བོད་ཡིག

e-texts produced with BDRC’s OCR application

nA mo r+yAt+na kAr+yA/ dur khrod chen po'i bsil ba'i tshal du/ mkha' gro mya pad+me ba'i ro blan m+b+has/ dbyings kyi gtso mo rnams la tshogs kyi 'khor lo bskor nas/ rjes la rkun chang 'phra men gyi snod bkang ba drangs te/ rtogs par brjod pa mgur re zhus pas/ dang po lnga mkha' 'gro ma nyi zla ga sder gyi thor cog can gyis rtogs pa brjod de mgur bzhengs pa/ kye 'o ma bac+doMs rnal 'byor shes pa la// des shes skyes na sangs rgyas yin// dkar dmar yul gyi snang ba 'di// brda ru go na bla ma yin gsung ngo // mkha' 'gro ma ral pa'i tho re cog can gyis rtogs par brjod pa/ kye 'o gnyis su med na 'ching grol mang // ngos zung med na sgrib pa med// rang bzhin med na chags sdang med// dran du med na yongs su med gsung ngo // mkha 'gro ma rlung gi gshog pa can gyis rtogs bya brjod pa/ kye'o chos rnams gzhi med rmi lam 'dra// snang bar rkyen+da skyes gzugs brnyan 'dra// rang 'byung rang zhi s+thu b+he 'ang+ga// rtsa bral chen po na mkha' 'dra zhes gi sung ngo // mkha 'gro ma nyi zla'i thong phreng can gyis rtogs pa brjod pa/ kye 'o de nyid nyams su myong ba'i skyes bu gang // bde chen na mkha'i khams su mi shong ngo // 'di la mtshon du 'dug gam khyod kyis smros// nga yis ci yang mthong ba myeng bar mthong gsung ngo // mkha'agro ma la bi'i gos can gyis rtogs pa brjod pa// kye bo pad+ma'i ge sar snying gi dbus su sang // gsal ba'i me tog 'dam gyi dri ma bral// dri dang kha dog ldan pa gang gis rkyen// 'di la dgags dang sgrubs pa yod dam ci gsung ngo // mkha' 'gro ma me kha las rtogs pa brjod pa// kye 'o na mkha' las byung cho 'phrul ni// nam mkha' nyid kyi byas pa'i phyir// na mkha'i ngang du rang byung ste// 'di la skyon du ma 'dzin cig gsung ngo // mkha' 'gro ma ye shes rdo rjes rtogs pa brjod pa// kye 'o bla ma'i drin gyis bde chen mchog rnyid nas// thabs gzhan rten pa rmongs pa shes par bya// 'di las gud du gyur pa'i bde lam zhig/ gzhan nas rnyed par sus kyang nus pa med gsung ngo // mkha' 'gro mya yA shes rdo rjes rtogs pa brjod pa// kye 'o sna tshogs snang ba'i cho 'phrul nyid// dran pa'i gzugs brnyan yin shes shing // dran pa rang ngos stong shes na// dbyings kyi be daM ba btsal mi dgos// mkha' 'gro ma srid pa'i rgyal mos rtogs pa brjod pa// kyi 'o rang rig rgyal po 'di mthong na// thams cad thams cad thar pa'i lam// rang rig nyid ni ma rtogs na// grol ba nam yang yod ma yin gsung ngo // mkha' gro ma pad+ma zhabs kyis rtogs pa'i brda brjod pa/ kye 'o yod med mtha' dang bral ba la// gang gis brtags dbyang bya bar nus// dran med blo dang bral ba la// gang gis bsam zhing bsgom par nus zhes gsung ngo // mkha' 'gro ma rgyal ba'i blo gros kyis rtogs pa brjod pa// kye'o stong nyid rig pa'i rtsal dang ldan// skye med skye bo'i cho 'phrul ston// dgag sgrub med de rang sar grol// 'di la bya rgyu ngas ma rnyed gsung ngo // mkha' 'gro ma seng ge'i gdong pa can gyis rtogs pa brjod pa// kye 'o yod do byas na ngos bzung med// med ngo byas na sna tshogs 'char// yod med mkha' las 'das pa la// 'di zhes nga yis mtshon mi nus gsung ngo // mkha' 'gro ma gzi brjid kyi rgyal mos rtogs pa brjod pa// dran du med na ma yengs shig/ yengs pas 'khor ba rmi lam 'dra// rtogs pa skyes bu gnyis sad 'dra// ngas ni 'khor bya ma mthong ngo // mkha' 'gro ma dpal gyi bzung mos rtogs pa brjod pa// kyi 'o snang srid 'di ni phyag rgya che// 'dod yon 'di ni dngas pa'i sa// gnyug ma'i don la 'phro bral med// bde chen thad la rgyug tu gsol gsung ngo // mkha' 'gro ma dpal gyi 'od zer gyis rtogs pa brjod pa// kye 'o gnyug ma don gyis gter mdzod na// dgos 'dod sems nyid nor bu yod// lde mig bla ma dam pa 'dzin// rjes su 'jug pa spros lags sam gsung ngo // mkha' 'gro ma bzang mos rtogs pa brjod pa// ltos shing rang gi sems la ltos// bltas pas ma rnyed rtsa ba stor// yal ga ji ltar dgye dgyes mdzod// nga ni rtogs pa rang grol yin gsung ngo // mkha' 'gro ma rdo rje bde mas rtogs pa brjod pa// 'gro rnams las kyis 'khrul gyur kyang // bde ba rang lngas gzhan med de// bsgyur de rang gi don de ltoste// yid nI las las thar par 'gyur zhes gsung ngo // bdag nyid chen po nyi ma'i dbang phyug gis rtogs pa brjod pa// nyi ma stong gi gzi brjid kyis// snang srid gsal zhing bsreg pa ltar// gnyis med ye shes chen po yis// chos rnams gsal zhing 'joms par byang gsung ngo // mkha' 'gro ma lha dpal gyi ye shes kyis rtogs pa brjod pa// kye 'o nga ni mi skye mi 'jig ste/ 'gyur med ye shes rdo rje yin// nga las byung ba'i chos rnams kun// nga yi ngo bor mnyam du grol gsung ngo // mkho'u 'gro ma stag gi gdong pa can gyis rtogs pa brjod pa// kye 'o mi skye mi 'gag bsam las 'ongs// 'di zhes mtshon pa'i tshig dang bral// ye grol chen po mchog gi lam// bsam du med do rang sar zhog gsung // mkha' 'gro ma zhi ba bzang mos rtogs pa brjod pa// kye'o sems kyis de nyid smra ru med// gshis kyi de nyid bsam du med// chos kyi de nyid ngos gzung med// lam gyi de nyid bsgom du med gsung ngo // ma 'gro ma g+ha g+ha dpal gyis rtogs pa brjod pa// kye 'o bu khyod ci sems de la ltos// spos dang bral ba mthong du med// bsam du med ba su zhig bsgom// 'di la ma brtsol gzhi la zhog gsung ngo // mkha 'gro ma ye shes dbang phyug gis rtogs pa brjod pa// gang gis de nyid ma mthong na// lus ngag dge ba'i las spyad kyang // bde chen mchog dang mi phrad de// gnas skabs tsam gyis bde bar gsung ngo // mkha' 'gro mya bde ba'i rdo rjes rtogs par brjod pa// kye'o gang gis mthong dang mthos pa dang // dran dang tshor ba'i bye brag kun// yid kyi ye shes dngas pa la// gzugs brnyan tsam du shar ba las// gzhi la ma grub ngo bos stong gsung ngo // mkha' 'gro ma lha nyi ma'i rta can gyis rtogs pa brjod pa// gang gis ma mthong ngo mthong na// yid ni rang grol chos kyi sku// rlung gi rta pho shul du lus// sems kyi mi po mkha' la 'gro gsung ngo // mkha' 'gro ma pad+ma'i myu gus rtogs pa brjod pa// 'gro ba yid kyi phreng bas bcings// yid bsang phreng thag bcad pa yis// dug sbrul mtshon gyis gtses pa bzhin// 'di yis phan gnod byas pa med gsung ngo // mkha 'gro ma dbyings kyi rgyul mos rtogs pa brjod pa// kye 'o na mkha' yongs su dngas na tshon gyis bsgyur du med// rtogs dang ldan pa'i skyes bu las gyis bcing du med// gdeng med kyang kyis spyod pa byed pa'ang // seng ge'i lpags pa khro yis gon pa 'dra gsung ngo // mkha' 'gro ma zla ba'i gdong can gyis rtogs pa brjod pa// kye'o ye shes chen po mchog gi lam// ma bgrod de bzhin nyid kyis// ma bsgrubs lhun gyis grub pa'i don// e mA rnal 'byor bskal par bzang gsung ngo // mkha 'gro ma 'bar ma glog gi phreng ba can gyis rtogs pa brjod pa// ltas kyis ma mthong ba'i mig/ bsam gyis ma dran pa yi sems// sgras kyis ma brjod da yaM lha// bgrod kyang ma phyin nga'i lam gsung ngo // mkhye' 'gro ma shel gyi thor tshugs can gyi mngon par rtogs pa/ mi sgom rnal ma'i shes pa la// dran pas bzung dang ma bzung med// mi spyong sgo gsumu lhug pa la// ched dang dgag dang sgrub po med gsung ngo // mkha' 'gro ma nyi ma'i rgyal mos rtogs pa brjod pa// kye 'o rang byung bde chen ye shes 'di// ma rtogs smra bar mi nus te// rtogs nas brjod du ga la yod// myong ba slar med lkug pa'i kha gsung ngo // mkha' 'gro ma seng ge'i mdangs can gyis rtogs pa brjod pa// kho la ma blta nga la ltos// nga ni ye shes chen po yin// kho ni nga yi sprul pa yin// gnyis med ye shes blo las 'das gsung ngo // mkha' 'gro ma khrag gi gdong pa can gyis rtogs par brjod pa// kye 'o dran dang ma dran so mtshams su// yid kyi shes pa bsam las 'das// bla ma'i zhal las shes par gyis// gzhan gyis rtogs par 'gyur ma yin gsung ngo // mkha' 'gro ma dpal gyi sgron mas rtogs pa brjod pa// kye 'o gang phyir yid kyi ye shes 'dis// khyod kyis bltas pas ji ltar mthong // brtags pas rtogs par mi 'gyur te// mi rtsal de bzhin nyid du bzhag gsung ngo // mkha 'gro ma snang gsal gyi rgyal mos rtogs par brjod pa// 'gro ba las kyis 'jur bus bcings// bram ze srung ba 'khal pa bzhin// yid kyis 'jur bu glong bar bya// las la grol na 'ching ba med gsung ngo // ye shes kyi mkha 'gro mu sum cu rtsa lnga'i rtogs par brjod pa/ mkha' 'gro ma'i gsang mdzod na gnas pa las/ dbyings kyis bka' bgros nas/ rje ngam pa rgyu gur la snang ba'o// zhwa ma lo tsA bas bsgyur ba'o// rdzogs s+ho// / rgya gar skad du/