| Wylie | e-texts produced with BDRC’s OCR application |
རྒྱ་གར་སྐད་དུ། བཛྲ་པ་དགཎྜ་ས་གྲ་ཧ་ནཱ་མ་པནྡྷེ་ཀ། བོད་སྐད་དུ། རྡོ་རྗེ་ཚིག་གི་སྙིང་པོ་བསྡུས་པ་ཞེས་བྱ་བའི་དཀའ་འགྲེལ།། བཅོམ་ལྡན་འདས་དཔལ་དགྱེས་མཛད་ལ་ཕྱག་འཚལ་ལོ།། རྡོ་རྗེའི་དེ་ཉིད་རབ་རྟོགས་པ།། སངས་རྒྱས་ཀུན ་གྱི་སྤྲུལ་པ་མཆོག། འབྱུང་བ་ལྔ་ཡི་བདག་ཉིད་མགོན།། དཔལ་ལྡན་བླ་མར་བདག་ཕྱག་འཚལ།། སྒྱུ་མ་ལྟ་སོགས་དཔེ་ཡིས་ནི།། རང་བཞིན་གང་ཞིག་རྟོགས་པར་བྱ།། དེ་ནི་མ་ལུས་བསྒོམས་པ་ཡིས།། ཕྱག་རྒྱ་ཆེན་པོར་བདག་ཕྱག་འཚལ།། སྨིན ་མཚ་མས་རྡོ་རྗེ་རིན་ཆེན་མཐར།། དགའ་བ་ལ་སོགས་རབ་ཏུ་གང་།། གང་མཐའ་སྐྱེས་པ་གང་གྱུར་པ།། ལྷ་མོ་དེ་ལ་བདག་ཕྱག་འཚལ།། འདིར་རེ་ཤིག་དཔལ་ལྡན་དང་པོ་མཆོག་གི་སངས་རྒྱས་རྒྱུད་ཀྱི་རིམ་པ་དང་།། རྡོ་རྗེ་སྙིང་པོ་ལ་སོགས་དཔལ ་ཕྱག་ན་རྡོ་རྗེའི་གསུང་རབ་དང་རྒྱུད་ཕན་ཚུན་ལེགས་པར་གསུངས་པ་མ་ལུས་པ་ཉེ་བར་བསྡུས་ཏེ། ཕྱག་རྒྱ་དང་དཀྱིལ་འཁོར་དང་སྔགས་དང་སྦྱིན་སྲེག་དང་ལས་ཀྱི་ཚོགས་ལ་སོགས་པ་རྒྱ་ཆེ་བ་ཟབ་ཅིང་རྟོགས་པར་དཀའ་བས་སྐྲག་པ་དྲག་ལུང་དུ་མ་ནས ་གསུངས་པ་ཅུང་ཟད་ཅིག་ཡང་དག་པར་བསྡུས་ཏེ་དགྱེས་པའི་རྡོ་རྗེའི། རྡོ་རྗེའི་ཚིག་ངེས་པར་བྱ་བ་ནི། བླ་མ་དམ་པ་དགྲ་ལུས་ཐོབ་ཅིང་། མན་ངག་གི་རིམ་པ་རྙེད་པས་ནཱ་རང་ཉིད་དྲན་པར་བྱ་བ་དང་སློབ་མ་རྣམས་ཀྱིས་རྟོགས་པར་བྱ་བའི་ཕྱིར།། ཡང་དག ་པར་གཟུང་སྟེ་བྲི་བར་བྱའོ།། །། ད་ནི་སྦྱོར་བ་ཡན་ལག་དྲུག་བསྒོམ་པོ་ཞེས་པ་ལ་སོགས་པ་འདིའི་དོན་རྒྱུད་ཕན་ཚུན་ནས་རྟོགས་པར་བྱ་བ་དེ་བཞིན་གཤེགས་པའི་ངེས་པ་འོ།། དེ་བཞིན་དུ་རྒྱུད་གཞན་དག་ནས་ཀྱང་གསུངས་པ ་དེས་སྦྱོར་བའི་ཡན་ལག་དྲུག་པོ་འདི་ཉིད་བསྒོམ་པར་བྱ་སྟེ། སོ་སོར་སྡུད་དང་བསམ་གཏན་དང་།། སྲོག་རྩོལ་དང་ནི་འཛིན་པ་དང་།། རྗེས་སུ་དྲན་དང་ཏིང་འཛིན་རྣམས།། སྦྱོར་བའི་ཡན་ལག་དྲུག་ཏུ་འདོད།། འདིར་སོ་སོར་སྡུད་པ་ཞེས་བྱ་བ ་ནིནི། མིག་ལ་སོགས་པའི་དབང་པོ་དང་། མིག་གི་རྣམ་པར་ཤེས་པ་ལ་སོགས་པ་རྣམས་ཕྱི་རོལ་གྱི་གཟུགས་ལ་སོགས་པའི་ཡུལ་ལ་མི་འཇུག་ཅིང་།། མཆོག་ཏུ་གྱུར་པའི་མིག་ལ་སོགས་པའི་དབང་པོ་དང་། མཆོག་ཏུ་གྱུར་པའི་མིག་གི་རྣམ་པར་ཤེས་པ ་ལ་སོགས་པ་རྣམས། ནང་གི་བདག་ཉིད་ཀྱི་ཡུལ་ལ་རབ་ཏུ་འཇུག་པ་ཞེས་པ་སྟེ། ནང་གི་བདག་ཉིད་ནི་སྟོང་པ་ཉིད་ལ་དམིགས་པས་དངོས་པོ་ཐམས་ཅད་རྟོག་པ་མེད་པར་གཟིགས་པ་གཞོན་ནུ་མ་ལ་མེ་ལོང་བསྟན་པ་ལྟ་བུ། སྟོང་པ་ཉིད་སོ་སོར་སྣང་བ་འདི་ནི ་ཁམས་གསུམ་རྣམས་སངས་རྒྱས་ཀྱི་གཟུགས་བརྙན་སོ་སོར་མཐོང་བས་ན་སོ་སོར་སྡུད་པའི་ཡན་ལག་ཅེས་བརྗོད་དོ།། །། དེ་ནས་བསམ་གཏན་ཞེས་བྱ་བ་ནི།། ཆོས་ཐམས་ཅད་སྟོང་པ་ཉིད་དུ་མཐོང་བ་ཡིན་ལ།། ཤེས་རབ་ཅེས་པ་ནི། དེ་ལ་སེམས ་རབ་ཏུ་ཞུགས་པའོ།། རྟོག་པ་ཞེས་པ་ནི། དངོས་པོ་འཛིན་པའི་སེམས་སོ།། རྣམ་པར་དཔྱོད་པ་ཞེས་བྱ་བ་ནི། དངོས་པོ་དེ་ཉིད་ཀྱི་དོན་རབ་ཏུ་དཔྱོད་པའོ།། དགའ་བ་ཞེས་པ་ནི་དངོས་པོ་ཐམས་ཅད་ལ་བདེ་བར་གྱུར་པའོ།། བདེ་བ་མི་གཡོ་བ་ཞེས་པ་ནི། དངོས ་པོ་ཐམས་ཅད་ཡང་དག་པའི་བདེ་བར་རིག་པ་ཞེས་པ་སྟེ། རྣམ་པ་ལྔ་པོ་དེས་བསམ་གཏན་གྱི་ཡན་ལག་ཏུ་བརྗོད།། ། དེ་ནས་སྲོག་དང་རྩོལ་བ་ཞེས་པ་ནི། རྐྱང་མ་དང་རོ་མ་གཡས་དང་གཡོན་པའི་ལམ་འགོག་པས། དབུ་མ་ཨ་བ ་དྷཱུ་ཏཱའི་ལམ་དུ་རྟག་དུ་རྩོལ་བ་རབ་ཏུ་འཇུག་པའོ།། དབྱུང་བ་དང་བུམ་པ་ཅན་དང་། དགང་བའི་སྦྱོར་བས་བྱ་བ་འདི་ནི་སྲོག་རྩོལ་གྱི་ཡན་ལག་ཏུ་བརྗོད།། ། དེ་ལ་འཛིན་པ་ཞེས་པ་ནི། སྲོག་གིས་ངང་ཆུ་དང་མེ་དང་རླུང་དང་ན་མཁའི་དཀྱིལ་འཁོར ་རྣམས་ལྟེ་བ་དང་། སྙིང་ག་དང་། མགྲིན་པ་དང་། དབྲེལ་བང་གཙུག་ཏོར་དུ་རབ་ཏུ་ཞུགས་པས་ཕྱི་རོལ་དུ་མི་རྒྱུ་ཞིང་། ཐིག་ལོ་ལ་རླུང་རབ་ཏུ་ཐིམ་པ་འདི་ནི་འཛིན་པའི་ཡན་ལག་ཏུ་བཤད་དོ།། དེ་ལ་རྗེས་སུ་དྲན་པ་ཞེས་པ་ནི། རྟོག་པ ་བྲལ་ཞིང་གཟུགས་བརྙན་གྱི་རྣམ་པ་ཅན་དུ་རང་གི་ཡི་དམ་གྱི་ལྷ་མཐོང་བ་དེ་ལས་འོད་ཟེར་དུ་མ་འཕྲོས་ཏེ་འོད་ཀྱི་དཀྱིལ་འཁོར་སྤྲོས་པ་དེར་ཁམས་གསུམ་གྱི་གཟུགས་ཀྱི་རྣམ་པ་དུ་མ་འཕྲོ་བ་འདི་ནི་རྗེས་སུ་དྲན་པའི་ཡན་ལག་ཏུ་བཤད་དོ།། དེ་ནས་ཏིང་ངེ་འཛིན ་ཞེས་པ་ནཱི། ཡི་དམ་གྱི་ལྷ་རྣམས་དང་རྗེས་སུ་ཆགས་པ་གང་ཞིག་ལས་མི་གཡོ་བའི་བདེ་བ་ཐོབ་པ་དེས་སེམས་ཀྱི་གཟུང་བ་དང་འཛིན་པ་སྤང་ཞིང་། གཅིག་ཏུ་བྱེད་པའི་སེམས་དེ་ནི་ཏིང་འཛིན་གྱི་ཡན་ལག་ཏུ་དེ་བཞིན་གཤེགས་པས་བརྗོད་དེ།། འདིར ་ནི་སྦྱོར་བའི་ཡན་ལག་དྲུག་བསྡུས་ནས་བཤད་ལ། རྒྱ་ཆེར་འབུམ་ཕྲག་གཅིག་པ་འམ། དང་པོའི་སངས་རྒྱས་མཆོག་དང་། བླ་མའི་མ་ན་ངག་ལས་ཁོང་དུ་ཆུད་པར་བྱའོ།། རྣལ་འབྱོར་པས་ཕྱག་རྒྱ་ཆེན་པོ་འགྲུབ་ཅེས་པ་ནི་དཔལ་དང་པོའི ་སངས་རྒྱས་ནས་གསུངས་པ། སོ་སོར་སྡུད་པས་རྣལ་འབྱོར་ཡུལ་རྣམས་བྲལ་ཞིང་མ་ལུས་སྔགས་ཀྱིས་ལྷག་པར་གནས།། མངོན་ཤེས་ལྔ་ནི་ཐོབ་པར་འགྱུར་བ་མཽང་བདག་བསམ་གཏན་སྦྱོར་བས་རྣམ་པར་དག། སྲོག་རྩོལ་རྣམ་པར་དག་པས་རི་ང། ་ཅན་ཉི་སྤོང་ལ་བྱང་ཆུབ་སེམས་དཔས་མཆོད།། ཉོན་མོངས་བདུད་སོགས་བསད་ནས་སྟོབས་བཅུ་དག་ལ་བསམ་གཏན་སྟོབས་ཀྱིས་འཇུག་པ་ཡིན།། ཡང་དག་འོད་ཀྱི་དཀྱིལ་འཁོར་ཡེ་ཤེས་གཟུགས་བརྙན་དྲི་མེད་དུའང་རྗེས་སུ་དྲན ་བས་འགྱུར།། དེ་ཕྱིར་བསམ་གཏན་དག་པས་ཉིན་མཚན་འགའ་ཞིག་གིས་ནི་ཡེ་ཤེས་ལུས་ཉིད་འགྲུབ་པར་བྱེད།། ཅེས་སོ།། སྙན་དང་། གས་ཚིག་གི་བཀོད་པ་མེད།། མུ་སྟེགས་ཀྱིས་བཤད་མ་ཡིན་ཚང།། ཀུན་མཁྱེན་གསུང་གིས་བཤད ་པས་ན།། དེ་ཕྱིར་མཁས་པས་བཟོད་པར་རིགས།། ཁ་ཆེའི་པཎྜི་ཏ་ཆེན་པོས་མཛད་པའོ།། ། རྫོགས་སྷོ།། པཎྜི་ཏ་དེ་ཉིད་ཀྱི་དྲུང་དུ། དམྱལ་ལོ་ཙཱ་བས་བསྒྱུར་བའོ།། ། སོ་སོར་སྡུད་པའི་མཚན་མའི་དབྱེ་བ་རྣམ་པ ་བཅུ་སྟེ། དུ་བ་དང་། སྨིག་རྒྱུ་དང་། མཁའ་གསལ་དང་། མར་མེ་དང་། འབར་བ་དང་། ཟླ་བ་དང་། ཉི་མ་དང་། སྒྲ་གཅན་དང་། དུས་མེ་དང་། ཐིག་ལེ་མཐོང་བའི་དབྱེ་བས་མ་བཏགས་པའི་ཡེ་ཤེས་ཀྱི་ཕུང་པོའོ།། རྡོ་རྗེ་སྙིང་པོའི་འགྲེལ་པ་ནས།། རྒྱལ་བས ་མ་ལུས་རྒྱུད་ཀྱི་དེས་དོན་སྟོན་གྱི་དྲུང་བའི་དོན་ནི་མ་ཡིན་ནོ།། རྟོགས་ཕྱིར་གལ་ཏེ་འགྲེལ་པས་དྲང་དོན་གསལ་བྱེད་ངེས་དོན་བརྫུན་དུ་གྱུར་པའོ།། ཡང་ནོད་གཞན་ཡིན་ཞིང་སྨན་འདི་གཞན་ཏེ་ནང་ནི་རབ་ཏུ་འཇོམས་པའི་ཕྱིར་དུ་འགྱུར་རམ་ཅི། ་ཐུབ་པ་ས་དོན་ལ་སོགས་རྣོན་རྣམ་བཞིར་ཡིན་གྱི་གསལ་བྱེད་ལ་སོགས་རྟོན་པ་མིན། ཞེས་སོ།། མེ་ལོང་དང་ན་པྲ་ཏི་སེ་ན་དང་འང་དུས་གསུམ་ཡང་དག་རིག་བྱེད་འདི།། དངོས་དང་དངོས་མིན་རྟོག་པའི་དྲ་བ་དང་བྲལ་ཡེ་ཤེས་གང་ཞིག ་གཉིས་མེད་པའོ།། ཞེས་སོ།། ཞལ་དང་ཕྱག་ཏུ་བརྟགས་པའི་སངས་རྒྱས་འདི་རྣམས་ངེས་པར་སངས་རྒྱས་མིན།། ཞེས་སོ།། ་