བོད་ཡིག

e-texts produced with BDRC’s OCR application

bcom ldan 'das dpal mkha' 'gro rgya mtsho la phyag 'tshalo// yod med mtha' sogs rnam par spangs// blo yi spyod yul ma yin kyang // 'gro la brtse bas sna tshogs gzugs// mkha' 'gro rgya mtsho la phyag 'tshal// gang zhig blo yi mun sel cing // bde ba ma lus 'byung ba'i gnas// rdo rje sems dpa'i ngo bo nyid// bla ma rnams la phyag 'tshalo// dpal ldan mkha' 'gro rgya mtsho yi// lha rnams mnyes par byed pa'i thabs// rgyud 'di nas ni phal che ba'i// bla ma'i man ngag sbyin sreg bshad// sbyin sreg rnam pa gnyis yin te// phyi dang nang du 'dir bzhed do// phyi yi rnam pa dgu yin te// nang gi gtum mo'i rnal 'byor ro// / de la sngon du bsnyen pa byas pa'i sgrub pa pos// dkyil 'khor gyi cho gar bshad pa'i sa'i cho ga yongasu rdzogs par byas te thab khung mngon par 'du bya ba'o// de ltar thog mar sbyin sreg gi khang pa gru bzhi pa ri mo gsum dang ldan pa rang gi kha blta ba'i rgyab na sgo gcig yod pa byas te// de'i dbus su zhi ba'i thab gzhi dkar po la zlum po khru gang po de'i phyed thur du brkos pa// de'i dbus su sor bcu drug po'i pad+ma'i steng du 'khor lo sor brgyad pa dpangasu sor gcig yod pa la rdo rjes mtshan pa'o// thab kyi steng du sor bzhi dor bar dpangs dang rgyar sor pa'i kha khyer cung zad gyed par bya'o// kha khyer gyi steng du dbus kyi mtshan mas bskor bya zhing / phyi rol ni thams cad la gru bzhir byas te/ grwa bzhir yang de nyid kyis mtshan pa'o// kha khyer gyi 'og gi gyed pa la bang ma 'dab ma bcu drug bri bar bya'o// thab la ni sa dkar ba dang phyi rol kun nas khru phyed tsam lci bas byug par byas la de gnyis nI sa dkar po dang ljon pa dang dri dkar pos nye bar byug pa dang thab ma skams kyi bar du thun gsum du me tog dkar po'i sil ma gtor bar bya'o// rgyas pa la ni sa gzhi ser po'i steng du tha dkar khru do pi thur du khru gang pa la gru bzhi pa'o// de'i dbus su rin po che sor brgyad pa la rdo rjes mtshan pa'o// kha khyer thams cad ni bzhi cha'i rim pas dang / de la dbus kyi mtshan mas bskor ba dang pad+ma 'dab ma bcu drug bri ba ni thun mong du go bar bya'o// de'i phyi rol khru phyed 'khor ba'i lci bas nye bar byugs la de gnyis sa ser po dang ldan pa dang / dI ser pos byugs te me tog ser po dgram par bya'o// dbang gi thab ni sa gzhi dmar ba'am/ zhan par gru gsum pa khru phyed pa'o// dbus pad+ma la gnas pa'i pad+ma la rdo rjes mtshan pa'o// sa dmar po dang bdud rtsi dang bcas pa'i dris nye bar byugs pa med tog dmar po gtor bar bya'o// phyi rol lci bas byugs pa yang kun la shes par bya'o// mngon spyod ni gas pa dang / pa tshwa can dang / rtsub pa dang / nam mkha' ltar gnas pa'i sa gzhi la zur drug pa sor brgyad pa'o// dbus su pad+ma la rdo rjes mtshan pa'o// yang na zhi ba la khru gnyis pa'o// rgyas pa la khru gsum po'o// dbang la khru bzhi pa'o// mngon spyod la khru lnga pa'o// de'i kha khyer la sogs dang dbus kyi pad+ma'i mtshan ma la sogs gong gi rim pas dpyad par bya'o// drag po'i thab de la bdud rtsi dang ldan pa'i sa nag po dang ro bsregs pa'i thal ba dang bong bu dang / mo la sogs pa'i spangs ji ltar rnyed pa byugs la/ dri mi zhim pa'am/ dri med pa'i sngo 'am/ dmar ba'i me tog gam 'bru'i shun pa la sogs pas gtor ba 'bar bas bskor ba drag po mi'i snum la sogs pa'i mar me dang ldan pa bya'o// lhag ma las thams cad pa ma gtogs pa'i sa gzhi la sogs pa mngon sbyong dang 'dra'o// bskrad pa'i thab ni zur bdun la khru drug pa ste dbus su mda' la rdo rjes mtshan pa'o// sdang bar bya la khru brgyad pa ste khru bdun pa la dbus su gri gug la rdo rjes mtshan pa'o// rengs pa la ni zur dgu pa ste khru brgyad po la dbus su gzhu la rdo rjes mtshan pa'o// bsad pa la ni zur lnga pa ste khru dgu pa li dbus su ral gri la rdo rjes mtshan pa'o// las thams cad pa'i thab ni las dang rjesu mthun pa'i sa gzhi la zlar bcu pa khru bcu pa'i dbus su sna tshogs rdo rje'i lte bar rdo rjes mtshan pa'o// de la dkyil 'khor gyi khang po'i shar phyogasu zhi bar byed pa'i thab bo// lho phyogasu rgyas pa'i'o// nub phyog su dbang dang dbang dgug go thab bo// byang du drag po'i las rnams kyi thab bo// dpal kha sbyor gyi rgyud kyi ni shar du zhi ba'o// lhor mngon spyod do// nub tu dbang dang dgug pa'i thab bo// byang du rgyas pa'o// ma 'byor na rdul tshon gyis bris pa yang rung ste 'di ni thab kyi rab tu byed pa'o// / pa lU sha u dum pa ra a shrat+sa// gam pa ri a mu kA dAm+ba ka rnams// sa mi p+lak+Sha ba Da la sogs kyang // 'dab ma gnyis la 'o ma 'dzag shing rnams// rlon pa mnyam par bcad pa sor bcu gnyis pa rtse mo'i char skyes pa// mthe'u chung gi sboms can rnams sbrang rtsi dang 'o ma dang / mar gyis mgo dang mjug ma btags pa bdud rtsi dang dri'i chu gtor ba'i yam shing rnams ming med dang / mthe bong gzung ste rtse mo lo ma zung dang btsas pa rtse mo lho la bstan nas bsregs par bya'o// de rnams dang ku sha dang / a mu'i lo ma dang / dUr ba yang gnyis gnyis bsdoms pa'o// rings po dang phra ba dang 'khyog pa dang ring ba dang thung ba dang lo ma med pa dang / srin bu la sogs pas zos pa dang / dman pa dang bags pa med pa dang / brun gyis gos pa dang / rtse mo'i cha gnyis pa dang / sbom pa rnams spang bar bya'o// brnyings pas ni mchi'o// 'khyog pas skul dran par bya'o// thung bas rig pa rgyun tu mi 'jug go// lo ma med pas nad byed do// sdom pas phun sum tshogs pa thams cad 'jomaso// bskams pa la sogs pas kyang mi 'dod pa 'byung bar shes par bya'o// sbyin sreg gi zas brjod par bya ste/ til mar la btags ku sha sA lu'i zan// 'o ma nas til dang zho// pri yang ku dang tsan dan dur+tha dang // ro bcud dang ni dri bzang po rnams dang // me tog 'bras yos a mra'i lo ma ni// rtse mo gnyis ni sbrang dang mar btags la// bsregs par bya'o ji ltar rnyed pa ste// zhi bar byed pa'i mthar ni bdud rtsi'o// la la ni phyi'i bdud rtsi lnga zhes zer ro// yam shing ni de rnams te 'di ltar dbus kyi char skyes pa tshad chag gang pa/ khru gang tsam dang ldan pa rnams bdud rtsi dang dri zhim po dang bcas pa'i chus gtor ma zho dang 'o ma dang btugs pa dang / mngar gsum deng btags pa'i bza' ba mchog dang / zho dang sbrang rtsi dang mar dang ljon pa'i til nag bo dang zho'i bza' ba mar dang ljon pa dang / go slong dang / bil ba'i 'bras bu dang / 'bras sA lu dang / pad+ma dang / nAM gai gre sar dang / kar+t+ti ka ra'i 'bru ni rgyas pa'i'o// zhi ba la bshad pa'i yon tan dang skyon med pa rnams sor lnga dang ldan pa rnams dang / pri yang ku dang tsam pa pu na nA ga/ nA ga ge sar ker sar dang ni// la ku tsa dang mya ngani med yam shing // de bzhin du ni nags na che bo'i dngos// 'bras bu dang ni me tog skyur po dang // mngar ba dang ni gzhan rnams rang rang gi/ rtog par gsungs pa dang ni gzhan pa ni// shes par bya ba dbang gi las kyi'o// de rnams dang ni 'di ltar lcags kyu yi// rnam pa'i tsher ma yang ni sngon bzhin no// dbang dgug gi'o// nim pa dang / seng ldeng dang / ko/ bi dA ra dang / b+hi la lo Ta ka dang myos byed rnams sam de las gzhan pa'i ro tsha ba dang tsher ma can dang / kha ba'i shing rnams sam/ ro bsregs pa'i sdong dum dang / gas pa sor bzhi pa'am/ sor bcu pa rtsa ba'i char skyes pa/ mo rnon po gnyis dug dang / khrag la btags pa'i yam shing ngo // yungs mar dang mar nag tshan de dang / khrag dang lan tshwa dang ske tshe dang nim pa'i lo ma dang / ro bsregs pa'i thal ba dang / rkang rjes kyi rdul dang bong bu dang rnga mo la sogs pa'i sbangs dang / skra dang / khyim bya'i tshil dang / bya rog la sogs pa'i sgo dang / dri chen dang dri chu dang ru tsher ma dang rus pa'i phye ma dang / sha chen po la sogs pa ji ltar rnyed pa gcig gam/ rdzas la dug dang lan tshwa dang khrag dang btags pa'i rdzas 'di rnams dang / thal ba dang / so lta ba dang / rdzun pa la sogs pa'ang rung ba las dgra'i gzugs brnyan dug la btags rkang pa g.yon pa'i mthe'u chung nas brtsams la mtshon cha rnon pos bcad cing bsreg pa ni mngon spyod bsad pa'o// bskrad pa la sogs pa ni gzugs brnyan mi dgos so// pA lA sha dang / p+lak+Sha dang / u dum+ba ra dang seng ldeng dang / arka dang / n+ya gro d+hA dang / baM kaM ka dang / a mra dang / sa mi dang / g+haM pa ri dang / a pa mArga dang a shwat+tha dang / gsar bu mngon par byung ba mdzub mo tsam drang ba bdud rtsi dang / dri zhim po dang bcas pa'i chus gtor ba las rjesu mthun pas rtse ma gnyis mthun pa la sogs pas btags pa'i yam shing dang zhi ba la sogs par bshad pa'i nas dang 'o ma la sogs pa yang bsreg par bya ba ni las thams cad pa'i'o// gang cung zad zhi ba dang rgyas po'i rdzas gang dang bdag nyid kyi ston mo dang de thams cad la mar gyis btags pa dang / gu gul dang sardza ra sa yang rung so so'i sngags kyis phye ba'i bsreg par bya'o// dri dang me tog la sogs pa'i nye bar spyod pa yang las dang rjesu ma thun pa'i sa ji ltar rang gi sngags kyis bzlas par bya'o// rdzas kyi rab tu byed pa'o// 2/ mchod sbyin can gyi bud shing la srin bu med pa thob pas tshad cung zad dma' ba dang lci ba skam po yang rung ba ni zhi bi'i 'o// nags kyi lci ba spangs pa'i ji ltar bshad pa'i bud shing 'bras bu dang bcas pa ni rgyas pa'i'o// nim pa dang skyur ba'i shing dang bud shing gzhan me tog dang bcas pa ni dbang du bya ba'i'o// tsher ma dang bcas pa ni dgug pa'i 'o// tsha ba dang tsher ma can dang kha dang dri mi zhim pa dang dri med pa'i shing rnams dur khrod du skyes pa rnams sam/ bong bu dang rnga mo'i spangs dang bud shing skam po ni mngon spyod pa la sogs pa'i'o// las dang rje su mthun pa ni las thams cad pa'i bung shing ngo // bung shing gi rab tu byed pa'o// gsi ram zangs kyi rang bzhin nam mchog sbyin bya ba'i shing gi rang bzhin ltos dgang gzar bya ste/ de'i yu ba ni skyes bu cheng ma'i sor shu rtsa bzhi la/ thog mar rdo rje dang bcas pa chang pas bzung bar 'os pa'o// yu ba'i steng du rgyar sor bzhi pa gru bzhi pa'i dbus su pad+ma la sor gnyis pa'i rdo rje lnga pas mtshon pa/ der sor gnyis kyis dmar bar brkos pa gru bzhi pa'i steng du rgyar sor gcig la rdo rje'i phreng ba'o// gru bzhi pa'i steng du pad ma'i 'dab ma'i rnam pas sngor bzhi pa mthe'u chung gi tshad brkos pa la rdo rje sor bzhi pas mtshan pa'o// blugs gzar kyang de nyid kyi rgyu las yu ba'i rnam pa dang / tshad ni sngar bzhin no// yu ba'i steng du rgyar sor gnyis pa pad+ma'i rnam pa/ kha la sror gcig brkos pa dbus su rdo rje rtse mo lnga pas mtshan pa'o// gnyis ka la yu ba'i 'og tu rdo rje dang rin po che ji ltar mdzes par bya'o// dgang gzar blugs gzar gyi rab tu byed pa'o// // de nas khrus byas pa dri zhim pos lus la byugs pa brtse ba dang byams pa dang ldan pa glo dkar po 'dzin pa las rjes su mthun par byas te 'dod pa'i lha'i rnal 'byor dang bsrung ba'i cho ga dang bzlas pa dang smra ba bcad pas shin tu 'jam pa'i stan la pad+ma'i 'dug stangs kyis bsdad de srong la kha shar du phyogs pa'i blo dang ldan pas bsgrub bya la dmigs te dkar po'i tshes gcig nas brtsams nas zhi ba'i yid kyis zhi ba bya'o// 'di ltar ser po dang gzhan rjes su byugs pa rgyan dang rnam par bkra ba'i gos bgos pa// bzang po'i 'dug stangs kyi gnas te/ spro ba'o yid kyis nya nas brtsams te kha byang du phyogs pas tho rangs ni rgyas pa'i'o// chags pa'i sems kyis shin tu dmar ba la sogs pa'i rgyan dang / kha nub tu phyogs pas/ mtho zhing bde ba'i stan la rdo rje'i skyil mo krung gi gnas te mtshan phyed dam srog la dbang du bya ba'o// 'di ltar dbang dgug la ni 'on kyang kha steng du phyogs pas lha mnyes par bya ba dang / yang na nub tu phyogs pa'o// khros pas gos dang rgyan sngon po bgos pa'am khrag gis rlan pa'i gos bgos pa slu ba'i stan la kha gshin rjer bltas pas gnas te bsgrub bya'i gzugs brnyan gyis brang la gnon pa'am tsog pu dang stan mod par rkang pas rkang pa mnan cing / so yas so bcer pas mig bgrungs pas khre gnyer gyi gdong gis snying rjes dkon mchog gsum la gnod pa med par bya ba'i don du nag po bcu bzhi'am brgyad la nyi ma phyed dam phyed na khro bo'i skyil mo krung dang ldan pas rnal 'byor kyang khro bo'i bsgrub bya gang yin pa de'i bsrung ba snying ga'i pad+ma'i nang du son pa de hUM las byung ba'i rdo rje lcags kyus bcad cing bkug ste bdag nyid kyi nang du bsgom pa 'am rang gi shes rab kyi chu skyes su ring gi rdo rje'i phur bu yis yongasu phur bros btab la bsgrub bya dang lha thams cad de yis gsal bar sgoms la/ de la sdig pa mi 'jug par bya bar 'dod pa'i brtse bas yongasu drug pa'i sangs rgyas kyi zhing ngam phon pa dang / bde ba'i bsam pas rigs bzang por skye bar bya ba ni mngon spyod dang bsad pa'o// sdang ba'i yang ngo // dbang ldan du kha phyog pas de bzhin du rdo rje'i skyil mo krung ni rengs pa'i'o// bau ShaT ho yaM sngags kyis/ thab kyang gru bzhi'ang rung ba ste/ ser dang dkar ba rnam rgyan ldan// rgyas pa'i cho ga bzhin yongs gnas// de bzhin me phyogs kha bltas pas// bskrad pa rnga ma sogs blun blugs// dug gis bris pa'i nag pa ni// dkar pos brgyan pa bsreg pa yin// bya rlog la sogs gshog bsdus la// rab tu bsgrub bya'i ming spel ba'o// 'dir bya rog la sogs pa'i gshog pa la che ge mo'i uts+tsha Di'i sngags kyi mtha' can bris pa dang ldan pa'o// kha bden bral du phyogs pas de bzhin du sngang bar bya ba la ma nag tshan de dang dug la sogs pas bris la rkang pa dag phyin ci log pas ser ba dang gnag pas rnam par rgyan pa'o// las thams cad pa la gang phyogs mtsham su kha bltas pa dang de drang po ni mchog ste phyogs dang mtsham su gnas pa'am/ don dam par gdong ma nas zhi ba'i rgyud nyid pas ji ltar de bzhin du gnas pas yid ma zhum pa'i nga rgyal gyis blo mnyam pa'i de bzhin du thams cad dang bcas pa'o// bsgrub pa po'i rab tu byed pa'o// / gser dang dngul dang rdo dang zangs// shing dang sa dang mu tig dang // dung dang lo ma'i sbyong bu ni// mchod yon bsang gtor lnga sogs snod nas dang 'o ma dang me tog dkar po dang til dang ku sha dang 'bras yas dang ldan pa bdud rtsi dang bcas pa dri ser po'i chu la rnam par rgyal ba'i bum pa la gnas pa'i sa gtor po bdug spos kyis bdugs par rang gi lha'i sngags sam las thams cad pa la swA hA'i mtha' can brgya bzlas pa ni zhi ba'i'i// 'di ltar til dang zho ser po'i me tog dang dri la sogs pa dang bcas pa'i chu la phyag 'tshal gyi mtha' can rgyas pa'i'o// dmar po'i dri la sogs pa'i tshul hoHyi yi ge'i mtha' can gyi dbang gi'o// de bzhin du gdug pa'i ni dz+dzaH ya mtha' can no// tsog par song ba'i kham phor gyi dum bu la sogs pa'i snod khrag dang ko tra ba dang lci ba dang / ba'i gcin dang / gnag po dri mi zhim pa dang dri med pa'i me tog la sogs pa dang bcag pa'i chu la phaT kyi yi ge mtha' can ni bsad pa la sogs pa'i'o// dri dang me tog dang til dang ku sha dang 'bras yos dang chu ste ji ltar rnyed pa'i las dang rjesu mthun pa bzhag par bya'o// thams cad du rgyas pa la sogs pa'i las thams cad pa'o// 'di ni mchod yon gyi rab tu byed pa'o// // zhi ba dang rgyas pa dang dbang gi las la bdud rtsi 'khyil pa'i sngags sam/ hUM gau yi ge bzlas pa'i las thams cad pa'i chu'i snod dang mchod yon la sogs pa'i snod gsum g.yon gyi ngos su'o// de'i mdun du bzhes par byed pa'i snod gsum kyang khri'u la sogs pa la bzhag la sngags gong ma gnyis gong rung zlos bzhin pa'i chu lag pa g.yas par gnas par ku sha'i rtse mo bzung ba'i bud shing la sogs pa thams cad la gtor te rdzas ni g.yas ngos su dgod par bya'o// bdag nyid dang dgang gzar dang blugs gzar la yang gtor bar bya'o// rnam par rgyal ba dang las thams cad pa'i bum pa lhag par gnas pa ni dkyil 'khor gyi cho gar bshad pa bzhin du'o// cho ga bsdus pa la ni bum pa med pa 'am gcig tsam mo// bsad pa dang bskrad pa'i las dang sdang ba la sogs pa la lag pa g.yon pas bsang gtor bya ba dang / g.yas ngos su las thams cad pa'i snod dang mchod yon gyi snod dang / g.yon ngos su rdzas dgod do// 'di ni dgod pa'i rab tu byed pa'o// / zhi ba la ni 'o ma can gyi shing las dang / 'brog dgon par skyes pa'i me dang / sbyin sreg gi 'gram du 'theb tu bzhag pa dang sbyin sreg gi me yang ngo // rgyas pa la ni rgyal po dang rgyal rigs kyi khyim du skyes pa dang / nags las skyes dang / nor bu las blangs pa'am/ dge 'dun gyi 'am/ rgyun zhag gi me'o// smad 'tshong ma dang / dmangs rigs los blangs pa ni dbang gi'o// gar mkhan dang 'gron po'i dang // glu garA mkhan gyis byas pa ni dbang dgug gi'o// me'i rus pa'i ngang / ro bsregs pa'i dang / rdo rje dang / ba lang bsod pa'i khyim du skyes pa la sogs pa ni mngon spyod pa la sogs pa'i mer bzung bar bya'o// rang rat+na gi ji lta ba ni las thams cad pa ste 'di ni me'i rab tu byed pa'o// // de nas rdo rje gsor ba dang dril bu'i sgra byas te/ gtor ma byin la bsrung ba dang ldan pas yi go gsum gyis me snong du bzhag la// de nas bdud rtsi 'khyil pa'i sngags kyis mar gyis rab tu 'bar ba'i me sbar bar bya'o// de bzlas pa'i chu ku sha'i rtse mos bzung bas g.yasu bskor ba dang bsad pa la sogs pa'i las la g.yon du lan gsum bskor zhing bsang gtor byas la thab tu gtsang zhing skam pa'i rtsa'i tshom bu dang bcas pa la ngu ba med par ro// bsad pa dang bcas pa la du ba dang bcas pa'o// dz+wa la dz+wa la hUM zhes bya ba 'di 'am hUM gi yi ges rlung yab kyis me sbyar te gtso bor snying po bzlas pa'i lcags gzar la gnas pa'i mar gyis 'bar bar byas te/ bsad pa la sogs pa la ni thog mar mar nag tshan des bya'o// de nas ku sha rnams la oM badz+ra satwa AHzhes bya ba 'di bzlas pa'i ku sha gnyis gnyis/ rtse mo phyogs gcig pa dri med pa ljang khu gshibs pa 'dab ma dum bu ma yin pa shin tu ring pa ma yin pa/ thog mar sgrub pa po'i g.yon gyi kha khyer gyi phyi rol nas kha shar du phyogs pa dang / de ltar gshin rjer kha phyogs pa dang / kha nub tu phyogs pa dang / byang du rtse mo bstan pa'o// de nas thab la rtse mo mdun du bstan pas g.yog par bya'o// ku sha rnams ni ba lang rna ba tsam ste shin tu ring pa ma yino// rgyas pa dang dbang dang mngon spyod kyi thab la rim pa bzhin/ byang dang nub dang lhor rtse mo bstan pa'i ku sha gnyis g.yon gyi kha khyer gyi phyir thog mar de bzhin du rtse mo'o// de nas lha'i bdag nyid can gyis las dang rjes su mthun pa'i kha dog can gyi hUM las thob rdzogs par byas la me rab tu 'bar bar rig pa 'di nyid de'i dbus bdag med par dmigs la raM las byung ba'i me gru gsu gyi dkyil 'khor la pad+ma dang nyi ma la gnas pa'i raM gyi yi ge las byung ba 'am skad cig gis rdzogs pa ste/ las dang rjes su mthun pa can gyi drang srong phyag bzhi pa g.yas par dbyug pa dang me'i thab 'dzin pa g.yon pas spyi blugs dang bgrang phreng 'dzin pa sma ra dang ral pa'i tshogs can gsus pa 'phyang ba/ lus la gon pa las dang rjes su mthun pa'i rgyan dang gos dang 'od kyi phreng ba dang rnam par shes pa dang / rigs kyis rgyas gdab pa dang ldan pa'i snying gar raM gyis byin gyis brlabs dang bcas pa'i me rnam par bsgoms la dam tshig sems dpa'i sa bon gyi 'od zer gyi lhag kyu yin mkha'i ye shes sems dpa' dam tshig sems dpa' dang 'dra ba'i me lha drang srong gis yongs bskor ba mo'i phyogasu byon par bltas te/ g.yas pa mi 'jigs pa'i mthe bong bskyod pa yis dang sngags 'dis spyan drang ngo // oM e h+ye hI ag+na ye raM sarba sid+d+hiM me pra yats+tsha dz+wa la dzA la ha ma hA raM Shi sarba de ba mu khA sA rI asmi hi to b+hA wa hUM zhes bya bas spyan drangs te/ de dang lhan cig tu 'ongs pa'i bgegs 'ong gi snying ga'i sa bon las spros pa'i kha gdong ma la sogs pa gsal te/ 'di ltar dziHhUM baM hoH zhes bya ba'i sngags brjod pas rim pa ji lci bar dgug pa dang gzhug pa dang / bcing ba dang / mnyes par bya'o// de nas oM AHpra d+hi hUM trA sa na yaM gr-ih+Na hUM zhes bya bas zhabs bsil dbulo// oM baM any+tsa ma nai ri Sha ye pra yats+tsha dz+nyA zhes bya bas zhal bsil dbul bar bya'o// oM hUM DA ka D+ha kI n+ti sa ma sa n+taM da dA mi hUM hU~M ra ra swA hA zhes bya bas mchod yon dbul bar bya'o// de nas las dang rjes su mthun pa'i me tog la sogs pa rnams dang pi wang ma la sogs pa'i gsang ba'i mchod pa rnams kyis kyang mchod par bya'o// ji ltar bdag gi bla ma rnams kyi sbyar ba'i khyad par ni/ ku sha'i dkor bzhag dang snod kyis// gsum pa'i thog mar bsang gtor te/ thams cad byed pa bzlas pa'i chus// de bzhin du ni zhal bsil blugs// khu tshur kha sbub byas pa yis// mdzub mos me tog yongs bzung ste// mthe'u chung dang ni ming meng dang // gung mdzub rim gyis phye bas dor// gnyis pa'i dung gi ar+g+ha ni// bzhes bzed snod ni gnyis par ro// rdo rje thal mo rab phye bas// gsum pA ru ni zhabs bsil sbyin// mthe bo mdzub mo btsir ba yis// ma tog bzung ba'i khu tshur gyis// sangs rgyas rnams la mngon sum du// lan gsuM bskor ba mjug rim gyis// dbye ba mdzub mo lung mo dang // ming med dang ni mthe'u chung ngo // zhes bya ba ni rgyung pa'i gdams pa'o// / de'i rjes su lag pa g.yon pas byang chub mchog gi khu tshur brkyang bas mar gyis gang ba'i dgang gzar gzung la lag pa g.yas pa kha 'og tu bstan pas blugs gzar mar gyis gang ba brkyang ste dgab pa'o// sdang ba'i las la ni dug dang bcas pa'i mar nag tshan des gang sngon la phyin ci log tu gzung ste/ gzar bu gnyis kyi kha yi ge gsum gyi nang du chud pa'i hUM gi yi ge las dang rjes su mthun pa'i kha dog can 'od zer 'bar ba'o// me lha'i zhal la raM bkong la// dgang gzar gyi khar blugs gzar gyi kha byas pa'i lag pa dag ni pus mo'i nang du'o// sdang ba la ni phyi rol tu bya'o// oM di ba raM Shi pa ra ma sau gA ta kA ru Ni ya dzaHhUM baM hoHha ha da ha da ha pa tsa pA tsa ha na ha na/ hUM hUM ag+na ye swA hA/ zhes bya ba dgang blugs gsum mam bdun dbul bar bya'o// rgyas pa la a dang / dbang la hoHdang / dgug pa la dzaHdang / sdang ba la hUM phaT zhes bya ba'i mtha' can gyi sngags klog pa'i kha yang cung zang phye ba dang / khro ba dang shin tu kha gdangs pas dgang gzar gyis g.yas nas bskor bya ste/ khro ba la g.yon du bskor nas dbul ba'o// de nas bgegs med pa'am bgegs dang bcas pa'i me'i mtshan ma'i mtshan nyid shes par bya ste/ dpal be'u rnga yab gdugs rgyal mtshan// chu skyes bum pa'i rnam pa dang // rtse gsum ral gri nya dang ni// in+d+ra go ba swasti 'dra// rdo rje dung sogs rab tu bsngags// mar bsregs pa yi blugs gzar dbyibs// 'od dang de ldan mi dge ste// dkar dang dbang po'i gzhu mnyam dang // g.yas su 'khyil dang shin tu snum// byu ru'i kha dog dang 'dra dang // ku suM b+ha rdul baM DUr yang // dri med 'bar ba'i nyi ma mnyam// dung med dri zhim gling bu dang // mr-i ting ga'i sgra bla na med// zhi la kha dog dkar lta bu// rgyas pa la ni ser por mnyam// rtse mo dmar po dbang la dge/ sngo dang gnag la mngon spyod la'o// zhi sogs la ni gser lta bu// rtse mo gcig pa dag d+hanA bya// rtse gsum sprin 'dra dman pa'o// dud pa mi dge 'jug pa gzhan// rtse mo chad pa mi dge'o// rtsu ba nag pa la sha 'dra dang // rtse mo ba lang mgo mnya mo dang // tshwa tsha 'phro dang bong bu'i skud// rul pa dang ni ro yi dri// khro ba'i las la dge bo yin// mtshan ma mi dge ba rnams la bgegs mthar byed kyis 'di ltar btang gtor dang bsrung ba dang las thams cad pa'i sngags kyis mar gyi sbyin sreg bdun kyang bya'o// de nas me'i sngags kyis slar yang bsang gtor dang gang ba'i sregs blugs gsum mam gcig dang ji ltar tshogs pa yang me'i sngags kyis bsregs te blugs gzur la sogs pa rnams kyis stsogs blugs gsum mam bdun nam gcig gam ji ltar tshogs par bsreg par bya'o// de gsungs pa blugs gzar gyis ni mar bsregs cing / 'bru rnams de yis de bzhin dbul zhes// thog mar yam shing la sogs pa sbyang bar bya ste/ de la oM AHswA hA/ yaM shing sbyong ba'i sngagaso// oM shrIM swA hA/ mar sbyong ba'i sngagaso// oM swA hA/ rdzas bkru ba'i sngags// oM badz+ro swA hA/ 'bru sbyang ba'i sngagaso// oM ku ru ku ru swA hA/ rdzas lhag ma rnams sbyang ba'i sngagaso// rim pa 'dis ni yam shing bsreg/ yam shing me la mar dang til// dUR+Ya 'bras da zho'i bza' ba// ku sha sogs dang sreg par bya// 'chang par 'gyur ba rang rang gi sngags kyi yam shing dang dur+tha dang / ku sha yang ming med dang mthe bos so// thams cad du zhu ba'i rdzas ni/ zhal du yam shing dang / mi'i rus pa la sogs pa yang 'od kyi dkyil 'khor la'o// zho'i bza' ba dang / zas sna tshogs dang zhal bsil dang tol la sogs pa ni phyag tu'o// dri ni thugs kar ro// me tog dbu la'o// bdug spos ni 'bar ba la'o// zhabs bsil ni zhabs dag la'o// mdun du mar me dang mchod yon kyang ngo // mchod yon gyi chu ni phyi rol gyi snod du blugaso// rdzas rnams dbul ba'i dus su lha'i sngags dang lus kyi sngags dang gsum spel bar bya'o// de'i rjes su zhabs bsil la sogs pa dang bsang gtor yang byas te las dang rjes su mthun pa'i me 'bar ba'i rnam par bya ba 'am thugs kAr paM yongasu gyur pa las sna tshogs pad+ma 'dab ma bzhi bcu rtsa brgyad pa'i steng du raM yongasu gyur pa la nyi ma'i dkyil 'khor la hUM ljang sngon de yongasu gyur pa las rdo rje sngon po rtse lnga pa lte ba la nyi ma la gnas pa'i hUM gis byin gyis brlab pa de las 'od zer kha dog sna tshogs pa 'phros te 'gro ba thams cad dag par byas te mkha' 'gro rgya mtsho'i dkyil 'khor du sems can re rer yang byas nas/ de rnams gdod ma nas grub pa bems po ma yin pa'i sems can las 'das pa thams cad bkug ste/ de nyid du zhugs pa yongasu gyur pa las dpal mkha' 'gro rgya mtsho'i rten dang rten pa'i dkyil 'khor thams cad dus gcig tu rdzogs par byas la/ oM AHk+Sha ya bAk+tsir+N+Na badz+ra hU~M phaT zhes brjod par bya'o// de nas go cha bya ba dang dbang bskur zhing rigs kyi bdag pos rgyas gdab pa dang / slob dpon gyi snying ga nas spros pa'i mchod pa'i lha mo rnams kyis mchod pa dang de rnams kyi sngags rnams brjod pas bstod pa dang gzhan yang mchod pa rnams kyis mchod pa dang / gtso bo dang dkyil 'khor ba bsgo ba'i glu blangs pa'i mthar thug par mngon par rtogs pa nas 'byung ba bzhin bya'o// 'on kyang dbang bskur ba'i dus su glu dang rol mo dang bkra shis kyi tshigasu bcad pa dang bcas pas dngos su rnam par rgyal ba'i bum pas me long las dbang bskur bar bya'o// de nas sku mdog ni mngon par rtogs pa las 'gyur ba med dopo phrin las ni las kyi dbye ba so sor bya ba yang / de rnams spros pa'i 'od zer las sprul pa'i mkha' 'gro ma la sogs pa nor bu zla 'od kyi bum pa byang chub kyi sems kyis gang ba las bdud rtsi'i rgyun gyis dbang bskur bas bsgrub par bya ba'i rimos la sogs pa bsal bar bsam par bya'o// rgyas pa la ni rangs shing dgyes pa'i thugs kyis sngon bzhin gyi bum pa'i mgrin pa nas bdud rtsi 'am rin po che'i char bsgrib bya lus sam khyim yongasu dgang byas te brjod pa la sogs pa'am phongs pa 'joms par byed du gzhug go// dbang la ni chags pa'i thugs dang ldan pas sngon bzhin du ut+pa la'i dog pa'i mdagu can gyi mdas snying gar phug nas dbang du byed pa gzhug go// dbang dgug la zhags pa dang lcags kyu dag gis bcings pa dang phug pas dgug tu gzhub gzhug go// mngon spyod la khros pa dang ldan pas bsgrub bya'i steng du rdo dang me'i char phab nas bsgrub bya thal bar byed du gzhug go// sdang ba la sogs pa la'ang de rnams dang rjes su mthun pas mdzad par bsam par bya ste/ re nas hUM gi yi ge las bdud rtsi 'byil bas nye bar mkho ba thams cad sngon bzhin bsang gtor byas la de nas las dang rjes su mthun pa'i me tog la sogs pas mchod par bya ste/ oM AHpuSh+pe pra tI ts+tsha hUM/ zhes bya ba la sogs pas zhi ba la me tog dkar po dri zhim pas mchod par bya'o// rgyas pa la ser pos so// dbang dang dgug pa la dmar pos so// khro ba la dri mi zhim pa dang dri med pa'i bil ba dang dza ba la sogs pa'i me tog ste/ sardza ba la sogs pa'i spos kyis dang mi dang nya'i snu ma la sogs pas so// de nas oM AHhrIHpra ba ra yat+ka raM pA d+yaM pra hI tsAts+tsha hUM zhes bya bas zhal bsil dang / oM any+tsA ma naM pra hIts+tsha hUM zhes bya bas zhabs bsil dang / oM AHhrIHpra ba ra sang+ka raM ar+g+haM pra tIts+tsha hUM zhes bya bas mchod yon dbul lo// sngon du hUM gis bsang gtor kyang ngo // de nas kyi dang gsang ba byas la lha thams cad kyi ljags las dang rjes su mthun pa'i rdo rje'i rnam pa la hUM bkod de/ oM hi hi hUM hUM phaT/ che ge mo'i ro ga shAn+ti~M ku Ta swA hA zhes bya ba la sogs pas dgang blugs ci tsam 'byor tshad phul nye yang bsang gtor la sogs pa byas la sgra so so'i ming sngags dang rdzas dang spel tshig dang bcas pa ci tsam 'byor pa dbul lo// yang na sngags la spel ba dang bcas pa'o// oM shrI he ru kA ya bid ma he bid+ya rA dzA ya d+hi ma he ta nu bI ra pra tsau ra ya ya che ge mo'i bo gaM shAn+tiM ku ru swA hA/ zhes bya ba la sogs pa thams cad kyang bsreg par bya'o// de nas lha so so la dgang blugs bdun nam gsum mam gcig bsregs la de nas bdud rtsi dang bcas pa'i dga' blugs ji ltar rnyed pa bsreg par bya'o// de la me la sogs pa'i lha'i sreg blugs kyi sngags ni oM sarba pA laM da ha na badz+rA ya swA hA/ zhi ba'i don du hil rnams kyi'o// oM badz+ra A yu She swA hA/ tshe 'phel pa la dUr ba'i 'o// oM badz+ra puSh+Ta ye swA hA/ rgyas pa'i don du ma chag cing dum bu ma red pa'i 'bras rnams kyi'o// oM sarba saM pa de swA hA/ phun sum tshogs pa'i don du zho'i bza' ba dang bzang po'i'o// oM a pra ti ha ha badz+ra swA hA/ bsrung ba'i don du hil mar la btags pa'i ku sha rnams kyi'o// oM badz+ra bi dzA ya swA hA/ so ba slu med pa'i'o// oM ma hA ba lA ya swA hA/ maSha'i'o// oM badz+ra g+hasma ra ye swA hA/ gro'i'o// oM badz+ra ya dz+nyA ya swA hA/ u dum+bA ra'i'o// maM bo d+hi br-ik+ShA ya swA hA/ a shwat+tha'i'o// oM badz+ra ma hA ya swA hA/ p+lak+Sha'i'o// oM ku ba ra ba rA ya swA hA/ n+ya gro d+ha'i'o// oM sa ha ka rA ya swA hA/ a mra'i'o// oM badz+ra rak+Sha ya swA hA/ arka'i yil 'da' kyi'o// oM badz+ra pr-ih+ma Na swA hA/ pa lA sha'i'o// oM badz+ra ga tI yi la sogs pa la gzhan gyi don du byed pa ste khyad par ni 'di dag yin te/ yon phul ba'i slob ma sbyin sreg gi khang pa'i nang du bos la de'i g.yas pa'i mthe bong g.yon pa'i mthe'u chung gi yang dag par bzung la g.yas su bskor ba lan gsum byas te blugs gzar gyis mgo bo la lan gsum bskor nas zhugs te srog blugs bdun bsregs la gang sregs blugs sbyin du gzhug par bya'o// 'khyil pa bzlas pa'i bsrung skud/ de'i lag pa la bcings la bsang gtor bya'o// 'byor na rgyal po la sogs pa dge bar 'dod pas gang ba'i sreg blugs bya'o// de'i rje su me'i thab kyi nang gi mtho' mar gser dang dngul lo sogs pa'i snod du 'bras sA lu dang / 'o ma dang / mar dang / kha ra dang / sbrang rtsi rnams blugs pa me tog gi phreng ba btags pa tshos pa'i tsA ru maM la dbul bar bya'o// de'i rjes su zhabs bsil phul la bsang gtor dang yongasu mchod pa dang ar+g+ha phul te bzod par gsol la mngon par dga' ba'i dngos grub mngon par blang ngo // oM ag+na ye sarba san+to Sha NaM ku ru me ya thA kA me sid+d+hi dA gats+tsha tu hUM hUM swA hA zhes bya bas gshegasu gsol lo// de nas tsA ru dwe rang yang bza' zhing slob ma rnams la'ang bgo bar bya'o// de lta na'ang 'di brjod par bya'o// de bzhin gshegs pas gsol ba yi// lhag ma sdig pa rnams 'joms pa'o// zhes brjod la sbyin par bya'o// de nas dam tshig dang ldan pa 'dus pa la tshogs kyi ston mo bya'o// de yang gzhung 'di nyid nas gsungs pa// gzhon nu ma mdzes gar byed dang // sna tshogs sil snyan rnam bkur byas// sna tshogs rgyu na dang ldan rnams kyis// skye bo chen po brtson bzhin dang // me tog spos sogs kyis spro bar// 'dus pa'i dbus su bya ba'o// tA ma pu la kun thams cad la// dgyes byed sbyin par bya ba yin zhes so// de nas bla ma la yon dbul bar bya ste// slob dpon mchod bya yang dag par// rdo rje 'chang du byas nas no// mu tig gser dang rin chen rnams// glang rta sa gzhi yul ljongs dang // bran pho bran mo 'khor rnams dang // chung ma phun sum tshogs kun dang // gos zung du ma rnams dang ni// dgyes pa 'am sa la gang cung zad// bdag tu lbu ba dang bral bas// gdul bya gtso bo zhi bar gyis// bdag nyid dngos po thams cad kyis// phyag byas nas ni dbul bar bya// me tog spos sogs thams cad rnams// ston pa'i mdun du dbul bar bya// thams cad nye bar bya ba'i phyir// rdo rje blo ma la dbul bya// de nas me bsad zhi ba la// 'o ma yis ni rgyal bsgrub la// dri gsar rnams kyis dbang dang khro// 'o ma khrag tu dkar min pa'i zhes so// sbyin sreg gi thal ba dang sol ba ni las thams cad pa'i bum par blugs la chu klung la bskur bar bya'o// lha tshim par byed pa'i rab tu byed pa'o// / da ni nang gi sbyin sreg bshad par bya ste// nang la mchog tu gzhol ba'i sgrub pa pos 'jam zhing yangs pa'i stan la 'dug ste/ sems can thams cad la brtse ba sngon du song bas skad cig gis zhal gcig phyag gnyis pa'i phag mo dang bcas pa bde mchog du dmigs la/ rkang pa'i mthil du yaM las byung ba'i rlung gi dkyil 'khor dang / de'i steng du raM las me'i dkyil 'khor ro// de nas zlum po lte bar skyes pa'i thab// snying gi ru ni gru bzhi pa// nor bu'i bu gar zur drug pa// mgrin pa ru ni bdun pa ste// zur brgyad pa ni mgo la'o// zur dgu pa ni smin dbus su// gtsug tor du ni zur lnga pa'o// de ltar thams cad kyang rtsa thab kyi dbyibs can du bsgoms te/ thams cad kyi dbus su hUM baM sngo ba dang / dmar ba'i mdog can kha sbyor bsams te gtsug tor nas rdo rje nor bu'i bar du rtsa dbu mas sbrel ba g.yas g.yon gyi rtsa dang bcas pa legs par gsal bar byas te/ de nas steng 'og go/ rlung dgag pa'i sbyor bas rkang mthil gyi rlung gis me sbar te/ lus kyi rtsa thams cad kyi byang chub kyi sems bzhu nas rtsa g.yas pa dang g.yon par drangs la de gnyis nas dbus ma'i rtse mo'i haM lA bstims te/ de nas dbu ma nas babs pas 'bar bzhin pa'i thab rnams byang chub kyi sems kyi dgang thugs phul bas thams cad gong bar gyur te lus kyi rtsa thams cad du yang 'phros par bsam zhing / yang bsdu ba'i sbyor ba goms pa rgyun mi 'chad par byas nas dgos pa thams cad 'grub par 'gyur te/ 'di ni thams cad las khyad par du gyur pa man ngag dang bcas pa bla mas gsungs pa la bdag gi dpe mkhyud ma byas pa ste/ 'di ni nang gi sbyin sreg gi rab tu byed pa'o// / de ltar brjod pa'i sbyin sreg thabs// bsod nams tshogs kyi rgyu don dang // ye shes tshogs rdzogs bya ba'i phyir// bcom ldan 'das kyis rgyud du gsungs// de la mi gsal gang cung zad// bla ma'i gsung gi rjes 'brangs nas// gzhan la phan gyur srid snyam nas// bdag gis gsal bar byas pa yin// thos bral rtog pa dman pa yi// skye blu na rmongs pa nga rgyal can// 'brel med lung dang mi ldan pa// ngan rtog sna tshogs sbyor mthong nas// rab 'byams thos pa ma yin kyang // rang gi gzhung lugs du ma la// skye bar rgyun tu goms byas dang // legs sbyar skod la'ang rtog skyes dang // bla ma'i lung yang legs mnos pas// rtsom mo 'os pa bdag min sbrum// bdag gis legs sbyar bsod nams 'dis// 'gro kun nyon mongs thung shing rnams// gnyis med ye shes rab 'bar bas// bag chags bcas pa bsreg gyur cig/ dpal mkha' 'gro rgya mtsho'i rgyud kyi sbyin sreg gi cho ga rin po che me shel mkhas pa dza ya se na'i gsung // dpal ye shes rdo rjes bsgyur ba rdzogaso// / dpal ldan mkha' 'gro rgya mtsho yi// rgyud rgyal yid bzhin nor bu gter// yid bzhin nor bu'i ris rnam gnyis// bla ma'i gsung gau grur zhugs nas// bskyed pa'i rim pa'i phyogs nyid dang // rdzogs pa'i rim pa sna tshogaso// de la rdzogs pa'i rim pa'i phyogs// grub pa'i skyes bu mtsho skyes kyis// rgya cher rgyud 'grel nyid du bkral// bskyed pa'i rim pa'i mi gsal ba// mngon rtog dkyil 'khor cho ga dang // sbyin sreg rab gnas tshogs 'khor dang // gtor ma maN+Dal cho ga rnams// blo yi snyam pa ma nyams pas// yid bzhin nor bu rnam pa bdun// legs par blangs nas 'dir gtor ma'o// de ltar byas pa'i dge ba 'dis// 'di lta'i nor bral 'gro ba rnams// tshul bzhin bla ma gus bston pas// rin chen 'di rnams spyod gyur cig// rgya gar skad du/ sA d+hiSh+ThA na kra mo pa de sha ka sa d+ha na/ bod skad du/ rang byin gyis brlab pa'i man ngag gi sgrub thabs/ bdag gi lha la phyag 'tshalo// dngos min dngos med ma yin mkha' ltar ro/