བོད་ཡིག

e-texts produced with BDRC’s OCR application

rgyu gar skad du/ kal+lo katA bi d+hi nA sa twa mA rI ts+yai sA d+ha naM/ bod skad du/ rtag pa las gsungs pa'i cho ga 'od zer can dkar mo'i sgrub thabs/ 'phags ma 'od zer can la phyag 'tsha lo// dang por re zhig rang gi snying gar zla ba la mo yig dkar po'i 'od zer gyis bcom ldan 'das ma gdan drangs te nye bar spyad pa sna tshogs pas mchod nas sdig pa bshags pa la sogs pa byas nas tshad med pa'i gnas pa ni bsgoms te/ oM shU n+ya tA dz+nyA na badz+ras b+hA ba At+ma& haM/ zhes brjod nas paM yig les skyes pa'i sna tshogs pad+ma'i steng du zla ba'i dkyil 'khor la slar yang maM yig dkar po yongasu gyur pa las 'od zer can kun da dang phra ba'i 'od lta bu zhal lnga po/ phyag bcu zhabs bzhi pa'i bdag nyid skad cig tu bsam par bya'o// de la zhal gyi gtso bo sku'i mdog lta bu/ zhal g.yas pa nag pa/ zhal g.yon pa phag zhal dmar po// rgyab zhal ljang gu dbu'i steng du zhal ser po rin po che sna tshogs pas brgyan pa'i zur phud gsum pa ral pa'i cod pan can/ phyag g.yas pa lnga rnams na nyi ma'i dkyil 'khor dang / rdo rje sngon po dang / mda' dang lcags kyu dang / khab rnams phyag na bsnams pa'o// phyag g.yon pa lnga rnams na/ zla pa'i dkyil 'khor dang / gzhu dang / mya ngan med pa'i shing gi yal ga dang / zhags pa dang bcas pa'i sdigs mdzub dang / skud pa phyag na bsnams pa'o// rin po che sna tshogs pas brgyan pa'i rna rgyan dang / dpung rgyan dang / gtsug phung dang / dril bu g.yer ka'i dri ba'i sgo rags dang / gos kyis sku la brgyan pa/ lang cho gzhon zhing sha 'geg gi stong g.yogs dkar po dang / mchod rten gyi nang ni bzhugs shing phag bdun gyi shIng rta la bzhugs pa/ khyab 'jug dbang po dang / bde byed dang / tshangs pa rnams zhabs bzhis mnan pa/ de'i yang shing rta'i dbusu gnas pa'i chu srin mnan pa'i bcom ldan 'das ma de yang sku mdog nag po phag gi zhal can me/ rdo rje dang / sdigs mdzub dag gis g.yas dang / g.yon pa'i phyag dag na'o// g.yas phyogs na bcom ldan 'das ma gzhan te/ de yang phag zhal dmar po phyag bzhi pa lcags kyu dang / khab dag phyag g.yas pa gnyis na'o// zhags pa dang / bcas pa'i sdigs mdzub dang / skud pa dag phyag g.yon pa gnyis na'o// mdzes pa'i rgyan gyis brgyan pa'o zheso// g.yon phyogs na rje btsun ma gzhan te/ de yang sku mdog dmar mo phag pa'i zhal can no// rna ba'i rtsar bkang ba'i gzhu dang mda'/ rdo rje dang mya ngan med pa'i shing gi yal gA rnams g.yas dang g.yon gyi phyag rnams na bsdams pa'o// sna tshogs pa'i na bzas brgyan pa'o zhes te/ shing rta 'dren pa'i phag gi 'og na nyi ma la sogs pa'i gza' dgu dang nye bar 'tshe ba'i nad kyi tshogs lhung nas mi gzugs kyis zhi zhing dri lta bu'i bcom ldan 'das ma bsams nas/ snying gAr zla ba la mAM yig las byung ba'i 'od zer rnams kyi de bzhin gshegs pa gdan drangs te/ dbang bskur blang zhing rnam par snang mdzad kyis dbu brgyan pa la/ de nas snying ga'i sa bon las saM phreng ba'i rnam pa lta bu'i sngags kyi yi ge rnams kha nAs 'thon nas lte ba/ lte ba nas kha/ kha nas slar yang lte ba la sogs par 'khor lo 'khor ba'i rim pa ji lta ba bzhin du sngags bzlas par bya'o// mtha' gsum gyi de bzhin nyid kyang yid kyis bya'o// de la sngags ni 'di yin te/ oM mA rI ts+yai mo hUM phaT swA hA/ rang gi sa bon gyis byin gyis brlabs la zla ba la so/ pa thams cad la rjesu gnang bar bya'o// skyo na yi ge brgya pa'i sngags brjod la tsa bder gnas par bya'o zhes so// rtog pa las gsungs pa'i cho ga 'od zer can dkar mo'i sgrub thabs rdzogaso//