བོད་ཡིག

e-texts produced with BDRC’s OCR application

rgya gar skad du/ shrI dI b+hu dza sa ha dza sa~M ba ra sa d+ha naM/ bod skad du/ dpal bde mchog phyag gnyis pa'i lhan cig skyes pa'i sgrub thabs/ dpal bde mchog lhan cig skyes pa la phyag 'tshal lo// bdag gi dag bas khams gsum srid mtha'i sdug bsngal ma lus pa/ bsal nas bde ba mtha' dag la ni dgod par bya ba'i phyir// sangs rgyas thob par bgyi'o zhes kyang smon pa bskyed nas su// gzhan dag 'jug pa'i rang bzhin yang na yongs sbrel bar bya// rnal 'byor rnams gsum shes bya ste// byin gyis brlab dang rab brtags dang / bsam gyi mi khyab gzugs rdzogs pa'i// rnal 'byor sangs rgyas rnams kyis bsngags/ gang yang skad cig sbyor ba yis// rang nyid rdo rje mkha' 'gro gyur// rdzus te skyes pa'i sems can bzhin// sa bon med par bsgom bya ste// dpral bar gnas pa'i thong phreng can// zla bo phyed pa spyi bor 'chang // phyag rgya drug dang mgo phreng can// spyan gsum sna tshogs rdo rje can// g.yas brkyang gom stobs bkod pa yis// sna tshogs chu skyes nyi ma la// gnas pa'i 'dzegs byed dus mtshan bcas// mnan cing stag gi lpags pa 'chang // nag po mi bskyod cing pam can// rdo rje dril buM ral par ldan// dpa' bo rdo rje phag mo ni// rdo rje thod pa khrag bkang bsnams// dmar po ske rags dum bus mtshan// spyan gsum mgo bo'i phreng ba can// phyag rgya ldu ma skra grol ma// phyogs gos sangs rgyas dbu brgyan ma// de ltar skad cig gis rdzogs par// bdag gis lus ni bsgom par bya// ye shes lngarang bzhin gsal// sangs rgyas 'od zer rnam par 'phro// sems kyi spyod yul gcig tu ni// de dag kho na yun ring bsam// sems can gnas der bzhag nas su// de nas sangs rgyas dga' ba brtsam// chos dbyings rgyal mtshan kun chags las// dman min 'dzag pa phun tshogs rnams// yang dag rig pa dga' bo'i tshogs// 'dzag pa can ma 'char ba gang // de ni rgya chen yid byed pa// 'phro ba 'dus byas rgyun rnams la// rtag tu bsgom zhing 'di bzhin du// 'od gsal rjes su dran par bya// sna tshogs mtsho skyes nyi ma dang ni 'jigs byed dus mtshan mo// mdzes ma bdag po nam mkha'i nor bu de bzhin gshegs lnga yi yi 'og/ lus dang yan lag mchog dang 'od dkar thig la nA da ste/ 'di rnams sgrib pa med pa'i gnas su rims kyis gzhug par bya// ji ltar dbugs rlung me long la// kun nas yal bar 'gyur ba ni// de bzhin rnal 'byor yang dag mthar// yang dang yang du bzhug par bya// thams cad khyab pa snang ba med// snying rje ro gcig yid kyis ni// bdag po yin bzhin stong pa nyid// skad cig kho nar 'khyud par 'gyur// rnam bcas rnam pa med pa'i bcom ldan 'das ma shes rab de yis 'khyud pa po// skye 'jig spangs pa mi 'gyur bde ba rgod pa la sogs bde ba spangs pa po// sangs rgyas rnams ni skyed byed sku gsum ldan pa mi khams gsum yang dag rig pa po// thams cad mkhyen pa mchog gi dang po'i sangs rgyas bcom ldan de nyid la phyag 'tshal// mi 'gyur bde ba ye shes dus// thabs dang thugs rje'i bdag nyid de/ shes bya'i rnam par 'gro 'khor lo// shes rab stong nyid bdag nyid do// kau de bde ba rgyu med blo// snying rje ye shes mi 'gyur ba// stong nyid pri ti se na bzhin// dngos po thams cad mthong ba'o// kun nas phyag dang zhabs ldan pa// kun nas spyan dang dbu dang zhal// kun nas dran ldan 'jig rten du// thams cad kun tu g.yogs nas bzhugs// 'di ni ngo bo nyid kyis sku// stong nyid snying rje gnyis med pa// ma ning zhes byar grags pa ste// 'ga' zhig tu na zung 'jug ces// sgrib pa med pa'i chos kyis ni// phung po la sogs 'di na gnas// rten dang brten pa'i mtshan nyid 'di// thams cad dkyil 'khor nyid yin no// / dpal bde mchog phyag gnyis pa'i lhan cig sgras bi'i sgrub thabs/ dngos grub brnyes pa'i paN+Di ta chen po dpal rdo rje dril bu pa'i zhal snga nas mdzad pa rdzogs so// / rgya gar gyi mkhan po lnga rig pa Na chen grub pa brnyes pa rje btsun+da rat+na rak+Shi ta'i zhal snga nas dang chag lo tsA ba shAkya'i dge slong chos rgyu dpal gyis bsgyur cing zhus te gtan la phab pa'o// // kun gyis sangs rgyas myur thob shog// / rgya gar skad du/ ga Na tsakra bo d+hi/ bod skad du/ tshogs