| བོད་ཡིག | e-texts produced with BDRC’s OCR application |
myur du 'grub gyur cig/ rdo rje 'dzin pa'i sbyin sreg gi cho ga rdzogs so// / slob dpon chen po ba su d+ha badz+ra sa mdzad pa'o// / rgya gar skad du/ badz+ra d+hA ra ba lo bi d+hi nA ma/ bod skad du/ rdo rje 'dzin pa'i gtor ma'i tshig zhes bya ba/ bla ma rje btsun pa rnams la phyag 'tshal lo// las rnams kun gyi sngon 'gro ba// bshad phyir tha ma la gtud de// thams cad tshim par byed pa yi// gter ma'i cho ga de bshang bya// de la dang por rdo rje 'dzin// sgrub par 'dod pa'i rnal 'byor pa dag gis/ rin po che las snod rgya che la bzang la ma nyams pa de dag gi nang // 'bras chan la sogs pa chan gyi tshogs dang / khur ba la sogs pa bza' ba'i tshogs dang / nya sha la sogs pa sha'i tshogs dang / 'o ma la sogs pa btung ba'i tshogs dang / bu ram la sogs te myang ba'i tshogs dang / bil ba la sogs te shing tog gi tshogs dang / til la sogs pa 'bru'i tshogs dang / ut+pa la sogs te me tog gi cho ga dang / a ka ru la sogs te bdug pa'i tshogs dang / rin po che la sogs te snang ba'i tshogs dang / da ru ka dang dri zhim sbyar ba la sogs te dri'i tshogs dang / ga bur la sogs te sman gyi tshogs dang / rol mo dang / gdugs dang / rgyal mtshan dang / ba dan dang / ras bzang po la sogs pa ci 'byor pa'i yo byad bshams te/ maN+Dal sngon po dag gi steng du me tog chal pa bkram la de'i steng du bzhag par bya'o// de nas rnal 'byor pa bdag nyid mngon par rtogs pa'i cho ga ltar bskyed la/ lag pa g.yon pa'i mthil du d+hi sbyar ba'i chu blugs lo/ oM sarba big+h+nAn nA sha ya a mri ti kuN+Da li ha na hA na hUM/ zhes lan nyi shu rtsa gcig tu brjod do// oM a big+ha nAM ta kr-it+ta hUM phaT/ zhes pas gtor ma lan gsum du bya'o// de nas yo ga traM ser po las bskyed pa'i snod kyi dkyil 'khor gyi nang du/ rdzas dngos po dpag tu med pa bsams te/ de'i steng du zla ba'i hUM gis mtshan pa dag gi 'od kyis bsregs shing sbyangs pa'i bdud rtsi'i dngos por gyur par bsam mo// de nas thugs ka'i sa bon gyi 'od kyis de bzhin gshegs pa thams cad kyi smin mtshams kyi mdzod spu nas/ bdud rtsi 'o ma rgyun lta bu 'bab pas snod gang bar bsams la oM AHhUM/ zhes lan bdun brjod pas byin gyis brlab par bya'o// de nas snying ga'i sa bon gyi 'od kyis bcom ldan 'das rdo rje 'dzin pa spyan drangs la badz+ra dzi ha zhes byin gyis brlabs la sngags 'di lan bdun brjod la dbul bar bya'o// oM badz+ra pA Ni d+hA rA yA/ kA ya bAk+tsit+ta d+hU ba/ puSh+pa/ dI pa/ gan+d+he ba li/ ar+g+ha tA ba la~M ma da mAM sa i daM gr-ih+Na khA hi khA hi d+huny+tsA ho/ pi ba ho/ a ti kra ma ye swA hA/ de nas thugs ka'i sa bon gyi 'od kyis khams gsum gyi 'byung po'i cho gas ma lus pa bkug ste/ oM badz+re hUM ka ra ka Ta ka Ta ka Ta phaT/ ces byi bas sbyang ngo // de thams cad rdo rje 'dzin gyi ngo bor 'gyur bar bsams te/ yi ge gsum bkod la lce byin gyis brlab par bya'o// de nas oM a kA r-i mu khaM sarba d+harma NAM Ad+ya nut+pan+na tuta/ oM AHhU~M phaT swA hA zhes lan gsum brjod do// de nas 'byung po'i tshitshogs de dag mnyes par gyur nas/ rgyal bar gyur cig ces brjod par bsam mo// de nas lag tu me tog thogs te/ 'dod pa'i don la gsol ba btabi la/ bzod pa gi sol ba ni/ hUM lhag pa dang ni chad pas kyang // bdag gis brjed des gang bgyis pa// mgon po khyed kyis bzod mdzad nas// thun mong mchog gi dngos grub gsol/ zhes brjod la/ oM khyed kyis sems can don kun mdzad// rjes su mthun pa'i dngos grub gsol// sangs rgyas yul du gshegs nas kyang // slar yang byon par mdzad du gsol// oM AHhUM muHzhes pas gshegs su gsol// de nas phyag rgya dkrol te/ gtor ma gtsang ma'i sa phyogs su bskyal/ ci bider gnas par bya'o// rdo rje 'dzin pa mchod pa'i phyir// mchod sbyin 'di brtsams bsod nams kyis// 'gro ba thams cad rgyas gyur te// rdo rje 'dzin pa'i sa thob shog/ rdo rje 'dzin pa'i gtor ma'i cho ga rdzogs so// slob dpon pa su b+ha badz+ra sa mdzad pa'o// / rgya gar skad du/ karma sArba rak+Sha bid+d+hi nA ma/ bsrung ba'i tshogs las thams cad pA zhes bya ba/ bla ma rje btsun pa rnams lnga phyag 'tshal lo// nang dang gnod bzhi pa dang // mi