བོད་ཡིག

e-texts produced with BDRC’s OCR application

'jig rten mgon po la phyag 'tshal lo// lho phyogs kyi rgyud long ba'i yul na dpal 'bras kyi phung po zhes bya ba'i pho brang yod de// de ni chos kyi dbyings ngag gi dbang phyug chen po'i dkyil 'khor mchod rten gyis yongasu g.yogs pa'i rje btsun bzhugs so// der phyin nas rje btsun gyi mchod rten la phyag stong phrag lnga btsal bar bya'o// rdo rje lcags sgrog ces bya ba'i gzungs bzlas par bya'o// de la brjod par bya ste/ na mo b+ha ga wa ti Ar+yA badz+ra shrI kha lA ye.e/ ha na ha naM/ tshin tshin/ bi pa ba Sha ka pA ya dAt+yA ra ta ra/ te re ga ba tr-i atsogany+dza badz+ra A ya ti/ badz+ra pra kA re oM na mo b+ha ga wA te/ Ar+ya bidz+ra shr-I kha le pUr+tha ngi shaM badz+dzi/ dak+Shi naM di shaM bam+b+ha/ pi yAm di shaM bar+N+Na/ ud+ha ra di shaM ban+d+ha/ A b+hau di shaM ban+d+hi/ da shaM d+hi sha ban+d+ha/ ma swe pA de ban+d+ha/ yarba rak+Sha saM ban+d+ha/ b+ha ta pre taM bi shA tsaM ban+d+ha/ sid+d+ha yo gi DA ki ni ban+d+ha/ e ka pA daM ban+d+ha/ di pa d+l-i ban+d+ha/ tri pA daM ban+d+ha/ tsa tuHbA daM ban+d+ha/ pany+tsa pA daM ban+d+ha/ ShaT pA daM ban+d+ha/ sa ha pra pA daM ban+d+ha/ brik+Sha daM ban mu la bA daM ban+d+ha/ de baM ban+d+ha/ de baM ku laM bar+t+ta/ nA gaM ban+d+ha/ na ga ku laM ban+d+ha/ pa ra ku li ban+d+ha/ gu hi na ban+d+ha/ tri kro Na pri thi ba'i na bar+N+Na ban+d+ha hUM/ mAM tsa la mA tsa la/ tiSh+Tha tiSh+Tha/ si bi dI ban+d+ha/ brah+ma ba tsa ne/ bin+d+ha dan+d+ha/ oM na mo b+ha ga wa t+yai Ar+ya badz+ra shrI kha le pany+tsa kro shi kaM maN+Da laM bin+d+ha/ ha na ha na/ hUM hU~M phaT phaT swAhA/ sdang ba thams cad kyi snying rnam par 'joms ma 'phags ma rdo rje lcags sgrog ma zhes bya ba'i gzungs rdzog so// / des gnod spyir bgegs 'byung bar mi 'gyur ro// de nas de'i rjes su ma la ya'i yul du 'gro bar bya'o// der phyin nas chos kyi rgyal po mchod rten rje btsun la bskor ba stong phrag gsum bya'o// byas nas sngags khyi phrag drug stong bzlas par bya'o// de la sngags ni 'di yin te/ oM ma ni badz+rI hUM/ gal te gang zhig skyes bu chen po brtson 'grus chen po rnams kyis 'gro bar 'gyur ba nyid du 'dod pas khyim gyi bsam pa dran par mi bya'o// byas na sdug bsngal dang nyon mongs pa rnams kyis 'joms par 'gyur ro// dpal ldan po ta la ka'i rje btsun gyi zhal mthong ba don du gnyer ba'i sems can de rnama'i nges par brtson 'grus brtan pa de rnams kyis bgrod par bya'o// de'i tshe skyes bu de rnams kyis nges par rang gi lus sems can thams cad la bani pa'i don du bdage nyid kyi lus sbyin pa ro btang bar bya'o// lus sbyin par byin nas phyis dpal po ta la kar bgrod bar byar/ pa thams cad yongasu smangs te 'dod chags la sogs pa'i bsam pa dor nas bgrod par bya'o// spro ba'i sems kyis glu dang gar dang dam pa'i chos kyi yi dam dang bcas pa dang / sngags la sogs pa dang bsgom par bya'o// g.yeng ba'i sems kyis 'gro bar mi bya'o// ngos po nyid du rje btsun gyi zhal mthong bar 'gyur bar bya'o zhes smras nas spro ba'i sems kyis bgrod par bya'o// sems de nyid kyis 'gro ba na gal te rje btsun gyi zhabs mthong bar ma gyur na// de'i tshe bdag nyid 'jam pa'i mgon po mtshams med pa lnga'i las byed par 'gyur ro// de ltar byas nas ma la ya'i ri la bgrod par byas pas ri'i dbus su u dum pa ra'i nags mthong bar 'gyur ro// mthong nas kyang 'bras bu rnams bza' bar bya'o// bza' ba byas nas kyang 'bras bu rab tu mang po rnams bzung bar bya'o// bzung nas yang 'gro ba na sum rtsegs ces bya ba'i gnas kyi 'dug sa mthong bar 'gyur ro// de'i tshong 'dus kyi dbus su 'jug par bya'o// zhugs nas sngags stong phrag gsu bzlas par bya'o// de'i sngags ni 'di yin te/ oM ma Ni pad+mi hUM/ tshong 'dus de la g.yon nas bskor te 'gro ba ni rigs ldan mA zhes bya ba'i dri ma med pa'i chu rgyun mthong bar 'gyur ro// de rnams las rgal te mthong bar 'gyur ba ni shing ta la dang shing sa la dang / pi ba la'i shing sa spya ba shul dang / aM bu dang / dzam+bu dang / sha ko sa Ta ka dang / ba ru ra la sogs pa'i 'bras bu dang ldan pa'i shing ljon shing du ma mthong nas 'bras bu yang bzung bar mi bya'o// bza' bar yang mi bya'o// de rnams la g.yon nas bskor te 'gro bar bya'o// dri med ldan pa zhes bya ba'i chu rgyun mthong bar 'gyur ro// rdo ba'i rang bzhin 'ba' zhig ste/ de mthong bas 'jigs par mi bya'o// rdo dang brag de las 'das te pha rol tu phyin te/ ku she btogs te bsgra pa po'i skyes bu rnams kyis sngags 'di yis spyi bo gtsug bcing bar bya'o// oM mu ne rak+Sha swA hA/ byas nas kyang yi ge drug pa'i rig pa chen mo'i sngags khri phrag gcig bzlas par bya'o// bzlas pa byas nas yang dge ba'i rtsa ba spyad nas ro btung bar bya'o// des mi smra bar 'gyur bar bya'o// mi smra bar gyur pas glu blang ba dang / rgod pa dang / gar dang chos klog pa dang / 'don pas 'grong par bya'o// sems ge yang bar mi bya'o// lha'i rnal 'byor gyis 'gro bar bya'o// dpal ldan rje btsun gyi zhabs mthong bar bya'o// / zhes smras nas 'gro zhing song ba las skyu ru ra'i 'bras bu rnams gzung nas bza' bar bya'o// zos nas kyang 'bras bu rab tu mang po rnams bzung bar bya'o// bzung nas 'gro ba na nyi ma bzhin rig pa 'dzin pa'i tshe'u mthong bar 'gyur ro// uta pa la la sogs ba'i sna tshogs pa'i sna chags pa'i chu las skyes pa'i me tog rnams kyis brgyan pa ste/ 'gram bzhi ni lho'i 'gram ni rig pa 'dzin pa rnams kyi'o// nub kyi 'gram ni lha rnams kyi'o// byang gi 'gram ni gnod sbyin la sogs pa'i tshogs kyi'o// shar gyi 'gram ni nags kyi lha mo rnams kyi ste/ tshe'u der 'grod par mi bya zhing / chu btung bar mi bya'o// ji srid zhags phye dang gnyisu phyin te mtsho de la bltas la sngags 'di brjod par bya'o// de la sngags ni 'di yin te/ oM hUM hU~M hUM dza dza dza pra ya ts+tsha pra ya ts+tsha ya phaT phaT kaM kan le mnyab la se ne mo Ta ya mo Ta ya oM hU~M hU~M hUM swAhA// mtsho de la g.yon nas bskor te 'gro bar bya'o// smin drug gi bu nyon cig spo can gang la la bdag gi drung du 'ong bar brtson pa dad pa dang ldan pa bden par smra ba don du gnyer ba ltos pa med pa rnams 'ong ba na de rnams kyis gal te grub par ma gyur cing da dang lhan cig mthong bar ma gyur na de'i tshe bdag nying mtshams med pa lnga'i las byed pa por 'gyur ro// dpal ldan po ta la ka'i rje btsun gyi dam bcas pa brtan pa'o// nyi ma lnga'i bar du dka' ba chen pos 'gro bar byabya'o/ phyi nas yang rgya shug gi bsti gnas mthong bar 'gyur te/ de la sna tshogs pa'i shing la sogs pas brgyan nas/ aM bud dang dzam bud dang / nA rang ga dang / kiN DA ha la dang / bi la ba dang skyu ru ra dang / rgun 'brum dang / ka bide tha dang / dzaM bi ra la sogs pa'i 'bras bu dang ldan pa la sogs pa'i sna tshogs pa'i shing rnams gnaso// shing la la ni 'bras bu skye bzhin pa/ la la ni me tog 'byin// la la ni 'bras bu skye bar 'gyur// kha cig ni 'bras bu dang ldan pa'i shing rnams gnas te/ de las 'bras bu rnams bzung nas bza bar bya'o/ zos nas kyang 'bras bu rnams bzung nas sems can thams cad kyi phyir gzugs par bya zhing gzhag par bya'o// nyi ma bzhi'i bar du bsti gnas der 'bras bu sna tshogs bzung ste phud kyang gtor zhing bza' bar bya'o// zos nas kyang lus tshon por bya'o// byas nas kyang slar yang gal te sdod par 'dod na de'i bsti gnas de la bskor ba bya zhing nyi ma brgyad tshun chad sna tshogs pa'i 'bras bu rnams bzung bar byas la/ de'i tshe bsti gnas la g.yon nas bskor te nyi ma bdun tshun 'gro bar bya'o// der phyin pas spra tsher ma can gyi nags mthong bar 'gyur te/ zhag phyed dang gnyis kyi bar de las spra tsher ma can sor brgyad pa'i tshad rnams mthong nas 'jigs par mi bya'o// tsher ma'i steng du rkang pa'i zur gyis 'grod par bya'o// tsher ma rnams ci nas kyang rkang pa la mngon par ma zug par bya'o// sgra'i nags las brgal ba nA yi ge drug pa'i sngags bzlas par bya'o// der phyin nas nyi ma bzhi'i bar du bil ba'i nags kyi bsti gnas mthong bar 'gyur te// bil ba'i 'bras bu rnams bza' bar bya'o// nyi ma bdun gyi bar du bsdad ngo // bsdad nas yang 'gro bar bya'o// nyi ma bzhin bdag po med pa zhes bya ba'i mtsho mthong bar 'gyur ro// de la g.yon nas bskor te 'gro bar bya'o// de mthong ma thag tu brjod pa ni// de la oM ma Ni pad+me hUM sngags kyi yi ge 'di'i grangs ni 'bum bzlas pas bcom ldan 'das kyi byin brlabs thob pa dang / sdig pa dang bral bar 'gyur ro// slar yang nyi ma gsum na 'dzam bu'i nags mthong bar 'gyur te/ der nyi ma bzhi bsdad nas 'dzam bu'i 'bras bu rnams bza' bar bya'o// zos nas kyang 'bras bu mang po rnams bzung nas nyi ma bdun gyi byar du phyin pa na/ rkang pa nani'i nags kyi zhing mthong bar 'gyur te/ de rnams kyi gseb nas myur ba myur bar 'gro bar bya'o// de nas 'bras bu gcig kyang blang bar mi bya zhing blta bar yang mi bya'o// bsdad par yang mi bya'o// de la 'gro ba na sre mo chen mo'i mtsho mthong bar 'gyur te/ de mthong ba na sngags brjod par gyi'o// de la sngags ni 'di yi ma rA r-I tron d+hi sle s+ye sarba bud d+ha ma ma ra ga rbu hU~MHtre sle srung / de nas song bas rgya shug ginags mthong bar 'gyur zhing / nyi ma gsum gyi bar du bsdad par bya zhing 'bras 'apas bar bya'o// zos nas kyang 'gro bar bya ste/ nyi ma sum cu rtsa gnyis na spre'u glang po che'i tshad can gyi tshogs mthong bar 'gyur te/ spre'u de rnams mthong ba na 'jigs par mi bya zhing / skrag par mi bya'o// blo brtan par gyur pas sngon du bshad pa'i sngags brjod par bya'o// spre'u rnams 'bros par 'gyur ro// phyi nas 'gro bar bya ste/ song bas yang nyi ma gsum na s+tha ko Ta ka'i nags mthong bar 'gyur te/ der nyi ma drug bsdad cing ci tsam sdod pa de srid du 'bras bu bza' bar bya'o// zis nas yang 'bras bu rnams bkye bar bya'o// song bas phag gi tshogs shin tu 'jigs par byed pa 'dam rnams kyis rnam par gos pa mthong bar 'gyur te/ de mthong na 'jigs par mi bya'o// yang nyi ma gnyis pa na stag gi tshogs mthong bar 'gyur te/ de mthong bas 'jigs par mi bya zhing slar yang sngon du brjod pa'i sngags bzlas par bya'o// stag gi tshogs de dag 'bros par 'gyur ro// phyi nas song bas se 'bru'i nags mthong bar 'gyur te/ nyi ma dgu'i bar du bsdang la 'bras bu rnams bza' bar bya'o// zos nas 'bras bu rab tu mang po rnams bkye bar bya'o// nyi ma gsum na seng ge'i tshogs shin tu 'jigs par byed pa khro bo'i gzugs mthong bar 'gyur te/ de rnams mthong bas skrag pa cung zad kyang mi bya'o// bdag nyid seng+ge'i gzugs bltas te tshogs rnams kyi mdun du gyur pas sngon du brjod pa'i sngags smras pas 'dug par mi 'gyur ro// nga thams cad las grol zhing song bas phyi nas 'gro bar bya'o// de nas phyin pa na nyi ma bzhin gu yu'i shing dang mnyam pa'i bu ram gyi shing gi nags rgyang grags gcig 'khor ba gnas pa mthong bar 'gyur te/ bu ram shing de rnams kyi ngar ba'i dbus na bye ma dkar po dang 'dra ba'i ka ra yod pa mthong bar 'gyur te/ de rnams kyang ji ltar bde bar bza' bar bya'o// phyag tshang rku ba'i 'bras bu sor mo gci gi phyed pa chu yis bkang ba dkye bar bya'o// kar rab tu mang po bkye bar bya'o// chung zad par ma gyur pa ni lci bar mi 'gyur ro// nyi ma drug phyin pas kla klo'i grong khyer de nas kla klo rnams gnas so// de rnams la g.yon nas bskor te 'gro bar bya'o// nyi ma gnyis pa na rig pa 'dzin pa'i skyed mos tshal shing pun+da na ga dang / klu shing dang / shing pa ku la dang / shing skya smar dang / shing tsam pa ka pa dang / shing mya ngan med pa la sogs pa'i sna tshogs pa'i ljon shing rnams kyis nye bar brgyan pa mthong bar 'gyur te/ skyed mos tshal myur ba sbyar bar dong bar bya'o// nyi ma gnyis pa na khyi ri kha'i nags dang / kha ra tshu ri khi'i nags mthong bar 'gyur te/ de dag nyi ma bdun gyi bar du ji ltar bde bar bza' bar bya'o// 'bras bu rab tu mang po rnams bzung ste/ nyi ma drug gi bar du 'gro bar bya'o// song bas phyi nas shin tu 'jigs pa'i 'dam rdza ba mthong bar 'gyur te/ de rnams mthong ba na 'jigs par mi bya zhing sems skyo bar 'gyur bar mi bya'o// yi ge drug pa'i sngags bzlas shing 'gro bar bya'o// der 'dam rdza pa las brgal te/ dza la pa yi ka yi nags yod do// 'bras bu rnams zhag lnga'i bar du ji ltar bde bar bza' bar bya'o// zos nas kyang 'bras bu mang po khyer te 'gro ba na nyi ma gsum sa la'i nags mthong bar 'gyur ro// de 'das nas slar yang ke te kyi'i nags puSh+pa sna tshogs 'khrigs pa me tog sna tshogs dri dang ldan pa mthong bar 'gyur te/ ka ta ke la sems kyi 'dod par mi bya'o// de rnams las g.yon gyis bskor te 'gro ba na nyi ma gsum na dngul chus yongs su gang ba'i rdzing bu mthong bar 'gyur te/ de'i dbus na dngul chus yongasu byugs pa'i skyes bu yid do// gal te dngul chu'i skyes bu blta bar 'dod na dngul chu'i rdzing gi shar log nas se kA li ka lA sogs pa sna tshogs pa'i me tog gi nags gnas te/ sgrub pa pos me tog de dag gzung ste/ skud pa phra mos phreng ba rgyud par byas nas phyis rdzing bu'i phyogs su dor por bya'o// me tog dor ma thag tu dbus kyi gnas su song nas me tog gi phreng ba rab tu gzhug go// zhugs pas dngul chu'i skyes bu'i mgo la phog par 'gyur ro// slar yang sgrub pa pos nyi ma gzhan la sna tshogs pa'i me tog bzung nas me tog gi phreng bar brgyus te rdzing gis dbus su dor bar bya'o// nyi ma snga ma la dor ba'i me tog gi phreng ba 'thon nas rdzing gi 'ogra du chags par 'gyur ro// bsgyur ba'i me tog de du lha chu'i skyes bu'i mgro li 'bab par 'gyur ro// de mthong nas gal te dngos grub chung ngu 'dod na de'i tshe bsgrub pa pos me tog gi phreng ba bzung nas rdzing bu'i 'gram du 'jug par bya'o// der phyin nas gzhu 'dom brgya phyin pas ka ba bzhis nye bor brgyan pa'i bsil khang mthong bar 'gyur te/ de'i dbus na lo bcu drug lon pa'i rnam pa'i dngul chu'i skyes bu gnas te rgod bzhin du 'dri bar 'gyur te/ kye spyis po brtson 'grus dang ldan pa gang nas 'ongs/ ci 'dzin par byed/ mig sman dang / mchi su l+h+wam dang / rkang po la byugs pa dang / ri lu dang ral gI la sogs pa'i sna tshogs pa'i dngos grub gang dag 'dzin par byed/ gal te bzung bar byas pa de'i tshe phra mo'i dngos grub 'grub par 'gyur ba 'di la the tshom medo// gal te mi 'dod pa de'i tshe brgal te g.yon nas bskor te 'gro ba na/ rkyen du shing la sogs pa'i nags mthong bar 'gyur te/ nyi ma lnga'i bar du de'i 'bras bu rnams bza' bar bya'o// 'bras bu bzung nas 'gro bar bya ste/ de rnams las g.yon du bskor nas 'gro bar bya'o// de dag 'das nas nyi ma gsum na lo bcu drug lon pa'i rnam pa mi'i gtso mo zhes bya ba'i rig pa 'dzin pa'i bud med lha'i gzugs can rnams ra skyong zhing gnas te/ sgrub pa pos de'i drung du phyin nas reg pa dang brtse bar yang bya'o// sgru pa po'i skyes bu bltas pas des skrag pa chen po skyed par byed de/ bgegs rtsom par yang 'gyur ro// mi'i gtso mo la bltas nas sgrub pa po'i skyes bu brtson 'grus chen po dpa' gong ba'i sems dang yid la mngon par 'dong par mi bya'o// yu~Md-i tsam 'dug nas kyang dga' bar 'gyur te/ ra rnams yongasu bsdus nas 'gyur ro// de'i phyi bzhin du rjes su 'jug par bya'o// nyi ma drug rnams kyi 'bras sA li dr-i zhim bya'i zhing rnam mthong bar 'gyur te/ de la snye ma lnga bzung nas 'gro bar bya'o// nyi ma gsum phyin pa na gser ldan zhes bya ba'i mtsho mthong bar 'gyur ro// mtsho de la khrus bya zhing su btung bar bya'o// pad+ma'i rtsa ba bza' bar bya'o// thos nas kyang rtsa ba la sogs pa po bzung bar bya'o// bzung nas yang 'gro bar bya zhing song ba na shing s+yA smAr gyi nags mthong bar 'gyur te/ de la g.yon zhes bya ba'i mtsho mthong bar 'gyur ro// mtsho de la khrus bya zhing chu btung bar bya'o// pad+ma'i rtsa ba bza' bar bya'o// thos nas kyang rtsa ba la sogs pa mang po bzung bar bya'o// bzung nas yang 'gro bar bya zhing song ba na shing skya sngar gyi nags mthong bar 'gyur te/ de la g.yon nas bskor te 'gro bar bya'o// de la shin tu 'das nas ga bur shing rnams mthong bar 'gyur te/ rlung ba byas nas ji ltar bde bar bza' bar bya'o// bzung bar bya ste ji ltar nus par bkyer bar bya'o// de 'das nas nyi ma gcig na shing a sha ta'i nags mthong bar 'gyur te/ de la g.yon bskor gyis bskor te phyin pa na rig pa 'dzin pa la sogs pa rnams kyi skyed mos tshal dang lha ma yin gyi skyed mos tshal sna tshogs pa'i shing la sogs pa ba ku la dang a mra la sogs pa'i 'bras bu rnams dang / me tog 'dza ti dang / kun da dang / ma li ka dang / tsam pa ka dang / na ga ke sar la sogs pa'i me tog yang dag por khyab pa mthong bar 'gyur te/ de la cung zad kyang blang bar mi bya'o// de las 'das nas chu'i rgyun dri ma med pa mthong bar 'gyur te/ de la g.yon nas bskor nas 'gro ba na nyi ma gsum nu dri ma med par ldan ma zhes bya ba'i rdzing bu mthong bar 'gyur te/ rjeng bu de la khrus bya'o// rtsa ba rnams bza' bar bya zhing nyi ma gsum bsdang nas 'gro bar bya'o// nyi ma gsum na 'dod pa'i rgyal mo zhes bya ba'i rig pa 'dzin pa'i rgyal mo dum phyong g.yogs pa khang po dang ldan pa go la ma bzhin du gnas pa di bar 'gyur te/ de'i drung du 'gro bar bya'o// rig pa 'dzin pa'i rgyal mo zhes bya ba'i bud med des dris pa/ gang du 'gro bar 'gyur bar byed/ sgrub pa pos kyang lan smra bar bya ste/ dpal ldan po ta la ka'i bcom ldan 'das 'phags pa spyan ras gzigs dbang phyug bzhugs sar 'gro bar byed do// de thos nas smras pa bdag gi khyim du zol 'gro bar byos zhes// de nas yang de rang gi skyed mos tshal gyi dbus na zangs dang dngul dang gser gyis rab tu bskor ba'i rab cen rin po che du mas nye bor brgyan pa'i khang pa brtsegs pa khe'i 'phang sna tshogs pa'i rin po che bkod pa'i ka bas nye bar brgyan par 'gro bar 'gyur te/ rang gi khyim du phyin nas 'khor bos te smras pa/ myur du tshogs cig pos pas de skad smras ma thag tu bud med kyi yongasu bskor ba'i bud med de rnams kyis tshos pa rnam pa sna tshogs pa khyer nas 'ongs te/ bud med rnams rim pa ji lta bar sna tshogs pa'i rin po che'i rang bzhin gyis spras pa'i stan rnams bting ste/ stan rnams la rim pa ji lta bar zas bza'o// kha bshal ba byas nas ga pur dang bcas pa'i go la ster ro// byin nas yang smras pa/ cung zhig bzhes shig/ phyin nas rang nyid kyis 'bras bu dang / rtsa ba mang po bzung bar bya ste/ bdag gis gzhag na 'di nyid du stod par byed dam/ gal te khyod nyid tshangs par spyod par yin na/ de'i tshe slar byang gi sgo nas go la bsgoms la bzhung bar byos shig/ 'di la yid kyis mngon par 'dod par mi bya'o// der gal te bsgrub po zhen pa med pa ngo tsha dang bcas pa'i tshangs par spyod pa 'gro bar 'gyur ro// de'i tshe bud med des 'gro ba'i dus su byang gi sgor gzhug par 'gyur te/ byang gi sgor zhugs nas smras pa/ denas pas shing 'bras bu'i nags mthong bar 'gyur te/ myur ba myur bar bas shing 'bras bu'i dbus su sngags zlos shing gi 'gro bar bya'o// de la sngags na 'di yin te/ ma d+hi d+hi d+hIts+tshi pa d+ma mams 'angs pa dang / der phyin nas nyi ma bzhi nas dga' bo'i tshal chen po mthong bar 'gyur te/ slar yang shar phyogs nas zhugs nos bltas pas/ shing sA la dang / shing te la dang / pI yA la dang / oM m+ba dang / 'bras bu tsher ma can dang / chu shong gi 'bras bu dang / pil ba dang / na rang ga dang / ka pid Ta dang / dza bi la sogs pa'i 'bras bu rnams dang / me tog man+da ra ba chen po dang / shing yongs 'dud dang / tsam pa ka dang / mya ngan mid dang / klu shing dang / ba ku la la sogs pa dang / dzA ti dang / kun da dang / se ba li ka dang / a mA lA dang / hA sa ra ke na du la sogs pa rnam pa sna tshogs pa'i me tog rnams dang / rnam pa sna tshogs pa'i rdzing bu rnams ni pad+ma dang ut+pal la sogs pa'i me tog mthong bar 'gyur ro// sna tshogs pa'i 'bras bu bza' bar bya ba rnams slar yang nags kyi dbus su zhugs te 'bras bu sna tshigs bza' bar bya'o// de las 'das nas lha ma yin gyi gnas gzhi chen po mthong bar 'gyur te/ gnas gzhi der 'jug par bya ste/ de la g.yon nas bskor ba na/ sa la'i shing chen po yod do// de la yang g.yon nas bskor nas 'gro bar bya'o// nyi ma gsum tshangs pa'i gnas bdun rtsigs pa mthong bar 'gyur te/ sna tshogs pa'i 'bras bu mang po rnams bzung nas 'jug par bya ste/ khang pa dang po ni rje btsun seng ge sgra bzhugs par mthong 'gyur te/ de mthong nas lus sa la phab pa'i phyag bya'o// sgo nas zhugs nas rje btsun dpal nag po chen po 'jigs pa chen po mdzad pa bong stod che ba de mthong nas 'jigs par mi bya'o// g.yas nas bskor nas brang khang so sor 'jug par bya ste/ rje btsun phyag bya bar 'os pa la mchod pa dang bsnyen bkur la sogs pa bya'o// mi mthong bar mi 'gyur te rgod po'i tshig thos par 'gyur bas de la 'jigs par mi bya ste/ gal te bdun rtseg gi gnas thams cad kyi bar du 'jug par bya'o// de'i tshe thams cad kyi steng na rje btsun sangs rgyas mthong bar 'gyur te/ mchog tu dad pas lus sa la phab pa'i phyag bya'o// phyag byas nas gsum la skyabs su 'gro ba'i tshigs subacad pa zag par bya ste/ sangs rgyas bla ma phyag 'tshal lo// skyob pa chos la phyag 'tshal lo// dge 'dun che la phyag 'tshal lo// rnam gsum la yang bdag phyag 'tshal// dkon mchog gsum la bdag skyabs mchi// sdig pa thams cad so sor bshags// 'gro ba'i dge la d+he yi rang // sangs rgyas byang chub yid kyis gzung // sangs rgyas chos dang tshigs mchog la// byang chub bar du skyabs su mchi// rang dang gzhan don rab bsgrub phyir// byang chub sems su 'di rnams bya'o// byang chub mchog gi sems 'di bskyed par bgyi// sems can ma lus bdag gis 'gron du gnyer// byang chub spyod mchog yid 'ong spyad par bgyi// 'gro la phan phyir sangs rgyas 'grub par shog/ sdig pa thams cad bshags par bya// bsod nams la yang rjes yi rang // 'phags pa'i gso sbyong yan lag brgyad// bsrung bar gnas pas spyad par bgyi// de nas khyab 'jug gi gnas mthong bar 'gyur te/ der zhugs pa na bris sku dang po ti dang lugs ma la sogs pa'i rje btsun rnams mthong bar 'gyur te/ phyag byas lo skor ba bya ste dbang por byas nas 'gro bar bya'o// khyab 'jug gi dgu rtsig pa'i gnas de la g.yon nus bskor nas 'gro ba na nyi ma gcig na rnam pa thams cad shel la sogs pa'i lha khang mthong bar 'gyur te/ der 'jug par mi bya ste/ lha khang de la g.yas nas bskor bar bya'o// shal gyi rnam pa'i rdzing bu mthong bar 'gyur te/ der 'jug par mi bya'o// de 'das nas A ma pa'i skyed mos tshal mthong bar 'gyur te/ de yang ci ltar bde bar bza' bar bya'o// zos nas kyang bgyi bar bya'o// slar yang dbang phyug chen po'i gnas bcu drug tu brtsegs pa chen po rin po che du mAs nye bar brgyan po mthong bar 'gyur te/ de na bza' shing rab lus 'bras bu rnams ji ltar bde bar bza' steng la bso bar bya'o// nyi ma gnyis kyi bor du 'gro bar bya'o// phyin pas yang nyi ma gsum pa na rdzing bu shin tu ring ba rab tu zab pa ngos bzhi rnams na sna tshogs pa'i ljon shing rnams yod de/ AM bA la sogs pa'i 'bras bu rnams kyis yongs su gang ba khu byug la sogs ba'i bya sna tshogs kyis yongs su gang ba/ ngur ba la sogs pas chu la sogs pa yongs su gang ba ste/ rdzing bu der 'jug par mi bya zhing 'gro bar mi bya'o// de rnams la g.yon nas bskor bas 'gro bar bya'o// ji srid nyi ma gsum na rdo'i rang bzhin sna tshogs nor bu'i 'od dang mnyam pa'i lha khang lnga yod pa mthong bar 'gyur te/ de na rje btsun ling ga sa ya brgyad stong du ma yod de/ de'i dbus na rig pa'i grub pa'i rje btsun ling ga bzhugs te/ der zhugs nas gal te dngos grub chung ngu 'dzin par byed na ling ga de la reg pa tsam gyis mkhas spyod kyi dngos grub tu 'gyur ro// de nas bsgrub pa po'i skyes bu rnams kyis lha'i khang bar zhugs nas ling ga re re la reg par bya'o// de la sngags ni 'od yin te/ hUM gAl te yang dngos grub chung ngu 'dzin par mi byed na/ de'i tshe slar yang 'gro bar bya'o// lha'i khang pa la g.yon nas bskor ba na 'gro ba na/ nyi ma gnyis song ba na sbrang rtsi'i shing mthong bar 'gyur te/ 'bras bu de la ji ltar bde bar bza' bar bya'o// nyi ma bzhi bsdad par bya zhing bsdang nas kyang 'bras bu rnams khyer nas g.yon bskor gyis song song ba la/ ni bring ba'i nags mthong bar 'gyur te/ de nas g.yon nas bskor nas 'gro ba na sna tshogs pa'i me tog la sogs pas brgyan pa'i rdzing mthong bar 'gyur te/ de nas rig pa 'dzin pa'i bud med rnams dpal ldan 'jig rten mgon po rje btsun gyi bkas smra bar 'gyur te/ kye sgrub pa po'i skyes bu dag slar 'dzam+bu'i gling du phyir log la rang gi khyim du song zhig dang kho mo mthong bas ji lta ba bzhin 'gyur bar byed de/ rje ltar sa nyid la dpal 'bras kyi phung por bskor bar gyis shig/ bsgrub pa po rnams kyis kyang ltos pa med par gyur pas sngags zlos par bya'o// rje btsun ma'i zhal ltos pa med par bltas pas brda phrin 'jog par 'gyur te/ kye ha a g+hi ba pha rol tu song la 'dzam+bu'i gling pa'i mi shin tu dang po'i shugs kyis 'ongs pa de rnams khrid la shog cig/ rje btsun de ni bong tshong che ba/ mdog gnag pa khrag gis bskrun pa dar+ya dar sgrogs pa spyan dmar bas bka' gsol bar 'gyur te/ kye sgrub pa po'i skyes bu dag gang 'dod pa zung zhig dang bzung nas dzam+bu'i gling du song ste sems can gyi don byos shig go zhes so// de nas gal te mi 'gro ba de'i tshe bcom ldan 'das kyi khang pa brtsegs pa la 'dod par byos shig/ sgrub pa po rnams kyis smra bar bya ste/ bcom ldan 'das bdag ni rje btsun nyid bltar 'gro'o// de nas bcom ldan 'das ma 'phags ma sgrol mas bka' stsal pa/ lam 'di nyid nas song shig ces so// de nas song bas 'gro ba'i dus su dad pas bskor ba lan gsum bya ste/ 'gro ba ni gser gyi rang bzhin gyi skas pa logs gnyis sna tshogs pa'i rat+na rnams kyis spras pa'o// sna tshogs pa'i skyed mos tshal yod do// skyed mos tshal re re na rnam pa sna tshogs pa'i ljon shing gis brgyan pa/ khu byug dang rma bya dang ka la ping ka dang / ne tso dang / sa ri ka du ma rnams kyis sgra nges par sgrogs pa/ rdzing bu chen po na pad+ma dang ut+pa la sogs pas brgyan pa mthong bar 'gyur te/ des skas la 'dzegs pa na mtha' yas pa'i rat+na du mis nye bar spras pa'i rnam pa sna tshogs dpe med pa rnam par phye ba nyams dga' ba'i brag ri'i rtse mo na/ dpal ldan po tA la ka'i ri'i rgyal po grub pa dang / rig pa 'dzin pa dang / lha dang mi 'am ci du ma rnams kyis gsol ba 'debs pa ste/ der chu dri zhim po bsil ba'i 'obs mthong bar 'gyur te/ de dag mthong bas skom par 'gyur te/ de la btung bar mi bya zhing brgal bar bya'o// gal te brgal ba de'i tshe dpal gyi ri la a sgra'i rtsa ba zhes bya ba'i lha khang der 'gro bar 'gyur te/ 'obs de dag las 'das nas bsil khang mthong bar 'gyur te/ de na bcom ldan 'das 'jam dpal lha la sogs pa'i tshogs kyis bskor ba la chos ston par gyur pa bzhugs te/ 'di ltar sgrol ma dang / khro gnyer can dang / kun tu bzang po dang / phyag na rdo rje la sogs pa byang chub sems dpa'i tshogs kyis yongs su bskor ba bzhugs pa mthong bar 'gyur/ dpal ldan po ta la ka'i ri'i rtse mo na dpe med pa'i rin po che du ma'i gzhal yas khang na bzhugs pa'i spyan ras gzigs kyi dbang po zhal mngon sum du bzhugs pa mthong bar 'gyur te/ de'i tshe lus thams cad kyis sa la phab pa'i phyag bya ste/ g.yas phyogs nas lan brgya stong du mas bskor bar bya ste mdun du 'dug par bya'o// de nas rje btsun gyis bka' stsal pa/ skyes bu brtson 'grus chen po dang ldan pa yid la bsams pa'i mchog slar phyir bos nas dzam+bu'i gling pa'i sems can rnams kyi don byed par 'dod pa 'am/ yang ni chos kyi sa'i gzungs kyi ting nge 'dzin gyi rnam par thar pa thob par 'dod pa 'am/ yang na yid bzhin gyi nor bu dang bum pa bzang po la sogs pa 'dod ces bcom ldan 'das kyis mchog gi don du gsungs so// des gang yid la bsams pa'i mchog de rnams thams cad bcom ldan 'das kyis bsgrub pa pos thob par mdzad do// de nyid du sdod par 'dod na de tshe bcom ldan 'das 'khor ba ji srid par bzhugs pa de srid du gnas par 'gyur ro// sngon du bshad pa'i yon tan rnams kyang thob par 'gyur ro// sangs rgyas thams cad dang byang chub sems dpa' tha~Md da bde ba can gyi 'jig rten gyi khams kyang mthong bar 'gyur ro// de bzhin du bdag nyid kyis bya zhing nga dang 'dra ba'i byang chub sems dpa' bar byos shig/ yi ge drug pa'i rig sngags chen mo'i nga'i kha la mnyan par gyis shig/ de nas thos pa tsam gyis phyir mi ldog pa'i byang chub sems dpa' nga dang 'dra bar 'gyur ro// zhes dpal ldan po ta la ka'i rje btsun gyi zhal snga lasna gsungs pa rdzogs so// / blo thung skyed k+Shi byang mkhar du lha bla ma zhi ba'i blo gros kyi lung gis/ rgya gar shar phyogs kyi paN+Di ta a b+hI yu gu ta de ba shrI dang / bod kyi lo tsa ba ban+d+he d+harma yon tan gyis ji ltar rnyed par bsgyur ba'o// 'di ni gzho min ri dwags ma yin phag gi phru gu min// yongs su rdzogs pa'i zla ba lta bu'i mdo/ gdong can mdzes ma ma yin te// sprul pa 'di kyi dag thams cad don gnyer skye bo'i 'ji chog rten du// ri khrod lhag ba'i rgyal po ri bo dpe'i mchog la yang dag bzhugs//