བོད་ཡིག

e-texts produced with BDRC’s OCR application

brgya pa nas bkol ba'o/ / / !/ rgya gar skad du/ ar+ya shA li stam b+ha nA ma ma hA yA na sU tra/ bod skad du/ 'phags pa sA lu ldang ba zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab ma/ bya rgod phung po'i ra la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe na tshe dang ldan pa shA ri'i bu byang chub sems dpa' sems dpa' chen po byams pa'i bgrod par bya ba'i sa ga la ba der song ste phyin nas/ ban nun yang dag par dga' ba bya ba'i gtam rnam pa mang po byas nas/ 'dus te gnyis ka rdo leb la 'khod do// de nas tshe dang ldan pa shA ri'i bus/ byang chub sems dpa' sems dpa' chen po byams pa la 'di skad ces smras so/ / byams pa deng 'dir bcom ldan 'das kyis sA lu ljang ba la gzigs nas/ dge slong rnams la mdo 'di gsungs so// dge slong dag sus rten cing 'brel par 'byung ba mthong ba des chos mthong ngo / / sus chos mthong ba des sangs rgyas mthong ngo zhes de skad bka' stsal nas/ bcom ldan 'das cang mi gsung bar gyur na/ byams pa bde bar gshegs pas bka' stsal pa'i mdo de'i don ci/ rten cing 'brel par 'byung ba ni gang / chos ni gang / sangs rgyas ni gang / ji ltar rten cing 'brel par 'byung ba mthong na chos mthong / ji ltar chos mthong na sangs rgyas mthong / de skad ces smras pa dang / byang chub sems dpa' sems dpa' chen po byams pas/ tshe dang ldan pa shA ri'i bu la 'di skad ces smras so/ / btsun pa shA ri'i bu 'di la bcom ldan 'das kyichos kyi bdag po thams cad mkhyen pas/ dge slong dag sus rten cing 'brel par 'byung ba mthong ba des chos mthong ngo // sus chos mthong ba des sangs rgyas mthong ngo zhes gsungs pa de la/ rten cing 'brel bar 'byung ba gang zhe na/ rten cing 'brel par 'byung ba zhes bya ba ni 'di lta ste/ 'di yod pas 'di 'byung / 'di skyes pa'i phyir 'di skye ba ste/ gang 'di ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sre pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / de yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' zhig po 'di 'byung bar 'gyur ro// de la ma rig pa 'gags pas 'du byed/ 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde/ ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' zhig po 'di 'gag par 'gyur ro// 'di ni bcom ldan 'das kyis rten cing 'brel par 'byung ba zhes gsungs so/ / chos gang zhe na/ 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// 'di ni 'phags pa'i lam yan lag brgyad pa zhes bya ste/ 'bras bu rnyed pa dang / mya ngan las 'das pa gcig tu bsdus te/ bcom ldan 'das kyis chos so zhes bka' stsal to// de la sangs rgyas bcom ldan 'das gang zhe na/ sus chos thams cad thugs su chud pa'i phyir sangs rgyas zhes bya ste/ de ni 'phags pa'i shes rab kyi spyan dang / chos kyi sku dang ldan pa dang / slob pa dang / mi slob pa'i chos de dag gzigs pa'o// de la rten cing 'brel par 'byung ba mthong ba ji lta bu zhe na/ 'di la bcom 'das kyis sus rten cing 'brel par 'byung ba rtag pa dang / srog med pa dang / srog dang bral ba dang / ji lta bu nyid dang / ma nor ba dang / ma skyes pa dang / ma byung ba dang / ma byas pa dang / 'dus ma byas pa dang / thogs pa med pa dang / dmigs pa med pa dang / zhi ba dang / mi 'jigs pa dang / mi 'phrogs pa dang / ma zhi ba'i rang bzhin du mthong ba ste/ gang gis tshul de 'dra bar chos la'ang rtag pa dang / srog med pa dang / srog dang bral ba dang / ji lta bu nyid dang / ma nor ba dang / ma skyes pa dang / ma byung ba dang / ma byas pa dang thogs pa med pa dang / dmigs pa med pa dang / zhi ba dang / mi 'jigs pa dang / mi 'phrogs pa dang / ma zhi ba'i rang bzhin du mthong ba de yang dag pa'i ye shes thob pas/ 'phags pa'i chos mngon par rtogs pas bla na med pa'i chos kyi skur sangs rgyas mthong ngo zhes gra spangs so// smras pa/ ci'i phyir rten cing 'brel par 'byung ba zhes bya/ / smras pa/ rgyu dang bcas/ rkyen dang bcas pa la bya'i/ rgyu med rkyen med pa la ni ma yin te/ de'i phyir rten cing 'brel par 'byung ba zhes bya'o// bcom ldan 'das kyis rten cing 'brel par 'byung ba'i mtshan nyid mdor bsdus te bka' stsal pa/ rkyen nyid kyis 'bras bu ste/ de bzhin gshegs pa rnams byung yang rung / ma byung yang rung / chos rnams kyi chos nyid 'di ni 'dug pa'o zhes bya ba nas/ gang ni 'di chos nyid dang / chos gnas pa nyid dang / chos mi 'gyur ba nyid dang / rten cing 'brel par 'byung bar mthun pa dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa nyid dang / bden pa kho na dang / ma nor ba nyid dang / phyin ci ma log pa nyid ces bya ba'i bar du gsungs so// 'di ltar yang rten cing 'brel par 'byung ba 'di gnyis kyi phyir 'byung ste/ gnyis gang zhe na/ rgyu dang 'brel ba dang / rkyen dang 'brel ba'i phyir ro// de'ang phyi'i dang / nang gi dang / rnam pa gnyis su blta'o// de la phyi rol gyi rten cing 'brel par 'byung ba'i rgyu dang 'brel ba gang zhe na/ 'di lta ste/ sa bon las myu gu/ myu gu las 'dab ma/ 'dab ma las sdong bu/ sdong bu las sbu bu/ sbu bu las snying po/ snying po las me tog/ me tog las 'bras bu/ sa bon med na myu gu mi 'byung ste/ me tog med na 'bras bu'ang mi 'byung ngo // sa bon yod na mu gu mngon par 'grub par 'gyur te/ de bzhin du me tog yod na 'bras bu'i bar du mngon par 'grub par 'gyur ro/ / de la sa bon yang 'di snyam du bdag gis myu gu mngon par bsgrub bo snyam du mi sems so// myu gu'ang 'di snyam du bdag ni sa bon gyis mngon par bsgrubs so snyam du mi sems so/ / de bzhin du me tog kyang 'di snyam du/ bdag gis 'bras bu mngon par bsgrub bo snyam du mi sems pa'i bar du'o/ / 'bras bu'ang 'di snyam du bdag ni me tog gis mngon par bsgrubs so snyam du mi sems med kyi/ 'on kyang sa bon yod na myu gu mngon par 'grug cing 'byung bar 'gyur ba nas/ de bzhin du me tog yod na 'bras bu'i bar du'ang mngon par 'grub cing 'byung bar 'gyur te/ de ltar phyi rol gyi rten cing 'brel bar 'byung ba rgyu dang 'brel bar lta'o/ / phyi rol gyi rten cing 'brel par 'byung ba rkyen dang 'brel par ji ltar blta zhe na/ khams drug 'dus pa'i phyir te/ khams drug po gang dag 'dus pa'i phyir zhe na/ 'di lta ste/ sa dang / chu dang / me dang / rlung dang / nam mkha' dang / dus kyi khams rnams 'dus pa las phyi rol gyi rten cing 'brel par 'byung ba rkyen dang 'brel bar blta'o/ / de la sa'i khams ni sa bon rten pa'i bya ba byed do// chu'i khams ni sa bon rlan par byed do// me'i khams ni sa bon yongs su dro bar byed do// rlung gi khams kyis sa bon long su 'bu bar byed do/ / nam mkha'i khams ni sa bon la mi sgrib pa'i bya ba byed do// dus ni sa bon 'gyur ba'i bya ba byed do// rkyen 'di dag med par sa bon las myu gu mngon par 'grub par mi 'gyur gyi/ nam phyi rol gyi sa'i khams ma tshang ba med par 'gyur la/ de bzhin du chu dang / me dang / rlung dang / nam mkha' dang / dus kyi khams ma tshang ba med par 'gyur te/ thams cad 'dus pa las sa bon 'gags pa ni/ de las myu gu mngon par 'grub par 'gyur ro// de la sa'i khams kyang 'di snyam du/ bdag gi sa bon rten pa'i bya ba bya'o snyam du mi sems so/ / de bzhin du chu'i khams kyang 'di snyam du/ bdag gi sa bon brlan par bya'o snyam du mi sems so// me'i khams kyang 'di snyam du bdag gis sa bon yongs su dro bar bya'o snyam du mi sems so/ / rlung gi khams kyang 'di snyam du bdag gis sa bon 'bu bar bya'o snyam du mi sems so// nam mkha'i khams kyang 'di snyam du bdag gis sa bon la mi sgrib pa'i bya ba bya'o snyam du mi sems so/ / dus kyang 'di snyam du bdag gis sa bon la 'gyur ba'i bya ba bya'o snyam du mi sems so// sa bon yang 'di snyam du bdag gis myu gu mngon par bsgrub bo snyam du mi sems so/ / myu gu'ang 'di snyam du bdag ni rkyen 'di dag gis mngon par bsgrubs so snyam du sems kyi/ 'on kyang rkyen 'di dag yod la/ sa bon 'gags pa na/ myu gu mngon par 'grub par 'gyur ro/ / de bzhin du me tog yod na 'bras bu'i bar du'ang mngon par 'grub par 'gyur te/ byu gu de'ang bdag gis ma byas/ gzhan gyis ma byas/ gnyis kas ma byas/ dbang phyug gis ma byas/ dus kyis ma bsgyur/ rang bzhin las ma byung / rgyu med las kyang ma skyes te/ 'on kyang sa dang // chu dang / me dang / rlung dang / nam mkha' dang / dus kyi khams rnams 'dus nas/ sa bon 'gags pa na/ myu gu mngon par 'grub par 'gyur te/ de ltar phyi rol gyi rten cing 'brel par 'byung ba rkyen dang 'brel bar blta'o/ / de la phyi rol gyi rten cing 'brel par 'byung ba rnam pa lngar blta ste/ lnga gang zhe na/ rtag par ma yin pa dang / chad par ma yin pa dang / 'pho bar ma yin pa dang / rgyu chung ngu las 'bras bu chen po mngon par 'grub pa dang / de dang 'dra ba'i rgyud du'o// ji ltar rtag par ma yin zhe na/ gang gi phyir myu gu'ang gzhan la/ sa bon kyang gzhan te/ myu gu gang yin pa de nyid sa bon ma yin la/ sa bon 'gags pa las myu gu 'byung ba ma yin/ ma 'gags pa las kyang ma yin gyi/ sa bon yang 'ag la/ de nyid kyi tshe yang myu gu'ang 'byung ste/ de'i phyir rtag par ma yin no// ji ltar chad par ma yin zhe na/ sngon 'gags pa'i sa bon lasamyu gu skye ba ma yin// ma 'gags pa la'ang ma yin gyi/ sa bon yang 'gags la/ de nyid kyi tshe srang 'di mtho dman bzhin du myu gu'ang skye ba sa/ de'i phyir chad par ma yin no// ji ltar 'pho bar ma yin zhe na/ gang gi phyir rgyu gu'ang gzhan la/ sa bon yang gzhan/ myu gu gang yin pa de nyid sa bon ma yin te/ de'i phyir 'pho bar ma yin no// sa bon chung ngu btab pa la 'bras bu chen po mngon par 'grub par 'gyur te/ de'i phyir rgyu chung ngu las 'bras bu chen po mngon par 'grub bo// sa bon ji lta bu btab pa de lta bu'i 'bras bu mngon par 'grub pas/ de'i phyir de dang 'dra ba'i rgyud du ste/ de ltar phyi rol gyi rten cing 'brel par 'byung ba lngar blta'o/ / de bzhin du nang gi rten cing 'brel par 'byung ba'ang gnyis kyi phyir 'byung ste/ gnyis gang zhe na/ rgyu dang 'brel pa dang / rkyen dang 'brel ba'o// de la nang gi rten cing 'brel par 'byung ba rgyu dang 'brel pa gang zhe na/ gang ma rig pa'i rkyen gyis 'du byed rnams zhes bya ba nas/ skye ba'i rkyen gyis rga shi zhes// / bya ba'i bar du'o// gal te ma rig pa ma byung na/ 'du byed kyang mi mngon pa zhig na// de bzhin du skye ba ma byung du zin na/ rga shi'i bar du'ang mi mngon pa zhig na/ 'di ltar ma rig pa yod pa las 'du byed rnams mngon par 'grub par 'gyur ba nas/ skye ba yod pa las rga shi'i bar du mngon par 'grub par 'gyur ro// de la ma rig pa'ang 'di snyam du bdag gis 'du byed rnams mngon par bsgrub bo snyam du mi sems so/ / 'du byed rnams kyang 'di snyam du bdag ni ma rig pas mngon par bsgrubs so snyam du mi sems pa nas/ de bzhin du skye ba 'ang 'di snyam du bdag gis rga shi mngon par sgrub bo snyam du mi sems shing / rga shi'ang 'di snyam du bdag ni skye bas mngon par bsgrubs so snyam du mi sems pa'i bar du ste/ 'on kyang ma rig pa yod pa las 'du byed rnams mngon par 'grub cing 'byung bar 'gyur ba nas/ de bzhin du skye ba yod pa las rga shi'i bar du mngon par 'grub cing 'byung bar 'gyur te / de ltar na nang gi rten cing 'brel par 'byung ba rgyu dang 'brel bar blta'o// nang gi rten cing 'brel par 'byung ba rkyen dang 'brel bar ji ltar zhe na/ khams drug po 'dus pa'i phyir te/ khams drug po gang dag 'dus pa'i phyir zhe na/ 'di lta ste/ sa dang / nu dang / me dang / rlung dang / nam mkha' dang / rnam par shes pa'i khams rnams 'dus pa las/ nang gi rten cing 'brel par 'byung ba rkyen dang 'brel bar blta'o/ / de la nang gi rten cing 'brel bar 'byung ba'i sa'i khams gang zhe na/ gang 'di lus 'dus nas/ sra ba'i dngos po mngon par 'grub par byed pa 'di ni sa'i khams zhes bya'o/ / gang lus sdud pa'i bya ba byed pa 'di ni chu'i khams zhes bya'o// gang lus kyis zos pa dang / 'thungs pa dang / 'chos pa dang / myangs pa rnams 'ju bar byed pa 'di ni me'i khams zhes bya'o/ / gang lus kyi dbugs phyi nang du rgyu ba'i bya ba byed pa 'di ni rlung gi khams zhes bya'o// gang lus kyi nang sbubs yod par byed pa 'di ni nam / mkha'i khams zhes bya'o// gang mdung khyim gyi tshul du lus kyi ming dang gzugs kyi myu gu mngon par 'grub par byed pa/ rnam par shes pa lnga'i tshogs dang / 'dus pa dang / zag pa dang bcas pa'i yid kyi rnam par shes pa gang yin pa 'di ni/ mdung khyim gyi tshul du yid kyi rnam par shes pa'i khams zhes bya'o// rkyen 'di dag med par lus skye bar mi 'gyur gyi/ nam nang gi sa'i khams tshang zhing / de bzhin du nu dang / ma dang / rlung dang / nam mkha' dang / rnam par shes pa'i khams rnams kyang tshang bar gyur la/ thams cad 'dus pa de las lus mngon par 'grub par 'gyur ro/ / de la sa'i khams kyang 'di snyam du bdag gis lus 'dus nas/ sra ba'i dngos po mngon par 'grub bo snyam du mi sems so// chu'i khams kyang 'di snyam du bdag gis lus bsdu ba'i bya ba bya'o snyam du mi sems so/ / me'i khams kyang 'di snyam du bdag gis lus kyis zos pa dang / 'thungs pa dang / 'chos pa dang / myangs pa rnams 'ju bar bya'o snyam du mi sems so/ / rlung gi khams kyang 'di snyam du bdag gis dbugs phyi nang du rgyu ba'i bya ba bya'o snyam du mi sems so// nam mkha'i khams kyang 'di snyam du bdag gis lus kyi nang du sbubs yod par bya'o snyam du mi sems so/ / rnam par shes pa'i khams kyang 'di snyam du bdag gis lus kyi ming dang / gzugs mngon par bsgrub bo snyam du mi sems so/ / lus kyang 'di snyam du bdag ni rkyen 'di dag gis bskyed do snyam du mi sems mod kyi/ 'on kyang rkyen 'di dag yod pa dang lus kyang skye bar 'gyur ro/ / de la sa'i khams ni bdag ma yin/ sems can ma yin/ srog ma yin/ skye ba po ma yin/ shed las skyes pa ma yin/ shed bu ma yin/ bud med ma yin/ skyes pa ma yin/ ma ning ma yin/ nga ma yin/ bdag gi ma yin/ gzhan su'i yang ma yin no// de bzhin du chu'i khams dang / ma'i khams dang / rlung gi khams dang / nam mkha'i khams dang / rnam par shes pa'i khams kyang bdag ma yin/ sems can ma yin/ srog ma yin/ skye ba po ma yin/ shed las skyes pa ma yin/ shed bu ma yin/ bud med ma yin/ skyes pa ma yin/ ma ning ma yin/ nga ma yin/ bdag gi ma yin/ gzhan su'i yang ma yin no// de la ma rig pa gang zhe na/ khams drug po 'di nyid la gang gcig pur 'du shes pa dang / ril por 'du shes pa dang / rtag par 'du shes pa dang / brtan par 'du shes pa dang / ther zug tu 'du shes pa dang / bde bar 'du shes pa dang / bdag tu 'du shes pa dang / sems can du 'du shes pa dang / srog dang / skye ba po dang / gso ba dang / skyes bu dang / gang zag tu 'du shes pa dang / shed las skyes pa dang / shed bur 'du shes pa dang / nga shes zhes bya ba dang / bdag gi zhes bya bar 'du shes pa ste/ 'di lta bu la sogs ba mi shes pa rnam pa sna tshogs 'di ni ma rig pa zhes bya'o/ / de ltar ma rig pa yod pas yul rnams la 'dod chags dang / zhe sdang dang / gti mug 'jug go/ yul rnams la 'dod chags dang / zhe sdang dang / gti mug gang yin pa 'di ni ma rig pa'i rkyen gyis 'du byed rnams zhes bya'o// dngos po so sor rnam par rig pa ni rnam par shes pa'o// rnam par shes pa dang lhan cig 'byung ba nye bar len pa'i phung po bzhi po 'di ni ming dang gzugs so// ming dang gzugs la rten pa'i dbang po rnams ni skye mched drug go/ chos gsum 'dus pa ni reg pa'o/ / reg pa myong ba ni tshor ba'o// tshor ba la zhen pa ni sred pa'o// sred pa 'phel ba ni len pa'o// len pa las skyes pa'ang srid pa skyed pa'i las ni srid pa'o/ / rgyu de las phung po 'byung ba ni skye ba'o// skyes nas phung po smin pa ni rga ba'o// rgas nas phung po 'jig pa ni 'chi ba'o// 'chi zhing smos te mngon par 'chag pa dang bcas pa'i nang gi yongs su gdung ba ni mya ngan no/ / mya ngan las byung ba'i tshig tu smra ba ni smre sngags 'don pa'o// rnam par shes pa lnga'i tshogs dang ldan pa'i mi bde ba myong ba ni sdug bsngal ba'o/ / yid la byed pa dang ldan pa yid kyi sdug bsngal ni mi bde ba'o// gzhan yang 'di lta bu la sogs pa'i nye ba'i nyon mongs pa gang yin pa de dag ni 'khrug pab zhes bya'o/ / de la mun pa chen po'i phyir ma rig pa'o// mngon par 'du byed pa'i phyir 'du byed rnams so// rnam par rig pa'i phyir rnam par shes pa'o// rten pa'i phyir ming dang gzugs so/ / skye ba'i sgo'i phyir skye mched drug go// reg pa'i phyir reg pa'o// myong ba'i phyir ro// skom pa'i phyir sred pa'o// nye bar ldad pa'i len pa'o/ / yang srid pa skye ba'i byar srid pa'o// phung po 'byung ba'i phyir skye ba'o// phung po smin pa'i phyir rga ba'o// 'jig pa'i phyirI 'chi ba'o// mya ngan byed pa'i phyir mya ngan no/ / tshig gis sme ba'i phyir smre sngags 'don pa'o// lu sa la gnod pa'i phyir sdug bsngal ba'o// sems la gnod pa'i phyir yid mi bde ba'o// nyon mongs pa'i phyir 'khrug pa'o/ / gzhan yang 'di kho na mi rtogs shing log par shes pa ni ma rig pa'o// de ltar ma rig pa yod na 'du byed rnam gsum mngon par 'grub ste/ bsod nams su bar 'gro ba dang / bsod nams ma yin par nye bar 'gro ba dang / mi g.yo bar nye bar 'gro ba'o// 'di dag ni ma rig pa'i rkyen gyis 'du byed rnams zhes bya'o// de la bsod nams su nye bar 'gro ba'i 'du byed rnams las bsod nams su nye bar 'gro ba'i rnam par shes pa nyid du 'gyur/ bsod nams ma yin par nye bar 'gro ba'i 'du byed rnams las bsod na ma yin pa nye bar 'gro ba'i rnam par shes pa nyid du 'gyur/ mi g.yo bar nye bar 'gro ba'i 'du byed rnams las mi g.yo bar nye bar 'gro ba'i rnam par shes pa nyid du 'gyur te/ 'di ni 'dra byed kyi rkyen gyis rnam par shes pa zhes bya'o/ / 'di ni rnam par shes pa'i rkyen gyis ming dang gzugs zhes bya'o// ming dang gzugs rnam par 'phel bas skye mched drug gi sgo nas bya ba byed pa rnams 'byung ste/ 'di ni ming dang gzugs kyi rkyen gyis skye mched drug ces bya'o// skye mched drug po dag las/ reg pa'i tshogs drug 'byung ste/ 'di ni skye mched drug gi rkyen gyis reg pa zhes bya'o/ / ji lta bur reg pa 'byung ba de lta bur tshor ba 'byung ste/ de ni reg pa'i rkyen gyis tshor ba zhes bya'o// tshor ba'i bye brag de dag myong ba dang mngon par dga' ba dang / lhag par zhen nas 'jug pa de ni tshor ba'i rkyen gyis sred pa zhes bya'o// myong ba dang / mngon par dga' ba dang / lhag par zhen nas 'dug pa las/ bdag sdug pa'i ngo bo dang / bde ba'i ngo bo dang bral bar ma gyur cig snyam du yongs su mi gtong ba'i phyir zhing smon pa 'di ni/ sred pa'i rkyen gyis len pa zhes bya'o// de ltar smon cing yang srid pa skyed pa'i las/ lus dang / ngag dang / yid kyis kun nas slong ba de ni/ len pa'i rkyen gyis srid pa zhes bya'o// la sa de las skyes pa'i phung po lnga rnams grub pa gang yin pa de ni srid pa'i rkyen gyis skye ba zhes bya'o/ / skyes nas mngon du grub pa'i phung po rnams kyi 'phel ba yongs su smin pa dang / 'jig par 'gyur ba de ni/ skye ba'i rkyen gyis rga shi zhes bya'o// de ltar rten cing 'brel bar 'byung ba'i yan lag bcu gnyis po 'di dag ni/ rgyu gzhan dang gzhan las 'byung ba/ rkyen gzhan dang gzhan las byung ba/ rtag pa ma yin/ mi rtag pa ma yin/ 'dus byas ma yin/ 'dus ma byas ma yin/ rgyu med pa ma yin/ rkyen med pa ma yin/ myong ba po yod pa ma yin/ zad pa'i chos ma yin/ 'jig pa'i chos ma yin/ 'gag pa'i chos ma yin te/ thog ma med pa'i dus nas klung gi rgyun bzhin du rgyun ma cha dra par rjes su zhugs pa'o/ / rten cing 'brel par 'byung ba'i yan lag bcu gnyis po 'di dag ni/ gcig gi rgyu gcig/ gcig gi rkyen gcig/ rtag pa ma yin/ mi rtag pa ma yin/ 'dus byas ma yin/ 'dus ma byas ma yin/ myong ba yod pa ma yin/ rgyu med pa ma yin/ rgyu med pa las byung ba ma yin/ zad pa'i chos ma yin/ 'jig pa'i chos ma yin/ 'gog pa'i chos ma yin te/ thog ma med pa'i dus nas klung gi rgyun bzhin rgyun ma chad par rjes su zhugs mod kyi/ 'on kyang yan lag bzhi po 'di dag ni rten cing 'brel par 'byung ba'i yan lag bcu gnyis po de dag bsdu bar bya ba'i rgyur 'gyur ro/ / bzhi gang zhe na/ 'di lta ste/ ma rig pa dang / sred pa dang / las dang / rnam par shes pa'o// de ltar rnam par shes pa ni sa bon gyi rang bzhin gyis rgyu byed do/ / las ni zhing gi rang bzhin gyis rgyu byed do// ma rig pa dang / sred pa ni nyon mongs pa'i rang bzhin gyis rgyu byed do// de la las dang nyon mongs ba dag ni sa bon rnam par shes pa skyed do/ / de la la sa ni sa bon rnam par shes pa'i zhing gi bya ba byed do// sred pa ni sa bon rnam par shes pa rlan par byed do// ma rig pa sa bon rnam par shes pa 'debs te/ rkyen 'di dag med na sa bon rnam par shes pa mngon par 'grub par mi 'gyur ro// de la las kyang 'di snyam du bdag gis sa bon rnam par shes pa'i zhing gi bya ba bya'o snyam du mi sems so/ / sred pa'ang 'di snyam du bdag gis sa bon rnam par shes pa brlan par bya'o snyam du mi sems so// ma rig pa'ang 'di snyam du bdag gis sa bon rnam par shes pa gdab bo snyam du mi sems so/ / sa bon rnam par shes pa'ang 'di snyam du bdag ni rkyen 'di dag gis bskyed do snyam du mi sems te/ 'on kyang sa bon rnam par shes pa las kyi zhing la brten pa sred pa'i rlan gyis brlan pa/ ma rig pa'i lud kyis bran pa/ skye ba na skye ba'i gnas nying mtshams sbyor ba ma'i mngal de dang der ming dang gzugs kyi myu gu mngon par 'grub ste/ ming dang gzugs kyi myu gu de'ang bdag gis ma byas/ gzhan gyis ma byas/ gnyis kas ma byas/ dbang phyug gis ma byas/ dus kyi sa ma bsgyur rang bzhin la ma byung / byed pa la rag las pa ma yin/ rgyu med pa las kyang ma skyes te/ 'on kyang pa dang ma phrad pa dang / dus dang ldan pa dang / rkyen gzhan yang tshogs na bdag po med pa'i chos bdag gi med pa/ 'dzin pa med pa/ nam mkha' dang mtshungs pa/ sgyu ma'i rang bzhin gyi mtshan nyid dag la rgyu dang rkyen ma tshang ba med pa'i phyir/ skye ba'i/ gnas nying mtshams sbyor ba ma'i mngal de dang der myong ba dang ldan pa'i sa bon rnam par shes pa ming dang gzugs kyi myu gu mngon par 'grub bo// 'di lta ste/ mig gi rnam par shes pa ni/ rgyu lngas 'byung ste/ lnga gang zhe na/ mig la rten pa dang / gzugs dang / snang ba dang / nam mkha' dang / de skyed pa'i yid la byed pa'ang brtan nas/ mig gi rnam par shes pa 'byung ngo / / de la mig ni mig gi rnam par shes pa rten pa'i bya ba byed do// gzugs ni mig gi rnam par shes pa'i dmigs pa'i bya ba byed do// snang ba ni mngon pa'i bya ba byed do// nam mkha' ni mi sgrib pa'i bya ba byed do/ / de skyed pa'i yid la byed pa ni bsam pa'i bya ba byed do// rkyen de dag med na mig gi rnam par shes pa 'byung bar mi 'gyur gyi/ nam nang gi skye mched mig ma tshang bar ma gyur la de bzhin du gzugs dang / snang ba dang / nam mkha' dang / de skyed pa'i yid la byed pa dag kyang ma tshang bar ma gyur te/ thams cad 'dus pa de las mig gi rnam par shes pa 'byung bar 'gyur ro// de la mig ni 'di snyam du bdag gis rnam par shes pa'i rten gyi bya ba bya'o snyam du mi sems so// gzugs kyang 'di snyam du bdag gis mig gi rnam par shes pa'i dmigs pa'i bya ba bya'o snyam du mi sems so/ / snang ba 'ang 'di snyam du bdag gis mig gi rnam par shes pa'i mngon pa'i bya ba bya'o snyam du mi sems so// nam mkha'i khams kyang 'di snyam du bdag gis mig gi rnam par shes pa'i mi slob pa'i bya ba bya'o snyam du mi sems so/ / de skyed pa'i yid la byed pa'ang 'di snyam du bdag gis mig gi rnam par shes pa'i bsam pa'i bya ba bya'o snyam du mi sems so// mig gi rnam par shes pa'ang 'di snyam du bdag ni rkyen 'di dag gis bskyed do snyam du mi sems so/ / 'on kyang rkyen 'di dag yod pa las/ mig gi rnam par shes pa skyed par 'gyur ro// de bzhin du dbang po lhag ma rnams kyang ci rigs su sbyar ro/ / de la chos gang yang 'jig rten 'di nas 'jig rten pha rol tu mi 'pho mod kyi/ rgyu dang rkyen ma tshang ba med pa'i phyir/ las kyi 'bras bu mngon pa'ang yod do// 'di lta ste/ dper na rab tu phyis pa'i me long gi dkyil 'khor la bzhin gyi gzugs brnyan snang ba'ang bzhin me long gi dkyil 'khor du ma 'phos mod kyi/ rgyu dang rkyen ma tshang ba med pa'i phyir/ bzhin du mngon par snang ba'ang yod do/ / de bzhin du 'di nas kyang su'ang shi 'phos pa med la/ gzhan du'ang ma skyes te/ rgyu dang rkyen rnams ma tshang ba med pa'i phyir/ las kyi 'bras bur mngon pa'ang yod do/ / 'di lta ste/ dper na zla ba'i dkyil 'khor ni dpag tshad bzhi khri nyis stong nas 'gro ste/ 'on kyang sdod chung ngu rus gang bar sla ba'i dkyil 'khor gyi gzugs brnyan snang ba'ang zla ba'i dkyil 'khor ni gnas de nas ma 'phos te/ snod chung ngu chus gang ba'i nang du song ba'ang med mod kyi/ rgyu dang rkyen ma tshung ba med pa'i phyir/ zla ba'i dkyil 'khor du mngon pa'ang yod do// de bzhin du 'dra nas kyang su'ang shi 'phos pa med la/ gzhan du'ang ma skyes mod kyi/ rgyu dang rkyen rnams ma tshang ba med pa'i phyir/ las kyi 'bras bur mngon pa'ang yod do// 'di lta ste/ dper na me ni rgyu dang / rkyen ma tshang na mi 'bar gyi/ rgyu dang rkyen tshogs pa las 'bar ro// de bzhin du bdag po med pa'i chos bdag gi med pa/ 'dzin pa med pa/ nam mkha' dang mtshungs pa/ rgyu ma'i mtshan nyid kyi rang bzhin dag la rgyu dang rkyen rnams ma tshang ba med pa'i phyir/ skye ba'i gnas nyid mtshams sbyor ba/ ma'i mngal de dang der sa bon rnam par shes pa/ las dang nyon mongs pa rnams kyis bskyed pa/ ming dang gzugs kyi myu gu mngon par bsgrubs te/ de ltar nang gi rten cing 'brel par 'byung ba rkyen dang 'brel bar blta'o// de la nang gi rten cing 'brel par 'byung ba rnam pa lngar blta ste/ lnga gang zhe na/ rtag par ma yin pa dang / chad par ma yin pa dang / 'pho bar ma yin pa dang / rgyu chung ngu las 'bras bu chen po 'byung ba dang / de dang 'dra ba'i rgyud du'o// ji ltar rtag bar ma yin zhe na/ gang gi phyir tha ma'i 'chi ba'i phung po rnams kyang gzhan la/ skye ba'i char gtogs pa'i rnams kyang gzhan te/ tha ma'i 'chi ba'i phung po gang yin pa de nyid skye ba'i char gtogs pa rnams ma yin gyi/ tha ma'i 'chi ba'i phung po rnams kyang 'gag la/ skye ba'i char gtogs pa'i phung po rnams kyang 'byung bas/ de'i phyir rtag par ma yin no// ji ltar chad par ma yin zhe na/ tha ma'i 'chi ba'i phung po rnams sngon 'gags pa las/ skye ba'i char gtogs pa'i phung po rnams 'byung ba ma yin/ ma 'gags pa las kyang ma yin gyi/ tha ma'i// 'chi ba'i phung po rnams kyang 'gags la/ de nyid kyi tshe skye ba'i char gtogs pa'i phung po rnams srang mda'i mtho dman bzhin 'byung bar 'gyur te/ de'i phyir chad par ma yin no// ji ltar 'pho bar ma yin zhe na/ sems can gyi ris mi 'dra ba nas/ skal ba mnyam pa'i skye bar skye mngon par bsgrubs pa de'i phyir 'pho ba ma yin no// ji ltar rgyu chung ngu las 'bras bu chen po 'byung // zhe na/ las chung ngu byas pa las 'bras bu chen po'i rnam par smin pa myong ste/ de'i phyir rgyu chung ngu las 'bras bu chen po mngon par 'grub bo// ji ltar myong bar 'gyur ba'i las byas pa de ltar myong bar 'gyur ba'i rnam par smin pa myong bas/ de'i phyir de dang 'dra ba'i rgyud du'o// btsun pa shA ri'i bu rten cing 'brel par 'byung ba dang bcom ldan 'das kyis yang dag par gsungs pa de/ gang la la zhig gis yang dag pa'i shes rab kyis/ de ltar yang dag pa ji lta ba bzhin du/ rtag par rgyun du srog med pa dang / srog dang bral ba dang ji lta bu nyid dang / ma nor ba dang / ma skyes pa dang / ma byung ba dang / ma byas pa dang / 'dus ma byas pa dang / thogs pa meng ba dang / dmigs pa med pa dang / zhi ba dang / 'jigs pa med pa dang / mi 'phrogs pa dang / mi zad pa dang / rnam par zhi ba'i rang bzhin du mthong ba med pa dang / gsog dang / gso ba dang / snying po med pa dang / nad dang / 'bras dang zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba de ni/ ci bdag 'das pa'i dus na byung ba zhig gas 'on te bdag 'das pa'i dus na ma byang ba zhig/ bdag 'das pa'i dus na cir gyur pa zhig/ bdag 'das pa'i dus na ji lta bur gyur pa zhag snyam du sngon gyi mtha' la mi rtog go// ci ma 'ongs pa'i dus na 'byung bar 'gyur ram/ 'on te ma 'ongs pa'i dus na 'byung bar mi 'gyur// ma 'ongs pa'i dus na cir 'gyur/ ma 'ongs pa'i dus na ji lta bu zhig tu 'gyur snyam du phyi ma'i mtha' ma la mi rtog go/ / 'di ci zhig/ 'di ji lta bu zhig/ ci zhig yod/ ra 'gyur/ sems can 'di gang nas 'ongs/ 'di nas shi 'phos nas gang du 'gro bar 'gyur zhes/ da ltar/ byung ba la'ang mi rtog go// 'jig rten na dge sbyong dang bram ze dag gi lta bar song ba tha dad pa gang dag yod pa 'di lta ste/ bdag tu smra ba dang ldan pa'am/ srog tu smra ba dang ldan pa 'am gang zag tu smra ba dang ldan pa'am/ dge mtshan dang bkra shis su smra ba dang ldan pa dag kyang rung ste/ lhag par g.yo ba dang bral bar g.yo ba de dag de'i tshe des spangs par 'gyur te/ yongs// su shes nas rtsa ba nas bcad de/ ta la'i mgo bzhin mi snang ba'i rang bzhin du phyis mi skye mi 'gag pa'i chos can du 'gyur ro// btsun pa shA ri'i bu gang la la chos kyi bzod pa 'di lta bu dang ldan pa ste/ rten cing 'brel par 'byung ba yang dag par khong du chud na/ de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das/ gyis yang dag par rdzogs pa'i sangs rgyas su 'gyur ro zhes bla na med pa yang dag par rdzogs pa'i byang chub tu lung bstan to// byang chub sems dpa' sems dpa' chen/ po byams pas de skad ces smras nas/ tshe dang ldan pa shA ra dwa ti'i bu dang / lha dang / mi dang / lha ma yin dang / dri zar bcas pa'i 'jig rten yi rangs te/ byang chub sems dpa' sems dpa' chen po byams pas bshad pa la mngon par bstod do// 'phags pa sA lu ldang ba zhes bya ba theg pa chen po'i mdo rdzogs so// //