| Wylie | e-texts produced with BDRC’s OCR application |
བཅིངས་པ་ཡིན།། ཁ་ཅིག་དཀྱིལ་འཁོར་ལས་བྱེད་ཡིན།། ཁ་ཅིག་འགྱིང་ཞིང་གསང་སྔགས་བཟློས།། ཁ་ཅིག་དག་ནི་གསང་སྔགས་འཆང་།། ཁ་ཅིག་སྦྱིན་སྲེག་མཆོད་སྦྱིན་བྱེད།། ཁ་ཅིག་ང་རྒྱལ་གྱིས་ནི་གནས།། ཁ་ཅིག་འདོད་ཆགས་ཞེ་སྡང་བསྟེན།། དེ ་ཀུན་ལས་ཀྱི་འཁོར་བར་གནས།། གང་དུ་འགྲོ་བ་གནས་གྱུར་པའི།། གསང་ཆེན་འདི་ནི་ཤེས་གྱུར་ན།། གང་ལའང་སྡིག་པ་ཡོང་མིན་ཅིང་།། དགག་པར་བྱ་བ་ཅི་ཡང་མེད།། ལས་རྣམས་ཐམས་ཅད་བྱས་ཀྱང་ནི།། གོས་མེད་སྐུར་ནི་རྣམ་པར་གྲོལ།། ལས ་རྣམས་ཐམས་ཅད་དེ་ལ་གནས།། ལས་རྣམས་ཀུན་གྱི་གཙོ་བོ་ཡི།། སྐུ་གསུང་ཐུགས་ལ་སོགས་པ་དང་།། དབང་པོའི་ཡིད་བཅས་ཤིན་ཏུ་གནས།། རྟག་ཏུ་ལེགས་པར་དཔྱད་པ་སྟེ།། ལུས་ཀྱི་ཉེས་པས་གོས་མེད་པ།། རང་བཞིན་དག ་པས་སྐུ་གསུམ་གནས།། ཀུན་རྟོག་ཡིད་ཀྱི་ཤེས་པ་མིན།། དེ་བས་དངོས་པོ་ཐམས་ཅད་ནི།། ཉིན་མཚན་བཅས་ཏེ་དེ་ལ་གནས།། མཐོང་སོགས་དེ་ཡི་རང་བཞིན་ཉིད།། ཐམས་ཅད་མཁྱེན་པ་རོལ་ཅིང་བཞུགས།། ཤེས་རབ་ཐབས་ཀྱི་ཆོ་ག་ཡིས།། ལས་དང ་ཆོས་ནི་མཉམ་ཉིད་དུ།། རྣལ་འབྱོར་པ་ཡི་སྦྱར་བར་བྱ།། མཉམ་དང་མི་མཉམ་སྙམ་སེམས་པ།། ཆོས་དང་ལས་ནི་མཉམ་ཉིད་དུ།། རྣལ་འབྱོར་པ་ཡི་སྦྱར་བར་བྱ།། ཡོན་ཏན་ལྡན་དང་ཡོན་ཏན་མེད།། རང་ཉིད་བྱེད་པོ་སྡུང་པོ་གཙོ།། གསང་ཆེན་འགྲོ་བ ་ལ་གནས་པ།། མངོན་པའི་ང་རྒྱལ་ཅན་གྱིས་མིན།། སེམས་དང་སེམས་བྱུང་རང་བཞིན་གྱིས།། བདེ་བ་ཆེན་པོ་རང་ཉིད་སད།། འཁོར་བར་མེད་པའི་དངོས་པོ་གང་།། བྱང་ཆུབ་སེམས་ཀྱི་རང་བཞིན་བསྒོམ།། གཉི་གའི་རང་བཞིན་དབྱེར་མེད་པ།། སེམས་ཀྱི ་རང་བཞིན་ཤེས་ནས་ནི།། སེམས་ཀྱི་རྒྱུ་བ་ཀུན་སྤངས་ཏེ།། མཉམ་པའི་རིམ་ལ་གནས་པར་བྱ།། གསང་བ་ཆེན་པོ་གནས་མེད་པ།། རྣལ་འབྱོར་པ་ཡི་གསང་ཆེན་སྦྱོར།། དཔལ་ཨུ་རྒྱན་ནས་བྱུང་ག་གསང་བ་གསང་བ་ཆེན་པོ་དེ་ཁོ་ན་ཉིད་ཀྱི་མན་ངག ་ཅེས་བྱ་བ་སློབ་དཔོན་ཆེན་པོ་དཱ་རི་ཀ་པས་མཛད་པ་རྫོགས་སོ།། ། རྒྱ་གར་སྐད་དུ། བྱ་ག་ཏ་བྷཱ་བ་ཨ་ནུ་ག་ཏ་ཏརྞྞ་སིདྡྷི། བོད་སྐད་དུ། དངོས་པོ་གསལ་བའི་རྗེསུ་འགྲོ་བའི་དེ་ཁོ་ན་ཉིད་གྲུབ་པ། དཀོན་མཆོག་གསུམ་ལ་ཕྱག ་