བོད་ཡིག

e-texts produced with BDRC’s OCR application

rgya gar skad du/ shI ag ne mA le tan tra rA dzA/ bod skad du/ dpal me'i phreng ba'i rgyud kyi rgyal po/ dpal rdo rje sems dpa' la phyag 'tshal lo// ha ha~M hi hi he he kye// bdag la khyed la zhub mchis/ / shI ni gang lags te gang lags// ru ni gang lags ka gang lags// dbang bzhi he ru ka gang lags// bcom ldan 'das kyis bka' stsal pa// shI ni gnyis med ye shes te// he ni rgyu sogs rnam par spangs/ / ru ni tshogs dang bral ba nyid// ka ni gang du'ang mi gnas so// de lta'i dpal ldan he ru ka/ rtag tu lus dang sems la gnas// de nyid la yang rnam pa bzhi// dbang bzhi grangs kyis nges pa ste// dang po bum dbang he ru ka/ sku dang phyag mtshan snang ba'i tshe// rang sems las su rung ba ste// de tshe 'jig rten tha mal pa'i// rgyu drug rkyen bzhi 'bras bu bzhi// spangs pa'i phyir ni he zhes brjod// las dang nyon mongs tshegs dang bral/ / de yi byir na ru zhes brjod// 'jig rten tha mal rnam rtog gi/ gzung 'dzin gang yang mi gnas pa'i// phyir na kaM zhes gsungs pa'o// thabs dang shes rab zung 'jug pas// gzung 'dzin gnyis 'gags gnyis su med/ / de yi phyir na shI ru brjod// bskyed pa'i rim pa he ru ka/ phag mo la gnas tshogs dang ldan// zag med rgyu rkyen kun dang ldan// thabs dang shes rab gnyis kyi tshul// de nas gsang dbang he ru ka/ nyi zla phyag mtshan yig 'bru'i tshogs/ / bskyed rims rgyu rkyen kun spangs te// rlung sogs las su rung bas na// de yi phyir na he zhes brjod// phyi yi sbyin sreg gtor ma dang // mchod pa dkyil 'khor la sogs pa'i// tshogs dang bral ba'i/ byi na ru// bskyed pa'i rdo rje phag mo dang // dmigs dang lta spyod gang la yang // mi gnas phyir na ka zhes brjod// bskyed pa'i gzung 'dzin gnyis med pa'i// phyir na shI zhes gsungs pa ste// rgyu rnams lam la sogs dang ldan/ / rlung sogs thabs dang shes rab tshul// rlung sogs sgyu ma'i ngo bor gnas// rtsa rlung rang bzhin gnas la sogs// nang gi rgyu dang rkyen sogs ldan// nang gi dpal ldan he ru ka/ de nas gsum ba'i he ru ka/ rlung sogs rang bzhin gnas pa yi// rgyu spangs phyir ni he zhes brjod// rlung sogs lam la brten pa yi// tshogs dang bral phyir ru zhes brjod// rlung dang rtsa dang thig le dang // tsan li yi kha dog dang / / dbyibs la mi gnas phyir na ka/ sems nyid bde bar gnas pas so// nang gi thabs dang shes rab med// de yi phyir na shI ru gsungs// mig ser nad kyis btab pa ltar// rang sems bde bar gnas pas so/ / sems nyid bde bar gnas pa dang // bde ba la rten tshogs dang ldan// lhan cig skyes pa'i rgyu rkyen ldan// sems dang bde ba tha dad med// sems dang bde ba gang gnas pa// mchog dang chad pa'i dbus gnas pa/ / gsum pa'i dpal ldan he ru ka/ de nas bzhi pa'i he ru ka/ rang rig stong par gnas pa'i tshe// lhan cig skyes pa'i rgyu rkyen bral// de yi phyir na he zhes brjod// pha rol phyin drug bde ba'i lam// thams cad stong pararo ro gcig pas/ / tshogs gnyis bral phyir ru zhes brjod// bde ba tsam la'ang mi gnas phyir// ka shes nges par brjod pa yin// sems nyid rang rig stong par gnas// stobs sogs phun sum tshogs pas na/ / rang bzhin lhan cig skyes pa dang // gzugs sku'i rgyu rkyen la sogs ldan// shrI zhes bya ba mngon par brjod// dbyings dang ye shes gnyis su med// dngos por ro mnyam mtha' yas pa'i// sems kyi de nyid la gnas pa/ / bzhi pa'i dpal ldan he ru ka/ bdud rnams kun la tho 'tsham zhing // lhan cig skyes pa'i dur khrod ro la// mi gsal gsal ba'i rang bzhin med// snang zhing gsal la rang bzhin med// me long bzhin 'dra chu zla bzhin/ / mkhas pas 'bad de 'khrul pa spang // de ltar don ni ma rtogs par// kha cig sku mdog phyag mtshan la// he ru ka yi rnam par rtog/ kha cig gzugs brnyan rnam par rtog/ kha cig rang gi ngo bor 'dod// de bzhin rtsa dang rlung 'dod sogs// de bzhin rang rig he ru ka/ za ma ma bsten brtson 'grus med// shes rab mi ldan bzod sogs med// rigs dang rig pa'i nga rgyal can// khe dang grags pa rnyed dang dga'/ / rgyu des log rtog sna tshogs bskyed// de bas he ru kar grags pa'i// dngos grub 'dod pa'i rnal 'byor pas// dad ldan gus bcas pha rol phyin// rdzogs byas bla ma dam pa las// man ngag/ yang dag blang par bya// mamo'i tshogs kyis yang zhus pa// he ru ka dpal de ltar na// rdo rje phag mo ji ltar lags// bcom ldan 'das kyis bka' stsal pa// rdo rje gsum ste phag ni gnyis// don gyi rdo rje de nas rtags/ / tha ma rdzas kyi rdo rje ste// don gyi rdo rje bzhi pa ste// gzung 'dzin rnam par rtog pa yis// mi phyed phyir na rdo rje ste// dbang bzhis rdo rje re re'o// rtags kyi rdo rje gsum yin te// rtse gsum rtse lnga rtse dgu ste// rtse gsum sku gsung thugs kyi rtags// rtse lnga ye shes lnga yin te// khams gsums dgu 'joms pa yi// rtags su rdo rje rtse dgu'o// rdzas kyi rdo rje bzhi yin te/ zlum po la sogs rnam pa bzhi// mi shes dri mas ches gos pa'i// dud 'gror skyes pa'i phag mo dang // shes rab char byung phag mo ste// de nyid rnam pa bzhi ru nges// bus dbang zhe sdang gci bug pag/ gsang dbang rlung gi gti mug pag/ gsum pa chags dga' gti mug pag/ bzhi pa chos dbyings gti mug phag/ 'di nyid khyod la legs par gtang // thams cad rjes su yid rang ngo // dpal me'i phreng ba'i rgyud kyi rgyal po shrI he ru ka'i nges par 'byung ba rdzogs s+ho// / rgya gar gyi mkhan po gA ya d+ha ra dang / lo tsA ba dge slong shAkya ye shes kyis bsgyur cing zhus pa'o//