| བོད་ཡིག | e-texts produced with BDRC’s OCR application |
dpal rdo rje mkha' 'gro dpa' bo chen po dpa' bo'i dbang phyug/ sa gsum bskyod cing g.yo bar mdzad du 'jug pa po// mche ba gtsigs pa 'jig su rung ba 'jigs par mdzad pa/ spyan stong phrag mnga' ba// glog gi ljags can/ keng rus kyi phreng bas brgyan pa'i sku can/ phyag bye ba 'bum mnga' bo/ 'bar bas kun nas bskor bas reg pa/ dgra sta dang zhags pa dang dpal can 'phyar ba/ bskal pa'i mtha'i du ba drag pa'i sku can/ rnam par gtsigs pa'i zhal ha ha sgrogs pa/ ma mo'i tshogs kyis yongasu bskor ba'i sngags can/ lhan cig skyes ma'i mdzes ma dang btsugs par mdzad pa/ hUM hUM zhes sgrogs pa'i zhal can/ dur khrod chen po la dgyes pa/ 'byung po thams cad kun tu skrag par mdzad pa/ bskal pa'i mtha' ma'i me'i gzi brjid can/ ral pa'i tshogs kyi cod pan can/ khri rkang dang thod pa dang gsal shing gis thug pa 'dzin pa/ rgya mtsho chen po'i ske rags can/ stag gi pags pa'i na bza' 'chang ba/ ro langs kyi tshogs 'joms par mdzad pa/ bgegs chen po las skyob pa po/ dgra la nges par gnod pa mdzad pa/ stong gsum gyi stong chen po ba spu 'khyil ba gcig gi nang du gnas pa po/ zhal brgya phrag stong mnga' ba/ ye shes kyi rgya mtsho'i zhal can/ sha chen po dang khrag dang zhag gsol ba po/ bdud thams cad kyi stobs 'jom pa po/ 'byin pa dang spyad pa mdzad pa po/ klu thams cad kyi skems pa dang / rengs pa dang / rnam par 'ju bar mdzad pa/ rgyu ma'i phreng ba 'dzin pa/ ri rab g.yo bar byed pa'i sgra can dang / khro bo'i sku 'dzin pa/ go skabs chen po'i thig le'i bdag nyid can/ sangs rgyas bye ba stong skad cig gis rdzogs par mdzad pa/ ye shes kyi bdud rtsi'i char 'bebs pa/ las thams cad rab tu 'jug par mdzad pa/ 'chang bar byed pa/ rnam par rtog par thams cad 'joms par mdzad pa/ mgo bo 'khrigs pas reg pa'i sku can/ gzhan gyis byas pa'i 'khrul 'khor dang / sngags 'joms pa po/ bsrung ba chen po byed pa/ sdang ba rnams kyi rnam par 'joms pa po/ chos 'byung bar mdzad pa/ khro bo spro zhing spro bar byed du 'jug pa/ dbang po'i dra ba sems can thams cad kyi bdag nyid can/ 'thab pa dang / rtsod pa dang / rab tu rtsod pa'i blo gros chen po la phyag 'tshalo// rkang pa bzhi bcu rtsa brgyad pa'i bstod pa'o// shrI dza ya se na dang / dpal dang ma yon tan gyis bsgyur// dge ba 'di yis nye bar mtshon nas ni// sems can rnams kyi dus gagram bsags pa yi// zag bcas zag med zung 'jug dge ba rnams// bla med byang chub chen por bsngo bar bgyi// 'gro kun thams cad mkhyen pa thob