བོད་ཡིག

e-texts produced with BDRC’s OCR application

rgya gar skad du/ pradz+nyo ba ya bi ni shwA ma sid+d+hi/ bod skad du/ thabs dang shes rab rnam par gtan la dbab pa sgrub pa/ thugs rje chen po 'phags pa spyan ras gzigs dbang phyug la phyag 'tsha'o// rang bzhin dri ma med cing thabs dang shes rab rang bzhin sems gang las ni sangs rgyas kyi// yang dag ma yin kun rtog mtha' dag dri mas ma gis chos sku dang ni mtshungs med pa'i// ngo mo chos char gyi gzhir gyur longs spyod dang ni sna tshogs pa yi gzugs dang spyod ldan pa'i// yang dag sprul pa skye 'gyur de la gus par phyag byas nas ni de nyid bshad par bya// de yi rang bzhin mi shes pa'i// skye bo ma lus la phan phyir// dpal ldan yan lago med rdo rje/ bdag gi de nyid mdor bsdu bya// byis pas 'khrul pa'i bden min pa'i// kun tu rtog pa las byung dngos// kun tu rtogs pa'i bdag nyid can// de ni srid par mkhas pas bshad// de las bzod dka' rgyun chags pa'i// nyon mongs ma lus tshogs rnams dang // rnam pa sna tshogs rgya che ba'i// las kyi tshogs ni skye bar 'gyur// de gnyis las ni skye ba dang // 'chi ba la sogs rab rgyas pa// mi bden la zhen sems ldan pa'i// shin tu sdug bsngal 'khor mor 'byung // shes rab nyams chung de dag ni// ji srid dngos 'dzin chen po yod// de srid srid pa'i brtson rar gnas// bdag dang gzhan phan ga la yod// de phyir 'gro ba gsum po dag/ dga' bar byed 'dod rang gi ni// 'khrul pa gsal bar 'dod pa yi// bshes gnyen can gyi dngos 'dzin spyang // gal te ming tsam tha dad kyang // rtog pa nyid du dbyer myed phyir// mkhas pas dngos 'dzin yongs btang ste// dngos med par yang mi brtag go/ mar me 'bar ba bsang rung gi/ shi na ci yang byar med par// dngos por 'dzin pa nyid rung gi/ dngos med 'dzin pa de ltar min// yang dag dngos po med rtog pa// de yi dngos po mtshon 'gyur te// gang phyir na mkha' zhig pa ni// med pas dang po bral ba min// thabs dang bral bar gyur pa yi// dngos med tsam zhig sgrub gyur kyang // med phyir na mkha'i me tog bzhin// bdag gzhan don ni nus ma yin// mig 'phrul lta bur 'khrul pa'i phyir// de ltar dngos po yongasu btang // sangs rgyas 'bras bu 'dod pa yi// med phyir dngos med de bzhin no// de gnyis ji ltar yongs btang dang // btang nas gang du gnas pa ni// 'khor min mya ngan 'das min pa// de ni mkhas pas mnyan par gyis// shes dang shes bya rab phye ste// sbyor bas yongs su brtags nas ni// chos rnams rang bzhin med pa nyid// shes rab de nyid du ni brjod// ma lus sdug bsngal rgya mtsho dang // sdug bsngal las 'don gang yin pa// snying rje sems can la chags pas// 'dod chags zhes ni bya bar grags// rtag tu rjes mthun sbyor ba yi// skye bo mngon par 'dod pa yi// 'bras bu gang yin nyer sbyin pas// de nyid thabs zhes bya bar bsgrags// chu dang 'o ma 'dres pa bzhin// gnyis med rnam par sbyor ba yis// gnyis po 'dus pa gang yin pa// shes rab thabs zhes bya bar brjod// de ltar gang la bzhag pa dang // gsal bar nus pa ma yin zhing // bzhag dang bsal ba spangs pa ni// chos rnams de bzhin nyid ces brjod// bzung dang 'dzin pa dang bral ba// yod dang med pa'i phyogs spangs shing // mtshan gzhi dang ni mtshan nyid grol// rang bzhin dag pa dri ma med// gnyis dang gnyis med zhi ba dang // thams cad la gnas dge ba ste// so so rang rig mi g.yo zhing // thabs dang shes rab mi 'khrugs pas// / de nyid sangs rgyas thams cad kyis// mchog tu ngo mtshar gyur pa'i gnas// legs dang lha yi phun tshogs byed// chos kyi dbyingasu rab tu grags// dus gsum sangs rgyas kyis bsten pa'i// mi gnas mya ngan 'das pa ste// yid 'ong bdag byin brlabs pa gnas// shes rab pha rol phyin dge ba// theg pa gsum dang sku gsum dang // bye ba grangs med sngags dang ni// phyag rgya'i dkyil 'khor 'khor lo dang // 'jig rten pa dang de las 'das// lha dang lha min mi dang ni// yaM dgas la sogs de bzhin gzhan de nyid las ni byung nas su// de nyid du ni thim par 'gyur// ma lus pa yi 'gro rnams la// yid bzhin nor ltar kun tu gnas// shes rab thabs kyi rang bzhin gyis// spyod dang grol ba yang dag gsol// de nyid yang dag rtogs nas su// sngon gyi bde gshegs sangs rgyas la// thams cad du ni sangs rgyas zhing // 'gro la phan phyir sangs rgyas 'gyur// dpag med bde ba'i rang bzhin phyir// dpal ldan bde chen zhes bya ba la// kun tu bzang po mchog nyid dang // mngon par byang chub byed pa po// mtshungs pa med pa'i thugs rjes 'gro ba gsum gyi sdug bsngal ma lus pa// 'joms par byed pa gcig pu rab 'jug dang ni dpag med sna tshogs pa'i// tshogs la chags pa las ni rnam grol blo mchog mnyam 'dus pa// bdag gzhan phan dang bde rgyu de nyid du ni thub pa'i dbang pos gsungs// de dag ni thabs dang shes rab rnam par gtan la dbab pa bsgrub pa las// shes rab dang thabs rnam par spros pa'i rim par phye ba ste dang po'o// / srid pa gzhom dka' 'khrul pa yin// nad kyis gzhom pa dag la phan pa dang // de nyid rin chen thob bya'i phyir// de nas 'di la cung zad bshad// dpal ldan yan lag med rdo rje// snying rjer zhugs pa'i sems kyis ni// sngon gyi sangs rgyas kyis gsungs pa'i// thabs ni ji bzhin mdor bsdu bya// de 'di yin zhes rgyal bas kyang // de ni brjod par nus ma yin// so so rang rig rang bzhin phyir// ngag gi lam ni bzung bya min// de lta na yang dus gsum gyi// spangs rgyas 'gro rnams dgra mdzad pas// mdo sde du ma gsang sngags kyi// spyod pa la sogs rim gyis bshad// sgra dang don dag 'brel med phyir// thos pa la sogs shes pa yis// yul du nam yang 'gyur ma yin// bstan bcos mtshan nyid ston pa yin// de phyir skyes bu dam pa yis// bla ma dam pa brten pa'i rigs// de ma gtogs par de nyid ni// bskal pa bye bas thob mi 'gyur// zhing bzang shin tu sbyangs pa las// sa bon med pa'i myu gu bzhin// de nyid rin chen ma rnyed par// nam yang dngos grub 'gyur ma yin// rnam par mi rtog lam la gnas// thabs dang shes rab don ston pa'i// man ngag ldan pa 'ga' tsam ste// yid bzhin nor bu bzhin du 'byung // sa steng gi ni slob dpon te// nges par yongasu shes byas la// dngos grub mchog ni bdag sgrub phyir// de ni 'bad pas bsnyen bskur bya// gang zhig gis ni gzi brjid kyis// khams gsum brtan dang g.yo bcas pa'i// 'byung po kun gyi dge legs dang // dpag med byang chub bde mchog thob// ltos pa med par thugs brtse ba'i// thugs rje'i sku can de la ni// bsam ngan rgyu yi dri bcas pa'i// sems kyis ci phyir 'dud par byed// ji srid 'dod pa rnyed bar du// kun tu phyag dang bkur sti dang // / 'bad de tshang la sogs pas mchod// bsnyen bkur sri zhu bla mar byed// sangs rgyas kun gyi yon tan gnas// rin chen de nyid thob gyur nas// sdang las skyon rnams rtog byed cing // 'dri med tsam yang byed mi 'gyur// de bzhin gzhan yang ngan pa'i bdag/ bla ma rdo rje can brten nas// co 'dri bar ni byed pa'i bdag/ bsam ngan rang la co 'dri 'am// dkon mchog gsum gyi bskor dang ni// bla ma'i phyag rgya 'phrog par byed// rnal 'byor po yi dam chos la// ma spyad pas na dmod par byed// dam tshig ngo mtshar che gyur la// rtag tu smod byed blo ldan la// nga yang shin tu skrag byed ces// dpal ldan rdo rje mgon pos gsungs// bsnyen bkur med par myur ba ru// bdag ni rjesu bzung 'tshal brjod// sdang ba'i sems kyis gzhan brten te// kha cig nyes pa sgrogs la brtson// sangs rgyas dron du mi gnyer zhing // rnal 'byor pa dang slob dpon zhes// bdag ni ci nas shes 'gyur ba// de tsam la ni zhugs pa yin// brgya la ye shes rnyed 'gyur na// khengs pa bla ma las sdang bar// sngags kyi rim pa las 'ongs pa// 'di ni bdag gis shes zhes brjod// slar la 'bul gyi yas rang bzung // de nas brtsams te yas kyis ni// slob ma nga min slob dpon min// khro bcas smra ba gzhan dag yod// bla ma slu ba'i bsam pa yi// co 'dri byed cing khyad byed pa// tshe 'di bde ba yod min na// de dag ji ltar 'grub par 'gyur// de lta bu yi sems can gang // rang gi don la rgyab phyogs yin// de ni ngan 'gro kun snod du// dpal ldan rdo rje mgon pos gsungs// bdag nyid sun 'byin byed pa de// dmyal las 'gro ba gzhan yod min// shin tu mi zad las rnams kyis// sdug bsngal rnam pa mang pos 'tshed// de bas dam pa don gnyer ba'i// skyes bus dngos po thams cad kyis// dpag med 'bras bu rab ster bya'i// slob dpon kun tu brten par bya// byang chub tu ni nges byas pas// phrag dog nga rgyal ser sna dang // de bzhin g.yo dang sgyu dang ni// skyo dub 'du shes yongs spangs te// rtag tu ngu yi spyod pa bzhin// mi g.yo ba yi sems kyis ni// dngos grub kun don ster ba'i bla// 'gro ba'i mgon po bsnyen bkur bya// shin tu gus pas dus gsum du// zhabs la spyi bos phyog byas shing // rang gi lus la'ang ltos med par// maN+Dal sngon 'gro mchod pa bya// de nas bla ma'i bka' drin gyis// dus gsum sangs rgyas kyis gsungs pa'i// de nyid dam pa bgegs med par// slob ma yis ni thob par 'gyur// rtag tu 'od gsal dag pa ste// rgyal ba'i gnas 'gyur byang chub sems// gsal ba chos kyi dbyings kyi dngos// phun tshigs ma lus byed par 'gyur// mun pa'i tshogs ni 'joms byed pa'i// nyi ma dang ni nye ba yi// me shel gyi ni nor bu las// rab 'bar me lce 'byung pa bzhin// slob me'i sems ni nor bu la// 'gro ba gzigs pa nyer 'gyur na// dri ma 'joms byed rnal 'byor gyi// me lho rno 'bar de bzhin no// dpal ldan de nyid rin chen ni// rab tu rtogs pas 'bar rjes la// phyogs bcun bzhugs sangs rgyas rnams// thugs rjes thugs ni 'phangs nas su// myur du byin nas slob ma ni// sangs rgyas byin rlag / don mi za// sangs rgyas kun gyis byin rlabs pas// sangs rgyas kun gyi rang bzhin 'gyur// brtan pas g.yo dang zil dang nga rgyal sgrib pa thams cad yong su spangs nas ni// man ngag ldan pa'i bla ma mtshungs pa med pa dad pas 'dir ni bsten par bya// nges de nges par rgyal ba'i yon tan gter 'gyur de nyid rin chen rnyed gyur nas// bde gshegs kun kyis brnyes pa'i byang chub mchog ni 'thob par 'gyur// de dag ni thabs dang shes rab rnam par gtan la dbab pa'i sgrub paM las rdo rje slob dpon bsnyen bkur nges par brtan pa'i rim par phye ba ste gnyis pa'o// rdo rje sems pa gnas 'dod pa'i// sgrub pa po la phan gdags phyir// dbang bskur srid gsum phun tshogs gnas// de nas 'di la yang dag bshad// bde gshegs gnas kyi dkyil 'khor du// rgyud kyi lam gyi rjes 'brangs nas// mkhas pas gang tshe dbang bskur na// sangs rgyas thams cad mngon sum yin// dpag med 'jig rten khams dbang phyug/ bdag byin brlab pa'i dbang thob pa// dam tshig nyams kyi 'jigs pas ni// blo ldan de dag gis kyang 'dzin// sangs rgyas rnams kyis don dam du// sngags kyi lam las de bzhin gsungs// rdo rje sems dpa' la sogs lho'i// dam tshig shin tu 'da' dka' ba'i// sngags kyi lam du de bzhin gsungs// de bas don kun la 'bad pas// dbang bskur don gnyer rgyal bdag sras// rdo rje slob dpon yon tan mtsho// ji ltar rig pas bsnyen par bya// gzugs dang lung tsho phun sum tshogs// mig bzang phyag rgya rnyed nus ni// gos dang tsan dan phreng sogs kyis// rab tu brgyan te dbul bar bya// dri dang phreng sogs bsnyen bkur dang // chang dang ston mo rgya chen dang // phyag rgyar bcas pa'i gtso bos ni// gus pas 'bad de yang dag mchod// slob mas dad pas pus lha nga // sa la legs par btsugs nas ni// thal sbyor bcas pa'i bstod pa 'dis// ston pa la ni gsol gang ba bya// rnam rtog thams cad spangs pa ya// stong nyid snying po bstod phyag 'tshal// kun mkhyen ye shes phung po can// ye shes sku khyod phyag 'tshal la// 'gro ba'i mi shes gcod pa po// bdag don de nyid ston mdzad pa// chos bdag med las yang dag byung // rdo rje sems khyod la phyag 'tshal// sangs rgyas byang chub sems rnams dang // sa dang pha rol phyin yon ta ni// rtog tu mgon po khyod las byung // byang chub sems khyod la phyag 'tshal// dkon mchog gsum dang theg chen gyi// de nyid brtan dang g.yo bcas pa// khams gsum 'di dag thams cad kyi// 'gro ba'i sa bon khyod la 'dud// 'gro don sna tshogs grub pa'i phyir// yid bzhin nor bu bzhin du 'byung // dpal ldan bde gshegs bka' bzhin mdzad// sangs rgyas sras po khyod la 'dud// yon tan rgya mtsho bka' drin gyi// de nyid bla med shes par 'tshal// kun mkhyen ye shes dbang bskur ba// da ltar bka' drin mdzad du gsol// dpal ldan thugs kyi rdo rje yi// sangs rgyas kun gyi gsang chen po// rdo rje chos la bstan pa bzhin// de ring mgon po bka' drin gsol// khyod zhabs pad+ma spangs nas ni// bdag la gzhan ni skyabs ma mchis// 'khor ba'i dgra las rab rgyal ba'i// mgon pos de phyir brtse bar mdzod// de nas dpal ldan slob dpon ni// phan pa'i bsam pas rjes brtse bas// snying rje slob ma la bskyed de// 'dod pa'i yon tan lngas gang ba'i// drilo bu sil spyan sgra dang bcas// bla raM 'bar ba bres pa ru// me tog bdug pa nyams dga' 'khrigs// phreng ba dri zhim mchog tu bde// rdo rje sems dpa' lan gyi lha// rnal 'byor ma ni rnal 'byor ldan// mchog tu rmad byung gnas gyur pa'i/ tshogs kyi 'khor lor bkugs nas ni// de nas slob dpon bskal bzangs kyis// phyag rgya dang ni sbyar byas te// rgyal ba'i gnas gyur byang chub sems// pad+ma'i snod du bzhag nas ni// bkra shis glu yi tshigs bcad dang / gdugs dang rnga yab rgyal mtshan bcas// phyag rgyar ldan pas slob ma ni// 'gro ba'i gtso bor dbang bskur bya// slob dpon dbang phyug mchog gis ni// dbang bskur rin chen byin nas su// rang bzhin gsal zhing mngon sbyangs pa// dam tshig nyams dga' sbyin par bya// rin chen chen po ga bur bcas// tsan ngan dmar po sbyar ba dang // rdo rje yi ni chu dang bcas// lnga pa dag las yang dag byung // 'di ni bu khyod dam tshig ste// sangs rgyas kun gyis mthun par gsungs// bzang pos rtag tu bskyang bar byos// de ni ston pa mnyan par gyis// srog chags gsad par mi bya zhing // bud med rin chen spang mi bya// khyod kyi slob dpon yong mi spang // sdom pa shin tu 'da' dka' ba'o// byang chub sems kyi dbang bskur bas// slob ma sdig dang bral bar 'gyur// sangs rgyas sras mchog de la ni// rjes su gnang ba de nas sbyin// byang chub snying po'i mthar thug par// phyogs kyi 'khor lo kun tu ni// chos kyi 'khor lo bla med pa// sems can mchog gis bskor ba gyis// shes rab thabs kyi rang bzhin bdag/ yid bzhin nor ltar rgya che ba// chags dang bral zhing mi skyo bas// da ni sems can rnams don gyis// rjes gnang bcas pa'i dbang bskur thob// bya ba byas shing rab dga' bas// 'gro kun dga' bar byed pa yi// 'jam pa'i tshig ni brjod par bya// de ring bdag gson 'bras bu yod// de ring skye ba 'bras bu yod// de ring sangs rgyas rigasu skyes// de ring sangs rgyas sras por gyur// skye la sogs pa'i rba rlabs dang // nyon mongs 'dam ni rgal dka' ba'i// rtog pa'i rgya mtsho 'jigs chen las// mgon pos de ring bdag bsgral to// khyod zhabs bka' drin shes nas su// byang chub gang gis bdag 'tshal ba'i// bag chags thams cad spangs nas su// rdzogs pa'i bzhin du bdag 'gyur ro// mig mngangs 'dzum dang bcas pa yi// gus pas zhabs la btung nas su// 'dzin pa med pa'i sems kyis ni// rdzas ni gang dang gang bzhed pa// de dang de ni dbul bar bya// bla ma thugs rje can gyis kyang // slob ma'i 'dzin pa spangs pa'i phyir// de la phan phyir blang bar bya// bla ma'i yon ni phul nas su// de nas mchod de phyag byas la// mngon par 'dod pa'i gnas thob nas// slar yang 'dir yi mkhyen par gsol// de ring sangs rgyas mchog khyod kyis// bka' drin bdag gis thob par 'gyur// de mthus bla med byang chub ni// ji bzhin bdag gis sgrub par bgyi// mchog kun gyis ni mchod pa'i gnas// bla med byang chub thob nas ni// srid gsum gnas pa'i sems can gnas// de nyid la ni dgod par bgyi// cho ga 'di dag nyid kyi dbang bskur byin nas ni// slob ma'i lhag par mos pa'i yid kyis brtag byas la// zab cing rgya che ba la lhag par mos na ni// tshig gi rin chen dbang bskur sbyin par bya// dbang bskur mchog ni ma lus thob par gyur pa de// rdo rje mchog 'dzin rnyed dka' mtshungs pa med pa'i gnas// longs spyod rdzogs pa dang ni dpal gyi zhing gyur pa// byang chub sems chen dbang bskur blang bar bya// thabs dang shes rab rnam par gtan la dbab pa sgrub pa las/ byang chub sems kyi dbang bskur ba nges par bstan pa rim par phye ba ste gsum pa'o// / gzhan dron la phan brtson 'grus can// sgrub pa po la phan pa'i phyir// shes rab thabs kyi bsgom pa mchog/ de nas 'di las gsal bshad bya// gang zhig bsgoms pas 'khor ba yi// 'jigs rung rgal dka'i rgya mtsho min// rang don tsam gyis mya ngan 'das// der yang rnal 'byor pa mi gnas// gang zhig rab kyi mthar phyin pas// dri med rmad byung sangs rgyas nyid// 'phel dang 'grib las rnam grol ba'i// bla med byang chub skye 'gyur ba'o// phung po lnga la sogs chos rnams// gang yang dor bar bya min zhing // nam yang gzung bar bya ba'ang min// chos kun mi mnyam mnyam pa nyid// stong nyid sgom par bya min la// stong nyid min pa'ang mi sgom mo// stong nyid rnal 'byor pas mi gtang // stong nyid min pa'ang yongs mi btang // stong nyid stong min nyid 'dzin pa// rtog pa rab rgyas skye bar 'gyur// yongs su btang ba'ang rtog pa ste// de bas de gnyis yongasu spangs// 'dzin pa gnyis ka yongs btang na// tshogs bral rnam par grol ba'i gnas// de dang 'brel bdag ces pa yang // kun rtog de phyir de gnyis spangs// chags pa med cing 'gyur ba med// sdig pa dang bral mngon zhen med// thog ma tha ma'i rtog las grol// mkhas pas na mkha' lta bur bsgom// snying rje ldan pas sems can la// rgyab kyis phyogs par mi bya'o// sem+b+has can+d+ra yod dang myed ces par// rnam rtog nyid ni mi bya'o// spros pa med pa'i rang bzhin gang // shes rab ces byar rab tu grags// yid bzhin nor bu ji bzhin du// ma lus 'gro don byed snying rje// mi dmigs gnas kyis shes rab dang // mi dmigs snying rje chen po ste// na mkha' la ni na mkha' bzhin// blo ldan lhan cig gnyi su med// gang na'ang bsgom pa po med cing // rnam par bsgom pa'ang ci yang med// bsgom bya nyid kyang yod min pa// de ni de nyid bsgom parwa bshad// bya ba'ang cung zad yod min la// dpyad par bya ba nyid kyang med// byed po dpyod pa las grol ba// don dam rnam par bsgom pa yin// gtong bar byed pa'ang yod min zhing // 'gog par byed pa'ong ci yang med// des na dor bar bya med cing // 'di la blang bya gang yang med// gzugs rnams kun tu blta ba dang // de bzhin sgra rnams nyan pa dang // rgod dang rtsed mo byed pa dang // ro rnams sna tshogs myang ba dang // las rnams thams cad byed pa ni// sems ni mi g.yo gnas byas nas// de nyid rig pa'i rnal 'byor pa'i// rnal 'byor rgyun tu skye bar 'gyur// de nyid gnyis med brtan pa ste// byang chub sems mchog 'di yin no// dpal ldan rdo rje sems dpa' dang // rdzogs sangs rgyas kyi byang chub nyid// pha rol phyin pa kun dngos kyi// shes rab pha rol phyin 'di nyid// 'di ni mnyamo nyid brjod pa ste// sangs rgyas kun gyi bsgom pa'i mchog/ byang chub sems dpa' mtha' yas dang // rdzogs sangs rgyas dang nyan thos sogs// brtan dang g.yo ba'i bangs nyid kyi// 'gro ba thams 'di las skyes// dngos dang dngos myed dang bral ba'i// rnal 'byor pas ni de nyid bsgom// dngos dang dngos med las grol ba// bsgom pas myur du 'grub par 'gyur// nyes pa ma lus dang bral byeng // nges par sdug bsngal ldog 'gyur na// dpal ldan pade gshegs yon tan nI// mtha' yas de las 'byung bar 'gyur// kun rtog mun pa sdug bsngal ba// stug pos mngon par zil genon cing // 'dod tshigs la sogs bzlog bka'i dri mas g.yogs gyur pa'i// rab tu 'thor rlung gis bskyod grogs ltar g.yo ba yi// sems ni 'khor ba yin par rdo rje can gyis gsungs// rtog pa las ni rnam par grol zhing 'od gsal ba// 'dod chags la sogs dri ma'i sgrib g.yogs rab tu spangs// bzung ba dang ni 'dzin pa med na de nyid ni// mya ngan 'das pa'i don du sems can mchog gis gsungs// de bas sdug bsngal mang po tshogs kyi rgyur gyur pa// 'di las gzhan pa gang yang yod pa ma yin la// thar 'dod 'phags pa khyed kyi bde ba dpag med pa// skye ba'i rgyur yang 'di las gzhan pa gang yang med// sdug bsngal ma lus zad bya'i go cha bgos nas ni// rdzogs sangs rgyas kyi bde mchog thob par 'dod pa yi// sems ni brtan byas de la 'bad de du pyad byas la/ de yi rang bzhin bdag gi rang bzhin nyid du bya// skye ldan rnams kyi yid 'di ji srid rtog pa'i mun pa snam bu 'thug pos dkris gyur pa// de srid sdug bsngal dpag tu med yin de nas de ni ji srid bshus par gyur pa na// de srid bde ba rgya chen mtshungs med yin pas 'phags mchog de la nan tan gyis shig dang // de zad nas ni de nyid la gnas yon tan rgyas pa rang nyid kyis ni snang bar 'gyur// de dag ni thabs dang shes rab rnam par gtan la dbab pa'i sgrub pa las de kho na nyid bsgom pa'i rim par phye ba ste bzhi pa'o// // chos kun mnyam nyid rmad 'byung ba// de nyid spyod pa bla na med// rnam rtog dgra rnams gsod byed pa// shes rab pha rol phyin pa gzhan rdzogs sangs rgyas la gnas pa'i// sangs rgyas la phan bya'i phyir// de nyid yan lag med rdo rjes// de nas 'di las gsal bshad bya// rga ba la sogs rba rlabs 'khrigs// skye ba'i rgya mtshor cher 'jigs las// 'byung po thams cad sgrol ba'i gru// nyos med par ni 'gro ba'i gru/ yid 'ong yon tan kun gyi gnas// myur du dngos grub bzang po byed// 'dod pa'i don kun rab sgrub po// yid bzhin nor bu bzhin du 'byung // ma lus pa yi sangs rgyas rnams kyi yon tan rgyur 'gyur rdo rje 'dzin pas rab tu bsngags pa ste// 'di ma gtogs par dngos grub skye bar 'gyur ba min// de phyir thar pa 'dod pas spyod pa mnyam med 'di spyad bya// lha min sgra dang brgya byin grong khyer gsum dgra nor sbyin tshangs sogs rnaMs kyi zhab kyi pad+mar mchod byas pa// bde bar gshegs pa'i go 'phangs mchog ni myur du thob byed sdig pa zad byed 'di ni mkhas pas spyad par bya// dpal rdo rje sems dpas 'gro la phan phyir yang dag spyod pa 'di gsungs te// sna tshogs gzhan dag ma lus gdul bya'i skye bo du ma'i dbang du byas nas ni// ji skad gsungs pa'i spyod pa sna tshogs bla med dngos grub ma lus rab sgrub min// kun bzang mtshungs med spyod pa 'di las 'grub 'gyur bcom ldan rdo rje can gyis gsungs// dpal ldan slob dpon rdo rje can// mgon la kun nas phyag byas la// @/ ba byas pa'i blo can gyis// gsang ba'i spyod pa brten par bya// de nas rang 'dod nges byas la// 'du 'dzi kun la rgyu ba phyogs te// seng ge'i bdag nyid kun rgyu ba// de nyid ldan pas spyad par bya// 'gro ba 'don pa'i bsam pa yis// ji bzhin yang dag don rig pas// yang dag ldan pas 'jug pa bdag/ gnas med sems ni brtan par bya// khams gsum 'di dag de nyid de// phung po khams la sogs mtshan nyid// thams cad sgyu mo rmi lam bzhin// mdor bsdus 'di ltar shes byas las// 'gyod dang rmugs dang gnyid la sogs// longs spyod rgya chen 'du 'dzi dang // de bzhin 'jig rten chos brgyad po// shin tu thag ring spang bar bya// gnyis med nges par byas nas ni// rtag tu g.yo ba med pa yis// pha rol phyin drug sbyor ba ni// sangs rgyas dngos grub sgrub par bya// sems can rnam par mi rtog bzhin// sems can don la shin tu chags// sems ni byang chub nges byas la// de nyid spyod pa la brten bya// shes rab thabs su ldan pa yis// chags pa kun la rgyab brtan te// de nyid goms pa la 'bang pasaHtshe 'di nyid la 'grub par 'gyur// bdag byin brlab par rab gsal bas// sems ni ji ltar rjes mthun par// sngags kyi lam las rab bshad pa'i// dam tshig dag ni kun spyad bya// bgegs dang bdud tshogs zhi bya'i phyir// bdud rtsi lnga bo byin gyis brlabs// bshang gci la sogs rnams gnas pa// 'di ni bsrung ba bla med yin// rims ngang dug dang dbyig dug nang // mkha' 'gro ma dang gdon gyi 'tshe// bdud dang log 'dren nyid dag ni// 'di yi rab tu zhi bar 'gyur// mi dang rnga mo las byung dang // rta dang glang po las byung ba// lnga pa khyi las byung ba ste// sgron ma shes rab can gyi bza'// sems ni dga' bar byed pa yi// dam tshig chen po gzhan dag kyang // rlung ni 'khrug pa zhi bya'i phyir// thugs kyi rdo rje can mnyes bya// thams cad du ni thar 'dod pas// shes rab pha rol phyin brten bya// dam pa'i don du gang gnas pa// kun rdzob dag pa'i lus bzung nas// bud med mdzes pa'i gzugs kyis ni// thams cad du ni kun tu gnas// de bas phyi rol don las byung // rdo rje mgon pos don de gsungs// bram ze rigs sogs/ las byung dang // mtha' las skyes dang phyag rgya dang // gzhan gyi chung ma tshul nyams dang // dman dang cha lugs mi sdug dang // skyed ma dang ni sgyug mo dang // rang gi bu mo sring mo dag/ de nyid sbyor bas don spyod na// sgrub po myur du 'grub par 'gyur// sems ni tshim par byed pa yi// gling bu sogs las byung ba mnyan// phyi rol phyag rgya ka ra na// ro ni sna tshogs tshim byed bya// rang gi lha yi sbyor ba yis// 'dod pa'i yon tan mchog rnams kyis// sems ni rin chen dag bya'i phyir// rtag tu bdag nyid mchod par bya// chu skyes rdo rje chu dang ni// sgron ma'i 'o ma rab rgyas mchod// phreng dang tsan dan gos bzang sogs// sems ni skyo ba med par bya// bgrod dang bgrod min sogs pa ni// 'dir ni nam yang bya ba min// sgyu ma lta bu sogs sbyor bas// thams cad la ni longs spyod bya// chos kyi dbyings las byung bas na// mi mthun phyogs ni gang yang med// dog pa med pa'i sems kyis ni// ji ltar 'dod bzhin rab spyad bya// sgrub pa po lnga phan gdags phyir// khams gsum pa ni ma lus pa// 'di dag thams cad longs spyod phyir// rdo rje sems dpa' sprul pa yin// ye shes mtha' yas rnyed pa yi// de bzhin gshegs la'ang phyag min na// rtag tu bsgom la 'grus pa yis// lugs ma la sogs smos ci dgos// dngos po kun gyi rang bzhin 'di// byang chub sems kyi rang bzhin te// de nyid bcom ldan rdo rje can// de bas bdag nyid lha yin no// sbyang ba dang ni dkyil 'khor 'bri// phyag rgya bcing dang mchod rten las// sbyin sreg dang ni gsang sngags bzlos// po ti klog pa la sogs pa// dpal ldan rdo rje mgon po yis// mos pa'i dbang du mdzad nas ni// gzhan dag la ni badzin pa ste// de nyid rig pa'i sems kyis min// mar sar 'dod pas snying po ni// blangs te da ba 'dor bar byed// da ltar chos kyi snying thob pas// rtog pa ma lus spang bar bya// rnam par mI rtog gla nas blo can// gnas min ngogs pa spang byas na// thugs kyi rdo rje bka' bzhin du// de nas 'grub 'gyur the tshom meng // phyag rgya sbyor ba kun tu 'khyud// rdo rje bcug ste bskyod pa dang // ma mchu'i spang mchog btung bya zhing // de yi mgrin pa'i sgra gsal ba/ blang zhing dul bas longs spyad na// nges par dga' ba rgya chen gyis// rdo rje sems dpa' 'dod pa'i rgya'o// ring por mi thogs 'grub par 'gyur// ji ltar yid 'khrugs mi 'gyur bas// de lta de ltar spyad par bya// sems kyi rang bzhin 'khrugs gyur na// nam yang dngos grub 'gyur ma yin// de bas dngos grub mchog 'dod pa'i// grub pa pos ni 'dzin pa spyad/ sems dang rjes 'thun sbyor ba yis// dngul chu bzung bar bsgrub ji bzhin// thabs kyi gzhi yi sbyor ba yis// de bzhin sems kyi dngul chu bzung // sbyor ba dag ni gang yin pa// de ru de yi gnas par bya// dus dang grangs ni yongs spangs nas// de nyid rig pas 'grub par 'gyur// gnyis med mtshungs pa med pa gang yin nyin re zhing // de nyid mchog ni rgyun tu rjes su bsten par bya// 'di yi dri ma med cing rdo rje lta bu dang // grib ma lta bu sku ni mtshungs med thob par 'gyur// blo dang ldan pas shes rab kyis ni chos rnams kun// mchog gi go 'uphang sgrub par bya// rang bzhin gyis ni dri ma med por rnam 'byed do// 'jig rten gsum gyi sdug bsngal zad par bya ba'i phyir// nyin rur brtson 'grus go cha chen po bgos nas su// dngos po kun gyi rang bzhin dpal ldan rdo rje sems// yon tan ma lus pa yi gter gyur bsgom par bya// sems ni byang chub ngo bor gzhig nas yul gyi ni// bde la dga' bas tshe 'di nyid la 'grub par 'gyur// rang bzhin gyis ni ma lus 'di dag rnam dag ste// tha mal yul rnams bdag med sgyu ma lta bu dang // mig 'phrul dang ni mig yor dag dang mtshungs pa ste// gnas med rtog pa'i tha snyad dag las rnam par grol// gang cha skyes bu dag pa rgya che bsam pa dang // 'dzin pa med pa'i sems ni kun tu rtogs 'gyur ba// de tshe lhan cig skyes pa'i rtog pa zil mnan te// yul 'di rnams kyi nus pa 'ching bar nus ma yin// gang rnams rnyed dang ma rnyed grags dang ma grags dang // bde ba dang ni sdug bsngal rab tu rgyas pa dang // bstod dang smad pa'i dri ma rab tu ma lus pa// zad pa rang gi sems ni mnyam pa nyid du bya// chags pa myed dang 'gro la snying ni brtse ba yi// rnam par rtog pa thams cad las grol spyod pa dang // ldan pa de yi phyag na bde gshegs go 'phang ni// gnas pa ma yin zhes rdo rje sems dpa' rab tu gsungs// gzhan la gnod par byed pa'i blo can gyi// skye bo gshis ngan kha yi bu ga ni// zab mo gya gyu nas byung tshig dAn sprul// rtsub mo'i las kyi su zhig 'jigs mi 'gyur// shin tu dri med dga' byed 'od kyi phreng can gyi// 'od zer 'tsho skyes kyis ni bzod par mi nus ltar// yid 'phrog byed pa'i bdud rtsi mang du bshad pa yang // skye bo 'dzings min yid ni chags par byed pa min// zla ba'i 'od zer de nyid chu shel nor bu dang // shin tu nye bar 'dus nas bdud rtsi chu 'dzag bzhin// de nyid skye bo bzang yid bdud rtsi ros bArla na zhing // mi gnas mchi ma 'dzag bzhin tshogs par byed// de bas bdag ni chos nyid gnas pa'i skye bo bzang // 'phags pa shes ldan khyod la thal mo sbyar nas ni// bdag gis mdo ru bsdus te gsal bar bya ba ni// rab mchog gang yin de ni khyod la dbul bar bgyi// dpal ldan rdo rje sems dpas xxx/ xxx xxx/ xxx xxx/ xxx xxx/ xxx xxx/ xxx xxx/ xxx