུ་རྫོགས་པའི་རིམ་པས་ཀྱང་སྡུད་པ་ཡིན་ནོ།། དེ་ནི་རབ་གསལ་ཞེས་བྱ་བའི་བྱེ་བྲག་ཏུ་བྱས་པའོ།། བོ་ལ་ཞེས་བྱ་བ་ལ་སོགས་པ་ལ་པོ་ནི་རྡོ་རྗེ་ལ་བདེ་བ་ནི་ནོར་བུའི་ནང་དུ་ཆུད་པའི་ཡེ་ཤེས་སོ།། དེ་ཉིད་ནི་ཕྱག་རྒྱ་ཆེན་པོ ་སྟེ་ཆོས་ཐམས་ཅད་ལ་བདག་ཉིད་གཅིག་གིས་བཏབ་པའི་ཕྱིར་རོ།། རྡོ་རྗེ་སྐྱེ་མཆེད་ཅེས་བྱ་བ་ལ་རྡོ་རྗེ་ནི་མི་དམིགས་པའི་ཡེ་ཤེས་སོ།། དེ་ཉིད་ནི་སྐྱེ་མཆེད་དེ་ལྷ་རྣམས་ཀྱི་འཁོར་ལོ་བསྐྱེད་པའི་གནས་སུ་གྱུར་པའི་ཕྱིར་རོ།། ཐབས ་ཀྱི་བདག་ཅེས་བྱ་བ་ནི་ཡེ་ཤེས་ཀྱི་མཐར་ཐུག་པར་འགྲོ་བའི་ཕྱིར་རོ།། ཡང་ན་བོ་ལ་ནི་རྡོ་རྗེའི། དེའི་བདེ་བ་ནི་མཆོག་ཏུ་དགའ་བའི་མཐར་གྱུར་ཅིང་རྣམ་པར་དགའ་བའི་ཐོག་མར་གྱུར་པའོ།། དེའི་རང་བཞིན་ནི་ཕྱག་རྒྱ་ཆེན་པོ་ཞེས་བྱ་བ ་ས་རབ་ཨཾ་གི་གཟུགས་ཅན་མའོ།། རྡོ་རྗེ་ཞེས་བྱ་བ་ནི་མི་ཤིགས་པའོ།། སྐྱེ་མཆེད་ཅེས་བྱ་བ་ལ་ཨ་ཡ་ནི་རྣམ་པར་ཤེས་པའོ།། ཏ་ན་ནི་རྒྱས་པ་སྟེ་ཐིམ་པ་དང་ལོངས་སྤྱོད་དང་དབང་བའོ།། ཐབས་ཀྱི་བདག་ཅེས་བྱ་བ་ནི་གནས་ལ ་སོགས་པའི་བདག་ཉིད་དུ་ཉེ་བར་འགྲོ་བའོ།། གསང་བར་འདི་དག་མཉམ་སྦྱོར་ཞེས་བྱ་བ་ལ། གསང་བ་ནི་ཐབས་དང་ཤེས་རབ་རྣམ་པར་དག་པའི་ལ་ལ་ནཱ་དང་ར་ས་ནཱའོ།། འོདི་དག་ནི་མཉམ་པར་སྦྱོར་བ་ནི་གཉིས་སུ་མེད་པར་བསྒོམས་པས ་སོ།། ཕྱི་རོལ་སྙོམས་འཇུག་མ་བསྟན་ཏོ་ཞེས་བྱ་བ་ལ་རྣལ་འབྱོར་མའི་འཁོར་ལོ་ལ་ཕྱི་རོལ་གྱི་ལྷའི་མཉམ་པར་སྦྱོར་བའི་སྒོམ་པ་མེད་པའོ།། དེ་ཡང་གསུངས་པ། ཨཱ་ལི་ཀཱ་ལི་སྙོམས་འཇུག་པས།། ཕྱི་རོལ་སྙོམས་འཇུག་དགག་པར་བྱ། ་ཞེས་བྱ་བའོ།། ཅི་སྟེ་ནང་གི་སྙོམས་པར་འཇུག་པ་ཙམ་འདི་ཡིན་ན། ཇི་ལྟར་ན། བུད་མེད་གཟུགས་ནི་སྤངས་ནས་སུ། གཞན་གྱི་གཟུགས་སུ་བསྒྱུར་ཞེས་བྱ་བ་ལ་སོགས་པ་ནི་ཅིའི་ཕྱིར་གསུངས་སྙམ་པ་ལ། བདེན་མོད་ཀྱི་དེར་དགོངས ་པ་ནི་རང་གི་སེམས་ཙམ་གྱི་ངོ་བོ་ཉིད་ཀྱིས་བདག་མེད་པའི་རྣལ་འབྱོར་དང་ཡང་དག་པར་ལྡན་ཞིང་བླ་མ་ལ་སོགས་པ་ལ་རྗེས་སུ་གནང་བ་རྙེད་པའི་རིག་མའི་བརྟུལ་ཞུགས་ཀྱི་སྒོ་ནས། དེ་བཞིན་གཤེགས་པ་ཐམས ་ཅད་དབྱེར་མེད་པའི་སེམས་ལ་དབང་ཐོབ་པ་རྣམས་ཇི་སྐད་གསུངས་པ་དེས་ཐུན་མཚམས་གཅིག་གམ། ཉིན་གཅིག་གམ། ཟླ་བ་ཕྱེད་དམ། ཟླ་བ་འམ་ལོ་འམ། བསྐལ་པ་སྟོང་ཕྲག་དུ་ཡང་ཡེ་ཤེས་དང་མངོན་པར་ལྡན་པས་གནས ་པར་འགྱུར་རོ་ཞེས་བྱ་བ་ཡིན་ནོ།། སྐུ་གསུམ་ཞེས་བྱ་བ་ལ་སོགས་པས་ནི་འཁོར་ལོའི་གཟུགས་ཀྱི་ཆོས་དང་ལོངས་སྤྱོད་སྤྲུལ་པའི་སྐུ་རྣམས་ཡོངས་སུ་ཤེས་པར་བའོ་ཞེས་བསྟན་པ་ཡིན་ནོ།། ཚེགས་ལ་ཞེས་བྱ་བ་ནི་སེམས་ཅན་ཐམས ་ཅད་སྐྱེ་བ་མངོན་པར་ཕྱོགས་པ་སྟེ། འདིས་ཞེས་བྱ་བ་ནི་བཤད་མ་ཐག་པ་རྣམས་དང་ཡང་དག་པར་ལྡན་པས་སོ།། སྲེག་དང་ལྡན་པ་ཐམས་ཅད་ནི་སེམས་ཅན་ནོ།། བློ་བུར་དྲི་མ་དང་བྲལ་ཞིང་འོད་གསལ་བ་ཐམས་ཅད་ནི་སངས་རྒྱས་ཏེ། ་སངས་རྒྱས་ཉིད་དུ་ཞེས་བྱ་བ་ནི་རྣམ་པར་དག་པ་ཁོང་དུ་ཆུད་པ་རྣམས་དང་རང་བཞིན་དབྱེར་མེད་དོ་ཞེས་པའི་དོན་ཏོ།། ཐེ་ཚོམ་མེད་ཅེས་བྱ་བ་ནི་རྣམ་པར་ཤེས་པ་ལ་སོགས་པའི་དངོས་པོ་རྣམས་རང་བཞིན་གྱིས་སྟོང་པ་ཉིད་དུ་བླ་ན་མེད ་པའི་དེ་བཞིན་ཉིད་རང་གིས་རིག་པའི་རང་བཞིན་ཡིན་ལ། ཡེ་ཤེས་དེ་ཉིད་ནི་གདུལ་བྱ་མངོན་པར་དང་བའི་དབང་གིས་གཞན་རྣམས་ལ་གཟུགས་ཀྱི་སྐུར་སྟོན་པར་ཚད་མས་གྲུབ་པའི་ཕྱིར་རོ།། དེ་ཡང་གསུངས་པ། སེམས་ཅན་ཐམས ་ཅད་བདེ་བར་གཤེགས་པའི་སྙིང་པོ་ཅན་ཡིན་ནོ་ཞེས་བྱ་བ་སྟེ། འདིས་ནི་སེམས་ཅན་ཐམས་ཅད་རང་བཞིན་གྱིས་རྣམ་པར་དག་པ་སྟོན་ཏེ་རྣམ་པར་དག་པ་དེ་ཉིད་སྦྱོར་བའི་རྒྱུ་མཚན་དུ་གསུངས་པ། ཟླ་བ་བཅུ་ནི་ས་བཅུ་ཞེས ་བྱ་བ་ལ་སོགས་པ་སྟེ། ས་དང་པོ་ལ་སོགས་པ་གོང་ནས་གོང་དུ་སྦྱངས་ཤིང་འཕེལ་བས་མཐར་ཐུག་པར་སོན་པའི་ཕྱིར། སེམས་ཅན་ས་བཅུའི་དབང་ཕྱུག་གོ།། དེའི་ཕྱིར་ཕྱིན་ཅི་ལོག་གི་རྟོག་པས་བསྐྱེད་པས་ལས་དང་ཉོན ་མོངས་པ་དང་། སྐྱེ་བ་རྣམས་ཀྱི་རང་གི་ངོ་བོ་ཉིད་ནི་བློ་བུར་བ་སྟེ། རང་བཞིན་གྱིས་དྲི་མ་མེད་ཅིང་རྣམ་པར་དག་པའི་རང་བཞིན་ཉིད་དུ་སྦྱར་བར་བྱའོ།། འགྲོ་བའི་རང་བཞིན་བཅོམ་ལྡན་འདས་ལས་ཐོས་ནས་ཇི་ལྟར་གྱུར་པ་གསུངས ་པ། དེ་ནས་ཞེས་བྱ་བ་ལ་སོགས་པ་ལ་ལྷ་འགྲོ་བའི་རྒྱུད་ལ་རྒྱུན་མི་འཆད་པར་གསལ་བའི་ཕྱིར། ཐམས་ཅད་ཅེས་བྱ་བ་ནི་ལུས་ལ་སོགས་པ་རྣམ་པར་དག་པའི་རང་བཞིན་ཇི་སྙེད་པའོ།། མཆོག་ཏུ་ངོ་མཚར་ཐེབ་ཞེས་བྱ་བ་ནི ་སོ་སོའི་སྐྱེ་བོའི་དེ་བཞིན་ཉིད་གང་ཡིན་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་དེ་བཞིན་ཉིད་གང་ཡིན་པ་ངོ་བོ་ཉིད་ཀྱིས་དབྱེར་མེད་པར་རྟོགས་ནས་མཆོག་ཏུ་ངོ་མཚར་དུ་གྱུར་པ་འདི་ནི་ངོ་མཚར་ཐོབ་པའོ།། ་བརྒྱ་ལ་ཞེས་བྱ་བ་ནི་དབྱེར་མེད་ཅིང་བདེ་བ་ཆེན་པོའི་རང་བཞིན་གྱི་རྣམ་པར་མི་རྟོག་པའི་ཏིང་ངེ་འཛིན་ལ་གནས་པས་སེམས་དང་སེམས་ལས་བྱུང་བ་ཐམས་ཅད་བརྒྱལ་བ་སྟེ་ཤིན་ཏུ་མི་གཡོ་བར་གྱུར་པའོ།། སྐྲག་ཅེས ་བྱ་བ་ནི་འཁོར་བའི་མཐར་ཐུག་པ་ཉིད་རང་བཞིན་གྱིས་མྱ་ངན་ལས་འདས་ཤིང་མཆོག་ཏུ་ཟབ་པའི་ཕྱག་རྒྱ་ཆེན་པོར་གསུངས་པ་ནི་དད་པ་དམན་པ་རྣམས་ཀྱིས་ཁོང་དུ་ཆུད་པར་མི་ནུས་ཤིང་སེམས་ཀྱིས་འཇུག་པར ་དཀའ་བའི་ཕྱིར་སྐྲག་པའོ།། ས་ལ་འགྱེལ་བར་གྱུར་ཞེས་བྱ་བ་ནི་བག་ཆགས་དང་བཅས་པའི་ཕུང་པོ་ལ་སོགས་པ་ཡོངས་སུ་གཙང་བའི་ཆོས་ཀྱི་དེ་ཁོ་ན་ཉིད་ཐོབ་པས་འཛགས་ནས་ཡན་ལག་ཐམས་ཅད་ས་ལ་འགྱེལ་བར་འགྱུར ་བའོ།། འདུར་བར་གྱུར་ཞེས་བྱ་བ་ནི་འཇིག་རྟེན་ཐམས་ཅད་ལས་ཡང་དག་པར་འདས་ཤིང་མཆོག་ཏུ་གསང་ཆེན་དཀའ་ལ་བླ་ན་མེད་པ་མྱུར་བའི་ཐབས་དགྱེས་པའི་རྡོ་རྗེ་ཞེས་བྱ་བའི་ཆོས་ཐོས་པས་འདར་བ་ལ་སོགས་པའི་ལྟས ་ཆེན་པོ་བཅོ་བརྒྱད་རྙེད་པར་འགྱུར་རོ།། ཡང་དེ་རྣམས་ཤིན་ཏུ་རྙེད་དཀའ་ཞིང་བསམ་གྱིས་མི་ཁྱབ་པའི་ཆོས་མཉན་པའི་སྐལ་བ་དང་ཤིན་ཏུ་ལྡན་པར་མཛད་ནས། རང་གི་ངོ་བོ་ཉིད་ཇི་ལྟ་བ་བཞིན་དུ་བཤད་པས་བདེ་བའི་སྲོག་ཐོབ། ་པར་གྱུར་ནས་སློང་བར་མཛད་པ་ནི། ས་དང་ཞེས་བྱ་བ་ལ་སོགས་པ་སྟེ། ས་དང་ཆུ་དང་རླུད་མེའི་བདག་ཉིད་སྲིང་མོ་སྟེ། ལྷ་མོ་ཞེས་བྱ་བ་ནི་བོད་པའི་ཚིག་གོ། རང་བཞིན་སྲས་ཀྱང་མི་ཤེས་པ་ཉིད་དེ་ཉིད་དེ། དེའི་སྤྲོས་པ་ཉོན ་ཅིག་པ་ནི་གདམས་པའོ།། སྔོན་དུ་གསུངས་པའི་དོན་དེ་ཉིད་ཉེ་བར་བསྡུ་བ་གསུངས་པ། སེམས་ཅན་སངས་རྒྱས་ཡིན་མོད་ཀྱི་ཞེས་བྱ་བ་ལ་སོགས་པ་སྟེ་རང་བཞིན་གྱིས་མྱ་ངན་ལས་འདས་ཤིང་ཆོས་ཀྱི་སྐུ་དབྱེར་མེད་པའི ་རང་བཞིན་ཉིད་དོ།། ཅི་སྟེ་རང་བཞིན་གྱིས་སངས་རྒྱས་པ་ཉིད་དུ་གྲུབ་པ་ཡིན་ན་བཟླས་བརྗོད་དང་བསྒོམས་པ་ལ་སོགས་པའི་དོན་མེད་པར་བྲལ་བར་འགྱུར་རོ་ཞེ་ན། གསུངས་པ། བློ་བུར་དྲི་མས་བསྒྲིབས་པ་སྟེ། ཞེས་བྱ་བ ་ལས་དང་ཉོན་མོངས་པ་སྐྱེ་བའི་སྒྲིབ་པ་བློ་བུར་བ་རྣམས་ཀྱིས་རང་གི་རང་བཞིན་ཉིད་མི་གསལ་བར་བྱས་པ་སྟེ། བསྒོམ་པ་དང་བཟླས་པ་ལ་སོགས་པ་དེ་དག་གིས་བསལ་བ་ནི་བླ་ན་མེད་པའི་ཐབས་དང་ཤེས་རབ་ཀྱི་རང་བཞིན ་ཉིད་ཀྱིས་སངས་རྒྱས་ཉིད་དོ་ཞེས་བསྟན་ཏོ།། ཅི་སྟེ་རང་བཞིན་གྱིས་རྣམ་པར་དག་པས་སེམས་དྲི་མ་ཅན་དུ་ཇི་ལྟར་འགྱུར་སྟེ་ན་མ་ཡིན་ཏེ། ཇི་ལྟར་ན་མཁའ་རང་བཞིན་གྱིས་དབེན་པ་ཡིན་ཡང་རྡུལ་དང་ཁུག་རྣ་དང་སྤྲིན་ལ་སོགས་པས ་དྲི་མ་ཅན་དུ་གྱུར་པ་བཞིན་དུ། སེམས་ཀྱི་རིན་པོ་ཆེ་འདི་ཡང་རང་བཞིན་གྱིས་རྣམ་པར་དག་ཏུ་ཟིན་ཀྱང་ཐོག་མ་མེད་པའི་དུས་ནས་སྐྱེ་བ་གཅིག་ནས་གཅིག་ཏུ་གོམས་པའི་བདག་དང་བདག་གིར་རྟོག་པས་དྲི་མ་ཅན་དུ་གྱུར་པ་ཡིན་ནོ།། དེ ་ཡང་གསུངས་པ། སེམས་ཅན་གྱི་ཚོགས་འདི་ན་དེ་བཞིན་གཤེགས་པ་མཐའ་དག་གི་ཡེ་ཤེས་དང་ལྡན་པའི་སེམས་ཅན་འགའ་ཡང་ཡོད་པ་མ་ཡིན་མོད་ཀྱི་འོན་ཀྱང་ཐ་སྙད་ལ་མངོན་པར་ཞེན་ཏེ། དེ་བཞིན་གཤེགས་པའི ་ཡེ་ཤེས་མངོན་པར་མི་ཤེས་པ་ཡིན་ནོ།། གང་གི་ཚེ་ཐ་སྙད་ཐམས་ཅད་ལས་གྲོལ་བ་དེའི་ཚེ་དེ་བཞིན་གཤེགས་པའི་རང་བྱུང་གི་ཡེ་ཤེས་ཐོགས་པ་མེད་པར་གསལ་བར་འགྱུར་རོ་ཞེས་པའོ།། བཙན་དུག་ཟོས་ན་ཞེས་བྱ་བ་ལ ་བཙན་དུག་ནི་དུག་གི་ཁྱད་པར་ཏེ་ཟོས་ན་མྱོས་པ་བརླམས་པར་འགྱུར་རོ།། སུའི་ཞེ་ན་མི་ཤེས་འཇིག་རྟེན་གང་གིས་ཞེས་བྱ་བ་སྟེ། མི་ཤེས་འཇིག་རྟེན་ཞེས་བྱ་བ་ནི་གང་གིས་དུག་གིས་གཉེན་པོར་གྱུར་པ ་སྔགས་ལ་སོགས་པ་དང་བྲལ་བའོ།། རྨོངས་དང་བྲལ་ཞིང་དེ་ཉིད་ཅེས་བྱ་བ་ལ། གང་གིས་དེའི་གཉེན་པོར་གྱུར་པའི་སྔགས་ལ་སོགས་པའི་དེ་ཉིད་ཤེས་པ་ནི་རྨོངས་པ་དང་བྲལ་ཞིང་དེ་ཉིད་ཤེས་པའོ།། དེ་ནི་དེ་ལས་གྲོལ ་བར་འགྱུར། ཞེས་བྱ་བ་ནི་གང་དེ་ཁོ་ན་ཉིད་ཤེས་པ་དེ་ནི་འཁོར་བའི་དུག་གི་རྨོངས་པ་ལས་གྲོལ་བར་འགྱུར་གྱི་གཞན་དུ་ནི་མ་ཡིན་ནོ།། དེ་བཞིན་ཞེས་བྱ་བ་ནི་བསྟན་མ་ཐུག་པའི་རིམ་པའོ།། ཐབས་དང་ཤེས་རབ ་ཤེས་ཤིང་ལྷག་པར་ཁོང་དུ་ཆུད་པ་དེའི་འཁོར་བ་ལྡོག་པར་འགྱུར་རོ།། དགྱེས་པའི་རྡོ་རྗེར་ངལ་བྱས་པ་ཞེས་བྱ་བ་ནི་བླ་མ་གཅིག་ནས་གཅིག་ཏུ་འོངས་པའི་ལྷག་པར་ཁོང་དུ་ཆུད་པ་མཐར་ཕྱིན་པའོ།། མ་རིག་ལ་སོགས ་ཞེས་བྱ་བ་ནི་མ་རིག་པ་ནས་རྒ་ཤིའི་མཐར་ཐུག་པའི་སྡུག་བསྔལ་གྱི་ཕུང་པོས་མ་གཟུང་བའོ།། གཽ་ཏི་མུག་ལ་སོགས་པས་ཀྱང་འཆིང་མིན་ཞེས་བྱ་བ་ནི་བདག་དང་བདག་གི་པཱ་དང་། བདེ་བ་དང་སྡུག་བསྔལ་ལ་སོགས་པ་གཏི ་མུལ་ལ་སོགས་པའི་ཞགས་པས་ཀྱང་འཆིང་བ་མ་ཡིན་ནོ་ཞེས་བྱ་བའི་དོན་ཏོ།། སངས་རྒྱས་མ་ཡིན་ཞེས་བྱ་བ་ལ་སོགས་པ་ལ་འདི་ན་སངས་རྒྱས་ཀྱི་རང་བཞིན་མ་ཡིན་པའི་སེམས་ཅན་འགའ་ཡང་ཡོད་པ་མ་ཡིན་ཏེ། ཅིའི ་ཕྱིར་ཞེ་ན། གང་གི་ཕྱིར་ཞེས་བྱ་བ་ལ་སོགས་པ་གསུངས་ཏེ། བྱང་ཆུབ་པ་ཅེས་བྱ་བ་ནི་རང་རིག་པ་ཙམ་ཉིད་ཀྱིས་ན་འདི་ཐམས་ཅད་རང་བཞིན་གྱིས་ཕྱིན་ཅི་མ་ལོག་པའི་རྣམ་པར་མངོན་པར་བྱང་ཆུབ་པ་ཡིན་པ་ལ་སེམས ་ཅན་ཁོང་དུ་ཆུད་པའི་རང་བཞིན་ནོ།། དེ་ལྟར་ན་འགྲོ་བ་རྣམས་སུ་ཇི་ལྟར་འགྲོ་བར་འགྱུར་ཞེ་ན། དེའི་ཕྱིར་གསུངས་པ། དམྱལ་བ་ཞེས་བྱ་བ་ལ་སོགས་པ་སྟེ། འདིའི་དོན་གང་མི་དགེ་བའི་ལས་ཀྱིས་སྤྲུལ་ནས་དམྱལ་བ་ལ་སོགས ་པའི་སྡུག་བསྔལ་ཤིན་ཏུ་མི་བཟང་བའི་མེ་འབར་བས་དཀྲིས་པ་ཡིན་ལ། དེ་རྣམས་ཀྱི་རང་བཞིན་ཉིད་ནི་དུས་ཐམས་ཅད་དུ་ངོ་བོ་ཉིད་ཀྱིས་མྱ་ངན་ལས་འདས་ཤིང་བདེ་བ་ཆེན་པོའི་ཚུལ་གྱིས་ཆོས་ཀྱི་སྐུའི་རང་བཞིན་དུ་དབྱེར ་མེད་པ་ཡིན་ནོ་ཞེས་བྱ་བ་ཡིན་ནོ།། གང་གི་ཕྱིར་བདེ་བ་མི་ཤེས་པ་ཞེས་བྱ་བ་ལ། གང་གི་ལྷ་ལ་སོགས་རྣམས་ཀྱི་ཐ་སྙད་ལ་མ་བརྟེན་པར་སྤྲོས་པའི་བདེ་བའི་རང་བཞིན་ཁོང་དུ་ཆུད་པར་མི་ནུས་ཏེ། དེའི་ཕྱིར་དེ་བཞིན་གཤེགས ་པ་རྣམས་ཀྱང་ཐ་སྙད་འདོགས་པར་མཛད་པ་ཡིན་ནོ།། འཛག་རྟེན་ཁམས་གཞན་གང་ནས་ཀྱང་ཞེས་བྱ་བ་ལ་སོགས་པ་ལ་བླ་ན་མེད་པའི་སེམས་ཀྱི་རང་བཞིན་ལས་འཇིག་རྟེན་གྱི་ཁམས་གཞན་གང་ནས་ཀྱང་སངས་རྒྱས་ཀྱི་རང ་བཞིན་འགའ་ཡང་རྙེད་པ་མ་ཡིན་ནོ།། ཞེས་བྱ་བའི་དོན་ཏོ།། དེའི་ཕྱིར་གསུངས་པ། སེམས་ཉིད་ཅེས་བྱ་བ་ལ་སོགས་པ་སྟེ། རང་བཞིན་གྱིས་འོད་གསལ་བའི་སེམས་ཉིད་འདོད་ཆགས་ལ་སོགས་པའི་དྲི་མ་རྣམས་དང་བྲལ་ནས ་སངས་རྒྱས་སོ།། ཤེན་པ་སྨྱུག་མ་མཁན་ཞེས་བྱ་བ་ལ་སོགས་པ་ལ། འདིའི་དོན་ནི་ཤེན་པ་ལ་སོགས་པ་རྒྱུན་མི་འཆད་པར་རྩུབ་མོ་དོན་དུ་གཉེར་བ་རྣམས་ཀྱིས་ཀྱང་དགྱེས་པའི་རྡོ་རྗེའི་ལམ་དུ་ཞུགས ་པའི་དགེ་བའི་བཤེས་གཉེན་དང་ཕྲད་པར་གྱུར་ར་ན་རྟོག་པའི་དྲ་བ་ཐམས་ཅད་དེ་རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པར་འགྱུར་རོ་ཞེས་བྱ་བ་ཡིན་ནོ།། བྱིས་པ་མི་ཤེས་བསྒྲིབས་པ་རྣམས ་ཞེས་བྱ་བ་ལ་སོགས་པ་ལ། ལས་དང་འབྲས་བུ་དང་བདེན་པ་དང་དཀོན་མཆོག་གསུམ་རྣམས་མི་ཤེས་པ་སྔོན་དུ་འགྲོ་བའི་བདག་དང་བདག་གིར་འཛིན་པས་རྨོངས་ཤིང་བླ་མི་མཉེས་པར་མ་བྱས་པ་ནི་བྱིས་པའི་རང་བཞིན ་ཏེ། ངེས་བསྟན་མ་ཐག་པའི་ལམུ་མི་ཤེས་པས་སྐྱེད་དང་འོག་གི་འགྲོ་བ་རྣམས་སུ་འཁོར་བ་ཡིན་ནོ།། དགྱེས་པའི་རྡོ་རྗེའི་ཐབས་ཐོབ་ཅེས་བྱ་བ་ལ། འདིའི་ངོར་ནི་ཡང་གང་ཞིག་མྱུར་དུ་བྱང་ཆུབ་རྫོགས་པར་བྱེད་པའི་དགྱེས་པའི ་རྡོ་རྗེའི་ཐབས་ཀྱིས་གཟུགས་ལ་སོགས་པའི་དངོས་པོ་རྣམས་ཡོངས་སུ་སྦྱངས་པ་ནི་འཁོར་བ་ན་གནས་སུ་ཟིན་ཀྱང་རིང་པོར་མི་ཐོགས་པར་བླ་ན་མེད་པ་ཡང་དག་པའི་བྱང་ཆུབ་ཐོབ་པར་འགྱུར་རོ་ཞེས་བྱ་བ་ཡིན་ནོ།། པུཀྐ་སཱི་ནི ་སར་གསུངས་པ། ཞེས་བྱ་བ་ལ་སོགས་པ་ནི་གོ་སླའོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས། ལེའུ་བཞི་པའི་བཤད་པའོ།། ་དེ་ནས་ཞེས་བྱ་བ་ལ་སོགས་པ་ལ། གདུལ་བྱ་རྣམས་ཆོས་ཀྱི་རྒྱལ་པོའི་གོ་འཕངས་ལ་དགོད་པས་རྒྱལ་པོའོ།། རྣམ་པར་རྟོག་པའི་རི་བོ་འཇོམས་པས་ན་རྡོ་རྗེ་འཛིན་ནོ།། ཟབ་པ་དང་རྒྱ་ཆེ་བའི་བདག་ཉིད་ཀྱིས་ན་དགྱེས་པའི་རྡོ་རྗེའོ།། ་གདུལ་བྱ་རྣམས་ལ་རྗེས་སུ་མཚམས་པར་སྟོན་པས་ན་གཙོ་བོའོ།། རྣམ་པ་ཀུན་གྱི་རང་བཞིན་བདག་ཅེས་བྱ་བ་ནི་ཕྱི་དང་ནང་གི་དངོས་པོ་རྣམས་རྣམ་པར་དག་པའི་རང་བཞིན་གྱི་ཕྱིར་རོ།། དཀྱིལ་འཁོར་ཞེས་བྱ་བ་ནི་བྲི་བའི་དཀྱིལ ་འཁོར་རོ།། བདེ་བ་ཅན་དུ་ཞེས་བྱ་བ་ལ་སོགས་པའི་འཁྲིག་པའི་སྦྱོར་བ་དང་ལྡན་པའི་ཕྱིར་རོ།། རྣམ་པ་ཀུན་གྱི་རང་ངོ་བོ་ཞེས་བྱ་བ་ནི་འབྱུང་བ་དང་འབྱུང་བྱ་ལས་གྱུར་པ་རྣམ་པར་དག་པའི་ལྷ་ཐམས་ཅད་ཀྱི་ངོ་བོའོ།། སེམས་ཀྱི་རྡོ་རྗེ ་ཞེས་བྱ་བ་ནི་རྒྱུར་གྱུར་པའི་རྡོ་རྗེ་འཛིན་ནོ།། ས་བོན་གྱིས་ཞེས་བྱ་བ་ནི་ཀུན་རྫོབ་ཀྱི་བྱང་ཆུབ་ཀྱི་སེམས་ཡོངས་སུ་གྱུར་པའི་མཚན་མོ་ལ་གནས་པའི་ཧཱུཾགས་སོ།། བཅོ་ལྔས་ཡོངས་སུ་བསྐོར་བ་ཡི་ཞེས་བྱ་བ་ལ་སོགས་པ་ལ་སྔོན་དུ་བསྟེན ་པའི་རྣལ་འབྱོར་མའི་འཁོར་ལོ་ཕྱག་གཉིས་པ་ལ་སོགས་པ་ཉིད་དེ། དེ་ཉིད་འོག་ནས་འབྱུང་བ། རིམ་གཅིག་སྒྲ་ནི་བཞི་པ་སྟེ། ཞེས་བྱ་བ་ལ་སོགས་པས་ཤེས་པར་བྱའོ།། དཀྱིལ་འཁོར་ཡང་དག་པ་རབ་གསལ་མཛད་ཞེས་བྱ་བ ་ནི་འོག་ནས་འབྱུང་བ། དེ་ནས་སྟོན་པ་ཡེ་ཤེས་ཆེ། ཞེས་བྱ་བ་ལ་སོགས་པའི་སྐབས་དེར་བལྟའོ།། མ་ལུས་པའི་སེམས་ཅན་རྣམས་སུ་བསྡུ་བ་བསྟན་པའི་ཕྱིར་གསུངས་པ། བདུད་བཞི་ཡང་དག་མནན་པ་སྟེ་ཞེས་བྱ་བ་ལ་བདུད ་བཞི་པོ་རྣམས་ཞབས་བཞི་པོས་མནན་པ་སྟེ། རང་བཞིན་གྱིས་མྱ་ངན་ལས་འདས་པ་དང་། མི་གནས་པའི་མྱ་ངན་ལས་འདས་པ་དང་། ཕུང་པོ་ལྷག་མ་དང་བཅས་པའི་མྱ་ངན་ལས་འདས་པ་དང་། ལྷག་མ་མེད ་པའི་མྱ་ངན་ལས་འདས་པ་སྟེ། བཞི་པོ་དེ་དག་ནི་ཞབས་བཞིར་ཤེས་པར་བྱའོ།། དེས་ན་འཇིགས་པ་དག་ཀྱང་འཇིགས་པར་མཛད་ཅེའོ།། མགོ་བོའི་ཕྲེང་བ་ཞེས་བྱ་བ་ལ་སོགས་པ་ལ། ཡི་གེ་ལྔ་བཅུ་ཐུམ་པ་རྣམ་པར་དག་པའི་མགོ་བོའི ་ཕྲེང་བ་སྟེ། དེས་སྐུལ་བ་དང་ལྡན་པའི་སྐྱེ་བོའི་ཡིད་འཕྲོག་པར་མཛད་པས་ན་དོ་ཤལ་ལོ།། ཉི་མ་ལ་གནས་ཞེས་བྱ་བ་ནི་མི་དམིགས་པའི་སྙིང་རྗེས་ཆེན་པོ་ལ་གནས་པའི་གཟུགས་སོ།། རྣམ་པ་སྣ་ཚོགས་སུ་སྤྲོ་བ་མཛད་པས་ན་གར ་དང་ལྡན་ནོ།། མ་རིག་པ་ལ་སོགས་པའི་ཡན་ལག་བཅུ་གཉིས་རྣམ་པར་དག་པའི་རང་བཞིན་གྱིས་ནི་སྣ་ཚོགས་རྡོ་རྗེ་འཛིན་པའོ།། སྐུ་མདོག་ནག་པོ་ཞེས་བྱ་བ་ནི་འོག་ནས་སྟོན་པར་འགྱུར་རོ།། དབང་པོ་དམ་ཚིག་དད་པ་མེད་པ་རྣམས་སྐྲག་པར ་མཛད་པས་ན་འཇིགས་མཛད་དོ།། སྒྲ་སྐད་སྣ་ཚོགས་ཀྱི་སྒོ་ནས་གདུལ་བྱ་རྣམས་ལ་ཆོས་སྟོན་པར་མཛད་པས་ན་ཧཱུཾ་སྤྲོ་བའོ།། གདུལ་བྱ་རྣམས་ལ་མངོན་པོར་ཕྱོགས་པས་ན་ཉིད་ཀྱི་ཞལ་ནས་སོ།། དོན་དམ་པའི་སེམས་ཀྱི་བདག་ཉིད་ཀྱིས་ན་སྐུ ་ལ་ཐལ་བས་ཡང་དག་བྱུགས་སོ།། དགའ་བས་སྙོམས་འཇུག་མཉམ་པར་སྦྱོར་བའི་ཕྱིར་རོ།། བདག་མེད་ལྷན་ཅིག་ལ་སྦྱོར་བ་ཞེས་བྱ་བ་ནི་ཆོས་བདག་མེད་པ་འགྲོ་བ་རྣམས་གཅིག་ཏུ་སྦྱོར་བར་མཛད་པའི་ཕྱིར་རོ།། ཉེ་བར་བསྡུ་བ་གསུངས ་པ། ཁྲེམ་གཉེར་མེད་པ་ཞེས་བྱ་བ་ལ་སོགས་པ་སྟེ། ཁྲེམ་གཉེར་མེད་པ་དེ་ཡང་དམིགས་པ་དང་བཅས་པ་དང་། མི་དམིགས་པའི་དེ་ཁོ་ན་ཉིད་ཀྱིས་དབྱེ་བས་རྣམ་པ་གཉིས་སུ་ཤེས་པར་བྱའོ།། གྲོང་ཁྱེར་ཉམས་དགར་ཁྱོད་དང ་ང་ཞེས་བྱ་བ་ནི་འདིར་རྒྱུ་དང་འབྲས་བུ་དབྱེར་མེད་པར་མཛད་ནས་བརྗོད་པ་ཡིན་ནོ།། གཞན་དུ་ཡང་། སེམས་དཔའི་གཟུགས་ནི་ཡང་དག་འབྱུང་།། དཀྱིལ་འཁོར་བདག་པོར་བསྒོམ་པར་བྱ།། ཞེས་བྱ་བ་ལ་སོགས་པ་དང་། སེར་མོ་ལ་སོགས ་འདི་ལས་འབྱུང་ཞེས་གསུངས་པ་འགལ་བར་མི་འགྱུར་རམ་ཞེ་ན། མ་ཡིན་ཏེ་དེ་རྒྱུར་གྱུར་པའི་རྡོ་རྗེ་སེམས་དཔའ་ཉིད་དཀྱིལ་འཁོར་བདག་པོ་སྟེ། དེ་ལས་སེར་མོ་ལ་སོགས་པ་འབྱུང་བར་བལྟའོ།། དེ་ནི་ཐོག་མ་ཞེས་བྱ་བ་ལ་སོགས ་པཔ་ནི་ཐོག་མ་དང་ཐ་མ་དང་དབུས་ཀྱི་ཆ་རྣམས་མི་དམིགས་པ་སྟེ། འདིའི་དོན་ནི་དུས་དང་ཡུལ་དང་ཕྱོགས་ལ་སོགས་པ་དང་བྲལ་བའོ།། སྲིད་དང་ཞེས་བྱ་བ་ལ་སོགས་པ་ལ། སྲིད་པ་ནི་སྐྱེ་བ་དང་། གནས་པ་དང་། འཇིག་པའི ་མཚན་ཉིད་དེ། དེ་མེད་པའོ།། མྱ་ངན་འདས་པ་མིན་ཞེས་བྱ་བ་ལ་མྱ་ངན་ལས་འདས་པའི་དངོས་པོ་ཐམས་ཅད་རྒྱུན་ཆད་པའི་རང་བཞིན་ཏེ། དེ་ཡང་མ་ཡིན་པའོ།། འདི་ནི་དམ་པའི་བདེ་ཆེན་ཏེ། ཞེས་བྱ་བ་ནི་མཆོག་ཏུ་བདེ་བ ་ཆེན་པོ་སྟེ། རྟག་ཏུ་ད་ལྟར་བྱུང་བའི་རང་རིག་པས་སོ།། གཞན་མིན་ཞེས་བྱ་བ་ལ། གཞན་གྱི་ཕ་རོལ་གྱི་གཟུགས་ལ་སོགས་པའི་རང་བཞིན་ཏེ་དེ་མ་ཡིན་པའོ།། བདག་ཀྱང་མིན་ཞེས་བྱ་བ་ལ་བདག་གི་རྩོམ་པ་དང་། ལྷག་པར ་གནས་པ་དང་། མཐར་ཕྱིན་པའི་རང་བཞིན་ཏེ་དེ་ཡང་མ་ཡིན་པའོ།། མཆོག་མཐའ་ཞེས་བྱ་བ་ལ་སོགས་པ་ལ་མཆོག་ཏུ་དགའ་བ་འགག་ཅིང་རྣམ་པར་དགའ་བ་སྐྱེ་བ་མངོན་པར་ཕྱོགས་ཏེ། དེ་དག་གིས ་དབུས་སུའོ།། འདོད་ཆགས་དང་ཆགས་བྲལ་གྱི་ངོ་བོ་ཉིད་མེད་པས་སྟོང་པའོ།། རང་གིས་རིག་ཅིང་མྱང་བས་ན་སྟོང་མིན་ནོ།། སྐུ་དང་གསུང་དང་ཐུགས་ཀྱི་མཚན་ཉིད་པས་ན་ཧེ་རུ་ཀའོ།། སླེབ་དཔོན་ནག་པོས་མཛད་པའི་དགྱེས་པའི ་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་ལྔ་པའི་བཤད་པའོ།། ། ཆོ་ག་གང་གིས་ཞེས་བྱ་བ་ལ་སོགས་པ་ལ། སངས་རྒྱས་བྱང་ཆུབ་སེམས་དཔའ་དང་། གང་ཡང་བདག་གིས་མ་བཤད ་པ་ཞེས་གསུངས་པས་ན་རྒྱུད་ནི་རྙེད་པར་དཀའ་ཞིང་བླ་ན་མེད་པ་ཉིད་དུ་སྟོན་པར་བྱེད་པས་ན་ཡང་འདིར་ཇི་ལྟར་བྱ་བའི་རྒྱུད་ལ་སོགས་པ་ལྟར་བྲིས་སྐུ་ལ་སོགས་པའི་ཚི་ག་བརྗོད་པར་མཛད་ཅེ་ན། དེ་ལྟ་མོད་ཀྱི་འདིར་དགག་པར་མི ་བྱ་སྟེ། གང་གི་ཕྱིར་ཇི་ལྟར་གསུངས་པའི་ཆོ་གས་སྣམ་བུའི་ལྷ་ལ་སོགས་པ་བྲིས་ན། རྣལ་འབྱོར་པ་རྣམས་ཀྱི་བསོད་ནམས་ཀྱི་ཕུང་པོ་ཆེན་པོར་འགྱུར་བ་དང་། ཡང་ངེས་བསམ་གཏན་པ་རྣམས་ཀྱི་ཕྱག་དང་ཞབས་ལ་སོགས ་པོ་ཡང་གསལ་པོར་གྱུར་ནས་མྱུར་དུ་བྱང་ཆུབ་ཀྱི་འབྲས་བུ་འགྲུབ་པར་འགྱུར་རོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་དྲུག་པའི་བཤད་པའོ།། ་དེ་ནས་དེ་ལ་ལྷ་མོས་ཞུས་ཞེས་བྱ་བ་ལ་སོགས་པ་ནི། འཇིག་རྟེན་གྱི་ཁམས་ཀྱི་ཀུན་ནས་ཉོན་མོངས་པ་ལ་གཟིགས་ཏེ། འདོད་ཆགས་ཆེན་པོས་གདུངས་པ་རྣམས་མངོན་པར་གདང་བར་བྱ་བ་དང་། གླེགས་བམ་ལ ་དགའ་བ་རྣམས་ཀྱི་ཕྱིར་གསུངས་པ། ང་ཡིས་གླེགས་བམ་བཤད་བྱ་ཡིས། ཞེས་བྱ་བ་ལ་སོགས་པ་སྟེ། སྐལ་བ་ཞེས་བྱ་བ་ལ་འདིར་དེ་བཞིན་གཤེགས་པའི་གསུང་རབ་རྣམས་ནི་བསྟན་པར་བྱ་བ་ཡིན་མོད་ཀྱི། མཆོག ་ཏུ་གྱུར་པའི་གསང་ཆེན་ནི། སྐུལ་བ་ངན་པ་རྣམས་ལ་ཤིན་ཏུ་ཡང་སྔོ་བར་བྱ་བ་ཉིད་པས་ན་ལམ་དུ་ཞེས་བྱ་བ་ལ་སོགས་པ་གསུངས་ཏེ་ཁྱད་པར་དུ་བྱ་བའོ།། གླེགས་བམ་གྱི་ཚད་གསུངས་པ། གྲོ་གར་སོར་ནི་བཅུ་གཉིས ་ཞེས་བྱ་བ་ལ་སོགས་པའོ།། གླེགས་བམ་དང་ནི་ཞེས་བྱ་བ་ལ་སོགས་པ་ལ། གལ་ཏེ་སྐལ་བ་མེད་པ་རྣམས་ལ་གླེགས་བམ་དང་བྲིས་སྐུ་རྣམས་བསྟན་ན་མཆོག་ཏུ་ཟབ་ཅིང་ཉན་ཐོས་དང་རང་རྒྱལ་གྱི་སྤྱོད་ཡུལ་མ་ཡིན་ལ། ཤིན ་ཏུ་རྙེད་དཀའ་བས་དེ་རྣམས་མི་ཤེས་པའི་དབང་གིས་འདི་ནི་སངས་རྒྱས་ཀྱིས་གསུངས་པ་མ་ཡིན་གྱི། གཞན་དུ་ན་སེམས་ཅན་ལ་ཅོ་དྲོ་བར་བྱ་བའི་ཕྱིར་བདུད་ཀྱིས་སྨྲས་པ་ཡིན་ནོ་ཞེས་རྟོག་པར་བྱེད་ཅིང་སྨྲ་སྟེ། དེས་དེ་རྣམས ་དུས་དཔག་ཏུ་མེད་པར་མཚམས་མེད་པའི་དམྱལ་བར་ལྟུང་བར་འགྱུར་ལ། སྔགས་པ་ཡང་དེ་ལྟར་བསྲུང་བ་མ་བྱས་པས་དམ་ཚིག་ལས་འདས་ཏེ་འདི་དང་ཚེ་རབས་གཞན་དག་ཏུ་ཡང་དངོས་གྲུབ་ཐོབ་པར་འགྱུར་བ་ཁོ་ན་མ ་ཡིན་ནོ།། གང་དུ་ཞེས་བྱ་བ་ནི་ཇི་ལྟ་བ་བཞིན་པའི་གནས་སུའོ།། ཟོས་ནས་ཞེས་བྱ་བ་ནི་ཚོགས་ཀྱི་འཁོར་ལོའི་བདག་ཉིད་དེ། བསམ་གཏན་ལ་མངོན་པར་གཞོལ་བ་རྣམས་ཀྱིས་ཟོས་ནའོ།། དངོས་གྲུབ་འགྱུར ་ཞེས་བྱ་བ་ནི་དེ་བཞིན་གཤེགས་པ་དང་དབྱེར་མེད་པའི་ལུས་སུ་འགྱུར་བའོ།། འདོད་དོན་ཐམས་ཅད་བསྒྲུབ་མཛད་ཅེས་བྱ་བ་ལ། འདོད་པ་ནི་སེམས་ཅན་ཐམས་ཅད་ཀྱི་ཡིད་ལ་རེ་ཞིང་གསོལ་བ་བཏབ་པའོ།། དོན་ཐམས་ཅད་ནི་འཇིག་རྟེན ་དང་འཇིག་རྟེན་ལས་འདས་པའི་དོན་རྣམས་ཏེ། དེ་རྣམས་འབད་པ་མེད་ཅིང་རྣམ་པར་མི་རྟོག་བཞིན་དུ་མཛད་པའོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལྔས། ལེའུ་བདུན ་པའི་བཤད་པའོ།། དར་ནི་རྣལ་འབྱོར་མས་ཞུས་པ་ཞེས་བྱ་བ་ལ་སོགས་པ་ལ། གདུག་ཅིང་གདུལ་དཀའི་སེམས་ཅན་ཞེས་བྱ་བ་ལ་གདུག་ཅེས་བྱ་བ་ནི་འཁོར་བ་ལ་མངོན་པར་སྤྲོ་བའོ།། གདུལ་དཀའ་ཞེས་བྱ་བ་ནི་སྡེ་པ ་གཞན་ནོ།། ཇི་ལྟར་བགྱིས་ན་འདུལ་བར་འགྱུར་ཞེས་བྱ་བ་ནི་དེ་དག་ཇི་ལྟར་དེ་བཞིན་གཤེགས་པའི་བསྟན་པ་ལ་གཟུང་བར་བྱའོ།། ཞེས་བྱ་བའི་དོན་ཏོ།། དང་པོར་བསྙེན་གནས་ཞེས་བྱ་བ་ལ་སོགས་པ་ལ། ཐོག་མར་སྡུ་བསྔལ་བ་དང་། ་མི་རྟག་པ་ལ་སོགས་པའི་གཏམ་གྱིས་འཁོར་བ་ལ་སྐྱོ་བ་བསྐྱེད་ཅིང་བསྙེན་གནས་ཀྱི་བསྔགས་པ་བརྗོད་ཅིང་བསྙེན་གནས་ཀྱི་སྡོམ་པ་སྦྱིན་པ་སྔོན་དུ་འགྲོ་བས་སྐལ་བ་ཇི་ལྟ་བ་བཞིན་དུ། ཐེག་པ་གསུམ་ལ་བཙུད་དེ། དེའི་འོག ་ཏུ་བསླབ་པའི་གནས་ལྔ་ལ་སོགས་ལ་ཡོངས་སུ་བཟུང་བར་བྱའོ།། དེ་ལ་བྱེ་བྲག་སྨྲ་བ་བསྟན་ཞེས་བྱ་བ་ལ། དེ་ལ་ཞེས་བྱ་བ་ནི་བསླབ་པའི་གནས་དང་ལྡན་པ་དེ་ལའོ།། བྱེ་བྲག་སྨྲ་བ་དེ་ནི་བྱེ་བྲག་ཏུ་སྨྲ་བའི་ལྟ་བ་སྟེ། དེ་ཡང་མདོར ་བསྡུ་ན་ཐེར་ཟུག་ལ་སོགས་པའི་གཉེན་པོར་གྱུར་པ་སྣོད་དང་སེམས་ཅན་གྱི་དངོས་པོར་གྱུར་པ་རྣམས་འདུས་བྱས་ཤིང་སྐད་ཅིག་མར་སྨྲ་བ་ཡིན་ནོ་ཞེས་བྱ་བ་ལ་ཉན་ཐོས་མདོ་སྡེ་པ་རྣམས་ཀྱི་གཞུངས་མདོར་བསྡུ་ན་བེམས་པོ་རྣམས་ཀྱི་ནི ་རང་གི་ངོ་བོ་ཉིད་ཀྱིས་སྣང་དུ་མི་རུང་བས་རྣམ་པར་ཤེས་པ་དོན་གྱི་ཁུ་ལོ་སྒྱུར་བའི་རྣམ་པ་ཅན་ཉིད་ཤེས་པ་དང་ཤེས་བྱའི་རབ་ཏུ་དབྱེ་བས་གནས་པ་ལ་སྔོན་པོ་དང་སེར་པོ་ལ་སོགས་པའི་དོན་དུ་སྣང་བའི་དབང་གིས་དོན་ཉིད་དུ་ཡོངས་སུ་བཏག ་པ་ཡིན་ནོ།། དེ་ལྟར་གཞུང་གཉིས་པོ་དེ་ལ་བརྟན་ནས་ལས་དང་ཉོན་མོངས་པའི་རྒྱུ་དང་ཕུང་པོ་དང་ཁམས་དང་སྐྱེ་མཆེད་ཀྱི་སྐྱེ་བའི་རང་བཞིན་ཁམས་དང་འགྲོ་བ་དང་སྐྱེ་གནས་ཀྱི་བྱེ་བྲག་རྣམ་པ་སྣ་ཚོགས་སུ་ཟག་པ་དང་བཅས་ཤིང ་འགྲོ་བའི་གང་ཟག་བདག་མེད་པའི་མཚན་ཉིད་མངོན་དུ་བྱེད་པ་ཡིན་ཏེ། དེ་ཡང་སོ་སོར་ཐར་པའི་སྡོམ་པས་བསྡམས་ཤིང་། རྡོ་རྗེ་རིགས་ཀྱི་ལེའུ་ལས་གསུངས་པའི་བདེན་པ་བཞིའི་ཏིང་ངེ་འཛིན་གོམས་པར་བྱས་པས་ཉོན་མོངས་པ ་རྣམས་སྤངས་ཏེ། ཉན་ཐོས་ཀྱི་བྱང་ཆུབ་བམ། རང་སངས་རྒྱས་ཀྱི་བྱང་ཆུབ་དག་གི་རོ་མྱང་བར་བྱེད་པ་ཡིན་ནོ།། དེ་ནས་རྣལ་འབྱོར་སྤྱོད་པའི་ཞེས་བྱ་བ། རྣལ་འབྱོར་སྤྱོད་པའི་གཞུང་གིས་ཁམས་གསུམ་པོ་རྣམས་རང་གི་སེམས་ཙམ ་དུ་འདོད་དེ། ཐོག་མ་མེད་པའི་དུས་ནས་སྐྱེ་བ་གཅིག་ནས་གཅིག་བསགས་པའི་བག་ཆགས་ཀྱི་དབང་གིས་སྔོན་པོ་ལ་སོགས་པ་བདག་དང་བདག་གི་བའི་རྣམ་པ་སོ་སོར་སྣང་བ་ཡིན་ནོ།། དེ་འོག་དབུ་མ་བཤད་པར ་བྱ། ཞེས་བྱ་བ་ལ་དབུ་མའི་གཞུང་གིས་རྣམ་པར་ཤེས་པ་དེ་ཉིད་རང་བཞིན་གྱིས་འོད་གསལ་ཞིང་དོན་ཐམས་ཅད་ལས་དབེན་པས་གཟུང་བ་དང་འཛིན་པ་ལས་གྲོལ་ཞིང་། རང་བཞིན་གྱིས་སོ་སོར་རང་གིས་རིག་པའི་ངོ་བོ་ཉིད་ཙམ ་མངོན་པར་ཞེན་པའི་གནས་ཐམས་ཅད་ཀྱིས་སྟོང་པ་ཡིན་ཏེ། དེས་ཀྱང་བདག་མེད་གཉིས་ཀྱིས་མཚན་ཉིད་ལ་གོམས་པར་བྱས་ནས་བསྐལ་པ་དཔག་ཏུ་མེད་པར་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་བསགས་ཏེ། རབ་ཏུ ་དགའ་བ་ལ་སོགས་པའི་ས་རྣམས་ལ་རིམས་ཀྱིས་ཞུགས་ནས་སྟོབས་དང་མི་འཇིགས་པ་ལ་སོགས་པའི་བདག་ཉིད་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་པར་འདོད་པ་ཡིན་ནོ།། སྔགས་ཀྱི་ཚུལ་ཞེས་བྱ་བ་ནི་གདུལ་བྱའི། ་བྱ་བ་དང་། སྤྱོད་པའི་རྒྱུད་ལ་སོགས་པའི་བྱེ་བྲག་རྣམས་ཏེ། དེ་དག་ཐོས་ཤིང་ཁོང་དུ་ཆུད་པར་བྱས་ནས། དེ་འོག་དགྱེས་པའི་རྡོ་རྗེ་བསླབ། ཞེས་བྱ་བ་ལ་སོགས་པ་ལ། མྱུར་ཞིང་ཚེགས་མེད་པའི་དེ་ཁོ་ན་ཉིད་ཐོབ་པའི་རྒྱུར་གྱུར་པ་དགྱེས ་པོའི་རྡོ་རྗེ་ཞེས་བྱ་བ་ཐོས་པ་དང་བསམས་པོ་ཙམ་གྱིས་ཀྱང་ཡོན་ཏན་ཐམས་ཅད་མྱུར་དུ་རྫོགས་པར་བྱེད་པ་སྟེ་ལེགས་པར་ཁོང་དུ་ཆུད་ནས་སྔགས་པ་ལྟུང་བ་མ་ཉམས་ཤིང་སྙིང་རྗེ་ཆེན་པོས་སེམས་ཅན་བསྒྲལ་བའི་བསམ་པ་དང་ལྡན ་པས་གོམས་པ་མངོན་སུམ་དུ་བྱས་ན་སྐྱེ་བ་འདི་འམ་སྐྱེ་བ་གཞན་དག་ལ་བླ་ན་མེད་པའི་བདེ་བ་ཆེན་པོའི་རང་བཞིན་གྱི་ཁྱད་པར་གཞན་ཡང་ཕྱག་རྒྱ་ཆེན་པོ་ཞེས་བྱ་བའི་བྱང་ཆུབ་ཐོབ་པར་འགྱུར་བ་འདི་ལ་ཐེ་ཚོམ་མེད་དེ་སོམ་ཉི་མི་བྱའོ་ཞེས ་བྱ་བའི་དོན་ཏོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས། ལེའུ་བརྒྱད་པའི་བཤད་པའོ།། །། དེ་ནས་ཞེས་བྱ་བ་ལ་སོགས་པ་ལ་ཁ་སྦྱོར་འབྱེད་པ་ཞེས་བྱ་བ་ནི་སོ་སོར ་བྱ་བའོ།། གང་ཞིག་ཤེས་ཙམ་གྱིས་བྱ་བ་ལ་སོགས་པ་ལ། གང་ཞིག་ཤེས་པ་ཙམ་གྱིས་སྒྲུབ་བོ་ཞེས་བྱ་བ་ནི། སྙིང་རྗེ་ཆེན་པོ་སྔོན་དུ་འགྲོ་བས་དངོས་གྲུབ་ཅེས་བྱ་བ་ཕྱག་རྒྱ་ཆེན་པོ་ཐོབ་པར་འགྱུར་བ་ཡིན་ནོ།། དེ་གསུངས་པ་བསྒྲུབ་བྱ་སྐྱེས ་བྱ་བ་ལ་སོགས་པ་ལ་སེམས་ཅན་ཐམས་ཅད་ལ་སྙིད་རྗེ་ཆེན་པོ་བསྐྱེད་ནས་ཧེ་རུ་ཀའི་རྣལ་འབྱོར་གྱིས་ཁྲོ་ཞིང་རྩུབ་པའི་སེམས་ཀྱིས་བྱ་བའོ།། ཐོབ་དང་ཞེས་བྱ་བ་ལ་གཞན་གྱི་དོན་ལ་སེམས་པས་ན་ཐོབ་པ་སྟེ། བཅོམ་ལྡན་འདས་རྡོ་རྗེ་ཆེན་པོའོ།། ་བསྟན་ལ་གནོད་པ་བྱེད་ཅེས་བྱ་བ་ལ་སོགས་པ་ལ་སྐྱེ་བོ་ཞེས་བྱ་བ་ནི་སེམས་ཅན་ཏེ་གང་གི་ཚེ་དེ་ལྟ་བུའི་ལས་རྩུབ་མོ་བྱེད་པ་ལ་སྦྱོར་བ་ལ་སོགས་པ་སྔོན་དུ་མགུ་བར་བྱས་ཏེ་གསོལ་བ་བཏབ་པས་བཟློག་པར་བྱས་ཀྱང་སྡུག་བསྔལ་གྱི་རྒྱུ་ལས ་བཟློག་པར་མ་ནུས་པ་དེའི་ཚེ། བཅོམ་ལྡན་འདས་རྣམས་ལ་གསོན་ཅིག་ཅེས་བྱ་བ་ལ་སོགས་པ་སྦྱར་བ་བྱས་ན་དེ་རྣམས་ཐུགས་རྗེས་གཏོང་བར་འགྱུར་ཏེ། དེའི་འོག་ཏུ་སྔགས་པས་སེམས་བརྟན་པ་དང་ལྡན་པས་མན་ངག་ཇི་ལྟ་བ་བཞིན ་དུ་དེའི་ལུས་དང་ངག་དང་ཡིད་ལ་གནས་པའི་ལྷའི་ཚོགས་སྤྱན་དྲངས་ནས། རང་གི་ལུས་དང་ངག་ཡིད་ལ་བཅུག་པའི་ལྷ་རྣམས་གཤེགས་སུ་གསོལ་ཏེ། དེའི་ལུས་ཁྱིམ་སྟོང་པ་ལྟར་བྱས་ནས་ཁ་ཐུར་དུ་བལྟས་ཤིང ་ཁྲག་སྐྱུག་པ་འདར་ཞིང་སྐྲ་གྲོལ་བར་བལྟས་ལ། དེའི་སྙིང་གར་མེའི་ས་བོན་འཇོག་པའི་དུས་ཀྱི་མེ་ལྟར་འབར་བ་བཟོད་དཀའ་བས་ཀླད་པའི་མཐར་ཐུག་པའི་ལུས་རྣམས་བསྲེག་པའི་རང་བཞིན་བསམས་ཏཽ། བཤད་པའི་ལམ་དུ་མེ་འབར ་བ་ཅན་གྱི་ཁབ་བཅུག་ནས། ཨོཾ་གྷུ་སྭཱ་ཧཱ་ཞེས་བྱ་བའི་སྔགས་བརྗོད་ནས་ལྟེ་བའི་རྩ་བ་དབྱུང་བར་བསྒོམས་ལ། ཤི་བའི་འོག་ཏུ་དེའི་རྣམ་པར་ཤེས་པ་སྔགས་ལ་སོགས་པའི་སྟོབས་ཀྱིས་མི་བསྐྱོད་པའི་ཞིང་ཁམས་སུ་སྐྱེ་བར་བསམས ་ན་འདིར་གདོན་མི་ཟ་བར་འགྲུབ་པར་འགྱུར་རོ།། གལ་ཏེ་སྙིང་རྗེའི་བདག་ཉིད་ཅན་གྱིས་ཀྱང་དེ་ལྟར་བྱས་པ་ཡིན་ན་མཆོད་སྦྱིན་བྱེད་པ་རྣམས་དང་ཇི་ལྟར་ན་མཉམ་པར་མི་འགྱུར་ཏེ། ཐ་དད་པ་མེད་པ་ཁོ་ནའོ་ཞེ་ན་མ་ཡིན་ཏེ། འདོད་ཆགས ་ལ་སོགས་པས་ཕ་རོལ་གནོད་པ་བྱེད་པའི་ལུས་དང་ངག་དང་སེམས་ཀྱི་ལས་ལ་ཞུགས་པ་རྣམས་ནི་ངེས་པར་མི་དགེ་བོ་ཉིད་དེ། དེས་ངན་སོང་གསུམ་དུ་སྐྱེ་བར་འགྱུར་བ་ཡིན་ལ། འདིར་སྙིང་རྗེ་ཆེན་པོས་ཞུགས་ཤིང་བདག་དང་བདག ་གིར་འཛིན་པ་ལས་གྲོལ་ཞིང་སྟོང་པ་ཉིད་དུ་གྱུར་པས། སྡུག་བསྔལ་གྱི་ཟུག་རྔུ་ཕྱུང་བ་ནི་བསྒྲུབ་བྱ་འཇིག་རྟེན་གཞན་དུ་བདེ་བའི་རྒྱུར་འགྱུར་བ་སྟེ། དེ་ལྟར་སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་ཞུགས་པའི་ལུས་དང་ངག་གི་ལས ་རྣམས་ཇི་ལྟར་ན་མི་དགེ་བའི་ལས་སུ་འགྱུར་ཏེ། དག་པ་ཁོ་ན་བས། སྙིང་རྗེ་ཅན་མཆོད་སྦྱིན་བྱེད་པ་རྣམས་བདག་ཉིད་མཐོ་རིས་འདོད་པས་ཕྱུགས་ལ་སོགས་པ་གསོད་པར་བྱེད་པའི་རྨོངས་པ་རྣམས་དང་ཇི་ལྟར་མཚུངས། དེ་ཡང་གསུང ་པ། སྣོད་དང་མི་ལྡན་སྐྱེ་བོ་རྣམས།། སྣོད་དུ་བྱ་བར་འདོད་པ་ཡིས།། སྙིང་རྗེའི་བསྟན་པ་བསྐྱོང་མཛད་པ།། སྡང་བས་མ་ཡིན་ཆགས་པས་མིན།། ཡང་གསུངས་པ། གལ་ཏེ་སྡུག་བསྔལ་གཅིག་གིས་ནི།། མང་པོའི་སྡུག་བསྔལ་བསལ ་འདོད་ན།། སྙིང་དྷཱ་ཅན་བདག་གཞན་གྱི་ཕྱིར།། སྡུག་བསྔལ་དེ་དག་བསལ་བར་བྱ་ཅེས་པའོ།། སྲིད་པ་ཞེས་བྱེ་བ་ལ་སོགས་པ་ལ་སྟེང་དང་འོག་གི་འགྲོ་བ་རྣམས་བསྐྱེད་པས་ན་སྲིད་པ་སྟེ་སེམས་སོ།། དེའི་རྣལ་འབྱོར་པ་ནི་བྱམས་པ་ལ་སོ ་ཚད་མེད་པ་བཞི་ཚད་མེད་དེ། བསམ་གཏན་དང་ཤེས་རབ་དག་གིས་སྦྱངས་པས་མི་དམིགས་པའི་བདག་ཉིད་དབང་དུ་གྱུར་པའོ།། ཉམས་དགའ་ཞེས་བྱ་བ་ནི་སྨོན་ལམ་གྱི་ཕ་རོལ་ཏུ་ཕྱིན་པས་སེམས་ཅན་ཐམས་ཅད་ཀྱི་ཡིད་འཕྲོག ་པའི་དོན་མཛད་པས་ན་ཉམས་དགའོ།། རྣམ་རྟོག་མེད་པའི་དངོས་གྲུབ་སྟེར་ཞེས་བྱ་བ་ནི་མ་ལུས་པའི་སེམས་ཅན་རྣམས་ཀྱི་མངོན་པར་མཐོ་བའི་དོན་རྫོགས་པར་མཛད་པ་སྔོན་དུ་འགྲོ་བས་རྣམ་པར་རྟོག་པ་ཐམས་ཅད་རིང་དུ་སྤོང ་བར་མཛད་པའི་བླ་ན་མེད་པའི་དེ་ཁོ་ན་ཉིད་ཀྱི་དངོས་གྲུབ་སྩོལ་བའོ།། ལྟོས་ཤིག་ལྷ་མོ་ཞེས་བྱ་བ་ལ་ལྟོས་ཤིག་ཅེས་བྱ་བ་ནི་ཤེས་པར་གྱིས་ཤིག་པའོ།། རིན་ཆེན་ཞེས་བྱ་བ་ནི་ཡིད་བཞིན་གྱི་ནོར་བུ་རིན་པོ་ཆེའོ།། འབར་བའི་ཕྲེང ་བའི་འཁྲིགས་པའི་སྐུ་ཞེས་བྱ་བ་ནི་སེམས་ཅན་ཐམས་ཅད་ཀྱི་ཡིད་འཕྲོག་པར་བྱེད་པའི་འོད་ཟེར་གྱིས་རྒྱན་པའི་སྐུའོ།། དེ་ལྟ་བུར་གྱུར་པ་ཡིན་ཡང་མི་ཤེས་པའི་དབང་དུ་གྱུར་པའི་སེམས་ཅན་གྱིས་མཐོང་བར་མི་འགྱུར ་མ་ཕུག་པ་ཡིས་ཞེས་བྱ་བ་ནི་མ་ཕུག་པོ་སྟེ། ཡིད་བཞིན་གྱི་ནོར་བུའི་ནུས་པ་ཁོང་དུ་ཆུད་པར་བྱེད་པ་ཡིན་ནོ།། མི་ནུས་ཞེས་བྱ་བ་ནི་སེམས་ཅན་རྣམས་ཀྱི་དབུལ་བ་ལ་སོགས་པའི་སྡུག་བསྔལ་བཟློག་པར་ནུས་པ་མེད་པའོ།། ཕུག ་པ་ཞེས་བྱ་བ་ནི་ནོར་བུ་ཕུག་པོ་སྟེ་མ་ལུས་པའི་དོན་རྫོགས་པར་བྱེད་ནུས་པས་རབ་ཏུ་ཕུག་པ་དང་ལྡན་ན་འདོད་པ་སྟེར་བྱེད་པ་ཞེས་བྱ་བ་ལ། འདོད་པ་ནི་སེམས་ཅན་ཐམས་ཅད་ཀྱི་ཡིད་ལ་རེ་བའི་དོན་ཏེ། དེ་སྟེར་བའོ།། དེ་ལྟར་ཞེས་བྱ་བ ་ལ་ཁ་ཅིག་ལས་ནི་དགྲ་ལས་རབ་སྟེར་བ་ཞེས་འབྱུང་སྟེ། དེར་དགྲ་ཞེས་བྱ་བ་ནི་དབུལ་བ་ལ་སོགས་པའི་སྡུག་བསྔལ་ལོ།། རྣམ་སྟེར་ཞེས་བྱ་བ་ནི་ཤིན་ཏུ་ཐ་དད་དུ་བྱེད་པའོ།། དེ་བཞིན་འཁོར་བ་རིན་པོ་ཆེ་ཞེས་བྱ་བ་ནི་སེམས་ཀྱི་རིན་པོ་ཆེ ་འདོད་པར་བྱ་བས་ན་འདོད་པ་སྟེ་ཐབས་དང་ཤེས་རབ་བདག་ཉིད་དོ།། ཡང་བསྟེན་པར་བྱ་བས་ན་འདོད་པ་སྟེ། གཟུགས་ལ་སོགས་པའོ།། གོམས་པར་བྱ་བ་ནི་ཡོན་ཏན་ཏེ་མེ་ལོང་ལ་སོགས་པ་ཡང་དག་པར་བྱས་པའི་ཡོན་ཏན་དང ་ལྡན་པའོ།། གལ་ཏེ་དེ་ལྟར་མ་སྦྱངས་ན་ཅི་འགྱུར་ཞེ་ན། གསུངས་པ་མ་དག་པ་ནི་ཞེས་བྱ་བ་ལ་སོགས་པ་ལ། མ་དག་པ་ཞེས་བྱ་བ་ནི་དཔལ་ཧེ་རུ་ཀཽ་ལ་སོགས་པའི་གཟུགས་ཀྱིས་མི་ཤེས་པའི་རབ་རིབ་སྦྱངས་པ་རྣམས་ནི། ་དུག་ཏུ་འགྱུར་ཞེས་བྱ་བ་ཡང་དང་ཡང་དུ་འཁོར་བར་འཆིང་བར་འགྱུར་རོ།། དག་པ་ཞེས་བྱ་བ་ནི་སྔགས་ཀྱི་དེ་ཁོ་ན་ཉིད་ཀྱིས་སྦྱངས་པ་སྟེ། བདུད་རྩི་འདྲ་བར་འགྱུར་ཞེས་བྱ་བ་ནི་འཁོར་བ་དེ་ཉིད་དུ་སེམས་ཅན་ཐམས་ཅད་འཇིགས་པ ་མེད་པའི་འབྲས་བུ་རྫོགས་པར་མཛད་པའོ།། གཟུགས་གང་གིས་ནི་ཞེས་བྱ་བ་ལ་སོགས་པ་ལ། སྙིང་རྗེའི་སྤྱན་ཞེས་བྱ་བ་ལ་སྦྱིན་གྱི་རྣམ་པར་དག་པ་ནི་རྡོ་རྗེ་གསུམ་ཞེས་སྔར་བསྟན་པ་སྟེ། དེར་ནི་སྤྱན་གྱི་གྲངས་ཙམ་གྱིས་རྣམ་པར་དག་པ ་གསུངས་ལ་འདིར་ནི་མདོག་གི་རྣམ་པར་དག་པ་བསྟན་པ་སྟེ། མ་ལུས་པའི་སེམས་ཅན་གྱི་ཁམས་རྣམས་ཐུགས་རྗེའི་ཚོན་རྩིས་འཚང་བའི་ཕྱིར། སྙིང་རྗེའི་སྤྱན་ནི་དམར་པོ་ཞེས་པའོ།། མ་ལུས་པའི་སེམས་ཅན་ཐམས་ཅད་ལ་བྱམས་པའི ་སེམས་ཀྱིས་དམིགས་པར་མཛད་པས་ན་ཡན་ལག་གནག་པ་བྱམས་པའི་ཐུགས་སོ།། བསྡུ་བའི་དངོས་པོ་ཞེས་བྱ་བ་ལ་སོགས་པ་ལ། སེམས་ཅན་ཐམས་ཅད་ཐེག་པ་གསུམ་ལ་འཇུག་པར་མཛད་པས་ན་བསྡུ་བའི་དངོས་པོ་སྟེ། ་སྦྱིན་པ་དང་སྙན་པར་སྨྲ་བ་དང་། དོན་མཐུན་པ་དང་དོན་གཅིག་ཏུ་སྤྱོད་པ་རྣམས་སོ།། ཞབས་བཞི་ཞེས་བྱ་བ་ནི་འདིར་གྲངས་ཀྱི་རྣམ་པར་དག་པ་གསུངས་པ་སྟེ། ཞབས་ཙམ་གྱིས་རྣམ་པར་དག་པ་སྟེ། ཞབས་ནི་བདུད་རྣམ་པར་དག་པ་ཞེས ་བྱ་བ་བཤད་ཟིན་ཏེ་ཞར་ལ་འོངས་པའོ།། ཞལ་བརྒྱད་རྣམ་པར་ཐར་པ་ཡིན་ཞེས་བྱ་བ་ནི། ཞལ་བརྒྱད་རྣམ་པར་ཐར་པ་བརྒྱད་དུ་ཤེས་པར་བྱ་སྟེ། གདུལ་དཀའ་བ་རྣམས་ཞི་བའི་ཉམས་ཀྱིས་འདུལ་བར་མི་འགྱུར་བས་སྒེག ་པ་ལ་སོགས་པའི་ཉམས་ཀྱིས་འདུལ་བར་བྱའོ་ཞེས་བསྟན་པར་བྱ་བའི་ཕྱིར་གསུངས་པ། ཁྲོ་བོ་གདུག་པ་འདུལ་བ་སྟེ་ཞེས་བྱ་བ་ལ། ལས་དང་འབྲས་བུ་དང་། བདེན་པ་དང་དཀོན་མཆོག་རྣམས་འཇིག ་པར་བྱེད་པ་ལ་ཁྲོ་བ་ཞེ་སྡང་བར་མཛད་པའོ།། དེ་ཡང་གསུངས་པ། སྡང་ཞིང་གདུག་པོའི་སེམས་ཅན་ལ།། ཞི་བ་ཡང་ནི་སྦྱར་མི་བྱ་ཞེས་པའོ།། ཤ་ནི་ཞེས་བྱ་བ་ལ་སོགས་པ་ལ། ཤ་ནི་པུཀླཱ་སཱི་རུ་བཤད། ཅེས་བྱ ་བ་ལ་སོགས་པ་སྔར་གསུངས་པ་ནི་འབྱུང་བ་རྣམ་པར་དག་པར་ཤེས་པར་བྱའོ།། ཤ་ནི་པུཀྐ་སཱི་ར་བྱ་ཅེས་བྱ་བ་ལ་སོགས་པ་འདིས་དེ་དག་ཉིད་འབྱུང་བ་ལས་གྱུར་པ་རྣམ་པར་དག་པ་ཡང་སྟོན་པ་ཡིན་ནོ།། སྐལ་བ་ངན་པའི ་སྤྱོད་ཡུལ་ལས་འདས་པའི་བརྡས་བཤད་པ་མ་གཏོགས་པར་སྔགས་རྣམས་ཐེ་ཚོམ་མེད་པར་ཤེས་པར་མི་ནུས་པས་སྔགས་བཏུ་བ་གསུངས་པ་རྡོ་རྗེ་འཛིན་ཞེས་བྱ་བ་ལ་སོགས་པ་ལ་མི་ཕྱེད་པས་ན་རྡོ་རྗེ་སྟེ། དེ་དང་ལྡན་པས་ན ་ཡེ་ཤེས་ལྔའི་བདུག་ཉིད་ཅན་ནི་རྡོ་རྗེ་འཛིན་ནོ།། རྣམ་པར་མི་རྟོག་པས་སྙིང་པོའོ།། སྐུ་ནི་དེའི་བདག་ཉིད་ཙམ་གྱི་ལུས་སོ།། ཆེ་བར་གྱུར་པས་ན་ཆེན་པོ་སྟེ་སེམས་ཅན་རྣམས་ཀྱི་མ་ལུས་པའི་དོན་མཛད་པའི་ཕྱིར་རོ།། རྣམ་པར་སྣང་མཛད་ཅེས ་བྱ་བ་ནི་ཨོཾ་མོ།། དྲོ་བ་ཡི་ནི་བཞི་པ་ལ་ཞེས་བྱ་བ་ནི་ཧའོ།། པུཀྐ་སཱི་ཡིས་མཛེས་པར་བྱ་བ་ནི་ཨུས་སོ།། སྟོང་པས་མནན་པ་ཞེས་བྱ་བ་ནི་ཐིག་ལེའོ།། ཁ་དོག་དཀར་ཞེས་བྱ་བ་ནི་མདོག་དཀར་པོར་བྱ་བ་ཡིན་ནོ།། སྭཱཧཱ་ནི་མིཐའོ།། ཡཾ ་གོའི་བདག་པོ་ཞེས་བྱ་བ་ནི་ཨོཾ་མཽ།། མཁའ་སྤྱོད་མ་ཞེས་བྱ་བ་ནི་ཨཾ་ངོ་།། སྭཱ་ཧཱ་ནི་མཐའོ།། རིག་བྱེད་རྣམས་ཀྱི་དང་པོ་ཨོ་མོ།། དང་པོ་ཡི་ནི་གཉིས་པ་ལ། ཞེས་བྱ་བ་ནི་ཁའོ།། སྟོང་པ་ཞེས་བྱ་བ་ནི་ཐིག་ལེའོ།། སྭཱ་ཧཱ་ནི་མཐའོ།། ་རྣམ་པར་སྣང་མཛད་ནི་ཨོཾ་མོ།། གཉིས་པ་ཡི་ནི་གསུམ་པ་ལྀ་ཞེས་བྱ་བ་ནི་ཛ་སྟེ་ར་དང་ལྡན་པའོ།། ཆུ་མས་བརྒྱན་ཞེས་བྱ་བ་ནི་ཨིའོ།། སྟོང་པ་ནི་ཐིག་ལེའོ།། ཡི་གེ་དབང་ཕྱུག་ཅེས་བྱ་བ་ནི་ཨོཾ་མོ།། ལྔ་པཱ་ཡི་ནི་གསུམ་པ་ཞེས་བྱ་བ ་ནི་བའོ།། རྡོ་རྗེ་མཁའ་འགྲོ་མ་ཞེས་བྱ་བ་ནི་ཨུའོ།། སྟང་པ་ནི་ཐིག་ལྀ་སྟེ། མཐར་ནི་སྭཱ་ཧཱའོ།། ཡི་གེ་ཐུ་བོ་ཞེས་བྱ་བ་ནི་ཨོཾ་ཡིག་དང་ཧཱུཾ་དང་། སྭཱ་ཧཱ་ནི་མཐའོ།། གཏི་མུག་རིགས་ཞེས་བྱ་བ་ནི་ཨོཾ་སྟེ་གྷུ་དང་སྭཱ་ཧཱ་ནི་མཐའོ།། དང་པོ་རྣམ་པར ་སྣང་མཛད་ཅེས་བྱ་བ་ནི་ཨོཾ་མོ། དང་པོ་ཡི་ནི་དང་པོ་ཞེས་བྱ་བ་ནི་ཀའོ།། རྡོ་རྗེ་མཁའ་འགྲོ་མ་ཞེས་བྱ་བ་ནི་ཨུའོ།། མཐར་གནས་པ་ཡི་གཉིས་པ་ལ་ཞེས་བྱ་བ་ནི་རའོ།། རྡོ་རྗེ་མཁའ་འགྲོ་མ་ཞེས་བྱ་བ་ནི་ཨུའོ།། དང་པོའི་སྔོན་མ་ལ་ཞེས་བྱ་བ ་ནཱི་ཀའོ།། རྡོ་རྗེ་མཁའ་འགྲོ་མ་ཞེས་བྱ་བ་ནི་ཨུའོ།། མཐར་གནས་པའི་གསུམ་པ་ལ་ཞེས་བྱ་བ་ནི་ལའོ།། ཡང་ནི་དེ་ཉིད་ཡང་དག་ལྡན་ཞེས་བྱ་བ་ཡང་ལའོ།། སྟེང་དུ་རྐུན་མོ་ཞེས་བྱ་བ་ནི་ཨེའོ།། ཡི་གེ་ཧྲི་ནི་དེ་རྗེས་སྦྱར་ཞེས་བྱ་བ་ཧཱིའོ།། སྭཱ་ཧཱ། ་ནི་མཐའོ།། ཨོཾ་ནི་དང་པོ་བཞི་པའི་གསུམ་པ་ཞེས་བྱ་བ་ནི་དའོ།། རྐུན་མོ་ཞེས་བྱ་བ་ནི་ཨོཾའོ།། མཐར་གནས་པའི་བཞི་པ་ནི་ཝའཾ།། པི་ཙུ་བཛྲ་སྦྱར་བར་བྱ། དྲོད་ཀྱི་བཞི་པ་ནི་ཧའོ།། སྤོས་མོ་ཞེས་བྱ་བ་ནི་ཨུའོ།། སྟོང་པས་མནན་ཞེས་བྱ་བ ་ནི་ཐིག་ལེའོ།། སུམ་འགྱུར་རོ་ཞེས་བྱ་བ་ནི་ཧཱུཾ་ལན་གསུམ་དུ་བརྗོད་པར་བྱའོ།། ལྔ་པ་ཡི་ནི་གཉིས་པ་དང་ཞེས་བྱ་བ་ནི་པའོ།། གསུམ་པ་ཡི་ནི་དང་པོ་ཞེས་བྱ་བ་ནི་ཊའོ།། སྭཱ་ཧཱ་ནི་མཐའོ།། རྣམ་པར་སྣང་མཛད་ནི་ཨོཾ་མོ། ཛྭཱ་ལ ་ཛཱ་ལ་སྦྱར་བྱས་ནས། ལྔ་པ་ཡི་ནི་བཞི་པ་ལ་ཞེས་བྱ་བ་ནི་བྷའོ།། མཐར་གནས་པའི་དང་པོ་ཞེས་བྱ་བ་ནི་ཡའོ།། ལྟོ་ཆེན་མ་ཞེས་བྱ་བ་ནི་ཨོའོ།། དྲོ་བ་ཡི་ནི་བཞི་པ་ལ་ཧའོ།། རྡོ་རྗེ་མཁའ་འགྲོ་མ་ཞེས་བྱ་བ་ནི་ཨུའོ།། སྟོང་པས་མནན་ཞེས་བྱ་བ ་ནི་ཐོག་ལེའོ།། སུམ་འགྱུར་ཞེས་བྱ་བ་ནི་ཧཱུཾ་ལན་གསུམ་དུ་བཀླག་པའོ།། ལྔ་པའི་གཉིས་པ་ལ་ཞེས་བྱ་བ་ནི་ཕའོ།། གསུམ་པ་ཡི་ནི་དང་པོ་ཞེས་བྱ་བ་ནི་ཊའོ།། སྭཱ་ཧཱ་ནི་མཐའོ།། རྣམ་པར་སྣང་མཛད་ཅེས་བྱ་བ་ནི་ཨོཾ་མོ།། དང་པོ་ཡི་ནི་དང་པོ་ལ ་ཞེས་བྱ་བ་ནི་ཀའོ།། ནང་གི་དཀར་མོ་ཞེས་བྱ་བ་ནི་ཨིའོ།། གསུམ་པ་ཡི་ནི་དང་པོ་ལ་ཞེས་བྱ་བ་ནི་ཊའོ།། ནང་གི་སེར་མོ་ཞེས་བྱ་བ་ནི་ཨིའོ།། གཉིས་འགྱུར་ཞེས་བྱ་བ་ནི་ལན་གཉིས་སུ་སྨྲ་བའོ།། ལྔ་པ་ཡི་ནཱི་གསུམ་པ་ལ་ཞེས་བྱ་བ་ནི་བའོ།། ་གཉིས་པ་ཡི་ནི་གསུམ་པ་ཞེས་བྱ་བ་ནི་ཛའོ།། བྱིན་ཟ་ཞེས་བྱ་བ་ནི་རའོ།། ཧཱུཾ་གསུམ་ཞེས་བྱ་བ་ནི་ཧཱུཾ་གསུམ་བརྗོད་པའོ།། ལྔ་པའི་གཉིས་པ་ཞེས་བྱ་བ་ནི་ཕའོ།། གསུམ་པའི་དང་པོའི་ཌའོ།། སྭཱ་ཧཱ་ནི་མཐའོ།། རྣམ་པར་སྣང་མཛད་ཅེས་བྱ་བ ་ནི་ཨོཾ་མོ། བཞི་པའི་དང་པོ་ཞེས་བྱ་བ་ནི་ཏའོ།། བྱིན་ཟ་ཞེས་བྱ་བ་ནི་རའོ།། རོ་ལངས་མ་ཞེས་བྱ་བ་ནི་ཨེའོ།། མཐར་གནས་པའི་གསུམ་པ་ལ་ཞེས་བྱ་བ་ནི་ལའོ།། ལྟོ་འཕྱེ་མ་ཞེས་བྱ་བ་ནི་ཨོའོ།། དང་པོ་ཡི་ནི་དང་པོ་ལ། ཞེས་བྱ་བ་ནི་ཀའོ། ་མཐར་གནས་པའི་དང་པོ་ཞེས་བྱ་བ་ནི་ཡའོ།། རྡོ་རྗེ་མ་ཞེས་བྱ་བ་ནི་ཨའོ།། ཀྵ་ལ་རྐུན་མོ་ཞེས་བྱ་བ་ནི་ཨེའོ།། ལྔ་པའི་དང་པོ་ཞེས་བྱ་བ་ནི་པའོ།། དྲོ་བ་བཞི་པ་ཞེས་བྱ་བ་ནི་ཧའོ།། རྡོ་རྗེ་མཁའ་འགྲོ་མ་ཞེས་བྱ་བ་ནི་ཨུའོ།། སྟོང་པས ་མནྡན་ཞེས་བྱ་བ་ནི་ཐིག་ལེའོ།། སུམ་འགྱུར་ཞེས་བྱ་བ་ནི་ཧཱུཾ་གསུམ་སྟེ་ཕཊ་དང་སྭཱཧཱ་ནི་མཐའོ།། བདག་མེད་མ་ཞེས་བྱ་བ་ནི་ཨའོ།། དང་པོ་ཡི་ནི་དང་པོ་ཞེས་བྱ་བ་ནི་ཀའོ།། གཉིས་པ་ཡི་ནི་དང་པོ་ཞེས་བྱ་བ་ནི་ཙའོ།། གསུམ་པའི་དང་པོ་ནིཊའོ། ་བཞི་པའི་དང་པི་ནི་ཏའོ།། ལྔ་པའི་དང་པོ་ནི་པའོ།། མཐར་གནས་པའི་དང་པོ་ནི་ཡའོ།། དྲོད་ཀྱི་དང་པོ་ནི་ཤའོ།། དང་པོར་རྣམ་པར་སྣང་མཛད་ཅེས་བྱ་བ་ནི་ཨོཾ་མཽ།། སྭཱ་ཧཱ་ནི་མཐའོ།། མཐར་གནས་པའི་གཉིས་པ་ཞེས་བྱ་བ་ནི་རའོ།། ཡི་གེ་ཀཱ ་ཞེས་བྱ་བ་ནི་ཀྵའོ།། གཉིས་འགྱུར་ཞེས་བྱ་བ་ནི་རཀྵ་རཀྵའོ།། ཧཱུཾ་གསུམ་ཞེས་བྱ་བ་ནི་ཧཱུཾ་ཧཱུཾ་ཧཱུཾ་ངོ་།། དང་པོར་རྣམ་པར་སྣང་མཛད་ཅེས་བྱ་བ་ནི་ཨོཾ་མོ།། ཡི་གེ་ཕཊ་སྤེལ་པའི་སྭཱ་ཧཱ་ནི་མཐའོ།། དང་པོར་རྣམ་པར་སྣང་མཛད་ཅེས་བྱ་བ་ནི་ཨོཾ་མོ།། རྡོ་རྗེ ་མཐའོ་ཞེས་བྱ་བ་ནི་ཨ་སྟེ་གཤེགས་སུ་གསོལ་བ་དང་ལྡན་པའོ།། དང་པོར་རྣམ་པར་སྣང་མཛད་ཅེས་བྱ་བ་ནི་ཨོཾ་མོ།། དེ་རྗེས་ཨོཾ་ཀ་རོ་མུ་ཁཾ་དང་དྲོ་བ་ཡི་ནི་གསུམ་པ་ཞེས་བྱ་བ་སའོ།། མཐར་གནས་པའི་བཞི་པ་ཞེས་བྱ་བ་ནི་ཝའོ།། སྟང ་དུ་བྱིན་ཟ་ཞེས་བྱ་བ་ནི་རའོ།། དྷརྨཱ་ཎཾ་རྗེས་རྡོ་རྗེ་སྦྱིན། ཨཱ་དྷ་ནུཏྤནྣ་ཏྲང་། ཨོཾ་ཨཱཿཧཱུཾ་ཕཊ་སྭཱ་ཧཱ། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང་གནས་ཞེས་བྱ་བ་ལས་ལེའུ་དགུ་པའི་བཤད་པའོ།། ་དེ་ནས་ཆོས་ཀུན་གཅིག་སྡོམ་པའོ་ཞེས་བྱ་བ་ལ། ཆོས་ཀུན་ཞེས་བྱ་བ་ནི་སྟོབས་བཅུ་ལ་སོགས་པ་རྣམས་ཏེ། དེ་རྣམས་གཅིག་ཏུ་སྡོམ་པ་ནི་ཅིག་གི་བདག་ཉིད་ཅེས་པའི་དོན་ཏོ།། རྡོ་རྗེ་སེམས་དཔའ་ཞེས་བྱས་གསུངས ་ཞེས་བྱ་བ་ལ་རྡོ་རྗེ་ནི་བླ་ན་མེད་པའི་སེམས་ཏེ་གདུལ་བྱའི་སྐྱེ་བོ་རྣམས་བསྟེན་པར་བྱ་བས་ན་དེའི་སེམས་དཔའོ།། བདག་མེད་ཅེས་བྱ་བ་ལ་སྤྲོས་པ་མེད་པའི་ཤེས་རབ་ཀྱི་རང་བཞིན་གྱིས་སྤྲུལ་པས་ན་བདག་མེད་པའོ།། འོ་མཛད་ཅེས་བྱ་བ་ནི་རང་གི ་ལ་རྣམས་ལ་མངོན་པར་ཕྱོགས་པར་མཛད་པའོ།། རེངས་པར་བྱེད་པ་ཤེལ་གྱི་ཞེས་བྱ་བ་ལ་སོགས་པ་ལ། རེངས་པའི་བཟླས་བརྗོད་ནི་ཤེལ་གྱིས་ཕྲེང་བས་བྱའོ་ཞེས་བྱ་བ་ལ་སོགས་པ་རྒྱས་པར་བྱའོ།། རེངས་པ་ཞེས་བྱ་བ་ནི་རེངས ་པའི་ལས་ཀྱི་བཟླས་པ་ལ་བྱའོ།། ཡང་ན་མཐའི་ཤྭ་ཞེས་བྱ་བ་ནི་རེངས་པ་ལ་སོགས་པའི་ལས་ལ་ཇི་ལྟར་རྙེད་པའི་དམ་ཚིག་ལ་བཟླ་བར་བྱའོ་ཞེས་བྱ་བའི་དོན་ཏོ།། སློབ་དཔོན་ནག་པོས་མཛད་པའི་དགྱེས་པའི་རྡོ་རྗེའི་དཀའ་འགྲེལ་དྲན་པའི་འབྱུང ་གནས་ཞེས་བྱ་བ་ལས་ལེའུ་བཅུ་པའི་བཤད་པའོ།། །། གང་གིས་མིང་མེད་རྩ་བ་ན་ཞེས་བྱ་བ་ལ། གང་གི་མིང་མེད་དེ་སྲིན་ལག་གི་རྩ་བ་ན་རྡོ་རྗེ་ལ་སོགས་པའི་མཚན་མ་སྣང་བ་དེ་མི་བསྐྱོད་པ་ལ་སོགས་པའི་རིགས་ཀྱི་རང་བཞིན ་ནོ།། མཚན་རྟགས་ཀྱིས་དེ་དང་དེའི་རིགས་སུ་བསྟན་ནས། ད་ནི་མདོག་གི་དབྱེ་བ་གསུངས་པ། རྣལ་འབྱོར་པ་གང་མདོག་གནག་སྟེ་ཅེས་བྱ་བ་ལ་སོགས་པ་གསུངས་ཏེ། སྐྱེས་བུ་གང་གི་ཡན་ལག་མདོག་གནག་པོ་དེའི་ལྷ་ནི་མི་བསྐྱོད ་པ་ཡིན་པར་ཤེས་པར་བྱའོ།། གང་ཞིག་ཞེས་ཟེར་བ་ནི་རྣམ་པར་སྣང་མཛད་ཀྱི་བདག་ཉིད་དོ།། གང་ཆེར་སྔོ་བསངས་སུ་གནས་པ་དེ་ནི་དོན་ཡོད་གྲུབ་པའི་བདག་ཉིད་དོ།། གང་ཞིག་ཆེར་སེར་སྐྱར་གནས་པ་དེ་ནི་རིན་ཆེན་དབང་པོའོ།། གང་དམར ་དུ་གནས་པ་དེ་ནི་ངེས་པར་འོད་དཔག་ཏུ་མེད་པའོ།། གང་དམར་སེར་དུ་གནས་པ་དེ་ནི་རྡོ་རྗེ་སེམས་དཔའི་བདག་ཉིད་དོ།། ཡང་བཅོམ་ལྡན་འདས་དཔལ་ཧེ་རུ་ཀ་ཉིད་མི་བསྐྱོད་པ་ལ་སོགས་པར་བསྟན་པར་ཤེས་པར་བྱའོ།། དེ་ཡང་འདི་ལྟ ་སྟེ། རང་གི་ཏིང་ངེ་འཛིན་ལས་མི་ཉམས་ཤིང་མི་གཡོ་བས་ན་མི་བསྐྱོད་པ་སྟེ། དཔལ་ཧེ་རུ་ཀའོ།། གདུལ་བྱ་རྣམས་ལ་བསྐལ་བ་ཇི་ལྟ་བ་བཞིན་དུ་ཁྱད་པར་དུ་སྣང་བར་མཛད་པས་ན་རྣམ་པར་སྣང་མཛད་དོ།། ཕྱིན་ཅི་མ་ལོག་པར་གསུངས ་བྱས་ན་སངས་རྒྱས་སོ།། ཁྱད་པར་གནས་པ་ཙམ་གྱི་རིགས་སོ།། དོན་ཡོད་གྲུབ་པ་ཞེས་བྱ་བ་ལ་དོན་ཡོད་གྲུབ་པ་ཞེས་བྱ་བ་ནི་འབྲས་བུ་དང་བཅས་པ་སྟེ། གང་གི་ཕྱིར་དོན་ཡོད་གྲུབ་པའི་འབྲས་བུ་དེ་གདུལ་བྱ་རྣམས་ལ་སྩོལ་བས་ན ་དོན་ཡོད་གྲུབ་པའོ།། རིན་ཚོན་དབང་ཞེས་བྱ་བ་ལ་གང་གི་ཕྱིར་སེམས་ཅན་ཐམས་ཅད་ལོ་དགྱེས་ཤིང་བྱམས་པས་ན་རིན་ཆེན་དབང་ངོ་།། འོད་དཔག་མེད་ཅེས་བྱ་བ་ལ་འོད་ནི་གསལ་བ་སྟེ། མངོན་པར་མཐོ་བ་དང་ངེས་པར་ལེགས་པའི ་བདག་ཉིད་དོ།། དེ་མཐའ་ཡས་ཤིང་ཚད་མེད་པས་ན་དཔག་མེད་དོ།། སེམས་དཔའ་ཞེས་བྱ་བ་ལ། སེམས་ཅན་གྱི་དོན་ཤིན་ཏུ་ནུས་པ་དང་ལྡན་པས་ན་སེམས་དཔའ་སྟེ། རྡོ་རྗེ་སེམས་དཔའོ།། དེ་ལྟར་བཅོམ་ལྡན་འདས་ཧེ་རུ་ཀ ་དེ་ཉིད་དེ་དང་དེའི་རིགས་སུ་དབྱེ་བ་གནས་པ་ཤེས་པར་བྱ་སྟེ། རིགས་ཐམས་ཅད་ཀྱི་བདག་པོ་ཡིན་པའི་ཕྱིར་རོ།། ཡང་དེ་རྣམས་བཞིན་བདག་ལྟ་ཞེས་བྱ་བ་ལ་སོགས་པ་ལ། ཡང་སེམས་ཅན་ཐམས་ཅད་སངས ་