བོད་ཡིག

e-texts produced with BDRC’s OCR application

na ci ba nad d+ha ma hA shI la dang / rgyal la cu ba ban de tod a tsal la sogs pas bsgyur cing zhus te gtan la bab pa// yang zhus kun// rgya gar skad du/ rA dza da sha nA ma ma hA yan bod skad du/ rgyal po la gdams pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus cig na/ bcom ldan 'das rgyal bu rgyal byed kyi tshal mgon med pas sbyin gyi kun dga' ra ba na/ / dge slong gi dge 'dun chen po dang / byang chub sems dpa'i dge 'dun rab du mang po dang thabs gcig tu bzhugs so// de'i cha bcom ldan kyis 'khor rnams la bka' stsal pa/ / de ring rgyal po gzugs can snying po gdul bar bya ba'i dus la bab gyis// yul ma ga d+har 'gro bar bya'o zhes gsung nas/ 'kho dang bcas pa dang ba'i rgyal po ltar nam mkha la ldings te/ gshegs pa blon po zla ba bzang pos mthong nas rgyal po la smras pa/ lha lags sangs rgyas 'khor dang bcas pa'o skol gyi yul du byon pas grong khyer brgyan pa dang bsnyen bkur bya bar rigs so/ / rgyal pos smras pa/ 'dzam bu'i gling nad las che ba med par su la snyan bkur byed ces slar nyid du dregs par gyur to// de nas rgyal po gzugs can snying po'i pho brang gi sgor gdan bshams pa la bcom ldan 'das 'khor dang bcas pa bzhugs so/ / de ltar bzhugs par shes nas rgyal pos kyang chen po'i 'degs zhes bya ba rbad de rdo shin du che ba bcom ldan 'das la 'phangs so// rdo na ma 'alding zhing de las sgra 'di skad ces grag go/ kye ma 'dus byas rtag pa med// / skye zhing 'gog pa'i chos can yin// skye ba yod na 'chi ba yod// 'du ba yod na bral ba yod// bsags pa yinan 'dzad pa yod/ lang tsho'i mdog kyang nad kyis 'phrog/ 'tsho ba'i tshe yang 'chi bas 'phrog/ chags par gyur na sdug bsngal 'phel// skyo bar byas na thar bar 'gyur// zhes pa de rgyal po gzugs can snying bos thos pas mos par gyur te thad du song nas thal mo sbyar te 'khod pa la bcom ldan 'das kyis bka' stsal pa/ rgyal po chen po tshes la mos par bya/ khong du chud par bya/ sgo bar bya yid 'byung bar bya'o// rgyal pos gsol pa/ bcom ldan 'das gang la skyo bar bgyi// yid 'byung bar bgyi/ bcom ldan 'das kyis bka' stsal pa/ 'khor ba las skyo zhing yid 'byung bar bya'o// rgyal pos gsol pa/ ci'i phyir 'khor ba las skyo zhing yid 'byung bar bgyi/ bcom ldan 'das kyis bka' stsal pa/ 'khor ba 'di mi rtag pa dang / sdug bsngal ba'i phyir ro// rgyal pos gsol pa/ bcom ldan 'das 'khor ba 'di ji skad mi rtag pa lags/ bcom ldan 'das kyis bka' stsal pa/ snod kyi 'jig rten 'di yang mi rtag la/ bcud kyi sems can yang mi rtag go/ rgyal pos gsol pa/ snod kyi 'jig rten ji ltar mi rtag pa lags/ bcom ldan 'das kyis bka' stsal pa/ snod kyi 'jig rten ri rab gling khams kyang // 'jig pa'i dus tshe bskal pa'i me byung nas// thal ba'i lhag ma tsam yang mi lus so// chu dang rlung gis 'jig pa de bzhin no// gzhan yang dbyar skye la dgun grang skam/ / lo legs lo nyes tha na zhod nges pa med// lo zla 'das shing 'jig pa'i dus dang nye// de la sogs te mi rtag mngon sum ni// rtag pa yin na ci phyir 'gyur zhing 'gro// rgyal pos gsol pa/ bcud kyi sems can ji ltar mi rtag pa lags/ bcom ldan 'das kyis bka' stsal pa/ bcud kyi sems can tshe 'di nyid la yang // nyin zhag lo zla rim gyis gcod byed pas/ nyin zhag 'das shing 'chi dang phar phar nye/ / mi shir 'dod kyang rang la rang dbang med// skye rgan 'chi rang thag ri mo 'dra// 'chi bdag bdud ni so bya nya sdod 'dra// 'chi ba'i rkyen ni bsam gyis mi khyab ste// 'chi skyen ma song dngos po gang yang med/ / lus 'di zas kyis 'tsho yang rnangs nas 'chi// 'jig rten 'di na che chung phyug dbul kun// 'chi bdag dbang du mi 'gyur gang yang med// snga ma shi ba'i mi rnams kun gyis kyang // rtag tu nas bu dang / nor bsags kyang // bu nor phyir lus bdag la phan pa med// rang gi dge sdig gnyis dang 'grogs te 'chi// da ltar rang re gnas pa'i ring 'di la'ang // dga' bshes gnyen 'dun mdza' dang mi mdza' dang // na tshong 'thun dang rgan gzhon ji snyed cig/ shi ba mthong zhing thos pa ma yin nam// sa steng gnas pa'i sems can 'di kun yang // lo brgya tshun chad sdod kyang ma lus 'chi// de bas rang re'ang 'chi ba'i chos can yin// deng 'chi sar 'chi su kyang mi shes te/ / tshod 'dzin pa yang mi 'jigs sbyin med pas// sang phong deng sang bdag nyid ji ltar 'gyur// 'chi ba'i tshe na pha ma bu tsha dang // phu nu mdza' bshes bran khol nor kun gying / bdag nyid 'chi ba'i phyin 'od med pas/ / sdug bsngal skal len / gang yang yod ma yin// de bas skyes kyang bdag nyid gcig bu skyes// tha ma 'chi yang bdag nyid gcig pu 'chi// skad cig che las 'thun pa nye gzhi rnams// 'gron po gnas 'thun tsam ste so sor 'gro/ / skad cig tsam yang 'bral bar mi nus pa'i// gnyen dang nor rdzas yul mkhar kun bor nas// bdag nyid gcig pu 'jigs pa'i lam du 'gro// ji tsam sdig dang bsngos nas nor bsags kyang / / sdig pa'i rnam smin rmongs pa bdag nyid 'khur// bsags pa'i nor ni khong dag pu tshas 'khyer// de phyir bsags pa'i nor gyis ci zhig phan// bdag la shin du 'phangs pa'i lus 'di yang // / shi ba'i dus su rdza zhig bzhin du 'bor// lhan cig skyes pa'i sha rus gnyis kyang 'bye// dbang med bdag nyid gcig pu'i khyams nas ni// las kyi dbang gis gang du skyes gyur na// de bas lus kyi phyir ni sdig mi bya// lus 'dis gting 'gro ste chog mi shes// mi gtsang las byung mi gtsang phung po yin// na rga 'chi sogs sdug bsngal kun gyi gnas// shi nas lus por sa yi phyogs tsam btsaka/ bya dang khyi sbyang la sogs rnams kyis za/ / bsnyen bkur 'bad kyang 'chi bdag srin pos 'phrog/ mkhas pas smod cing blun po chags pa'i gnas// de bas mkhas pa lus la su zhig chags// lus kyi phyir ni ya dar 'jug mi bya// 'di la gla rngan gos zas byin nas su/ / yun gyi phan phyir bsod nams sogs tu gzhug/ bdag gi grogs ni dge sdig gnyis las med// de yang dge ba mtho ris thar pa'i rgyu// sdig pa ngan song sdug bsngal 'byung ba'i rgyu// ma shi bar du'ang lus ni mi rtag ste// bu chung byis pa gzhon nu nyid du 'gyur// de nas dar la bab dang dar yol dang // rgas par gyur te lus 'di rta ga na ni// gnas skabs de skad cig ni cis te 'gyur// longs spyod bde sdug rnams kyang mi rtag ste// btsan phyug 'jom pa sdug phongs can du 'gyur// sdug phongs can yang btsan phyug 'dzom par 'gyur// lang tsho longs spyod na rga 'chi bas 'joms// 'jig rten chos 'di thams cad mi rtag go/ rgyal po gzugs can snying pos gsol pa/ bcom ldan 'das 'khor ba 'di'i sdu bsngal ji lta bu lags/ bcom ldan 'das kyis bka' stsal pa/ 'khor ba la nam yang bde ba med/ / byas pa thams cad don med sdug bsngal rgyu// sdug bsngal gtso bo skye rgan 'chi bzhi// dmyal bar skyes na sdug bsngal 'di 'dra'o// dmyal srung sa dang ni dmyal ba'i mi mthong nas/ shin tu skrag rdzangs tshongs cher 'debs shing // rang la rngan 'grod sngon gyi sdig pa la// shin du 'gyod kyang phan pa ci yang med// lus 'di shin du che la gzhon sha can// tshor ba che zhing drag po'i lus thob nas// kha cig rang lus me'i phung por 'bar// kha cig lcags mkhar khang pa sbrum mar rdung // 'gre ldog byed cing phyogs ni kun nas sreg/ kha cig lcags las byas pa'i snod chen du/ spyi tshugs 'bru nyungs chu 'ol thug bzhin 'tshed/ / kha cig sog les 'dra zhing gtun la rdung // kha cig gnas dang khang par srung zhing sreg/ me mar mur dang thal tshan chul sogs// sdug bsngal mang po bsam gyis mi khyab po// mi yi lo ni 'bum dang brgyad khri la/ / dmyal ba kha cig na ni nyin zhag gcig/ de la sogs pa bskal pa'i bar du gnas// shi bar dga' yang 'chir ni mi btub po// las ma zad pa kha cig 'jig chags che/ 'jig rten brgyud cing 'jig chags med par skye/ yi dgas skyes pa bkres dang skom pas gdungs// mgo bo ri tsam kha ni khab mig tsam// ske tsa rab phra gsus pa yul ljongs tsam/ bza' btung mthong yang gzhan gyis bsrungs pa dang / / rnag khrag ngan pa skyug pa bzhin du mthong // kha cig zos kyang khro chu khol mar 'gro// byol sor skyes na gcig la gcig za dang // rang la dbang med bkol btag pa rdeg 'tshog dang / / gzhan gyis gsod sogs gti mug rmongs pas sdug/ mir skyes na yang mdal na gnas pa'i tshe// ma ni 'grangs tsho zag par btsir ba 'dra// bkres pa'i tshe na spyad la btang ba snyam// drag shul byed tshe gtun la rdung pa snyam/ / btsas pa'i tshe na pags pa bshus nas ni// rtsig pa'i logs la drung pa bas kyang rtsub// tsha 'brum bkres skom rkang lag na nas sdug/ cher skyes na yang so nam brel phongs dang / / nye du bral dang dgra sa bcom bu lon dang // bkres skom cha grang don la sogs pas sdug/ phongs pa rnams ni btsal thabs med nas sdug/ yod pa rnams kyang 'tsho sbyang ma la cheb sdug/ zhing zo tshong byed 'du byed las kyi sdug/ de la sogs pa'i sdug bsngal bsam mi khyab// sdug bsngal gzhi ni phal cher lho rgyab gnyis// 'jig rten 'di yi bde ba'i longs spyod kyang // phal char phyi ma'i ngan pa sdug bsngal rgyu/ / lha min skyes na nga rgyal phrag dog dang // khre gtum 'thab rtsod la sogs dbang gis sdug/ lhar skyes kyang ni 'chi 'pho ltung ba dang / 'chi lta/ sa lnga dang 'du byed dbang gis sdug/ rgas pa yang ni 'di ltar sdug bsngal te/ / mgo dkar gnyer 'dus gzhan gyis mthong mi mos// kha sna chu 'dzag rkang lag kun kyang 'dar // sems kyis dran yang lus la nyam stobs med// bu tsha kun kyang shin rud snyam sems/ / zhal ta byas kyang mi nyan dbang yang shor// kha cig srin rgan shi 'byis zhes kyang zer// kha cig par dbyug thogs nas rdung bar byed// de ltar mthong thos shir 'dod shing ma btub// na ba rnams ni 'di ltar sdug bsngal te/ / lus kyi 'byung chen bzhi ni ma snyoms pas// rlung mkhris bad kan 'dus pas lus gdung te// long ba spyod mthong yang 'di la 'dod pa med// lus kyi nyams stobs shor bas ldang mi nus// mdzes pa'i gzi mdangs shor bas yi rags 'dra// 'chi ba rnams kyang 'di ltar sdug sngal te/ gnyen pa she tshogs kyis cho de 'debs byed kyang // de la nyan lta bsam pa'i yul med de// gnad gcod pa ni mtshan chas gtub pa 'dra/ / mdza' dang mi mdza' don du sngar byas pa'i// dge sdig las ni rmi lam yul bzhin snang // gshin rje'i pho nya shin du 'jigs pas bskor// bred sha zon nas kun du bltas byas kyang / mgon skyabs byed pa su yang ma mthong nas// shin du rigs bzhin kun du yi mug ste// bdag nyid gar 'gro tal med par du 'byung // mi rtag sdug bsngal mi zad yun ring 'di// thog pa med nas lha'i bar du yang / / 'phags lam ma thob par du rtag tu gdung // rgyal pos gsol pa/ bcom ldan 'das 'khor ba 'di shin du sdug bsngal ba lags ni bde legs dang ldan pa gang lags/ bcom ldan 'das kyis bka' stsal pa/ mya ngan las 'das pa ni bde legs phun sum chags pa yin no// rgyal pos gsol pa/ ji ltar bde legs phrin sum tshogs pa lags// bcom ldan 'das kyis bka' stsal pa/ mya ngan 'das pa zhi pa bde ba'i mchog/ rnam rtog bdag tu 'dzin dang nyon mongs med// ngan song gsum sogs bkres skom grang dro dang // skye rgan 'chi la sogs sdug bsngal med// 'khor ba mi rtag sdug bsngal gtan zad nas/ lus su gzhan don 'ba' zhig spyod byed cing // mthu dang rdzu 'phrul bsam gyis mi khyab po// de skad ces bka' stsal pa dang / rgyal pos gzugs can snying po 'khor ba las yid byung nas rgyal srid mchil ma'i bral ba ltar bor te/ mya ngan las 'das pa bsgrub pa la gzhol bar 'gyur to// de ltar gyur pa la bcom ldan 'das kyis bka' stsal pa/ rgyal po chen po legs so legs so// rjes thams cad kyi nang na glang po che'i rjes mchog go/ me tog rnams kyi nang na pad ma dkar po mchog go// 'du shes thams cad kyi nang na mi rtag pa'i 'du shes mchog go/ bsam pa rnams kyi nang na 'khor ba las yid byung ba mchog/ go// rgyal po chen po 'khor ba las yid byung ba legs so// skyo ba skyes pa legs so// chags na 'khor ba yin no// ma chags na mya ngan las 'das pa yin no// bcom ldan 'das kyis de skad ces bka' stsal nas/ / rgyal po gzugs can snying po la sogs pa thams cad yi rang ste// bcom ldan 'das kyis gsungs pa la mngon par bstod do// rgyal po gzugs can snying po la gdams pa zhes bya ba theg pa chen po'i mdo rdzogs s+ho/ / / rgya gar gyi mkhan po dA na shI la dang // / ban de ye shes sdes bsgyur cing zhus te gtan la phab pa/