བོད་ཡིག

e-texts produced with BDRC’s OCR application

/ rgya gar skad du/ Ar+ya nai rad mya pa r-i prats+tsha nA ma ma hA yA na sU tra/ bod skad du/ 'phags pa bdag med pa dris pa zhes bya ba theg pa chen po'i mdo sangs rgyas dang byang chub sems dpa' thams cad la phyag 'tshal lo/ / de nas dmigs pa'i lta ba can rnam par rtog pa dang bcas shing / rnam par spyod pa dang bcas pa'i mu stegs pa de rnams theg pa chen po'i nang du song ste/ zhes dang bcas shing thal mo sbyar nas/ bdag med pa'i dri ba dag yongs su dris pa/ rigs kyi bu thams cad mkhyen pas ni lus la bdag med do zhes gsungs la/ gal te lus la yang dag par bdag med na/ ji ltar de las rtse ba dang / rgod pa dang / ngu ba dang / rol pa dang / khro ba dang / nga rgyal dang / phrag dog dang / phra ma la sogs kun tu 'byung bar 'gyur/ ci lus la yang dag par na bdag yod dam med pa yin/ bdag cag gi the tsom de dag khyed kyi bsal ba'i rigs so/ / theg pa chen po rnams kyis smras pa/ grogs po dag lus la ni bdag yang dag par yod do zhe'am/ med do zhes gnyis kar yang 'dir brjod par mi bya ste/ yang dag par yod do zhes brjod pa na/ med do zhes brjod pa ni log par smra ba'o// gal te yod na ji ltar na/ de sgra dang / sen mo dang / pags pa dang / mgo bo dang / sha dang / rus pa dang / rkang dang / zil dang / rgyus pa dang / mchin pa dang / rgyu ma dang / ming pa dang / lag pa dang / rkang pa dang / yan lag dang / nying lag la sogs pa lus thams cad kyi phyi dang nang du bcas pa la rnam par brtags na/ bdag yang dag par mi snang ngo // mu stegs pa rnams kyis smras pa/ lha'i mig dang ldan pa 'ga' zhig gis mthong gis/ bdag cag rnams ni sha'i mig can yin pas bdag yang dag par ji ltar mthong / theg pa chen po pa rnams kyis spras pa/ lha'i mig dang ldan pa rnams kyis kyang mi mthong ste/ gang la kha dog med pa dang / gzugs med pa dang / dbyibs med pa de ji ltar mthong bar 'gyur/ mu stegs pa rnams kyis smras pa/ ci med pa yin nam/ theg pa chen po pa rnams kyis smras pa/ med do zhes brjod pa na/ yod do zhes brjod pa ni log par smra ba'o// gal te med na ji ltar 'di mngon sum du yod par rtse ba dang / rgod pa dang / ngu ba dang / rol pa dang / khro ba dang / nga rgyal dang / phrag dog dang / phra ma la sogs pa kun tu 'byung bar 'gyur/ de bas na med do zhes brjod par yang mi nus te/ yod dam med ces gang 'di 'di ltar brjod par mi bya ste/ nyes pa 'di yod pas na yod pa'o zhe 'am/ med pa'o zhes brjod par mi bya'o// mu stegs pa rnams kyis smras pa/ 'o na 'dir gang zhig dmigs par gyur/ theg pa chen po pa rnams kyis smras pa/ dmigs par gyur na ci'ang med do// mu stegs pa rnams kyis smras pa/ ci nam mkha' ltar stong pa nyid yin nam/ theg pa chen po pa rnams kyis spras pa/ grogs po dag de de bzhin te/ nam mkha' ltar stong pa nyid yin no// mu stegs pa rnams kyis smras pa/ gal te de ltar yin na/ rtse ba dang / rgod pa dang / ngu ba dang / rol pa dang / khro ba dang / de rgyal dang / phrag dog dang / phra ma la sogs pa ji ltar blta/ theg pa chen po pa rnams kyis smras pa/ sgyu ma dang / rmi lam dang / mig 'phrul dang 'dra ba nyid yin no/ / mu stegs pa rnams kyis smras pa/ sgyu ma ni ji lta bu lags/ rmi lam dang mig 'phrul ni ji lta bu lags/ theg pa chen po pa rnams kyis smras pa sgyu ma ni mtshon pa tsam mo/ / rmi lam ni so sor snang ba tsam ste/ gzung bar bya ba ma yin zhing rang bzhin gyis stong pa/ yod pa ma yin pa'i ngo bo nyid do// mig 'phrul ni ji lta bu rtsom pa tsam du dgos pa'o/ / grogs po dag de de bzhin te/ dngos po ji snyed pa thams cad ni sgyu ma dang / rmi lam dang / mig 'phrul dang 'dra bar shes par bya'o// gzhan yang kun rdzob dang / don dam pa dag bstan par bya ste/ de la kun rdzob ces bya ba ni 'di bdag go// 'di ni gzhan no zhes bya ba dang / srog dang / skyes bu dang / gang zag dang / byed pa po dang / tshor ba po dang / nor dang / bu dang / chung ma dang / mdza' bshes dang / nye du la sogs par rtogs pa de ni kun rdzob ces bya'o// gang la bdag med pa dang / gzhan med pa dang / srog med pa dang / skyes bu med pa dang / gang zag med pa dang / byed pa po med pa dang / tshor ba po med pa dang / nor med pa dang / bu med pa dang / chung ma med ba dang / mdza' bshes med pa dang / nye du la sogs pa med pa de ni don dam pa zhes bya'o// gang la rang bzhin gyis dngos po thams cad du yongs su brtags shing dge ba dang / mi dge/ ba'i 'bras bu dang / skye ba dang / 'gag pa ni kun rdzob bo// dge ba med pa dang / mi dge ba'i 'bras bu med pa dang / skye ba med pa dang / 'gag pa med pa de bzhin nyid kyi ngo bo nyid de la ni kun nas nyon mongs pa dang / rnam par byang ba med do// de ni dbu ma'i chos rnams kyi sgrub pa lhur len pa'o// de la 'di skad ces bya ste/ kun rdzob dang ni don dam ste/ dbye ba gnyis su yang dag bshad// kun rdzob 'jig rten pa yi chos// don dam 'jig rten 'das pa'o// kun rdzob chos la zhugs pa yi// sems can nyon mongs dbang du 'gro// don dam yongs su ma shes pas// 'khor bar yun ring 'khor bar 'gyur// kun rdzob 'jig rten chos rnams la// mi mkhas pa dag rtog par byed// kun tu rtog pa de yis ni// sdug bsngal nyams su myong bar 'gyur/ / ji ltar so sor skye bo yi// byis pas grol lam mi shes pas// mi bzad pa yi sdug bsngal dang // mang po rjes su myong bar 'gyur// gang du srid pa 'gag 'gyur ba'i/ / don dam dag ni mi shes pas// skye ba dang ni 'gag 'gyur zhing // skye med 'gro dang 'ong bar 'gyur// 'jig rten chos la gnas pa yi// blun po 'khor/ ba bzhin du 'khor// sdug bsngal gnas can 'khor ba 'dir// yang dang yang du 'khor bar 'gyur// ji ltar nyi ma tha ba dag/ slar yang 'ong zhing 'gro bar byed/ bzhin srid par 'pho ba na// slar yang 'ong dang 'gro bar 'gyur// 'khor ba thams cad mi rtag cing // mi brtan skad cig 'jig pa nyid// de bas don dam shes pa yis// kun rdzob bden pa'i gnas spang ngo / / mtho rigs gnas nas lha rnams dang // dri za lha mi rnams kyang ni// kun la 'pho ba yod gyur pa// kun kyang kun rdzob 'bras bu yin// grub dang rig 'dzin gnod sbyin dang / / dri za dang ni lto 'phye rnams// slar yang dmyal bar 'gro 'gyur ba// kun kyang kun rdzob 'bras bu yin// gang zhig brtson drag lha rnams dang // yon tan dbyung gnas la gnas gang / / mtho ris las 'pho ltung 'gyur ba// thams cad kun rdzob 'bras bu yin// brgya byin 'khor los sgyur nyid de// gang gis dam pa'i gnas thob nas// slar yang byol song skye gnas 'jug/ thams cad kun rdzob 'bras bu yini// de bas mtho ris lha rnams kyi// bden pa bzang po kun spangs la// byang chub sems ni 'od gsal ba// rnal 'byor pas ni rtag tu bsgom// dngos po med cing dmigs su med// thams cad stong pa gnas med pa// spros pa rnams las yang dag 'das// byang chub sems dpa'i mtshan nyid yin/ / sgrub ma yin 'jam pa min// dro ba ma yin grang ba min// de na reg min gzung bya mni// byang chub sems kyi mtshan nyid yin// ring po ma yin thung ba min// zlum po ma yin gru gsum min/ / phra ba ma yin sdom pa min// byang chub sems kyi mtshan nyid yon// bsgom rnams las rnam 'das shing // mu stegs rnams kyi spyod yul min// shes rab pha rol phyin sbyor ba// byang chub kyi ni mtshan nyid yin// dpe med bsgom du med pa dang // mthong min gnas kyang mchog gyur la// rang bzhin gyis ni rnam dag pa// byang chub sems kyi mtshan nyid yin// thams cad dbu ba lta bu ste// chu bur lta bur snying po med// rtag pa ma yin bdag med pa// sgyu ma smig rgyu dag dang mtshungs// gong bu bzhi ni du bsdus gyur pa/ / spros pa rnams kyis yongs su grang // 'dod chags zhe sdang la sogs ltar// de ni sgyu mtshungs 'ba' zhig yin// ji ltar nang na thig le ni// skad cig del mi mthong ste/ / shes rab pha rol phyin mthong na// de bzhin blo ni 'dus ma byas// rtag tu rgod cing rtse ba dang // smra zhing glu dang rol mo dang // gzhi la sogs pa'i bde ba rnams de dag thams cad rmi lam mtshungs/ / lus can kun gyis 'dus byas pa// 'di kun rmi lam dang mtshungs la// rmi lam sems kyi kun rtog ste// sems kyang nam mkha' lta bu yin/ / gang zhig tshul 'di rtag sgom pa// shes rab pha rol phyin pa'i tshul// gang zhig 'di ni rtag sgom pa// dngos po kun las lus grol nas// go 'phang mchog ni thob par 'gyur/ / bla na med pa'i byang chub gang // sangs rgyas kun gyis rnam bsgoms pa// bsgoms dang bcas pas 'dzin na ni// theg chen 'bras bu 'thob par 'gyur// 'phags pa bdag med pa dri ba zhes bya ba theg pa chen po'i mdo rdzogs so// // rgya'i skad du/ kwan byi log pos zhong she te'u shwang then kyeng