བོད་ཡིག

e-texts produced with BDRC’s OCR application

rgya gar gyi mkhan po d+ha mA ka ra dang / lo ts+tsha ba ban de ye shes snying pos sgyur/ ban de dpal brtsegs kyis zhu chen bgyis te gtan la phab pa// rgya gar skad du/ tse t+ya pra bak+Shi Na gA thA/ bod skad du/ mchod rten bskor ba'i tshigs su bcad pa/ dkon mchog gsum la phyag 'tshal lo/ / shes rab blo ldan 'jig rten na// chos kyi 'khor lo rjes bskor ba// shes rab chen po shA ri'i bus// ston pa la ni zhu ba zhus/ mchod rten bskor ba bgyis pa yis// rnam par smin pa cir 'gyur ba/ skal pa chen po'i 'jig rten mchog/ rnam par 'dren pas bdag la gsungs// rdzogs pa'i sangs rgyas rkang gnyis mchog/ ston pas de la bka' stsal pa// mchod rten bskor ba byas pa yi// yon tan gang yin phyogs tsam bstan// mchod rten skor ba byas pa yis/ / lha klu gnod sbyin dri za dang / lha min mkha' lding mi 'am ci// lto 'phye che rnams mchod byed 'gyur// dal ba rnyed dka' thob gyur nas// skad cig gcig tsam bar du yang // mchod rten bskor ba byas pas ni// mi khom brgyad rnam spong bar 'gyur/ / mchod rten bskor ba byas pas ni// dran dang ldan zhing blo gros ldan// kha dog ldan zhing 'dzangs pa dang // thams cad du ni mchod par 'gyur// mchod rten bskor ba byas pas ni// lha dang de bzhin mi rnams kyis// tshe ring ba yang de yis/ 'thog grags pa chen po'ang 'thob par 'gyur// mchod rten bskor ba byas pas ni// 'dzam bu'i gling du rus kyi mchog/ tshe rigs yongs su dag par yang // blo ldan de ni skye bar 'gyur// mchod rten bskor ba byas pas ni// kha bzhin dag kyang bzang ba dang / / mdog sdug pa dang mkhas pa dang // bde bar gnas pa thob par 'gyur// mchod rten bskor ba byas pas ni// phyug cing nor yang mang ba dang / ser sna med cing gtod phod dang // sbyin pa dag la dpa' bar 'gyur// mchod rten bskor ba byas pas ni/ yid du 'ong zhing lta na sdug/ mdog bzang mthong na dga' ba dang // longs spyod rgya chen spyod par 'gyur// mchod rten bskor ba byas pas ni// 'du byed stong par mthong nas kyang // de ni chos la rmongs mi 'gyur// myur du dga' ba thob par 'gyur mchod rten bskor ba byas pas ni/ / rgyal rigs mchog tu skye bar 'gyur// bu smad 'khor dang ldan pa dang // stobs dang brtson 'grus ldan par 'gyur// mchod rten bskor ba byas pas ni// bram ze che zhing mtho bar skye// tshul khrims ldan zhing thos dad ldan/ / rig byed gsang sngags ldan par 'gyur// mchod rten bskor ba byas pas ni// khyim bdag che zhing mtho bar skye// phyug cing nor yang mang ba dang // nor dang 'bru rnams ldan par 'gyur// mchod rten bskor ba byas pas ni// 'dzam bu'i gling gi mda' bdag rje/ / sa steng mtha' dag dbang byed pa'i// chos dang ldan pa'i rgyal por 'gyur// mchod rten bskor ba byas pas ni// rin chen bdun dang ldan pa yi// 'khor los sgyur ba'i rgyal por 'gyur// chos bzhin 'khor lo bskor bar byed/ / mchod rten bskor ba byas pas ni// 'di nas 'phos nas mtho ris 'gro// sangs rgyas bstan la dga' ba dang / rnal 'byor ldan zhing rdzu 'phrul che// mchod rten bskor ba byas pas ni// lha yul dag nas 'phos nas kyang // de ni mi yi nang du skye/ mongs pa med par mngal du 'jug/ mchod rten bskor ba byas pas ni// mngal gyi skyon gyi dri ma yis// de la gos par mi 'gyur te// de ni nor bu dag pa bzhin// mchod rten bskor ba byas pas ni// ma lhor bde bar gnas par 'gyur// de ni bde bar btsa' ba dang / / bde bar nu zho 'thung bar 'gyur// mchod rten bskor ba byas pas ni// phas kyang g.yog 'khor mang po yis// de la gso zhing gnas par 'gyur// ma mas rtag tu rim gro byed// mchod rten bskor ba byas pas ni// nye du rnam kyi snying du sdug/ de bzhin pa ma lhag par byams// skyes nas longs spyod 'phel bar 'gyur// mchod rten bskor ba byas pas ni// sha za dang ni srin rnams kyis// de la gnod par mi 'gyur te// longs spyod dag la skyon med spyod/ mchod rten bskor ba byas pas ni// bskal pa brgyar yang de dag rnams// zhar ba grum por yongs mi 'gyur// lus kyang rnam par dag par 'gyur// mchod rten bskor ba byas pas ni// mig kyang rnam par dag par gyur// dkyus ring mthon thing sdug pa dang / / lha yi mig kyang de yis 'thob// mchod rten bskor bar byas pas ni// lus bde sems kyang brtan pa dang // de bzhin brtson 'grus brtan pa dang // dpung mgo zlum zhing brtan par 'gyur// mchod rten bskor ba byas pas ni// stobs dang byed gzugs phun sum tshogs// yan lag thams cad mtshan rnams kyis// legs par brgyan cing ldan par 'gyur// mchod rten bskor ba byas pas ni// sum bcu rtsa gsum dbang phyug rje// rdzu 'phrul che ba'i brgya byin du/ lha'i dbang po chen por 'gyur/ / mchod rten bskor ba byas pas ni// 'thab bral lha'i rgyal po dang // de bzhin yongs su dga' ldan dang // 'phrul dga' gzhan 'phrul dbang byed 'gyur// mchod rten bskor ba byas pas ni// tshangs pa'i 'jig rten tshangs pa yi/ / dbang phyug nyid du de 'gyur zhing // lha rnams bye ba snyed kyis mchod// mchod rten bskor ba byas pas ni// bskal pa bye ba stong dag dang // khrag khrig phrag brgya dag tu yang // shes rab ldan pa rtag tu mchod// mchod rten skor ba byas pas ni/ / bskal pa byi ba stong dag tu// lus gtsang gos kyang gtsang ba dang // dkar po'i chos dang ldan par 'gyur// mchod rten bskor ba byas pas ni// stobs dang brtson 'grus phun sum tshogs// de ni le lo med pa dang // shin du bsgrub pathob par 'gyur/ / mchod rten bskor ba byas pas ni/ brtson 'grus brtan zhing mthu yang brtan// rgyal brtan ces kyang mi tshugs shing // don rnams myur du 'grub par byed// mchod rten bskor ba byas pas ni// gdangs snyan gsang yang mthob dang / yid dngabong ba'i nga ro can/ / gnod pa med cing nad med 'gyur// mchod rten bskor ba byas pas ni// de nyid kyis ni bstan pa yi// gnas der myur du de 'gro zhing // shas cher skye ba thob par 'gyur// mchod rten bskor ba byas pas ni// dran pa nye bar gzhag pa bzhi/ / sems kyi tshad med bzhi po dang // rdzu 'phrul rkang pa'i dbang yang 'thob// mchod rten bskor ba byas pas ni// 'phags pa'i bden pa bzhi po dang // dbang po rnams dang stobs rnams dang // byang chub yan lag 'bras bu 'thob// mchod rten bskor ba byas pas ni// mngon shes drug ldan zag pa med// nyon mongs thams cad spangs pa yi// dgra bcom rdzu 'phrul chen por 'gyur// mchod rten bskor ba byas par ni// 'dod chags zhe sdang spangs pa dang // 'khor rnams thams cad spangs pa yi/ / rang rgyal byang chub 'thob par 'gyur// mchod rten bskor ba byas pas ni// 'jig rten dag tu de bzhin gshegs// mtshan rnams kyis ni brgyan pa dang // gser gyi sku mdog 'thob par 'gyur// lus kyi las kyang bskor ba yin/ / dag gis las kyang bskor ba yin// yid kyi las kyang bskor ba yin// smon lam btab pa'ang bskor ba yin// 'dir ni bskor ba byas pa yis// bgrod dka' bde dgur don rnams 'grub// 'jig rten mgon po'i mchod rten la/ / bskor ba byas pa'i yon tan gang // da ni tshig tsam nyim yis// lags par bstan par mi nus pa// sems can rnams la snying btso'i phyir// shA ra'i thus ni zhus nas kyang // mtshad rten phyag rgyas yon tan gang/ 'dzi/ rten mgon pos bstan pa yin// rta brgya dang ni gsar srang brgya// dri mo'i shing rta brgya dag dang // rgod ma brgya yi shing rta rnams// rin chen sna tshogs bkang ba yang / bskor ba'i gom pa gcig bor ba'i// bcu drug char yang mi phod do// kam po rdzi yi bu mo brgya// nor bu rna cha gdur 'khor thogs// gser gyi dpung rgyan 'chang ba dang // mgrin pa gser gyis legs brgyan pa// bskor ba'i gom pa gcig bor ba'i// bcu drug char yang mi phod do// gangs kyi glang chen brgya rten dag/ lus chen namachod yangs pa dang // swa yang gshol mda' 'dra ba'i glang // gser dang nor bus brgyan pa dang // bskor ba'i gom pa gcig bor ba'i// bcu drug char yang mi bod do// mkhas pa gang gis sangs rgyas mchod rten la/ / dga' ba'i sems kyis gom pa gcig por ba// 'dzam bu'i chu klung gser srang 'bum grangs snyed// de ni de dang mtshungs pa yod ma yin// mkhas pa gang gis sangs rgyas mchod rten la// dga' ba'i sems kyis 'jim gong gcig bor ba/ / 'dzam bu'i chu klung gser gyi pho brang 'bum// de ni de dang mtshungs pa yod ma yin// mkhas pa gang gis sangs rgyas mchod rten la// dga' ba'i sems kyis me tog sil ma spungs// 'dzam bu'i chu klung gser snod 'bum bzhag pa/ / de ni de dang mtshungs pa yod ma yin// mkhas pa gang gis sangs rgyas mchod rten la// dga' ba'i sems kyis me tog phreng ba thogs// 'dzam bu'i chu klung gser khal bye ba gnyis// de ni de dang mtshungs pa yod ma yin/ / mkhas pa gang gis sangs rgyas mchod rten la// dga' ba'i sems kyis spos chus dbang bskur ba// 'dzam bu'i chu klung gser gyi phung po 'bum// de ni de dang mtshungs pa yod ma yin// mkhas pa gang gis sangs rgyas mchod rten la/ / dga' ba'i sems kyis mar me 'bul byed pa// 'dzam bu'i chu klung gser srang bye ba 'bum// de ni de dang mtshungs pa yod ma yin// mkhas pa gang gis sangs rgyas mchod rten la// dga' ba'i sems kyis rgyal mtshan 'phan gdugs thogs/ / gser gyi ri bo lhun po cher 'bum yang // de ni de dang mtshungs pa yod ma yin// 'di ni dpag med de bzhin gshegs// rgya mtsho 'dra ba'i rdzogs sangs rgyas// ded dpon bla na med pa la// phul pa'i phan yon bstan pa yin/ / bzhugs pa'i tshe na gang gis mchod// mya ngan 'das 'og gang gis mchod// sems dge ba ni mtshungs 'gyur na// bsod nams la ni khyad par med// de ltar sangs rgyas bsam mi khyab/ sangs rgyas chos kyang bsam me khyab// bsam mi khyab la dang rnams kyi// rnam par smin pa'ang bsam ma khyab// mchod tan paskong ba'i tshigs sa bcad pa rdzogs s+ho// / rtag ska du/ zas na dzad thArmA/