བོད་ཡིག

e-texts produced with BDRC’s OCR application

b+h+rUM swA hA zhes pa'o// // rgya gar skad du/ a pa ri mi tA/ a yudz+nyA na bi d+hi nA ma bod skad du/ tshe dang ye shes dpag tu med pa'i cho ga zhes bya ba bcom ldan 'das tshe dang ye shes dpag tu med pa la phya ga 'tshalo// sngags pa mtshan nyid ldan pa yis/ sgrub pa'i gnas rab nyer bzung nas// sa yi stegs bra nag chag gdab// 'bas par bcags te spos gyis byag/ thig gdab tshon gyi dkyil 'khor bri// 'dab brgyad sgo la sogs pas brgyan// bum po dgu 'am gnyis la sogs// tshad ldan phyi nang bcus kyis brgyan// steng du rgyal mtshan gdugs kyis brgyan// mchod pa rnam pa lngas brgyan te// khyad par shar du 'o ma yis// gtor ma byas te lho phyogasu/ nya sha'i gtor ma dbul bar bya// nub du khrag la byang du chang // byin gyis brlabs te bzhag par bya// lho nga byung du stegs bu la// tshe dpag med pa'i mdo gnyis bzhugs// de nas rnal 'byor khrus byas te// bde ba'i stan la nyer 'dug ste/ bla ma sangs rgyas mdun byas la// phyag 'tshal skyabs 'gro sdig bshags bya// bsngo dang tshad med bzhi bsgoms la// stong pa nyid du bsgom par bya// de nas snang ba bru bsams te// gyur pas gzhal yas khang bsams bya// de nas pad+ma'i steng dag tu// yi ke dz+dza/ las byung ba yi// sangs rgyas cha dpag med pa ni// sku mdog dmar bzhi pa'i zhal// mnyam gzhag phyag la bum pa mtshan// bdag nyid lha der bskyed par bya// ye shes bstim la dbang byin brlabs// thugs ka'i hrI/ las 'od 'phros te// sems can sangs rgyas kun sbyang ba// de nas rdza steng d+hI/ dmar las// gsang sngags 'di yis bskor bar bsam// oM na mo b+h+rUM A yAr+d+ha na hrIH/ a ro lika? hAM hrIH/ zhes dkar por bsam par bya// yang na gzungs kyi sngags ring bsam// de nas dkyil 'khor bsgrub par bya// stong pa'i ngang las b+h+rUM bsams te/ de las gzhal yas khang pa bas ma// de nas pad+ma nyi ma'i steng // sangs rgyas tshe dpag med pa bsam// shar du rdo rje tshe dpag med// nub du pad+ma tshe dpag med// lho ru rin chen tshe dpag med// byang du las kyi tshe dpag med// byang shar kun gzigs tshe dpag med// shar lhor yon tan tshe dpag med// lho nub ye shes tshe dpag med// nub byang mi g.yo tshe dpag med// thams cad kha dog dmar pa la// zhi zhal mnyam par gzhag pa'i phyag/ bum pas mtshan te bsam par bya// ye shes bstim la dbang byin brlab// de nas buM pa gzhal yas khang // lhag pa'i tshe dpag med pa bsam// snying gar sngags ring bkod la bzlas// de nas yang na snying po bkod la bzlas// de nas kham phor gsar pa'i nang // nad pa la sogs lus bkrus te// chu yis bkang ste shar du gzhang// de la khro bo'i sngags bzlas la// tsha tsha rnying pa sa nag dang // bsres la 'chi bdag chen po'i gzugs// khru gang la sogs tshad ldan bya// de ni kha bu ba steng du ni// bral dang ras sam dar nAg dgab// lho yi phyogasu bstan la bzhag/ de dang nye bar dar dmar la// gzungs kyi tshig rnams bri ba 'am// yang na khro bo'i sngags bris gzugs// byed du nad pa'i gos dag la// bal tshon sna lnga'i srad bus dkris// ku sha'i steng du gzhag par bya// de nas slob dpon bsrung bya ste// mchod dang gtor ma dbul bar bya// slob dpon bsnyen pa la zhugs nas// phreng ba 'khor tshul bzlas pa brtsam// bsgrub pa bya bi'i nang du bsam// slob ma gcig gis lhor 'dag la// tshe dpag med pa'i gzungs bklag cing // tshar re zhing yang mai tog ni// nag po 'chi bdag steng du dor// de ltar brgya 'am nyi shu sogs// rgyas bsdus ci rigs sbyar bar bya// gcig gis byang du snying po bklag/ tsha ra re zhing ni chen skud la// nya yi bdug spos re re dbul// de yi grangs kyang gong dang 'dra// de nas slob dpon gter ma kun// spyi gzhung dag gis byin brlabs nas// rang rang gnasu dbul bar bya// de rjes nad pa mdun byas te// 'brang rgyas phyed la mar byugs te// dpal phreng lnga yi phod gzugs bya// mar me gtams la 'chi bdag dang // lho phyogs dag tu dor bar bya// chu dang 'o ma bsres pa'i nang // tshon skud nad pa la bkris te// snying po'i sngags kyis mtshon gyis ni// bcad la byang gi phyogasu dor// de nas slob dpon khras byas la// stan bzang dag la nyer 'dug te// bum pa rim pas dbang bskur bya// oM bai ro tsi na A yur+dz+dza na sid+d+hi sa mu ya A b+hi Shony+tsa hUM/ dbus kyi gtso bo'i dbang bskur bas// sdig sgrib dag te tshe 'phel bsam// lus la rnam snang tshe dbang bskur// bu khyod 'chi bdag las grol te// bskal pa stong du tshe 'phe la te// srog gcod sdig pa dag gyur cig/ ces bya yang na gzungs kyis ni// pa phyin drug gi tshig bcad brjod// sha re la sogs pa'i rim pa yis// rdo rje la sogs ming bsgyur te// bum pa lnga yis dbang bskur bya// mtshams kyi bum pa kun gyi chu// las bum nang du bsdu bya ste// nad pa la sogs bkru b.rar+ya bya// dwe nas chu dre ma bo bAr// chu bo che 'am lteng ka mtsho// chu tshon rnams la dor gyur ne nges par 'chi las bzlog pa yin// de rjes slob mas bla ma la/ yon dbul sngo mo pa khas blangs te// bla mas slob ma'i spyi bor ni// rdo rje nges gzung tshig 'di brjod// nga ni ye shes tshe dpag med// kun tu brnyas pa spang bar gyis// 'chi bdag chen po ngas bcom pas// bu khyod tshe yi dngos grub brnyes// de skad bya ste slob ma ni// tha mal lus su bsams pa la// snying gi pad+ma'i rtsa ba la// dbu mar rnam snang tshe dpag med// phyogs bzhir rigs bzhi bsam bya ste// spyi bor ye shes tshe dpog med// bsams pas bdag gi thugs ka nus// bskul bas bdud rtsi chu rgyun dpab// rigs lnga spyi bor slob gyur te// thams cing bdud rtsir zhu gyur nas// lus nang thams cad khyab par bsam// tshe dpag med pa'i gzungs kyang 'den// de ltar lan gnyis lan gsum bya// de nas mchod dang gshegs por bya// mjug tu tsha tsha cung zad gdab// sa tshon la sogs chur bor te// nye bar 'khor bas 'chi bdag gzhom// tshe dpag med pa'i gzungs kyang 'don// slob dpon dze ta ri dgra las rnam par rgyal bas// bram ze na mkha' dbyangs kyi bu'i ched du mdzad pa rdzogs so// rgya gar gyi mkhan po shrI many+dzu dang lo tsa ba lce dga' ba'i dpal gyis bsgyur ba'o//