བོད་ཡིག

e-texts produced with BDRC’s OCR application

rgya gar skad du/ lo kI shwa ra sto tra rat+na mA lA/ bod skad du/ 'jig rten dbang phyug gi bstod pa rin po che'i phreng ba/ dpal ldan 'jig rten mgon po la phyag 'tshal lo// 'jig rten dbang phyug dri med thugs ni stong dang snying rjes brlan// lam mkhyen nyid dang thams cad mkhyen nyid la sogs don dang tshig/ gsal bar 'doms pas yongs su rdzogs shing rnam par dag pa'i sku// ye shes lhag pa'i bdag pos rol par mgo bos phyag bgyi'o// gdul bya'i dbye ba'i dbang las rnam pa mang por snang ba yis// gcig kyang chu snod rnamasu gnas pa'i ri bong can mtshungs las// khyod ni gsal pabar gzhan lnga phan pa'i rjes su song nyid phyir// e ma'o rdzu 'phrul shin tu rmang du byung ba'i sku ni rigs pa lags// mu stegs skye bo gdul zhing rab tu rtogs par bya don du// yongs rdzogs zla ba'i zhol gyi rnam par sgeg pa'i dpral ba yi// gnas las dbang phyug chen po lha yi bu ni nges phyung bas// lha dang chen po'i mi yi shin tu lta drob dbang phyug khyod// pad ma'i skye ba po rnams gdul zhing khyod du chud don du// khyod kyi phrag pa legs rgyas chen po'i dge ba'i mtshan nyid las// mes po lha yi sras po nges par byung ba nyid kyis ni// 'jig rten dbang phyug dbang phyug mchog la mgo bos phyag bgyi'o// skye bo khyab 'jug pa rnams gdul dang rtogs par bya ba'i phyir// m+bI bu lcang phyug na pad+ma 'dzin pa'i thugs ka la swA// nges phyung 'di ni srid pa'i dbang phyug nyid de de'i slad du// khyod ni skyes bu rnams kyi mchog las mchod nyid gzhan yong min// nyi zlar gus bcas rim gro bosnyen bskur stobs stobs rnams la ni// yang dge bstan phyir mthon mthing mdzes pa'i spyan ni gang dag los// ri bong spyan dang bla ma nges phyung sa la mig rnams kyi// nang gi mun nag 'joms pa de la bdag ni phyag 'tshal lo// dpal mor rim gro bsnyen bku ro sbyor ba po rnams gdul ba dang // rtogs phyir 'dir ni nges par bcom ldan ma ste dbyangs can 'di// rgyal ba'i sras po khyod kyi mche ba'i rtsa las rab phyong bas// mngon 'dod shes rab 'bras bu ster ba la bdag phyag 'tshal// rlung gi skye ba pa rnams gdul dang mi bzang lam grub phyir// de nas 'jig rten mgron po'i zhal gang zhig lhas nges phyung 'di// rlung lha mchog gi bla ma sa la skye ba pa rnams kyi// spyod lam rnam bzhi'i 'bras bu stir ba de la bdag phyag 'tshal// chu lta pa rnams gdul dang zhi ba'i lam 'dod ldan rnams kyi// yang dag khong du chu phyir bde gshegs sras po'i lte ba las// yang dag phyung ba chu lce'i gtso bo yang ste myur ba ru// 'dod dga'i dbang phyug nyid kyi 'bras bu ster la rtag phyag 'tshal// mthun pa'i 'bras bu la sogs mngon par 'dod rnams nges gdul zhing // yang dag grub phyir rab mchog mtshan ldan zhabs kyi pad ma las// gang zhig nges par phyung ba bcom ldan nor 'dzin mar grags pa// 'jig rten gsum gyi mgon po mnyam med de la bdag phyag 'tshal// khyod ni srid las grol kyang de le yang dag gnas pa ni// sems can tshogs lnga snying brtse nyid las srid pa'i spyod tshul gyis// srid mtha'i bar du brtan pa bla dag ni rtag gnas gyur snyam du// dam pa'i bsam pa chen po'i mchog gyur byang la phyag bgyi'o// nam mkha'i bar du snang ba'i 'jig rten khams rnams khyod nyid kyis// rang gi zhabs gcig mthil gyis kyang ni rnam par gnon pa ste// bskal pa'i mthu' ru srid pas rten por 'byor pa drag po'i me/ khyod kyis dbugs kyi rlung gi stobs kyis nges byor btsal bar gyur// rang gi 'dzum mo gyen du gtong nge 'dzin pa'i sdigs 'dzub kyis/ lhun po'i tshogs rnams du ma g.yo bar gyur cing sen mo yi// sbubs kyis gyen du 'dzin pas rgya mtsho'i chu yang lus ma gyur// e ma'o 'di lta'i nus pa khyod las gzhan du ci zhig mthong // mchog tu mnyan zhing zla ba gzhon nu'i mdzes pa yang dag par// ston pa'i sku mchog 'di yang lung tsho mA yi yin nam ci// 'jigs byed drag po gnon las mi ljongs ci yang du ba pa dang // gdul bar dka' ba'i bdud 'joms pa ni khyod kyi spyod tshul lags/ kye legs 'di ltar chen po'i skye bo'i ral phreng dang mtshungs par rang gi dbu skyes mdzes pa'i lan bu 'khyog po de// de nyid ma yis nyon mongs bud shing sbar bar byas pa yi// du ba'i phreng ba lta bu dri med khyod la snang bar gyur// zla zer cung zad 'phros pa yis ni phyogs bcur khyab khyod kyis// nagro bo'i phyogs zang chung ngu cha bcas 'od kyis mdzes pa ni/ srid pa rnams su 'dod pa gang myur ri bong can gang de// cung zad las ni ma lus bsnam pa rnam par mdzes// mthun por spros pa'i ngan po'i lam can lugs 'joms shing // mi dang mi min bsam pa rton la lamra dang la mo// snang dag thob byed gzhan don spyod tshul mchog gis ni// mdzes ldan rgyal ba sa yi dbang phyug la phyag bgyi'o// mya ngan 'das dang srid mi gnas kyang khyod gnas pa// 'od gsal rang byin gyis rlab ste sbyor dang phan pa po// ma lus skye bo'i mi dge mi mdzad dge ba yis// mdzes ldan rgyal ba sa yi dbang phyug la phyag bgyi'o// rigs par dpag mang 'od zer phreng bas yang dag bskor// de las bde skyed mtsho skyes rang gi phyag gis 'dzin// rjes mthun dga' ba thob pa yang dog dga' bde yis// mdzes ldan rgyal ba sa yi dbang phyug la phyag bgyi'o// chos kyi dbyings las kun mchog snying rje rang nyid gtso// gang zhig dge ba la sogs tshogs rnams yang dag rdzogs// rnam par rtog spangs mthu las sgra yis ston pa po// mdzes ldan rgyal ba sa yo dbang phyug la phyag bgyi'o// de bzhin nyid dang nyid min gnyis med kun dga' brgyas// yongs su gang bar mdzad pa brgya phrag chos kyi gtAm// 'thad ldan mchog tu bden zhing rigs par gsungs pa yi// 'dzin ma'i dbang phyug rgyal po mchog lta bdag phyag 'tshal// mi mchog de yi rang gi sku ni 'gro la rab 'phro ba// mtsho skyes spyan gyis shin tu mdzes par gyur pa yi// ma lus sems can rnams kyi myur ba'i thar mchog gi/ 'dzin ma'i dbang phyug rgyal po dam par bdag phyag 'tshal// mchog tu sprul dang longs spyod rdzogs pa gzhan don dgyes// stong nyid gos med chos 'dzin pa la dgyes pa can// grub pa dam pa rnam sad 'dzin mo'i dbang po ste/ nor 'dzin dbang phyug rgyal po mchog la bdag phyag 'tshal// mchog tu lhan skyes dam pa'i rgya mtshor zla zhal gyi// sgo las thams cad gsung ba mA lus ngag tshig ni// mya ngan 'das pa'i mtshan nyid rjes mthun rgyan gyis phul// dbang phyug 'dzin ma'i rgyal po dam par phyag 'tshal lo// 'jig rten dbang phyug bstod pa rin chen phreng ba ni// dpal ldan nags kyi rin chen zhabs kyis bgyis pa las// de yi gtsang ma'i dge ba gang zhig thob gyur pa// de nyid kyis ni 'jig rten kun tu bzang por gyur// bstod pa rin po che'i phreng ba 'di ni rdzogs so// / rgya ga shar phyogs kyi paN+Di ta chen po nags kyi rin po che'o zhal snga nas mjed pa'o// mkhas pa chen po de nyid kyis spyan sngar/ dge slong rgya mtsho'i sde zhes bya bas bal yul ye rang gi grong khyer chen po'i 'dabs dpal ba~M tsan+d+ra'i gtsug lag khang chen por bsgyur ba'o//