བོད་ཡིག

e-texts produced with BDRC’s OCR application

bcings pa yin// kha cig dkyil 'khor las byed yin// kha cig 'gying zhing gsang sngags bzlos// kha cig dag ni gsang sngags 'chang // kha cig sbyin sreg mchod sbyin byed// kha cig nga rgyal gyis ni gnas// kha cig 'dod chags zhe sdang bsten// de kun las kyi 'khor bar gnas// gang du 'gro ba gnas gyur pa'i// gsang chen 'di ni shes gyur na// gang la'ang sdig pa yong min cing // dgag par bya ba ci yang med// las rnams thams cad byas kyang ni// gos med skur ni rnam par grol// las rnams thams cad de la gnas// las rnams kun gyi gtso bo yi// sku gsung thugs la sogs pa dang // dbang po'i yid bcas shin tu gnas// rtag tu legs par dpyad pa ste// lus kyi nyes pas gos med pa// rang bzhin dag pas sku gsum gnas// kun rtog yid kyi shes pa min// de bas dngos po thams cad ni// nyin mtshan bcas te de la gnas// mthong sogs de yi rang bzhin nyid// thams cad mkhyen pa rol cing bzhugs// shes rab thabs kyi cho ga yis// las dang chos ni mnyam nyid du// rnal 'byor pa yi sbyar bar bya// mnyam dang mi mnyam snyam sems pa// chos dang las ni mnyam nyid du// rnal 'byor pa yi sbyar bar bya// yon tan ldan dang yon tan med// rang nyid byed po sdung po gtso// gsang chen 'gro ba la gnas pa// mngon pa'i nga rgyal can gyis min// sems dang sems byung rang bzhin gyis// bde ba chen po rang nyid sad// 'khor bar med pa'i dngos po gang // byang chub sems kyi rang bzhin bsgom// gnyi ga'i rang bzhin dbyer med pa// sems kyi rang bzhin shes nas ni// sems kyi rgyu ba kun spangs te// mnyam pa'i rim la gnas par bya// gsang ba chen po gnas med pa// rnal 'byor pa yi gsang chen sbyor// dpal u rgyan nas byung ga gsang ba gsang ba chen po de kho na nyid kyi man ngag ces bya ba slob dpon chen po dA ri ka pas mdzad pa rdzogs so// / rgya gar skad du/ bya ga ta b+hA ba a nu ga ta tar+N+Na sid+d+hi/ bod skad du/ dngos po gsal ba'i rjesu 'gro ba'i de kho na nyid grub pa/ dkon mchog gsum la phyag