བོད་ཡིག

e-texts produced with BDRC’s OCR application

rgya gar skad du/ Sho Da sha din+na b+ha bA na nA ma/ bod skad du/ thig le bcu drug gi nyams len zhes bya ba/ yum bdag med ma la phyag 'tshal lo// rang lus khong stong bsam byas nas// mtshan med a ba d+hU tI la/ 'khor lo bzhi ni bsam par bya// yi ge drug bcu rtsa bzhi ni// sprul pa'i 'khor lor byin gyis brlabs// bde gshegs lnga dang lha mo rnams// 'dab brgyad pad+ma dgong par bya// khams dang phung po dag pa'i phyir// dbyangs can bcu drug longs spyod bsgom// de rnams nyid 'gyur spyi bo ru// bdag nyid bsrung ba'i man ngag go// bcu drug thig le rab tu 'bar// rtsa brgyad thig le rgyu ba yin// bzhi po zhu ste rol pa gnyis// gnyis kyi phyed ni bdag med ma// bcu drug phyed phyed grangs yi no// ka nas brtsams nas ma yi bar// reg byed nyi shu rtsa lnga yin// ya nas brtsams nas ha yi bar// mi rig ming can brgyad yin no// bsdus pa A phreng kA phreng gnyis// sprul pa'i 'khor lor bsam par bya// nyi ma'i 'od kyis dros tsam na/ khams gsum bsreg cing nu bar bsam// chos kyi rim pa'i rjes 'brangs nas// ri bong can gyis rgyas par 'gyur// mkha' 'gro longs spyod bdag thim nas// dga' bo'i bdag nyid skad cig la// dngu' rgyal snying rje chen po sgra// yang dag zung 'jug grub pa yis// sgrib pa thams cad dag par 'gyur// skye 'gag med pa'i rnal 'byor ni// kaM ka li bdag grub pa thob// kye 'o ma yangs rnal 'byor pa// rang gi sems la nyams len gyis// slob dpon kau ka li pas mdzad pa/ 'khor lo bzhi'i nyams kyi zhal gdams rdzogs s+ho// rgya gar skad du/ bAh+ma an+ta ra bo d+hi tsit+ta ban+d+ha nA ma/ bod skad du/ phyi nang byang chub sems bcing ba'i man ngag ces bya ba/ byang