| བོད་ཡིག | e-texts produced with BDRC’s OCR application |
dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa ro langs bdun pa zhes bya ba'i gzungs rdzogs s+ho// // rgya gar gyi mkhan po bi shud d+ha sing ha dang / bar de ye shes snying po sdes bsgyur/ rgya gar gyi mkhan po bi d+ya ka ra sing ta dang / zhu chen gyi lo ts+tsha ba ban de ye shes sdes zhus te gtan la phab pa// / rgya gar skad du/ su ru ba nA ma d+ha ra NI/ bod skad du/ su ru ba zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// na maHsu ru ba ya ta thA ga tA ya/ a ra ha te saM mya ka saM bud d+ha ya/ tad+ya thA/ oM su ru su rA pra su ru pra su ru/ ta ra ta ra/ b+ha ra b+ha ra/ saM b+ha ra saM b+ha ra/ sma ra sma ra/ san ta ra pa ya san ta ra ba ya/ sarbapra ta dA nAM swA hA// gzungs 'di chu dang bcas pa'i zan la lan bdun yongs su bzlas te lag pa g.yon pas se gol gyi sbrul na gsum du byas nas yi dgas thams cad la dben pa'i sa phyogs su sbyin par bya zhing / 'di skad kyang brjod par bya ste/ skabs tshol ba dang glags lta ba rnams dengs shig/ 'jig rten gyi khams thams cad na gnas pa'i yi dgas rnams la bza' ba 'di bdag gis sbyin par bgyi'o zhes pa'o/ / zas ma zos pa'i sngon rol nyid du sbyin par bya'o// de ltar na yi dgas thams cad la 'bras bre bo che re re'i bza' ba so sor byin par 'gyur ro// de ltar byas na skye ba nas skye bar yang nyam chung bar mi 'gyur ro/ / dbul por mi 'gyur ro// stobs che ba dang / mdzes pa dang / mthong na dga' ba dang / phyug cing longs spyod che bar 'gyur ro// tshe ring zhing nad med pa dang / myur du bla na med pa yid dag par rdzogs pa'i byang chub tu mngon par 'tshang rgya bar 'gyur ro/ / shi 'phos nas kyang bde ba can gyi 'jig rten gyi khams su skye bar 'gyur ro// gzugs legs shes bya ba'i gzungs rdzogs s+ho// dkon mchog gsum la phyag 'tshal lo// oM dz+nyA na bi lo ki ti sa man ta s+phar nar shrI b+ha ba sa ma ya ma dA ma Ni du ru ru ru hrid ya dz+wa la ni hUM/ 'bab chu'am/ mtsho'i 'gram du 'dug ste/ lag pa g.yas pa'i khyor bar chu thugs la/ ye shes kar mda'i snying po 'di lan bdun bzlas te/ chu khyor ba bdun 'bab chu'am/ chur gtor na sangs rgyas kyi spyan ras gzigs pa'i yi dgas ji snyed yod pa de dag thams cad lha'i kha zas kyi ro dang / btung ba'i ro mchog dang ldan pa 'thob cing yi dgas re re la yang kha zas dang / btud ba yul ma ga d+ha'i bre bdun bdun gyis tshim par byas par 'gyur zhing / chu de 'thungs pa tsam gyis de dag thams cad yi dgas kyi skye gnas las mthar cing bde 'gro mtho ris kyi skye gnas su skye bar 'gyur ro/ / skyes pa 'am/ bud med dam/ khye'u 'am/ bu mo 'am/ gzhan yang byol song gi skye gnas su gtogs pa'i ri dgas sam/ bya 'am/ chu na gnas pa la sogs pa gang gis chu de 'thungs ba de dag thams cad sdig pa dang / sgrub pa thams cad byang zhing / bde 'gro'i lam du 'gro bar 'gyur ro// ye shes skar mda'i snying po rdzogs s+ho// / rgya gar skad du/ a mri ta b+ha ba nA ma d+hA ra NI/ bod skad du/ bdud rtsi 'byung ba zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal po'i khab byang chub kyi shing drung na/ 'khor rnam bzhi dang / lha dang / mi rnams kyis bskor nas bzhugs so// de nas 'khor rnams kyi nang nas khyim bdag bzang skyong gis/ bcom ldan 'das kyi 'khor rnam pa bzhi dang / rigs drug gi sems can thams cad la/ spos dang / sman dang / zhal zas kyi mchod pa chen po bshams nas/ bcom ldan 'das la 'di skad ces gsol to// bcom ldan 'das bza' ba dang / bca' ba dang / btung ba 'di rnams sems can rnams kyi don