བོད་ཡིག

e-texts produced with BDRC’s OCR application

dpal rdo rje rnam par 'joms pa la phyag 'tshal lo// 'phags pa rdo rje rnam par 'joms pa'i dpa' bo gcig pa'i dkyil 'khor du dbang bskur bar 'dod pa'i sgrub pa po/ dam tshig dang ldan pas sa'i cho ga la sogs pa sngon du song bya/ sa stegs gru gsum me long gi ngos ltar byas la/ thig gdab ste dbus lte ba mu khyud kyis bskor la lte ba ljang gu mu khyud dmar po sna tshogs pad+mas bskor ba/ gru chad ljang gu bar khyams gnyis pa dkar ser sgo dang / sgo khyad du bcas pa bris la/ mtshan nyid dang ldan pa'i bum pa ldan pa'i bum pa la sbyin haM gi mtshan rdo rje rgyu gram phyogs gcig med pa btab la las thams cad pa'i bum pa lha sku dkar gyi sna tshogs rdo rje bris la byang du bzhag pU dza ji ltar 'byor pa dang bA li ba sham/ lag pa gnyis rdo rje btsongs la mthe bong bsgrengs la srin lag sbyar te mdzub mo phyis nas/ nas gang gi ma reg pa byas la mthe'u chung blang la// oM badz+ra dz+wa lA na ye hUM phaT/ ces pa brgya rtswa brgyad bzlas pas bum pa'i nang du baM dang maM las pad ma nyi ma brtseg pa'i steng du hUM las rdo rje rnam par 'joms pa sku mdog ljang ser phyag gnyis kyi gser gyi bu mo pa rdo rje rgya gram phyogs gcig med pas kha bcad pa thugs kar 'dzin pa/ sku la rin po che'i rgyan sna tshogs pas brgyan pa/ dbu la rigs lnga'i sangs rgyas kyis brgyan pa/ zhal yid tsam khro ba yan lag sbrul rigs bzhis brgyan pa bskyed do// de'i thugs ka'i hUM las 'od 'phros pas don gnyis byas nas/ oM badz+ra dz+nyA na hUM swA hA hUM zhes brjod pas ye shes sems dpa' ci 'dra ba zla ba'i gdun lo bskyed pa de nyid la mchod pa dang gtor ma bya'o// de'i thugs ka'i hUM la dmyigs te/ bdag nyid khrus bya ba dang / gos rje ba la sogs pa bya ste/ snying po brgya rtsa brgyad baMs+t+waMs pi la stong phrag gcig shin tu bsdus pa la stong phrag bzlas te/ slob mo la bsrung skud gdags pa dang / dam tshig sdom po 'bogs pa la sogs pa bya ste/ dkyil 'khor du gzhug/ gzungs nyi shu rtsa gcig klag tu gzhug/ de nas bstan/ dbugs 'byung / gzengs bstod/ dbang bskur/ lag tu rdo rje dang dril bu'i sgras dkyil 'khor bskor/ dbang rdzogs par byin la gos rje zas kyi rnal 'byor bya'o// de yang mchod pa dbul ba dang gtor ma btang / dkyil 'khor bsdu/ bkra shis gsol/ slob ma la chos bshad/ slob mas bla ma la yon dbul/ bden pa'i tshig brjod do// dpa' bo gcig pa'i dkyil 'khor du dbang bskur ba'i bdud rtsi bum pa'i cho ga dpal mer me mdzad kyis mdzad pa rdzogs so//