| Wylie | e-texts produced with BDRC’s OCR application |
ལན་བདུན་བདུན་དུ་བྱས་ན་བསྟན་པའི་སྙིང་པོ་ངེས་པར་འགྲུབ་པ་ནི་སྔགས་འདྲིས་བྱའོ།། ཨོཾ་མ་ཐ་བཛྲ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་ཟླ་བ་བདུན་གྱི་བར་དུ་སྒྲུབས་ན་ཡིད་གཞུངས་ཤིང་དབང་དང་ལྡན་པར་འགྱུརརོ།། རྒྱུད་ཀྱི་བསྟན ་པ་ཞེས་བྱ་བའི་ཚིག་ལེགས་པར་སྒྲུབ་པ་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།། ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ།། ལས་ཐམས་ཅད་ཇི་ལྟར་སྒྲུབ་པར་འདོད་པའི་སྒྲུབ་པ ་བོ་དམ་ཚིག་དང་ལྡན་པས་གནས་ཁང་ཡིད་དང་མཐུན་པར་མཎྜལ་དང་མེ་ཏོག་དང་བུམ་པ་དུང་མཆོད་པའི་བྱེ་བྲག་རྣམས་བཤམས་ཏེ། བདག་ཉིད་ཀྱིས་བདུན་རྣམ་དག་ལ་སོགས་པ་བྱ་སྟེ། སྔོན་དུ་བྱ་བའི་རིམ་པ་རྣམས་མ་ལུས་པར་བྱ་སྟེ། དེ ་ནས་ཁྲུས་དང་ཉེ་རེག་ལ་སོགས་པ་རྣམས་བྱ་སྟེ། ཧཱུཾ་ལས་བྱུང་བའི་ཁྲོ་བོ་འདོད་པའི་རྒྱལ་པོ་སྐུ་མདོག་དཀར་པོ་ཞལ་གཅིག་ཕྱག་བཞི་པ་རྡོ་རྗེ་དང་རལ་གྲི་དང་གཏུན་ཤིང་དང་། ཞགས་པ་བསྣམས་པ་རབ་ཏུ་འཇིགས་པ་ཆེན་པོའི་ང་རྒྱལ་དུ་བྱས ་ཏེ། ལེ་ཤེས་ཀྱི་འཁོར་ལོ་ལེགས་པར་སྦྲུལ་ལ་འདོད་པའི་དོན་ལ་ལེགས་པར་གསོལ་བ་བྱས་ལ་ཉི་མ་དང་ཟླ་བ་གཟས་ཟིན་པའི་དུས་སུ། སིན་དྷཱ་རའི་ཁུ་བ་ལ་སྔགས་འདི་སྟོང་གསུམ་བཟླས་ཏེ་བུམ་པའི་ཆུ་དང་ལུས་ལ་བྱུགས་ནི་ཇི་ལྟར ་སྒྲུབ་པར་འདོད་པའི་དོན་ཐམས་ཅད་བརྟན་ཞིང་ཐོགས་པ་མེད་པར་འགྱུར་རོ།། སྔགས་ནི།། ཨོཾ་ཨུ་ཏ་ཧ་ས་ནཱི་ལ་བཛྲ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། རྒྱུད་ཐམས་ཅད་ཐོགས་པ་མེད་པའི་ཚིག་ལེགས་པར་སྒྲུབ་པ་སློབ་དཔོན་ཡེ་ཤེས་རྡོ་རྗེས་མཛད་པ ་རྫོགས་སོ།། ། དཔལ་ཕྱག་ན་རྡོ་རྗེ་ལ་ཕྱག་འཚལོ།། གང་ལ་ཡང་རྣམ་པར་རྒྱལ་བའི་འདོད་པའི་དོན་སྒྲུབ་པར་འདོད་པའི་བསྒྲུབ་པ་པོ་དམ་ཚིག་དང་ལྡན་པས་གནས་ཁང་ཡིད་དང་མཐུན་པར་མཎྜལ་དང་མེ་ཏོག་དང་མཆོད་པའི་ཡོ ་བྱང་རྫོགས་པར་བྱས་ཏེ། ཁྲུས་ལ་སོགས་པ་བྱ་བའི་རིམ་པ་རྣམས་བྱས་ལ། ཧཱུཾ་ལས་བྱུང་བའི་ཁྲོ་བོ་པདྨ་འཁྱིལ་པ་སྐུ་མདོག་དམར་པོ་ཞལ་གཅིག་ཕྱག་གཉིས་པ་བེ་ཅོན་དང་སྡིགས་མཛུབ་ཅན་གྱི་ཕྱག་རྒྱ་ཅན་དུ་རྣམ་པར་བལྟ་སྟེ། སྔགས་འདི་ཡིད་ཀྱིས ་བརྒྱ་རྩ་བརྒྱད་བརྗོད་ན་འཇིག་རྟེན་པའི་མནའ་ལས་རྣམ་པར་རྒྱལ་བར་འགྱུརརོ།། ཨོཾ་སུ་བཛྲ་ཡ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པས་ངེས་པར་འགྲུབ་བོ།། མནའ་ལས་རྣམ་པར་རྒྱལ་བའི་སྒྲུབ་ཐབས་རྫོགས་སོ།། ། དཔལ ་ཕྱག་ན་རྡོ་རྗེ་ལ་ཕྱག་འཚལ་ལོ།། སྲེད་པའི་འདོད་པ་བསླང་བར་འདོད་པའི་སྒྲུབ་པ་པོ་དམ་ཚིག་དང་ལྡན་པས་གནས་ཁང་ཡིད་དང་མཐུན་པར་བུམ་པ་ལ་སོགསྤ་རྫས་ཀྱི་རིམ་པ་སོགས་ལ། ཧཱུཾ་ལས་བྱུང་བའི་འདོད་པའི་རྒྱལ་པོ་སྐུ་མདོག་སེར་པོ་ཞལ ་གཅིག་ཕྱག་གཉིས་པ་རིན་པོ་ཆེ་དང་ལྕགས་ཀྱུ་འཛིན་པའི་ང་རྒྱལ་དུ་ལངས་ཏེ། སྔགས་འདི་ལན་བརྒྱ་རྩ་བརྒྱད་ཡིད་ཀྱིས་བརྗོད་ནས་ལྕགས་ཀྱུ་འཛིན་པའི་ལྟ་སྟངས་ཀྱིས་བལྟས་ན་ཚོད་ལས་རྒྱལ་བའི་དོན་ངེས་པར་འགྲུབ་སྟེ་སྔགས་ནི། ཨོཾ ་ཧ་ར་ཧ་ར་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པས་ཁ་ཤར་ཕྱོགསུ་བལྟས་ཏེ་བརྗོད་ན་ཚོང་གང་བྱས་པ་ལས་རྒྱལ་བར་ངེས་སོ།། ཚོང་ལས་རྣམ་པར་རྒྱལ་བ་བསྒྲུབ་པའི་ཐབས་རྫོགས་སོ།། ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ།། ་