བོད་ཡིག

e-texts produced with BDRC’s OCR application

rgya gar skad du/ shrI badz+ra sid d+ha dz+wa la saM ba ra ta na tra rA dzA/ bod skad du// dpal rdo rje grub pa dra ba'i sdom pa'i rgyud kyi rgyal po// dpal rdo rje mkha' 'gro la phyag 'tshal lo// 'di skad bdag gis thos pa dus gcig na/ bcom ldan 'das dga' ldan gyi gnas rin po che'i khang bzang gi nang na byang chub sems dpa' byams pa dang / dga' ba'i 'od dang dri ma med pa'i 'od la sogs pa dpa' bo dang rnal 'byor ma'i 'khor dpag tu med pa dang / de bzhin gshegs pa thams cad kyi de kho na btsun mo'i b+ha ga la snyoms par zhugs pa'i dus su rigs sgyu ma'i dbang du mdzad de/ thams cad kyi lha'i phyi nang gsang ba blan med pa'i mchod bas mchod pa'i dus su byang chub sems dpa' byams pas bcom ldan 'das kyi zhabs la mgo bos phyag 'tshal te/ thal mo sbyar nas gsol pa// mgon po thugs rje che ldan pa// de nyid don dam gang yin pa// dpal dang rdo rje don dang ni// dra ba sdom pa rgyud kyi don// nges bstan don ni gang yin pa// de nyid bdag la bshad du gsol// bcom ldan 'das kyis bka' stsal pa// byams pa la sogs 'khor rnams kun// phyi rol don la g.yeng ba'i sems/ / nang du sdus la rtse gcig nyon// dpal ni gnyis med ye shes te// de nyid mchod pa'i 'os yin la// gnyis med bde bas mchod par bya// rdo rje zhes bya ye shes lnga// gzung 'dzin rtog pas mi phyed phyir/ / rdo rje zhes ni bstan pa yin// de nyid don la rtse gcig pas// chos sku rdo rje 'chang chen po'i// sa ni nges par thob pa'o// dra ba zhes pa mang po'i don// kun rdzob gzhan rig tu bstan pa// grangs med rgya cher bstan pa ni/ / nam mkha' dang mtshungs sdom pa'i don// nam mkha' dang mtshungs rang rig ni// sems kyi de nyid stong pa'i ro// skad cig de'i rgyun nyid la// rgyud ces bya bar bstan pa yin// dpal rdo rje grub pa dra ba'i sdom pa'i rgyud las mtshan gyi sdom pa'i le'u ste dang po'o/ / // de nas gzhan yang nga yis bshad// ye shes skye ba'i rgyu dang gnas// rkyen dang de bzhin dmigs pa'i yul// bye brag ming gi nam grangs dang / / don gyi rnam grangs gang yin dang // phan yon dang ni 'bras bu dang // don dam de nyid chos kyi dbyings// de nyid 'dir ni bshad par bya// rgyu ni rang rig ye shes te// rgyu med rgyu yi rang bzhin can// rang rig sgyu mar byung ba ni// bde chen 'khor lo nas brtsams te// 'khor lo bzhi 'am brgyad gnyis bshad// de bzhin nyi shu rtsa bzhi ste// ye shes skye ba'i rten yin la// gnas ni de dang mnyam pa'i rtsa// grogs ni ye shes rlung yin te/ / ye shes rlung gi bzhon pa la// zhon nas de nyid 'byung ba yin// grangs ni snga ma ltar shes bya// ngo bo thig le nyid yin te// thig le mdud pa'i grangs su shes// de yi phan yon gang yin pa// bzung 'dzin rnam par rtog pa yis// phyin ci log tu brtags pa yi// rnam par rtog pa spong ba yin// 'bras bu rdo rje 'chang chen po'i// sa ni nges par thob pa'o// dpal rdo rje dra ba'i sdom pa'i rgyud las ye shes kyi rgyu dang gnas la sogs pa'i le'u ste/ gnyis pa'o// // de nas gzhan yang bshad bya ba// 'khor lo rnams kyi dbye ba ni// bde chen 'khor lo'i 'dab ma ni// sum bcu rtsa gnyis grangs yin no// de nas longs spyod 'khod lo ni/ / 'dab ma bcu drug dag tu bstan// chos kyi 'khor lo 'dab ma brgyad// sprul pa'i 'khor lo 'dab ma ni// drug bcu rtsa bzhi dag yin no// bde chen 'khor lo sor bzhi ste// longs spyod 'khor lo sor bcu drug/ chos kyi 'khor lo sor bcu gnyis// sprul pa'i 'khor lo sor bcu drug/ bde chen 'khor lo'i lte ba ru// haM ni dkar po thur bltas sam// longs spyod 'khor lo'i lte dbus su// oM ni dmar po gyen bltas bsam/ / chos kyi 'khor lo'i lte dbus su// hU~M ni sngon pa mthur bltas sa pa// sprul pa'i 'khor lo'i ste dbus su// maM ni dpar po gyen bltas sa pa// dang pa'i 'khor lo'i 'dabam la// dbyangs tu yi ge bcu drug ni/ / lugs 'byung lugs min dgod par bya// longs spyod 'khor lo'i 'dab ma la// dbyangs yig bcu drug rims bzhin dgod// chos kyi 'khor lo'i 'dab ma la// laM ma paM taM// yi ge 'di rnams g.yon nas dgod/ / oM traM tri a// mtshams nas g.yas su dgod par bya// sprul pa'i 'dab ma bzhi rtsibs la// gsal byed yig ge sum bcu gnyis// lugs 'byung lugs las bzlog tshul dgod// sku gsung thugs kyi rtsa gsum ni/ / dbus nas drang por gnas pa ste// d+hU ni dkar por thur bltas pa// mar gyi rtse la thug par dgod// g.yas na thabs kyi rtsa gnas te// kA li sum bcu rtsa gnyis ni// thabs la la nag tu bskor byas nas/ / lugs 'byung 'og tu kha bltas dgod// g.yon na shes rab rtsa gnas la// ma mo dbyangs yig bcu drug ni// gyen la bltas pa dgod par bya// rgal tshigs la gnas srog la rten// gsum 'dras pa'i gnas der ni// rin chen dang 'dra mdud pa ni// dgu por gnas pa bya gdong tshul// chos kyi dbyings kyi dbang phyug ma// bde ba reg ster ma ni bzhugs// gzhan yang rkyen gyi 'khor lo gnyis/ / gru gsum gnas su yi ge raM// de ni yongs su gyur pa las// me yi 'khor lo gru gsum pa// tshad ni sor gsum nyid yin te// lte bar ra ni dmar po bsam// 'dab ma gsum la oM AH hUM/ / gru gsum zur la dgod bya ba// rdo rje rtse gsum bsam par bya// rlung gi gnas su yi ge yaM// de nyid yongs su gyur pa las// mdog nag gzhu yi dbyibs 'dra la// tshad ni sor bzhi nyid yin no// dbus su 'dab ma lnga yin te// lte bar yang ni nag po bsam// 'dabam lnga la d+ha lnga dgod// ba dan lnga yis mtshan pa'o// rlung gi dam tshig me sbar bas// dam tshig me yis gtum mo bskul// 'khor lo gsum bsreg rnying pa tsam/ / yi ge ha ni bsros pa yis// haM ba'u bdud rtsi'i char yang bab// lte ba'i gnas su thig ler gyur// rgyun tu 'bar bar gyur pa yis// rin chen dbyibs 'dra'i nang slebs nas// rang bzhin dga' banyabs pyod pas/ / rang gi sems kyi snying po'i ro// bzhi pa'i dpal ldan he ruka/ de nyid rtogs par gyur pa yis// chos su rdo rje 'chang chen po'i// sa ni nges par thob pa'o// dpal rdo rje grub padra ba'i sdom pa'i rgyud las 'khor lo bzhi bstan pa'i le'u ste gsum pa'o/ / // de nas gzhan yang bshad bya ba// yid bzhin nor bu dang mtshungs pa'i// nges don du ni nga yis gsungs// de yi don la khyed rnams kyis/ / rtse gcig sems kyis yid la zung // bcom ldan 'das kyis de skad ces bka' stsal pa dang / byams pa dang / dga' ba'i 'od dang / dri ma med pa'i 'od la sogs pa dpa' bo dang / rnal 'byor ma'i 'khor dpag tu med pa thams cad dga' zhing mgunas rjes su yid rang nas/ lha'i mchod pa rnam pa du mas mchod pa ni nam ma khA la rin po che'i char dang / sgeg pa dang / rgod pa dang / dga' ba'i mchod pa'i rnam pa dang / pa ta Ta la sogs pa'i mchod pa dang / gzhan yang lha'i me tog dang / spos dang / mang me dang / zhal zas kyi mchod pa ro brgya pa dang / btung ba'i mchod pas mchod de// gzhan yang nang dang / gsang ba dang / gsang ba'i gsang ba bla na med pa'i mchod pa chen po rmad du byung bas mchod nas lan gsum bskor ba byas te/ so so'i rdzu 'phrul gyis mi snang bar gyur te// dpal rdo rje grub pa dra ba sdom pa'i rgyud kyi rgyal po rdzog s+ho/ / rgya gar gyi mkhan po gA ya d+ha ra dang / lo tsA ba dge slong shAkya ye shes kyis sgyur cing zhus pa'o// rgya gar skad du/ shrI ma hA ba la dz+nyA na rA dza tan tra rA dzA/ bod skad