བོད་ཡིག

e-texts produced with BDRC’s OCR application

nu chen gyi lo tsa ba ban+d+he ye shes sde la sogs pas bskur cing zhus te gtan la bab pa/ rgya gar skad du/ Ar+ya d+harma mu drA nA me ma hA yA / sU tra/ bod skad du/ 'phags pa chos kyi phyag rgya zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos bapa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong lnga stong tham pa'i dge slong gi dge 'dun chen po dang / byang chub sems dpa' sems dpa' chen po dag dang thabs cig tu zhugs te/ de nas tshe dang ldan pa shA ra dwa ti'i bu bcom ldan 'das kyi mthus stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rab tu byung ba rab tu byung ba zhes bgyi na/ bcom ldan 'das ji tsam gyis na/ legs par gsungs pa'i chos 'dul ba la dge slong rab tu byung ba 'phags pa 'jig rten las 'das pa'i rdzogs par bsnyen pa lags/ bcom ldan 'das kyis bka' stsal pa/ shA ri'i bu so so'i skye bo'i chos rnams las kyang ma 'das la/ zag pa med pa'i chos rnams kyang ma thob pa de tsam gyis na/ dge slong legs par gsungs pa'i chos 'dul ba la rab tu byung ba/ 'phags pa 'jig rten las 'das pa'i rdzogs pa'i bsnyen pas rdzogs par bsnyen pa yin te/ de ltar rab tu byung ba gang dag yin pa de dag ni rab tu byung ba yin gyis/ de ltar ma yin par rab tu byung ba'i gang dag yin pa de dag ni log par rab tu byung ba yin no/ / shA ri'i bu dge slong de lta bus ni dad pas byin pa longs spyad par 'ongs te/ gos dang / zas dang / mal cha dang / stan dang / na ba'i gsos dang / sman dang / sman zong rnams la'ang longs spyod par 'os so/ / shA ri'i bu gzhan yang brtson pa mi gtong ba'i dge slong gang yin pa de ni gzugs gtong bar mi byed/ nor ba dang / 'du shes dang / 'du byed nas/ dang / rnam par shes pa gtong bar mi byed de/ de tsam gyis na dge slong legs par gsungs pa'i chos 'dul ba la rab tu byung ba/ 'phags pa 'jig rten las 'das pa'i rdzogs par bsnyen pas rdzogs par bsnyen pa yin te/ de lta na rab tu byung ba gang yin pa de dag ni yang dag par rab tu byung ba yin gyi/ de lta ma yin par rab tu byung ba gang dag yin pa de dag ni log par rab tu byung ba yin no/ / shA ri'i bu dge slong de lta bus ni dad pas byin pa longs spyad par 'ongs te/ gos dang / zas dang / mal cha dang / stan dang / na ba'i sos dang / sman dang / srin zong rnams longs spyad par 'os so// de nas tshe dang ldan pa rab 'byor gyis/ tshe dang ldan pa shA ra dwa ti'i bul 'di skad ces smras so// tshe dang ldan pa shA ra bu bcom ldan 'das kyis ci las dgongs te/ so so'i skye bo'i chos rnams las kyang ma 'das la/ zag pa med pa'i chos rnams kyang ma thob pa de tsam gyis na/ dge slong legs par gsungs pa'i chos 'dul ba la rab tu byung ba/ 'phags pa 'jig rten las 'das pa'i rdzogs par bsnyen pas rdzogs par bsnyen pa yin te/ de ltar rab tu byung ba gang dag yin pa de dag ni yang dag par rab tu byung ba yin gyi/ de lta ma yin par rab tu byung ba gang dag yin pa de dag ni log par rab tu byung ba yin no// shA ri'i bu dge slong de lta bus ni dad pas byin pa longs spyad par 'os te/ gos dang / zas dang / mal cha dang / snyun dang / nA ba'i gsos dang / sman dang / sman zong rnams longs spyad par 'os so zhes de skad ces bka' stsal pa/ ri'i bus smras pa/ tshe dang ldan pa rab 'byor so so'i skye ba'i chos rnams ni sgyu ma lta bu ste/ de dag ni 'da' bar bya bar mi nus so// tshe dang ldan pa rab 'byor so so'i skye bo'i chos rnams ni yod su ma grub pa ste/ de dag ni 'da' bar bya bar sla ba ma yin no// tshe dang ldan pa rab 'byor sems can gyi khams ni nang na'ang mi dmigs/ phyi rol na'ang mi dmigs/ gnyis kar med bar yang mi dmigs te/ sems can gyi khams kyi rang bzhin gang yin pa dang / so so'i skye bo'i chos rnams kyi rang bzhin gang yin pa de dag ri 'da' bar bya bar sla ba ma yin no// tshe dang ldan pa rab 'byor bcom ldan 'das kyis 'di skad du/ so so'i skye bo'i chos rnams las kyang ma 'das la/ zag pa med pa'i chos rnams kyang ma thob pa de tsam gyis na// dge slong legs par gsungs pa'i chos 'dul ba la rab tu byung ba/ 'phags pa 'jig rten las 'das pa'i rdzogs par bsnyen pas rdzogs par bsnyen pa yin te/ de ltar rab tu byung ba gang dag yin pa de dag ni yang dag par rab tu byung ba yin gyis/ de lta ma yin par rab tu byung ba gang dag yin pa de dag ni log par rab tu byung ba yin no// shA ri'i bu dge slong de lta bus ni dad pas byin pa longs spyad par 'os te/ gos dang / zas dang / mal cha dang / stan dang / na ba'i gsos dang / sman dang / sman zong rnams longs spyad par 'os so zhes gang gsungs pa de'ang / de tshe dang ldan pa rab 'byor gang dag gi rten tam/ gnas med pa de dag ni ji ltar thob par rung / tshe dang ldan pa rab 'byor gal te zag pa med pa'i chos rnams thob tu rung na dmigs pa las dgra bcom pa 'byung bar 'gyur ro/ / de bzhin gshegs pa dgra bcom pa yang dag par rdzogs pa'i sangs rgyas kyi chos nyid ni bltos pa med pa ste/ tshe dang ldan pa rab 'byor bcom ldan 'das kyis de la dgongs nas/ 'di skad du so so'i skye bo'i chos rnams las kyang ma 'das la/ zag pa med pa'i chos rnams kyang ma thob pa de tsam gyis na dge slong legs par gsungs pa'i chos 'dul ba la rab tu byung ba/ 'phags pa 'jig rten las 'das pa'i rdzogs par bsnyen pas rdzogs par bsnyen pa yin te/ de ltar rab tu byung ba// gang dag yin pa de dag ni yang dag par rab tu byung ba yin gyi/ de lta ma yin par rab tu byung ba gang dag yin pa de dag ni log par rab tu byung ba yin no// shA ri'i bu dge slong da lta bus ni dad pas byin pa longs spyad par 'os te/ gos dang / zas dang / mal cha dang / stan dang / na ba'i gsos dang / sman dang / sman zong rnams longs spyad par 'os so zhes bka' stsal to/ / de nas tshe dang ldan pa rab 'byor gyis yang tshe dang ldan pa shA ri'i bu la 'di skad ces smras so// tshe dang ldan pa shA ri'i bu bcom ldan 'das kyis ci las dgongs te/ brtson pa mi gtong ba'i dge slong gang yin pa de ni gzugs gtong bar mi byed/ tshor ba dang / 'du shes dang / 'du byed rnams dang / rnam par shes pa dang / gtong bar mi byed de/ de tsam gyis na dge slong legs par gsungs pa'i chos 'dul ba las rab tu byung ba/ 'phags pa 'jig rten las 'das pa'i rdzogs par bsnyen par rdzogs par bsnyen pa yin te/ de ltar rab tu byung ba gang dag yin pa de dag ni yang dag par rab tu byung ba yin gyis/ de lta ma yin par rab tu byung ba gang dag yin pa de dag ni log par rab tu byung ba yin no/ / shA ri'i bu dge slong de lta bus ni dad pas byin pa longs spyad par 'os te/ gos dang / zas dang / mal cha dang / stan dang / na ba'i gsos dang // sman dang / sman zong rnams longs spyad par 'os so zhes de skad bka' stsal/ shA ri'i bus smras pa/ tshe dang ldan pa rab 'byor bcom ldan 'das kyis chos nyid la dgongs nas/ 'di skad du brtson pa mi gtong ba'i dge slong gang yin pa de ni gzugs gtong bar mi byed/ tshor ba dang / 'du shes dang / 'du byed rnams dang / rnam par shes pa gtong bar mi byed ces bka' stsal to/ / tshe dang ldan pa rab 'byor chos kyi dbyings ni nang na'ang mi dmigs/ phyi rol na'ang mi dmigs/ gnyis kar med par yang mi dmigs so// nang gdags pa ni gdags su med pa dang / skye ba med pa'i gdags pa'o// de ltar na sems can gyi khams mnyam pa nyid kyis chos kyi dbyings mnyam pa nyid do// chos kyi dbyings mnyam pa nyid kyis sems can gyi khams mnyam pa nyid do/ / de ltar na sems can gyi khams dang chos kyi dbyings 'di ni gnyis su med de gnyis su dbyer med do// gang gnyis su med de gnyis su dbyer med pa la ni/ bsal ba'ang med/ gzhag pa'ang med do// gang la gsal ba'ang med/ gzhag pa'ang med pa de ni/ 'da' ba'am/ thob par byar mi nus te/ tshe dang ldan pa rab 'byor bcom ldan 'das kyis de la dgongs nas 'di skad du brtson pa mi gtong ba'i dge slong gang yin pa de ni gzugs gtong bar mi byed/ tshor ba dang / 'du shes dang / 'du byed rnams dang / rnam par shes pa gtong bar mi byed de/ de tsam gyis ni dge slong legs par gsungs pa'i chos 'dul ba la rab tu byung ba/ 'phags pa 'jig rten las 'das pa'i rdzogs par bsnyen pas rdzogs par bsnyen pa yin te/ de ltar rab tu byung ba gang dag yin pa de dag ni yang dag par rab tu byung ba yin gyi/ de lta ma yin par rab tu byung ba gang dag yin pa de dag ni log par rab tu byung ba yin no/ / shA ri'i bu dge slong de lta bus ni dad pas byin pa longs spyad par 'os te/ gos dang / zas dang / mal na dang / stan dang / na ba'i gsos dang / sman da sman zong rnams longs spyad par 'os so zhes bka' stsal to/ / dogs pa med pa'i dge slong ni dogs pa khas mi len to// yi ge med cing yi ge las 'das pa'i dge slong gang yin pa de ni bgrang bas bstan par mi nus la/ de ni 'ong ba'ang med/ 'gro ba'ang med/ 'greng ba'ang med/ 'dug pa'ang med/ nyal ba'ang med do// rtog pa can ma yin pa'i dge slong ni / brtags pa la longs spyod pa'o// rtog pa can gyi dge slong ni ma brtags pa la longs spyod pa ste/ tshe dang ldan pa rab 'byor bcom ldan 'das kyis de la dgongs nas/ shA tsam gyi ni dge slong legs par gsungs pa'i chos 'dul ba la rab tu byung ba/ 'phags pa 'jig rten las 'das pa'i rdzogs par bsnyen pas rdzogs par bsnyen pa yin te/ de ltar rab tu blang ba gang dag yin pa de dag ni yang dag par rab tu byung ba yin gyi/ de lta ma yin par rab tu byung ba gang dag yin pa de dag ni log par rab tu byung ba yin no// shA ri'i bu dge slong de lta bus ni dad pas byin pa longs spyad par 'os te/ gos dang / zas dang / mal cha dang / stan dang / na ba'i gsos dang / sman dang / sman zon rnams spyad par 'os so zhes bka' stsal to// de nas bcom ldan 'das kyis/ tshe dang ldan pa shA ri'i bu la legs so zhes bya ba byin te/ shA ri'i bu legs so legs so// khyod kyis ji skad bstan pa de bzhin du ngas de la dgongs nas bstan pa yin te/ 'di ni legs par gsungs pa'i chos 'dul ba la rab tu byung ba yin no// shA ri'i bu phyag rgya 'dis mngon pa'i nga rgyal can brtag par 'dod pas ni/ phyag rgya de'i mdun du brjod par bya'o/ / shA ri'i bu shin tu brtag pa ni phyag rgya 'dis ni mngon pa'i nga rgyal na mang po brtag par ma nus so// chos kyi rnam grangs 'di bstan pa na/ dge slong bdun brgya len pa med par zag pa rnams las sems rnam par grol lo/ / srid pa tha ma'i dge slong brgya ni chos kyi rnam grangs 'di la ma zhugs shing ma gtogs pa la ma mos nas stan las langs te dong ngo // dge slong lnga ni spong ba byas shing bzlog pa byas nas/ rang gi lus dang bcas te sems can dmyal ba chen por ltung ngo // bcom ldan 'das kyis bka' stsal pa/ shA ri'i brangs kye mchos 'di ni 'jig rten thams cad dang mi mthun no snyam/ de la dgongs nas de skad bstan mong gi/ 'on kyang gang dang yang mi mthun pa med de/ shA ri'i bu dper na mil la zhig gnyid gis leg pa'i phyi lam na skye bo phal po che'i mdun du khyed la ngas chos bshad par bya'o/ / chos de rang 'jig rten thams cad dang mi mthun no zhes tshig tu smras na/ shA ri'i bu 'di ji snyam du sems/ chos d ang mi mthun pa gang dag yin pa'i mi de dag yod pa yin nam/ gsol pa/ bcom ldan 'das de ni mchis lags so// bcom ldan 'das kyis bka' stsal pa/ shA ri'i bu de bzhin du nga'ang kye ma chos 'di ni 'jig rten thams cad dang mi mthun no zhes/ de skad du'ang ston la/ 'jig rten de'ang yang dag par ma mthong ngo // 'jig rten med pa la ni chos kyang bgrang du med do// 'jig rten gdags pa'ang med do// shA ri'i bu 'jig rten thams cad dang mi mthun pa zhes bya ba ni chos rnams ma 'dres shing / chos rnams 'dre ba med pa la bya bar gsungs so// gsol pa/ bcom ldan 'das ma 'dres pa zhes bkye ba'i tshig gi don gang dag lags/ bka' stsal pa/ shA ri'i bu ma 'dres pa zhes bya ba ni chos rnams ro gcig par gdags pa yin te/ gcig pukhwa na'ang ma yin/ tha dad pa kho na'ang ma yin no// shA ri'i bu ma 'dres pa zhes bya ba ni stong pa nyid kyi tshig bla dgas so// gsol pa/ bcom ldan 'das stong pa nyid ces bgyi ba'i tshig gi dog don gang lags/ bka' stsal pa/ shA ri'i bu stong pa nyid ces bya ba ni gdags su med pa'o// gang gdags su med pa de ni gdags par mi nus so// gang gdags par mi nus pa de ni 'jig rten yang ma yin/ 'jig rten las 'das pa'ang ma yin no// shA ri'i bu gang 'jig rten pa'ang ma yin/ 'jig rten las 'das pa'ang ma yin pa de ni stong pa nyid ces bya'o/ / bcom ldan 'das kyis de skad ces bka' stsal nas/ tshe dang ldan pa shA ri'i bu dang / dge slong gi drage 'dun thams cad dang / byang chub sems dpa' sems dpa' chen po de dag dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa/ chos kyi phyag rgya zhes bya ba theg pa chen po'i mdo rdzogs so// / lo tsa ba ban d+he klu'i dbang po dang / lha'i zla bas sgyur cing gtan la phab pa//