| Wylie | e-texts produced with BDRC’s OCR application |
དཔལ་རྡོ་རྗེ་མཁའ་འགྲོ་དཔའ་བོ་ཆེན་པོ་དཔའ་བོའི་དབང་ཕྱུག། ས་གསུམ་བསྐྱོད་ཅིང་གཡོ་བར་མཛད་དུ་འཇུག་པ་པོ།། མཆེ་བ་གཙིགས་པ་འཇིག་སུ་རུང་བ་འཇིགས་པར་མཛད་པ། སྤྱན་སྟོང་ཕྲག་མངའ་བ།། གློག་གི་ལྗགས་ཅན། ་ཀེང་རུས་ཀྱི་ཕྲེང་བས་བརྒྱན་པའི་སྐུ་ཅན། ཕྱག་བྱེ་བ་འབུམ་མངའ་བོ། འབར་བས་ཀུན་ནས་བསྐོར་བས་རེག་པ། དགྲ་སྟ་དང་ཞགས་པ་དང་དཔལ་ཅན་འཕྱར་བ། བསྐལ་པའི་མཐའི་དུ་བ་དྲག་པའི་སྐུ་ཅན། རྣམ་པར་གཙིགས་པའི་ཞལ་ཧ་ཧ ་སྒྲོགས་པ། མ་མོའི་ཚོགས་ཀྱིས་ཡོངསུ་བསྐོར་བའི་སྔགས་ཅན། ལྷན་ཅིག་སྐྱེས་མའི་མཛེས་མ་དང་བཙུགས་པར་མཛད་པ། ཧཱུཾ་ཧཱུཾ་ཞེས་སྒྲོགས་པའི་ཞལ་ཅན། དུར་ཁྲོད་ཆེན་པོ་ལ་དགྱེས་པ། འབྱུང་པོ་ཐམས་ཅད་ཀུན་ཏུ་སྐྲག་པར་མཛད ་པ། བསྐལ་པའི་མཐའ་མའི་མེའི་གཟི་བརྗིད་ཅན། རལ་པའི་ཚོགས་ཀྱི་ཅོད་པན་ཅན། ཁྲི་རྐང་དང་ཐོད་པ་དང་གསལ་ཤིང་གིས་ཐུག་པ་འཛིན་པ། རྒྱ་མཚོ་ཆེན་པོའི་སྐེ་རགས་ཅན། སྟག་གི་པགས་པའི་ན་བཟའ་འཆང་བ། རོ་ལངས་ཀྱི་ཚོགས ་འཇོམས་པར་མཛད་པ། བགེགས་ཆེན་པོ་ལས་སྐྱོབ་པ་པོ། དགྲ་ལ་ངེས་པར་གནོད་པ་མཛད་པ། སྟོང་གསུམ་གྱི་སྟོང་ཆེན་པོ་བ་སྤུ་འཁྱིལ་བ་གཅིག་གི་ནང་དུ་གནས་པ་པོ། ཞལ་བརྒྱ་ཕྲག་སྟོང་མངའ་བ། ཡེ་ཤེས་ཀྱི་རྒྱ་མཚོའི་ཞལ་ཅན། ་ཤ་ཆེན་པོ་དང་ཁྲག་དང་ཞག་གསོལ་བ་པོ། བདུད་ཐམས་ཅད་ཀྱི་སྟོབས་འཇོམ་པ་པོ། འབྱིན་པ་དང་སྤྱད་པ་མཛད་པ་པོ། ཀླུ་ཐམས་ཅད་ཀྱི་སྐེམས་པ་དང་། རེངས་པ་དང་། རྣམ་པར་འཇུ་བར་མཛད་པ། རྒྱུ་མའི་ཕྲེང་བ་འཛིན་པ། རི་རབ་གཡོ ་བར་བྱེད་པའི་སྒྲ་ཅན་དང་། ཁྲོ་བོའི་སྐུ་འཛིན་པ། གོ་སྐབས་ཆེན་པོའི་ཐིག་ལེའི་བདག་ཉིད་ཅན། སངས་རྒྱས་བྱེ་བ་སྟོང་སྐད་ཅིག་གིས་རྫོགས་པར་མཛད་པ། ཡེ་ཤེས་ཀྱི་བདུད་རྩིའི་ཆར་འབེབས་པ། ལས་ཐམས་ཅད་རབ་ཏུ་འཇུག་པར ་མཛད་པ། འཆང་བར་བྱེད་པ། རྣམ་པར་རྟོག་པར་ཐམས་ཅད་འཇོམས་པར་མཛད་པ། མགོ་བོ་འཁྲིགས་པས་རེག་པའི་སྐུ་ཅན། གཞན་གྱིས་བྱས་པའི་འཁྲུལ་འཁོར་དང་། སྔགས་འཇོམས་པ་པོ། བསྲུང་བ་ཆེན་པོ་བྱེད་པ། སྡང་བ་རྣམས ་ཀྱི་རྣམ་པར་འཇོམས་པ་པོ། ཆོས་འབྱུང་བར་མཛད་པ། ཁྲོ་བོ་སྤྲོ་ཞིང་སྤྲོ་བར་བྱེད་དུ་འཇུག་པ། དབང་པོའི་དྲ་བ་སེམས་ཅན་ཐམས་ཅད་ཀྱི་བདག་ཉིད་ཅན། འཐབ་པ་དང་། རྩོད་པ་དང་། རབ་ཏུ་རྩོད་པའི་བློ་གྲོས་ཆེན་པོ་ལ་ཕྱག་འཚལོ།། ་རྐང་པ་བཞི་བཅུ་རྩ་བརྒྱད་པའི་བསྟོད་པའོ།། ཤྲཱི་ཛ་ཡ་སེ་ན་དང་། དཔལ་དང་མ་ཡོན་ཏན་གྱིས་བསྒྱུར།། དགེ་བ་འདི་ཡིས་ཉེ་བར་མཚོན་ནས་ནི།། སེམས་ཅན་རྣམས་ཀྱི་དུས་གགྲམ ་བསགས་པ་ཡི།། ཟག་བཅས་ཟག་མེད་ཟུང་འཇུག་དགེ་བ་རྣམས།། བླ་མེད་བྱང་ཆུབ་ཆེན་པོར་བསྔོ་བར་བགྱི།། འགྲོ་ཀུན་ཐམས་ཅད་མཁྱེན་པ་ཐོབ ་