བོད་ཡིག

e-texts produced with BDRC’s OCR application

so/ / @rgya gar skad du/ shrI de bi kA li pra ma rA dza tan+ta ka li/ bod skad du/ dpal lha mo nag mo'i bstod pa rgyal po'i rgyud/ rig sngags dang gsang sngags kyi mngag bdag dpal phyag na rdo rje la phyag 'tshal lo/ / 'di skad bdag gis thos pa dus gcig na/ ri rab kyi rtse mo rtsub 'gyur gyi tshal chen po na/ bcom ldan 'das dpal drag po chen po phyag na rdo rje lus bskal pa'i me ltar 'bar ba/ srid pa gsum las rnam par rgyal ba/ nyi ma stong gi gzi brjid dang ldan nas bzhugs so// 'khor ni brgya byin dang / sha za dang / srin po dang / ma mo'i tshogs bye ba dung phyur gyis bskor te bzhugs so/ / de'i tshe na dpal phyag na rdo rje pad+ma'i gdan la gzhugs te bka' stsal pa/ nga'i 'khor du gtogs pa'i lha ma srin sde brgyad nyon cig/ 'dod pa'i khams 'di na bdud kyi yum/ gshin rje'i sring mo zhes bya ba rgyal tshab chen po sangs rgyas thams cad kyi bstan pa 'dzin pa zhig yod de/ khyed kyis de la mchod pa gyis shig/ bstod pa gyis shig/ ngas kyang khyed la byin gyis brlab bo zhes bka' stsal pa dang / 'khor kyigyi nang nas lha'i dbang po brgya byin stan las langs te/ dpal lha mo nag mo la dge ba bcu'i sgo nas bstod pa/ sngon 'das bskal pa dang po'i pha rol na// dge bcu'i las la sems rab cher spangs nas// lam gyi khyad par gong ma rab rdzogs kyang / / mtho ris skyes gnas rnams la dge bcu yi// tshul gyis don mdzad phyi rol bsgyur ba yi// dpal ldan lha mo khyod la phyag 'tshal bstod// 'das pa'i dus na srog gcod rab spangs pas// sku tshe ring zhing gzugs byed phun sum tshogs/ / gzhan gyi lan chags gnod pa'i rkyen dang ldan// 'chi bdag 'joms mdzad khyod la phyag 'tshal bstod// ma byin len pa'i tshul la rab spangs pas// bsod nams tshogs kyis longs spyod phun sum tshogs/ / gter gyi longs spyod mi 'grib rab brtan brnyes// sbyin pa'i gter 'chang khyod la phyag 'tshal bstod// mi tshangs spyod pa'i bka' rnams srung ba dang // mngal gyi grong khyer dman las rnam par 'phags/ / srid pa'i 'dod chags ring du spangs pa ste// dge sbyong chen mo khyod la phyag 'tshal bstod// nyon mongs brdzun tshig spangs pa'i rnam smin gyis// gsung gi dngos grub 'jig rten 'dul ba'i gtso// gsung mchog rnam dag brnyes pa'i rang bzhin te/ / bden par gsung ba khyod la phyag 'tshal bstod// phra ma'i skyon spangs mi phyed 'khor dang ldan// nyid la rnam par 'dul ba'i 'khor gyis bskor// lha dang lha min bden pas 'dul mdzad ma// dkar mo'i 'khor tshogs khyod la phyag 'tshal bstod// ngag 'khyal spangs pa'i yon tan sbyin pa yis// ting 'dzin rtse gcig mi g.yo bar chad spangs// dgos 'brel tshul gyis bstan pa skyong mdzad ma// byis pa 'dul mdzad khyod la phyag 'tshal bstod/ / nga rgyal khengs sems spangs pa'i yon tan gyis// zhi ba'i tshig 'jam lha mo dbyangs snyan ma// tshig rtsub gshe ba'i gnyen po byed pa ste// ngag rtsub 'dul mdzad khyod la phyag 'tshal bstod// rang sems brnab sems spangs pa'i khyad par ni/ / 'dzin pa'i rnam rtog rnam par spangs pa'i rtags// bdag med rtags su seng ges rna ba brgyan// brnab sems spangs pa khyod la phyag 'tshal bstod// gzung ba'i yul la gnod sems rnam par spangs/ / phyi rol yul 'di gnyis med chos su gzugs brnyan khyod// gang la gnod sems yang dag spangs pa'i rtags// sbrul gyi rna rgyan can la phyag 'tshal bstod// log par lta ba'i chos phyogs rnam spangs te// sangs rgyas chos las 'khrungs pa'i gzugs brnyan khyod/ / de lta rnam par dag pa'i ngang tshul can// spros bral don dam ston la phyag 'tshal bstod// 'jig rten 'di na las gnyis dag ma dag/ ma dag mi dge bcu las ngan song grub/ dag pa'i dge ba bcu las mtho ris grub// las 'di dge ba dang por rab sbyangs pas// gong nas gong ma'i sa la rab gnas kyang // dge bcu'i rtags ni dman pa'i zhing 'dir bstan// gdug pa'i tshul can 'gro ba 'dren mdzad ma/ / bstod par 'os pa khyod la phyag 'tshal bstod/ de nas dpal lha mo nag mo chen mo la/ gnod sbyin gyi rgyal po rnam thos sras kyis lam rnam pa lnga'i tshul gyis bstod pa/ dam pa rnams kyis bgrod pa'i khyad par ni/ / tshogs kyis sbyangs pa'i don dam mthong ba yis// gnyen po shes pa rim par sgom pa la// mthar phyin pa la gshegs pa'i don mchog lags// de bas lha mo khyod kyi mtshan nyid ni// 'di ltar rab ldan khyod kyi khyad par te// dang po'i tshogs las yang dag rab bsags pas// dang po sa las sbyor ba'i ting 'dzin brnyes// rab tu dga' ba'i sa la don dam ni// rnam par mi rtog skye med tshul gyis gzigs// dpal ldan byang chub sems dpa'i khyad par ni// rang sems sa gnyis dag la rab brten nas// de bzhin sa gsum dag pa'i pha rol son// rang sems bzhi pa'i sa la cher bsgoms pas// lnga pa'i sa la bsam gtan pha rol son// rang sems drug pa'i sal cher sbyangs pas// bdun pa la ni thabs kyi pha rol son// rang sems brgyad pa nyid la cher bsgoms pas// dpal ldan lha mo nag mo'i smon lam nyid// dgu pa la yang stobs kyi pha rol sgrub/ de yi stobs kyis ye shes 'phen par 'grub// 'di dag rnam par rdzogs par byas nas ni// sangs rgyas pa la smin pa'i smon lam can// sa brgyad non pas gzhon nu'i tshul 'chang ma// 'gro ba 'dul phyir drag mo'i tshul ston cing / gdug pa 'dul mdzad khyod la phyag 'tshal bstod// bdag kyang khyod kyi lam ltar myur 'grub shog/ de nas mi 'am ci'i rgyal po ljon pa rta mgo can gyis// dpal lha mo nag mo chen mo la gnyis su med pa'i sgo nas bstod pa/ dpal ldan lha mo gnyis su med pa ste// don dam spros bral chos nyid 'di las btsal// don dam kun rdzob gnyis su med pas bden// 'khor ba mya ngan gnyis su med pas zab// sems can sangs rgyas gnyis su med pas 'phags/ / las dang rnam smin gnyis su med pas bstod// rgyu dang 'bras bu gnyis su med pas smin// yul dang yul can gnyis med gcig gi ngang // spros dang spros med don dam dbyings kyis/ bsdus// bsod nams ye shes gnyis med tshogs chen te// mthong dang dam pa gnyis med dag pas bstod// bdag dang gzhan gyi chos ni ngang tshul gcig/ gzung dang 'dzin pa gnyis med zab mo'i mthu// mtho ris ngan song gnyis bral dag pa'i zhing / / bzang ngan gnyis med rang bzhin gcig gis bstod// bskyed med rdzogs pa gnyis med lhun grub mchog/ sems dang phung po gnyis med sems nyid de// sgrub dang bsgrub bya gnyis med grub pa'i ngang / / bdag gzhan gnyis med tshul mchog gcig gis bstod// yab dang yum mkha' gnyis med byang chub sems// thabs dang shes rab gnyis su med pa'i don// stong dang mi stong gnyis me zhi ba'i ngang // gyur dang 'gyur med rtsol bral phyag 'tshal bstod// sgra tshig gnyis med brjod pa med pa'i ngang // lus ngag gnyis med sems nyid gcis tshul// rtsol byed rtsol bya gnyis med don gcig pas// rnam par spros med don dam dbyings / kyis bskyod// mu stenas sangs rgyas gnyis med tshul gcig pas// dbyings dang rig pa gnyis med don rtogs te// srid dang rnam tshol yang dag don gcig pas// thams cad gnyis med skul phyag 'tshal bstod/ / phyi da nga nang med ti gcig gi dang // sems ldan sems med rnam dag ni ba'i tshul// snang dang mi snang gnyis med gcig gis mthong // gnyis med don mchog khyod la phyag 'tshal bstod// 'di dag rnams ni don dam zab mo'i tshul/ / spros pa med pa'i don dang 'brel ba ste// 'di rnams lha mo khyod kyi thugs la gsal// 'di ltar bstod pas bdag kyang khyod ltar shog/ de'i tshe de'i dus na dri za'i rgyal po phur phud lnga pas/ dpal lha mo la 'phrin las kyi sgo nas bstod pa/ sems nyid 'phrin las rnam bzhi'i khyad par ni// sems nyid gud na med cing sems kyang med// don dam spros bral kha dog gzugs kyang med/ / kun rdzob sgyu ma tsam du rang gi sems// 'thun par bstan pa'i zhib dpal lha mo// zhi mdzad zhi 'gyur zhi ba'i ngang tshul can// zhi ba'i 'khor gyis bskor ba'i gtso mo ni// rtags kyi sku mdog dkar mo shin tu ma dang // kun tu zhi mdzad khyed la phyag 'tshal bstod// bdag gi dgra dang nad rnams zhi bar mdzod// mthun par bstan pa'i rgyas pa'i dpal lha mo// rgyas mdzad rgyas 'gyur rgyas pa'i ngang tshul can// rgyas pa'i 'khor gyis bskor ba'i gtso mo ni/ / rtags kyi sku mdog ser mo shin tu brjid// kun tu rgyas mdzad ma la phyag 'tshal bstod// bdag gi bsod nams ye shes rgyas par mdzad// mthun par bstan pa'i dbang gi dpal lha mo/ / dbang mdzad dbang sgyur dbang gi ngang tshul can// dbang gi 'khor gyis bskor ba'i gtso mo ni// rtags kyi sku mdog dmar po shin tu brjid// kun tu dbang mdzad khyod la phyag 'tshal bstod/ bdag gi nad dang dgra rnams dbang du mdzod// mthun par bstan pa'i drag po dpal lha mo// drag mdzad drag 'gyur drag mo'i ngang tshul can// drag mo'i 'khor gyis bskor ba'i gtso mo ni// rtags kyi sku mdog nag mo shin tu brjid/ / kun tu drag mdzad khyod la phyag 'tshal bstod// bdag gi nad dang dgra rnams drag pos sod// khyod kyi rang bzhin cir yang ma grub la// ji ltar 'dzin nyid cir yang snang ba ni/ / 'phrin las rnam bzhis 'gro don mdzad pa lags// bdag kyang las bzhi rang bzhin lhun grub nas// khyod ltar gzhan gyi don la brtson par shog// de nas dpal lha mo nag mo la/ klu'i rgyal po dga' bos sku'i yon tan gyi sgo nas bstod pa/ gsang sngags rnal 'byor grub pa'i bdag nyid ma// yon tan rnams kyi sku mdog phyag mtshan ni// don du snang ba med kyang gdul bya'i phyir// rtags kyi phyag rgya 'di ltar bstan pa'o/ / khams gsum gdul phyir gdan du bong bu zhon// mya ngan mi 'da'i rtags su lcags sgrog mnga'// bdag don lhun grub glang chen ko bas brgyan// gzhan don phun sum tshogs phyir re ldes dkris// byang chub sems ldan spyi gtsug zla rgyas gsal// shes rab rtogs phyir lte ba nyi mas brgyan// dug gsum sdong po gcod pa'i ral gri dang // bsod nams gter gyi phyag mtshan me bu le bsnams// dbang drag rdzogs phyir ral pa lam nag sprug/ nyon mongs 'dren phyir rno dpal mche ba gtsigs// 'khor ba ljags la bstar phyir dkan sgra bdebs// gdug pa zhe la gnon phyir sdang mig bgrang // thams cad dbang du sdud phyir spyan rtsa dmar// snyoms po'i tshogs mchog mi 'gyur sku mdog gnag/ ma mo 'dul phyir dur khrod rgyan gyis brgyan// sku gsung thugs rtags phyag rgya khadzAgasor// sku gsum rdzogs byed thod pa'i 'phreng bas brgyan/ / drag po myur mgyogs bstan phyir chub mas brgyan// nyon mongs sreg phyir me phung nang na bzhugs// 'dod khams bskyang phyir yongs 'dre shing la brten// lha min 'dul phyir rdzong gi dka' bzlog ma// dpa' brtan brtan phyir stag gi sham thabs mnapas// bstan pa srung phyir drag mo'i cha lugs rdzogs// nga rgyal dbang sdud bdag med sgra sgrogs phyir// thabs kyi snyan cha g.yas pa seng ges brgyan/ / zhe sdang dbang 'dul dug chen 'dul ba'i phyir// shes rab snyan cha g.yon pa sbrul gyis brgyan// 'du byed mi rtag rtags su dril bu sgrogs// chags phyir rnga ma mdzad rak+ta'i rba glong 'thung / / dam tshig srung phyir zhing lpags rgyan du mdzad// tha dad las rnams 'dul phyir rma bya'i 'phrul// nyon mongs sgrib pa'i tshogs rnams rab sbyangs nas// ye shes rig pa'i tshogs rnams shar ba'i phyir/ / rang bzhin gnas mchog byang shar mtshams na brtan// dbu ma'i sa la gnas phyir dre'u zhon// nyon mongs gdug pa 'dul phyir mi yi tshul// mkha' 'gro ma mo khyod la phyag 'tshal bstod// / de nas grul bum gyi rgyal po sbrul mgo dgu pas/ / dpal lha mo la sku gsung thugs kyi sgo nas bstod pa/ dom dam gnyis med byang chub sems yin yang // srid gsum gdul phyir rtags kyi phyag rgya ni// rang sems rnam dag drag po'i gzhal yas khang / / rak+ta khrag gi rgya mtsho 'khyil pa las// keng rus thod 'phreng zhing gi rgyan dang ldan// sku mdog gnag la rab 'jigs khro mo rgyal// sngon mo ral pa 'dzings pa'i sprul 'gyed pa// sku yi sprul ba dpal ldan na ma Ti/ / gru gsum ser nag zhal gyi dbyings su bzhengs// yon tan rgyas mdzad ser mo mkha' la bzhad// 'phrin las rgyas pa thams cad nye bar mdzod// gsung gi sprul pa dpal ldan re ma to// gru gsum dmar nag zhal gyi dbyings nas bzhengs// dmar mo chen mo dmar chen gtum ma ste// dbang gi 'phrin las thams cad grub par mdzod// sku gsung thugs ldan sprul pa rgya mtsho ma// drag po 'joms mdzad bdud dpung zil gyis gnon/ / 'gro drug sgrol mdzad sems can kun gyi ma// bstan pa rgyas mdzad ma la phyag 'tshal bstod// bdag gi lus ngag yid gsum byin gyis rlobs// / de nas dpal lha mo la/ lha ma yin gyi rgyal po thag bzangs ris kyis don dam pa'i sgo nas bstod pa/ spros bral 'od gsal yang dag zhi ba'i ngang // thugs kyi thugs mchog rnam dag bden pa'i yum// gdod nas gnyis med nam mkha'i snying po ni/ / dpal ldan khyod kyi rang bzhin khyad par gsal// 'di ltar rnam dag brjod med ngo bo la// byis pa rnams kyi bstod pa byed pa lhung // blun po rnams kyis dngos por rab brtags nas// gzugs can tshul du gang zhig bstod pa'i tshig/ rgyal ba'i don yangs thugs chung khyod nyid la// tshig dang yi ge'i sgo nas bstod pa rnams// nams kyang grol bar 'gyur ba'i chos nyid min// gdod nas gnyis med bde chen ma gtogs par/ / khyod kyi smon lam brtags kyi cho 'phrul la// don du bzung nas gang zhig bstod pa rnams// khyod la brten nas thams cad btub par 'gyur// gang zhig skye ba med par shes pa dang / / gdod nas gnyis med snying po bsgom nus na// gang zag des ni khyod nyid bstod pa yin// khyod kyi gzugs dang kha dog 'dzin pa yis// bskal pa grangs med 'das par rab bltas kyang // khyod kyi gzugs dang kha dog mthong mi nus/ / gang zhig gzugs su mi 'dzin rnams kyis mthong // sgra dang tshig dang brjod pa thams cad kyis// khyod ni bos kyang bskal par mi thos te// 'di dag spangs pa'i rnal 'byor de yis ni/ / khyod kyang bos la de yang khyod kyis thos// gang zhig lus ngag dge bas khyod sgrub pa'i// blun po de yis nams kyang khyod nyid spangs// lus ngag spangs pa'i sems kyis khyod mchod nas// mchod na dngos grub de yis gter thob 'gyur/ / khyod ni rgyal ba mang po'i yon tan sdud// chos kyi dbyings na rgyal ba rnams dang mo la// zab mo dbu ma'i rang bzhin ston pa'i phyir// mi mjed 'jig rten shin tu rtsub pa 'dir// phyi rol tshul gyis thams cad 'dren mdzad ma// khyod kyi sku ni 'di ltar rab brtags pa// sgrib pa mang po stong nyid ngang du gshegs// stong nyid dam pa stong pa yang dag khyod// stong pa gnyis med shes pa rnams kyis bstod/ / 'di ltar bstod na bstod par 'gyur grangs pas// khyod ni bstod pa'i yul can ma yin yang // byis pa drang phyir don la 'di ltar bstod// de nas nam mkha' lding gi rgyal po rdo rje gser mig can gyis/ / dpal lha mo la bstod pa/ dpal ldan lha mo dpag par dka' ba'i don// thabs kyi cho 'phrul nam mkha'i mkha' la spyod// byang chub sems dpa'i sprul pa khyod nyid la// sgo gsum rdul snyed dbyangs kyis phyag 'tshal bstod/ / bdag gis khyod ni mchod pas ma bsgribs kyang // dpal ldan dngos grub dam pa thob bya'i phyir// 'dod pa'i yon tan mkha' la char babs pas// mchod pa'i tshogs 'dis dbang po rgyal gyur cig/ dpal ldan khyod ni dge sdig padag po ste// bdag gi lus ngag yid kyi sdig pa'i tshogs// khyod kyi thad du 'gyod pas rab bshags na// thugs rje'i shugs kyis sgrib pa byang bar mdzod/ / khyod kyi khyad par yongs su 'phags pa ni// 'gro ba'i don mdzad bdag don phun sum tshogs// dga' bathun phrag dog med pa'i spros pa ni// rjes su yi rang khyod kyi rgyud la 'bul// 'di ltar yon tan ldan pa'i sku mchog ni/ / nag mo bzang mo 'jigs pa'i mthu stobs kyis// phyogs bcu'i dus gsum kun tu 'gro don la// sgyu 'phrul dra ba'i tshul gyis bskul par spobs// yang dag khyod kyi yon tan sku mchog ni/ / gdug pa 'dul zhing bstan pa bsrung ba'i phyir// sems can zad par ma gyur bar du ni// mya ngan mi 'da' bzhugs par gsol ba gdab// 'di ltar phyag 'tshal mchod nas bshags pa dang / rjes su yi rangs bskul zhing gsol btab nas// dge ba 'di yis ngan song stongs gyur te// thams cad tshogs rdzogs byang chub chen por bsngo// de nas dpal ldan b+ha mo nag mo la/ nam mkha'i lha bran rnams kyis bstod pa/ bskal pa me ltar ba ba ra ba'i glong dkyil na// rlung nag dgu pa'i glong 'khyil pho brang nas// ma cig 'dod pa'i khams kyi dbang phyug ma// bdud kyi yum pa gshin rje'i lcam gcig ma/ / dpal ldan lha mo re ma ti// nag mo za byed rngam pa'i mche ba can// mthing nag gcer bu khrag gi ral pa can// khyod kyi sku mdog nag mor bzhugs pa ni// don dam dbyings kyi spyod pa med pa'i rtags/ / dbu sgra g.yas nas g.yon du 'khyil ba ni// yul gyi mkha' la sprul pa 'gyed pa'i rtags// dbu gtsug ral pa gcig tu 'khyil ba ni// don dam dgongs spyod gcig tu mdzad pa'i rtags/ / ral pa'i gse ba nas me stag 'phro ba ni// thugs kyi sprul pa phyogs bcur 'gyed pa'i rtags// dbu la thod rlon 'phreng ba bcings pa ni// thugs rje'i sbrul skus 'gro don mdzad pa'i rtags// gay+Ya na seng ge bgying zhing mchod pa ni/ / sman mo thams cad zil gyis gnon pa'i rtags// g.yon na sbrul mgo'i gdengs ka 'phyar ba ni// zhe sdar ma spangs dbyings su dag pa'i rtags// snyun cha gser gyi dril bu 'khrol ba / / sangs rgyas kun la bsnyen sgrub byed pa'i rtags// spyan rtsa dmar la sdang mig bgrad pa ni// srid gsum rnal 'byor dam tshig gzigs pa'i rtags// zhal gyi drag po hom khung gdengs pa ni// bstan pa 'jig pa'i ru tra sgrol ba'i rtags/ / rnog dug mche ba zur gsum gtsigs pa ni// bsgral ba'i zhing bcus pa sgrol ba'i rtags// skul zhing spags g.yang gzhi gsol ba ni/ yang dag chos dang don dam ldan pa'i rtags// glang chen ko rlon snams phyed dkris pa ni// theg pa mchog gi don dang ldan pa'i rtags// re lde nag pos snams phyed dkris pa ni// 'jig rten 'di na che btsan ldan pa'i rtags/ / lte ba'i khung nas nyi ma 'char ba ni// sdug bsngal rgya mtsho gting nas skems pa'i rtags// spyi bo'i gtsug nas zla ba 'char ba ni// dug gsum ma rig mun pa sel ba'i rtags// zhabs la dbang gi lcags sgrog 'khril ba ni/ / thabs dang shes rab zung du 'brel ba'i rtags// phyag g.yas shang lang nag po bsnams pa ni// sdug bsngal skye shi rtsad nas gcod pa'i rtags// phyag g.yon thod rlon dmar chen 'thung ba ni/ / 'khor ba'i sdug bsngal khrag ltar 'thung ba'i rtags// bong bu gA pa phyin phyogs zhon pa ni// log par lta ba'i sems can sgrol ba'i rtags// srin po'i og mas snga ru byas pa ni// srin yul lang ka bu rangs 'dul ba'i rtags/ / sbrul nag chun pos gong rmed byas pa ni// zhe sdang dbang gis dgra bgegs 'joms pa'i rtags// rus sbal nag po'i phob bu btang ba ni// klu bdud nag po dam la btags pa'i rtags/ / snga sha g.yas pa bdud kyi khram bam ni// dam tshig nyams pa khram la 'debs pa'i rtags// phyi shar nad kyi rgyal ba btags pa ni// bstan pa 'di la gnod pa'i dgra bo la// nad ka 'bebs shing dal kha bsgyur ba'i rtags/ / don dam bcud kyi rtags su zhag gi zo ris btang // thugs rje chags pa'i rtags su rak+ta'i thig les brgyan// 'dul byed 'phrin las rtags su thal ba'i mtshan mas gdag/ ma mo 'bum phrag bran du khol ba ni// khams gsum khyab par 'phrin las mdzad pa'i rtags// ma cig kha nas me 'bar rgya mtsho skems// rdo rje 'phyar bas ri rab tshogs por 'phen// bdag gis btsun par lha mo khyod la bstod// de nas yang gshin rje nag pos dpal lha mo la che ba'i yon tan gyi sgo nas bstod pa/ lha mo dpal ldan mkha' 'gro nag mo khyod la ni// rgyun du til mar gyis byugs lan bu gcig ma ste/ / ro nyarna chas bsgyings shing cha lugs mang po 'chang byed ma// rgyan du rkang sgrog lcags la byas pa gcig gis rkang pa mdzes par brgyan pa ste// mtshan mo bong bu zhon nas 'gro ba de ni nag mo khyod nyid yin par shes/ / ral pas bdag nyid mdzes par brgyan te khyod kyi spyod pa mtsho chen don dge su yis shes// 'khor ba 'jig pa'i tshe na mi rus dag la khrag dang zhag 'dzag du ba 'thul ba na// nag mo mche ba mi bzad khyod kyi zhal du 'gro kun skad cig tsam du zhugs par 'gyur// lha mo lag na mi thod thogs pa khyod ni rnal 'byor grub pa'i rnal 'byor can du dur khrod dgyes// khyod ni g.yog bcas mya ngan med cing 'chi ba'i 'jigs pa med par dril bu'i sgra yang sgrogs/ / khyod ni dba' bo dag gi mgo bcad g.yul du mtshon gyis bsad pa yi// mgo 'phreng lag na thogs shing gar stabs bskor zhing lag pa brkyang bskum che/ / nub tshos che la klu dbang gshibs pa'i ska rags bcings shing lag na mdung dang ni// ba dan thogs shing khrag gi chang gis ra ro myos te mig rtsa dmar por byas// mtshan mo dur khrod rgyu ba'i lha mo khyod ni 'byung po phal chen kun gyis mthong / / rkang pa'i gos ni kau rlon mtshan pas drangs pas snams kyi phyed ni re ldes dkris// mi yi rgyu ma gsar pas zhal gyi zla ba brgyan cing khrag zhag tshom bus thig ler brgyan// mi sha so sar che ma che ma za yin mi ro'i cod pan mgo la brgyan pa ste/ / bdag la skyob pa'i drag mo mi sha thogs khyod snga nas ma mthong gzod mthong na// bdud dang srin mo ma mo rnams kyang mig rtsa rig rig sngangs shing khyod la 'dud// lha mo bzang mo lus mdog gnag cing bzod par dka' ba khyod la ni// brgya byin sogs kyis bstod pa byed pa'i gshin rje'i rgyal po nyid kyang rtag tu 'dud// lha rnams dang ni 'gro ba ma lus pa rnams 'jug phyir rab brtul bas na rna ba ya gcig la/ / brang gis 'gro ba sbrul mgo gdengs ka stong dang ldan zhing phud sgrogs gcig gis brgyan nas rgyan du byas// ya gcig la ni seng ge mtshungs med thogs shing rgya mtsho bskor zhing sa gzhi gnon pa'i steng gi ni/ / phyogs nas rgyu ba'i nyi ma zla ba lha mo khyod kyi rked nas 'char zhing srid gsum zil gyis gnon// rgya mtsho glong nas me 'bar chu rnams skems par byed par nus pa'i bud med thams cad zhi mdzad ma/ / lha chen sku dang 'tsham par bzhugs pa'i dka' bzlog nag mo mi nad phyugs nad kun la 'jigs pa med// ma cig dpal ldan lha mo khyod nyid la ni bdag ni gus par phyag 'tshal mchod cing bstod par bgyis/ de nas dpal ldan lha mo nag mo la/ bram ze mchog sred kyis kun rdzob kyi bden pa brten par bstod pa/ ma cig lha mo dpal lha mo// rdo rje lha mo nag mo che/ mthu chen khyod la phyag 'tshal bstod// bdag gis btsun par khyod bstod kyis// bkra shis mchog grub sems gter gnas// yid myur gzugs chen kun tu grags// ma mor grags shing 'jig rten skyong // dpa' rtul drag spyod brtson 'grus che// 'thab mo g.yul las rtag tu rgyal// gshin rje'i sring mo yin par bstod// gos su dar gos sngon po gsol// sdug dang mi sdug cha lugs 'chang // spyan mig mthong na mi sdug kun tu sdang / / dad cing tshogs pa'i mi rnams sdud// re 'ga' ri brag zab mor gnas// re 'gab tshal dang shing la gnas// re 'ga' dur khrod dbus na gnas// lha mo'i gnas rten de ru 'cha'// gnas de ri dang tshal dgon du/ / rtag tu lha mo khyod bstod na// de yi dgongs pa skong bar byed// bdag gis rtag tu bstod byas na// bdag gi bsam pa grub par mdzod// rma bya'i sgro la rgyal mtshan byas// gang zhig rtag bsten srung bar byed/ / gnag yug phyugs rnams 'phel bar byed// seng ge stag dang spyang ki yis// rtag tu kun nas bskor nas kyang // rdo rje dril chen snyan par sgrogs// byin te dril chen snyan par sgrogs// na 'ga' lag na tri shU la thogs// lan bga' nyi zla'i ru mtshon 'phyar// mar gyi tshes dgu bcu gcig na// de yis dus su mchod byas na// lha mo khyod las lhag pa med// bdud 'dul lha min srin mor ston// dgra dang 'thab tshe rgyal bar byed/ / bud med nang na mchog yin te// tshig dbang 'jig rten mgon po 'dra// rgyal po'i khab na pad+ma 'dra// zhal bzang zla ba nya ba 'dra// chu la rgal na klu zam 'dra// 'phongs po rnams kyi genyen pa shes 'dra/ / lha dang lha min g.yul babyed tshe// lha mo khyod kyi sde ba la// lha rnams kun gyi rdzong bcas nas// lha dmag dkar po rgyal bar byas// lha ma yin rnams pham par byed// lag na mdung dmar chems se chem/ / ru mtshon ba dan me ltar 'bar// dgra 'dul g.yul bzlog khyed la bstod// / de nas drang srong chen po ko'u di n+yas/ dpal lha mo la dpe byad kyi sgo nas bstod pa/ 'jig rten gtso la rtag tu gus phyag 'tshal/ / ma rnams nang na khyod ni rtag tu mchog yin te// 'jig rten gsum po thams cad khyod la bstod// byad bzhin sdug mdzes kun gyis blta bar mos// yon tan rnam pa sna tshogs lus rab brgyan/ / mig yangs 'dam skyes sngon po'i 'dab ma 'dra// bsod nams ye shes snang ba grags pas brgyan// dper na rin thang med pa'i nor bu 'dra// dang bdag pad+mo khyod la bsngags pas kyang // sems la bsams pa thams cad 'grub par 'gyur/ / yang dag ye shes gya nom bkra shis pa// pad+ma lta bur shin tu rnam par dag/ lus mdog rab mdzes kun gyis blta bar mos// mtshan ma yon tan rnam pa sna tshogs brgyan// dri med ye shes kun nas rab mdzes pa// dran pa rnams kyi nang nas mchog tu gyur// ji ltar seng ge gcan gzan mchog gyur bzhin// sngags bstod tshig ni 'di las 'byung ba yin// bsam pa'i dngos po thams cad 'grub par shog/ ces bstod do// / de nas dpal phyag na rdo rjes 'dus pa rnams la bka' stsal pa/ khyed kyis dpal lha mo la bstod pa legs so// da yang bstod pa 'di dag gi don sgoms shig/ yid la rtag tu zlos shig/ lha mo 'di la bstod pa ni nga la bstod pa yin no// sangs rgyas thams cad la bstod pa yin no// lha mo de dag kyang mi 'di srung bar byed do// skyob par byed do/ / ci 'dod pa'i dngos grub ster ro zhes bka' stsal pa dang / 'khor de rnams rab tu dga' nas/ bcom ldan 'das phyag na rdo rje la rgyan gyi char chen po phab nas so so'i gnas su 'khod do// bstod bapa'i rgyal po'i rgyud rdzogs so/ / rgya gar skad du/ shrI de wi kA li aSh+Ta sha ta ka/ bod skad du/ dpal lha mo nag mo'i mtshan brgya rtsa brgyad pa/