བོད་ཡིག

e-texts produced with BDRC’s OCR application

rgya gar skad du/ pad+ma mu ku Ta tan+t+ra nA ma/ bod skad du/ pad+ma cod pan zhes bya ba'i rgyud/ bcom ldan 'das 'jam pa'i rdo rje la phyag 'tshal lo// 'di skad bdag gis thos pa dus gcig na/ bcom ldan 'das lha'i gzhal med khang na longs spyod rdzogs pa'i skur sangs rgyas nas byang chub sems dpa'i khor dpag tu med pa dang thabs gcig tu bzhugs te/ de nas bcom ldan 'das thugs rje chen po'i sgo kun 'phro ba zhes bya ba'i ting nge 'dzin la snyoms par zhugs te/ 'od zer gyis rnam par snang mdzad gang chen mtsho'i zhing gi rdul la reg pas/ reg ma thag tu bskal pa bzang po'i sangs rgyas stong rtsa gnyis la mchod nas/ 'od zer de bcom ldan 'das kyi dbu'i gtsug tor du nub bo/ / nub ma thag tu thugs rje chen po phyag stong spyan stong dang ldan pa/ sku mdog gangs kyi rtse la nyi ma shar ba ltar dkar ba/ zhal bcu gcig gi rtsa ba'i zhal dkar posteng gi zhal dbus ser ba/ g.yas ljang khu/ g.yon dmar ba// steng gi gsum nag po// bcom ldan 'das kyi dbu ni byu ru bcag pa lta bur gyur te 'dzum pa mdzad nas/ thugs rje chen po'i bdag po / 'phags pa spyan ras gzigs dbang phyug la gzigs so// de nas byang chub sems dpa' 'phags pa spyan ras gzigs dbang phyug gis thal mo sbyar te// bcom ldan 'das la gsol pa// sku dang sngags dang las rnams dang / / khyad par cho ga bstan par gyis// zhes gsol ba btab nas// bcom ldan 'das kyis// byang chub sems dpa' spyan ras gzigs dbang phyug la legs so zhes bya ba byin nas bka' stsal pa// sku ni rnam pa 'di lta ste// thugs rje dag pas chu shel te// mnyam par bzhengs pas 'gro don mdzad// chu shel mdog 'dra zhal gsum dkar// ljang khu'i mdog can nag po che// ser po de bzhin bcom ldan dmar / drang srong dag tu ri dgas brgyan// zhi ba 'dzum dang bzhad pa dang // khros pa'i zhal mnga' spyan gsum mdzes// bcu pa sems dpa'i rtags can te// bcu gcig bcom ldan 'das kyi bdag/ yon tan nor bu mu tig 'phreng / / 'phrin las sna tshogs smad dkris pa// dang po'i phyag ni thal sbyar te// g.yas pa rin chen 'phreng ba 'dzin// g.yon pa dri med pad+ma 'dzin// g.yas pa mchog sbyin mdzad pa'o// g.yon pa ril ba spyi thugs te// g.yas pa 'khor lo rab tu 'dzin// g.yon pa na ni mda' gzhu ste// lhag ma mchog sbyin spyan ldan no// de nas yang bcom ldan 'das kyis 'dzum pa mdzad de cod pan gnyis nas rin po che rab tu 'phro ba dang / bcom ldan 'das la sangs rgyas thams cad kyi byin gyi rlabs las byung ba'i pad+ma'i steng du rigs lnga 'byung ba ni/ 'di lta ste/ rnam par snang mdzad dang / rin chen 'byung ldan dang / snang ba mtha' yas dang / don yod grub pa dang / mi bskyod pa'o// khang bu brtsegs pa'i rin po che de'i nang du seng ge dang / rta dang / rma bya dang / nam mkha' lding dang / glang po che'o// de dag ni cod pan las byung ba'o// yab yum gyi sku mdog sngon mo ste// pad+ma las byung pad+ma'i steng // tshad med bzhi ste phyag bzhis mdzes// sems dpa'i rgyan dang ldan pa yi/ / mnyam pa yi ni skyil krung bcas// yab ni sku mdog ser po ste// pad+ma las byung pad+ma'i steng // thal sbyar nor bu bgrang 'phreng 'dzin// rgyan rnams yongs su 'dzin pa'o// yang ni 'od zer rab bkye ste/ / zla ba nyi ma las byung ba'i// nyi ma'i mdog can nyi ma ni// gzhon nu ut+pal mchog sbyin mdzad// zla ba las skyes nam mkha'i mdog/ cung zad khros pas rdo rje can// dkar po gangs ltar dkar ba ste/ / nyi zla'i steng na pad+ma 'dzin// drag po gnyis dang hrI yig las// gnyis med tshul gyis 'bras bu rdzogs// ha ya grI bas khams gsum sdud// khro gnyer can gyis 'phrin las mdzad/ / gshin rje'i gshed po gter 'dzin cing // khams gsum rnam rgyal bdud sde 'joms// 'khor lo dkar po dag pa'i steng // gru bzhi sgo bzhi rta babs bcas// dang po dkon mchog rab dad cing / / tshad med bzhi ni yongs su rdzogs// byang chub yan lag rdzogs pa dang // chos kyi rang bzhin stong nyid do// gleng gzhi dang sku bstan pa'i le'u ste dang po'o// / de nas gsang sngags bstan pa'i phyir bcom ldan 'das kyis rnam par snang mdzad gang chen mtsho'i zhing khams thams cad du 'od bkye nas gtsug tu nub par gyur to// de nas yang gsungs pa/ oM hrIH hUM hrI aHna mo rat+na tra yA ya/ na ma Ar+ya dz+nyA na sA ga ra bai ro tsa nA ya/ b+hU ha rA dzA ya/ ta thA ga tA ya/ an te/ samyaka saM bud+hA ya/ na maHsarba ta thA ga te b+h+yo/ ar+had b+h+ya/ samyaka saM bud+d+ha b+h+yo/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM d+ha ra d+ha ra/ d+hi ri d+hi ri/ d+hu ru d+hu ru/ i ban+d+he ban+de/ tsa le tsa le/ pra tsa le pra tsa le/ ku su me ku su ma ba re/ i li mi li/ tsi ti dzA la ma pa na ya swA hA/ sngags 'di rnams kha ton byed pa'i rigs kyi bu 'am/ rigs kyi bu mos lan cig brjod dam/ dran zhing yid la byas sam/ lus la bcangs na mtshams med pa lnga dang / de dang nye ba'i las 'byung zhing sems can dmyal ba dang / yi dgas dang / dud 'gro'i skye gnas su mi skye zhing / mi khom pa brgyad du sdug bsngal dang bcas par mi 'gyur ro// gcan gzan dang / srin po dang / mi ma yin pa dang / nad dang / 'jigs pa thams cad las thar par 'gyur ro// oM rak+Sha rak+Sha/ zhes pas kyang bsrung bar bya'o// oM a kA ro mu khi sar+b+ba d+harmA NAM/ A d+ya nuta pan+na tAH/ ces pas gtor ma'i chus yi dgas la mchod par bya'o// oM AHhUM/ zhes pas so// de rnams srung ba'i sngags so// oM ma Ni badz+re hUM/ zhes pas so// 'dis ni rigs gsum gyi bdag por 'gyur te/ phan yon ni 'di'o// chos kyi sku dang gzugs kyi sku'i thugs rje chen po mthong bar 'gyur ro// oM na maHsarba ta thA ga Shad+b+ha le pU dze me g+has su rba s+pha ra Na sa ma ye hUM/ oM na maHsarba ta thA ga ta puSh+pe pU dza ma gras mu dras ra Na sa ma ye hUM/ oM na maHsarba ta thA ta ga ta A lo ke pU dza me g+ha sa mu dra s+pha ra Na sa ma ye hUM/ oM na maHsarba ta thA ga ta gan+d+ha pU dza me g+ha sa mu dra s+pha ra Na sa ma ye hUM/ oM na baHsarba ta thA ga ha nai wi d+ye pU dze me g+ha sa mu dra s+pha ra Na sa ma ya hUM/ oM na maHsarba ta thA ga ta shab+da pU dza me g+ha sa mu dra s+pha ra Na sa ma ye hUM/ oM na maHsarba ta thA ga ta maN+Da la pU dza me g+ha sa mu dra s+pha ra Na sa ma ye hUM/ de nas mchod pas yang dag mchod// stong nyid ye shes las byung ba'i// thabs dang shes rab gnyis ldan pa'i// hrIHyig dkar po yang dag ldan/ / sngags kyi le'u ste gnyis pa'o// / las dang cho ga bstan pa'i phyir// dang po zhi ba'i las bsgrubs nas// yid du 'ong ba'i gnas dag tu// dkar po dag pa gsal dus su// dri zhim chu yis legs byugs te/ / me tog dkar po dgram byas nas// khrus dang kha zas phyogs 'thun pa'i// bde ba'i stan la nyer 'dug ste// bum pa dkar po tsan dan dkar// dris bkang gos kyis legs par dkri/ / maN+Dal dbus su legs par gzhag/ hrIHlas byung ba'i sems dpa'i sku// zhal gcig phyag gnyis sku mdog dkar// rgyan rnams rdzogs pa pad+ma bsnams// zla ba'i gdan la legs bzhugs pa/ / hrIHlas 'od zer spro ba bsgom// phyag stong spyan yang de bzhin te// rgyas pa'i sku ni mdun bsams nas// hrI yi 'phro 'du gsal ba ni// bzlas pa rab tu gsal ba ni// gsang sngags 'di ni brjod par bya'o/ / na mo rat+na tra yA ya/ na ma Ar+ya dz+nyA na sa ga ra bai tsa nA ya b+hU ha rA dzA ya/ ta thA ga tA ya/ ar+ha te/ sa myaka saM bud+d+ha ya/ na maHsarba ta thA ga te b+h+yo/ ar+ha b+h+yaHsamyaka saM bud+d+ha b+h+yo/ na ma ar+ya a ba lo ki te / shwa rA ya/ bo d+hi satwA ya/ ma hA satwA ya/ ma hA kA ru Ni ka ye/ a mi tA b+ha la che ge mo shAn+ti ku ru swA hA/ zhes bzlas pa bya'o// bruM/ rnam par snang mdzad bum pa'i chu// gang dag legs par khrus byed pa// dri ma thams cad yongs dag nas/ / 'bras bu bde ba bde thob gyur// 'jigs pa kun las rnam grol nas// myur du chu skyes mthong bar 'gyur// de nas rgyas pa sgrub 'dod na// nags tshal shin tu mtho bar ni// dri zhim chu yis legs byugs la/ / 'bras bur bcas pa'i me tog dgram// rgyan rnams yongs su btags nas ni// bde ba'i stan la nyer 'dug ste// rin chen sna lnga 'bru sna lnga// rin chen ga'ur blugs par bya// maN+Dal dbus su legs par gzhag/ hrIHlas byung ba'i sems dpa'i sku// zhal gcig phyag gnyis sku mdog ser// rgyan rnams rdzogs pa pad+ma bsnams// phyag stong spyan yang de bzhin te// rgyas pa'i sku ni bdun bsams nas// / mchod pa lnga yis yang dag mchod// hrI yi 'phro 'dugasal bar bzlas// na mo rat+na tra yA ya/ na ma Ar+ya dz+nyA nA sA ga ra/ bai ro tsa nA ya/ b+hu ha rA dzA ya/ ta thA ga tA ya/ an te/ samyaka sa~M bud+d+hA ya/ na maH sarba ta thA ga te b+h+yo/ a rbad b+h+yaHsamyaka saM bud+d+ha b+h+yo/ na ma Ar+yA ba lo ki shwa rA ya/ bo d+hi satwa ya/ ma hA satwA ya/ ma hA kA ru Ni kA ya/ rat+na kun puSh+TiM ku ru swAhA/ bang mdzod stong pa'i thog bzhag na/ / 'bru yis yongs su khengs par 'gyur// de nas dbang gi las byed na// sdud par byed na chu klung 'gram// pa la sha dang a shwat+tha// me tog dmar po'i ril bu byas// bse ga ba dmar po'i nang / du bdug/ me tog dmar pos rab tu mchod// hrIHyig las byung sgron ma'i sku// ljang khu phyag na lcags kyu 'dzin/ phyag sto spyan yang de bzhin te// rgyas pa'i sku ni mdun bsams nas// mchod pa lnga yis / mchod byas te// hrIHyig 'phro 'du gsal bar bzlas/ na mo rat+na tra yA ya/ na ma Ar+ya dz+nyA na sA ga ra/ bai ro tsa nA ya/ byA ha rA dzA ya/ ta thA ga tA ya/ ar+ha te/ samyaka saM bud+d+hA ya/ na maHsarba ta thA ga te b+h+yo/ ar+had b+h+yaHsamyaka saM bud+d+ha b+h+yo/ na ma Ar+yA ba lo ki te shwa rA ya/ bo d+hi sa twA ya/ ma hA satwA ya/ ma hA kA ru Ni kA ya/ a ma~M g+ha b+ha smi ku ru/ oM tA re tut+tA re tu re a mo g+ha b+ha smi ku ru swA hA/ rdzas kyi lde gus lus byugs na/ / byugs pa de yis khugs par 'gyur// de nas 'phrin las byed 'dod na// dur khrod shing gcig dag tu ni// ba yi lci bas legs byugs nas// me tog sngon po nim pa yi// spos kyi tshom bu lnga steng dgram/ / byang du 'dug ste las 'di brtsam// gcan gzan steng du chu shel te// hrIHyi yi ge las byung ba'i// mdog dkar ral pa'i thor tsugs can// zhal gcig spyan ni gsum pa ste/ ridags pags pa 'dzin pa'o// drang srong khros pa'i cha byad can// phyag bzhi dang po mchog sbyin pa// g.yon na pad steng ral gri can// g.yas pa ltos 'gros brgyan pa'i mdung // rtse gsum dkar pos brgyan pa'o/ / g.yon na thod pa dkar po ste// dri zhim me tog dag gis bkang // rgyal po chen po rol ba ltar// cung zhig zur gyis gzigs pa'o// phyag stong spyan yang de bzhin stong // bskal pa bzang po'i sangs rgyas te// pad+ma'i 'dab mar legs zhugs pa'i// rgyas pa'i sku ni legs bsams nas// hrIHyi 'phro 'du las byung ba'i// gsang sngags rgyal po bzlas par bya// na mo rat+na tra yA ya/ na ma Ar+ya dz+nyA na sA ga ra/ bai ro tsa nA ya/ b+hA ha rA dzA ya/ ta thA ga tA ya/ ar+ha te/ sa mya ka saM bud+d+ha ya/ na maHsarba ta thA ga te b+h+yo/ aR+shad b+h+yaHsa myaka saM bud+d+ha b+h+yo/ mam aR+YA ba lo ki te shwa rA ya bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM ka te ni ka te/ ka ta ka te ka ro te ka ri ta bIr+ye swA hA/ oM karma a mo g+ha badz+ri sau he nI dA hUM phaT/ dri 'am byug pa dag la ni// btab la lus la byug par bya/ / me tog sngon po mgo la gzhag/ maN+Dal chu yis lus la byugs// nyi shu rtsa lnga bzlas pas ni// las rnams thams cad 'grub par 'gyur// de nas bzhi ka sgrub 'dod na// bkra / shis dus su rdzogs dus su// ri bo yid 'ong gnas dag tu// sa gzhi chag chag legs btab ste// maN+Dal legs byas me tog ni// dri zhim dkar pos yongs gtor te// gtsang zhing dam pa'i rdzas rnams dgram/ / gtsang ma bram ze byas te gzhag/ khrus dang ku sha'i steng gnas te// hrIHlas byung ba'i chu skyes ste// chu skyes mdog 'dra zhal gsum yang // 'dzum zhing zhi ba'i cha byad can/ / ljang khu bzhad pa zhal gsum pa// nag po khros pa dmar ser sla// ser po'i zhal nas 'dzum pa ste// dmar po bcom ldan 'das kyi dbu// ri dgas pags pas stong g.yogs can/ / sna tshogs sham thabs bsnams pa ste// zhabs gnyis mnyam por bzhengs pa las// g.yas g.yon dang po thal mo sbyar// bar ma bgrang 'phreng pad+ma bsnams// tha ma mchog sbyin spyi thugs 'dzin/ / bum pa rnam snang lha mo ni// la se ma le girti ste// nirti nang gi lha mo'i bdag/ zla ba'i gdan la legs par bzhugs// hrIHyi yi ge las byung ba'i// gsang sngags rgyal po bzlas par bya/ / na mo rat+na tra yA ya/ na ma Ar+ya dz+nyA na sA ga ra/ bai ro tsa na ya/ b+hU ha rA dzA ya/ ta thA ga tA ya/ aH te/ sa myaka saM bud+d+hA ya/ na maHsarba ta thA ga te b+h+yo/ arbadab+hU samyaka saM bud+d+ha b+h+yo/ na ma Ar+yA ba lo ki ti shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM d+ha ra d+ha ra/ d+hi ri d+hi ri/ d+hu ru d+hu ru/ iT+Te Te bar+the Te/ tsa le tsa li/ pra tsa le pra tsa le/ ku su me ku su ma ba re/ i li mi li tsi ti/ dz+wa la ma pa na ya swA hA/ bum pa'i tshu la legs bsgrubs nas// lus la byugs na 'grub par 'gyur// cho ga gsang sngags grub pa'i le'u ste gsum pa'o/ / / de nas thabs kyi rim pa ni// gro ga ras sam shing shun la// ra pi 'o mas bris pa'o// chom bu lnga yi 'khor lo la// dbus su sku yi sa bon te// lnga pa yi ni lnga pa ste/ / shar du de yang bri bar bya// bzhi pa'i lnga pas dbus su mtshan// lho ru de ni yang dag dgod// lnga pa'i dang po bzhi pa'i gsum// nub du de ni yang dag dgod// lnga pa yi ni lnga pa la// e yi rnam par sbyar ba ste/ / byang du de ni yang dag dgod// dbus su thugs kyi sa bon te// shAn+tiM ku ru mtshams su'o// swA hA dbus su dgod par bya// de ltar 'khor lo gsal bkod nas// dngul lam dkar po'i ga'ur gzhug/ thams cad las kun zhi bar 'gyur// lung ba'i chu yis legs par bri// puSh+TiM ku ru mtshams su'o// kham phor ser por legs par gzhug/ rgyas pa'i las rnams 'grub par 'gyur/ pa la sha yis legs par bris// ba shiM ku ru mtshams su dgod// kham phor dmar por legs par gzhug/ dbang gi las rnams 'grub par 'gyur// nim pa'i chu yis legs par bris// mA ra ya ni mtshams su dgod/ / lcags sam thod par yang dag gzhug/ 'phrin las thams cad 'grub par 'gyur// tsan dan dkar po dri zhim zhing // zhi bas de ni me la sreg/ 'bras bu dmar por bcas pa'i shing // rgyas pas de ni me la'o// dbang ni pa la sha yi shing // de la bsregs na khugs par 'gyur// nim pa'i shing la tshar gcad pa'i// bsreg pa 'phrin las 'grub par 'gyur// 'khor lo'i le'u ste bzhi pa'o/ / / de nas las kyi rim pa ni// dur ba'i rtsa dang 'bras kyi 'dab// til dang yungs kar ci ce la// gsang sngags bzlas na grub pa ni// nga li'i shing la legs bsregs nas/ / thams cad rab tu zhi bar 'gyur// ku sha star bu shug 'brum dang // stag pa'i me tog dmar po la// gsang sngags bzlas pa rab byas te// tsan dan shing la legs bsregs nas/ rgyas par bya ba'i las 'grub cing // nus pa'i mchog ni thob par 'gyur// pA la sha yi shing dag dang // khre dang ci tse mon sran la// gsang sngags bzlas pa rab byas te// pad+ma ka yi shing la bsregs/ / nus pa mchog ni thob par 'gyur// thams cad dbang du 'du par 'gyur// gro dang so ba 'bras dang ni// bra bo mon sran til nag po// gsang sngags rab tu bzlas byas te// kha ti ra yi shing la bsregs/ / nus pa ldan te las rnams ni// myur ba nyid du 'grub par 'gyur// pra ha kha tsha'i shing dag la// lo ma 'bras bur bcas pa dang // rdo rje'i shing la sngags bzlas nas// mya ngan 'tshang gi shing la bsregs/ / nus pa thob nas myur du ni// mi rnams thams cad dbang du sdud// ldong ros pad+ma'i rtsa ba dang // mu la pa tra'i shing dag la// gsang sngags rab tu bzlas byas nas// a ru ra yi shing la bsregs/ / 'khor lo'i 'og tu bcug pa'i sa// rgyal po dbang du byed par 'gyur// ba la sha yi shing dag la// ka ra wI ra 'bras dag la// gsang sngags rab tu bzlas byas nas// 'dzam bu'i shing la rab bsregs nas// ral gri'i 'og tu bcug nas ni// yul dbang yang ni dbang du 'gyur// tshe rabs brgya ru lon pa'i dus// mtshon gyis bsnun pa'i rus pa dag/ gsang sngags rab tu bzlas byas nas/ / skyer ba'i me la rab bsregs te// lcags kyu'i 'og tu rab bcug na// glang po dbang du 'gyur bar byed// ba le ta dang te le sha// kha ti ra dang d+ha ti ma// dur khrod shing la rab bsregs na/ / stag la sogs pa dbang du 'du// nas dang 'bras dang so ba dang // sman dang rin chen sna tshogs dang // maN+Dal zlum po legs byas te// rgyan rnams rdzogs pa'i sangs rgyas ni/ pad+ma chu shel las skyes pa'i// chu shel mdog dang 'dzum dang bcas// rdo rje skyil mo krung bcas bzhugs// ku sha'i stan la shar du 'dug/ pad+ma'i phyag rgya bcas pa yis// byams pa'i sems kyis dbul bar bya'o/ / nad dang rims dang 'brum bu dang // shu ba g.yan pa me dpal dang // nad dang gdon dang thams cad zlog/ mtshams med lnga dang mi dge lnga// 'bras bu sdug bsngal thams cad zlog/ me'i las kyi le'u ste lnga pa'o// / de nas rgyal pos 'jigs pa yi// maN+Dal dkar po legs byas la// tsan dan dkar po'i dris bsgos te/ mchod yon me tog bkang ba dang // ci 'byor pa yi mchod pa yis// rgyal po lta bu'i gzugs la mchod// sdig pa thams cad de mdun du// bshags nas myur du skyabs su 'gro// gro ga dag gam shin shul la/ rgyal po dag gi gzugs byas te// yig 'bru lnga yis btab pa yis// tshon sna lnga yis rab tu bcing // byams pa'i sems kyis chu bo la// bskur na rgyal po'i chad la thar/ / oM hUM trAM hrIHa sho na ha ri ma ka to// sa ra sa ra ka ra ka ra swA hA// gcan gzan 'jigs pa 'ong ba'i tshe// maN+Dal dkar po legs byas las la// me tog dkar pos rab tu gtor // mchod pa lnga yis rgyal po mchod// sdig bshags myur du skyabs su 'gro// 'bru sna lnga dang rin chen lnga// tshon sna lnga yi phur ma las// byas pa lus la btags pa la// gcan gzan su 'jigs thams cad las/ / myur ba nyid du grol bar 'gyur// chom rkun dag gis 'jigs pa la// rdo rje sngon po rdo rje can// mthing nags gnon phyag rgya can// mchod nas bdag nyid skyabs su 'gro// oM ak+Sho b+h+yaHta ka ka ra Na ga ra kha ti pa/ swa d+hi tsa kri ta ya/ ri ka tse tsa tra ti nA du dan+ta sa ra sa ra ka ra ka ra swA hA/ sbrul gyi gdug pas 'jigs pa la// bal po se 'u'i lUg ma la// bram ze'i gzugs kyi rgyan bsgoms nas/ / rin chen 'byung ldan skur bsgoms te// spyi bor mu tig byu ru dang // me shel pad+ma rA ga dang // in+d+ra nI la dung g.yas 'khyil// gser dang dngul dang ngur ba dang // rin chen rgyan dang 'bru snar bcas/ / ku sha gla rtsi tsan dan dang // bal lu skyer pa ut+pa la// gur gum dri zhim lus byugs la// oM rat+na saM b+ha ba// sa ti bi sha sa ra sa ra ka ra ka ra swA hA/ lce 'bab pa yi 'jigs pa la/ / stag dang 'brug gi rus pa la// 'khar ba'i phye ma lcags phye dang // zangs phye ra gan phye ma dang // gser gyi phye ma gro bar gtum// snang ba mtha' yas skur bsgoms te// byams pas phyogs mtshams kun tu bstan/ / dug rnams sna tshogs dud pas bdugs// oM a rmi ta badz+ra dz+wa la badz+ra dz+wa la/ gardza gardza/ sa ra sa ra/ ka ra ka ra swA hA/ me yi 'jigs pa dag la ni// 'brug rus sen da wa sha dang / / tal dang sA lu tsi tse dang // nas dang gro dang rgun 'brum gyi// thang phro ma dag la sngags btab ste// me yi phyogs su gtor bar bya// oM bai ro tsa na pra b+ha/ dzA la dz+wa la sar sa ra ka ra ka ra swA hA/ snum par snang mdzad skur bsgoms la// me la gtor na sa yis gsod// chu bo dag gis 'jigs pa la// mdze can pho mo'i thod pa yi// ra dang khyi dang phag gi khrag sa bdag sde brgyad gzugs dang bcas/ / nang du bcug ste chu bor dor// don yod grub pa'i sku rugs la// oM a mo g+ha sid d+hi/ oM ka bai tA ra Ni sa ra sa ra ka ra ka ra swA hA/ phyag stong spyan yang de bzhin te/ / thugs rje chen po'i kha dog ni// so sor gsal zhing bsgoms par bya// byams pa kun la rab tu blta// 'jig pa kun las grol bar 'gyur// 'jigs pa kun srung ba'i le'u ste drug pa'o/ / / sku gdung me tog dkar pos mchod// sa gzhi dri yis chag chag btab// snying po gzungs dang bcas pa 'am// khru gang tshad kyi mchod rten la// legs par bstod cing mchod par bgyi/ / stong nyid ye shes las byung ba'i// thugs rje'i gzugs kyi rten du shar// rdzu 'phrul tshad med bzhi dang ldan// byang chub phyogs ni yongs su rdzogs/ / dri med dung 'dra dkar po ste// rgyal chen bzhi yang de bzhin no// byang chub chen po'i mchod rten ni// khri 'phang bcu gsum tog dang ldan// lha yi rol mo char du 'bab// chos sgra rgyun mi 'chad pa'i gter/ / rin chen lnga yi bdag nyid de// phur bus gdab cing yongs su gzung // sangs rgyas kun gyi byin rlabs che// de yi bsod nams rab bstan pa// mtshams med lnga dang mi dge bcu// nyon mongs dbang gyur sdig pa rnams/ / skad cig tsam gyis dag par 'gyur// shin tu gtsang ba'i gnas dag ni// byams ldan snying rje can gyis byas// bram ze'i rigs las byung ba yi// 'dri mkhan snying rje can gyis byas/ / rang bsam rnam par dag pa yis// mdun du bdar te mchod par bya// tshad dang kha dog yongs gsal ba// yid du 'ong ba dag la'o// zas dang yid du 'ong ba yi// dkar gsum spags pa spangs pa yi/ / sha dang sgog pa la phug dang // zan dang chang ni shin tu spangs// shel 'phreng pad+ma'i snying po dang // bo d+hi tse dang mu tig shis// g.yal dang sbrid pa mi tshig gis// nam yang chod par mi bya'o// yo byad dam tshig bstan pa'i le'u ste bdun pa'o// // las rnams sna tshogs sgrub byed pa// po ti'am lugs ma ras ris la// brten nas bdag ni byams sems ldan// muM las 'phags pa 'jam dpal ni/ / dmar gser ut+pal po ti 'dzin// mnyam pa'i skyil mo krung gis bzhugs// bum pa kha dog ser po ni// rin chen lnga dang 'bru snar bcas// tad+ya thA/ oM d+ha ra d+ha ra/ d+hi ri d+hi ri/ d+hu ru d+hu ru/ in+ne baT+Te/ tsa le tsa le/ pra tsa le pra tsa le/ ku su me ku su me/ man da re/ mi li mi li/ tsi ti dz+wa la ma ba na ya swA hA/ lan bdun yongs su bzlas byas na// ga ti mug thams cad zhi bar 'gyur/ / shes rab chen po thob par 'gyur// ras ris mchod rten la rten nas// maN+Dal dri zhim me tog dmar// ka ra mngar gsum dag dang ni// 'bras dang til dkar yungs dkar dang // pad+ma'i rtsa ba dkar bopo la/ / ril bu rgya shug 'brum bu tsam// spyan ras gzigs kyi dbang phyug ni// hrIHlas byung ba'i sku mdog dkar// phyag na pad+ma mchod sbyin mdzad// sems dpa'i skyil mo krung gis bzhugs// dad+ya thA/ oM d+ha ra d+ha ra/ d+hi ri d+hi ri/ d+hu rba d+hA ru/ in+d+ra ban+di/ tsa le tsa le/ pra tsa le pra tsa le/ ku su me ku su me man da re/ i li mi li/ tsi ti dz+wa la ma pa na ya swAhA/ ril bu dag la sngags btab ste// byams pa'i sems dang ldan pas bza'/ / srid pa'i 'dod chags zhi gyur nas// rab tu bde ba thob par 'gyur// maN+Dal sngon po legs byas nas// ut+pal po sngon po nim pa dang // a ka ru dang tsan dan dang // dri yi chu yis bum pa dgang / / phyag na rdo rje gos sngon can// sku mdog ljang sngon cung zhig khro// rdo rje dril bu phyag na bsnams// sems dpa'i skyil mo krung gis bzhugs// tad+ya thA/ oM d+ha rad+ha ra/ d+hi ri ti ri/ d+hu ru dru ru in+d+ra ban+de/ tsa le tsa le/ pra tsa le pra tsa le/ ku su me ku su me mnad re/ i li mi li/ tsi ti dz+wa la ma ba na la swAhA/ b+h+rUM bskyed phyag na rdo rje ni// bum pa'i rgyu yis khrus byas nas// zhe sdang rab tu zhi nas ni/ / bzod pa chen po thob par 'gyur// dug rab tu zhi bar byed pa'i le'u ste brgyad pa'o// / ras sam grog shing shun la// 'khor lo rtsibs bzhi mu khyud bcas/ d+ha ra d+ha ra/ d+hi ri d+hi ri/ d+hu ru d+hu ru/ che ge mo la rak+Sha rak+Sha zhes pa'o// srung ba lus la gdags byas na// nad dang gdon dang rims dang ni// 'jigs za'i nad dang gdon las thar// bde ba yongs su rdzogs par 'gyur/ / skud pa dag ni dkar po la// mdud pa dag ni rab byas te// bdun nam nyi shu rtsa gcig gam// brgya rtsa brgyad ni legs bzlas nas// srung ba'i dam pa 'di byas na// srung ba yi ni dam pa 'dis/ / srung ba'i mchog tu 'gyur ba'o// mu tig rin chen byu ru gser// ga pur gur kum gla rtsi dang // a ka ru dang du ru ka/ phur ma snying khar gdags par bya// tsan dan gla rtsi gur kum dang gu gul nag po bsregs pa'i phye/ / ba yi 'o mas lde gu bya// gnas gsum dag tu byugs pas ni// gdon dang nad kyis 'jigs kun las// byugs pas de ni srung bar 'gyur// srung ba'i 'khor lo'i le'u ste dgu pa'o/ / / ser ba yongs su srung ba la// seng ldeng lhang ti'i phur bu la// gzungs sngags bzlas pa dbus su ni// hUM las byung ba'i sku bskyed do// phyogs bzhir khro bo chen po ni// shar du khams gsum rnam rgyal ni// sku mdog dkar po me dpung 'bar// rdo rje 'khor lo sdigs mdzub mdzad// oM pradz+nyAn+ta kr-ita ha na ha na hUM phaT// lho ru gshin rje gshed po ni/ / dmar po la ga na be con 'dzin// oM ya mAn+ta kr-ita tiSh+Tha tiSh+Tha hUM phaT/ nub tu rta mgrin dmar po ni// me dpung rdo rje dbyug pa 'dzin// oM ha ya grI ba hu lu hu lu hUM phaT/ byang du khro gnyer can sku ni/ / ljang sngon ral gri 'dzin pa ste// oM a mo g+ha ka b+h+r-i ku ti ban d+ha ban d+ha hUM phaT/ phyogs bzhir phur bu dag la ni// bdun nam nyi shu rtsa gcig bzlas// gcan gzan dri ma yungs kar bsres// gsang sngags bzlas shing mkha' la gtor// oM badz+ra kro d+ha hu lu hu lu/ tiSh+Tha tiSh+Tha/ ban d+ha ban d+ha/ ha na ha na hUM phaT/ ser ba srung ba'i le'u ste bcu pa'o// / de nas bcom ldan 'das kyis 'od zer rab tu bkye ste/ / phyag stong dang spyan stong las 'od zer 'byung ba 'di lta ste// dkar po dang / dmar po dang / nag po dang / ljang khu dang / ser po ste/ 'od zer de dag gis 'gro ba ris drug po de dag thams cad la khyab ste dbugs dbyung ba mdzad do/ / de nas rgya chen bzhi dang // sum cu rtsa gsum dang / 'thub bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa kun 'khor dang / tshangs pa mdun na 'don dang / tshangs pa chen po dang / 'od chen dang / tshad med 'od dang / 'od gsal dang / dge chung dang tshad med dge dang / dge rgyas dang / sprin med dang / bsod nams skyes dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min la sogs pa'i lha de dag gis mchod pa'i sprin gyi char phab nas/ lha'i bus tshigs su bcad pas bstod pa/ spyan ras gzigs dbang thugs rje'i sku// phyag stong nyon mongs grol ba'i phyag spyan stong shes rab 'od gsal te/ / 'gro don mdzad la phyag 'tshal bstod// ces bstod nas// bcom ldan 'das thugs rje chen po'i sku de mi snang bar 'gyur nas/ bcom ldan 'das shAkya thub par gyur to/ / de nas lha'i bus gsol pa/ 'di la phan yon ci zhes zhus pa dang / bcom ldan 'das kyis bka' stsal pa/ gang zhig rgyud 'di yid byed na/ nad dang rims dang gdon dang ni// rgyal po gcan gzan 'jigs pa dang / 'jigs pa kun las grol bar 'gyur// 'dod chags zhe sdang gti mug dang // mtshams med sdig pa mi dge kun// rab tu zhi bar byed par 'gyur/ dmyal ba ngan song sdug bsngal dang // mi khom brgyad las rnam grol te// nyan dang 'chad dang sgom par 'gyur// dri med nam mkha' dkyil lta bur// bcom ldan 'das kyang mthong bar 'gyur// zhes bka' stsal nas/ byang chub sems dpa' sems dpa' chen po 'phags pa spyan ras gzigs dbang phyug stan las langs te/ bcom ldan 'das kyi zhabs la spyi bos gtugs nas/ legs so/ legs so zhes bya ba gsungs nas stan la 'khod do// byang chub sems dpa' 'bum phrag lnga stong dang / lha dang / mi dang / lha ma yin du bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ / pad+ma cod pan zhes bya ba'i rgyud le'u bcu gcig pa rdzogs so// / paN+Di ta d+harma shrI mi tra dang / lo tsa ba chos kyi bzang pos bsgyur cing zhus te gtan la phab pa'o//