བོད་ཡིག

e-texts produced with BDRC’s OCR application

rgya gar skad du/ Ar+ya g+ha dz+ha pra tang b+han d+ha g+hA tA kang kang bri ta tsa kha d+ha yA/ bod skad du/ 'phags bzangs kyi mchu dmar pos gdug pa'i phyogs thams cad gnon par byed pa zhes bya ba'i gzungs/ sangs rgyas dang byang chub sems dpa' thas cad la phyag 'tshal lo// 'phags pa thams cad la phyag 'tshal lo// phyogs bcu na bzhugs pa'i sangs rgyas thams cad la phyag 'tshal lo// byang chub sems dpa'i tshogs rnams dang // nyan thos sde dang dpung du bcas pa rnams la phyag 'tshal lo// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa// bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa lha dang mi rnams kyi ston par gyur pa/ sangs rgyas stong gi ngo bo can la phyag 'tshal lo// dpal phyag na rdo rje la phyag 'tshal lo// 'di skad bdag gis thos pa dus gcig na/ bcom ldan 'das 'dam bu'i tshal/ pad ma mdzes byed sa khebs pa'i gnas/ chu bo yan lag brgyad dang ldan pa'i 'gram na bzhugs so// 'khor dpag tu med pa dang thabs gcig go// dge slong gi dge 'dun chen po dang thabs gcig tu bzhugs so// de nas 'phags pa zangs mchu dmar po'i dngos grub drag po'i las la dbang mdzad pa// mdze nad thams cad las gsol pa/ thog pa/ klog pa/ 'khyeb/ khrag 'jib pa/ drod yul ba/ gnyen sde brgyad la gnad khro ba me 'tshed pa/ rnga khol ba/ khro chu khol ma 'bab du 'jug pa/ lcags kyi gzer 'debs pa/ yan lag bskums pas mtha' bzhi sdud pa/ dur khrod du rgyug pa/ klu chen po brgyad la nad gtong ga na mkha' la thig 'debs pa/ sa la srub bzhi ru dgas pa/ zangs kyi lus la bya khyung gi mgo bo yod pa/ klad pa la za ba/ zangs kyi mchu 'das dgu brgya dgu bcu yod pa/ zas su klu rigs bzhi za ba/ skom du chu ser dang khrag gsol pa/ spyan rtsa dmar la sdang mig tu bgrad pa/ lha ba mur ba/ rkang la ldag pa/ ro myags kyi nang lkog bur du gtong ba/ khams gsum zhe la gnon pa/ rlan smras 'jigs pa'i dug 'thul ba/ mar la dmyal ba'i gang/ la 'khrug pa/ yang la srid pa'i steng du phugs pa/ gzhan rigs drug stong gshog pa la 'phyang ba/ klu rigs stong phrag khong na nyal ba/ de lta bu'i 'jigs pa'i rtsa lugs can dang yang thabs gcig go// de nas bcom ldan 'das dka' thub mdzad pa la/ dpal phyag na rdo rjes gsol pa/ bde bar gshegs pa 'gro ba drug la/ thugs rjes bzung du gsol/ nyon mongs pa'i nad las thar par mdzad du gsol/ 'dod chags kyi nad las thar bar mdzad du gsol// zhe sdang gi me bsad du gsol/ nga rgyal gyi brag rnyil du gsol// gti mug gi mun pa bsal du gsol// gdug pa'i nad las bsgral du gsol// gdon stong phrag brgyad bcu rtsa bzhi/ las bsgral du gsol// zhes zhus pas thugs rjes gzigs nas gnang bar mdzad do// dpal phyag na rdo rje nyon mongs pa can dang / nad gdol pa can gyis man ba/ lus nyams pa thams cad dang / dam las 'das pa/ dam tshig nyams pa/ nad kyis gdungs pa/ sred pas srad bus bcings pa/ thams cad ngal nyon cig/ nga'i gan du myur bar shog cig/ ngas bshad do// gdams pa po zhes bka' stsal to// de nas phyag na rdo rjes lha ma srin sde brgyad kyi gam du phyin te// rgyal ba'i bka' la nyon rgyal ba'i sku la ltos/ myur ba myur bar 'dengs zhes byas pas/ klu ba su ta bram ze'i rigs la/ phyag na rdo rjes nga su yin med dam byas pas/ nga la cha med do// khyod la nga mi nyan to// mi ltos so// nga ni stobs can yin no// khyad par can yin no// shugs can yin no// nga'i 'khor rnams kyang stobs dang ldan pa yod do// zhes zer ro// phyag na rdo rjes khyod la nus pa ci yod byas pas/ ngas khyod la kha rlangs shig btang gis sdod cig zer te/ phyag na rdo rje rang thang du 'dug pas/ klu ba su ta sa kha rlangs bun pa zhig btang bas/ phyag na rdo rje la shu ba thug thug tu byung ngo // de nas phyag na rdo rje thugs rtog skyes te/ khyod stobs can cig 'dug pa ji skad bya ba yin byas pas// nga ni klu'i rgyal po bram ze rin po che ba su ta zhes bya ba yin no// nga la dug rnam pa lnga yang yod do// gdon stong phrag brgyad bcu rtsa bzhi yang nga'i 'khor yin no// zhes zer ro// de nas dpal phyag na rdo rjes bcom ldan 'das shAkya thub pa la zhus so// rgyal ba'i bka' la nyon/ dam las ma 'da'/ dngos grub byin pas/ lha srin sde brgyad 'dir 'dus byas pas/ bdag la mnyan cing lus la rma mang po byung // kha rlangs kyang dug du yongs ba'i sems can cig gda'/ lus po me 'dra ba/ mig shel 'dra ba/ skra sbrul du 'dug pa/ so chu srin du 'dug pa/ lte ba nas nyi zla'i 'od 'phro ba/ rkang lags gyi be con du snang ba/ sbrul ser khwas zhags pa byas pa/ nag khras sted dkris pa/ sde khras ska nan lhas pa/ dkar khras tshigs bzhi dkris pa/ smug khras gdan du byas pa/ sa bdag nag pos gdan du byas pa/ sa bdag dkar pos zhabs nas 'degs pa/ gnyan sde brgyad jag la 'khol ba/ rgya mtsho khol ma la nyal ba/ lus po dpag tshad phyed dang lnga yod pa/ mgo lus thams cad mig tu yod pa/ 'di na gnas kyi yul med pa/ bza' ba'i zas med pa/ 'gran pa'i zla med pa/ steng gi lha la gnod pa/ 'og gi klu la 'phra ba/ bar gyi btsan la 'o dod gtong ba/ de 'dra ba cig tu byas te 'dug pa las/ phyag na rdo rjes lo dus na lta ru yongs pa las/ slar yang log ste dpal phyag na rdo rjes/ bcom ldan 'das la zhus pas/ bcom ldan 'das kyis bka' stsal te/ khyod song la de su yin dris la sheg cig gsung ngo // de nas dpal phyag na rdo rjes kho'i gan du phyin nas khyod gang na yod pa khyod ji skad bya ba yin dris pas/ khe'i ngag nas nga ba su ta nag po bya ba nad kyi bdag po yin/ rims dal dang / mchin nad dang / glo nad dang / khrag nad thams cad ngal yod/ bram ze'i rigs thams cad kyi bdag po yin no zhes zer ro// bo na khyod rgyal ba'i bka' la mi nyan nam byas pas/ nga rang bas lhag pa med pas mi nyan no// khyod rang myur bar song nad 'dod dam ci 'dod zer bas/ phyag na rdo rje lus 'ad shum byed de/ de las phyir bskyed do// der klan re/ dpal phyag na rdo rje la/ khyod su yin zer ro// phyag na rdo rjes gsangs te nga rang zad cig yin no// nga la stobs kyang med do// shugs kyang med/ 'khor kyang med/ ci yang med do byas pas/ 'o na nga la nyon zer zhing / khyod ci 'chang byas pas/ nga ni 'dug pa'i gnas med par byed pa/ thams cad dbang du sdud pa/ drag po'i rig sngags me ri dmar po zhes bya ba 'chad do zhes zer ro// khyod kyis su la bslabs/ dbang su la nos/ theg pa la zhugs sam/ bka' las nyan nam/ lung las drangs sam byas pas/ nga'i ston pa ni nga rang yin/ nga ni nga'i bka' la nga rang nyan no// 'o na khyod su la gnod/ su la phan byas pas/ 'dre mi la gnod de nad du ro myags gtong / skur phyugs la gnod de sla bzhi 'gebs/ srog chags la ltas ngan pa brgyad gtong ngo // phan pa ni klu chen po brgyad la phan no// de nas dpal phyag na rdo rjes sdang mig tu bgrad de bltas pas/ ba su ta des kha rlangs shig phyag na rdo rje la/ btang bas shu ba thor thor byung bas zed do// phyag na rdo rjes bcom ldan 'das la 'di 'dra ba ci gang lags na/ 'di dbang du 'dus na mthu dpag tu med pa 'byung bar nges so// dbang du ma 'dus na 'jig rten 'di phung bar gda' na/ thugs rje ci mnga' zhus pas/ bcom ldan 'das kyis gsungs pa/ de ni klu'i rgyal po ba su ta me ma mur nag bo'i kha rlangs can bya ba yin te/ nad dgu brgya dgu bcu la dbang byed pa yin pas 'jig rten 'di phung bar 'gyur bas/ 'di la gnad pa'i sngags dang / bsnyen pa dang / bsgrub pa dang / 'jig rten la phan pa'i chos ngas bshad do// 'khor 'dus pa thams cad nyon cig/ chongs shig/ lhogs shig/ sgoms shig/ ces gsungs so// de nas 'khor 'dus pa thams cad dga' ste/ thal mo sbyar nas zhus pas/ 'phags pa zangs kyi mchu dmar po zhes bya ba'i gzungs drag po thob 'bab pa mi zad pa'i 'od 'phro ba/ bdud rtsi'i char 'babs pa// lha 'dre'i kha 'ching ba/ che dang srog la byin che ba/ khams gsum gyi sman pa/ nyon mongs pa'i bsil yag tsha grang rnam pa brgyad kyi 'khyag zhun la 'then pa/ nad sna dgu la mi 'dre ba'i sman du che ba/ gdon ma rungs pa bzlog pa/ theg pa'i chos dag dang / dben gnas rnams la stongs grogs mdzad pa/ dam tshig can la khyad par du 'ches pa/ klu thams cad kyi gnyen po// sa bdag kun gyi snying dum bu stong du thug pa/ gnyen kun gyi kha bskal nas stongs pa/ mdze nad kun la spyis 'byin pa/ sangs rgyas thams cad kyi 'phrin las kyi gzungs thag mi 'chad pa'i gter chen po// 'phags pa zangs mchu dmar po zhes bya ba'i gzungs/ bden par nges pa chos kyi phung po yon tan bsam gyis mi khyab pa dang ldan pa bshad do// chos 'di spyod par 'dod pa 'am/ gzungs 'don par 'dod pa'am/ mthu bslab par 'dod pas/ 'di ltar sgrub par bya ste/ dang po bdag nyid lha'i rnal 'byor du bya'o// de'i rjes la dag pa rnam pa gsum gyis sbyang ngo // sngags dang bzlas brjed par mi gcod do// bsgrub pa'i la la dkyil 'khor mda' gang gru bzhi la pad+ma 'dab ma bcu drug pa bya'o// 'dab ma re la lha re'o// de'i phyi ma la ba su ta bcu drug/ de'i phyi rim la yi ge dza bcu drug sgo shar du rgyal rigs/ lho sgor rje rigs/ nub sgor bram ze'i rigs/ byang sgor gdol pa can/ zur bzhi la rma bya re/ logs bzhi la chu srin re/ pho brang la rigs lnga/ rdo rje sems dpa'i dbu rgyan du/ rgyal rigs dang / sa bdag khra bo// don yod grub pa'i dbu rgyan du dmangs rigs dang / gnyen gdong gnyis bcings so// / de ltar na bsnyen bsgrub tshad du phyin par bya'o// de nas bcom ldan 'das dpal phyag na rdo rjes gsol pa// klu rnams la sngags kyi dngos grub kyis gnad la dbab du gsol zhes zhus pas/ gnang ngo // de nas phyag na rdo rjes gsol pa/ thams cad mkhyen pa'i mnga' bdag nyid// rdzu 'phrul ldan pas 'gro ba drug la gzigs// thun mongs ma yin sku mchog bstan du gsol// thugs rjes gdul dka' mtha' dag 'dul mdzad pa// bdud rtsis tshims mdzad 'gro ba gso mdzad cing // sran pa'i mchog la bdag ni phyag 'tshal lo// bdud rtsi lta bu'i gso mdzad dga' ba che// kun la byams ldan thugs mnga' stobs dang ldan// shAkya'i sku yis bden pa'i don la la dgongs// phan pa mang pos sdug bsngal mtha' dag 'joms// gdug pa dbang sdud dpag bsam shing lta bu// nyon mongs sel mdzad sku la phyag 'tshal lo// zhes bstod nas zhus pas gnang ngo // rigs kyi bu'am rigs kyi bu mo de dag nga la nyon cig gsungs nas/ dpag bsam shing gi rtse mor gshegs te/ 'phags bzangs mchu dmar po zhes bgyi ba'i gzungs kyi chos bshad do// de na nyan pa po mang po yod na'ang / ba su ta bram ze ma 'ongs te/ dpal phyag na rdo rjes gang nas gang du btsal ba las/ rgya mtsho'i gting shing yongs 'dus brtol gyi 'gram na 'dug pa mthong ste/ rgyal ba'i bka' byung na khyod nyan nam byas pas/ rgyal ba su yin ji skad bya ba yin zer ro// der dpal phyag na rdo rjes rgyal ba shAkya thub pa yin/ brdzun ma zer mi rung ngo mgo bo 'gas pa yin/ mig 'phrul pa yin/ snying 'byin pa yin/ nyams par 'gyur ro byas pas/ 'o na ngas ma mthong ngo // nga rang bas lhag pa med do// phyag na rdo rjes gsungs pa/ bka' yi chad pa yod do// nges par yongs ngo gsungs pas/ bram ze'i rigs na re/ ngas khyod kyi rgyal ba la 'arlangs shig btang gis des mnyan nang sleb yong gis zer ro// der song ngo // de nas phyag na rdo rjes gsol pa// kye ma bcom ldan 'das 'di ni mtshams brdol par gda' bas dgongs pa ma g.yel bar mdzod cig/ ces zhus pas/ slar log ste bltas pas pa su ta de mgo lus thams cad mig gis bkang / sbrul sngon po stong gis skra byas/ nag po khris ser ral kha brgyan te/ lha srin sde brgyad bran du 'khol zhing byung ste/ nga ros 'jig rten gul gul yo ma yom por btang ngo // de nas kha rlangs bung cher btang bas thams cad chem chem nas 'khod do// de nas shAkya thub pas gtam dris so// khyod su yin gang nas yongs dris pas/ skad ma ster te/ dgongs pa mdzad nas nga la gtam mi ster ba 'di dbang du bsdu'o snyam du dgongs nas/ khu yis btab cing dgongs so// bltas pa las ba su ta 'gyel nas bskrad de 'dug pa mthong ngo // de nas ba su ta de langs nas/ da bas kyang khyod mthu che'o// da ni bred do// sngangs so// 'dar ro// 'jigs so// khyod la phyag 'tshal lo zhes zer ro// de nas bcom ldan 'das kyis ngas khyod la chos bshad kyis nyon cig gsungs pas/ 'o na ngas zhag gsum bro bzhin/ lha srin sde brgyad sbran la myur bar yongs gis sbed cig zer ro// de nas bcom ldan 'das kyis dpal phyag na rdo rje la gsungs pa/ 'di la min rgol cig/ dma' thod cig/ 'di dam lam thogs na 'jig rten mes stongs so// zhes gsungs so// de nas ba su ta 'khor dang bcas pa yongs so// phyag na rdo rjes ba su'i mig la phyag reg byas pas phyag skongs gis song ngo // 'jigs pa skyes te/ shAkya thub pa la zhus pas/ ngas sngal yo ga la zangs kyi mchu bshad kyis nyon cig gsungs pas/ bram ze ba su ta na re bdag 'gas par 'gyur bas mi bya'o zhes zer ro// de ci nyes byas pas 'di ni gnyen sde brgyad kyi snying 'don pa mgo bo 'gas par 'gyur ba yin teng mi dga' 'o zhes zer ro// rgya mtsho'i gting du song ngo // de nas dpal phyag na rdo rjes mngags pa gcig sprad de 'gugs su btang / ba su 'gugs su btang byas pas/ shAkya thub pa'i zhal nas phyag na rdo rje slar log la song zhig lcags kyi sdig pa mgo dgu pa gcig la mngags te/ gdan 'dug par dkrugs la shog ces gsungs pas/ des 'gro ma nus te/ yang shAkya thub pas bya khyung rab brtan bya ba zas su klu rigs za ba/ skom du chu ser dang khrag 'jib pa 'di stobs dang ldan pas 'di btang ngo zhes gsungs pas bya khyung rab brtan zhes bya ba de dga' nas/ se gol gcig gtogs pa tsam la dmyal ba bdar la lhan gyis phyin te/ bltas pa las ba su ta'i rgyal po de mig sgyu nas 'thon pa tsam du sngangs te/ su yin 'dri ba yang ma nus pa las/ bya khyung rab rtan des pa su ta'i spyi bo nas bzung nas bteg pas ma theg ste/ ba su ta na re khyod sdongad dang su yis btang su yi cho 'phrul yin zer ro// der bya khyung na re/ nga shAkya thub pa/ btang ba yin/ nga ni klu rigs rnams za ba yin/ ngal zas su klu las med/ nga'i ming ni bya byung gA ru ra bya ba yin zhes byas pas/ 'o na ngas khyod la mgron cig bya yis sdod cig zer ro// byA khyung des bsdad tsam na/ kho yis chu srin gyi ro chen po zhig byin pas chu srin myong ba drug yang mi byed par 'dug pas/ ba su ta bred de bya khyung gis chu srin chen po de'i khog pa rangs po de mid nas song ngo // der bya khyung gis da 'dod rgyal ba'i bka' la nyon byas pas/ mi 'gro zer ro// der bya khyung gis 'o na nga ni khyod za'o// 'cha' bo// mur ro// 'thog go// 'khyer ro// 'grung de byas pas/ kho re/ snying rje cig kyang med dam zer ro// 'o na mi bsang mi bza' yis sdod la zhugs byas pas/ der bram ze'i rigs thams cad 'dus so// bya khyung na re khyod mgyogs par mi 'gro nang 'gro zer te langs nas mchu brdar gshog pa dkrugs sder mo bgrad pas/ gnyen sde brgyad dang bcas pa 'grogs te su zhig zhes zer cing bltas pas/ bya khyung mthong ba tsam gyis brgyal lo zhes zhus so// bcom ldan 'das kyis gnang ngo // rgyal bas bshad du gsol// bstan du gsol zhes zhus so// de nas bcom ldan 'das shAkya thub pas ngas zangs mchu dmar po'i chos bshad kyi/ dam las 'da' zhig/ bka' las ma rku zhig ces gsungs pas/ ba su ta'i rgyal po nges/ bcom ldan 'das la gsol/ pa bdag ni rang gi snying po yang 'bul lo// gang dgongs pa mdzad du gsol/ zhes zer ro// de nas 'khor thams cad 'dus te gdod mnyan no// bcom ldan bdas shAkya thub pas zangs mchu dmar po'i gzungs kyi chos bshad do// rig sngags 'di la su mnyan pa'i mgo bo 'gas so// mig 'phrul lo// lus ro myags su 'gro'o// 'di nyan cing dad pa kun tshe ring ba dang nad med pa dang / bsam pa thams cad 'grub pa dag go/ dngos grub kun kyang ster bar 'gyur ro// ces bkra stsal pa/ oM hUM tAM hrIHaHta thA ga tA/ nA ga hr-i da ya/ ta thA ga ta na maHd+ha ma yA/ ta thA ga te rA dza sri lhanan/ bud ya bud yA/ ra dza'i sha la pi ra pa ri li raM/ nA ga hu ya rbad po bi d+ha swA hA/ g+hu ya rA dza la swA hA hr-i hr-i/ ka ro ka ya la hriM hri/ hUM bum hUM 'um/ pra tsa la pra tsa la/ ga la ga la ya yA/ tsa tu ma d+ha/ ko la ka ro/ khA ga na kha/ ba su ta reng reng / par la po ba ma/ she yang she yang swA hA/ de nas dpal phyag na rdo rjes 'o dod lan gsum btang ngo // pho nya lan gsum bkye'o// lha srin sde brgyad nga can shog cig ces gsungs pas/ thams cad yongs te gsol pa/ nyan pa lags so// ji ltar bsgo ba las su bgyid do// zhes byas pas/ lha srin sde brgyad rnams 'tshogs nas bstan pa gnyen po bsrung dgos pas/ ngal khyed rang rang gi snying po rnams ga re zhes gsungs pas/ dpal phyag na rdo rje la lha srin sde brgyad kyi srog snying phul lo// bcom ldan 'das bdag ni lha'i dbang po brgya byin lags bstan pa bsrung ngo // nad sel to// ha la ba sha g+hu ra ta ling sod/ lha rnams bran du mchi'o// bcom ldan 'das dpal phyag na rdo rje'i bka' nyan no// nA ga tsa ta pa la ba sha hUM hUM phaT/ klu rnams bran du 'khol lo// gnyen gyi rgyal po ru rings brang dkar gyis chos 'khor bsrung ngo // ma la ko ba tsa tsan d+ha hUM hUM phaT/ gnyen rnams bran du 'khol lo// steng rnams kyi yang gsungs la nyan no// d+hu mA kA la mang du ri laM/ gnod sbyin rnams bran du 'khol lo// ru d+he ru re sA la ba ma ba ma hril/ srin po rnams dran du 'khol lo// rang ga dza la kha nan snying la ma du ka re swA hA/ dri za'i tshogs kyis bka' dang thugs la rjes su 'brang ngo // ca thang tsa 'ug mu la raM thum thum phaT/ bdud po bdud mo rnams kyis phyag na rdo rje la zhabs tog bgyis so// snying po phul lo// du d+ha ma d+ha ma ka la srid la ma ra ya khram khram ya swA hA/ rgyal po dang / skya rengs 'char ka dang / srog bdag la sogs pas srog snying phul lo// ging ta ging ta ba la sha traM traM bruM bruM phaT swA hA/ gza' rnams kyis srog gi snying po/ phul lo// bi da d+ha tsakra e re sha d+ha ka la dur la pa mkhas swA hA/ rgyu skar nyi shu rtsa brgyad kyis srog snying phul lo// nyata pe la pA lA pa tota ya mur ya mur yA sA hA zhes phul lo// de nas bcom ldan 'das la dpal phyag na rdo rje thugs gdung ba skyes nas/ nam mkha' la skyil mo klungs kyis gshegs te/ yo mnga' ru bsdus nas/ dad pas mdangs phyung / ri rab ri'i rtse mor mnyam pa'i dang la bzhugs so// yang dam las 'das pa'i gdon rnams dbang du ma 'dus kyis dogs nas/ 'phags pa zangs mchu dmar po 'bar ba'i 'od can/ gdug pa can thams cad mnar pa'i gsang sngags/ nyi ma'i gzi mdangs zil gyis gnon pa 'di dag gsungs so// oM na ga kang ka ra ra dza la rmugs rbad/ thum rbad/ sad sha sad sha/ oM d+ha ra d+hA ra/ dzA yA ma yA/ du du phaT phaT/ oM badz+ra rA dzA ha la hA ba ta hA ba tA/ sU Ta s+phu Ta/ oM nA ga rA dza la long long / nA ga na ma na sid d+ha sid d+ha/ oM khar+tha Sha d+ha ShA/ ha na ha na/ ka le pa paM ka la pa pa~M/ hrIM trA~M/ sA ta swa ta/ b+ha la d+ha la/ badz+ra rA dzA sr-i tsa/ oM hu ra ya hud yA/ phaT phaT/ hU'u hUl+la/ ka thang pad ta ka ma la du swA hA/ zhes dpal phyag na rdo rjes thams cad la gnad bor ro// lha srin sde brgyad g.yog dang 'khor du bcas pa'i rtse mo la mngon par gshegs te/ thugs rje'i bsam pa thams cad bsgrubs lags so// nyon mongs pa'i bdud thams cad bskrad do// zhe sdang gi me bsad do// 'dod chags kyi chu skams so// nga rgyal rna par spangs so// bdud bzhi bcom mo// 'khor ba las rgyab kyis phyogs par 'gyur ro// ngan song brgyad las thar bar 'gyur ro// bdud rtsi mchu las gsol bar 'gyur/ ro// gdug pa la gsang mdzad do// khrus rnam pa lnga la khrus byed par 'gyur ro// de nas lha srin kun dang / ba su ta'i rigs drug gis/ dpal phyag/ na rdo rje la zhus pa/ 'jig rten la dus ngan pa 'byung ste 'ongs pas/ bstan pa bsrung ba'i man ngag cig bstan du gsol/ de skad ces zhus pas/ phyag na rdo rjes dmod pa'i las rnam pa lnga bka' stsal pa/ rnam pa lnga la/ rdzas kyi dmod pa dang gcig/ bcing ba'i dmod pa dang gnyis/ bsdu ba'i dmod pa dang gsum/ dgag pa'i dmod pa dang bzhi/ gdab pa'i dmod pa dang lnga'o// de la dang po rdzas kyi dmod pa ni/ gang pa'i rgyu bstan te/ gang la gang dgos pa rgyud kyi man ngag ltar sbyar ro// gang yang rung ba la sha'i khu bas bsings pa la/ bus pa'i sha la ri bong gi gcin gyis bsings pa lus la song na/ mig long bar 'gyur ro// phyil pa'i sha la sug pa'i khu bas bsings pa lus la song na/ sa ngan skams pa'i nang du 'gyur ro// rma bya'i sha la bya skong gi snying pos bsings la lus la song na/ kha tong / ka dza la rbad rbad yang dza dza hUM/ ces pa brgya 'am stong tshad du bya'o// mnan pa ni rus sbal gyi khog pa la khrag gi yi ge bris la mnan no// gzir ba ni tsher ma can gyi me la gzir ro// de ni las 'thu bo'o// yang dpal phyag na rdo rjes/ mdze dang / shu ba dang / dpal dang / g.yan pa dang / skya lngal dang / chu nang mig la spu nad smin ma la'o// rus me la'o// sbugs nang snga la'o// chu ba'i nad sen mo la'o// nad sna bcu la thugs dgongs mdzad do// na ga khas rbad long / nyug long / thim long / me lA dza \u0f85da/ nyad d+ha ra d+ha ra/ tshu la lig phung da dA d+ha ga/ bya gri tshe 'da' a g+ha sha ra rum rum/ sro ta kA tA yA/ na su yA/ 'brud d+ha 'dring / a d+ha kha ma la yA hUM hUM hUM hUM/ badz+ra rak+Sha aM gu sha dzaHdzaHhUM hUM phaT phaT swA hA/ de skad ces bka' stsal pas 'khor thams cad rjes su yi rang ngo // lha dang / mi dang / lha ma yin la sogs pa lha sri sde brgyad thams cad dga' zhing yi rangs te phyag 'tshal lo// nad sel bar gyur cig/ nad med par gyur cig/ thar bar gyur cig dpal phyag na rdo rje'i zhal mthong / bar gyur cig/ 'jigs pa'i bskal pa gsum las thar par gyur cig/ 'phags pa zangs mchu dmar po rno ba'i dpal dang chas pa/ ba su ta rigs drug dbang du sdud pa'o// de nas kyang bram ze'i rigs rdul du rlog par byed pa'o// zangs mchu dmar po'i gzungs rdzogs so// rgya gar gyi mkhan po dz+nyA na de ba dang / bod kyi ban de chos grub dang / lots+tsha ba ka ba b+ha bos bya tshal du bsgyur cing zhus te gtan la phab pa'o//