| Wylie | e-texts produced with BDRC’s OCR application |
། རྒྱ་གར་སྐད་དུ། ཨཱརྱ་ནཻ་རད་མྱ་པ་རྀ་པྲཙྪ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་བདག་མེད་པ་དྲིས་པ་ཞེས་བྱ་བ ་ཐེག་པ་ཆེན་པོའི་མདོ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། དེ་ནས་དམིགས་པའི་ལྟ་བ་ཅན་རྣམ་པར་རྟོག་པ་དང་བཅས་ཤིང་། རྣམ་པར་སྤྱོད་པ ་དང་བཅས་པའི་མུ་སྟེགས་པ་དེ་རྣམས་ཐེག་པ་ཆེན་པོའི་ནང་དུ་སོང་སྟེ། ཞེས་དང་བཅས་ཤིང་ཐལ་མོ་སྦྱར་ནས། བདག་མེད་པའི་དྲི་བ་དག་ཡོངས་སུ་དྲིས་པ། རིགས་ཀྱི ་བུ་ཐམས་ཅད་མཁྱེན་པས་ནི་ལུས་ལ་བདག་མེད་དོ་ཞེས་གསུངས་ལ། གལ་ཏེ་ལུས་ལ་ཡང་དག་པར་བདག་མེད་ན། ཇི་ལྟར་དེ་ལས་རྩེ་བ་དང་། རྒོད་པ་དང་། ངུ་བ་དང་། རོལ་པ་དང་། ཁྲོ ་བ་དང་། ང་རྒྱལ་དང་། ཕྲག་དོག་དང་། ཕྲ་མ་ལ་སོགས་ཀུན་ཏུ་འབྱུང་བར་འགྱུར། ཅི་ལུས་ལ་ཡང་དག་པར་ན་བདག་ཡོད་དམ་མེད་པ་ཡིན། བདག་ཅག་གི་ཐེ་ཙོམ་དེ་དག་ཁྱེད་ཀྱི ་བསལ་བའི་རིགས་སོ། ། ཐེག་པ་ཆེན་པོ་རྣམས་ཀྱིས་སྨྲས་པ། གྲོགས་པོ་དག་ལུས་ལ་ནི་བདག་ཡང་དག་པར་ཡོད་དོ་ཞེའམ། མེད་དོ་ཞེས་གཉིས་ཀར་ཡང་འདིར་བརྗོད་པར་མི་བྱ་སྟེ། ་ཡང་དག་པར་ཡོད་དོ་ཞེས་བརྗོད་པ་ན། མེད་དོ་ཞེས་བརྗོད་པ་ནི་ལོག་པར་སྨྲ་བའོ།། གལ་ཏེ་ཡོད་ན་ཇི་ལྟར་ན། དེ་སྒྲ་དང་། སེན་མོ་དང་། པགས་པ་དང་། མགོ་བོ་དང་། ཤ་དང་། ་རུས་པ་དང་། རྐང་དང་། ཟིལ་དང་། རྒྱུས་པ་དང་། མཆིན་པ་དང་། རྒྱུ་མ་དང་། མིང་པ་དང་། ལག་པ་དང་། རྐང་པ་དང་། ཡན་ལག་དང་། ཉིང་ལག་ལ་སོགས་པ་ལུས ་ཐམས་ཅད་ཀྱི་ཕྱི་དང་ནང་དུ་བཅས་པ་ལ་རྣམ་པར་བརྟགས་ན། བདག་ཡང་དག་པར་མི་སྣང་ངོ་།། མུ་སྟེགས་པ་རྣམས་ཀྱིས་སྨྲས་པ། ལྷའི་མིག་དང་ལྡན་པ་འགའ་ཞིག་གིས་མཐོང་གིས། ་བདག་ཅག་རྣམས་ནི་ཤའི་མིག་ཅན་ཡིན་པས་བདག་ཡང་དག་པར་ཇི་ལྟར་མཐོང་། ཐེག་པ་ཆེན་པོ་པ་རྣམས་ཀྱིས་སྤྲས་པ། ལྷའི་མིག་དང་ལྡན་པ་རྣམས་ཀྱིས་ཀྱང་མི་མཐོང་སྟེ། གང་ལ ་ཁ་དོག་མེད་པ་དང་། གཟུགས་མེད་པ་དང་། དབྱིབས་མེད་པ་དེ་ཇི་ལྟར་མཐོང་བར་འགྱུར། མུ་སྟེགས་པ་རྣམས་ཀྱིས་སྨྲས་པ། ཅི་མེད་པ་ཡིན་ནམ། ཐེག་པ་ཆེན་པོ་པ་རྣམས་ཀྱིས ་སྨྲས་པ། མེད་དོ་ཞེས་བརྗོད་པ་ན། ཡོད་དོ་ཞེས་བརྗོད་པ་ནི་ལོག་པར་སྨྲ་བའོ།། གལ་ཏེ་མེད་ན་ཇི་ལྟར་འདི་མངོན་སུམ་དུ་ཡོད་པར་རྩེ་བ་དང་། རྒོད་པ་དང་། ངུ་བ་དང་། རོལ་པ་དང་། ་ཁྲོ་བ་དང་། ང་རྒྱལ་དང་། ཕྲག་དོག་དང་། ཕྲ་མ་ལ་སོགས་པ་ཀུན་ཏུ་འབྱུང་བར་འགྱུར། དེ་བས་ན་མེད་དོ་ཞེས་བརྗོད་པར་ཡང་མི་ནུས་ཏེ། ཡོད་དམ་མེད་ཅེས་གང་འདི་འདི་ལྟར་བརྗོད ་པར་མི་བྱ་སྟེ། ཉེས་པ་འདི་ཡོད་པས་ན་ཡོད་པའོ་ཞེ་འམ། མེད་པའོ་ཞེས་བརྗོད་པར་མི་བྱའོ།། མུ་སྟེགས་པ་རྣམས་ཀྱིས་སྨྲས་པ། འོ་ན་འདིར་གང་ཞིག་དམིགས་པར་གྱུར། ཐེག ་པ་ཆེན་པོ་པ་རྣམས་ཀྱིས་སྨྲས་པ། དམིགས་པར་གྱུར་ན་ཅིའང་མེད་དོ།། མུ་སྟེགས་པ་རྣམས་ཀྱིས་སྨྲས་པ། ཅི་ནམ་མཁའ་ལྟར་སྟོང་པ་ཉིད་ཡིན་ནམ། ཐེག་པ་ཆེན་པོ་པ་རྣམས་ཀྱིས་སྤྲས ་པ། གྲོགས་པོ་དག་དེ་དེ་བཞིན་ཏེ། ནམ་མཁའ་ལྟར་སྟོང་པ་ཉིད་ཡིན་ནོ།། མུ་སྟེགས་པ་རྣམས་ཀྱིས་སྨྲས་པ། གལ་ཏེ་དེ་ལྟར་ཡིན་ན། རྩེ་བ་དང་། རྒོད་པ་དང་། ངུ་བ་དང་། རོལ་པ ་དང་། ཁྲོ་བ་དང་། དེ་རྒྱལ་དང་། ཕྲག་དོག་དང་། ཕྲ་མ་ལ་སོགས་པ་ཇི་ལྟར་བལྟ། ཐེག་པ་ཆེན་པོ་པ་རྣམས་ཀྱིས་སྨྲས་པ། སྒྱུ་མ་དང་། རྨི་ལམ་དང་། མིག་འཕྲུལ ་དང་འདྲ་བ་ཉིད་ཡིན་ནོ། ། མུ་སྟེགས་པ་རྣམས་ཀྱིས་སྨྲས་པ། སྒྱུ་མ་ནི་ཇི་ལྟ་བུ་ལགས། རྨི་ལམ་དང་མིག་འཕྲུལ་ནི་ཇི་ལྟ་བུ་ལགས། ཐེག་པ་ཆེན་པོ་པ་རྣམས་ཀྱིས་སྨྲས་པ ་སྒྱུ་མ་ནི་མཚོན་པ་ཙམ་མོ། ། རྨི་ལམ་ནི་སོ་སོར་སྣང་བ་ཙམ་སྟེ། གཟུང་བར་བྱ་བ་མ་ཡིན་ཞིང་རང་བཞིན་གྱིས་སྟོང་པ། ཡོད་པ་མ་ཡིན་པའི་ངོ་བོ་ཉིད་དོ།། མིག་འཕྲུལ་ནི་ཇི་ལྟ་བུ་རྩོམ ་པ་ཙམ་དུ་དགོས་པའོ། ། གྲོགས་པོ་དག་དེ་དེ་བཞིན་ཏེ། དངོས་པོ་ཇི་སྙེད་པ་ཐམས་ཅད་ནི་སྒྱུ་མ་དང་། རྨི་ལམ་དང་། མིག་འཕྲུལ་དང་འདྲ་བར་ཤེས་པར་བྱའོ།། གཞན་ཡང་ཀུན ་རྫོབ་དང་། དོན་དམ་པ་དག་བསྟན་པར་བྱ་སྟེ། དེ་ལ་ཀུན་རྫོབ་ཅེས་བྱ་བ་ནི་འདི་བདག་གོ།། འདི་ནི་གཞན་ནོ་ཞེས་བྱ་བ་དང་། སྲོག་དང་། སྐྱེས་བུ་དང་། གང་ཟག་དང་། བྱེད་པ་པོ ་དང་། ཚོར་བ་པོ་དང་། ནོར་དང་། བུ་དང་། ཆུང་མ་དང་། མཛའ་བཤེས་དང་། ཉེ་དུ་ལ་སོགས་པར་རྟོགས་པ་དེ་ནི་ཀུན་རྫོབ་ཅེས་བྱའོ།། གང་ལ་བདག་མེད་པ་དང་། གཞན ་མེད་པ་དང་། སྲོག་མེད་པ་དང་། སྐྱེས་བུ་མེད་པ་དང་། གང་ཟག་མེད་པ་དང་། བྱེད་པ་པོ་མེད་པ་དང་། ཚོར་བ་པོ་མེད་པ་དང་། ནོར་མེད་པ་དང་། བུ་མེད་པ་དང་། ཆུང་མ་མེད ་བ་དང་། མཛའ་བཤེས་མེད་པ་དང་། ཉེ་དུ་ལ་སོགས་པ་མེད་པ་དེ་ནི་དོན་དམ་པ་ཞེས་བྱའོ།། གང་ལ་རང་བཞིན་གྱིས་དངོས་པོ་ཐམས་ཅད་དུ་ཡོངས་སུ་བརྟགས་ཤིང་དགེ་བ་དང་། མི་དགེ། ་བའི་འབྲས་བུ་དང་། སྐྱེ་བ་དང་། འགག་པ་ནི་ཀུན་རྫོབ་བོ།། དགེ་བ་མེད་པ་དང་། མི་དགེ་བའི་འབྲས་བུ་མེད་པ་དང་། སྐྱེ་བ་མེད་པ་དང་། འགག་པ་མེད་པ་དེ་བཞིན་ཉིད་ཀྱི་ངོ ་བོ་ཉིད་དེ་ལ་ནི་ཀུན་ནས་ཉོན་མོངས་པ་དང་། རྣམ་པར་བྱང་བ་མེད་དོ།། དེ་ནི་དབུ་མའི་ཆོས་རྣམས་ཀྱི་སྒྲུབ་པ་ལྷུར་ལེན་པའོ།། དེ་ལ་འདི་སྐད་ཅེས་བྱ་སྟེ། ཀུན་རྫོབ་དང་ནི་དོན་དམ་སྟེ། ་དབྱེ་བ་གཉིས་སུ་ཡང་དག་བཤད།། ཀུན་རྫོབ་འཇིག་རྟེན་པ་ཡི་ཆོས།། དོན་དམ་འཇིག་རྟེན་འདས་པའོ།། ཀུན་རྫོབ་ཆོས་ལ་ཞུགས་པ་ཡི།། སེམས་ཅན་ཉོན་མོངས་དབང་དུ་འགྲོ།། ་དོན་དམ་ཡོངས་སུ་མ་ཤེས་པས།། འཁོར་བར་ཡུན་རིང་འཁོར་བར་འགྱུར།། ཀུན་རྫོབ་འཇིག་རྟེན་ཆོས་རྣམས་ལ།། མི་མཁས་པ་དག་རྟོག་པར་བྱེད།། ཀུན་ཏུ་རྟོག་པ་དེ་ཡིས་ནི།། སྡུག ་བསྔལ་ཉམས་སུ་མྱོང་བར་འགྱུར། ། ཇི་ལྟར་སོ་སོར་སྐྱེ་བོ་ཡི།། བྱིས་པས་གྲོལ་ལམ་མི་ཤེས་པས།། མི་བཟད་པ་ཡི་སྡུག་བསྔལ་དང་།། མང་པོ་རྗེས་སུ་མྱོང་བར་འགྱུར།། གང་དུ ་སྲིད་པ་འགག་འགྱུར་བའི། ། དོན་དམ་དག་ནི་མི་ཤེས་པས།། སྐྱེ་བ་དང་ནི་འགག་འགྱུར་ཞིང་།། སྐྱེ་མེད་འགྲོ་དང་འོང་བར་འགྱུར།། འཇིག་རྟེན་ཆོས་ལ་གནས་པ་ཡི།། བླུན་པོ་འཁོར། ་བ་བཞིན་དུ་འཁོར།། སྡུག་བསྔལ་གནས་ཅན་འཁོར་བ་འདིར།། ཡང་དང་ཡང་དུ་འཁོར་བར་འགྱུར།། ཇི་ལྟར་ཉི་མ་ཐ་བ་དག། སླར་ཡང་འོང་ཞིང་འགྲོ་བར་བྱེད། ་བཞིན་སྲིད་པར་འཕོ་བ་ན།། སླར་ཡང་འོང་དང་འགྲོ་བར་འགྱུར།། འཁོར་བ་ཐམས་ཅད་མི་རྟག་ཅིང་།། མི་བརྟན་སྐད་ཅིག་འཇིག་པ་ཉིད།། དེ་བས་དོན་དམ་ཤེས་པ་ཡིས།། ཀུན་རྫོབ ་བདེན་པའི་གནས་སྤང་ངོ་། ། མཐོ་རིགས་གནས་ནས་ལྷ་རྣམས་དང་།། དྲི་ཟ་ལྷ་མི་རྣམས་ཀྱང་ནི།། ཀུན་ལ་འཕོ་བ་ཡོད་གྱུར་པ།། ཀུན་ཀྱང་ཀུན་རྫོབ་འབྲས་བུ་ཡིན།། གྲུབ་དང་རིག ་འཛིན་གནོད་སྦྱིན་དང་། ། དྲི་ཟ་དང་ནི་ལྟོ་འཕྱེ་རྣམས།། སླར་ཡང་དམྱལ་བར་འགྲོ་འགྱུར་བ།། ཀུན་ཀྱང་ཀུན་རྫོབ་འབྲས་བུ་ཡིན།། གང་ཞིག་བརྩོན་དྲག་ལྷ་རྣམས་དང་།། ཡོན་ཏན ་དབྱུང་གནས་ལ་གནས་གང་། ། མཐོ་རིས་ལས་འཕོ་ལྟུང་འགྱུར་བ།། ཐམས་ཅད་ཀུན་རྫོབ་འབྲས་བུ་ཡིན།། བརྒྱ་བྱིན་འཁོར་ལོས་སྒྱུར་ཉིད་དེ།། གང་གིས་དམ་པའི་གནས་ཐོབ་ནས།། ་སླར་ཡང་བྱོལ་སོང་སྐྱེ་གནས་འཇུག། ཐམས་ཅད་ཀུན་རྫོབ་འབྲས་བུ་ཡིནི།། དེ་བས་མཐོ་རིས་ལྷ་རྣམས་ཀྱི།། བདེན་པ་བཟང་པོ་ཀུན་སྤངས་ལ།། བྱང་ཆུབ་སེམས་ནི་འོད་གསལ་བ།། ་རྣལ་འབྱོར་པས་ནི་རྟག་ཏུ་བསྒོམ།། དངོས་པོ་མེད་ཅིང་དམིགས་སུ་མེད།། ཐམས་ཅད་སྟོང་པ་གནས་མེད་པ།། སྤྲོས་པ་རྣམས་ལས་ཡང་དག་འདས།། བྱང་ཆུབ་སེམས་དཔའི་མཚན ་ཉིད་ཡིན། ། སྒྲུབ་མ་ཡིན་འཇམ་པ་མིན།། དྲོ་བ་མ་ཡིན་གྲང་བ་མིན།། དེ་ན་རེག་མིན་གཟུང་བྱ་མནི།། བྱང་ཆུབ་སེམས་ཀྱི་མཚན་ཉིད་ཡིན།། རིང་པོ་མ་ཡིན་ཐུང་བ་མིན།། ཟླུམ་པོ་མ ་ཡིན་གྲུ་གསུམ་མིན། ། ཕྲ་བ་མ་ཡིན་སྡོམ་པ་མིན།། བྱང་ཆུབ་སེམས་ཀྱི་མཚན་ཉིད་ཡོན།། བསྒོམ་རྣམས་ལས་རྣམ་འདས་ཤིང་།། མུ་སྟེགས་རྣམས་ཀྱི་སྤྱོད་ཡུལ་མིན།། ་ཤེས་རབ་ཕ་རོལ་ཕྱིན་སྦྱོར་བ།། བྱང་ཆུབ་ཀྱི་ནི་མཚན་ཉིད་ཡིན།། དཔེ་མེད་བསྒོམ་དུ་མེད་པ་དང་།། མཐོང་མིན་གནས་ཀྱང་མཆོག་གྱུར་ལ།། རང་བཞིན་གྱིས་ནི་རྣམ་དག་པ།། ་བྱང་ཆུབ་སེམས་ཀྱི་མཚན་ཉིད་ཡིན།། ཐམས་ཅད་དབུ་བ་ལྟ་བུ་སྟེ།། ཆུ་བུར་ལྟ་བུར་སྙིང་པོ་མེད།། རྟག་པ་མ་ཡིན་བདག་མེད་པ།། སྒྱུ་མ་སྨིག་རྒྱུ་དག་དང་མཚུངས།། གོང་བུ་བཞི་ནི ་དུ་བསྡུས་གྱུར་པ། ། སྤྲོས་པ་རྣམས་ཀྱིས་ཡོངས་སུ་གྲང་།། འདོད་ཆགས་ཞེ་སྡང་ལ་སོགས་ལྟར།། དེ་ནི་སྒྱུ་མཚུངས་འབའ་ཞིག་ཡིན།། ཇི་ལྟར་ནང་ན་ཐིག་ལེ་ནི།། སྐད་ཅིག ་དེལ་མི་མཐོང་སྟེ། ། ཤེས་རབ་ཕ་རོལ་ཕྱིན་མཐོང་ན།། དེ་བཞིན་བློ་ནི་འདུས་མ་བྱས།། རྟག་ཏུ་རྒོད་ཅིང་རྩེ་བ་དང་།། སྨྲ་ཞིང་གླུ་དང་རོལ་མོ་དང་།། གཞི་ལ་སོགས་པའི་བདེ་བ་རྣམས ་དེ་དག་ཐམས་ཅད་རྨི་ལམ་མཚུངས། ། ལུས་ཅན་ཀུན་གྱིས་འདུས་བྱས་པ།། འདི་ཀུན་རྨི་ལམ་དང་མཚུངས་ལ།། རྨི་ལམ་སེམས་ཀྱི་ཀུན་རྟོག་སྟེ།། སེམས་ཀྱང་ནམ་མཁའ་ལྟ ་བུ་ཡིན། ། གང་ཞིག་ཚུལ་འདི་རྟག་སྒོམ་པ།། ཤེས་རབ་ཕ་རོལ་ཕྱིན་པའི་ཚུལ།། གང་ཞིག་འདི་ནི་རྟག་སྒོམ་པ།། དངོས་པོ་ཀུན་ལས་ལུས་གྲོལ་ནས།། གོ་འཕང ་མཆོག་ནི་ཐོབ་པར་འགྱུར། ། བླ་ན་མེད་པའི་བྱང་ཆུབ་གང་།། སངས་རྒྱས་ཀུན་གྱིས་རྣམ་བསྒོམས་པ།། བསྒོམས་དང་བཅས་པས་འཛིན་ན་ནི།། ཐེག་ཆེན་འབྲས་བུ་འཐོབ་པར་འགྱུར།། ་འཕགས་པ་བདག་མེད་པ་དྲི་བ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །། རྒྱའི་སྐད་དུ། ཀྭན་བྱི་ལོག་པོས་ཞོང་ཤེ་ཏེའུ་ཤྭང་ཐེན་ཀྱེང ་