| Wylie | e-texts produced with BDRC’s OCR application |
རྒྱ་གར་སྐད་དུ། ཤཱི་ཨག་ནེ་མཱ་ལེ་ཏན་ཏྲ་རཱ་ཛཱ། བོད་སྐད་དུ། དཔལ་མེའི་ཕྲེང་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཧ་ཧ~ཾ་ཧི་ཧི་ཧེ་ཧེ་ཀྱེ།། བདག་ལ་ཁྱེད་ལ་ཞུབ ་མཆིས། ། ཤཱི་ནི་གང་ལགས་ཏེ་གང་ལགས།། རུ་ནི་གང་ལགས་ཀ་གང་ལགས།། དབང་བཞི་ཧེ་རུ་ཀ་གང་ལགས།། བཅོམ་ལྡན་འདས་ཀྱིས་བཀའ་སྩལ་པ།། ཤཱི་ནི་གཉིས་མེད་ཡེ་ཤེས་ཏེ།། ཧེ་ནི་རྒྱུ་སོགས ་རྣམ་པར་སྤངས། ། རུ་ནི་ཚོགས་དང་བྲལ་བ་ཉིད།། ཀ་ནི་གང་དུའང་མི་གནས་སོ།། དེ་ལྟའི་དཔལ་ལྡན་ཧེ་རུ་ཀ། རྟག་ཏུ་ལུས་དང་སེམས་ལ་གནས།། དེ་ཉིད་ལ་ཡང་རྣམ་པ་བཞི།། དབང་བཞི་གྲངས་ཀྱིས་ངེས་པ་སྟེ།། དང་པོ ་བུམ་དབང་ཧེ་རུ་ཀ། སྐུ་དང་ཕྱག་མཚན་སྣང་བའི་ཚེ།། རང་སེམས་ལས་སུ་རུང་བ་སྟེ།། དེ་ཚེ་འཇིག་རྟེན་ཐ་མལ་པའི།། རྒྱུ་དྲུག་རྐྱེན་བཞི་འབྲས་བུ་བཞི།། སྤངས་པའི་ཕྱིར་ནི་ཧེ་ཞེས་བརྗོད།། ལས་དང་ཉོན་མོངས་ཚེགས ་དང་བྲལ། ། དེ་ཡི་བྱིར་ན་རུ་ཞེས་བརྗོད།། འཇིག་རྟེན་ཐ་མལ་རྣམ་རྟོག་གི། གཟུང་འཛིན་གང་ཡང་མི་གནས་པའི།། ཕྱིར་ན་ཀཾ་ཞེས་གསུངས་པའོ།། ཐབས་དང་ཤེས་རབ་ཟུང་འཇུག་པས།། གཟུང་འཛིན་གཉིས་འགགས ་གཉིས་སུ་མེད། ། དེ་ཡི་ཕྱིར་ན་ཤཱི་རུ་བརྗོད།། བསྐྱེད་པའི་རིམ་པ་ཧེ་རུ་ཀ། ཕག་མོ་ལ་གནས་ཚོགས་དང་ལྡན།། ཟག་མེད་རྒྱུ་རྐྱེན་ཀུན་དང་ལྡན།། ཐབས་དང་ཤེས་རབ་གཉིས་ཀྱི་ཚུལ།། དེ་ནས་གསང་དབང་ཧེ་རུ་ཀ། ཉི་ཟླ་ཕྱག ་མཚན་ཡིག་འབྲུའི་ཚོགས། ། བསྐྱེད་རིམས་རྒྱུ་རྐྱེན་ཀུན་སྤངས་ཏེ།། རླུང་སོགས་ལས་སུ་རུང་བས་ན།། དེ་ཡི་ཕྱིར་ན་ཧེ་ཞེས་བརྗོད།། ཕྱི་ཡི་སྦྱིན་སྲེག་གཏོར་མ་དང་།། མཆོད་པ་དཀྱིལ་འཁོར་ལ་སོགས་པའི།། ཚོགས་དང་བྲལ་བའི། ་བྱི་ན་རུ།། བསྐྱེད་པའི་རྡོ་རྗེ་ཕག་མོ་དང་།། དམིགས་དང་ལྟ་སྤྱོད་གང་ལ་ཡང་།། མི་གནས་ཕྱིར་ན་ཀ་ཞེས་བརྗོད།། བསྐྱེད་པའི་གཟུང་འཛིན་གཉིས་མེད་པའི།། ཕྱིར་ན་ཤཱི་ཞེས་གསུངས་པ་སྟེ།། རྒྱུ་རྣམས་ལམ་ལ ་སོགས་དང་ལྡན། ། རླུང་སོགས་ཐབས་དང་ཤེས་རབ་ཚུལ།། རླུང་སོགས་སྒྱུ་མའི་ངོ་བོར་གནས།། རྩ་རླུང་རང་བཞིན་གནས་ལ་སོགས།། ནང་གི་རྒྱུ་དང་རྐྱེན་སོགས་ལྡན།། ནང་གི་དཔལ་ལྡན་ཧེ་རུ་ཀ། དེ་ནས་གསུམ ་བའི་ཧེ་རུ་ཀ། རླུང་སོགས་རང་བཞིན་གནས་པ་ཡི།། རྒྱུ་སྤངས་ཕྱིར་ནི་ཧེ་ཞེས་བརྗོད།། རླུང་སོགས་ལམ་ལ་བརྟེན་པ་ཡི།། ཚོགས་དང་བྲལ་ཕྱིར་རུ་ཞེས་བརྗོད།། རླུང་དང་རྩ་དང་ཐིག་ལེ་དང་།། ཙན ་ལི་ཡི་ཁ་དོག་དང་། ། དབྱིབས་ལ་མི་གནས་ཕྱིར་ན་ཀ། སེམས་ཉིད་བདེ་བར་གནས་པས་སོ།། ནང་གི་ཐབས་དང་ཤེས་རབ་མེད།། དེ་ཡི་ཕྱིར་ན་ཤཱི་རུ་གསུངས།། མིག་སེར་ནད་ཀྱིས་བཏབ་པ་ལྟར།། རང་སེམས་བདེ་བར ་གནས་པས་སོ། ། སེམས་ཉིད་བདེ་བར་གནས་པ་དང་།། བདེ་བ་ལ་རྟེན་ཚོགས་དང་ལྡན།། ལྷན་ཅིག་སྐྱེས་པའི་རྒྱུ་རྐྱེན་ལྡན།། སེམས་དང་བདེ་བ་ཐ་དད་མེད།། སེམས་དང་བདེ་བ་གང་གནས་པ།། མཆོག་དང་ཆད་པའི་དབུས ་གནས་པ། ། གསུམ་པའི་དཔལ་ལྡན་ཧེ་རུ་ཀ། དེ་ནས་བཞི་པའི་ཧེ་རུ་ཀ། རང་རིག་སྟོང་པར་གནས་པའི་ཚེ།། ལྷན་ཅིག་སྐྱེས་པའི་རྒྱུ་རྐྱེན་བྲལ།། དེ་ཡི་ཕྱིར་ན་ཧེ་ཞེས་བརྗོད།། ཕ་རོལ་ཕྱིན་དྲུག་བདེ་བའི་ལམ།། ཐམས་ཅད་སྟོང ་པརརོ་རོ་གཅིག་པས། ། ཚོགས་གཉིས་བྲལ་ཕྱིར་རུ་ཞེས་བརྗོད།། བདེ་བ་ཙམ་ལའང་མི་གནས་ཕྱིར།། ཀ་ཤེས་ངེས་པར་བརྗོད་པ་ཡིན།། སེམས་ཉིད་རང་རིག་སྟོང་པར་གནས།། སྟོབས་སོགས་ཕུན་སུམ་ཚོགས་པས ་ན། ། རང་བཞིན་ལྷན་ཅིག་སྐྱེས་པ་དང་།། གཟུགས་སྐུའི་རྒྱུ་རྐྱེན་ལ་སོགས་ལྡན།། ཤྲཱི་ཞེས་བྱ་བ་མངོན་པར་བརྗོད།། དབྱིངས་དང་ཡེ་ཤེས་གཉིས་སུ་མེད།། དངོས་པོར་རོ་མཉམ་མཐའ་ཡས་པའི།། སེམས་ཀྱི་དེ་ཉིད་ལ་གནས ་པ། ། བཞི་པའི་དཔལ་ལྡན་ཧེ་རུ་ཀ། བདུད་རྣམས་ཀུན་ལ་ཐོ་འཚམ་ཞིང་།། ལྷན་ཅིག་སྐྱེས་པའི་དུར་ཁྲོད་རོ་ལ།། མི་གསལ་གསལ་བའི་རང་བཞིན་མེད།། སྣང་ཞིང་གསལ་ལ་རང་བཞིན་མེད།། མེ་ལོང་བཞིན་འདྲ་ཆུ ་ཟླ་བཞིན། ། མཁས་པས་འབད་དེ་འཁྲུལ་པ་སྤང་།། དེ་ལྟར་དོན་ནི་མ་རྟོགས་པར།། ཁ་ཅིག་སྐུ་མདོག་ཕྱག་མཚན་ལ།། ཧེ་རུ་ཀ་ཡི་རྣམ་པར་རྟོག། ཁ་ཅིག་གཟུགས་བརྙན་རྣམ་པར་རྟོག། ཁ་ཅིག་རང་གི་ངོ་བོར་འདོད།། ་དེ་བཞིན་རྩ་དང་རླུང་འདོད་སོགས།། དེ་བཞིན་རང་རིག་ཧེ་རུ་ཀ། ཟ་མ་མ་བསྟེན་བརྩོན་འགྲུས་མེད།། ཤེས་རབ་མི་ལྡན་བཟོད་སོགས་མེད།། རིགས་དང་རིག་པའི་ང་རྒྱལ་ཅན།། ཁེ་དང་གྲགས་པ་རྙེད་དང ་དགའ། ། རྒྱུ་དེས་ལོག་རྟོག་སྣ་ཚོགས་བསྐྱེད།། དེ་བས་ཧེ་རུ་ཀར་གྲགས་པའི།། དངོས་གྲུབ་འདོད་པའི་རྣལ་འབྱོར་པས།། དད་ལྡན་གུས་བཅས་ཕ་རོལ་ཕྱིན།། རྫོགས་བྱས་བླ་མ་དམ་པ་ལས།། མན་ངག། ་ཡང་དག་བླང་པར་བྱ།། མམོའི་ཚོགས་ཀྱིས་ཡང་ཞུས་པ།། ཧེ་རུ་ཀ་དཔལ་དེ་ལྟར་ན།། རྡོ་རྗེ་ཕག་མོ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་གསུམ་སྟེ་ཕག་ནི་གཉིས།། དོན ་གྱི་རྡོ་རྗེ་དེ་ནས་རྟགས། ། ཐ་མ་རྫས་ཀྱི་རྡོ་རྗེ་སྟེ།། དོན་གྱི་རྡོ་རྗེ་བཞི་པ་སྟེ།། གཟུང་འཛིན་རྣམ་པར་རྟོག་པ་ཡིས།། མི་ཕྱེད་ཕྱིར་ན་རྡོ་རྗེ་སྟེ།། དབང་བཞིས་རྡོ་རྗེ་རེ་རེའོ།། རྟགས་ཀྱི་རྡོ་རྗེ་གསུམ་ཡིན་ཏེ།། ་རྩེ་གསུམ་རྩེ་ལྔ་རྩེ་དགུ་སྟེ།། རྩེ་གསུམ་སྐུ་གསུང་ཐུགས་ཀྱི་རྟགས།། རྩེ་ལྔ་ཡེ་ཤེས་ལྔ་ཡིན་ཏེ།། ཁམས་གསུམས་དགུ་འཇོམས་པ་ཡི།། རྟགས་སུ་རྡོ་རྗེ་རྩེ་དགུའོ།། རྫས་ཀྱི་རྡོ་རྗེ་བཞི་ཡིན་ཏེ། ་ཟླུམ་པོ་ལ་སོགས་རྣམ་པ་བཞི།། མི་ཤེས་དྲི་མས་ཆེས་གོས་པའི།། དུད་འགྲོར་སྐྱེས་པའི་ཕག་མོ་དང་།། ཤེས་རབ་ཆར་བྱུང་ཕག་མོ་སྟེ།། དེ་ཉིད་རྣམ་པ་བཞི་རུ་ངེས།། བུས་དབང་ཞེ་སྡང་གཅི ་བུག་པག། གསང་དབང་རླུང་གི་གཏི་མུག་པག། གསུམ་པ་ཆགས་དགའ་གཏི་མུག་པག། བཞི་པ་ཆོས་དབྱིངས་གཏི་མུག་ཕག། འདི་ཉིད་ཁྱོད་ལ་ལེགས་པར་གཏང་།། ཐམས་ཅད་རྗེས་སུ་ཡིད་རང་ངོ་།། ་དཔལ་མེའི་ཕྲེང་བའི་རྒྱུད་ཀྱི་རྒྱལ་པོ་ཤྲཱི་ཧེ་རུ་ཀའི་ངེས་པར་འབྱུང་བ་རྫོགས་སྷོ།། ། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་པའོ།། ་