<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
GT263: ye shes dbab pa zhes bya ba<br><table><tr><td>
<input type="button" onclick="location.href='tcompletep.php?id=GT263&coll=TG&volcur=0';" value="show page break" />
<td width=150><td>
<input type="button" onclick="location.href='tcompletel.php?id=GT263&coll=TG&volcur=0';" value="show line break" />

<td width=150><td>
<a href="tcompleteu.php?coll=TG&id=GT263&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rgya gar skad du/ dz+nyA na be sha nA ma/ bod skad du/ ye shes dbab pa zhes bya ba/ rdo rje rnal 'byor ma la phyag 'tshal lo// mu tig gis spras byi ru'i chun po ltar gsal skar btsas dgongs ka'i thun
 mtshams 'dra// me tog rab 'phro 'jigs byed me 'bar lta bur phyogs dang na mkha' gsal byed cing // me tog dkar po dang ldan ki shu ka yi me tog dkar ba'i tshogs 'dra ba// gzi brjid du mas rnam brgyan dmar ba'i sku mnga'
 rdo rje phag mo khyad la bsrungs// nyes mtsho'i chu rnams ma lus pa la brgal gyur ye shes dam pas yang dgra brgyan// gzhan don la brtson bcom ldan 'das ma rdo rje phag mo 'jigs ma la btud nas// shin tu gting zag
 dpal ldan 'khor lo sdom pa'i rgyud las yang drag blangs gyur pa// ye shes dbab pa'i cho gas gsung ba yid ches skyed byed tshul bzhin brjod par bya// bsam gtan khang 'od skye bo dang bral dri zhim chus brlan par zhugs te/
 shin tu 'jam zhing mtho ba'i stan la 'dug nas phyir la 'jigs pa sel byed pa'i// gsang sngags brjod nas de 'og mdun du me tog gis ni byugs gyur dkyil 'khor dag/ cho gau bzang po byas nas bzlas pa byas pa'i rdo rje'i
 chu yis khrus byas ste// 'byung po'i tshogs la gtan pa'i gtor ma btang nas 'bad pa dam pas thang ka dag/ mdun du bkram nas spos kyis bdugs shing mchod nas blo bzang kyis ni bsam gtan bya// sbrul po'i 'khor los
 nyi ma'i sa bon las gyur me gzugs dmar po gru gsum la// chu skyes dmar po dus kyi 'dab ma dang ldan rab tu 'bar zhing rgyas pa bsgom// der nI ro yi snying gar 'od drod can steng shin tu g.yon brkyang
 zhabs bzhugs pa// bcom ldan 'das ma rdo rje phag mo phag pa'i zhal mnga' rab tu khro mo ni// phyag rgya lnga pos brgyan cing spyan gsum dang ldan rgyas shing gsus pa shin tu grims// khro gnyer rab tu bsnyer zhing ljags sug hrIH
 yi sgra yis zhal ni gang gyur cing // 'jigs ma 'od tshogs 'phro ba las skyes rgyal bas sems can don rnams mdzad// gcer bu thod 'phreng rdo rdzas brgyus pas dbu skra kham pa gyen mdzes ma// rdo rje rdo rje lcags kyu rgyal mtshan
 thod bcas sdigs mdzub bcas pa'i zhags pa dag/ rig byed tshad kyis phyag mchog rnams kyis bsnams shing spyang mo 'gying bag dang ldan ma// rgya skyegs kau shu ban+du dzi ba ka dang ki li'i me tog ltar dmar ba// sku la mgo 'phreng las
 byas do shal gyis brgyan rgyas shing mkhregs pa'i nu 'bur can// 'od bdun pa dang dpal mo zla tshes mkha' bcas sa mtha' las mchog skyes gyur ma// kun dga' dang bcas thugs rje'i chus brlan thugs can ye shes mngon rtogs
 los bskyed mdzad pa lto// de nas ye shes 'bar ba dam tshig chud cing lus la drug po bkod byas nas// de la sems las byung ba'i cho ga dag dang phyi nang shin tu gsang rnams dang // bstod pa sna tshogs dag dang gla dbyangs mchog rnams
 kyis ni rab tu mchod bya zhing // thal mo sbyar nas gus dang bcas pa'i sems kyis de la mgo bos phyag bya'o// de la sbrul 'khor la gnas rgyal po'i pho brang le brgan rtsi ltar dmar ba la// steng zur 'og tu rigs byed sgo dang drag po nyi ma lta bu
 ngag dang ni// 'og zur steng du bsil zer can dang mkha' ldan yi ge tha ma'i gong ma dang // dbus su 'od zer dmar po mtha' yas rnams kyis phyogs mtha' snang byed sa bon bsgom// de nas rgyal ba'i bzhugs gnas rab mdzes 'khor lo lha/
 bur 'khor bar bsgoms nas ni// sngags kyang bzlas te stobs bzang las byas bdug pa sngags ldan blo dang ldan pas bsregs// ma lus rgyal ba'i sku ldan lha mo 'bod pa'i de ma thag tu A be shra yA dang // de nas skul byed de rjes rang gi
 sa bon de 'og me yi btsun mo yin// sku la cha kun tha ma'i rjes la mchog gi sa bon de nas glang po ste// de rjes dran yig brten pa'i k+Sha lhag na mkha' zur ldan rjes la'ang de nyid ldan// oM hrI haM dang de yi rjes la'ang haM dang bde ba'i yi ge gsum
 dang ni// hi hi pho gsum de dag rim bzhin bzlas dang bsreg dang mtshan mo'i gtor ma'i yin// nag po'i phyogs kyi bcu pa nAs brtsams nyi ma so sor cho ga yis// bzlas pa gtor mu chod par ldan pa'i bsam gtan dam pa bsgrub byas na/
 shin tu rgya chen mi mnyam mnyam pa'i rang bzhin dngos grub zla ba yis// thob pa 'di la legs pa la ston blo chen rnams kyis 'khrul mi bya// ye shes dbab pa'i cho ga las bsgom pa'i cho ga'o//
 slob ma gus ldan zhabs pad la btud rnams kyi gsol ba btab gyur bla ma yis// nag po chos mchog ji skad brjod pa de dag legs pa kho nar yang dag gzung // de 'og 'khor lor cho ga bzang pos ji skad brjod
 pa'i lha mo mchog bsgoms nas// de yi rtsibs ldan 'og mar sngar bzhin 'khor lo mdzes pa 'khor bar bsgoms nas ni// de 'og lag gnas rdor 'dzin phul te ji srid mgo la mgon ldan me tog can// de dag ma lus shin tu
 babs gyur bar du yang dag bdug cing gsang sngags brjod// phebs par gyur tshe grangs dang tshad pa chen po lnga gnas lta bur spu lta zhing // mig nas mchi ma 'jog cing 'dar la 'gyel zhing ye shes dag ni skye bar 'gyur// de dag rnal
 gnas gyur pa rnams la rnal 'byor chen po mchod pa'i cho ga dang // bsgom bya bzlas bya gdug par ldan pa'i gsang sngags don kun sgrub byed rnams kyang brjod// gang dag dad dang bral ba'i sems ldan blun zhing sdig pa'i las la
 brtson gyur pa// gus pas bkur sti byed pa'i ngor ni mi de rnams la 'di ni brjod mi bya// ye shes dbab pa'i cho ga las slob ma rjes su 'dzin pa'i cho ga'o// // yang dag grub dang slob ma bzang 'dzin byed pas phyi rol mchod pa
 byed gyur pas// mdun du khu ba dmar pos me tog dmar po dang ldan maN+Dal byas nas ni// rdo rjes mtshan pa'i 'khor snod la brten snod chen mnyam pa de la lag g.yon gyis// 'khor lo zur gsum mdzes pa sna tshogs rdo rje dang
 bcas mngon par bris nas ni// de la sngar bshang yi ge bzhi po bgegs bdag dmar po'i mgo rgyan phye ma yis// nub tu kha bltas gsang sngags rig pas lag pa g.yon gyis snga ma bzhin du bri// de nas cho ga'i rim pas ye shes bkun
 nas myur du dam tshig la gzhug bya// de la dri dang spos mchog me tog dri zhim mar me lha bshos rnams dang ni// 'dod pa lnga dang mchog gyur bdud rtsi stobs dang thug pa bzhi ba bya bza nga po dang // bca' dang bza' ba bde gshegs drug
 pa dang ni khar ba'i sil khrol bcas glu dang // pi wang gling bu rnga rings rdza rnga pa Ta ha rnams dang ni dung dag dang // zangs dung rnams kyi sgra snyan gar bcas dge legs kyis ni mchod cing bstod pa ste// mchod pa'i tshul mchog leg
 pa sna tshogs rnams kyis rnam pa kun tu mchod bya zhing // gus par thal sbyar zhes bcas pas dpe meng phyag ni rab tu btsal bar bya// sngags rnams so sor cho ga bzang pos bzlas pa yis ni 'bum du longs byas te// rdo rje la
 sogs dbye bas 'dir ni bzlas pa gsum du nges par 'gyur ba yin// gang tshe blta bar 'dod pa skyes na de tshe yig dang bcas pa'i 'khor lo mdzes pa de dang bzhugs pa'i bla ma la yang rab btung nas// muHyig bcas lngas cho ga
 ldan par 'dug pa rab tu brjid nas ni// skyes bu don mchig la brtson blo yis bsam gtan las ni yang dag ldang // ye shes dbab pa'i cho ga la phyi rol mchod pa'i cho ga'o// / gang zhig bshad zin cho ga mchog
 gis nyin re bzhin du 'khor lo mchod byed cing // cho ga ji bzhin thang ka'i mdun du lha mo'i sngags kyi bzlas pa yang byed pa// des ni 'gro don sna tshogs bskyed pa'i yang dag grub pa nges par thob 'gyur zhing
 'jig rten dag na mdangs 'bar lha mo lta bur shin tu mchod pa nyid du 'gyur// rjes chags snying ldan gos dmar can gyi bsgrub bya gang yin mdun du bltas byas nas// rdo rje zhags pas mgul nas legs par bcings shing brang nas
 lcags kyus phug nas ni// thal sbyar gcer bur drangs nas rang gi rkang gnyis la ni 'gyel bar kar byed pa// Dom+bis ra Da'o skye bo lta bur des ni shin tu byed par 'gyur// gang gis mgo la rdo rje'i rtse mos bsnun cing thod gnas khrag gis
 mig bkang ba// de ni rdo rje'i lus can yin du zin kyang myur bar gshin rje'i gnas su 'gro/ sa bon 'od zer bdud rtsi'i rang bzhin tshogs kyi shi ba gang gis rma bkrus shing // kha T+wAM la gnas sgra bcas pa yi dril bus des ni yang dag
 bar 'gyur// ye shes dbab pa'i cho ga las phan yon sbyor ba dang bcas pa'i cho ga'o// / ye shes dbab pa'i cho ga tshul bzhin brjod pas bsod nams zla ba nya ba yi// 'od ltar dkar zhing nyes pa ma lus sel ba bdag
 gis bsgrubs gyur gang yin pa// des ni 'gro rnams nyon mongs ma lus dang bral yon tan rnams kyi gter gyur pa/ bcom ldan 'das ma rdo rje phag mo'i ye shes snang bas rab tu 'bar bar gyur// ye shes dbab pa zhes bya/
 ba rnal 'byor gyi cho ga'i mchog dpal stong nyid ting nge 'dzin gyis mdzad pa rdzogs so// / bal po'i A tsAr+ya b+ha ren+da ru tse dang / lo tsa ba blo ldan shes rab kyis bsgyur ba'o//