བོད་ཡིག

e-texts produced with BDRC’s OCR application

bzhin dbang bskur byas te mchod// dga' ston chen po sbyin par bya// tshe 'das pa la bya ba'i cho ga rdzogs so// / bcom ldan 'das thugs rje chen po gzi brjid kun nas 'bar ba la phyag 'tshal lo// ngal ba don yod dus las 'das pa dang // sdig me ngan 'gro'i sgor zhugs de bzhin du// ya ngo bar ma nying mtsha mos sbyar ba'i tshe// de rten cho ga rgyal pos rnam par sbyang // slob dpon shin tu snying brtse can// rig pa rgya mtsho pha rol son// brtan zhing mi 'phrogs mkhas pa yis// dbugs/ bral slob ma mdun du gzhag/ chus bkrus dris byugs rgyan btags te// brdeg dang bkru sogs cho ga bzhin// de nas sngags bcos bdug pa yis// bgegs bskrad 'khor lo bcings nas ni// spyi gtsug bla ma yab dang yum// snyoms zhugs thig le ma lhung ba// goms pa'i lha rten mdun gnas kyi// shangs bug nas ni myur bsdus zhes// de yi thugs dkyil pad+mo bsgom// rdo rje'i rgyas btab zum pa'i nang // mi 'gyur yongs gyur lha gzugs bskyod// slar byung zhing mchog de sras gyur// dogs su mthar phyin gru 'dra yis// phung po ma dag dag pa dang // dag pa dri med sreg rdzas su// byin gyis brlabs la rtog bral mchod// sngags chu dri ldan yungs kar dang // ral gri la sogs mtshon brdar phye// mar dang til sbyar drug cing bsreg/ me lce 'bar ba'i ltas rnam brtag/ gson tshe goms par byas pa yis// 'bras bu de ring dus yin gyi// bu khyod 'khrug par ma byed par// brtan par rnal 'byor dran par gyis// khyod kyi lus kyi grong khyer ni// rten 'di yin te de yi thugs// bu khyod sems dang gnyis med nyid// khyod kyi rtag gnas 'di yin te// yongs dag zhing ni rtag pa'i yul// rjes 'dzin bshes gnyen 'di yin te// 'di dag gnas skabs 'brel pa'o// gang yang gnas dang lus 'di dang // spyod yul 'di la nyes dmigs dang // yongs dag zhi ba dang rten dang ni// spyod yul mchog brjod nges par bya// gzhan yang 'khor dang mya ngan 'das// sdig dang dge legs skyon yon mang // sngags mtshams dal bus rnyed nas su// skyo dang spro bas dbugs 'byung ngo // de rjes gto ma bzang byin la// bzang po spyod pa'i smon lam gdag/ dam tshig 'dzin pa'i sngags bzla zhing // rus pa bsdus la mchod rten bsgrub// ro bsreg gi cho ga rdzogs so// / spyan ras gzigs mo'i lha la phyag 'tshal lo// de nas me'i/