བོད་ཡིག

e-texts produced with BDRC’s OCR application

sku mdog dmar po zhal gsum phyag drug pa/ g.yas pa dang cig shos kyi zhal ni mthing nag dang / dkar po ste/ zhal so so zhing spyan gsum pa'o// sbrul gyi rgyun dang ldan pa/ zhabs brkyang bskums gyis bzhugs pa/ khro bo'i lha stangs kyis rnam par gzigs pa/ zhal dang po ni mdzum pa dang ldan pa'o// zhal g.yas pa ni ljags 'dril bar mdzad pa'o// zhal g.yon pa ni mche bsdu som tshogs mdzad pa'o// sdug gi pags pa'i sham thabs man bsra pa/ g.yas pa'i phyag bzhin rdo rje dang / dbyug tho dang / ba dan rtse gsum pa'i phyag rgya dang / mda' gdengs pa'o// g.yon pa'i phyag bzhi ni sdigs mdzub dang nyid kyi dku brtan pa dang / pad+ma dang gzhu skor ba'o// mi bskyod pa cod pan la bsgom par bya ba ste/ rta mchog gi ye shes kyi rdo rje zhes bya ba'i ting nge 'dzin no// bzlas pa'i sngags ni oM haM ha ya g+hi ba swA hA/ rta mgrin gyi sgrub thabs// / a b+ha ya las dge slong tshul khrims rgyal mtshan gyis bsgyur ba'o// / rgya gar skad du/ trai lok+ShA bi dza ya sA d+ha nAM/ bod skad du/ kham+ba gsum rnam par rgyal ba'i sgrub thabs/ sngar bshad pa'i cho gas nyi ma la yi ge hUM mthong nag las byung ba'i rje btsun khams gsum rnam par rgyal ba ste/ sku mdog mthing nag zhal bzhi pa/ phyag brgyad pa'o/ zhal dang po khro bo sgeg pa dang ldan pa'o// g.yas pa ni drag rkan dang ldan pa'o// g.yon pa ni shin tu 'jigs su rung ba'o// rgyab ma ni dpa' bo'i nyams dang ldan pa'o// rdo rje dang dril bu dang ldan pa'i phyag gnyis kyis ni thugs kar rdo rje hUM mdzad kyi phyag rgya 'dzin pa'o// g.yas pa'i phyag gsum gyis ni ral gri dang lcags klu dang mda' snrums pa'o// g.yon pa'i phyag gsum gyis ni gzhu dang / zhags pa dang / rdo rje bsnams pa'o// / zhabs g.yon pa btang bsgom gyis dbang phyug chen po'i mgo bo mnan pa/ zhabs g.yas pas gau rI nu ma gnyis kun nas mnan pa/ sangs rgyas kyi phreng ba dang phreng baM la sogs pa rnam par bkra bi'i na bza' dang rgyan dang ldan par bdag nyid rnam par bsams la phyag rgya bcang bar bya ste/ de la khu tshur gnyis kyi rgyab sbyar la mthe'u tshung gnyis lu gu rgyud kyi rnam par sbyar bar byas pa 'di'o// sngags ni oM sum+b+ha ni sum+b+ha hUM/ gr-i gr-ih+Na hU~M/ gr-ih+NA pa ya gr-ih+na pa ya hU~M/ A na ho b+ha ga bAn bid+hi rA dzA hU~M phaT/ khams gsum rnam par rgyal po'i sgru ba thabs so// // a b+ha ya las dge slong tshu khrims rgyul mtshan gyi sa bsgyur de'o// rgya gar skad du/ badz+ra dz+wA lA ni lAng+ka sA d+ha naM/ bod skad du/ rdo rje me 'bar ba'i gzi brjid kyi sgrub thabs/ de kho na bzhin du stong pa nyid kyi rjes thogs la nyi ma la yi ge hUM mthong nag yongs su gyur pa la so rdo rje ma