བོད་ཡིག

e-texts produced with BDRC’s OCR application

rgya gar skad du/ kro ta ra tsa tre log kya sa d+ha na na ma/ bod skad du/ khro bo'i rgyal po khams gsum rnam par rgyal ba'i sgrub thabs zhes bya ba/ dpal rdo rje 'chang la phyag 'tshal lo// dus gsum bde gshegs ma lus pa'i// nus pa mchog mnga' khro bo che// khams gsum las rgyal lha khyod la// phyag byas bsgrub pa'i rim pa bri// bsgrub la brtson pa'i sngags pa yis// dben zhing bar chad spangs pa'i gnas// bde ba'i stan la mnyam bzhag ste// bla ma dkon mchog gsum mchod nas// sdig pa bshags pa la sogs bya// tshad med stong pa'i rang bzhin bsam// de rjes pad+ma nyi ma la// hUM gi yi ge shel ltar gnas// 'phros 'dus slar gyur rdo rje ste// de las khro ba chen po ni// dkar po zhal gcig phyag bzhi pa// g.yas pa rdo rje rtse gsum 'dzin// g.yon pa dril bu chen po ste// rin chen rgyan gyis lus la brgyan// thod pa'i 'phrang ba stag lpags can// stod du glang gi lpags pa mdzes// spyan gsum mche bas 'byung po gsol// yi ge gsum gyis byin brlabs la// ye shes sems dpa' bsgom par bya// dbang bskur rnam par snang mdzad che// hUM gis gdug pa ma lus 'joms de nas gsang sngags bzlas pa ni// oM badz+ra kro ta tre log kya bi dza ya hUM phaT/ rtags dang sbyar la bsnyen pa bya// gal te bsgrub pa byed 'dod na// mo d+hal gru gsum mthing ka la// 'khor lo bris la yi ge dgod// de steng rgya shog yi ge can// rtswang la brgyangs la bsad pa bya// de yi drag po'i sngags gsungs pa// oM badz+ra kro ta tre log kya bi dza ya/ che ge mo ma ra na song song / ma ra na bying bying / ma ra na mugs mugs/ ma ra na ha la ha la/ ma ra na myos myos/ ma ra na myos phying / thum ril/ che ge mo ma ra ya tsi ta rbad rbad/ steng nas thun brab 'og nas kyang // gu gul la sogs rdzas kyis bdug/ bar du bsgrub bya bsod par bsam// gdon dang bral bar ma gyur par// las de btang bar mi bya'o// thun par sha chang sgog pa dang // la phug khur ba'i gtor ma yang // a kha ro yi byin brlabs nas// sngags 'dis gdon gyi sha khrag du// bsams la lan lnga brjod par bya// A~M badz+ra kro ta tre log kya bi dzi ya/ i dam b+ha l-ing ta kha hi kha hi sa ma yA b+hA shrI swA hA/ de ltar byas pas rtags byung na// 'khor lo bsregs te thal ba dang // gzugs su byas pa mchod rten gnan// yang na rlung la bskur pa lam// cha tsha byes la lam du gnan// de ltar lan cig byas pa yis// tshangs pa brgya byin sred med bu// stobs chen rnams kyang thul bar 'gyur// rtag tu gsang sngags bzlas pas kyang // gdon rnams 'bros par the tshom med// lha la sogs pa'i gdon chen rnams// gang gnod sngags la bsngags par bya// bum po gtsang me chus bkang ste// kha brgyan gzungs thag dkar po yis// pad+ma 'dape bzhi'i steng bzhag la// rig pa'i khro bo bsam byas la// sngags bzlas chu des lus dkru dang // khong du btung ba byas gyur na// 'bras dang shu ba me rbal 'joms// nad rnams thams cad zhi bar byed// yang na bum par gnod sbyin ni// sngon po g.yas pa rdo rje 'chang // g.yon pa sdigs mdzub mo 'bar ba// lto ba ma ban 'am bcu bsam te// A~M ma ha ni laM b+ha ra d+ha ra badz+ra pa ni ma ha yag sha ts+tsha/ mu ru ta mu ru tA/ bi ru ta bi rA ta/ s+pho ta yA s+pho ti yA/ sar+b+ba bi na skr-i hA/ gzungs thag sngon po dkris te/ zhag bcu bzlas pa'i chu yis ni/ mdze la legs pa'i nang chen rnams/ de yi mod la 'byang bar 'gyur// gnod sbyin rnams la nyi sha dang // chang gi gtor ma ci rigs sbyin// rtag tu sngon po'i gos 'chang zhing // rams dang ra'i tshil lu dang // ut+pal g+hi hang chang bsres nas// rnal 'byor pa yi snying kha ru// rnga rje'i lte bar chung ba'i sngags// A~M nI laM b+hai ra d+ha ra badz+nyA pa ni yag k+Sha sa ma ya ma nu shwa ra a a dz+nye hU~M/ 'di bros ny+Nin rI ma chag na// gnod sbyin rnams kyis bsgrub pa po// skad cig tsam yang mi g.yel bA ra// lus dang grib ma bzhin du 'grog de stsogs bsam gyis mi khyab pa'i// gnod sbyin gyis ni byed par 'gyur// rtag tu bla ma mchod bya zhing // rdo rje 'dzin pa mnyes par bya// lha gzhan brnyas par ma byas na// 'dod pa'i 'bras bu 'byin par 'gyur// khro bo khams gsum rnam par rgyal ba'i sgrub thabs/ slob dpon los kyi rdo rjes mdzad pa rdzogs s+ho// bla ma wa la tsan tra dang / lo tsa ba slan chung dar ma tshul khrims kyis b+hi Da na'i dgon par bsgyur ba'o//