| བོད་ཡིག | e-texts produced with BDRC’s OCR application |
lan bdun bdun du byas na bstan pa'i snying po nges par 'grub pa ni sngags 'dris bya'o// oM ma tha badz+ra hUM hUM phaT phaT swA hA/ zhes zla ba bdun gyi bar du sgrubs na yid gzhungs shing dbang dang ldan par 'gyuraro// rgyud kyi bstan pa zhes bya ba'i tshig legs par sgrub pa zhes bya ba/ slob dpon ye shes rdo rjes mdzad pa rdzogs so// / dpal phyag na rdo rje la phyag 'tshal lo// las thams cad ji ltar sgrub par 'dod pa'i sgrub pa bo dam tshig dang ldan pas gnas khang yid dang mthun par maN+Dal dang me tog dang bum pa dung mchod pa'i bye brag rnams bshams te/ bdag nyid kyis bdun rnam dag la sogs pa bya ste/ sngon du bya ba'i rim pa rnams ma lus par bya ste/ de nas khrus dang nye reg la sogs pa rnams bya ste/ hUM las byung ba'i khro bo 'dod pa'i rgyal po sku mdog dkar po zhal gcig phyag bzhi pa rdo rje dang ral gri dang gtun shing dang / zhags pa bsnams pa rab tu 'jigs pa chen po'i nga rgyal du byas te/ le shes kyi 'khor lo legs par sbrul la 'dod pa'i don la legs par gsol ba byas la nyi ma dang zla ba gzas zin pa'i dus su/ sin d+hA ra'i khu ba la sngags 'di stong gsum bzlas te bum pa'i chu dang lus la byugs ni ji ltar sgrub par 'dod pa'i don thams cad brtan zhing thogs pa med par 'gyur ro// sngags ni// oM u ta ha sa nI la badz+ra hUM hUM phaT phaT swA hA/ rgyud thams cad thogs pa med pa'i tshig legs par sgrub pa slob dpon ye shes rdo rjes mdzad pa rdzogs so// / dpal phyag na rdo rje la phyag 'tshalo// gang la yang rnam par rgyal ba'i 'dod pa'i don sgrub par 'dod pa'i bsgrub pa po dam tshig dang ldan pas gnas khang yid dang mthun par maN+Dal dang me tog dang mchod pa'i yo byang rdzogs par byas te/ khrus la sogs pa bya ba'i rim pa rnams byas la/ hUM las byung ba'i khro bo pad+ma 'khyil pa sku mdog dmar po zhal gcig phyag gnyis pa be con dang sdigs mdzub can gyi phyag rgya can du rnam par blta ste/ sngags 'di yid kyis brgya rtsa brgyad brjod na 'jig rten pa'i mna' las rnam par rgyal bar 'gyuraro// oM su badz+ra ya hUM hUM phaT phaT swA hA/ zhes pas nges par 'grub bo// mna' las rnam par rgyal ba'i sgrub thabs rdzogs so// / dpal phyag na rdo rje la phyag 'tshal lo// sred pa'i 'dod pa bslang bar 'dod pa'i sgrub pa po dam tshig dang ldan pas gnas khang yid dang mthun par bum pa la sogaspa rdzas kyi rim pa sogs la/ hUM las byung ba'i 'dod pa'i rgyal po sku mdog ser po zhal gcig phyag gnyis pa rin po che dang lcags kyu 'dzin pa'i nga rgyal du langs te/ sngags 'di lan brgya rtsa brgyad yid kyis brjod nas lcags kyu 'dzin pa'i lta stangs kyis bltas na tshod las rgyal ba'i don nges par 'grub ste sngags ni/ oM ha ra ha ra hUM hUM phaT phaT swA hA/ zhes pas kha shar phyogasu bltas te brjod na tshong gang byas pa las rgyal bar nges so// tshong las rnam par rgyal ba bsgrub pa'i thabs rdzogs so// / dpal phyag na rdo rje la phyag 'tshal lo//