བོད་ཡིག

e-texts produced with BDRC’s OCR application

rgya gar ko sa la'i rnal 'byor pa/ brtul zhugs spyod pa bai ro tsa nas rang 'gyur byas pa'o// / 'khor mo'i gsal byed Di b+hi te ru gas mdzad pa// rgya gar skad du/ shri ga Na pa ti tsakra sur+ya/ bod skad du/ dpal tshogs kyi bdag po'i 'khor lo'i gsal byed/ rdo rje 'dzin pa la phyag 'tshal lo// bla ma'i zhabs kyi chu skyes la// btud de de yi man ngag ni// bri gzhi rab gnas bsgrub pa dang // bgegs dbang 'khor lo'i gsal byed bri// sngags pa bskal bzang yo byad tshang // rgyu skar rgyal la las rnams brtsam// thog mar bri ba'i cho ga ni// sa dang na mkha' bar dag gi/ 'khor lo gsum gyi dbye ba yis// bsgrub pa'i srog gi 'khor lo 'bar// khor yug rim pa dgu yi dbus// zhi rgyas zla ba nor bu dang // dbang drug nyid phyed gru gsum nyid// thog ma'i sde tshan tha ma'i mthar// oM yig gis ni rab brgyan pa'i// yi ge drug pa nor bu'i gzugs// oM a gaHhUM swA hA/ rim+bus ldan thog ma mtshe skyes brgyad// dang po'i gsum po re re'i mthar// gang 'dod sbrel bas bskor ba'o// mig me rig byed mnga' rim bzhin// oM gaHgaHsid d+hi sid d+ha/ sarba ar+tha sa d+ha ma~M pra sa d+ha ye swA hA/ oM ba ra ta kaM ye swA hA/ oM ba ko tre d+haSh+To ban+d+ha hUM phaT/ oM ga na po taM ye swA hA/ nye snying / snying po ming gi snying po/ ro ri klu rnams go rim bzhin// dbyangs dang gsal byed spel tshig bcas// a A la sogs ba dbyangs yig/ kA kha ga nga sogs gsal byed// e d+harmA sogs rten 'brel snying // bu gar las bzhi rim pa ni// zla ba yid bzhin zhir la mtshon// bgegs bdag rol pa'i lto bor bri// 'phrin las bzhi yi rim pa'o// nam mkha'i bzlog pa'i rim pa yi// rgya mtsho yang ni de bzhin no// de nyid bar nang tsakra'o// na mkha' rgya mtsho'i tsakra yang / khor yug rim pa lnga dang ldan// lte bar ga la spel tshig bskor// dang po 'dab brgyad mtsho skyes te// brgya byin gshin rje gnod sbyin chur// yi ge bdun pa spel tshig bcas// me rlung bden bral bgegs kyi sar// nye snying snying po yang snying ngo // rtsa ba'i sngags rnams rim las bri// mig me mtsho mthar oM dbyangs gsal// rten 'brel spel tshog bcas pa bri// de lta'i bar mchog 'khor lo yang // las bzhi'i dbye bas so sor 'gyur// ras kyi nor bu'i mdog bzhin no// yar ngo'i ches la skal pa rang gis// n+ya gro sogs dkar po la// 'das la sogs pa'i snag tsha las// skug sogs 'dzin pas bri// shar du phyogs te bris pas ni// zhi ba'i cho gas rab tu gnas// dngul la sogs pa'i ga'ur gzhug/ mar dang lo spyang dag gis dgang // mat+pal steng bzhag ron chen snod// 'bru bcas dbus su gzhug par bya// rang nyid lhag pa'i lhar dmigs te// tsakra tshogs bdag rab dkar gzugs// thugs kar 'khor los brgyan pa bsam// bdag gi bzlas pas de nyid bskul// bdag l-i nang gdon lce 'bas sogs// mi mthun phyogs rnams zhi byed cing // 'dod pa bsgrub par bsgom pa nyid// bzlas pa'i sbyor ba dang ldan pas// zhag bdun bar du bsgrub par bya// de nas ga'u ru dar dkar dril// mchan khung g.yon bcang snga dro'i dus// ga'u mdun bzhag sngar bzhin bsgom// de yis nang gdon 'jigs pa dang // rgyal po chom rkun lce 'bab sogs// bsam sbyor ngan rnams zhi bar byed// zhi bar byed pa'i cho ga'o// n+ya gro ta sogs ser po la// lho phyogs 'jam pa'i skug gu yis// 'bras bu tshe dang bsod nams ster// rgyas par byed pa'i mtha' rten can// cho ga bzhin du bris nas ni// rgyas pa'i cho gso rab tu gnas// gser la sogs pa'i ga'ur gzhug/ mar dang 'o ma sbrang rtsis bkang // maN+Da la rat+na'i snod mdzes su// bzhag la gser ldan tshogs bdag ni// bskul bas don kun 'grub par 'gyur// slar yang gser mdog can gyis dril// bcangs zhing spyang la mdun bzhag ste// sngags kyis tshogs bdag bskul ba yis// 'dod dgu 'byung zhing rgyas par bsam// bsod nams che dang 'byor pa sogs// grags dang dpal ni rgyas par byed// rgyas par byed pa'i cho ga'o// gro ga gur kum gi ho chus// zangs sogs skrag gus nub byang bri// dbang dang dgug pa'i spel tshig bcas// de nyid cho gas rab tu gnas// zangs sogs ga'ur pra tshi la bsdams// mar sbrang blugs te bsdam par bya// snod bzang maN+Dal steng bzhag la// tshogs bdag pad ma ra ga'i mdog/ bdag gi bzlas pas bskul ba dang // 'jig rten gsum sogs 'byor pa bkug/ dbang dgug pa'i don grub bsam// gang zhig dbang dang dgug 'dod pas// cho ga 'di yis 'grub par byed// dur khrod ras sogs nag po la// mi rus sgo rkang stug gus bri// bsad dang rengs dang dbye ba dang / bsrung dang bzlog par ro ras nyid// sdug mas lho phyogs spel tshig bcas// drag po'i cho gas rab tu gnas// tshogs bdag nag po'i lus la'o// maN+Dal steng bzhag bskul ba yis// bdag la gnod pa'i skye bo rnams// bsad rengs rmugs dang bzlog pa dang // mi mthun bsrung zhing don grub bsam// slar yang lcags kyi ga'ur gzhug/ srod la mdun bzhag sngar bzhin bya// de lta'i bsrung 'khor cho ga yis// lho yang rung ste brlag par byed// nang gdon 'jigs pa ma lus bsrung // byang stems rig sngags ngan rnams bzlog/ gsang sngags mgo bo nang du bstan// bsrung dang zhi rgyas phyi ru ste// de lta'i cho ga bzang bo nyid// brtsams pa tsam gyis thun mong mchog/ 'grub 'gyur 'di la the tshom med// skal bzang rnams kyi don ldan no// dpal ldan gnyis med rol pa'i zhabs// bung pa bdud rtsis tshim byas pa'i// 'khor lo'i cho ga'i dge ba des// 'gro kun phun tshogs nyid gyur cig/ dpal tshogs kyi bdag po'i 'khor lo'i gsal byed/ slob dpon chen po DoM b+hi he ru kas mdzad pa rdzogs s+ho// shu b+ha/