བོད་ཡིག

e-texts produced with BDRC’s OCR application

'di dag dgongs shing 'gro bar gyur nas kyang // sngon gyi thugs dam 'phrin las ma bsnyel bar// bdag gi 'phrin las 'bras bu mdzod// / dpal phyag na rdo rje la phyag 'tshal lo// de nas gsang ba bshad par bya// zla ba yar ngo'i bcwa lnga la// dam tshig ldan pa'i rnal 'byor pas// thun mong ma yin mchod pa ste// gang gis bdug pa tsam gyis ni// dngos grub myur du thob byed pa'i// sgrub bos bdug spos bdug pa ni// brtul shugs 'dzin pas 'di ltar bya/ 'bras dkar btags pa'i phye ma ni// sardze ra rdza dag dang ni// ga pur tsAn dkar dmar dang // cha ma nyams nas ni de dag bsres// a ka ru nag gis bsgos nas// 'be ti dkar mo'i char rgyan gyis// rnam par spras nas rab sngags te// rtsa ba'i rig pa gang de la/ dbab pa'i gsang sngags rab tu sbyar// stong rtsa brgyad du bzlas nas ni// dngos grub phyir ni rdzas de yis// de nas mkhas pas ri lu bya// gang zhig mchod pa'i dus su ni// sems kyi dbang phyug ting 'dzin gyis// rnam par sbyangs pa'i sa gzhi la rten sogs dgram par byas nas ni// tsho gas gter bdag mdun bkug nas// rdo rje can gyi bdug pa dbul// ser sgo mdzes pa'i snod du ni// tsan dan la sogs 'dag me la// sngar bshad pa'i ri lu bsreg/ des ni rten la 'dus par bya// sbyor des skyob pa mnyes gyur nas/ gter rnams de'i mod la ster// gal te de ltar ma gyur na// gter bdag nyams par gdon mi za// 'di ni rab tu gsang ba ste// gsang ba'i gnas su spyad par bya// bdug spos kyi sbyor ba'o// de nas dam tshig bshad bya ba// rtug par khrus dang gtsang sbra bya// rgyal dril la sogs rol mo'i sgra// tsAn+do gA ma tos rje ldan dang // sna tshogs 'bru'i chan dang bshos// mdzes pa'i ngar snas btags mchod bya// chang rnams dbul bar mi bya ste// sha ni brtags te dbul bar bya rtag tu sngon po'i gos 'chang zhing // lung thang 'bras bu'i bgrang phreng bgrang // myur 'gro sha ya bza' ba spang // nyams shing chag pa'i snod mi bza'// rtsub cing nag po'i stan mi 'dug/ gza' bral mas bstab bza' btung rnams rnam pa kun du mi spyad do// srog bral ba la reg pa spang / bsrung bar bya ba'i dam tshig go// de nas rten ni bshad par bya/ byi nang gsang ba'i bye brag gis// gter bdag rten pa'i rten yang ni// rnam pa gsum du mkhas pas brtag/ phyi rten rgya mchog rab sngol// mdzes pa'i rgyan brtags mgon la dmigs// rtag tu yang ni banang bar bya// yang na gzugs legs rab tu 'azung // gsang rten gro ga'i shun sogs la// kur kum dri bzangs rab ser bas// bAM yig bris la sngags kyis bskor// rin chen dang bcas rin chen gzugs// 'bru mchog btags nas bsnos byas la/ mkhas pas byas te snying po gzhug/ tshon byugs nas ni mdun bzhag go// gnyis pa bram ze'i rig dag gam// gzhon nu ma yis legs bkal ba'i// ras la dri yis rab bskor nas// gter bdag sku mdog phyag char ldan lags nas 'byung ba'i rim pa yis// dam tshig ldan pas myur bris la// phyi rol shing sogs rgyan gyis mdzes// sngags rigs pas ni mdun dgram bya// rten gzugs pa'i rim pa'o// de nas gsang ba bshad bya ste// sgrub po gsang med po phyogs ltas te/ gtor ma'ang de nyid phyogs byin// gsang rten ne'u le'i glu dbur gzhug/ sngon dmar kha spro rgyun 'chang zhing // 'bras sogs 'bru rnams 'dor gzhug bya// gzhan gyis mthong na dngos grub nyams// gtor sgrib pa la gsang ba shes// cho ga'i sbyor ba 'di yis ni// namakha'i mdzod la rnam par rol// rgyal po chen po rnam thos sras kyi rtog pa bde byed kyi cho ga sna tshogs pa'i mdzod ces bya ba rdzogas+ho// pan+di ta te dza de ba dang / lots+tsha ba 'phags pa shes rab kyis bsgyur cing zhus pa'o//