| བོད་ཡིག | e-texts produced with BDRC’s OCR application |
rgya gar skad du/ badz+ra pa dgaN+Da sa gra ha nA ma pan+d+he ka/ bod skad du/ rdo rje tshig gi snying po bsdus pa zhes bya ba'i dka' 'grel// bcom ldan 'das dpal dgyes mdzad la phyag 'tshal lo// rdo rje'i de nyid rab rtogs pa// sangs rgyas kun gyi sprul pa mchog/ 'byung ba lnga yi bdag nyid mgon// dpal ldan bla mar bdag phyag 'tshal// sgyu ma lta sogs dpe yis ni// rang bzhin gang zhig rtogs par bya// de ni ma lus bsgoms pa yis// phyag rgya chen por bdag phyag 'tshal// smin mtsha mas rdo rje rin chen mthar// dga' ba la sogs rab tu gang // gang mtha' skyes pa gang gyur pa// lha mo de la bdag phyag 'tshal// 'dir re shig dpal ldan dang po mchog gi sangs rgyas rgyud kyi rim pa dang // rdo rje snying po la sogs dpal phyag na rdo rje'i gsung rab dang rgyud phan tshun legs par gsungs pa ma lus pa nye bar bsdus te/ phyag rgya dang dkyil 'khor dang sngags dang sbyin sreg dang las kyi tshogs la sogs pa rgya che ba zab cing rtogs par dka' bas skrag pa drag lung du ma nas gsungs pa cung zad cig yang dag par bsdus te dgyes pa'i rdo rje'i/ rdo rje'i tshig nges par bya ba ni/ bla ma dam pa dgra lus thob cing / man ngag gi rim pa rnyed pas nA rang nyid dran par bya ba dang slob ma rnams kyis rtogs par bya ba'i phyir// yang dag par gzung ste bri bar bya'o// // da ni sbyor ba yan lag drug bsgom po zhes pa la sogs pa 'di'i don rgyud phan tshun nas rtogs par bya ba de bzhin gshegs pa'i nges pa 'o// de bzhin du rgyud gzhan dag nas kyang gsungs pa des sbyor ba'i yan lag drug po 'di nyid bsgom par bya ste/ so sor sdud dang bsam gtan dang // srog rtsol dang ni 'dzin pa dang // rjes su dran dang ting 'dzin rnams// sbyor ba'i yan lag drug tu 'dod// 'dir so sor sdud pa zhes bya ba nini/ mig la sogs pa'i dbang po dang / mig gi rnam par shes pa la sogs pa rnams phyi rol gyi gzugs la sogs pa'i yul la mi 'jug cing // mchog tu gyur pa'i mig la sogs pa'i dbang po dang / mchog tu gyur pa'i mig gi rnam par shes pa la sogs pa rnams/ nang gi bdag nyid kyi yul la rab tu 'jug pa zhes pa ste/ nang gi bdag nyid ni stong pa nyid la dmigs pas dngos po thams cad rtog pa med par gzigs pa gzhon nu ma la me long bstan pa lta bu/ stong pa nyid so sor snang ba 'di ni khams gsum rnams sangs rgyas kyi gzugs brnyan so sor mthong bas na so sor sdud pa'i yan lag ces brjod do// // de nas bsam gtan zhes bya ba ni// chos thams cad stong pa nyid du mthong ba yin la// shes rab ces pa ni/ de la sems rab tu zhugs pa'o// rtog pa zhes pa ni/ dngos po 'dzin pa'i sems so// rnam par dpyod pa zhes bya ba ni/ dngos po de nyid kyi don rab tu dpyod pa'o// dga' ba zhes pa ni dngos po thams cad la bde bar gyur pa'o// bde ba mi g.yo ba zhes pa ni/ dngos po thams cad yang dag pa'i bde bar rig pa zhes pa ste/ rnam pa lnga po des bsam gtan gyi yan lag tu brjod// / de nas srog dang rtsol ba zhes pa ni/ rkyang ma dang ro ma g.yas dang g.yon pa'i lam 'gog pas/ dbu ma a ba d+hU tA'i lam du rtag du rtsol ba rab tu 'jug pa'o// dbyung ba dang bum pa can dang / dgang ba'i sbyor bas bya ba 'di ni srog rtsol gyi yan lag tu brjod// / de la 'dzin pa zhes pa ni/ srog gis ngang chu dang me dang rlung dang na mkha'i dkyil 'khor rnams lte ba dang / snying ga dang / mgrin pa dang / dbrel bang gtsug tor du rab tu zhugs pas phyi rol du mi rgyu zhing / thig lo la rlung rab tu thim pa 'di ni 'dzin pa'i yan lag tu bshad do// de la rjes su dran pa zhes pa ni/ rtog pa bral zhing gzugs brnyan gyi rnam pa can du rang gi yi dam gyi lha mthong ba de las 'od zer du ma 'phros te 'od kyi dkyil 'khor spros pa der khams gsum gyi gzugs kyi rnam pa du ma 'phro ba 'di ni rjes su dran pa'i yan lag tu bshad do// de nas ting nge 'dzin zhes pa nI/ yi dam gyi lha rnams dang rjes su chags pa gang zhig las mi g.yo ba'i bde ba thob pa des sems kyi gzung ba dang 'dzin pa spang zhing / gcig tu byed pa'i sems de ni ting 'dzin gyi yan lag tu de bzhin gshegs pas brjod de// 'dir ni sbyor ba'i yan lag drug bsdus nas bshad la/ rgya cher 'bum phrag gcig pa 'am/ dang po'i sangs rgyas mchog dang / bla ma'i ma na ngag las khong du chud par bya'o// rnal 'byor pas phyag rgya chen po 'grub ces pa ni dpal dang po'i sangs rgyas nas gsungs pa/ so sor sdud pas rnal 'byor yul rnams bral zhing ma lus sngags kyis lhag par gnas// mngon shes lnga ni thob par 'gyur ba maung bdag bsam gtan sbyor bas rnam par dag/ srog rtsol rnam par dag pas ri nga/ can nyi spong la byang chub sems dpas mchod// nyon mongs bdud sogs bsad nas stobs bcu dag la bsam gtan stobs kyis 'jug pa yin// yang dag 'od kyi dkyil 'khor ye shes gzugs brnyan dri med du'ang rjes su dran bas 'gyur// de phyir bsam gtan dag pas nyin mtshan 'ga' zhig gis ni ye shes lus nyid 'grub par byed// ces so// snyan dang / gas tshig gi bkod pa med// mu stegs kyis bshad ma yin tshang// kun mkhyen gsung gis bshad pas na// de phyir mkhas pas bzod par rigs// kha che'i paN+Di ta chen pos mdzad pa'o// / rdzogs s+ho// paN+Di ta de nyid kyi drung du/ dmyal lo tsA bas bsgyur ba'o// / so sor sdud pa'i mtshan ma'i dbye ba rnam pa bcu ste/ du ba dang / smig rgyu dang / mkha' gsal dang / mar me dang / 'bar ba dang / zla ba dang / nyi ma dang / sgra gcan dang / dus me dang / thig le mthong ba'i dbye bas ma btags pa'i ye shes kyi phung po'o// rdo rje snying po'i 'grel pa nas// rgyal bas ma lus rgyud kyi des don ston gyi drung ba'i don ni ma yin no// rtogs phyir gal te 'grel pas drang don gsal byed nges don brdzun du gyur pa'o// yang nod gzhan yin zhing sman 'di gzhan te nang ni rab tu 'joms pa'i phyir du 'gyur ram ci/ thub pa sa don la sogs rnon rnam bzhir yin gyi gsal byed la sogs rton pa min/ zhes so// me long dang na pra ti se na dang 'ang dus gsum yang dag rig byed 'di// dngos dang dngos min rtog pa'i dra ba dang bral ye shes gang zhig gnyis med pa'o// zhes so// zhal dang phyag tu brtags pa'i sangs rgyas 'di rnams nges par sangs rgyas min// zhes so//