བོད་ཡིག

e-texts produced with BDRC’s OCR application

rgya gar skad du/ a mr-i tasta thA nA ma/ bod skad du/ dud rtsi thigs pa zhes bya ba/ dpal he ru ka la phyag 'tshal lo// bcom ldan bder gshegs thugs kyi thugs// gsang gsum don las byung ba yi// mthar phyin don la rab zab pa// rdo rje gzhon nu rab za' thugs// sbrul sku'i ngo bor gnas pa'i tshe// 'khor lo bzhi yi bdag nyid can// 'bar ba'i 'od kyis 'khrigs pa yi// don dam zab mo'i sku mchog la// lus ngag yid kyis phyag 'tshal nas// rnal 'byor rgyud kyi rjes 'brangs nas// yang dag don chen zab mo'i 'gral// bdud rtsi'i thigs ltar bdag gis bkrol// sngags kyi sku la gsal 'jug pa// de ni bskyed pa'i rim pa'i// sems la dmigs patsam zhig ni// bskyed pa'i rim pa rdzogs pa'o// de nyid gnyis kun rdzob bden pa'i// zung 'jug don las ga byu dang // mthar phyin man ngag rab zab ston// don dam bden pa zhes su gsungs// sngags dang dam tshig spyod pa dang // 'khrul 'khor rdzas te thams cad kun// kun rdzob bden pa'i grangs su'o// // zung 'jug rim dang don dam pa// byang chub sems kyi ngo bo rgyu// don dam bden pa'i grangs su'o// bden gnyis don la rab gnas pa// rgyud kun gyi ni don bsdus pa'o// byang chub sems te kun gyi dngos// gsang ba sbas pa'i don rab gsal// dpal ldan rdor gzhon rgyud yin te// de bas rgyud rgyal kun gyi rtse// tshig nyung ba la don zab pa// rdor gzhon rgyud ni rnyed dka' zhing // zung 'jug don ni rtogs dka' bas// khams gsum sems can thams cad 'khor// de bas bla ma'i bka' drin gyis yongs su 'bad de shes nas ni// zung 'jug don la rab gnas kyis// gleng gzhi'i don ni rgyu ru gsungs// gleng bslang ba ni rkyen du gsungs// bshad pa'i tshig ni 'bras bu ste// rgyu rkyen 'bras bu gsum du gsungs// dgos 'brel rnam pa bzhir yod/ de mi yi skye ba 'khrud pa'i tshe// rgyud ces brjod de brjod pa yin// btsun mo pad+mo'i nang nas byung // gleng gzhir 'dod de 'brel pa'o// sngags la sdom par bstan pa ni// nges pa'i tshig ste dgos pa yi// zung 'jug 'dod pas chos spyod pa'o// de ni 'dod chags bral chos te// yang dgos yin zhes rgyal bas gsungs// 'dod chags can la 'di ltar gsungs// rigs lha'i ngo bor bskyed pa ni// rgyu de ces bya ste brjod pa'o// lnga po rigs gcig gyur pa ni// gleng gzhi yin te bral po'o// sku gsung thugs kyi rdo rje ni// nges pa'i tshig ste dgos pa'o// btsun mo la sogs spyod pa ni// rgyu zhes bya ste yang dgos so// skye bo don la 'jug pa la// yid chos phyir na dgos 'brel bstan// tshig gi tshogs la dga' ba dang // dngos po'i spyod la dad pa dang // rtog pa'i chos la bzlog pa'i phyir// de la kun rdzob bden pa bstan// yang dag don la mos pa dang / zab ma'i chos la dad pa dang // byang chub sems kyi don la mos// nga la don dam bden pa bstan// rim pa gnyis pa bstan nas ni// bshad pa'i dbye ba/ gsungs pa yin// 'jig rten blo rnams dpag med pas// gang zag rnam pa lngar 'dod de// ud pa la 'dra'i gang zag dang // bod dkar 'dra ba'i gang zag dang // pad ma dmar 'dra'i gang zag dang // tsan dan 'dra ba'i gang zag dang // rin po che yi gang zag go// rang bzhin gcig ste tha dad min// thams cad mkhyen pas gsungs pa'o// 'dzin pa mkhas pa'i brjed 'gyur ba// ud pa la zhes bya'i gang zag go// mang po thos shing ston mi nus// pad kar zhes bya'i gang zag go// dang ldan thos brtson snying rje che// pad dmar zhes bya'i gang zag go// thos med nga rgyal mang du smra// rjes su gzung ba'i don med pa// tsan dan zhes bya'i gang zag go// dam tshig dag cing shes rab ldan// rgyud thos legs par ston pa ni// rin chen zhes bya'i gang zag go// ud pal pad kar pad dmar tsan dan bzhi// kun rdzob bden pa bstan pa'i gang zag go// rdzogs pa'i rim la dad pa dang // rtag tu spyod pas slob dpon 'khur// rin chen 'dra ba'i gang zag ste// de la don dam bden pa bshad// de ltar snod kyi rim brtags nas// bla ma dam pa mkhas pa yis// bshad pa rnam pa gnyis bya'o// de ltar 'dus pa'i don bstan nas// da ni yan lag gi don rnam par dbye ba'i phyir// gzhung nyid la 'jug par bya ste// 'dir sdung bar byed pa rdo chos kyis ji skad du thos pa thugs la bzhag nas// gdul bya rnams la bstan pa'i phyir/ 'di skad bdag gis thos pa zhes bya ba gsungs te/ 'di skad ces bya ba ni/ rgyud kyi don ma lus par ston pa'i tshig ste/ ston pa'i bka'o// bdag gi zhes bya ba ni/ sdud pa po bdag nyid kyis ston pa las mngon gsum du thos kyi/ gzhan dag las brgyud cing brgyud nas thos pa ni ma yin no// dus gcig na zhes pa ni/ tshes grangs dang zla ba dang lo dang dus ni nges pa med do// de ci'i phyir zhe na/ sems can rnams rtog pa skye ba'i phyir/ nges pa med do// thos pa'i dus ni nges pa med do// ston pa'i zhal nas gsungs pa'i dus gcig gi tshe na bdag gis 'di thos la gzhan du ni gzhan drag thos pa 'am/ yang na dus gcig ste skad cig ma la thos so zhes pa ste/ 'di dag gis ni bdag nyid thos pa mang ba dang / shes rab phul du byung ba yin par ston to// gang las gang du gang dang lhan cig thos zhes gleng gzhi bstan pa'i phyir/ bcom ldan 'das zhes bya ba la sogs pa gsungs te/ bcom ldan zhes pa ni/ ston pa phun sum tshogs pa bstan pa yin te/ don zab mo phun sum tshogs pa dang / mi mthun pa'i phyogs bcom pas na bcom ldan 'das so// de ni kun rdzob kyi bden pa'o// don dam pa'i bden pa bstan pa'i phyir/ gsang ba mchog gi bdag po zhes bya ba la sogs pa gsungs te/ gsang ba mchog gi bdag po zhes pa ni/ sku'i 'khor lo'i sgo bzhi pa dang / gsung gi 'khor lo'i sgo brgyad pa dang / thugs kyi 'khor lo'i sgo dgu pa dang / bde ba chen po'i 'khor lo'i sgo drug pa rnams ni rnal 'byor phyi ma'i rgyud la/ med pas gsang ba'o// dkyil 'khor bzhi po 'di kun gyi mchog yin pa dang / bzhi po'i mchog kyang bde ba chen po'i pho brang ngo // pho brang de ni bcom ldan 'das byang chub kyi sems kyi rang bzhin du bzhugs so// de'i dus na khams gsum gyi sems can kun kyang byang chub kyi sems kyi rang bzhin du gyur to// 'khor rnams la yang cang mi gsung ba'i tshul gyis chos ston to// de ltar bzhugs pa'i phyir bdag po'o// sku'i pho brang na bzhugs pa bstan pa'i phyir/ thig la byang chub kyi sems rdo rje zhes pa gsungs te/ bde ba chen po'i gnas nas lha mo bzhi'i mtshan nyid bslang ste/ spyan drangs pa'i dus na/ 'od kyi gong bu thig le'i gzugs su shes te/ de'i mtshan nyid la ni byang chub kyi sems rdo rje zhes bya'o// sku de'i mtshan nyid bstan pa'i phyir/ de bzhin gshegs pa thams cad kyi rnam par dag pa'i mtshan nyid ces pa gsungs te/ de bzhin gshegs pa'i gnas su gshegs shing gshegs pas na/ de bzhin gshegs pa ste/ de lta bu'i sku gangos pa can du bzhugs pa ni bzhugs pa ma yin te/ rang bzhin gyis rnam dag pa'i bdag nyid du bzhugs so// de ltar bzhugs nas kyang 'khor rnams la ting nge 'dzin gyi sgo nas chos ston to// gsung gi pho brang na bzhugs pa bstan pa'i phyir/ pad mo chen po rnam par dag pa'i gsung zhes pa la sogs pa gsungs te/ pad mo chen po zhes pa ni/ pho brang ste pho brang de ye nas rnam par dag bas pad mo'o// 'jig rten pa'i gnas dang rten pa'i gnas dang / rten gyi gnas gzhal yas las khyad par du 'phags pas che'o// de'i gnas na sprul pa'i sku mtshan nyid du bzhugs te/ gsung rdo rje lta bu'i ting nge 'dzin la mngar brnyes nas bzhugs so// de'i dus na 'gro ba rigs drug la ji ltar 'tsham pa'i chos ston to// thugs kyi pho brang na bzhugs pa bstan pa'i phyir/ yid bzhin gyi nor bu rin po che zhes bya ba la sogs pa gsungs te/ thugs kyi pho brang ye phyi mo nas rang bzhin gyis grub pa'i yi ge a gcig gnas te/ de'i dbus na bcom ldan 'das thugs kyi rang bzhin hUM gi dbyibs su bzhugs te/ dran rtog thams cad de las 'byung ste/ shes pa kun gyi gnas so// de la ni yid bzhin gyi nor bu rin po che zhes bya'o// de ni kun gyi mchog tu gyur pas rgyal po de'i mtshan nyid ni thams cad du rang bzhin gyis 'od gsal ba'i shes pa dang brjod pa'i mtha' las 'das pa'i yon tan de lta bur bzhugs nas/ mnyam pa chen por kun tu khyab par mdzad pa'i sgo nas chos ston te/ thabs gang gi sgo nas kun 'dul ba'i 'phrin las cis 'dul ba'i sgo yangs par kun tu mdzad do// de dag kun gyi don bsdus pa bstan pa'i phyir/ sku gsung thugs yon tan dam tshig chen po ma lus pa'i bdag nyid chen po zhes bya ba la sogs pa gsungs te/ de bzhin gshegs pa thams cad kyi sku dang gsung dang thugs kyi 'khor lo yang mnga' brnyes pa'i yon tan gyi sgo nas sems can gyi don mdzad de/ dam tshig chen po ma lus pa'i bdag por gyur pa ni/ bdag nyid chen po'o// phyi dang nang du snang ba'i chos gcig gi ngo bor bstan pa'i phyir / dus gsum gyi chos ma lus mi lus lus pa med pa'i chos thams cad ces pa la sogs pa gsungs te/ dus gsum gyi sngar 'das pa dang da ltar dang byas so// de ltar snang ba thams cad sku gsung thugs kyi gsang bar 'dus pas na/ ma lus te/ sbyar 'das pa mi lus te da ltar bzhugs pa lus pa med pa ste/ phyis byon pa de rnams kyi dngos po thams cad bcom ldan 'das bde ba chen po'i gnas su mngon par 'du bar mdzad de/ gnyis su med pa'i rang bzhin las thabs mkhas pa'i rol pa'i rdzu 'phrul rnam pa sna tshogs pa ji ltar 'dul ba laM sgra'i tshul du sprul nas don mdzad de/ de lta bu'i don la mnga' brnyes pa ni bcom ldan 'das dpal kun tu bzang po'o// de ni ston pa phun sum tshogs pa ste/ don dam pa'o// gnas phun sum tshogs pa bstan pa'i phyir/ 'og min gyi gnas gsang ba mchog gi dkyil 'khor chen po zhes bya ba la stsogs pa gsungs te/ 'og min gyi gnas zhes pa ni gong nas gong du gyur pa ste/ 'jig rten pa'i gnas lus yum lnga'i mkha' ni khyad par du 'phags so// nyan thos dang rang rgyal ba dang rnal 'byor phyi ba la gsang ba'i gnas kun gyi thun mong ma yin pa'i mchog dam pa'i dkyil 'khor chen po ste/ gong du bshad zin to// gsang ba'i gnas bstan pa'i phyir/ btsun mo zhes bya ba la sogs pa gsungs te/ btsun mo ni sangs rgyas kyi shes rab ma ste/ de nyid ni nyon mongs pa rnams 'joms pas na b+ha ga'o// de lta bu'i b+ha ga de ni yang dag pa pho brang rang bzhin gyis lhun gyis grub pa der thams cad 'dus shing 'byung bas/ dur khrod kyi gzhal yas khang brtsegs pa de la pad+ma sna tshogs kyis steng dang 'og med par brgyan par pad+ma de rnams kyang dbyibs sna tshogs pad+ma kha dog sna tshogs pa la sogs pa'i 'dod pa'i yon tan lnga'i mi mthun pa'i khyad par rin po che sna tshogs kyi rnam grangs las 'das pa dang / dpe dang tshad med pa rnams kyi gzhal yas khang gi phyi dang nad med par phyogs bcur 'khrigs shing rnam par klubs par thog ma dang tha ma med par ye nas rang byung gi gnas na 'od kyi tshul du bcom ldan 'das bzhugs so// de ni gnas phun sum tshogs pa ste/ don dam kun rdzob gnyis ka'o// 'khor phun sum tshogs pa bstan pa'i phyir/ rnal 'byor gyi dbang phyug chen po rgyal ba sangs rgyas zhes pa la sogs pa gsungs te/ 'di nas mar 'khor rnam pa lngar shes par bya'o// de ci'i phyir zhe na/ dkyil 'khor lnga yod pa'i phyir ro// 'khor mang po bstan pa'i phyir/ rnal 'byor gyi dbang phyug chen po zhes gsungs te/ yang dag pa'i ye shes la mnga' brnyes pa'i phyir/ rnal 'byor pa phyi dang nang du snang ba'i mtshan nyid la dbang sbyar zhing thams cad kyi bdag nyid chen por gyur pa'i rgyal ba sangs rgyas brjod du med pa/ bgrang ba las 'das pa yon tan chen pos klubs pa na mkha'i mtha' klas pa 'khor ba med pa'i tshul gyis bskor nas bzhugs so// bde ba chen po'i 'khor/ sku'i pho brang gi tshul bstan pa'i phyir/ rnal 'byor ma chen mo zhes bya ba bstan te/ sa'i mtshan nyid rnal 'byor ma chen mo sangs rgyas spyan dang / me'i mtshan nyid rnal 'byor ma chen mo gos dkar mo dang / chu'i mtshan nyid rnal 'byor ma chen mo mA ma kI dang / rlung gi mtshan nyid rnal 'byor ma chen mo dam tshig sgros ma la sogs pa grangs med pas bskor nas bzhugs so// sku'i 'khor ro// thugs kyi pho brang gi 'khor bstan pa'i phyir/ rnal 'byor chen po sems pa chen po zhes pa la sogs pas bstan te/ rnal 'byor chen po zhes pa ni yang dgra pa'i ye shes phyin ci ma log pa'i rnal 'byor dam pa yang dag pa'i don la rtse gcig tu sems pa'i sems pa chen po btsun mo sems ma dang bcas pa brjod du med pa bgrang ba las 'das pa ste/ brjod du med pa'i yang brjod du med pa'i zhing gi rdul snyed kyis bskor ba med pa'i tshul gyis bskor nas bzhugs so// thugs kyi pho brang gi 'khor ro// gsung gi pho brang gi 'khor bstan pa'i 'khor/ gzhan yang zhes bya ba la sogs pa gsungs te/ gzhan yang zhes pa ni thugs kyi pho brang gi 'khor las gzhan pa ste gsung gi 'khor lo zhes pa'i tha tshig go/ he ru rol pa'i tshogs zhes pA ni/ hwA nI yang dag pa'i don la dgyes pa'o// rU nI yang dag pa'i don gyi yul de la chags pa'o// ka ni bskyod par byed pa'i 'phrin las so// de lta bu'i ngang du rol pa'i tshogs kyis 'khor grangs med pa brjod du med pa rnams kyis bskor ba med pa'i tshul gyis bskor nas bzhugs so// gsung gi pho brang gi 'khor ro// gsong ba'i pho brang gi 'khor bstan pa'i phyir// sprul pa chen po sras kyi 'tshor ji snyed pa la sogs pa zhes pas bstan te/ de bzhin gshegs pa'i sku dang gsung thugs las sprul pa sprul pa chen po ste/ de bzhin gshegs pa sras kyi 'khor ji snyed pa la sogs pa dang sems dang sems las byung ba ste/ rig pa las bskyed pa'i sras kyi 'khor dang 'byung ba dang 'byung ba las byung ba ste/ rnal 'byor ma'i tshogs mang po'i 'khor dang / yang dag pa'i gong ma'i 'khor ji lta ba dang gsang ba'i 'di nyid kyis 'khor ji snyed pa rnams dang / bcom ldan 'das thabs gcig tu rnam par rtog pas/ snyengs pa mi mnga' bar pho brang ni bzhugs pa'i tshul ni dper yungs 'bru snum gyis gang ba bzhin du gang nas khyab par bzhugs so// zhes pa ni gnas par mdzad pa'o// bcom ldan 'das kyis btsun mo ni yum kun tu bzang mo yin te/ bcom ldan 'das nyid kyi sku la gnyis su med par 'khril pa'i tshul gyis byang chub kyi sems kyi ngo bor snyel ba mi mnga' bar thams cad dbyings su bsdu bar mdzad do// de yan chad du 'khor lnga'i mtshan nyid bstan nas nga ni sdud pa po phun sum tshogs pa bstan pa'i phyir/ 'khor gyi dkyil 'khor de nyid kyi ni zhes pa la sogs pa gsungs te/ 'khor gyi dkyil 'khor du gsungs pa de nyid kyi nang ni sdud pa po rnal 'byor gyi dbang phyug rgyal ba sangs rgyas nyid las mi gnan pa'i rdo rje yid kun tu bzang po yang ston pa'i mtshan nyid btsun mo kun tu bzang mo dang gnyis su med pa'i tshul gyis ston pa bcom ldan 'das kyi spyan snga na bran jo bo la bka' nod pa'i tshul du spobs pa can du bzhugs so// sdud pa po phun sum tshogs pa ste kun rdzob don dam gnyis so// ston pa des thams cad la rdzu 'phrul gyi spyan gyis gzigs par bstan te/ de'i phyir de nas zhes pa la sogs pa gsungs te/ de nas zhes pa ni de ma thag pa'o// nyon mongs pa bzhi bcom zhing legs pa'i yon tan drug dang ldan pas na bcom ldan no// rtag pa dang chad pa'i mtha' la mi gnas pas 'das pa ste/ de lta bu'i ngang tshul mnga' ba'i ston pa gsang ba mchog gi bdag po des phyi dang nang du snang ba la 'di lhur gzigs so// sems dang sems las byung ba ni rten can gyi rang bzhin du gzigs pa med pa'i tshul du gzigs la/ 'byung ba dang 'byung ba las gyur pa ni rten gyi rang bzhin te yum lnga'i mkha' rang bzhin du gzigs te/ dus gsum dang srid gsum gyis bsdus pa'i chos de yang dag pa'i ngo bo nyid byang chub kyi sems su gzigs so// gzhan yang bsam gtan te/ bsam gtan gsum pa'i lha'i ris la sogs pa dang / snyoms par 'jug pa ste nyan thos zhi ba'i phyogs la 'jug pa dang / 'gog pa ste/ nyan thos tshogs drug bkag nas yul drug drug lus 'gog pa dang / sa'i khyad par la sogs pa sna dang po nas bcu'i bar du ste/ de ltar bye brag tu snang ba'i chos rang re nga gang la snang bar grags la bcom ldan 'das dpal kun tu bzang pos ni rdzu 'phrul gyi spyan gyis rang bzhin gyis 'od gsal bar kun tu khyab par gnyis med pa'i ngeng du gzigs so// phyin tsam log par rnam par gzigs so// 'og ma'i chos rnams la gzigs pa de bzhin du sa bcu gcig pa la gnas pa'i phyogs bcu dus gsum gyi rgyal ba grangs med pa rnams la ma bcos pa'i spyan gyis gzigs so// ngo bo nyid kyis rnam par gzigs nas phyi dang nang du snang ba'i chos thams cad ye nas rnam par dag cing ma bcos pa byang chub kyi sems stong pa chen por gzigs te/ nyid kyang stong pa chen po'i don la brnal te smra bsam las 'das po bcos ma ma yin pa de bzhin nyid kyi ting nge 'dzin la snyoms par bzhugs so// ston pa de bzhin nyid kyi ting nge 'dzin las gnas pa de'i tshe 'khor ba ste/ khams gsum gyi sems can mya ngan las 'das pa ni rnam par dag pa'i chos thams cad yang dag pa'i ye shes stong pa chen por gyur te/ dper na na mkha'i mtshan nyid tsam du 'di yin no// bsgrub du yod pa yin no// de ltar chos kyi dbyings na bzhugs pa des sems can gyi don mi mdzad par yum kun tu bzang mos gzigs te/ de las bslang ba'i phyir de nas zhes bya ba la sogs pa gsungs te/ de nas zhes bya ba ni bcom ldan 'das chos kyi dbyings su rnal ba'i de ma thag pa de la de nas zhes bya ste/ bskul lo bar 'brel lo// sangs rgyas kyi yum kun tu bzang mo des sems can gyi don la dgongs nas bcom ldan 'das gsang ba mchog gi bdag pos dgongs pa chos kyi dbyings la brnal nas bzhugs pa la yum kun tu bzang mos glu 'dis bskul lo zhes pa ste/ 'og nas 'byung ba'i glu 'di'o// a zhes pas ni chos 'byung ba'i gnas na bzhugs pa zhes pa ste/ de'i mtshan nyid bstan pa'i phyir/ e ma'o stong nyid bdag med ces pa la sogs pa gsungs te/ e ma zhes pa ni e ma khams gsum gyi sems can la thugs rje'i spyang thag bcad nas bzhugs pa 'di snyam pa ste/ yi chad pa'o// stong nyid bdag med rnam dag klong yangs nas zhes pa ni stong pa nyid kyang yin la bdag med pa yin pas na/ stong nyid bdag med de ye nas rnam par dag pa ma bcos pa'i yang klo ba yangs pa de nas khams gsum gyi sems can kun la snyoms pa'i thugs rje khyed kyis 'byung bar mi dmigs kyang / bdag ni shes rab ma ste/ sems can gyi don bya bar dga' ba'i ched du ye nas ma bcos pa'i chos kyi sku dag pa las ma g.yos par thabs mkhas pa'i mdzad spyod kyis khams gsum gyi sems can la snying rje na mkha' bzhin du kun la khyab par ston// ces yum kun tu bzang mos bskul bas gsang ba mchog gi bdug po des yum kun tu bzang mos bskul bar mkhyen nas/ stong pa nyid kyi dngul rtsol ba ni de bzhin nyid de de las kun tu snang gi ting nge 'dzin 'khor ba'i chos thams cad la khyab pa chen po'i snying rje bskyed pa'i ting nge 'dzin la snyom par zhugs so// 'khor ba'i chos rnams la khyab pa'i snying rje bskyed par g.yos pa de'i tshe phyi dang nang du snang ba'i chos thams cad la khyab pa'i snying rje nam mkha'i mtshan nyid tsam du gnas par gyur to// zhes pa de de bzhin nyid las ni snying rje rkyen gyis ma g.yos yi ge'i gzugs su no ma byung byang la kha pa tsam dro'i skabs su grus bskul gyi de'i phyir de nas yal yum kun tu bzang mos zhes pa la sogs pa gsungs te/ de bzhin nyid las bskul ba'i de ma thag pa de nas yang bskul ba'i dus la bab bo zhes bya ste tshig gi pang ngo // yum kun tu bzang mo stong pa nyid na mkha' tsam du gnas pa'i ngad las/ 'og nas 'byung ba'i glu 'dis bskul lo// e ma'o ma ltar byams pa'i snying rje chen po ni// zhes bya ba la sogs pa gsungs te/ oM ma'o 'di'i don ni gong du bshad zin to// ma ltar byams pa'i snying rje chen po ni zhes pas khams gsum gyi sems can+da la bu gcig pa lA me byams po bzhin du khyab pa'i snying rje chen po 'ga' la byams pa lta bu ni ma yin no// de lta kun la khyab pa'i mtshan nyid de la ni nam mkha' ltar go yang 'byed cing kun la khyab pa zhes gsungs pa gsungs pa yin te/ nam mkha'i rang bzhin las rig po'i snying rje longs spyod rdzogs pa'i sku mchog kun tu bzang mo bdag la bstan tu gsol zhes rnam par bskul lo// yum kun tu bzang mos bskul ba de ma thag pa de nas bcom ldan 'das gsang ba mchog gi bdag pos yum gyis bskul bar mkhyen nas/ khamos gsum gyi sems can rnams la snying rje bskyed de/ na mkha'i ngang las yang dag pa'i rig pa'i cho 'phrul yi ge hUM gi rang bzhin du rnam par sprul taM yi ge de yongs su gyur pa las na mkha'i dbyings rum nas zhes gsungs pa yin te/ de las bcom ldan 'das kyi sku bzhengs pa ste/ de la ni snying rdo sku mngon tu phyung ste zhes gsungs te/ sku de las ye shes dang ldan pa'i rtogs su sku las 'od zer lnga rnam par 'khrigs pa'i phyir/ dper na na mkha'i dbyings rum nas nyi ma 'bum dus gcig tu shar ba'i gzi brjid lta bu'o zhes gsungs pa yin no// bcom ldan de'i sku mdog dang phyag mtshan gsal bar bstan pa'i phyir/ yum kun tu bzang mos bcom ldan 'das kyi sku yongs su rdzogs par mdzad par bskul ba ni/ de nas zhes bya ba la sogs pa gsungs te/ de nas zhes bya ba la sogs pa gsungs te/ de nas zhes bya ba ni bcom ldan 'das kyi sku bzhengs pa'i de ma thag pa de nas so// yum kun tu bzang mos smin ring bsgyur te/ zhes pa ni bcom ldan 'das kyis shes rab ma thams cad chos kyi dbyings las byung yum des shin tu tshogs pa'i smin ring bsgyur te shin tu mdzes pa'i spyan gyis bcom ldan 'das la bltas nas yongs su rdzogs par 'dod pa'i phyir rmad du byung ba'i gar rnam pa sna tshogs pa dang gla ste gsang gsum gyi glu dang der ma bas te glu'i bye brag mang pos rnam par bskul ba'i phyir/ 'og nas 'byung ba'i glu 'di blangs so// e ma'o yid bzhin sku mchog nyi ma lta bu las zhes pa gsungs te/ a ma'o zhes pas ni yang dag pa'i chos dbyings kyi ngang las longs spyod rdzogs pa'i sku 'di lta bu byung ba ni ngo mtshar ro// zhes pa ni dam pa'i tshig go// sku de lta bu las mtshan dang dpe byad kyis brgyan pa'i phyir/ yid bzhin sku mchog nyi ma lta bu las zhes pa gsungs pa yin no// bcom ldan 'das de yang 'gro ba mtha'o dag la sprul po'i tshe 'phrul ji ltar 'dul ba bzhin du ston te ston pa'i dus na yang dbyings rnam par dag po las ma g.yos te de'i phyir rdo rje gari mdzad cing zhes gsungs so// de lta bu'i sku mtshan dang dpe byad kyis brgyan pa shin tu brjid pa'i sku mchig rgyan thams cad yongs su rdzogs pa'i sku 'od zer 'bar bas 'khrigs pa'i sku mchog kun tu bzang mo bdag la bstun du gsol// a la la ho zhes yang nas yang du rnam par bskul bas/ bcom ldan 'das kyis yum kun tu bzang mos bskul bar thugs su chud de/ rol pa'i sku zhal gsum pa lta bur snang ba ste/ zhal gsum par snang ba ni rnam par thar pa'i sgo stong pa nyid dang / mtshan ma med pa dang / rang bzhin gyis 'od gsal ba gsum mnga' ba'i rtags so// zhal gsum po yang g.yas dkar ba/ g.yon dmar ba/ dbus mthing nag du bzhugs so// g.yas dkar ba ni nyon mongs pas ma gos pa'i rtags so// g.yon dmar ba thugs rje'i spyang thag gi 'gro ba mtha' dag 'dren pa'i rtags so// dbus mthing ba ni chos nyid la rnam par rtog pa gang gis kyang ma gos pa'i rtags so// phyag drug ste pha rol tu phyin pa drug mnga' ba'i rtags so// g.yas kyi dang po na ye shes kyi rdo rje rtse dgu pa rnams pa ni/ ye shes dgu las mnga' bsnyes pa'i rtags so// de lta bu'i sku 'bar ba lta bus dus gsum gyi sangs rgyas rnams kyis gzigs par 'gyur ro// de ni yongs su rdzogs pa'i ting nge 'dzin to// da ni 'khor sdud pa'i ting nge 'dzin ston te/ de'i phyir de nas bcom ldan 'das zhes pa la sogs pa gsungs te/ chos kyi dbyings las sku yongs su rdzogs par bzhengs pa'i de ma thag pa de nas gong du gsungs pa'i 'khor rnams bcom ldan 'das gsang ba mchog gi bdag po des/ rten can gyi 'khor bskyed pa'i phyir hUM zhes lte ba'i dkyil nas drangs te brjod pas gong ma'i 'khor gyi dkyil 'khor de dag nyid kyi sku la bsdu ba mdzad do// bsdu ba mdzad nas bde ba chen po'i gnas na bzhugs par gyur to// de ni 'khor 'og ma'i rgyu'o// 'khor sdud pa'i ting nge 'dzin to// 'di nas mar yab kyi gleng bslang ba bstan te/ bcom ldan 'das nyid kyis skus sbyor ba'i yan lag rnam pa sna tshogs kyi glu dang gsang ba'i glu dang gar steng sgo'i gar dang lag pa'i gar dang rkang pa'i gar dang / rked pa'i gir dang / steg pa ste gnas dgu ru sen mos brud pa dang / bstim pa ste chu bzhib pa dang / sbyor ba ste dbang po gnyis sbyor ba dang / 'khyud pa ste stod smad nas bsdams pa'i tshul gyis yum kun tu bzang mo la mdzes pa'i tshul gyis smin rings bsgyur zhing chags pa'i spyan zim bag gi tshul gyis gzigs tespyan ha raM ha ra lta bu'i ma yin te shin tu mdzes pa'i ting nge 'dzin la snyoms par zhugs te/ gnas nas cang mi gsung bar gyur to// de'i dus su yum kun tu bzang mos chags par me khyen nas gleng 'di skad bslang ngo // e ma'o rol mo'i cho 'phrul 'bar ba'i sku mchog las zhes pa la sogs pas gleng bslang ste shin tu ngo mtshar ba'i phyir/ e ma'o chos kyi dbyings las rol pa'i cho 'phrul 'od zer gyis 'khrigs pa'i shin tu mdzes pa'i 'bar ba'i sku mchog las byang chub sems kyi rang bzhin kun la khyab pa'i byin brlabs te/ gang nas ji ltar gnas pa bstan te/ sprul pa'i 'khor lo 'dab ma drug cu rtsa bzhi pa dang chos kyi 'khor lo 'dab ma brgyad pa dang / longs spyod rdzogs pa'i 'khor lo 'dab ma bcu drug pa dang / bde ba chen po'i 'khor lo 'dab ma sum cu rtsa gnyis pa'i dkyil na/ byang chub sems bzhugs pa de'i mtshan nyid la rdo rje zhes bya ste de gnas nas bskyed par byed pa'i rkyen phyag rgya bzhi'i gar mdzad cing zhes so// byang chub sems nga gshegs pa'i gnas pa bstan pa'i phyir gsang ba'i b+ha ga zhes bya ba la sogs pa gsungs te/ gsang ba'i b+ha ga ni yum gyi pad+ma ste/ thabs las khyad par du 'phags pa'i gnas te/ bcom ldan 'das kyi bzhugs gnas shin tu yangs pa'i mkha' dkyil du bcom ldan 'das kyis bdag re ba bskongs pa'i yang dag pa'i bdud rtsi char chen po bcom ldan 'das kyis bdag la dbab tu gsol lo a la la haM// zhes rnam par bskul lo zhes pa ste/ yum gyis gleng bslang ba'o// de nas yab kyi gleng bslang ba'i phyir/ bcom ldan 'das gsang ba mchog gi bdag po des zhes pa la sogs pa gsungs te/ rdo rje'i glu 'di blangs so zhes par 'brel to// gang blang zhe na/ 'og nas 'byung ba 'di lta ste/ a ho bde mchog 'du 'bral med pa'i dbyings nyid ni/ zhes pa la sogs pa gsungs te/ de'i don thugs su chud cing rig pa la mnga' ba'i phyir a ho zhes gsungs te/ byang chub kyi sems de ni bde ba yang yin la mchog kyang yin pas na bde mchog go// de'i gnas 'du 'bral med pa ni yum gyi pad+ma ste dbyings nyid do// de lta bu'i gnas shin tu mdzes pa'i phyir 'dzum pa ste rgyan thams cad kyis brgyan pas 'khril pa// nyon mongs pas ma gos pas pad+ma shin tu yangs pas b+ha ga ste/ de lta bu'i gnas su chags pa'i phyir/ ru zhes gsungs te/ de lta bu ru gsang ba'i rdo rje bzhugs par bya ba'i dga' mchog rdo rje gsang ba'i byang chub sems zhes pa la sogs pa gsungs te/ dga' mchog ces pa ni dga' ba rnam pa bzhi ste/ dga' ba dang mchog tu dga' ba dang / rang bzhin gyis dga' ba dang / bral ba'i dga' ba dang bzhi'o// rdo rje ste gsang ba'i rdo rje ste rnal 'byor phyi ba la med pas na gsang ba'o// byang chub kyi sems gshegs pa'i shul dang / dga' ba bzhi nyams su myong ba'i gnas yin pa dang / khu ba dang lhan cig skyes pa'i rang bzhin gyi dga' ba'i gnas yin pas na rdo rje zhes bya'o// bde ba chen po'i gnas nas dri ma med pa'i byang chub kyi sems de dga' ba bzhi dang ldan te rdo rje'i rtsa ba dang dbus dang rin po che'i gnas nas 'ong ba dang ni sos kwa'i char bzhin du rdo rje'i rtse mo nas 'bab ste bral ba'i dga' ba'o// de gang du 'bab ce na/ rgyun mi 'chad par yum gyi pad ma la 'bab pa'o// rgyun mi 'chad na 'o na ci rtag par chu bo chen po rgyun bzhin du 'ong ngam ci zhes brgal ba dang / 'on te de ltar ni ma yin te/ rtag par 'bab pa zhig yin na ni rlung la sogs pa'i rkyen gyis bya rgyu med de de bas na rtag tu 'bab pa ni ma yin no// brgal ba 'o na gzhung nyid las kyang sos kwa'i char bzhin du rgyun mi 'chad par 'bab bo zhes zer na khyod kyi de ltar ma yin na ni gzhung dang 'gal lo zhe na/ 'on te de ltar ma yin te sos ka zhes smos pa ni sos ka'i dus kyang nyams dga' ba'i dus te/ byang chub sems kyang 'bab pa'i dus na mi dga' ba lta bu ma yin te nyams dga' ba'i phyir mthun pa'i dpes so// zhes smos pa yin no// char bzhin du zhes pa ni sos ka'i char pa yang rgya mtsho'i rlangs pas bskyed de bskyod nas 'bab pa ma yin pa dus rtag tu ni 'bab pa ma yin no// de bas na byang chub sems kyang rkyen rnam pa gnyis kyis bskyod pa'i dus su 'bab dus rtag tu 'bab pa ni ma yin no// brgal ba 'on te khyod kyis de ltar yin na rgyun mi 'chad zer ba dang 'gal lo// mi 'gal te rgyun mi 'chad zer ba ni byang chub kyi sems de'i mtshan nyid ye nas ma btsos pa zhes pa dang / brjod pa'i mtha' las 'das pa ni dus gsum du rtag tu gnas pa yin pas na de la dgongs nas gsungs pa mi 'gal lo// zhes the tsom gcad do// de'i don la dam pa'i phyir ho zhes thabs mchog yab kyis gsungs so// de nas yang byang chub kyi sems de la yum gyis gleng bslang ba'i phyir/ de nas chags pa yum gyi byang chub sems kyi zhes pa la sogs pa gsungs te/ de nas zhes pa ni gsal lo// chags pa ste yum yab kyi rjes su chags pas na chags pa'o// yum gyi byang chub kyi sems thugs su chud nas/ de'i don gyi thabs mchog yab kyi byang chub kyi sems la bskul ba'i cho 'phrul gyi sgra 'og nas 'byung ba 'di skad bsgrags so// a ho chags pa chen po yum gyi byang chub kyi sems zhes pa la a ho zhes pa ni e nyid chos nyid ye nas skye ba med pa la ho ste chags pa'o// nyon mongs pa'i dbang la chags pa ma yin pa'i phyir chen po'o// phyi dang nang du snang ba'i chos dbang du bsdus pas dbang / gnyis med pa'i ye shes su 'gyur bas byang chub kyi sems de lta bu'i byang chub sems de las dus gsum gyi bde bar gshegs pa rnams kyang de las bskyed cing kun gyi 'byung gnas su gyur pa'i phyir rtsa ba ni mchog go// yum gyi sems nga la 'khor ba'i skyon gang gis kyang ma gos pa'i phyir dri med skyon bral zhes gsungs pa yin te/ byang chub kyi sems kyi rten gnas de'i dbyibs pad mar gnas pa'i phyir pad+ma/ pad+ma de'i rgyu 'bru nas byang chub sems 'od zer gyi tshul du byung ste/ de'i gnas su thabs mchog yab kyi byang chub kyi sems mu tig dkar po dri ma med pa nyon mongs pa gsal ba'i phyir bsil ba'i 'od zer bdog gis pad ma'i 'od zer 'bru la spyi ru gsol to// zhes mtshan nyid kyi sgo nas/ klung bslang ba'o// yab kyi byang chub kyi sems kyi mtshan nyid la gling bslang ba'i phyir/ yang thabs mchog yab kyi zhes pa la sogs pa gsungs te/ 'di skad ces bsgrags so// zhes par 'brel te/ a ho gsal zhing dag pa'i zla ba'i dkyil 'khor ni zhes pa ni/ byang chub kyi sems de rang bzhin gyis gsal bas na/ gsal zhing rnam par rtog pa'i skyon gyis ma gos pas dag pa/ kun rdzob byang chub kyi sems kyi kha dog dkar por yod pas zla ba'i dkyil 'khor de ni skyon gyis ma gos pa ye nas rnam par dag pa'i byang chub kyi sems de ni dus gsum gyi rgyal ba rnams kyis ji ltar gnas par thugs su chud de/ de lta bu'i byang chub kyi sems de ni bsal ba ste/ 'od zer gyi tshul du yum gyi pad ma'i ze 'bru'i gnas su byang chub kyi sems spro bar bya'o// ho zhes rnam par bskul lo// de ltar yab yum gnyis kyis gleng bslang nas byang chub kyi sems gnas su drangs nas spro ba dang bsdu ba'i ting nge 'dzin 'di gsungs so// de nas bcom ldan 'das zhes pa dang / 'di skad brjod do zhes pa ni go sla'o// e ma'o bde mchog bde ba'i zhes pa ni byang chub kyi sems gnas nas grangs nas bde ba rnyed pa de ni bde ba kun gyi mchog yin te/ de rdo rje las phar yum gyi pad+mar spros/ yum gyi ba spu'i bu ga nas par byang chub kyi sems rab tu spros pas khams gsum gyi sems can thams cad kyi lus la phog pas nyon mongs pa thams cad dag par byas pa la 'gro ba kun gyi rgyud sbyangs te zhes dus de nyid kyi skabs su dus gsum gyi sangs rgyas kun gyi thugs la phog pas byang chub kyi sems mchod pa phul/ slar sangs rgyas kyi 'od zer bskul zhing slar yum gyi dbyings su 'dus shing thim pa las byang chub kyi sems thig le'i gzugs su yum gyi pad+ma la gsal bar gyur te/ des de nyid du thig le'i 'od kyis kun nas khyab pas de'i phyir byang chub kyi sems kyis kun la khyab ces bcom ldan 'das kyis gsungs so// byang chub kyi sems kyi 'od zer des 'gro ba rnams sbyangs pa rnams de'i tshe/ 'khor ba dang mya ngan las 'das pa'i chos thams cad byang chub kyi sems 'ba' zhig du gnas so// de ltar rten can gyi rgyu bsgrubs nas thog ma nyid du bsnyen bsgrub bya ba'i phyir/ de nas bcom ldan 'das gsang ba mchog gi bdag po des/ zhes pa la sogs pa gsungs te/ de nas zhes pa ni bcom ldan 'das kyi sku longs spyod rdzogs pa'i tshul du bzhugs pa de ma thag pa de nas rten gyi dkyil 'khor bskyed de/ bcom ldan 'das longs spyod rdzogs pa'i skur bzhugs pa'i sku las 'od zer las yi ge a 'phros pa las/ a de yongs su gyur pa las chos 'byung ba'i phyag rgyar gsal te/ yum kun tu bzang mo'i mkha'i rang bzhin gru gsum pa da/ steng nas steng du yongs su rgyas pa'i 'phra la gting zab pa'o// de'i nang du rig pa'i byin brlabs las yi ge yaM sngon po 'phros pa las/ yoM de yongs su gyur pa las rlung gi dkyil 'khor sngon po dbyibs sbyangs kyi zhal lta bu phyogs bzhin ba dan bzhis mtshan bcis kyang mi shigs pa'o// de'i steng du gong ma ji lta ba bzhin du raM dmar ser 'phros pa las raM yongs su gyur pa las me'i dkyil 'khor gru gsuM pa'o// de'i steng du chu'i dkyil 'khor dbyibaso zlum po// kha dog dkar po'o// de'i steng du su ser po las gser gyi sa gzhi'o// de'i steng du laM las rin po che sna lnga las grub pa'i ri rab zur brgyad pa zhig bskyod de/ 'byung ba bzhi ni yum sangs rgyas spyan la sogs pa'i rang bzhin de de'i phyir btsun mo'i b+ha ga zhes gsungs te/ de las rten gyi rang bzhin grub pa bya ba'i phyir/ dam tshig chen po'i pho brang gru bzhi par byin gyis brlab pa'i phyir/ nyid kyi sku dang gsung thugs rdo rje las 'di phyung / zhes pa ste/ gang phyung zhe na yi ge bruM 'di ri rab kyi steng du ri rab las phyung ste bzhag pa las de yongs su gyur pa las 'khor lo 'khor lo yongs su gyur pa las/ rnam par snang mdzad kyi skur gyur te/ de las 'od zer 'phros pas de bzhin gshegs pa'i gzhal yas khang gi rang bzhin kun bsdus nas slar nyid kyi sku la bzhugs pas sku nyid kyang 'od du 'u/ rlung dang mes gzhu ste 'od kyi gong bu gcig tu gyur to// de las gzhal yas khang dpag cing gzhal ba las 'das pa/ sangs rgyas dang sems can mnyar ba'i phyir zur bzhir byung ba la sogs pa'i yon tan 'og nas 'byung bas brgyan pa/ ka ba brgyad kyis bteg pa la sogs pa'i pho brang de'i nang nas seng ge la sogs pa'i yon tan dang ldan pa'i sems can lnga'i khri stangs nas/ nyi ma dang zla ba de'i steng na pad+ma de'i steng na rin po che/ rang byung du grub pa'i gzhal ya sa khang / de la 'di skad ces gsungs so// e ma sangs rgyas thams cad kyi zhes pa nas/ sna tshogs sangs rgyas kun gyi gnas zhes gsungs so// zhes pa'i bar gyis ston te go sla'o// de nas gzhal yas bskyed pa'i de ma thag pa de nas yang bcom ldan 'das byang chub kyi sems kyi rdo rje'i zhal nas/ sti ta badz+ra a zhes brjod de/ dkyil 'khor chen po dbus kyi gdan stengs su bzhugs par 'gyur ro// de ltar yum kun tu bzang mo yang 'o khrol ba'i tshul gyis gnyis su med par bzhugs so// de nas yang 'khor bskyed pa'i ting nge 'dzin bstan te de'i phyir/ de nas yang gnyis su med pa'i zhes pa ye sogs pa gsungs te/ TI gam byang chub kyi sems ji skad brjod pa'i de ma thag pa'i de nas 'khor bskyed de/ yum gyi mkha' la byang chub kyi sems kyi thig le'i ngo bor de gnas pa de los/ phyogs dang mtshams su yi ge ri ngo bor gyur te dbus su tha gnyis ze 'bru la'o// shar phyogs su ta gnyis/ lho phyogs su da gnyis/ nub phyogs su d+ha gnyis/ byang phyogs su na gnyis/ drag po dang thung ngu gnyis te/ rigs lnga'i sa bon no// shar phyogs su ka/ lho phyogs su kha/ nub phyogs su ga thung ngu/ byang phyogs su ga ring po// de ni phyogs kyi sems dpa' rnams kyi sa bon no// shar lho mtshams su sa/ lho nub mtshams su pha/ nub byang mtshams su ba thung ngu// byang shar mtshams su ba ring po sde 'di dag ni mtshams kyi sems dpa'i sa bon no// yang shar phyogs su tsa/ lho phyogs sa tsha/ nub phyogs su dza thung ngu/ byang phyogs su dza ring po ste/ de la sogs pa phyogs kyi sems ma yum gyi sa bon no// shwar lho mtshams su ya/ lho nub mtshams su ra nub byang mtshams su la/ byang shar mtshams su shA/ steng du sau la sogs pa'i sa bon te mtshams kyi sems dpa'i yum rnams so// shar phyogs pa/ lho phyogs nya/ nub phyogs sum/ byang phyogs su sa ste sgo ba bzhi'i sa bon no// de ltar yi ge'i dngos po rnams yongs su gyur pa las/ rdo rje dang 'khor lo dang / rin po che dang pad+ma dang / ral gri la sogs so so'i phyag mtshan du gyur to// phyag mtshon de yongs su gyur pa las/ chos kyi dbyings kyi gzugs brnyan du gyur te/ gtso bo nyid kyi sku dang gsung dang thugs rdo rje las gsang ba'i snying po 'di brjod do// hUM badz+ra d+h+r-ig de brjod ma thag tu de bzhin gshegs pa thams cad zhe sdang chen po'i skur rjes su dran de/ skur gyur to// zhes bshad pa cho ga gsum gyis don 'di nas mar bstan te de'i phyir/ sngags kyi yi ge 'phros 'dus pa las zhes zhus pa la sogs pa bstan te/ sngags kyi yi ge zhes pa ni tha'o// de 'phros 'dus pa'i yig 'bru las cho 'phrul gyi sgra 'og nas 'byung ba 'di skad ces bsgrags so// dus gsum gyi sangs rgyas thams cad kyi gsung rnam par dag pa'i rang bzhin yi ge'i gzugs su gnas pa de'i phyir/ e ma'o zhes pa nas bsgrags so zhes pa'i bar gyis bstan te/ rigs ni zhe sdang gi sangs rgyas rnams kyis gsung ngo // de nas thugs kyi cho ga bstan te/ dus gsum gyi sangs rgyas rnams kyi thugs kyi ngo bo rdo rje'i rang bzhin du gyur to// de'i mtshan nyid bstan pa'i phyir de nas snying po yi ge de zhes pa nas thugs ni bsten pa'o// zhes pa'i bar gyis bstan pa'o// de nas yi ge rdo rje'i bum pa'i nang na yod pa las/ rdo rjer 'phros skur 'das pa las 'od kyi gong bur gyur te de'i skabs su gong du gsungs pa'i sngogs hUM badz+ra d+h+r-ig brjod pas sku yongs su rdzogs te/ 'jig rten gyi khams su gsang ba'i dkyil 'khor nas/ 'thon te spros pas sems can zhe sdang can gyi rgyud sbyangs nas slar 'dus pa las/ a zhes brjod pas gtso bo nyid la thim par gyur to// de'i phyir de nas thugs de nyid ces pa nas bdag po sku gsung thugs nyid la bzhugs so// zhes pa'i bar gyis bstan te go sla'o// phung po lnga las rnam par shes pa'i phung po rnam par dag pa'o// ring ji ltar rgyas par bstan pa bzhin 'og ma rnams la yang shes par bya'o// de nas dang po'i byang chub sems las byung ba'i phyir/ de nas gnyis su med pa'i zhes pa nas snyoms par zhugs nas zhes pa'i bar gyis bstan to// sku yongs su rdzogs par bya ba'i rkyen gyis bstan pa'i phyir/ nyid kyi sku gsung thugs zhes pa nas gti mug chen po'i sku rjes su dran te/ zhes pa'i bar gyis bstan to// gti mug chen po'i gsung gi mtshan nyid bstan pa'i phyir/ gsung yig 'bru las zhes pa nas gsung dri ma med ces pa'i bar gyis bstan to// yi ge de yongs su gyur pa las/ thugs mtshan 'khor lor gyur pa bstan pa'i phyir/ snying po'i yi ge zhes pa nas zur brgyad pa lta bu zhes pa'i bar gyis bstan to// gtso bo'i yon tan gyi sgo nas ji ltar 'byung ba bstan pa'i phyir/ de'i tshe 'khor lo zhes pa nas sku'i thugs ni bstan pa'o// zhes pa'i bar gyis bstan to// de nas 'khor lo de yongs su gyur pa las sngags gong ma brjod pa las snang mdzad chen po'i sku mdog dkar po rgyan thams cad kyis brgyan pa g.yas na 'khor lo g.yon na dril bu rnams te gsang ba'i dkyil 'khor nas 'thon te 'phro ba dang 'dus pas gong ma bzhin du byas te/ a zhes brjod pas shar phyogs su bzhugs so// sku lnga las ni phung po rnam par dgra pa'i sku ste/ byang chub kyi sems des phyi dang nang du snang ba thams cad la snang bar mdzad pas na rnam par snang mdzad do// gtso bo'i byang chub kyi sems de las dgos 'dod re ba yid bzhin du stong ba de'i phyir// de nas yang gnyis su med pa'i bdag nyid chen pos rin chen dpal zhes pa na yon tAn phyag rgya bstan pa dang / g.yas phyogs su bzhugs so zhes pa'i bar gyis bstan te/ sku mdog ni sngo bas nges phyag g.yas na rin po che g.yon na dril bu'o// phung po lnga las tshor ba'i phung po rnam par dag pa'o// de nas yang byang chub kyi sems kyi mtshan nyid kyis phyi dang nang du snang ba las mtha' yas par khyab pas snang ba mtha' yas te de bstan pa'i phyir/ gsal ba'i sgron ma zhes bya ba nas/ e zhes pa brjod cing rgyab phyogs su bzhugs so// zhes bya ba'i bar gyis bstan te/ de yang sku mdog dmar po phyag g.yas ni pad+ma g.yon na dril bu'o// phung po lnga las ni 'du shes kyi phung po rnam par dag pa'o// de nas yang byang chub kyi sems de'i ngang du phyi dang nang du snang ba thams cad 'dus shing ye nas rnam par dag par byas te/ 'di ni byas so// 'di ni ma byas so// zhes bya ba med de thams cad kyi don gcig gi ngang du bsgrubs te bstan pa'i phyir rdo rje 'phro ba zhes bya ba nas las kyi phyag rgya bstan pa'o zhes pa dang / g.yon phyogs su bzhugs so zhes pa'i bar gyis bston to// sku mdog ni ljang gu phyag g.yas nA ral gri g.yon na dril bu'o// phung po lnga las ni 'du byed kyi phung po rnam par dag po'o// de nas byang chub kyi sems de ni gang gi ngo bor yang ma grub par bstan pa'i phyir/ de nas bcom ldan 'das zhes pa nas na mkha' lta bu'o zhes pa dang rdo rje 'dzin pa'i sku la 'khril ba'i tshul gyis so// zhes pa'i bar gyis bstan te sku mdog yab dang mthun phyag g.yas gtso bo la 'khyud g.yon bgrang 'phreng ngo // 'byung ba lnga las ni na mkha'i rang bzhin no// de nas byang chub kyi sems de nas dus gsum du rnam par rtog pa gang gis kyang bskyod pa ma yin zhing bstan par bstan pa'i phyir bstan pa zhes pa nas snang mdzad sems pa'i sku la 'khril pa'i tshul gyis bzhugs so// zhes pas bstan te sku mdog gtso po dang mthun g.yas dril bu g.yon phreng ba kun la shes par bya'o// 'byung ba las ni sa'i rang bzhin no// byang chub kyi sems de'i ngang du phyi dang nang du snang ba thams cad sdud pas na de'i mtshan nyid bstan pa'i phyir sdud ma rdo rje zhes pa nas/ rin chen sems ma'i sku la zhes pa'i sar gyis bstan te/ 'byung ba las ni chu'i rang bzhin no// de nas yang byang chub kyi sems des nyon mongs pa srog cing yang dag ba'i dbyings su smin par bstan pa'i phyir/ 'bar ba'i zhes pa nis chos kyi sems pa'i sku la zhes pa'i bar gyis bstan te/ 'byung ba lnga las me'i rang bzhin no// de nas yang byang chub kyi sems ngo'i ngang du phyi dang nang du snang ba thams cad la thugs rjes g.yos shing sdud pas na/ de bstan pa'i phyir g.yo ba rdo rje zhes bya ba nas las kyi sems pa'i sku la zhes pa'i bar gyis bstan te/ de ltar 'byung ba rlung gi rang bzhin te de ltar 'byung ba lnga dang rigs lnga'i mtshan nyid ji ltar yin pa bsgoms na/ ji ltar 'dod pa bzhin du 'grub bo// de nas byang chub kyi sems de na mkha'i mtshan nyid du gnas pas na na mkha'i snying po byang chub kyi sems de mtha' gnyis su mi ldang zhing yang dag par ma bstan pas na sa'i snying pa'o// byang chub kyi sems las sgra'i tshul du sku nyid byung nas sems can gyi don mdzad pas spyan ras gzigs dbang phyug go// byang chub kyi sems de'i ngang las bzang ngan med pas na kun tu bzang po'o// byang chub kyi sems des kun la khyab pas byams pa'o// byang chub kyi sems de'i ngang las nyon mongs pa med pas na sgrib pa rnam par sel ba'o// byang chub kyi sems de'i ngang du sdud pas na 'jam dpal dus rtag tu de dang mi 'bral bas na phyag na rdo rje'o// byang chub kyi sems de dbyings rnam par dag pas na la se la de'i ngang las gang 'gag pa med par 'byung bas ma la'o// de'i ngang las ji lta ba'i sgo nas chos ston pa'i gau rti'o// ji ltar snang bas na ni rti'o// byang chub kyi sems de mnyes shing mnyes pas du pe/ chos kyi dbyings su spros pas puSh+pa/ dbyings gsal bar gyur pas mar me ma/ shin tu mnyes pas gan+de ma'o// byang chub sems kyi rkyen chos kyi dbyings pas lcags kyu ma stong skad nas 'khyud pas zhags pa ma/ rdo rje dang pad mar yang dag par ldan pas lcags sgrog ma'o// shin tu dgyes pa'i ro bstar bas dril bu ma'o// byang chub kyi sems des 'khor ba'i skyon dag pas ya mAn+ta kr-id de la 'chi ba med de 'chi bdag gi bdud bcom pas big+han+ta kr-ing byang chub kyi sems de'i ngang du gnyis su mi phyed cing lha'i bu'i bdud bcom pas pad+mAn+ta kr-ing da'i ngang las nyon mongs pa rdul tsam yang mi mnga' bas pradz+nyAn+ta kr-id do// de'i phyir gzhan yang sems pa dang zhes pa la sogs pa gsungs te/ gzhi na yang rigs lnga yab yum las gzhan bsems dpa' la sogs pa ste/ de'i phyir sems dpa' ste sa'i snying po la sogs pa brgyad dang / sems ma ste la sa la sogs pa brgyad dang // khro bo dang zhes pa ni ya mAn takr-id la sogs pa bzhi'o// khro bo sgo skyong 'dra ste lcags kyu ma la sogs pa bzhi'o// sprul sku la sogs pa ni byang chub sems las sprul pa ste/ thub pa chen po drug ste de rnams bskyed pa dang / sa bon dang phyag mtshan la sogs pa ni sgyu 'phrul gyi rgyude las ji ltar grags pa bzhin gyi rim pa ji lta bar ro// de ltar dkyil 'khor du bkod pa de rnams kyang gang las 'byung zhe na de bstan pa'i phyir/ gnyis med bdag po byin brlabs las zhes gsungs te/ yab yum gnyis su med pa'i byin gyis brlabs las byung ngo // 'o na gnas dang lha dang 'di ltar gnas pas rang bzo min nam zhe na min te ji skad du/ gnas ngag tu ni dkyil 'khor dang / 'gro rnams dgod par ji lta bar// de ltar ston pa mchog gis mdzad ces so// de bzhin gshegs pa thams cad kyi zhes pa ni/ de bzhin nyid kyi gnas su gshegs shing gshegs pas na/ de bzhin gshegs pa ste/ de ma lus pa thams cad kyi sku gsang ba gsung gsang ba thugs gsang ba ste/ de'i ngang du thams cad gnas shing sdud pas na dung khrod/ shin tu dkon pas na khu byug/ de'i ngang la rol pas rol pa/ de ston pa nyid kyi zhal nas gsungs pas na mdo sde ste/ de las ting nge 'dzin ni don dam pa'i bden pa dang kun rdzob rim par bkod pa'i don de/ don dam pa dang / kun rdzob kyi tshul gyis ji ltar yin pa shes par bya'o// le'u zhes bya ba ji ltar gos kyi sbrul ma mang po bsdoms nas gcig tu byas te/ gon na sbrang bu dang sdig pa la sogs te 'tshe ba'i rnam pa dang rlung dang / grang ba la sogs pa ste/ gnod pa thams cad bzlog pa de bzhin du/ rgyud kyi don 'dis nyon mongs pa lnga dang 'khor ba'i skye gnas dang phyin ci log gi 'tshe ba las yang dag pa'i dbyings su bzlog pa na gos 'dra ba'i phyir le'u'o// rgyud kyi don 'di len cing 'dzin pas ston pa'i gzhung gi tshogs la yang le'u zhes bya ba'o// bdud rtsi'i thigs pa zhes bya ba'i// rgya cher 'grel pa las bden pa gnyis bshad pa'i le'u ste/ dang po'o// / de ltar le'u dang por thams cad bskyed nas/ mthar phyin pa'i don gsal bar bstan pa'i phyir/ de nas zhes pa la sogs pa byang chub kyi sems kyi le'u gnyis pa gsungs te/ bcom ldan 'das la phyag 'tshal nas/ 'di skad gsol ba btab po// zhes bya bar sbyar ro// bcom ldan 'das sku gsang ba gsung gsang ba thugs gsang ba kun gyi mchog dam pa'i bdag po la mchod pa dang phyag btsal nas 'og nas 'byung ba'i bstod pas bstod de byang chub sems kyi don 'og nas 'byung ba 'di skad ces sdang po po rdo rje chos kyis bcom ldan 'das la gsol ba gdab bo// bcom ldan 'das la bstod pa'i phyir/ e ma'o bder gshegs bcom ldan 'das zhes pa la sogs pa gsungs te/ e ma'o zhes pas ston pa las sdud pa po ngo mtshar ba'i tshig go// bdar gshegs kyi don ni gong du bshad zin to// bcom ldan 'das zhes pa ni nyon mongs pa thams cad bcom pas na bcom ldan 'das te ston pa la bod pa'i tshig go// gsang mchog dgyes pa che zhes bya ba ni byang chub kyi sems kyi ngo bor gyur pa la dgyes pa che zhes brjod do// rnam par dag pa'i lam zhes bya ba ni bde ba chen po'i 'khor lo la sogs pa'i bdag nyid du gyur pas lam zhes brjod de/ ngo mtshar 'byung ba khyod la 'dud ces bya ba ni byang chub sems nor bu'i nang du gnas pa'i skabs na lhan cig skyes pa'i dga' 'byung ba'i bdag por gyur pas ngo mtshar ro khyod la bdag 'dud pas so 'khor rnams kyi don du lus ngag yid gsum gyis 'dud do// btud nas ci byed ce na rten dang brten can du snang ba'i de kho na nyid kyi don dang / don dam pa dang kun rdzob kyi byang chub kyi sems kyi don zhu ba de'i phyir dkyil 'khor rnams kyi de nyid don/ byang chub sems kyi mtshan nyid de sdud pa po dag dang 'khor rnams la bshad du gsol/ zhes 'khor gyis gleng bslang ba'o// dkyil 'khor gyi de kho na nyid dang / byang chub sems kyi mtshan nyid bstan pa'i phyir// de nas gsang ba mchog gi bdag pos rdo rje yid kun tu bzang po la ston pa sa bka' stsal pa/ sems dpa' chen po zhes bos nas ngas khyod la bshad kyis lus ngag yid gsum gyi sgo nas nyon cig ces bka' stsal lo// sdud pa po yid kun tu bzang po khyod kyis spobs pa bskyed nas 'khor gyi don du zhu ba legs so legs par zhus so zhes lan byin te/ dkyil 'khor gyi de kho na nyid dang / byang chub sems kyi de kho na nyid dang / byang chub sems kyi mtshan nyid 'di ni sngon gyi rgyal ba sangs rgyas thams cad dang / da ltar gyi rgyal ba sangs rgyas thams cad dang / phyi ma 'byung ba'i rgyal ba sangs rgyas rnams kyi don 'di la ma gsungs pa gsung bar rga ba yin te/ de ci'i phyir zhe na/ dkyil 'khor gyi de kho na nyid dang / byang chub sems kyi mtshan nyid ni brjod du yang med la/ snod du gyur pa yang dkon pa'i phyir ro// sems dpa' chen po de bas na khyod nyid la dris shig ces ston pas bka' stsal te/ cang mi gsung bar bzhugs so// zhes pa ni de kho na nyid dang sems kyi mtshan nyid ni brjod pa las 'das shing / gang gi ngo bor ma grub pa'i phyir/ cang mi gsung ba'o// de ltar ma gsungs pa'i don gyis 'khor rigs lnga dang der ma bas te/ de bzhin gshegs pa thams cad kyi sdud pa po rdo rje chos la zhus shig par bskul ba bstan pa'i phyir/ de nas mi bskyod pa zhes pa nas bka' gsal ba las zhes pa'i bar gyis bstan to// de nas sdud pa po rdo rje yid kun tu bzang pos rigs lnga'i sangs rgyas dang / byang chub sems dpa' rnams kyis bskul bar thugs su chud nas/ 'khor mang po rnams byang chub sems kyi snod du rung bar byin gyis brlabs nas ston pa kun tu bzang po'i zhal du bltas nas gnas so// zhal du bltas nas gnas pa yang ston pa yang ston pas kyang thugs su chud de/ bde ba bstan pa'i phyir/ de nas bcom ldan 'das zhes pa la sogs pa bstan te/ bka' stsal to zhes par 'brel to// zhus pa'i don bstan pa'i phyir/ rdo rje yid kun tu bzang po la sogs pa 'dus pa'i 'khor tshogs rnams nyon cig ces gnang nas bskul te ston pas gleng bslang ngo // de nas ston pas 'di skad gsungs so// zhes bya ba'i don bstan pa'i phyir/ byang chub sems zhes bya ba ni zhes pa la sogs pas bstan te/ byang chub kyi sems de'i mtshan nyid gang yin zhe na/ 'di lta ste brjod dang sgra bas ma yul las 'das zhes bya ste/ byang chub kyi sems gnas nas bskyod du nor bu'i nang du gnas tsom na khu ba dang lhan cig du skye ba'i dga' ba 'byung ste/ de la yun ring du gnas pa'i dus na phyi dang nang du snang ba bdi nyid rang bzhin gyis stong pa'i mtshan nyid du mthong ste/ stong pa'i mtshan nyid de la ni brjod dang smra bsam yul las 'das zhes gsungs te// dus de nyid du byang chub sems kyi mtshan nyid 'di yin/ 'di lta bu zhig yod do zhes bya ba med de/ brjod pa las 'das so// de lta ba'i skabs su don dam pa zhes pa dang / kun rdzob ces bya ba'i tha snyad thams cad dang bral bas/ don dam kun rdzob tha mi dad ces gsungs pa yin no// rang lus ngag yid rdo rje ste zhes bya ba ni/ rang gi lus dang ngag dang yid gsum yang rang bzhin gyis ma nas rnam par dag ste chos kyi dbyings su gyur pas rdo rje zhes gsungs pa yin no// gcig gis gnyis kyi las byed pas zhes bya ba ni gcig ces te byang chub sems kyi ngo bo'o// las byed pas zhes pa ni/ rten dang brten can gnyis kyis las byed cing bskyed de lho'i dkyil 'khor du snang ba thams cad ni don yod par ma yin te/ ji skad du sgyu 'phrul ma tshan mo'i nang nas kyang e ma'i rdo rje phung po yan lag ni// rdzogs ba'i sangs rgyas lnga ru grags// skye mched khams rnams mang po kun// byang chub sems dpa'i dkyil 'khor de// sa chu spyan dang ma ma ki/ me rlung gos dkar sgrol ma ste// nam mkha' dbyings kyi dbang phyug ma// srid gsum ye nas rnam par dag ces gsungs te/ de'i phyir/ lus dang ngag dang yid ma grub par gsungs te/ de ltar lha'i gzugs su lus ngag yid gsum gnas kyang don dam par ma grub ste/ chos kyi dbyings su rtogs pa'i rig pa'i skyes bu gang su yang rung pa de'i ni don dam pa byang chub kyi sems bskyed pa yin zhes bcom ldan 'das kyis gsungs so// de ni don dam pa'i bden pa ste/ de gsungs ma thag tu 'khor rnams kyis kyang thugs su chud de/ rang rang gi lus ngag yid gsu la soms nas cang mi smra bar 'khod do// de nas bcom ldan 'ongs la sdud pa po la sogs pa'i 'khor rnams kyis rtogs tshad dbul ba'i phyir/ de nas yid kun tu bzang po la sogs pa'i rtogs tshad dbul te/ sngon la sdud pa pos rtogs tshad phul ba/ e ma'o bder gshegs bcom ldan 'das// sangs rgyas kun gyi byang chub sems// rtogs par dka' ba'i snying po 'di// rab tu mi rtog gnas med do// zhes bya ba las/ e ma'o zhes pa ni/ sdud pa pos yid kun tu bzang po de byang chub kyi sems thugs su chud de dam pa'i tshig go// bder gshegs bcom ldan zhes bya ba ni khos pa'i tshig ste/ gnyis su me ba'i gnas ni bde ba ste/ de ru gshegs pa'i ngang la bzhugs pa ni/ kye bcom ldan zhes bos pa'o// sangs rgyas kun gyi byang chub sems zhes bya ba ni/ gzung ba dang 'dzin pa'i mtha' las 'das pa ni sangs rgyas kun gyi byang chub kyi sems yin te de rab tu rtag rga ba brjod pa thams cad bral ba de la ni/ rtag par dka' ba'i snying po 'di zhes gsungs so// mtha' rnam pab gnyis dang bral te mi rtog pa'i ye shes de la rnam par rtog pa gang gis kyang bskyod pa ma yin pa ste rtog par dka' bas/ rab tu mi rtogs gnas med pa'o// zhes gsungs/ rang gi lus ngag yid gsum la sems nas 'dug go// de nas yang 'khor rigs lnga'i rtogs tshad phul ba ston te/ sngon la mi bskyod pa rtogs tshad phul ba/ e ma'o gzung 'dzin rnam spangs pa// tshig dang yi ge'i spyod yul min// chos bdag med pa'i mnyam pa nyid// rang sems gdod nas ma skyes pa'o// zhes bya ba ni/ gzung 'dzin rnam spangs pa zhes pa ni/ phyi gzung bar bya ba'i yul ni nang 'dzin par byed pa'i sems nyid snang ba las ma gtogs pa yul logs shig na grub pa med do// 'o na nang 'dzin par byed pa'i sems nyid yod dam zhe na/ med de nang 'dzin pa'i sems nyid kyang skad cig mas gzhigs pas rang bzhin med do// 'o na skad cig ma'i chos gzhigs pa ni snga ma ni 'gags phyi ma ni ma byung da ltar ni mi gnas pas stong pa'i rang bzhin du grub ste/ stong pa ni stong pa'i sems zhugs nas rtag pa'i skyon yin na/ gzung ba dang 'dzin pa ji ltar spang du btu ba mi btub bo// lan du de ltar ma yin te/ gzung bar bye ba dang 'dzin par byed pa gnyis ka ma grub ste/ stong zhing bdag med par grub la stong zhing bdag med pa zhes bya ba de la yang gnas pa mo yin te/ shes pa dang brjod pa'i mtha' las 'das par phyir/ gzung 'dzin rnam spangs zhes pa nas// rang sems bzod nas ma skyes pa'o// zhes mi bskyod pas gsungs so// de nas rnam par snang mdzad kyis rtogs tshang phul ba'i 'di skad du gsungs so// e ma'o chos kun tu stong pa'i bdag// rang gi ngo bo brjod du med// brjod med de nyid sna tshogs pa'i// chos rnams kun la khyab por gnas// zhes bya ba la/ chos kun stong pa'i bdag ces bya ba ni phyi nang du snang ba'i chos thams cad ni ngo bo nyid kyi stong ste/ me me yis stong / chu chu yis stong / sa sas stong / rlung rlung gis stong / gzugs gzugs gis stong / zhes pa la sogs pa rgyal ba yum chen mo las rgya cher gsungs te/ de'i phyir/ chos kun stong pa'i bdag ces gsungs te/ rang gi ngo bo ma skyes pa de la ni/ so so'i ngo bo 'di lta bu yin bya ba brjod du med rang bzhin gyis 'od gsal ba de'i phyir/ rang gi ngo bo brjod du med ces gsungs so// 'o na rang gi ngo bo ma skyes pa de la 'di ltar snang ba la ma khyab bam zhe na/ khyab ste ma skyes pa ste/ stong pa gting chad pa ni ma yin te gang la yang 'gog pa med par rang 'byung ste/ 'byung ba'i dngos po thams cad la yang mar me dang 'od kyi tshul du khyab nas gnas te/ de'i phyir/ brjod med de nyid sna tshogs pa'i// chos rnams kun la khyab par gnas// zhes bcom ldan 'das rnam par snang mdzad kyis gsungs so// de nas yang rin chen sems pas rtogs tshad phul ba 'di gsungs so// e ma'o dro mnyam byang chub sems// ming du btags pa'i chos rnams kun// mnyam pa nyid la gnas bcas phyir// mnyam pa nyid las gzhan med do// zhes bya ba la/ mnyam nyid byang chub sems zhes pa ni/ 'di ltar snang ba thams cad la phyi mo nyid ma skyes pa chos kyi dbyings yin la/ de'i ngang la ni sangs rgyas sems can gnyis med do// de'i ngang la dus rtag tu gnas bcas shing gnas pas na/ mnyam pa nyid las gzhan med do// zhes rin chen sems pas gsungs so// de nas yang chos kyi sems pas rtogs tshad phul ba 'di gsungs so// chos su snang ba thams cad kun// rang gi ngo bos brjod du med// de nyid byang chub sems su ni// mkhas pas bsgoms na rtogs par 'gyur// zhes pa la chos su snang ba thams cad kun zhes pa ni phyi 'byung ba lnga las grub pa bstan pa'i rang bzhin can gyi chos dang / nang phung po lnga las grub pa'i g.yo bar snang ba thams cad kun/ ye nas ma skyes pa yin te brjod pa las 'das pa de'i phyir/ rang gi ngo bo brjod du med ces gsungs te/ spros pa'i mtha' brgyad de dang bral ba ni byang chub kyi sems te/ de la byang chub kyi sems yin zhes brjod pas 'bras bu mi thob ste/ de'i ngang du yang nas yong du mkhas pas nyams su blangs nas gnyis med pa'i ye shes gdod rtogs par 'gyur ba de'i phyir/ de nyid byang chub sems su ni// mkhas pas bsgoms na rtogs par 'gyur// zhes chos kyi sems pas gsungs so// de nas yang las kyi sems pas rtogs tshad phul ba 'di gsungs so chos kun byang chub sems nyid de// nges pa maud de rdos rtog bral// de nyid dag pa'i rang bzhin pas// mkhas pas ci dgar bsgoms na 'grub ces bya/ chos kun byang chub sems nyid de zhes pa ni/ phyi dang nang du snang ba'i chos kun// ye nas ma bcos pas byang chub kyi sems nyid yin te/ brtags pa'i dngos po ni gsog gso ba ya ma brla yin pas des na/ nges pa med de dngos rtag bral// de nyid dag pa'i rang bzhin pas// mkhas pas cir dgar bsgoms na 'grub/ ces las kyi sems pas gsungs so// don dam pa'i bden pa 'ba' zhig bstan pa'o// byang chub kyi sems rab tu sdom pa'i le'u ni byang chub kyi sems kyi le'u'o// bdud rtsi thigs pa zhes bya ba'i rgya cher 'grel pa bshad pa las/ le'u gnyis pa'o// // de ltar byang chub kyi sems kyi mtshan nyid bstan pa dang las dang po'i dang po pa rnams la gzugs kyi dkyil 'khor bstan pa'i phyir// de nas zhes pa la sogs pa bstan te/ de nas zhes pa ni lngar gyi le'u 'das pa'i de ma thag pa de nas so// yang yid kun tu bzang pos bcom ldan gsung ba mchog gi bdag po la 'og nas 'byung ba'i tshig 'di skad gsol ba btab bo// de nas ci 'dod pa'i phyir gsol ba btab ce na/ brnyan ma'i dkyil 'khor ma 'dres bar rim par 'dod pa'i phyir/ e ma bder gshegs rgyal ba'i gtso zhes pa nas bde bar gshegs pas bshad du gsol/ a lA la ho zhes pa'i bar gyis bstan te go sla'o// zhus pa'i lan bstan pa'i phyir/ de nas ston pa rgyal mchog gis zhes pa la sogs pa gsungs te/ de nas ston pa mtha' rnam pa gnyis la rgyal ba'i rgyal mtshan btsugs shing kun gyi mchog du gyur pa des/ sdud pa po kun tu bzang pos zhus pa'i tshig gsun nas/ snyan ma'i dkyil 'khor thugs dang po'i sgo nas rab tu 'khor rnams la bshad de phyi ba'i gang zag las dang po'i dang po pa rnal 'byor la 'jug par 'dod pa'i ched du'o// de yang las dang po pa gang zag rnam pa lnga pos kyang slob dpon gyi mtshan nyid ji lta bus bya ba brtag par bya ba'i phyir/ slob dpon byed dang rjes 'brangs pas zhes pa la sogs pa bstan te/ slob dpon byed dang zhes pa ni gang zag lnga po 'dren par byed pa'i phyir/ slob dpon byed dang zhes bya ba ste/ sngon bde bar gshegs pas ji ltar mdzad pa'i rjes su 'bring ba'i slob dpon de'i mtshan nyid bshad par bya ste/ de'i phyir blo yangs rgyud la goms pa dang zhes pa la sogs pa bstan te/ blo yongs rgyud la goms pa dang // zhes pa ni phyi dang nang du snang ba'i chos la rtog pa mi skye zhing blo yangs par mdzad pa/ rnal 'byor gyi rgyud dang / rnal 'byor bla na med pa'i rgyud la goms shing mkhas pa dang / bla ma'i nyams kyis man ngag thob cing ting nge 'dzin las su rung ba dang / ston pa'i bka' phyi nang gi chos sde snod gsuM la mo rmongs shing / the tshom mi za ba dang yang dag pa'i ting nge 'dzin la sran thub cing lta ba mi ldog pa dang / yang dag pa'i chos la dad pa'i dad pa che ba dang / phyin ci ma log pa la yid ches pa'i dad pa che ba dang / yang dag pa'i chos la dad pa che ba dang la sogs pa'i dad pa mnga' ba gsang ba ste/ 'khor lo bzhi'i bye brag dang / spras pa ste/ shes rab ma rab 'bring tha ma gsum la ji ltar bya ba'i thabs mchog rnams/ snod ngan pa gang zag 'phyar po gas mi thub pa rnams la mI ster ba dang / bla ma las mthar phyin pa'i dbang mchog rnams thob pa ni/ rdo rje 'dzin pa'i dkyil 'khor gyi las kun kyang bya ba thams cad la yangs shing / de lta bu'i mtshan nyid dang ldan pa'i slob dpon de ni rdo rje 'dzin pa'i snyan ma'i slob dpon no// de nas 'khor lo can gyi slob dpon bstan pa'i phyir/ yan lag dam tshig ma nyams dang zhes bya ba la sogs pa bstan te/ yan lag dam tshig ces bya ba ni 'og nas 'byung ba'i dam tshig bco lnga ma nyams shing / mdog dang ste shin tu mdog ser la 'tsher ba dang / gzugs dang ste gzugs shin du bzang ba stong smad phyed pa'o// stobs dang ldan te shin du mi 'os pa'i stobs yod pa'o// 'khor lo sgyur ba'i mtshan yod pa'i lag pa g.yon pa'i srin lag gi sba ba na 'khor lo rtsibs brgyad yod pa/ lus dri zhim po a ka ru la sogs pa'i dri zhim po'i ngang dang ldan pa/ de lta bu'i mtshan ma yod pa de ni sangs rgyas 'khor lo can gyi dkyil 'khor gyi slob dpon yin par rab tu gsungs so// de nas yang rin po che'i slob dpon gyi mtshan nyid bstan pa'i phyir/ shes pa che zhing yon tan ldan zhes pa la sogs pa gsungs te/ shes pa che zhing yon tan ldan zhes pa ni phyi drung nang gi chos la rmongs pa dang / bzo dang rig pa'i gnas la mkhas pa dang / yon tan sgro yangs te ci la yang ma 'gags par byed pa dang spyod lam dag ste/ chos spyod rnam pa bcu spyod pa dang / rdo rje slob dpon dbun la gdungs te ci 'tsham pa'i sgo nas slob dpon khur zhing mched la gdung ba de lta bu'i ngang tshul gang la yod pa'i gang zag de ni rin po che'i slob dpon no// de nas yang pad+ma'i slob dpon gyi ma tshan nyid bstan pa'i phyir/ rtag tu zlos pa brtson pa dang / zhes pa nas/ pad+mo can gyi bla mar gzung zhes pas bstan te go sla'o// de nas yang las kyi rigs kyi slob dpon gyi mtshan nyid bstan pa'i phyir/ bya ba'i las la ma rmongs shing zhes pa nas/ sna tshogs las kyi bla mar yin zhes pa'i bar gyis bstan te go sla'o// de nas dkyil 'khor spyi'i slob dpon gyi mtshan nyid bstan pa'i phyir/ de dag yon tan ma lus ldan zhes bya ba la sogs pa gsungs te/ de dag yon tan ma lus ldan zhes bya ba ni/ gong ma ji snyed brjod pa'i yon tan kun dang ldan pa'o// theg pa kun la 'byam pa ni/ phyi nang gi thog pa kun la mkhas shing goms pa ni spyir snyan ma'i dkyil 'khor gyi slob dpon no// de nas yang slob dpon gyi slob ma'i mtshan nyid ma brtags na snod dran pas gnyis ka brlag par 'gyur te/ de'i phyir bla ma lung bstan des kyang ni/ slob ma'i mtshan nyid brtag par ces zhes gsungs so// da ni 'di nas mar so so'i mtshan nyid bstan dor phyir rkyen thub mo ldog dam tshig gnas// zhes pa nas rdo rje can gyi slob ma rung zhes pa'i bar gyis bstan te go sla'o// 'khor lo can gyi slob ma bstan pa'i phyir/ lus dang yan lag mdzes ldan dang zhes pa nas/ sangs rgyas 'khor lo can gyis bshad ces bshad pa'i bar gyis bstan te mtshan nyid go sla'o// rin po che'i slob ma bstan pa'i phyir/ spyod lam rnam bzhi lhun sdug cing zhes pa nas/ rin chen dkyil 'khor dag gi'o zhes pa'i bar gyis bsten te go sla'o// pad+ma'i slob bu bstan pa'i phyir/ ngag gi sgo nas shin tu sbyangs zhes pa nas pad+ma 'dzin pa'i snod du bshad ces pa'i bar gyis bsten to// los kyo slob ma bstan te/ der phyir las la gus shing shes pa nas sna tshogs rdo rje'i bu yin no// zhes pa'i tshig bzhi pas bstan to// spyi dkyil 'khor slob ma bstan pa'i phyir/ yon tan de kun ldan pa la// kun gyis bskur zhing shin tu mdzes// yid du 'ong zhing spyod pa bzo// spyi yi dkyil 'khor dag la shis// zhes pa'i tshig bzhi po des bstan te go sla'o// de nas yang dkyil 'khor bya ba'i gnas kyi mtshan nyid bstan te/ de la yang gnyis te/ blang bar bya ba dang spang bar bya ba gnyis so// blang bar bya ba la so so'i mtshan nyid rnams te bye brag drug go// sngon la spang bar bya ba'i gnas bstan pa'i phyir/ gnod sbyin mo'i spar rjes dang / zhes pa la sogs pa bstan te/ gnod sbyin mo'i spar rjes ni brag la gcan zan gyis brad pa 'dra ba yod pas/ grog po shar shor mang ba/ g.yon na g.ya' mchi ris 'dra ba yod pa/ g.yas na g.ya' sngon po ral gri 'dra ba 'am mdung 'dra ba'am/ dgra sta 'dra ba yod pa ni gnod sbyin mtshon tsha'i gshal rjes dang zhes bya'o// 'byung po dag gi rgyus dang / zhes pa ni ri thal ba gtor ba 'am/ mang po sna zug pa de lta bu'o// klu gdug dag gi rgyu srang dang zhes bya ba ni/ klu gadrug pa yod pa'i chu mig 'gram mam/ chu srang de ba can rgyu ba'i gong sum mo// rten dang 'brel pa'i gnas ngag dang zhes bya ba rten te// yul gyi lha 'dre gnyan po'i rten bag gam shing la sogs pa'i 'brel pa ni shing dang brag dang lha 'dri 'brel pa'i gnas te de la sogs pa'i gnas rnams su bsgrub na// kha na ma tho ba dang bcas par 'gyur te/ der tshe'i 'du byed byed par 'gyur ro// de spangs na dngos grub ci 'dod pa myur bar 'ong ngo // 'di ni blang bar bya ba'i gnas rnams bstan pa'i phyir/ rdo rje brag chen gtams pa 'am zhes bya ba la sogs pas bstan te/ de yang sngon la rdo rje 'dzin pa'i gnas bstan pa'i phyir// 'og nas 'byung ba'i mtshan nyid 'di gsungs so// rdo rje brag chen gtams pa 'am zhes bya ba ni shin tu brag rdo rje 'am sra ba dang / mkhregs pa dang / lhun sdug pa'o// ri bo 'dus pa'i rtse rnams zhes bya ba ni rin po che spungs pa 'dra ba'i rtse mo'o// mdangs bzangs gangs ri brag du zhes bya ba ni mdangs dga' ba'i gnas dang / gangs ri te rbag dag cimig pa'i da/ ces yod pa dang brag dkar la lhun sdug pa yod pa'i gnas de rnams su rdo rje 'dzin pa'i rnal 'byor pa'i bsgrub pa'i gnas so// 'khor lo can gyi gan bstan pa'i phyir/ phug dang dgon pa'i ri dag dang zhes pa la sogs pa bstan te/ phug dang dgon pa'i ri dag dang / zhes pa ni spang phug bzang po kha shar du ltas pa 'am/ sngon gyi rnal 'byor pas bsgrubs pa'i dgon pa'i gnas sam spang ri zlum pa'i shar du kha bltas pa'o// nags tshal dra ba gtibs pa 'am/ zhes bya ba ni lung pa kha shar du bltas pa'i nang na tshal chen pos gtibs nas yod pa 'am/ 'on te shar phyogs kyi ngos nas gtibs nas yod pa'o// mdangs bzangs shar du gzhol ba'i zhes bya ba ni shin tu mdangs dga' ba'i gnas de lta bu'i sangs rgyas 'khor lo can gyi gnas so// rin po che'i gnas bstan pa'i phyir 'og nas 'byung ba 'di gsungs so// rin chen sna lnga'i kha dog gam zhes bya ba ni/ shar dkar ba lho ser ba nub dmar ba byang ldang ba dbus sngo ba'i mtshan nyid dam/ yang na gnas de nyid nas tshon sna tshogs pa yod pa'o// rin po che zur brgyad dbyibs 'dra bar zhes bya ba ni/ ri nyid rin po che zur brgyad pa lta bu yod pa dang / yang brag rin po che spungs pa 'dra ba dang / yang na sa'i dbyibs rin po che 'dra ba'i gnas/ de ni rin po che bsgrub pa'i gnas yin par bshad do// de nas pad+ma'i gnas bstan pa'i phyir/ tsan dan zhes pa nas/ pad+mo bsgrub par de shis so zhes pa bstan te/ go sla'o ste pad+ma ri gnas so// las kyi gnas bstan tau// dur khrod ces bya ba nas sna tshog rdo can gyi zhi ba bstan te sna tshog rdo can gyi sgrub pi gnas spyi'i gnas bstan te/ ri bran mang po 'dus pa'i spyi// ri bos bskor ba'i lhun 'phrin tshel zhes pas bstan te/ spyi'i dkyil 'khor bsgrub pa'i gnas so// yang na rigs thams cad kyi yon tan cha dang ldan pas bshad ces bya ba na gnas lnga'i mtshan nyid tshong ba ni spyi'i dkyil 'khor bsgrub pa'i sa'o// bla ma dang slob ma'i gnas rnams kyi mtshan nyid ma brtags na mi 'grub pa'i nyen dang kha na ma tho ba'i ya khar bcas pa ste/ dngos grub ring bas de'i phyir dngos grub ring zhes gsungs so// de'i mtshan nyid shes pa'i rnal 'byor pas spring blang gnyis bya ba'i phyir blo can gyis shes nas spang bar bya ba yin zhes bya ba yin gsungs so// de nas yang ting 'dzin dang ldan ma ldan gyi skyon bstan te/ rnal 'byor blo mchog mi ldan na zhes pa dang bder gshegs rgyal ba kun gyi gsungs zhes pa'i bar gyis bstan te go sla'o// ting nge 'dzin dang ldan gnas dang / slob ma la sogs pa gzhung dang mthun pa med kyang 'grub par bstan pa'i phyir/ blo dang ldan pa'i rnal 'byor pas zhes pa nas/ 'grub 'gyur 'di la the tshom med ces pas bstan to// ting nge 'dzin dang gnas la sogs pa gnyis char 'phrugs na dngos grub myur bar bstan pa'i phyir/ 'on kyang gnas dang slob ma dang / mtshan nyid rnams ni bshad pa yin// zhes pa'i bar gyis bstan te go sla'o// de nas gnas la sogs pa rnyed nas sa'i 'du bar bya ba bstan pa'i phyir/ zhes pa la sogs pa bstan te/ mtshan mas dngos po gzhol ba'i phyir zhes pa ni lha'i dkyil 'khor ro// de'i dngos po rdzas su snang ba gzhom pa'o// lha'i dkyil 'khor bsgom pa'i gnas dang sa dang bar snang dang / ngo yang rigs rnams so so gnas gyi mtshan ma ltar/ brtags te rnyed nas nges par gzung po'o// de nas sa sbyangs te de'i ting nge 'dzin bya ba'i phyir/ ting nge 'dzin rtse gcig pa zhes pas bstan te/ bdag nyid yi dam gyi lhar dran pa bya ba ni/ ting nge 'dzin gcig go des sa sbyang ba ste de la yang gnyis yod de/ phyi'i sbyang ba dang nang gi sbyang ba dang gnyis// phyi'i sbyang ba ni 'byung ba gsum gyis ji ltar sbyangs pa'o// nang gi sbyangs pa nis dngos po thams cad rang bzhin med de stong par bsgom mo// sa dang po med pa des kyang saM sbyang ba'i las su 'gyur zhes so// de nas yang so gzhi byin gyis brlabs te/ de'i phyir de dbang 'gyur lha mo de zhes gsungs te/ sa gzho byin gyis brlabs pa de'i tshe bdag nyid kyis si'i lha mo spyan drangs te thugs ka ri hUM las 'od zer 'phros pa de las lcags kyur gyur te/ lcags kyus sa'i lha mo spyan drangs nas// rnal 'byor gyi mdun na gnas par bsam mo// de la mchod pa 'bul ba'i phyir mchod pa ste/ sbran pa byas na zhes gsungs te/ sa'i lha mo de la mchod pa rnams dbul lo// de'i rjes lha mo'i dga' mdangs kyis khyod dkyil 'khor gyis gsung nas/ lha mo nyid 'ong du zhu de sa la thim pas sa yang rin po che'i sa gzhir gyur te de ka la snyan pa zhes bya'o// ru ta rgol bas ma tshugs shings byin dang ldan pas der 'gyur ro// zhes pa ni de ltar sa gzhi byin gyis brlab pa na/ rnam par rtog pa med cing bsod nams kyi tshogs bsag pa'i gzhir 'gyur ro// de nas sa gzhi de bslang ste// de'i phyir byin dang ldan pa'i sa gzhi da zhes pa la sogs pas bstan te/ byin dang ldan pa'i sa gzhi de zhes pa ni rigs dang mthun pa'i sa gzhi rnyed pa ni byin brlabs can gyi gnas des de lta bu de snang ba dang ste sa bdag gi rgyal po la sogs pa la slong po'o// mi snang ba ste sa'i bdag po la ste sa bdag lha klu'o// de gnyis la slang ste/ rgyal po la sogs pa la bden pa smra zhing ngag 'jam pas rin bcas te slang ngo // sa bdag lha klu la gI tor ma byin bden pa bdar la sa slang ba'i phyir/ thugs thub dang ras tshong ma yin par/ rin dang bden pas sgo la slang // zhes gsungs pa yin no// de nas yang stegs bu'i las bstan pa'i phyir/ de nas stegs bu gru bzhi la// zhes pa la sogs pas bstan te/ de nas zhes pa ni tshu'i pra dang sI pra rtags pa de ma thag pa de nal stegs bu gru bzhi par brtsig go zhes bya'o// stegs bu de la ba s+phu bya ste/ gang gis bya zhe na bdud rtsi rnam lngas skyang nul bya zhes pas bstan te/ bdud rtsi lnga dang sa bzhag mo bsres la shin tu 'tha bar bya ste/ 'thug srab pa'i ko ba tsam bya'o// de nas thig gdab pa'i las bstan pa'i phyir gos rgyan mdzes ma'i grogs mchog ma zhes bya ba la sogs pa bstan te/ gos brgyan mdzes ma'i grogs mchog ma zhes pa ni/ shin tu mdzes ma'i grogs mchog ma des khrus byas pa/ rgyan rnam pa sna tshogs pas brgyan te/ de la sku gsung thugs su byin gyis brlabs la/ sa'i thig skung bkal du bzhug ste/ de'i phyir gsal bar ldan nam byin brlabs la zhes gsungs pa yin te/ thig skud ring thung gi tshad ni dkyil 'khor rgya nyis 'gyur ro// de bas tshang ldan rdo rje srad bu'i zhes brjod do// thig gdab pa'i sbyor ba bya zhes pa ni/ ras pa la dkar po la tshon rtsi lnga pos kha dog brgyar la/ de mnyam por bkal te/ yi ge lnga bkod la 'phro 'du'i so so'i skur bskyed de/ de la ye shes kyi/ rigs lnga dgug pa dang gzhug pa dang / bcing ba dang bstan pa byas nas/ de la mchod pa 'bul bar bya'o// de'i rjes la 'od du zhu ste srang buM la thim mo// slad bu de grogs po la gtad de 'gu ru chu bdag du 'dug ci ba shi sha byang du 'dug ste 'di snyed brjod do// dgongs shig rgyal ba 'khor dang bcas// nam mkha' gang ba'i bder gshegs rnams// thig gi sgra yis bskul nas ni// dus 'di sems can don rnams mdzod ces brjod la// ye shes thig gdab ste/ sngon la tshangs thig gnyis gang ga de nas zur thig gang ba/ de nas shar phyogs la sogs pa'i phyogs kyi thig rnams ji ltar 'dod pa bzhin du cha ba go zhing gdab bo// de'i phyir thig gdab pa'i sbyor ba bya zhes gsungs pa yin no// de nas dkyil 'khor bri pa'i thabs bstan te/ de'i phyir 'gro ba blo rmongs mi shes pa zhes pa la sogs pas bstan te/ 'gro ba blo rmongs mi shes pa zhes bya ba ni/ 'gro ba blo rmongs shing mi shes pa bstan pa'i phyir/ bstan pa'i dkyil 'khor bri ste/ rnal 'byor pa bdag nyid lha'i ting nge 'dzin du 'jug pa'i phyir dang po las kyi sgor zhugs la zhes gsungs pa yin no// de nas tshon byin gyis brlab pa la sogs pa byas nas/ rab 'bring tha ma gsum ste/ rab ni rin po che sna lnga'o// 'bring ni 'bras la sogs pa la tshon gyis kha dog bsgyur ba'o// tha ma ni sa la byin gyis brlab pa'o// de'i phyir kha dog nyi shu rtsa lnga 'am/ lnga'i tshon gyis bri bar bshad// kha dog so so'i dkyil 'khor byang shar gyi mtshams nas mdzub gang mnyam por drang ste byin gyis brlabs nas 'dren kar 'di brjod do// hUM 'di ni chos dbyings dag pa ste// de phyung rigs lnga'i ngo bor snang // sems can ma lus don bya'i phyir// tshon gyi las ni bdag gis brtsams// zhes brjod la ri mo 'di bri'o// ri mo de mtho dman du song na dngos grub med pa'i ltas so// yon por gyur na bgegs yod pa'i ltas so// chad par gyur na slob dpon dang slob ma gnyis ko 'chi ba'i lngas so// ri mo de log par gyur pa gang yin pa byung ba'i dus de na/ phur pa gdab par bya ba yin te/ de yang phur pa sgrol ba dag du byin gyis brlabs la/ hUM badz+ra kI li kI li ya sarba sha hUM phaT ces brjod pas phur pa gdab bo// de nas rnam lnga'i tshon gyis dkyil 'khor dam pa de bri bar bya'o// de nas rdo rje 'dzin pa'i dkyil 'khor bshad pa'i phyir/ rab tu zlum po'i dkyil 'khor la zhes pa la sogs pa gsungs te/ rab tu zlum po'i dkyil 'khor la zhes bya ba ni/ dbus kyi pho brang bstan pa yin te/ rab tu zlum po bri ba ste/ lha rnams kyi nang rol cha chung phyed nas bskor ro/ de'i nang rol cha chung zhig la bskor te bsdoms pas cha che chung phye dang gnyis la rdo rje ra ba'o// thig bzhi gdab pas dkyil 'khor dgu zhes bya ba ni/ rdo rje ra ba'i dbus su thig cha chung ngu re re bzhag ste/ so so'i thig gzhan ma phyis pas phyogs bzhi mtshams bzhi ste brgyad do// dbus dgu'o// che chung re re bzhags de rnams la rdo rje'i gdung bzhi dang / rdo rje'i ka ba brgyad gnas so// gru chung par khyams sgo khyud bcas// zhes bya ba ni gru chad ni lha rnams kyi nang rol/ rdo rje bum po'i phyi rol/ bar 'khyams ni lha rnam nyid do// sgo khyud la sogs pa rta babs dang / rin po che'i rgyan rnam pa sna tshogs kyis brgyan ta la'i skyed shing dang bya dang pa la sogs pa rgyas par bri'o// de nas dkyil 'khor la phyag mtshan dgod pa ni spyi'i dkyil 'khor du gsungs pa'i rim pa ji bzhin no// so so'i kha dog dang zhugs thabs bstan pa ni/ dbus su sangs rgyas rdo rje 'dzin pa zhes bya ba la sogs pa gsungs te/ dbus su sangs rgyas rdo rje 'dzin zhes pa ni le tshe'i dbus ma gang yin pa'i bzhugs gnas te/ de'i gnas su nyon mongs pa thams cad spangs pa'i sangs rgyas phyin ci ma log pa'i don dam pa dang / dus rtag tu mi grol bas rdo rje 'dzin pa de lta bu'i ngang tshul dang ldan pa de bzhugs so// nam mkha'i dbyings dang 'khril ba'i tshul zhes bya ba ni stong pa dang snying rje dbyer med pa'i phyir nam mkha'i dbyings phyug ma/ 'khril ba'i tshul du bzhugs pa de gang na bzhugs pa zhe na/ pho brang gi dbus seng ge'i gdan de'i steng nyi zla pad+ma rin po che'i gdan la/ yang dag par gnas so// rnam pa'i mchog rnams rdzogs par yang gsal zhes bya ba ni/ mgur chu dang dpung rgyan dang sen mo do dang do shal la sogs pa'i rnam pa'i rgyan gyi mchog rnams yongs su rdzogs shing gsal bar bya'o// sku mdog ni mthing ga ste/ 'od zer lngas 'khrigs par yid kyis blta'o// de'i spyan sngar snang mdzad sems zhes bya ba ni/ rdo rje 'dzin pa de'i spyan sngar ni shar phyogs kyi le tshe de'i gnas su bsgom par bya'o// rdo rje dbyings dang thabs cig tu zhes bya ba ni/ rdo rje dbyings phyag ma dang 'khril ba'i tshul gyis stobs glang po tshe'i gdan la yang dag par gnas pa ste/ sku mdog dkar po 'od zer lngas 'khrigs pa kha dog dkar po 'od 'bar ba'o// zhes gsungs pa yin no// rin chen sems pa g.yas su ste/ zhes bya ba ni rdo rje 'dzin pa zhal shar du gzigs pa ste/ de'i g.yas gang yin pa ni lho phyogs kyi le'u tse ste de'i gnas su bsgom par bya'o// rin chen dbyings phyug ma dang bcas zhes bya ba ni/ sems can dgos 'dod re ba yid bzhin du skong ba'i rin chen dbyings phyug ma de dang / 'khril pa'i tshul gyis rdzu 'phrul rta'i khri la yang dag par bzhugs so// 'jam thun ti gser 'ong 'dra zhes bya ba ni/ sku mdog ser po gser gyi 'od 'dra ba ste/ 'ang bar lngas 'khyil ba'i rgyab tu chos kyi sems pa ste/ zhes bya ba ni/ rdo rje 'dzin pa'i rgyab ni nub ste/ nub kyi le ru rtsa la chos kyi sem pa bsam par bya ba'i gnas yin te/ de'i gnas su bsam par bya'o// chos kyi sems mar bcas pa dang zhes bya ba ni/ sems can gyi don mdzad kyang 'khor ba'i skyon gyis ma gos pa'i chos kyi sems ma de dang 'khril pa'i tshul du dbang rma bya'i khri la yang dag par bzhugs so// sku mdog dkar po rgyan thams cad kyis brgyan pa ste/ de'i phyir dmar po pad+mo rA ga'i mdog ces bstan pa yin no// las kyi sems pa'i g.yon du ste/ zhes bya ba ni/ rdo rje 'dzin pa'i g.yon gang yin pa de byang gi phyogs kyi le'u tse ste/ gnas de ru las kyi sems pa bsam par bya'o// las kyi dbyings phyug ma dang 'khril zhes bya ba ni/ chos thams cad rang gi ngo bos ma skyes pa'i ngang du mdzad pa'i las kyi dbyings phyug ma dang / 'khril ba'i tshul gyis nam na mkha' lding gi khri tshan la yang dag par bzhugs so// sku mdog ljang gu in+d+ra ni la'i mdog 'dra'o// phyi nang sems pa sems ma rnams zhes bya ba ni dkyil 'khor gyi bar 'khyams la bsam par bya ba ste/ shar phyogs kyi 'khyams la pad ma dkar po'i gdan stengs su byang chub sems dpa' sa'i snying po sku mdog dkar po phyag g.yas na rin chen 'bar ba/ g.yon pas rtsa ba bzung nas la se dkar mo dang / 'khril ba'i tshul gyis bzhugs so// lho phyogs kyi khyams la nam mkha'i snying po sku mdog sngon po phyag na ral gri bsnams nas ma la sngon mo dang 'khril po'i tshul gyis pad+ma sngon mo'i gdan la bzhugs so// nub phyogs kyi khyams la byang chub sems dpa' spyan ras gzigs dbang phyug sku mdog dmar mo// phyag na ba bsnams pa gi ta dmar mo sku la 'khril nas pad+ma dmar po'i gdan la bzhugs so// byang phyogs khyams la byang chub sems dpa' phyag na rdo rje sku mdog ljang gu phyag na rdo rje rgya gram bsnams nas nor ti lja gu'i sku la 'khril ba'i tshul gyis pad+ma ljang gu'i gdani la bzhugs so// de ni nang gi sems dpa' dang sems ma'o// shar lho mtshams kyi khyams la byang chub sems dpa' byams pa mai tri sku mdog dkar sna phyag klu shing bsnams nas/ du be dkur mo sku la 'khril nas pad+ma dkar skya'i gdan la bzhugs so// lho nub kyi khyams la byang chub sems dpa' sgrib pa rnam par sel ba/ sku mdog ser po phyag na pu ti bsnams nas puSh+pe ser mo ri sku la 'khrol nas pid ser gi dan la bzhugs so// nub byang gi khyams la byang chub sems dpa' rgyun tu bzang po sku mdog dmar po// phyag na rin po che bsnams nas a lo ke dmar mo sku la 'khril nas pad+ma dmir mo'i gdan la bzhugs so// byang shar mtshams kyi khyams la byang chub sems dpa' 'jam dpal gzhon nu sku mdog ljang gu phyag na ud pe la bsnams nas gan+d+he ljang gu'i sku la 'khril te pad+ma ljang gu'i khri la bzhugs so// de ni phyi'i sems dpa' dang sems ma'o// de rnams bstan pa la ni phyi nang sems dpa' sems ma rnams zhes gsungs yin no// phyi nang gang la'ang de bzhin bri zhes pa ni nang gi sems dpa' sems ma rnams kyi dkyil 'khor 'dri ba'i dus na nang gi gru chad la bri bar bya'o// phyir sems dpa' dang sems ma rnams ni phyi'i gru chang la bri bar bya'o// bsgom par bya ba'i gnas skabs na ni khyams thabs phyogs dang mtshams su bsgom par bya/ bar khams ngag la sprul sku dang zhes bya ba ni bar khyams gyi shwar phyogs su pad+ma ser po'i gdan la sprul sku shAkya thub pa mdog ser po phyag na bseg par bsnams nas bzhugs so// shar lho phyogs kyi khams la pad+ma dkar po'i gdan la sprul sku brgya byi na thub pa ni/ sku mdog dkar po phyag na pi bang bsnams nas/ bzhugs so// lho'i khyams la pad+ma mthing ga'i gdan la sprul skra dmyal ba'i thub pa ni sku mdog mthing nag gi shin rje'i zhes bya ba phyag na me chu bsnams pa'o// nub phyogs kyi khyams la sbrul sku byol song gi thub pa ni/ sku mdog smug po a ba glang mgo can zhes bya ba phyag na po ti bsnams nase pad+ma smug po'i gdan la bzhugs so// nub byang gi khyams la sprul sku lha ma yin gyi thub pa sku mdog sngon po thag bzangs ris zhes bya ba phyag na ral gri bsnams nas pad+ma sngon po'i gdan la bzhugs so// byang phyogs kyi khyams la sprul sku yi ras kyi thub pa kha 'bar ma zhes bya ba sku mdog ljang gu phyag na rin po che'i sgrom bu bsnams nas pad+ma ljang gu'i gdan la bzhugs so// shar phyogs kyi khyams dang nub phyogs gnyis kyi khyams la kun tu bzang po yab yum gnyis bsgoms te/ sku mdog dkar po phyag na rdo rje bsnams so// yum gyi phyag na dril bu'o// sgor ni sgo ma dang bcas pa zhes bya ba ni shar phyogs kyi sgor khro bo rnam par rgyal ba sku mdog mthing nag phyag na mau mgo gdengs pa rnams nas/ me dpung 'bar ba'i dkyil na rta gdong lcags kyu ma sku la 'khril nas bzhugs so// lho phyogs kyi sgor ni khro bo gshin rje gshed sku mdog dud ka phyag na be con bsnams nas/ yum phag gdong zhags pa ma dang gnyis 'khril ba'i tshul gyis me dpung gi dbus na bzhugs so// nub phyogs kyi sgor ni khro bo rta mgrin sku mdog dmar po phyag na tha~Mng sbrul dang zhags pa'o// yum nyi zla lcags sgrog ma dang 'khril pa'i tshul gyis me dpung nang na bzhugs so// byang phyogs kyi sgor ni khro bo bdud rtsi 'khyil pa sku mdog ljang gu phyag na rdo rje rgya gram bsnams nas yul thal byed dril bu ma sku la 'khril nas me dpung nang na bzhugs so// 'di ji ltar rgyas par bstan pa bzhin du dkyil 'khor phyi ma rnams la yang de bzhin du shes par bya ste/ dkyil 'khor 'di ni dkyil 'khor dam pa yin te/ dkyil 'khor thams cad 'di las 'byung ba'i phyir na// sangs rgyas rdo rje 'dzin pa'i dkyil 'khor nyams dga' dam pa'o// zhes gsungs pa ste/ rin po che 'dra ba'i gang zag la bstan pa'o// de nas pad+ma dkar 'dra'i gang zag la bstan pa'i phyir/ sangs rgyas 'khor lo can gyi dkyil 'khor gsungs te/ gtso bo gang yin pa bsgyur bar shes par bya ste/ bri ba dang lha'i sku mdog la sogs pa rgyas par gong du gsungs pas kun la shes par bya'o// 'khor lo can gyi dkyil 'khor bstan pa'i phyir/ sangs rgyas 'khor lo can gyis gsungs zhes pa nas/ rdo rje 'dzin pa 'dra ba yin zhes pa'i bar gyis bstan to// de nas pad+ma 'dra ba'i gang zag la rin chen dkyil 'khor bstan pa'i phyir/ rin chen dkyil 'khor dam pa ni zhes pa nas rdo rje 'dzin pa'i lho phyogs su zhes pa'i tshig lngas bstan to// de nas tsan dan 'dra ba'i gang zag la// pad+ma'i dkyil 'khor bstan pa'i phyir// pad+ma 'dab ma brgyad pa la// zhes pa'i tshig bzhis bstan to// de nas ud pa la 'dra ba'i gang zag la// las kyi dkyil 'khor bstan pa'i phyir/ sna tshogs las kyi dkyil 'khor zhes pa nas gzhan yang de bzhin rgyas par bri zhes pa'i bar gyis bstan te go sla'o// de nas dkyil 'khor de dag la rgyan bkod pa bstan pa'i phyir/ dkyil 'khor nyams dga' de dag la/ zhes pa la stsogs pa gsungs te/ bum pa brgyad dam brgyad gnyis la zhes bya ba ni bum pa brgyad dang / yang bcu drug tu byas la de'i nang du blugs pa'i rdzas bstan pa'i phyir/ ci 'byor btung ba snum po 'am zhes pa la sogs pa gsungs te/ ci 'byor btung ba snam po 'am zhes pa ba ni/ 'byor pa bza' ba'i bye brag bu ram la stsogs pa ci 'byor pa glugs te che ba'i yon tan gyis brgyan pa'i rtags so// bdud rtsi lnga 'am rin chen bcas zhes bya ba ni/ sman lta blugs pa de byang chub kyi sems kyi rtags so// 'bru lnga'i lha rnam kyi mtshan ma'i rtags so// rin po che lnga ni lha'i sku mdog gi rtags so// gang ba'i rin chen bum pa ni zhes bya ba gong ma'i rdzas rnams kyis kyang gang ba'o// dang po gser gyi bum par yang bshad ces bya ba ni rdo rje 'dzin pa'i dkyil 'khor la brgyan par bya'o// gnyis pA shelA dang dngul gyi de zhes bya ba ni sangs rgyas 'khor lo can gyi'o// gsum pa bai DUR+Ya'i zhes bya ba ni rin po che'i rgyan no// bzhi bzangs kyi bum par bya zhes bya ba ni/ pad+ma'i dkyil 'khor gyi rgyan no// lnga pa lcags kyi bum par bshad ces bya ba ni/ sna tshogs las kyi dkyil 'khor gyi'o// drug pa la ni sna tshogs pa// bum pa gang bar bzhag par bya// zhes bya ba ni spyi'i dkyil 'khor gyi bum pa'o// gzhan yang rgyan gyi khyad par dang // rol mo yid 'ong ci 'byor dang // zhes bya ba ni bum par ma zad de bla re dang 'phan dang gdugs rgyal mtshan dang ba dan dang dar gyi lnga ldi dang rgyan gyi khyad par mang pos brgyan no// der ma zad de spos dang gar dang glu dang rnga dang rnga bo tsheche dang rdza rnga dang pi bang dang / gling bu dang cang te'u dang cha lang dang dril bu la sogs pa sgra mang po thogs la dkyil 'khor la bskor ba bya'o// mchod pa'i yo byad thams cad dang / gtor ma la sogs mdzes par dgram zhes byag mchod pa'i yo byad de spos dang me tog dang mar me dang dri chab dang arga la sogs pa rim pa ma nor bar bkram mo// gtor ma la sogs pa ni phyogs skyong gi gtor ma la sogs pa mang po bkram mo// de nas rnal 'byor pas bsgom pa'i rim pas bya ba bstan pa'i phyir/ de nas rnal 'byor can gyis ni zhes bya ba la sogs pa bstan te/ de nas rnal 'byor can gyis ni zhes bya ba ni/ dkyil 'khor 'khor lo'i rgyan la sogs pa thams cad bkram pa'i de ma thag pa de nas/ rnal 'byor pas ting nge 'dzin bsgom pa'i rim pa bya'o// de yang ji ltar bya zhe na/ dang por de bzhin nyid kyi ting nge 'dzin bsgom par bya ba dang / gnyis pa kun tu snang gi ting nge 'dzin bsgom par bya ba dang / gsum pa rgyu'i ting nge 'dzin bsgom par bya ba ste/ rgyu'i yi ger gnas pa'i skabs nyid na/ dbang chen gyi dkyil 'khor bskyed pa'i gong du gsungs pa'i rim pas bskyed pa ste/ rten gyi dkyil 'khor gdan dang bcas pa'i rjes thogs su rten can gyi dkyil 'khor bskyed de/ gong ma'i rig pa ji bzhin du bya ba ste/ rten can gyi 'khor lo rdzogs pa'i rjes thogs su sku gsung thugs su byin gyis brlabs nas/ phyag rgya bzhis rgyas gdab po// de nas dbang nod pa de dbu rgyan la sogs pa rigs lnga char gyis brgyan pa'o// lhag ma rnams ni rang re rigs lnga so so'i rgyan kho na'o// de yan chang du bsnyen bsgrub yan lag bzhi tshang ste/ gtso bo'i sku yan lag du bcas par rdzogs pa ni bsnyen pa'o// 'khor gyi sku bskyed pa ni nye ba'i bsnyen pa'o// sku gsung thugs byin gyis brlab pa ni bsgrub pa'o// ye shes sems dpa' bsgom pa ni bsgrub pa chen po ste/ spyir bsnyen bsgrub bzhi'o// de nas ye shes sems dpa'i dkyil 'khor spyan drangs te/ bdag nyid kyi thugs kar yi ge hUM las 'od zer 'phros pas/ 'od zer ram/ lha mo lcags mar gyur te/ lha mo de rang bzhin grub pa'i gnas nas ye shes kyi dkyil 'khor pho brang dang bcas par mdun gyi nam mkha' la byon pa dang / de la phyi nang mchod pas mchod do// mchod pa'i rjes la bstod pa yang bya ste rdo rje'i tshig tu 'di skad brjod do// hUM chos sku ye nas ngag pa la// 'khrul pa'i mtshan ma med pa ste// sems can 'khor bar 'khyams don du// gzugs brnyan ston pa khyod la bstod ces brjod do// zhags pa mas lho sgor zhugs pa dang lcags sgrog mas bstim pa dang / dril bu mas dgyes par bya ste/ nam sems can gyi don ma grub kyi bar du bstan par bya'o// de ltar ting nge 'dzin gyi rim pa bya ba'i phyir/ dbyings nas dkyil 'khor spyan drangs mchod ces gsungs pa yin no// de nas dam tshig gi dkyil 'khor dang / ye shes kyi dkyil 'khar cig 'gyur ba de la mchod pa dbul te/ bdag nyid kyi thugs ka nas 'od zer 'phros pas/ 'od zer las lha mo'i tshogs la se la sogs pa mang po sprul te/ de bzhin gshegs pa thams cad la slar thim/ de bzhin gshegs pa rnams kyi thugs kA nas/ lha mo mang po slar 'thon nas/ bdag nyid dkyil 'khor dang bcas pa la mchod pa dang stong pa byed pa de'i phyir/ mnyes nas nye bar gyur pa'i ngang zhes gsungs so// las bzhi'i mchod pa brtsam byas te/ zhes bya ba ni/ mi 'dra ba bzhi ste/ gzugs sgra dri ro reg la sogs pa'o// dbyibs dang kha dog mtshan mar bcas zhes bya ba ni/ dbyibs ring po dang thung ngu dang zlum po dang gru bzhi dang ngo // kha dog dkar po dang ser po dang dmar po la sogs pa'o// lha so so'i phyag na 'dod pa'i yon tan bsnams nas mchod pa'i phyir/ gzugs sgra dri ro reg bya yis zhes gsungs pa yin no// mchong pa'i lha mo de rnams kyis// bdag dkyil 'khor pa rnams la mchod pa'i phyir/ mchod sbyin stobs pa'i las rnams bya zhes gsungs pa yin no// kun rdzob kyi bden pa 'ba' zhig bstan pa'o// de nas slob ma la dbang bskur ba'i rim pa bstan pa'i phyir/ de nas rigs kyi bu mchog de zhes pa la sogs pa gsungs te/ de nas rigs kyi bu mchog de zhes pa ni slob dpon nyid kyi rang bzhin gyi dkyil 'khor du dbang nos pa de'i de ma thag pa de nas gzhung mthun pa'i slob ma de ste/ rigs so so'i mtshan nyid gang dang ldan pa de la dbang bskur ba brtsam par bya'o// gsang ba'i dkyil 'khor bstan par bya zhes bya ba ni/ nyan thos las gsang ba'i phyir gsang ba ste/ brnyan ma'i dkyil 'khor de bstan par bya'o// ci dga' zhes dris nas ni zhes bya ba ni/ slob dpon gyis dris pa'i bka' lung de gnang ba gsal ba'i tshig go// bdag ni 'di la dga' ba'o// zhes bya ba ni/ slob ma'i bdag ni gsang ba'i dkyil 'khor la lta bar 'tshal lags so// zhes pa ste zhus tshig go// 'jug pa pos kyang na nA du sbyin zhes pa ste/ gong gi tshig nyid la bsnyag so// de nas mna' brgag pa'i phyir/ bla ma lung ldan dam pa des// mna'i rdo rje sbyin pa'i phyir// bzlas pa'i chu ni glud par bya/ zhes gsungs te/ bla ma lung dang ldan pa'i dam pa des// slob mo las mi mnga' bar bya ba'i phyir/ pad+ma'i nang du bdud rtsi lnga sbyar ba// de la sngags 'di brgya rtsa brgyad du bzlas la blung ngo // oM sarba pany+tsa a mr-i ta kuN+Da li hUM zhes brjod la/ de nas blung de rdo rje tshig du yung 'di skad yang brjod do// 'di ni khyod kyi dmyal ba'i chu// dam tshig nyams na sreg par byed// dam tshig bsrungs na dngos grub rgyu// rdo rje bdud rtsi chu 'dis 'grub ces brjod la blud de// de na dam tshig bstan pa'i phyir// gsang ba'i dam tshig sgrags zhes bya ba la sogs po gsungs te/ gsang ba'i dam tshig 'og nas 'byung ba 'di dag bsgrags so// skal dang ldan pa'i rigs kyi bu// khyod kyis bsrung bar bya ba ni// chos nyan pa'i skal dang ldan pa rigs kyi bu zhes slob ma la bos nas khyod kyis bsrung bar bya ba ni 'og nas 'byung ba 'di rnams bstan to// zhes bstan par bya ba'i phyir/ lha dang bla ma sprin mi spangs zhes pa la sogs pa gsungs te/ lha dang bla ma spun mi spang zhes bya ba ni yi dam gyi lha dang rtag tu 'grogs par bya ba dang / rdo rje spun rtag tu mi 'bral ba dang / rdo rje slob dpon bla ma dam pa ste mi spang ste rtag tu rten par bya'o// sngags dang phyag rgya de bzhin de zhes bya ba ni gsang ba'i sngags bzlas pa dang / de bzhin gshegs pa'i phyag rgya bca' ba dang mi 'bral bar bya'o// gsang ba gzhan la spel mi bya zhes bya ba ni/ gsang ba'i man ngag 'di lta bu yin zhes snod ngan pa la bsgrags par bya ba ma yin no// bsgrub pa'i rdzas ni rnam pa lnga rtag tu bza' zhing bca' bar bya zhes bya ba ni/ bsgrub pa'i rdzas rnam pa lnga ni zla ba nyi ma chu smang dri dang lnga ste/ dus rtag tu bza' zhing spyad par bya'o// sha lnga dang ni chang lnga dang // 'dod pa rnams ni rtag tu bsten zhes bya ba ni/ sha lnga ni glang po'i sha dang / rta'i sha dang khyi'i sha dang na mkha' lding gi sha dang sha chen te lnga'o// 'dod pa rnams ni 'dod chags chen po dang / zhe sdang chen po dang / gti mug chen po dang / nga rgyal chen po dang / phrag dog chen po dang / de rnams ni mi spang ste/ rtag tu bsten par bya ba'o// sbyor dang sgrol dang 'phra ma dang // mi snyan sku dang spyangad par bya zhes bya ba ni/ sbyor ba'i yang dag yang dag pa'i don la sbyor ba'o// sgrol ba ni gnyis med pa'i ngang du khams gsum gyi sems can sgrol ba'o// 'phra ma de phyin ci log dang bral ba'o// mi snyan pa ni yang dag pa'i don la yid ches pa'i tshig smra ba'o// sku ni gnyis su med pa'i don te gzhan gyis ma byin yang blang bar bya ba'o// spyad par bya ba ni gnyis su med pa'i byang chub kyi sems de ni spyad par bya'o// dka' thub dka' ba spyad mi bya// khrims dang sdom pas bcings pa min// zhes bya ba ni yang dag pa'i don la yid ches pa med na dka' thub khrims nyis brgya lnga bcu bsrung bar yang lus ngag yid gsum gyi sdom pa byas kyang rnam par rtog pas bcings pa ste/ de ltar byas pa ma yin no// yang dag pa'i don la yid ma ches na ni ji ltar byas pa rtog pa'i don yin no// snying nas slob dpon spyong pa ni// bsgribs kyang 'grub par mi 'gyur ro// zhes bya ba ni snying gi gting nas zhe sdang skyes te slob dpon thabs g.yo yis smod na thabs kyi bsgo nas bsgrubs kyang dngos grub thob par mi 'gyur ro// de ni dkyil 'khor du bzhugs pa'i rim pa ste/ dkyil 'khor dang po bsgrubs pa'i dbang zhes bya'o// de nas dkyil 'khor bsten pa'i rjes su bum pa'i dbang bkur ba brtsam te/ bum pa brgyad dri ma bcu drug rnams gcig tu bsgom pa 'am/ 'on te rang las bya ste/ hUM las rdo rjer 'gyur/ rdo rje las mi bskyod pa'i spyir bskyed do// de la dgug dang gzhug dang gtim byas nas/ mchod pa dang bstod pa bya ba'i rjes la mi bskyod pa zhu nas chu'i gzugs su gyur te/ des dbang bskur ba ni/ gnyis pa rdo rje rgyal po'i dbang zhes bya'o// de nas cod pan gyis dbang bskur te/ swa las rin po che las rin chen 'byung ldan gyi skur gyur te/ de la yang dgug pa dang bstod po yan chad bya ste/ de yongs su gyur pa las cod pan gyi gzugs su gyur te/ des dbang bskur ba ni gsum pa gsang ba'i gsang ba nyan pa'i dbang zhes bya'o// de nas rdo rje'i dbang sbyin te/ oM las pad+ma las snang ba mtha' las kyi skur gyur ti de la mchod bstong bya ste/ de yongs su gyur pa las rdo rjer gyur te nges dbang bskur ba ni bzhi par chad pa'i dbang yang sbyin zhes bya'o// de nas dril bu'i dbang bskur yi ge ha las rol gri de yongs su gyur pa las don yod grub pa'i skur gyur te/ de la mchod bstod bya ste/ de yongs su gyur pa las dril bur gyur te/ des dbang bskur ba ni las kyi dbang ni lnga par sbyin zhes bya'o// de nas ming gi dbang bskur te slob dpon gyi lag pa slob ma'i mgor bzhag ste/ rdo rje tshig tu yang 'di skad brjod de/ khyod ni sangs rgyas dngos yin te// rab tu bsngags pa'i gsang ba'i ming // rdo rje che ge mo zhes pa// de ring khyod la dbang bskur ro zhes pa ni drug pa rab 'byams rgyal po'i dbang zhes bya'o// de nas slob dpon gyis dbang bskur ba dang / gsang ba'i dbang dang shes rab kyi dbang dang ye shes kyi dbang ste/ de rnams la sogs pa'i dbang rnams ji snyed pa tshang bar bskur du rung bar bshad ces gsungs so// de nas drin la lan gyis glan pa'i phyir yon dbul bar bstan te/ de'i phyir nas dbang thob bya'i phyir zhes bya ba la sogs pa bstan te de nas dbang mchog thob bya'i phyir zhes bya ba ni/ dbang bskur ba'i de ma thag pa de nas/ de dbyang gi mchog rnams thob par bya ba'i phyir yon dbul lo// rigs kyi bu mtshig de dag gis zhes bya ba ni/ rigs so so'i mtshan nyid dang ldan pa'i bu mchog gang yin pa de dag gis/ yon gyi mchog rang gi bye brag gi dbul te/ de yang srog lus la ma 'jungs pa'i sems kyis la te/ de'i phyir yon mchog dag ni dbul bar nges/ srog lus man chang rdzas kyi rnams/ ma 'jungs pa'i sems kyis dbul te/ zhes ba la sogs pa gsungs pa yin no// de nas rdo rje 'dzin pa'i yon bshad pa'i phyir/ rang gi lus sems dga' dang zhes pas bstan te/ rang gi lus dang sems dga' dang zhes bya ba ni/ rang gi lus dbul gyis bzhes shig bdag gi sems dbul gyis bzhes shig pa ste/ lus ngag yid gsum gyi sgo nas slob dpon dam pa nyes byed pa'o// snying yang yon gyi mchog yin te zhes bya ba ni/ snying brtse zhing gdung ba ni yon gyi mchog dam pa'o// sems kyi dgongs pa gang dang gang zhes bya ba ni/ slob dpon dam pa de'i thugs dang ji ltar 'tsham pa gang dang gang ste/ de dang de ru dbul bar bya'o// gong du bstan pa'i yon rnams ni/ rdo rje 'dzin gyi yon du bshad do// de nas sangs rgyas 'khor lo can gyi yon bstan te/ mi chen ngag ni 'dod pa yi// yon tan sna tshogs dbul ba ni// zhes bya ba ni mi chen ni bran gyi nang na snying nye dbul ba dang / rdzas sdug ba dbul ba dang / 'dod pa'i yon tan lnga la sogs pa dbul ba na/ sangs rgyas 'khar la can gyi yon yin no// de nas rin po che'i yon bstan te/ rin po che dang nor gyi dbyig/ ji snyed pa thams cad ni zhes bya ba ni/ rin po che sna lnga la sogs pa thams cad dang / nor gyi dbyig phangs pa thams cad dang / ci 'os shing 'tsham pa'i nor ji snyed yod pa thams cad ni/ rin chen 'dzin gyi yon yin no// de nas pad+mo'i yon bstan te/ ma dang bu mo chung ma dang zhes bya ba ni ma las zhes pa med de bu mo dang chung ma dang snying du sdug pa dbul lo// sring mo shin du brgyan pa dang zhes bya ba sring mo la gzi g.yu la sogs pa rin po che sna tshogs pas brgyan la dbul bar bya'o// mi'i ming dang mtshan ma can zhes bya ba ni/ rta la sogs pa mye'i mtshan ma yod pa dang / dud 'gro'i rigs mo'i mtshan ma yod pa de rnams pad+mo can gyi yon yin no// de nas las kyi yon bstan te/ glang po rta dang shing rta dang zhes bya ba ni/ glang po che dang rta bzang po dang / shing rta legs mo dang / der ma zad de byol song ji ltar 'degs che ba rnams dbul ba'i phyir ro// tshogs rnam pa sna tshogs dang / theg pa'i bye brag thams cad kun zhes pa gsungs te/ sna tshogs rdo rje'i yon yin no// de nas spyi'i dkyil 'khor gyi yon ni sangs rgyas kun la zhes pa nas/ spyi'i dkyil 'khor dag tu dbul zhes pa tshig lngas bstan go sba'o// de nas yon nod rnams slob dpon la phul bar ma zad do// shes rab ma la yang dbul bar bstan pa'i phyir/ dkyil 'khor dag gi de dag tu zhes pa la sogs pa gsungs te// gong du gsungs pa'i dkyil 'khor ro dag tu sbas pa dang gsang ba'i dbang bskur na/ de'i rkyen gzungs ma de dang de dag la yang gong du gsungs pa'i yon gyi bye brag de dang de dag dbul lo// de nas dbang rtags sbyin pa bstan pa'i phyir dbang mchog thob pa'i bu mchog la zhes pa la sogs pa gsunges pa bstan te/ dbang mchog thob pa'i rigs kyi bu mchog de la ni dang po kho nar sems bskyed pa brjod par bya zhing 'di lta ba'i rgyu des 'bras bu 'di lta ba thob pa'i gtan tshigs sbyin dad byi nga mams kyi gtan ches sbyi bre gsung / kyir bya tu bsgom pa gtad ces bya ba ni/ dbang gnyis pa thob pa'i rtags ni rten dang rten du snang ba bsgoms pa'o// gsum pa gsang ba'i nges do na bshad/ ces bya ba ni/ dbang gsum pa'i rtogs su yon tan gyi cha rnams te/ rten gyi yon tan dang rten can gyi yon tan bsgrags pa'o// bzhi par chos kyi glegs bam bshad ces bya ba ni dbang bzhi pa thob pa'i rtags ni gsung rnam par dag pa ste/ gzhan dang gzhan dag la rgyu'i chos ston pa'o// lnga par las bzhi'i rgya rtags sbyin zhes bya ba ni/ dbang rdzogs pa'i rtags su 'phrin las rnam pa bzhi pa'i rtogs sbyin pa'o// drug par rin chen bdun nam/ rdzas kyi khyad par can dag dang / yang na sna tshogs tshang bar sbyin zhes bya ba ni/ dbang drug pa rdzogs pa'i rtags su rdo rje las drangs pa'i ming ste/ rin po che sna bdun gyis mjug bsdus pa'i ming gdags pa ste/ gsang ba'i ming ngo // der ma zad de rdzas kyi khyad par rin po che sna bdun nyid du yang sbyin par bya'o// der ma zad de yang sna tshogs pa'i rtags sbyin par bya'o// de nas dbang ji ltar thob pa'i rmi ltas bstan pa'i phyir/ dbang mchog thob pa'i rmi ltas ni zhes bya ba la sogs pa gsungs te/ slob ma sta gon la gnas nas ku shi'o stan la seng ge'i nyal thabs kyis nyal ba'i dus na/ dbong ji ltar thob par 'ong ba'i rmi ltas dag dang 'byung bar nges te/ de yang 'og nas 'byung ba 'di rnams te/ de la yang sngon la yang rdo rje 'dzin pa'i dbang thob pa'i rmi ltas bsten pa'i phyir/ rang gi sems la dbang thob dang zhes bya ba nas/ mthong nas rdo rje 'dzin pa'i dbang thob pa'i snga ltas yin par nges zhes pas bstan te/ dgrol mi dgos dkyus nyid na gsal lo// de nas sangs rgyas 'khor lo can gyi dbang thob nas 'ong ba'i snga ltas bstan pa'i phyir/ lus kyi rdzu 'phrul thob pa dang zhes pa nas 'khor lo can gyi dbang thob ltas zhes pa'i bar gyis bstan te/ dkyus nyid gsal// dgrol mi dgos so// de nas rin po che'i dbang thob pa'i snga ltas bstan pa'i phyir/ rin chen sna tshogs spyod pa dang zhes pa nas/ rin chen rigs kyi dbang thob ltas zhes pa'i bar gyis go sla'o// de nas pad+ma'i dbang thob nas 'ong ba'i snga ltas bstan pa'i phyir/ pad+ma'i rting na rtse ba dang zhes pa nas/ rdo rje chos kyi dpung thob yin zhes pa'i bar gyis bstan te dkyus nyid gsal lo// de nas sna tshogs rdo rje dbang thob pa'i snga ltas bstan pa'i phyir/ las rnams kun la 'jug pa dang / zhes pa nas sna tshogs rdo rje'i dbang thob ltas zhes pa'i bar gyis bstan te go sla'o// de nas phyi'i dbang thob pa'i snga ltas bstan pa'i phyir/ rmi lam mtshan ma ji snyed pa la sogs pa gsungs/ gong du bstan pa'i rmi ltas dang mtshan ma dang ji ltar rmis shing mthong ba de rnams spyi'i dbang thob pa'i rtogs so// yang na ci yang ma mthong ba 'am zhes pa ni gong du bstan pa'i ltas rnams med do// rmi lam na chos nyid stong pa 'di lta bu yin no zhes ston cing bdag gis kyang bstan pa'i rmi lam na gtogs pa'o// sngon sum gsang ba thams cad kun zhes bya ba ni rmi lam du mngon gsum dang 'dra bar khyod kyis lus la ni 'khor lo rnam pa bzhi yod do// zhes ston pa dang rang gis kyang yid kyi yul du gsal ba mthong ba de ni ci'i dkyil 'khor gyi dbang thob pa'i snga ltas su rung bar bshad do// de nas dbang thob pa'i yon tan bstan pa'i phyir/ gang zhig dkyil 'khor 'di dag tu/ zhes pa la sogs pa bstan te/ gang zhig dkyil 'khor 'di dag tu zhes bya ba ni rigs kyi bu gang su yang rung ba'i dkyil 'khor gong du gsungs pa'i bye brag de dag tu zhugs nas dbang thob pa'i gang zag de'i yon tan ni 'og nas 'byung ba 'di rnams so/ 'jig rten gtso dang 'khor gyis bskur zhes bya ba ni/ 'jig rten 'di na dbang che ba'i gtso bo dang / de'i 'khor rnams kyis bskur sti byed par 'gyur ro// tshe ring bde ba phun sum tshogs pa zhes bya ba ni/ 'jig rten 'di ru tshe ring zhing longs spyod phun sum tshogs par 'gyur ro// kun gyis bstod cing bkur ba dang zhes pa ni/ 'jig rten pa kun gyis bstod pa dbul zhing thams cad kyis bskur sti byed pa'o// sdug cing bsngags pa brjod pa dang zhes bya ba ni/ kun gyi yid du 'ong zhing yon tan gyi bye brag brjod pa'o// nad med lang tsho bde ba dang zhes bya ba ni/ nad med cing shin tu gzhon par gyur pa dang / shes rab phul du byung ba'i lang tsho ba dang / lus yang zhing bde ba phun sum tshogs pa'o// 'jog rten mthu chen 'dul ba dang zhes bya ba ni/ 'jig rten 'di na mthu che ba'i gnod sbyin la stsogs pa 'dul ba'o// sangs rgyas kun gyi sras su dgongs zhes bya ba ni/ dus gsum sangs rgyas kun gyis kyang dus dam par thugs kyis dgongs so// rgyal sras rnams kyi grogs su mthong zhes bya ba ni/ rgyal ba'i sras po rnams kyis spyan dang grogs su mthong ngo // de la sogs te bas mi mi khyab ses pa la sogs pa ni/ 'jig rten 'di'i yon tan mang po 'byung zhing mi dang lha dang lha ma yin dang gnod sbyin la sogs pas kyang bkur sti byed do// de nas sku'i dkyil 'khor dang thug kyi dkyil 'khor dang gsung gi dkyil 'khor gsum po gang yang ru ste zhugs pa'i yon tan 'dra bar bstan pa'i phyir/ sangs rgyas dag ni thams cad kyi/ zhes pa la sogs pa gsungs te/ gong du gsungs pa'i dkyil 'khor thams cad kyi nang nas/ sku'i dkyil 'khor tsa ka li bkod pa las/ pa dkyil 'khor du zhugs nas/ rnam pa thams cad 'grub pa 'gyur te/ de ji ltar bsam pa bzhin du 'grub bo// gsung gi dkyil 'khor du 'jug pa'i yon tan bstan pa'i phyir/ gzhan yang sangs rgyas thams cad kyi zhes pa la sogs pa bstan te/ gong du gsungs pa'i sangs rgyas kyi gsung gi kyil 'khor yi ger bkod pa'i phyir/ yi ge gsung gi dkyil 'khor bris pa las zhes gsungs te/ so so'i gdan stengs su so so'i yi ge gsal bar bkod pa'i phyir/ yi ge gsung gi phyag rgya tshogs// ji bzhin gsal bar bkod pa'o zhes gsungs te/ de ltar bkod pa'i gsung gi dkyil 'khor der zhugs pa'i yon tan yang gong ma dang 'dra ba'i phyir/ dkyil 'khor dag tu slob ma rnamaso// zhugs pa yang ni ngo bzhin no// zhes pas bstan te/ de nas thugs kyi dkyil 'khor du zhugs pa'i yon tan kun 'dra bar bstan te/ thugs kyi dkyil 'khor dam pa de ni phyag mtshan dgod pa ste/ de bstan pa'i phyir thugs kyis dkyil 'khor dam pa ni zhes pa la sogs pa gsungs te/ bstan pa'i dkyil 'khor sku'i 'khor lo dgod pa dang / gsung yig 'bru dgod pa dang / thugs phyag mtshan dgod pa gsum gyi dam par gyur pa thugs kyi dkyil 'khor bri bar bstan te/ 'jig rten dkyil 'khor bris nas kyang zhes gsungs pa yin no// brnyan ma'i dkyil 'khor so so'i bzhugs gnas su so so phyag mtshan bri ba'i phyir/ so so'i rang rtags phyag mtshan rnamaso// ji bzhin gnas su dgod pa ru// zhugs pa la sogs byas pa na// yon tan de dang 'dra ba thob// ces gsungs so// de nas dkyil 'khor gsum du nges pa med par bstan pa'i phyir/ sku dang gsung thugs kyi rnams zhes bya ba la sogs te/ sku'i dkyil 'khor la yang gsum/ gsung gi dkyil 'khor la yang gsum/ thugs kyi dkyil 'khor la yang gsum ste de'i phyir/ gcig la yang gsum gsum yod pa yin zhes gsungs so// gsum po re ro yang gsum du 'gyur te/ de bas na rnal 'byor pas blo dang ldan pas ni dkyil 'khor la nges pa med par shes par bya'o// zhes ston pas gsungs so// sku gsung thugs kyi gzugs kyi dkyil 'khor bstan pas na gzugs kyi dkyil 'khor gyi le'u'o// bdud rtsi thigs pa zhes bya ba rgya cher 'grel pa las/ kun rdzob kyi bden pa 'ba' zhig gi bshang ba'i le'u ste/ gsum pa'o// / de ltar gzugs kyi dkyil 'khor bstan kyang ting nge 'dzin gyi dkyil 'khor ma shes na/ rtag pa'i mtha' la gnas pa de gsal ba'i phyir/ de nas zhes pa la sogs pa gsungs te/ gzugs kyi le'u bshad pa de ma thag pa de nas ting nge 'dzin gyi dkyil 'khor bshad de gsungs pa ste/ de'i phyir/ de nas rgyal ba rdo rje 'dzin zhes bya ba ni/ ston pa'ang ba nyid dang yang dag pa'i don dang gnyis mi 'bral ba rdo rje 'dzin zhes brjod do// thams cad mi 'gyur na mkha' che zhes bya ba ni/ ston pa'i ngo bo nyid de/ phyi nang du snang ba'i chos thams cad sku gsung thugs kyu dkyil 'khor de yang don dam par yod pa ma yin te/ de snang la rang bzhin med pa'o// rang bzhin med pa de dus gsum du 'gyur ba med de/ brjod pa dang bral ba ni mkha' bzhin no// de ltar gsum gyi dkyil 'khor gsum du gsungs pa dang don dam par rang bzhin med par bstan pa ni/ gsung rnam par dge ste de'i phyir rnam ngag gsung mchog rgyal po des/ gsung ni 'di skad bka' stsal to// mgo nas 'byung ba 'di skad bka' stsal to// de yang ting nge 'dzin gyis ma zin na ji ltar byas pa de thams cad skyon du 'gyur ba de bstan pa'i phyir/ rdo rje thig ni btab pa dang / zhes pa la sogs pa gsungs te/ rdo rje thig ni btab pa dang zhes bya ba ni/ dang po sa rtag pa dang mjug thig gdab pa'i bar du ji ltar byas ba'i las so// tshon rtsi dag ni dgye ba'i snyan ma'i dkyil 'khor te zhes bya ba ni tshon dgye ba'i las dang phyag mtshan dang yig 'bru dang / sku la sogs pa dgod po'i brnyan pa'i dkyil 'khor de/ rnal 'byor pa yang dag pa'i don la sems mi bya'o byas na skyon ci yod ce na/ yod de bsnyen ma'i dkyil 'khor byas na dngos po mngon par zhen po'i skyon yod pas gnyis su med pa'i dngos grub rnyed par dka' ba'i phyir/ byas na dngos grub rnyed par dka' zhes gsungs pa yin no// de nas ting 'dzin gtso blang ba'i phyir/ de bas ting nge 'dzin nan tan bsgom zhes gsungs so// de nas so so'i ting nge 'dzin bsgom pa bstan pa'i phyir/ nam mkhar dbyings kyi dbus gnas par zhes pa la sogs bste nam mkha' dbyings kyi dbus gnas par zhes bya ba ni/ nam mkha'i dbyings kyi dbus dbyings te/ yi ge e las grub pa'i chos 'byung ba'i gnas te/ de'i dbus su bsgom par bya'o// ci bsgom zhe na dbang chen dkyil 'khor bsgom par bya zhes gsungs te/ chos 'byung ba'i nang du rlung gi dkyil 'khor oM las grub pa dong / me'i dkyil 'khor yi ge ram las grub pa dang / chu'i dkyil 'khor yi ge baM las grub pa dang / sa'i dkyil 'khor yi ge su las grub pa dang / rin po che'i li rab yi ge laM las grub pa de rnams bsgom par bya'o// gzhal yas khang me 'bar ba bsgoms zhes bya ba ni/ dpag cing gzhal ba las 'das pas gzhal yas te/ yi ge bruM las grub pa ri gzhal yas khang / babs la sogs pa rgyan rnam pa sna tshogs pas 'khrigs shing gzhal yos de'i phyi rol na hUM las grub pa'i rdo rje gur la mo 'od 'bar bya ste/ nges 'khrigs pa'o// 'khor lo'i rgyan dang rol mo'i tshogs zhes bya ba ni chos kyi 'khor los brgyan pa dang / gang du brgyan zhe na rta bebs kyi steng du brgyan pa'o// rol mo ni 'dod pa'i lha mo ste/ gzugs kyi lha mo gar mkhan ma la sogs pas brgyan pa'o// gang du brgyan na rmang gi phyag la brgyan no// de ni rang sngags bdag po bsgom zhes bya ba ni/ gzhal yas khang gdan dang bcas pa der ni rang gi sngags kyi bdag mo'i 'khor dang bcas pa bsgom mo// 'dir ji ltar gsungs pa bzhin du 'og ma rnams la yang sbyar bar bya ste/ spyi'i tshig de kun la khyab pa'o// de nas rdo rje 'dzin pa'i ting nge 'dzin bstan pa'i phyir/ nam mkha' dbyings kyi dbus ni rdo rje dkyil 'khor bsgom par bya zhes bya ba ni/ chos 'byung phyag rgya de ni nam mkha' ste de'i dbus su gzhal yas khang bsgom pa de/ de'i nang du rdo rje dkyil 'khor bsgom par bya'o// rang sngags rdo rje can gyi gzugs zhes bya ba ni rang gi kun gzhi rnam par shes pa de rdo rje 'dzin pa'i sku bsgoms na/ 'phags pa'i gnas thob pa'i dus su gnyis su med pa'i rdo rje can du 'gyur ro zhes ston pas gsungs so// de nas 'khor lo can gyi ting nge 'dzin bstan pa'i phyir/ nam mkha' dbyings kyi dbus su ni zhes bya ba la sogs pa gsungs te/ bsgoms na 'khor lo can du 'gyur zhes pas ston to// de nas rin po che'i ting nge 'dzin bstan pa'i phyir rin chen dkyil 'khor bsgom par bya zhes pa dang / rin chen mdzes pas bstan to// pad+mo'i ting nge 'dzin bstan pa'i phyir/ pad+mo zhes pa nas pad+mo can du 'gyur zhes pas bstan to// las kyi ting nge 'dzin bstan pa'i phyir las kyi zhes pa nas/ las kyi sems par 'gyur zhes pas bstan to// de nas phyi'i dkyil 'khor du ting nge 'dzin bstan pa'i phyir/ sangs rgyas kun gyi zhes pa nas sangs rgyas kun dang mnyam par 'gyur zhes pas bstan te/ ye shes drug pa'i ngo bo nyid do// de nas ting nge 'dzin de bsgom par bya ba'i gnas bstan pa'i phyir/ rab tu dben pa'i gnas dag gam zhes pa la sogs pa bstan te/ rab tu dben pa'i gnas ni dur khrod de la ma mo'i dben pa dang / ri bo ni sbrul gdug pa yod pas dben pa dang / chu gling gi chu srin gyis dben pa dang / nags 'dab ni stag dang dom gyis 'jigs pas mi 'ong bas de lta bu'i gnas su ting nge 'dzin bsgoms na ni/ rnal 'byor pa nyid ji ltar 'dod pa'i dngos grub thob par 'gyur ro// de ci tsam du bsgoms na thob pa'i tshad bstan pa'i phyir/ rnal 'byor can gyi zla drug tu/ bsgoms na dngos grub thob par 'gyur zhes pas bstan te/ yang dag pa'i ting nge 'dzin dang / 'byor pa'i rnal 'byor pas zla ba drug tu bsgoms na nges par ji ltar 'dod pa 'grub par 'gyur ro// de nas rnal 'byor la gnas pa'i dus su/ nang gi sbyin sreg bya ba bstan pa'i phyir/ glang po'i sha la sogs pa'i zhes bya ba la sogs pas bstan te/ a las ban+d+ha dkar po sgo nga gcas pa 'dra ba zhig bskyed do// de'i 'og tu raM las me'i dkyil 'khor gru gsum pa zhig bskyed do// de'i 'og tu yaM las rlung gi dkyil 'khor gzhu dbyibs 'dra ba sngon po ba dan bzhis mtshan pa zhig bskyed do// de nas ban d+ha'i nang du glang po'i sha dang rta sha dong nam mkha' lding gi sha dang khyi'i sha dang bya'i sha sta lnga bsam mo// de'i steng du dri chen dang dri chung dang / pad ma rak+ta dang / mang sa dang / byang chub kyi sems dang lnga bsam par bya'o// de'i steng du a las zla ba'i dkyil 'khor lnga bsam par bya'o// de'i steng du oM aM dang hUM sA dang ha rnams so// sa'i phyogs su bsam par bya'o// ba na d+ha de'i nam mkha' las zla ba'i dkyil 'khor de'i steng du hUM las rdo rje/ rdo rje'i bum pa'i nang du yang hUM ho/ yig 'bru lnga po de las 'od zer 'phros pas/ dus gsum gyi bde bar gshegs pa thams cad kyi sku dang gsung dang thugs la phog pas/ thugs dam gyi rgyud bskul te/ slar yig 'bru la thim pas/ yi ge dang bdud rtsi lnga rnams yongs su gyur pa las/ rigs lnga'i sku mdog dang phyag mtshan du rgyan rnams shin tu gsal bar blta'o// sha lnga las ni glang po che'i sha glang po che gdan la sogs pa'i gdan lngar gyur te/ glang po che'i sha lpa ni glang po che'i gdan du 'gyur ro// rta sha las ni rta'i bdag nyid du 'gyur ro// bya sha las ni rma bya'i gdan du 'gyur ro// nam mkha' lding gi sha las ni shang shang gi gdan du 'gyur ro// khyi sha las ni seng ge'i gdan du 'gyur ro// de nas rdo rje buM ba'i nang na gnas pa'i hUM las 'od zer 'phros pas/ bde bar gshegs pa thams cad rigs lnga'i mtshan nyid du mdzad de// de spyan drangs nas bstim nas de la mchod pa rnam pa lnga dbul bar bya'o// de'i rjes la so so rang rang gi thugs ka nas 'od zer lcags kyu 'phros pas/ de dus gsum gyi sangs rgyas thams cad kyi bdud rtsi'i ngo bor spyan drangs te/ ri gso lnga la thim pas rigs lnga gdan dang bcas par bdud rtsi'i ngo bor zhu bar gyur to// de'i skabs nyid du rdo rje'i hUM las 'od zer gong ma bzhin du 'phros pas bdud rtsi yang dgug ste bstim pa'i rjes la/ hUM gi 'od zer gyis rlung gi dkyil 'khor bskyed do// des me'i dkyil 'khor sbar/ mes ban d+ha bskol te gcig gis gcig bskyod pas/ rdo rje yang lhung ste bdud rtsi'i ngo bar 'gyur te/ ban+d+ha dang rdo rje gnyis thibs dang shes rab bo// de las bdud rtsi dkar lhung lhung gnos pa de las yi ge gsum gyis byin gyis brlabs te/ oM AHhUM gsum gyis bon+d+ha'i kha gcad pa'o// de ni bdud rtsi byin gyis brlabs pa'o// de nas bza' ba rA ting nge 'dzin bstan te/ bdag nyid kyi ye shes se mas dpa'i thugs kar dkyil 'khor 'khor lo skad cig ma'i ting nge 'dzin gyis bskyed la/ bdag nyid kyi lce la hUM las rdo rje'i bum pa'i nang na hUM gnas pa de'i 'od zer gyis drangs nas bza' bar bsam/ las kyi rdo rje byin la bza' ba dang / gnyis su shes par bya'o// de ltar rnal 'byor pas bza' bar bstan pa'i phyir/ sha lnga dag la byin gyis brlab// zas phyir 'di dag bza' bar bya ste/ kha zas gzhan la chags mi bya zhes pa la sogs pa gsungs te/ bdud rtsi'i zas bza' ba las ma rtogs par zas phal pa la chags par bya ba ni ma yin no// bdud rtsi nges bdag nyid kyi thugs ka'i 'khor lo tshim par bsams pa ni/ nang gi sbyin sreg bya zhes bya ba ste/ za ba'i ting nge 'dzin to// de nas yang sku gsung thugs kyi dkyil 'khor bsgom par bstan te/ de yang sngon la sku'i dkyil 'khor bsgom par bstan pa'i phyir/ nam mkha' dbyings kyi dbus gnas par// rang sngags sku ni rnam pa kun// ji ltar bsgoms na 'grub par 'gyur// zhes pa la sogs pa gsungs te/ chos 'byung ba'i dbus su gong gi rim pa ji bzhin pa'i gnas su sku'i dkyil 'khor bsgoms na/ 'phags pa'i gnas su gyur pa'i dus na mtshan dang dpe byad du ldan par 'gyur te/ yongs su rdzogs pa'i ting nge 'dzin to// de nas gsung gi ting nge 'dzin bsgom pa bstan te/ de'i phyir nam mkha' dbyings kyi dbus gnas par// rang sngags yi ge'i rnam pa kun// ji bzhin bsgrubs na 'grub par 'gyur/ zhes pa ni/ 'phags pa'i dus na gsung 'gag pa med pa'i ting nge 'dzin la mnga' brnyes pa ste/ chos kyi phyag rgya dong ldan pa'o// de nas yang thugs kyi dkyil 'khor bstan pa'i phyir/ nam mkha' dbyings kyi zhes pa nas 'grub 'gyur 'di la the tshom med ces pas bstan te/ las dang po pas tingange 'dzin goms pas lan cig 'phags pa'i sku thob pa'i dus na thugs spros pa med pa'i ting nge 'dzin la dbang sgyur ro// de nis ting nge 'dzin bsgoms la snyen la sogs pa'i rdzas dang / yo byad la sogs pa med kyang 'gal ba med cing bsgrub par bstan pa'i phyir/ rtse gcig pa'i ting 'dzin zhes pa ni gong du gsungs pa'i ting nge 'dzin la gzhan du mi g.yo bas rtse gcig pa ste/ de la gnas shing bsgom na/ gang 'dod pa las byed pas na de la ni cho ga ste bskyed pa'i rim pa dang / rdzas dang yo byad rnams tshogs na yang ni gtso bor bshad de/ ting nge 'dzin dang ldan na nges par 'grub pa ste/ de bas ting nge 'dzin la nan tan cher bskyed de/ yang nas yang du ting nge 'dzin gyi dkyil 'khor bsgom par bya ba'o// de nas yang ting nge 'dzin gyi sems 'dul ba'i thabs dpe bstan pa'i phyir/ dper na glang chen smyon pa pa dag/ gdul thabs lcags kyus 'dul ba ltar zhes bya bas bstan te/ dpen glang po che smyon pa dag 'dul ba'i dus na/ skyed bu rtsal po ches lcags kyus dpral ba nas gzung nas 'dul ba ltar/ byang chub kyi sems kyang 'dul bar bstan pa'i phyir/ rang sems dmu dgod 'dul dka' yang zhes bya ba la sogs pa gsungs te/ rang sems dmu dgod 'dul dka' yang zhes bya ba ni/ rang gi sems ni rlung la zhon nas kun nas 'gro ste shin tu 'dul bar dka' ba'o// 'on te gang gis thub par 'gyur zhe na/ mnyam gzhag ting 'dzin rtse gcig gis// btul nas dngos grub ya mtshan 'gyur zhes bya bar bstan to/ dang por rang gi sems dbugs kyi rta la zhon nus mi thub par yul phyin pa'i dus su rten gyi rigs thams cad gzhal yas khang gi rang bzhin du bstan/ rten gyi rigs thams cad lha'i skur bstan te/ nges sems brtas par bya ba'i las te/ kun rdzob kyi bden pa'o// sems de bskyed pa'i rim pa la bstan par skye tsam na/ rdzogs pa'i rim pa la gnas par bya ste/ lta ba'i dngos po thams cad kyang snang la rang bzhin med de/ byang chub kyi sems 'ba' zhig tu 'gyur ro// byang chub kyi sems 'ba' zhig du gyur tsam na sems 'phro bar gyur pa'i bya ba'i yul med de/ mnyam pa nyid du 'gyur ro// de'i phyir mnyam gzhag ting 'dzin rtse gcig gi zhes bya ba yin te/ de'i ngang la gnas shing gnas pa'i dus na/ gnyis su med pa'i ye shes thob par 'gyur te/ de la ni btul nas dngos grub ya mtshan du 'gyur zhes gsungs pa yin no// de nas mtshan ma la sogs pa bsgoms na gnyis su med pa'i ye shes mi 'byung ngam zhe na/ mi 'byung bar bstan pa'i phyir/ mtshan ma dag gi gzugs brnyan dang zhes pa la sogs pas bstan te/ mtshan ma dag gi gzugs brnyan dang zhes bya ba ni/ mtshan ma'i gzugs brnyan lha'i sku ru bsgoms pa dang / gsung gi mtshan ma yig 'bru bsgom pa dang / thugs kyi mtshon ma phyag mtshan du bsgoms pa la sogs pa byas kyang gnyis su med pa'i ye shes mi 'byung ste/ rtag pa'i skyon gyis bcings pa'i phyir ro// ngor ma zad de lugs ma la sogs pa phyag rgya la sogs pas kyang gnyis su med pa'i ye shes mi skye stengar de'i phyir mtshan ma'i ting nge 'dzin bsgom byas nas kyang / rang gi rnal 'byor mi 'byung ste zhos gsungs pa yin no// 'o na rnal 'byor gang las byung zhe na/ de bstan po'i phyir/ byang chub sems la gzhol ba'i mis zhes pa la sogs pas gsungs te/ byang chub kyi sems la yang gnyis las don dam pa'i byang chub kyi sems dang / kun rdzob byang chub kyi sems kyi don dam pa byang chub kyi sems mtshon pa yin te/ byang chub kyi sems bde ba chen po'i gnas nas drangs pa'i dus na/ nor bu'i nang du rin po che'i gnas su bzung ba dang / ye shes bskyed de de la ni/ rang gi rnal 'byor lngar 'gyur ro zhes gsungs te/ bde ba chen po'i lha zhes bya'o// ye shes la ni khu ba dang lhan cig skyes pa'i ye shes zhes bya'o// de'i ngang las yang nas yang du 'dris pa dang / dus nam zhig no rang bzhin lhan cig skyes pa'i ye shes rtogs par 'gyur te/ de'i phyir de bas nan tan rtse gcig gos// mtshan ma med la brtson par 'brad ces gsungs so// zhes pas bstan te don dam pa'i bden pa'o// ting nge 'dzin gyi dkyil 'khor dngos su ston pa'i le na ting 'dzin gyi dkyil 'khoral gyi le'u'o// bdud rtsi thigs pa rgya cher bshad pa las/ bden pa gnyis kyi bshad pa'i le'u ste/ bzhi pa'o// // de ltar gzugs brnyan gyi dkyil 'khor dang ting nge 'dzin gyi dkyil 'khor bstan kyang / bsngags dang phyag rgya ma gsungs na/ sems can gyi don mi 'grub pa'i phyir/ de nas zhes pa la sogs pa bstan te/ bcom ldan 'das gsang ba mchog gi bdag po la sdud pa pos sngags dang phyag rgya'i don zhus pa bsten pa'i phyir/ de nas yong bcom ldan 'das gsang ba mchog gi bdag po la rdo rje yod kun tu bzang gsol ba zhes pa ni bshad par bya ba'i tshig phrad do ci zhig gsol zhe na 'og nas 'byung ba'i tshig 'di rnams so// bcom ldan sangs rgyas thams cad kyi sngags dang phyag rgya rnams kyi mtshan nyid sems can thams cad la sman pa'i du bshad du gsol zhes pas zhus pa'i tshig ste/ bcom ldan 'das zhes bos nas/ sangs rgyas thams cad kyi sngags bzlas pas ci ltar 'gyur/ phyag rgya bcas pas ji ltar 'gyur/ sngags dang phyag rgya'i mtshan nyid de phyi rabs kyi rnal 'byor pa dang sems can rnams la sman pa 'di slad du bcos nas bcom ldan 'das kyis bshad du gsol zhes sdud pa pos zhus pa'i tshig go/ de zhus pa'i tshig de la lan glan pa'i phyir/ de nas bcom ldan 'das gsang ba mchog gi bdag pos sngags dang phyag rgya 'di dag bshad do// zhes pa la sogs pas bstan te/ bcom ldan 'das kyis bshad do zhes pa'i tshig gi phrad do// sems pa chen po nyon cig ces bya ba ni bod pa'i tshig ste/ sems pa chen po zhes sdud pa po la bos nas/ sngagaso dang phyag rgya'i don 'di bshad gyis lus ngag yid gsum gyi sgo nas tshur nyon cig ces pa'o// de nas sngags dang phyag rgya'i don bstan pa'i phyir/ 'di ni sangs rgyas thams cad kyi zhes pa la sogs ba gsungs te/ 'di ni sangs rgyas thams cad kyi zhes 'byung ba 'og nas 'byung ba'i sngags 'di ni sangs rgyas thams cad kyi dkyil 'khor gang yin po bsgom zhing sems brtos par byas te sngags 'di blas nas phyag rgya bcas na ji ltar yang 'grub par 'gyur te/ de'i phyir las gang bsgrub pa'i snying po yin zhes gsungs so// 'di la gang zhig dang mos pa// snang mdzad sems pa nyid 'drar 'gyur zhes bya ba ni sngags dang phyag rgya 'di la mos pa'i gang zag des dang po lha'i rnal 'byor la sems bstan par byas la/ de nas bdag nyid kyi snying kha nas pad+ma 'dab ma brgyad pa'i steng na zla ba'i dkyil 'khor/ de'i steng na nyi ma'i dkyil 'khor de gnyis kyi bar na 'khor lo'i lte ba'i nang na zla ba'i dkyil 'khor de'i dbus na oM gnas te lhag ma yi ge rnams kyis langs pa'i thabs su g.yas nas bskor byar gnas te/ de nas dbugs 'byung ba'i dus na rtsa g.yas nas zhugs te/ sna bug g.yas nas byung nas ji tsam du dbugs byung ba'i yi ge'i phreng ba de lta bu'o// nang du dbugs 'jug pa'i dus na yang sna bug g.yon nas 'jug ste/ rtswa g.yon pa'i gnas nas yang bzhi po la thim ste ci srid nang na gnas ba'iri bar du gzung bar bya'o// de ltar byas shing yang nas yang du goms pa dang / 'jug ji srid 'dod pa bzhin du 'grib ste/ bde bar gshegs pa'i mchod par 'dod pa'i dus na bde bar gshegs pa la dmigs nas phyag rgya bcas sngags bzlas pas sngogs dang phyag rgya las ma chod pa'i lha mo mang po 'thon nas mnyes pa dbul bar 'gyur ro// sems can gyi don byed par 'dod na gang yin pa'i sems can de la phyag rgya gtang nas sngags bzlas pas bla na med pa'i ye shes kyi sa thob par 'gyur ro// sngags dang phyag rgya de las rnam pa gnyis gnyis su grub pa'i phyir/ oM bud d+ha bai ro tsa na oM zhes pa nas byang chub mchog tu gdon mi za'i zhes pa'i bar gyis bstan te/ bdag nyid kyis 'bras bu ji lta bu thob pa'i ting nge 'dzin gyi le'u las bstan te/ 'dir ma bkod do// las gnyis ni 'phags pa mchod pa'i las dang / sems can gyi don bya ba gnyis las/ mnyes shing mnyes ba zhes pas 'phags pa mchod pa'i las so// byang chub mchog tu gdon mi za'o// zhes pas sems can gyi don no// ji ltar 'dir rgyas par bstan pa bzhin du 'og ma rnams la yang shes par bya'o// phyag rgya'i mtshan nyid ni dkyus nyid gsal lo// de nas yang rdo rje 'dzin pa'i sngags dang phyag rgya bstan pa'i phyir/ gzhan yang rdo rje 'dzin nyid kyi zhes pa nas rdo rje mi 'khrugs phyag rgyar bshad ces pas bstan te/ bsgom pa'i rim pa ni gong du gsal bar bstan te/ dbus kyi snying po ni hUM de so so'i snying po dang phyag mtshan nyid do// laMs nyid bstan pa'i phyir ro// sngags dang phyag rgya 'dri yis ni// sangs rgyas grags pa chen po yang zhes pa la sogs pa bstan te/ grub pa'i dus na phyag rgya tang sngags bzlas pas/ dus gsum gyi sangs rgyas kyang bsgrag cing 'dar bar gyur na/ bdud rnams lta smos kyang ci dgos zhes pa'o// de nas rin chen 'dzin pa'i sngags dang phyag rgya bstan pa'i phyir/ gzhan yang rin chen 'dzin pa'i zhes pa nas/ rin chen 'dzin pa'i phyag rgyu yin zhes pas bstan te go sla'o// las gnyis pa bstan pa'i phyir/ sngags dang phyag rgya 'dis ni bde ba mchog rnams sbyin par byed ces pa ste/ gong du gsungs pa'i sngags dang phyag rgya 'dis grub pa'i dus na/ phyag rgya gtang sngags bzlas pas 'chi ba'i dus las bzlog pa ste/ shin tu bde ba'i mchog d+hA rgyas par byed pa'i phyir/ gang dgo' ba yang rab 'gengs na zhes gsung pa yin te/ tshe zad pa yang 'gengs na bgegs las phyung ba smos ci dgos zhes so// de nas yang chos kyi sems dpa'i sngags dang phyag rgya bstan pa'i phyir/ gzhan yang chos kyi sems dpa'i zhes pa nas pad ma sems dpa'i phyag rgya bstan pa yin zhes pa'i bar gyis bstan te/ dikyus nyid gsal lo// las nyid bstan pa'i phyir sngags dang phyag rgya 'di yis ni zhes pa la sogs pa gsungs te/ gong du gsungs pa'i phyag rgya 'di yis ni/ dus gsum gyi sangs rgyas grags pa chen po'i kun kyang phyag rgya gtang sngags bzlas pas dbang du gyur par gdon ma za bar khams gsum gyi skye bo smos kyang ci dgos te/ mi dgos so zhes pa'i tha tshig go// de nas yang las kyi sems dpa'i sngags dang phyag rgya bshad pa'i phyir/ gzhan yang las kyi sems dpa'i zhes pa nas las kyi yin zhes pa'i bar gyis bstan te/ go sla'o// las gnyis bstan pa'i phyir/ sngags dang phyag rgya 'di yis ni// las rnams thams cad byed par 'gyur zhes pas bstan te/ sngags 'grub pa'i dus na phyag rgya dang sngags bzlas pas 'phags pa mchod pa dang sems can gyi don ji ltar 'dod bzhin du 'grub ste/ grub pa thob pa'i dus su'o// de nas yang yum rnams kyi sngags dang phyag rgya bstan te/ de yang sngon la dbyings phyug ma'i sngags dang phyag rgya bstan pa'i phyir/ de nas gzhan yang bshad bya ba zhes pa la sogs pa bstan te/ thabs las ni gzhan bya shes rab ma'i bshad pa'o// dbyings phyug me'i sngagu sau 'di yi ni zhes bya ba ni dbyings phyug ma'i gsang ba'i sngags ni 'og nas 'byung ba 'di yin te/ de yang thabs la ji skad gsungs pa bzhin 'dir yang ngo // oM bud+d+ha lo tsa na oM zhes bya ba'i sngags gang yin pa dang / sbyar bar bya'o// phyag rgya ni go slo ste ma bkrol lo// de nas mchod par bya ba dang / sems can gso bar bya ba ni/ rdo rje dbyings phyug ma'i sngags dang phyag rgya bstan te/ sems can thams cad bsrung bar bya ba ni/ ma ma ki'i sngags dang phyag rgya bstan to// de nas yang chos kyi gsung rnam par dag pa sems can gyis thob par bya ba pad+ma dbyings phyug ma'i sngags dang phyag rgya bstan to// de nas yang sangs rgyas dang sems can gnyis dbang du bya ba de bstan pa'i phyir/ las kyi dbyings phyug ma'i sngags dang phyag rgya bstan to// de nas yang sku gsung thugs kyi phyag rgya bstan te/ de yang sngon la sku'i phyag rgya bstan te/ sems can gang la byin gyis brlabs pa de sku'i gnas su yi ge A~M/ dkar po lnga rnam par snang mdzad kyi sku yongs su rdzogs par bskyed nas byin gyis brlabs te/ sku'i sngags dang phyag rgya byin gyis brlabs pa'o// de nas yang gsung byin gyis brlab pa ni/ gsung gi gnas rta mgrin gyi 'khor lo'i dbus yi ge oM dmar po las/ ste nga ba mtha' yas kyi skur b+h+yon gyis brlabs pa ste/ gsung gi sngags dang phyag rgyas bstan to// dri nas yang thugs kyi byin gyis brlab pa bstan te/ de yang thugs kyi gnas snying ga'i rtsa gsum gyi g.yas pa'i nang du yi ge hUM las mi bskyod pa'i skur bskyed la byin gyis brlabs te/ thugs kyi yang sngags dang phyag rgyas bstan to// de nas yang sngags dang phyag rgya brjod pa las 'das pa bstan te/ de'i phyir de la sogs te mtha' yas mchog ces pa la sogs pa gsungs te/ gong du gsungs pa'i sngags dang phyag rgya de la sogs pa bgrang ba las bsam yas pa gang gis kyang bgrang zhing dpag pa las 'das pa las ni mchog ste/ de ni chos dbyings mnyam dang mi mnyam zhes brjod pa ni/ 'di ni chos kyi dbyings dang mnyam pa yin la/ 'di ni mi mnyam pa yin zhes brjod par bya ba dang bral te/ de'i phyir nam mkhar dbyings kyi mtha' klas pa zhes gsungs pa yin te// nam mkha' ni dpag pa las 'das pa yin te/ de'i dbyings ni chos kyi dbyings rnam par dag pa yin pas/ brjod med brjod du med pa'i zhes gsungs te/ nam mkha'i dbyings ni brjod med de las 'das te/ shes pa dang brjod pa las 'das pa ni brjod du med pa ste/ de'i yon tan mtha' klas pa bsam gyis mi khyab pa 'byung zhes ston pas gsungs so// sngags dang phyag rgya spro ba ston pa/ sngags dang phyag rgya spros pa'i le'u'o// bdud rtsi thigs pa las zhes bya ba rgya cher bshad pa las bden pa gnyis bshad pa'i le'u lnga pa'o// // de nas yang rigs lnga'i dkyil 'khor dang / sku gsung thugs kyi dkyil 'khor rnams ni ston pas gsungs pa yin la/ de las gzhan ni ma gsungs so// snyam pa'i blo 'khor rnams la skye ste de gsal ba'i phyir/ de nas zhes pa la sogs pa bstan te/ sngags dang phyag rgya bsten pa'i de ma thag pa de nas sdud pa po rdo rje yid kun tu bzang pos ston pa bcom ldan 'das gsang ba mchog gi bdag po la 'og nas 'byung la 'di skad bshad do// e ma'o rnam dag stong pa'i lam zhes pa la sogs po gsungs te/ e ma'o rnam dag stong pa'i lam zhes pa ni/ e ma'o ni ngo mtshar ba'i tshig ste/ gang la ngo mtshar rang gi lus la stong pa'i lam yod pa ngo mtshar ba'o// rnam dag ni ye nas ma bcos pa stong pa'i lam 'di ni rang la rang chas su yod pa 'di lta bu'o zhes pa'i stong pa'i lam ni byang chub kyi sems kyi lam ste/ de yang ji ltar yin zhe na 'khor lo rnam pa bzhi ste/ sprul pa'i 'khor lo'i 'dab ma drug cu rtsa bzhi pa dang / chos kyi 'khor lo 'dab ma brgyad pa dang / longs spyod kyi 'khor lo 'dab ma bcu drug pa dang / bang ba chen po ro 'khor la 'dab ma sum cu na gnyis pa'o// 'on ti rnams gang na gnas she na/ dpal rdo rje rje mo'i rgyud las kyang kun rdzob brjod pa ma yin te// lte ba mtha' zad shes rab la// thabs na nA 'bru'i rer zhes bya// rtsa bar 'dab ma drug cu bzhi// ma skyes pa yi snying po can// sa dbus chos su bstan pa ste// kun 'byung lam chen brgyad yod pa// sngon la brgyad cha gnyis yod pa// rtsa bzhi nang gi ma mo bzhi// phyogs bzhi rtsa bzhi thabs bzhi ste// bcud ni phung po 'byung bar bshad// rtag par chos su 'di bstan te// snying po 'am chos kyi sku zhes bya// de nyid ye shes snying po yin// 'di yi 'khor lo nam mkha'i khams// thams cad kun la khyab chen po// de gnyis steng du longs spyod de// sngon las brgyad cha gnyis yod pa// 'byung bzhi par yang stong pa'o// ye she sa lnga yi snying po can// chags pa rtag tu rang 'ching bas// log lta rtag tu sgral bar dka'// 'byung 'jug sgo gsum thar bar 'gyur// bde tshon mtshan ldan pad+ma mdzes// rtag par gzhol med yi ge hUM// rang bzhin chos skur mang zhes bya// ting 'dzin goms pa'i ye shes kyis// sa gnas kun tu bde ba che// bde chen mgo bar gnas phyir ro// dkyil 'khor yan lag bcas sprul sku// de gnyis bde ba bsdu byas te// g.yas dang g.yon dang dbus dang gsum// rim gyis stong par 'jug pa ste// ye shes skye ba nges pa med// sems nyid bde la gang gnas pa// goms pas 'od kyang mi dmigs shing // skra'i rtse mo brgyar bshags bya// mthar ni dmigs par mi 'gyur te// bde ba yid kyis mi bya zhing // mtha' rnams ci la'ang mi gnas te// 'gro don 'dod pa'i sku gnyis kyang // sgra yi tshul las thogs pa med// rang bzhin dang ba'i ye shes ni// snang stong gnyis su ma yin pas// rtag tu thig le chen por gsungs// stong pa'i lam zhes de la bya'o// zhes gsungs so// sangs rgyas kun gyi sku'i mchog zhes bya ba ni/ dus gsum sangs rgyas thams cad kyi sku'i mchog ni chos sku ste/ chos sku de la thams cad 'byung ba'i bdag por gyur pa'i phyir/ sna tshogs las byung khyod la 'dud ces bstod pa'o// sangs rgyas kun gyi gsung gi mchog ces bya ba ni dus gsum gyi sangs rgyas thams cad kyi gsung rnam par dag par 'byung ba'i don gsal ba'i sgra chen khyod la 'dud ces gsung gi sgo nas bstod pa'o// sangs rgyas kun gyi thugs chen po zhes bya ba ni/ dus gsum gyi sangs rgyas thams cad kyi thugs rnam par mi rtog pa'i ye shes kyi mnga' bdag gi gtso bo khyod la phyag 'tshal 'dud ces thugs kyi sgo nas bstod pa'o// sangs rgyas ye shes rdo rje can zhes bya ba ni/ dus gsum sangs rgyas thams cad kyi yang dag pa'i ye shes mnga' ba'i rtag su rdo rje 'dzin pa bstod de ston pa'i ngo bor rdo rje 'dzin po khyod la 'dud ces pas bstod pa'o// chos kyi 'khor lo rab bsgyur ba zhes bya ba ni/ ston pa'i thugs yang dag pa'i ye shes kyis phyi dang nang du snang ba thams cad la gsal zhing chos kyi 'khor lo bskor bas de'i phyir sangs rgyas 'khor lo khyod la 'dud ces bstod pa'o// nor bu 'dzin pa khyod la 'dud ces bya ba ni/ ston pa'i thugs yA shes kyi sems can gyi dgos 'dod re ba yid bzhin skong bas nor bu 'dzin zhes brjod pa'o// de ltar ston pas sems can gyi don mdzad kyang 'khor ba'i skyon gyis ma gos pas de'i phyir pad+mo 'chang la 'dud ces pa'o// de ltar phyi nang gi don gang la yang ma 'gag pas don yongs su grub ste/ sna tshogs las la phyag 'tshal 'dud ces sdud pa pos ston pa la gsol ba btab po// don dam pa'i bden pa'o// 'khor gyi rtog pa de gsal ba'i phyir/ de nas bcom ldan 'das zhes pa la sogs pa bstan te/ ston pa thugs spros pa med pa'i dbyings su sku gnas sku gsung thugs kyi sprul pa bsam yas par dgye ba'i phyir/ de bzhin nyid la dmigs nas cang mi smra bar bzhugs so// zhes pa ste/ thugs spros pa med pa'o// de ltar ston pas sku gsung thugs kyi sprul pa dgye bo de'i tshe rigs lnga bde bar gshegs pa thams cad dang 'khor rgya mtsho dang bcas pa rnams kyis/ bcom ldan 'das kyis sprul pa de gye ba la 'di ltar gzigs pa'i phyir/ 'dul ba'i thabs ni sna tshogs kyis zhes pa la sogs pa gsungs te/ 'dul ba'i thabs sna tshogs zhes bya ba ni/ 'gro ba rigs drug la sogs pa'i 'dul thabs sna tshogs pas 'dul te de'i phyir/ 'gro rnams sna tshogs 'dul bar 'gyur zhes gsungs pa yin no// la las sku'i don mdzad 'gyur zhes pa ni so so'i 'dul skal gyis/ sku yis don mdzad par 'gyur ro// 'gro rnams kun la sdig spong gzugs zhes bya ba ni/ 'gro ba rigs drug char la don mdzad kyang log pa'i spyod pas don ma mdzad do// phyin ci ma log cing sdig pa thams cad spangs nas/ yang dag pa'i ye shes dang ldan pa'i sgo nas don mdzad do// sprul pas so sor 'dul ba rnams ni zhes pa ni so sor las kyis mthong ba bzhin 'dul lo// de yang skus so sor 'dul ba bstan pa'i phyir/ dmyal ba rnams la gshed pos 'dul zhes pa nas/ 'thun byas sku ni sna tshogs 'dul zhes bya bas bstan te go sla'o// de nas gsung spros pa med pa'i sgo nas don mdzad pa bstan pa'i phyir/ chos kyi 'khor lo sna tshogs ni zhes pa nas/ de snyid sgra skad tha dad ston zhes pa'i bar gyis bstan te go sla'o// de nas yang sku ltam pa la sogs pas 'dul bar bstan pa'i phyir/ la lar lhums su gshegs pa'i tshul zhes pa nas byin brlab cho 'phrul de ltar bstan zhes pa'i bar gyis bstan te go sla'o// de nas yang so sor 'dul zhing chos kyi 'khor lo bskor ba'i byin gyis brlabs kyi sems can rnams ji ltar mos par 'gyur ba bstan pa'i phyi ro// de tshe 'gro rnams thams cad dang zhes pa la sogs pas bstan te/ de yang ston pas sku gsung gi cho 'phrul rnam pa'i bye brag gis/ 'gro ba rnams la so sor chos kyi 'khor lo bskor ba de'i tshe/ 'gro ba rigs drug thams cod kyang yang dag pa'i byang chub la dad par ma dad pa gang yin zhe na de bstan pa'i phyir/ las kyi stobs kyis dbang sgyur ba// log pa can gyi ru tra rnams// log lta'i mthu snyoms ma rtogs pa zhes pa bstan to/ sngon gsang ba'i zab mo ni thos yang lta/ mas kyi stobs kyis/ dbang gis tshe 'di nyid la ldog pa la dga' ba yang dag pa'i don la smod pa'i ru tra rnams ni log par lta ba 'jig rten 'dir ni mthu che ba ngag gtum tshig tu smra ba de ni ma rtogs pa/ gas par bstan par 'khor rnams kyis gzigs pas gong gi the tsom skyes pa'i rtogs pa gsal/ lhag pa'i sems can rnams sangs rgyas kyi bstan pa la dad par 'gyur te/ byang chub spyod pa'i sgo ji snyed pa'i sgo nas spyod pas khams gsum kyi sems can de snyed 'bras bu bde la 'god de/ yang dag pa'i sa la gnas par 'gyur ro// de ltar so so'i sgos 'dul ba'i cho 'phrul sna tshogs par bstan par 'khor rnams kyis gzigs pas gong gi the tsom skyes pa'i rtog pa gsal te/ gnyis su med pa'i don la sems nas gnas so// de nas 'dul ba'i 'khor tshogs rnams kyis sdud pa po la bstan pa'i phyir/ de nas 'khor lo der 'dus pa'i zhes pa la sogs pas bstan te/ ston pa'i cho 'phrul 'khor rnams la bstan zin pa'i de ma thag pa de nas ston pa'i 'khor der 'dus pa rnams sdud pa po yang kun tu bzang pos ston pa la bskul nas cho 'phrul rnam pa sna tshogs pas 'gro ba'i don mdzad pa de la ngo mtshar du 'gyur te/ sdud pa pos rdo rje yid kun tu bzang po la 'khor rnams kyis 'og nas 'byung ba'i don 'di skad ces gsol to// e ma'o zhes pa ni ngo mtshar ba'i tshig go// e ma'o rdo rje kun tu bzang zhes bya ba ni/ ston pa'i sprul par gyur cing ston pa nyid sdud pa po yin 'khor rnams kyang rtogs te de'i phyir kun bzang zhes bos pa'o// ngo mtshar khyod la phyag 'tshal 'dud ces bya ba ni/ ston pa las tha mi dad par gyur pa ni ngo mtshar te khyod la nged 'khor rnams kyang phyag 'tshal lo zhes so// / e ma gsang sngags ya mtshan che zhes bya ba ni/ gang ba'i sngags ni gsang sngags te/ yang dag pa'i ye shes so// e ma'o ston pa cho 'phrul che zhes pa ni/ the tshom skye ba bsam pas ngo mtshar ba'o// e ma'o sngags kyis mi 'dul med ces bya ba ni/ nyon mongs pa lnga'i gnyen por mdzad pa'o// 'di ni ngo mtshar ya mtshan no// zhes bya ba ni gong du ston pas mdzad pa 'di ni shin tu ngo mtshar lags so// zhes 'khor rnams kyis sdud pa po la gsol pa dang / de nas sdud pa pos 'khor gyi byang chub sems dpa' de thos pa'i the tshom skyes pa'i rgyu bstan pa'i phyir/ rdo rje yid kyis bka' stsal pa zhes pa la sogs pa gsungs te/ rigs kyi bu khyod tshur nyon cig ces bya ba ni/ 'dus pa'i 'khor tshogs yang dag pa byang chub sems kyi rigs kyi bu rnams nyon cig ces bskul ba'i tshig go/ gsang ba'i theg pa 'di nyid la su zhig la mos pa'i skyes bu des zhes bya ba ni gsang ba'i theg pa bla na med pa de las rnal 'byor pa gang su yang rung ba zhig mos pas 'jug na rnal 'byor pa des mi bya ba ni gang yang med de/ mi 'grub pa ni gang yang med ces bya ba ni gsang ba'i rdo rje theg pa 'di la zhugs pa'i rnal 'byon pas ni 'og nas 'byung ba'i las 'di rnams bya ba'o// de yang ldem po ngag gi sgo nas gsungs te/ don dam pa'i bden pa bstan pa'i phyir/ rtag tu gsod la brtson pa dang zhes bya ba la sogs pa bstan to// de yang ji ltar zhen rtag tu gsod la brtson pa dang zhes bya ba ni/ bdag nyid kyi snying la rtsa'i dngas ma brgyad gnas te/ de yang gsum chos kyi rtsa'o// gcig ye shes kyi rtsa'o// gsum ni rang rgyud kyi rtsa'o// gcig ni yon tan gyi rtsa'o// de ltar rtswa 'phra mo brgyad yod do// chos kyi rtsa la ni/ 'od ser po gcig gnas so// dbyibs ci 'dra na zlum po'o// tshul ni dngul chu zhun ma la gzhol mar gyi zol song ba dang 'dra'o// snying po ni oM mo// sa bon su dang tri'o// de gsum gyi kha dog ni za 'og gur phub pa 'dra'o// ye shes kyi rtsa la ni 'od mthing ga zhig gnas te/ dbyibs ci 'dri zhe na zhags pa 'am sbrul 'khyil ba lta bu'o// tshul ni dar skud le brgan la shel sgong brgyas pa lta bu'o// snying po ni hUM ngo / sa bon ni a dang ni'o// rang rgyad kyi rtsa la ni 'od dmar po gcig gnas te/ dbyibs ni zla gam dmar po lta bu'o// tshul ni sos ka'i chu la mig rgyu ba 'am/ rtsi skya ba'i kha la zil pa chags pa lta bu'o// kha dog ni zangs ma'i zhun ma la ra gan gyi zol song ba lta bu'o// snying po ni a'i sa bon ni bre dang du'o// de yang ma rtogs pa'i dus na 'khor ba'i rgyu ste/ a dang ni la sogs pa'o// rtogs pa'i dus na ye shes te/ oM la sogs pa'o// de yang ji ltar srog ce na/ 'od ser po la kun gzhi rnam par shes pa gnas pa dang / 'od mthing ga la yid kyi rnam par shes pa gnas pa dang / 'od dmar po la nyon mongs pa can gyi yid gnas so// dmar nag la sgro nga'i rnam par gnas so// de yang lha mi gnyis su skye ba'i kha 'dzin ni yid kyi rnam par shes pas byas nas a dang / ni la sogs pa'o// lha ma yin dang byol song du skye ba'i kha 'dzin ni kun gzhi rnam par shes pas byas nas sa bon su dang tri gnyis la sog go/ yi dgas dang dmyal bar skye ba'i kha 'dzin ni sgo nga'i rnam par shes pa dang / nyon mongs pa can gyi yid kyis byas nas pre dang du los sog go// de ltar gnas pa 'di 'gro ba rigs drug gi sems can la rang chas su yod pa'o// de lta bu'i rtsa 'phra mo brgyad po de yang thag pa khug pa bzhin gnas pa'o// de lta bu brgyad 'dom pa'i dbus na rtsa'i mdangs ma'i yang dngas ma dar gyi skud pa lta bu la dbyibs pa thag khug pa 'dra ba gcig yod do// de'i sgrom 'phra ni rta rnga bcu ru bshags pa tsam gyis 'brel dar dkar gyi skud pa lta bu de la/ dbug kyi dngas ma gser sa 'og na gnas pa'i rlangs pa tsam cig rgyu'o// dbugs kyi dngos ma de la kha dog rnam pa sna tshogs pa gnas so// de'i dkyil na byang chub kyi sems thig le chen por bzhugs so// de'i da pe ji lta bu zhe na gser zhun ma'i sbubs kyi nang nor bu rin po che'i ke ke ru zhes bya ba bcug pa lta bu'o// kha dog ni nyi ma shar ba'i dkyil 'dra ba'o// de ni chos kyi dbyings so// rtsa'i dngas ma'i yang dngas ma dar dkar gyi skud pa lta bu la gdod ma nas phung po rten byed pas na/ 'byung ba'i dngas ma de sa ltar snang ba yum sangs rgyas spyan du gsol ba yod pa'o// de'i stong pa chen po'i ye shes to// khams thams cad dbyings rnam par dag pa'i dang du gyur pa med pa'i rten byed pa'i/ dar dkar gyi skad pa lta bu de la khrag gi dngas ma mtshal lcog la ma lta bu gnas po'i gdod ma nas phung po long 'dogs pas 'byung ba'i mdangs ma chu ltar snang ba ste/ yum mA ma kI'o// de nyid mnyam pa nyid kyi ye shes te/ thams cad bkol ba med pa'i dbyings gcig tu bsdus pas so// de nyid la dbugs kyi dngas ma gser sa le sbram swa 'og na gnas pa'i rlangs pa tsam zhig gnas pa'i gdod ma nas phung po yang zhing g.yo ba'i rgyu byed pas 'byung ba rlung du snang ba'o// de ni bya bo grub pa'i ye shes te/ bya ba thams cad la g.yo bas na'o// byang chub kyi sems de ni thabs dang shes rab snyoms pa yang yod la/ khams gsum par yang yod de/ thig lo de la a ni la sogs pa'i yi ge rnams bsdus shing byang chub kyi sems thig le'i ngo bor brtags pas/ sangs rgyas kyi ye shes nam mkha'i rang bzhin lta bu skya zhing 'gro ba rigs drug rgyun gcod pa'o// de yang ji ltar gcad con thog lo byang chub kyi sems las su rung nas/ 'od dang ldang ba'i ngo bor gyur tsam na/ oM gi gong dang 'og na su dang tri gnas pa dang / hU~M ga~M gong 'og na a dang ni gnas pa dang / a'i gong 'og na pre du gnyis gnas pa 'od du 'bar te/ thig le la rang bzhin med par thim zhing song bas/ thig le yang rang bzhin med par dar gyi skud pa lta bur rta rnga bcu ru bshags pa tsam la tham nas mtshal cog la ma'i dang sa ma tsam du gnas pa ste/ bde ba chen po chags par byed pa yin no// de yang 'ong du 'bar zhing 'bar bas dbugs kyi dngos ma gser sa 'og na gnas pa'i rlangs pa tsam zhig gnas pa de bde ba chen por g.yo ste 'bar bar byed do// de'i 'og tu 'bar bas der drod kyi dngas ma me long nyi ma la bzhag ba'i ngang tsam zhig gnas pa de gdong ma med pa nas phung po smin par byed pa'i rang bzhin 'byung ba me ltar snang ba'i rang bzhin te 'od kha dog lnga pa'o// de ni so sor rtog pa'i ye shes te/ thams cad bde ba chen po'i dbyings su rtogs pa'i sgron ma'o// 'od de'i dkyil na yi ge med pa'i thig le chen po'i byang chub sems bzhugs pa de ni dngas ma chen po'o// de'i gdong ma nas phung po gsal bar byed pa'i rten byed pa'i 'byung ba'i dwangs ma de rtsa bug rnams dang / nam mkha' ltar snang ba'o// de ni khyab pa chen po'i ye shes yum kun tu bzang mor gsal ba ste/ thams cad yang dag pa'i dbyings su gsal ba'i go skabs 'byed pa'o// de ltar thig le gser zhun ma lta bu ni shes rab ste/ yum thams cad kyi ngo bo'o// de re rin po che ke ke ru bcug pa dang 'dra ba ni/ thabs kyi rgyal po ste/ kun tu bzang mo la sogs pa yab rnams kyi'o// de ni me long lta bu'i ye shes byang chub kyi sems thig le chen po nga la me long lta bu'i ye shes te/ lta ba ni mthong ba med pa'i tshul du mthong ba'o// de'i yab gang yin pa yum yin la yum gang yin pa yab yin zhing / 'od kyi gong bu der tha dad pa ma yin par mthong ngo // dngas ma chen po'i thig la nyid kyang rang bzhin med par song ste/ ye nas lhun gyis grub pa nam mkha'i gzugs su byung ba de nyid ni thig la chen po byang chub kyi sems zhes bya ba chos nyid kyi sku'o// de ltar gyur pa'i ngang la ni 'gro ba rigs drug gi sems can rtsad gcad pa zhes bya'o// de la rtag par ting nge 'dzin gnas pa ni/ rtag tu bsod la brtson pa dang zhes gsungs pa'o// ma byin len dang mi tshangs spyod ces bya ba ni/ byang chub kyi sems de ni ma byin par yang dag par blang bar bya ba'o// yang dag pa'i don de dus rtag tu spyad par bya ba'o// rdzun dang tshig rtsub smra/ ba dang / zhes pa ni/ rdzun yang smra bar bya ba ma yin te/ brjod dang bral ba'i don 'di lta bu yin no// zhes ston pa ni rdzun du smra ba'o// ngag rtsug pa smra ba gang yin te/ rnam par rtog pa'i shes pa med pas ngag rtsub smra ba'o// de nas bdud rtsi lnga bza' ba bstan te/ zas su sha dang / bshang gci dang / rnag khrag dron mo 'thung ba dang zhes bya ba ni/ sha chen dang bshang ba ste/ dri chen dang gtse ba ste/ dri chung dang rnag ste/ byang chub kyi sems khrag ste/ pad+ma rak+ta te bdud rtsi lnga'i ngo bo ru bza' zhing btung ba'o// ngan zos ngan spyad thams cad kyis// gsang ba 'di nyid 'grub par 'gyur/ zhes bya ba ni/ bdud rtsi lnga ni zos shing spyad pas gsang ba'i don 'di nyid 'grub par 'gyur te/ dam tshig go/ pha dang khu bo mes po dang / bu dang spun dang tsha bo rnams/ zhes bya ba ni pha ste 'dod chags dang / khu bo ste zhe sdang dang / mi sa po ste gti mug dang / bu ste nga rgyal dang / spyan te phrag dog dang lnga'o// tsha bo rnams ni de kun gyi spyi'i mtshan nyid do// zhe sdang sems kyis gsang byas na// rdo rje rigs kyi zhing du 'khrus/ zhes bya ba ni nyon mongs pa lnga/ spyi'i mtshan nyid dang / drug po ni me long lta bu'i ye shes la sogs pa lnga stong pa chen po'i ye shes dang drug gi ngang du zhe sdang chen po'i ting nge 'dzin gyis gsang na gnyis su med pa'i ye shes ma bcos pa rdo rje rigs su 'gyur ro// don dam pa'i bden pa'o// de nas byang chub kyi sems bde ba chen po pho brang nas bskyod pa la rkyen gnyis te/ ting nge 'dzin gyis bskyod pa dang shes rab ma'i rkyen gyis bskyod pa'o// de la ting nge 'dzin gyi rkyen gyis bskyod pa'i le'u 'di nyid kyi stod nas gsungs so// shes rab ma'i rkyen gyis dbab pa bstan pa'i phyir/ mo dang bu mo sring mo dang gdol ba mo phyal ba la zhes pas bstan te/ ma ni/ rdo rje rigs ma'o// bu mo ni 'khor lo'i rigs ma'o// sring mo ni rin po che'i rigs ma'o// gdol pa mo ste las kyi rigs ma'o// phyal ba ste pad+ma'i rigs rnams la byang chub kyi sems rtogs par 'dod pa'i rigs kyis sbyar na 'byung ba bzhi'i rkyen gyis drangs nas/ dga' ba dang mchog tu dga' ba dang / bral ba'i dga' ba rnams ni nyams su blang bar bya ba ma yin te/ khu ba dang lhan cig skyes pa shes bya ba rang bzhin dga' ba de nyams su mang par/ ngayang gnas gang du nyams su blang zhe nA/ rdo rje'i bum pa'i dbus su swA yi gA bzhi'i dbus su'o// 'o na yi ge bzhi'i dbus su ni bzung la gzhan du mi gzung ba ci stan ya ge ba'i'i dbus su gzung ste yi ge gsum par ma 'das na ni khu ba dang lhan cig skyes pa'i ye shes ma skye la yi ge bzhi la slebs na no mi zin pa'i skyon yod pas dbus su bzung bar bya ba kho na yin no// 'o na yi ge bzhi rang gang yin zhe na/ yi go ni 'di rnams so// oM oM hUM phaTacas pa rnams so// 'o na yi ge lnga 'dug na bzhi zhes bya ba mi 'gal lam zhe na/ mi 'gal te/ 'byung ba bzhi dang sbyar na/ oM ni sa'i rang bzhin yin pa dang / hUM ni me'i rang bzhin yin pa dang / oM ni chu'i rang bzhin yin pa dang / phaT ni rlung gi rang bzhin byang chub kyi sems ni nam mkha'i rang bzhin pa'i phyir mi 'gal ba'i phyir ro// 'o na 'byung ba lnga de smos nas ci dgos she na/ dgos pa med pa ma yin te/ rdo rje'i rtse mo'i nang nas kyang / byang chub sems ni rab za ba// bde ba'i gnas nas spyan drangs nas// rin po che yi gnas su ni// 'byung ba gsum gyis gzung bar bya/ zhes gsungs te mi 'gal lo// de ltar byang chub kyi sems nyams su len pa'i dus na yang dag pa'i ye shes su 'gyur te/ 'khor ba'i skyon gyis ma gos pas pad+ma'i rigs su nges par skye zhes gsungs pa yin no// de lta bu'i don la dgongs te gsungs pa'i tshig de la 'khor byang chub tu sems skye ba rnams bcom ldan 'das 'di lta bu'i tshig ngan pa smra ba snyam nas/ byang chub sems dpa' rnams bsgrag ste/ rob tu brgyal nas sa la 'gyel bar 'gyur ro// de nas yang 'khor de rnams kyi the tshom bsal ba'i phyiraro/ de nas yang rdo rje yid kun tu bzang pos/ bcom ldan 'das gsang ba mchog gi bdag po la bltas te/ bcom ldan 'das byang chub sems dpa' 'di rnams sngon gyi 'du shes ngan pa yid la dran nas brgyal nas 'gyel na 'di dge slar gso bar gsol zhes gsol ba btab pa dang / de bslang ba'i phyir/ bcom ldan 'das kyis byang chub kyi 'odi zer gyi zhing 'khyil pas 'khor de dag bstims te/ byang chub kyi sems kyis byin gyis brlabs mdzad do// byang chub kyi sems bstims shing byin gyis brlabs pa des/ byang chub sems dpa' rnams slar dran pa rnyed de/ sa las langs nas bcom ldan 'das gsang ba mchog gi bdag po'i zhal du mig mi 'dzum par lta ste 'khod do// de nas 'khor gyi the tshom de bsal ba'i phyir/ de nas bka' stsal to zhes bya bar sbyar ro// de nas yang lung bsgo ba'i phyir/ rigs kyi bu rnams rang rang gi 'du byed ngan pa de rnams thong zhig ces gsungs te/ thong zhes pa ni zlog pa ste/ khyed rnams kyi bsam pa mang pos ci zhig bya/ bcom ldan 'das ngas dgongs pa bshad pa'i tshig la khyed rnams kyis drang por bzung bas tshig ngan pa 'gro ste/ de'i bsam pa ngan pa rnams ma smra bar thong zhig pa'o// byang chub spyod pa'i gnas 'di yin zhes pa la ston pa yis/ 'khor rnams kyi the tsom bsal ba'i phyir tshig go// byang chub spyod pa'i gnas 'di yin te zhes bya ba ni/ byang chub spyod pa de'i gnas na bde ba chen po'i gnas de nyid yin no// thams cad nam mkha'i rang bzhin te zhes bya ba ni/ bde ba chen po'i don de thams cad nam mkha'i mtshan nyid yin te/ mtshan nyid de la yang mi gnas pa'i phyir/ na mo mkha' la yang mtshan nyid med ces brjod pa yin no// de nyid 'jig rten sna tshogs te zhes bya ba ni/ mtshan nyid med pa de nyid 'di ltar rnam pa sna tshogs par snang te/ snang ba de nyid kyang gzugs su snang ba thams cad de/ de bzhin gshegs pa'i sku'i rang bzhin yin pa dang / sgra ru grags pa thams cad de bzhin gshegs pa'i gsung gi rang bzhin yin pa'i phyir te/ phyag rgya'i tshogs chen de nyid do// zhes gsungs pa yin no// de ltar phyi dang nang du snang ba yang sgyu ma tsam du snang la don dam par de bzhin gshegs pa'i thugs spros pa med pa yin pa'i phyir/ chos sku sgyu mar dbang sgyur ba// de la dngos po ga la yod ces gsungs pa yin no// ci spyod bsgrub ci bsgoms kyang / byang chub nyid de lhung gnas med ces bya bsgom bsgrub la sogs pa ji ltar spyad kyang don dam pa'i dbyings las ma g.yos par shes na byang chub nyid de lhung gnas med do// lhung gnas nyid yang dag pa'i ye shes su 'gyur ba bstan pa'i phyir/ dmyal ba'i gnas nyid bla med gnas zhes gsungs te/ dmyal ba'i gnas su gdags pa'i gnas med de/ ye nas rnam par dag pa'i gnas so// de nas yang khams gsum gyi sdug bsngal nyid gnyis su med pa'i ye shes yin pa'i phyir/ sdug bsngal nyid la byang chub lta// 'khor ba nyid nA mya ngan 'das// sgrib pa nyid na mngon sang sgra rgyas zhes gsungs pa yin te/ khams gsum gyi sdug bsngal ni yid dag pa'i ye shes yin te/ ma bcos pa'i byang chub kyi sems te/ de ltar ngo bo nyid kyis sangs rgyas pa'i rang bzhin la 'khor ba zhes bya ba ga la yod de mya ngan las 'das pa'o// de ltar nges pa'i don de la sems rtse gcig tu gnas pa'i bya ba'i phyir/ nges don de la 'dud par sbyor zhes bcom ldan 'das kyis gsungs pas/ byang chub sems dpa' de som nyi dang bral nas rang rang gi de bzhin nyid la dmigs nas/ brjod pa las 'das te/ cang mi smra bar 'khod do// zhes don dam pa'i bden pa'o// thugs rjes 'dul ba'i ston pa'i le'u la thugs rjes 'dul ba'i le'u'o// bdud rtsi'i thigs pa zhes bya ba rgya cher bshad pa las/ bden pa gnyis kyis bshad pa'i lde'u ste/ drug pa'o// // de ltar thugs rjes 'dul ba bstan kyang log pa'i lam pa dregs pas myos pa de zhi bas mi 'dul te/ de la khros pa'i tshul gyis 'dul bar 'khor rnams kyis ston pa la bskul ba bstan pa'i phyir/ de nas zhes pa la sogs pa bstan te/ de nas bcom ldan 'das rigs lnga'i bde bar gshegs po la sogs pa thams cad dgongs pa gcig tu gyur te zhes bya ba ni rigs lnga'i bde bar gshegs pa'i 'khor gyi byang chub sems dpa' thams cad dgongs pa chos kyi dbyings gcig tu gyur te so so ma yin pa'o// log pa'i lam pa dngos po la mngon par 'chel ba/ mngon pa'i nga rgyal gyi mthu bsnyems nas/ sangs rgyas kyi bstan pa la mngon par ma dad pas/ 'jig rten phung bar byed pa rnams zhes bya ba ni/ sngon gsang sngags zab mo'i don dang lha spyod la sogs pa thob kyang yang dag pa'i shes rab kyis ma zin pas de bzhin gshegs pa'i sku mdog dang phyag mtshan rang rgyud du gzung bas skye ba phyi ma la gzugs 'jig pa lag cha gdug pa'i ru trar gyur te/ shin tu nga rgyal gyi mthu bsnyems nas gnas pa'o// sngalas hUM hUM phaT phaT la sogs pa'i don gsung rnam par dag par ma rtogs pas/ ngag gtum tshig sod cod la sogs pa'i sgras sems can brgyal bar byed pa sgrogs pa'o// thugs spros pa med par ma rtogs pas/ zhe sdang mnar sems dang ldan pa'i ru tra dregs pas myos pas dngos po la 'chel ba sangs rgyas kyi bstan pa la shin tu yang ma dad pa de la zhi bas 'dul ba'i skabs la ma bab ste/ de bzhin gshegs pa'i mdzad spyod kyis 'dul bar 'khor rnams kyang gzigs nas/ bcom ldan 'ongs gsang ba mchog gi bdag po la 'og nas 'byung ba'i don 'di skad ces 'khor rnams kyis gsol ba btab bo// e ma'o ldog pa'i lam gyis mnar pa la// zhi bas phan par mi 'gyur te/ zhes pa la sogs pa gsungs te/ log par lta bas mnar ba de la zhi bas phan par 'di nyid la mi 'gyur te/ phyis kyang ngu 'bod kyi gnas su lhung ba'i phyir/ 'o dod 'bod pa lhung bar 'gyur zhes gsungs te/ lus ngag yid gsum gyi sgo nas khro zhing gtum par gnas pa'i phyir/ shin tu khro gtum gtum pa la zhes gsungs pa yin te/ de la ni gang gis kyang 'gyur bar mi 'gyur te/ ye shes khros pas 'dul bar 'gyur ba de bas na/ sangs rgyas bcom ldan 'das kyi 'khor rnams mngon par 'du bar mdzad par rigs zhes 'khor rnams kyis gsol ba dang / gdug pa can de khro bas 'dul bar bcom ldan 'das kyis thugs su chud nas 'khor rnams la spyan gzigs te/ hUM hUM hUM zhes brjod pas rigs lnga bde bar gshegs pa la sogs pa'i 'khor thams cad stong pa nyid kyi ba spyir bu ga nas zhugs nas thugs kar thim bsdus te gnyis su med pa'i dbyings su mi snang bar mdzad do// de nas gnas kyi dkyil 'khor la sogs pa thams cad/ bcom ldan nyid kyi sku'i dbyibs la bsdus te dngos po mi snang bar mdzad do// de nas bcom ldan 'das nyid kyi yang dag par dbyangs su tham ste/ bzhin nyid kyi ting nge 'dzin gnas par 'gyur ro// de skad ci mngon zhe na/ dpal bdud rtsi rgyud las/ zhi bas ma'i dul lngas 'di la// drag pos khros pas 'dul 'gyur te// ting 'dzin gsum la rab gnas nas// de byung khros pa'i gzugs brtag go zhes gsungs so// ting nge 'dzin gsum ji ltar yin zhe ni/ ji skad du bshad pa'i rgyud kyi rjes su 'brangs nas/ rdo rje khros pas zhe sdang gcod// mtshan chen sngon po 'bar ba ni// na mkha'i dkyil nas thigs pa shar zhes gsungs so// bcom ldan 'das de bzhin nyid la gnas pa'i dus na rdo rje ste/ de bzhin nyid kyi ting nge 'dzin te rgyu'i rnam pa'o// de la dregs pa can 'dul bar dgongs pa'i ting nge 'dzin gyis g.yos pa ni/ kun tu snang ba'i ting 'dzin te/ rkyen ni de la ni ltos pas zhe sdang gcod pa'o// de nas 'bras bu'i ting 'dzin khros pas bskul ba ni/ yi ge hUM sngon po 'bar bye 'byung ste de ni khros pa'i rgyal po'i thugs mtshon pas chen pa s+t+waM/ maM ge la 'od rnam pa lnga 'phros/ yi ge yongs su gyur pa las/ nyid kyi skye khro bor 'ang bar mdzad pa'i phyi ri hU~M badz+ra kro ta ma he ri tsi phaT ces pa'i sgra brjod cing / rdo rje khro bo'i ting nge 'dzin la snyoms par zhugs te zhes bya ba ni sngags kyi sgra grags pa ni shin tu khros pas bskul te rdo rjer gyur pa de/ ye shes kyi rdo rje rtse dgu pa can la ni snyoms par zhugs pa'o// rdo rje yongs su gyur gyur pa las sngags kyis bskul te bslang bas/ khros pa'i sku mngon par 'du mdzad de/ dbu dang zhabs dang phyag stong khams kyi rdul snyed rab tu 'jigs pa mtha' yas par snang bar mi zad par 'thon par 'gyur ro// de ni yongs su rdzogs bi'i 'bras bu'i ting 'dzin to// de nas gzhal yas khang byin gyis brlabs pa bstan te/ de'i phyir thugs ka nas zhes gsungs pa yin te/ khros pa'i rgyal po'i thugs ka nas/ hUM 'phros te hUM las rdo rjer gyur te phyogs dang mtshams kun rdo rjer gtam pa'i steng dang 'og dang rdo rje sa gzhi dang gur ro// de'i dbus su yi ge e las/ chos 'byung ba'i phyag rgya yum kun tu ba zang mo'i mkha' gru gsum pa ste/ yongs su brtag par bya ba'i dbus su sum bzhi'iri ngo bor ji ltar rgyas par gzhan nas bstan pa ste/ rim pa ji ltar sbyor/ de nas rkeng nus kyi ri rab kyi steng du rig pa'i bruM smug nag yongs su gyur pa las 'byung ba'i gzhal yas khang ste/ yang rlung nag rdo rje'i dkyil 'khor la brten pa dang khrag gi rgya mtsho 'khrugs pa'i dkyil na/ rkang rus chen po ri rab 'bar ba'i steng na drag po a'i gzhal yas khang bruM gyi dbus su byung ste/ de yang rgyan nam mkha'i rgya dang mnyam pa rdo rje'i gur las kyang 'bar ba'i 'phro bas 'khrug pa gzhal yas khang las kyang 'od zer lnga 'phros zhing 'khril bar 'gyur ro// de nas khros pa'i rgyal po'i yum bskyed pa'i phyir/ de nas zhes pa la sogs pa gsungs te/ oM badz+ra ma ha kro ti zhes khros pa'i rgyal po brjod pas/ de bzhin nyid kyi dbyings las khro mo dbang phyug ma mngon par phyung ste/ thabs dang shes rab 'jug pa'i phyir/ oM sarba ta thA ga ta a nu ra ga badz+ra swa b+ha ba At+ma ko haM/ zhes pa ste/ chags pa'i rang bzhin no// de nas yang pad+ma dang / rdo rje yang dag par ldan pa las/ gnyis su med pa byang chub kyi sems byung ba las/ hUM hU~M hUM hUM b+hi sha kro t+ta dz+wa la maN+Da la phaT phaT phaT haM la ha laM hUM pha Ta ces khros pa'i rgyal pos brjod pas/ phyogs bcu'i sangs rgyas thams cad sngon gyi smon lam bskul ba yis/ zhe sdang rdo rje'i sku rjes su dran nas dbu stong phyag stong mnga' ba dang / spyan stong mnga'u ba phyag ni gdug pa'i mtshon cha kha T+wAM ga la sogs pa bsnams nas/ 'jig rten drug tu 'thon par 'gyur ro// khro bo rnams kyi zhal nas kyang / hU~M hUM phaT phaT da ha na daM ha la sogs pa'i sgra mang po brjod pa de'i tshe/ 'jig rten drug gi phyogs mtshams thams cad g.yos rab tu g.yos so// kun tu rab tu g.yos par 'gyur ro// zhabs sa la brdabs pas kyang / 'khrug rab tu 'khrug kun tu 'khrugs so// spyan gyi 'od zer gyis kyang tshig rab tu tshig kun tu tshig go// shangs kyi rlung gis kyang 'thor rab tu 'thor ro// kun tu rab tu 'thor ro// de ltar khro bo'i byin brlabs byung ba de'i tshe/ 'jig rten 'phung bar byed pa'i dregs pa chen po dang / lha'i dbang po brgya byin dang 'jig rten gyi mes po tshangs pa dang / lha ma hA de ba dang / lha khyab 'jug rnams rang rang mthu dang stobs dang che ba ston cing shin tu khro gtum mo// de nas yang las kyi lha sras mchog rdo rje gzhon nus dregs pa ji ltar bsgral ba bstan pa'i phyir/ de nas zhes pa la sogs pas bstan te/ 'jig rten drug gi phyogs mtshams g.yos pa'i de ma thag pa de nas 'jigs byed chen pos hUM hUM hUM badz+ra kro ta/ sarba big nan phaT hUM zhes gong du spros pa'i khro bo dbu dang phyag stong mnga' ba'i khro bo tshol pa de dag gis phyogs bcu nas gnas pa'i dregs pa bsgral lo de nas yang hUM hUM zhes 'jigs byed chen pos brjod pas khro bo de dge slar 'dus te khrag 'thung chen po'i mdun du sras mchog rdo rje gzhon nu'i sku mthing nag dmar nag de dbus mthing nag g.yas ljang nag g.yon dmar nag gi tshul gyis zhal rngam pa pha rol du phyin pa drug gi rtags su phyag drug zhabs bzhi shin tu bgrad pas stangs tshul du bzhugs pas/ rdo rje gshog pas gtams pas sangs rgyas lnga dbu la rdzogs shing skra kham nag gyen du 'khyil zhing sku la dur khrod kyi rgyan gyis brgyan pa/ stong rdo rje'i tshe lag pa smad rdo rje'i phur pas gtams pas dur khrod kyi me 'bar ba'i dkyil na yum ral cig ma dang 'khril pa'i tshul gyis gnas pa cig du gyur te/ bka' nod pa'i tshul du khrag 'thung chen po la phyogs nas/ gnas shing dregs pa kun zhabs 'og du brdzis te gnas pa las/ khrag 'thung gi rgyal pos phyogs bcu nas/ sras mchog rdo rje gzhon nu la/ dbang bskur ba'i phyir byang chub sems kyi 'od zer gyi phyogs bcu dus gsum gyi sangs rgyas thams cad zhe sdang rdo rjes bskul te bkug nas mdun gyi dkyil 'khor na gnas pa las/ bshad pa'i rgyud kyi rjes 'brangs nas/ rdo rje gzhon nu'i rigs 'dzin rnams// srid pa'i phur bu grub mdzod cig/ sangs rgyas kun gyi ye shes sku// ngang nyid rdo rje chos dbyings las// 'bar ba'i khro mo mi zad pa// sku yi dbyings su rdzogs gyur cig/ thabs kyi spyod pas 'gro don du// byams dang snying rjes gang 'dul ba// sa rgyas 'phrin las rdzogs byas nas// dbang dang byin brlabaso 'dir stsol cig ces pas dbang bsar bar medzad do// de nas ye shes kyi dkyil 'khor gyis dbang bskur te/ phyi nang gsang ba'i dbang rdzogs par bskur te de'i phyir/ khros pa'i rgyal po dbang bskur ba'i phyir zhes gsungs pa yin te/ dbang thos pa'i rtags su hUM badz+ra kro ta dz+nyA na badz+ra zhes brjod nas/ las kyi rdo rje rtse dgu pa ni phyeg g.yas dang por byin/ ye shes kyi rdo rje rtse lnga paM ni/ g.yas bar mar byin nas/ dbang ste rang bzhin grub pa'i gnas su gshegs so// de nas sras rdo rje gzhon nu nyid kyis gong du btul ba'i dregs pa de dag la khA T+wAM ga phyag g.yon gyi bar mar 'phros nas/ log pa'i lam pa las rgyal po'i rtags su bsnams pa'o// de nas yang khrag 'thung chen pos smras phur pa lnga bskyed nas dregs pa can/ nyon mongs pa lnga bsgral ba'i phyir/ de nas yang khrag 'thung chen pos zhes pa la sogs pa gsungs te/ khrag 'thung chen pos/ thugs ka nas 'phros 'od zer 'phros te dus gsum gyi de bzhin gshegs pa thams cad zhe sdang rdo rje gzhon nu dang / nga rgyal rdo rje gzhon nu dang / 'dod chags rdo rje gzhon nu dang / phyag dog rdo rje gzhon nu dang / gti mug rdo rje gzhon nu la sogs pa bkug ste byang chub sems kyi lam nas phyung nas de nas hUM lder gyur te/ yongs su gyur pa las sras phur pa ltar gyur te/ de bstan pa'i phyir/ rdo rje las 'thon te zhes pa nas thugs ka nas ye shes sems dpa' dang ldan pa zhes pa bar gyis bstan ti dkyus nyid gsal lo// de nas yum gyi mkha' la gdon pa bsnun pa'i phyir/ rdo las 'thon te zhes pa nas thugs ka nas ye shes sems dpa' dang ldan pa zhes pa'i bar gyis bstan te dkyus nyid gsal lo// de nas yang yum gyi mkha' la gdon pa bstan pa'i phyir/ oM gdan la zhes pa bstun te/ shes rab ma la 'byung ba'i phyir/ e'i gdan la sras mchog rdo rje gzhon nu'i spyan mnga' nA bka' nod pa'i tshul du bzhugs so// de nas sras mchog rdo rje gzhon nu'i zhabs 'og nas gzir ba'iri dregs pa can de rnams bsgral ba'i khrag 'thung tshon pos bskul ba ni/ hUM mthing nag gru gsum zhos pa'i tshig bzhis bstan te/ thob ces pa'i bar du'o// de nas sras mchog rdo rje gzhon nus kyang bsgral ba bstan pa'i phyir/ khro bo las kyi skye gnas bzung // de zhes pa nas rim pa ji lta bar khyab 'jug pho mo 'khor dang bcas pa bsgral lo// zhes pa'i bar gyis bstan te dkyus nyid gsal lo// de nas yang khrag 'thung chen pos sras mchog rdo rje gzhon nu lo sku za byed chen por dbang bskur zhing byin gyis brlabs pa'i phyir/ khrag 'thung chen poswa dz+wa la raM zhes brjod pas me dpung du kha 'bar zhing 'phro ba sras mchog rdo rje gzhon nu phyag g.yas dang por phul te bsgrol ba'i dbang bskur/ dregra pa can bsgral ba'i nyon mongs pa thams cad bsregs sbyangs/ snying dang nang grol dang phung po rnams he ha zhes zhal du gsol nas phung po lhag ma dang bcas par mdzad do// de nas yang sras mchog rdo rje gzhon nu'i phyogs bcu'i khro bo dang / khro mo bcu mthon nas khro mos bsgral bar bstan pa'i phyir/ de'i tshe zhes pas bstan te/ khrag 'thung chen pos sras mchog rdo rje gzhon nas dbang bskur ba de'i tshe/ sras mchog rdo rje gzhon na yum gnyis su med pa'i byang chub sems kyi sprin las gsang ba'i pad+ma la 'od zer 'phros 'od zer las yi ge hUM hUM la sogs pa bcu ru gyur dzaHdang hUM dang baM dang hoHrnamasde gsal bar 'gyur te/ yi ge rnams yongs su gyur pa las rdo rje dril ba dang / lcags kyu zhags pa lcags smug dang dril bu rnams su gyur to// phyag mtshan de rnams yongs su gyur pa las gtso bos sngags kyis lce'u nas byung ba'i/ oM badz+ra kra ta hUM ka ra hU~M zhes bya ba la sogs cu'i bskyed pa'i sngags brjod pas so// so sa'i sku yongs su rdzogs par bskyed de yang ji lta zhe na/ khro bo hUM ka ra zhes bya ba ni khro bo chen po hUM ka ra dbu gsum phyag drug pa dbu gsum pa sku dang dbus pa sngo skra g.yas dkar g.yon dmar ba'i/ phyag drug la g.yas g.yon dang po gnyis na rdo rje dung chen dmar gyis bkang ba 'khrug cing gsol ba'o// byar ma gnyis na mda' gzhu 'gengs pa/ tha ma gnyis na ra rab phur bu 'dral ba'o// rnam par rgyal ba dang zhes pa'i zhal dbus dkar ba'o// g.yas sngon po g.yon ljang ser phyag bar ma gnyis rdo rje dang 'khor lo'o// dbyug pa sngon po zhes bya ba ni sku dang zhal dbus snga skra g.yas dkar g.yon dmar skya'o// phyag bar ma gnyis na dbyug pa rin po che dang / me dpal bsnams pa'o// gshin rje gshed po dang zhes pa ni sgra dang zhal dbus ston dro g.yas so sku g.yon ljang nag phyag bar ma gnyis na dbyug pa mamag can dang / dgra sta bsnams pa'o// mi g.yo mgon po dang zhes pa ni/ sku dang gzhal dbus lhung g.yas sngon po// g.yon skrag nag phyug par ma gnyis ni rdo rje dang zhags pa'o// rta mgran dang zhes pa ni sku dang zhal dbus dmar nag/ g.yas dkar ba g.yon sngon po phyag bar ma gnyis naral gri dang sbrul gyi zhags pa'i// gzhan gyis mi thub pa dang zhes bya bo ni sgra dang zhal dbus dmar skya g.yas ser po g.yon ljang gu phyag bar ma gnyis na ban d+ha dang rnga yab bo// bdud rtsi 'khyal po zhes bya ba ni/ sku da zhal dbus ma ljang nag g.yas ser po g.yon dud ka phyag bar ma gnyis na rdo rje rgya gram dang rin po che dbyug pa'o// khams gsum rnam par rgyal ba dang zhes bya ba ni/ sku zhal dbus ser po g.yas dkar/ g.yo na ljang gu phyag bar ma gnyis na 'khor lo dang mda' gzhu'o// stobs po che rnams so// zhes bya ba ni sku dang zhal dbus dud ka g.yas nag po g.yon dmar po phyag bla ma gnyis na zhags pa dang tho ba bsnams pa'o// khro mo rdo rje sgra 'byin ma rnams dang / zhes pa la sogs pa sku mdog yab dang 'dra khyad par ni phyag gnyis na dril bu thogs nas mgul pa nas 'khyud nas gnas pa'i phyir/ 'khyil ba'i tshul gyis 'thon te zhes gsungs te/ gsang ba'i dkyil 'khor nas 'thon te/ phyogs bcur sems can gyi don la skye ste/ phyogs skyong 'og nas 'byung ba yang skabs 'di nyid du bskal bar rig par bya'o// slar 'dus nas phyi rol gyi dkyil 'khor du rang rang so so'i gdan 'og nas gsungs pa rnams la bzhugs so// tshul ji ltar bzhugs she na de bstan pa'i phyir/ dbu gsum phyag drug zhabs thur du gtams pa gdag pa'i zhes pa la sogs pa sha stag ste/ zhes pa'i bar gyis bstan te de ltar zhugs so// de nas 'khor gyi 'phra men ma skyed par bya ste/ phyogs bcu'i khro bo yab yum gnyis su med pa'i byang chub kyi sems las sprul pa lcam dral bskyed de/ thabs dang shes rab kyi cha so sor smin par 'gyur te/ mche ba can g.yas su'o// gshog pa can g.yon du'o// de ltar sprul pa lham drul bskyed nas 'khor gnas pa bstan pa'i phyir/ de dag gi 'khor no zhes pa nas rlung yang mi shor bar gtams nas zhes bya ba'i bar gyis bstan to// khro bo rnams kyi gdan bstan pa'i phyir/ nyi zla dang zhes pa nas gong ma lhor bsgral lo// zhes pa'i bar gyis bston te/ nyi ma dang zla ba ni thabs kyi shes rab brtags so// phyogs skyong ba bcu yis ni gdan mdzad pa ni mo dge ba bcu rnam par dag nas dge ba bcu la gnas pa'i rtags so// de yan chad du ni rtsa ba'i dkyil 'khor gsungs te/ skra ga'i mgo can la sogs pa bzhi yan chad do// da ni las la btang ba'i lha bskyed par bya ste/ de'i phyir de nas zhes pa la sogs pa gsungs te/ dpal khrag 'thung chen pos gsang ba rol pa'i ting 'dzin la snyoms par zhugs te zhes bya ba ni bsod nams dang ye shes kyi tshogs gnyis rdzogs pa'i ngang tshul can de ni dpal de'i ngang du khams gsum gyi nyon mongs pa sdud pa'i rtags su/ khrag 'thung bas khrag 'thung gzhan las khyad par du 'phags pas chen po/ de'i thabs dang shes rab kyi rjes su chags pa'i gsang ba gnyis su med par rol pa'i ting nge 'dzin la snyoms par zhugs te/ de nyid du yang khams gsum thams cad mnyam nyid kyis rgyas btab par 'gyur ro// de nas dregs pa chen po'i ma dang bu mo dang chung ma rnams dbang du bsdu ba'i phyir/ 'od zer lcags kyur 'phro bas spros shing hUM hUM a a ra li ru lu ru lu hU dza/ zhes khrag 'thung chen pos brjod pas dregs pa chen po'i ma dang bu mo dang chung ma'i tshogs kyi gtso mo ni nyi shu rtsa brgyad 'khor grangs myed pa dang bcas nas khrag 'thung chen po'i thang dri yud tsam gyis 'dus par 'gyur ro// de nas yang khrag 'thung chen pos e A ra li ho zhes brjod pa 'dus pa rnam gnyis kyi sku la 'khyil te/ dgyes pa'i sprin la ho/ zhes brjod pas rdzogs pa'i tshul du skad cig re re la sal sal bskyed de/ sku mdog dang phyag mtshan ni sgyu 'phrul las ji skad gsungs pa bzhin no// de nas yang seng gdong ma la sogs pa bskyed de/ dgyes pa'i sprin las he hUM zhes brjod pas brjod pa'i de ma thag pa de nyid du sku rdzogs par gsal bya ste/ dkyil 'khor gyi phyi mtshams su 'khod do de nas yang de 'dren par byed pa la sogs pa'i pho nya 'gyed pa'i phyir/ yang dgyes pa'i sprin las phaT ces brjod pas skad cig ma la re re la gsal bar byas la sgo sgor 'khod do// de rnams ni las kyi lha yin par shes par bya'o// de nas yang ma mo de rnams rang gi gnas su bgrang ba'i phyir/ khrag 'thung chen po rab tu khros pa'i ting nge 'dzin gyis phaT zhes pas bskrad de/ ma mo de rnams rang rang gi gnas ga la ba der yud tsam gyis phyin par dgye'o/ de nas sngar gyi dregs pa rnams myos nas yod pa de rnams slar myos par bya ba'i phyir/ de nas khro bo rnams phyag brang la bsnol te btsir bas mi gtsang ba'i phyag rgya rgya mtshor 'khyil te/ dran pa med par byas so// de nas yang dran pa med pa de rnams gso bar bya ba'i phyir/ khrag 'thung chen pos thugs rjes bdud rtsi 'byung ba'i ting nge 'dzin la snyoms par zhugs nas/ rnams nas khro myo sle sha 'thon to des mi gtsang ba'i rgya mtsho brngubs pas rgyam de dregs pa dadug slar dran pa thob ste/ kun rdzob kyi bden pa mthong / de nas phyogs skyong de dag gis kyang dpal chen po 'bangs su mna' bor te khas blangs so// de nas yang lus khro bo rnams kyi gdan khrir phul te/ bdag gi lus nyon mongs pa 'di khro bo rnams la gdan du dbul gyis bzhes su gsol// bdag gi snrums kyis phyi rabs kyi rnal 'byor ba phyogs sbyong bar bgyid lags so// zhes khas thang zhing dam bcas so// de ltar btus shing dbang du bsdus pas/ de'i tshe gdon phyogs skyong ba rnams khro bo rnams kyi zhabs 'og du bzhag pa yin no// de'i dus na ma dang bu mo dang chung ma rnams kyang dpal chen po'i 'khor du phul te/ dpal khrag 'thung gi rgyal pos kyang ma dang bu mo rnams la lce la bdud rtsi bzhog ste/ dam tshig phog ste phyi rab kyi rnal 'byor pas ci bsgo ba'i las bya bar khas blangs nas dam yang bca'o// de nas las kyi lha ru dbang bskur te/ gzhal yas khang gi mu ran la bzhag go// dregs pa can btul ba'i le'u'o// // bdud rtsi thigs pa zhes bya ba rgya cher bshad pa las kun rdzob kyi bden pa 'ba' zhig gis bshad pa'i le'u ste/ bdun pa'o// / de ltar bdug pa can btul ba dang / phur ba gdab pa bstun pa yang las dang po pas bstan pa'i dkyil 'khor la brten nas btub dgos pa'i phyir de nas zhes pa la sogs pa gsungs te/ de nas bcom ldan 'das las phyung zhes par bya bar 'brel te ci byung zhe na nyid kyi dkyil 'khor 'di phyung ngo // gang nas phyung zhe na/ sku gsung thugs las phyung ngo zhes bya'o// ci'i phyir na gdug pa can bsgral ba'i phyir phyung ba'o// de nas dkyil 'khor bya ba'i gnas bstan pa'i phyir/ dur khrod dang nI ngam grog gnas/ zhes pa la sogs pas bstan te/ dur khrod ni ma mo 'dul ba'i gnas yin pas/ drag po bsgrub pa'i las la shis pa'o// ngam grog gi gnas ni klu btsan gdug pa can gnas pa der bya ba'o// rkang gcig shing ni rkang gcig ste/ the rang gi 'du ba'i gnas yin pas/ der shis pa'o// sum mdo ni lam gyi sum mdo ste/ the rang gi lha 'dre thams cad rgyu ba'i srang te der bsgrub pa'o// khang stong ni bud med 'dro ba'i gnas te/ der bsgrub par bya ba'o// gnas de rnams su rdo rje drag po'i dkyil 'khor bya'o de'i dbyibs ji ltar bya zhe na/ de bstan pa'i phyir/ 'bar ba'i 'khor lo rtsibs brgyad pa/ zhes pa la sogs pas bstan te/ dpal khrag 'thung chen po'i thugs las/ rnam par thar pa brgyad kyi sgo nas nyon mongs pa bsgral ba'i phyir/ 'khor lo rtsibs brgyad par phyung ba'o// gru chad bzhi ni 'khor lo'i phyi rol khyams kyi nang gang yin pa'o// gru bzhi'i sgra khyud bzhi dang ldan zhes bya ba ni khyams te/ lha snum mo// sgo khyud bzhi ni phyogs bzhi'o// 'bar ba'i bar khyams gnyis kyis mdzes zhes bya ba ni sgo'i phyi rol tu khyams gnyis bya ba ste/ der yang me ri bri ba'o// dbus kyi lte ba zlum po la zhes bya ba na 'khor lo'i lte ba zlum pa ste/ de la thig bzhi btab pas le tshe brgyad du 'gyur te/ de'i le'u tshe dbus dang phyogs gnyis te/ shar phyogs nub phyogs dbus dang gsum po de dag la ni mthing nag gi gru gsum pa la mtha' mo ri 'od 'bar ba bri ba ste/ 'khor lo rtsibs rnams la yang bri bar bya'o// dra ba dang dra ba phyed pa rin po che pha gu la sogs pa'i rgyan thams cad rgyas par/ bri ba ni/ rgyud gzhan dag las ji ltar rgyas par bstan pa bzhin bri bar bya'o// de nas lha dgod pa'i rim pa bstan pa ste/ de'i phyir dbus su dregs pa'i gdan dag la/ zhes pa la sogs pa bstan te/ dbus su dregs pa'i gdan la rdo rje gzhon nu yab yum dgod ces bya ba ni/ bsnyon pa'i dkyil 'khor la yang dgod par bya ba yin la/ dregs pa bsgral ba'i 'og dus su yang gnas pa'o// spyan nga nyid dang phyogs bzhi ru gru gsum me 'od 'bar ba la// sras mchog phur pa lnga po dgod ces bya ba ni spyan nga'i bcom ldan 'das rdo rje gzhon nu'i mdun nyid do// phyogs ni shar phyogs la sogs pa bzhi'o// de'i gnas rnams su gru gsum pa'i phyi rol nas me 'bar bas bskor ba de la sras mchog phur pa lnga dgod pa ste/ sngon dregs pa can bsgral ba'i dus su bkod la/ bsgrub pa'i skabs su bgegs bskrad pa'i ched du bya ba ste/ rje gur byas po'i de ma thag par ro// 'khor lo rtsibs brgyad pa la ni/ rnam rgyal ces pa nas gdan la brkyang bskum tshul du gnas zhes pa'i bar gyis bstan te/ dkyus nyid gsal lo// nang dang phyi'i grwa rnams su zhes pa ni nang gi 'khor lo'i phyi rol du/ phyi ni lha rnams la ji ltar dkyus nas gsal bar bstan pa'i lha ni las la gtong ba'i lha ste las kyi dus su shes par bya'o// phyi rol me 'khyams dang po la zhes bya ba ni sgo'i phyi rol gyi khyams dang po la/ pho nya drug cu gnas par brtag pa ste/ de yang lus kyi dus su sbyor cig bsgrub pa'i dus nyid du thabs kyi g.yas shes rab g.yon gang yin pa nas las byed pa ste/ skor las 'byung ba'i ting nge 'dzin no// sgo bzhi dog tu sgo srungs kyis dgod ces bya ba ni/ sgo ni shar phyogs la sogs pa bzhi'o// sgo srungs ni lcags kyu ma la sogs pa bzhi'o// phyi rol me khyams par ma la zhes pa ni sgo'i phyi rol gyi khyams gnyis pa la/ sras dang byi mo'i tshogs kyis gtso bo bcu dang brgyad kyis skor zhes bya ba ni/ bcu pa gnyis la nyi shu thim pa/ de'i steng du brgyad kyis bsnun pas nyi shu rtsa brgyad dgod par bya ste/ de yang las kyi dus so// de'i de'i phyi rol gyi khyams la dam can lha mo 'khor dang bcas pa dang / bdag nyid chen mo yang sho na mu ka yang bsam par bya ba ste/ las dus su de nas yang dkyil 'khor la rgyan gyis brgyan pa'i phyir/ dur khrod thod pa dgu nang du zhes pa la sogs pa bstan te/ dur khrod thod pa dgu nang du zhes bya ba ni/ thod pa'i le che dgu'i nang du tshil chen gyi me mar dgu byas la dur khrod kyi ras la sdong bu byas la/ me mar kha dgu gtang ste/ thod pa ni nga dang bdag med po'i rtags la/ mar me ni yes kyi dbyings rtogs pa'i rtags so// rdo rje sha chen thang mar brdal dmar gyi rag tu rgya mtsho dkyil/ zhes bya ba la sogs pa gsungs pa/ sha chen thang mar brdal ba ni/ ma mo dang mkha' 'gro ma'i ngam rdzus te/ dmar la sogs pa'i yang de bzhin du shes par bya'o// phyogs bzhi mtshams bzhi ste/ brgyad du yang stag gi rgyal mtshan dang shun chen bse'i rgyal mtshan te/ chu srin gyi rgyal mtshan zhing gi rgyal mtshan te re re la gnyis gnyis te brgyad gzugs par bya'o// zhi lpags g.yang gzhi sprin ltar gtibs zhes bya ba ni/ blo bre zhing gi g.yang gzhis bri bar bya'o// de la sogs pa'i rgyan gyi rnams// ci rigs par ni bre bar bya'o// zhes bya ba ni dar mthing nag gi yol bu bre ba dang / zhing gi phan phyogs nas gdags pa dang / ban+d+ha byA gegos pa phyogs nas bzhag pa yang ngo // de nas yang dkyil 'khor la lha rnams kyi rang rang mtshan mar dz+nyAs bzhag pas bstan par bya ba'i phyir/ 'bar ba'i tshogs kyi zhes pa la sogs pa gsungs te/ 'bar ba'i tshigs kyi bdag po rnams// rang rang skos su bzhag par bya zhes bya ba ni/ dkyil 'khor gyi lha rnams kyi rang rang rdzas su bzhag par bya ba ni/ mgo nas 'byung ba'i 'di'o// mtshan ldan ban d+ha cang lo can// dbang po lnga dang ldan pa ni// gtso bo yab yum mtshan mar bzhag ces bya ba ni mtshan dang ldan pa'i ban da gling gsum pa 'am bu gcig pa ste/ de'i nang du dbang po lnga blugs la dkyil 'khor gyi dbus su bzhag par bya'o// dur khrod rkang gi phur pa lnga// sras mchog phur ba'i mtshan mar dgod ces bya ba ni/ bgegs gdon pa'i dus so// dur khrod kyi phur pa lnga la sras mchog tu byin gyis brlabs nas mchod pa phul phyogs bzhi dang dbus dang lngar gzugs par bya ste/ bsgrub pa 'di ma thon gyi bar du/ bar chod kyi bgegs ma btang zhes brjod la mtshams gcad do// thod pa'i dum bu bcu drug gi/ zhes bya ba ni thong pa'i lde'u tshe bcu drug ni/ 'phra men ma bcu drug ni mtshan mar dgod pa sngo las kyi lha'o// yan lag ni sems can thams cad ni/ khro bo khro mo rnams kyi rdzas zhes bya ba ni sor mo nyi shu ni khro bo dang khro mi rnams kyi rjes so// so dang ne'u rtseg 'bar ba 'bur rnams pho nya rnams kyi mtshan mar bzhag ces bya ba ni/ rus pa'i mgo kun bzhag par bya'o// rgal tshigs la sogs rnams kyi rdzas// ci bgyi tshogs kyi rdzas su ces bya ba ni/ rgal tshigs nyi shu rtsa brgyad ni slas dang byi mo'i rdzas su'o// yan lag bzhi'i mtshan ma ni zhes bya ba ni/ lag gnyis rkang pa gnyis bzhi ni sgo bzhir bzhag pa ste/ de yang rdzas rnams la bri bar bya ba'i thabs bstan te/ so so gsung gi yi ge 'bru rnams ni// rang rang rigs kyi mtshan ma la// yab yum byang chub sems kyi bri zhes bya ba ni/ yig 'bru hUM hUM la sogs pa'i so so rang rang gi mtshan ma gang yin pa lo byang chub sems kyis bri bar bya ste/ dur khrod kyi sdug gus so// de nas yang ting nge 'dzin bstan te/ bla ma lung ldan des kyang ni// khros pas drag po'i rnal 'byor bya zhes bya ba ni bsgrub par bya ba dang las gnyis ka'i dus su shin tu khros pa'i ting nge 'dzin bya ba yin gyi/ bsnyen pa'i dus su ma yin no// de nas drag po'i dkyil 'khor bstan te/ dbang ldan phyogs kyi grwa la yang / zhes bya ba ni/ sras phur po'i dkyil 'khor gyi byang shar gyi mtshams su bya'o// ci bya zhe na/ 'brub khung las kyi dkyil 'khor ni zhes bya ba ni/ gang bzlas pa po de brlag bya'i bya bI'i gnas la/ 'brub khung zhes bya'o// dbyibs ji ltar zhe na/ drag po'i hom khung dbyibs 'dra la zhes gsungs te/ zur gsum bskor ba bya ba ste/ phyogs re re la sor nyi shu'o// zabs su sor bcu bskor ba'o// de'i phyogs re re la so re nyi shu nyi shu'o// zabs su sor bcu bskor ba'o// de kyogra lta sgo zhe na/ tsam d+hi d+hos su bstan thegs tu/ mo ni lho'i phyogs su bstan la bsko'o// bau na de la brgyan par bya ba med dam zhe na/ hUM hUM dang phaT gyis bskor bar bya zhes gsungs te/ gru gsum nyid nag pos byug pa'i mkha' la/ hUM dang phaT kyas spel la bri bar bya'o// de'i nang du gzhug par bya ba'i rdzas bstan pa'i phyir/ dus la bab cing zhes pa la sogs pas bstan te/ dus la bab pa'i sems can do// las la bab pa'i rnal 'byor pas// mtshan ma ming du bcas par bya/ zhes bya ba ni/ bsgral bya ba'i dus la bab pa'i sems can de nyams dang ldan pa'i rnal 'byor pa des/ mtshan ma dang bcas par bya ba yin te/ de'i rgyu ni srab ma'i lo ma dang grog mkhar gyi sa dang / bre dang chu me'i phub ma dang ba ru dang / glang ru dang / rta ru mig rnams ni bong bu'i bdud rtsis sbrus la gzugs byas te/ zhing gi ras ma 'am shun la zhing gi bam khrag gis badz+re kI li ya che ge mo mA ra yang phaT ces bya ba bris la snying gar blan pa de'i phyir/ mtshan ma'i ming du bcas par bya zhes gsungs so// 'o na de la ji ltar bzhag ce na/ de bstan pa'i phyir/ mgo ni lho nub mtshams su bzhag/ rkang pa byang shwar mtshams su bstan/ hom khung nang du bzhag par bya zhes gsungs te/ mgo lho nub mtshams su bstan pa ni/ srin po yod pa'i gnas yin pas so// rkang pa byang shar mtshams su bstan pa'i phyir bsnol ba las kyi bdag mo'i gnas yod pa'i phyir bsten pa'o// hom khung gi gnas gan du bzhag pa ni bsgral ba'i gnas yon pas gzhug pa'o// 'o na hom khung gru gsum ni bsgral ba'i gnas yin la gzhan ni ma yin pa ci zhe na/ lan du hom khung gru gsum ni bsgral bar bya ba kho na'i gnas yin te/ zur gsum du 'byung ba ni/ log par lta ba sgrol ba'i rtags su 'byung ba drag po'i gnas so// 'o na ci zur gsum du bya ba thams cad bsgral ba'i gnas yin/ chos 'byung ba'i nang du rten gyi dkyil 'khor bsgom pa de yang 'gal te/ chos 'byung ba bsgral ba'i gnas su 'gro ba'i skyon yod de 'gal lo// lan du mi 'gal te chos 'byung nyid du bsgral pa'i gnas yin te/ ci'i phyir zhe na/ chos 'byung ba'i dbyibs yin pa'i phyir/ khams gsum gyi sems can de'i dbyings su bsgral bas/ chos 'byung ba'i bsgral bar bya ba'i gnas kho na yin zhes gsungs so// de nas rnal 'byor pas ye shes kyi dkyil 'khor spyan drang po bstan pa'i phyir/ de nas zhes pa la sogs pas bstan te/ gdeng dang ldan pa'i rnal 'byor des zhes bya ba ni/ bdag nyid dam tshig sems pa'i dkyil 'khor du gyur pa des so// rdo rje spyugs pa blangs nas ni zhes bya ba ni hUM ring po ni rdo rje spyugs pa ste/ thugs ka'i hUM las hUM byung ba'o// khrag 'thung tshogs kyi sprin phung rnams zhes bya ba ni/ dus gsum gyi sangs rgyas thams cad bcom ldan 'ad sa rdo rje gzhon nu'i dkyil 'khor rten dang rten du byas pa gnas pa'o// rdo rje'i g.yab mos spyan drangs te/ zhes bya ba ni/ rdo rje'i bum pa'i nang na hUM gnas pa de las 'od zer 'byung ba ni rdo rje'i g.yab mo'o// de las lha mo lcags kyur mar gyur te/ der rang bzhin grub pa'i gnas nas ye shes kyi dkyil 'khor spyan drangs te/ mdun gyi nam mkha' la byon par lta'o// de nas yang dam tshig gi dkyil 'khor la bstim par bstan pa'i phyir/ gnyis med brtan par gtims nas ni zhes gsungs te/ zhags pa ma dang lcags sgrog ma dang dril bu mas rim pa ji lta bar bstan pa byas nas/ de nas yang lha la dbang bskur ba'i phyir/ bdag nyid kyi thugs ka nas 'od zer 'phros pas/ 'od zer lha mo'i tshogs su gyur te/ phyogs bcu'i bde bar gshegs pa'i sku la thim nas gsang ba'i mchod pa phul/ dbang bskur cig par bskul/ slar la phyogs bcur bde bar gshegs pa'i thugs ka nas lha mo'i tshogs mang po byung ste/ la la ni skra sgrol/ la la ni byug pa byed/ la la ni tsan dan gyi char 'bebs/ la la ni gdugs dang rgyal mtshan 'a dzin/ la la ni bum pa thogs te spyi bor blugs pa ni dbang gi rgyu'o// dbang gi 'bras bu ni so so rigs kyi dbu brgyan pa'o// slob dpon la la ni ye shes kyi dkyil 'khor bstim pas yongs su rdzogs par 'gyur bas des cho ga gsung ngo // de nas yang yongs su rdzogs pa'i dkyil 'khor de la mchod pa dbul ba bstan pa'i phyir/ rmad du byung ba'i mchod pa brtsam// 'dod pa'i yon tan lnga yis mchod ces gsungs te/ rmad du byung ba'i mchod pa ni/ bdag nyid kyi thugs ka nas 'od zer rnam pa lnga 'phros pas/ 'od zer lnga las lha mo'i tshogs mang po 'byung ba ste/ bde bar gshegs pa'i sku la bzhugs pas mchod pa'i rgyud bskul/ bde bar gshegs pa'i thugs ka nas lha mo mang po slar 'thon te/ bdag gi dkyil 'khor la bskor nas phyi mchod pa'i rnam pa dang / nang mchod pa'i rnam pa dang / gsang ba'i mchod pa'i rnam pa rnams/ bdag la gnas phul stod pa 'di skad brjod do// hUM bskal pa me ltar 'bar ba yis 'od zor 'du 'phro'i klong dkyil na// khro bo khro mo rnams bzhugs pa// sku ni dzir yang 'gyur ba'i gzugs// hUM dbu skra kham nag ral pa can// gyen du 'khyil cing srid rtser 'bar// mi nyams khro gnyer snang mig ni// log par lta ba 'dul ba ri spyan// hUM mche ba zang yag gtsigs pa ni// skye shi rtsad nas gcod pa'i tshul// sku gsung thugs kyi byin brlabs las// phyag mtshan sna tshogs cir yang snang // hUM thugs rje'i byin brlabs sprin ltar gtibs// byamaso pa'i 'od zer glog bzhin 'khyug/ rngam pa'i sgo skad 'brug ltar sgrogs// sprul pa'i thog thog char lhor 'bebs// hUM thugs rje chen po'i byin brlabs kyis// bdag la byin gyis brlabs mdzad cing // bdag gi lhag pa'i bsam pa rnams// grub par byin gyis brlab du gsol// hUM 'khyil cing rgyan dang 'khyil pa yi// sems la brjod med sku mi mnga'// sgra las 'das pa'i sbyor ba ste// bsam dang / bral ba'i ye shes lags// hUM srid gsum 'joms pa'i lha la phyag 'tshal bstod// mnyam nyid ngang gis khro la phyag 'tshal bstod// khros pas longs spyod mdzad la phyag 'tshal bstod// rdo rje 'du 'phro tshogs la phyag 'tshal stod ces gsungs te/ de nas sgra'i tshul du lha mo'i tshogs rnams mi snang bar gyur to// de ltar yang nas yang du bsgrubs pa dang / grub pa'i rtags 'ong ste/ de yang rab 'bring gsum las/ bsnyen pa gsum ni lha'i dkyil 'khor gsal ba dang / zhal 'dzum pa dang bzhad pa'o// de lta bu'i mchin ma mthong na gdong bsgrub pa la 'jug par bya'o// bsgrub pa'i rtags gsum ni phur pa las 'od 'byung ba dang / phur bu ldeg pa dang 'phar ba gsum mo// de ltar rtags byung zhing las su rung ba ni mnyes na nye bar 'gyur ba dang / zhes gsungs pa yin no// de nas 'grub pa'i rtags byung ba dang / drag po'i las la 'jug par bya ste/ de gang la dmigs bar bya ba bstan pa'i phyir/ rdo rje slob dpon brnyas byed dang / zhes pa nas/ rnal 'byor ci'i dgrar gyur pa/ zhes pa'i bar gyis bstan te/ dkyus nyid gsol lo// de nas dmigs par bya ba de gnos nas dus ci ltar dgug ba bstan pa'i phyir/ brnag pa'i nan thur bya ba ni zhes pa la sogs pa bstan te/ khro bo gsum pa'i sbyor ba'am/ zhes pa'i khro bo lcags kyu thogs pas bzas pa po gang yin pa de rlung gi dkyil 'khor gyi steng du bzhag nas rlung gi lcags kyus gzung nas drangs/ khro bo la la phyag na rdo rje dang tho ba thogs nas rang dbang med par rtog cing 'dod de/ rnal 'byor pa kyang bsngags bzlas pas bya ba'i sngags ni 'di'o// hUM suM b+ha ni suM b+ha hUM/ grih+Na grih+Na hUMHgrih+NA pa ya grih+NA pa ya hUM A na ya ho b+ha ga ban bid+yA rA tsa ya hUM phaT ces brjod cing / bdag nyid kyi thugs ka nas ye shes sems dpa'i thugs ka nas rdo rje rdo rje'i nang na zla ba'i dkyil 'khor la hUM gnas pa de las khro bo dmar po rgyud mar phyung la dgug pa bya ste/ gzugs la baM stims pa'i las bya'o// yang lcags kyu rnal 'byor gyis zhes bya ba ni 'on te khro bo sum b+ha ni'i sbyor ba mi byed na yang 'di yis dgug ste/ bdag nyid kyi hUM las dza brtsegs mar phyung te/ de las lha mo lcags kyu can du gyur te/ pho yin na kha nas sbubs nas zhon nas snying dkar nag mtshams na shes pa de dgug/ mo yin na mtshan ma nas yar pad+ma'i rtsa ba'i bu gu nas zhugs nas rnams dgug pa bya ste bstim a bsgral ba'o// yang na yum gyi pad+ma la dza brtsegs gcig bzhag la/ yab kyi byang chub kyi sems kyis bskul bas/ dza las 'od 'phros 'od la 'phra men mas lcags kyu nan tan du gyur te/ rtsa'i bu ga nas shes pa drangs te bstim pa bya ba'o// dgug pa'i dus bstan pa'i phyir/ nyin mtshan gung la rab bkug ste zhes gsungs te/ nyin mo dang mtshan mo'i gung la shes pa nyams nas yod pa der dgug par bya'o/ yang na nam stod dang nyi ma dros 'byam tsam na/ shes pa nyams nas yod pas dus de ru su bzlas pa ni shi ga la bya'o// de'i rnam shes rlung 'dra ba// mtshan ma'i ming du bcas pa la// srin bu me khyer 'drar bcug ste// gzugs la phab cing sgrog gis bcing zhes bya ba de bzas pa po gang yin pa de'i rnam par shes pa snying gi dbugs kyu gsum pa'i dbus gang yin pa de na shes pa gnas te/ shes pa de'i brdar nI rlung yin te/ rlung de la bskyod pa bkug ste de'i dus nyid na yang thogs pa med pa'i gzugs dang dbang po tshang ba ste/ mtshan ma ming du bcas par dgug go/ de yang rlung gi dkyil 'khor la bskyon te/ thogs pa med par dgug pa ni/ srin bu me khyer ba bzhin du dgug ste/ gzugs la pha ba ste de yang bdag nyid kyi sngags bzla zhing zhags pa'i sgrog gis bcing bar bya'o// de nas ri rab la sogs pa phyag rgya bzhi'i rgyas gdab par bya ste/ ting nge 'dzin nang sngags kyis sbyor ba bya ste/ bla ma'i bka' las shes par bya'o// de nas yang 'go ba'i lha dang dbrel ba'i phyir/ lce pog nag po'i dud pas dgug/ 'go ba'i lha dang dpral bar bya zhes gsungs te/ lce pog nag po'i ni gu gul nag po'i dud pas 'go ba'i lha yang yin pa de/ dud pas bdug cing des brgyal bar 'gyur te bral nas 'gro'o// de yang sngags kyi sbyor ba bya ba'o// de'i lus tsha ba bskyed pa'i phyir lus ngan skye tshe tsha ba dug gi dgang zhes gsungs te/ bzas pa po de'i lus kyi nang du tsha ba bskyed de// dug gi gtor mar byin gyis brlabs la khong du 'thung ngu gzhug par bya'o// dug de 'thung bas rtsa'i bu gu nas rgyas te shes po ma nyams kyi bar du tsha ba dang na ba'i sdug bsngal bsam pa 'byung bar bsam ste/ de nas shes po nyams na rang gi mi rigs pa'i las byas pa dran nas 'gyod pa drag po byed par bsam par bya'o// dug gis bsgral zhing shes par bya ba ji ltar bsdu ba ni gab pa'i 'khor lo las shes par bya'o// de nas phur pa rdzas kyi dkyil 'khor las bskyed de gdab par bya'o// de nas phur pa rdzas kyi dkyil 'khor ni// grub pa'i rtogs byung ba dang / phur pa rdzas kyi dkyil 'khor bzhengs su gsol bar bya ba yin te/ de yang dbus kyi pho brang nas gru gsum mthing nag nyi shu rtsa gcig tu bri bar bya'o// tha ma'i rgyan rnams ni/ bsgrub pa'i dus nyid dang 'dra'o// byang shar gyi mtshams rdo rje gur gyi nang du drag po'i dkyil 'khor gong du gsungs pa bri bar bya ba ste/ drag po'i dkyil 'khor de'i grwa'i phyogs su spungs te bzhag ces gong nas gsungs te/ khro bo'i phur pa mang po kun zhes bya ba ni/ sras phur pa so so'i rigs te/ sku gsung thugs kyi rigs las byung ba nyi shu rtsa gcig go// de la ni mang po gun zhes gsungs so// grwa'i phyogs zhes bya ba ni/ pho brang na bzhugs pa'o// spungs te bzhag ces pa ni/ las kyi bzlas pa'i dus su phum ge zi byin bskyed par bya ba ste/ phur pa de re re laM kI li kI li zhes bya ba sngags nyi shu rtsa gcig bzlas par bya ba ste/ de bzlas shing phur pa dril bas bdag nyid kyi thugs ka nas 'od zer mthing nag tu 'phros phur pa las kyang 'od zer 'phros pas dus gsum gyi sangs rgyas thams cad la drag po'i dus las bab po bar bskul bas/ de dag gi thugs zhe sdang rjes su dran thugs ka nas khro bo gdug pa can dang bcas pa mang po 'phro zhing phur pa la thim pas/ phur pa shin tu drag po'i 'od zer 'bar zhing bsgral ba'i mthu dang ldan par gyur pa de/ phur pa kun la bya ba yin te/ rang re las kyi sngags dang bsgrags shing / de ni phur pa gzi byin bskyed pa de phur pa gso ba'o// de nas gdab pa'i gnas kyi gtso bo rnams bstan pa'i phyir/ rdo rje drag po'i phur pa yis// lte bu snying mgrin dpung mgo dang // gsang gnas yan lag lnga la gdab ces gsungs te/ lte bo snying ga dang mgrin pa dang / dpung mgo dang gasdang gnas lnga rnams ni gnas kyi gtso bo lnga'o// yan lag gi rnam par shes pa ni tshags gzhan dag go// gdab pa ni mgo nas gsal lo// yungs dkar mtshon cha'i char gyis dbyeb ces pa ni/ 'phru men drug pa'i sngags kyisna yungs ker brgyab pas/ yungs kAr las mtshan cha gdug pa mang por gyur te/ gzas pa po'i lus la lhag par yang gzer nas bsgral bar bya'o// de nas mtshan ma'i dngos po bzhi ste/ mtshon cha'i rab tu brtson pa yis// rkang pa g.yas g.yon gang yin nas// rdul du gtub cing sbyin sreg bya'o// zhes bya ba ni/ gtub pa'i las bstan te/ phur pa gdeb pa'i mtshan ma'i dngos po zhig de la khro bo rab tu 'bar bas mtshon cha'i char brtson par rab tu phab ste/ pho yin na g.yas nas btubs/ mo yin na g.yon nas rdul du gtub par bsams pa'o// gtubs pa'i dum bu de bsreg par bstan te de'i phyir/ drag po hom gyi dkyil 'khor du// tsher ma can gyi me sbar te// lha'i tshogs la thim par dbul zhes gsungs pa yin te/ drag po hom gyi nang du tsher ma can gyi shing la me sbar te/ der drag po'i skabs nas 'byung ba'i ting nge 'dzin byas te lha la phul na/ sangs rgyas nyid kyang 'jig par 'gyur na/ sems can rnams lta smos kyang ci dgos te mi dgos so zhes ston pas gsungs so// drag po'i dkyil 'khor ston pa'i le'u la ni/ drag po'i dkyil 'khor ston pa'i le'u'o// // bdud rtsi thigs pa zhes bya ba rgya cher bshad pa las/ kun rdzob kyi bden pa 'ba' zhig bshad pa'i le'u brgyad pa'o// // de ltar drag po'i dkyil 'khor bstan kyang sngags dang phyag rgyu ma bstan par mi 'grub pas de bstan pa'i phyir/ de nas zhes pa la sogs pa gsungs te/ bcom ldan 'das des bshad do zhes sbyar ro// de yang sngon la khrag 'thung chen po'i sngags dang / phyag rgya bstan to de'i phyir/ oM shrI badz+ra ku ma ra yak+Sha hUM/ zhes pa la sogs pas bstan te bdag nyid kyi thugs ka'i ye shes sems dpa'i rdo rje'i nang na zlo ba nyi ma kha sbyar gyi dbus na/ hUM las sngags kyi 'phreng ba g.yon bskor du bskor nas gnas pa la/ zla ba dang nyi ma ni 'byung ba bzhi'i rang bzhin yin pas des bskyed de/ rtsa g.yas nas 'gro ste/ ji ltar spro ba dang bsdu ba bstan pa'i rim par 'gyur ba 'am/ yang na bsngags mang po bzas pas yi ge mngon par mthong ba 'am/ yang na yi ge'i 'phro 'du byas shing snga gos bzlas pas/ grub pa'i tshad me tog la snga gus rdo smras nas nam mkha' la bsgyur ba dang slar la mi ltung bar nam mkha' la 'dug pa ni/ 'grub pa'i tshang ngo // de ltar 'grub pa ba dang / las 'di ltar 'grub par 'gyur te/ phyag rgya bcas nas gang yin pa la godang nas sngags bzlas pa dang ji ltar 'dod pa bzhin du 'grub ste/ sngags kyi grub mthar phyin pa'o// ji ltar rgyas par bshad pa bzhin// 'og ma rnams la'ang shes par bya'o// khros pa'i stangs su gnas nas kyang zhes bya ba ni rab tu spyan zlog pa la bya'o// g.yas pa rdo rje gdengs pa'i sa// zhes bya ba ni/ lag pa g.yas pas rdo rje gzung ste 'phyar ba'o// lag pa g.yon pa phur pa 'debs tshul du zhes bya ba ni/ lag pa g.yon pas bur pa 'debs tshul du bu tshur bcangs la phar gtad pa'i tshul du bya ba'o// zhabs gnyis ni g.yas ba brkyang g.yon pa bskum pa'i tshul du gnas par bya ba ni/ dpal khrag 'thung chen po'i sngags dang phyag rgya yin par bshad do// gong du gsungs pa'i sngags dang phyag rgya grub pa'i dus 'di yis ni/ sangs rgyus rdo rje 'dzin pa yang rab tu bsgral te/ 'chi bar 'gyur na/ khams gsum gyi skye bo smos kyang ci dgos te/ 'chi bar 'gyur ro zhes pa'i tha tshig go// de yang khros pa'i rgyal mo'i sngags dang byug rgya bstan te/ oM badz+ra kr-i ta a~M kra badz+rA hUM ya zhes bya ba ni/ khro mo'i sngags so// phyag rgya nyid dkyus nyid gsol li// dbang du 'gyur bar nges zhes bya ba ni rdo rje gsang ba bkAr nod pa'i nang nas kyang / mo gzugs 'jig rten dbang du 'gyur zhes gsungs te/ mo ri gzugs des sems can 'dod chags can dbang du 'du ba'o// de nas sras phur pa'i sngags dang phyag rgya bstan te/ oM badz+ra kI li kI la zhes pa nas/ khams gsum skye bo smos ci dgos zhes pa'i bar gyis bstan te go sla'o// de nas hUM ka ra'i sngags dang phyag rgya bstan te/ oM badz+ra kro ta hUM ka ra hUM zhes bskyed pa rkyen gyi sngogs so// gardza gardza hUM phaT/ ces pa ni bzlas pa las kyi sngags so// sngags 'di las kyi dus su rtsa ba rib sngags dang 'grogs te/ bzlas pa las ba~M hU~M kA ra~M ShA r+g+haM las sku gsung thugs kyi khro mo mang po rgyud par byung nas lag na lcags kyu thogs nas dgug par byed pa'o// de'i phyag rgya ni ga sla'o// de nas rnam par rgyal po'i sngags dang phyag rgya bstan pa'i phyir/ oM badz+ra kro ta bi tsi ya hUM zhes pa ni bskyang ba'i rkyen gyi sngags so// ha na ha na hUM phaT ces pa ni bzlas pa las kyi bsngagos so// bsngags 'ong bzlas shing gnas na grub pa'i dus na ci yang bzlog par byed do// drag po'i dus su sngags bzlas pas gzas pa po la grogs byed pa'i lha klu gang yin pa de bzlog par byed pa ste/ dang nas 'gro ba'o// de nas dbyug pa sngon po'i sngags dang phyag rgya bstan te/ oM badz+ra kro ta nI la daN+Da hUM zhes bskyed pa rkyen gyi sngags so// da ha da ha hUM phaT ces pa ni bzlas pa las kyi sngags te/ bsdogs 'di bzlas pa'i dus na dbyug pa sngon po las khro bo 'chos pa mang po 'thon te/ gzas pa po gang yin te gsod po'o// phyag rgya dkyus nyid gsal lo// de nas gshin rje gshed po'i sngags dang phyag rgya bstan te/ oM badz+ra ya mAn+ta ka hUM zhes pa ni bskyed pa rkyen gyi sngags so// pa tsa pa tsa hUM phaT ces pa bzlas pa las kyi sngags so// sngags 'di bzlas shing phyag rgya bcings pa'i dgug par bya ba'i dus na lcogs kyu can du 'phro ba dang bsad par bya ba'i dus na mtshas chas gdug pa can thogs pa 'phro ba dang dbye ba'i dus la gdug pa la sogs pa spro ba dang / skud pa'i dus na rnga mo la skyon nas deng nas 'gro ba'i las byed pa'o// de nas yang mi g.yo mgon po'i sngags dang phyag rgya bsnyen te/ oM badz+ra kro tra ar+ya a tse lau ts+tsha zhes pa ni/ bskyed pa rkyen gyi sngags so// gA br-iT phaT ces pa bzlas pa las kyi sngags so// sngags 'di bzlas shing phyag rgya bcas pas/ lha dang klu dang gnod sbyin thams cad mi bsgo ba'i las thams cad byed par 'gyur te/ bgegs gsal byed cing brgyal bar 'gyur ro// de nas yang rdo rje rta'i sngags dang phyag rgya bstan te/ oM badz+ra kA ta ha ya grI badz+ra/ bskyed pa rkyen gyi sngags so// hu lu hu lu hUM phaT ces pa ni/ bzlas pa las kyi sngags so// sngags bzlas phyag rgya bcings te/ gtad par dug 'joms par 'dod pa'i dus rta mgrin yab yum gyi bdud rtsi dug gis zin pa'i bu gar drungs zhing bstim pas dug sel bar gyur to// ser ba bzlog pa'i dus na ba sprer bu ga nas kyang khro bo ral gri thogs pa mang po byung ste/ sprin ral bar bsam mo// bdag nyid kyis kyang mig bzlog la sngags bzlas so// nad pa bsrung ba 'dod na/ bdud rtsi'i chu rgyun seng ge'i sgo nas drangs la nad pa la bstim ste nad thams cad byang bkrus par bsam mo// yang gzhan gyis mi thub pa'i sngags dang phyag rgya bstan te/ oM badz+ra kro ta a pa ra tsI ta hUM/ bskyed pa rkyen gyi sngags so// taM sta ti sta hUM phaT ces pa ni bzlas pa las kyi sngags so// sngags bzlas phyug rgya bcingad+ha nas gtad pas gdon la sogs pa thams cad gzir bar byed pa'o// de nas yang bdud rtsi 'khyil pa'i sngags dang phyag rgya bstan te/ oM badz+ri kro ta hUM a mr-i ta kuN+Da li hUM zhes pa ni bskyed pa rkyen gyi sngags so// chen chen hUM phaT ces pa ni bzlas pa las kyi bsngags so// bsdogs bzlas phyag rgya gtad pas sangs rgyas dang byang chub sems dpa' yang bskyod par nus na gzhan la skud pa lta smos kyang ci dgos zhes so// de nas yang khams gsum rnam par rgyal ba'i sngags dang phyag rgya bstan te/ oM badz+ra kr-i ta tre lo kya bi tsa ya hUM zhes bskyod pa rkyen gyi sngags so// bin+d+ha bin+d+ha hUM phaT ces pa ni bzlas pa las kyi sngags so// sngags bzlas phyag rgya bcings te/ bdag gi thugs ka nas khro bo'i zhags pa thogs pa bcing bar byed do// de nas stobs po che'o sngags dang phyag rgya bstan te/ oM badz+ra kro ta hUM ma hA pa la hUM zhes pa ni bskyed pa rkyen gyi sngags so// s+pho ta ya s+pho ta ya hUM phaT ni bzlas pa las kyi sngags so// sngags bzlas phyag rgya gtod pas than pa byung ba'i dus na klu thams cad bred cing brgyal nas char 'bebs par byed do// ha cang yang char ches na dur khrod kyi ras la 'dug nas sngags mjug nas bzlog ste bzlas na char po 'chad par 'gyur ro/ de nas yang khro mo rnams kyi mtshan nyid thabs kyi las ji ltar yin pa lhur shes par bya'o// dkyus ni dgrol mi dgos so// gzhan yang sprul pa'i pho nya dang zhes pa la sogs pa rnams ni/ nges pa med par rgyal bas gsungs so// sngags dang phyag rgya'i le'u los ni sngags dang phyag rgya'i le'u'o// // bdud rtsi thigs pa'i rgya cher bshad pa las kun rdzob kyi bden pa 'ba' zhig gis bshad pa'i le'u ste/ dgu pa'o// de ltar sngags dang phyag rgya la sogs gsungs kyang skas bskyed pa la sogs pa'i ting nge 'dzin gyi rim par che ba med na las kyi go skabs kyis mi phyed pas/ ting nge 'dzin rim par phye ba bstan pa'i phyir/ de nas zhes pa la sogs pa gsungs te/ bcom ldan 'das kyis 'di gsungs so// zhes bya bar sbyaro// gang gsungs she na/ thabs 'og nas 'byung ba 'di gsungs so// nam mkha'i dbyings kyi dbus gnas par// nyi ma'i dkyil 'khor bsgom par bya zhes bya ba ni/ nam mkha'i dbyings ni chos kyi 'byung gnas te/ de'i nang du yi ge bsams la de yongs su gyur pa las nyi ma'i dkyil 'khor bsgom mo// de dbus bdag po'i gzugs bsam ste/ las rnams thams cad brtsam par bya zhes bya ba ni nyi ma'i dkyil 'khor de'i dbus su yi ge hUM hUM de las rdo rje rtse dgu pa de las bdag po'i gzugs su bskyed de/ sku yongs su rdzogs pa dang / las thams cad brtsam par bya'o// nam mkha'i 'khor lo rab bsgyur bas zhes bya ba ni// nam mkha'i gnyis med pa'i ye shes stong pa nyid yin la/ de'i 'khor bcom ldan 'das rdo rje gzhon nus bsgyur ba las rnams thams cad byed par 'gyur te/ mi bya ba gang yang med do// don dam pa byang chub kyi sems so// de nas sras phur pa bskyed pa'i ting nge 'dzin bstan pa'i phyir/ de nas zhes pa la sogs pa gsungs te/ phur pa rgyun gyi ting 'dzin 'di gsungs so// zhes bya ba ni/ mgo nas 'byung ba 'di rnams so// gdeng dang ldan pa'i rnal 'byor pas/ zhes bya ba ni yang dag pa'i ting nge 'dzin dang dus rtag tu mi 'bral zhing / sems bde ba'i nyams yod pa ni/ gdeng len pa'i rnal 'byor pas/ des bsgom par bya ba ni/ 'di ste dang po dngos med byang chub sems// stong pa chen po'i ting 'dzin las/ zhes bya ba ni/ dang chos kyi dbyings spros pa'i mtha' brgyad dang bral ba de nyams su blangs nas bsgoms te/ dngos po ci yang med pa'i ngang la rdzas kyi phur pa khro bo'i gzugs su bstan te/ de yang ji ltar rtag ce na/ rgya mdud steng du gzhal yos khang // khrag 'thung tshogs kyis rnam par bsgom/ zhes pa'i bar gyis bstan te/ rgya mdud dbu ma'i steng rin po che zur brgyang ba'i nang du gzhal yis khang bsgom par bya'o// rgyan la sogs pa gzhung gzhan las gsungs pa ji bzhin pa'i rim pa'o gzhal yas khang de'i nang du zhing rnams kyi gdan stengs su gsal ba'i steng ste/ nyi ma dang zla ba gnyis brtsegs pa'i steng du khrag 'thung gi tshogs 'od zer gyis spyan drangs nas/ gzhal yas khang gi nang du rgyas par bsgom mo// de la ting nge 'dzin gyi mchod pa dbu la lo// de las sras mchog la yang zhes bya ba ni/ rten dang rten can du de las sras mchog kI la ya zhes bya ba ni/ rten dang brten can du bcas pa'i phur pa de las te rten dang brten can du bcas pa'i bdag gi zhal du thim nas lte ba'i dbus su ye shes kyi mas bzhu nas/ yum gyi pad+ma la gsang ba rdo rje yid 'phros pas sras phur bu bsnyen bsgrub gnyis la ni gcig du 'gyur/ las kyi dus su nyi shu rtsa gcig go// de yang 'od dpung las phyag mtshan las bskur bskyed do// zhal cig phyag bzhi pa'o// dbu skra kham nag gyen du 'bar ba spyan gsum pa can/ de las sras mchog kI la ya zhes bya ba'o// rgyu mdung man chad khro bo'i gzugs zhes bya ba ni/ zur gsum par gnas pa'o// phur pa'i lha nyid gsal bar bsgom zhes bya ba ni/ phur pa'i thugs ka nas hUM las yi ge'i phreng bas bskor bar gnas te/ yid kyis gsal bar bris lta bar bya'o// de nyid byin dang ldan pa'i phyir zhes bya ba ni/ sras phur pa de nyid byin dang yang ldan par bya ba'i phyir/ oM hriM phaT ces yig 'bru bsam zhes bya ba ni yi ge gsum po'o// yongs su bsam par bya ba'o// de gang du bsam zhe na/ spyi bo rgong pa rtse mo la zhes gsungs te/ spyi bo oM dkar po'i rkeng po hri dmar po// rtse la phaT mthing nag go/ de ltar bkod pa ji ltar bsgom zhe na/ sku gsung thugs su bsgom par bya zhes gsungs te/ oM las zla ba'i dkyil 'khor gyi steng du sku'i rdo rje bsgom mo// hri las pad+ma 'dab brgyad pa'i steng du gsung gi rdo rje bsgom mo// phaT las nyi ma'i dkyil 'khor gyi steng du thugs kyi rdo rje bsgom ste/ skus sku rnam par dag cang brjod par byin gyis brlab pa dang / gsung gi gsung rnam par dag cing drag po'i gdangs sgra dang ldan par byin gyis brlab pa dang / thugs kyis thugs rnam par dag cing zhe sdang chen po sa sbrel ba'i mthu dang ldan pa'o// de nas ye shes lnga dang ldan bar byin gyis brlab ste/ ye shes lnga'i yi ge lnga zhes bya ba ni/ me long lta bu'i ye shes la stsogs pa las byung ba'i yi ge 'og nas 'byung ba 'di lnga'o// oM aM hUM sA ha/ lnga po 'di'o// de gang du bsgom zhe na/ spyi bo lce dang snying ga dang rked pa yan lag dag le s+t+waM/ zhes bya ba ni/ spyi bo ste/ steng gi sgor oM bsgom mo// de ni chos kyi dbyings kyi ye shes las byung ba ste/ de dang ldan par byin gyis brlab pa'o// lce la aM ste sa sor rtog pa'i ye shes las byung ba ste/ de dang ldan par byin gyis brlab pa'o// rked par so ste mnyam pa nyid kyi ye shes las 'byung / de dang ldan par byin gyis brlab pa'o// snying gar hUM ste me long lta bu'i ye shes las byung ba ste/ de dang ldan par byin gyis brlab pa'o// yan lag gi rkeng mtshan du ha ste/ bya ba grub pa'i ye shes las byung ba ste/ de dang ldan par byin gyis brlab pa'o// de ltar ye shes lnga dang ldan par byin gyis brlabs nas/ da ni spro spu'i yi ge thugs ye shes rtse gcig par byin gyis brlabs te/ de bsnun pa'i phyir/ spro dang bsdu ba'i yi ge s+t+waM/ hUM gsum dang nI phaT gsum gyis/ gsungs te spro bar bya ba ste phaT to// bsdu ba rI yi ge hUM ngo // de lta ba'i yi ge drug po gang du bkod ce na/ ngos gsum dang zur gsum la rtse mo gcig tu bsgom par bya'o zhes gsungs te/ dus gsum la hUM gsum/ zur gsum la phaT gsum/ ngos kyi hUM gsum ni/ thugs kyi rang bzhin la rnam par thar pa'i sgo stong pa nyid dang / mtshan ma med pa dang / rang bzhin gyis 'od gsal ba gsum mnga' bas hUM gsum ste/ des nyon mongs pa 'joms pa'i rtags/ zur gsum la phaT gsum du byung ba'o// de nas gsang ba'i dkyil 'khor ni/ sku shin tu rtas pa de'i phyi rol gyi e'i gdan la gdon par bya ste/ oM badz+ra kI li kI la ya tib ta tsakra hUM dza zhes brjod pa/ gsang ba'i gnas nas e'i gdan la bzhugs su gsol lo// bzhugs pa de la dbang bskur bar bya ste/ de bstan pa'i phyir rigs kyi dbang mchog thob bya'i phyir/ zhes pa la sogs pa gsungs te/ rang gi rigs kyi/ dbang bskur te/ zhes bya ba ni rang gi rigs so so'i dbang bskur te/ de yang ji ltar zhe na/ 'tshol bar spros la so sori bsti mo zhes gsungs te/ 'chol bar spros pa ni sku'i rigs la yang sku gsung thugs spros la sku gsung thugs las yang de bzhin no// de ltar 'chol bar spros pas dus gsum gyi sangs rgyas thams cad la mchod pa phul nas/ sku gsung thugs su dbang bskur cig par bskur/ khams gsum gyi nyon mongs pa sbyangs slar la rang rang gi rigs ma 'chol bar bsdus nas bstim pas/ so so'i dbang thob ste/ byin dang ldan par 'gyur ro// de nas yang byang chub kyi sems kyis dbang bskur zhing / byin dang ldan par bya ba'i phyir/ g.yas g.yon thabs dang shes rab las zhes pa la sogs pa gsungs te/ lag pa g.yas pa thabs kyi rang bzhin te/ de'i mthil du ma bsams las/ de las nyi mo'i dkyil 'khor de'i steng du/ a bsam a las kun tu bzang po'i skur bskyed de/ lag pa g.yon pa shes rab kyi rang bzhin te/ de'i mthil du a bsam/ de las zla ba'i dkyil 'khor de'i steng du/ a bsam de las kun tu bzang mo'i bskur bskyed do// de'i rjes las g.yas g.yon gnyis ka'i sor mo'i mthil bcu la zla ba'i dkyil 'khor bsam par bya'o// de nas thal mo mnyam por sbyar la su raM tA snyom zhes brjod pas/ kun tu bzang po yab yum sbyor ba mdzad pas/ byang chub kyi sems 'od zer du 'phros te/ zla ba'i dkyil 'khor dag gi steng du gnas par gyur te/ g.yas pa'i lnga la gung mo la aM mthe bong la hUM mdzum mo la traM/ srin lag la sri mthe chung la ha bsam par bya'o// g.yon pa rnams la yad de rnams bsam par bya'o// de las sku yongs su rdzogs par bskyod de las sor mo yab yum bcur skom zhes gsungs pa'o// yab yum bcu po sbyor ba'i brda' bskul te/ oM badz+ra a tsa la hUM zhes brjod pas/ yab yub rdo rje dang pad+ma phrad pa ste/ sor mo cung zad bsnol la oM badz+ra ban hUM zhes brjod pas yab yum stong smad 'khyud pa ste/ sor mo rgyab tu bsnol te bsdam po 'o de nas byang chub kyi sems yum gyi mkha' la gnas pa la/ oM sarba ta thA ga ta pu tsa dz+nyA na badz+ra swa b+hA ba at+ma ko hi zhes brjod pas/ yum gyi ba spu'i bu ga nas byang chub kyi sems 'phros te/ dus gsum gyi bde bar gshegs pa la mchod pa phul/ sras phur pa 'di la byang chub sems kyis dbang bskur cig pa'i byin pa/ rlabs 'od 'phros pas/ zhes gsungs pa yin no// de nas phur pa lag pas blangs la sa ma ya s+t+waM zhes brjod la thung / mthe bong dang stan lag gung mo ni sku gsung thugs kyi dbus su gtsug la log pa'i rting pa phyi ste/ sor mo rnams kyis phur pa dril zhing / oM badz+ra a be sha ya a zhes brjod pas/ dus gsum gyi bde bar gshegs pa yab yum gyi byang chub kyi sems mu tig dkar po dri ma med pa ltar/ sras phur pa la thim ste/ thim pas byang chub sems kyi dbang thob nas shin tu 'od 'phros par 'gyur ro// de la ni 'du byed las kyis byin gyis brlabs zhes gsungs te/ lag pa g.yas g.yon gyi thabs shes rab gnyis kyi 'du byed kyis bskul te byin gyis brlabs pa'o// phyogs bcu rgyal ba yab yum gyi byang chub kyi sems kyi sras de la bstims pas dedo la ni/ phyogs bcu'i rgyal ba yab yum gnyis med sbyor ba'i byang chub sems dpar ma chud par de la bstims// zhes gsungs te/ sgras phur pa de la bar ma chad par bstim zhing dbang bskur ba'o// des kyang byin chen 'dus por 'gyur zhes bya ba ni/ byang chub sems kyi dbang bskur ba des kyang dus gsum gyi bde bar gshegs pa'i byang chub kyi sems kyi byin brlabs thams cad sras phur pa la 'dus par gyur to// de nas yang skyo gsung thugs dbang ste/ de'i phyir de nas sku gsung thugs nyid du// byin gyis brlab cing bstan bya ste/ zhes gsungs te/ sngon la thugs su byin gyis brlab cing dbang bskur ba bstan te/ bdag nyid las thugs phyag mtshan mang po spros pas las gnyis byas te sems can gyi kun gzhi la gnas pa'i bag chags sbyangs/ bde bar gshegs pas sras phur pa la/ thugs rjes byin gyis rlobs shig par bskul nas/ phar 'phros pas slar 'dus pab dang dus gsum gyi bde bar gshegs pa'i thugs ka nas kyang phyag mtshan mang po sras phur pa la gnyis su med par bstims pas sras phur pa'i thugs ka'i hUM la thim pas shin tu thugs bstan zhing 'od 'phro bar 'gyur te/ phyag rgya bcas te/ oM badz+ra swa tA ra tsahUM zhes brjod cing bstim pa'o// des ni thugs nyid rdo rjer 'gyur zhes gsungs te/ brtan pa'i phyir rdo rje'o// de nas gsung gis dbang bskur zhing byin gyis brlabs te lag gnyis sor mo rtse sprad do zhes bya ba ni/ lag pa'i sor mo kun sprad cing ma sbrid la khang pa tsam bya ste/ pad+ma lta bur byas pa'i phur pa lag pa'i rting pa'i bar du bcug ste/ rting pas phur bu dril bar bya zhing / rnal 'byor rdo rje'i tshig tu brjod pa'i sngags ni 'di yin te/ oM phur bu b+ha te phaT/ ces brjod pas bdag nyid kyi thugs ka nas hUM/ mang po 'phros te las gnyis byas te/ sems can ngag gi mi dge ba thams cad sbyangs dus gsum gyi bde bar gshegs pa thams cad la sras phur pa la gsung gis dbang bskur zhing byin gyis rlobs shig par bskul bas/ hU~M 'phros pa nyid dang bde bar gshegs pa'i thugs ka nas gsung yig 'bru mang po slar 'dus nas sras po'i gsung gi gnas su byin gyis brlab cing bstim mo// de ni gsung nyid rdo rjer 'gyur zhes te/ dbang bskur zhing byin gyis brlabs pas gsung bstan zhing khros pa'i gdangs dang ldan pa'o// de nas yang sku'i dbang bskur zhing byin brlab pa ston to// lag gnyis sor mo rgyab bsnol te/ mthe bong gshibs pa'i chung ba ru zhes bya ba ni/ lag pa gnyis bsnol thal mo sbyar la sor mo rnams brgyab tu bsnol te/ mthe bong gnyis gzhibs te/ de'i bar du phur pa bcug la rdo rje bcug la rdo rje phur bu de 'dril bar byas shing rnal 'byor pas kyang / rdo rje'i tshig tu brjod pa'i sngags 'og nas 'byung ba 'di'o// oM ha na ha na sti sta tsakra hU~M phaT ces brjod pas bdag nyid kyi thugs kwa nas sku mang po spros pa las gnyis byas te/ sems kyi lus kyi mi dge ba thams cad sbyangs/ bde bar gshegs pas sras phur pa la dbang bskur cig par bskul bas/ sku 'phros pa de nyid dang bde bar gshegs pa'i thugs ka nas/ sku mang po byung nas sras phur pa la thim pas sku'i gnas gang yin pa de la byin gyis brlabs shing dbang bskur bas des ni lus nyid rdo rjer 'gyur/ de nas sras phur pa de la mchod pa bya ba bstan te/ de'i phyir de nas phur bu rgyan gyi ti nga nge 'dzin 'di gsungs so// zhes bya ba ni/ sras phur pa la dbang bskur ba'i de ma thag pa de nas mchod par bya ba 'og nas 'byung ba 'di gsungs so// e yi gdan la bzhugs pa yi// khros pa'i rgyal po de nyid la/ zhes bya ba ni/ e'i gdan la bzhugs pa ni shes rab las byung ba'i rtags te/ khros pa'i rgyal pos de nyid la mchod par dbul bar bya ba yin te/ bdag nyid kyi thugs ka nas du ba la sogs pa'i lha mo rnams ston nas/ des phyi'i mchod pa dbul ba'o// sa le la sogs pas nang gi mchod pa dbul ba'o// yungs kar rgyal pos brdeg bya zhing / zhes pa ni/ lag mthil gnyis la nyi ma dang zla ba bsams la/ nyi ma dang zla ba ni thabs dang shes rab kyi rang bzhin te/ gnyis kyi dbus su yungs kar bzhag pas thabs dang shes rab kyi mthus yu kar khro chung ngu gyur te/ des phar pa la brdegs pas khro chung phur pa la thim pas shin tu rno zhing dpal dang ldan de 'od zer 'bar khar gyur te/ rtse gcig rdo rjer byin gyis brlabs zhes gsungs so// lag mthil g.yas su sbyar ba yi// gu gul dud pa spyan phung gis// gtug chen mchod pas mchod par bsgom zhes bya ba ni/ lag mthil g.yas su yi ge ho bsam la/ yi ge yongs su gyur pa las me dpung 'bar bar bsams pa de la gu gul bsregs te/ sras phu ra pa la gtugs pas gu gul gyi dud pas mchod pa phul bar bsam/ ho las 'byung ba me'i dur khrod kyi me dpung gi dkyil na bzhugs par bsam mo// phyi nang mchod pa ci 'byor pas/ mchod de las gang bsgom par bya zhes bya ba ni/ phyi nang gi mchod pa ni gong du gsungs so// de ltar mchod pa byas pa'i rjes la ba stod pa ni// hUM bskal pa me ltar 'bar ba'i klong dkyil nas// mthing nag gru gsum 'bar ba'i dkyil 'khor du oM badz+ra 'dus pa'i sras mchog kI la ya// thugs rje mnyam pa'i dbyings nas sprul pa 'gyed// zhe sdang bdud 'dul sku la phyag 'tshal bstod// bskal pa ma ltar 'bar ba'i gling dkyil nas// mthing nag gru gsum 'bar ba'i dkyil 'khor du// b+hUd ta 'dus pA 'i sras mchog kI la ya// sku mchog rdzogs parI sku la 'od zer 'phro// gti mug bdud 'dul sku la phyag 'tshal bstod// bskal pa me ltar 'bar ba 'i klong dkyil nas// mthing nag gru gsum 'bar ba'i dkyil 'khor du// rang na 'dus pa'i sras mchog kI la ya// yon tan rgya mtshor 'khyil zhing dbyings nas gsal// nga rgyal bdud 'dul sku la phyag 'tshal bstod// bskal pa me ltar 'bar klong dkyil nas// mthing nag gru gsum 'bar ba'i dkyil 'khor du// pad+ma 'dus pa'i sras mchog kI l-i ya// gsung mchog bsgrags pas 'gro ba mtha' dag 'dul// 'dod chags bdud 'dul la phyag 'tshal bstod// bskal pa me ltar 'bar ba'i klong dkyil nas// mthing nag gru gsum 'bar ba'i dkyil 'khor du// kAr ma 'dus pa'i sras mchog kI la yang 'phrin lag drag pos log ste ngul mdzad cing // phrag dog bdud 'dul sku la phyag 'tshal lo// zhes bstod nas bdag gi bsnag pa'i las 'di lta bu grub par mdzod cig/ ces bsgo ba'o// de nas yang ston pas bzlas mchog rgyun gyi ting nge 'dzin 'di gsungs so// bdag nyid dang po rnal 'byor du 'dug ste/ snying gar nyi ma'i dkyil 'khor la/ zhes bya ba ni/ bdag nyid dang po bdag la mchod pa dang bstod pa byas pa'i de ma thag par/ lha'i rnal 'byor las ma 'phos par// bdag nyid kyi ye shes sems dpa'i thugs ka nas rdo rje'i nang nyi ma'i dkyil 'khor bsgom mo// de'i steng du mthing nag 'bar ba'i hUM bsgom mo// hUM dwe la oM badz+ra kI li kI lA ya// hUM phaT/ ces pa ni bsnyen pa'i dus su bskor la bya'o// bsgrub pa'i dus su shar la 'byung ba bya'o// lus kyi dus su zhar la 'byung ba bye ba'i// las kyi rus su gang gos spros pa'o// de la bskor ba la ni/ sngags kyi yi ge rab bskor zhes gsungs pa'o// phur pa la yang de bzhin te zhes bya ba ni/ phur pa la yang gong du bstan pa bzhin du bya ba'o// rang sngags tshigs su brjod pa las zhes bya ba ni/ yi ge bskul ba dang spro ba'i sngags te/ oM badz+ra kI li kI la ya hUM phaT ces pa rdo rje'i tshig du brjod pas// hUM yan chad ni bskul ba'o// phaT kyis bskul ba ni spro ba'o// de ltar sngags drag dal phyed par bzlas pas/ yi ge las 'od du 'phros pas/ 'od de rtsa g.yas nas zhugs sna'i bu ga g.yas nas 'thon/ sras phur pa'i sna g.yon na sa zhugs snying ga'i yi ge'i rnams bskul sres phur pa nyid shin tu 'od zer 'phro ba byas/ rtsa dbus ma nas mar zhugs lte ba'i dbus nas 'byung bdag nyid kyi lte ba'i sbu gu nas zhugs bdag gi lus 'od zer can du byas snying ga'i yi ge bskul rtsa g.yas pa nas 'od du 'bar de bzhin du mgal me chad pa la bskor ba ji bzhin te/ spro ba dang bsdu ba'i yi ge'i las kyi skabs kyis 'khor ro// de'i zhar la byung ba'i ting nge 'dzin bsnyen pa'i dus su 'od zer phar 'phro ba tsam na/ de la 'od zer mgar ba'i tshe cha bzhin du phyogs bcur 'phros pa de'i las gnyis byas te/ khams gsum gyi sems can log par lta ba rnams bsgril bde bar gshegs pa rnams la drag po'i phur pa 'di byin gyis rlobs shig par bskul bas/ dus gsum gyi bde bar gshegs pa'i thugs ka nas/ phur pa phra mo'i skur 'phros te/ sras phur bu rab tu khros pa'i snying gar bstim la byas nas gzi byin bskyed cing mthu bskyed par bya ba'o// sgrub pa'i dus su zhor las byung ba'i ting nge 'dzin te 'od las khro chung lcags kyu can du gyur te/ des gzas pa po gang yin pa'i rnam shes de bkug nas sras phur bu'i 'og tu chud par bsams pa'o// las kyi dus ni bdag dang phur bu gnyis dang / phyogs bcu'i khro bo mdun gyi thugs ka nas/ spro zhing dgug par bya ba'o// grangs kyi bsnyen pa'i dus su ni sa ya'o// bsgrub bya'i dusu ni 'bum mamanyis 'bum maM/ sum 'bum mo// dus su ni re re la brgya rtsa brgyad brgyad do// de lta bu'i grangs kyi bsnyen po tshang ba ni/ mtshan ma dbyung ba re gdon mi za zhes bya ba'i mtshan ma rnam pa lnga ste/ dang po du be 'dra ba dang gnyis pa mar me 'dra ba dang / zhes pa la sogs pa 'byung ngo // mdor na rtags sku'i mtshan ma byung na'o// drag po'i rtags gsum ni// rab kyis mngon du khugs pa dang / 'bring gIs ling gar khugs pa dang / tha mas mtshan ma rtag tu 'ong ste/ de lta bu'i mtshan ma byung ste/ bsnyen pa grangs tshad na'o// dus kyi mtshan ma ni zla grangs dang lo grangs zhag grangs kyi dus su'o// mtshan ma'i bsnyen pa ni mtshan ma nam byung gi bar du ste/ mtshan ma mthong ba na bsnyen pa tshang ba'o// de ltar bsnyen pa dang bsgrub pa dang las kyi mtshan ma byung ba dang / gdod las 'og nas 'byung ba la sbyar ba'o// de nas phur pa gdab pa'i ting nge 'dzin pa snyan te/ de'i phyir de nas gdab par rgyun gyi ting nge 'dzin 'di gsungs so// zhes pa la sogs pas bstan te/ ti ba ta tsakra phur pa'i lha zhes bya ba ni/ sras phur pa nyid la bya ste/ rdzas kyi phur pa'i lha'o// khros pa mi zad 'bar ba yi// sras phur po de shin tu yang khros pa mi zad pa'i 'od zer 'bar ba'o// rked nas lag g.yon 'debs tshul du zhes bya ba ni/ phur pa'i rked pa nas lag pi g.yon pas bzung ste/ 'debs pa'i tshul du gzas pa po'i g.yas pa'i tho bas rdeg tshul du bya zhes pa ni/ g.yas pa'i tho bas 'byar tshul gyis brdeg pa ste 'byor pa'o// rdo rje sder mo'i sngags 'di yis// bdun nam nyi shu rtsa gcig tu zhes bya ba ni/ 'debs pa'i dus dus su/ so so'i sngags dang sgrogs la grangs ni bdun nam nyi shu rtsa gcig bzlas pas gdab pa'o// rdo rje sder mo'i sngags 'di'o// oM na maHsa man+ta ka ya bak+Shit+ta nan/ oM g+ha g+ha g+ha ta ya sarba du stan mA ra ya phaT/ kI li kI li yA sarba pA paM phaT hUM hUM hUM badz+ra kI la ya ta rod A dz+nyA pa ya ti kA ya bkr-it+ta badz+ra kI la ya hUM phaT/ drag tu brjod cing gdab par bya zhes bya ba ni/ sngags so so dang sgrogs pa ste ci drug tu brjod le gnas su gdab pa s+t+waM/ sngon la snying la gdab pa ste/ skabs de ru tshe lung khrus lung gnyis bya ba ste/ sngags 'og nas 'byung bas bya'o// de nas gzugs de nyid bkug cing bstan par bya'o// bstan par bya zhing gdab pa'i phyir/ zhes bya ba la sogs pa gsungs te/ gzugs lnga bsdu zhing mtshan mar gdab par bya ba'i phyir/ rdo rje tshig tu 'og nas 'byung ba 'di brjod do// dam tshig can gyi dus la byab ces bya ba ni/ bdago nyid chen mo'i sngon bcom ldan 'das kyi spyan sde ru rang gi srog gi snying po mdong sol du phul nas rnal 'byor pa'i grogs bya bar khas blangase shing dam bcas pa'i dam tshig can dang / sho na mu ka sngon gdug pa can 'joms pa'i dus na zangs kyi wa mo la zangs kyi mi mo zhon nas lcags kyi spyang gi brgyad ni g.yon na khrid dpal gyi khyi brgyad ni g.yas na khrid nas khrag 'thung gi rgyal po ci bgyi bka' bstsal du gsol zhes zer zhing 'ong ba'i dus su dam tshig phog cig dam la btags pa'i dam tshig can dang / sa bdag chen mo'i phur bu'i srung mar khas blangs shing ngam bcas te/ dbang bskur bas mos pa'i sa la dbang bas sa bdag ste de'i dus su dam la btags pa'i dam tshig can dang / de rnams kyi srog gi snying po'i dam la ma 'da' bar las gyis shig pa ste/ dgug pa'i las bskul zhing btang ba'o// de yang ji ltar btang zhe na/ bdag nyid chen mo ni mthu'i bdag nyid du gyur pa re ma ti bskal te/ bsgrub pa'i dus su sha chen dang gsur chen dang nal gyi sha dang khrag chen dang gla ba shing kun can dran dkar dmar rnams kyi mchod pa dbul zhing / gzhung gzhan nas byung ba'i tshig bshad kyis bco la ba bya zhing srog gi snying po nas drang zhing las la btang ngo // de nas yang sho na mu ka'i bskul ba ni/ nyi ma'i mchod pa phul la las bcol ba ni/ de yang ci'i phyir zhe na/ bshad pa'i rgyud kyi rjes 'brangs nas/ sho na mu ka bskul pa ni/ nyi ma'i mchod pa phul la bskul zhes pa ste/ de yang srog gi snying po nas drangs shing las bcol lo// de nas yang sa bdag chen mo la las bcol te/ snod kyi khrag snod kyi sha las gzhi blangs pa'i gtor ma byin la sngon gyi lo rgyus dang / dam ji ltar gsal ba yang brjod la srog gi snying po nas drangs la las bcol lo// de nas 'phra men ma las la bskul te/ snying sna mang po dang / khrag sna mang po dang / gtor ma byas te/ ming nas bos la 'phra men ma bcu drug las la btang ngo // de nas yang srin mo'i tshogs la las bcol te/ snying gi rtsa ba ni srog pa rtsa ste/ de las gzhi blangs te gtor ma byas li mtshan tshig nas bos la gtor ma byin la las bcol ba ste/ gtor mo byin gyis byin gyis brlab pa bdud rtsir byin gyis brlab pa ste/ gong nas gsungs pa'i rim pa'o// de ni bsgrub pa'i dus su sbyor cig/ drag po'i dus su ni las kyi sngags bzlas shing khrag spangs kyi brdeg pa'o// bsnyen pa'i dus su ni gtor me byin gyi las bcol ba ni ma yin no// de ltar gtor ma byin nas las btsal ba ni/ ci la dgos she na/ de bstan pa'i phyir/ byang chub mchog tu sems bskyed cing zhes pa la sogs pa bstan to// de yang chos kyi dbyings su bsgom pa'i don dam pa byang chub mchog tu sems bskyed pa dang / sku gsung thugs kyi dkyil 'khor du sku phyag rgya chen por bsgom pa kun rdzob byang chub mchog tu sems bskyed cing / dus gsum gyi rgyal ba sangs rgyas thams cad kyi gdung 'tsheb cing bde bar gshegs pa'i sku'i rigs dang / gsung gi rigs dang thugs kyi rigs dang / rnal 'byor pa'i lus ngag yid gsum gyi sa 'dzin cing bsgom pa'i rnal 'byor pa bdag cag rnams la ni/ bdag gi sgo ma la gnod cing lus dang tshe la gdug pa'i sgra dang bgegs sam gang yin pa dang / 'on te bdud dang / srog gi bar du gcod pa dang / dgra ste dge ba la bar du gcod pa rnams ni/ bsgral ba'i gnas de'i bdud kyis ni dngos grub 'phrog par byed la/ dgras ni rnam par 'tshe bar byed de/ de rnams dbang du bsdu ba'i phyir/ khro bo chen po'i byin brlabs kyis/ yud tsam gyis ni de bkug nas// mngon spyod tshul bzhin bsgral ba dang // lung dag rdul du bshag nas kyang // sdug bsngal nyams su myong ma bar mdzod/ ces gsungs/ khro mo chen mo bcom ldan 'das rdo rje gzhon nu'i byin brlabs kyis bdag nyid chen mo dang / sho na mu ka dang / sa bdag chen mo dang / 'phra mon ma dang za byed ma dang / mche ba can dang gshog pa can la sogs pa'i pho nyi'i tshogs kyis se gole gtogs pa tsam thang tsog yud tsam gyis 'dul bar bya ba'i zhing gang yin pa de gnas nas 'dir bkug nas/ dbang po mngon sum du drag po'i las kyi mngon spyod kyi tshul bzhin du bsgral nas/ kun gzhi rnam par shes pa rgyal ba'i sras su bya ba dang / nyon mongs pa'i bag chags nye bar len pa'i phung po bshig pa'i phyir 'byung ba bzhes bskyed pa'i lus ngag yid gsum rdul du mi shig nas kyang / las dang nyon mongs pa'i bsgrib pa sbyangs pa'i phyir/ mnan cing gzir ba'i sdug bsngal gzas pa po gang yin pa'i lus ngag yid gsum gyis nyams su myong bar mdzod cig/ ces pa las bcol te/ 'on te las byed du ma 'dod na bdag nyid kyis bsnyen phur dril zhing bdag nyid kyi lce la nyi ma'i dkyil 'khor gyi steng du hUM de las rdo rje bum pa'i nang na hUM gnas pa de'i 'od zer gdug pa de bdag nyid chen po la sogs pa'i steng gi sgo nas rtsa'i bu ga kun nas phar zug ste/ 'od zer des bdag nyid chen mo la sogs pa'i snying khrag zhal du rngubs pas bdag nyid chen mo la sogs pa rab tu myos nas 'gyel bar bsam mo// de'i phur pa dang gnyi ga las 'od 'phro ba'o// de nas yang phur pa'i rtse mo dam can rnams la gtad de dril zhing bdag nyid bdud rtsi 'byung ba'i ting nge 'dzin du zhugs te/ dam can rnams gan rgyal du dgyel ba'i snying kar gtad pas phur pa las bdud rtsi dkar la dag pa'i chu rgyun 'byung bas me mo rnams kyi lus bsos te/ gzi mdangs can du byas nas/ bdag gi dam tshig ni gang lags las ni ci bgyi zhes zer zhing 'dug par smra ba'o de las bdag nyid kyi las ni dam can rnams kyi khi ru bdud rtsi blud de/ oM a mr-i ta ma ma ya ha ha nan ra gan zhes blud pas sngon ji ltar dam bcas shing khas blangs pa de rjes su dran nas rnal 'byor pa ji ltar 'dod pa'i las byed par 'gyur ro// de ni dam can rnams thugs ngam gnas la phab la drag po'i las la bskul ba'o// de nas mnan par bya ba'i snying po gsungs te de'i phyir/ oM laM zhes bya ba la sogs pa gsungs te/ de'i oM laM zhes gsungs pa ni/ gzas pa po gang yin pa'i spyi bo yi steng du laM bsam par bya'o// laM de yongs su gyur pa las/ gser gyi ri rab shin tu brjid che zhing lci ba zhig bskyed pa ste/ don oM laM ste rdos po ri rab bo// rdos po de yang bcom ldan gyi thugs rnam par mi rtog pa las ma g.yos pa'i phyir hU~M laM mo// de lta bu dang ldan pa'i ri rab des gzas pa po gang yin pa gzir ba'i phyir na bstan pa ni zhes pas gzir cig pa'o// rtos pa'i ri rab de rdos lhang de snang ba sku'i rang bzhin/ de las 'od 'phro ba gsung gi rang bzhin/ de las don dam par rang bzhin med pa thugs kyi rang bzhin de'i phyir mo ha ga b+ha ga ban nga zhes gsungs pa yin te/ mo h+ya na sku dang ldan pa'i ri rab/ ga ya na gsung 'od zer dang ldan pa'i ri rab/ b+ha ga bAn ngan thugs spros pa dang bral pa bcom ldan 'das dang ldan pa'i ri rab bo// sku gsung thugs dang ldan pa'i ri rab des gzas pa po las dang nyon mongs pa gzir ba'i phyir/ pri kri bi kri zhes gsungs pa yin te/ las gzir ba ni shri kri/ las kyis bskyed pa'i nyon mongs pa gzir ba ni bi kri'o// de yang gzir ba'i las la byin can du bya ba'i phyir badz+ra hUM ka ra ste ri rab de'i steng du mo bsam ste de yongs su gyur pa las nyi ma'i dkyil 'khor do'i steng du hUM bsarma te/ yongs su gyur pa las rdo rje rgya gram du gyur/ de'i steng du nyi ma'i dkyil 'khor de'i steng du hUM yongs su gyur pa las rdo rje ste de las nI/ hUM ka ra'i sku yongs su gyur par bskyed de/ bskyed pa'i sngags badz+ra hUM ka ra hUM zhes pas sku gsal bar bskyed de/ de'i zhal nas gdug pa'i sngags hUM hUM hUM phaT phaT phaT ces sgrogs shing / gzas pa po gang yin pa de/ 'bros su mi gnang byar zil gyis gnon pa'o// de nas yang 'dren par byed pa'i sngags sgraso bstan te de'i phyir/ oM badz+ra kI li kI la ye dzaMHhUM baM hoHzhes gsungs te/ 'khor ba'i gnas nas drang ba'i phyir sngags 'di brjod pas/ bdag gi thugs ka nas ye shes sems dpo'i hUM las rdo rje/ rtseg mar byung ste de las 'phra men ma lcags kyu thogs pa dang / rgyud mar byung nas dkrug pa ste le'u brgyad pa nas 'byung ba dang sbyar ro// de nas yang tshe lum dang khrus lung bstan te de'i phyir rdo rje'i tshig tu brjod nas ni/ bkla ga dang gizi mdangs bdag la bstim zhes pa la sogs pa gsungs te/ tshig tu 'og nas 'byung ba'i sngags 'dri brjod nas kho'i bkra gab mdangs phrogs nas bdag la thim par bya ste/ de yang snyen phur gdab pas phur pa'i 'od zer gyis gzas pa po'i snying dkar nag gi mtshams su btab pas tshe rabs thog ma med pa'i dus nas kun bag chags ngan pa bsags pa ste phur pa'i 'od zer gyis bsregs par bsam mo// de'i skabs las ni rnam par byung ba'i byang chub sems zhes bya ste khrus lung ngo // de nas kun gzhi'i rnam par shes pa shel dag pa'i rang bzhin du gnas pa ste/ phur pa'i 'od zer gyis bzhu nas dngul chu zhun ma bzhin du gnas pa ste/ phur pa'i rtse mo la 'ub kyis 'dus nas a'i rang bzhin gnas te de'i dus su ri rab kyi steng na bzhugs pa'i khro bo hUM ka ra bzhengs nas gnas pa de la bdag nyid kyi phur pa dam tshig gi phyag rgyas bton nas/ oM sarba big+h+nAn kI la ya hUM hUM phaT phaT ces pa ni gzhan du man ngag gis sbyar bar bya'o// oM badz+ra hUM ka re hUM a zhes brjod nas/ hUM ka ra la gtad pas hUM ka ra bzhengs pa des blangs nas bdag nyid kyi steng gi sgo nas mar thim par bya ste/ gzas pa po'i tshwa phrogs nas/ bdag gi tsher gyur par bsam mo// de ni yang dag pa'i ye shes zhes bya ste/ don dam pa byang chub kyi sems so// lung las ni tshe lung zhes bya'o// de yang dkyus nyid lasa.ai nyid byang chub sems kyi khrus// phur pa nyid kyang gzi byin bskyed/ 'od dang mthu dpung lhag par bskyed/ ces gsungs te/ bdag nyid kyi snying gi dkyil na ye phyi mo nas grub pa'i ye shes a ni kun gzhi'i rang bzhin te ye nas rnam par dag par gnas pa nyid byang chub kyi sems kyi khrus yin par bstan te/ de phur pa la 'dus pa ni byang chub sems dbang du bsdu ba ste/ phur pa nyid kyang gzi byin can du gyur pa'o// de nas yang dbu zhabs kyi tshig gsal bar bstan pa'i phyir/ de nas phyogs bcu'i khro bo la zhes pa la sogs bas bstan te/ rdo rje'i tshig gis 'og nas 'byung ba 'di skad bskul lo// dngos grub bar chad byed pa'i bgegs// bdug cig sdang sems ldan pa rnams zhes bya ba ni/ sku gsung thugs kyi dkyil 'khor la gnas shing mi gnas pa'i ye shes chen po'i dngos grub bsgrub pa 'i bar du gcod pa'i bgegs dang yang dag pa'i ting nge 'dzin le gnas pa'i zhe sdang gi sems kyis gdug cing phrag dog gi sems kyi sdang ba'i sems dang ldan pa'i gzas pa po de 'khor ba'i gnas nas drang ba'i phyir zung zhig pa de/ khro bo rnam par rgyal ba'i byin brlabs las bskul ba ste/ dza dang sbyar ro// gzas pa po de rang gi bde ba'i gnas nas bskul ba'i phyir/ rgyob cig pa de rnam par rgyal ba'i rigs dbyug pa sngon po can gyis brgyab nas rgyob cig/ dbang po'i yul la mi gtong ba dang / yan lhag 'khum mi nus par bya ba'i phyir/ rnam par chings shig ces pa ste/ khro bo goshin rje gshed po'i byin gyis brlabs las bskul ba ste hUM dang sbyar de nas yang bag chags kyi phung po phur pa btab nas yang dag gi shes pa dang ni bral log pa'i shes pa bsgral ba de mtshon gyis btub pa'i las byas nas gnas pa de brlag par bya ba'i phyir/ gtogs shig pa ste/ gshin rje gshed po'i rigs can/ khro bo mi g.yo mgon po yis/ phung po gtum zhing 'phrag gis brdungs pa ste/ kha thaM dang sbyar ba'o// gzas po de la stong pa dang / grogs byed srog la skyob pa'i lha 'dre gang yin pa de dang 'bral ba'i phyir/ grogs dang 'bral bar gyis zhes gsungs pa ste/ rta mgrin gyi rigs gzhan gyis mi thub pa'i byin gyis brlab pa'i grogs dang brel ba ste/ dza sa ya ra na dang sbyar ro// myur du bsgral zhing dbang du 'dus nas rigs gang yin min smra ru gzhug pa'i phyir rings par khug la sma ru chug cig/ ces pa ste/ khro bo bdud rtsi 'khyil pa'i byin gyis brlabs las smrar gzhug pa ste/ dz+wa la pa ya dang spyir/ gzis pa po'i shes pa srin bu ma khyer bzhin du bkug pa ste gzugs dang ri mo la dbab pa'i phyir/ phob cig ces pa ste/ khro bo rta mgrin gyi byin gyis brlabs las phyung ba'i baM ste/ a be sha dang sbyar/ gzas pa po'i las dang nyon mongs pa gzir ba'i phyir/ rnam par gzir bar byos zhes gsungs te/ hUM ka ra'i byin brlab las byung ba ste/ oM laM dang sbyar ro// gzas pa po de'i dkyil 'khor du chung nges par bya ba'i phyir/ nga'i dbang du gyur nas ni zhes gsungs te rdo rje'i rigs khro bo stobs po che'i dbang du byas nas/ de'i rigs khams gsum rnam par rgyal ba yis/ sgo ba'i bka' rnams nyan par gyis zhes pa la sogs pa bstan te/ drag po spyi'i tshig go// de nas gsod pa'i las kyi sngags bstan pa'i phyir/ hUM pa ra bi dan zhes pa la sogs pa gsungs te/ hUM pa ra bid tan zhes bya ba ni/ rdo rje gzhon nus bsod pa'i las kyi bsngags te/ kI laM yA bco brgyad dong sbyar te/ kun gzhi nad nas phyung ba'i dus su sbyar bar bya'o// tshin d+hi tshin d+ha badz+ra hUM phaT/ ces bdud rtsi 'khyil pa'i bsod pa'i las kyi bstag te bsngags 'di brjod cing lte ba'i dkyil du brgyab pas bdud rtsi 'dzag pa'i sgo gcad de/ de yang ye shes su byas pa'o// ban+d+ha bin+d+ha badz+ro phaT ces pa ni khams gsum rnam rgyal gyi bsod pa'i las kyi sngags te/ sngags bzlos shing khams gsum rnam par rgyal ba'i cha las byung ba'i phur bas pus mo'i ltung po'i lhag na stobs bskyed pa'i rtse yod pa la btab ste/ rtsa'i sbubs nas stobs 'phrog ste/ ye shes su bya ba'o// de nas yang grin g+hi nA badz+ra hUM phaT ces bya ba rdo rje rta'i gsod pa las kyi bsdogs te/ sngags 'di brjod cing rdo rje rta'i cha las byung ba'i phur pa des/ mgrin pa dgra gI ga nas su btab pas/ ro'i longs spyod thams cad phrogs nas ye shes su byas pa'o// de nas yang ha na ha na badz+ra hUM phaT rnam par rgyal ba'i cha las byung ba'i phur pa des sngags 'di brjod cing mig la btab pas mig gi rnam par shes pa dbang du bsdus ye shes su bya'o// de'i rnam bar rgyal ba'i gsod pa'i las kyi phyag rgya'o// de nas yang mi g.yo mgon po'i bsod pa'i las kyi sngags bstan pa'i phyir/ ban+d+ha ban+d+ha badz+ra hUM phaT ces gsungs pa ste/ sngags 'di bzlas shing myi g.yo mgon po'i cha las byung ba'i phur pa blangs nas lho'i dbus zla ba kham pa 'dra ba'i dbus su btab byas lce'i rnam par shes pa phrogs te ye shes su bskyed pa'o// de nas yang stobs po che'i sa gsod pa'i las kyis bsngags bstan pa'i phyir/ tad+ya thA badz+ra hUM phaT ces pa yin te sngags 'di zos shing stobs po che'i cha las byung ba'i phur pa rkang mthil na bskyod par byed pa'i rtsa la stobs bskyod pa'i stobs phrogs nas ye shes su bskyed pa'o// de nas yang dbye ba byed pa'i las kyi sngags bstan pa'i phyir ha se ya ra ni hri dan hUM phaTi/ ces bya ba yin te/ stong grogs dang bral bar bya ba'i dus su sbyor cig/ de nas yang bcing bar byed pa las kyi bsngags bstan pa'i phyir/ shrI krin a na ye hUM phaT ces pa yin te/ 'ching bar byed pa'i skabs gong yin pa'i dus su sbyor cig/ de nas yang smra bar byed pa'i snying po bsnun pa'i phyir/ dz+wa la pa ya dz+wa le ya hUM phaT/ ces pa yin te/ yungs kar li bsngags la rdo rje spyan dmig rnol gtor la gong du gsungs pa'i rig sa la sogs pa'i gang yin pa 'dra ba'o// de nas 'bebs par byed pa'i snying po bstan pa'i phyir/ a be sha ya a be sha ya hUM phaT/ ces bya ba ni 'bebs pa'i skabs gang yin par sbyar ro// gzugs dang gnyis su med par bya'o de nas zhal dbye ba'i sngags bstan pa'i phyir/ bi da yA bi da ya hUM phaT ces pa yin te/ gtung ba'i phung po de zhal du bsdabs pa'i phyir zhal phye zhig pa ste/ bstan pa'i dus su'o// de nas yang rdo rje 'phra myon tshogs rnams la bskul bar bstan pa'i phyir/ rdo rje 'phra men tshegs rnams la/ zhes pa la sogs pa bstan te/ rdo rje las byung bas rdo rje 'phra men ma'o// mngag pa'i phyir tshogs rnams la rdo rje'i tshig gis bskul bar bya ste/ thabs dang shes rab las byung zhing / thabs kyi bcol zhing sems can gyi don la brtson par 'bad pa'i phyir na bran zhes bya la/ theg chen chos kyi dbyings las 'byung zhing rim pa nas sprul zhing mngag par bya ba'i phyir gnas su phyin par 'gro ba'i phyir nA/ pho nya gtso bo rnams kyis ji ltar bcol zhing bka' stsal nas zhi ba dang rgyas pa dang / dbang du bya ba dang / bskyed par bya ba dang / bisad par bya ba dang / bsgo ba nyen pas bka' nyan to// las kye lha rnams kyis mngon spyod kyi 'phrin las bya ba'i dus la bab ces bya ba'o// khyed kyi dam tshig dus la bab ces pa ni/ las kyi lho khyed kyi dam tshig dus la ba'o ces pa'o// tha tshig ji ltar bcas pa bzhin zhes bya ba ni/ sngon bcom ldan 'das kyi spyan snga ru ji ltar dam bcas shing khas blang bzhin du drug po'i 'phrin las myur du byos zhes bcol ba'o// gal te 'am 'on te las byed du mi 'dod cing tha tshig las 'das par gyur na/ rdo rje chu yis brdeg pa nges zhes bya ste/ las kyi lha la phur pa gtad cing dril la gnad la dbab pa ste/ gong du gsungs pa'o// de nas yang gzhan gyis mi thub pa'i sngags bstan pa'i phyir/ ha na ha na badz+ri hUM phaT ces pa yin te/ sngags 'di bzlas shing gzhan gyis mi thub pa'i cha las byung ba'i phur paM de blangs te dril nas bud pa'i rtswa gyen du 'greng ba ste/ g.yas kyi rtse dang g.yon gyi rtse gnyis la btab pas thabs dang shes rab rgyu ba rgyun gcad de ye shes su bya ba'o// de nas yang dbyug pa sngon po'i las kyi bsngags bstan pa'i phyir/ da ha da ha badz+rI hUM phaT ces pa yin te 'di bzlos shing dbyug pa ston po'i cha las byung ba'i phur pa blangs te dril nas rnam par shes pa la btab pas rna ba'i rnam par shes pa dbang du bsdus nas/ ye shes su bya ba'o// de nas yang gshin rje gshed kyi gsod pa las kyi sngags bsten pa'i phyir/ pa tsa pa tsa hUM phaT ces pa yin te/ sngags 'di bzlos shing gshin rje gshed gyi cha las byung ba'i phur pa blangs te dril nas rna ba'i rnam par shes pa dbang du bsdus nas btab pas rna ba'i rnam par shes pa dbang du 'dus nas ye shes su bya ba'o// de nas yang bdag nyid chen mo gsod pa'i las kyi sngags bstan pa'i phyir/ ma ta ma ta badz+ra hUM phaT ces pa yin te/ ba ga nyid sku la sngags 'di bzlas shing khrag dang nyung nag gis brgyab nas gzugs dpung thal bar brlag par bsam ste/ ma mo'i thun no// de nas yang sho na mu ka'i gsod pa'i las kyi bsngags bstan pa'i phyir/ dz+wa la dz+wa la badz+ra hUM phaT/ ces pa yin te/ shon mu ka bskul la sngags 'di bzlos shing bzlas shang yungs nag gis brgyab pas/ gzugs kyi phung po de la 'phar spyang la sogs pa mang po stod cing za bar bsam pa'o// de nas mche ba can gyi gsod pa'i las kyi bsngags bsngags bstan pa'i phyir/ su ru su badz+ra hUM phaT ces pa yin te/ sngags 'di bzlos shing mche ba can bskul nas/ yungs nag gzugs la brgyab pas mche ba can gyi tshogs grangs med pas gzugs la stod cing za ba'o// de nas yang gi shog pa can gyi gsod pa'i las kyi bsngags bstan pa'i phyir/ mu ru mu ru badz+ra hUM phaT ces pa yin te/ bskul la sngags 'di bzlos shing yungs nag brgyab pas gzugs kyi phung po de la gshog pa can gyi tsho gas rtod cing za bar bsam mo// de nas yang dpal lha mo dbang gi gsod pa las kyi bsngags bstan pa'i phyir/ kA ta ka te zhes pa yin te/ dpal lha mo dbang bskur la sngags bzlos shing yungs nag gi brgyab pas gzugs kyi phung po de la tho ba'i char phab par bsam mo// de nas yang lha mo dbang gi gsong po las kyi bsngags bstan pa'i phyir/ dza ya bi dza ye zhes gsungs pa yin te/ lha mo dbang bskur la sngags bzlas shing yungs nag gi brgyab pas gzugs kyi phung po de yang lhag pa 'i dum bu dum bur gyur par bsam mo// de nas yang klu mo dbang gis bsod pa las kyi sngags bstan pa'i phyir/ a tsin te/ e pa ra tsa ta ma ra sa na zhes pa yin te/ klu mo dbang dbang bskur la bsngags 'di bzlos shing yungs nag gis 'phangs pas gzugs kyi phung po de lhag par yang thal bar 'gyur bar bsam mo// de nas yang legs mo dbang gis gsod pa las kyi sngags bsten pa'i phyir/ pra mar ta na ya hUM phaT ces pa yin te/ legs mo dbang bskur la sngags 'di bzlas shing yungs nag gis brgyab pas gzugs kyi phung po de lhag par chu srin byed pas gnyis par bsam mo// des kyang bstan pa'i las su 'gyur zhes bya ba ni phur pa btab pa'i las kyis bsgril nas/ de'i ting la khrag dang yungs nag dang / las kyi lha'i sgrol sngags kyis brgyab pas lhag par yang gsod pa'i las te brten par 'gyur ro// de nas yang gzugs de gdab par bya ba'i phyir/ de nas sras mchog bskul bar bya zhes pa la sogs pa gsungs te/ de nas sras mchog bskul bar bya ba ni/ sras mchog sprul pa bskul bar bya ba yin te/ bdag nyid dkyil 'khor gyi lha 'khor dang bcas pa'i thugs ka/ nas/ khro bo mang po 'phros te/ de rnams kyi lag na ral gri dang dgra sta dang / 'khor lo dang be can la sogs pa'i ma tshon cha gdug pa mang po thogs te lus dum bu dum bur btub par bya ba'i phyir/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// glad pa tshal pa rgya ru khos// zhe pa gsungs te/ rdo rje gzhon nu'i gsang ba'i bka' las ni mi dge bcu byed pa'i sdig can dang / mtshams med lnga byed pa'i pha gsod po dang / ma gsod pa dang / rnal 'byor gyi sku la 'tshang 'dod pa dang / gtsug lag khang gi sku 'khor la sku ba dang / mthun pa'i bar du dbyen 'jug pa la sogs pa'i las byed cing thugs rje spyang thag chad cing ngan gsum du skye nges pa'i sdig can gang zhig 'da' bar byed pa dang / bcom ldan 'das dpal rdo rje ge zhon nu 'khor dang bcas pa rnams kyi ye shes kyi stobs dang / dbyings kyi don chen po dang ldan pa'i khro bo chen po las nyon mongs pa'i bag chags sbyangs shing ma rig pa'i rgya mo dral ba'i phyir ye shes lnga'i mtshon cha'i char phab nas klad pa tshal ba brgya ru bkras pa dang / lus dum bu stong du btubs shig pa'o// nyon cig bgegs dang log 'dren rnams// rdo rje bka' las 'da' ma byed ces bya ba ni/ rdo rje gzhon nu'i byin gyis brlabs kyis las dang nyon mongs pa'i bag chags byang nas chos thos pa'i skal ba dang ldan pa'i phyir/ rna ba'i dbang pos nyon cig dge ba dang srog gi bar du gcod pa'i bgegs dang / sku gsung thugs kyi dngos grub bsgrub pa la rnam par 'tshe bar byed cing log par 'dren pa'i dgra bo'i tshogs rnams bcom ldan rdo rje gzhon nu nga'i bka' la 'da' bar ma byed cig ces brjod cing / rnal 'byor pa bdag nyid kyis kyang phyag tu ra la gri thogs nas sngags 'di brjod cing btub bo// hUM ma me ba shi ku ru ma taM dz+nyA na ka ra i de na da ma ma ka re me shri kr-i rI swA hA/ zhes pa nr-i ma mo rnams kyi gdug pa'i sngags te/ sngags 'di brjod cing ling ga dum bu dum bur btub par bya'o// de nas yang stong grogs byed pa'i lho dang dpral ba bstan pa'i phyir/ de nas dbye ba rgyun gyi ting nge 'dzin 'di gsungs so// zhes pa la sogs pa bsten te/ gsung ngo zhes bya ba ni 'og ma 'di'o// gdug cing sdang sems ldan pa yi// lha 'am 'on te bdud kyang rung // de yi mthu dpung byed pa rnams// mthu dang rdzu 'phrul med par mdzod ces bya ba ni/ log par lta ba'i sems can de'i lus kyi sgo dang ngag gi sgo nas gdug cing yid kyi sgo nas/ zhe sdang gi sems byed pa'i gdug pa can gyi tshogs tshangs pa dang / brgya byin dbang phyug chen mo ma hA de ba dang khyab 'jug chen po dang / srin po lang ka mgrin bcu la sogs pa'i 'jig rten pa'i bdud dam 'on te lha yang rung ba 'am/ 'jig rten 'di na mthu che ba ston pa su yang rung ba/ sgrub pa po bka' gzhung bzhin du byed pa'i rnal 'byer pa nga la bar chad byed pa'i dgra bgegs rnams/ gzhan la gnod pa byed pa de'i mthu dpung byed pa rnams kyi pha rol pos nyams su blang du mi 'dod pa'i rdzu 'phrul ston pa de gnyis med par gyis shig ces pa ste/ ta sa ra rdi na zhes pa dang sbyar ro// rdzu 'phrul dbrog pa'i snying po ni/ tad+ya thA hUM phaT ces pa yin te/ sngags 'di brjod cing gong du gsungs pa'i bdug pas badrug pa'o// de nas yang hUM ka ra'i gsod pa las kyi sngags bstan pa'i phyir/ sarba ma na ya badz+ra hUM phaT ces pa yin te/ hUM ka ra'i cha las byung ba'i phur pa blangs te dril te/ sngags 'di brjod cing tshangs pa'i bu gar gdab pas lus mgo mjug bcu dang bral zhes yang dag pa'i ye shes su byas so// de nas yang btubs pa'i phung po btung ba'i phyir ro// de nas btung ba rgyun gyi ting nge 'dzin 'di gsungs so// zhes pa la sogs pa bstan te/ gsung zhes bya ba ni 'og ma 'di'o// khro mo rnams kyi dkyil 'khor du zhes bya ba ni/ khro mo rnams kyi mkha' gru ga sum pa'i nang du'o// rdo rje tho ba bsgom bya zhing zhes bya ba ni rdo rje tho ba ni thabs kyi gsang ba'i rdo rje'o// dngos por gyur pa'i gnas chen kun zhes bya ba ni btub pa'i dngos po ma lus pa kun/ rdul phran bzhin du brdung bar bya zhes gsungs pa ste/ rdo rje tshig gos bskul bar bya ba ni/ 'og nas 'byung ba 'di'o// rdungs shig rdo rje 'bar ba'i gtun zhes bya ba ni nyon mongs pa'i sgrib pa mang po 'byongs par yod pa de sbyangs shing bag tshogs kyi phung po bshig pa'i phyir/ gang yin pa'i phung po de/ rdo rje tho bas brdungs shing / ye shes kyi rdo rje de la'o// 'bar ba dang khro mo'i dbyings la 'od 'bar ba'i gtun du/ brdung bar bya ba ni dus gsum gyi bde bar gshegs pa'i bka' las 'da' bar byed cing lus ngag yid gsum gyis mi dge ba byed pa'i sdig can rnams yang dag po'i gsang ba'i rdo rje las byung ba'i me dpal dang ches pa'i rdo rje gzas pa po gang yin pa'i gdug pa'i snying bsregs nas rnam par rtog pas rtags pa'i sgyu ma'i lus ngag rdul phran bzhin du/ brdungs shig pa'o// 'on te gang du brdung zhe na/ de bstan pa'i phyir/ khro mo 'bar ba'i gtun khung du// rdo rje tho bas brdung byas te/ zhes bya ba gsungs te/ khro mo khams gsum gyi gtun du/ thabs khro bo gsang ba'i rdo rje tho bas brdung bar byas nas/ lha yang rung ste brlag par bya zhes gsungs te/ 'jig rten gyi lha tshangs pa dang rgya byin la sogs pa yang brlag par 'gyur na/ gzhan sems can lta smos ci dgos te brlag par 'gyur ro// zhes pa 'di brdung bar byed pa'i snying po ni 'di yin te/ kha thi kha thaM kha thaM hUM hUM hUM phaT phaT phaT ces gsungs te/ sngags de yang gsum gdebs su byas nas bzlas shing / rnal 'byor pas dngos su yang gtun gru gsum du tho bas brdung bar bya ba'o// de nas yang brdung ba'i lhag rol de khro mo rnams kyi zhal du bsgrubs pa bstan pa'i phyir bstabs pa rgyun gyi ting nge 'dzin 'di gsungs so// zhes bya ba la sogs pa bstan te/ rdo rje khro bo 'bar ba dang / zhes bya ba ni/ rdo rje ni yang dag pa'i rdo rje ste/ stong pa nyid kyi ye shes so// de las byung ba'i khro bo ni rdo bcom ldan 'das dpal rdo rje gzhon nu'i sku la 'od 'bor ba ste/ de'i zhal du bstabs pa'o// rdo rje za byed srin mo dang zhes bya ba ni/ bcom ldan 'das dpal rdo rje gzhon nu'i byin brlabs las byung ba'o// khro bo rab tu rngam pa'i mi bzad pa mche ba gtsigs pa log par lta ba za bar byed pa de'i zhal du stabs par bya ba ste/ de yang khro mo dang za byed pho nya bcu sprul pa dang lham dral rnams la bstab par bya'o// rdo rje gnod sbyin zhal gdangs par zhes bya ba ni/ gnyis med pa'i ye shes las ma g.yos pa ni rdo rje ste/ de las 'byung ba'i bdag nyid chen mo dang / sa bdag chen mo la sogs pa'i zhal du bstabs pa'o// mtshan ma'i dngos po bstims par bsgom zhes bya ba ni/ mtshon gyis gtubs pa'i dum bu mtshun mar snang ba'i dngos po de khro bo dang khro mo dang 'phra men ma'i bdag nyid chen mo'i zhal du bstabs pas/ de rnams kyis thim par gsol bar bsam mo// de yang zhal du bstabs pa'i duswA su/ rdo rje tshig 'og nis 'byung ba 'dis bskul bar bya ste/ nam mkha'i khro mo'i zhal gdangs su/ zhes bya ba ni/ chos nyid ma bcos pa'i don gyis ngo bo de ni nam mkha' ste/ de las byung ba'i khro bi mi bzad pa zhal gdangs pa ru khams gsum gyi sems can nyon mongs pa lnga yis bcings nas ngan song gsum du 'khor ba de thugs rje chen po'i byin gyis brlabs kyis/ thang cig yud tsam la 'gro ba kun zhal du 'phra men ma ngas bstabs pas/ khro bo rol pa'i tshogs khyod kyi zhal du yud tsam la btims par mdzod cig pa'o// de nas zhal du 'khor ba mtha' dag gsol ba'i gting la/ dgyes nas dkyil 'khor du bcas pa dus gcig tu bzhad pa de'i phyir/ rol pas dgyes pa'i gad rgyangs sgrogs zhes gsungs pa yin no// sdus shing sregs la myur du zo bya ba ni/ khams gsum gyi 'khor ba ma lus par sdus shig/ 'od zer gyi bsregs la myur du za'o// zhes pa ste/ stabs par bya ba'i bsngags ni 'di yin te/ bI da yi'i sngags brjod pa'i rjes l-I badz+ra kro ta yag sha rag sha kro ta khA hi khA hi/ zhes pas zhal du gsol nas/ gsol ba'i gting la dgyes pa'i gad mo 'di yin te/ ha ho hau zhes gzhed nas/ de nas gnas phyi mo dang phreng ba'i phyir/ hUM hUM hUM zhes pas rnam par shes pa hUM du bsdus nas lte ba'i dbus su ye shes kyi me shu nas phaT phaT phaT ces pas yum gyi pad+ma la spros pas yum gyi pad+ma dA ni gnas phyi mo ste/ de ni gnas phyi mo dang phra bi 'o// de'i gnas su bcom ldan 'das rdo rje 'dzin+da par bskyed de/ de la dbang tshang bar bskur nas 'jig rten gyi kham su sems can gyi don la btang ngo // de ni las bya ba la 'bras bu yod pa zhes bya ste/ sangs rgyas kyi sras so// de ltar byas pa'i gnas kyi man ngag ste/ las ma grub bar du bye ba ma yin no// byas na skyon ci yod ce na/ byang chub sems kyi 'khor la dbang bskur bas/ rnal 'byor dam pa yin pa'i gral du 'gro bas rnal 'byor pa nyid dam tshig nyams pa dang / las mi 'grub pa'i skyon yod do// 'grub nges pa dang granas kyi man ngag de ltar las mthar phyin par bya ba'o// de nas yang de ltar ma yin nas phung po lhag rol de sreg pa zhig yin na/ hom gyi lasna bstan pa'i phyir de nas/ bsreg pa rgyun gyi ting nge 'dzin 'di gsungs so// zhes pa la sogs pa bstan te/ 'di gsungs so// zhes pa mi bsreg par bya ba'i don ston pa'i zhal nas 'og nas 'byung ba 'di gsungs so// klong yangs 'khyil po'i hom khung du/ zhes bya ba ni/ chos kyi dbyings dang mnyam pa'i hom khung du/ chos 'byung ba'i phyag rgya ste/ dbyings rnam par dag pa'i ngang du 'khyil pa'i hom khung du/ 'bar ba rab tu 'khrug pa gdug pa can gyi me sbar te/ bskyed pa me lho dang ye shes dang dbyer med par byis pa'i 'bar ba'i mo dpung gi dngos por 'gyur ba gzugs dum bya rnams ye shes mo'i nang du sreg par bya ste/ rdo rje tshig tu bsgral bar bya ba ni/ 'og nas 'byung ba 'di'o// raM me dpung 'bar ba'i klong dkyil du/ mtshan mar gyur pa'i dngos po 'di// bsreg pas dngos po kun brlag ste/ slar mi ldog par bsreg par 'gyur zhes gsungs te/ raM zhes pa ni dang po'i me lha'i sa bon no// de la yang sku yongs su rdzogs pa'i dus na/ sku las 'od 'bar bas me dpung 'bar ba ste/ de lta buri mAM lha'i klong dkyil du/ brdungs pa'i phye mar snang ba'i dngos po 'di/ bsregs sam phye mar snang ba kun brlag nas slar mi ldog par bsregs pas thal bar gyur pa rtag go// me sbar bar bya ba'i sngags ni 'di yin te/ raM dz+wa la dz+wA la pa rA na hUM phaT ces pas me sbyar la/ tshar ma can gyi sreg shing gi nang du gzhug par bya'o// de nas bsregs pa'i thal ba de gtad khram bya zhing mnan par bya bar bstan pa'i phyir/ de nas mnan la rgyun gyi ting nge 'dzin gsungs so// zhes bya ba la sogs pa bstan te/ nam mkha'i rdo rje dkyil 'khor du zhes bya ba ni/ nam mkha' ni 'byung ba ste/ gru gsum du gnas pa'o// de lha 'am klu 'am gnod sbyin nam the'u rang ngam/ ma mo la sogs pa gang la 'dod pa'i gnas su chos 'byung ba dgos pa de'i nang du gzhug pa'o// de gang gzhug ce na gzas pa po de gzhug pa'o// ji ltar gzhug ce na/ gang la gtod pa'i gzhug gi rgyu bdun la gzugs byas la gzhug pa ste/ de yang re ba ni drag po'i las la shis pa yin pas de'i nang du btums la ra ro ga dang khyi dkar po'i spu la bsgril ba yi dkar nag gis bcings la/ rdo rje rgya gram gyis ni drag po'i las kyi rgya ste/ des rgyas btab la hom khung du gzhug par bya ba'o// de'i steng du g.yam pa sngon po yang rdo rje rgya g+hum bris la kha bcad la bzhag par bya ste/ rlung gi dkyil 'khor rtag par bya bya'o// de 'i steng du raM las me'i dkyil 'khor rtag par bya ba'o// de'i steng du baM las chu'i dkyil 'khor brtag go// de'i steng du suM las sa'i dkyil 'khor bskyed de'i phyir dbang chen dkyil 'khor bsgom par bya/ gsungs so// dbang chen dkyil 'khor steng du laM las ri rab zung brgyad pa shin tu brjid cing brta nu pA cig bskyed do// de'i steng du ma las nyi ma'i dkyil 'khor du gyur pa ro steng du yi ge hUM las rdo rje rgyu gram du gyur/ rdo rje rgya gram gyi lte ba la yang nyi ma'i dkyil 'khor brtag pa bya byo ste/ de'i mtha' ma yang me lce'i phreng pos bskor nas gnas pa'o// de'i phyir/ ri rab stang du rdo rje bskyed/ rgya gra mi steng du bsam be ni zhes gsungs pa yin no// nyi ma'i dkyil 'khor de'i dbus su hUM bsam hUM yongs su gyur pa las// rdo rje bsgom par bya'o// las kyi rdo rje de yongs su gyur pa las bcom ldan 'das don yod grub pa de bskyed par bya'o// bcom ldan 'das de'i 'khor na yang grangs med pa mi dpung gi nang ni bzhugs par bsgom ste/ de ltar bsgom pa des skye 'gro gdug pa can gyi las dang nyon mongs pa mnan nam/ bskal pa mtho'i bar du thar pa'i dus med par brtag pa'i phyir/ las kyi rdo rje dkyil 'khor bsgom/ skye 'gro thams cad mnan par bsam zhes gsungs so// de nas yang gnon pa'i dus de nyid du/ rdo rje tshig tu brjod pa ni/ 'og nas 'byung ba'i 'di'o// hUM las kyi rdo rje 'khor dang bcas// 'jig rten khams ni rab 'byams na// log par lta ba'i sems can rnams// skad cig yud la mnan par shog ces brjod par bya ba ste/ las kyi rdo rje'i dkyil dang 'khor dung bcas pa yis/ khams gsum gyi nyon mongs pa thams cad thad cig yung la gnon cig pa'o// de yang ri rab bskyed pa'i sngags ni 'di'o// oM badz+ra su me hUM zhes pas bskyed pa'o// las kyi rdo rje bskyed pa'i sngags 'di'o// hUM sa ma ya tI zhes pa ste/ las kyi rdo rje bskyed do// de nas ting nge 'dzin yongs su gsal zhing goms pa'i nus mthu bstan/ de'i phyir/ dkyil 'khor dag ni thams cad du// ting 'dzin dkyil 'khor mtha' yas mchog/ las su rung ba'i rnal 'byor pas// de yis mi 'grub gang yang med// mi bya ba ni gcig kyang med ces bya ba 'di gsungs te/ bstan pa'i dkyil 'khor thams cad la/ ting nge 'dzin gyi dkyil 'khor mtha' yas pa med na/ don mi 'grub ste/ rtag pa'i nang du 'gyur ro// ting nge 'dzin te dkyil 'khor de'i ngang du yang nas yang du 'dris shing sems las su rung ba'i rnal 'byor pa des las ji ltar 'dod pa bzhin du 'grub pa gang yang med de/ shrI ba dang rgyas pa dang dbang gis las dang / bskrad pa dang / gsang pa'i lhas mi bya ba ni gcig kyang med do// de nas yang ting nge 'dzin la gnas pa'i rnal 'byor pa de bde bar gshegs pa yin par bstan pa'i phyir/ ting 'dzin klong du 'dris pa yis// mi zhes bya ba bder gshegs yin// sangs rgyas zhes ni gud na med/ ces gsungs te/ ting nge 'dzin la dus rtag tu gnas shing klong du gyur pa'i mi de ni bde bar gshegs pa nyid yin te/ de ci'i phyir zhe na/ bde ba'i gnas ni chos kyi dbyings spros pa dang bral ba yin la/ ting nge 'dzin ni gnyis su med pa'i ye shes te/ de la gnas pa ni spros pa dang bral ba'i ye shes kyi rgyu las bzhugs pa de'i phyir bde bar gshegs pa'o// de ltar gnyis su myong pa'i shes pa de la gnas shing gnas pas/ dus nam zhig na spros pa dang bral ba mngon du rtogs par 'gyur te/ de'i dus na nyon mongs pa thams cad ni/ ye shes kyi ngo bor gyur/ sangs rgyas kyi che ba'i yon tan ni yongs su rgyas pa de nyid la/ sangs rgyas zhes ni glud na med ces ston pa dpal kun tu bzang pos gsungs so// de ni don dam pa'i bden pa'o// // rgyun gyi ting nge 'dzin rim par phye bas so sor bstan pa'i le'u la ni/ rgyun gyi ting nge 'dzin rim bar phye ba'i le'u'o// // bdud rtsi'i thigs pa zhes bya ba rgya cher bshad pa las/ don dam pa'i bden pa dang / kun rdzob kyi bden pa gnyis kyi bshad pa'i le'u ste/ bcu pa'o// // de nas rgyun gyi ting nge 'dzin la sogs pa gsungs kyang / 'phrin las bzhi'i bye brag 'di ma bstan na/ sems can gyi don mi 'grub pas de bstan pa'i phyir/ de nas bcom ldan 'das gsang ba mchog gi bdag po des/ lhun gyis grub pa'i 'phrin las kyi rnam par sbyong ba 'di gsungs so// zhes pa ste/ gsungs pa'i don ni 'og nas 'byung ba 'di/ kun tu sna tshogs las kyi rnams zhes bya ba ni/ zhi ba bsgrub pa ste/ sangs rgyas 'khor lo can gyi bsgrub pa'i gzhung gang yin pa bsgrubs zhi ba'i las bya ba dang / rin po che'i bsgrub pa byas la/ rgyas pa'i las bya ba dang / pad+ma'i las bya ba dang dbang gi las bya ba dang / gdon mi zi'i bsgrub pa byas la drag po'i las bya ba dang / kun tu sna tshogs rnal 'byor gyis zhes bya ba ni/ kun tu sna tshogs kyi dkyil 'khor spyi'i kha dog ji lta ba bzhin du/ ting nge 'dzin du bdag gnas nas/ se mas can gyi don du zhi ba dang dbang dang mngon spyod la sogs pa sna tshogs kyis sems can gyi don byi'o// de ltar spyi'i tshig bstan nas/ 'di nas mar ni 'phrin las so so'i gzhung bstan te/ sngon le phyi dang nang du snang ba'i rnam par rtog pa sbyang zhing zhi bar bya ba'i phyir/ zhi ba'i las ston las bstan pa'i phyir/ 'jig rten khams ni rab 'byams na zhes pa la sogs pa bstan te/ 'jig rten khams gsum gyi sems can rab tu rmugs shing yid thim par yod po dang gal te pha rol gnod pa byed pa cing yid rmugs par byed pa'i sems can la/ de gsal bar bya ba'i phyir/ sna tshogs las kyis zhi ba sbyar ba bya'o// de yang ji ltar zhe na/ bkra shis dben pa'i gnas dag tu zhes bya ba ni/ le'u gsum las gsungs po'i sangs rgyas 'khor lo can gyi gnas gang yin do ru bsgrub par bya'o// bkra shis mtshan ldan yum mchog gzungs zhes bya ba ni/ dang po bsgrub pa'i dus su bkra shis pa'i yumA ni sha dkar la srab pa rkang pa phral/ mig da kyus ring la smin ma bar ma chad pa sor mo 'phra la ring bA/ smad zhas pa ring thung gnyis spangs pa'i yum mchog de/ gzung bar bya ba'o// las kyi dus su ni g.yon phyogs su bzhag pa las brtsom par bya'o// rnam snang mdzad kyi rnal 'byor ram/ mi bskyod phyag rgyar bdag gnas la zhes bya ba ni/ rnam par snang mdzad kyi dkyil 'khor gsal bar bsgrub po 'am/ yang na mi bskyod pa'i dkyil 'khor bsgrubs la/ 'od zer dkar po bdud rtsi'i// rgyun 'bab cing sems can gang yin pa la snyims pas/ de'i bag chags ngan pa byang nas so so'i las gang yin pa de gsal bar 'gyur ro dkar la zlum pa'i dkyil 'khor la zhes bya ni/ zhi ba'i thub khung ni kha dog dkar por byug pa'o// dbyibs ni zlum po'o// che chung nIni khru gang du bya ba'o// zabs su ni khru phyed brko ba'o// kha khyer sor bzhi bskor byar bya ste/ dbus kyi kha khyer la/ rdo rje 'od 'phro bas brgyan/ zhes bya ba ste/ rdo rje ra ba gtong bar bya'o// de'i phyi rol gyi rgya sor bzhi yod pa la dpangs su sor cig yod pa'i cha ga de la 'khor los bskor bar bya'o// de ni mi thab bca' thabs so// de nas yang phur pa dgod pa'i rim pa ni/ zhi ba'i phur pa gzhung ngu byed na/ lha'i mtshan nyid kun kyang sku mdog dkar po zhal gcig phyug gnyis pa bsgrub pa'i dus su bsnyen phur yang dkar po la bya ba ste/ de bstan pa'i phyir/ rin chen kha dog dkar po'o// dkor po'i shing las byas pa'i zhes pa ni/ rin chen kha dog dkar po ni dngul la byas pa ste/ de la phur pa bya ba 'am yang na de med na 'o ma can gyi shing dkar po la bya ste/ de la phur pa byas la 'od zer yang dkar por spro bar bya ba'o// daM ni bsgrub pa'i dus su ni phur pa zlum po drug gdab ste/ zhes bya ba ni/ sras phur pa zlum po'i rtse mo zlum po drug gdab ste las bya'o// gang du gdab ce na/ bde bar gshegs pa'i sgo drug tu'o// der btab pas cir 'gyur zhe na/ phur pa'i 'ad zer dkar po yis bde ba chen po'i sgo dru ga nas zhugs nas/ sems can gyi nyon mongs pas 'thibs nas rmugs pa de dang / nad pa la sogs pa nad rnam pa mang po gang yin pa dang / sems can gdug pa can yin na sems la gdug pa'i zhe sdang yod pa de/ ye shes kyi chus bkrus nas/ yang dag pa'i shes pa dang ldan par byas pa'o// de ni las kyi/ dus su sbyar ba'o// de nas me lha bskyed pa'i rim pa ston pa te/ de la yang gnyis las thab khung nyid gzhal yas khang du byas nas/ 'jig rten pa'i me de m+me lha'i skur bskyed nas/ de la rang bzhin grub pa'i gnas ni sa ye shes kyi me la sman dngos te bstims nas/ mchod pa phul nas zhi ba'i las bcol lo// ye shes kyi me lho gshegs su gsol la/ dam tshig gi maM lha'i thugs kar zhi ba'i la gnyis kyi gzhung gang yin pa bskyed de/ de la ye shes kyi dkyil 'khor spyan drangs la bstim pa'i phyir/ zhi ba'i lha tshogs spyan yang drangs zhes gsungs so// yang thab khung gong ma 'dra bar gzhal yas su byas la de'i nang du dam tshig sems dpa'i dkyil 'khor gzhung gnyis gang yin pa bskyed pa la/ lha rnams kyi zhal nyid 'jig rten pa'i me yin par bsams la/ de ni me lha zhal du bya ba yin tu de las ye shes kyi dkyil 'khor spyan drangs te/ bstim la mchod pa dbul bar bya'o// snying rje byams pa'i mchod sbyin bya zhes bya ba ni/ khams gsum gyi sems can rmugs pa la sogs pa la snying rje bskyed de/ de la byams pas mchod pa bye ba dang / mi dge bcu spangs nas dge ba bcu la gnas pa'i phyogs skyong bcu la las bcol ba'i phyir/ bsreg rdzas sbyin par bya'o// yam shing dkar la sbyar ba'i me zhes bya ba ni/ yaum shing gi rim pa ston te/ rlon la sbram dang bcas rtse mo cha las byung ba chur mdzub gang yod po/ sbams su chag pa gang yod pa/ mngar zhing 'o ma yod pa'i shing la bya'o// shing de ma gas mi 'khyog pa 'bus ma zos pa la bya'o// 'o na gas pa la sogs pa la byung na skyon ci yod ce na/ yod de gas par gyur nA sha klu can du skye ba dang / yon por song na dbang po mu tshang bar skye ba dang / 'bus zos na yon lag ma tshang bar skye bso skyon yod pas/ gzabs la legs par bya'o// 'on te 'khyogs pa las ma rnyed pa zhig yin na/ bdud rtsi 'khyil ba'i sngags kyis byin gyis brlabs la bya'o// dkor la sbar ba me zhes pa ni dngul laM dkar po'i gnod sbar par shing dkar po legs mo blugs btsugs pa 'am/ dkon pa'i gnas nas me blangs la/ shong ba'i shing nang du blugs la gong+ga du gsungs pa'i sngags kyis me sbyar bar bya ste/ rlung yab kyis bud par bya'o// de ltar me legs par sbyar nas bud shing gi nang du me blugs par bya'o// dkar la mngar ba'i rdzas rnams kyis/ zhi ba'i tshul du sbyin sreg bya/ zhes bya ba ni/ zhi bau la sngon la mAr dbul bar bya ba yin te/ oM badz+ra kI li kI lA ya shan ting ku ru swA hA/ zhes dbul bar bya'o// gzhung gcig tu bya ba yin na/ oM na ma sa man+ta bud+d+ha naM ru ru pu ru dz+wa la nri tI ta lo tsha ni sarba a to ne ye shan+tiM ku ru swA hA/ zlos pas mar dbul bar bya ba yin te/ gzhung gnyis so// oM sarba saM ba di swA hA zho zan gyi'o// oM sarba ga ga dA ha ni badz+ra ya swA hA/ zhes pa ni til lo// oM badz+ra A yu she swA hA/ zhes pa ni ngur ba'i 'o/ oM badz+ra pu sha ye swA hA/ zhes pa ni 'bras so ba'i 'o// oM pra ti ha nA ya badz+ra swA hA/ zhes pa ni ku sha dbul ba'o// oM badz+ra bi dza ya swA hA/ 'bras lag par dbul ba'o// oM ma hi bi ga ya swA hA zhes pa nas chan no// oM ma ha pe li swA hA zhes pas 'bras can no// oM kas ma ri swA hA gr-i can no// oM badz+ra a dz+nyA pra da ya sha na ga ya swA hA ya mi shi gi'o// rdzas rnams thams cad g.yas su dgram/ mchod rdzas rnams ni g.yon du'o// rdzas dang mchod rdzas kun la mngar gsum blugs par bya'o// kha dog kun kyang dkar por byug/ dngul phye 'bras can dkar po la gtor ma byas te sbyin par bya'o/ zhes bya ba ni/ dngul phye dang 'bras can drang 'o ma mar kar la gtor ma byas te las gyi lha la byin la las bcol te/ bsgrub pa'i dus su yang ngo // baM gyi tshogs kyi dkyil 'khor du// gti mug las kyis 'chal ba rnams zhi bos gyur par dbyings su rol zhes bya ba ni/ ba~M ni zlum por ste zlum por byas pa'i dkyil 'khor du zhi ba'i lha tshegs spyan drangs shing / mchod pa phul zhing lo ser gyis// gti mug las kyis 'chal ba rnams/ bsal zhing sbyangs pas rmugs pa la so gas pa'i sems can nyon mongs pa'i sbyangs shing / zhi bar gyur po yang dag pa'i don rtogs shing rnam par rtog pa med par 'gyur ro// de ni zhi ba'i 'bras bu ste don dam pa'i bden pa'o// yam shing la sogs pa ni kun rdzob kyi bden pa'o// don dam pa'i 'bras bu skye ba mi slu ba'i bden pa'o// de ni zhi ba'i las so// de nas rgyas pa'i las bstan pa'i phyir 'jig rten khams ni rab 'byams na/ zhes pa la sogs pa bstan te/ 'jig rten khams ni khams gsum gyi sems can log 'phongs par gyur pa gnyis yod pa las/ chos 'phongs pa dang zas nor gyis 'phongs pa'o// chos 'phyongs pa la gnyis rang gi chos 'phongs pa dang bu tshwa'i chos 'phongs pa'o// de ltar 'phongs pa yod pa de la ni 'phongs par 'gyur ba'i 'gro gang la zhes pa gsungs pa yin te/ de lta bu'i ched du/ sna tshogs las kyis rgyas par sbyar byar bya ba yin te/ de yang gang du bya zhe na/ tsan dan nags tshal me tog dang / nyams dga' skyed mo tshal du zhes bya ba ni/ tsan dan gyi nags tshal de dri zhim po sna tshogs pa yod pa'i gnas sam/ me tog dri zhim po yod pa'i gnas sam/ nyams dga' zhing skyed mos tshal mang po yod pa'i gonas su bya'o// gnas kyi dam pa der lhag phran ma yum mchog gzungs/ zhes bya ba ni/ lho bcu drug ma'i yum mchog gzung la bsgrub par bya'o// las kyi duso+o su ni g.yon du gzhag par bya'o// rin chen sems dpar bdag gnas bai ra/ zhes bya ba naM/ rin chen snyoms ma'i dokyil 'khor gsil bar brtag cing rgyas po'i lhas bsgrub por bya'o// de yang 'od zer yang ser po 'phros pa tshe'i gnas su bstim pa dang / nor zas la sogs so// sa'i gnas su bstim par bya'o// ser po gru bzhi dkyil 'khor la zhes bya ba ni/ me thab bya ba bstan/ t+ye kha dog ser por byug+h+ra/ khru do gru bzhi pa ste khru gang zabs su brko ba'o// brkos pa'i sa las 'phang sor bzhir bskyed la/ kha khyerar+ya sor bzhi par bya'o// zheng dang dpangs gnyis kyi sor bzhi bzhir bya'o// rin chen chu skyes dag gis brgyan zhes bya ba ni/ dbus kyi kha khyer la rin po che gtang byar bya'o// nang du pad+ma'i 'brus bu'o// phyi rol gyi sor bzhi pad+mas bskor bar bya'o// slob dpon kha cig gI gzhung nas brgyad par byed pa yin la/ dbus kyi kha khyer la rdo rje ra ba gtang bar bya ba yin na/ phyi rol sor bzhi la yang 'khor lo'i 'phreng ba btang bar bya ba yin zhes gsungs te/ de las kyi bye brag gis brgyan bya yin no// de nas yang las gnyis pa'i gzhung bstan pa'i phyir/ rin chen kha dog sor po 'am zhes bya ba ni/ rin po che gser te de la phur pa'i rgyu byas te/ bsgrub pa'i dus su lha rnams kyang kha dog ser por bya ba yin no// 'od zer yang ser por spros la de las gang yin pa de bya ba yi/ ser po'i las byas pa'i phur pa zur bzhi pa bzhi btab ste zhes bya ba ni las kyi dus su ni bya ba ste/ sras phur pa'i shing las byung ba bzhin ni cha las 'byung ba ste/ bde ba chen po'i gnas kyi sgo bzhir btab pas/ phur pa las 'od ser po 'phros de'i tshe'i gnas gang yin pa de ru zla ba dang nyi ma ga bur gnas pa'i nang du tshe bsti ma zhing bstan par byas shing rgyas par lta'o// spyod pa rgyas par 'dod na phur pa la 'od 'phros pas 'jig rten gyi khams khongs pa'i nor phyugs kun bkug cing rang rang gi gnas kyi nor phyugs la bstam te/ phur pa yang khang pa'i phyogs bzhir gdab bo// bu tsha 'phel bar 'dod na phur pa las 'od 'phros pa las tshangs rigs man ni gdab kyi pho'i mtshan can thams cad 'gugs te/ pho'i skye gnas la bstims pa bu tsha 'phel bar 'dod do// rgyas pa'i lha tshogs spyan drangs zhes bya ba ni/ ye shes kyi dkyil 'khor spyan drangs pa'i rim pa ste/ tshogs kyi dkyil 'khor gyi rim pa dang / dmo tshig gi me lhu da pa'i gzhung gnyis ka gong du gsungs pa'o// las kha dog ser por yod pa'o// de nas ye shes kyi me lha dang / ye shes kyi dkyil 'khor spyan drangs la bstim la mchod pa phul la/ de'i rjes la dong ba'i sems kyis mchod de/ dkyil 'khor gyi lha la'o// sbyin zhes bya ba ni/ phyogs skyong la sbyin par byas nas rgyas pa'i las bcol ba'o// ser po'i shing las sbyar ba'i me zhes bya ba ni/ ser po'i shing la yam shing la bya ba yin te/ gru bzhi pa chur khru gang pa sbom du chog pa gang yod po dbus kyi cha las byung ba'o// me sbar ba'i me zhes bya ba ni gser ram ser po'i shing snod sar por ser po'i shing legs mo blangs la/ shar rgyal po'i khyim nas me blangs te sbar bar bya ba'i me de bud shing gi nang du blugs par bya'o// khu ba'i ro ldan ser po'i rdzas rgyas pa'i tshul du sbyin bsreg bya zhes bya ba ni/ ro khyang pa yod pa kha dog rdzas thams cad ser por byas pa'o// rgyas pa'i tshul du sbyin bsreg bya zhes bya ba ni/ rgyas pa'i sna dra ba'i ni zho'i sa drangs la lhag ma rnams ni rom bzhin du dbul ba'o// sngags ni oM badz+ra kI li kI la ya bA b+h+yAM swa che ge mo rgyas par gyur cig ha thams cad ces pos dbul lo// gzhung gcig gi oM ni ma sa man ta bud+d+ha nan bA b+h+yAM swa che ge mo rgyas par gyur cig ces dbul te/ rjes lhag ma rnams ni gong du ji ltar gsungs pa'i rim pas dbul bar bya'o// de nas gtor ma bya ba'i rgyu bstan pa'i phyir/ gser phye 'bru rnams ser po la gtor ma byas te rgyas par bya zhes bya ba ni/ bsgrub pa'i dus su bya ba ste/ gse kyi drung 'bru las byas pa'i gtor ma byas pa thams cad kha dog ser por byas la/ gtor ma de las kyi lha la bsngo ste/ byin la rgyas pa'i lus bcol lo// de nas yang dkyil 'khor du ji ltar bya ba bstan pa'i phyir/ ma mo'i tshogs kyi dkyil 'khor du// nga rgyal las kyis 'tshol ba rnams/ rgyas par gyur par gdon mi za zhes gsungs so// ma ni gru bzhi ste de'i dkyil 'khor du rgyas pa'i lha tshogs gzhung gnyis pa'i lha rnams gsal bar bsgom zhing / rgyas pa'i don gang yin pa bsgrub na 'grub pa dang nga rgyal gyis 'tshal ba'i sems can rnams kyi 'dod pa rgyas par gyur te/ bsam pa rangs nas yang dag pa'i dbyings su rol bar gyur to// dbyings las ma g.yos par te yang dag pa'i dbyings su gnyis med pa'i ye shes kyi rol pa ste/ bden pa gnyis su shes par bya ba ste/ rgyas pa'i las so// de nas yong dbang gi las bstan pa'i phyir/ 'jig rten khams ni thams cad kun zhes pa la sogs pas bstan te/ 'jig rten gyi khams 'di na gang dang gang la chags par 'gyur pa'i sems can de'i don du/ dbang du bya ba 'di sbyar bar bya'o gsungs so// de nas gang du bya zhe na/ de bstan pa'i phyir/ zla mtshani can gyi chu gling du zhes gsungs te/ star bu g.yon pa 'am/ srub ma'i 'bras bu yod pa'i chu klung du bsgrub par bya ba yon te/ gong du bsgrub ce na/ stod cig ma'i gzungs ma gzungs zhes gsungs te/ stong cig ma ni zhes bya ba ni/ rabs chad mr-i dA dbang du bya ba'i sku mchog du shis pas/ de dang grogs la bsgrub par bya ba'o// las kyi dus su ni g.yon du gzhag par bya ba yin/ snang ba mtha' yas pa'i dkyil 'khor bsgom par bstan pa'i phyir/ snang ba mtha' yas rnal 'byor raM zhes bya ba gsungs te/ snang ba mtha' yas kyi dkyil 'khor gsal bar bsgoms la// bsgrubs te 'od zer 'phyo zhing gang yin pa'i las bya ba'o// gzhung gnyis pa bstan pa'i phyir rdo rje ltar ni rnam por bsgom zhes gsungs te/ dbang gi sgrub pa byed pa'i dus su dbus kyi gtso bo ni rta ste der mgo gang yin pa ru bcom ldan 'das nyid bzhugs pa ste/ de'i dkyil 'khor gyi lha rnams kyi sku mdog dang kun dmar por bya ba ste/ 'od zer yang dmar por 'phros shing gang yin pa dbang du bya ba'o// de nas yang dbang gi me thab bstan pa'i phyir/ zla gam dmar po'i dkyil 'khor la/ 'od zer 'phro ba mda' gezhu brgyan zhes gsungs pa yin te/ de dbang gi thab khung ni dbyibs zla gam du 'dug pa ste/ zla gam gyi mkha' la sor nyi shu yod pa/ rgyab la sor bzhi bcu yod pa'o// zabs su sor bcu bskor ba bya ste/ kha dog ni dmar po'i/ kha khyer ni sor gsum gtang zhes pa dang / dpangs su saur gsum mo// dbus kyi kha khyer laM mda' gzhu dang lcags las shin tu 'od zer 'phros par brgyan par bya'o// de'i phyi rol gyi sor gsum la zhags pas brgyan par bya'o// zangs la sogs pa'i rin chen nam/ dmar ba'i shing los byas pa'i zhes bya ba ni/ gzhung gnyis pa bsgrub pa'i dus su zangs sam dmar po'i shing las byas pa'i bsnyen phur la 'od du 'phro ba'i 'od zer dmar pos spro zhing / las gang dbang du bya ba de 'dus par bsam mo// las kyi dus su ni phur pa zla gam lnga btab ste/ dmar po rgyud las byas pa'i phur pa rtse mo zla gam du 'dug pa rim pa lnga'i cha las byung ba'i phur pa de gang dbang du 'dod pa'i gnas lnga ru gtugs shing btab pas/ gang gi gnas lnga nas bskul te dbang du 'gyur ro// de nas yang ye shes kyi dkyil 'khor spyan drangs pa bstan pa'i phyir/ dmar smug 'phro ba'i lha mchog rnams/ rdo rje spyugs pas spyan drangs te/ zhes bya ba gsungs te/ bskyed pa'i rim pa ni/ grong du rgyas par gsungs so// dam tshig gi me lho ni gsur pa ldir ba ral pa mchod phyir phyang ba phyag na 'gun de la sogs pa bsnams pa ste/ mdog ni las kyi bye brag dang sbyar bar bya'o// de la ye shes kyi dkyil 'khor dang ye shes kyi me ltar dmar la skrag pa'i mdangs ston pa'i sku mdog dang 'od zer 'phro ba des rdo rje sprugs pas spyan drangs te/ bstims te de la mchod par bya ste/ de yang shin tu dga' zhing chags pa'i yid kyis mchod par bya ba ste/ dkyil 'khor gyi lha la sbyin zhes bya ba ni/ phyogs skyong bkug la bsrege rdzas byin la las bcol ba'o// de nas yam shing dang me sbar ba'i rim pa bstan pa'i phyir/ dmar po'i shing las sbar ba'i me zhes gsungs te/ dmar po'i shing las zhes bya ba ni yams shing la bya ba ste/ dmar po'i shing la dbyibs zla gam du byas pa/ mchur sor lnga snyoms su tshig gang yod pa de lta bu bya ba'o// sbar ba'i me zhes bya ba ni zangs gzhong sar pa'i nang du dmar ba'i shing legs par brdzangs la chos ma'i khyim nos me blangs te/ sbar ba'i me de bud shing go nang du blugs par bya'o// de nas yong rdzas dbul ba'i rim po bstan pa'i phyir/ sbyar zhing dmar ba'i rdzas rnams kyis// dbang gi tshul du sbyin sreg bya zhes gsungs te/ rdzas kun kyang kha dog dmar por bsgyur zhing / yung baM las na drangs la dbul bar bya ste/ dbul ba'i sngags ni 'di'o// oM badz+ra kI li kI la ya pu ti hUM che ge mo dbang du 'dus par gyur cig hUM zhes pas dbul lo// gzhung gong ma'i sngags ni oM na ma sa man+ta bu ta nan pu ti hUM che ge mo dbang du 'dus par gyur cig hUM zhes pas dbul lo// gzhan gong du bstan pa'o// de nas yang gtor mi'i rgyu bstan pa'i phyir/ zangs phye 'bru rnams dmar po la/ gtor ma bya ste dbang du bsdu ba'o// zhes bya ba gsungs te/ bsgrub pa'i dus su zangs phye dang 'bru rnams la sogs pa'i gtor ma kun dmar por byas te/ las kyi lha la byin la dbang gi las 'di khyod kyis grub par gyis shig ces bsgo ba'o// gang dbang du bya ba de dbang du 'du'o// de nas yang dkyil 'khor du dzI ltar byA bya bstan pa'i phyir/ ma'i tshogs kyi dkyil 'khor du/ 'dod chags lus kyis 'chol ba rnams/ dbang du bsdus pas dbyings su rol zhes gsungs te/ ma'i dkyil 'khor ni zla gam ste/ dkyil 'khor dmar po ru// dbang gi lha rnams gsal bsgom zhing / de'i 'od zer gyis 'dod chags la dang pa'i sems can bsdus nas dbang du byas te byang chub sems kyis rgyas btab pa de ni dbyings su rol pa ste/ don dam pa'i bden pa'o// rdzas la sogs pa'i bye brag gis kun rdzob kyi bden pa ste/ dbang gi las so// de ni sa yang drag po'i las bstan pa'i phyir/ 'jig rten khams ni rob 'byams na zhes bya ba la sogs pa gsungs te/ 'jig rten gyi khams 'di ni/ shin tu gdug pa'i sems can la drag shul gyi spyod pa sbyar byas nas zhes bya ba ni shin du gdug cing log par lta ba'i sems can de la zhi bas 'dul ba ma yin te/ drag shul spyod pa sbyar byas nas 'dul bar bya'o// de yang gnas gang du bya zhe na/ rkang ga cig can nam dur khrod du zhes gsungs te/ mtshan nyid gong du gsungs pa dang sbyar bar bya'o/ rigs dAn dme sha can la sogs/ mi reg mA'i gzungs ma gzungs zhes bya ba ni/ bsgrub pa'i dus su nI rigs ngan dme sha can ni gsod byed ba shun pa'i rigs te/ drag po'i las byed pa'i bsgrub pa'i dus su rten par bya'o// mi reg ma ni yugs sa ma ste/ de ni gdug pa'i gzung sa ma ste/ las kyi dus su g.yon du gzhag pa'o// rdo rje khro bor bdag gnas la zhes bya ba ni bcom ldan 'dis rdo rje gzhon nu nyid du bdag gnas par byas la/ dkyil 'khor gyi lha rnams kyang sku mdog mthing nag khros pa'i zhal gdangs shing mche ba gtsigs pa'o// de nas me thabs kyi rim pa bstan pa'i phyir/ nag po gru gsum dkyil 'khor la// rtsang thod rgyan gyis brgyan par bya'o zhes gsungs te/ drag po'i me thab ni zur gsum pa'o// kha dog nag por byug pa ste/ ngos re la sor ny+Ninyi shAM nyi shu'o// zabs su sor bcu skor sor gsum gyi dgye/ zheng dang dpangs gnyis sor gsum mo// de'i phyi rol du sor gsum du btang bar bya bya ste/ dbus kyi khyu khye la thod pas bskor/ de'i phyi rol tu rdo rje rtse dgu pa dang mda' gzhu dang mdung rtse gsum pa dang dgra sta dang / kha T+wAM ga dang gdug pa'i mtshon cha kun ka sti la la gting / de'i phyi rol gyi dkyil 'khor gyi mu ra na la rtsang dmar pos bskor bar bya'o// de nas yang srod ma bsad pa'i rgyu bstan pa'i phyir/ lcags sam nag po'i shIng rnams la/ tsher ma can gyi shing rnams sam/ ma'i rus pari phur pa ni zhes bya byag+h+ra smu te/ lcags sna la phur pa byas te/ glan ma lcags dang khro chung ngung sgo gser dong / srog chags bsad pa'i mdung rtse dang / srog chags bskyed pa'i dgra sta dang lnga la bya'o// yang na nag po'i shing ni dug shing ste/ dug tsher yod pa'i shing la phur pa bya ba'o// de med na tsher ma gdug pa yod pa'i shing la phur pa bya ba'o// mi rkang gi phur pa la sogs pa'i rnams kyi rtse mo zur gsum du byas la bsnyen phur gyi dus su ni gcig gis bya ba yin la/ las kyi dus su ni gsum gdabu ste zhes gsungs te/ sku gsung thugs kyi cha lngas phyung ba'i phur pa rnams so// gdab pa'i gnas dang ji ltar gdab pa ni/ ting nge 'dzin gyi rim par phye ba la sogs pa gsungs pa ji lta ba'o// de nas ye shes kyi dkyil 'khor dang / ye shes kyi me lha spyan drangs pa bstan pa'i phyir/ mthing nag gru gsum 'bar ba'i lha tshogs rnams// dregs pa gdul phyir spyan drangs te/ zhes bya ba gsungs te/ mthing nag 'khrug pa'i ye shes kyi lha tshogs rnams gdug pa can bsgral zhing zhal du gsol ba'i phyir spyan drangs te/ dam tshig gi dkyil 'khor la bstims lnga btang snyoms khros pa'i mchod pa bya'o sbyin pa'i las kyi lha rnams dang / phyogs skyong la byin la las bcol lo// de nas yang me sbar ba dang yams shing gi go rims bstan pa'i phyir/ tsher ma'i shing las zhes bya ba gsungs te/ tshe ma can gyi shing la byas te/ mchu ru sor ba zhi snyoms su chag pa phyed yod pa/ rtsa ba'i cha las byung ba'i gdug pa'i shing las bya bya'o// sbar ba'i me zhes bya ba ni lcags gong sor pa'i nang bshan pa'i khyim nas me blangs nas sbyar ba de bsreg shing gi nang du blugs pa'o// de nas yang rdzas rtsub pa'i rim pa bstan pa'i phyir/ nag po che shing rtsub pa yis/ drag po'i tshul du sbyin sreg bya zhes gsungs te/ drag po'i rdzas kun kyang kha dog nag por bya ba yi/ rdzas kyi ro kun kyang rtsa bzhi rtsub par bsam yod par bas mo pa'o// sna drang bA ni gdug pa'i tshur ma can gyi sna drangs la/ dbul ba ste dbul ba'i sngags ni/ oM badz+ra kI li kI la ya sum ba hU~M che ge mo mA ra ya phaT/ ces pas dbul ba'o// de nas yang drag po'i gtor ma'i rgyu bstan pa'i phyir/ lcags phyi 'bru nag sha khrag las/ sbyar ba'i gtor mas drag shul spyad ces gsungs te/ lcags phyi dang 'bru nag po las byas pa'i gtor ma de drag po'i dus su 'phra men ma dang sring mo'i tshogs dang bdag nyid chen mo dang / sa bdag chen mo la sogs bskul la gtor ma de gzugs la brdeg cing bsad pa'i las bya'o// sha khrag sna tshogs lus byas pa'i gtor ma ni las kyi lha 'khor dang bcas pa la bsngos la btang ngo // de nas yang dkyil 'khor du ji ltar bya ba bstan pa'i phyir/ e'i tshogs kyi dkyil 'khor du/ zhe sdang las kyis 'tshe ba rnams/ brlag par gyur pa'i dbyings su rol zhes gsungs te/ e ni chos 'byung ba'i dkyil 'khor te de'i gnas su bcom ldan 'das khrag 'thung gi tshogs gsal bar bsgoms la/ de'i nang du stong khams kyi sems can zhe sdang las kyis 'chel ba rnams zhal du gsol nas/ dngos po phur po rags par byas nas/ yang dag pa'i ye shes ni dbyings su gsal bar bya ste/ bzhugs pa ni don dam pa'i bden pa'o// rdzas la sogs pa ni 'bras bu longs spyod mi slu bas bden pa ste kun rdzob bo// de nas yang bskrad pa yang bya ste/ dur khrod kyi ras ma la/ 'khor lo rtsibs brgyad pa bris/ la de'i dbus su rnga mo'i gzugs shig bris la/ de la gzas pa po gang yin pa skyon la dbang gi dgos pa ji lta ba bzhin du bye ste/ gzugs de la bstims nas 'khor lo'i rtsibs rnams la yang / oM badz+ra kI lI kI lA ya hUM dza dza zhes pa bris te 'og gi thad kar nas g.yon bskor du bskor nas byi ste/ rnal 'byor pa'i zil gyis kyang / bzlas pa'i bsngags pa'i sde nyid yin te/ ting nge 'dzin gyis kyang kho'i khang phyi khyim gyi 'og tu rlung gi dkyil 'khor bsgoms la/ de'i ba dan bzhi bskyod pas rnga mo'i dmigs bzhi rang dbang med par bskyed nas khro bo'i las la ni sngags te/ khrid la las ni tho ba dang ral gri dang dgra sta dang thogs nas deng nas 'gro bar dmigs la/ bsnyen pa yang thon pa dang / sgrub pa la 'jug ste/ 'dzab grangs thon pa dang las la sbyar te/ las kyi dus su stong thon pa dang / dur khrod kyi ras ma btags la/ dbang gi tshul du sbyin sreg byas la/ bskul ba'i sngags bskrad pa'i sdigs nyid kyis bya ste/ sbyin sreg zin pa dang sgo'i them po'i 'og tu sbas la bzhag go/ de'i rjes la lha phyogs kyi khams kyi gshin rje gshed po'i yul du bsgral bar bsam ste/ gnas bskyed pa'i min ngag go/ de nas rtags thon pa dang rdzas slar la dbyung bar bya'o// de ni bskrang pa'i man ngag go/ de nas yang 'phrin las bsam yas pa yod par bstan pa'i phyir/ ji snyed 'phrin las bsam yas kun// 'gro ba bsam yas bsam pa rnams// ji snyed 'dul po'i thabs tshul du// bsam yas 'phrin las rnam par spros zhes gsungs te/ sangs rgyas kyi sku gsung thugs kyi 'phrin las bsam yas par kun gsungs shing mdzad pa yang / 'gro ba rigs drug gi bsam pa bsam yas par yod pa de/ de rnams gdug pa'i thabs sem mthun pa'i tshul du/ sangs rgyas kyi sku gsung thugs las 'phrin las bsam yas pa rnams spros so// de nas yang 'phrin las spros pa de rnams yang dag pa'i ngang du lhun gyis grub par bstan pa'i phyir/ mnyam nyid dbyings kyi ngang nyid la// las kyi bye brag rtsis las 'das// bya med ngang du lhun gyis grub ces bya ba gsungs te/ mnyam nyid gnyisu med pa'i ngang nyid las phyi dang nang du snang ba thams cad 'byung yang / las kyi bye brag bgrang bas 'das te/ de thams cad kyang ye nas ma bcos pa brjod pa tha snyad dang bral ba'i ngang du ye nas lhun gyis grub pa ste/ ma bcos pa'i don dam pa'i bden pa'o// 'phrin las so so'i 'dul tshad ni/ kun rdzob kyi bden pa rnam pa gnyis su 'du shes bcom ldan 'das dpal kun tu bzang pos de skad ces gsungs so// las kyi rim par phye nas bstan pa la ni las kyi rim par phye ba'i le'u'o// bdud rtsi thigs pa zhes bya ba rgya cher bshad pa las/ bden pa gnyis kyi bshad pa'i lo'u ste/ bcu gcig pa'o// // de nas yang las kyi rim par phye ba la sogs pa gsungs kyang dam tshig 'di ma gsungs na 'bras bu 'grub par mi 'gyur pas de bstan pa'i phyir/ de nas bcom ldan 'das zhes bya ba la sogs pa gsungs te/ dam tshig gsang ba 'di gsungs so zhes bya ba ni/ mi 'da' ba'i phyir dam tshig ste/ rtogs 'dul dam tshig de skad spros// spros maung dbyings la g.yos pa med// ces bya ba gsungs te/ 'di nas mar spyi'i dam tshig gsungs te/ e ma'o zhes pa ni ngo mtshar ba'i tshig ste/ gang la ngo mtshar na sku gsung thugs kyi dam tshig rtse ba dang yan lag tu bcas pa la ngo mtshar ba'o// sna tshogs log rtog bas mo yas la zhes bya ba ni/ sems can gyi bsam pa log par rtog pa mi mthun bsam yas pa la/ de rnams kyi rtog pa 'dul ba'i phyir/ rtsa ba dang yan lag tu bcas pa'i dam tshig de snyed cig spros te/ chos nyid kyi don gyi ngo bo la ni spros pa med de/ yang dag pa'i dbyings la g.yos pa med do// gnyis su med pa'i ye shes de ni sngags kyi 'dul ba chen po ste/ bsrung ba med pa'i bsrung ba chen po'i 'o// 'di ni dram tshig rdo rje ste/ zhes bya ba ni gong du gnyis med pa'i ye shes 'di nyid dam tshig ste/ de ci'i phyir zhe na/ rnam par rtog par mi 'gyur pa'i phyir ro// de nyid rdo rje ste dngos po mtshan mas mi shigs pa'i phyir ro// sku gsung thugs kyi dam tshig nI/ grub nas 'jig pa'i dus mtha' med ces bya ba ni/ sku'i dam tshig ni skyur snang ba thamasna cad de bzhin gshegs pa'i sku ste/ bzang ba dang ngan pa dang / ring ba dang thung ba la tha snyad btags na de bzhin gshegs pa'i sku la smad pas sku'i dam chog nyams pa yin te/ de ltar bya ba ma yin no// gsung gi dam tshig ni sgrar grags pa thams cad de bzhin gshegs pa'i gsung ste/ sgra snyan pa dang mi snyan pa la sogs pa la tha snyad btags na/ de bzhin gshegs pa'i gsung la smad pas na/ gsung gi dam tshig nyams pas/ de ltar bya ba ma yin no// thugs kyi dam tshig ni gnyis su med pa ste/ spros pa dang bral ba'o// de la yod med du btags na sgro skur btab pa ste/ thugs kyi dam tshig nyams pas yA nas ma bcos pa dang / brjod pas las 'das pa'i ngang lngas ma g.yos par bzhig pa'o// sku gsung thugs kyi dam tshig de ltar 'grub pa le ni/ 'jig pa'i dus mtha' med de/ de'i phyir 'grub na 'jig pa'i dus mtha' med ces gsungs pa yin no// sku gsung thugs kyi dam tshig de dus gsum du ye nas gnas pa'i phyir/ rdo rje dam tshig lu gu rgyud ces gsungs te/ mi 'bral ba'i phyir ro// sku gsung thugs las rnam 'byor pa dus rtag tu mi 'da' bas/ rnal 'byor dka' thub dam tshig ces gsungs te/ rnal 'byor pa'i lus ngag yid gsum gyi sdom pa'o// rnal 'byor pas sku gsung thugs dang bral na/ srog dang 'dra ba'i gnyis med pa'i ye shes mi 'grub pa de'i phyir/ du ma gcig tu bsdus pa'i srog ces gsungs te/ spros pa dang bral ba ste/ bcos ma ma yin pa'i don dam pa'o// yan lag dam tshig 'da' bar dka' zhes bya ba ni/ sku gsung thugs kyi dam tshig ma nyams na yan lagi dam tshig nyams kyang mi nyams pa'i phyir/ 'da' bar dka' zhes gsungs so// de ltar spyi bstan nAs/ da 'di nas mar ni/ rtsa ba'i dam tshig rgyu swA pAr bstan pa'i phyir/ rdo rje bla ma slob dpon zhes pa la sogs pa bstan te/ rdo rje tha ma slob dpon la zhes bya ba ni/ sku'i dam tshig bstan te/ slob dpon ni bka' gzhan gyi bcag par bya ba ma yin pa'i phyir/ rdo rje spyi gtsug bkur ba'i phyir bla ma man ngag bstan pa'i phyir/ slob dpon de la slob mas srog la bab kyang bkur bar bya'o// de nas yang slob dpon gyi rim pa bstan pa'i phyir/ dam tshig dbang dang shes rgyud dang // man ngag 'bras bu slob dpon laM zhes pa la sogs pa gsungs te/ dam tshig dbang gi slob dpon ni/ dang po bdag lnga dbang bskur zhing dam tshig sgrogs pa'i slob dpon no// shes rab rgyud kyi slob dpon ni bdag gi rigs la sogs pa la chos ston pa ste/ chos ston par slob dpon no// man ngag 'bras bu'i slob dpon ni/ shes rab kyi ye shes kyi sgo nas khu ba dang lhan cig skyes pa'i ye shes ston cing / rang bzhin lhan cig skyes pa rtogs par byed pa'i slob dpon gsum gyi bye brag de la ji ltar bkur bar bya ba yin nam/ gcig gi mtshan nyid yin mnyam pa la de gsal bar bya ba'i phyir/ lta zhing bskur bar bya ba ni/ pha dang mau dang mig 'bras ltar/ bskur zhing gces par bya ba yin zhes gsungs te/ dam tshig dbang gi slob dpon la// bkur bar bya ba'i rim pa ni// 'jig rten na pha las gces pa med bas pha bzhin du bkur bar bya'o// shes rab kyi rgyud kyi slob dpon+da la ni/ 'jig rten pa las gces shing glanyen pa med pas na/ pha bzhin du bskur bar bya ro// man ngag 'bras bu'i slob dpon la ni/ mig gi 'bras bu ltar bkur por bya'o// tsi'i sgo ni sa kyang bkur zhing gces par bya ba yin no// de'i phyi bzhin be'u ltar 'brang zhes bya ba ni/ slob dpon gsum ga la yang ste/ lhag par yang man ngag ston pa'i slob dpon de'i phyi nas be'u bzhin 'brang ba ste mthun pa'i dpe'o// sna tshogs sna tshogs ci sgo nas// mnyes shing dgongs pa bskang ba yin zhes bya ba ni/ slob dpon gyi thugs ka dang ji ltar 'tsham pa bzhin bya ba yin+da te/ mnyes par bya ba'i tha tshig go// bla ma spun dang ming spring la/ man ngag bya ba'i sems bor te// rdo rje theg pa'i spyan yin pas// gcig lo gcig ni mig bzhin blta/ zhes bya ba ni/ bla ma'i spun zla dang / rang gi nyul rogs pho mo gang yin pa de la mngangon bya ba ma yin te/ phyin ci log gi sems dor bar bya ba'o// de la mngon mi bya ba ci'i phyir zhe na/ rdo rje theg pa'i spun yin pas/ zhes gsungs te gisang sngags rdo rje theg pa spun yin pas/ de la ni mngan bya ba yang spang bar bya ba'o// 'o na ji ltar blta zhe na/ gcig la gcig ni mig bzhin blta zhes gsungs te/ gcig la gcig ni mig gi nAng du rdulA so na mi bzod pa de la rdul song gis dogs nas bsrung ba ltar/ gcig la gcig nyes pa bsrung zhing lta bar bya'o// 'di ni sku'i sa ma yA'o// zhes bya ba ni/ grong gsungs pa de ni sku'i dam tshig go/ de nas yang gsung gi dam tshig ni/ oM badz+ra kI li/ kI la ya sum pa ni tsuM che ge mo mar ya phaT ces dbul bar bya ba'o// de nas yang drag po'i gtor ma bstan pa'i phyir/ lcags phye dang 'bru nag po la byas pa'i gtor ma de drag po'i dus su 'phra men ma brgyad dang / sring mo'i tshogs dang / bdag nyid chen mo dang / sa bdag chen mo la sogs pa bskul la/ gtor ma de gzugs la brdeg cing / gsod pa'i las bya'o// sha khrag sna tshog la byas pa'i gtor ma ni las kyi lha 'khor dang bcas pa ni bsngos pas las la gtang ngo // de nas yang dkyil 'khor du ji ltar bya ba bstan pa'i phyir/ e'i tsho gas kyi dkyil 'khor du zhes las kyis 'chil ba rnams brlag par gyur pas dbyings su rol zhes bya ba gsungs te/ e ni chos 'byung ba'i dkyil 'khor te/ de'i gnas su bcom ldan 'das khrag 'thung gi tshogs gsal bar bsgoms nas/ de'i dang du khams gsum gyi sems can zhe sdang las kyis 'chel ba rnams/ zhal du gsol nas/ dngos po'i phung po brlag par bya ba nas yang dag pa'i shes pa ni/ ye shes kyi dbyings su gsal bar byas te/ bzhugs pa'i don dam pa'i bden pa'o// rdzas la sogs pas 'bras bu longs spyod mi slu bas bden pa ste/ kun rdzob po de nas yang bkrad pa yang bya ste/ dur khrod kyi ros ma la 'khor lo rtsibs brgyad pa bris pa de'i dbus su rnga mo'i gzugs gcig bris pa de la gzas pa po gang yin ba skyon la/ dbang gis dgongs pa ji lta ba bzhin du byas te/ gzugs la bstim la/ 'khor lo'i rtsibs brgyad rnams la yang / oM badz+rA kI li kI la ya hUM dza dza zhes pa bris te/ 'og gi thang ka nas g.yon bskor du bskor nas bris te/ rnal 'byor pa nyid kyis bzlas pa'i sngags de yin no// ting nge 'dzin gyis kyang khwa'i khang khyim gyi 'og tu rlung gi dkyil 'khor bsgoms la/ de'i ban da bzhi bskyed pa'i rnga mo'i mig bzhi rang dbang med par bskyong nas/ khro bo la las ni rnga mo'i sna nas drangs te khrid/ la las ni tho ba dang ral gri dang dgra sti thogs nas de de nas 'gro bar dmigs la bsnyen pa thon pa dang / ba sgrub pa la 'jug ste/ 'dzab grangs khri thon pa dong las la sbyar te/ las kyi dus su stong thon pa yang dur khyod kyis sa ma ya la gtubs la/ dbang gi tshul du sbyin sreg bya ste/ bskul ba'i sngags bskrang ba'i sngags nyid kyis bya ste/ sbyin sreg zin pa dang / sgo'i them pa'i 'og tu sbas la gzhag go/ de'i rjes la lho phyogs kyi khams gshin rje'i rgyal po'i yul du bskyal bar bsams te/ gnas bskyod pa'i man ngag go/ de nas sngags thon pa dang / rdzas de slar la dbyung bar bya'o// de ni bskrang pa'i man ngag go// de nas yang 'phrin las bsam yas par yod par bstan pa'i phyir/ ji snyed 'phrin las bsam yas kun// 'gro ba bsam yas bsam pa rnams// ji snyed 'dul ba'i thabs tshul du// bsam yas 'phrin las rnam par spros zhes gsungs te// sangs rgyas kyi sku gsung thugs kyi 'phrin las bsam yas pa gsungs shing mdzad pa yang 'gro ba rigs drug gi bsam yas pa yod pa de rnams 'dul ba'i thabs sam mthun pa'i tshul du/ sangs rgyas kyi sku gsung thugs las 'phrin las bsam yas pa spros pa'o// na yang srin las spros pa de nas yang dag hrI dang du wAn rje thu stan gyi byid / chan nyid dun gyi dang nyid na/ lA kyi bye brag cis la 'dra/ bya med dang du ldan gyis thu ces gsungs te/ mnyam pa nyid kyi dbyings gnyis su med par bsten pa'i phyir/ dang po tha tshig bcas pa ltar/ zhes bya ba la sogs pa bsten te/ dang po tha tshig bcas pa ltar zhes bya ba ni/ dang po dbang bskur ba'i dus su ji ltar dam bzhin du sngags rnams dus rtag tu rgyun mi 'chad pa dang lha'i sku phyag rgya dus rtag tu bcas pa ni thun mong dang bcas thun mong ma yin pa'i dngos grub 'byung ba'i rgyu yin pas sngags dang phyag rgya ring dag lus ngag yid gsum gyis dus rtag tu brtan por gzung nas mi 'brel ba ni gsung gi sa ma ya ru ston pas bshad do// de ni gsung gi dam tshig go/ de nas yang thugs kyi dam tshig bstan pa'i phyir/ phyi gsang bzhi dang bar gsang bzhi zhes pa la sogs pa gsungs te/ phyi gsang bzhi dang bar gsang bzhi zhes bya ba ni/ dkyil 'khor gyi de kho na nyid dang / lha'i de kho na nyid phyag rgya'i mtshan nyid rnams ni phyi gsang bzhi'o// bar gsang bzhi ni/ bde ba chen po'i 'khor lo dang / longs spyod kyi 'khor lo dang / chos kyi 'khor lo dang / sprul pa'i 'khor lo dang bzhi'o// yang gsang bar 'os pa dang zhes bya ba ni/ dga' ba bzhi yis mtshon nas yang dag pa'i ye she sa nyams su len pa ni gsang b.ro 'os pa'o// de lta bu'i don de gzhan la ma smra zhig ces dang po slob dpon gyi gnyer ba'i gsang ba'i man ngag 'bras bu rnams/ gzhan dang gzhan dag 'di lta bu yin no// zhes snod ngan pa phal la mi spel ba 'di ni thugs kyi sa ma ya'o// de lta bu sku gsung thugs kyi dam tshig 'di ni/ dus gsum du 'jig pa'i dus mtha' med de/ bsrung bar bya ba'o// spyir sa ma ya ni rdo rje ste zhes gsung so// de dag nyams par gyur na ni// rtsa ba nyams te rigs rlag 'gyur/ zhes bya ba ni sku gsung thugs kyi dam tshig de nyams par gyur na/ rtsa ba'i ngam tshig nyams te/ 'bras bu'i de bzhin gshegs rigs// brlag par 'gyur ro// de ni nyams pa'i skyon no// de nas yang pha rol po'i dam tshig nyams pa'i rnal 'byor skyon bstan par bya ste/ de'i phyir nyams 'gyur nyes pa brjod mi lang zhes bya ba gsungs te/ rol pos sku gsung thugs kyi dam tshig nyams na de'i nyes pa brjod kyis mi lang ste/ de ni rtsa ba'i dam tshig nyams pa yin pas dam la gnas pa'i rnal 'byor pa de dang nyams pa gnyis skad cig tsam yang yud tsam yang smra bar mi bya'o// smras na skyon ci yod cen/ de bstan par bya ba'i phyir/ smras na 'bras bu nyams par 'gyur zhes gsungs te/ smras pas nyid kyis rtsa ba'i dam tshig nyams par 'gyur ro// de nas yang yan lag gi dam tshig bstan pa'i phyir/ 'dod chags zhe sdang giti mug dang / zhes bya ba la sogs pas bstan te/ 'dod chags zhe sdang gti mug dang nga rgyal phrag dog chen po ni// bder gshegs lnga'i rang bzhin pas zhes bya ba ni/ 'dod chags ni 'dod cing chags pa ste/ de spangs na grol ba ma yin/ 'dod chags kyi mtshan nyid ni/ gnyis su med pa'i ye shes 'dod cing / chos nyid la chags pas rnam par dag ste/ 'od dpag med kyi rang bzhin pas mi spang ngo // zhe sdang ni pha rol la zhe sdang ba de/ de spangs pas grol ba ni ma yin te/ bye sdang gi mtshan nyid ni/ phyin ci log gi nyon mongs pa la zhe sdang zhing maung par byed pas zhe sdang ng+ga rnam par dag pa ste/ mi bskyod pa'i rang bzhin pas mi spang ngo // gti mug nI mi shes shing tshor ba med pa ste/ de spangs nas grol ba ma yin te/ gti mug gi mtshan nyid ni phyin ci log gi rtog pa gang yang 'byung ba ma yin zhing / shes pa dang brjod pa las 'das shing bral bas na gti mug rnam par dag pa ste/ rnam par snang mdzad kyi rang bzhin pas mi spang ba dang / nga rgyal ni ma rig pas smra ba ste/ de yang spangs nas grol ba ma yin te/ nga rgyal gyi mtshan nyid de ni/ chos nyid gnyis su med pa'i don la gnas shing / phyin ci log gi don la nyon mongs pa ni mi gnas pas nga rgyal ba ste/ nga rgyal rnam par drag pa ste/ rin chen 'byung ldan gyi rang bzhin bas mi spang ba dang / phrag dog ni gzhan gyi yon tan la phrag dog ste/ de spangs nas grol ba ma yin te/ phrag dog gi mtshan nyid ni/ chos kyi dbyings spros pa'i mtha' brgyad dang bral bas/ spros pa med par phrag dog ste/ phrag dog rnam par dag pas gdon mi za bIr 'grub pa'i rang bzhin pas mi spang ba ste/ de'i phyir chen po zhes gsungs te/ chung ngu rnam par dkar ba'o// de ni mi spang ba'i dam tshig lnga'o// de nas yang dor bar mi bya ba'i dam tshig bstan pa'i phyir/ sha chen bshag ci khu ba khrag/ dbang ba'i rgyu ste bdud rtsi spos/ dor bar mi bya sa ma ya ho// zhes gsungs te/ sha chen dang gshang ba dang / gci ba dang khu ba dang / khrag lnga ni rnam par rtog pas mi gtsang ba dang / sogs pas bdud rtsi ste de la sa zlog pa'i phyir/ dag pa'i rgyu ste bdud rtsi rdos zhes gsungs te/ sha chen la sogs pa lnga ni/ ye nas rnam par dag pa'i ye shes lnga'i dngos po ste/ de rnam par rtog pa'i bdud las zlog nas bdud rtsi ye shes lnga'i rang bzhin te/ mi gtsang ba de nas dor bar bya ba ma yin te/ ye shes lha'i rang bzhin pas dor bar mi bya ba'i sa ma ya'o// de ni dor bar mi bya ba'i dam tshig lnga'o// de nas spyad par bya ba'i dam tshig bsten pa'i phyir/ rdzun dang tshig rtsub smra ba dang / sbyor dang sgrol ba'i dam tshig ni// bder gshegs lnga'i mdzad spyod pas// rtag tu spyad pa'i dam tshig go/ zhes gsungs te/ brdzun ni chos nyid dngos po med pa'i rang bzhin la/ 'di lta phyi yin no zhes drang ba'i don du ston pa'i rdzun te/ mi bskyod pa'i mdzad pa yin pas rnal 'byor pas kyang spyad par bya ba yin pa dang / tshig rtsub ni 'di ltar snang ba thams cad 'khrul ba yin te/ yod pa ma yin no// zhes 'byung ba ni/ tshig rtsub mo ste rnam pa ra snang mdzad kyi mdzad spyod yin paso/ rnal 'byor pas kyang spyad par bya ba yin pa dang / rku ba ni 'di ltar snang ba'i chos thams cad ye nas ma bcos pa'i rang bzhin 'od gsal ba de ni rin po che 'dra ba yin pa 'di ni rtogs par bya ba yin zhing 'di ni nyams su blang ba'o// zhes phyin ci log thams cad yang dag pa'i dbyings su rku ba ni/ rin chen 'byung ldan gyi mdzad spyod do// rtag tu rnal 'byor pas spyad par bya'o// sbyor ba ni 'di ltar snang ba thams cad kun rdzob tu lha dang lha mo'i dang du 'byor la/ don dam par skye ba med pa'i ngang du 'byor pa ni/ 'od dpag tu med pa'i mdzad spyod do// rnal 'byor pas rtag tu spyad par bya'o// sgrol ba ni khams gsum gyi sems can thams cad rnam par rtog pas bcings pa thams cad skye ba med pa'i dang du sgrol la/ skye ba med ces bya ba de yang mi gnas par sgrol ba ni/ gdon mi za bar 'grub pa'i mdzad spyod de/ rnal 'byor pas dus rtag tu spyad par bya ba'i phyir// bde bar gshegs pa lnga'i mdzad spyod pas rtog tu spyad pa'i dam tshig go/ zhes gsungs te/ de ni spyad par bya ba'i dam tshig lnga'o// mi spang mi ngor spyad par bya zhes bya ba ni// nyon mongs po lnga bde bar gshegs pa lnga'i rang bzhin po sa/ mi spang ba da / bdud rtsi lnga ye shes kyi rang bzhin pas mi dor ba dang / brdzun dang tshig rtsub la sogs pa bde bar gshegs pa'i mdzad spyod yin pas/ spyad par bya ba'o// yan lag bco lnga'i dam tshig ni/ zhes bya ba ni/ mi spang bar bya ba'i dam tshig lnga dang / mi dor bar bya ba'i dam tshig lnga dang / sprad par bya ba'i dam tshig lnga ste bco lnga'o// srog gi phyir yang mi gtang zhes bya ba ni/ rang la phan pa'i srog yin te/ sgrog ma chad na mi 'chi ba dang 'dra bar gnyis med pa'i ye shes te rtogs shing khong du chud nas skye ba med pa'i dbyings rnam par dag ste/ de la 'chi ba gA la yod de/ 'bras bu de thob par bya ba'i phyir mi gtong / gang mi gtang zhe na/ rtsa ba dang / yan lag tu bcas pa'i dam tshig tu ni gnyis med pa'i ye shes thob par bya ba'i gzhi 'am rmang yin pa'i phyir na mi btang ba'o// btang na skyon ci yod/ de bstan pa'i phyir/ btang na 'bras bu ga la 'byung zhes gsungs te/ rtsa ba dang yan lag tu bcas pa'i dam tshig med tsa ma bsrungs na/ srog dang 'dra ba'i 'bras bu ga la 'byung ste/ mi 'byung ste rlag par gyur pa'i tha tshig go/ de'i nyes pa brjod las 'das zhes pa ni/ rtsa ba dang yan lag tu bcas pa'i dam tshig nyams pa'i nyes pa ni/ brjod pa las 'das te brlag par 'gyur ba'i tha tshig go/ de nas yang dam tshig nyams pa de thugs rjes ma gzung na dmyal bar 'gro byas/ de thugs rjes gzung ba'i phyir/ snying nas slob dpon smod pa dang / zhes pa la sogs pa basman te/ snying nas slob dpon smod pa dang / zhes bya ba ni/ dang po shes pa slob bu'i dus na slob dpon de la kha 'jam dang / spyod pa logs mos 'dris par byed cing / shes pa lobs nas slob dpon de yis bya ba med pa'i spyod pa byed cing / chos dang slob dpon de las ma 'ongs par gzhan la 'ong ba bskur zer zhing rang gi shes pa las slob dpon gyis mi shes pa skad zer ba ni/ snying nas slob dpon smod pa ste/ de ma bsgral na mnar med du ltung ba'o// sangs rgyas bstan pa la gnas pa dang zhes bya ba ni/ sangs rgyas kyi bstan pa la gnas par byas nas/ spyod pa phyin ci log bzhi byed cing rdzun dang rku ba dang sgra dang g.yo la sogs pa de ni thugs rjes ma gzung na/ mnar med par ni ltung ba'o// theg pa chen po smod pa dang zhes bya ba ni/ sangs rgyas kyi bstan pa theg pa chung ngu la gnas par byas nenas/ theg pa chen po'i nang nas kyang / rnal 'byor bla na med pa'i theg pa la spyod pa ni mnar med pa'i dmyal bar 'gro bas/ de thugs rjes gzung ba'o// sems can yongs la gnod byed dang zhes bya ba ni/ dang por sangs rgyas kyi bstan pa la dad cing zhugs nas/ phyis de las ni log nas/ sangs rgyas kyi bstan pa la yang smod sems can yongs la 'tshe bar byed pa'i gang zag de/ monar med par ltung ba ste/ de thugs rjes gzung ba'o// rnal 'byor gzung ba'o// rnal 'byor spyod pa'i dgrar 'gyur ni zhes bya ba ni/ chos 'khor gnyen po gshig pa dang / dben ris gnyen po 'joms pa dang / gtsug log khang gi dkor rku ba dge 'dun mdun pa'i bar du dbyen 'dzud pa la sogs te/ de ni rnal 'byor spyi dgra yin te/ de lta bu'i rigs rnams la myur du bsgrims te ma bsgral na/ rtsa ba dang yan lag tu bcas pa'i rdo rjes tshig nyams pas na/ rnal 'byor pa so lus ngag yid gsum gyi sgo nas/ gri mos phyung las sngags dang phyag rgya'i shugs kyis bsgral bar bya'o// de ltar bsgral na yang dag pa'i gnas dang phrad pa de ni/ thugs rjes bzung ngo // de nas yang dam tshig gi yon tan bstan pa'i phyir/ dam tshig 'di ni smad po che zhes pa la sogs pa gsungs te dom tshig 'di ni snying po che zhes bya ba ni/ rtsa ba dang yan lag tu bcas pa'i dam tshig 'di ni yang dag pa'i ye shes bsgrub pa'i gzhi yin pa'i phyir na slad po che ste/ de'i phyir sangs rgyas bsgrub pa'i rgyu dang gzhi/ zhes gsungs pa yin no// de nas yang dam tshig gi ngo bo bstan pa'i phyir/ yod bzhin nor bu rin po che zhes gsungs te/ dam tshig gi ngo bo ni yid bzhin gyi nor bu rin po che ste/ ma bcas pa'i don dam pa byang chub kyi sems ni/ dam tshig gi ngo bo'o// de nas yang dam tshig bsrungs pa'i yon tan bstan pa'i phyir/ dam tshig gnas rnams mi gtong ba zhes bya ba la sogs pa gsungs te/ rtsa ba dang yan lag tu bcas pa'i dam tshig gi gnas rnams bsrung zhing mi gtong ba'i rnal 'byor pa de ni/ leg pa'i yon tan brjod kyis mi lang ba 'byung ste/ sangs rgyas kyi rgyu la gnas pas na/ sangs rgyas nyid 'dra bar 'gyur ro/ zhes gsungs so// dngos grub gzhan lta smos ci dgos zhes bya ba ni/ rtsa ba dang yan lag tu bcas pa'i dam tshig bsrungs na sangs rgyas dang 'dra bar 'gyur na gzhan gyis dngos grub smos kyang ci dgro te de ltar thob pa'i phyir ye nas nan tan bskyed de/ rtsa ba dang yan lag gi dam tshig bsrung / zhes ston pa dang dpe la kun tu bzang pos gsungs so// dam tshig rim par phye nas ston pa la ni dam tshig rim par phye ba'i le'u'o// // bdud rtsi thigs pa zhes bya ba rgya cher bshad pa las/ bden pa gnyis kyis bshad pa'i le'u ste/ bcu gnyis pa'o// // de ltar dam tshig la sogs pa bston kyang don bsdus nas so so'i don re re lnga gol du dogs pa'i phyir/ de nas zhes bya ba la sogs pa bstan te/ de yang sngon la gong du gsungs pa'i le'u bcu gnyis pa yan chad kyi don la ngam zhing ston pa la yid rang bstan pa'i bar/ yid kun tu bzang po la sogs pa 'dus pa'i 'khor tshogs ma lus pa rnams rang rang gi bsam pa rangs par gyur to// zhes bya ba ni 'khor thams// cad gnyis su med pa'i byang chub sems su mngon du gyur nas/ ston pa lnga 'khor rnams kyis gtsug gi 'dus pas rnal 'byor mchog gi tshul du phyag bya ste/ bcom ldan 'ad sa kyis sku gsang ba gsung gsang ba thugs gsang bar zhugs pa'i bdag po la 'khor rnams kyis mdun gyis ltas te/ ston pa la ngo mtshar nas rmad du byung ba'i tshig gis 'og nas 'byung ba 'di skad ces bsgrags so// e ma'o ngo mtshar rmad du byung ba'i mnyam nyid dbyings mchog nas// thugs rje chen po gsal la ma 'dres kun du khyab par brdal zhes bya ba ni// rmad du byung ba'i chos nyid ma bcos pa'i dbyings nyid nas khams gsum gyi sems can gyis dag pa'i chos nyid ma rtogs pa las thugs rje chen pos lta ba dang spyod pa dang dbang dang dam tshig la sogs pa so sor gsal zhing ma 'dres par bstan cing kun tu khyab brdal ba'i phyir/ sku dang gsung thugs yon tan 'phrin las/ phyag rgya'i dkyil 'khor badz+rod mI lang zhes gsungs te/ sku'i dkyil 'khor la yang gsum/ gsung dkyil 'khor la yang gsum/ de bzhin du thugs dang yon tan 'phrin las la yang gsum gsum ste/ phyag rgya'i dkyil 'khor brjod mi lang ba zhig gsungs pa yang 'gro ba rigs drug gi bsam pa mo mthun pa bsam yas pa yod pa'i tshad du ste/ de'i bsam pa rnams rtog pa'i phyir/ phyag rgya'o dkyil 'khor bsam yas pa zhig gsungs so// ltar thugs rje chen pos 'gro ba rnams gzung ba'i phyir/ 'gro bu bsam yas rnam rtog de snyed/ thugs rjes phyogs pa/ e ma'o ngo mtshar che'o// zhes gsungs so// de nas yang ston pa'i byin brlabs las don dam kun rdzobag gnyis la ngo mtshar ba bstan pa'i phyir/ e ma'o rmad du byung ba'i chos// nam mkha' dang ni mnyam pa la// sgyu 'phrul rnam par 'phrul ba rnams// kun rdzob tsamau du bstan pa mtsha zhes bya ba ni// ston pa'i thugs rnam par mi rtog pa'i ye shes de las/ sku'i dkyil 'khor la sogs sgyu 'phrul rnam par 'phrul ba bsam yas pa rnams don dram par chos nyid las ma g.yos shing kun rdzob tu sgyu ma tsam du bstan pa ngo mtshar che'o zhes 'khor rnams kyis ston pa la chad du glengs so// de'i tshe bcom ldan 'das gsang ba mchog gi bdag po ni/ brjod du med pa'i dgongs pa dus bzhi mnyam pa nyid kyi dbyings la dgongs nas cang mi gsung bar bzhugs so// de nas yang sdud pa po ston pa la don bsdu bar gsol ba btab par bstan pa'i phyir/ de nas rdo rje yid kun tu bzang pos gsol ba btab bo zhes bya bar 'brel te/ gsol ba btub pa'i tshig ni/ bcom ldan 'das zhes bos nas/ bsgo bar gsol ba btab pa'o// de nas yang ston pas gong du gsungs pa'i don kun mdor bsdus nas bshad par gnang bar bstan pa'i phyir/ de nas zhes bya ba la sogs pa gsungs te// gsang ba mchog gi bdag pos 'di skad ces bka' stsal to// zhes bya bar 'brel to// gsungs pa'i tshig ni 'di lta ste/ sems dpa'i chen po zhes blos nus lus ngag yid gsum gyis nyon cig ces gnang ba gsol to// rgyud kyi rgyal po chos kyi don 'di nyid ston pa gdon bsdus te khyed la bshad par bya'o// zhes gsungs te/ bshad pa'i gusung ni 'di'o// e ma'o chos rnams thams cad sems kyi 'khrul pa ste// sems las ma rtogs chos 'ga' tsam yang yod ma yin zhes bya ba ni/ phyi dang nang du snang ba'i chos thams cad ni/ tshe rabs thog ma med pa'i dus nas rtog pa'i dbang gis/ brtags pa'i de la 'khrul par snang ba ste/ chos su snang ba yang nang gi shes pa nyid snang ba las ma gtogs pa/ yul logs shig na grub pa med do bar bstan pa'i phyir/ sems las ma rtogs chos 'ga' tsam yang yod ma yin zhes gsungs so de nas yang ston pas dkyil 'khor la sogs pa gsungs pa/ de yang 'khrul pa'i ngo la snang gi yang dag pa'i blo can la mi snang bar bstan pa'i phyir/ 'khrul pa bzlog phyir rgyal bas chos bstan pa// de'i sgyu 'phrul sgyu 'dra 'khrul pa snang / zhes gsungs te/ khams gsum gyi sems can gyis ye nas med pa'i rang bzhin pa li/ sems 'khrul pa'i dbang gis mtshan mor bzung ba de las bzlog pa'i phyiralha'i de kyil 'khor sgyu ma tsam du bstan te/ rags pa'i mtshan ma mi gnas par bya ba'i phyir bstan to// lha'i dkyil 'khor sgyu ma 'dra ba bsten pa'i de nyid kyang 'khrul pa la snang bar zad kyi yang dag pa'i shes pa ni snang po med do// 'khrul dang 'khrul la snang ba'i chos rnams kun// rang gi sems yin snang bar ces bya ba ni/ phyi'i yul med pa la 'khrul ba yod pas bzung bas 'khrul pa/ de las zlog nas lha'i dkyil 'khor du bstan pa de yang 'khrul pa la snang ba yin te/ de ltar snang ba'i chos rnams kun rang gi sems nyid yin te sems nyid snang ba las ma gtogs pa yul logs shig nas snang sgyu med pa'o// de nas yang sems nyid ma grub pa bstan pa'i phyir/ sems kyi rang bzhin dngos po ma grub ste/ sde phyi gses nas rang bzhin yongs kyis med ces gsungs te/ sems kyi rang bzhin de dngos por grub pa ma yin te/ skad cig ma sna phyis gses pas snga ma ni 'gags/ phyi ma ni ma byung / da ltar ni mi gnas bAs/ rang bzhin med par gyur pas nang gi sems dngos por ma grub pa'o// de nas yang sems ma grub ces bya ba de la mi gnas par bstan pa'i phyir/ gzod nas ma skyes ye nas rnam par dag/ yi ge med cing sgra dang tha snyad bral zhes gsungs pa yin te/ sems ma grub pa de yang sems yod pa las rkyen gyis byas nas med pa ni ma yin gzo do mA na ma skyes shing / ye phyi mo nas rnam par dag pa ste/ rnam par dag pa de la yi ges brjod pa med cing / tshig gi sgra dang the snyad dang bral ba'o// de nas yang sgra dang tha snyad dang bral zhes pa de ni/ stong pa nyid stong pa nyid de stong po nyid ces pa de nyid brtags pa ste/ de las kyang 'das par bstan pa'i phyir/ stong pa'i spyod pa nyid de stong pa'i yul las 'das/ zhes gsungs te/ stong pa'i stong pa ni stong pa'i yul te de la yang mi gnas te/ mi gnas pa'i ye shes chen po mthar phyin pa'i man ngag ste/ bcos ma ma yin pa'i don dam pa'o// de ltar 'khrul pa dang yang dag pa gnyis kyi sems las byung ba'i phyir sems ni chos kyi rtsa ba ste/ rtsa ba de nyid srid pa dang grol bar snang zhes gsungs te/ 'khrul bar snang ba ni rang gi sems snang bas sems nyid yin la/ sems de nyid ye nas ma bcos par gnas pa ste/ rtsa ba'o// rtsa ba de nyid rang bzhin gyis 'od gsal ba srid pa dang grol bar snangahA zhes ston pa 'khor ba rtsi bas bcad de/ dgyes pra med pa dgyes pa'i tshul gyis dgyes par bstan te ho zhes gsungs so// de nas yang gong du gsungs pa'i don kun mi gnas pa'i ye shes chen po nyid kyi ngang du bstan la mi gnas pa'i ye shes chen po de la ci yang med par bstan pa'i phyir/ de la e ma'o sems nyid stong pa chen po'i ye shes la zhes pa la sogs pas bstan te/ ye nas ma bcos pa'i dbyings nyid la ni gnas dang ston pa 'khor zhes ga la yod ces gsungs te/ gnas zhes bya ba dang / ston pa zhes bya ba dang / bstan pa zhes bya ba kun rdzob kyi bden pa yin te/ don dam pa'i bden pa la ni ga l-I yod de med do// ting nge 'dzin dang yig 'bru phyug mtshan dang / rdzogs pa dang bzhugs thabs rim du bgrang du med ces bya ba ni/ ting nge 'dzin rnam pa gsum dang lha rnams bskyed pa'i yig 'bru dang / yig 'bru las gyur pa'i phyag mtshan dang / phyi gau mtshan de la sku yongs su rdzogs pa dang rdzogs nas gdon la bzhugs pa'i thabs rnams rim du bgrang ba de ni kun rdzob kyi bden pa ste/ rnam par rtog pa zlog pa la mi bslu bas bden pa'o// bcos ma ma yin pa'i don dam pa lnga ni bgrang du'ang med pa'o// stong nyid snying rje byang chub sems bskyed med ces bya ba ni stong pa nyid bsgom zhes bya ba dang / de'i ngang las khams gsum gyi sems can snying rje bskyed ces bya ba ni/ byang chub kyi sems rnam pa gnyis bskyed ces gsungs pa ni/ kun rdzob kyi bden pa'o// bcos maM ma yin ba'i don dam pa la ni bskyed pa la sogs pa yang med do// gzugs brnyan med cing ting 'dzin bsam dang bral zhes bya ba ni/ gzugs brnyan te brnyan ma'i dkyil 'khor la sogs pa dang / ting nge 'dzin gyi dkyil 'khor gsungs pa rnams ni kun rdzob kyi don dam pa'o// bcos ma ma yin pa'i don dam pa la ni bsam par bya ba dang / bsam par byed pa med pas ting nge 'dzin bsam dang bral zhes gsungs so// sngags dang phyag rgya med cing thugs rjes 'dul ba'ang med ces pa ni/ sngags ni so so'i sngags dang sngags kyi las bstan pa dang / lha so so'i phyag rgya dang / phyag rgya'i las bstan pa dang / khams gsu gyi sems can la so so'i 'dul tshad bstan pa la ni kun rdzob kyi bden pa'i// ma bcos pa'i don gyi ngo bo la ni// thugs rjes 'dul ba yang med do// ma rungs godul du med cing drag po'i dkyil 'khor mo snying po bstang tshul med cing rgyun gyi ting 'dzin med// bya ba med cing sdom pa kun las 'das/ zhes bya ba ni/ ma rung ba log par lta ba'i dregs pa can gdul ba dang / drag po'i dkyil 'khor gyi bye brag gsungs// pa dang / so sor drag po'i snying po gsungs pa dang khro bo so so'i stangaskye thabs gsungs pa dang / rgyun gyi ting nge 'dzin gyi rim pa gsungs pa rnams ni kun rdzob kyi bden pa'o// ma bcos pa'i don dam pa'i bden pa la ni de ltar grong du gsungs pa'i rim par bya ba med cing sdom pa kun nas 'das pa de/ gong du gsungs pa'i rnam grangs de kun cig tshig gi tha snyad yin te/ don dam par med do// 'o na dkyi 'khor la sogs pa ji snyed pa gsungs pa de yis ci bya zhe na/ de gasngal bar bya ba'i phyir/ 'khrul pa bzlog phyir kun rdzob tsam du bsten/ zhes gsungs pa'o// 'o na lha'i dkyil 'khor la kun rdzob tsam du bstan pa 'di dor bar bya ba yin nam zhe na/ de gsal bar bya ba'i phyir/ de bso bstan pa 'di la rab bston to/ dAn dam bden pa nges par rig pa bya zhes gsungasA te/ kun rdzob tsam du lha'i dkyil 'khor du bstan pa 'di la rnal 'byor pa las dang po pas sems sbyang bar bya ba'i phyir/ sgyu ma tsam du bstan pa 'di la brten par bya ba ni de bas na bstan pa sgyu ma 'di la rab tu brten te sbyangs la don dam pa'i bden pa nges pa kho nar rig par bya'o// de nas ma rtogs pa'i dus na lha'i dkyil 'khor la sogs pa thams cad don dam pa'i bden pa rtogs pa'i thabs su bstan la/ don dam pa'i bden pa rtogs pa'i dus na/ brjod par bya ba kun sgrib pa yin par bstan pa'i phyir/ sems las 'das pa'i chos kyi rang bzhin ni/ tshig dang yi ge tha snyad kun las 'das// mthun pa'i dpes kyang de la mtshon du med ces bya ba gsungs te/ dang po sgyu ma tsam du bstan pa'i lha dkyil 'khor la/ sems sbyangs nas/ sems las su rung ba byas la las su rung ba'i sems de yang don dam par rang bzhin med pa ste/ rang bzhin med pa'i sems de las 'das pa'i chos nyid kyi rang bzhin ni/ tshig gis ba rjod pa dang yi ges mtshon pa dang / tha snyad kyis 'di ltar yod bya ba med de/ tha snyad kun las 'das pa yi/ de la ni mthun pa'i dpe nam mkha' ste nam mkha' des kyang mtshon du nus pa ma yin te/ mtshon du med de mtshon par mi nus pa'i gtan tshigs de las gang du bstan pa'i rim pa de kun don dam pa'i bden pa rtogs pa'i dus na kun bsgrib pa yin pa'o// me tshon med blo ldan de la dang mi 'gyur zhes bya ba ni/ mtshon du med pa'i blo dang ldan pa de ni sgrib pa dang bya ba dang / rnam par bya ba dang zhes bya ba dang / don dam kun rdzob ces bya ba de la dad par mi 'gyur ro// de ci'i phyir zhe na/ chos thams cad gang gi ngo bor yang ma grub pa'i phyiraro// 'o na bden pa gnyis gang gi ngo la snang zhe na/ bden gnyis blo ldan de la snang bar zad/ ces bya ba ni/ sems can gyi bsam pa la bden pa rnam pa gnyis snang bar zad de/ rgyu dang 'bras bu yin pas so// / zhes ston pas gsungs pas 'khor rnams ston pa'i bkas bsam pa rangs nas rab tu dga' ste/ ston pa'i 'khor du 'dus pa'i 'khor tshogs ma lus pa rnams bcos ma ma yin pa'i de kho na nyid don la sems shing gnas nas cang mi smra bar gyur te gnas so// de nas yang sdud pa po la dbang bskur ba bstan pa'i phyir/ de nas bcom ldan 'das gsang ba mchog gi bdag po des zhes pa la sogs pa gsungs te/ sdud pa po rdo rje yid kun du bzang po'i lce la pad+ma'i steng du ston pas yi ge hUM bzhag hUM daM yongs su gyur pa las/ lngas kyi rdo rje rgya gram gcig tu gyur/ las kyi rdo rje de yongs su gyur pa las lce pad+ma de la thim ste/ don bsdus pa'i nus mthu dang ldan par byin gyis brlabs shing / dbang bskur zhing dus de nyid du ming rdo rje chos su btags pa de'i phyir/ rdo rje chos su dbang bskur te/ don bsdu bar byin gyis brlabs nas/ 'og nas 'byung ba'i tshig 'di ston pas bka' stsal pa/ sems pa chen po zhes bos nas/ dang po nga mngon par rdzogs par sangs rgyas nas 'jug mdo bshad kyi bar du sems can gyi don du tshig gcig tsam yang bshad cing brjod pa med do// de ci'i phyir zhe na/ dris pa dang chos thams cad ni bshad cing brjid pa dang bral ba'i phyir ro// bshad cing brjod pa dang bral ba'i don de ltar sus rtogs par 'gyur zhes dris pa dang / lan du phyogs bcu dus bzhi'i sangs rgyas rnams ni bshad cing brjod pa dang bral ba'i don thugs su chud nas/ mngon par rdzogs par sangs rgyas pa'o// sngar sangs rgyas pa de bas na nga yang ma 'ong snga pa'i rnal 'byor dad pa can rnams kyis kyang / brjod pe dang bral ba'i don de bA de blag du rtogs shing thugs su chud par bya ba'i phyir/ mdo 'di ni ngas bshad do// rnal 'byor pa phyi ma'i don du ngas brjod de sems dpa' chen po zhes bris nas/ bsgo ba bya ba'i tshig 'di gsungs so// de bsdud pa po khyod kyis kyang ma 'ongs pa'i rnal 'byor pa'i don du ngas bshad pa'i mdo 'di'i don bsdus la/ rnal 'byor phyi ma la mi nub par bya ba'i phyir ngo bo gsung chos kyi yi ge snang zhing mi nub par gyis shig/ nga yis gsungs pa'i mdo 'di yang dag pa'i lam de/ rnal 'byor phyi mas lam 'di la brten nas chos nyid ma bcos par de kho na nyid rnal 'byor phyi ma de dag gis khong du chud par sdud pa po khyod kyis gyis shig/ de ltar khyod kyis ngas bshad pa'i mdo 'od rnal 'byor phyi ma dad pa can gyi don du gsung chos kyi yi ger snang bar byas po na/ 'on tang na dad pa can gyi rnal 'byor pa phyi ma de dag gi ni gsong ba rdo rje theg pa'i don la yid ches nas/ gting 'dzug shing rnal 'byor gyi dbang phyug chen po'i rgyud 'dzin par 'gyur ro// sems dpa' chen po zhes bos nas/ gong du gsungs pa'i gtan tshigs de bas na/ ngas bshad pa'i mdo 'di ni rnal 'byor phyi ma rnams kyi yang dag pa'i nye lam chen po nyid yin par khyed kyis shes par bya'o// zhes ston pas bsgo ba med pa'i tshul gyis sdud pa po bsgo ba dang / de'i tshe sdud pa pos kyang ston pa la stod cing sdud par khas blangs pa'i phyir/ rdo rje yid kun du bzang pos zhes pa la sogs pas bstan te/ rdo rje chos rab tu dga' ba'i yid kyis zhes bya ba ni chags pa'i yid kyis so// rang gi rdo rje gnas su gsor zhing zhes bya ba ni/ rang gi rang nyid do// rdo rje ni gsang ba'i rdo rje ste/ de'i gnas ni yum gyi b+ha ga ste/ btsun mo bya ba mo dang gnyis su med pa'i tshul gyis/ bcom ldan 'das la byang sems kyi mchod pa phul nas 'og nas 'byung ba 'di skad ces bstod do// e ma'o bcom ldan dgyes pa che// mi nub rgyal mtshan yongs kyi bdag// bder gshegs kun gyi thugs kyi thugs// byang chub sems la phyag 'tshal postod ces bya ba ni/ byang chub sems kyi ngo bo la bstod pa ste/ 'khor lo rnam pa bzhi dang dga' ba rnam pa bzhis ji ltar byang chub kyi sems phab cing rang bzhin gyis dga' ba'o// de la phyag 'tshal zhing bstod nas don zhu ba'o// don bsdu bar byed pa'i phyir/ bcom ldan 'das zhes pa la sogs pa gsungs te/ bcom ldan 'das zhes sdud pa po rdo rje chos kyis bos nas/ rnal 'byor gyi dbang phyug sngar 'das pa dang / da ltar zhugs pa dang / phyi ma 'ongs pa'i lam chen po lta bur ston pas gsungs pa'i mdo chen po 'di bdag la snang ba lags pas na/ nga bdag cag gis kyang mi do'i mi nub pa'i rgyal mtshan chen por gnas par bgyi'o/ rnal 'byor phyi ma'i don du bdag gis gsung chos kyi yi ger yang gnas par bgyi'o// bcom ldan 'das gsang ba mchog gi bdag nyid du yang bdag gis gnas par bgyi'o// mdo 'di'i don 'tshal zhing ston pa'i zag nga zag skyes bu dam pa des gzhan la phan 'dogs par yang bdag gis gnas par bgyi'o// mdo 'di'i don 'chad cing ston pa'i gang zag skyes bu dam pa des gzhan la phan 'dogs par yang bdag gis gnas par bgyi'o// rnal 'byor pa'i dgos pa skong bas yid bzhin gyi nor bu rgyal po lta bur yang bdag gis gnas par bgyi'o// mu stegs la sogs pa/ gzhan gyi sde pas rab tu mi chod pa yang bdag gis bgyi'o// zhes sdud pa po rdo rje chos kyis khas blangs shing ston pa la gsol to// de'i tshe bcom ldan 'das gsang ba mchog gis bdag po// gnyis su med pa'i ngang la brnal te/ cang mi gsung bar gyur to// rgyud yongs su gtad cing snga ma bzhin du gos dang 'dra ba'i phyir na/ le'u'o// bde bar gshegs pa'i gsang ston pa'i rab zab rgyud// bden gnyis don rtogs bshad tshul yang dag shes// tshul des nyon mongs pa la bdud rtsi thogs pa ltar// bodag gi rgyud kyi don nyid mthar thug bshad byas pas// bdag gi dge ba gang thob de ni bdud rtsi'i thigs pa ltar// 'gro ba rtog pa'i nad kyis gdungs pa rnams la rgyas par shog// bdud rtsi thigs pa zhes bya ba'i rgya cher bshad pa las le'u bcu gsum po'i bden pa gnyis kyis bshad pa'o// de bzhin gshegs pa thams cad kyi sku dang gsung dang thugs gsang ba dur khrod khu byug rol pa'i rgya cher bshad pa/ bdud rtsi thigs pa zhes bya ba slob dpon mtsho skyes rdo rjes mdzad pa rdzogs so// / rgya gar gyi mkhan po pad+ma'i thod phreng gi zhal snga nas/ zhu chen gyi lo tsa ba dz+nyA na ku ma ras zhus nas bsgyur te gton la phab pa