| Wylie | e-texts produced with BDRC’s OCR application |
བཞིན་དབང་བསྐུར་བྱས་ཏེ་མཆོད།། དགའ་སྟོན་ཆེན་པོ་སྦྱིན་པར་བྱ།། ཚེ་འདས་པ་ལ་བྱ་བའི་ཆོ་ག་རྫོགས་སོ།། ། བཅོམ་ལྡན་འདས་ཐུགས་རྗེ་ཆེན་པོ་གཟི་བརྗིད་ཀུན་ནས་འབར་བ་ལ་ཕྱག་འཚལ་ལོ།། ངལ་བ་དོན་ཡོད་དུས་ལས་འདས ་པ་དང་།། སྡིག་མེ་ངན་འགྲོའི་སྒོར་ཞུགས་དེ་བཞིན་དུ།། ཡ་ངོ་བར་མ་ཉིང་མཚ་མོས་སྦྱར་བའི་ཚེ།། དེ་རྟེན་ཆོ་ག་རྒྱལ་པོས་རྣམ་པར་སྦྱང་།། སློབ་དཔོན་ཤིན་ཏུ་སྙིང་བརྩེ་ཅན།། རིག་པ་རྒྱ་མཚོ་ཕ་རོལ་སོན།། བརྟན་ཞིང་མི་འཕྲོགས་མཁས་པ་ཡིས།། དབུགས། ་བྲལ་སློབ་མ་མདུན་དུ་གཞག། ཆུས་བཀྲུས་དྲིས་བྱུགས་རྒྱན་བཏགས་ཏེ།། བརྡེག་དང་བཀྲུ་སོགས་ཆོ་ག་བཞིན།། དེ་ནས་སྔགས་བཅོས་བདུག་པ་ཡིས།། བགེགས་བསྐྲད་འཁོར་ལོ་བཅིངས་ནས་ནི།། སྤྱི་གཙུག་བླ་མ་ཡབ་དང་ཡུམ།། སྙོམས་ཞུགས ་ཐིག་ལེ་མ་ལྷུང་བ།། གོམས་པའི་ལྷ་རྟེན་མདུན་གནས་ཀྱི།། ཤངས་བུག་ནས་ནི་མྱུར་བསྡུས་ཞེས།། དེ་ཡི་ཐུགས་དཀྱིལ་པདྨོ་བསྒོམ།། རྡོ་རྗེའི་རྒྱས་བཏབ་ཟུམ་པའི་ནང་།། མི་འགྱུར་ཡོངས་གྱུར་ལྷ་གཟུགས་བསྐྱོད།། སླར་བྱུང་ཞིང་མཆོག་དེ་སྲས་གྱུར།། ་དོགས་སུ་མཐར་ཕྱིན་གྲུ་འདྲ་ཡིས།། ཕུང་པོ་མ་དག་དག་པ་དང་།། དག་པ་དྲི་མེད་སྲེག་རྫས་སུ།། བྱིན་གྱིས་བརླབས་ལ་རྟོག་བྲལ་མཆོད།། སྔགས་ཆུ་དྲི་ལྡན་ཡུངས་ཀར་དང་།། རལ་གྲི་ལ་སོགས་མཚོན་བརྡར་ཕྱེ།། མར་དང་ཏིལ་སྦྱར ་དྲུག་ཅིང་བསྲེག། མེ་ལྕེ་འབར་བའི་ལྟས་རྣམ་བརྟག། གསོན་ཚེ་གོམས་པར་བྱས་པ་ཡིས།། འབྲས་བུ་དེ་རིང་དུས་ཡིན་གྱི།། བུ་ཁྱོད་འཁྲུག་པར་མ་བྱེད་པར།། བརྟན་པར་རྣལ་འབྱོར་དྲན་པར་གྱིས།། ཁྱོད་ཀྱི་ལུས་ཀྱི་གྲོང་ཁྱེར་ནི།། རྟེན་འདི་ཡིན་ཏེ་དེ་ཡི་ཐུགས།། བུ ་ཁྱོད་སེམས་དང་གཉིས་མེད་ཉིད།། ཁྱོད་ཀྱི་རྟག་གནས་འདི་ཡིན་ཏེ།། ཡོངས་དག་ཞིང་ནི་རྟག་པའི་ཡུལ།། རྗེས་འཛིན་བཤེས་གཉེན་འདི་ཡིན་ཏེ།། འདི་དག་གནས་སྐབས་འབྲེལ་པའོ།། གང་ཡང་གནས་དང་ལུས་འདི་དང་།། སྤྱོད་ཡུལ་འདི་ལ་ཉེས་དམིགས ་དང་།། ཡོངས་དག་ཞི་བ་དང་རྟེན་དང་ནི།། སྤྱོད་ཡུལ་མཆོག་བརྗོད་ངེས་པར་བྱ།། གཞན་ཡང་འཁོར་དང་མྱ་ངན་འདས།། སྡིག་དང་དགེ་ལེགས་སྐྱོན་ཡོན་མང་།། སྔགས་མཚམས་དལ་བུས་རྙེད་ནས་སུ།། སྐྱོ་དང་སྤྲོ་བས་དབུགས་འབྱུང་ངོ་།། དེ་རྗེས་གཏོ ་མ་བཟང་བྱིན་ལ།། བཟང་པོ་སྤྱོད་པའི་སྨོན་ལམ་གདག། དམ་ཚིག་འཛིན་པའི་སྔགས་བཟླ་ཞིང་།། རུས་པ་བསྡུས་ལ་མཆོད་རྟེན་བསྒྲུབ།། རོ་བསྲེག་གི་ཆོ་ག་རྫོགས་སོ།། ། སྤྱན་རས་གཟིགས་མོའི་ལྷ་ལ་ཕྱག་འཚལ་ལོ།། དེ་ནས་མེའི། ་